Parzival

Parzival Transkription des Textzeugen z Wolfram von Eschenbach Parzival-Projekt Bern Parzival-Projekt Bern Bern 22.07.24 Heidelberg Universitätsbibliothek Cod. Pal. germ. 364 z

Hs. Z (G<hi rend="sup">κ</hi>) Heidelberg, Universitätsbibliothek, Cod. Pal. germ. 364 Pergament – 152 Blätter – Format: 45,6 x 30,5 cm (Schriftraum 35 x 21 cm), zwei Spalten zu 56 Zeilen (Textura), Verse abgesetzt – erstes Viertel des 14. Jhs. – ostfränkisch (›Parzival‹) und bairisch (›Lohengrin‹) – Inhalt: Wolframs ›Parzival‹; ›Lohengrin‹ – Abschnittsgliederung durch rote Überschriften, Anfangsbuchstaben der Verse rot gestrichelt, am Beginn (Bl. 1r) sechzehnzeilige Initiale mit Randausläufer, im Buchstabenkörper Blattwerk und Kopf eines Fabelwesens ausgespart, an den Buchanfängen siebenzeilige blau-rot gespaltene Fleuronnée-Initialen, an den Abschnittsanfängen dreizeilige rote und blaue Lombarden – vgl. zur Hs. auch die Angaben im Handschriftencensus.

Leser Leser Leser Leser Leser Rubrikator Schreiber

Alle mit Name ausgezeichneten Stellen verweisen auf die Datei namen.xml, die eine Liste aller Personen- und Ortsnamen sowie eine Liste sonstiger Bezeichnungen, wie etwa Edelsteine, enthält.

"regp" verweist auf die Personennamen.

"rego" verweist auf die Ortsnamen.

"regs" verweist auf die sonstigen Bezeichnungen.

Finis-Zeichen Alinea-Zeichen de-Ligatur Lateinische Abkürung für -rum Lateinische Abkürzung für -is Lateinische Abkürzung für -et/-it Lateinische Abkürzung für -et Vgl. Cappelli, Lexicon abbreviaturarum, S. 408, Sp. a, letzte Zeile. Zeilenfüllsel Buch I Abschnitt 01.01-20.30: Autopsie von RSo im Dez. 2004 Abschnitt 21.01-58.26 transkribiert von OBA ab Farbfotos (Studio) am 20.10.2008. Abschnitt 01.01-58.26 gegengelesen von OBA ab Farbfotos (Studio) am 05.11.2008. Letzte Änderung: Umnummerierung (OBA) 14.11.2008. Buch II Abschnitt 58.27-103.14 transkribiert von OBA ab Farbfotos (Studio) am 30.10.2008. Abschnitt 103.15-116.04: Autopsie durch RSo im Dez. 2004 Abschnitt 58.27-116.04 gegengelesen von OBA ab Farbfotos (Studio) am 07.11.2008. Letzte Änderung: Umnummerierung durch OBA 14.11.2008. Buch III Abschnitt 116.05-137.30, 143.01-179.12 transkribiert von LCa ab Farbfotos (Studio) im April 2014. Abschnitt 138.1- 142.10 wurde nach den Richtlinien vom August 2002 ab einer Mikrofilmkopie transkribiert. Er wurde am digitalen Faksimile korrigiert. Autopsie durch RSo im Dezember 2004 (-138.27) Ganze Datei gegengelesen von MiGe/SFa im April/Mai 2014. Jeder erste Buchstabe eines Verses ist rubriziert. Die J-Initiale verfügt über keine Einrückung. Ist bei einem Wort die Vorsilbe vom Wortstamm so deutlich abgetrennt, daß die beiden Wortteile wie zwei einzelne Wörter erscheinen, werden diese durch einen Strich auf der Zeile (underscore) verbunden. Versbezifferungen "-b" etc. zu "-a" vereinheitlicht. CG 01.06.2015, Stellen: 175.22 Buch IV Abschnitt 179.13-223.30 transkribiert von OBA ab Farbfotos (Studio) am Oktober 2010. Buch V Transkribiert von JLa im August 2013 ab Farbfotos im Studio. Rückgelesen von MiGe im August 2013 ab Farbfotos (Studio). Buch VI Transkribiert von JLa im September 2013 ab Farbfotos (Studio). Gegengelesen von MiGe ab Farbfotos (Studio) im September 2013. Buch VII Spatien zwischen Präfix und Wortstamm werden mit Unterstrich _ gekennzeichnet. Sofern regelmäßig rubrizierter Großbuchstabe nach Initiale oder umfangreicher Lombarde folgt sowie nichtrubrizierter Kleinbuchstabe nach Lombarde, wird dies nicht gekenzeichnet. Transkribiert von CK im Juli 2015 ab Farbfotos (Studio). Korrigiert von AB im September 2015 ab Farbfotos (Studio). Buch VIII Abschnitt 398.01-432.30 transkribiert von OBA ab Farbfotos (Studio) im Juli 2011. Buch IX Transkribiert von MiGe ab Farbfotos (Studio) im Februar 2012. Gegengelesen von SFa ab Farbfotos (Studio) im März 2012. Versumstellungen korrigiert. CG 01.06.2015 Buch X Transkribiert von MiGe im Juni/Juli 2012 ab Farbfotos (Studio). Zuletzt korrigiert von JLa im Juli 2012. Buch XI Transkribiert von MiGe ab Farbfotos (Studio) im Dezember 2012 Gegengelesen von SFa ab Farbfotos (Studio) im Februar 2013 Buch XII Transkribiert von CG am 09.02.2015 ab Farbfotos (Studio). Korrigiert von CK am 16.03.2015 ab Farbfotos (Studio). Buch XIII Spatien zwischen Präfix und Wortstamm werden mit Unterstrich _ gekennzeichnet. Sofern regelmäßig rubrizierter Großbuchstabe nach Initiale oder umfangreicher Lombarde folgt sowie nichtrubrizierter Kleinbuchstabe nach Lombarde, wird dies nicht gekenzeichnet. Wasserschaden Transkribiert von CK im Oktober 2015 ab Farbfotos (Studio). Gegengelesen von AB im November 2015 ab Farbfotos (Studio). Buch XIV Transkribiert von CK im November 2015 ab Farbfotos (Studio). Gegengelesen von SiLa im Februar 2016 ab Farbfotos (Studio). Buch XV Abschnitt 750.11 bis 758.04 wurde nach den Richtlinien vom 7. Juli 2002 transkribiert (osksbu). Abschnitt 758.05 bis 774.30 transkribiert nach Farbfotos (Studio) von GVi am 27.10.03 Die restlichen Abschnitte wurden erstellt sowie überarbeitet von GVi nach Farbfotos (Studio) am 11.8.2004 Buch XVI Abschnitt 792.10 bis 799.12 wurde nach den Richtlinien vom 11. Juni 2002 transkribiert und anschliessend nach denen vom 7. Juli 2002 überarbeitet; von SBu in der Woche vom 21.7.2002 gegengelesen (osksbu) Abschnitt 799.13 bis 803.30 wurde nach den Richtlinien vom 7. Juli 2002 transkribiert (osksbu). Abschnitt 804.01 bis 808.93 wurde nach den Richtlinien vom 7. Juli 2002 transkribiert (osksbu). Die restlichen Abschnitte von Buch XV/XVI erstellt sowie alle Abschnitte Überarbeitet von GVi nach Farbfotos (Studio) am 11.8.2004 Versumstellungen korrigiert. CG 01.06.2015 Hs. Z in eine Komplettdatei überführt, Dateiköpfe zusammengestellt und virtuelle Blattangaben entfernt von CG am 29.04.2016. Buch IV gegengelesen von CG am 06.09.2016. Buch VIII gegengelesen von CG am 17.10.2016. Korrekturen durchgeführt von CG am 31.10.2016. Endredaktion I und Autopsie die Bücher I bis XIV von CG am 15.-16.03.2017. Endredaktion I der Bücher XV und XVI von CG am 11.04.2017. Autopsieergebnisse eingearbeitet nach Besprechnung mit KChlench von CG am 06.06.2017 Kollationskorrekturen durchgeführt von CG am 31.10.2017. Endredaktion II durchgeführt von CG am 16.11.2017. Alle -a entfernt am 4.12.2018 von MiGe Grundsätzlich ist jeder erste Buchstabe am Versanfang in Handschrift Z rubriziert. Diese Rubrizierungen werden in der Transkription nicht separat vermerkt. TL am 22.07.2019: Alle ct-tags entfernt. Die Verse 44.7-51.12 sowie 806.01-807.24 sind mit grosser Wahrscheinlichkeit auf mechanischen Textverlust zurückzuführen (vgl. Bonath II, S. 176). Aus diesem Grund werde die betreffenden Verse in der Nummerierung der vorliegenden Transkription nicht berücksichtigt. Alle mit roter Tinte vergenommenen Korrekturen werden ru zugeordnet. Parcefall vnd Lorangrin. Iſt zwifel hertzen nach gebvͦr Daz muz der ſele werden ſvͦr Geſmehet vnd gezieret Swo ſich parrieret Vnverzagetes mannes mvt Als agelaſter varwe tvt Der mac dannoch weſen geil Wan an im ſint beide teil Des himels vnd der helle Der vnſtete geſelle Der hat die ſwartzen varwe gar Vnd wirt ovch nach der vinſter var So habt ſich an die blanken Mit ſteten gedanken Daz fligenden biſpel Jſt tvmmen levten gar zv ſnel Sie enmugent ins niht er_denken Wan ez kan vor in wenken Reht alſam ein ſchellich haſe Zin anderhalp anme glaſe Geliht vnd des blinden trovm Die gebent antlutzes rovm Ouch mac mit ſtete niht geſin Dirre trvͤbe liehter ſchin Der machet kurtze frevde al war Wer rovft mich da nie kein har Gewuͦhs innen an miner hant Der hat vil nahen griffe erkant Sprich ich gein den vorhten och Daz ~~gelichen~~gelichet minen witzen doch Uil ich trewe vinden Al da ſie kan verſwinden Sam fevr in dem brvnnen Vnd daz towe vor der ſunnen Ouch erkant ich nie ſo wiſen man Er mohte gern kunde han Welher ſtevr diſe mere gernt Vnd waz ſie gvter lere *erntwernt Dar an ſie nimmer des verzagent Beide ſie fliehent vnd ſie iagent Sie entwichent vnd kerent Sie laſternt vnd erent Der mit den ſchantzen allen kan An dem hat witze wol getan Der ſich niht ver_ſitzet noch verget Vnd ſich anders wol ver_ſtet Valſch geſelliclicher muͦt Jſt zv dem helle fevr gvt Vnd iſt hoher werdikeit ein hagel Sin trewe hat ſo kvrtzen zagel Daz ſie den dritten biz niht kalt Fvͤr ſie mit prennen in den walt Diſe manigerſlaht vnder_bint Jedoch niht gar von mannen ſint Fvͤr die wip ſtozz ich diſe zil Swelhe minen rat merken wil Die ſol wizzen war ſie kere Jr pris vnd ir ere Vnd wem ſie dar nach ſi bereit Minne vnd ir werdikeit So daz ſie iht gerewe Jr kevſche vnd ir trewe Vor got ich guten wiben bit Daz in rehte mazze volge mit Scham iſt ein ſloz ob allen ſiten Jch endarf in niht mer heils biten Die valſchen werbent valſchen pris Wie ſtete vnd wie frvmez is Der oweſt heizze ſunnen hat Jr lop vil balde alſus ~~zvr_gar~~zvr_gat Maniges wibes ſchone an lobe iſt breit Jſt da des hertzen gunderfeit Die loben ich ſolde Daz ſaphir in golde Jch han daz niht fvr wehe dinc Swer in den cranken meſſinc Fvͤr_wurket den edlen rvbin Vnd al die auentevr ſin Dem glich ich rehten wibes muͦt Die ir wipheit reht tvt Da ſol ich *wefarwe prvfen niht ~~Noch~~Nach ir hertzen dach daz man da ſiht Jſt ſie innerhalp der brvſt bewart So iſt werder pris da niht verſchart Wold ich nu wip vnd man Zv reht prvfen als ich kan Da fvr ein langez mere mit Nv hort dirre auentevre ſit Die let vch wizzen beide Von liebe vnd von leide Frevde vnd angeſt vert da bi Nv lat min eins weſen dri Der ieglicher ſunder pflege Daz miner kunſte wider_wege Dar zv gehort wilder fvnt Ob ſie ev gerne teten kunt Daz ich ein kunden wil Sie heten arbeite vil Ein mere wil ich ev newen Daz ſagt von grozzen trewen Wipliches wibes reht Vnd mannes manheit alſo ſleht Die ſich gein herte nie gebovc Sin hertze in dar an niht betrovc Er ſtahel ſwar er zv ſtrite qvam Sin hant dar ſigelichen nam Vil manigen lobelichen pris Er kvͤne tregelichen wis Den helt ich alſus grvzze Er wibes ovgen ſvzze Vnd da bi wibes hertzen ſvht Vor miſſewende ein ware flvht Den ich hie zv han erkorn Der iſt merſhalp nach vngeborn Dem man diſer aventevr giht Vnd wunders vil des dran geſchiht Sie pflegent ſin*ſin nach als man da pflac + Swo ligt vnd valſch geriht lac Des pfligt ovch devtſcher erd ein ort Daz habt ir nach vngehort Swer ie da pflac der lande Der gebot wol ane ſchande Daz iſt ein warheit ſunder wan Daz der edler bruder ſolde han Sines vater gantzen erbeteil Daz was der ivnger vnheil Daz in der tot die pfliht brach Als in ir vater leben ver_iach Da vor was ez gemeine Svs het ez der elter eine Daz ſchvf ie doch ein wiſe man Daz alter gvt ſolde han Jvgent hat vil werdikeit Daz alter ſevftzen vnd hertzeleit Ez wart nie niht ſo vnfrvt So alter vnd armvt Kvnig grefen vnd hertzogen Daz ſag ich ev fvr *logenvngelogen Daz die da hube enterbet ſint Vntz an daz eltiſt kint Daz iſt ein fremde zeche Der kevſch vnd der ~~fre*he~~freche + Gamuret der wigant Verlos ſus bvrge vnd lant Da ſin vater ſchone Trvc ſcepter vnd krone Mit grozzer kuntlicher craft Vntz er lac tot an ritterſchaft Da clagt man in ſere Die gantzen trewe vnd ere Braht er vntz an ſinen tot Sin elter ſun fvr ſich gebot Den furſten vz ſinem riche Die qvamen ritterliche Wan ſie zv reht ſolden han Von im ~~g*z~~groz lehen ſunder wan Da ſie zv hove waren komen Vnd ir reht was vernomen. Daz ſie alle ir lehen enpfiengen Nv hort wie ſiez an_viengen Sie ſprachen als ir trewe riet Rich vnd arme gar die diet Einer kranken ernſtlicher bet Daz der kunic Gamuret Brvderlich trewe merte Vnd ſich ſelben erte Daz er in niht gar ver_ſtiezze Vnd im ſines landes liezze Hantgemelde daz moht ſehen Da von der herre muſte iehen Sines namen vnd ſiner friheit Da zv was dem kvnige niht zv leit Er ſprach ir kunnet mazze ge geren Jch wil evch des vnd fvrbaz geweren Wan nennet ir den brvden min Gamuret anſhevin Anſchowe iſt min lant Da ſie wir beide von genant Svs ſprach der kunic here Sich ſol min brvder mere Der ſteten hilf an mich ver_ſehen Dann ich ſo gahens welle ver_iehen Er ſol min ingeſinde ſin Zwar ich ev allen tvn ſchin Daz vns beide ein muter trvc Er hat wenic vnd ich genvc Daz ſol im teilen ſo min hant Daz des min ſel iht ſi pfant Vor dem der da gibt vnd nimt Vf reht in beider der gezimt Da die fvrſten riche Ver_namen alle geliche Daz ir herre trewen pflac Daz was in ein lieber tac Jegelicher im beſunder neic Gamuret niht ſweic Der volge als im ſin hertze iach Zvm kvnige er gvtlichen ſprach Herre vnd brvder min Wold ich ingeſinde ſin Ewer oder keines man So het ich min gemach getan Dar nach prvfet minen pris Jr ſit getrewe vnd wis Nv rat als ez gezihe nv Da griffet helflichen zv Niht wan harnaſch ich han Het ich dar inne mer getan Daz werdic lop brehte Eteſwo man gedehte Gamuret ſprach aber ſan Sehtzehen knappen ich han Sehs der von ſere ſint Dar zv gebt mir vir kint An guter zvht von hoher art Vor den wirt nimmer niht verſpart Des ie beiagen mac min hant Jch wil keren in die lant Jch han ovch ê ein teil gevarn Ob mich gelucke wil bewarn So er_wirb ich gvtes wibes grvz Ob ich dar nach dienen muͦz Vnd ob ich des wirdic bin So retet mir min beſter ſin Daz ich ſin mit trewen pflege Got wiſe mich der ſelden wege Wir fvͤren ~~geſelliclichen~~geſellicliche + Dannoch het ewer riche Vnſer vater gandin Vil manigen kvmmerlichen pin Wir beide dolten vmb liep Jr waret ritter vnd diep Jr kundet dienen vnd heln Wan kund ovch nu minne ſteln Owe vnd het ich ewer kunſt Vnd anderhalp die waren gvnſt Der kunic ſevft vnd ſprach Owe daz ich dich ie geſach Sint dv mit ſchimpflichen ſiten Min gantzes hertze haſt verſniten Und tuſt ob wir vns ſcheiden Min vater hat vns beiden Ver_lazzen gvtes harte vil Des ich dir ſtozze geliche zil Jch bin dir hertzenlichen holt Lieht ſtein rotez golt Levt wappen roſſ gewant Des nim ſo vil von miner hant Daz dv nach dinem willen varſt Vnd ouch din miltikeit bewarſt Din manheit iſt vz erkorn Wers dv von Gilſtram geborn Oder komen her von rantulat Jch het dich immer an der ſtat Als ich dich ſuſt wil gerne han Dv biſt min brvder ſvnder wan Herre ir lobt mich vngenot Sit ewer zvht daz gebot Dar nach tvt ewer helfe ſchin Welt ir vnd die muter min Mir teilen ewer varnde habe So ſtige ich vf vnd nindert abe Min hertze iedoch in hoͤhe ſwebet Jch enweiz war vmbez alſus lebet Daz mir ſvſt ſwillet min winſter brvſt Owe war iagt mich min geluſt Jch ſolz ver_ſvchen ob ich mac Nv nahet min vrlovbes tac Der kunic in allez werte Mer danne er gerte Fvnf orſſ erwelt vnd erkant Die beſten vber allez ſin lant Kvͤne ſtarc niht zv laz Vnd manic tevr golt vaz Vnd manigen gvldinen kloz Den kunic lvtzel des ver_droz Er fvllet im vier ſovm ſchrin Vil geſteins muſt ovch dar in Da ſie gefvllet lagen Knappen die des pflagen Waren wol gekleit vnd geriten Alda wart iamer niht ver_miten Da er fvr ſin muter gienc Vil nahen ſie in zv ir vienc Fili foris Gandin Wilt dv niht lenger bi mir ſin Da ſprach daz wipliche wip Owe nu trvc dich doch min lip Dv biſt ouch Gandins kint Jſt got an ſiner hilfe blint Oder iſt dar an betovbet Daz er mir niht gelovbet Sol ich nu newen kummer haben Mins hertzen craft han ich begraben Vnd der ſuzze miner ovgen Wil er mich fvrbaz rovben Vnd iſt doch ein rihtere So levget mir daz mere Daz man von ſiner helfe ſaget Sit er an mir iſt ver_zaget Da ſprach der iunge anſhevin Got troſt evch frowe des vater min Den ſvl wir beide gerne klagen Jch mac nieman von mir geſagen Keine clegeliche leit Jch var durch min werdikeit Nach ritterſchaft in fremde lant Frowe ez iſt mir ſuſt gewant Da ſprach die kuniginne Sit dv nach hoher minne Wendes dienſt vnd mvt Lieber ſun la dir min gvt Vf die vart niht ver_ſmahen Heizze von mir enpfahen Dinen kamerere Vier ſovm ſchrin ſwere Dar inne ligent ~~pfllle~~pfelle breit + Gantz die nie man verſneit Vnd manic tevr ſamit Svzzer man laz mich die zit Gehoren wanne dv wider kvmſt Alle minen frevden dv mir frvmſt Frowe des en_weiz ich niht Jn welhem lande man mich ſiht Wan ſwar ich von ev kere Jr habt nach ritters ere Ewer werdikeit an mir getan Ovch hat mich der kvnic lan Als im min dienſt danken ſol Jch getrew ev des vil wol Daz ir in deſter werder hat Swie halt mir min dinc ergat Als vns die auentevr ſagt Da he*het der helt vnverzagt Enpfangen durch liebe craft Vnd durch wiplich ~~g*ſelleſchaft~~geſelleſchaft Cleinode tvſent marc wert Swo nach ein ivde pfandes gert Er moht ez da fvr enpfahen Ez dorft im niht verſmahen Daz ſand im ein ſin frvndin An ſinem dienſte lac gewin Der wibe minne vnd ir grvz Doch ward im ſelden kummers bvz Vrlovp nam der wigant Muter brvder noch daz lant Sin ovge nimmer mer er_kos Dar an doch maniger vil ver_los Der ſich het an im ~~er_hant~~er_kant + E daz er wer danne gewant Ez dvht in ie mer dan genuc Durch ſin zvht er nie gewuc Mit keiner ſlahte gunſte zil Den wart von immir gedanket vil Daz ſiz teten vmbe reht Sin mut was aller dinge ſleht Swer ſelb ſagt wie wert er ſi Da iſt leiht vngelovbe bi Ez ſolden die vmbe ſezzen iehen Vnd ouch die heten geſehen Sine werc da er fremde wer So gelovbt man daz mer Gamuret der ſiten pflac Den rehte mazze wider wac Vnd ander ſchantze keine Sin rvmen daz was kleine Groz ere er lidenlichen leit Der loſe wille in gar ver_meit Doch wande der ge_fvge Daz kein krone trvge Kvnige keiſer keiſerin Der maſſenie er ſolde ſin Wan eines der die hohſten hant Trvge vf erde vber alle lant Der wille in ſinem hertzen lac Jm wart geſagt zv baldac Wer ein ſo gewaltiger man Daz im der erden vndertan Die zwei teil waren oder mer Sin nam heideniſch was ſo her Daz man in hiez den Barvch Er het an creften ſvlchen zvch Vil kunige waren ſine man Mit krontem libe vndertan Daz baruch ampt hevte ſtet Seht wie man criſten .ê. beget Zv rome als vns der tovff ver_giht Heideniſchen orden man dort ſiht Zv baldac nemen ſie ir babeſt reht Daz dunket ſie ane krvmme ſleht Der baruch in fvr ſvͤnde Gibt wandels vrkvnde Zwene brvder von babilon Pompeivs vnd ypomidon Den nam der barvch ninive Daz was aller irre vordern ê Sie taten wer mit creften ſchin Dar qvam der iunge anſhevin Dem wart der baruch vil holt Er nam nach dienſte da den ſolt Gamuret der werde man Nv erlovbt im daz er muzze han Ander wappen danne im Gandin Da vor gap der vater ſin Der herre pflac mit gernden ſiten Vf ſine covertevre geſniten Anker lieht hermin Dar nach muſt ovch daz ander ſin Vf ſinem ſchilte vnd der wat Nach grvner dan ein ſmarat Was geprvfet ſin ge_reite gar Vnd nach dem achmardi gevar Daz iſt ein ſidin lilachen Dar vz hiez er im machen Wappen roc vnd kvrſit Daz iſt pezzer danne der ſamit Hermin anker dran genet Gvldine ſeil dar an gedret Sin anker heten niht bekort Gantzes landes noch landes ort Da enwarn ſie nindert in geſlagen Der herre muſt fvrbaz tragen Diſen wappenlichen laſt Jn manige lant der werde gaſt Nach dem anker diſe mal Wan der keiner ſlahte twal Het ninder noch gebiete Wie vil er lande durch rite Oder in ſchiffen vmbe fvͤr Ob ich die warheit nach ſwuͤr So ſaget ev vf minen eit Mi*Min ritterliche ſicherheit + Als mir die auentevre Jch enhan nu gezevges Die ſit ſin menliche craft Behielt den pris in heidenſchaft Zv marroch vnd zv perſia Sin hant bezalt ovch anderſwa Zv Domaſch vnd zv halap Vnd ſwo man ritterſchaft da gap Zv arabie vnd vor arabie Daz er was gegen ſtrites frie Von einem ieſlichen man Diſen rvf er da gewan Sines hertzen nach priſe greif Jr aller tat vor im zvr ſleif Vnd was vil nahen entnihtet Svſt wart ie der berihtet Der gein im tioſtierens pflac Man iach im da zv baldac Sin ellen ſtrebt ſunder wanc Von danne fvr er gein zazamanc Jn daz kunichriche Die klagten alle geliche Jſenharten der den lip Jn dienſt ver_los vmb ein wip Des twanc in delacane Die ſvzze valſches ane Daz ſie im ir minne ie gebot Des lac er nach ir minne tot Den rachen ſine mage Offenlich vnd an der lage Die frowen twungen ſie mit her Die was mit ellenthafter wer Da gamuret qvam in ir lant Daz ir von ſchotten fridebrant Mit ſtiffes her ver_brande E daz er dannen wande Nv hort wie vnſer ritter var Daz mer warf in mit ſtvrm dar So daz er kvme ie doch genas Gein der kuniginne palas Quam er geſegelt in die habe Da wart er vil geſchowet abe Da ſach er vz an daz velt Da was geſlagen manic gezelt Al_vmbe die ſtat vntz an daz mer Da lac ein creftigez her Da hiez er fragen der mere Wes die burc were Wan ir kunde nie gewan Er noch kein ſin ſchifman Sie taten ſinen boten kvnt Sie hiezze patelamunt Daz wart im minneclich enboten Sie manten in bi irn goten Daz er in hvlfe des wer in not Sie enrvngen niht wan vmb den tot Da der iunge anſhevin Ver_nam ir kvmmerliche pin Er bot ſin dinſt vmbe gvt Als nach vil dicke ein ritter tvt Oder daz ſie im ſagten vmbe was Er ſolde dolen der viende haz Da ſprach vz einem munde Der ſieche vnd der geſunde Daz im wer al gemeine Jr golt vnd ir geſteine Des ſold er allez herre weſen Vnd er moht wol bi in geneſen Doch bedorft er lvtzel ſoldes Von arabi des goldes Het er manigen knollen braht Levte vinſter ſo die naht Waren al die von ~~zazamant~~zazamanc Bi den dvht in die wile lanc Doch hiez er herberge nemen Des moht ovch ſie vil wol gezemen Daz im die beſten gaben Die frowen dannoch lagen Zvn veſtern vnd ſahen dar Sie namen des vil rehte war Sin knappen vnd ſin harnaſch Wie daz ge_vertier was Ouch fvrt der helt milte Vf einem herminen ſchilte Jch enweiz wie manigen zobels balc Der kunigin marſchalc Hetez fvr einen anker groz Zv ſehen in lvtzel dar ver_droz Da muſten ſine ovgen i*iehen Daz er hete ge_ſehen Diſen ritter oder ſinen ſchin Daz muſt zv alexandrie ſin Da der barvch da vor lac Sinen pris da niemen wider wac Svſt fvr der mutes riche Jn die ſtat behagenliche Zehen ſovmer hiez er vazzen Die zogten hin die gazzen Da riten zweintzic knappen nach Sine bovel man dort vor erſach Gartzvn koche vnd ir knabe*knaben + Die heten ſich hin fvr erhaben Stoltz was ſin geſinde Zwelf wol geborner kinde Da hinden nach den knappen ritten An guter zvht mit ſvzzen ſiten Etlicher was ein ſarrazin Dar nach muſten ovch gedecket ſin Aht orſſ mit zendale Verdecket al zv male Daz nevnde ſinen ſatel trvc Einen ſchilt des ich e gewuc Den fvrt ein knappe vil gemeit Dar nach bi dem ſelben reit Boſvner der man ovch bedarf Ein tambvrre ſlvc vnd warf Vil hohe ſine tambvre Den herren nam vil vntvre Da riten floitierer bi Vnd gvter videler dri Den was allen niht zv gach Selb reit e*er hinden nach + Vnd ſine marnere Der wiſe vnd der mere Swaz da was volkes inne Moren vnd morinne Was beide wip vnd man Der herre ſchowen began Manigen ſchilt zvr_brochen Mit ſpern gar durch ſtochen Der was da vil gehangen fvr An die wende vnd an die tvr Sie heten iamer vnd gvft Jn die venſter gein dem lvft Was gebettet manigem wunden man Swenne er den artzet gewan Daz er doch moht niht geneſen Der was bi veinden geweſen Svs erwarp ie der vngern floch Vil orſſe man in wider zoch Durch ſtochen vnd ver_howen Manige tunkel frowen Sach er beidenthalben ſin Nach raben varwe was ir ſchin Sin wirt in minneclich enpfienc Daz im nach frevden ſint ergienc Der was ein ellens richer man Mit ſiner hant het er getan Vil manigen ſtich vnd ſlac Wan er einer porten pflac Bi dem er manigen ritter vant Die ir hende hingen in die bant Vnd den ir hovbet warn ver_bunden Die heten ſolche wunden Daz ſie doch taten ritterſchaft Sie en_heten niht lazzen ir craft Der bvrcgrafe von der ſtat Sinen gaſt da minnenclichen bat Daz er niht ver_bere Allez daz ſin wille were Vber ſin gvt vnd vber ſin lip Er fvrt in da er vant ſin wip Die gamureten kuſte Des doch in vil wenic lvſte Dar nach fur er erbeizzen ſan Da ditz was alſus getan Der marſchalc reit von im zv hant Al_da er die kuniginne vant Vnd ieſch da grozze boten brot Er ſprach frowe vnſer not Jſt mit frevden zvr gangen Den wir hie haben enpfangen Der iſt ein ritter ſo getan Daz wir zv danken immer han Vnſer goͤten die in vns brahten Daz ſie des ie gedahten Nv ſag mir vf die trewe din Wer der ritter muge ſin Frowe er iſt ein degen fier Der da riches ſoldier Ein anſhevin von hoher art Avoy wie lvtzel wirt geſpart Sin lip wo man in lazzet an Wie reht er dar vnd dan Entwichet vnd keret Die veinde er ſchaden leret Jch ſach in ſtriten ſchone Da die babilone Alexandrie loſen ſolden Vnd da die dannen wolden Den barvch triben mit gewalt Waz ir da nider wart gevalt An der tſchumpfentevre Da be_gie der gehevre Mit ſinem libe ſolhe tat Sie enheten fliehens keinen rat Dar zv hort ich in nennen Man moht in wol erkennen Daz er den pris vber manige lant Het al ein mit ſiner hant Nv ſehet wenne oder wie Vnd fvge daz er mich beſpreche hie Wir han doch fride allen diſen tac Da von der helt wol riten mac Her vf zv mir oder ſol ich dar Er iſt anders danne wir gevar Owe wan tet im daz niht we Daz het ich gerne erfunden ê Ob mirz die minen rieten Jch ſolde im ere bieten Gervcket er mir nahen Wie ſol ich in enpfahen Wer er mir dar zv wol geborn Daz min kuſſ iht ſi verlorn Frowe er iſt fvr kuniges kvnne erkant Des ſi min lip gein ev ein pfant Frowe ich ewern ~~ewern~~ fvrſten ſagen Daz ſie riche cleider tragen Vnd hie vor ev biten Biz daz wir zv ev riten Daz ſagt ovch ewern frowen gar Wan ſwenn ich nu hin nider var So bring ich ev den werden gaſt Dem ſuzzer tugenden nie gebraſt Harte wenic des ver_darp Vil behendeclichen warp Der marſchalk ſiner frowen bet Balde wart da gamuret Riche cleider dar getragen Die leit er an ſus hort ich ſagen Daz die tevr weren Anker die ſweren Von arabiſchem golde Waren drvf als er wolde Da ſaz der minnen gerndes lon Vf ein orſſ daz ein babilon Gein im durch tioſtieren reit Den ſtach er drab daz was im leit Ob ſin wirt iht mit im var Er vnd ſin ritter gar Ja des waren ſie ſin fro Sie riten mit ein ander do Vnd erbeizten vor dem palas Da manic ritter vf was Die muſten wol gekleidet ſin Sine kinder liefen vor im in Je zwei ein ander an der hant Jr herre manige frowen vant Gecleidet wunnencliche Der kuniginne riche Jr ovgen fvgeten grozze pin Da ſie geſach den anſhevin Der was ſo minnenclich ge_var Daz er entſloz ir hertze gar Ez wer ir liep oder leit Daz beſloz da vor ir wipheit Ein wenic ſie im engegen trat Jren gaſt ſie ſich kvſſen bat Sie nam in ſelb bi der hant Gein den veinden an die want Sazzens in die venſter wit Vf einen kulter von ſamit Dar vnder ein wizzez bette lac Jſt iht liehters dann_e der tac Dem glichet niht die kunigin Sie het wiplichen ſin Vnd was aber anders ritterlich Der towigen roſen vngelich Nach ſwertzer varwe was ir ſchin Jr kron ein liehter rubin Jr hovbet man dar durch wol ſach Die wirtin zv ir gaſte ſprach Daz ir liep wer ſin komen Herre ich han von ev vernomen Vil ritterlicher werdikeit Durch ewer zvht lat ev niht ſin leit Ob ich ev minen kummer klage Den ich nahen in minem hertzen trage. Min hilfe evch frowe niht irret Swaz ev wer oder wirret Swo daz wenden ſol min hant Die ſi zv dienſte dar benant Jch bin niht wan ein einic man Swer ev tvt oder hat getan Da bevt ich gegen minen ſchilt Die veinde wenic des bevilt Mit zvhten ſprach der furſte ſan Heten wir einen hovbt man Wir ſolden veiende wenic ſparn Sit fridebrant iſt hin gevarn Der loſet dort ſin eigen lant Ein kunic der hiez hernant Den er durch herlinden ſlvc Des mage tvnt im leide genuc Sie enwellent ſichs niht mazzen Er hat die helde lazen Den hertzogen hutteger Des ritters tat vns manige ſer Frumt vnd ſin geneleſchaft Jr ſtrit hat kvnſt vnd craft So hat hie manigen ſoldier Von normandie gatſchier Der wiſe degen here Ovch hat hie ritter mere Geilet vnd hoſchvraſt Vil manigen zornigen gaſt Die braht alle in ditz lant Der ſchotten kunic Fridebrant Vnd ſine genossen viere Mit manigem ſoldeniere Dort weſterhalp an dem mer Da lit yſenhartes her Mit fliezzenden ovgen Offenlich vnd tovgen Geſach ſie nimmer kein man Sie muſte iamers wunder han Jn hertzen regen in guſſe warp Sit an der tioſt ir herre ſtarp Der gaſt zvr wirtinne Sprach mit ritters ſinne Sagt mir ob irz gervchet Dvrch waz man evch ſo ſvchet Zorniclich mit gewalt Jr habt vil manigen helt balt Mich mvet daz ſi ſin verladen Mit veiende hazze nach ir ſchaden Daz ſag ich herre ſit ir ſin gert Mir dient ein ritter der was wert Sin lip was tugende ein berndez ris Der was kvne vnd wis Der trewe ein reht beklibene frvht Sin zvht wac fvr alle zvht Der was nach kevſcher danne ein wip Frecheit vnd ellen trvc ſin lip So gewuhs an ritter milter hant Vor im nie vber alle lant Jch enweiz waz vns nach ſvlle geſchehen. Des laz wir ander levte iehen Er was an falſcher fvr ein tor Jn ſwartzer varwe als ich ein mor Sin vater hiez tankaris Ein kunic der het ovch hohen pris Min frevnt der hiez yſenhart Min wipheit was vnbewart Da ich ſinen dienſt nach minne enpfienc. Da ez im nach frevden niht engienc Des muz ich immer iamer tragen Sie wenent daz ich in ſchvf erſlagen Ver_ratens ich doch lvtzel kan Swie mich des ziehen ſine man Er was mir lieber danne in An gezevc ich des niht bin Mit den ichs wol bewere nach Die rehten warheit wizzen doch ~~Mit~~Min gote vnd ovch die ſine + Er gap mir manige pine Nv hat min ſchamende wipheit Sin lon erlenget vnd min leit Dem helde er_warp min magetum An ritterſchefte manigen rvm Jch verſvht in ob er koͤnde ſin Ein frevnt daz wart vil balde ſchin Er gap durch mich ſin harnaſch Enwec daz als ein palas Dort ſtet daz iſt ein hoch gezelt Daz brahten ſchotten vf ditz velt Do daz der helt ane wart Sin lip doch wenic wart geſpart Des lebens in da nach verdroz Manige auentevr ſvht er bloz Da ditz alſus was Ein furſte protizalas Der hiez min maſſenie Vor ~~za*eheit~~zageheit der frie + Vz durch auentevre reit Da grozzer ſchade in niht vermeit Zvm foreſt mazagovc Ein tioſt im ſterben niht erlovc Die er tet vf einen kvnen man Der ovch ſin ende alda gewan Daz min frevnt yſenhart Jr ietwederre innen wart Eins ſpers durch ſchielt vnd durch den lip. Daz klag ich nach vil armez wip Jr beider tot mich immer mvet Vf miner trewe iamer blvͤt Jch enwart nie wip keines man Gamureten dovhte ſan Wie ſie wer ein heidenin Mit trewen wiplicher ſin Jn wibes hertze nie geſlovf Jr kevſche was ein reiner kovf Vnd ovch der regen der ſie be_goz Der wac der von in ovgen floz Vf ir zobel vnd vf ir brvſt Rewen pfleg was ir geluſt Vnd rehte iamers lere Sie ſagt im fvrbaz mere + Da ſvht mich von vber mere + Der ſchotten kunic mit ſinem here Der was ſins oheimes ſvn Sie enmohten mir nimmer getvn Schaden danne mir was geſchehen An iſenhart ich muz ez iehen Die frowe erſevfte dicke Durch die zeher maniger blicke Sie ſchamende gaſtlichen ſach An gamureten da ver_iach Jr ougen dem herren ſan Daz er were wol getan Sie kund ovch liehte varwe ſpehen Sie het ovch da vor geſehen Vil manigen liehten heiden Alda wart vnder in beiden Ein vil getreweliche ger Er ſach dar vnd ſie ſach her Darnach hiez ſie ſchenken ſan Getorſt ſie. das wer verlan Sie mvͤte daz er niht beleip Wan ez die ritter ie vertreip Die gerne ſprachen wider die wip Doch was ir liep ſin ſelbes lip Ouch het er ir den munt ge_geben Sin leben was der frowen leben Da ſtund er vf vnd ſprach Frowe ich tvn ev vngemach Jch kan zv lange ſitzen Daz tvn ich niht mit witzen Mir iſt vil dinſtlichen leit Daz ewer kummer iſt ſo breit Frowe gebietet vber mich Swar ir wolt dar iſt min gerich Jch dien ev allez daz ich ſol Sie ſprach herre des getrow ich ev wol Der bvrcgrefe ſin wirt Nu vil wenic des verbirt Er kuͤrtzte im die ſtunde Zv fragen er begunde Ob er wolde banchen riten Vnd ſchowet wo wir ſtriten Wie vnſer porten ſin behvt Gamuret der helt gvt Sprach er wold gerne ſehen Wa ritterſchaft da wer geſchehen Her ab mit dem helde reit Manic ritter vil gemeit Hie der wiſe dort der tumme Sie fvrten in al_vmme Fvr ſehtzehen porten Vnd beſchieden in mit worten Daz der keine wurde verſpart Sit wurde gerochen iſenhart An vns mit zorne naht vnd tac Vnſer ſtrit vil nahen gelich lac Man beſloz ir keine ſit Vns gibt vor aht porten ſtrit Des getrewen iſenharten man Die hant vns ſchaden vil getan Sie ringent mit zorne Die fvrſten wol geborne Des kuniges man von azagovc Vor ieſlicher porten flovc Ob kvner ſchar ein liehter van Ein dvrch_ſtochner ritter dran Als iſenhart den lip verlos Sin volk die wappen dar nach kos Da engegen han wir einen ſite Da ſtille wir ir iamer mite Vnſer vanen ſint bekant Daz zwene vinger vz der hant Bevtet gein dem eide Jr geſchehe nie ſo leide Wan ſit iſenhart lac tot Miner frowen frumt er herte not So ſtet die kunigin gemal Frowe belacane ſunder twal Jn einem blanken ſamit Geſniten von ſwartzer ſit Daz wir die wappen kvrn an in Jr trewe an iamer hat gewin Die ſteckent ob den porten hoch Fvr die andern ehte vnd ſuchent noch Des kvnen fridebrandes her Die getovften von vber mer Jeſlicher porte ein fvrſte pfligt Der ſich ſtrites vz bewiget Mit ſiner baniere Wir haben gatſchiere Gevangen einen grafen abe Der bevtet vns vil grozze habe Der iſt keiletes ſweſter ſvn Swaz vns der mve mac getvn Daz muz ie dirre gelten Solch gelucke kvmt vns ſelten Grvͤnes angers wenic ſandes Wol drizzic poinder landes Jſt zv ir gezelten von dem graben Da wirt vil manic tioſt er_haben Diſe mere ſeit im gar ſin wirt Ein ritter nimmer daz verbirt Ern kom durch tioſtieren fvͤr Ob der ſinen dienſt dort ver_lvr An ir die in ſande her Waz hvͤlf in dan ſin freche ger Daz iſt der ſtoltze hvteger Von dem mac ich wol ſprechen mer Sit wir hie ſin beſezzen Daz der helt ver_mezzen Je des morgens vil bereit was Vor der porten gein dem palas Ovch iſt von dem kuͤnen man Cleinodes vil ge_fvͤret dan Daz er durch vnſer ſchilde ſtach Des man fvr groz koſte iach So ez die kirre brachen drabe Er valte vns manigen ritter abe Er let ſich gerne ſchowen Jn lobent ovch vnſer frowen Swen lobent wip der wirt bekant Er hat den pris zv ſiner hant Vnd ſines hertzen wunne Da het die mvde ſvnne Jr liehten bliche hintz ir geleſen Des banchen muſte ein ende weſen Der gaſt mit ſinem wirte reit Der vant ſin ezzen al bereit JCh muz ev von ir ſpile ſagen Die wart mit zvhten fvr getragen Man dient in ritterlichen Die kunigin riche Qvam ſtoltzlich fvr ſinem tiſch Hie ſtunt der ~~der~~ reiger dort der viſch Sie was durch daz hinz im gevarn Sie wolde ſelber daz bewarn Daz man ſin pflege wol zv frvmen Sie was mit iuncfrowen kvmen Vnd kniet nider daz was im leit Mit ir ſelbes hant ſie ſneit Dem ritter ſiner ſpiſe ein teil Die frow was ires gaſtes geil Sie boten im ſin trinken dar Sie pflac ſin wol ovch nam er war Wie was ir geberde vnd ir wort Zv ende an ſines tiſches ort Sazzen ſine ſpilman Vnd anderhalp ſine kappelan Al ſchemende er an die frowen ſach Harte blodclich er ſprach Jch han mich niht ge_niet Als ir mirz frowe biet Min leben mit ſolchen eren Ob ich evch ſolde leren So ~~wert~~wer hint ſan an evch ge_gert + Ein pflegens des ich were wert So wert ir niht her abe geriten Getar ich evch des frowe biten So lat mich in der mazze leben Jr habt eren zv vil ge_geben Sie en_wold ovch des niht lazzen Da ſine kinder ſazzen Sie hiez ſie ezzen vaſte Ditz bot ſie zv eren irme gaſte Gar diſe iuncherlin Waren holt der kunigin Dar nach die frowe niht vergaz Sie gienc ovch da der wirt ſaz Vnd des wip die bvrcgrefin Den becher hvp die kunigin Sie ſprach la dir enpfolhen ſin Vnſern gaſt die ere iſt din Dar vmb ich evch beide man Sie nam vrlovp da gie ſie dan Aber hin wider fvr irn gaſt Des hertze trvc ir minne laſt Daz ſelb ovch ir von im geſchach Des ir ovge vnd ir hertze iach Die muſte ir pflihte han Mit zvhten ſprach die frowe ſan Gebiet herre wes ir gert Daz ſchaf ich wan ir ſin gewert Vnd lat ovch mich vrlovp han Wirt ev hie gvt gemach getan Des frew wir vns vber al Gvldin waren ir kertzen ſtal Vier lieht man vor ir drvf trvͤc Sie reit ovch da ſie vant genuc Sie azzen ouch niht lenger do Der herre was trovric vnd fro Er frewet ſich daz man im bot Groz ere in twanc doch ein ander not Daz was doch die ſtrenge minne Die nidert hohe ſinne Die wirtin fvr an ir gemach Harte ſchiere daz ge_ſchach Man bette dem dem helde ſan Mit flizze daz wart getan Da ſprach der wirt zvm gaſte Nv ſvlt ir ſlaffen vaſte Vnd rvet hint des wirt ev not Der wirt den ſinen daz gebot Sie ſolden dannen keren Des gaſtes ivncherren Der bette al vmbe daz ſin lac Jr hovbet dran wan er des pflac Da ſtunden kertzen harte groz Die brvnnen lieht den helt verdroz Daz ſo lanc was die naht Jn braht dicke in vnmaht Die ſwartze morinne Des landes kuniginne Er want ſich dicke als ein wid Daz im krahten gar die lid Strit vnd minne was ſin ger Nv wunſchet daz mans in gewer Sin hertze gap von ſtozzen ſchal Wan ez ritterſchefte ſwal Daz begunde dem recken Sine brvſte beide erſtrecken So die ſenwe tvt daz armbrvſt Da was zv drete ſin gelvſt Der herre ſunder ſlafen lac Biz er kos den liehten tac Der gap dannoch niht liehten ſchin Da ſolde ovch da bereit ſin Zv der meſſe ein ſin cappalan Der ſanc ſie got vnd im ſan Man trvc ſin harnaſch dar zv hant Ein reit da er tioſtieren vant Da ſaz er zv der ſtunde Vf ein orſſ daz beide kvnde Herteclichen dringen Vnd ſnellichen ſpringen Bekeric ſo manz wider zoch Sin anker vf dem helm hoch Man gein der porten fvren ſach Alda wip vnd man veriach Sie geſehen nie helt ſo wunneclich Jr gote im ſolden ſin gelich Man furte ovch ſtarke ſper da bi Wie er gezimieret ſie Sin orſſ von iſen trvc ein dach Daz was fvr ſlege des gemach Dar vf ein ander decke lac Ringe die niht ſwere wac Daz was ein grvner ſamit Sin wappen rok ſin kvrſit Was ouch ein grvͤner achmardi Der was gewurket da zv arabi Dar an ich levge niemen Sine ſchilt riemen Swaz dar zv gehorte Daz was ein vnverblichen borte Min geſteine harte tevre Gelvtert in dem fevre Was ſin bvckel rot golt Sin dienſt nam der minnen ſolt Ein ſtarker ſtrit in ringe wac Die kunigin in dem venſter lac Da bi ſazzen frowen mer Nv ſeht dort hielt ovch hvtteger Al da im e der pris geſchach Da er diſen ritter komen ſach Zv im galopieren hie Da daht er wenne oder wie Qvam diſer frantzois in ditz lant Wer hat den ſtoltzen her geſant Het ich den fvr einen mor So wer min beſter ſin ein tor Die doch von ſprvngen niht bliben Jr orſſ mit ſporn ſie beide triben Uz dem balap in den rabin Sie taten ritters ellen ſchin Der tioſt ſie ein ander niht lvgen Die ſpriezzen gein den lvften flvgen Von des ſtoltzen hvtegers ſper Ovch valte in ſines ſtrites wer Hinders orſſ vf daz gras Vil vngewent er des was Er reit vf in vnd trette in nider Des er_holt er ſich dicke wider Er tet werlichen willen ſchin Doch ſtecket in dem arm ſin Des gamuretes lantze Der ieſch die freantze Sinen meiſter het er funden Wer hat mich vber_wunden Alſo ſprach der kvne man Der ſigehafte ſprach do ſan Jch bin Gamuret anſhevin Er ſprach min ſicherheit ſi din Die enpfienc er er vnd ſante in in Des muſt er vil gepriſet ſin Von den frowen die daz ſahen Dort her begvnde gahen Von normandie Gatſchier Der ellenſriche degen fier Der ſtarken tioſtevre Hie hielt ovch der gehevre Gamuret zv andern tioſt bereit Sinem ſper was daz yſen breit Vnd der ſchaft veſte Alda werten die geſte Ein ander vngelich ez wac Gatſchier da nider lac Mit orſſ mit alle Von der tioſte valle Vnd wart betwungen ſicherheit Ez wer im liep oder leit Gamuret der wigant Sprach mir ſichert ewer hant Die was mit ellenthafter wer Nv ritet gein der ſchotten her Vnd bit daz ſie vns verbern Mit ſtrite ob ſie des wellen gern Vnd kvmt nach mir in die ſtat Swaz er gebot oder gebat Endehaft daz was getan Die ſchotten muſten ſtriten lan Da quam gevarn kailet Von dem kerte gamuret Wan der was ſiner mvmen ſvͤn Waz ſold er im da leides tvn Der ſpanol rief im nach genvc Ein ſtrvz er vf dem helme trvc Gezimiert was der man Als ich da von zv ſagen han Mit pfelle wit vnd lanc Daz gevilde nach dem helde klanc Sin ſchellen gaben gedone Er blvme an mannes ſchone Sin varwe an ſchone hielt den ſtrit Vntz an zwene die nach im wuhſen ſit Beachvrs lotes kint Vnd parcifal die da niht ſint Die waren dannoch vngeborn Vnd wurden ſit fvr ſchone erkorn Gatſchier in mit dem zovme nam Ewer wilde wirt vil zam Daz ſag ich ev vf die trewe min Vnd beſtet ir den anſhevin Der mine ſicherheit dort hat Jr ſvlt merken minen rat Vnd dar zv herre mine bet Jch han geheizzen gamuret Daz ich evch alle wende Daz lobt ich ſiner hende Durch mich lat ewer ſtreben ſin Er tvt ev craft an ſtrite ſchin Do ſprach der kunic gailet Jſt daz min nefe gamuret Fillvrois gandin Mit dem laz ich min ſtriten ſin La mir den den zovm / ich en_laz ez niht E min ovge aller erſt erſiht Ewer blozzez hovbet Daz min iſt mir betovbet Den helm er im her abe bant Gamuret mer ſtrites vant Ez was wol mitter morgen do Die von der ſtat des waren fro Die diſe tioſt er_ſahen Die be_gunden alle gahen An ir werlichen letze Er was vor in ein netze Waz drunder qvam daz was beſlagen Ein ander orſſ fvs hor ich ſagen Dar vf ſaz der werde Daz flovc vnd rurt die erde Gereht zu beiden ſiten Kvne da man ſolte ſtriten Verhalten vnd drete Waz er dar vf tete Des muz ich im fvr ellen iechen Er reit da in moren mohten ſehen Alda die lagen mit ir her Dort weſterhalp an dem mer Ein fvrſte bazalic da hiez Keinen tac daz nimmer liez Der rihſte von azagovc Sin geſlehte in dar an niht betrovc Von kuniges frvhte was ſin art Der hvp ſich ie da enwart Durch tioſten ovch fvr die ſtat Alda tet ſiner crefte mat Der helt von antſchowe Daz klagt ein ſwartze frowe Die in het dar geſant Daz in da ieman vber_want Ein knappe bot al ſunder bete Sinem herren gamurete Ein ſper dem was der ſchaft ein ror Da mit ſtach er den mor Hinders orſſ vf den griez Niht lenger er in ligen liez Da twanc in ſicherheit ſin hant Da was daz vrlevge gelant Vnd im ein grozzer pris geſchehen Gamureten begvnden ſehen Aht vanen ſweimen gein der ſtat Die er vil balde wenden bat Den kunen ſigeloſen man Dar nach gebot er in da ſan Daz er kerte nach im in Daz *tettet er wan ez muſte ſin + Gatſchier ſin komen ovch niht verbirt An dem innen wart der wirt Daz ſin gaſt was komen vz Daz er niht iſen als ein ſtrvz Vnd ſtarke flinſe verſlant Daz maht daz er ir niht vant Sin zorn be_gunde limmen Vnd als ein lewe brimmen Da brach er vz ſin eigen har Er ſprach nu ſint mir mine iar Nach grozzer tvmpheit bewant Die gote heten mir geſant Einen kvnen werden gaſt Jſt er verladen mit ſtrites laſt So. en_wil ich nimmer werden wert Waz tovc mir ſchilt vnd ſwert Er ſol mich ſchelten wer michs man Da kert er von ſinen dan Gein der porte er vaſte rvrte Ein knappe im wider_fvrte Einen ſchilt vnd vzzen vnd innen dran Gemalt als ein durch_ſtochen man Geworht in Jſenhartes lant Einen helm fvrt er an der hant Vnd ein ſwert daz Razalic Dvrch ellen braht in den wic Da was er von geſcheiden Der kune ſwartze heiden Sin lop was virric vnd wit Starp er ane tovffen ſit So erkenne ſich vber den helt balt Der alle wunder hat gewalt Da der bvrcgrefe daz er_ſach So rehte lieb im nie geſchach Die wappen er erkande Hin vz der porten er rande Sinen gaſt ſach er dort halden Den iungen niht den alden Al gernde ſtritlicher tioſt Da nam in Lafilliroſt Sin wirt vnd zoch in vaſte wider Er ſtach da mer keinen nider Lafilliroſt tſchahtelakvnt Sprach herre ir ſvlt mir machen kunt Hat betwungen ewer hant Razaligen / vnſer lant Jst kampfes ſicher immer mer Der iſt ob allen moren her Des getrewen iſenhartes man Die vns den ſchaden hant getan Sich hat ver_endet vnſer not Ein zornic got in daz gebot Daz ſie vns ſvhten mit ir her Nv iſt entſchvmpfiert ir wer Er fvrten in daz was im leit Die kunigin im wider_reit Sinen zoum nam ſie mit ir hant Sie enſtritte der finteilen bant Sin wirt in muſte lazzen Sine knappen niht vergazzen Alle tage ich wunden ſach Sit im ſin hertze ditz ſper brach Daz zoch er uz dem bvſem ſin An einer ſnvr ſidin Hin wider hienc ez der helt ſnel Fvr ſine brvſt ein blozzez vel Ez iſt nach wol mitter tac Vil min her killiriakac Jn daz her werben als ich in bite So ritent im die fvrſten mite Ein vingerlin er ſande dar Die nach der helle waren ge_var Da quamen waz da fvrſten was Durch die ſtat vf den palas Hie hat gamuret den ſig er_vohten vnd leihet ſine lehen. Da lech mit vanen hin ſin hant Von atzagovch der fvrſten lant Jſlicher was ſines ortes geil Jedoch beleip der bezzer teil Gamurete ir herren Die ſelben waren ierren Nv het portizalas Der von art ein fvrſte was Lazen ein hertzogentum Daz lech er dem den manigen rvm Mit ſiner hant beiagete An ſtrite er nie ver_zagete Lafilliroſt tſchahtelakvnt Nam ez mit vanen ſa zv ſtvnd Von atzagovc die fvrſten her Namen den ſchotten hvtteger Vnd Gatſchiern den norman Sie giengen fvr ir herren ſtan Der lie ſie ledic vmb ir bete Des dancken ſie da gamurete Hvtteger dem ſchotten Sie baten ſunder ſpotten Lat minem herren ditz gezelt Hie vmb aventevre gelt Ez zvcte vns iſenhartes leben Daz fridebrande wart gegeben Die gezierde vnſers landes Sin frevde die ſtund pfandes Er ſtet hie ſelb nach an dem re Vnvergolten dienſt im tet zv we Vf erde niht ſo gvtes was Der helm von art ein adamas Dicke vnd herte An dem ſtrite ein gvt geverte D*Do lobte huttegeres hant + Swenne er qveme in ſines herren lant Daz erz wolde er_werben gar Vnd ſenden wider wol gevar Daz tet er vnbetwungen Nach vrlovbe drungen Zvm kunige waz da fvrſten was Da rvmten ſie den palas Jn aber drungen die von zazamanc Mit grozzer fvre niht zv dranc Sie enpfiengen als ir frowe hiez Von im ir lant vnd des geniez Als ieſlichen an gezoch Die armut ir herre floch Swie ver_wuſt wer ſin lant Doch kunde Gamuretes hant Swenken ſolher gabe ſolt Sam alle bovm trvgen golt Er teilte grozze gabe Sine man ſine mage Namen von im des herren gvt Daz was der kuniginne mvt Der brovtlvft hohzit Het da vor manigen grozzen ſtrit Die wurden ſuſt zv ſvne braht Jch en_han mirs ſelb niht erdaht Man ſagt mir daz iſenhart Kvniclich beſtat wart Daz taten die in erkanden Den zins von ſinen landen Swaz der ver_gelten moht ein iar Den ſelben liezzen ſie da gar Daz taten ſie vmb ir ſelbes mvt Gamuret daz grozze gvt Sin volk hiez behalten Die munſtens ſunder walten Des morgens vor der veſte Rovmdens da gar die geſte Sich ſchieden die da waren Vnd fvrten manigen baren Daz velt herberge ſtvnd al bloz Wan ein gezelt daz was groz Daz hiez der kunic zv ſchiffe tragen Dem volke er begunde ſagen Ez wold ez fvren in azagovc Mit der rede er ſie betrovc Da was der kvne ſtoltze man Vntz er ſich vaſte ſenen began Daz er niht ritterſchefte vant Des was ſin frevde ſorgen pfant Jedoch was im daz ſwartze wip Lieber danne ſin ſelbes lip Ez en_wart nie wip geſchicket baz Der frowen hertze nie ver_gaz Jm fvr ein werde volge mite An rehter kevſche wiplich ſite Wie gamuret von der moͤrin *ſchiet. Uon ſibilie vz der ſtat Was geborn den er da bat Dannen keren zv einer wile Er het in manige mile Da vor gefvret er braht in dar Ern was niht als ein mor gevar Der marnere wiſe Sprach ir ſvltz helen liſe Vor den die da tragent daz ſwartze vel Mine koche ſint ſo ſnel Sie enmvgent vns niht ge_nahen Wir ſvllen von hinnen gahen Sin golt hiez er zv ſchiffe tragen Nv muz ich ev von ſcheiden ſagen Die naht fvr dan der werde man Daz wart verholen getan Da er tran dem wibe Da het ſie mir libe Zwelf lebentic ein kint Vaſte ment in dan der wint Die frowe in ir bevtel vant Einen brief den ſchreip ir mannes hant Jn frantzois daz ſie kunde Die ſchrift ir ſagen begvnde Hie enbevt liep ein ander liep Jch bin dirre verte ein diep Die muz ich dir durch iamer ſtelen Jch enmac dich frowe niht ver_helen Were din orden in mine ê So wer mir nach dir immer we Und han doch immer nach dir pin Werde vnſer zweier kindelin An dem antlvtze einem man gelich Zwar der wirt ellens rich Er iſt geborn von antſchowe Die minne wirt ſin frowe So wirt aber an ſtrite ein ſchovr Den vienden herter nach gebovr Wizzen ſol der ſvn min Sin an hiez Gandin Der lac an ritterſchefte tot Des vatter leit die ſelben not Der was geheizzen adantz Sin ſchilt beleip vil ſelten gantz Der was von art ein brittvn Er vnd vrpandragvn Waren zweier brvder kint Die bede alhie geſchriben ſint Daz was einer lazaliez Brikvrs der ander hiez Der zweier vater hiez mazadan Der fvr ein fein mvrgan Die hiez derdelaſhoie Er was ir hertzen boie Von den zwein quam daz geſlehte min Daz immer mer giht liehten ſchin Jegelicher ſider krone trvc Vnd heten werdekeit genuc Frowe wiltv tovfen dich Dv moht ovch nach erwerben mich Des engert ſie keinen wandel niht Owe wie balde daz geſchiht Wil er wider wenden Schier ſol ihz enden Wem hat ſin mennliche zvht Hie lazzen ſiner minne frvht Owe lieplich geſelleſchaft Sol mir nu rewe mit ir craft Immer twingen minen lip Sinem got zv eren ſprach daz wip Jch mich gerne tovfen ſolde Vnd leben wie er wolde Der iamer gap ir hertzen wic Jr frevde vant den dvrren zwic Als nach die tvrteltvbe tvt Die het ie den ſelben mvt Swenne ir an trewſchefte gebraſt Jr trewe kos ie den durret aſt Die frowe an rehter zit genas Eins ſvns der zweier varwe was An dem got wunders wart in ein Wiz vnd ſwartzer varwe er ſchein Die kuniginne kuſt in ſvnder twal Vil dicke an ſine blanken mal Die muter hiez ir kindelin Ferefiz anſhevin Der wart ein walt_ſwende Die tioſt zv ſiner hende Vil manic ſper zv brachen Die ſchilde durkel ſtachen Als ein agelaſter wart gevar Sin har vnd ovch ſin vel vil gar Nv was ez ovch vber des iares zil Daz gamuret gepriſet vil Was worden da zv zazamanc Sin hant da ſigenunft erranc Dannoch ſwebet er vf dem ſe Die ſnellen winde taten im we Einen ſidinen ſegel ſach er roten Den trvc ein kocke vnd ovch die boten Die von ſchotten fridebrant Frowen delacanen het geſant Er bat ſie daz ſie vf in ver_kvr Swie er den mac durch ſie ver_lvr Daz ſie von im geſvchet was Da fvrten ſie den adamas Ein ſwert einen halſpere zwo hoſen Hie muͤgt ir groz wunder loſen Daz im der koke wider_fvr Als mir die auentevre ſwur Sie gabenz im da lobt ovch er Sin munt der botſchefte ein wer Wer er wider komen zv ir Sie ſchieden ſich man ſeite mir Daz mer in trvge in eine habe Zv ſibilie da kert er drabe Mit golde galt der kvne man Sinem marnere ſan Vil harte wol ſin arebeit Sie ſchieden ſich daz was dem leit Zv ſpange in dem lande Den kunic er der kande Daz was ſin nefe Gailet Nach dem kert er zv dolet Der was nach ritterſchaft gevarn Da man niht ſchilde dorfte ſparn Da hiez er ovch bereiten ſich Svs wer die auentevre mich Mit ſpern wol gemalen Von grvnen zendalen Jſlichez het ein banier Dri hermin anker dran ſo fier Daz man ir iach fvr richeit Sie waren lanc vnd breit Sie reihten vaſte vntz vf die hant So mans zvm ſpers iſen bant Da niderhalp ein ſpanne Der wart dem kunen manne Hundert da bereitet Vnd wol hin nach geleitet Von ſines neven levten Eren vnd trevten Kvndens in mit werdikeit Daz was ir hertzen niht zv leit Er ſtreich ich en_weiz wie lange nach Vntz_er geſte herbergen ſach Jnme lande zv waleis Da was geſlagen vor kamfoleis Manic pavelvn vf den plan Jch ſagez ev niht von wan Gebiet ir ſo iſt ez war Sin volk hiez er vf halden gar Der herre ſante vor hin in Den klugen meiſter knappen ſin Er ſolde als in ſin herre bat Herberge nemen in der ſtat Da was im ſnellichen gach Man zoch im ſovmere nach Sin ovge nindert hvs da ſach Schilte waren ſin ander dach Vnd die wende gar behangen Mit ſpern gar vmbe_vangen Die kvnigin von waleis Geſprochen het zv kamfoleis Einen tvrnei alſo ge_zilt Des manigen zagen nach bevilt War er dem gelich werben ſiht Von ſiner hant ez niht geſchiht Sie was ein magt niht ein wip Vnd bot zwei lant vnd ir lip Swer da den pris bezalte Ditz mere manigen valte Hinders orſſ vf den ſamen Die ſolche gevelle namen Jr ſchantze wart gein flvſt geſagt Des pflagen helde vnverzagt Sie taten ~~rittens~~ritters ellen ſchin + Mit hvrtlicher rabin Wart da manic orſſ geſprenget Vnd ſwerte vil er_klenget Ein ſchifpruck an einem plan Gienc vber einen wazzers tran Mit einem tor beſlozzen Der knappe vnverdrozzen Tet ez vf als im zv mute was Dar obe ſtunt der palas Ovch ſaz die kvniginne Zvn venſtern dar inne Mit maniger werden frowen Die begunden ſchowen Waz diſe knappen taten Sie heten ſich beraten Vnd ſlvgen vf ein gezelt Vmb vnvergolten minnen gelt Wart ez ein kvnic ane. Des twanc in belacane Mit arbeit wart vf geſlagen Daz drizzic ſovmer muſten tragen Ein gezelt daz zeigte richeit Da was der plan wol ſo breit Daz ſich die ſnvͤr ſtracten dran Gamuret der werde man Die ſelben zit dort vzze enbeiz Dar nach er ſich mit flizze fleiz Wie er hofelichen qveme geriten Des enwart da lenger niht gebiten Sin knappen an den ſtunden Sine ſper zv_ſamne bunden Jegelicher funfe an ein bant Daz ſehſte fvrt er an der hant Mit einer baniere Svs qvam ge_varn der fiere Wie gamuret zu der kvnigin zv waleis qvam. Uor der kunigin wart vernomen Wie ein gaſt da ſolde komen Vz verrem lande Den nieman da er_kande Sin volk daz iſt kvrtois Beide heideniſch vnd frantzois Etzlicher mac ein anſhevin Mit ſiner ſprach ie_doch wol ſin Jr mvt iſt ſtoltz ir wat iſt klar Wol geſniten al fvr war Jch was ſinen knappen bi Die ſint vor miſſewende fri Vnd iechent wer habe gervche Ob der iht herren ſvche Den ſcheidet von ſwere Vom im fragt ich der mere Da ſagten ſie mir ſunder wanc Ez wer der kunic von zazamanc Diſe mere ſagt in gartzvn Avoy wilch ein pavelvn Ewer krone vnd ewer lant Weren da fvr niht halbez pfant Dv endarft mirs ſo loben niht Min munt hin wider dir des giht Ez mac wol ſin eines werden man Der niht mit armvte kan Alſo ſprach die kunigin Owe wenne kvmt er ſelbe drin Jr gartzvn ſi des fragen bat Hofelichen durch die ſtat Der helt begunde trechen Die flafenden wechen Die ſchilde ſach er ſchinen Die hellen buſinen Vor im mit krache gaben doz Mit wurfen vnd mit ſlegen groz Zwene tambvrte gaben ſchal Der galm vber al die ſtat hal Der don iedoch gemiſchet wart Mit floitieren vf der vart Ein reiſe not ſie blieſen Nv enſvl wir niht verlieſen Wie ir herre komen ſi Dem riten videlere bi Da legt der degen wert Ein bein fvr ſich vf daz pfert Zwen ſtifal vber blozze bein Sin munt als ein rvbin ſchein Von der rote als ob er brvnne Der was dicke vnd niht zv dvnne Sin lip was allenthalben klar Lieht reideloht was ſin har Swo man ez vor dem hvte ſach Der was ein tevr hovbet dach Grvͤne ſamit was der mandel ſin Ein zobel da vor gap ſwartzen ſchin Ob einem hemde daz was blanc Von ſchowen wart da groz gedranc Vil dicke da gefraget wart Wer da were der ritter ane bart Der da fvrte ſolich richeit Vil ſchiere wart daz mere breit Sie ſagtenz in vngelogen Da begundens vber die brvcke zogen Ander volk vnd ovch die ſine Von dem liehten ſchine Der von der kvnigin erſchein Derzvcte im neben ſich ſin bein Vf rihte ſich der degen wert Reht als ein veder ſpil daz gert Die herberge duht in gvt Alſo ſtunt des heldes mvt Sie dolt ovch wol die wirtinne Von waleis die kuniginne Nv frieſch der kunic von ſpangen Daz vf der lewen plangen Stvnt ein gezelt daz gamuret Durch des kunen Razaliges bet Beleip vor patelamunt Daz tet im ein ritter kunt Da fvr er ſpringende als ein ber Vnd was der froiden ſoldierer Der ſelb ritter aber ſprach Ewer mumen ſun ich ſach Komende als er was fier Ez ſint hvndert banier Zu einem ſchilte vf grvͤne velt Geſtozzen fvr ſin hoch gezelt Hie qvam gamuret zv waleis Die ſint ovch alle grvne Ouch hat der helt kvne Dri hermin anker lieht gemal Vf ieſlichem zendal Jſt geziemieret hie Avoy ſo ſol man ſchowen wie Sin lip den poinder irret Wie erz mit hvrte wirret Der ſtoltze kunic hardiz Der hat mit zorne ſinen fliz Nv lange vaſte an mich gewant Den ſol hie gamuretes hant Mit ſiner tioſt neigen Min ſelde iſt niht der veigen Sine boten ſand er ſan Da Gatſchier der norman Mit grozzer maſſenie lac Vnd der killiriakac Die waren da durch ſine bet Zvm pavelvn ſie mit Gailet Fvren durch geſelleſchaft Da enpfiengen ſie mit liebe craft Den werden kunic von zazamanc Sie dovht ein beiten gar zv lanc Daz ſie niht e geſahen Des ſie mit trewen iahen Da fragt er ſie der mere Wer da ritter were Da ſprach ſiner mvmen kint Vz verrem lande hie ſint Ritter die die minne iaget Vil kvner helde vnverzaget Hie hat manigen britvn Rois vtpandragvn Ein mere in ſtichet als ein dorn Daz er ſin wip hat verlorn Die artuſes muter was Ein pfaffe der wol zovber las Da mit die frowe iſt hin gewant Dem iſt artus nach gerant Ez iſt nu in dem dritten iare Daz er ſvn vnd wip verlos verware Hie iſt ovch ſiner tohter man Der wol mit ritterſchefte kan Loth von norwege Gein valſcheit der trege Vnd der ſnelle gein dem priſe Der kvne degen wiſe Hie iſt ovch Gawin des ſvn So kranc daz er niht mac getun Ritterſchaft dekeine Er was bi mir der kleine Vnd giht moht er einen ſchaft Zv brechen troſt in des ſin craft Er tete gerne ritters tat Wie frv ez ſin ger begunnen hat Hie hat der kunic von patrigalt Von ſperen einen gantzen walt Des fvre iſt da gein gar ein wint Wan die von portigal hie ſint Die heizzen wir die frechen Sie wellent durch ſchilde ſtechen Sie habent die proventzale Schilde wol gemale Hie ſint die waleiſe Daz ſie behabent ir reiſe Durch die poynder wan ſi ſin gerne Von der kraft ir landes ſie des werne Hie iſt manic ritter durch die wip Des niht erkennen mac min lip Alle die ich dir hie genennet han Wir ligen mit warheit ſvnder wan Mit grozzer fvre in der ſtat Als vns die kuniginne bat Jch ſage dir wer zv velde ligt Die vnſer were vil ringe wigt Der werde kunic von aſcalvn Vnd der ſtoltze kunic von arragvn Da iſt Cydegaſt von longroys Vnd der kunic von pvntvrteis Der heizzet brandlidelin Da iſt ovch der kune ~~leh*lin~~lehelin + Da iſt morholt von Jrland Der brichet ab vns gebe pfant Da ligent vf dem plane Die ſtoltzen alamane Der hertzoge von pravant Jſt geſtrichen in ditz lant Durch den kunic hardizin Sine ſweſter aliezin Gab im der kunic von Gaſcon Sin dienſt hat vor enpfangen lon Die ſint mit zorne hie gein mir Nv ſol ich wol ge_trowen dir Gedenke an die ſippe din Durch rehte liebe warte min Do ſprach der kunic von zazamanc Du darft mir wizzen keinen danc Waz dir mir dienſt hie zv eren tvt Wir ſvlen haben einen mvt Stet din ſtrvz ſunder veſt Dv ſolt din Sarapandrateſt Gein ſinen halben grifen tragen Min anker vaſte wirt geſlagen Durch lenden in ſins ponders hvrt Er muz ſelbe ſvchen fvrt Hinderm orſſe vf dem grizze Der vns zv ſammen liezze Jch valte in oder er valte mich Des wer ich an den trewen dich Gailet zv herbergen reit Mit grozzen frevden ſunder leit Sich hvp ein kroieren Von zwein helden fieren Von portowe tſchierlarz Vnd gvrnomantz der graharz Die tioſtierten vf dem plane Sich hvp die veſperie ſane Hie riten ſehſe dort wol dri Den fvr vil leiht ein troppel bi Sie begunden rehters tat Des enwas da kein rat. :Der Schreiber lässt zwischen den Versen 68.28 und 68.29 zwei Zeilenräume frei. Nicht ausgeführte Kapitelüberschrift! Ez was dannoch wol mitter tac Der herre in ſinem gezelt lac Da frieſch der kunic von zazamanc Daz die ponder wit vnd lanc Zv velde waren worden Al nach ritters orden Er hup ovch ſich des endes dar Mit maniger banier liecht gevar Er kert ſich niht an gehez geſchehen Er wolde muzzeclich erſechen Wie ez zv beider ſite da wer getan Sinen tepech legt man vf den plan Da ſich die poynder wurren Vnd die orſſ von ſtichen kvrren Von knappen wart vmb in rinc Da bi von ſwerten klinga klinc Wie ſie nach priſe rvngen Der klingen alſus erklungen Von ſperen was grozzen krachen da Ern dorfte nieman frage wa Poinder waren ſine wende Die worhten ritters hende Die ritterſchaft ſo nahen was Daz die frowēn vf dem palas Sahen der helde arbeit Da was der kuniginne leit Daz ſich der kunic von zazamanc Bi den andern da niht dranc Sie ſprach war iſt er komen Von dem ich wunder han vernomen Ez wart da hart gvt getan Von manigem ~~kvnem~~kvnen arm man Die doch der hohe gerten niht Als der kuniginne zil ver_giht Jr libes noch ir lande Sie gerten ander pfande Nv was ovch gamuretes lip Jn harnaſch da ſin wip Wart einer ſvn bi gemant Daz ir von ſchotten fridebrant Zv gelde ſande fvr ir ſchaden Mit ſtrite het er ſie verladen Vf erde niht ſo gvtes was Da ſchowet er den adamas Daz was ein helm dar vf man bant Einen anker da man inne vant Verwiert edel geſteine Groz niht zv cleine Daz was iedoch ein ſwere laſt Gezimiert wart der gaſt Wie ſin ſchilt gehert ſi Mit golde von arabi Ein riche bvckeln dar vf geſlagen Swere die er muſte tragen Die gab von roͤte ſolchez brehen Daz man ſich drinne het erſehen Ein zoblin anker drvnde Mir ſelben ich wol gvnde Des er het an den lip gegert Wan ez was maniger marc wert Nv was ovch Roi de frantze tot Des wip in dicke in grozze not Braht mit ir minne Die werde kuniginne Het nach im dar geſant Ob er nach wider inz lant Wer komen von der heidenſchaft Des twanc ſie grozzer liebe craft Sin wappen rok was harte wit Jch keinen ſo gvten ſit Nieman zv ſtrite fvrte Sin lenge den tepech rvrte Ob ich in geprvfen kvnne Er ſchein als ob er hie brvnne Bi der naht ein qwekkez fevr Verblichen farwe was im tevr Sin glaſt die blicke niht ver_meit Ein boſez ovge ſich dran ver_ſneit Mit golde er gebildet was Daz zvr montanie in kavcaſas Von einem velſe zarten Griffen kla die ez bewarten Vnd e*ez nach hevt alda bewarnt + Von arabi levte varnt Die er_werbent ez mit liſten da So tevres iſt nindert anderſwa Vnd fvrtens wider zv arabi Da man die grvͤnen achmardi Wurket vnd die pfelle rich Anderre wat iſt er vil vngelich Hie nimt er ſchilt vnd ſper in die hant Den ſchilt nam er zv halſe ſan Hie ſtunt ein ors vil wol getan Gewappen vaſte vntz vf den hvͦf Hie gartzvne rvffa rvͦf Sin lip ſpranc drvf wan erz da vant Vil ſtarker ſper des heldes hant Mit hvrte ver_ſwande Die poynder er zv drande Jmmer durch anderhalb vz Dem anker volget nach der ſtrvz Gamuret ſtach hinderz orſſ Portewinen de prienlaſhors Vnd ander manige werde man An den er ſicherheit gewan Waz da ge_krevtzter ritter reit Die genuzzen des heldes arbeit Die gewunnen orſſ die gap er in An im lac ir groz gewin Gelicher baniere Man fvrte gein im viere Kvne rotte ritten drvnde Jr herre ſtriten kunde An ieſlicher eins grifen zagel Daz hinderteil ovch was ein hagel An ritterſchaft des waren die Daz vorder_teil des grifen hie Der kunic von Gaſcon trvc An ſinem ſchilte einen ritter klvc Gezimiert was ſin lip Sam wol geprvfen kvnnen wip Hie kvmt gamuret vnd kvnic Gaſcon in dem ſtrite zv ſamnen. Der nam ſich vor den andern vz Da er vf dem helm erſach den ſtrvz Der anker qvam doch vor an in Da ſtach in hinders orſſ dort hin Der werde kvnic von zazamanc Vnd vienc in da wart groz gedranc Hohe fvre ſleht getennet Mit ſwerten vil gekemmet Da wart verſwendet der walt Vnd manic ritter abe gevalt Sie wunden ſich ſus hort ich ſagen Hin an den ort dort hilden zagen Der ſtrit was wol ſo nahen Daz gar die frowen ſahen Wer da mit priſe ſolde ſin Der minne ~~ger*de~~gernde Riwalin Von des ſpern ſniete ein newe leis Daz was der kvnic von loheneis Sine hurte gaben krachens ſal Morholt in ein ritter ſtal Vz dem ſatel er in fvr ſich hvp Daz was ein vngefvger h*lvp Der hiez killiriakac Von dem het der kunic lac Da vor enpfangen ſolhen ſolt Den der vallende an der erde holt Er hetz ovch da vil gvt getan Da luſt diſen ſtarken man Daz er twnge ſunder ſwert Alſus vienc er den degen wert Hinders orſſ ſtach gailetes hant Den hertzogen von pravant Der furſte hiez lemmekin Waz da taten die ſin Sie beſchvtzten in mit ſwerten Die helde ſtrites gerten Da ſtach der kunic von arragvn Den alten vtpandragvn Hinders orſſ vf die plane Der kvnic von britane Da ſtvnt blumen vil vmb in Wie gefvge ich doch bin Daz ich den werden britvneis So ſchone lege vor kamfoleis Da nie getrat vilans fvz Ob ichz ev reht ſagen muz Noch lihte nimmer daz geſchiht Ern dorfte ſin geſezzen niht Vf einem al_da er .e. ſaz Niht lange man ſin da ver_gaz Jn beſchvtten die ob im da ſtriten Da wart groz hvrten niht ver_miten. Da quam der kunic von pvntvrteis Der wart alhie vor kamfoleis Gevellet vf ſins orſſes ſla Daz er da hinder lac al_da Daz tet der ſtoltze gamurete Weta herre weta wete Mit ſtrite wurden ſie geweten Siner mvmen ſvn gaileten Den viengen pvntvrteiſe Da wart vil rvch die reiſe Da der kunic brandlidelin Wart gezvcket vo den ſin Einen andern kunic ſie viengen Da liefen vnd giengen Vil manic werder man in iſen wat Den wart da galvnt ir brat Mit treten vnd. mit kevlen Jr vel trvc ſwartze bevlen Die helde gehevre Da erwurben qwatſchevre Jch en_ſage ez ev niht fvr wehe Da wart die rewe ſmehe Die werde twanc die minne dar Manigen ſchilt wol gevar Vnd manigen geziemierten helm Des dach was worden da der melm Daz velt etteſwo geblvmet was Da ſtvnt kurtz kleine grvne gras Da vielen vf die werden man Den die ere ein teile was getan Min gir kan ſolche wunſche doln Daz ich geſezze vf dem voln Da reit der kunic von zazamanc Her dan da in nieman dranc Nach einem orſſ daz gervwet was Man bant von im den adamas Niht wan durch des windes lvft Vnd anders durch keinen gvft Man ſtrovft im ab ſin herſenier Sin munt was rot vnd fier Hie ruwet gamuret vnd ſitzet vf ein ge_ruwet roſſ. Ein wip die ich e genant ~~hant~~han Hie qvam ein ir Capelan Vnd kleiner ivncherren dri Den riten ſtarke knappen bi Zwene ſovmer giengen an ir hant Die boten het dar geſant Die kunigin amfliſe Jr kaplan was wiſe Vil ſchiere erkande er diſen man Jn frantzois er in grvzte ſan Bien ſevenvz beaſir Miner frowen vnd mir Daz iſt roin de frantze Die rvͤrt din minnen lantze Dem helde gap er in die hant Einen brief dar an er grvzzen vant Vnd ein kleinez vingerlin Daz ſolde ein war geleite ſin Wan ez enpfienc ſin frowe Von dem von antſchowe Er neic da er die ſchrift erſach Nv muget ir horen wie die ſprach Dir enbevt minne vnd ir grvz Min lip dem nie wart kvmmers bvz Sit ich diner minne enpfant Din minne iſt ſloz vnd bant Mins hertzen vnd der frevde Din minne tvt mich towevde Sol mir din minne verren So muz mir minne werren Kom wider nim von miner hant Krone ſcepter vnd ein lant Das iſt mich an erſtorben Daz hant din minne erworben Habe dir ovch zv ſoldamente Diſe riſen preſente Jn den vier ſovme ſchrin Dv ſolt ovch min ritter ſin Jn dem lande zv waleis Vor der hovpſtat zv kamfoleis Jch en rvch ob ez die kvniginne ſiht Ez enmac mir vil geſchaden niht Jch bin ſchoner vnd richer Vnd kan ovch minneclicher Minne enpfahen vnd minne geben Wiltv nach werder minne leben So habe dir mine krone Nach minne zv lone An diſen briefe er nimmer vant Sin herſnier eines knappen hant Wider vf ſin hovbet zoch Gamureten trovren floch Man bant im vf den adamas Der dicke vnd herte was Er wolde ſich arbeiten Die boten hiez er leiten Dvrch rve vnderz pavelvn Swo gedrenge was da maht er rvm Hie kvmt er wider zv ſtrite Dirre verlos der gewan Da moht erholen ſich en man Het er verſovmet ſine tat Al_hie was gnvger rat Sie ſolden tioſtieren Dort mit rotten pvnieren Sie gelovbten ſich der ſliche Die man heizzet frevndes ſtiche Heimlich gevaterſchaft Wart da zv fvrt mit zornes craft Da wart die krvmbe ſelten ſleht Man ſprach da wenic ritters reht Swer iht gewan der het im daz Ern rvchet het ſin der ander haz Sie waren vz manigen landen Die da mit ir handen Schildes ampte worhten Vnd ſchaden wenic vorhten Da wart ovch da von Gamuret Geleſtert amfliſen bet Daz er ir ritter were Ein brief ſeit im daz mere Avoy nu wart er lazzen an Ob minne vnd ellen in des man Grozze liebe vnd ſtarke trewe Sine craft im frvmt al newe Nv ſach ſie wo der kunic lot Sinen ſchilt gein der herte bot Der was vmbe nach gebant Daz werte gamuretes hant Mit hurte er den poynder brach Den kunic von arragvn er ſtach Hinderz orſſ mit dem ror Der kunic hiez tſaffilor Daz ſper was ſunder banier Da mit er valt den helt fier Er braht ez von der heindenſchaft Die ſine werten in mit craft Jedoch vienc er den werden man Die innern taten den vzzern ſan Vaſte ritent vber velt Jr veſperie gap ſtrites gelt Ez mohte ſin ein tvrnei Wan da lac manic ſper enzwei Da begunde zvrnen lehelin Svlen wir ſvs enteret ſin Daz machet der den anker tregt Vnſer entweder den andern legt Nach hevt da er vnſanfte ligt Sin hant vns vil nach angeſigt Jr hvrt gap in rvmes vil Da gienc er vzzer kindes ſpil Sie worhten mit ir henden Daz den walt be_gunde ſwenden Ditz was gelich ir beider ger Sper_a herra ſper_a ſper Da muſte dulden lehelin Einen ſchemlichen pin Jn ſtach der kunic von zazamanc Hinderz orſſ wol ſpers lanc Daz in den ror geſchiftet was Sin ſicherheit er an ſich las Doch leſe ir ſenfter ſvſſe birn Swie die ritter vor im nider rirn Der kriege da vil maniger wielt Swer vor ſiner tioſte hielt Hie kvnet der anker fia fi Engegen qvam im gehvrt bi Ein fvrſte vz antſchowe Die trewe was ſin frowe Mit vf kerter ſpitze Daz lert in iamers witze Diſe wappen er erkande War vmb er von im wande Wolt ir ich beſcheide evch des Sie gap der ſtoltze galoes Filliroi Gandin Der vil getrewe brvder ſin Da vor e die minne im erwarp Daz er an einer tioſt ſtarp Man bant im abe ſinen helm Wederz gras noch ~~dem~~den melm + Sin ſtrit da nimmer bante Groz iamer in des mante Mit ſinem ſinne er beiagete Dar vmbe er niht fragete Gaileten ſiner mvmen ſvn Was ſin brvder wolde tvn Daz er niht tvrnierte hie Da enweſte lrer leider rehte wie + Er ſtarp vor mvnthori Da vor was im ~~eim~~ein kvmmer bi Des twanc in werde minne Einer richen kuniginne Die qvam ovch ſit nach im in not Sie lac an klagenden trewen tot Wie gamuret wer ovch mit klage Doch het er an dem halben tage Ge_frvmt ſo vil der ſper enzwei Were worden der tvrnei So wer ver_ſwendet der walt Geferwet hundert im waren gezalt Die gar ver_tet fiere Sine liehten baniere Waren den kroierern worden Daz was wol in ir orden Da kert er gein dem pavelvn Der kuniginne garzvn Hvp ſich nach vf die vart Der tewer wappenrok im wart Dvrch_ſtochen vnd durch_howen Den trvc er fvr die frowen Er was von golde dannoch gvt Er gleſte als ein glvende glvt Dar an kos man richeit Da ſprach die kuniginne gemeit Dich hat ein werdez wip geſant Bi diſem ritter in ditz lant Nv mant mich die fvge min Daz die andern iht verkrenket ſin Die auentevre brahten dar Jeſlicher nem mins wunſches war Wan ſie ſint mir alle ſippe Von dem adames rippe Doch wenet gamuretes tat Den hohſten pris erworben hat Hie hat der ſtrit ein ende Die ander taten ritterſchaft Mit ſo gewanter zornes craft Daz ſiez wielken vaſte in die naht. Die innern heten die vzzern braht Mit ſtrite vntz an ir pavelun Wan der kunic von aſcalvn Vnd morholt vnd irlant Durch die ſnvͤr in wer gerant Da wart gewunnen vnd verlorn Genvge heten ſchaden erkorn Die andern pris vnd ere Nv iſt zit daz man ſie kere Von ein ander . nieman hie geſiht Sie enwert der pfander lichtes niht Swer ſolde ouch vinſterlingen ſpilen Ez moht die mvden ovch bevielen Der vinſter man da gar ver_gar Da min her gamuret dort az Als ez wer tac des was ez niht Da warn aber vngefvge lieht Von kleinen kertzen manic ſchovp Geleit vf oͤlbovme lovp Vnd manic kvlter riche Geſtrecket flizzicliche Dafvr manic tepech breit Die kunigin an die ſnuͤre reit Mit liehten iuncfrowen Sie wolden gerne ſchowen Den werden kunic von zazamanc Mvder ritter vil nach ir dranc Die tiſchlachen waren ab genomen E ſie vnderz pavelvn weren komen Der wirt ſpranc vf vil ſchiere Vnd gevangener kvnige viere Vnd ouch etſlich fvrſten mite Er enpfienc ſie nach zvhte ſite Er geviel ir wol da ſie in geſach Die kunigin mit frevden ſprach Jr ſit hie wirt da ich evch vant So bin ich wirtin vberz lant Gervht irs daz ich evch kvſſen ſol Daz iſt mit minem willen wol Ewer kvſſ ſol weſen min Svllen diſe herren gekuſſet ſin Sol kunic oder fvrſte des enbern So getar ichs von ev niht gegern Sie ſprach daz ſol ovch geſcheen Jch en_han ir keinen e geſehen Sie kuſten alle die ſin waren wert Des het gamuret gegert Er bat ſitzen die kuniginne Min herre brandelidelin Mit zvhten zv der frowen ſaz Grvͤne ſemden von towe naz Dvnne vf den tepech was geſtrevt Dar vf ſaz des ſich hie frevt Die werde waleiſinne Sie twanc iedoch ſin minne Er ſaz vor ir ſo nahen nider Daz ſie in begreif vnd zoch in wider Anderhalp hin an ir lip Sie was ein magt niht ein wip Die in ſo nahen ſitzen liez Nv mugt ir horen wie ſie hiez Die kunigin herzelovde Vnd ir baſe ritſchovde Die het der kunic Gailet Des mumen ſvn was gamuret Frowe herzelovde gap den ſchin Wern erloſchen gar die kertzen ſin Da wer doch liehtes von ir genvc Wan daz groz iamer vnder ſlvc Die hohe an ſiner frevde breit Sin minne wer ir vil bereit Sie ſprachen grvz nach zvhten kvͤr Bi einer wil giengen ſchenken fvͤr Mit gezirde von azagovc Dar an groz richeit nieman trovc Die trvgen iuncherren in Daz mvzzen tevr nepfe ſin Von edlem geſteine Wit niht zv kleine Sie waren alle ſunder golt Daz was des landes zinſes ſolt Den iſenhart vil dicke bot Frowen belacan fvr grozze not Man bot in daz trinken dar Jn manigem ſteine wol ge_var Smaragde vnd ſardin Etzlicher was ein rvbin Fvr daz pavelun da reit Zwene ritter vf ir ſicherheit Die warn hin vz gevangen Vnd qvamen dar in gegangen Daz was einer Gailet Der ſach den kunic gamuret Sitzen ſam er were vnfro Do ſprach er wie gebars dv ſo Din pris iſt doch da fvr er_kant Frowen herzelovden vnd ir lant Hat din lip errungen Des iehen dir gar die zvngen Ez ſi britvn oder irſch man Oder wer hie weliſch kan Frantzois oder pravant Die iehent vnd volgent diner hant Daz dir an ſo gewanten ſpilen Geliche nieman muge gezilen Des beſee ich hinne den waren brif Din craft mit ellen da niht ſlif Da diſe helde qvamen in not Der hant nie ſicherheit gebot Der ſtoltze brandeliedelin Vnd ovch der kvͤne lehelin Hardiz vnd tſchaffilor Owi razzalic der mor Dem dv vor patelamunt Tete ouch fiantze kunt Des gert din pris an ſtrite Der hohe vnd ovch der wite Min frowe mac wenet dv tobeſt Daz du mich alſo lobeſt Du enmaht min doch verkovfen niht Wan etſwer wandel an mir ſiht Din munt iſt lobes zv vil ver_nomen Sage wie bis dv wider komen Die werde diet von purturteis Hant mich vnd diſe tſchamponeis Lazzen ledic vber al Morholt der minen nefen ſtal Von dem ſol er ledic ſin Man min herre blandelidelin Werden ledic von diner hant Wir nach anders ~~pfant~~beide pfant Jch vnd miner ſweſter ſvn Dv ſolt an vns genade tvn Hie iſt ein veſperie er_liden Dar turnieren wirt vermiden An dirre zit vor kampfoleis Die rehten warheit ich des weiz Wan die vzzer herte ſitzet hie Sprich wa von oder wie Sie an an vns mohten verhalden Dv muſt vil priſes walden Die kunigin ſprach zv gamuret Von hertzen eine ſvzze bet Waz mines rehten an ev ſi Da ſvlt ir mich lazzen bi Dar zv min dienſt genaden gert Wird ich der beider hie gewert Svl wir daz pris verkrenken So lat mich fvder ſchenken Der kunigin ampfliſen Der kevſen vnd der wiſen Vf ſpranc balde ir kappelan Er ſprach in ſol zv rehte han Min frowe die mich in ditz lant Nach ſiner minne hat geſant Sie lebt nach im ins libes zer Jr minne hat an im gewer Sie ſol behalten ſinen lip Wan ſie iſt im holt fvrt alle wip Hie ſint ir boten furſten dri Kint vor miſſewende fri Der heizzet einer lantzidant Von hoher art vz grvne lant Der iſt her zv karlingen komen Vnd hat die ſprache an ſich genomen Der ander heizzet lyandarz Filluchvns tſchielarz Wer der dritte were Des ſeit er ovch mere Des muter hiez beaflvrs Vnd ſin vater panſamvrs Die waren von feien art Daz kint hiez liahturteltart Die liefen alle drev fvr in Sie ſprachen herre haſtv ſin Dir zelt rein de frantze Der werden minnen ſchantze So maht dv ſpilen ſunder pfant Din frevde iſt ledic kummers zv hant Die botſchaft was ovch ver_nomen Gailet der e was komen Saz der kuniginn vnders mandels ort. Sie ſprach hintz im diſe wort Sag an iſt dir iht mer geſchehen Jch han ſlege an dir geſehen Da begreif im die gehevre Sine qvatſchevre Mit irn linden henden wiz An den lac der gotes fliz Da was im geamiſiert Vnd ſere zv qvatſchiert Hvffel kinne vnd an der naſen Er het der kvniginne baſen Die dieſe ere an im be_gienc Daz ſie in mit handen zv ir gevienc Sie ſprach nach zvhte lere Hint zv gamurete mere Die werde frantzoiſinne Ev bevt vaſte ir minne Nv eret an mir alle wip Vnd lat zv rehte minen lip Sit hie vntz ich mine reht genem Jr lazzet anders mich in ſchem Daz lobt ir der werde man Sie nam vrlovp da fvr ſie dan Sie hvp Gailet der degen wert Svnder ſchamel vf ir pfert Vnd kerte wider von ir in Alda er vant die frevde ſin Er ſprach zv hardize Ewer ſweſter aliſe Min minne enbot die nam ich da Die iſt nu beſtat anderſwa Vnd wirdeclicher danne zv mir Dvrch ewer zvht lat zornes gir Sie hat der fvrſte Lemmekein Alſo ſvͤl ſie niht gekronet ſin Sie hat doch werdikeit bekant Henegev vnd Prabant Jr dient manic ritter gvt Kert mir zv grvzzen ewern mvt Lat mich in ewern hvlden ſin Vnd nemt hin wider den dienſt min Der kunic von Gaſcon da ſprach Als im ſin menlich ellen iach Ewer rede was ie ſvzze Swer evch dar vmbe grvzze Dem ir groz laſter habt getan Der woldez iedoch durch vorhte lan Mich vienc ewer mumen ſvn Der enkan an nieman miſſe tvn Jr werdet wol ledic von gamuret Daz ſol ſin min erſte bet Swenne ob ir vnbetwungen ſit So gelebt min dienſt wol die zit Daz ir mich zv frvnde nemt Jr moht evch nv wol han verſchemt Waz halt mir von ev geſchiht Mich enſlvge doch ewer ſweſter niht Der rede ſie lahten vber al Da wart getrvbet in der ſchal Den wirt ſin trewe mente Daz er ſich wider ſente Wan iamer iſt ein ſcharfer gart Jr ieſlicher innen wart Daz ſin lip mit kummer ranc Vnd alle ſin frevde was zv kranc Da zvrnde ſiner mumen ſvn Er ſprach dv kanſt vnfvge tvn Nein ich muz bi trewen ſin Jch ſene mich nach der kunigin Die ich liez zv patelamunt Von der iſt mir min hertze wunt. Jn reiner art ein ſvzzez wip Jr werde kevſche minen lip Nach ir minne iamers mant Sie gap mir levte vnd lant Mich tvt frowe belakane Menlicher frevden ane Ez iſt iedoch vil menlich Swer minnen wankes ſchamt ſich Der frowen hvt mich vf bant Daz ich niht ritterſcefte vant Da wand ich daz mich ritterſchaft Neme von vngemuͤtes craft Der han ich hie ein teil getan Nv wenet manic vnwiſer man Daz mich ir ſwertze iaget dan Die ſach ich fvr die ſunnen an Jr wiplich pris mir fvget leit Sie iſt ein bvckel ob der werdekeit JCh muz einz vnd ander klagen Jch ſach mines brvder wapen tragen Mit vf kertem orte Owe mir dirre worte Daz mere wart da iemerlich Von wazzer worden die ovgen rich Dem werden ſpanole Ey kvnigin amfole Durch din minne gap den lip Galoes den alle wip Von hetzen clagen ſolden Mit trewen ob ſie wolden Da ir ſite brehte Lop da mans gedehte Kvniginne von averre Wie wenic ez dir werre Den mac ich doch durch dich verlos Der ritterlichen ende kos Von einer tioſt die in ſlvc Daz er din kleinode trvc Fvrſten die geſellen ſin Tvnt hertzelicher klage ſchin Sie hant ir ſchildes breite Nach iamers geleite Zvr erde*erde gekeret + Groz trvren ſie daz leret Alſus tunt ſie ritterſchaft Sie ſint verladen mit iamers craft Sit galoes miner mvmen ſvn Nach minnen dienſt niht ſolde tvn Da er gefrieſch des brvder tot Daz die ander ~~not~~hertzen not Mit iamer ſprach er diſe wort Wie hat nu mins ankers ort Jn rewe er_griffen landes habe Der wappen tet er ſich doch abe Groz rewe im kvmmers iach Der helt vz ~~ian~~waren trewen ſprach Von antſchowe galoes Fvrbaz darf nieman fragen des Ez en_wart menlicher zvht Geborn der waren milte frvht Vz ſinem hertzen blvte Nv erbarmt dich min gvte Er ſprach zv Gailet Wie gehabt ſich thſchvet Min muter frevden arme So daz ez got erbarme Da ir er_ſtarp gandin Vnd galoes der brvder din Vnd da ſie din bi ir niht ſach Der tot ovch ir hertze brach Do ſprach der kunic hardiz Nv keret an manheit ewern fliz Ob ir manheit kvnnet tragen So ſvllet ir leit zv mazzen klagen Da was ſin kummer al zv groz Ein gvſſe im von den ovgen floz Er ſchvf den rittern irn gemach Vnd gienc da er ſin kamer ſach Ein wenic gezelt von ſamit Die naht er dolte iamers zit Des morgens da der tac erſchein Sie wurden alle gelich in ein Die inren vnd daz vzzer her Daz da was mit ſtritlicher wer Sie weren ivnc oder alt Oder blode oder balt Sie enſolden tioſtieren niht Da ſchein der mitten morgen lieht Sie warn mit ſtrite alsſo ver_riben Vnd die orſſ mit ſporn alſo ver_triben Daz alle die frechen ritterſchaft Dannoch twanc der mvde craft Die kuniginne reit da ſelbe Nach den werden hin zv velde Vnd fvrt ſie mit ir ſtat Die beſten ſie da inne bat Daz ſie zvr leo_plane riten Da enwart ir bet niht ver_miten Sie fvren da man meſſe ſanc Dem trvrigen kunige von zazamanc Da der beneditite wart getan Frowe herzelovde qvam da ſan An gamuretes lip ſie ſprach Vnd gerte als ir die volge iach Da ſprach er frowe ich han ein wip Die iſt mir lieber danne der lip Ob ich der ane were Dannoch weſt ich ein mere Da mit ich ev enbreſte gar Nem ieman mins rehtes war JR ſvlt die morinne Lan durch min*min minne Des tovfes ſegen hat bezzer craft Nv anet evch der heidenſchaft Vnd minnet nach vnſer e Wan mir iſt nach ewerr minne we Oder ſol mir gein ev ſchade ſchin Der frantzoiſer kvnigin Jr boten ſprachen ſvſſe wort Vnd ſpilten ir mere vntz in den ort Ja die iſt min ware frowe Jch braht in antſchowe Jr rat vnd miner zvhte ſite Mir wont nach hevte ir helfe mite Davon daz mich min frowe zoch Die wibes miſſewende floch Wir waren kinder beide do Vnd doch zv ſehen ein ander fro Die kunigin amfliſe Want an wiplichem priſe Mir gap die gehevre Vom lande die beſten ſtevre Da greif ich williclichen zv Jch was da ermer danne nv Man zelt mich doch fvr die armen Jch ſold evch frowe erbarmen Mir iſt min werder brvder tot Durch ewer zvht lat mich an not Lat mich den lip niht lenger zern Sagt an wa mit ir evch wolt wern Jch ſage nach ewerre frage ger Ez wart ein tvrnei da her Geſprochen des enwart hie niht Manic ge_zevc mir des giht Den hat ein veſperie erlemt Hie ſint die frechen ſo gezemt Daz der turnei da von ver_darp Ewerre ſtet wer ich warp Mit den ditz gvt hie hant getan Jr ſvlt mich not rede erlan Er tet hie manic ritter baz Ewer reht iſt gein mir laz Niht wan ewer gemeiner grvz Ob ich den von ev enpfahen muz Als vns die auentevre ſagt Do nam der ritter vnd die magt Einen rihter vber der frowen clag Do nahet ez den mittem tage Man ſprach ein vrteil dazv hant Welich ritter helm ie vf gebant Der her durch ritterſchaft was komen Hat er den pris hie genomen Den ſol die kuniginne han Dar nach die volge wart getan Do ſprach ſie herre nu ſit ir min Jch tun ev vnd hulde ſchin Vnd fvͤge ſolher frevden teil Daz ir nach iamer werdet geil Er het iedoch von iamer pin Nv was des abrillen ſchin Zvr gangen dar nach komen was Kvrtz cleinez grvnez gras Daz velt was gar ver_grvnet Daz bloͤde hertze kvnet Vnd in gibt hoch gemute Vil bovme ſtunt in blvte Von dem ſvzzen lvft des meyen Sin art von der feien Muſt minnen oder minnen gern Des wold in ſin frevndin gewern An frowen herzelovden er da ſach Sin ſvzzer munt mit zvhten ſprach Frowe ſol ich mit ev geneſen So lat mich ane hvte weſen Wan ver_let mich immer iamers craft So tet ich gerne ritterſchaft Lazzet ir niht tvrnieren mich So kan ich nach den alten ſlich Als da ich minem wibe entran Die ich ovch mit ritterſchaft gewan Da ſie mich ovch von ſtrite bant Jch liez ir levte vnd lant Sie ſprach herre nemt ev ſelb ein zil Jch laz ev ewers willen vil Jch wil frvͤmen nach vil der ſper enzwei. Aller menlich ein tvrnei Des ſvlt ir frowe rvchen Daz ich den mvzze ſvchen Ditz lobt ſie wart mir geſagt Er enpfienc die lant vnd ouch die magt. Diſe dri iuncherlin Amfliſen der kunigin Hie ſtunden vnd ir caplan Da volg vnd vrteil wart getan Der pfaffe ez horte vnd ſach Heimlich er zv gamureten ſprach Man tet miner frowen kunt Daz ir vor patelamunt Den hohſten pris behielt Vnd da zweier krone wielt Sie hat ovch lant vnd gvt Vnd git ev lip vnd mut Da ſie mir gap die ritterſchaft Da muſt ich nach der ordens craft Als mir daz ſchildes ampt ſaget Der bi beliben vnverzagt Wan daz ich ſchilt von ir gewan Ez wer nach anders vngetan Jch werde des trvric oder geil Mich behabt hie ritters vrteil Wart wider ſagt ~~hie~~ir dienſt min Jch ſvͤl iedoch ir ritter ſin Ob mir alle crone weren bereit Jch han nach ir min hohſtez leit Er bot in ſine grozze habe Siner gabe taten ſie ſich abe Die boten fvren zv lande Gar an irr frowen ſchande Sie engerten vrlovbes niht Als liht in zorne nach geſchiht Jr knappen fvrſten diſe kint Waren von weinen vil nach blint Die den ſchilt verkert da han getragen. Den begund ir frevnt zv velde ſagen. Frow herzelovde die kunigin Hat behabt den anſhevin Wer was von anſchowe da Vnſer herre was leider anderſwa Durch ritters pris zv ſarrazzin Daz iſt nu vnſer hohſte pin Der da den pris hat bezalt Vnd manigen ritter ab gevalt Vnd der ſo ſtach vnd ſlvc Vnd der tevren anker trvc Vf dem helme lieht geſteint Daz iſt daz ~~ist~~ir da meint Vnd ſagt vns der kunic gailet Der anſhevin wer gamuret Dem ſie da wol gelungen Zvn orſſen ſie da ſprungen Jr wat wart von den ovgen naz Da ſie qvamen da ir herre ſaz Sie enpfiengen in er enpfienc ouch ſie. Frevde vnd iamer daz was hie Da kuſt er die getrewen Er ſprach evch ſol niht rewen Zvnmazzer wiſe der brvder min Jch mac evch wol ergetzen ſin Kert vf den ſchilt nach ſiner art Vnd habt evch an der frevden vart Jch wil mins vater wappen tragen Sin lant min anker hat beſlagen Der anker iſt ein rechen zil Den trage vnd neme wer da wil JCh muz nu leblich Gebarn wan ich bin rich Wan ſold ich volkes herre ſin Dem tet we der iamer min Frowe herzenlovde nu helf mir Daz wir biten ich vnd ir Kvnige vnd fvrſten die hie ſin Daz ſie durch den dienſt min Beliben vntz ir mich gewert Des minnen werc zvr minne gert Die bet warp ir beider munt Die werden lobtens ſa zv ſtunt Jeſlicher fvr an ſinen gemach Die kunigin zv ir frevnden ſprach Nv halt evch an mine pflege Sie weſten heimliche wege Siner geſte pflac man wol zv frvmen Swar halt der wirt were kvmen Daz geſinde wart ge_meine Doch fvr er da al eine Wan zwei ivncherrelin Junckfrowen vnd die kunigin Jn fvrten da er frevde vant Vnd allez ſin trvren gar verſwant Entſchvmpfiert wart ſin rewe Vnd ſin hoch gemvte al newe Daz muſt ie doch vor liebe ſin Frowe herzelovde die kunigin Jr magetum da ane wart Die muͤnde waren vngeſpart Die begunden ſie mit kuſſen zern Vnd dem iamer von den frevden wern. Dar nach er ein zvht begienc Sie wurden ledic die er da vienc Hardiz vnd Gailet Seht die ver_ſvnde gamuret Da ergienc ein ſolich hochzit Swer der hat gelichet ſit Des hant iedoch gewaltes pflac Gamuret ſich des bewac Sine habe die was vngeſpart Arabiſch golt geteilet wart Armen rittern al gemein Vnd den kunigen edel geſtein Teilte gamuretes hant Vnd ouch ſwaz er da fvrſten vant Da wart daz varnde volk geil Sie enpfiengen richer gabe teil Lat ſie riten da di geſte ſin Den gap vrlovp der anſchevin Daz pantel daz ſin vater trvc Von zobel vf ſine ſchilt man ſlvc Al cleine wiz ſydin Ein hemde der kunigin Als ez rvrte ~~ſine~~iren blozzen lip Die nu worden was ſin wip Daz was ſins halſperges dach Ahtzehene man durch ſtochen ſach Vnd mit ſwerten gar zvr howen Er ſchiet von der frowen Daz legt ouch ſie an blozze hvt So qvam von ritterſchaft ir trvt Der manigen ſchilt vil durkel ſtach Jr zweier minne trewen iach Wie gamuret fvr vber mer vnd da ſtarp. Er het werdekeit genuͦc Da in ſin menlich ellen trvc Hin vber gein der herte Mich iamert ſiner verte Jm qvam die ware botſchaft Sin herre der barvch wer mit craft Vber riten von den babylon Einer hiez ipomidon Der ander pompeirvs Den nennet die aventevr ſvs Daz was ein ſtoltz werder man Niht der von rom entran Julius da bevor Der kunic nabuchodonſor Siner muter brvder was Der an trvgelichen bvchen las Er ſolde ſelbe ſin ein got Ez wer nu der leute ſpot Jr lip ir gvt was vngeſpart Die gebrvder waren von hoher art Vo Ninus der gewaltes pflac E wurde geſtiftet baldac Der ſelbe ſtiftet ovch ninive Jn tet ſchade vnd laſter we Der iach der barvch zv vrborn Des wart gewunnen vnd verlorn Genuc zv beiden ſiten Man ſach die helde ſtriten Da ſchiffet er ſich vber mer Vnd vant den barvch mit wer Mit frevden er enpfangen wart Wie mich iamert ſiner vart Waz da geſchehe wie ez dort erge Gewin vnd flvſt wie daz geſte Des enweiz frowe herzelovde niht Die was alſo die ſunne lieht Vnd hete minnenclichen lip Richeit bie iugent pflac daz wip Vnd frevden mer danne zv vil Sie was gar ob dem wunſches zil Sie kerte ir hertze an gvte kunſt Des beiagt ſie der werlde gunſt Frowe herzelovde die kunigin Jr hertze an lobe vant gewin Jr kevſche was fvr pris erkant Kvnigin vber dri lant Waleis vnd anſhowe Dar vber was ſie frowe Sie trvc ovch crone zv norgals Jn der hovpſtat zv kingrvals Jr was ovch ſo liep ir man Ob ie kein frowe mer gewan So werden frevnt waz wart ir daz Sie moht ez wol lazzen ane haz Da er vzze beleip ein halbez iar Sins komens warte ſie fvr war Daz was ir lip gedinge Da braſt ir frevden klinge Mitten in dem hefte enzwei Owe vnd heya hey Daz gvͤte alſolhen kvmmer tregt Alſus vert die menſheit Hevte frevde morgen leit Die frowe vmb einen mitten tac Eins engeſtlichen ſlafes pflac Jr qvam ein vorhtlicher ſchric Sie dvht wie ein ſterne blic Sie gein lvften fvrte Daz ſie mit creften rvrte Manic fevrin doner ſtrale Flvgen al zv male Gein ir da ſvncte vnd ſanc Von ganſtern ir zopfe lanc Mit krachen gap der doner doz Brinnende zeher was ſin floz Jr lip ſie dar nach wider vant Da zvcte ein grife ir zeſwen hant Daz wart verkert hie mit Sie dvht wunderliche ſit Wie ſie wer eines wurmes amme Daz ſit zvr fvrte ir wamme Vnd wie ein trache ir brvſte ſvͤge Vnd daz der gahes von ir flvge So daz ſie in nimmer geſach Daz hertze ir vz dem libe brach Die vorhte muſten ir ovgen ſehen Ez iſt ſelten wibe mer geſchehen Jn ſlafe kvmmer dem gelich Da vor was ſie ritterlich Ach wenke daz wirt ver_keret gar Sie wart nach iamer gevar Jr ſchade wirt lanc vnd breit Jr nahent komende hertzenleit Die frowe do begonde Des ſie da vor niht konde Beide zabeln vnd wuffen Jn ſlaffe lvte rvffen Vil iuncfrowen ſazzen hie Vnd ſprungen dar vnd wecten ſie Da qvam ritten tampanis Jr mannes meiſter knappen wis Vnd cleiner iuncherrlin vil Da gienc ez vz der frevden zil Sie ſagten clagende irs herren tot Des qvam herzelovde in not Sie viel hin vnverſunnen Die ritter ſprachen wie iſt gewunnen Min herre in ſinem harnas So wol gewappent er was Swie den knappen iamer iagt Den helden er doch ſagt Mins herren leben lenge floch Sin herſnier er von im zoch Des twanc in ſtarke hitze Gevnerte heidens witze Hat vns verſtoln den helt gvt Ein ~~ritters~~ritter bockes blvt + Genomen in ein langez glas Daz ſluc er vf den adamas Da wart er weicher danne ein ſwamp Den man nach malt fvr ein lamp Vnd daz crvtze in ſine clan Den erbarme daz da ſi getan Da ſie mit ſcharn zv ein ander riten Avoy wie da wart ge_ſtriten Des barvches ritterſchaft Sich werte wol mit ellens craft Vor baldac vf dem gevilde Durch ſtochen wart vil ſchilde Da ſie zv ein ander gahten Die poynder ſich da flohten Sich wurrer die banier Da vil manic degen fier Da worht al_da mines herren hant Da von ir aller pris ver_ſwant Da qvam gevarn ipomidon Mit tode er minem herren lon Gap daz er in nider ſtach Daz manic tvſent ritter ſach Vor alexandrie Min herre valſches frie Gein dem kunige kerte Des tioſt in ſterben lerte Sinen helm verſneit des ſperes ort Durch ſin hovbt wart gebort Daz man den drvntzvn drinnen vant Jedoch geſaz der wigant Al_tobender vz dem ſtrite reit Vf einem plan der was breit Da qvam vber in ſin caplan Er ſprach mit kvrtzen ſan Sine bihte vnd ſande her Ditz hemde vnd daz ſelbe ſper Daz in von vns geſcheinden hat Er ſtarp an alle miſſetat Jvncherren vnd knappen ſin Bevalch er der kunigin Er wart gelegt zv baldac Die koſt den barvch ringe wac Mit golde wart ge_heret Groz richeit dar an ge_keret Von edelm geſteine Dar_inne ligt der reine Gebalſemt wart ſin iunger re Vor iamer wart ovch vil levten we Ein tevr rvbin iſt der ſtein Ob ſinem grab dar durch erſchein Vns wart gevolget hie mite Ein krevtze nach der marter ſite Als vns criſtes tot erloſte Lie man ſtozzen im zv troſte Zv ſcherm der ſele vberz grap Der barvch die koſt gap Ez was ein tevr ſmarat Wir tatens on der heiden rat Jr orden kan krevtzes pflegen Als criſtes tot vns liez den ſegen Ez bettent heiden ſunder ſpot An in als an ir werden got Niht durch des krevtzes ere Noch durch des tovfes lere Der zvm vrteilichem ende Vns loſen ſol gebende Die trewlich manheit ſin Gibt im zv himel liehten ſchin Vnd ovch ſin rewe bihte Der falſch was im ſihte JN ſinem helm adamas ~~Einen~~Ein epitafivm ergraben was Ver_ſigelt vf dem krevtze ob dem grabe Svs ſagten die buchſtabe Durch ~~diſem~~diſen helm ein tioſt ſlvc Den werden der ellen trvc Gamvret was er genant Gewaltic kunic vber drv lant Jeſlichez im der krone iach Da giengen riche fvrſten nach Er was von anſhowe geborn Vnd hat vor baldac ver_lorn Den lip durch den barvch Sin pris gap ſo hohen rvch Nieman reihte an ſin zil Swo man nach ritter prvfen wil Er iſt von muter vngeborn Zv dem ſin ellen habe ge_ſworn Jch mein der ſchildes ampt hat Hilfe vnd menlichen rat Gap er mit ſtete den frevnden ſin Er leit durch wip vil ſcharfe pin Er trvc den tovf vnd criſten ê Sin tot tet ſarrazinen we On liegen ditz iſt war Siner zit verſvmeliche iar Sin ellen ſo nach priſe warp Mit ritterlichem priſe erſtarp Er het falſcheit an geſigt Nv wunſcht im heiles der hie ligt Ditz was alſo der knappe iach Waloſe man vil weinen ſach Sie muſten wol von ſchvlden klagen. Die frowe het getragen Ein kint daz in ir libe ſtiez Die man an helfe ligen liez Ahtzehen wochen het gelebt Des muter mit dem tode ſtrebt Frowe herzelovde die kunigin Die andern heten kranken ſin Daz ſie hulfen niht dem wibe Wan ſie trvc in ir libe Der aller ritter blume wirt Ob in ein ſterben da verbirt Da qvam ein alt wiſe man Durch clagen vber die frowen ſan Alda ſie mit dem tode ranc Die zen er ir von ein ander twanc Man goz ir wazzer in den mvnt Da wart ir verſinnen kvnt Sie ſprach owe war qvam min trvt Die frowe klagt in vber levt Mins hertzen frevde breit Was gamuretes werdekeit Den nam mir ſin freche ger Jch was vil iunger dan er Vnd bin ſin muter vnd ſin wip Jch trage alhie doch ſinen lip Vnd ſines *verkesverhes ſamen Den gaben vnd namen Vnſer zweier minne Habe got getrewe ſinne So laz er mirn zv frvhten komen Jch han doch ſchaden vil genomen An minem ſtoltzen werden man Wie hat der tot zv mir getan Er enpfienc nie wibes minne ein teil. Ern wer all ir frevde geil Jn mvte wibes rewe Daz riet ſin menlich trewe Er was gar valſches lere Nv hort ein ander mere Waz die frowe da be_gienc Kint vnd bvͦch ſie zv ir vienc Mit armen vnd mit henden Sie ſprach mir ſol got ſe*ſenden Die werden frvht von gamuret Daz iſt mins hertzen bet Got wende mir ſo tvmmer not Daz wer gamuretes ander tot Ob ich mich ſelben ſlvͤge Die wil ich bi mir trvge Daz ich von ſiner minne enpfienc Der mannes trewe an mir begienc Die frowe enrvht ovch wer daz ſach Daz hemde ſie von der brvſte brach Jr brvſte linde vnd wiz Dar an ſo kert ſie iren fliz Sie trvctez an iren roten munt Sie tet wiplich fvre kunt Alſo ſprach die wiſe Dv biſt kaſt eines kindes ſpiſe Die hat ez vor im her geſant Sit ichz lebentic in me libe vant Die frowe ir willen dar nach ſach Daz die ſpiſe was ir hertzen dach Die milch in ir tvttelin Drvcte drvz die kunigin Sie ſprach du biſt von trewen komen Het ich des tovfes niht genomen Dv werſt wol mines tovfes zil Jch ſol mich begiezzen vil Mit dir vnd mit den ovgen Offenlich vnd tovgen Wan ich wil gamureten clagen Die frowe hiez dar naher tragen Ein hemde nach blvte var Dar inne eins baruches ſchar Gamuret den lip verlos Der werlichen ende kos Mit rehter menlicher ger Die frowe fragt ovch nach dem ſper Daz gamuret gap den re Jpomidon von ninive Gap alſus werlichen lon Der ſtoltze werde babilon Daz hemde ein hader was von ſlegen Die frowe woldez an ſich legen Als ſie da vor het getan Swenne qvam von ritterſchaft ir man Da brachen ſiz ir vz der hant Die beſten vber allez lant Beſtatten ſper vnd ovch daz blvt Zvm mvͤnſter als man die toten tvt Jn gamuretes lande Man iamer da erkande Dar nach vber den vierzehenden tac Die frowe ein kindelins gelac Eines ſvns der ſolher lide was Daz ſie vil kvme dar an genas Hie iſt der auentevr worf geſpilt Vnd ir begen_iſt gezilt Wan er iſt aller erſt geborn Dem ditz mere wart erkorn Sines vater frevde vnd des not Beide ſin leben vnd ~~des~~ſin tot Des habt ir .e. ein teil vernomen Nv wizzet wa von ev ſi komen Ditz meres ſache balte Vnd wie man den behalte Man barch in ovch vor ritterſchaft E. er qvam zv ſiner craft Da die kuniginne ſich ver_ſan Vnd ir kindelin wider zv ir gewan Sie vnd ander frowen Begunden in allenthalben ſchowen Zwiſchen beinen ſin Er muſt vil getrvtet ſin Da er het menliche lit Er wart mit ſwerten ſit ein ſmit Vil fevres er von helmen ſlvc Sin hertze menlich ellen trvc Sine mvter des geluſte Daz ſie in vil dicke kuſte Die kunigin ſprach in allem fliz Bonfiz tſchierfiz beafiz Die kunigin nam da ſvnder twal Jr rote velweloten har mal Jch mein irs tvttels grenſel Daz ſchop ſie im in ſin flenſel Selbe was ſie ſin amme Die in trvc in ir wamme An ir brvſte ſie in zoch Die wibes miſſewende floch Sie dvhte ſie hete gamureten Wider an ir arme erbeten Sie enkert ſich niht an loſheit Die diemut was ir bereit Frowe herzelovde ſprach mit ſinne Die hohſte kuniginne Jheſus ire brvſte bot Der ſit durch vns vil ſcharfen tot An dem crevtze menſchlich enpfienc Vnd ſin trewe an vns begienc Swes lip ſin zvrnen ringet Des ſele vnſanfte dinget Swie kevſch er ſi vnd were Des weiz ich ware mere Sich be_goz des landes frowe Mit ir hertzen iamers towe Jr ovgen regenten vf den knaben Sie kunde wibes trewe haben Beide ſevftzen vnd lachen Konde ir munt wol machen Sie frewt ſich irs ſvns gebvrt Jr ſchimpf er_tranc in rewen fvrt Swer nu ~~wibenſ~~wiben ſprichet baz Zwar daz laz ich ane haz Jch frieſch gerne ir frevde breit Wan einer bin ich vnbereit Dienſtlicher trewe Min zorn iſt immer newe Gein ir ſit ichs an wanke ſach Jch bin wolfram von eſſchenbach Vnd kan ein teil mit ſange Jch bin ein habende zange Minen zorn gein einem wibe Die hat minem libe Erboten ſolhe miſſetat Jch en han ſie hazzens keinen rat Dar vmbe han ich der andern haz Owe war vmbe tvn ſi daz Al_ein iſt mir min hazzen leit Ez iſt iedoch ir wipheit Sit ich mich verſprochen han Vnd an mir ſelben miſſetan Daz lihte nimmer me geſchiht Doch ſvln ſie ſich ver_gahen niht Mit hvrte an min hamit Sie en vinden werlichen ſtrit Jch en han des niht ver_gezzen Jch enkvnne vil wol mezzen Beide ir berde vnd ir ſite Swelhem wibe volgt kevſche mite Der lobes kempfe wil ich ſin Mir iſt von hertzen leit ir pin Sin lop hinket ane ſpat Swer allen frowen ſprichet mat Durch ſin eines frowen Swelhe mit reht wil ſchowen Beide ſehen vnd horen Die en wil ich niht betoren Schildes ampt iſt min art Swo min ellen ſin geſpart Swelhe mich minnet vmbe ſanc So dunket mich ir witze kranc Ob ich werdes wibes minne ger Mvͤg ich mit ſchilde vnd mit ſper Ver_dienet niht ir minnen ſolt Aldar nach ſi ſie mir holt Vil hohes topels er doch ſpilt Swer mit ritterſchaft nach minne zilt Hetenz die wip niht fvr ein ſmeichen Jch wol ev fvrbaz reichen An diſem mere vnkvnde wort Jch ſpriche ev die auentevre vort Swer des von mir gervche Der en zel ſie zv keinem bvche Wan ich kan keinen bvch_ſtap Da nement genvg ir vrhap Diſe aventevre Vert ane der bvche ſtevre E. man ſie het fvr ein bvch Jch wer .e. nackent ane tvch So in dem bade ſezze Ob ichs coſten niht fvr_gezze Ez machet trvric mir den lip Daz ſo manige heizzet wip Jr ſtimme ſint gelich hel Gnvge ſint gein valſche ſnel Etzliche falſches lere Suſt teilent ſich die mere Daz ſie gelich ſint genamt Des hat min hertze ſich geſchamt Wipheit in ordenlichem ſit Dem vert vnd fvr ie trewe mit Gnvc ſprechent armvt Daz die ſi zv nihte gvt Swer die durch trewe lidet Helle fevr die ſele midet Die dolt ein wip durch trewe Des wart ir gabe newe Zv himel mit endeloſer gebe Jch wene ir nu wenic lebe Die ivnc der erden rihtvm Liezzen durch des himels rvm Jch erkenne ir keine Man vnd wip mir ſint al eine Die midez alle geliche Frowe herzelovde die riche Jr drier lande wart ein gaſt Sie trvc der frevden mangels laſt Der falſch vil gar an ir verſwant Ovge noch ore in me da vant Jr was ein nebel die ſvnne Sie floch der werlde wunne Jr was gelich naht vnd der tac Jr hertze niht wan iamers pflac Sich zoch die frowe iamers balt Vz ir lande in einen walt Zvr wuſte ſoldane Niht durch blvmen vf die plane Jrs hertzen iamer was ſo gantz Si enkert ſich an keinen crantz Er were rot oder val Sie brahte dar durch flvhte ſal Des werden gamuretes kint Levt die bi ir da ſint Muſten bowen vnd revten So kunden wol ge_trevten Jr ſvn .e. daz ſich der ver_ſan Jr volk ſie gar fvr ſich gewan Ez wer man oder wip Den gebot ſie allen an ir lip Daz ſie nimmer ritters lvt Wan gefrieſch irs hertzen trvt Welich ritters fvre were Daz wurde im vil ſwere Nv habt evch ander witze craft Vnd helt im alle ritterſchaft Der ſit fvr engeſtliche vart Der knabe alſus ver_borgen wart Zvr wuͤſt inſolitanie erzogen An kuniclicher fvr betrogen Ez enmoht an einem ſite ſin Bogen vnd boltzelin Sneid er mit ſin ſelbs hant Vnd ſchoz vil vogel die er vant Swenn aber er den vogel erſchoz Des ſchal von ſange ewas ſo groz So weinet er vnd rovfte ſich An ſin har kert er gerich Sin lip was clar vnd fier Vf dem plane an dem rifier Twuc er ſich alle morgen Er enkonde niht ge_ſorgen Ez enwere ob im der vogel ſanc Die ſvzze in ſin hertze dranc Daz erſtracte im ſine brvſtelin Al weinde lief er zvr kunigin So ſprach ſie wer hat dir getan Dv were hin vz dvf den plan Fro. ern kund ez ir geſagen niht Als liht kinden nach geſchiht Dem mere gienc ſie lange nach Eines tages ſie in kapfen ſach Vf die bovm nach der vogel ſchal Sie wart wol innen daz zv ſwal Von der ſtimme ires kindes brvſt Des twanc in art vnd ſin geluſt Frowe herzelovde kert ir haz An die vogel ſie enweſte vmb waz Sie wolde ir ſchal verkrenken Jr blvte vnd ir enken Hiez ſie balde gahen Vogel wurgen vnd vahen Etlichez ſterben wart vermiten Wan die waren wol geriten Jr beleip da lebentic ein teil Die ſit mit ſange wurden geil Der knab ſprach zv der kunigin Waz wizzet man den vogelin Er gert in frides ſa zv ſtunt Sin muter kuſt in an den munt Sie ſprach wend ich ſin gebot Der doch iſt der hohſte got Svllen voglin durch in frevde lan Der knabe ſprach zvr muter ſan Owe muter waz iſt got Svn ich ſag dirz ane ſpot Er iſt nach liehter danne der tac Der antlvtzes ſich bewac Nach mannes antlitze Svn merke eine witze Vnd flehe in vmb dine not Sine trewe der werlde hie hilfe bot So heizzet einer der helle wirt Der iſt ſwartz vntrewe in niht verbirt Von dem kere dine gedanke Vnd ovch von zwifels wanke Sin muter vnder ſchied im gar Daz vinſter vinſter vnd daz lieht gevar Dar nach ſnelheit verre ſpranc Er lernt den gabilotes ſwanc Da_mit er manigen hirz erſchoz Des ſin muter vnd ir volk genoz Ez wer eber oder ſne Dem wilde tet ſin ſchiezzen we Nv horet fremde mere Swenne er erſchoz daz ſwere Des wer ein mvl geladen gnvc Als vnzvrworht hin heim erz trvc Eins tages gienc er den weide ganc An einer heide die was lanc Er brach durch blates ſtimme ein zwic. Bi im nahen gienc ein ſtic Da er_hort er ſchal von hvfſlegen Sin gabilot begvnd er wegen Da ſprach er waz han ich vernomen Wan wolde nu der tevfel komen Mit grimme zornicliche Den beſtuͤnd ich ſicherliche Min muter freiſen von im ſagt Jch wene ir ellen ſi ver_zagt Alſus ſtund er in ſtrites ger Nv ſeht dort qvam geſchvft her Dri ritter nach wunſche var Von fvzze vf gewappent gar Der knappe wande ſunder ſpot Daz ieſlicher wer ein got Da ſtunt ovch er niht lenger hie Jndem pfade vil er vf ſine knie Vil lovt rief der knappe ſan Hilf got dv maht wol helfe han Der vorder zornes ſich bewac Da der knappe in dem pfade lac Dirre toriſche waleiſe Vns wendet gahe reiſe Den pris den wir beier tragen Mvz ich von waleiſen ſagen Die ſint toriſcher dan beiriſch her Vnd doch bi menlicher wer Swer in den zwein landen wirt Gefvge. ein wunder an im birt Da qvam geleſiert Vnd wol gezimiert Ein ritter dem was harte gach Er reit in ſtritlichen nach Die verre waren von im komen Zwen ritter heten im genomen Ein frowen in ſinem lande Den helt ez dvhte ſchande Jn mvet der ivncfrowen leit Die iemerlichen vor im reit Diſe dri waren ſine man Er reit ein ſchone caſtelan Sines ſchildes was vil wenic gantz Er hiez karnach karnantz Lehkvns vlterlech Er ſprach wer irret vns den wec Svs fvr er zvm knappen ſan Den dvht er als ein got getan Ern het ſo liehtes niht erkant Vffem tow der wappenrok erwant Mit gvldinen ſchellen cleine Vor ietwederm beine Waren die ſtegereif erklenget Vnd zu rehter mazze erlenget Sin zeſwer arm von ſchellen klanc Swar er den bot oder ſwanc Der was durch ſwertes ſlege ſo hel Der helt was gein priſe ſnel Svs fvr der fvrſte riche Gezimiert wunnecliche Aller manne ſchone ein blvmen crantz. Den fragt karnahkarnantz Jvncherre ſaht ir fvr evch varn Zwen ritter die ſich niht bewarn Kvnnen an ritterlicher zvnft Sie ringent mit der notnvnft Vnd ſint an werdikeit ver_*ver_zagt Sie fvrent rovbes ein magt Der knappe wande waz er ſprach Er were ein got als im ver_iach Frowe herzelovde die kunigin Da ſie im vnder_ſchiet den liehten ſchin Da rief er lovte ſunder ſpot Nv hilf mir helfe richer got Vil dicke vil er an ſin gebet Fillirois gamuret Der furſte ſprach ich bin niht got Jch leiſt aber gerne ſin gebot Dv maht hie vier ritter ſehen Ob dv zv rehte kundes ſpehen Der knappe fragte fvrbaz Dv nennes ritter waz iſt daz Habes dv niht gotlicher craft So ſag mir wer gibt ritterſchaft Daz tvt der kunic Artus Juncherre vnd kvmt ir in des hvs Der bringet evch an ritters namen Daz ir ſin evch nimmer dvrfet ſchamen. Jr muget wol ſin ritters art Von den helden er beſchowet wart Da lac die gotes kunſt an im Von der auentevr ich *azdaz nim + Die mich mit warheit des beſchiet Nie mannes varwe baz geriet Vor im ſit adames zit Des wart ſin ~~lip~~lop von wiben wit Aber ſprach der knappe ſan Da von ein lachen wart getan Ey ritter ~~g*t~~guͦt waz mahtv ſin Dv haſt ſuſt manic vingerlin An dinen lip gebunden Da *oben vnd hie vnden Da begreif des knappen hant Waz er iſers an dem fvrſten vant Des harnaſch be_gund er ſchowen Miner muter ivncfrowen Jr vingerlin an ſnvren tragent Die niht ſuſt an ein ander ragent Der knappe ſprach durch ſinen mvt Ja herre wa zv iſt ditz gvt Daz dich ſus wol kan ſchicken Jch en mac ez niht ab gezwicken Der furſt im ſan zeigt ſin ſwert Nv ſich wer ſtrites an mich gert Des ſelben wer ich mich mit ſlegen Fvr die ſine muz ich an mich legen Vnd fvr den ſchvz vnd fvr den ſtich Mvz ich alſus wappen mich Aber ſprach der knappe ſnel Ob die hirzze trvgen ſus ir vel So verwundet ſi niht min gabilot Der vellet maniger vor mir tot Die ritter zvrnden daz er hielt Bi dem knappen der tvmpheit wielt. Der furſte ſprach got hvte din Owe wan were die ſchone min Dir het got den wunſch gegeben Ob du mit witzen ſoldes leben Die gotes craft dir verre leit Die ſine vnd ovch der ſelbe reit Vnd gahten dannen balde Zv einem velde in dem walde Da vant der gefvͤge Frowen herzelovden pflvͤge Jr volke leider nie geſchach Die er vil balde eren ſach Sie begunden ſeen vnd dar nach egen Ir gart ob ſtarken ohſen wegen Der fvrſte in gvten morgen bot Vnd fragtes ob ſie iht ſehen not Eine iuncfrowen liden Sie enkunden niht ver_miden Swes er ſie fragte ez wart geſagt Zwen ritter vnd ein magt Hie riten hevt enmorgen Die frowe mit ſorgen Mit ſporn ſie vaſte rvrten Die die iuncfrowen fvrten Daz was meliahkantz Den ergahte karnahkantz Mit ſtrite er im die frowen nam Die was da vor an frevden lam Sie hiez linmarie Von bder beaſuntarie Die bowlevte ſere ver_zagten Da die helde fvr ſie iagten Sie ſprachen wie iſt vns geſchehen. Hat vnſer iuncherre erſehen Vf diſen rittern helmſchart So haben wir vns niht wol bewart Wir ſvllen der kunigin haz Von ſchulden horen vmb daz Wan er mit vns da her lief Hevt en_morgen ſda ſie dannoch ſlief Der knappe en_rvht ovch wer da ſchoz Die hirzze clein oder groz Er hvp ſich gein der muter wider Vnd ſagt ir mere da vil ſie nider Siner wort ſie vil ſere erſchrac Daz ſie vnverſunnen vor im lac Da die kuniginne Wider qvam zv ir ſinne Swie ſie da vore wer ver_zagt Da ſprach ſie ſvn wer hat geſagt Dir von ritters orden Wo biſtvs inne worden Mvter ich ſach viere man Nach liehter danne got getan Die ſagten mir von ritterſchaft Artuſes kunicliche craft Sol mich nach ritters eren An ſchildes ampt leren Sich hvp ein newer ~~hie~~iamer hie Die frowe enweſte wie Daz ſie ir der liſt er_dehte Vnd in von dem willen brehte Der knappe tump vnd wert Jeſch von der muter dicke ein pfert Daz begundes in ir hertze klagen Sie dahte ich wil im niht ver_ſagen Ez muz aber harte boſe ſin Da dahte mer die kunigin Der levte vil bi ſpotte ſint Toren cleider ſol min kint Ob ſinem liehten libe tragen Wirt er gerovft vnd geſlagen So kvmt er mir her wider wol Owe der iemerlichen dol Die frowe nam ein ſac tvch Sie ſneid im hemde vnd brvch Daz doch an einem ſtvcke erſchein Vntz enmitten an ſin blankez bein Daz wart fvͤr toren kleit erkant Eine kvgelen man ober drvf vant Al rvch friſch kelberin Vz einer hevte zwei ribalin Nach ſinem beine wart geſniten Da enwart groz iamer niht vermiten. Die kuniginne was alſo bedaht Sie bliben in die naht Dv enſolt niht hinnen keren Jch wil dich liſte leren An vngebanten ſtrazzen Soltv dunkel fvrte lazzen Die ſihte vnd lvter ſin Da ſolt albalde riten in Dv ſolt dich ſite nieten Der werlde grvzzen bieten Ob dich ein alt wiſe man Zvht wil leren als er wol kan Dem ſoltu gerne volgen Vnd bis im niht erbolgen Svn la dir bevolhen ſin Swo dv gutes wibes vingerlin Mvgeſt erwerben vnd ir grvz Daz nim ez tvt dir kummers bvz Vnd ſolt zv kuͤſſen gahen Vnd ir lip vaſte vmbe vahen Daz gibt gelvcke vnd hohen mvt Ob ſie kevſch iſt vnd gvt Dv ſolt ouch wizzen ſvn min Der ſtoltze kvne lehelin Dinen fvrſten ab er vaht zwei lant Die ſolden dienen diner hant Waleis vnd Nvrgals Ein din fvrſte tvrchentals Den tot von ſiner hende enpfienc Din volc er ſlvc vnd vienc Daz rich ich muter gervhtez got Jn verwundet nach min gabilot Des morges da der tac erſchein Der knappe wart vil balde in ein Jm was gein artuſen iach Frowe herzelovde in kvſte vnd lief im nach. Der werlde rewe hie geſchach Da ſie irs ſvns niht mer ſach Der vert von ir wem iſt des baz Da vil die frowe falſchez laz Vf die erde al da ſie iamer ſneit So daz ſie iamers ſterben niht vermeit. Jr vil getrewlicher tot Der frowen wert die helle not Owol ſie daz ſie ie muter wart Svs fvr die lons bernden vart Ein wurtzel der gvͤte Vnd ein ſtam der diemvte Owe daz wir nu niht han Jr ſippe vntz an den eilften ſpan Des wirt gefelſchet manic lip Doch ſcholden nu getrewe wip Heiles wunſchen diſem knaben Der ſich von ir hat erhaben Da kerte der knabe wol getan. Gein dem forſte in Brezilian. Da: Die obersten drei Zeilen neben der Initiale stehen leer. Er qvam an einen bach geriten Den het ein han wol vber_ſchriten Swi da ſtunden blvmen vnd gras Durch daz ſin flvz gar tunkel was Der knappe den furt da ver_meit Den tac er gar da neben reit Als ez ſinen witzen dohte Er beleip die naht wie er mohte Des morgens da der tac erſchein Der knappe hup ſich dan al ein Zv einem fvrte lvter vnd wol getan Da was anderhalp der plan Mit einem gezelt geheret Groz richeit dar_an gekeret Von drier varwe ſamit Ez was hoch vnd weit Vf den neten lagen porten gvt Da hienc ein lidriner hvt Den man drvber ziehen ſolde Jmme ſwenn ez regen wolde Dvc orilus de Lalander Des wip dort vnden vand er Ligende wunnecliche Die hertzoginne riche Gelich einem ritters trvte Sie hiez ieſcute Die frowe was entſlafen Sie trvc der minne waffen Einen munt durch levhtic rot Vnd gerndes ritters hertzen not Jnnen des die frowe ſlief Der munt ir von ein ander lief Der trvc der minne hitze fevr Svs lac des wunſches auentevr Mit ſne wizzen beine Nahen bi ein ander kleine Sus ſtunden ir die liehten zen Jch wene mich ieman kvſſes wen An einen ſus wol gelobten munt Daz iſt mir ſelten worden kunt Ein declachen zobelin Er want an ir huffelin Daz ſie durch hitze von ir ſtiezze Da ſie der wirt al ein liezze Sie was geſchicket vnd geſniten Anir was kunſt niht ver_miten Got ſelber worht ir ſvͤzzen lip Ouch het daz minnecliche wip Langen arm vnd blanke hant Der knappe ein vingerlin da vant Daz in gein dem bette twanc Da er mit der hertzoginne ranc Do daht er an die muter ſin Die im riet an wibes vingerlin Do ſpranc der knappe wol getan Von dem teppich vf daz bette ſan Die ſvͤzze kevſche vnſanft erſchrac Do der knappe an irm arme lac Sie muſte iedoch erwachen Mit ſcham ſunder lachen Die frowe zvht geleret Sprach wer hat mich enteret Juncherre ez iſt ev gar zv vil Jr moht ev nemen ander ſpil Die frowe lvte clagete Ern ruht waz ſie ſagte Jrn munt er an den ſinen twanc Dar nach was doch niht zv lanc Er drucket an ſich die hertzogin Vnd nam ir ovch ein vingerlin An ir hemde ein fvrſpan er da ſach Vngefvge erz dannen brach Die frowe was mit wibes wer Jr was ſin craft ein gantzez her Doch wart vil ringens da getan Der knappe klagete hunger ſan Die frowe was ir libes liht Sie ſprach ir ſvlt min ezzen niht Wer ir zv frvmen wiſe Jr nemt ev ander ſpiſe Dort ſtet brot vnd win Vnd ouch zwei par driſekin Als ein iuncfrowe brahte Die ez wenic ev gedahte Ern rvht wa die wirtin ſaz Einen guten kropf er az Dar nach er ſwere trvͤnke tranc Die frowen dvhte gar zv lanc Sins weſens in dem pavelun Sie wand er wer ein wer garzvn Geſcheiden von den witzen Jn ſcham begunde ſwitzen Juncherre ir ſvlt min vingerlin Jedoch ſo ſprach die hertzogin Hie lazzen vnd min fvrſpan Hebt evch enwec wan kvmt min man Jr mvͤzzet zvͤrne*zvͤrnēn liden ~~Dez~~Daz ir gerner mohtet miden Do ſprach der knappe wol geborn We waz fvrht ich ewers mannes zorn Wan ſchat ez ev an eren So wil ich hinnen keren Da ſpranc er gein dem bette ſan Ein ander kvſſ da wart getan Daz was der hertzoginne leit Der knappe an vrlovp dannen reit Jedoch ſprach er got hvͤte din Alſus riet die muter min Der knappe des rovbes was gemeit Da er ~~weil~~von dannen gereit Vil nahen gein der mile zil Da quam von dem ich ſprechen wil Er ſpvͤrt an dem towe Daz geſvht was ſin frowe Der ſnvͤr ein teil was vz getret Da het ein knappe daz gras gewet Der fuͤrſte wert vnd erkant Sin wip dort al trvric vant Da ſprach der hertzoge orilus Owe frowe wie han ich ſus Minen dienſt gein ev gewendet Mir iſt nach laſter ge_endet Vil manic ritterlicher pris Jr habt ein ander amis Die frowe bot ir lovgen Mit wazzer_richen ovgen So daz ſie vnſchuldic were Ern gelovbt niht ir mere Jedoch ſprach ſie mit vorht ſiten Da quam ein tore her zv geriten Swaz ich levte erkennet han Jch engeſach nie lip ſo wol getan Min fuͤrſpan vnd min vingerlin Nam er an den willen min Hey ſin lip ev wol gevellet Jr habt evch zv im geſellet Do ſprach ſie nu enwelle got Sin ribalin ſin gabilot Waren mir doch zv nahen Die rede ev ſolde verſmahen Fvrſtinne ez vbel zeme Ob ſie da minne neme Aber ſprach der fvrſte ſan Frowe ich han ev niht getan Jr enwelt evch einer ſite ſchamen Jr liezzet kuniginne namen Vnd heizzet durch mich ein hertzogin Der kovf gibt mir vngewin Min manheit iſt doch ſo qwec Daz ewer bruder erec Min ſwager fillvrois lac Evch wol dar vmb hazzen mac Mich erkennet ovch der wiſe An ſo gewantem priſe Der nindert mac enteret ſin Wan daz er mich vor prvrin Mit ſiner tioſt valte An im ich ſit bezalte Vil hohen pris vor karnant Zv rehter tioſt ſtach in min hant Hinderz orſſ durch fiantze Durch ſinen ſchilt min lantze. Ewer cleinode brahte Vil wenic ich da gedahte *Ewerre minne einem andern trvte Min frowe ieſcute Frowe ir ſvlt gelovben des Daz der ſtoltze galoes Fillvrois gandin Tot lac von der tioſt min Jr hieltet ouch da nahen bi Da ~~phopheheri~~pliopheheri + Gein mir durch tioſtieren reit Vnd ich ſin ſtriten niht ver_meit Min tioſt hinderz orſſ ver_ſwanc Daz in der ſatel nider dranc Jch han dicke pris bezalt Vnd manigen ritter ab gevalt Des en_moht ich nu geniezzen niht Ein hohez laſter mir des giht Sie hazzent mich beſunder Die von der tavelrunder Der ich ehte nider ſtach Daz manic werde ivncfrowe ſach Vmb den ſperwer zv kanadic Jch behielt ev pris vnd mir den ſic Daz ~~sah*t~~saht ir vnd artus + Der min ſweſter hat zv hvs Die ſvzzen Cvmiewaren Der munt kan niht gebaren Mit lachen .e. ſie den geſiht Dem man des hohſten priſes giht Wan qvem mir nv der ſelbe man So wurd ein ſtrite*ſtriten hie getan Als hevten morgen da ich ſtreit Vnd einem fvrſten frvͤmte leit Der mir ſin tioſtieren bot Vnd miner tioſt lac er tot Jch enwil ev niht von zorne ſagen Daz maniger hat ſin wip geſlagen Vmb michel krenker ſchulde Het ich dienſt oder hulde Daz ich ev ſolde bieten Jr mvzzet evch mangels nieten Jch en_ſol niht mer erwarmen An ewern blanken armen Da ich etwenne durch minne lac Vil manigen wunneclichen tac Jch ſol velwen ewern roten munt Jch ſol ev frevde enteren Vnd ewer hertze ſevftzen leren Die fvrſtin an den fvrſten ſach Jr munt da iemerlichen ſprach Nv ert an mir ritters pris Jr ſit getrewe vnd wis Vnd doch wol ſo gewaltic min Jr muget mir geben hohe pin Jr ſvlt .e. min genemen Durch alle wip lat ez ev gezemen Jr muget mir dannoch fvgen not Leg ich vor andern handen tot Daz ev niht pris geneigte Wie ſchiere ich danne veigte Daz were mir ein vil ſvzze zit Sit ewer hazzen an mir lit Aber ſprach der furſte mere Frowe ir wert mir gar zv here Des ſol ich an ev mazzen Geſelleſchaft wirt lazzen Mit trinken vnd mit ezzen Biligens wirt ~~virt~~ ver_gezzen ~~virt~~: Wort zusätzlich vom Rubrikator durchgestrichen. Jr enpfahet mer kein gewant Nevr als ich evch ſitzende vant Ewer zovm ſol ſin ein beſtin ſeil Ewer pfert beiagt wol hungers meil Ewer ſatel wol geziert Wirt entſchumpfiert Vil balde er zart vnd brach Den ſamit drabe do daz geſchach Er zvr_ſlv*zvr_ſlvc den ſatel da ſie inne reit Jr kevſche vnd ir wipheit Sin hazzen liden muſten Mit beſtinen bvſten Bant er in aber wider zv Jr qvam ſin hazzen gar zv frv Do ſprach er an den ziten Frowe nu ſvl wir riten Qvem ich an in des wurd ich geil Der hie nam ewer minne teil Jch beſtund ich doch durch auentevr Ob ſin adem gebe fevr Als einem wilden trachen Al weinde ſunder lachen Die frowe iamers riche Schiet danne trvricliche Sie enmvͤte niht waz ir geſchach Niht wan ir mannes vngemach Des trvren gap ir ſolhe not Daz ſie nach ſenfter were tot Nv ſvlt ir ſie durch trewe klagen Sie beginnet nu hohen kummer tragen. Wer mir aller wibe haz bereit Mich mvͤte doch frowen ieſcvten leit Svs riten ſie vf der ſla hin nach Dem knappen was ovch vor in gach Da enweſt der vnverza*vnverzagete Niht daz man in iagete Wan ſwen ſin ovgen ſagen So er dem begunde nahen Den grvzzet der knappe gvter Und iach ſus riet mir min muter Alſus qvam vnſer torſcher knabe Geriten eine halden abe Wibes ſtimme erhorte Vor eines velſes orte Ein frowe vor rehtem iamer ſchrei ErJr was die ware frevde enzwei + Der knappe reit ir balde zv Nv hort waz die frowe tv Da brach frowe ſigvne Jr lange zopfe brvne Vor iamer vz ir ſwarten Der knappe begunde warten Tſchionatulander Den furſten tot da vand er Der iuncfrowen in ir ſchoz Alles ſchimpfes ſie ver_droz Er ſi trvric oder frevden var Die bat min muter grvzzen gar Got halt evch ſprach des knappen munt Jch han hie iemerlichen fvnt Jn ewerr ſchoz funden Wer gap ev den ritten wunden Der knappe vnverdrozzen Sprach wer hat in erſchozzen Geſchach ez mit einem ~~gabilon~~gabilot + Mich duncket frowe er lige tot Kondet ir mir iht von im geſagen Der ev den ritter hat erſlagen Ob ich in muge erriten Jch wil gerne mit im ſtriten Da greif der knappe mere Zv ſinem kochere Vil ſcharfe gabilot er vant Er furt ouch dannoch beide pfant Die er von ieſcuten brach Vnd im ein tumpheit geſchach Het er gelernt ſins vater ſite Die werdicliche im wonte mite Die bvͤchel wer gehvrtet baz Da die hertzoginne al ein ſaz Die ſit vil kummers durch in leit Mer danne ein gantzez iar ſie meit Grvz von ir mannes libe Vnreht geſchach dem wibe Nv hort ovch von ſigvnen ſagen Die kvnde ir leit mit iamer clagen Sie ſprach zvm knappen dv haſt tugent Ge_ert ſi din ſvͤzze iugent Vnd din antlvtze minneclich Zwar dv wirſt nach ſelden rich Diſen ritter meit der gabilot Er lac zv tioſtieren tot Dv biſt geborn von trewen Daz er dich ſvs kan rewen E. ſie den knappen riten liez Sie frageten e wie er hiez Sie iach er trvge den gotes fliz Bon fiz tſchirfiz beafiz Alſus hat mich genennet Swer mich da heim erkennet Da die rede was was ge*getan Sie erkand in bi dem namen ſan Jr roter munt ſprach ſunder twal Zwar du heizzeſt parcifal Der nam iſt reht enmitten durch Grozze liebe er ſolch hertzen fvrch Mit diner muter trewe Din vater liez ir rewe Jch en_gie dirs niht zv rvme Din muter iſt min mvme Jch ſunder valſchen liſt Die rehten warheit wer dv biſt Din vater was ein anſhevin Ein waleis von der muter din Biſtu geborn von Ranwoleis Die rehten warheit ich des weiz Dv biſt ouch kunich zv Nvrgals Jn der hovpſtat zv kingrivals Sol din hovpt die krone tragen Dirre fvrſte wart durch dich erſlagen Wan er din lant ie werte Sin trewe er nie ver_zerte Jvnc fletic ſvzzer man Die gebrvder hant dir vil getan Zwei lant nam dir lehelin Diſen rittern *dvnd den vettern din + Zv tioſtiren ſluc orilus Der liez ouch mich in iamer ſvs Mir dient an alle ſchande Dirre fvrſte von dinem lande Doch zoch mich din mvter Lieber nefe gvter Nv hoͤre was diſe mere ſin Ein bracken ſeil gap im den pin Jn vnſer zweier dienſt den tot Hat beiagt vnd immer not Mir nach ſiner minne Jch het cranke ſinne Daz ich im niht minne gap Des hat er ſorgen vrhap Mir frevden ver_ſchroten Nv minne ich in toten Do ſprach er niftel mir iſt leit Din kvmmer vnd min laſter breit Swenne ich daz mac gerechen Daz wil ich gerne zechen Do was im nach dem ſtrite *gach Sie weiſt vnrehte nach Sie vorht daz er den lip verlvͤr Vnd daz ſie grozzen kvr Ein ſtrazze er da gevienc Die gein den britvneiſen ge Die was geſtrichet vnd breit Swer im wider gienc oder reit Ez wer ritter oder kovfman Die ſelben grvzzet er alle ſan *Vnd iach ez wer ſiner muter rat Die gap in ovch ane miſſetat Der abent begund im nahen Grozze muͤde gein im gahen Da ſach der tumpheit genoz Ein hvs zv gvter mazze groz Dar inne was ein arger wirt Als nach vf vngeſlehte birt Daz was ein fiſchere Vnd aller gvte lere Den knappen hunger lerte Daz er dar gegen kerte Vnd klagte dem wirte hungers not Der ſprach ichn gebe ein halbez brot Ev niht zv drizzic iaren Swer miner milte varen Ver_geben wil der ſovmet ſich Jch enſorge vmb nieman dan vmb mich Dar nach vmb mine kindelin Jr en komt dalanc da her in Het ir pfenning oder pfant Jch behielt evch al zv_hant Jm bot der knappe wol getan Frowen ieſcuten fvrſpan Do daz der villan der ſach Sin munt der lahte vnd ſprach Wiltu beliben ſvzzez kint Dich eren alle die hinne ſint Wiltu mich hint wol ſpiſen Vnd morgen rehte wiſen Gein artuſe dem bin ich holt So mac beliben dir daz golt Daz tun ich ſprach der villan Jch en_geſach nie liep ſo wol getan Jch bringe dich durch wunder Fvͤr des kuniges tavelrvnder Die naht beleip der knappe da Man ſach in des morgens anderſwa. Des tages er koum er_beite Der wirt ovch ſich bereite Vnd lief im vor der knappe nach Reit. da was in beiden gach Min her hartman von owe Frowe*Frowe Ginover ~~ewen~~ewer frowe Vnd ewer herre *der kunic artus Den kvmt ein minne frvnt zv hvs Bitent hvten ſin vor ſpotte Er en_iſt gige noch die rotte Sie ſvͤlen ein ander gampel nemen Des lazzen ſich durch zvht gezemen Anders ewer ~~frowen~~frowe enrede + Vnd ir muter kar nefrede Werdent durch die mvͤl gezvcket Vnd ir lop gebvcket Solich den munt mit ſpotte zern Jch wil min frevnt mit ſpotte wern Da qvam der viſchere Vnd ouch der knappe mere Einer hovpſtat ſo nahen Alda ſie nantis ſahen Da ſprach er kint got hvͤt din Nv ſich dort ſoltu riten in Da ſprach der knappe an witzen laz Dv ſolt mich wiſen fvrbaz Hey wie wol min lip daz bewart Die maſſenie iſt in ſolher art Genahet ir immer vilan Daz iſt vil ſere miſſetan Wie parcifal des erſten qvam vf kvnic artus hof geriten. Der knappe al ein fvrbaz reit Vf einen plan niht zv breit Der ſtunt von blumen wol gemal Jn zoch kein kvrvenal Ern konde kvrteiſen niht Als vngevarnem man geſchiht Sin zovm der was beſtin Vnd harte crank ſin pferdelin Daz tet von ſtrovchen manigen val Ovch was ſin ſatel vber al Vnbeſlagen mit newen ledern Samit herminer vedern Man da vil wenic an im ſiht Ern bedorft der mandel ſnvͤre niht Fvr ſvknei vnd fvr ſvrkot Da fvr nam er ſin gabilot Des ſite man gein priſe maz Sin vater was gecleidet baz Vf dem teppich vor kamfoleis Der gelie nie vorhtlichen ſweiz Jm qvam ein ritter wider_riten Den grvzzet er nach ſinem ſiten Golt halt evch riet min muter mir Juncherre got lon ev vnd ir Sprach artuſes baſen ſvn Jn zoch vtpandragvn Ovch ſprach der werde wigant Erbeſchaft zv britanie vf daz lant Da was icher von kahaviez Der rot ritter man in hiez Sin harnaſch was gar ſo rot Daz ez den ougen rote bot Sin orſſ was rot vnd ſnel Al rot was im ſin gvͤgerel Rot ſamit was im ſin kovertevr Sin ſchilt nach roter danne ein fevr Alrot was ſin kvrſit Al rot was ſin kurſit Vnd wol an im geſniten wit Rot was ſin ſchaft rot was ſin ſper Al rot nach des heldes ger Was im ſin ſwert geroͤt Al nach der ſcherpfe iedoch geloͤt Der kvnic von kummerlant Al rot von golde vf ſiner hant Stunt ein kopf vil wol erhaben Ob tavelrunder vf er_graben Blanc was ſin vel vnd rot ſin rot Er ſprach zvm knappen ſunder var Geeret ſi din ſvzzer lip Dich braht zvr werlde ein rein wip O wol der muter die dich gebar Jch geſach nie lip ſo wol gevar Dv biſt der waren minne blic Jr tſumpfentvr vnd ir ſic Vil wibes frevde an dir geſigt Dar nach dir iamer ſwere wigt Liber frevnt wiltu da hin in So ſag mir durch den dinſt min Artuſen vnd den ſinen Jch en_ſvl niht flvhtic ſchinen Jch wils hie gerne beiten Swer zv tioſt ſol bereiten JR keiner habez fvr wunder Jch reit fvr tauelrunder Mins landes ich mich vnder_want Diſen kopf min vngefvge hant Vf zvcte daz win ver_goz Frowen Ginovern in ir ſchoz Vnder_winden mich daz lerte Ob ſich ſchovp vmbe kerte So wurde rvzzic mir min vel Daz mid ich ſprach der helt ſnel Jch en_hanz ovch niht durch rovp getan Des hat min krone mich erlan Frevnt nu ſag der kvnigin Jch begvͤz ez an den willen min Al_da die werden ſazzen Die rehter wer ver_gazzen Ez ſin kunige oder fuͤrſten Wes lants ir wirt erdorſten Wan holent niht hie ſin goltvaz Jr ſneller pris wirt anders laz Der knappe ſprach ich wirbe dir Swaz dv geſprochen haſt zv mir Der reit von im zv nantis in Da volgten im die kindelin Vf den hof fvr den palas Da maniger hande fvre was Vil ſchiere wart vmb in gedranc Ywanet dar naher ſpranc Der knappe falſches frie Vnd bot im kvmpanie Da ſprach der got halde dich Alſus bat reden min muter mich E daz ich ſchiede von ir hvs Jch ~~ſiche~~ſihe hie manigen artus + Wer ſol mich ritter machen Ywanet be_gunde lachen Er ſprach du ſiheſt des derehten niht Daz aber ſchier nu geſchiht Da fvrt ern in zvm palas Da die werde maſſenie was Svs vil kvnd er in ſchalle Er ſprach got hald evch alle Benamen de*den kvnic vnd des wip + Mir gebot min muter anden lip Daz ich ſie grvͤzte beſunder Vnd die ob der tavelrunder Mit rehtem pris heten ſtat Die ſelben ſie mich grvzzen bat Dar an ein kunſt mich ver_birt Jch en_weiz niht welher hinne iſt wirt Dem hat ein ritter her enboten Den ſach ich allenthalben roten Er welle ſin da vzze beiten Mich dunket er welle ſtriten Jm iſt ovch leit daz er den win Ver_goz vf die kunigin Owe wan het ich ſin gewant Enpfangen von des kuniges hant So wer ich frevden riche Wan ez ſtet ſo ritterliche Der knappe vnbetwungen Wart hart vil gedrvngen Gehvrt her vnd dar Sie namen ſiner varwe war Daz was ſelpſchowet Ge_herret noch gefrowen Wart minnenclicher nie kein frvht Got was an einer reinen zvht Da er parcifaln worhte Der freiſe wenic vorhte Svs wart fvr artuſen braht An dem got wunſches het er_daht Jm konde nieman vient ſin Da beſach in ovch die kvnigin E. ſie ſchiede von dem palas Dar_vf ſie begozzen was Der kunic an den knappen ſach Zv dem tvmmen er da ſprach Juncherre got vergeld ev den grvz Den ich vil gerne dienen mvz Mit dem libe vnd mit dem gvte Des iſt mir wol zv mute Daz wolt got wan wer daz war Der weil dunket mich ein iar Daz ich niht ritter weſen ſol Daz tvt mir wirs danne wol Nv ſvmet mich niht mere Pflegt min nach ritters ere Daz tun ich gerne ſprach der wirt Ob werdikeit mich niht verbirt Dv biſt wol ſo gehevre Rich an koſte tevre Wirt dir min gabe vndertan Zwar ich ſolt ez vngern lan Dv ſolt biz morgen beiten Jch wil dich wol bereiten Der wol geborn knappe Hielt gagernde als ein trappe Er ſprach ich wil hie nihtes biten Mir qvam ein ritter wider_riten Mac mir des harnaſch werden niht Jch en_rvch wer kuniges gabe giht So gibt mir abe die muter min Jch wene doch die iſt ein kunigin Artus ſprach zvm knappen ſan Den harnaſch hat im ein man JDaz ich dirs niht getar geben Jch muz doch ſuſt mit kummer leben An alle mine ſchulde Sit ich darbe ſiner hulde Ez iſt ycher von kaheviez Der trvrern mir durch frevde ſtiez Jr weret ein kunic vnmilte Ob evch ſolcher gabe bevilte Gebetz im dar ſprach key ſan Vnd lat zv im vf den plan Sol ieman ~~bringens~~bringen vns den kopf Hie helt die giſel dort der topf Latz kint in vmbe triben So lobt manz vor den wiben Ez muz doch dicke bagen Vnd ſolche ſchantze wagen Jch enſorge vmb ir tweders leben Man ſol hunde vmb ebers hovpt geben Ungern ſold ich imz ver_ſagen Wan daz ich fvrhte er werde erſlagen Dem helfen ſol der ritterſchaft Sprach artus vz trewen craft Der knappe iedoch die gabe enpfienc Dar vber ein iamer ſit er_gienc Da was im von dem kvnige gach Junge vnd alte im drungen nach Ywanet in an der ~~zoch~~hende zoch Fvr ein lovben niht zv hoch Da ſach er fvr vnd wider Die lovbe die was wol ſo nider Daz er drvffe erhort vnd erſach Da von ein trvren im geſach Da wold ouch die kunigin Selbe in den venſtern ſin Mit rittern vnd mit frowen Die begunden in alle ſchowen Da ſaz frowe kvneware Die fiere vnd die clare Die enlahte niht keinen wis Sie enſehe in der den hohſten pris Het oder ſold erwerben Sie wold e ſus erſterben Allez lachen ſie vermeit Biz daz der knappe fvr ſie reit Da erlachet ir minneclicher munt Des wart ir rvcke vngeſunt Do nam key ſine tſchalant Frowen kvnnewaren delalant Mit irem reiden hare Ir reiden zopfe clare Wand er vmb ſine hant Er ſpantez an ein tvrbant Jr rvcke wart kein eit geſtabt Doch wart ein ſtap ſo dran gehabt Biz daz ſin ſvſen gar verſwanc Durch die wat vnd durch ir vel ez dranc Do ſprach der vnwiſe Ewerm werden priſe Jſt ge_geben ein ſmehe letze Jch bin ſin vengech netze Vnd ſoln hin wider in evch ſmiden Daz irs enpfindet vf den liden Ez iſt dem kunig artus Vf ſinen hof vnd in ſin hvs So manic werder man geriten Durch den ir lachen habt ver_miten Vnd lachet nu durch einen man Der niht mit ritters fvre kan Jn zorne dinges vil geſchiht Sin ſlages wer im er_teilet niht Vor dem riche vf diſe magt Die vil frevnden wirt geklaget Ob ſie halt ſchilt ſolde tragen Die vngefvge iſt hie geſlagen Wan ſie was von art ein fvrſtin Orilus vnd lehelin Jr brvder hetenz die geſehen Der ſlege minner wer geſchehen Der verſwigen antanor Der durch ſwigen dvht ein tor Sin rede vnd ir lachen Was gezilt mit zwein ſachen Ern wolde nimmer wort geſagen Sie enlahte die da wart geſlagen Da ir lachen wart getan Sin munt ſprach zv key ſan Got weiz her ſinetſchant Daz frowe kvnneware delalant Durch den knappen iſt zv_bert Ewer frevde ez wirt ver_zert Nach von ſiner hende Ern ~~ſie~~ſi nie ſo ellende Sit ewer erſte rede mir drevt Jch wen irz wenic evch gefrevt Sin brat wart gealvnet Mit ſlegen vil gervnet Dem witzehaften toren Mit fvͤſten vmb ſin oren Daz *tet key ſunder twal Da muſt der iunge parcifal Diſen kummer ſchowen Antanors vnd der frowen Jm was von hertzen leit ir not Vil dicke er greif zvm gabilot Vor der kunigin was ſolich dgedranc ~~Dez~~Daz er durch daz ver_meit ver_ſwanc Vrlovp nam da ywanet Zv fillirois gamuret Des reiſe al ein wart getan Hin vz gein ycher vf den plan Dem ſaget er ſolche mere Daz da inne nieman were Der tioſtierens gerte Der kunic mich gabe werte Jch ſagt im als dv mir iehe Wie ez ane danc geſchehe Daz dv win vergvͤzze Vnfvge dich ver_drvzze Jr keinet lvſtet ſtrites Gib mir dar vf dv rites Dar zv allen dinen harnaſch Daz enpfienc ich vf dem palas Dar inne ich ritter werden muz Wider ſagt ſi dir min grvz Ob dv mirz vngerne geiſt Gewer mich ob du bi witzen ſeiſt Der kunic von kvnkvmenlant Sprach hat artuſes hant Dir min harnaſch gegeben Zwar daz tet er ovch min leben Mohtez dv mirs angewinnen Svs kan er frevnde minnen Was er dir aber e iht holt Din dienſt gedient ſo ſchier den ſolt Jch getar wol dienen waz ich ſol Ouch hat er mich gewert vil wol Gib her vnd la din lant reht Jch en_wil niht lenger ſin din kneht Jch ſol ſchildes ampt han Er greif im nach dem zovme ſan Dv maht wol weſen lehelin Von dem mir klagt die muter min : Nach 154.26 zwei leergelassene Zeilen. Nicht ausgeführte Kapitelüberschrift! Der ritter vmb kert den ſchaft Vnd ſtach den knappen ſo mit craft Daz er vnd ſin pferdelin Muſten vallen vf der ~~blumn~~blumen ſchin Der helt was zornes drete Er ſlvc in daz im wete Von dem ſchaffte vz der ſwarte blvt Parcifal der knappe gvt Stunt al zornic vf dem plan Zvm gabilot greif er ſan Da der helm vnd der ba*barbier Sich lohten ob dem herſnier Durchz in ſneit der gabilot Vnd durch den nach ſo daz er tot Viel. der falſcheit wider_ſatz Wibe ſevftzen hertzen iamers kratz Gap ichers tot von kaheviez Der wiben nazze ovgen liez Swelhe ſiner minne enpfant Durch in was gerant Vnd ir ſchimpf entſchvmpfiert Gein der rewe gekondiwiert Parcifal der tumme Kert in dicke al vmbe Ern konde in ab geziehen niht Daz was ein wunderlich geſchiht Helm ſnvͤre noch ſine tſchillier Mit ſinen blanken handen fier Kvnd erz niht vf geſtricken Noch ſus her abe gezwicken Uil dicke erz doch ver_ſvhte Wiſheit der vnbervhte Daz orſſ vnd daz pferdelin Erhuben ein ſo hohen grin Daz ez ywanet er_horte Vor der ſtat ans graben orte Frowen gynovern knappe vnd ir mac Da er von dem orſſe erhorte den bac Vnd daz er nieman drvffe er_ſach Von ſinen trewen daz geſchach Die er nach parcifalen trvc Da gaht dar der knappe klvc Da vand er ichern tot Vnd parcifalen in tvmmer not Snellich er zv in beden ſpranc Da ſagt er parcifalen danc Priſes den erwarp ſin hant An dem von kvnkvmerlant Got lon dir nu rat waz ich tv Jch kan hie harte wenic zv Wie bringe ichz ab im vnd an mich Daz kan ich wol geleren dich Sprach der ſtoltze ywanet Zv fillirois gamvret Entwappent wart der tote man Alda vor nantis vf dem plan Vnd an den lebenden gelegt Den dannoch grozze tumpheit regt Ywanet ſprach die ribalin Svln niht vnderm iſer ſin Dv muſt nu tragen ritters cleit Die rede was parcifalen leit Do ſprach der knappe gvter Swaz mir gap min mvter Des ſol vil wenic von mir komen Ez ge zv ſchaden oder zv fromen Daz dvht wunderlich genvc Ywaneten der was kluc Jedoch muſt er im volgen Er was im niht erbolgen ~~Swo~~Zwo liehte hoſen yſerin + Schvrtzter im vber die ribalin Svnder leder mit zwein porten Zwene ſporn dar zv gehorten Er ſpien im vmb daz goldes werc E. er bvte im dar den halſperc Er ſtricte im vmbe die tſchillier Sunder twal wart harte ſchier Von fvzze vf ge_wappent wol Parcifal mit gernder dol Doch ieſch der knappe mere Sinen kochere Jch enreich dir keinen gabilot Die ritterſchaft dir daz gebot Sprach ywanet der knappe wert Der gvrte im vmbe ein ſcharfez ſwert Daz lert er in vz ziehen Vnd wider riet im fli*flihen Dar zoch er im dar *henſan + Des toten mannes caſtellan Daz trvc bein hoch vnd lanc Der gewappent in den ſatel ſpranc Ern gerte ſtegereif niht Dem man nach ſnelheit giht Ywaneten niht bevilte Ern lert imin vnderm ſchilte + Kvnsticlich gebaren Vnd der veinde ſchaden varen Er ~~bon~~bot im in die hant ein ſper + Daz was gar ane ſine ger Doch fragt er war zv iſt ditz frvme Swer gein dir zv tioſte kvme Da ſolt dvz balde brechen Durch ſinen ſchilt ver_ſtechen Wiltv des vil getriben Man lobt dich vor den wiben Als vns die auentevre giht Zv koͤlne noch zv maſtriht Kein ſchilter entwurf in baz Danne als er vf dem orſſe ſaz Dv ſprach er zv ywaneten ſan Liber frvnt min kvmpan Jch han hie erworben des ich bat Dv ſolt minen dienſt in die ſtat Dem kunige artuſen ſagen Vnd ouch min hohez laſter klagen Bring im wider ſin golt vaz Ein ritter ſich an mir ver_gaz Daz er die iuncfrowen ſlvc Durch daz ſie lachens min gewuc Mich mvͤent ir iemerliche wort Die enrvrent mich kein hertzen ort Ja muz enmitten drinne ſin Der frowen vngedienter pin Nv tvz durch din geſellekeit Vnd laz dir ſin min laſter leit Got hvͤt din ich wil von dir varn Der mac vns bede wol bewarn Jchern von kaheviez Er iemerlichen ligen liez Der was doch tot ſo minneclich Lebendich was er ſelden rich Wer ritterſchaft ſin endes wer Zv tioſt durch ſchilt mit einem ſper Wer clagte danne die wunders not Er ſtarp von einem gabilot Ywanet da vf in brach Der liehten blumen zv einem dach Er ſtiez den gabilotes ſtil Zv im nach der marters zil Der knappe kevſch vnd ſtoltz Drvcte in krevtz wis ein holtz Durch des gabilotes ſniden Ern wolte niht ver_miden Jn die ſtat er ſagte Des manic wip verzagte Vnd manic ritter weinte Der klagende trewe erſcheinte Da wart iamers vil verdolt Der tote ſchon wart geholt Die kunigin reit vz der ſtat Daz heiligtum ſie fvren bat Ob dem kunige von kvnkvmerlant Den totte parcifals hant Frowe gynouer die kunigin Sprach iemerlicher worte ſin Owe vnd heya hey Artuſes werdikeit enzwei Sol brechen nach ditz wunder Der ob der tavelrunder Den hohſten pris ſolde tragen Daz der vor nantis lit erſlagen Sins erbeteils er gerte Da man in ſterbens werte Er was doch maſſenie alhie Alſo daz kein ore nie Kein ſin vntat nie ver_nam Er was vor wildem falſch zam Der was vil gar von im geſchaben Nv muz ich al zv frv begraben Ein ſloz ob dem priſe Sin hertze an zvhten wiſe Ob dem ſlozze ein hantfeſte Riet im benamen daz beſte Swo man nach wibes minne Mit ellenthaftem ſinne Solde erzeigen mannes trewe Ein bernde fruht al newe Jſt ~~trerens~~trvrens vf die wip geſehet + Vz diner wunden iamer wehet Dir was doch wol ſo rot din har Daz din blvt die blvmen clar Niht roter dorfte machen Dv ſwendeſt wiplich lachen ICher der lobes riche Wart beſtat kunicliche Sin tot ſchop ſevftzen in die wip Sin harnaſch vlos im den lip Dar vmbe was ſins endes wer Des tummen parcifals ger Sit da er ſich baz ver_ſan Vngern het erz da getan Daz orſſ einer ſite pflac Groz arbeit ez ringe wac Ez wer kalt oder heiz Ez en_liez niht durch reiſe keinen ſweiz Ez trete ſtein oder ronen Man dorſt im keines gvrtens wonen Doch eines loches naher baz Swer zwen tage drvffe geſaz Gewappent ez reit der tumpbe man Den tac ſo verre ez het lan Ein bloz wiſer ſold erz hab geriten Zwene tage ez wer ver_miten Er liez ſeſchevften vnd ſelten draben Er kunde wenic vf gehaben Hin gein dem abent er doc ſach Eins turnes gvpfen vnd des dach Dem tvmmen dvhte ſere Wie der tvrn wuhſe mere Der ſtunt da vil vf einem hvs Da wand er ſie ſehet artus Des iach er im fvr heilikeit Vnd daz ſin ſelde were breit Alſo ſprach der tumme man Miner muter volc in bowen kan Ja ewenwehſet niht ſo lanc ir *ſat Swaz ſie ir in dem walde hat Grozze regen ſie ſelden ver_birt Gvrnemantz de grahartz hiez der wirt Vf der burc dar zv er reit Da vor ſtunt ein linde breit Vf einem grvnen anger Ern was breiter ~~no*h~~noch langer + Nevr zv rehter mazze Daz orſſ vnd ovch die ſtrazze Jn trvgen da er ſitzen vant Des da was die bvrc vnd ovch daz lant Ein grozze mvͤde in des betwanc Daz er den ſchilt vnrehte ſwanc Zv verre hinder oder fvͤr Ot ninder nach der ſite kvr Die man da gein priſe maz Gvrnemantz der fvrſte ~~ſaz~~ein ſaz Ouch der linden tolde Jr ſchaten als ſi ſolde Dem hovbtman der waren zvht Des ſite was vor falſche ein flvht Er enpfienc den gaſt daz was ſin reht Bi im was ritter noch der kneht Des antwurt im da parcifal Vz tvmmen witzen ſunder twal Mich bat min muter nemen rat Zv dem der gawe locke hat Da wil ich ev dienen nach Sit mir min muter des ver_iach Sit ir durch rates ſchulde Her komen ewer hulde Mvzt ir mir durch raten lan Vnd welt ir rates volge han Da warf der fvrſte mere Einen mvzzer ſperwere Von der hende er in die bvrc erſwanc Ein guldin ſchelle dar_an erklanc Daz was ein bot da quam im ſan Vil iuncherren wol getan Er hiez den gaſt den er da ſach Jn fvren vnd ſchaffen ſin gemach Der ſagt min muter ſagt al war Altes mannes redde ſtet niht zv var Hin in ſie in fvrten al zv hant Da er manigen werden ritter vant Vf dem hofe an einer ſtat Jeſlicher in erbeizzen bat Da ſprach an dem was tvmpheit ſchin Mich ein kvnic hiez ritter ſin Swaz halt drvffe mir geſchiht Jch en_kome von diſem orſſe niht Grvz gein ev riet min mvter mir Sie dancten beide im vnd ir Do daz grvzzen was getan Daz orſſ was mvde vnd ouch der man Maniger bet ſie gedahten E. ſie in von dem orſſe brahten Jn eine kemnaten Sie begunden im alle raten Latz harnaſch von ev bringen Vnd ewern liden ringen Uil ſchier er muſt entwappent ſin Da ſie die rovchen ribalin Vnd die toren kleit er_ſahen Sie erſchracten die ſin pflagen Vil blvgez wart zv hofe geſagt Der wirt vor ſcham was nahen verzagt. Ein ritter ſprach durch ſin zvht Zwar ſo werdicliche frvht Erkos nie miner ovgen ſehe An im lit der ſelden ſpehe Mit ~~reinen~~reiner ſvzzen hohen art + Wie iſt der minnen blic alſus bewart Mich iamert immer*immer daz ich vant + An der werlde frevde ſolich gewant Wol der muter die in trvc An dem des wunſches lit genvc Sin zimierde iſt riche Des harnaſch ſtunt ritterliche E. ez qveme von dem gehevren Von einer qwatſchvren Blvtige amiſier Kos ich an im ſchier Der wirt ſprach zvm ritter ſan Daz iſt durch wibes bet getan Nein herre er iſt mit ſulchen ſiten Er kond nimmer wip gebiten Daz ſie ſinen dienſt neme Sin varwe der minne zeme Da ſprach der wir nv ſvl wir ſehen An des wete ein wunder iſt geſchehen Sie giengen da ſie fvnden Parcifalen den wunden Von einem ſper daz bleip doch gantz Sin vnderwant ſich gvrnemantz Soͤlich was ſin vnderwinden Daz ein vater ſinen kinden Der ſich trewe kunde nieten Moht ez im niht baz erbieten Sine wunden wuſch vnd bant Der wirt mit ſin ſelbes hant Nv was ovch vf gelegt daz brot Des was dem giungen gaſte not Wan in groz hunger niht ver_meit Al vaſtende er des morgens reit Von dem fiſſchere Sin wunden vnd ~~har*aſch~~harnaſch ſwere Die vor nantis er beiagte Jm mvͤde vnd hunger ſagte Vnd die verre tagereiſe Von artuſen briteneiſe Da man in allenthalben vaſten liez Der wirt in mit ezzen hiez Der gaſt ſich da gelabte Jn den barn er ſich ſo habte Daz er der ſpiſe ſwante vil Daz nam der wirt gar zv einem ſpil Da bat in flizcliche Gvrnemantz der trewen riche Daz er vaſte ezze Vnd der mvde ſin ver_gezze Man hvp den ~~t*ch~~tiſch des was zit Jch wene daz ir mvde ſit Sprach der wirt waret iht frv Got weiz min muter ſlief nv Sie kan ſo vil niht wachen Der wirt begunde lachen Er furt in an die ſlaf ſtat Der wirt in ſich vz ſlovfen bat Vngern er ez tet doch muſt ez ſin Ein declachen hermin Wart gelegt vber ſinen blozzen lip So werde frvht gebar nie wip Groz mude vnd ſlaf in lerte Daz er ſich ſelten kerte Vmbe an die andern ſiten Svs kund er tages biten Da gebot der furſte mere Daz ein ba reitet were Reht vmb den mitten morgens tac Zv ende an dem teppich da er da lac Daz muſt des morgens alſo ſin Man warf der roſen oben in Swie wenic man vmb in rief Der gaſt erwahte der da ſlief Der iunge werde ſvzze man Gienc ſitzen in die kvffen ſan Jch enweiz wer ſie des bete Juncfrowen in richer wete Vnd an libes varwe minneclich Die qvamen zvhte ſite gelich Sie twugen vnd ſtrichen ſchier Von im ſin amiſier Mit blanken linden henden Ja endorft in niht ellenden Der da was witze ein weiſe Sus dolt er frevde vnd eiſe Tumpheit ein weni*wenic er engalt + Juncfrowen kevſch vnd balt Jr alſus rierten Swa von ſie parlieten Da kund er wol geſwigen zv Ja endorften dunken niht zv frv Wan von in ſchein der ander tac Der glaſt alſus in ſtrite lac Sin varwe leſchte beide lieht Des was ſin lip verſvnnen niht Man bot ein badelachen dar Des nam er vil cleinen war Svs kond er ſich bi frowen ſchemen Vor in wold erz niht vmbe nemen Die iuncfrowen muſten gen Sie getorſten da niht lenger ſten Jch wene ſie gerne heten geſehen Ob im dort vnden iht wer geſchehen Wipheit ver mit trewen Sie kan frevndes kummer rewen Der gaſt an daz bette ſchreit Al wiz gewant was im bereit Von golde vnd von ſidin Einen brvchgvrtel zoch man dar in Scharlachens hoſen rot man ſtreich An in dem ellen nie geſweich Avoi wie ſtunden ſine bein Reht geſchicket ab im ſchein Brvn ſcharlachen wol geſniten Dem was fvrriern niht ver_miten Beide inne hermin blanc Roc mandel ~~wa*en~~waren lanc Breit ſwartz vnd gagra Zobel da vor man kos alda Daz legt an der gehevre Vnder einen gurtel tevre Wart er gefitſchiert Vnd wol gezimiert Mit einem tevren fvrſpan Sin munt da bi vor rote bran Do qvam der wirt mit craft Nach dem gienc ſtoltze ritterſ*ritterſchaft Er grvzzet den gaſt do daz geſchach Der ritter ieſlicher ſprach Sie geſehen nie ſo ſchonen lip Mit trewen lobten ſie daz wip Die da gap der werlde ſolhe frvht Durch warheit vnd vmb ir zvht Sie ſprachen er wirt wol gewert Swa ſie dienſt gnaden gert Jm iſt minne vnd grvz bereit Mac er geniezzen werdikeit Jeſlicher im des da ver_iach Vnd dar nach wer in ie geſach Der wirt in bi der hant gevienc Geſelliclich er dannen gienc JN fragt der fvrſte mere Wie ſin ruwe were Des nahtes da bi im geweſen Herre da enwere ich niht geneſen Wan daz min muter her mir riet Des tages da ich von ir ſchiet Got mvzze lonen evch vnd ir Herre ir tvt genade an mir Da gienc der helt mit witzen cranc Da man got vnd dem wirte ſanc Der wirt zvr meſſe in lerte Daz nach die ſelde merte Opfern vnd geſegen ſich Vnd gein dem tevfel keren ~~ſich~~gerich Dar_nach giengens vf den palas Alda der tiſch gedecket was Der gaſt zv ſinem wirte ſaz Die ſpiſe er vngeſmehet az Der wirt ſprach durch hobſcheit Herre evch ſol niht weſen leit Ob ich evch frage mere Wan ewer reiſe were Er ſagt im gar die vnderſcheit Wie er von ſiner muter reit Vmb daz vingerlin vnd vmb daz fvrſpan Vnd wie erz harnaſch gewan Der wirt er_kant den ritter rot Der erſevftzte vnd erbarmt in ſin tot Den gaſt ers namen da niht er_liez Den roten ritter er in hiez Da man den tiſch her dan genam Dar nach wart wilder mut vil zam Der wirt ſprach zvm gaſte ſin Jr ret als ein kindelin Wan geſwiget ewerre muter gar Vnd nemt anderre mere war Halt evch an minen rat Der ſcheidet evch von miſſetat Svs heb ich an latez ev gezemen Jrn ſvlt nimmer evch ver_ſchemen Ver_ſchamter lip waz tovc der mer Der want in der movzze rer Da im werdikeit entriſet Vnd in gein der helle wiſet Jr tragt geſchichede vnd ſchin Jr muͤgt wol volkes herre ſin Jst hoch vnd hohet ſich ewer art Lat ewern des bewart Evch ſol erbarmen notic her Gein des kvmmers ſit zv wer Mit milte vnd mit vnd mit gvte Vnd flizzet evch diemute Der kummerhaft werde man Wol mit ſchein ringen kan Daz iſt vnſvzze arbeit Dem ſvlt ir helf ſin bereit Wanne ſwenn ir dem tvt kummers bvz So nehet ev der gotes grvz Jn iſt nach wirs danne den die gent Nach brote da die venſter ſtent JR ſvlt beſcheidenliche Sin arm vnd riche Wan ſwo der herre gar ver_tvt Daz iſt niht herlicher mvt Sament er aber ſchatzes ere Daz ſint ovch vnere Gebt rehter mazze ir orden Jch bin wol inne worden Daz ir rates durftic ſit Nv lat der vnfvge ir ſtrit Jrn ſvlt niht vil gefragen Ouch enſol evch niht betragen Behaiter gegen rede die ſte Reht als eines fragen ge Der evch wil mit worten ſpehen Jr kvnnet wol horen vnd ſehen Entſeben vnd drehen Daz ſolt evch witzen vnd nehen Daz lat ewer erbermde bi der frevel ſin Svſ tut mir rates volge ſchin An ſwem ir ſtrites ſicherheit Bezalt. ern hab ev ſolche leit Getan. die hertzen kummer weſen Die nemt vnd lazzet in geneſen Jr muzzet dicke wappen tragen So ez von ev kom daz ir getwagen Vndern ovgen vnd an handen ſit Des iſt nach iſers rame zit So werdet ir minneclich gevar Des nement wibes ovgen war Weſet menlich vnd wol gemuͦt Daz iſt zv werdem priſe gvt Lat ev liep ſin die wip Daz tevrt iunges mannes lip Gewenket nimmer tac an in Daz iſt reht menlich_er ſin Welt inir in ~~ger*e~~gerne liegen + Jr muget ir vil betriegen Gein werder minne falſcher liſt Hat gein priſe kurtze friſt Daz wirt der ſlicher klage Daz durre holtz in dem hage Ez priſtet vnd krachet Der wahter er_wachet Vngeverte vnd hamit Dar ge_diet manic ſtrit Daz mezzet gein der minne Die werde hat ſinne Gein valſche liſtlichen ~~kunft~~kunſt + Wenne ir beiagt ir vngunſt So muzzet ir gevneret ſin Vnd immer dulden ſchemden pin Diſe lere ſult ir nahen tra*tragen + Jch wil ev mere von wibes orden ſagen. Man vnd wip die ſin aleine Alſam die ſunne die hevt ſcheine Vnd ovch der name der heizzet tac Der entweders ſich geſcheiden mac Sie blvͤent vz einem kerne gar Des nemt kunſtlichen war Der gaſt durch raten dem wirte neic Siner muter er geſweic Mit redde vnd imme hertzen niht Als nach getrewem manne geſchiht Der wirt ſprach ſin ere Nach ſvlt ir lernen mere Kvnſt an ritterlichen ſiten Wie qvamt ir zv mir geriten Jch han beſchowet manige want Da ich den ſchilt baz hangende vant Danne er ev zv halſe tete Ez en iſt vns niht zv ſpete Wir ſvlen zv velde gahen Da ſvlt ir kunſte nahen Bringet mir*im ſin ors vnd mir daz mine + Vnd iſlich ritter daz ſine Dar ſuln ovch iuncherren komen Der ieſlicher habe genomen Einen ſtarken ſchaft vnd bring in dar Der nach der newe ſi ge_var Svſt quam der fvrſte vf den plan Da wart mit riten kunſt getan Sinem gaſte er rate gap Wie erz orſſ vz dem walap Mit ſporn grvzzes pine Nach ſchenkeln fliegens ſchine Vf dem poynder ſolde wenken Vnd den ſchaft zv rehte ſenken Vnd den ſchilt zv tioſt fvr ſich nemen Er ſprach des lazzet evch gezemen Unfvge er im ſus werte Baz danne ein ſwankel gerte Die argen kinden brichet vel Da hiez er komen ritter ſnel Gein im durch tioſtieren Er be_gund in kundewieren Einem zv gegen an den rinc Da brahte der iungelinc Sin erſte tioſt durch einen ſchilt Des von in allen wart bevilt Vnd daz er hinderz orſſ ver_ſwanc Einen ſtarken ritter niht zv kranc Ein ander tioſtvre was komen Nv het ovch parcifal genomen Einen ſtarken newen ſchaft Sin iugent het ellen vnd craft Der iunge ſvzze ane bart Den twanc gamuretes art Vnd angeborne manheit Daz orſſ von rabine er reit Mit volliclicher hurte dar Er nam der vier nagel war Des wirtes ritter niht en_ſaz Al vallende er den acker maz Da muſten kleine ſtuckelin Al_da von trunzinen ſin Alſus ſtach er fvmfe nider Der wirt in nam vnd fvrt in wider Al_da behielt er ſchimpfes pris Vnd wart ouch ſit an ſtrite was Hie hat parcifal ſin erſtez rennen getan mit dem ſper. Die ſin riten da geſahen Die wiſen im des iahen Da fvr kunſt vnd ellen bi Nv wirt min herre iamers fri Sich mac wol iungen nu ſin leben Er ſol im zv wibe geben Sine tohter vnſer frowen Ob wirn bi witzen ſchowen So erliſchet im ſin iamers not Fvr ſiner drier ſvne tot Jm ein gelt zv hvſe ge_riten Nv hat in ſelde niht ver_miten Sus quam der furſte des abendes in Der tiſch gedecket muſte ſin Der wirt hiez zv tiſche komen Sine tohter ſus han ich ver_nomen Da er die maget komen ſach Nv horet wie der wirt ſprach Zv der ſchonen lyazzen Dv ſolt niht kvſſen lazzen Diſem ritter vnd bevt im ere Er vert mit ſelden lere Ovch ſolde an ev gedinget ſin Daz ir der meide ir vingerlin Liezzet ob ſiz mohte han Nv hat ſie ſin niht noch fvrſpan Wer geb ir ſolhen volleiſt Sam der frowen in dem foreiſt Die het etteſwenne von dem ſie enpfienc Daz ev zvnpfahen ſit er_gienc Jrn muget lyazzen niht genemen Des gaſt begunde ſich des ſchemen Jedoch kuſt ers an den munt Dem was wol fevrs varwe kunt Liazzen lip was minnenclich Da bi der waren kevſche rich Der tiſch was nider vnd lanc Der wirt mit nieman ſich da dranc Er ſaz al eine an den ort Sinen gaſt liez er ſitzen dort Zwiſchen im vnd ſinem kinde Jr blanken hende linde Muſten ſniden ſo der wirt gebot Den man da hiez den ritter rot Al daz er ezzen wolde Nieman ſie wenden ſolde Sie gebarten heimlich Die magt mit zvhten rich Leiſte irs vater willen gar Sie vnd der gaſt waren wol gevar Da nach ſchiere gienc die magt wider Alſus pflac man des heldes ſider Vntz an den viertzehenden tac Bi ſinem hertzen kummer lac Anders niht danne vmbe daz Er wolde e geſtriten baz E. daz er dar an wurde warm Daz man da heizzet frowen arm Jn dvht wert gedinge Daz wer ein hohe linge Zv diſem libe hie vnd dort Daz ſint nach vngelogene wort Eins morgens vrlovbes er bat Da rovmt er graharz die ſtat Der wirt mit im zv velde reit Hie hup ſich newez hertzenleit Da ſprach der fvrſte vz trvwen erkorn Jr ſit min vierder ſvn verlorn Ja wand ich ergetzet were Drier iemerlicher mere Der waren dannoch niht wan driv Der nu min hertze in viriv Mit ſiner hende ſlvge Vnd ieſlich ſtucke trvͤge Daz duͤht mich ein groz gewin Einez fvr evch ir ritet hin Die drev fvr mine werde kint Die ellenthaft er_ſtorben ſint Suſt lont iedoch die ritterſchaft Jr zagel iſt iamers ſtrichehaft Ein tot mich lemt an frevden gar Mines ſvnes wol gevar De*Der was geheizzen ſtentaflvrs + Da frowe kvndwir amvrs Lip vnd ir lant niht wolde geben Jnir helfe er verlos ſin leben Von clamide vnd von kingrvn Des iſt mir durkel als ein zvn Min hertze von iamers ſniten Nv ſit ir al zv frv von mir geriten Von mir troſtloſen man Owe daz ich niht ſterben kan Sit liaz die ſchone magt Vnd ovch min lant evch niht behagt Ein ander ſvn hiez kunic laſcoit Den ſlvc mir Jder fil noit Vmb einen ſperweere Des ſten ich frevden lere Min dritter ſvn hiez kvrtzgri Dem reit mahorte bi Mit ir ſchonen libe Wan ſie gab im zv wibe Jr ſtoltzer brvder ekunat Gein brandigan der hovpſtat Qvam er nach Schoi delakvrt geriten Des enwart ſin ſterben niht ver_miten Da ſlvc in mabonagrin Des ver_los mahavt ir liehten ſchin Vnd lac min wip ſin muter tot Groz iamers ir nach im gebot Der gaſt nam des wirtes iamer war Wan erz im vnder_ſchiet ſo gar Da ſprach er herre ich enbin niht wis Bezal aber ich immer ritters pris So daz ich wol mac minne gern Jr ſvlt mich liazzen wern Ewerre tohter der ſchonen magt Jr habt mir alzv vil ge_klagt Mac ich ev iamer danne entſagen Des en_laz ich evch ſo vil niht tragen Vrlovp nam der iunge man Zv dem getrewen fvrſten ſan Vnd zv al der maſſenie Des fvrſten iamers drie Was rewic an daz qvater komen Die vierden verluſt het er genomen Hie ſchiet parcifal von der ſchonen lyazzen vnd von irem vater mit manigem leide. Dannen ſchiet ſus parcifal. : Die oberste Zeile neben der Initiale steht leer. Ritters ſite vnd ritters mal. Sin lip mit zvhten fvrte. Owe wan daz in rvrte. Manic vnſvzze ſtrenge Jm was die wite gar zv enge Vnd ouch die breite gar zv ſmal Alle grvne in dvhte val Ein rot harnaſch in dvhte ~~val~~blanc Sin hertze die ovgen des betwanc Sin er tumpheit ane wart Da enwold in gamuretes art Denkens niht er_lazzen Nach der ſchonen liazzen Der meide ſelden riche Die im ge_ſellicliche Sunder minne bot ere Swar ſin orſſ nu kere Ern mac ez vor iamer niht enthaben Ez wolle ſpringen oder draben Kvrtze vnde ſtunden ſtric Dar zv der wagenleiſe bic Sine waltſtrazze meit Vil vngevertes er da reit Da lvtzel wegeriches ſtunt Tal vnd berge waren im vnkunt Genvge habent des einen ~~ſiten~~ſite Vnd iehen des wes irre rite Daz der den ſlegel fvnde Slegels vrkunde Lac da ane mazze vil Svln grozze ronen ſin ſlegels zil Doch reit er lutzel irre Wan die ſlihte nach der virre Quam er des tages von graharz Jn daz kunicriche zv brvbarz Durch wilde ge_birge hoch Der tac gein dem abent zoch Da qvam er an ein wazzer ſnel Daz was von ſinem dvzze hel Ez gaben die velſe ein ander Daz reit er nider da vand er Die ſtat zv pelrapeire Der kunic Tampunteire Het ſie ge_erbet vf ſin kint Bi der vil levte in kvmmer ſint Daz wazzer fvr nach boltze ſiten Die wol ge_vidert vnd geſniten Sint ſo des armbruſtes ſpan Mit ſenwen ſwanken tribet dan Dar vber gienc ein brucken ſlac Da manic hvrt vf lac Ez floz alda reht in daz mere Peltapeire ſtunt wol zv were Nv ſeht wie kint vf ſchocken varn Die man ſchockens niht wil ſparn Sus fvr die brucke ane ſeil Die enwas vor ivgent niht ſo geil Dort anderthalben ſtunden Mit helmen vf gebunden Sehtzic ritter oder mer Die riefen alle kera ker Mit vf geworfen ſwerten Die kranken ſtrites gerten Durch daz ſie in dicke ſahen ê Sie wanden ez wer clamide Wan er ſo kvniclichen reit Gein der brvcke vf dem velde breit Da ſie diſen iungen man Svs mit ſchalle rieffen an Swie ſer erz orſſ mit ſporn ver_ſneit Durch vorht ez doch die brvcke meit Den reht zageheit ie floch Der er_beizzet nider vnd zoch Sin orſſ vf der brvcken ſwanc Eines zagen mvt wer alzv kranc Sold er gein ſolhem ſtrite varen Dar zv muſt er ein dinc bewaren Wan er vorhte des orſſes val Da er_laſch ovch anderhalp der ſchal Die ritter trvgen wider in Helm ſchilte ſwertes ſchin Vnd ſlvzzen die zv die porten Grozzer her ſie vorhten Svs zoch hin vber parcifal Vnd quam geriten am wal Da maniger ſinen tot erkos Vnd durch ritters pris den lip verlos Vor der porten gein dem palas Der hoch vnd wol geheret was Einen rinc er an der porten vant Den rvrt er vaſte mit ſiner hant Sins rvfens nam da niman war Danne ein iuncfrowe wol gevar Vz einem venſter ſach die magt Den helt halden vnverzagt Die ſchone zvhteriche Sprach ſit ir veintliche Her komen herre daſt ane not Ane evch man vns vil hazzes bot Vom lande vnd vf dem mere Zornic ellenthaftez her Da ſprach er frowe hie helt ein man Der ev dient ob ich kan Ewer grvz ſol ſin min ſolt Jch bin ev dienſtlichen holt Da gie die magt mit ſinne Fvr die kuniginne Vnd half im daz er qvam dar in Daz in ſit wande hohe pin Svs wart er in ver_lazzen Jetweder_halp der ſtrazzen Stunt von povel ein lange ſchar Die werlichen qvamen dar Slingere patelierre Des was ein lange virre Vnd arger ſchvtzen harte vil Ouch kos er an dem ſelben zil Vil kvner ſariande Der beſten von dem lande Mit langen ſtarken lantzen Scharpfen vnd gantzen Als ich daz mere ver_nomen han Da ſtunt ovch manic kovfman Mit hatſchen vnd mit gabilot Als in ir meiſterſchaft gebot Hie iſt parcifal in die ſtat zv pelrapeire erſt komen. Sie trugen alle ſlachen balc Der kuniginne marſchalc Muſt in durch ſie beleiten Vf den hof mit arbeiten Der was gein wer be_raten Tvͤrne ob den kemnaten Wichus perfrit erker Der ſtunt da ſicherlichen mer Danne er da vor geſehe ie Da qvamen allenthalben hie Ritter die in enpfiengen Die riten vnd giengen Ouch was die iemerliche ſchar Alle nach aſchen var Oder als valwer leime Der grefe von wertheime Wer vngerne ſold*ſolden̉er da geweſen Ern mohte ir ſoldes niht geneſen Der zadel fvget in hungers not Sie enheten keſe fleiſch noch brot Sie liezzen zen ſtoͤren ſin Vnd ſmaltzen ovch keinen win Mit ir munde ſo ſie trunken Die wammen in nider ſunken Jr hvͤffe hoch vnd mager Gerumpfen als ein vngers zager Was in die hvt zv den riben Der hunger het in daz fleiſch ver_triben Den muſten ſie durch zadel doln Jn trof vil lvtzel in die koln Des twanc ſie ein ſtoltzer man Der werde kunic von brandigan Sie arnden klamides bet Sich begoz da ſelten mit dem met Der zvber oder die kanne Ein trvͤhendinger pfanne Mit krapfen ſelten da erſchrei Jn was der ſelbe don enzwei Sold ich daz nu wizen in So het ich harte kranken ſin Wan da ich dicke bin erbeizzet Vnd da man mich herre heizzet Da heim in min ſelbes hvs Da wirt ge_frevt ſelten mvs Wan die mvſe ir ſpiſe ſteln Sie endorfte nieman vor mir heln Jch envinde ir offenlichen niht Al_zv dicke daz geſchiht Mir wolfram von eſſchenbach Daz ich dulde al ſolch gemach Miner klage iſt vil ver_nomen Nv ſol diz mer wider komen Wie pelrapeire ſtunt iamers vol Da gap die diet von frevden zol Die helde iamers riche Lebten kvmmerliche Jr ware manheit daz gebot Nv ſolde erbarmen evch ir not Jr lip iſt nu benennet pfant Sie enloſe dar vz die hohſte hant Horet me von den armen Die ſolden evch er_barmen Die enpfiengen in ſchemliche Jrn gaſt ellenſriche Er duht ſie anders wol ſo wert Daz er niht dorfte han ge_gert Jr herberge als ez in ſtunt Jr grozze not was im vnkunt Man legt ein teppich an daz gras Da ver_muret vnd ver_leitet was Durch den ſchat ein linde Da entwappent in daz geſinde Er was in vngelich gevar Da er dem rom von im ſo gar Ge*Ge_twuc mit einem brunnen Da het er der ſvnnen Ver_krenket nach ir liehten glaſt Des dvht er ſie ein werder gaſt Man braht im einen mantel ſan Gelich als der rok getan Der .e. an dem helde lac Des zobel gab wilden nvwen ſmac Sie ſprachen welt ir ſchowen Die kunigin vnſer frowen Da ~~lac~~iac der helt ſtete + Daz er daz gerne tete Sie giengen gein dem palas Da hoch hin vf ge_gredet was Ein ~~minnecliche~~minneclich antlvtzes ſchin + Dar zv der ovgen ſvͤzzen ſin Uon der kuniginne gienc Ein liehter glaſt .e. ſie in enpfienc Von katelangen kiot Vnd der werde manfilot Hertzogen bede waren die Jrs brvder kint ſie brahten hie Des landes kuniginne Durch die gotes minne Hetens vf gegeben ir ſwert Die giengen die fvrſten wert Gra vnd wol gevar Mit grozzer zvht ſie brahten dar Jr frowen mitten an den ſtegen Da kuſt ſie den werden degen Die muͤnde waren bede rot Die kuniginne ir hant im bot Parcifalen ſie furte wider Alda ſie beide ſazzen nider Frowen vnd ritterſchaft Die heten alle ſwache craft Die da ſtunden vnd ſazzen Sie heten frevde lazzen Daz ge_ſinde vnd die wirtin Kvndwiramvrs ir ſchin Doch ſchiet von diſen ſtriten Jeſcuten eniten Vnd kvnnewaren delalant Oder wo man lobes die beſten vant Wa man frowen ſchone gewuc Jr glaſtes ſchin vaſte vnder ſlvc Vnd beder Jſalden Die da muz priſes walden Kvndewiramvrs Die trvc den rehten beakvrs Der nam iſt tevtſch ſchoner lip Ez waren wol nvtze wip Die diſe zwei ge_baren Die da bi ein ander waren Da enſchuf wip vnd man Niht me dan daz ſie ſahen an Die zwei bi ein ander ~~waren~~ Gvt frevnde da vand er Der gaſt gedaht ich ſag ev wie Liaz iſt dort liaz iſt hie Mir wil got ſorge mazzen Nv ſih ich liazzen Des werden gvrnemantzes kint Liazzen ſchone was ein wint Gein dirre meide die hie ſaz An der got wunſches niht ver_gaz Die was des landes frowe Als von dem ſvzzen towe Die roſe vz ir belgelin Enblecket newen werden ſchin Der beide wiz iſt vnd rot Daz fvͤgt irem gaſte grozze not Sin menlich zvht was im ſo gantz Sit in der werde gvrnemantz Von ſiner tvmpheit geſchiet Vnd im fragen wider riet Ez wer beſcheidenliche Bi der kunigin riche Saz ſin munt gar ane wort Nahen da niht verre dort Maniger kan nach rede ſparn Der mer zv frowen iſt gevarn Die kunigin gedahte ſan Jch wene mich ſmehe dirre man Dvrch daz min lip ver_twalet iſt Nein er tvtz durch einen liſt Er iſt gaſt ich bin wirtin Die erſte rede were min Dar nach er gvtlich an mich ſach Sit vns zv ſitzen hie geſchach Er hat ſich zvht gein mir enbart Min rede iſt al_zv vil geſpart Hie ſol niht me geſwigen ſin Zv ir gaſte ſprach die kunigin Herre ein wirtin reden muz Ein kvſſ erwarp mir ewern grvz Ouch enbvt ir dienſt da her in Svs ſagt ein iuncfrowe min Des en_habnt vns geſte niht gewent Des hat min hertze ſich verſent Herre ich frage evch mere Wan ewer reiſe were Frowe ich reit bi diſem tage Von einem man den ich mit klage Liez mit trewen ane ſchrantz Der furſte heizzet gvrnemantz Uon graharz iſt er genant Danne reit ich hevt in ditz lant Alſus ſprach die werde magt Hetez anders ieman mir geſagt Der volge wurde im niht ver_iehen Daz ez eins tages moht geſchehen Wan welich min bote ie baldeſt reit Die reiſe er zwene tage meit Min muter was die ſweſter ſin Ewers wirtes. ſiner tohter ſchin Sich ovch von iamer krenken mac Wir haben manigen ſweren tac Mit nazzen ovgen vber klagt Jch vnd liaz die magt Sit ir ewerm wirte holt So nemtz hint als wirz gedolt Hie lange han. wib vnd man Ein teil im dient ir dar an Jch muz ev vnſern kummer clagen Wir muzzen ſtrengen zadel tragen Da ſprach ir vetter kyot Frowe ich ſende ev zwelf brot Schultern vnd hammen dri Da ligent ahte keſe bi Vnd zwei bvͤnzel mit win Evch der brvder min Hint ſtevret des iſt not Da ſprach manfilot Frowe ich ſend ev als vil Da ſaz die magt an frevden zil JR grozzer danc wart niht ver_miten Sie namen vrlovp vnd riten Da bi zit weidehvſen Zv wilder albe klvſen Die alter ſazzen ſunder were Sie ouch fride heten von dem here Jr boten wider qvamen ~~von dem here~~gedrabt Des wart die kranke diet gelabt Da was der burger nar Gedigen an di ſpiſe gar Jr was vor hunger maniger tot E. daz in qveme dar daz brot Teilen hiez ez die kunigin Dar zv die keſe fleiſch vnd win Dirre crefteloſen diet Parcifal der gaſt daz riet Ez bleip in zwein kovm ein *iteſnite Die teiltens ane wegens ſite Die wirtſchaft was ouch ver_zert Da mit maniges tot er_wert Den der hunger leben liez Jrm gaſte man da betten hiez Sanfte des ich wenen wil Weren die burger veder ſpil Sie enweren vber krvpfet niht Des nach ir tiſch gerihtet giht Sie trvgen alle hungers mal Wan der iunge parcifal Der nam ſlafes vrlovp Ob ſin kertzen weren ſchovp Nein ſie waren bezzer gar Da gienc der iunge wol gevar An ein bette riche Gehert kunicliche Niht nach armvte kvͤr Ein teppich was geleget da fvr Er hiez die ritter wider gen Die enliez er da niht lenger ſten Kint im entſchvhten ſan er ſlief Vntz im der ware iamer rief Vnd liehter ovgen hertzen regen Die erwacten ſchier den werden degen Hie qvam als ich ev ſagen wil Ez brach niht wipliche zil Mit ſtete kevſche trug die magt Von der ein teil wirt geſagt Sie twanc vrlovges not Vnd ~~liebere~~lieber ~~tot~~helfere tot + Jr hertze an ſolchez crachen Daz ir ougen muſten wachen Da gienc die kuniginne Niht nach ſolher minne Die ſolhen iamer reizzet Der meide wip heizzet Sie ſvht helfe vnd frevndes rat An ir was werliche wat Ein hemde wiz ſidin Waz moht kampflicher ſin Denne gein dem man ſus komende wip Da ſwanc die frowe vmb iren lip Von ſamit einen mantel lanc Sie gie als ſie der kummer twanc Juncfrowen kamerere Swaz der da bi ir were Die lie ſie ſlaffen vber al Da ſleich ſie liſe an allen ſchal Jn eine kemnaten Ez ſchuffen die ez da taten Daz parcifal al eine lac Von kertzen lieht als ſam der tac Was vor ſiner ſlaf ſtat Gein ſinem bette gie ir pfat Vf den teppich kniet ſie fvͤr in Sie heten bede cranken ſin Er vnd die kuniginne An bi ligender minne Hie ward alſus geworben An frevden ver_dorben Was die magt des twanc ſie ſchem Ob er ſie hin an iht nem Leider des enkan er niht Ane kunſt ez doch geſchiht Mit einem alſo bewantem fride Daz ſie die ſvnberen lide Niht zv ein ander brahten Wie wenic ſie des gedahten Der meide iamer was ſo groz Vil zeher von ir ovgen floz Vf den iungen parcifal Der hort ir weines ſolhen ſchal Daz er ſie wachende an geſach Leit vnd liep im dran geſchach Vf rihte ſich der iunge man Zv der kunigin ſprach er ſan Frowe bin ich ewer ſpot Jr ſoldet knien ſus fvr got Geruht ſitzen zv mir her Daz was ſin bet vnd ovch ſin ger Oder legt evch hie alda ich lac Lat mich beliben ſwa ich mac Sie ſprach welt ir evch eren Solhe mazze gein mir keren Daz ir mit mir ringet niht Min ligen al da bi evch geſchiht Des wart ein fride von im getan Sie ſmoc ſich an daz bette ſan Ez was dannoch ſo ſpete Daz niendert han da crete Die hane bovme ſtunden bloz Der zadel hvͤnte ab in ſchoz Die magt iamers riche Fragt in zuhticliche Ob er hoͤren wolte ir clage Jch fvrhte herre ob ich ez ev ſage Ez wende ev ſlaf vnd tv ev we Mir hat der kunic clamide Vnd kingrvn ſin ſinetſchalt Ver_wuͤſt bvͤrge vnd ~~lant~~walt Vntz an pelrapeire Min vater Tampunteire Liez mich armen weiſen Jn vorhtlichen freiſen Fvrſtēn mage min man Riche vnd arm vndertan Was mir groz ellenthaftez her Die ſint erſtorben an der wer Halbe oder daz merer teil Wes mohte ich arme weſen geil Nv iſt ez mir komen an daz zil Da ich mich ſelben toten wil E. daz ich magtum vnd lip Gebe. vnd clamides wip Werde. wan ſin hant mir ſlvc Sentaflvr des hertze trvc Manigen ritterlichen pris Er mannes ſchoͤn ein blvndes ris Er kunde falſcheit mazzen Der brvder liazzen Da lias was genant Nach ir vil kumers wart gemant Der dienſt gebent parcifal Sin hoher mvt qvam in ein tal Des twanc in doch ir minne Er ſprach zvr kvniginne Frowe hvlfe ev iemandes troſt Ja herre ob ich wurde erloſt Von kingrvn ſinetſchalt Zv rehter tioſt hat mit gewalt Ge_vellet manigen ritter nider Der kuͤmt morgen da her wider Und went daz der herre ſin Svͤlle ligen an dem arme min Jr ſahet wol minen palas Der niendert ſo hohet was Jch viel .e. nider in den graben E. clamide ſolte haben Min gewalt minen magetum Svs wolt ich wenden ſinen rvm Da ſprach er frowe iſt kingrvn Frantzois oder britvn Oder vz welhem lande er vert Von miner hant ir ſit gewert Als ez min lip von enden mac Die naht het ende vnd quam der tac Die kunigin ſtunt vf vnd neic Jr grozzen danc ſie niht verſweic Da ſleich ſie wider lieſe Nieman was da ſo wiſe Der wurde irs gens da gewar Wan parcifal der wol gevar Ern ſlief niht lenger do dar_nach Den ſvnnen was gein hohe gach Jr gleſten durch die wolken dranc Da hort er manigen glocken klanc Kirchen muͤnſter ſvcht die diet Die clamide von frevden ſchiet Vf rihte ſich der iunge man Der kuniginne capplan Sanc got vnd ſiner frowen Jrn gaſt ſie wolden ſchowen Biz daz der beneditz geſchach Nach ſinem harnaſch er ſprach Da wart er wol gewappent in Er tet doch ritters ellen ſchin Mit rehter menlicher wer Do qvam clamides her Mit maniger baniere Kingrvn qvam ſchiere Vor den andern verre Vf einem orſſe ~~voniſer~~von iſer terre Als ich ez mer han ver_nomen Da was ovch fvr die porte komen Fillirois gamuret Der het der bvrger gebet Ditz was ſin erſter ſwertes ſtrit Er nam den poynder wol ſo wit Daz von ſiner tioſt hvrt Beiden orſſen wart engvrt Darm gvrtel brachen vmb daz Jetweders orſſ vf die hahſen ſaz Die .e. vf in ſazzen Der ſwerte ſie niht ver_gazzen Jn den ſcheiden ſie ſi funden Kingrvn trvc wunden Durch den arm in die brvſt Diſe tioſt in lerte ver_luſt Al ſolhem pris des er pflac Vntz an ſinen hofart ſwindens tac Soͤlch ellen was vf in gezalt Sehs ritter ſold er han gewalt Die gein im qvamen vf ein velt Parcifal im brahte gelt Mit ſiner ellenthaften hant : Über dem Vers 4 Zeilen Freiraum für nicht ausgeführte Kapitelüberschrift. Daz kingrun ſinetſchaltz lant Wande fremder mere Wie ein pfeterere Mit wuͤrfen an in ſeicte Ander ſtrit in neicte Ein ſwert im durch den helm er_klanc Parcifal in nider ſwanc Er ſatz im an die bruſt ein knie Er bot daz wart geboten nie Keinem manne ſin ſicherheit Ern wolde niht der mit im ſtreit Er bat in fiantz Bringen gurnemantze Nein herre du maht mir gerner tvn Den tot in ſlvc im ſinen ſvn Scentaflvr ich nam ſin leben Got hat dir eren vil ge_geben Swa man ſagt daz von dir Din craft erzeiget iſt an mir Daz du mich haſt betwungen So iſt dir wol gelungen Do ſprach der iunge parcifal Jch wil dir lazzen ein ander wal So ſicher der kunigin Der din hertze hohen bin Hat getan mit zorne So wer ich der ver_lorne Mit ſwerten wer min lip ver_zert Clein als daz in der ſvnnen vert Wan ich han hertzenleit getan Dort inne manigem kuͤnen man So fvͤre von diſem planie Jn daz lant zv britanie Din ritterliche ſicherheit Einer meide die durch mich leit Des ſie niht liden ſolde Der fvge er_kennen wolde Vnd ſag ir waz halt mir geſchehe Daz ſie mich nimmer fro geſehe E. daz ich ſie gereche Al da ich ~~ſie gereche~~ſchilt durch ſteche. Sage artuſen vnd dem wibe ſin Jn beiden von mir dienſt min Vnd der maſſenie gar Daz ich nimmer wil komen dar E. daz ich laſters mich entſage Daz ich geſelliclichen trage Mit ir die mir lachen bot Des qvam ir lip in grozze not Sage ir ich ſi ir dienſtman Dienſtlicher dienſte vndertan Der rede ein volge da geſchach Die helden ſcheiden man ſich ſach Hin wider qwam gegangen Da ſin orſſ was gevangen Der burger kamfes tioſt Sie wurden ſit von im erloſt Zwifels pflac daz vzzer her Daz kingrvn an ſiner wer Was entſchvmpfiert Da wart gekondewiert Parcifal zvr kvnigin Sie tet im vmbe vahens ſchin Sie druct in vaſt an ir lip Vnd ſprach ich en_werde nimmer wip Vf der erde keines man Wan den ich vmbe vangen han Sie half daz er entwapent wart Jr dienſt was vil vngeſpart Nach ſiner grozzen arbeit Was kranke wirtſchaft bereit Die burger ſo gefvren Daz ſie im alle hulde ſwuren Vnd iahen er muſte ir herre ſin Da ſprach ovch die kunigin + Er ſolde ſin ir amis + Sit daz er ſo hohen pris Bezalt an kingrvne Zwene ſegel brvne Kos man vor der wer her abe Die ſluc groz wint vaſte in die habe Die kiele waren geladen ſo Des die burger wurden fro Sie entrugen niht wan ſpiſe Daz fvget got der wiſe Ser von den zinnen vielen Vnd gahten zv den kielen Daz hungerig her durch den rovp So mohten fligen ſo die lovp Die magern vnd die ſihten Von ~~fleiche~~fleiſche die lihten Jn was erſchoben niht ir balc Der kuniginne marſchalc Tet den ſchiffen ſolhen fride Daz er gebot bi der wide Daz ſie ir keiner rvrte Die kovflevte er fvrte Fvr ſinen herren in die ſtat Parcifal in gelten bat Jrn kovff zwiſpilde Die ſchiflevte ~~er fvrte~~des bevilde Sus wart ver_golten in ir kovf Den burgeren da in koln trof Jch were da nu wol ſol*ſoldinyer Wanne da trinket nieman bier Sie habent ſpiſe vnd wins ~~viel~~vil Da warp als ev ſagen wil Parcifal der reine Von erſt die ſpiſe cleine Tel*Teilt er mit ſins ſelbes hant + Er ſatzt die werden die er da vant Ern wolde niht ir lere magen Vber kropfe lazzen tragen Er gap in rehter mazze teil Sie wurden ſines ratens geil Hin zv naht ſchuf er in mer Der vnloſe niht zv her Bi ligens wart gefragt da Er vnd die kunigin ſprachen ia Er lac mit ſolhen fvgen Des nu niht wil benugen Manige wip der in ſo tut Daz ſie durch arbeitlichen mut Jr zvht ſus parrierent Vnd ſich der_gegen zierent Vor geſten ſint ſie an kevſchen ſiten Jr hertzen willen hat ver_ſniten Swaz mac an den geberden ſin Jr frevnt ſie heimlichen bin Fvgent mit ir zarte Des mazze ie ſich bewarte Der getrewe ſtete man Wol frevndinne ſchonen kan Er denket als ez liht iſt war Jch han gedien mine iar Nach lone diſem wibe Die hat minem libe Erboten troſt nu lig ich hie Ez het mich be_nuget ie Ob ich mit miner blozzen hant Solde rvren ir gewant Ob ich nu gites gerte Vntrewe ez fvͤr mich werte Sold ich ſie arbeiten Vnſer beder laſter breiten Vor ſlafe ſvͤzze mere Sint frowen ſitegebere Svs lac der waleiſe Kranc was ſin reiſe Den man den roten ritter hiez Die kunigin er magt liez Sie wande doch ſie were ſin wip Durch ſinen minnenclichen lip Des morgens ſie ir hovbt bant Da gap im levt vnd lant Diſe magt_periv brvt Wan er was irs hertzen trvt Sie warn mit ein ander ſo Daz ſie durch liebe waren fro Zwen tage vnd die dritten naht Von im dicke wart gedaht Vmbe vahens daz ſin muter riet Gvrnemantz im ovch vnder_ſchiet Man vnd wip die wern aleine Sie ſlohten arm vnd beine ~~M*gen muͤzze~~Ob ichz ev ſagen muͤzze + Er vant daz nahe ſvzze Der alte vnd der newe ſite Want al da in beden mite Jn was wol vnd niht zv we Nv horet wie clamide An crefticlicher hervart Mit meren ge_vntroſtet wart Svs begunde im ein knappe ſagen Des orſſ zvn ſiten was durch ſlagen Vor pelrapeire vf dem plan Jſt werde ritterſchaft getan Scharpf genuge von ritters hant Betwungen iſt der ſmetſchalant Des heres meiſters kingrvn Vert gein artuſe dem britun Die ſoldnier ligen nach vor der ſtat Da er dannen ſchiet als er ſie bat Jr vnd ewer beide her Vindet pelrapeire zv wer Dort inne iſt ein ritter wert Der anders niht wan ſtrites gert Diſe ſoldier iehen beſunder Daz von der tavelrunder Die kuniginne habe beſant Jchern von kvnkvmerlant Des wappen qvam zvr tioſt fvr Vnd wart getragen nach priſe kvͤr Der kunic ſprach zvm knappen ſan Kvndewiramvrs wil mich han Vnd ich ir lip vnd ir lant Kingrvn min ſmetſchalant Mir mit warheit enbot Sie geben die ſtat durch hungers not Vnd daz die kvniginne Mir bvͤt ir werde minne Der knappe erwarp da niht wan haz Der kunic mit her reit fvrbaz JM qvam ein ritter wider_varn Der ovch daz orſſ niht kunde ſparn Der ſagt die ſelben mere Clamide wart ſwere Frevde vnd ritterlicher ſin Ez duht in groz vngewin Des kuniges man ein fvrſte ſprach Kingrvnen nieman ſach Striten fvre vnſer manheit Niht wan fvr ſich ein er da ſtreit Nv lat in ſin zv tode er_ſlagen Svln durch daz zwei her ver_zagen Diz vnd ienez vor der ſtat Sinen herren er trvren lazzen bat Wir ſvͤlnz nach baz ver_ſvchen Vnd wellent ſie wer *rvchengervchen Wir geben in nach ſtrites vil Vnd bringens vz ir frevden zil Man vnd mage ſvlt ir manen Vnd ſvht die ſtat mit zwein vanen Wir mugen an der liten Wol zv orſſe zv in riten Die porten ſvche man zv fvze Zwar wir tun in ſchimpfes bvzze Den rat gap kalogandres Der hertzoge von tſchopones Der braht die burger in not Vnd holt ouch an ir letz den tot Sam tet der grafe narant Ein furſte vz vckurlant Vnd manic wert arm man Den man trvc toten her dan Nv hoͤrt ein ander mere Wie die bvrgere Jr letze taten govme Sie namen lange bovme Vnd ſtiezzen ſtarke ſtecken dar in Daz gap den ſucheren pin Mit ſeilen ſie ſi hiengen Die ronen in redern giengen Ditz was allez geprvfet e Sie zv ſturme ſuhte clamide Nach kingrvns tſchumpfentevr Ovch was in heidens wilde fevr Mit der ſpiſe braht in daz lant Daz vzzer antwerc wart ver_brant Eben hoͤhe vnd ir mangen Swaz vf redern quam ge_gangen Jgel katzen in den graben Daz konde daz fevr wol her dan ſchaben. Kingrvn ſmetſchalant Was komen zv britanie in daz lant Vnd van den kunic artus Jn brezzilian in dem weidhvs Daz was ge_heizzen karmival Da warp er als in parcifal + Gevangen het dar geſant Frowen kvnnewaren delalant Braht er ſin ſicherheit Die iuncfrowe was gemeit Daz mit trewen klagt ir not Den man da hiez den ritter rot Uber al daz mere wart ver_nomen Da was ovch fvr den kunic komen Der betwungen werde man Jm vnd der maſſenie ſan Sagt er was in was enboten Key erſchrac vnd be_gunde roten Da ſprach er bis dvz kingrun Avoy wie manigen britvn Hat entſchumpfiert din hant Dv Clamides ſmetſchalant Wirt mir din meiſter nimmer holt Dins ampts du doch geniezzen ſolt Die kezzel ſint vns vndertan Mir hie vnd dir zv brandigan Hilf mir durch din werdikeit Cvnnewaren hulde vmb krapfen breit Er enbot ir anders wandels niht Die rede lat ſin hort waz geſchiht Da wir ditz mere liezzen e. Fvr pelrapeir qvam clamide Da grozzez ſtvrmen niht wart vermiden. Die innern mit den vzzern ſtriden Sie heten troſt vnd craft Man vant die helde werhaft Da von behabten ſie daz wal Jr landes herre parcifal Streit den ſinen verre vor Da ſtunden offen gar die tor Mit ſlegen er die arme ſwanc Sin ſwert durch herte helme dranc Swaz er da ritter nider ſlvc Die funden arbeit genuͦc Die kund man ſie leren Zv der halſperge geren Die burger taten rache ſchin Sie er_ſtachen ſie zv ſlitzen in Parcifal der werte in daz Da ſie dar vmbe er_horten ſinen haz Zweintzic ſie lebentic viengen E. ſie von dem ſtrite giengen Parcifal wart wol gewar Daz clamide mit ſiner ſchar Ritterſchaft zvn porten meit Vnd daz er anderhalben ſtreit Der iunge mutes herte Kerte ans vngeverte Hin vmb begund er gahen Des kuniges vanen nahen Seht da wart clamides ſolt Aller erſt mit ſchaden da geholt Die burger ſtriten kunden So daz in gar ver_ſwunden Die herten ſchilde vor der hant Parcifals ſchilt der verſwant Von ſlegen vnd von ſchvͤzzen Swi wenic ſis genvͤzzen Die ſuchere die daz ſahen Des pris ſie im alle iahen Galogondres truc den vanen Der kund daz volc vaſte manen Der lac ans kuniges ſiten tot Clamide qvam ſelbe in not Jm vnd den ſinem wart da we Den ſtvrm verbot da clamide. Hie vindet man geſchriben eins blates vor wie Clamides der kvnic die Stat zv pelrapeire ſtvrmet. vnd wie parcifal vnd die ſinen mit im ſtriten. vnd die Stat behabten. Parcifal der werde degen Bat der gevangen ſchon pflegen Vntz an den dritten morgen Daz vzzer her pflac ſorgen Der iunge ſtoltze wirt gemeit Nam der gevangen ſicherheit Er ſprach als ichs ev enbevt Komt wider gvten levt Jr harnaſch er behalden bat Jn daz her ſie kerten fvr die ſtat Swie ſie wern von trvnken rot Die vzzern ſprachen hungers not Habt ir gedolt ir armen Lat evch vns niht er_barmen Sprach die gevangen ritterſchaft Dort inne iſt ſpiſe al ſolhe craft Welt ir hie ligen nach ein iar Sie behaltent evch mit in fvr war Die kunigin hat den ſchonſten man Der ſchildes ampt ie gewan Er mac wol ſin von hoher art Aller ritter ere iſt an in bewart Da ditz erhort clamide Alrerſt tet im ſin arbeit we Boten ſand er wider in Vnd enbot wer bi der kunigin Da gelegen were Jſt er kampfes bere So daz ſie in da fuͤr hat erkant Daz er ir lip vnd ir lant Mir mit kampfe getvrre weren So ſi ein fride von beden heren Parcifal des wart alfro Daz im die botſchaft alſo Gein ſin eins kampfe wart geſagt Do ſprach der iunge vnverzagt Da fvr ſi min trewe pfant Des innern hers kein hant Durch min not kvmt zv wer Zwiſchen graben vnd dem vzzern her Wart ge_ſtetet dirre fride Da wapenden ſich die kampf ſmide Da ſaz der kunic von brandigan Vf ein gewapent kaſtelant Daz was ge_heizzen Gvneriorz Von ſinem neven Grigorz Dem kunige von Jpotente Mit richer preſente Was ez komen clamide Norden vber den vcher ſe Ez braht der grafe narant Vnd dar zv tuſent ſariant Mit harnaſche alle ſunder ſchilt Den was ir ſolt ſus gezilt Volliclichen zwei iar Ob die auentevr ſagt al war Grigorz im ſante ritter clvc Fvnf hundert. ietſlicher trvc Helm vf hovbet gebunden Die wol mit ſtrite kunden. Wie Clamide vnd parcifal mit ein anden kempften. Do het clamides her Vom lande vnd vf dem mer Pelrapeire alſo be_legen Die burger muſten kummers pflegen Vz qvam ge_riten parcifal An daz vrteilliche wal Da got er_zeigen wolde Ob er im lazzen ſolde Des kuniges Tampunteirs barn Stoltzlich er qvam gevarn Nevr als des orſſ den walap Vor der rabine gap Ez was gewapent wol fvr not Von ſamit ein decke rot Lac vf der iſerinen An im ſelb lie er ſchinen Roten ſchilt rot kurſit Clamide erhup den ſtrit Kvrtz ein vmbeſnitenz ſper Braht er durch tioſt vellen her Da mit er nam den poyndir lanc Gvferſchvrz mit hurte ſpranc Wol da getioſtieret wart Von den zwein iungen ane bart Sunder failieren Von levten noch von tieren Wart nie ge_ſtriten herter kampf Jetweders orſſ von mvͤde dampf Svs heten ſie gevohten Daz die orſſ nimmer en_mohten Da ſturtzten ſie dar vnder Enſamt niht be_ſunder Jr ietweder des geruhte Daz erz fevr in helme ſvhte Sie enmohten firens niht gepflegen Jn was zv werke alda ge_geben Da zv_ſtuben in die ſchilte So der mit ſchimpfe ſpilte Vnd veder wuͤrfe in den wint Dannoch was gamuretes kint Hinder muͤde an keinem lide Da wande clamide daz der fride Were zv_brochen vz der ſtat Sinen kampf ge_noz er bat Daz er ſich ſelb erte Vnd manigen wurf werte Ez giengen vf in ſlege groz Die waren wol maniges ſteins genoz Sus antwurt im des landes wirt Jch wen dich manic wurf ver_birt Wan da fvr iſt min trewe pfant Hetſt dv fride von miner hant Dir enbreche maniger ſwenkel Brvſt hovbt noch den ſchenkel Clamide dranc mvͤde zv Die was im dannoch gar zv frv Sig gewunnen ſig ver_lorn Wart ſunder da mit ſtrit er_korn Doch wart der kunic clamide An tſchumpfentevr ge_ſchowet e Von einem nider_zvcke Von parcifales drvcke Bluͦt weten vz oren vnd vz der naſen Daz maht rot den grvnen waſen Ern blozzet im daz hovbt ſchiere Von helm vnd von herſniere Gein ſlage ſaz der be_twungen lip Der ſigehafte ſprach min wip Mac nu beliben vor dir fri Nv lerne waz ſterben ſi Neina merre degen balt Din ere wirt ſus drizzic valt Vaſte an mir er_zeiget Sit dv mich haſt ge_neiget Wo mac dir hoher pris geſchehen Kvndwiramvrs mac wol iehen Daz ich der vnſelig bin Vnd din gelucke hat gewin Din lant iſt erloſet Als der ſin ſchif er_oͤſet Ez wirt vil deſt lihter Min gewalt iſt worden ſihter Reht menliche wunne Jſt worden an mir dvnne Durch waz woldes dv mich ſterben Jch muz doch laſter erben Vf alle mine nach_komen Dv haſt den pris vnd den frvmen Tvſt dv mir mer daz iſt ane not Jch trage den lebendigen tot Sit ich von ir ge_ſcheiden bin Die mir hertze vnd ſin Je mit ir gewalt beſloz Vnd ich des nie gein ir genoz Dez muz ich vnſelic man Jr lip ir lant dir ledic lan Do ge_daht der den ſig hat San an gurnemantzes rat Daz ellenthafter manheit Erbermde ſolde ſin bereit Sus volgt er dem rate nach Hin zv Clamide er ſprach Jch en wil dich niht er_lazzen Jr vater liazzen Dv enbringeſt im din ſicherheit Nein herre ich han im hertzenleit Getan. ich ſlvc im ſinen ſvn Dv ſolt alſo mit mir niht tvn Dvrch Gvndewiramvrs Vaht ovch mit mir ſcentaflvrs Ovch wer ich tot von ſiner hant Wan daz mir half min ſmetſchalant Jn ſande inz lant zv Brvbarz Gvrnemantz von graharz Mit werdiclicher hers craft Die taten gvt ritterſchaft Nevn hundert ritter die wol ſtriten Gewappent orſſ ſie alle riten Vnd fvnfzehen hundert ſariant Gewappent ichs in ſtrite vant JN gebraſt niht danne der ſchilte Sines hers mich be_vilte Jr quam doch kvme der ſame wider Mer helde ver_los ich ſider Nv darb ich frevde vnd ere Wes gers dv *von mir mere Jch wil ſenften dinen freiſen Var gein den brituneiſen Da vert ovch vor dir kingrvn Gein artus dem britun Dem ſoltv minen dienſt ſagen Bit in daz er mir helfe klagen Laſter daz ich fvrte dan Ein iuncfrowe mich lahte an Daz man die durch mich zv blov So ſer mich nie dinc gerov Der ſelben ſage ez ſi*ſi mir leit Vnd bring ir din ſicherheit So daz dv leiſtes ir ge_bot Oder dv nim alhie den tot Sol daz ge_teilte gelten So en_wil ihs niht ſchelten Sus ſprach der kunic von brandigan Jch wil die reiſe hinnen han Mit gelvbde da dannen ſchiet Den .e. ſin hohfart ver_riet Parcifal der wigant Gie dar er ſin orſſ mvde vant Sin fvz der naher nie ge_greif Er ſpranc drvf on ſtegereif Daz vmbe gunde zirben Sin ver_howenz ſchilde ſchirben Des waren die burger gemeit Daz vzzer her ſach hertzenleit Braten vnd lider taten im we Man leitte den kunic clamide Da ſin helfer waren Die toten mit den baren Frvͤmt er an ir reſte Da rvmtenz lant die geſte Clamide der werde Reit gein loͤver vf die erde Entſamt niht beſunder Die von der tavelrunder Waren zv dianazrvn Bi artus dem britun Ob ich ev niht ge_logen han Vor dianazrvn der plan Mvſt zelt_ſtangen wonen Mer danne im ſpehſhart ſi ronen Mit ſolcher maſſenie lac Durch hohzit den pfingeſtac Artus mit maniger frowen Ovch moht man da ſchowen Manige banier vnd ſchilt Den ſunder wapen was ge_zilt Vnd manigen wol ge_hertten rinc Ez dvͤhten nu vil grozze dinc Wer moht die reiſelachen Solhem wibes her gemachen Ovch wonde da ein frowe ſan Sie ſolde den pris ver_lorn han Het ſie da niht ir amis Jch entet ez niht keinen wis Ez was da manic tvmmer lip Jch breht vngern nu min wip Jn alſo groz gedrenge Jch vorht vnkunt gemenge Ettezlicher hin zv ir ſpreche Daz in ir minne ſteche Vnd im die frevde blande Ob ſie die not er_wande Daz dient er vor vnd nach Mir wer .e. mit ir danne gach Jch han geret vmb min dinc Nv hort wie artus rinc Sunder was erkennelich Vor vz mit maniger ſchoy rich Die maſſenie vor im az Manic werder man gein falſche laz Vnd manic iuncfrowe ſtoltz Daz niht wan tioſt was boltz Jr frevnt ſie gein den veienden ſchoz Leit in ſtrit da kummer groz Sus ſtunt liht ir gemvͤte Daz ſie daz galt mit gvte Clamide der iungelinc Reit enmitten in den rinc Ver_decket orſſ gewappent lip Kos an im artus wip Sin helm ſin ſchilt ver_howen Ditz ſahen gar die frowen Alſus was er zv hove komen Jr habt .e. wol ver_nomen Daz er des wart betwungen Er erbeizte vil gedrungen Wart ſin lip .e. er ſitzen vant Frowen kvnnewaren delalant Da ſprach er frowe ſit ir daz Der ich ſol dienen ane haz Ein teil twinget mich ſin not Sinen dienſt ev enbevt der ritter rot Vnd wil vil gantz pflihte han Swaz ev zv laſter iſt getan Ouch bitet erz artuſen clagen Jch wene ir ſit durch in ge_ſlagen Frowe ich bringe ev ſicherheit Svs gebot der mit mir ſtreit Nv leiſt ichz gerne wenne ir welt Min lip gein tode was ver_ſelt Frowe kvnneware de_lalant Greif an die ge_iſerten hant Alda frowe Gynover ſaz Die an den kunic mit ir az KEy vor dem tiſche ſtunt Alda im wart ditz mere kunt Der wider_ſaz im ein teil Des wart frowe kunneware geil Da ſprach er frowe dirre man Swaz der hat gein ev getan Des iſt er vaſte vnder_zogen Doch wen ich des er iſt vf gelogen Jch tetz durch hofelichen ſite Vnd wold evch han gebezzert mite Dar vmbe han ich ewern haz Jedoch wil ich ev raten baz Heizt entwappen diſen gevangen Jn mac hie ſtende erlangen Jn bat die iuncfrowe fier Abe nemem den helm vnd daz herſnier Do manz ab im ſtrovft vnd bant Clamide wart ſchier er_kant Kingrun ſach dicke An in kuntliche blicke Da wurden an den ſtunden Sin hende alſo gewunden Daz ſie be_gunden trachen Alſam die durren ſpachen An ~~den~~der ſtunt ſin frevde ſwant + Den tiſch ſtiez er von im zv hant Sinen herren fragt er mere Den vant er frevden lere Er ſprach ich bin zv ſchaden geborn Jch ſo wirdic her han verlorn Daz muter nie gebot ir brvſt Dem der erkande hoher ver_luſt Mich en rewe niht mines heres tot Da gegen min*minne mangels not Leſt vf mich ſolhen laſt Mir iſt frevd geſtin. hoch_mut gaſt Kvndewiramvrs frvmt mich gra Pylatus von poncia Vnd der arme iudas Der bi einem kvſſe was An der treweloſen vart Da ihesus ver_raten wart Swie daz ir ſchepfer reche Die not ich niht verſpreche Daz zv Brvbarz der frowen lip Mit ir hulden wer min wip So daz ichz vienge Swie ez mir dar nach er_gienge Jr minne iſt leider verre Dem kunige von iſerterre Min lant vnd des volc zv brandigan *Mvzzens immer iamer han Mins vettern ſvn Mvbonagrin Leit ouch da zv lange pin Nv bin ich kunig artus Her ge_riten in din hvs Betwungen von ritters hant Dv weiſt vil wol daz in min lant Dir manic laſter iſt getan Des ver_giz nu werder man Die wil ich hie gevangen ſi La mich ſolhes hazzes fri Mich ſol frowe kvnneware Scheiden von dem vare Die min ſicherheit enpfienc Da ich ge_vangen fvr ſie gienc Artuſes vil getrewer munt Ver_kos die ſchulde ſa zv ſtunt Da gefriͤſch wip vnd man Daz der kunic von brandigan Was geriten in den rinc Nv dar naher dringa drinc Vil ſchiere wart daz mere breit Mit zvhten ieſch geſellikeit Clamide der frevden ane Jr ſvlt mich Gawane Be_velhen frowe bin ich ſin wert So weiz ich wol daz er ſin ovch gert Leiſtet dar an ewer gebot Er eret evch vnd den ritter rot Artus bat ſiner ſweſter ſvn Ge_ſellikeit dem kunige tvn Ez wer iedoch ergangen Da wart wol enpfangen Von der werden maſſenie Der betwungen falſches frie Zv Clamide ſprach kingrvn Owe daz ie kein britun Dich gevangen ſach zv hvs Nach richer danne artus Were dv helfe vnd vrbor Vnd heteſt doch din ivgent vor Sol artus da von pris nu tragen Daz key hat durch zorn geſlagen Ein edel furſtinne Die mit hertzen ſinne Jr mit lachen het er_welt Der ane liegen iſt gezelt Mit warheit fvr den hohſten pris Die brituneiſe ir lobes ris Wenent nv hohe geſtozzen han Ane ir arbeit iſt getan Daz tot her wider wart geſant Der kunic von kvnkvmerlant Vnd daz min herre im ſiges iach Dem man gein im in kampfe ſach Der ſelbe hat betwungen mich Gar ane helingen ſlich Man ſach da fevr vz helmen wehen Vnd ſwert in henden vmbe drehen Da iahens alle geliche Bede arm vnd riche Daz key hete miſſetan Hie ſvl wir ditz mere lan Vnd komen wider an die vart Daz wuſte lant er_bowen wart Da krone trvc parcifal Man ſach da frevde vnd ſchal Sin ſweher Tampunteire Liez im vf pelrapeire Liehte ſtein vnd rotez golt Daz teilt er ſo daz man im holt Was durch ſine milte Vil banier newer ſchilte Wart ſin lant gezieret Vil getvrnieret Von im vnd von den ſinen Er liez dicke ellen ſchinen An der marke ſines landes ort Der iunge degen vn_erforht Sin getat was gein den geſten Geprvfet fvr die beſten Nv ſprechent von der kunigin Wie moht der immer baz geſin Die iunge ſvzze werde Het den wunſch vf erde Jr minne ſtunt mit ſolher craft Gar ane wankes anehaft Sie het ir man da fvͤr erkant Jr ietwederz an dem andern vant Er was ir liep als was ſie im Swenne ich daz mere an mich ge_nim Daz ſie ſich mvzzen ſcheiden Da ~~we*hſet~~wechſet ſchade in beiden + Ovch rewet mich daz ſvzze wip Jr levte ir lant dar zv ir lip Schiet ſin hant von grozzer not Da engegen ſie im ir minne bot Eins morgens er mit zvhten ſprach Manic ritter ez horte vnd ſach Ob ir ge_bietet frowe Mit vrlovbe ich ſchowe Wie ez vmb min muter ſte Ob ir wol oder we Si daz iſt mir gar vnkunt Daz wil ich zv einer kurtzen ſtunt Vnd ouch durch auentevr zil Mac ich ich ev ge_dienen vil Daz giltet ewer minne wert Svs het er vrlovbes ge_gert Er was er liep ſo ez mere giht Sie enwolde im ver_ſagen niht Von allen ſinen mannen Schied er alleine dannen Hie ſchiet parcifal von ſiner frowen kundewiramvrs. Swer gervchet horen war nu kvͤmt. Den die auentevr hat vz gefrvmt. Der mac grozze wun=der. Merken albeſunder Lat riten gamuretes kint Swa nu getrewe levte ſint Die wunſchen im heils wan ez muz ſin Daz er lidet hohe bin Etteſwenne ovch frevde vnd ere Ein dinc enjn mvte ſere Daz er von ir geſcheiden was Daz munt von wibe nie gelas Noch ſus geſagte mere Die ſchoner vnd bezzer were Gedanke nach der kunigin Begunden krenken im den ſin Den muͤſt er gar verlorn han Wer ez niht ein hertzenhafter man Mit gewalt den zovm daz ros Trvc vber ronen vnd vber mos Wan ez weſte niemans hant Vns tut die auentevr bekant Daz er bi dem tage reit Ein vogel het ſin arbeit Sold erz allez han erflogen Vns enhab die auentevr betrogen Sin reiſe vnnach was ſo groz Des tages da er ithern ſchoz Vnd ſit da er von graharz Kom in daz lant zv brvharz Welt ir nv horen wie ez im geſte Er qvam des abendes an einen ſe Da hetent geankert weide man Den was daz wazzer vnder tan Da ſi in riten ſahen Sie warn dem ſtade ſo nahen ~~Daz ſie wol horten waz er ſprach~~ Daz ſie wol horten waz er ſprach Einen er in dem ſchiffe ſach Der het an im alſolhe gewant Ob im dienten alle lant Daz ez niht bezzer mohte ſin Gefvrriert ſin hvt was pfellin Den ſelben viſchere Begunde er fragen mere Daz er im riet durch got Vnd ouch durch ſiner zvht gebot Wa er herberge moht han Des antwort im der trvrige man Er ſprach mir iſt vnbekant Daz weder wazzer noch lant Jnne drizzic milen er_bowet ſi Wan ein hvs daz lit hie bi Mit trewen ich ev rate dar War moht ir talanc anderſwar Dort an des velſes ende Da kert zv der zeſwen hende So ir vf hin kumt an den graben Jch wene da mvzt ir ſtille haben Biz die brvcken ev nider lazzen Vnd offen ev die ſtrazzen Er tet als im der viſcher riet Mit vrlovbe er dannen ſchiet Er ſprach kvmt ir rehte dar Jch nim ewer hint ſelbe war So danct als man ewer pflege Hvͤt evch da gein vnkundem wege Jr muͤget an der liten Vil wol miſſe_riten Zwar des ich ev niht gan Parcifal der hup ſich dan Da begonde er wackerlichen draben Den rehten pfat vntz an den graben Da was die brucke vf gezogen Die burch an veſte niht betrogen Sie ſtunt reht als ſi wer gedreet Ez en_flvge oder het der wint geweet Mit ſtvrme ir niht geſchadet was Vil tvrne manige palas Stunden da mit wunderlicher wer Ob ſie ſvhten alle her Sie en_geben fvr die ſelben not Zv drizzic iaren niht ein brot Ein knappe des gervhte Vnd fragt in waz er ſvhte Oder wanne ſin reiſe were Er ſprach der fiſchere Hat mich von im her geſant Jch han genigen ſiner hant Niht wan durch der herberge wan Er bat die brucke nider lan Vnd hiez mich zv ev riten in Herre ir ſvlt willekomen ſin Sit ez der fiſcher ver_iach Man bevt ev ere vnd gemach Durch in der evch ſande wider Sprach der knappe vnd lie die brvcke nider. Jn die burch der kvͤne reit Vf einen hof wit vnd breit Mit ſchimpfe er niht zvtret was Da ſtunt al kurtz grvne gras Da was behurdieren vermiten Mit banieren ſelten vber_riten Aſo der anger zu Abenberch Selten froliche werch Was da gefrvmt zv langer ſtunt Jn was hertzen iamer kunt Wenic er des gein in engalt Jn enpfiengen ritter ivnc vnd alt Vil kleiner iuncherlin Sprungen gein dem zovm ſin Jeſlichez fvr da*daz ander greif Sie habten ſinen ſtegereif Svs muſt er von dem orſſe ſten Jn baten ritter fvrbaz gen Sie fvrten in an ſinen gemach Harte ſchiere daz geſchach Daz er mit zvht entwappent *hwart Da ſie den iungen ane bart Geſahen alſus minnenclich Sie iahen er wer ſeldenrich Ein wazzer ieſch der iunge man Er twuc den ram von im ſan Vndern ovgen vnd an den handen Alt vnd iunge wanden Daz von im ander tac erſchin Da ſaz der minnecliche vin Gar vor allem tadel fri Mit pfelle von arabi Man braht im einen mantel dar Den leit an ſich der wol gevar Mit ofner ſnvͤre Daz was im ein lobs gefvͤre Da ſprach der kamerer klvc Virepranaſe deſchoie in trvc Min frowe die kunigin Ab ir ſol er ev gelihen ſin Evch iſt niht kleider nach geſniten Ouch moͤht ir ſis mit eren biten Wan ir ſit ovch ein werder man Ob ichz ge_prvfet rehte han *otGot lone ev herre ſint irs ~~iehs~~ieht + Ob ir mich zv rehte ſpeht So hat min lip gelvcke er_holt Die gotes craft gibt ſolhen ſolt Man ſchanct im vnd pflac ſin ſo Die trvrigen warn mit im fro Man bot im wirde vnd ere Wan da was rates mere Danne er zv pelrapeire vant Die da von kummer ſchiet ſin hant Sin harnaſch was von im getragen Daz begvnd er ſider klagen Da er ſchimpfes niht ver_ſan Zv hofe ein rede ſpeher man Bat komen zv freveliche Den gaſt ellens riche Zvm wirte als ob im were zorn Des het er nahen den lip verlorn Von dem iungen parcifal Da er ſin ſwert wol gemal Bi im niender ligende vant Zvr fevſte twanc er ſo die hant Daz blut vz den negeln ſchoz Vnd im die ermel gar begoz Nein herre ſprach die ritterſchaft Ez iſt ein man der ſchimfes craft Hat. wie trvric wir anders ſin Tvt ewer zvht an im ſchin Jr ſvltz niht anders han ver_nomen Wan daz der fiſcher ſi komen Zv dem get ir ſit im ein werder gaſt Vnd legt ab ev zornes laſt Sie giengen in ein palaſ Hvndert krone da gehangen was Vil kertzen dar vf geſtozzen Ob den hvs genozzen Vil kleiner kertzen vmbe an der want Hundert bette er ligent vant Ez ſchuffen die ſin da pflagen Hunder kolter dar vffe lagen Je vier geſellen ſunder ſitz Da enzwiſſchen was ein vnder *vitz Da fvr ein teppich ſinewel Fillurois frimutel Der moht wol geleiſten daz Eines dinges man da niht vergaz Sie enhet niht betvret Mit mermel was gemvret Dri vier ecke fivr ram Dar vf was des fevrs ram Holtz hiez ligna loe So grozze fevr ſit noch. e. Sach nieman hie zv wildenberch Jenez waren koſtliche werc Der wirt ſich ſelben ſitzen bat Gein mittern fevr ſtat An ein ſpan bette Ez was worden wette Zwiſchen im vnd der frevde Er lebt niht wan gevde Jn den palas qvam gegangen Der da wart wol enpfangen Parcifal der lieht gevar Von im der in da ſande dar Jn bat der wirt naher gen Ern lie in da niht lenger ſten Sitzet zv mir da her an Satzt ich evch verre dort hin dan Daz wer evch al_zu gaſtlich So ſprach der wirt iamers rich Der wirt het durch ſicheit Groz fevr vnd an im warme kleit Wit vnd lanc zoblin Suſt muſt vzze vnd inne ſin Ein beltz vnd der mandel dar_obe Der ſwecheſt balc was wol zv lobe Der was doch ſwartz vnd gra Des ſelben was ein hube da Vf ſinem hovbt zwifalt Von zobel den man tevr galt Sinewel arabiſch ein borte Oben drvf gehorte Mitten dar an ein knevflin Ein durch levhtic rubin Da ſaz manic ritter kluc Da man iamer fvr ſie trvc Ein knappe ſpranc zvr tvͤr her in Der trvc ein glevin Der ſite was zv trvren gvt An der ſniden hvp ſich blvt Vnd lief den ſchaft vntz vf die hant Daz ez an dem ermel wider want Da wart geweint vnd geſchrit Vf dem palas wawit Daz volc von drizzic landen Moht ez den ovgen niht enblanden Er trvc ez in ſinen henden Zv allen vier enden Vntz aber wider hintz der tevr Der knappe ſpranc hin vz der_fvr Geſtillet wart des volkes not Als in der iamer .e. gebot Des ſie die glevin het er_mant Die trvc ein knappe in ſiner hant Wil evch nu niht erlangen So wirt hie zv gevangen Daz ich evch bringe an die vart Wie da mit ezvht gedienet wart Zv ende an dem palas Ein ſtehlin tvͤr entſlozzen was Da giengen vz zwei werde kint Nv hort wie des geprvͤfet ſint Daz ſie wol geben minnen ſolt Swer ez da mit dienſt het er_holt Daz waren iuncfrowen klar Zwei ſchapeil vber ir blozze har Blvmen was ir gebende Jetwedere vf ir hende Truc von golde ein kertzenſtal Jr har was lanc reid vnd val Sie trugen brinnende lieht Hie ſvl wir ver_gezzen niht Vmb der iuncfrowen gewant Da man ſie komende inne vant Die grevin von tenebroc Brvͦn ſcharlachen was ir roc Des ſelben wtrvc ouch ir geſpil Si warn ge_fitſchiert vil Mit zweien gvrteln an der krenke Ob der hvffe an dem gelenke Nach der gienc ein hertzogin Vnd ir geſpil zwei ſtollelin Die trugen von helfenbein Jr munt nach fevres rote ſchein Die nigen alle viere Die zwu ſatzten ſchiere Fvr den wirt die ſtollen Da wart gedient mit vollen Sie ſtunden entſamt an einer ſchar Vnd waren alle wol gevar Den vieren was gelich ir wat Seht wo ſich niht ver_ſvmet hat Anderre frowen vierſtunt zwuͦ Die waren da geſchaffet zvͦ Vier trvgen kertzen groz Die andern vier niht verdroz Sie trvgen einen tevren ſtein Da tages die ſunne lieht durch ſchein Da fvr was ſin nam erkant Ez was ein granat iochant Beide lanc vnd breit Durch die lihte in duͤnne ſneit Swer in zv einem tiſche maz Dar ab der wirt durch richeit az Die giengen alle ehte Fvr den wirt al rehte Gein nigen ſie ir hovbt wegten Vier die tafeln legten Vf helfenbein wiz als ein ſne Stollen die da qvamen .e. Mit zvhten kunden ſi wider gen Zv den erſten vieren ſten An den aht frowen was Rocke grvner danne ein gras Von azagovc ſamit Geſniten wol lanc vnd wit Da mitten ſie zv_ſamne twanc Gvrteln tevr ſmal vnd lanc Die ahte iuncfrowen klvc Jeſliche ob ir har trvc Ein klein blvmin ſchapel Der greve Jwein von Nollel Vnd Gernis von Rile Ez was vber manige mile Zv dienſt ir tohter dar genomen Man ſach die zwu fvrſtinne komen Jn harte wunneclicher wat Zwei mezzer ſnidende als ein grat Trvgen ſie durch wunder Jn zweien tweheln al beſunder Daz was ſilber hertte vnd wiz Dar an lac ein ſpeher fliz Jm was ſolich ſcherpfe niht ver_miten Ez het ſtahel wol ver_ſniten Vorm ſilber qvamen frowen wert Der da zv dienſt was gegert Die trugen lieht dem ſilber bi Vier kint vor miſſewende fri Sie giengen alle ſehſe zv Nv horet waz ieſliche tv Ez nigen zwu vnd trvgen dar Vf die tafeln wol gevar Daz ſilber vnd legtenz nider Da giengen ſie mit zvhten wider Zv den erſten zwelfen ſan Ob ichz geprvfet rehte han Hie ſvln ahtzehen frowen ſten Avoy nu ſiht man ſehſe gen Jn wete die man tevr galt Ez was halbez plialt Daz ander pfelle von ninive Diſe vnd die erſten ſehſe. e. Trugen zwelf rocke geteilet Gein tevrre koſt ge_veilet Nach den gie die kunigin Der antlvtze gap den ſchin Sie wanden alle ez wolde tagen Man ſach die magt an ir tragen Pfelle von arabi Vf einem grvnen achmardi Trvc ſie den wunſch von paradys Bede wurtze vnd ris Daz was ein dinc das hiez der gral Erden wunſches vber_al Vrrepanſe de tſchoie hiez Die ſich den gral tragen liez Der gral was von ſolher art Wol muſt er kevſch ſin bewart Die ſin zv rehte ſolde pflegen Die muſt valſches ſich bewegen Uor dem gral qvamen lieht Die waren von armer koſt niht Sehs glas lanc lvter wol getan Dar inne balſem der wol bran Da ſie qvamen von der tvͤr Zv rehter mazze ſvs her fvr Mit zvhten neic die kunigin Vnd alle die iuncfrowelin Die da trugen balſem vaz Die kunigin ~~falſchez~~falſches laz Satzte fvr den kunic den gral Daz mere giht daz parcifal Dicke an ſie ſach vnd dahte Die den gral da brahte Er het ouch ir mandel an Mit zvht die ſiben giengen dan Zv den ahtzehen erſten Da liezzen ſie die herſten Zwiſchen ſich man ſagte mir Zwelfe ietweder halben ir Die magt mit der krone Stunt da harte ſchone Swaz ritter da geſezzen was Vber al den palas Den waren kamerere Mit guldinen becken ſwere Je vieren geſchaffet einer dar Vnd ein iuncherre wol ge_var Der eine wizze tweheln trvc Man ſach da richeit genvͦc Der taveln muſten hundert ſin Die man da trvc zvr tvr dar in Man ſatzte ieſliche ſchiere Fvr werder ritter viere Tiſchlachen var nach wizze Wurden dar vf geleget mit flizze Der wirt da ſelbe daz wazzer nam Der was an hohem mvte lam Mit im twuc ſich parcifal Ein ſydin tweheln wol gemal Bot eins greven ſun dar nach Dem was zv knien fvͤr ſie gach Swo da der taveln keine ſtunt Da tet man vier knappen kunt Daz ſie ir dienſtes niht ver_gazzen Den die dar obe ſazzen Zwene knieten vnd ſniten Die andern zwene daz niht vermiten Sie entrvgen trinken vnd ezzen dar Vnd namen ir mit dienſte war Horet mer von richeit ſagen Vier karratſchen muſten tragen Manic tevr goltfaz Jesliche*Jeslichem ritter der bada ſaz Man zoch ſie zvn vier wenden Vier ritter mit ir henden Mans vf die tafeln ſetzen ſach Jeſlichem gie ein ſchriber nach Der ſich dar zv arbeite Vnd ſie wider vf bereite ⸿So da gedienet were Nv hoͤrt andere mere Hvndert knappen man gebot Die namen in wizze tweheln brot Mit zvhten vor dem grale Sie giengen al zv_male Vnd teilten fvr die taveln ſich Man ſeite mir ditz ſag ouch ich Vf ewer ieſliches eit Daz vor dem grale was bereit Sol ich des ieman triegen So mvͤzt ir mit mir liegen Wan ſwo nach iener bot die hant Daz er albereit vant Spiſe warm ſpiſe kalt Spiſe newe vnd da zv alt Daz zam vnd daz wilde Ez en_wurde nie kein bilde Beginnet maniger ſprechen Der wil ſich vbel rechen Wan der gral was der ſelden frvht Der werlde ſvzze ein ſolich genuht Er wac vil nach geliche Als man ſagt von himelriche Jn kleine goltfaz nam Als ieſlicher ſpiſe zam Salſen pfeffer agraz Da het der kevſch vnd der fraz Alle geliche genuc Mit grozzer zvht man fvr ſie trvc Mo*Moraz win Syropel rot Swar nach den napf ieſlicher bot Swaz er trinkens kunde genennen Daz moht er drinne erkennen Allez von des grales craft Die werde geſelleſchaft Het wirtſchaft von dem grale Wol mercte parcifale Die richeit vnd daz wunder groz Durch zvht in fragens doch ver_droz Er gedaht mir riet gvrnemantz Mit guten trewen ane ſchrantz Jch enſolde vil gefragen niht Waz ob min weſen hie geſchiht Der mazze als dort bi im Ane fragen ich ver_nim Wie ez diſer maſſenie ſtet Jn dem gedanke naher get Ein knappe der trvc ein ſwert Des balc was tuſent marc wert Daz gehiltze was ein rvbin Ouch mohte wol die klinge ſin Grozzer wunder vrhap Der wirt ez ſinem gaſte gap Er ſprach herre ich brahtez in not An maniger ſtat .e. daz mich got An dem libe het geletzet Nv ſit da mit ergetzet Ob man ewer hie niht wol pflege Jr mugetz wol fvren alle wege Swenn ir geprvͤfet ſin art Jr ſit gein ſtrite da_mit bewart Owe daz er niht fragte do Des bin ich fvr in nach vnfro Wan da erz enpfie in ſin hant Da was er fragens da mit gemant Ouch rewet mich ſin ſvzzer wirt Den vngenade niht verbirt Des im von fragen nu were rat Genvͦc man da gegeben hat Die ſin pflagen die griffenz an Vnd trvgenz geruſte wider dan Vier karratſchen man da lvt Jeſlich frowe ir dienſt tvt E. die iungeſten nu die erſten Da ſchuffenz aber die herſten Wider zv dem grale Dem wirte vnd parcifale Mit zvhten neic die kunigin Vnd alle die iuncfrowelin Sie brahten wider in zvr tvͤr Daz ſie mit zvht .e. brahten fvr Parcifal in blicte nach An einem ſpanbette er ſach Jn einer kemnaten E. ſie nach in zv taten Den aller ſchonſten alten man Des er kunde ie gewan Jch mac ez wol ſprechen ane gvft Er was nach grawer danne ein tvft Wer der ſelbe were Des freiſcht her nach mere Dar zv der wirt ſin bvrc ſin lant Die werdent evch von mir genant Her nach ſo des wirdet zit Beſcheidenlich ane ſtrit Vnd on allez fvr zogen Jch ſage diſe ſenwe ane bogen Die ſenwe iſt ein biſpel Ovch dunket evch der boge zv ſnel Nach iſt ſneller daz die ſenwe iagt Ob ich ev reht han geſagt Die ſenwe gelichet meren reht Die dunket ouch die levte ſleht Wan wer ev ſagt von der krvͤmme Der wil evch leiten vmme Swer den bogen geſpannet ſiht Der ſenwen er der ſlihte giht Sie en_wolle ſich zvr bvͤge denen So ſie den ſchvz mvͤzze menen Swer dem ſin mere ſchvͤzzet Da ins durch not verdrvzzet Ob ez da hat nindert ſtat Vnd wil gervmeclichen pfat Zv einem oren in zvm andern fvͤr Min arbeit ich gar ver_lvͤr Ob den min mere drvnge Jch ſagte oder ſvnge Daz ez nach baz ver_neme ein boc Oder ein vlmiger ſtoc JCh muz ev doch baz bedevten An diſen iamerberen levten Da qvam geriten parcifal Man ſach da ſelten frevden ſchal Ez were bvhurt oder tantz Jr clagende ſtete was ſo gantz Sie enkerten ſich an ſchimpfen niht Swo man nach minner volkes ſiht Den tvt etteſwenne frevde wol Dort waren alle winkel vol Vnd ouch zv hofe da mans eſach Der wirt zv ſinem gaſte ſprach Jch wene man ev gebettet hat Sit ir mvͤde ſo iſt min rat Dæz ir get leget evch ſlaffen Nv ſold ich ſchrien waffen Von ir ſcheiden daz ſie tunt Des wirt groz ſchade in beiden kunt Von dem ſpanbette trat Vf den teppich an eine ſtat Parcifal der wol geſlaht Der wirt bot im gvt nacht Die ritterſchaft da gar vf ſpranc Ein teil im da naher dranc Da wiſten ſie den iungen man Jn eine kemnaten ſan Die was alſo geheret Mit einem bette ge_eret Daz mich min armvt immer mvͤt Sit die erde al ſolich richeit blvͤt Dem bette was armut tevre Ez ergleſte vz einem fevre Lac dar vf ein pfelle lieht gemal Die ritter bat do parcifal Wider varn varn an ir gemach Da er da niht mer bette ſach Mit vrlovbe ſie ſchieden dan Hie hebt ſich ander dienſt an Vil kertzen vnd die varwe ſin Die gaben zv gegen ſtrite ſchin Waz moht liehter ſin dan der tac Vor ſinem bette ein anderz lac Dar vf ein kvlter da er ſaz Juncherren ſnel vnd niht *ihtzv laz Ein teil ir im dar naher ſpranc Sie entſchvhten bein die waren blanc Ouch zoch im mere gewande ab Manic wol geborner knab Fletic waren die ſelben kindelin Nv ſeht dort komen zv der tvr her in Vier klare iuncfrowen Die dannoch wolden ſchowen Wie man des heldes pflege Vnd ob er ſanfte lege Als mir die auentevr gewuc Vor ieſlicher ein knappe trvc Ein kertzen die wol bran Parcifal der ſnelle man Spranc vnderz deckelachen Sie ſprachen ir ſvlt wachen Durch vns nach ein wile Din ſpil mit der ile Het er vntz an den ort geſpilt Daz man gein liehter varwe zilt Daz begunde ir ovgen ſvzzen E. ſie enpfiengen ſin grvzzen Ovch fvgten in gedanken not Daz im der munt was ſo rot Vnd daz vor iugende nieman dran Kos gein einer halben gran Die vier iuncfrowen klvc Nv hort was ieſliche trvc Moraz win vnd lvter tranc Trvgen dri vf henden blanc Die vierde iuncfrowe wis Truc ob_ez der art von paradys Jn einer tweheln wiz gevar Die ſelbe kniete*kniete fvr in dar Er bat die iuncfrowen ſitzen Sie ſprach lat mich bi witzen So wert i*ir dienſtes vngewert Als min her iſt fvr evch ge_gert Svzzer rede er gein in niht ver_gaz Der herre tranc ein teil er az Mit vrlovb ſie ſchieden wider Parcifal der leite ſich nider Ouch ſatzten die iuncherlin Vf den teppich die kertzen ſin Da ſie in ſlaffen ſahen Sie begunden dannen gahen Parcifal niht eine lac Geſelleclich vntz an den tac Was bi im ſtrenge arbeit Jr boten kunftige leit Sanden im in ſlaffe dar So daz der iunge wol gevar Siner muter trovm gar wider wac Des ſie nach gamureten pflac Svs wart geſteppet im ſin trovm Mit ſwertes ſlegen vmb den ſovm Der_vor mit maniger tioſt riche Von rabine hurticliche Er leit in ſlafe etliche not Er moht drizzigſtunt ſin tot Daz het er wachende e gedolt Sus teilt im vngemach den ſolt Von diſen ſtrengen ſachen Muſt er durch not erwachen Jm ſwitzen adern vnd die bein Der tac ouch durch die venſter ſchein Do ſprach er we wo ſint die kint Daz ſie niht hie vor mir ſint Wer ſol mir bieten min gewant Sus wart in der wigant Vntz er ander_ſtunt entſlief Nieman da reit noch enrief Wan ſie waren gar verborgen Reht an dem mitten morgen Da erwaht aber der iunge man Vf rihte ſich der kvne ſan Uf dem teppich vant der degen wert Ligen ſin harnaſch vnd zwei ſwert. Daz ein der wirt im geben hiez Daz ander was von gaheviez Do ſprach er hintz im ſelben ſan Owe*Owe war vf iſt ditz getan Zwar ich ſol mich wappen drin Jch leit in ſlaffe ſolhe bin Daz mir wachende arbeit Noch hevt wen ich iſt bereit Hat dirre wirt vrlovges not So leiſt ich gerne ſin gebot Vnd ir gebot mit trewen Die diſen mantel newen Mir lech durch ir gvͤte Wand ſtund ir gemuͤte Daz ſie dienſt wolde nemen Des ſolt mich durch ſie wol gezemen Vnd niht durch ir minne Wan min wip die kuniginne Jſt an ir libe wol ſo klar Oder fvrbaz daz iſt war Er tet als er tvn ſol Von fvzze vf wappent er ſich wol Gein ſtriteſ antwurte Zwei ſwert er vmbe gvrte Zvr tvͤre vz gie der werde degen Da was ſin orſſ an die ſtegen Geheft. ſchilt vnd ſper Lagen da bi daz was ſin ger E. parcifal der wigant Sich des orſſ vnder_want Manigez er der gadem er lief So daz er nach den levten rief Nieman er horte noch en_ſach Vngefvge leit im dar_an geſchach Ditz het im zorn ge_reizzet Er lief da er was er_beizzet Des abendes da er komen was Da was erde vnd gras Mit treten gervͤret Vnd daz tow gar zvr_fvret Al ſchriende lief er der iunge man Wider zv ſinem orſſe ſan Mit pagenden worten Saz er dar vf. die porten Wande er wite offen ſten Der durch vz grozze ſla gen Niht lenger er enhabte Vaſte vf die burc er drabte Ein ver_borgen knappe daz ſeil Zvcte daz der ſlagebrvcke ein teil Hetz orſſ vil nach gevellet nider Parcifal der ſach ſich wider Da wolde er han ge_fraget baz Jr ſvlt varn der ſunnen haz Sprach der knappe ir ſit ein gans Moht ir gervret haben den flans Vnd het den wirt gefraget Vil priſes evch hat betraget Nach den meren ſchrei der gaſt Gegen rede im gar zvbraſt Swie viel er nach geriefe Reht als er gende ſliefe Warp der knappe vnd ſlvc die porten zv Da was ſin ſcheiden dan zv frv An der fluſtbern zit Dem der nu zins von frevden git Wie parcifal ſchiet von der bvrge da der gral vf was Die was an im verborgen. Vmb den wurf der ſorgen. Was getopelt da er den gral vant. Mit ſinen ovgen ane hant. Vnd ane wuͤr=fels ecke. Ob in nv kummer wecke Des was er da vor vngewent Ern het ſich niht vil geſent Parcifal der hup ſich nach Vaſte vf die ſla die er da ſach Er dahte die vor mir ritent Die wene ich hevte ſtritent Menlich vmb mines wirtes dinc Rvhten ſiz ſo en_were ir rinc Mit mir niht ver_krenket Da enwuͤrde niht gewenket Jch hvlf in an der ſelben not Daz ich gediente min brot Vnd ouch daz wunneclich ſwert Daz mir gap ir herre wert Vngedient ich daz trage Sie wenent lihte ich ſi ein zage Sich hvp der falſches wider_ſatz Vaſte vf der hvfſlege kratz Sin ſcheiden dan daz rewet mich Al_erſt nu auentevrt ez ſich Da begunde krenken ſich ir ſpor Sich ſchieden die da riten vor Jr ſla wart ſmal die .e. was breit Er ver_los ſie gar daz was im leit Mere gefrieſch da der iunge man Da von er hertzenleit gewan Da ver_nam der helt ellens riche Einer frowen ſtimme iemerliche Ez was dannoch von towe naz Vor im vf einer linden ſaz Ein magt der fvgte ir trewe not Ein gebalſmeter ritter tot Lende ir zwiſchen ir armen Den ez niht wolt erbarmen Der ſie ſo ſitzen ſehe Vntrewen ich im iehe Sin orſſ da gein ir wande Der wenic ſie er_kande Sie was doch ſiner mumen kint Al irdiſch trewe was ein wint Wan die man an ir libe ſach Parcifal grvzte ſie vnd ſprach Nv wizzet frowe mir iſt leit Ewer ſenliche arbeit Bedurft ir mins dienſtes iht Jn ewerm dienſte man mich ſiht Sie danket im vz iamers ſiten Vnd fragt in wanne er qveme ge_riten Sie ſprach ez iſt wider zeme Daz ieman an ſich neme Sin reiſe in diſem waſte Vnkundem gaſte Mac hie wol grozzer ſchade geſchehen Jch hanz gehort vnd geſehen Daz hie vil levte ir lip ver_lvrn Die werlichen ende kvrn Kert hinnen ob ir welt geneſen Sagt .e. wo ſit ir hint geweſen Dar iſt ein meil oder mer Daz ich geſach nie burc ſo her Mit aller ſlahte richeit Jn kurtzer zit ich dannen reit Sie ſprach der ev getrewet iht Den ſvlt ir gerne triegen niht Jr traget doch einen gaſtes ſchilt Evch moht des waldes han bevilt Von erbvwenem lande her geriten Jnner drizzic milen wart nie ver_ſniten Jn keinem bvwe holtz noch ſtein Nevr ein burc die ſtet al ein Die iſt erden wunſches riche Swer die ſvchet flizzicliche Leider der en_vindet ir niht Vil levte man ez doch werben ſiht Ez muz vnwizzende geſchehen Swer immer die burc ſol geſehen Jch wene ~~here~~herre die iſt ev vnerkant Montſalvatſche iſt ſie genant Der buͤrge wirt iſt Roiam Der de ſalvatſche was ſin nam Daz brahte der alte titurel An ſinen ſvn Rois frimutel Sus hiez der werde wigant Vil manigen pris er_warp ſin hant Der lac an einer tioſt tot Als im die minne dar gebot Der ſelbe liez vier werde kint ~~Biricheit.~~Bi richeit. dri mit iamer ſint Der vierde der hat armut Durch got fvr ſunde er ez tvt Der iſt geheizzen treverzzent Anfortas ſin pruder lent Der enmac geriten noch gegen Noch geligen noch geſten Der iſt vf montſalvatſche wirt Vngenade in niht ver_birt Sie ſprach herre wert ir komen dar Zv der iemerlichen ſchar So wer dem wirte worden rat Vil kummers den er lange hat Der waleis zv der megde ſprach Grozze wunder ich da ſach Vnd manige frowen wol getan Bi der ſtimme erkant ſie den man Si ſprach du biſt ez parcifal Nv ſage ſehe dv den gral Vnd den wirt frevden lere La horen liebe mere Ob wendic ſi ſin freiſe Wol dich der ſelden reiſe Wan waz die lvͤfte haben beſlagen Dar ob muſt du hohe tragen Dir dient za*zam vnd wilt Zv richeit iſt dir wunſch gezilt Parcifal der wigant Sprach wo von habt ir mich erkant Sie iach im ia bin ichz die magt Die dir .e. kummer hat geklagt Und die dir ſagte dinen namen Dv darft dich niht der ſippe ſchamen Daz min muter iſt din mvme Wiplicher kevſch ein blvme Jſt ſie gelovtert ane tow Got lon dir daz dich da ſo row Min frevnt der mir zvr tioſt lac tot Jch han alhie nu prvfe not Die mir hat got an im gegeben Daz er niht lenger ſolde leben Er pflac menlicher gvͤte Sin ſterben mich da mvte Ouch han ich ſeit von tage zv tage Fvrbaz erkennet newe klage Owe war qvam din roter mvnt ~~Biz~~Biſt dvz ſigune die mir kunt Tet. wer ich was an allen var Din reideloht lanc prvnez har Des iſt din hovbt bloz getan Zvm foreſt in brezzilian Sach ich dich doch vil minneclich Wie du weres iamers rich Dv haſt verlorn varwe vnd craft Diner herten geſelleſchaft Ver_drvzze mich ſold ich ſie haben Wir ſvln den toten man be_grab Da nazten die ougen ir die wat Ouch was frowen lvneten rat Niender da bi ir geweſen Die riet ir frowe lat geneſen Diſen man der den ewern ſlvc Er mac er_getzen evch genuc Sigune gert ergetzens niht Jez wip die man bi wanken ſiht Manige der ich wil gedagen Hort mere von ſigunen trewe ſagen Sie ſprach ſol mich iht gefrevn Daz iſt ein dinc ob in ſin tevn Lazzent den vil ~~trv*gen~~trvrigen man + Schied du helflichen dan So iſt din lip wol priſes wert Dv fvrſt ouch vmb dich ſin ſwert Haſtv gelernt des ſwertes ſegen Dv maht on angeſt wol ſtrites pflegen Sin ecke ligent im rehte Von edelm geſlehte Worht ez trebuchetes hant Ein brunne ſtet bi karnant Dar nach der kunic heizzet lac Daz ſwert be_ſtet gantz einen ſlac An dem andern ez zv_vellet gar Wildvz danne wider bringen dar Ez wirt gantz von dem wazzers tran Du muſt des vrſpringes han Vnderm velſe .e. in beſchin der tac Der ſelbe brunne heizzet lac Sint die ſtucke niht ver_reret Swer ſie rehte zv ſamne keret So ſie der brvnne machet naz Gantz vnd ſterker baz Wirt im faltz vnd ekke ſin Vnd verlieſent niht die mal ir ſchin Daz ſwert bedarf wol ſegens wort Jch fvrht die habſtv lazzen dort Hats aber din munt gelernt So wehſet vnd gernt Jmmer ſelden craft an dir Lieber nefe gelovbe mir So muz gar dienen diner hant Swaz din lip da wunders vant So maht dv tragen ſchone Jmmer der ſelden krone Hohe ob den *denwerden Den wunſch vf der erden Haſtv vollicliche Nieman iſt ſo riche Der gein dir koſt muge han Haſtv frage ir reht getan Er ſprach ich fraget niht Owe daz evch min ovge ſiht Sprach die iamerbere magt Daz ir fragens ſit ver_zaget Jr ſahet doch ſolich wunder groz Daz evch fragens da ver_droz Al_da ir waret dem grale bi Manige frowen falſches fri Die werden Gartſchiloyen Vnd vrrepanſen de ſchoyen Vnd ſniden daz ſilber vnd blutic ſper Owe waz wolt ir zv mir her Gevnerter lip ver_flvhter man Jr trugt den eiter wolfes zan Da die galle in der trewe An ev becleip ſo newe Evch ſold ewer wirt erbarmet han An dem got wunder hat getan Vnd het ge_fraget ſiner not Jr lebt vnd ſit an ſelden tot Da ſprach er liebe niftel min Tv bezzern willen an mir ſchin Jch wandels han ich iht getan Jr ſvlt wandels ſin er_lan Sprach die magt mir iſt wol bekant Zv montſalvatſche an ev verſwant Ere vnd ritterlicher pris Jrn vindet mer keinen wis Kein gegen rede an mir Parcifal da ſchiet von ir Hie qvam parcifal zv ~~frowenieſcvten~~frowen ieſcvten. Daz er fragens was ſo laz. Da er bi dem trurigen wirt ſaz. Daz row da grozliche. Den helt ellens riche Durch klage vnd durch den tac ſo heiz Begunde netzen in der ſweiz Durch den lvft von im erbant Den helm vnd fvrt in an der hant Er entſtricte die finteiln ſin Durch iſers ram was lieht ſin ſchin Er qvam vf ein newe ſla Wan ez gie vor im alda Ein orſſ daz was wol beſlagen Vnd ein barfvz pfert daz muſte tragen Eine frowen die er ſach Nach der zv riten im geſchach Daz pfert gein kummer was ver_ſelt Man het im wol durch die hvt gezelt Alle ſine rippe gar Als ein harm ez was gevar Ein beſtin halfter lac dar an Vntz vf den hvf ſwanc im die man Sin ougen tief ſin ~~trv~~grvben wit Ouch was der frowen rvnzit Ver_twalet vnd ver_terket Durch hunger dicke er_werket Ez was durre als ein zunder Sin gen daz was wunder Wan ez reit ein frowe wert Die ſelten kvnrierte pfert Da lac vf ein gereite Smal an alle breite Geſchelle vnd bogen ver_reret Groz zadel dar an ge_meret Der frowen trvric niht zv geil Jr ſurzingel was ein ſeil Dem was ſie doch zv wol geborn Ouch heten eſte vnd etſlich dorn Jr hemde zvr fvͤret Swaz ez mit zerren was gervret Da er_ſach er vil der ſtricke Dar_vnder liehte blicke Jr hvt nach wizzer dan ein ſwan Sie fvrt niht wan knoden an Swo ſie waren des velles dach Jn blanker varwe er daz ſach Das ander leit von ſvnnen not Swie ez ie qvam ir munt was rot Der muſte alſolhe varwe tragen Man het daz fevr wol drvz geſlagen Swa man die wolde an riten Daz was zvr blozzen ſiten Nande ſie ieman vilan Der het ir vnreht getan Wan ſie het wenic an ir Durch ewer zvht gelovbet mir Sie trvc vnverdienten haz Wiplicher gvte ſie nie vergaz JCh ſagt ev vil armut War zv ditz iſt als gvt Doch nem ich ſolchen blozzen lip Fvr etſlich wol gekleitz wip Da parcifal grvz gein ir ſprach An in ſie erkennelichen ſach Er was der ſchonſte vber alle lant Da von ſie in ſchier het erkant Sie ſprach ich han evch .e. geſehen Da von mir leide iſt geſchehen Doch mvͤzze ev frevde vnd ere Got geben immer mere Denn ir vmb mich gedient hat Ez iſt nu ermer min wat Dan ir ſie iungeſt ſahet Wert ir niht genahet Mir an der ſelben zit So het ich ere ane ſtrit Do ſprach er frowe merket baz Gein wem ir keret ewern haz Ja enwart von minem libe Ev noch keinem wibe ~~Larſter~~Laſter nie gemeret So het mich ſelde gvneret Sit ich den ſchilt von erſt gewan Vnd ritters fvre mich verſan Mir iſt ander ewer kummer leit Die frowe weinende reit Daz ſie be_goz ir brvſtelin Als ſie gedreet ſolden ſin Die ſtunden blanc hoch ſinwel Ja enwart nie drehſel ſo ſnel Der ſie gedreet hete baz Swie minneclich die frowe ſaz Sie muſt in doch erbarmen Mit henden vnd mit armen Begunde ſie ſich decken Vor parcifal dem recken Da ſprach er frowe nemt durch got Vf rehten dienſt ſunder ſpot An ewer lip ditz kvrſit Herre wer daz ane ſtrit Daz alle min frevnde legen dran So getorſt ichs doch niht griffen an Welt ir vns machene todes fri So rit daz ich ev verre ſi Doch klagt ich wenic minen tot Wan daz ich fvrht ir komt in not Da ſprach er frowe wer nem vns daz leben. Daz hat vns gotes craft ge_geben Ob des gert ein gantzez her Man ſehe mich fvr vns zv wer Sie ſprach ez gert ein werder degen Der hat ſich ſtrites ſo bewegen Ewer ſehs komens in arbeit Mir iſt ewer riten bi mir leit Jch was etwenne ſin wip Nv enmoht min vertwalter lip Des heldes dirn niht geſin Svs tvt er zvrnen gein mir ſchin Do ſprach er zv der frowen ſan Wer iſt hie mit ewerm man Wan flvͤ ich nu durch ewern rat Daz devht liht ein miſſetat Wan wenne ich fliehen lerne So ſtirb ich als gerne Da ſprach die blozze hertzogin Ern hat hie niemans danne min Der troſt iſt kranc gein ſtrites ſig Niht wan knoden vnd der rig Was an der frowen hemde gantz Wiplicher kevſche lobes crantz Trvc ſie mit armute Sie pflac der waren gvte So daz der falſch an ir ver_ſwant Die finteilen er fvr ſich bant Gein ſtrit er in wolde fvͤren Den helm mit den ſnvren Er eben zv ſehen rvcte Jnnen des daz orſſ ſich bucte Mit dem pferde ez ſchrien niht meit Der vor parcifal da reit Vnd vor der blozzen frowen Der hort ez vnd wolde ſchowen Wer bi ſinem wibe rite Daz orſſ warf er mit zornes ſite Vaſt vz dem ſtige Gein ſtriticlichem wige Hilt der hertzoge orilus Gereit gein einer tioſt alſus Hie kumt parcifal vnd hertzog Orilus zv_ſammen mit ſtrite. Mit rehter menlicher ger Von gaheviez mit einem ſper Daz was geferwet genuc Reht als er ſin wappen truc Sin helm worht Trebuchet Sin ſchilt der was zv dolet Jn gailetes lande Geworht dem wigande Rant vnd buckel die heten craft Zv alexandrie in heidenſchaft Was geworht ein pfelle gvt Des der furſte wol gemut Truc kurſit vnd wappenrok Sin decke was zv Tenebrok Geworht vz ringen herte Sin ſtoltzheit in lerte Der iſerinen decke dach Was ein pfelle des man iach Daz der tevr were Rich vnd doch niht ſwere Sin hoſen *halſperc hernier Vnd in ſin iſerin tſchalier Was gewappent dirre kvne man Geworht zv belzeanan Jn der hovpſtat zv antſchowe Diſe blozze frowe Truc im vngeliche kleit Die da ſo truric nach im reit Da enhet ſiz niht bezzer ſtat Zv ſeſſvn was geſlagen ſin blat Sin orſſ von brvmbanie Dehſenat*Dehſenahtſe ab montanie Mit einer tioſt rois lehelin Beiagt ez da der brvder ſin Parcifal was ouch bereit Daz orſſ mit balap er reit Gein orilus delalander Vf des ſchilde vand er Einen tracken als er lebte Ein ander tracke ſtrebte Vf ſinem helm gebunden An den ſelben ſtunden Manic guldin tracke cleine Mit manigem edeln geſteine Die muſten wol gehert ſin Jr ovgem waren rvbin Vf der decke vnd vf dem kurſit Da wart genomen der ponder wit Von den zwein helden vnverzagt Dewederhalp wart wider_ſagt Sie waren doch ledic ir trewe Druntzvn ſtarc al newe Von in weten gein den lvften Jch wolde mich des gvften Het ich ein ſolich tioſt geſehen Als mir ditz mer hat ver_iehen Da wart von rabine geriten Ein ſolch tioſt niht ver_miten Frowen ieſcuten munt ver_iach Schoner tioſt ſie niht geſach Die h*hielt vnd wand ir hende Sie frevden ellende Gunde twederm ritter ſchaden Die orſſ muſten in ſweiz baden Priſes ſie bede gerten Die blicke von den ſwerten Vnd fevr daz von helmen ſpranc Vnd manic ellenthafter ſwanc Die begunden verre gleſten Wan da waren ſtrites die beſten Mit hurte an ein ander kumen Ez ge zv ſchaden oder *zv frvmen Den kvnen helden meren Swie willic die orſſ in weren Da ſie bede vf ſazzen Der ſporn ſie niht ver_gazzen Vnd ir ſwerte liehte gemal Pris gedient hie parcifal Daz er ſich alſus weren kan Wol hundert tracken vnd eines man Ein tracke wart ver_ſeret Sin wunden gemeret Der vf orilus helm lac So durch lvͤhtic daz der tac Volliclich durch in ſchein Wart drab geſlagen manic edel ſtein Ditz er_gie zv orſſe vnd niht zv fvzze Frowen ieſcuten wart der grvzze Mit ſwertes ſchimpfe da be_iagt Von heldes handen vnverzagt Mit hurte ſie dicke zv ein ander flugen Daz die ringe von den knien ſtuben Swie ſie waren iſerin Rvchet ir ſie taten ſtrites ſchin Jch wil ev ſagen des einen zorn Daz ſin wip wol geborn Da vor was genotzoget Er was doch ir rehter vogt So daz ſie ſchirmes wart an in Er wande ir wiplicher ſin Wer gein im ver_keret Vnd daz ſie gevneret Het ir kevſch vnd ir pris Mit einem andern amis Des laſters nam er pflihte Ouch ergienc ſin gerihte Vber ſie daz grozzer not Wip nie der leit an den tot Vnd an ir ſchulde Er moht ir ſin hulde Ver_ſagen wenne er wolde Nieman daz wenden ſolde Ob der man des wibes het gewalt Parcifal der degen bal Orilus hulden gerte Frowen ieſcuten mit dem ſwerte Des hort ich ie gutlichen biten Ez qvam da gar von ſmeichens ſiten Mich dunket ſie han bede reht Der beide krump vnd ſleht Geſchuf kunne er ſcheiden So went er daz an beiden Ditz ane ſterben da er_ge Sie tunt doch ſus ein ander we Da er_gie die ſcharfe herte Jetweder vaſte werte Sinen pris vor dem ander Orilus delalander Streit nach ſinem gelerten ſite Jch wen ie man ſo wol geſtrite Er het kunſt vnd craft Des wart er dicke ſigehaft An maniger ſtat wie ez da er_gienc Durch den troſt er zv im gevienc Den iungen ſtarken parcifal Der begreif ouch in da ſunder twal Vnd zuct in vz dem ſatel ſin Als ein garbe herberin Vaſt er in vnder die arm ſwanc Mit im er von dem orſſe ſpranc Vnd drucket in vber ein ronen Da muſt er th*tſchupfentevr wonen Der ſolher not niht was gewent Dv gearneſt daz ſich hat verſent Diſe frowe von dinem zorne Nu biſt dv der verlorne Du enlazzeſt ſie din hulde han Daz enwirt ſo ſchiere niht getan Sprach der hertzoge orilus Jch enbin doch niht betwungen ſus Parcifal der werde degen Druct in an ſich daz blutes regen Spranc durch die barbiere Da wart der fvrſte ſchiere Betwungen ſwes man an in warp Er tet als der vngerne ſtarp Er ſprach zv parcifaln ſan Owe kvͤn ſtarker man Wa gedient ich ie dieſe not Daz ich vor dir ſol ligen tot Jch laz dich vil gerne leben Sprach parcifal ob dv wilt geben Dirre frowen din hulde Jch entun ſin niht ir ſchulde Jſt gein mir zv grozlich Sie was werdikeit rich Die hat ſie gar ver_krenket Vnd mich in not geſenket Jch leiſt anders wes du gerſt Ob du mich des lebens werſt Daz het ich etſwenne von got Nv iſt din hant des worden bot Daz ihs danke dinem priſe Suſt ſprach der furſte wiſe Min leben kouffe ſchone Jn zwein landen krone Treit gewalticliche Min bruder der iſt riche Der nim dir ſwederz dv welleſt Daz ~~dumich~~du mich toten iht velleſt JCh bin im liep er loſet mich Als ich gedinge wider dich Dar zv nim ich min hertzogentum Von dir. din priſlicher rvm Hat an mir werdikeit bezalt Nv er_laz mich kvner degen balt Svne gein diſem wibe Vnd gebevt minem libe Anders waz din ere ſin Der gevnerten hertzogin Mac ich gepflegen ſvne niht Swaz halt anders mir geſchiht Parcifal der hoch gemvt Sprach lant. levt noch varndez gvt Der keinez mac gehelfen dir Dv entuſt des ſichercheit gein mir Daz du gein britanie varſt Vnd die reiſe niht lenger ſparſt Gein einer meide die blow durch mich Ein man gein dem iſt min gerich Ane ir bet niht verkorn Dv ſolt der meide wol geborn Sichern vnd minen dienſt ſagen Oder wirt alhie erſlagen Sage artuſe vnd dem wibe ſin Jn beden von mir den dienſt min Daz ſie minen dienſt ſuſt ~~letzet~~letzen Vnd die magt ir ſlege ergetzen Da zv wil ich beſchowen Jn dinen hulden diſe frowen Mit ſvne ane vare Oder du muſt ein bare Tot hinnen riten Wiltu michs wider ſtriten Merke die wort vnd bis der werk ein wer. Des gib mir ſicherheit alher Da ſprach der hertzoge orilus Zvm kunige parcifal alſus Mac nieman da fvr niht gegeben So leiſt ichs wan ich wolt nach leben Durch die vorhte von ir man Frowe ieſcute wol getan Strit ſcheidens gar ver_zagte Jr viendes not ſi klagte Parcifal in vf liez Da er frowen ieſcuten ſun gehiez Der betwungen fvrſte ſprach Frowe ſit ditz durch evch geſchach Jn ſtrit die tſchumpfentevr min Wol her ir ſvlt gekuͤſſet ſin Jch vil priſes durch evch han verlorn Waz danne ez iſt iedoch verkorn Die frowe mit ir blozzen vel Was zvm ſprunge harte ſnel Von dem pferde vf den waſen Wie daz blvt vz der naſen Den munt im het gemachet rot Sie kuſt in da er ir kuſſen bot Da wart niht lenger da gebieten Sie bede vnd die frowe riten Zv einer kluſen in eins velſes want Ein kefſen parcifal da vant Ein gemalt ſper da_bi da lent Der einſidel hiez Treverzzent Parcifal da mit trewen fvr Er nam daz heiltum dar_vf er ſwur Svs ſtabt er ſelb ſinen ei*eit Er ſprach han ich werdikeit Jch hab ez oder ich enhab ir niht Swer mich bi diſem ſchilde ſiht Der prvfet mich gein ritterſchaft Des namen ordenliche craft Als vns des ſchildes ampt ſagt Hat dicke hohen pris beiagt Ez iſt ouch nach ein hoher nam Min lip in werltlicher ſcham Jmmer ſi gewenket Vnd al min pris ver_krenket Dirre wort ſi mit werken pfant Min gelvcke vor der hohſten hant Jch hanz da fvr die treit got Nv muz ich fluſteclichen ſpot Zv beden liben immer han Von ſiner hant ob miſſetan Diſe frowe hab da daz geſchach Daz ich ir fvrſpan von ir brach Ouch fvrt ich mer goldes dan Jch was ein tore vnd niht ein man Gewahſen niht bi witzen Vil weinens da bi ſwitzen Mit iamer dolt vil ir lip Sie iſt benamen ein vnſchuldigez wip Da en_ſcheide ich vz niht mere Des ſi pfant min ſelde vnd min ere Geruht irs ſo ſol vnſchuldic ſin Set gebt ir wider ir vingerlin Jr furſpan wart ſo ver_tan Daz ez min torheit danc ſol han Die gabe enpfie der helt gvt Da ſtreich er von dem munde daz blut Vnd kuſte ſins hertzen trut Ouch wart verdecket ir blozze hvt Orilus der furſte erkant Stiez daz vingerlin wider an *ir hant Vnd gap ir an ſin kurſit Daz was von richem pfelle wit Mit heldes hant zvr_howen Jch doch ſelden frowen Sehen wappenrocke an tragen Die weren in ſtrite ſus zvr_ſlagen Von ir krie wart nie turnei Geſamliert noch ſper en_zwei Geſtochen wa daz ſolde ſin Der gute knappe vnd lemmekin Die tioſt zv_ſamen trvgen baz Svs wart die frowe trvrens laz Da ſprach der hertzoge orilus Aber zv parcifal alſus Helt din vnbetwungen eit Git mir groz liebe vnd krantzez leit Jch han tſchumpfentevr gedolt Die mir frevde hat erholt JA mac mit eren nu min lip Ergetzet nu ditz werde wip Daz ich ſie der hulde min ver_ſtiez Da ich die guten einen *liez Waz mohte waz ir geſchach Da ſie aber von diner ~~ſchoner~~ſchone ſprach Jch wande da were ein frevntſchaft bi Nv lon dir got ſvſt falſches fri Jch han vnfvge an ir getan Fvrz foreſt in Brezzilian Reit ich da in dem iovan pois Parcifal ditz ſper von trois Nam vnd furt ez mit im dan Des ver_gaz der wilde thavrian Todines bruder da Nu ſprechet wie oder wa Die helde des nahtes mohten ſin Helm vnd ir ſchilte heten pin Die ſach man gar zvr_howen Parcifal zvr frowen Nam vrlovp vnd ~~zvr~~zv ir amis Da ladet in der furſte wis Mit im an ſin fevrſtat Ez enhalf in niht wie vil er ſin bat Da ſchieden die helde ſich Die auentevr wert mere mich Da orilus der furſt erkant Qvam da er ſin pavelun vant Vnd ſiner maſſenie ein teil Daz volc was al gelich geil Daz ſvn was worden ſchin Gein der ſeldeberenden hertzogin Ez wart niht lenger da geſpart Da orilus entwappent wart Glut vnd ram er von im twuc Er nam die hertzoginne kluc Vnd fvrt ſie an die ſvn ſtat Vnd hiez bereiten in zwei bat Da lac frowe ieſcute Al weinende bi ir trvte Vor liebe vnd doch vor leide niht Als gutem wibe nach geschiht Ouch iſt genuc levten kunt Weinende ougen habn ſvzzen munt Da von ich mere nach ſprechen wil Groz Liebe iſt frevden vnd iamers zil Swer von der liebe ie mere Treit vf den ſeigere Ob erz immer wolde wegen Ez enkunde niht anderre ſchantze pflegen Da er_gie ein ſune wen ich Doch fvren ſie ſunder baden ſich Zwelf clare iuncfrowen Man mohte bi ir ſchowen Die pflagen ir ſit ſie gewan Zorn ane ſchult von liebem man Sie het ie ſnahtes decke cleit Swie bloz ſie bi dem tage reit Sie batten da mit frevden hie Rvht ir nu horn wie Orilus da inne wart Aventevr von artus vart Sus begund im ein ritter ſagen Jch ſach vf einen plan geſlagen Tuſent pavelun oder mer Artus der rich kunic her Der briteneiſe herre Lit vns hie niht verre Mit wunnenclicher frowen ſchar Vngevertes iſt ein mile dar Da iſt ouch von rittern grozzer ſchal Bi dem plimizol zv tal Ligent ſie an ietwederm ſtade Da gahte balde vz dem ba*bade Der hertzoge orilus Jeſcute vnd er gewurben ſus Die ſenfte ſuzze wol getan Gie ouch vz ir bade ſan An ſin bette da wart trvrens rat Jr lide dienten bezzer wat Danne ſie da vor trvc lange Mit nahem vmbe_vange Behielt ir minne frevden pris Der furſtinne vnd des furſten wis Juncfrowen kleiten ir frowen ſan Sin harnaſch truc man dar dem man JEſcuten wat man muſte loben Vogel gevangen vf dem kloben Sie mit frevden azzen Da ſie an ir bette ſazzen Jeſcute etteſlichen kuſſ Enpfie den gap ir orilus Da zoch man der frowen wert Starc wol gende ein ſchon pfert Geſatelt vnd gezovmet wol Man hup ſie drvf die riten ſol Dannen mit ir kvnen man Sin orſſ was gewappent ſan Reht als ers gegen ſtrite reit Sin ſwert da mit er des tages ſtreit Man vor an den ſatel hienc Von fvzze vf gewappent gienc Orilus zvm orſſe ſin Er ſpranc drvf der hertzogin Jeſcute vnd er ſchieden dan zv hant Die maſſenie gein lalant Bat er alle keren Wan ein ritter ſolde in leren Gein artuſe riten Er bat daz volc des biten Sie qvamen artuſe ſo nahen Daz ſie die pavelun ſahen Vil nach ein mile daz wazzer nider Der fvrſte ſande den ritter wider Der in gewiſet het dar Frowe ieſcute die wol gevar Was ſin geſinde vnd nieman mer Der vnloſe artus niht zv her Was gegangen da er des abents gaz Vf einen plan vmb in da ſaz Die werde maſſenie Orilus der falſches frie Quam an den ſelben rinc geriten Sin helm ſin ſchilt was ſo verſniten Daz nieman dran kos keine mal Die ſlege frvmte parcifal Vom orſſe ſtunt der kuͤne man Frowe ieſcute enpfienc ez ſan Vil iuncherren dar naher ſpranc Vmb in vnd vmb ſie wart groz gedranc Sie iahen wir ſvln der orſſe pflegen Orilus der werde degen Legt des ſchildes ſchirben vf daz gras Nach ir durch die er komen was Begunde er fragen al zv hant Frowen kvnnewaren de Lalant Zeiget man im da die ſaz Jr ſite man gein priſe maz Gewappent er ir ſo nahen gienc Der kunic vnd die kunigin in enpfienc Er danket in vnd bot fiantze ſan Siner ſweſter wol getan Bi dem drachen an dem kurſit Erkande ſie in wol wan ein ſtrit Sie ſprach du biſt der brvder min Orilus oder lehelin JCh en_nim ewers tweders ſicherheit Jr waret mir bede ie bereit Mit dienſte ſwes ich evch gebat Mir were vf den trewen mat Sold ich mit ev kriegen Vnd min ſelbs zvht betriegen Der fuͤrſte kniet al da fvr die magt Er ſprach du haſt al war geſagt Jch binz din bruder orilus Der rote ritter betwanc mich ſus Daz ich dir ſicherheit muz geben Da mit kouft ich da min leben Die enpfach ſo wirt hie gar getan Als ich gein im gelobt han Da enpfie ſie trewe in wizze hant + Von im der truc der ſerpant Vnd lie in ledic da daz geſchach Da ſtund er vf vnd ſprach Jch ſol vnd muz mit trewen klagen Owe wer hat dich geſlagen Din ſlege tunt mir nimmer wol Wirt des zit daz ich dich rechen ſol Jch ge_inner den ſwer ez ruchet ſehen Daz mir groz leit iſt dran geſchehen Ouch hilfet mirz klagen der kuͤnſt man Den muter vf werlde ie gewan Der nennet ſich der ritter rot Her kunic vnd frowe kunigin er enbot Ev beiden ſamt den dienſt ſin Dar zv benamen der ſweſter min Er bit evch ſinen dienſt letzen Vnd die magt ir ſlege ergetzen Ouch het ihs da genozzen Gein dem helde vnverdrozzen Weſt er wie ſie mich beſtet Vnd mir ir leit zv hertzen get Key erwarp da niht wan ha*haz Von rittern vnd von frowen wer da ſaz An dem ſtade bi dem plimizol Gawein vnd Lofreit viſidol Vnd des not ir habt gehort e Der gevangen kunic Clamide Vnd manic wert ander man Der namen ich wol genennen kan Wan daz ihz niht wil lengen Die begunden ſich mengen Jr dienſt mit zvhten wart gedolt Frowe ieſcute wart geholt Vf ir pferde alda ſie ſaz Artus der kunic ~~ver~~niht vergar Vnd ouch die kunigin ſin wip Sie enpfiengen Jeſcuten lip Von frowen da manic kvſſ geſchach Artus zv ieſcuten ſprach Ewern vater den kunic von karnant Lacken han ich des er_kant Daz ich ewern kummer klagte Sit man mirn erſte ſagte Ouch ſit ir ſelbe ſo wol getan Ez ſolde evch frevnt erlazzen han Wan ewer minneclicher blic Behielt den pris zv kanadic Dvrch ewer ſchone mere Beleip ev der ſperwere Ewer hant er danne*danne reit Swie mir von orilus leit Geſchehe ich gunde ev trvrens niht Noch entvn halt nimmer waz geſchiht Mir iſt liep daz ir die hulde hat Vnd daz ir frowenliche wat Tragt nach ewer grozzen not Herre daz ver_gelt ev got Dar an ir hohet ewern pris Frowen ieſcuten vnd ir amis Frowe kvnneware de Lalant Danne furte alzv_hant Einhalp an des kuniges rinc Vber eins brvnnen vrſprinc Stunt ir pavelun vf dem plan Als ez oben ein drache in ſinen klan Het des gantzen apfels halben teil Den drachen zvgen vier wint ſeil Reht als er lebentic da flvge Vnd daz pavelun gein den lvften zvge Da bi erkand ez orilus Wan ſine wappen waren ſus Er wart entwappent drvnde Sin ſvzze ſweſter kunde Jm bieten ere vnd gemach Vber al die maſſenie ſprach Des roten ritters ellen Neme den pris zv eim geſellen Des iahens ane rvnen Key bat kingrvnen Orilus dienen an ~~ſinen~~ſiner ſtat Er kund ez wol den ers da bat Wan er hetes vil getan Vor clamide zv brandigan Key durch daz ſin dienſt liez Vnſeld. in des furſten ſweſter hiez Zv ſere bluwen mit einem ſtabe Durch zuht entweich er dienſtes abe Ouch was die ſchulde niht verkorn Von der meide wol geborn Doch ſchuf er ſpiſe dar genuc Kingrun ez fvr orilus trvc Frowe kunneware des lobes wiſe Sneit ir bruder ſine ſpiſe Mit ir blanken linden hant Frowen ieſcuten von karnant Mit wiplichen zvhten az Artus der kunic niht ver_gaz Ern qweme da die zwei ſazzen Vnd fruntlichen azzen Do ſprach er gezzet ir vbel hie Daz en_wart iedoch min wille ~~hie~~nie Jrn geſazzet nie vber wirtes brot Der evz mit bezzern willen bot So gar ane wankes vare Min frowe kunneware Jr ſvlt ewers brvder wol hie pflegen Gut naht geb ev der gotes ſegen Artus fur ſlafen do Orilus wart gebettet ſo Daz ſin frowe ieſcute pflac Geſelleclich vntz an den tac Wie kvnic artus von ſinem hvs vnd von ſinem lande ſchiet. Welt ir nu horen wie artus Von karidol vz ſinem hvs Vnd ouch von ſinem lande ſchiet. Als im die maſ=ſenie riet. Sus reit er mit den werden. Sins landes vnd anderre erden Ditz mere giht ſo den ahten tac Daz er ſuchens pflac Den der ſich den ritter rot Nande vnd im ſolhe ere bot Daz er in ſchiet von kummer groz Da er den kunic ychern ſchoz Vnd clamiden vnd kingrvnen Ouch ſande gein den britunen Jn ſinen hof beſunder Vber die tauelrunder Wold er in durch geſelligkeit Laden durch daz er nach im reit Alſo beſcheidenliche Alſo beſcheidenliche be* Beide arm vnd riche Die ſchildes ampt an want Lobtes artuſes hant Swo ſie ſehen ritterſchaft Daz ſie durch ir gelubdes craft Keine tioſt teten Ez en_were ob ſie in beten Daz er ſie liezze ſtriten Er ſprach wir muzzen riten Jn manic lant daz ritters tat Vnd wol zv gegen_ſtrite ſtrite hat Uf gerihte ſper wir muzzen *ſehen Wolt ir danne fvͤr ein ander ſchehen Als freche rvden meiſter hant Abe zuckent ir bant Dar zv han ich niht willen Jch ſol den ſchal geſtillen Jch hilf ev ſwo ez niht rat mac ſin Des wartet an daz ellen min Diſe gelvbde habt ir wol ver_nomen Welt ir nu horen war ſie komen Parcifal der waleis Von ſne was ein newe leis Des nahtes vaſte vf in geſnit Ez was iedoch niht ſnees zit Jſt ez als ihs vernomen han Artus der meibere man Waz man ie von im geſprach Zv einen pfingeſten daz geſchach Oder in des meien blumen zit Waz man im ſuzzes luftes git Daz mere iſt vaſte vnder_ſnite Ez parriert mit ſnees ſiten Sin valkener von kardiol Riten des abendes zv dem plimizol Durch beizzen da ſie ſchaden korn Jr beſten valken ſie verlorn Der gahte von in balde Vnd ſtunt die naht zv walde Von vber krupfe daz geſchach Daz im was von dem luder gach Die naht bi parcifal er ſtunt Da in beden was der walt vnkunt Vnd da ſie bede ſere fros Da parcifal den tac erkos Jm was verſniet ſines pfades ban Vil vngevertes reit er dan Vber ronen vnd vber manigen ſtein Der tac ielanc hoher ſchein Ouch be_gunde levhten ſich der walt Wan daz ein rone was gevalt Vf einen plan zv dem er ſleich ~~A*tus~~Artus valke al mit ſtreich Da wol tuſent genſe lagen Da wart ein michel gagen Mit hurt floc er vnder ſie Der valke vnd ſlvc ir eine hie Daz ſie im harte kovme enbraſt Vnder der gevallen ronen aſt An ir hohem fluge wart ir we Vz ir wunden vf den ſne Vielen drie blutes zeher rot Die parcifalen fvgten not Von ſinen trewen daz geſchach Da er die blutes zeher ſach Vf dem ſne der was al wiz Da daht er wer hat ſinen fliz Gewendet an diſe varwe klar Condiwiramurs ſich mac fvr war Diſe varwe dir gelichen Mi*Mich wil got ſelden richen Sit ich dir hie gelichez vant Ge_eret ſi die gotes hant Vnd alle die creature ſin Kondwiramurs hie lit din ſchin Sit der ſne dem blute wizze bot Vnd ez den ſne ſo machet rot Kondwiramurs Dem geliht ſich din beachvrs Des enbiſtv niht erlazzen Des heldes ougen mazzen Wie ez dort ~~wart~~was ergangen Zwene zeher an ir wangen Den dritten an ir kinne Er pflac der waren minne Gein ir gar ane wenken Sus begunde er ſich bedenken Vntz daz er vnverſunnen hielt Die ſtarke minne ſin da wielt Solch not fugt im ſin wip Dirre varwe trvc gelichen lip Von pelrapeire die kunigin Die enzucte im wizzenlichen *hinſin Sus hielt er als er ſliefe Wer da zv im liefe Cvnnewaren garzun was geſant Der ſolde gein lalant Den ſach an der ſtunden Einen helm mit maniger wunden Vnd einen ſchilt gar verhowen Jn dienſt des knappen frowen Da hielt gezimiert ein degen Als er tioſtierens wolde pflegen Geferwet mit vf gerihtem ſper Der garzvn hup ſich wider her Het in der knappe erk*erkant enzit Er wer von im vil vnbeſchrit Daz ez ſiner frowen ritter were Als gein einem ehtere Schupft erz volc hin vz an in Er wolde im werben vngewin Sine kurtoſie er dran verlos Lat ſin. ſin frowe was ouch los Seͦlch was des knappen krie Fia fia fie Fi ir vertanen Zelent ſie Gawanen Vnd ander diſe ritterſchaft Gein werdiclicher priſes craft Vnd artuſen den britun Alſus rief der gartzun Tauelrunde iſt geſchant Ev iſt durch die ſnure alhie gerant Da wart von rittern grozzer ſchal Sie begunden fragen vber al Ob ritterſchaft da wer getan Da frieſchen ſie daz ein einic man Da hielt zv einer tioſt bereit Gnugen was gelubde leit Die artus von in enpfienc So balde daz er niht engienc Bede lief vnd ſpranc Segremors der ie nach ſtrite ranc Swo der vehten wande vinden Da muſt man in binden Oder er wolde der_mit ſin Niender iſt ſo breit der rin Sehe er ſtriten an dem andern ſtade Da wuͤrde wenic nach dem bade Getaſt. ob ez wer warm oder kalt Er viel ſuſt dran der helt balt Sus quam der ſnelle iungelinc Zv hove an artuſes rinc Der werde kunic vil vaſte ſlief Segremors im durch die ſnvre lief Zvr paveluns tvͤr dranc er in Ein deckelachen zobelin Zvcket er ab in die lagen Vnd ſuzzes ſlaffes pflagen So daz ſie muſten wachen Vnd ſiner vnfuge lachen Do ſprach er zv der nifteln ſin Gynover frowe kunigin Vnſer iſt des erkant Man weiz wol vber manic lant Daz ich genaden wart an dich Nv hilf mir frowe vnd ſprich Gein artuſe dinem man Daz ich von im mvzze han Ein auentevr iſt hie bi Daz ich zv tioſt der erſte ſi Artus zv ſegremors ſprach Din ſicherheit mir des veriach Dv ſoldes nach minem willen varn. Vnd din vnbeſcheidenheit bewarn Wirt hie ein tioſt von dir getan Dar nach wil manic ander man Daz ich in lazze riten Vnd ouch nach priſe ſtriten Da mit verkrenket ſich min wer Wir nahen anfortaſſes her Daz von montſalvatſche vert Vnd ditz foreſt mit ſtrite wert Sit wir niht wizzen waz da ſtet Zv arbeite ez vns lihte er_get Gynouer bat artuſen ſo Des Segremors wart alfro Da ſie im die auentevr erwarp Wan daz er niht vor liebe ſtarp Daz ander was da gar geſchehen Vngern het er da ver_gehen Sins komenden priſes pflihte Jeman an der geſchihte Der iunge ſtoltze ane bart Sin orſſ vnd er gewappent wart Vz quam Segremors Rois Galopiernde vlter io von pois Sin ~~orſſvber~~orſſ vber hohe ſtuden ſpranc Manic guldin ſchelle dar_an erklanc Vf der decke vnd an dem man Man moht in wol geworfen han Zvm Faſan in daz dornach Swem ſin zv ſvchen were iach Der fuͤnde in bi den ſchellen Die kunden lvte hellen Svs fur der vnbeſcheiden helt Zv dem der minne was verſelt Weder er enſluc noch enſtach E. er wider ſagen hintz im ſprach Vnverſvnnen hielt da parcifal Daz fuget im die blutes mal Vnd ouch die ſtrenge minne Die mir nimt dicke die ſinne Vnd mir daz hertze vnſanfte regt Ach not ein wip an mich legt Wil ſie mich alſus twingen Vnd ſelten helfe bringen Jch ſol ſis vnderziehen Vnd von ir troſte fliehen Nu hort ouch von ienen beiden Vmb ir komen vnd vmb ir ſcheiden. Segremors der ſprach alſo Jr gebaret herre ſam ir ſit fro Daz hie ein kunic mit volke ligt Swie vnhoch evch daz wigt Jr muzzet ein wandel drvmbe geben Oder ich verlvͤſe min leben Jr ſit durch ſtrit zv nahen geriten Doch wil ich evch durch zvht biten Jr gebt evch in min gewalt Oder ir ſit ſchier von mir bezalt Daz ewer vallen rvͤret den ſne So tetet irz baz mit eren .ê. Parcifal durch dro niht ſprach Frowe minne im anders kummers iach. Durch tioſt bringen warf ſin orſſ Von im der kune Segremors Vmb wande ouch ſich daz kaſtelan Da parcifal der wol getan Vnverſunnen vf ſaz So daz erz blut vber_maz Sin ſehen wart drabe gekeret Des wart ſin pris gemeret Da er der zeher nimmer enſach Frowe witze im aber ſinnes iach Hie quam Segremors rois Parcifal ſin ſper von trois Daz veſte vnd daz zehe Von farwe daz wehe Als erz vor der cluſen vant Daz be_gund er ſenken mit der hant Ein tioſt enpfie er durch den ſchilt Sin tioſt hin wider wart gezilt Daz Segremors der werde degen Satel rvmens muſte pflegen Vnd daz daz ſper doch gantz beſtunt Da von wart im gevelle kunt Parcifal reit ane fragen Da die blutes zeher lagen Da er die mit den ougen vant Frow minne ſtrickt in an ir bant Weder er ſprach do ſus noch ſo Wan er ſchiet von den witzen do Segremors kaſtelan Hvp ſich gein ſinem barn ſan Er muſt vf durch ruwen ſten Ober inder wolde gen Sich legent genuc durch ruwen nider Des habt ir vil gefreiſchet ſider Waz ruwe kos er in dem ſne Mir tet ein ligen drinne we Der ſchadehafte er_warp ie ſpot Selden pflihter dem hal*half got Daz er lac wol ſo nahen Daz ſie parcifaln ſahen Halden als im was geſchehen Der minne er muſt ir ſiges iehen Die Salomonen ouch betwanc Dar nach was da niht zv lanc E. Segremors do zv im gienc Der in hazzte oder wol enpfienc Den was er al geliche holt Sus teilt er bagens grozzen ſolt Er ſprach ir habt des gefreichet vil Ez ſinket doch ein mers kil Lat mich nimmer niht geſtriten Daz er min getorſte biten Ob er kande minen ſchilt Des hat mich gar an im be_vilt Der nach dort vzze tioſte gert Sin lip iſt doch wol priſes wert KEy der kune man Braht daz mere fvr den kunic ſan Segremors wer geſtochen abe Vnd dort vzze hielt ein ſtrenger knabe. Der gert tioſt reht als .e. Er ſprach herre mir tut immer we Sol ers genozzen ſcheiden hin Ob ich ev ſo wirdic pin Lat mich ver_ſuchen wes er ger Sit er mit vf gerihtem ſper Dort helt vor ewerm wibe Nimmer ich belibe Jn ewerm dienſte me Tavelrunder hat vnere Ob m*man imz niht bezite wert Vf vnſern pris ſin ellen zert Gebt mir ſtrites vrlovp Wer wir alle blint oder tovp Man ſoldez im weren des wer zit Artus erlovbte keyn ſtrit Gewappent wart de Sinehtſchalt Da wold er ſwenden den walt Mit tioſte vf diſen komenden gaſt Der truc der minnen laſt Daz fvgt im ſne vnd blut Ez iſt ſuͤnde ſwer immer nv tut Frowe minne wie tut ir ſo Daz ir den trurigen fro Macht mit kvrtz wernder frevde Jr tut in ſchiere tevde Wie ſtet ev daz frowe minne Daz ir menliche ſinne Vnd hertzenhaften hohen mvt Alſus entſchumpfieren tvt Daz ſmehe vnd daz werde Vnd ſwaz vf der erde Gein keines krieges pfligt Dem habt ir ſchiere an geſigt Wir muͤzzen evch mit creften lan Mit rehter warheit ſunder wan Frowe minne ir habt ein ere Vnd ſelten keine mere Frowe liebe git ev geſelleſchaft Anders wer vil durkel ewer kraft Frowe minne ir pflegt vntrewen Mit alten ſiten newen Jr zvcket manigem wibe ir pris Vnd ratet in ſippe amis Vnd daz manic herre an ſinem man Von ewerre craft hat miſſe_tan Vnd der frevnt an ſinem geſellen Ewer ſite kan ſich hellen Vnd der man an ſinem herren Frowe minne ev ſolde werren Daz ir den lip der gir ver_went Da von ſich die ſele ſent Frowe minne ſit ir habt gewalt Daz ir die iugent ſus machet alt Der man doch zelt vil kurtze iar Ewere werc ſint halſcharlicher var Die rede zem keinem man Wan der nie troſt von ev gewan Het ir mir geholfen baz Min lop wer gein ev niht ſo laz Jr habt mir mangel vor_gezilt Miner ougen ecke alſo verſpilt Daz ich ev niht getrewen mac Min evch ie vil ringe wac Doch ſit ir mir zv wol geborn Daz gein ev min kranker zorn Jmmer ſolde bringen wort Ewer trvc hat ſo ſtrengen ort Jr ladet vf hertze ſweren ſovm Her heinrich von Veldeck ſinen bovm Mit kunſt gein ewerm arde maz Het er vns da beſcheiden baz Wie man ſvͤl behalden Er hat her dan geſpalden Wie man evch ſol er_werben Von tumpheit muz ver_derben Maniges toren hoher funt Was. oder wirt mir nach daz kunt Daz wize ich ev frowe minne Jr ſit ein ſloz ob dem ſinne Ez enhilft gein ev ſchilt noch ſwert Snelle orſſ. hoch burch mit tvrnen wert. Jr ſit gewaltic ob der were Bede vf der erde vnd in dem mere Waz entrinnet ewerm kriege Ez fliezze oder fliege Frowe minne ir tatet ouch gewalt Da parcifal der degen balt Durch euch von ſinen witzen ſchiet. Als im ſin trewe da geriet Daz werde ſvzze clare wip Sand evch zv boten an ſinen lip Die kunigin von pelrapeire Kardeiz fiz Tampunteire Jr bruder namt ir ovch ſin leben Sol man ev ſolhe zinſe geben Wol mich daz ich von ev niht han Jr welt mir bezzer ſenfte lan Jch han gerett vnſer aller wort Nv hort ouch wie ez er_gienge dort Key der ellens riche Quam gewappent ritterliche Vz als er ſtrites gerte Jch wen in ſtrites werte Des kunic Gamuretes kint Swa nu twingende frowen ſint Die ſolden im heiles wunſchen nv Wan in braht ein wip dar zv Daz minne witze von im ſchiet Key ſin tioſt enthielt Biz er zv parcifal geſprach Herre ſit evch alſus geſchach Daz ir den kunic gelaſtert hat Welt ir mir volgen ſo iſt min rat Vnd duncket mich ewer beſtez heil Nemt evch an ein bracken_ſeil Vnd lat evch fvr in ziehen Jrn mugt mir niht enpfli*enpflihen Jch bring euch doch gevangen dar So nimt ewer vnſanfte war Den waleis twanc der minnen craft Swigens. key ſinen ſchaft Vf zuct vnd frvͤmt im einen ſwanc Vf hovbt daz der helm er_klanc Da ſprach er dv muſt wachen Ane lilachen Wirt dir din ſlaf hie benant Ez zilt al anders min hant Vf den ſne du wirſt geleit Der den ſac von der mvle treit *Wolde man in alſus pluͤwen Jn mohte lazheit rewen Frowe minne hie ſeht ir zv Jch wen man evchz zv laſter tv Wan ein gebvre ſpreche ſan Minem hertzen ſi diz gan Er clagt ouch moht er ſprechen Frowe minne lat ſich rechen Den werden waleiſe Wan liez in ewer freiſe Vnd ewer ſtrenger vnſuͤzzer laſt Jch wene ſich werte dirre gaſt Key hurt vaſte an in Vnd dranc im daz orſſ al vmbe hin So daz der waleis vber_ſach Sin ſvͤz ſvrez vngemach Sines wibes glichen ſchin Von pelrapeire der kunigin JN dem geparrierten ſne Do quam aber frowe witze als e Die im den ſin her wider gap Key liez ſin orſſ in den balap Der quam durch tioſtieren her Von rabine ſancten ſie die ſper Key ſin tioſt brahte Als im der ougen maz gedahte Durch des waleis ſchilt ein venſter wit Jm ver_golten dirre ſtrit Key artuſes ſinehtſchalt Zv gegen_tioſt wart gevalt Vber ronen da die gans entran So daz daz orſſ vnd der man Beide ſamt liden not Der man lac wunt daz orſſ was tot Zwiſchen dem ſatelbogen vnd einem ſtein Keyn zeſwer arm vnd ſin winſter bein Zv_braſt von diſem gevelle Svrtzingel vnd ſatelgeſchelle Von dirre hurte gar zv_braſt Suſt galt zwei pluwen dirre gaſt Daz ein leit ein magt durch in Mit dem andern muſt er ſelbe ſin Parcifal der falſcheit ſwant Sin trewe in lerte daz er vant Snewic blutes zeher dri Die in vor witzen mahten fri Ein gedanc in pavſieren vmb den gral Vnd der kunigin geliche mal Jetwederz was ein ſtrenge not An im wac fvr der minne not Truren vnd minne Brichet zehe ſinne Sol ditz auentevre ſin So mohtenz beide heizzen pin Kvne levte ſolden keyen not Clagen wan im ſin manheit gebot Genendeclich an manigen ſtrit Man ſagt in manigen landen wit Daz key artuſes ſinehtſchalt Mit ſiten wer ein ribalt Des ſagent in mine mere bloz Er was der werdikeit genoz Wie klein ich des die volge han Getrewe vnd ellenthaft ein man Was key des git min munt Jch tvn noch mere von im kunt Artus hof was ein zil Dar quam fremder levte vil Die werden vnd die ſmehen Mit ſiten die wehen Swelher partierens pflac Der keyn ringe wac An ſwem die kurtoyſie Vnd die werde kumpanie Lac den kunde er eren ~~Siner~~Sinen dienſt gein im keren JCh ~~gibe~~gihe von im der mere Er was ein merkere Er tet vil ruhes willen ſchin Zv ſchirme dem herren ſin Partierer vnd valſche diet Von den werden er die ſchiet Er was ir fvr ein ſtrenger hagel Nach ſcherfer dan der bin ir zagel Seht die verkerten keyen pris Er was menlicher trewen wis Vil hazzes er von in gewan Von dvringen marcgrefe herman Ettelich din ingeſinde ich maz Daz vzze geſinde hiezze baz Dir wer ouch eins keyn not Sit ware milte dir gebot So manifalden an hanc Etteſwo ſmelich gedranc Vnd etteſwo werdez dringen Des muz her walther ſingen Gvten tac boſe vnd gut Wo man ſolhen ſanc nu tvt Des ſint die falſchen geeret Key het inz niht geleret Noch der heinrich von Riſpach Hoͤrt wunders mer waz geſchach Vf dem plimizoles plan Key wart geholet ſan Jn artus pauelun getragen Sin frevnt begunden in da klagen Wie parcifal frowen ieſcuten hulde gewan Vnd fvr ſie ſwuͦr. Vnd wie in die minne von ſinnen brahte. Vnd wie er Segremors vnd keyn nider ſtach. Lis vor zwei bleter. Uil frowen vnd vil manic man Dar quam ouch min her Gawan Vber keyn alda er lac Er ſprach owe vnſelic tac Daz diſe tioſt ie wart getan Da von ich frvͤnt verlorn han Er klagte in ſeneliche Key der zornes riche Sprach herre erbarmt evch min lip Sus ſolden clagen alte wip Jr ſit mins herren ſweſter ſvn Moht ich ev dienſt nu getun Als ewer wille gerte Da mich got lide werte So enhat min hant daz niht vermiden Sie enhab vil durch evch geſtriden Sie tet ouch nach mohtez ſin Clagt niht mer lat den pin Jr ſit mir rache *zv wol geborn Het aber ir einen vinger verlorn Da wagt ich gegen min hovbt Seht ob ir mirz gelovbt Kert evch niht an min hetzen Er kan vnſanfte letzen Ewer ~~der kunic~~oheim der kunic her ~~Gewinnen~~Gewinnet nimmer ſolhen k*keyn mer Der nach dort vzze vnfluhtic habt Weder er enſchevfte noch en_drabt Ovch iſt hie niender frowen har Weder ſo mvrwe noch ſo klar Ez en_wer ev doch ein veſte bant Zv weren ſtrites ewer hant Swelich man tvt ſolhe demvt ſchin Der eret iedoch die muter ſin Vater_halp ſold er ellen han Kert muter_halp her Gawan So werdet ir ſwertes blicke bleich Vnd menlicher herte weich Sus wart der wol gelobte man Gerant zvr blozzen ſiten an Mit rede er konde ir gelten niht Als wol gezognem manne nach geſchiht. Dem verſlevzzet ſcham ſinen munt Daz dem vnuerſamten iſt vnkunt Gawan iedoch zv keyn ſprach Swo man ie ſlvc oder ſtach Swaz des von mir iſt geſch*geſchehen Swer min varwe kunde ſpehen Die wen ich ie er_bliche Von ſlegen oder von ſtiche Dv zvrneſt mit mir ane not Jch bin der dir ie dienſt bot Vz dem pauelvn gie her Gawan Sin orſſ hiez er bringen ſan Sunder ſwert vnd ane ſporn Saz druffe der helt wol geborn Er kert vz da er den waleis vant Des witze was der minnen pfant Der truc dri tioſt durch den ſchilt Mit heldes handen dar gezilt Ouch het in orilus ver_ſniten Gawan qvam zv im geriten Sunder galopieren Vnd ane pvnieren Er wolde gutlich erſehen Von wem der ſtrit da wer geſchehen Da ſprach er grvzlichen dar Zv parcifal. des kleiner war Nam. daz muſt alſuſt ſin Da tet frowe minne ir ellen ſchin An im. den hertzenlovde bar Vngezalte ſippe gar Schiet von den witzen ſin Vnd vf ge_erbter pin Von vater vnd von muter art Der waleis wenic inne wart Waz mins herren Gawans munt Mit worten im da tet kunt Da ſprach des kunic lotes ſvn Herre ir welt gewalt nu tvn Sit ir mir grvzzen wider_ſagt Jch bin doch niht ſo gar verzagt Jch en_bringez an ander frage Jr habt man vnd mage Vnd den kunic ſelb enteret Vnſer laſter hie gemeret Des erwirb ich ev die hulde Daz der kunic lat die ſchulde Welt ir nach minem rate leben Vnd geſelleſchaft mir fvr in geben Des kunic gamuretes kint Drowen vnd flehen was im ein wint Der tavelrunder hohſter pris Gawan was dirre not al wis Er hetz vnſanft erkant Da er mit dem mezzer durch die hant Stach des twanc in minnen craft Vnd wert wiplich geſelleſchaft Jn ſchiet von tode ein kunigin Da der kvͤne lehelin Mit einer tioſt riche Jn twan ſo vollicliche Die ſenfte ſvͤzze wol gevar Zv pfande ſatzt ir hovbt dar Die kunigin Jngvſe von bahtarliez Alſus die getrewe hiez Da dahte min her Gawan Waz ob die minne diſen man Twinget als ſie mich dar twanc Vnd ſin trewlich gedanc Der minne muz ir ſiges iehen Er mercte des waleis ſehen War ſtunden im die ougen ſin Eines feilen tuches von Svrin Gefvrriert mit gelwem ~~zendalin~~zendal Die ſwanc er vber die blutes ~~male~~mal Da die feile wart der zeher dach Sa daz ir parcifal niht ſach Jm gap her wider witze ſin Von pelrapeire die kunigin Die behielt iedoch ſin hertze dort Nv ruchet horen diſe wort Er ſprach owe frowe vnd wip Wer hat benomen mir dinen lip Erwarp mit ritterſchaft min hant. Din werde minne kron vnd ein lant Bin ichs der dich von clamide Loſt ich vand weach vnd we Vnd ſevftzic manic hertze frebel Jn diner helfe ouge*ougen nebel Hat dich bi liehter ſunnen hie Mir be_nomen ich en_weiz niht wie Er ſprach owe war qvam min ſper Daz ich mit mir brahte her Do ſprach min her Gawan Herre ez iſt mit tioſt ver_tan Gein wem ſprach der degen wert Jrn habt hie ſchilt noch daz ſwert Waz moht ich priſes an ev beiagen Doch muz ich ewer ſpotten tragen Jr er_biet mirz liht her nach baz Etteſwenne ich ev vor tioſt beſaz Vnd ich nimmer an ev ſtrit Doch ſint die lant wol ſo wit Jch mac da bris vnd arbeit ho*holn Beide frevde vnd angeſt *doln Min her Gawan do ſprach Swaz ie mit rede gein ev geſchach Die iſt lvter vnd minneclich Niht mit falſcher trewe rich JCh ger als ichs gedinen wil Hie lit ein kunic vnd ritter vil Vnd manic frowe wol gevar Geſelleſchaft gib ich ev dar Lat mich mit ev riten So bewar ich evch vor ſtriten Got lon ev herre ir ſprechet wol Daz ich vil gerne dienen ſol Sit ir kumpanie bietet mir Nv wer iſt ewer herre oder wer ſit ir Jch heizze herre einen man Von dem ich manic vrbor han Ein teil ich der benenne alhie Er pflac gein mir des willen ie Daz er mirz ritterlichen bot Sin ſweſter het der kunic lot Die mich zvr werlde brahte Swes got an mir gedahte Daz bevt dienſt ſiner hant Kvnic artus iſt er genant Ouch iſt min nam vnverſtolen An maniger ſtat vil vnverholen Levte die mich erkennent Gawan mich die nennent Ev dient min lip vnd ovch min nam Welt irz keren mir von ſcham Do ſprach er biſt duz Gawan Vil kranken pris ich des han Ob du mirz wol erbevteſt hie Jch hort von dir ſprechen ie Dv erbevteſt ez allen levten wol Dinen dienſt ich doch enpfahen ſol Nevr vf gein dienſtes gelt Nv ſag mir wes ſint die gezelt Der dort manigez iſt vf geſlagen Lit artus da ſo muz ich klagen Daz ich in mit den eren min Niht mac geſehen vnd ouch die kvnigin Jch ſol rechen .e. ein blewen Dar vmb ich ſit mit rewen Fvr von ſolhen ſachen ErDEr werde magt ir lachen Mir bot die ſlvc der ſinetſchalt Durch mich daz von ir reis der walt Vnſanfte iſt daz gerochen Sprach Gawan im iſt gebrochen Der ceſwe arm vnd daz winſter bein Rit her ſchow orſſ vnd den ſtein Hie ligent ouch drutzvne vf dem ſne Dins ſpers nach dem dv frageſt e Da parcifal die warheit ſach Da fragt er mer vnd ſprach Ditz laz ich an dich Gawan Ob daz ſi der ſelbe man Der mir hat laſter vor gezilt So reit ich mit dir war du wilt Jch enwil gein dir niht liegens pflegen Sprach Gawan hie iſt von tioſt gelegen. Segremors ein ſtrites helt Des tat gein priſe ie was gezelt Dv tetez e key wart gevalt An in beden has dv bezalt Sie riten mit ein ander dan Der waleis vnd Gawan Vil volkes Zv orſſe vnd zv fvzze Dort inne boten werden grvzze Gawan vnd dem ritter rot Wan in ir zvht daz gebot Gawan kert da er pavelvn vant Frowen Cvnewaren de lalant Der ſnvͤre vntz an die ſinen gienc Sie wart fro mit frevden enpfienc Die magt irn ritter der ſie rach Daz ir von keyn .e. geſchach Sie nam ir brvder an ir hant Vnd frowen ieſcuten von karnant Svs ſach ſie komen parcifal Der ge_var durch iſers mal Als towige roſen weren geflogen Jm was ſin harnaſch abe gezogen Er ſpranc vf da er ſie komen ſach Nv hort wie kvneware ſprach Gote alrerſt dar nach mir Weſt willikomen ſit daz ir Belibet bi menlichen ſiten Jch het lachen gar ver_miten E. evch min hertze erkande Da mich an frevden pfande Key der mich da ſo ſlvc Daz habt gerochen ir genuc Jch kvͤſt evch wer ir kuſſes wert Des het hevt ſan gegert Hie vor ein wenic vindet man geſchriben wie her gawan parcifaln brahte vnder ar=tus geſinde. Vnd wie er da erlich von der maſſenie enpfangen wart. Sprach parcifal getorſt ich ſo Wan ich bin ewers enpfahens fro Sie kuſt in vnd ſazzen nider Eie iuncfrowen ſie ſande wider Vnd hiez im bringen riche ~~kleider~~kleit Da waren geſniten als gereit Vz pfelle von ninnive Sie ſolde der kunic clamide Jr gevangen han getragen Die magt ſie ſie braht vnd begvnde clagen. Der mandel were an ſn;evr Cvneware alſus gefvr Vz blanker ſiden ein ſnvͤrlin Sie zvcte vnd zoch im daz dar in Mit vrlovb er ſich da twuc Den rom von im der iunge trvc Bi rotem munde liehtez vel Gekleit wart der degen ſnel Da was er fier vnd klar Swer in ſach der iach fvr war Er wer geblvmet fvr alle man Ditz lop ſin frowe muſte han Parcifal ſtund wol ſin wat Einen tevren ſmarat Spin ſi im fvr ſin hovploch Cvneware gap im mer dannoch Einen tevren gvrtel fier Von edlem geſtein manic tier Muſt vzzen an dem porten ſin Die rincke was ein rvbin Wie was der iunge ane bart Ge_ſchicket da er ge_gvrt wart Ditz mere giht wol genvc Daz volk im holdez hertze trvc Swer in geſach man oder wip Die heten wert ſinen lip Der kunic meſſe het gehort Man ſach artuſen komen dort Mit der tavelrunder diet Der keiner falſcheit nie geriet Die heten alle e. wol vernomen Der rote ritter wer komen Jn Gawans pavelvn Dar qvam artus der britvn Der zvr bluwen antanor Spranc dem kunige allez vor Vntz er den waleis erſach Den fragt er ſit irz der mich rach Vnd kvnewaren de lalant Vil priſes giht man ewerre hant Key hat ver_pfendet Sin dron iſt nu gelendet Jch fvrhte wenic ſinen ſwanc Der ceſwen arm iſt im zv kranc Da trvc der iunge parcifal Ane flvgel engels mal Svs geblvͤt vf der erden Artus mit den werden Enpfienc in ritterliche Gvtes willen gein im riche Alle die in geſahen da Jr hertze volgen ſprachen ia Gein ſinem lobe ſprach nieman nein Svs reht minneclich er ſchein Artus ſprach zv im ſan Jr habt mir liep vnd leit getan Doch habt ir mit der ere Braht vnd geſendet mere Dan ich ir ie von manne enpfienc Min dinſt da gegen nach klein gienc Het ir pris niht mer getan Wan da die hertzogin ſol han Frow ieſcute die hulde Ouch wer ev key ſchulde Gewandelt vnd gerochen Het ich evch .e. geſprochen Artus ſagt im wes er bat Warvmb er an die ſelben ſtat Vnd ouch mer landes was geriten Sie begunden in da alle biten Daz er gelobte ſunder Den von der tavelrunder Sin ritterlich geſellikeit Jm was ir bet niht zv leit Er moht ez ſin von hertzen fro Parcifal ſie gewerte do Nv ſprechet horet vnd ieht Ob tavelrunder muge ir reht Des tages behalden wan ir pflac Artus bi dem ein ſite lac Kein ritter vor im az Des tages ſwenne auentevre ver_gaz Daz ſie ſinen hof ver_meit Jm auentevre nu bereit Daz lop muſte tavelrunder han Swie ſie wer zv Nantes lan Man ſprach ir reht vf blvmen velt Da en_irte ſtude noch gezelt Der kunic artus daz gebot Zv eren dem ritter rot Sus nam ſin werdekeit da lon Ein pfelle von akraton Vz heidenſchefte verre braht Wart zv einem zil alda gedaht Niht breit ſinwel geſniten Al nach tavelrunder ſiten Wan in ir zvht des ver_iach Nach gegenſtul da niemant ſprach Die geſitze waren alle geliche her Der kunic artus gebot in mer Daz man werde ritter vnd frowen Am ringe ſolde ſchowen Die man da gein priſe maz Magt wip vnd man zv hofe da az Da quam frowe gynofere dar Mit maniger frowen lieht gevar Mit ir manic edel fvrſtin Die trugen minnenclichen ſchin Der rinc was genomen wol ſo wit Daz an ge_drenge vnd ane ſtrit Manic frowe bi ir amis ſaz Artus der falſchez v*laz Brahte den waleis an der hant Frowen Cvnewaren de lalant Gienc im anderhalben bi Die was da worden trurens fri Artus an den waleis ſach Nv ſult ir horen wie er ſprach Jch wil ewern claren lip Lazzen kuͤſſen min altez wip Des enduͤrft ir doch nieman biten Sit ir von pelrapeire geriten Wan da iſt des kuͤſſens hohſtez zil Eines dinges ich biten wil Kvm ich immer in ewer hus Geltet diſen kvs ſprach artus Jch tvn wes ir mich bitet da Sprach der waleis vnd ouch anderſwa Ein *wenic ſie naher im da gienc Die kunigin in mit kuſſen enpfienc Nv verkevſe ich hie mit trewen Sprach ſie daz ir mich liezzet mit rewen. Die het ir mir ge_geben Da ir dem kvnige ither namt ſin leben Von dirre ſvne wurden naz Der kuniginne ovgen vmbe daz Wan ithers tot tet wiben we Man ſatzte den kvnic Clamide An daz over zv dem plimizol Bi im ſaz Jofrit Fiſidol Zwiſchen clamide vnd Gawan Der waleis ſitzen muſte ſan Als mir die auentevr maz An diſem ringe niemant ſaz Der muter bruſt ie geſovc Des werdekeit ſo wenic trovc Kraft mit ivgende wol gevar Der waleis mit im brahte dar Swer zv rehte kunde ſpehen So hat ſich manic frowe erſehen Jn trvbern ſpigel denne wer ſin mvnt Jch tun ev von ſinem velle kvnt An dem kinne vnd den wangen Sin varwe zv einer zangen Wer gvt die mohte haben Die den zwifel wol hin dan kan ſchaben. Jch meine die wenken Vnd ir frvntſchaft vber_denken Sin glaſt was wibes ſtete ein bant Jr zwifel gar gein in verſwant Jr ſehen in mit trewen enpfienc Durch die ougen in ir hertze er gienc Man vnd wip im waren holt Suſt het er werdekeit gedolt Vntz vf daz ſevftzeberez zil Hie quam von der ich ſprechen wil Ein magt von ~~der ich~~ trewen wol gelobt + Wan daz ir zvht was ver_tobt Jr mer tet vil levten leit Hort wie die iuncfrowe reit Ein mvl hoch ſam ein caſtelan Val vnd dannoch ſus getan Nas ſnitec vnd verbrant Als vngeriſche marc erkant Jr zvzovm vnd ir gereite Was geworht mit arbeite Tevre vnd riche Jr mvl gienc. vollicliche Sie was niht frowenlich gevar We waz ſolde ir komen dar Sie qvam iedoch daz muſte ſin Artus her ſie brahte pin Der meide ir kunſt des veriach Alle ſprache ſie wol ſprach Latin. heidenſch. frantzois Sie was der witze kvrtois Dyaletike vnd geometrie Jr waren die liſte bie Von aſtronomie Sie hiez kundrie Svrzir was ir zv nam Jn dem munde niht die lam Wan er redet ir genvc Vil hoher frevden ſie nider ſlvc Die magt witze riche Was gevar den vngeliche Die man da heizzet beagent Ein brvtlachen von gent Nach blawer dann ein lazvr Het an ir der frevden ſchvr Daz was ein kappe wol geſniten Nach der franzoiſer ſiten Vnden an ir libe was pfelle gvt Von Lvndirs ein pfewin hvt Gefvrriert mit einem plialt Der hvt was newe vnd niht alt Der hinc ir an dem rvcke Jr mere was ein brucke Vber frevde ez iamer trvc Sie zvcte in ſchimpfes genvc Uber den hvt ein zopf ir ſwanc Vntz vf ~~dem~~den mvl der was ſo *lanc Swartz herte vnd niht zv klar Linde als ein ſwins rvcke har Sie was genaſet als ein hvnt Zwen ebers zene fvr den mvnt Giengen wol ſpanne lanc Jetweder wintb*wintbra ſich dranc Mit zopfer fvr die harſnvre Min zvht mit warheit miſſefvre Daz ich ſus muz von frowen ſagen Kein andre darf ez von mir klagen Kvndrie truc oren als ein ber Niht nach frevndes minne ger Rovch was ir antlvtze erkant Ein geiſel fvrt ſie an ir hant Dem warn die ſwenkel ſydin Vnd der ſtil ein rvbin Gevar als ein affen hvt Truc hende ditz gebe trvt Jr nagel warn ir niht zv liht Als mir die auentevr giht Sie ſtunden als ein lewen klan Nach ir minne was ſelden tioſt getan Svs qvam geriten in den rinc Trurens vrhap frevden twinc Sie kert alda ſie den wirt vant Frowen kvnewaren de lalant Az mit artuſe Die kuniginne von Jamfuſe Mit frowen Ginovern az Der kunic artus ſchone ſaz Heb an dem vorderm blat an ſo vindes t*dv ge_ſchriben wie ein wildez wip qvam ge_ri=ten vf kvnic artus hof die weil er ſaz vnd az. Kvndrie hielt fvr den britvneis Sie ſprach hin zv im in franzeis Ob ichz ev devtſch ſagen ſol Mir tunt ir mere niht zv wol Fillvrois ~~Vtpar~~Vtpandragvn Dich ſelben vnd manigen britvn ~~Han~~Hat din gewerft alhie geſchant Die beſten vber alle lant Sazzen hie mit werdikeit Wan daz ein galle ir pris verſneit Tavelrunde iſt entnihtet Der valſch hat dran gepflihtet Kvnic artus dv ſtvnde zv lobe Hoch dinen genozzen obe Din ſtigender pris nu ſinket Din ſnelle wirde nu hinket Din hohez lop ſich neiget Din pris hat valſch erzeiget Tavelrunder priſes craft Hat erlemt ein geſelleſchaft Die drvbet gar her parcifal Der ouch dort tetreit die ritters mal Jr nennet in den ritter rot Nach dem der lac vor nantis tot Vngelich ir zweier leben was Wan munt von ritter nie gelas Der pflege ſo gantzer werdikeit Von dem kvnig ſie wider fvr den waleis reit. Sie ſprach ir tvt mir ſite bvz Daz ich verſage minen grvz Artus vnd der maſſenie ſin Gvnert ſi ewer liehter ſchin Vnd ewer minnenclichen lide Het ich ſvn oder fride Die weren ev beide tevre Jch dunc evch vnge*vngehevre Jch bin gehevrre doch danne ir Her parcifal wan ſagt ir mir Vnd beſcheidet mich einer mere Da der trurige viſchere Saz ane hilfe vnd ane troſt War_vmb ir in niht ſevftzens habt erlos Er truc ev vor den iamers laſt Jr vil vngetrewer gaſt Sin not evch ſolde erbarmet han Daz ewer munt nach werde wan Jch meine der zungen drinne Als evz hertze iſt gvter ſinne Gein der helle ir ſit benant Zv himel vor der hohſten hant Als ſit ir vf der erden Verſvment ſich die werden Jr heiles pan ir ſelden flvch Des gantzen priſes reht vnrvch Jr ſit menlicher eren ſchiech Vnd ander werdekeit ſo ſiech Kein artz mac evch des ernern Jch wil vf ewerm hovbt ſwern Geit mir iemant des den eit Daz grozzer valſch nie wart bereit Keinem alſo ſchonen man Jr veder angel ir natern zan Ev gap iedoch der wirt ein ſwert Des ewer wirde wart nie wert Da erwarp ev ſwigen ſunden zil Jr ſit der helle hirten ſpil Gevnerter lip her parcifal Jr ſaht doch fvr evch tragen den gral Vnd ſnidende ſilber vnd blutic ſper Jr frevden letze vnd truren wer Wer zv montſalvatſche ev fragen mit Jn heidenſchaft zv tabrvnit Die ſtat hat erden wunſches ſolt Hie ev fragen mere er_holt Jenes landes kunigin Feirefiz anſhevin Mit herter ritterſchefte erwarp An dem die manheit niht ver_darp Die ewer beder vater trvc Ewer bruder wunders pfligt genuc Ja iſt beide ſwartz vnd blanc Der kunigin ſvn von zazamanc Nv denct ir aber an gemureten Des hertze valſches was er_ieten Von anſhowe ewer vater hiez Der ev ander erbe liez Danne als ir hat geworben An ir pris ir ſit ver_dorben Het ewer muter ie miſſetan So ſold ichz gerne da fvr han Jrn moht ſin ſvn niht geſin Nein ſie lerte ir trewen pin Gelovbt von ir gvter mere Vnd daz ewer vater were Menlicher trewen wiſe Vnd wit vengic hoher priſe Er konde mit ſchallen Groz hertze vnd cleine gallen Dar vber was ſin bruſt ein dach Er was revſe vnd vengic vach Sin menlichez ellen Konde den pris wol geſtellen Nv iſt ewer pris zv falſche komen Owe daz ie wart vernomen Von mir daz hertzelovde barn An trewen hat ſvs miſſevarn Die magt lert ir trewe Wol clagen ir hertzen rewe Wider fvr den wirt ſie kerte Jr mere ſie da gemerte Sie ſprach iſt hie kein ritter wert Des ellen priſes habe gegert Vnd dar zv hoher minne Jch weiz vier kuniginne Vnd vier hundert ivncfrowen Die man gerne mohte ſchowen Uf tſchahtel marveile die ſint Alle auentevr iſt ein wint Wan die man da ~~bezalr~~bezaln mac Hoher minne wert beiac Al habe ich da der reiſe pin Jch wil doch hint drvffe ſin Die magt truric niht gemeit Ane vrlovp von dem ringe reit Al weinde ſie dicke wider ſach Nv hort wie ſie zv iungeſt ſprach Ey montſalvatſche iamers zil We daz dich niemant troſten wil Kvndrie Laſurziere Die vnſvzze vnd doch die fiere Den waleis ſie beſwert hat Waz half in kvnes hertzen rat Vnd ware zuht bi manheit Vnd dannoch mere im was bereit Scham ob allen ſinen ſiten Den rehten falſch het er ver_miten Wan ſcham geit pris zv lone Vnd iſt doch der ſele krone Scham iſt ob ſiten ein gevͤbet vp Kvneware daz erſte weinen hvp Daz parcifaln den degen balt Kundrie Svrtziere alſo beſchalt Ein alſo wunderlich beſchaf Hertzen iamer ovgen ſaf Gap maniger werden frowen Die man weinde muſte ſchowen Kvndrie was ir trurens wer Die reit enwec nu reit dort her Ein ritter der truc hohen mut Al ſin harnaſch was ſo gvt Von den fvzzen vntz an des hovbtes dach Daz mans fvr grozze koſte iach Sin zimiere daz was riche Gewappent ritterliche Was ſin orſſ vnd ouch ſin ſelbs lip Da vand er magt man vnd wip Trurige an dem ringe hie Da reit er zv nu hort wie Sin mut ſtunt *ho doch iamers vol Die bede ſchantze ich nennen ſol Hochvart riet ſin manheit Jamer lert in hertzenleit Er reit vzzen zv dem ringe Ob man in da iht dringe Vil knappen ſpranc da naher ſan Da enpfiengen ſie den werden man Sin ſchilt vnd er warn vnbekant Den helm er niht von im bant Der frevden ellende Truc daz ſwert in ſiner hende Ver_decket mit der ſcheiden Da fragt er nach in beiden Wa iſt artus vnd Gawan Juncherren zeigten im die ſan Svs gienc er durch den rinc wit Tevr was ſin kurſit Mit liehtem pfelle wol gevar Fvr den wirt des ringes v*schar Stund er vnd ſprach alſus Got halde den kunic artus Dar zv frowen vnd man Swaz ich der hie geſehen han Den bevt ich dienſtlichen grvz Wan einem tvt min dienſt bvz Dem wirt min dienſt nimmer ſchin Jch wil bi ſinem hazze ſin Swaz hazzes er geleiſten mac Min hazz im bevtet hazzes ſlac Jch ſol nennen doch wer der ſi Ach ich arm man vnd owi Daz er min hertze ie ſus ver_ſneit Min iamer iſt von im al zv breit Daz iſt hie her Gawan Der dicke pris hat getan Vnd hohe werdikeit bezalt Vnpris ſin het alda gewalt Da in ſin gir dar zv vertrvc Jnme grvzze er minen herren ſlvc Ein kvſſ den iudas teilte Jm ſolhen willen veilte Er tut manic tuſent hertzen we Daz ſtrenger mortlicher re An minem herren iſt getan Lovgent des her Gawan Des antwurt vf kampfes ſlac Von hevt vber den vierzigeſtes Vor dem kunige von aſcalvn Jn der hohen ſtat zv tſchanfanzvn Jch lad in kemplichen dar Gein mir zv komen kampfes var Kan ſin lip des niht verzagen Er welle des ſchildes ampt tragen So man ich dannoch mere Bi des helmes ere Vnd durch ritter ordenlichez leben Dem ſint zwo riche vrbor gegeben Rehte ſcham vnd werde trewe Gebent pris alt vnd newe Her Gawan ſol ſich niht verſchemen Ob er geſellikeit wil nemen Ob der tauelrunder Die dort ſtet beſunder Jr reht wer gebrochen ſan Sezze dar ob ein trewloſer man Jch enbin her niht durch ſchelten komen. Gelovbt ſit irz habt vernomen Jch vorder kampf fvr ſchelten Der niht wan tot ſol gelten Oder leben mit eren Swen ez wil die ſelde lere Der kunic ſweic vnd was vnfro Doch antwurt er der rede alſo Herre er iſt miner ſweſter ſvn Wer Gawan tot ich wolde tun Den kampf .e. ſ*ich ſin gebeine Liezze ligen trewlos vnreine Wil gelvcke ev ſol Gawans hant Mit kampfe tun daz wol bekant Daz ſin lip mit trewen vert Vnd ſich des falſches hat er_wert Hat ev anders iemant leit Getan ſo machet niht ſo breit Sin laſter ane ſchulde Wan gewinnet er ewer hulde So daz ſin lip vnſchuldic iſt Jr habt an dirre kurtzen friſt Von im geſagt daz ewern pris Krenket ſint die levte wis Beachvrs der ſtoltze man Des pruder was her Gawan Der ſtund vf vnd ſprach zv_hant Herre ich ſol da weſen pfant Swar Gawan iſt der kampf gelegt Sin felſchen mich vnſanfte regt Jch ſol zv kampfe fvr in ſten Ez en_mac mit rede niht ergen Daz hoher pris geneget ſi Der Gawan iſt ledicliche bi Er kert alda ſin brvder ſaz Fvz vallens er da niht ver_gaz Er bat ſus nu horet wie Gedenke pruder daz dv ie Mir hvlfe rehter werdikeit La mich fvr din arbeit Ein kempflichez giſel weſen Ob ich in kampfe ſol geneſen Des haſtv immer ere Er bat in fvrbaz mere Durch pruderlichen ritters pris Gawan ſprach ich bin ſo wis Daz ich dich pruder niht gewer Diner bruderlichen ger Jch enweiz war_vmb ich ſtriten ſol Ouch entut mir ſtriten niht ſo wol Vngern wold ich dir verſagen Wan daz ich muz daz laſter tragen Beachurs al vaſte bat Der gaſt ſtunt an ſiner ſtat Er ſprach mir bevtet kampf ein man Des ich kein kunde han Vnd han ouch zv ſprechen dar Stark. kvͤne wol gevar Getrewe vnd riche Hat er die vollicliche Er mac borgen deſter baz Jch entrage gein im keinen haz Er was min herre vnd ouch min mac Durch den ich hebe diſen bac Vnſer veter brvder hiezzen Die nihtes ein ander liezzen Kein man gekront wart Hie ich het in vollen art Mit kampfe rede zv bieten Mich rache gein im nieten JCh bin ein furſte vz aſcalvn Der lantgrefe von tſchanzfenzvn Vnd heizze kingrimurſel Jſt Gawan lobes ſnel Ern mac ſich anders niht entſagen Er muz kampf gein mir tragen Ouch gib ich im fride vber al daz lant Niht wan von min eins hant Mit trewen ich fride geheizze Vzzerhalp des kampfes kreizze Got hvͤte alle der die ich lazze hie Wan eines er wol ſelb wie Sus ſchiet der wol gemute man Von dem plimizols plan Da kingrimurſel wart genant Ohteiz da wart er ſchiere erkant Werden virrigen pris Hat an im der furſte wis Sie iahen daz er Gawan Des kampfes ſorge muſte han Gein ſiner waren manheit Des furſten der da von in reit Ouch wante manigen trurens not Daz man im da niht eren bot Da waren ſolhe mere komen Als ir .e. wol habt vernomen Der lihte erwanten eren gaſt Daz wirtes gruzzes im gebraſt Von kundrien man ovch inne wart Parcifals namen vnd ſiner art Daz in gebar ein kunigin Vnd wie die erwarp der anſhevin Maniger ſprach wie wol ich weiz Daz er ſie vor kamfoleiz Gediente hurticliche Mit manigem poynder riche Vnd daz ſin ellen vnverzagt Er_warp die ſeldeberen magt Anfliſe die geherte Ouch gamureten lerte Da von der helt wart kvrtois Vnd ſol ſich ieſlich britunois Hie frewen daz vns der helt iſt komen Da pris mit warheit iſt vernomen An im vnd ouch an gamuret Rehte werdikeit was ſin gewet Artus her bi dem tage Was komen frevde vnd klage Ein ſolch geparriert leben Was den helden da gegeben Sie ſtunden vf vber al Da was truren ane zal Sie giengen mit ein ander ſan Da der waleis vnd Gawan Bi ein ander ſtunden Sie troſtens als ſie kunden Clamide den wol geborn Duhte er het mer verlorn Danne iemant der da mohte ſin Vnd zv ſcharf were ſin pin Er ſprach zv parcifale Waret ir bi dem grale So wil ich ſprechen ane ſpot Jn heidenſchaft tribalibot Dar zv daz gebirge in kavkasas Swaz munt von richeit ie gelas Vnd des grales werdekeit Vergulten niht mins hertzenleit Daz ich vor pelrapeire gewan Ach ich arm vnſelic man Mich ſchiet von frevden ewer hant Hie iſt frow kvneware de lalant Ouch wil die edel fvrſtin So verre zv ewerm gebot ſin Daz ſie ir niemant dienen lat Swie vil ſie dienſtes geltes hat Sie mohte iedoch erlangen Daz ich bin ir gevangen Alſus lange hie geweſen Ob ich an frevden ſol geneſen So helfet mir daz ſie ere ſich So daz ir minne ergetze mich Ein teil des ich von ev verlos Da mich der freuden zil ver_kos Jch hets behalden wol dan ir Nv helfet dirre meide mir Daz tun ich ſprach der waleis Jſt ſie bet volge kurteis Jch ergetz evch gerne wan ſie iſt doch min. Durch die ir wolt bi ſorgen ſin Jch meine die treit den beakvrs Kvndewiren Amvrs Uon Janfuſe die heidenin Artus vnd daz wip ſin Vnd frow kvnneware de Lalant Vnd frow Jeſcute von karnant Die giengen da durch troſten zv Wan welt ir daz man mere nv tv Kvnnewaren ſie gaben Clamide Wan dem was nach ir minne we Sin lip gab er ir zv lone Vnd ir hovbt eine krone Daz ez die von ianfuſe ſach Die heidenin zvm waleis ſprach Kundrie nant vns einen man Des ich ev wol zv pruder gan Des craft iſt wit vnd breit Zweier krone richeit Stet forhtlich in ſiner pflege Vf dem wazzer vnd erden wege Azagovc vnd zazamanc Die lant ſint kreftic vnd niendert cranc Sinem rihtum glichet niht Ane den baruch ſwo man ſin giht Vnd ane Tribalibot Man bet in an einen got Sin varwe hat ſo ſpehen glaſt Er iſt aller mannes farwe ein gaſt Beide wiz vnd ſwartz er iſt erkant Jch fvr da her durch ein ſin lant Er wolde gerne erwendet han Min vart die ich her han getan Daz warp er da en_moht er Sin muter mvmen tohter ~~bin ich~~ Bin ich er ein kunic her Jch ſag ev wunders von im mer Niemant geſaz von ſiner tioſt Sin pris hat vil hohe coſt So milter lip geſovc nie bruſt Sin ſite iſt valſcheit fluſt Feirefiz anſhevin Des tat durch wip kan liden pin Swie fremde ez mir hie were Jch ouch her durch mere Vnd zvr kennen auentevre Nv lit die hoſte ſtevre An ev daz iſt alle getovfte diet Mit priſe ſich von laſter ſchiet Sol gut gebere evch helfen niht Vnd daz man ev mit warheit giht Liehter varwe vnd menlicher ſite Craft mit iugende vert da mite Die riche wiſen heidenin Het an kunſte den gewin Daz ſie wol franzois Da antwurt ir der w*waleis Soͤlch was ſin rede wider ſie Got lon ev frowe daz ir hie Mir gebt ſo gutlichen troſt Jch bin doch trurens niht erloſt Vnd wil evch des beſcheiden Jch enmac ez ſo niht geleiden Als ez mir leide kvndet Daz ſich maniger ſvndet An mir der weiz ~~niht~~ miner klage ~~niht~~: Wort zusätzlich vom Rubrikator durchgestrichen. Vnd ich da bi ſin ſpotten trage JCh enwil keiner frevden iehen Jch enmvͤzze alerſt den gral ſehen Die wil ſi kvrtz oder lanc Mich iagt des endes min gedanc Da von geſcheid ich nimmer Mines lebens immer Sol ich durch miner zvht gebot Horen nu der werlde ſpot So enmac ſin raten niht ſin gantz Mir riet der werde gurnomantz Daz ich freveliche frage mite Vnd immer gein vnfuge ſtrite Vil werder ritter ſihe ich hie Durch ewer zwer zvht nu rat mir wie Daz ewern hulden nehen mich Ez iſt ein ſtrenge ſcharpfe gerich Gein mir mit worten hie getan Swes hulde dar_vmbe ich verlorn han Daz wil ich wenic wizen im Swenne ich her nach pris genim So habt mich aber danne dar_nach Mir iſt zv ſcheiden von ev gach Jr gabt mir alle geſelleſchaft Die wil ich ſtunt an priſes craft Des ſit nu ledic vntz ich bezal Da von min grvͤne frevde iſt val Min ſoͤlt groz iamer alſo pflegen Daz hertze geb den ovgen regen Sit ich vf montſalvatſche liez Daz mich von waren frevden ſtiez Ohteiz wie manige clare magt Swaz iemant wunders hat geſagt. Dannoch pfligt ſin mer der gral Der wirt hat ſevftzeberen twal Ey helfeloſer anfortas Waz half dich daz ich bi dir was Sie enmugen niht lenger hie geſtan Ez muz nu an ein ſcheiden gan Do ſprach der waleis Zv artus dem brituneis Vnd zv rittern vnd zv frowen Er wolde ir vrlovp ſchowen Vnd mit ir hulden ver_nemen Des enmoht niemant gezemen Daz er ſo truric von in reit Jch wene ez were in allen leit Artus lobt im an die la*hant Qvem immer in ſolhe not ſin lant Als erz von Clamide gewan Des laſters wold er pflihte han Jm were ouch leit daz lehelin Jm neme zwo riche krone ſin Vil dienſtes im da maniger bot Den helt treip von in trurens not Frowe kunneware die clare magt Nam den helt vnverzagt Mit ir hende vnd fvrt in dan Da kuſt in min her Gawan Do ſprach der menliche Zv dem helde ellens riche Frevnt ich weiz wol daz din vart Gein ſtrites reiſe iſt vngeſpart Da gebe dir got gelucke zv Vnd helf ouch mir daz ich getv Dir nach den dienſt als ich kan gern Des muzze mich ſin craft gewern Der waleis ſprach we waz iſt got Wer er gewaltic ſolhen ſpot Het er v*vns beiden niht ge_geben Vnd kunde got mit creften leben Jch was im dienſtes vndertan Sit ich genade mich verſan Nv wil ich im dienſtes wider_ſagen Hat er haz den wil ich tragen Frevnt an dines kampfes zit Da nemt ein wip fvr dich den ſtrit Die muͤzze ziehen dine hant An der dv kevſch haſt erkant Vnd wipliche gvte Jr minne dich behvte Jch enweiz wenne ich dich mer ſehe Min wunſchen ſus an dir geſchehe Jr ſcheiden gab in trvren Zv ſtrengen nachgeburen Frowe kvnneware de lalant Jn furt da ſie ir pauelun vant Sin harnaſch hiez ſie bringen dar Jr blanken hende wol gevar Wappenten gamuretes ſvn Sie iach ich ez von rehte tun Sit der kunic von Brangan Von ewern ſchulden mich wil han Groz kummer ewer werdikeit Git mir ſevftzeberez leit Swenne ir ſit trurens niht erwert Ewer ſorge min frevde zert Nv was ſin orſſ verdecket Sins ſelbes not erwecket Ouch het der degen wol getan Lieht wiz iſerin harnaſch an Tevre an alle geſlahte getroc Sin kurſit ſin wappen roc Was geheret mit geſteine Sinen helm al eine Het er niht vf gebunden Da ſ*kuſt er an den ſtunden Kvnnewaren die claren magt Alſus wart mir von in geſagt Da ergienc ein truric ſcheiden Von den geliben beiden Hin reit gamuretes kint S*Swaz auentevr geſprochen ſint Die endarf hie nieman mezzen zv Jr enhort alreſt waz er nu tv Vnd war er ker vnd war er var Swer den lip gein r*ritterſchefte ſpar Der endenke niht die wile an in Ob im ez rate ſtoltzer ſin Hie liſt man wie parcifal zvm ander mal ſchiet von kvnic artuſe. vnd wider zv dem gral wolt varn. vnd waz im aventevr wider fvr. Kvndewiramvrs Din minneclicher beakvrs An den wirt dicke nu gedaht Waz dir wirt auentevr braht Des ſchildes ampt vmb den gral Wirt nu vil gevbel ſunder twal Von im der hertzenlovde gebar Er was ovch geanerbet dar Ouch kert der maſſenie vil Gein dem arbeitlichem zil Ein auentevr zv ſchowen Da vier hundert iuncfrowen Vnd vier kvniginne Gevangen waren inne Vf tſchatel marveile Swaz in da wart zv teile Daz haben ane minen haz Jch bin doch frowen lones laz Do ſprach der criche Clias Jch bin der da verſvmet was Vor in allen er des iach Der tvrkoite mich da ſtach Hinderz orſſ ich muz mich ſchamen Doch ſeit er mir vier frowen namen D*Die da kronebere ſint Zwo ſint alt zwo ſint nach kint Der heizzet eine Jtonie Die ander heizzet kundrie Die dritte heizzet arnive Die vierde Seive Daz wolde iſlicher da beſehen Jr reiſe moht ez niht wol ſpehen Sie muſten ſchaden da beiagen Den ſol ouch ich zv mazzen clagen Wan ſwer durch wip hat arbeit Ez gibt frevde ettewenne ouch leit An dem ort ez furbaz wigt Sus dicke minne ir lones pfligt Nv bereitte ouch ſich her Gawan Als ein kampfberer man Hin fur der kunic von aſcalvn Des trvrte manic britvn Vnd manic wip vnd magt Hertzenlichen wart geklagt Von in ſines ſtrites reiſe Der werdekeit ein weiſei Wart nu die tavelrunder Gawan maz beſunder Wo mit er mohte wol geſigen Alt herte ſchilde wol gedigen Er ruhte wie ſie waren gevar Sie brahten kouflvͤte dar Vf ir ſovmen doch niht veile Der wurden im dri zv teile Ouch erwarp der ware ſtrites helt Siben orſſ zv kampfe erwelt Zv ſinen freunden er da nam Zwelf ſtarke ſper von angram Starke roͤrine ſchefte drin Von Oreaſte genteſin Vz einem heideniſchem mvr Gawan nam vrlovp vnd fvr Mit vnverzagter manheit Artus was im vil bereit Er gap im richer koſte ſolt Lieht geſteine rotez golt Vnd ſilbers manigen ſterlinc Gein ſorgen wieltzen ſine dinc Ekuba die iunge Fvr gegen ir ſtiffunge HhJch mein die riche heidenin Da ~~herte~~kerte manigen enden hin Daz volc von dem plimizol Artus fur gein karidol Cvnneware vnd Clamide Namen ovch ſinen vrlovp .e. Orilus der furſte er_kant Vnd frow Jeſcute von karnant Die namen ouch ſinen vrlovp ſan Jedoch blibens vf dem plan Bi clamide den dritten tac Wan er da brvtlovfte pflac Niht mit benanter hohzit Sie wart da heim grozzer ſit Wan im ſin milte daz geriet Vil ritter kummerhafte diet Beleip an clamides ſchar Vnd ouch daz varnde volc vil gar Die furt er heim zv lande Mit eren ane ſchande Wart in geteilt da ſin habe Mit falſche niht gewiſet abe Da fur frow Jeſcute Mit orilus ir trute Durch clamiden zv brandigan Daz wart zv einen eren getan Frowen kvnewaren der kunigin Da kronte man die ſweſter ſin Nv weiz ich wol ſwelich ſinnic wip Ob ſie hat getrewen lip Die diz mere geſchriben ſ*ſiht Daz ſie mir mit warheit giht Jch kunde wiben ſprechen baz Danne als ich ſanc gein einer maz Die kunigin belankane Was miſſewende ane Vnd aller falſcheite laz Da ſie ein toter kunic beſaz Sit gap frowen hertzenlovden trovm Sevftzeberen hertze rovm Welich was frowen gynovern klage An Jthers ende tage Dar zv was mir ein truren leit Daz alſo ſchemlichen reit Des kuniges kint von karnant Frow Jeſcute kevſche erkant Wie wart frowe kuneware Galvnet mit ir hare Des ſint ſie vaſte wider komen Jr beder ſcham hat pris genomen Leiht machen nem diz mer ein man Der auentevre prufen kan Vnd rime kunne ſprechen Beide ſamenen vnd brechen Jch tet ez ev gerne fvrbaz kunt Wold erez erlovben ~~min~~mir ein munt Den doch ander fvzze tragent Denne die mir zv ſtegereife wagent DEr nie gewarp nach ſchanden. Eine wile zv ſinen handen. Sol nv diſe auentevre han. Der werde erkande her gawan. Die prvfet manigen ane haz Der neben oder fvr in baz Denne des meres hern parcifal Swer ſine frvnt alle mal Mit worten an daz hohſte iagt Der iſt priſes anderhalp verzagt Jm iſt der levte volge gvt Swer dicke lop mit warheit tut Wanne waz er ſprichet oder ſprach Die rede belibet ane dach Wer ſol ſinnes wort behah*behalten + E. ſin woͤllen die wiſen walten Falſch lvͤgelich ein mere Daz wen ich baz nach were Ane wirt vf einem ſne So daz dem munde wurde we Der ez vf fvr warheit breitet So het in got bereitet Als guter levte wunſche*wunſchen ſtet Den ir trewe zvr arbeit erget Swem iſt zv ſolhen werken gach Da miſſewende horet nach Pfliht werder lip an den gewin Daz muz in leren kranker ſin Er midet ez .e. kan er ſich ſchemen Den ſite ſol er zv vogte nemen Hie lis hern gawans auentevr. Gawan der rehte gemute Sin ellen pflac der hute So daz die ware zageheit An priſe im nie gefrvmte leit Sin hertze was zv velde ein burch Gein ſcharpfen ſtriten wol ſo kurch Jnſtrites gedrenge man ic*in ſach Frevnt vnd veint im des iach Sin krie wer gein priſe hel Swie gern in kingrimurſel Mit kampfe het da von genomen Nv was ouch von artus komen Des enweiz ich niht wie manigen tac Gawan der manheit pflac Suſt reit der ware degen balt Sine rehte ſtrazze vz einen walt Mit ſinem gezoge durch einen grvnt Do wart im vf dem bvͤhel kunt Ein dinc daz angeſt lerte Vnd ſine manheit merte Da ſach der helt fvr vnbetrogen Nach ~~manigen~~maniger banir zogen Vil grozzer fvre niht zv kranc Do daht er mir iſt der wec zv lanc Fluhtic wider gein dem walde Da hiez er gurten balde Einem orſſe daz im orilus Gap daz was genennet ſus Mit den kurtzen roten oren kringulet Er enpfienc ez an aller ſlahte bet Ez was von monſalvatſche komen Vnd het lehelin genomen Zv brumbanie bi dem ſe Einem ritter tet ſin tioſt we Den er tot der hinder ſtach Des ſider Trevrrizzen ver_iach Gawan dahte wer ver_zagt So daz er flvͤhet e. man in iagt Daz iſt ſinem priſe gar zv frv Jch ſol in naher ſtapfen zv Swaz mir da von nu mac geschehen Jr habt mich daz merer teil geſehen Des ſol doch gut rat werden Do erbeizt er vf der erden Rehte als habte ein ſtal Die rotte waren ane zal Die da mit kumpanie riten Er ſach vil kleider wol geſniten Vnd manigen ſchilt wol gevar Daz er ir niht erkante gar Noch keine banier vnder in Diſem here ein gaſt ich bin Sprach der werde gawan Sit ich ir keinen kuͤnde han Wellent ſiz in vbel wenden Ein tioſt ſol ich in ſenden Zwar mit min ſelbs hant E. daz ich von in ſi gewant Nv was ouch kingrulet gegvrt Daz im manigen engeſtlichen furt Gein ſtrite was zvr tioſt braht Des wart ouch da hintz im gedaht Gawan ſach gefloriert Vnd wol gezimiert Von richer koſt helm vil Sie furten gein ir niter ſpil Wiz newer ſper ein wunder Die gemalten waren be_ſunder Juncherren ge_geben in die hant Jr herren wappen dran erkant Gawan fiez lyroi lot Sach von gedrenge grozze not Vil mule die harnaſch muſten tragen Vnd manigen wol geladenen wagen Den was gein herbergen gach Da fvr der market hinden nach Mit wunderlicher parat Des enwas da kein ander rat Er ſach der frowen da genuc Etteſliche den zwelften gurtel trvc Zv pfande nach ir minne Ez en_waren niht kuniginne Die ſelben terppenierſen Hiezzen ſoldierſen Hie der iunge dort der alde Da furen vil ribalde Der maht ir loufen muͤde lide Etſlicher zeme baz an der wide Danne ~~erz~~er daz her da merte Vnd werdez volk gevnerte Fvͤr was geloufen vnd geriten Daz her des gawan het erbiten Von ſolhem wan daz geſchach Swer den helt da halden ſach Der wande ez wer des ſelben heres Diſhalp noch ienſit meres Gefur nie ſtoltzer ritterſchaft Sie heten hohes mutes craft Da fur in balde hinden nach Vf ir ſla dem was ouch gach Ein knappe gar vngefvge fri Jm gienc ein ledic orſſ bi Einen newen ſchilt er furte Mit beden ſporn er rvrte Ane zart ſin truntzit Er wolde gahen in den ſtrit Wol geſniten was ſin kleit Gawan zv dem knappen reit Nach gruzze er in fragte mer Wes daz in_geſinde wer Der knappe ſprach ir ſpott min Herre ich han ſolhen pin Mit vnfuge an evch erholt Het ich danne ander not gedolt Die ſtunde mir gein priſe baz Durch got nu ſenftet ewern haz Jr kennet ein ander baz danne ich Waz hilfet danne daz ir fraget mich Ez ſol ev baz weſen kunt Zv einem mal vnd tuſent ſtunt Gawan bot des manigen eit Swaz volkes da fvr in gereit Daz er des niht enkande Er ſprach min varn hat ſchande Sit ich mit warheit niht mac iehen Daz ich ir keinen habe geſehen Vor diſem tage an keiner ſtat Swar man minen dienſt ie gebat Der knappe ſprach zv gawan Herre ſo han ich miſſetan Jch ſoldez ev .e. han geſagt Da was min beſter ſin ver_zagt Nv rihtet mine ſchulde Nach ewers ſelbes hulde Jch ſolz ev dar nach gerne ſagen Lat mich min vnfuge .e. clagen Juncherre nu ſagt mir wer ſie ſin Durch ewern zuhtbern pin Herre ſuſt heizt der vor ev vert Dem doch ſin reiſe iſt vnerwert Roys poydekonivnz Vnd dvc aſtor de lanvervnz Da vert ein vnbeſcheiden lip Dem minne nie gebot ein wip Er treit der vnfuge krantz Vnd heizzet Meliahkanz Ez wer wip oder magt Swaz er da minne hat beiagt Die nam er gar in noten Man ſolde in drumbe toten Er iſt poidekonivnzes ſun Vnd wil ouch ritterschaf hie tvn Der pfligt der ellens riche Dicke vnverzegenliche Waz touc ſin menlicher ſite Ein ſwine muter lief ir mite Jr verhelin die werte ouch ſie Jch enhorte man gepriſen nie Was ſin ellen ane fuge Des volgent mir genuge Herre nu hort ein wunder Lat ev daz ſagen beſunder Groz her da nach ev fvͤret Den ſin vnfuͤge rvͤret Der kunic Melianz von liz Hofferteclichen zornes fliz Hat er gefruͤmt gar ane not Vnrehte minne daz gebot Der knappe in ſiner zvht ver_iach Herre ich ſagez ev wan ich ſach Des kunic Melianzes vater Jntodes leger fur ſich bat er Die furſten ſines landes Vnerloͤſet pfandes Stunt ſin ellenthaftez leben Daz muſt ſich dem tode ergeben Jn der ſelben rewe Enpfalch vf ir trewe Melianzen den claren Allen den die da waren Er_kos im einen ſunder dan Der furſte was ſin hohſter man Gein trewe alſo beweret Aller falſcheit er_leret Den bat er zihen ſinen ſun Er ſprach du maht im nu tvn Diner trewen hantfeſte Bit in daz er die geſte Vnd die heimlichen habe wert Swenn ez der kummerhafte gert Dem bit im teilen ſine habe Sus wart bevolhen da der knabe Da leiſte der furſte lybaot Aldaz ſin herre der kuͤnic Iſchot Am todes leger gein im warp Harte wenic des ~~verdap~~verdarp Endehaft ez wart geleiſtet ſider Der furſte furt den knappen wider Der het da heime liebe kint Als ſie im nach billich ſint Ein tohter der des niht ge_brach Wan daz man des ir zite iach Sie were wol amye Sie heizzet obye Jr ſweſter heizzet Obilot Obye fruͤmt vns diſen ~~ſpot~~not Eins tages ge_dech ez an die ſtat Daz ſie der iunge kunic bat Nach ſinem dienſte ir minne Sie ver_fluchet im ſine ſinne Und fragt in wes er wande War vmb er ſich ſinnes ande Sie ſprach hin zv im wert ir ſo alt Daz vnder ſchilte were bezalt Jn werdeclichen ſtunden Mit helm vf hovbt gebunden Gein herteclichen varen Ewer tage gein funf iaren Daz ir den pris da het genomen Vnd weret ir danne wider komen Jn minem gebot geweſen da Sprech ich danne alerſt ia Des ewer wille gerte Alzv frv ich evch gewerte Jr ſit mir liep wer lougent des Sam annorn Galoes Die ſit den tot nach im erkos Da ſie in an einer tioſt verlos Vngerne ich ſprach ir frowe Evch ſo bi liebe ſchowe Daz ewer zvrnen vf mich gat Gnade doch bi dem dienſte ſtat Swer trewe rehte mezzen wil Frowe ez iſt ev gar zv vil Daz ir minen ſin ſus ſmehet Jr habt evch gar ver_gehet Jch mocht doch des genozzen han Daz ewer vater iſt min man Vnd daz er hat von miner hant Manige burc vnd al ſin lant Swem er iht lihe der dien ouch daz Sprach min zil ſi hohet baz Jch en_wil von nieman lehen han Min friheit iſt ſo getan Jſlicher krone hoch genuc Die irdiſch houbt ie getrvc Er ſprach ir ſit gelere*geleret Daz ir hochfart ſus meret Sit ewer vater gap den rat Er wandelt mir die miſſetat Jch ſol hie wappen alſo tragen Daz wirt geſtochen vnd geſlagen Ez ſi ſtriten oder tvrne Hie belibet manic ſper enzwei Mit zorne ſchiet er von der magt Sin zuͤrnen ſere wart geklagt Von alder maſſenie Jn clagt ouch obye Gein dirre vngeſchihte Bot ſin gerihte Vnd anders wandels genuc Lybayt der vnſchulde truc Ez wer krump oder ſleht Er gert ſiner genozzen reht Hof da die furſten w*weren Vnd wer zu diſen meren Komen gar ane ſchulde Genediclicher hulde Er vaſte ſinen herren bat Dem tet der zorn vf frevden mat Man kunde da niht gahen So daz lybait wolde vahen Sin herren wan er was ſin wirt Als nach getrewer man verbirt Der kunic an vrlovp dannen ſchiet Als im ſin kranker ſin geriet Sin knappen furſten kindelin Alle weinende taten klage ſchin Die mit dem kunige waren geweſen Vor dem mac lybait wol geneſen Wan er ſie hat mit trewen erzogen An werder fure niht betrogen Ez en ſi danne min herre al eine An dem doch des furſten trewe ſcheine Min herre iſt ein frantzeis Der burcgrefe von beaveis Der heizzet lyſavander Die eine vnd ouch die ander Muſten dem fvrſten wider ſagen Da ſie ſchildes amp ſolden tragen Mit dem kunige ritter worden ſint Manic furſte hvͤte vnd ander kint Der vordern hers pfligt ein man Der wol mit ſcharfen ſtriten kan Der kunic poidekonivnz von Goͤrs Fvrt manic wol gewappent oͤrſſ Meliantz iſt ſines bruder ſvn Sie kuͤnnen bede hohfart tun Der iunge vnd ouch der alte Daz ez vnfuge walde Svs hat der zorn ſich fvr genomen Bede kunige wellent komen Vor Bearotſche da man muz Gedienen mit arbeit wibe grvz Man muz vil ſper da brechen Bede hurten vnd ſtechen Bearotſche iſt ſo zv wer Ob wir heten zweintzic her Jſlichez grozzer danne wir han Wir muſtenz vn_zvr_fvret lan Min reiſe iſt des hinder her ver_holn Diſen ſchilt han ich da ver_ſtoln Vz von andern kinden Ob min herre moht vinden Ein tioſt durch ſinen erſten ſchilt Mit hurtens poinder da gezilt Der knappe hinder ſich da ſach Sin herre fur im balde nach Drie orſſ vnd zwelf wize ſper *Gahten vaſte mit im her Jch wene ſin gir des iemant trvͤge Er wolde gern zv vor flvͤge Die erſten tioſt da han beiagt Als mir die auentevr ſagt Der knappe ſprach zv gawan Herre lat mich ewer vrlovp han Der kerte ſinem herren zv Waz woͤlt ir daz gawan nu tv Ern beſehe waz diſe mere ſin Doch lerte in zweifel ſolhen pin Er dahte ſol ich ſtriten ſehen Vnd ſol des niht von mir geſchehen. So iſt alle min pris erloſchen gar Kuͤm aber ich durch ſtriten dar Vnd wird ich da geletzet Min warheit iſt entſetzet Al min werltlicher pris Jch entvn ez niht keinen wis Jch ſol .e. leiſten minen kampf Sin not ſich in ein ander klampf Gein ſines kampfes verte Was beliben al zv herte Ern moht ouch da niht fvr gevarn Er ſprach nu mvzze got bewarn Die kraft an miner manheit Gawan gein Bearotſche reit Burc vnd ſtat ſo vor im lac Daz niemant bezzers huſes pflac Ouch gleſte gein im ſchone Aller andern burge krone Mit turnen wol gezieret Nv was ge_lotschieret Dem her dar fvͤr vf den plan Da ſach min her Gawan Manigen rinc wol ge_heret Da was hochfart gemeret Wunderlich baniere Kos er da manige ſchiere Vnd maniger hande fremden pofel Der zwifel was ſins hertzen hofel Da durch in grozze angeſt ſneit Gawan enmitten durch ſie reit Doch iſliche zeltſnuͤr die andern dranc. Jr her was wit vnd lanc Da ſach er wie ſie lagen Wes iene vnd dise pflagen Swer bienſavevnz da ſprach Gramerzis er wider iach Groz rotte an einem orte lac Sariande von Semlidac Den lac da ſunder nahen bi Turchopel von kahadi Vnkunde dicke vnminne ſint Sus reit des kunic lotes kint Belibens bet in niemant bat Gawan kert gein der ſtat Er dahte ſol ich kipper weſen Jch mac vor fluſte baz ge_neſen Dort in der ſtat danne hie bi in Jch enkere mich an keinen gewin Wan wie ich daz mine behalte So daz ez ~~gul~~gelucke walt Gawan gein geiner porten reit Der burger ſite was im leit Sie enheten des niht betvret Alle ir porten waren vermuret Vnd alle ir wichvs werlich + Dar zv der zinnen iſlich Mit amarmbruſte ein ſchutze pflac Der ſich ſchiezzens her vz bewac Sie flizzen ſich gein ſtrites werc + Gawan kert vf an den berc Swie wenic er da wer bekant Er reit vf da er die burch vant Sine ougen muſten ſchowen Vil manige werde frowen Die wirtin ſelbe komen was Durch warten vf den palas Mit ir ſchonen tohtern zwein Von den liehte varwe ſchein Von den het er vil ſchier vernomen Sie ſprachen wer mac vns hie komen. Sus ſprach die alte hertzogin *Was gezoges mac ditz ſin Jr elter tohter die ſprach ſan Muter ez iſt ein kovfman Nu fvrt man im doch ſchilde mit We daz iſt vil kouflevte ſit Die iunger tohter do ſprach Dv zieheſt in daz doch nie geſchach Sweſter des maht dv dich ſchamen Ern gewan nie kovfmans namen Er iſt ſo minneclich getan Jch wil in zv einem ritter han Sin dienſt mac wol lones gern Des wil ich in durch liebe wern Sin knappen taten govme Daz ein linde vnd ein oͤl bovme Vnden bi der mure ſtunt Daz duhte ſie ein geber fvnt Waz welt ir daz ſie mer nu tun Da erbeizzet des kunic lotes ſun Alda er den beſten ſchaten vant Sin kamrer truc dar zv hant Ein kulter vnd ein matraz Dar vf der ſtoltze werde ſaz Ob im was wibe hers ein flut Sin kamer gewant man nider lvt Vnd daz harnaſch von den ſovmen Hin dan. vndern andern bovmen Herberge namen ſie Knappen die da quamen hie Die alte Hertzogin ſprach ſan Tohter welich kovfman Kvnde alſus gebaren Du en_ſolt ſin ſo niht varen D*Da ſprach die iunge Obilot Vnfuge ir dannoch mer gebot Gein dem kunige ~~von~~melianz von liz Sie kerte ir hochferte fliz Da er ſie bat ir minne Gevnert ſin ſolhe ſinne Da ſprach obie Vor zorn niht die frie Mir iſt ſin fvr vnmere Dort ſitzt ein wehſelere Der markt der mac hie werden gvt Sine ſovmſchrin ſint ſo behvt Dines ritters torſche ſweſter min Jr wil ir ſelbe gevmel ſin Gar dirre worte hore Qvam ~~Gawam~~Gawan in ſin ore Die rede lat ſin als ſie nu ſte Vnd hort ouch wie ez der ſtat er_ge Ein ſchifrich wazzer fvr ſie floz Durch ein brucke ſteinen groz Niht gein der viende want Anderhalp was vnverheret daz lant Ein marſchalk qvam ge_riten ſan Fur die brucke vf den plan Nam er herberge wit Sin herre qvam an ~~rehten~~rehter zit Vnd ander die da ſolden komen Jch ſagez ev habt irs niht vernomen Wer in des wirtes helfe reit Vnd durch in mit trewen ſtreit Jm qvam von Brenegariez Sin bruder duc Marangliez Durch den qvamen zwen ritter ſnel Der werde kunic Iſchirviel Der truc krone zv Lyravoin Als tet ſin bruder zavendroin Da die burger alle ſagen Daz in helfe wolde nahen Daz edes was ir aller rat Daz duht ſie do ein miſſetat Der furſte Lybavt ſelb ſprach Owe daz bearotſche ie geſchach Daz ir porten ſvllen vermuret ſin Wan ſwenn ich gein dem herren min Schildes ampte zeige Min beſte zuht iſt veige *Ez hulfe mich vnd ſtund ouch baz Sin hulde denne ſin grozzer haz Wie ſtet ein tioſt durch minen ſchilt Mit ſiner hende dar gezilt Oder ob verſniden ſol min ſwert Sinen ſchilt mins herren wert Gelobt daz immer wise wip Die treit alzv losen lip Nv lat mich minen herren han Jn minem tvrn ich muſt in lan Vnd mit im in den ſinen Swar an er mich wil pinen Des ſten ich gar zv ſinem gebot Doch wil ich gern danken got Daz er mich niht gevangen hat Sit in ſin zurnen niht erlat Ern wolle mich beſitzen Nv ratet mir mit witzen Sprach er zvn burgeren Gein diſen ſtrengen meren Do ſprach da manic wiſe man Moht ir vnſc*vnſchvlde genozzen han Ez wer niht komen an diſe zil Sie gaben im des rates vil Daz er ſin porten vf tete Vnd alle die beſten bete Vz gein der tioſt riten Sie iahen ſie mugen ſo ſtriten ~~Daz~~E daz wir vns von zinnen weren Melianzes beden heren Ez ſint alles meiſte kint Die mit dem kunige komen ſint Da erwerb wir vil lihte ein pfant Da von ie grozzer zorn ver_ſwant Der kunic iſt liht alſo gemvt Swenn er hie ritterſchaft getvt Er ſol vns not er_lazzen Vnd alle ſin zvrnen laz*mazzen Velt ſtrites ſol vns doch baz gezemen Danne daz vns vz der mvre nemen Wir ſolden wol gedingen Dort in ir ſnvren ringen Wan poidekonivnzes craft Der fvret die herten ritterſchaft Daz iſt vnſer groſte freiſe Die gevangen brituneiſe Der pfligt der hertzoge aſtor Den ſiht man da in ſtrite vor Da iſt ouch ſin ſvn Meliahkanz Het den erzogen Gvrnemanz So wer ſin pris gehohet gar Doch ſiht man in in ſtrites ſchar Da engegen iſt vns groz hilfe komen Jr habt ir raten wol ver_nomen Der furſte tet als man im mriet Die mure er vz den porten ſchiet Die burger ellens vnbetrogen Begunden vz zv velde zogen Hie ein tioſt die ander dort Daz her begund ouch crechen fort Her gein der ſtat durch hohen mut Jr veſperie wart vil gut Zv beder ſite rotten vngezalt Garzune krie manicfalt Beide ſchotteſch vnd walſch Wart da gervffen ſunder falſch Der ritter rott was ane fride Die helde erſwungen da die lide Wol tatenz ouch die ſelben kint Die vz dem her dar komen ſint Die begiengen werdicliche tat Die burger pfantens vf der ſat Der nie gediente an wibe Cleinod der endorfte an libe Nimmer bezzer wat getragen Von Meliantze hort ich ſagen Sin zimiere were gvt Er het ouch ſelbe hohen mvt Er reit ein ſchon kaſtellan Daz Meliahkantz dort gewan Da er keyn ſo hoch der hinder ſtach Daz man in am aſte hangen ſach Da ez meliahkantz dort er_ſtreit Melianz von liz ez hie wol reit Sin tat was vor vz bekant Alle ſine tioſt in ir ovgen vant Obye dort vf dem palas Dar ſie durch warten komen was Do ſprach ſihſtv ſweſter min Zwar min ritter vnd der din Begent hie vngeliche werc Der din went daz wir den berc Vnd die burc ſvllen verliſen Ander wer wir mvzzen kieſen Die iunge muſt ir ſpotten doln Sie ſprach er mac ſis wol erholn Jch gib im nach gein ellen troſt Daz er dins ſpottens wirt erloſt Er ſol dienſt gein mir keren Vnd ich wil im frevde meren Sit du gihſt er ſi ein koufman Er ſol mins lones market han Jr beder ſtrit der worte Gawan zv merke horte Als ez im da gedohte Vber ſach erz wie er mohte Sol lvter hertze ſich niht ſchemen Daz muz der tot da von e nemen Daz grozze her al ſtille lac Des poidekonivnz da pflac Wan ein werder iungelinc Was inme ſtrite vnd al ſin rinc Der Hertzoge von Lonvarvnz Do qvam poidekonivnz Ouch nam der alte wiſe man Die einen vnd die andern dan Die veſperie was erliden Vnd wol durch werde wip geſtriden Do ſprach poidekonivnz Zvm Hertzogen von lonvarvnz Geruchet min niht biten Swenne ir vart durch rvme ſtriden So went ir daz ~~ſie~~ſi gvt getan Hie iſt der grefe Lahdoman Hie iſt ouch meliahkantz min ſvn Swaz die bede ſolden tun Vnd ich ſelb ir moht doch ſtriten ſehen. Ob ir ſtriten kundet ſpehen JCh enkome nimmer von dirre ſtat Jch mache vns alle vehtens ſat Oder mir git man vnd wip Her vz gevangen bede ir lip Da ſprach der herzoge aſtor Herre ewer nefe was da vor Der kunic vnd al ſin her von liz Solde ewer her an ſlafes fliz Die wile ſich han gekeret Habt ir vns daz geleret So ſlaf ich wo man ſtriten ſol Jch kan bi ſtrite ſlafen wol Nu wizzet daz wer ich niht komen Die burger heten genomen Frumen vnd pris zv ir landen Jch bewar evch da vor ſchanden Durch got nu ſenftet ewern zorn Hie iſt mer gewunnen denn verlorn Von ewer maſſenie Wil ez iehen frow obye Poidekonivnzes zorn was gantz Vf ſinen nefen Meliantz Doch braht der werde iunge man Manige tioſt durch ſinen ſchilt her dan. Daz endarf ſin newer ~~ſ*risz~~pris niht klag*klagen. Nv hort ouch von obien ſagen Die bot hazzes genuc Gawan der in an ſchulde trvc Sie wold im werben ſchande Einen garzvn ſie g*ſande Hin zv gawan da er ſaz Sag im vnd frag in fvrbaz Ob die orſſ veile ſin Oder ob in ſinen ſovm ſchrin Lige in_dert werdez cram gewant Wir frowen kovftenz al zv hant Der garzun quam ge_gangen Mit zorn er wart enpfangen Gawans ougen plicke Jn lerten hertzen ſchricke Der garzun ſo verzagte Daz er fragte noch enſagte Daz in ſin frowe werben hiez Gawan der rede doch niht enlie*enliez Er ſprach vart hin her ribalt Mvl ſlege vngezalt Svlt ir vil von mir enpfahen Welt ir mir fvrbaz nahen Der garzun danne lief vnd gienc Nv hort wie ez obie angevienc Einen iuncherren ſie ſprechen bat Den burcgrefen von der ſtat Der was geheizzen Tſcherules Sie ſprach du ſolt in biten des Daz erz durch minen willen tv Vnd menlichen grife zv Vndern oͤlbovmen bi dem graben Stent ſiben orſſ die ſol er haben Vnd ander richeit vil Ein koufman vns hie triegen wil Bit in daz er daz wende Jch getrew des ſiner hende Sie nem ez vnvergolten Ouch hat erz vns beſcholten Der knappe hin nider ſagte Al daz ſin frowe klagte Jch ſol vor triegen vns wol bewarn Sprach Scherules ich wil dar varn Der reit hin vf da Gawan ſaz Der ſelten ellen ie ver_gaz An dem er vant krancheit fluſt Lieht antlutze vnd hohe bruſt Vnd einen ritter wol gevar Tscherules in prvfte gar Sin arm vnd ietweder hant Vnd ſwaz geſchicket er da vant Do ſprach er herre ir ſit ein gaſt Guter witze vns gar gebraſt Sit ir niht herberge hat Nv pruͤft ez vns fvr miſſetat JCh ſol nu ſelb marſchalc ſin Levt vnd gut ſwaz heizzet min Daz ker ich ev zv dienſte ſiten Nie gaſt zv wirte quam geriten Der im ſo gar wer vnder tan Ewer gnade herre ſprach Gawan Daz han ich vnverdienet ~~nach~~noch Jch ſol ev gerne volgen doch Tscherules der lobs geherte Sprach als in trewe lerte Sit ez ſich hat an mich gezogt Jch bin vor fluſt nach ewer vogt Ez nem ev danne daz vzzer her Da bin ich mit ev an der wer Sin munt da lachende ſprach Zv *allen knappen die er da ſach Ladet vf daz harnaſch vber al Wir ſuln hin nider in daz tal Gawan fvr mit ſinem wirt Obye daz nu niht verbirt Ein ſpil wip ſie ſande Die ir vater wol bekande Dem enbot ſie ſolhe mere Da fvͤr ein falschere Des habe iſt riche vnd gvt Bit in durch rehten ritters mut Sit er vil ſoldier hat Vf orſſ vf ſilber vnd vf wat Daz diz ſi erſte gelt Ez frvͤmt wol ſiben vf daz velt Daz ſpilwip zum fuͤrſten ſprach Als des ſin tohter da ver_iach Swer ie vrlevges pflac Dem was vil not daz er bewac An richer koſt mohte han Lybarten den getrewen man Vber leſten ſoldiere Daz er gedahte ſchiere Jch ſol ditz gvt gewinnen Mit zorn aber mit minnen Die nach reiſe er niht ver_meit Tſcherules im wider reit Vnd fragt in war im wer ſo gach Jch rit einem trieger nach Von dem ſagt man mir mere Er ſi ein falſchere Vnſchuldic was her gawan Ez en_heten niht wan die orſſ getan Vnd ander daz er fvrte Tſcheruleſen lachen rvrte Er ſprach herre ir ſit betrogen Swerz ev ſeit der hat gelogen Ez ſi man magt oder wip Vnſchuldic iſt min gaſtes lip Jr ſult in anders priſen Ern gewan nie muͤnze iſen Welt ir der rehten mere loſen Sin lip getruc nie wehſel pfoſen Seht ſin geberde hort ſine wort Jn minem hvſe liez ich in dort Kvn*Kvnnet ir danne ritters fvr ſpehen Jr mvzt im rehter dinge iehen Sin lip wart nie ~~kein~~gein falſche balt + Swer im dar vber tet gewalt Ez ſi min vater oder min kint Alle die gein im in zorne ſint Min mage oder min bruder Die muſten ſtrites rvder Gein mir ziehen ich wil in wern Vor vnrehten criſten nern Swo ich herre vor ewern hulden mac Vz ſchildes ampt in einen ſac Wold ich mich e ziehen So verre vz arde fliehen Da mich niemant erkande E. daz ir ewer ſchande Herre an im begienget Guͤtlich ir enpfienget Billicher al die her ſin komen Vnd ewern kummer hant vernomen Dan daz ir ſie wolt rovben Des ſvlt ir evch gelovben Der furſte ſprach nu la mich in ſehen Da enmac niht vbels vz geſchehen Er furt in da er Gawanen ſach Zwei ougen vnd ein hertze iach Die lybavt mit im brahte dar Daz der gaſt wer wol gevar Vnd daz rehte menlich ſite Sinen geberden wonden mite Swem rehte liebe ie erholt Daz er herze mīnne dolt Hertze minne iſt des bekant Daz hertze iſt rehter minne pfant Alſo ver_setzet vnd ver_ſelt Kein munt ez nimmer gar volzelt Wan minne wunders fvgen kan Ez ſi wip oder man Die krenket hertzeminne Vil dicke an hohem ſinne Obye vnd meliantz Der zweier minne was ſo gantz Vnd ſtvnt mit ſolhen trewen Sin zorn evch ſolde rewen Daz er ſo zornic von ir reit Des gap ir truren ſolhez leit Daz ir kevſche wart gein zorn balt Vnſchuldic gawan des engalt Vnd ander die ez mit ir da liten Sie quam dicke vf frowenlichen ſiten. Sus flaht ir keuſch ſich in zorn Ez was ir beider ougen dorn Swa ſie den werden man erſach Jr hertze meliantze iach Er ſolde vor vz der hohſte ſin Sie daht ob er mich leret pin Den wil ich gern von im han Den iungen werden ſvzzen man Vol al der werlde ich minne Der iagt mich hertzen ſinne Uon minnen zornes vil geſchiht Nv enwizet ez obyen niht Vnd hort ouch wie ir vater ſprach. Da er den werden gawan ſach Vnd er in. in daz lant enpfienc Wie erz mit rede da an gevienc Do ſprach er herre ewer komen Daz mac an ſelden vns gefromen Jch han gevarn manige vart So ſvzze in minem ovgen wart Nie von angeſihte Gein dirre vngeſchihte Sol ewer kunfticlicher tac Vns troſten wan der troſten mac Er bat in tun da ritters tat Ob ir harnaſch mangel hat Des lat evch vns bereiten gar Woͤlt ir ſit herre in minen ſchar Do ſprach der werde Gawan Jch wer des ein bereit man Jch han harnaſch vnd ſtarke lide Wan daz mit ſtriten ſtet mit fride Vntz an eine benanten ~~ſtunden~~ſtunde Jr leget ob oder vnde Daz wold ich mit ev liden Nv muz ichz durch daz miden Herre vntz ein min kampf erget Da min trewe ſo hohe pfandes ſtet Durch aller werder levte gruz Jch die mit kampfe loſen muz Sus bin ich vf der ſtrazzen Oder ich muz den lip da lazzen Daz was lybavt ein hertzenleit Er ſprach herre durch ewer werdikeit. Vnd durch ewer zuhte hulde So ver_nemt min vnſchulde Jch han zwo tohter die mir ſint Liep wan ſie ſint mine kint Swaz mir got hat an den gegeben Da wil ich bi mit frevden leben O wol mich daz ie gewan Kvmmer. den ich von in han Den treit iedoch die ein Mit mir algemeine Vngelich iſt die geſellikeit Min herre ir tut mir minnen leit Vnd mir mit vnminne Als ich mich ver_ſinne Min herre gewalt mir wil tun Durch daz ich han keinen ſvn Mir ſvln doch tohter liber ſin Waz dar vmb ob ich nu lide pin Den wil ich mir zv ſelden zeln Swer ſol mit ſiner tohter weln Swie ir verboten ſie daz ſwert Jr wer iſt anders alſo wert Sie erwirbet im kevſchliche Einen ſun vil ellens riche Des ſelben ich gedingen han Nv gewer ſin evch *got ſprach gawan Lybavt der fuͤrſte faſte bat Herre durch got die rede lat Sprach des kunic lotes ſun Durch ewer zvht ſult ir daz tun Vnd lat mich trewe niht enbern Eins dinges wil ich evch gewern Jch ſage ev hint bi dirre naht Swes ich mich drumbe han bedaht Lybavt im danck vnd fvr zv hant Vf dem hofe er ſin tohter vant Vnd des burcgrefen tohterlin Die zwei ſnelten vingerlin Do ſprach er Obylot zv Tohter wannen kumſt dv Vater ich var da nider her Jch getrew im wol daz er mich gewer Jch wil den fremden ritter biten Dienſtes nach lones ſiten Tohter ſo ſi dir ge_clagt Ern hat mir ab noch an_geſagt Kvm miner bet anz ende nach Der meide was zvm gaſte gach Da ſi in die kemnaten gienc Gawan ſpranc vf do ers enpfienc Zv der ſuͤzzen er do ſaz Vnd danck ir daz ſie niht ver_gaz Sin do man im miſſebot Er ſprach ge_leit ie ritter not Durch ein ſus wenic ~~frewelin~~frowelin Da ſold ich durch euch inne ſin Die iunge ſuzze clare Sprach an allen vare *Got ſich des wol ver_ſinnen kan + Herre ir ſitz der erſte man Der ie min rede geſelle wart Jſt min zuht dar an geſpart Vnd ouch min ſchemlicher ſin Daz geit an frevden mir gewin Wan mir min meiſterin ver_iach Die rede wer des ſinnes dach Herre beite ewer vnd min Daz lert mich edehafter ~~ſin~~pin + Den nem ich ev geruchet irs Habt ir mich iht deſter wirs Jch var doch vf der mazze pfat Wan ich datz min ſelber bat Jr ſit mit der warheit ich Swie die namen teilen ſich ~~Mine~~Mins libes namen ſvlt ir han *vNv ſeit magt vnd man + Jch han ewer vnd min ge_gert Lazzet ir mich herre vn_gewert Nv ſchemlichen von ev gen Dar vmbe muz zv rehte ſten Ewer pris fvr ewer ſelbes zuht Sit min magtumliche flvht Genade an evch *chſvchet Ob ir des herre ruchet Jch wil ev geben minne Mit hertzlichem ſinne Ob ir menliche ſite hat So weiz ichz wol daz irs niht lat Jrn dient mir ich bin dienſtes wert Sit ouch min vater hilfe gert An frevnden vnd an magen Lat evch des niht betragen Jrn dient vns beiden vf min ein lon Er ſprach frowe ewers mundes don Wil mich von trewen ſcheiden Vntrewe ev ſolde leiden Min trewe dolt ie pfandes not Jſt ſie vn_erloſet ich pin tot Doch lat mich dienſt vnd ſinne Keren an ewer minne E. daz ir minne mugt ge_geben Jr muͤzzet funf iar e. leben Daz iſt ewerr minne zit ein zal Do daht er wie parcifal Wiben baz getrewet danne got Sin bevelhen was dirre magde bot Gawan in daz hertze ſin Do lobt er dem frowelin Er wolde da wappen durch ſie tragen Er begund ir ſus furbaz ſagen Jn ewerr hende ſi min ſwert Ob ieman tioſt gein mir gert Den poynder ſult ir riten Jr mvͤzt da fvr mich ſtriten Man mac mich da im ſtrite ſehen Der muz minhalp von ev geſchehen. Sie ſprach vil wenic mich des bevilt. Jch bin ewer ſcherm vnd ewer ſchilt. Vnd ewer hertze vnd ewer troſt Sit ir mich zwifels hat erloſt Jch bin fvr vngevelle Ewer geleit vnd ewer geſelle Fvr vngeluckes ſchour ein dach Bin ich ev ſenfticlich gemach Min minne ſol ev frevde bern Geluckes vor der angeſt wern Daz ewer ellen niht ver_birt Jr wert evch vaſte vntz an den wirt Jch bin wirt vnd wirtin Vnd wil bi ev in ſtrite ſin Swenne ir des gedingen hat Selde vn ellen evch niht lat Do ſprach der werde Gawan Frowe ich wil beide han Sit ich in ewerm gebot lebe Ewer minne vnd ewers troſtes gebe Die wile was ir hendelin Zwiſchen den handen ſin Do ſprach ſie herre nu lat mich varn Jch ſol ouch mich dar an bewarn Wie furet ir ane minen ſolt Dar zv bin ich ev al zv holt Jch ſol mich arbeiten Min kleinode evch bereiten Swenn ir daz traget keinenwis Vber hohet evch nimmer ander pris Dannen fvr die magt vnd ir geſpil Sie buten beide ir dienſtes vil Gawan dem gaſte Der neic ir hulden vaſte Er ſprach vnd ſult ir werden alt Truͤge danne niht wan ſper der walt. Als erz anderm holtze hat Daz wurde ev zwein ein ringe ſat Kan ewer iugent ſus twingen Welt irz inz alder bringen Ewer minne lert nach ritters hant Da von ie ſchilt gein ſper ver_ſwant Dann furen die megde beide Mit freuden ane leide Des burcgrefen tohterlin Sprach nu ſagt mir frowe min Wes habt ir im zv geben nv ane Sit daz wir niht dan tocken hane Si die minne iht ſchone baz Die gebt im an minen haz. Da wirt vil wenic nach geſtriten Der furſte lybavt qu*quam geriten An dem berge enmitten Obylot vnd clauditten Sach er vor im vf hin gen Die bat er beide ſtille ſten Da ſprach die iunge obylot Vater mir wart nie ſo not Diner hilfe dar zv gib mir rat Der ritter mich gewert hat Tohter wes din wille gert Han ichs des bis du gewert O wol der fruht die an dir lac Din geburt was der ſelden tac Vater ſo wil ich dirs ſagen Heimlich minen kummer klagen Nach dinen genaden dar zv ſprich Er bat ſie heben fur ſich Sie ſprach kom dan min geſpil Da hielt da bi im ritter vil Die ſtriten wer ſie ſolde nemen Des moht ieſlichen wol gezemen Jedoch bot mans einen dar Clauditte was ouch wol gevar Al ritende ſprach der fvrſte zv ir Obylot nu ſage mir Ein teil von diner note Da han ich kleinote Dem fremden ritter gelobt Jch wene min ſin hab getobt Han ich im niht zv geben Waz tovc mir danne zv leben Sit er mir dienſt hat geboten Nv muz ich ſchemlichen roten Ob ich im niht zv geben han Nie megde ſo liep wart ein man Do ſprach er tohter wart an mich Jch ſol des wol ~~bet~~beraten dich Sit du dienſtes von im gerſt Jch gib dir daz dv in gewerſt Ob dich halt din muter liezze Got gebe daz ichs geniezze Owe er ſtoltzer werder man Waz ich gedingen gein im han Nie wort ich dannoch zvim geſprach Jn minem ſlafe ich in hint ſach Lybavt qvam zvr hertzogin Vnd ~~Obilon~~Obilot die tohter ſin Do ſprach er frowe ſtevr vns zwei Min hertze nach frevden ſchrei Da mich got dirre magt beriet Vnd mich von vngemuͤte ſchiet Die hertzogin do ſprach ſan Waz welt ir mines gutes han Frowe ſit ir ſin vns bereit Obilot wil bezzer kleit Sie dunket ſis mit wirde wert Sit ſo werder man irre minne gert Vnd er ir bevtet dienſtes vil Vnd ouch ir cleinode wil Do ſprach der meide muter Er ſvzzer man vil gvter Jch wene ir meint den fremden gaſt Sin blic iſt reht ein meien glaſt Da hiez tragen dar die wiſe Samit ~~vnd~~ von Etniſe Vnverſniten wat truc man da mit Pfelle von Tabrunit Vzzem lande zv Tribalibot An kaukaſas daz golt iſt rot Dar vz die heiden manige wat Wurkent die vil ſpehe ſtat Von rehter art vz ſiden Lybavt hiez balde ſniden Siner tohter kleider Er miſſet gerne beider Der boſten vnd der beſten Von golde einen pfellen veſten Sneit man an dem tohterlin Jr muſt ein arm geblozzet ſin Da was ein ermel von genomen Der ſolde Gawan komen Daz was ir preſente Pfelle von Nevriente Verre vz heidenſchaft gefvͤrt Er het ir zeſwen arm gervͤrt Doch niht an den rock genet Da en_wart nie vadem gedret Den brahte Clauditte dar Gawan dem wol gevar Da wart ſin lip gar ſorgen fri Siner ſchilde waren dri Vf einen ſluc ern alzv hant Al ſin truren gar ver_ſwant Sinen grozzen danc er niht ver_sweic Vil dicke er dem wege neic Den die iuncfrowe gienc Die in ſo gutlich enpfienc Vnd in ſo minnecliche An frevden mahte riche Der tac het ende do quam die naht Zv beder ſite was grozze maht Manic werlich ritter gut Wer des vzzern hers niht ſolhe flvt So heten die innern ſtrites vil Do mazzen ſie ir letze zil Bi dem liehtem manen Sie kunden ſich wol anen Forhtlicher zageheit Vor tages was von in bereit Zwelf zingel wite Ver_grabt gein den ſtrite Daz ieſliche zingel muſte han Zv orſſe vz zv barbigan Kardefablet de iamor Des marſchalk nam da vier tor Da mans morgens ſach ſich her Wol mit ellenthafter wer Der Hertzoge riche Streit da ritterliche Die wirtin was ſin ſweſter Des mutes was er veſter Denn anders manic ſtritet man Der wol in ſtrite tvren kan Sus leit er dicke in ſtrite pin Sin her daz zogte des nahtes in Er was verre dar geſtrichen War er ſelten was entwichen Stritlicher herte Vier porten er da wol werte Swaz hers anderhalp der brucken lac Daz zogt ouch vber e qvem der tac Zv bearotſche in die ſtat Lybavt der furſte ſi des bat Ouch waren die von Jamor Geriten vber die brucke vor Man bevalch ieſliche porten ſo Daz ſie werlichen do Stunt alſo der tac erſchein Tſcherules der kos im ein Die er vnd her Gawan Niht vnbehvt wolden lan Man erhorte da von den geſten Jch wene daz waren die beſten Sie clagten daz da was geſchehen Ritterſchaft gar on ir ſehen Vnd daz die veſperie ir gienc Daz ir tioſt da enpfienc Die clage was gar ane not Wan vngezalt mans in da bot Allen den die ez geruch*geruchten Vnd ſie vz zv velde ſuhten Jn den gazzen kos man grozze ſla Ouch ſach man her vnd da Manige banier trechen in Allez bi dem manen ſchin Vnd manigen helm von richer koſt Man wolde ſie fvren gein der tioſt Vnd manic ſper wol gemal Ein Regenſpurger zindal Da wer zv ſwachem werde Vor bearotſche vf der erde Man ſach dort wappenrocke vil + Wol richer an der koſte zil Die naht tet nach dem alten ſite An dem orte ein tac ir zogte mite Den kos man niht bi lerchen ſanc Manic hurt da vil lvt erklanc Daz quam von ſtrites ſachen Man hort die ſper da krachen Reht ſam ez wer ein wolken riz Da was daz iunge her von Liz Komen an die von Lyravoin Vnd an den kvnic von Avendroyn Da erhal manic rich tioſt gvt Alſo der wurfe in grozze glvt Gantze caſtangen Avoy wie vf den plangen Von den geſten wart geriten Vnd von den purgern wart geſtriten Gawan vnd Schatelevr Durch der ſelle auentevr Vnd durch ir ſelden vrhap Ein pfaffe in ein meſſe gap Der ſanc ſie beide got vnd in Do naht ir werdekein gewin Vnd daz was ir geſetze Da riten ſie in ir letze Jr zingel was da vor behut Mit manigem werden ritter gvt Da waren tſcherules man Von den wart ez da gut getan Waz welt ir daz ich ~~ſpe~~spreche mer Wan poidekonivnz was her Der reit da zv mit ſolher craft Swer ſwartzwalt ieſlich ſtude ein ſchaft. Man dorft da nimmer waldes ſehen Swer ſin ſchar wolde ſpehen Der reit mit ſehs vanen dar zv Vor den man begunde ſtrites fru Buſvnen gaben dozzes klach Alſo der donr der ie pflach Vil angeſtlicher vorhte Manic tamburre worhte Mit den buſvnren galin Wart iendert da kein ſtopfen halm Getrette des enmoht ich niht Ertfuͤrter wingart giht Von tretten nach der ſelben not Vil orſſ fvͤ*fvͤze die ſla da bot Nv quam der hertzoge aſtor Mit ſtrite an die von Jamor Da wurden tioſt gewetzet Manic werder man geſetzet Hinderz orſſ vf den acker Sie waren ir ſtrites wacker Vil fremder krie man da rief Manic vole an ſinen meiſter lief Des herre dort zv fuzzen ſtunt Jch wene im was gevelle kunt Nv ſach min her Gawan Daz geflohten was der plan *Die freunde in der viende ſchar Er hup ouch ſich mit poinder dar Mulich ſin was zv warten Die orſſ da wenic ſparten Tſcherules vnd al die ſine Gawan ſie brahte in pine Waz er da ritter nider ~~ſprach~~prach Vnd waz er ſtarker ſper zv ſtach Der werden tauelrunder bot Het er die craft niht von got So were da pris fvr in ge_gert Da wart er klenget manic ſwert Jm waren al eine beide her Gein den was ſin hant zv wer Die von liez vnd die von Goͤrſſ Von beder ſite manic orſſ Er gezogen brahte ſchir Zv ſines wirtes banir Vnd fragte ob ſie iemant wolte da Jr was genuc die ſprachen ia Sie wurden alle geliche Siner geſelleſchefte riche Nv qvam ein ritter her gevarn Der ouch die ſper niht ſparn Der burcgrafe von beavoys Vnd Gawan der kvrtoys Quamen an ein ander Daz der junge Lysavander Hinderm orſſe vf den blumen lac Wan er von tioſt ge_velles pflac Daz iſt mir durch den knappen leit Des vordern tages mit zvhten reit Vnd Gawan ſagte mere Wa von ditz komen were Der erbeizzet vber ſinen herren nider Gawan in erkant vnd gap im wider Daz orſſ daz da was beiagt Der knappe im neic wart mir geſagt Nv wa kardefablet Selbe vf dem acker ſtet Von einer tioſt mit hurte er_kant Die tet melchiakantzes hant Da zukten in die ſine enbor Da wart dicke Jamor Bi hertes ſwertes ſlegen geſchrit Da was enge vnd niht zv wit Da hurt gein hurte dranc Manic helm in. in die oren klanc Gawan nam ſin geſelleſchaft Da er gienc ſin poynder da mit craft Mit ſines wirtes paniere Beſuht er harte ſchiere Von Jamor den werden Da wart vf die erden Manic ritter nider gevellet Gelovbt ez ob ir wellet Mir ſint gezevge gar ver_zaget Wan als die auentevr ſagt Lehkons demontange Fvr gein Gawange Da wart ein riche tioſt getan Daz der ſtarke Lahdoman Hinderm orſſe vf dem acker lac ~~Der~~Dar nach er ſicherheite pflac Der ſtarke degen wert er_kant Die er_gienc in gawans hant Da ſtreit der Hertzoge aſtor Den zingeln aller neheſt vor Da er gienc manic herticlicher ſtrit Vil dicke Nantes wart geſchrit Artus herzeichen Die heten niht die weichen Was da manic ellender brituneis Vnd die ſoldnier von deſtriges Vz ereckes lande Der tat man wol bekande Der pflac duc von Lanverunz Ouch mohte poydekonivntz Die brituneis han ledic lan So wart ez da von in getan Sie wurden artuſe Zv montanie cluſe Ab gevangen da man ſtriten ſach Jn einem ſturme daz geſchach Sie ſchriten Nantes nach ir ſite*ſiten Da oder wa ſie ſtrites biten Ez was ir krie vnd ir art Etzlicher truc vil grawen bart Ouch het ieſlich britun Durch bekantnuſſe ein kanpelun Entweder vfm helm oder vfm ſchilt Nach ylmotes wappen gezilt De*Der was artuſes werder ſvn Waz mohte Gawan nu getun Er ſevfte da er diſe wappen ſach Wan im ſin hertze iamer iach Sins oͤheims ſvn*ſvns rot Braht gawan in iamers not Er erkante wol der wappen ſchin Da vber liefen im die ougen ſin Er liez die von britange Sus truren vf dem plange Ern wolde mit in ſtriten niht Als man frevntſchefte giht Er reit gein meliantzes her Die burger waren ſo zv wer Daz mans in danken mohte Wan in doch niht ge_tohte Daz velt gein vber craft zv behaben Sie waren entwichen gein dem graben Den burgern manige tioſt bot Ein ritter allenthalben rot Der hiez der vngenante Wan in nieman da bekante Jch ſagez ev als ichs han ver_nomen Er was zv meliantze komen Da vor an dem dritten tage Des qvamen die burger in klage Meliantze er helfe ſich bewac Der erwarp ouch im von ſemlidach Zwelf knappen die ſin namen war Zvr tioſt vnd in der poynder ſchar Swaz ſper gebieten moht ir hant Die wurden gar von im verſwant Sin tioſt waren mit hurten hel Wan er der kunic Tschirniel Vnd ſinen brvder da vienc Dannoch mer von im er_gienc Sicherheit er niht erliez Den Hertzogen Merangliez Die waren des orten herte Jr volc ſin dannoch werte Meliantz der kunic da ſelbe ſtreit Swem er liep oder hertzenleit Het getan der muſte iehen Daz ſelten e was geſchehen Von keinem alſo iungen man Als ez da von im wart getan Sin hant vil veſter ſchilte klop Waz ſtarker ſper von im zvr_ſtop Da ſich poynder in den poynder ſloz Sin iungez hertze was ſo groz Daz er ſtrites muſte gern Des enmoht in niemant da gewern Volliclich daz was ein not Vntz her gawan tioſtieren bot Uon ſinen knappen er da nam. + Der zwelf ſper einz von angram Als erz erwarp zum plimizol Meliantzes krie was Barbigol Die werde houptſtat in Liez Gawan nam ſiner tioſt fliz Die lerte meliantzen pin Von oraſte genteſin Der ſtarke roͤrin ſchaft Wart da getriben mit hurte craft Daz tet gawan der werde gaſt Durch den ſchilt in dem arm erbraſt Ein riche tioſt al da geſchach Gawan in flvgenlichen ſtach Vnden enzwei ſinen hindern ſatelbogen. Daz die helde fvr vnbetrogen Hindern orſſen ſtunden Da tatens als ſie kunden Mit den ſwerten tvrn Da wern zwein gebvrn Gedroſchen mer danne genvc Jetweder de*des andern garbe trvc Die wurden ſtuckoht hin geſlagen Meliantz ein ſper ouch muſte tragen Daz ſtecke dem helde durch den arm Blutic ſweiz in mahte warm Da zucte in min her Gawan Jn brevi_gariezzere barbigan Vnd twant in ſicherheit Der was er im bereit Were der iunge man niht wunt Da enwere ſo gahens nieman kunt Daz er im wurde vnder tan Man muſtez in lenger han erlan Lybavt der kvnic des landes wirt Des manheit ellen niht verbirt Mit dem ſtreit der kunic von Goͤrs Da muſten beide levt vnd oͤrſſ Von geſchozze liden pine Da die kahadine Vnd die Sariande von Semlidac Jeſlicher ſiner kunſte pflac Tvͤrchopel kunde wenken Die burger muſten denken Waz viende von ir letze ſchiet Sie heten Sariande ahpiet Jr zingel waren ſo behvt Als da man nach daz beſte tut Swelich wert man da den lip ver_los Obyen zorn vnſanfte erkos Wan ir tvmbe loſheit Vil levte braht in arbeit Wes engalt ir vater Lybavt Sin herre der alte kunic Tſchavt Hetz in erlazzen gar Da begunden mvͤden ouch die ſchar Dannoch ſtreit vaſte meliahkanz Ob ſin ſchilt were ganz Ez enwas niht hende breit beliben Da het in verre hin dan getriben Der hertzoge kardefablet Der turney al ſtille ſtet Vf einem blvminen plan Da qvam ouch min her Gawan Des quam meliahkanz in not Daz im der werde lantzilot Nie ſo vaſte zv getrat Da er von der Swertprvcke pfat Quam vnd dar nach mit im ſtreit Jm was gevancnuſſe leit Die frowe Gynofere dolte Die er da mit ſtrite holte Da pungierte lotes ſvn Waz mohte meliahkanz nu tun Ern tribe ouch daz orſſ mit ſporn dar Vil levte namen ir tioſt war Wer da hinderm orſſe gelege Den der von Norwege Gevellet het vf die owe Manic ritter vnd frowe Diſe tioſt er_ſahen Gawan ſie pris iahen Den frowen ez gut zv ſehen was Hin nider von dem palas Meliahkantz wart getret Durch ſinen wappenroc gewet Manic orſſ daz ſit nie grvſe enbeiz Da viel vf in der blutic ſweiz Da ergienc der orſſ ſchelme tac Dar nach den gyren ir beiac Da ~~nac~~nam der hertzoge aſtor Meliahkantzen den von Jamor Der was vilnach gevangen Der turney was ergangen Wer da nach priſe wol rite Vnd nach der wibe lon ſtrite Jch enmoht ir niht erkennen Sold ichs ev alle nennen Jch wurde ein vnmvzzic man Jnnerthalp wart ez da gvt getan Durch die iungen obilot Vnd vzzerhalp ein ritter rot Die zwen behilten da den bris Vnd fvͤr ſie nieman keinen wis Do des vzzern hers gaſt Jnnen wart daz im gebraſt Dienſt dankes von dem meiſter ſin Der was gevangen hin in Er reit da er ſin knappen ſach Zv ~~ſinem~~sinen gevangen er do ſprach Jr herren ir habt mir ſicherheit Mir iſt hie wider varen leit Gevangen iſt der kunic von liz Nv kert allen ewern fliz Ob er ledic muge ſin Mac er ſo vil geniezzen min Sprach er zvm kunige von avendroyn Vnd zv ſchieniel von Lyravoin Vnd zvm hertzogen Marangliez Mit ſpeher gelvbde er ſie liez Von im riten in die ſtat Meliantzen er ſie loſen bat Oder daz ſie erwurben im den gral Sie enkunden im zv keinem mal Niht gezeigen wa der was Wan ſin pflege ein kunic hiez anfortas Da diſe rede von im geſchach Der rot ritter aber ſprach Ob miner bete niht er_ge So vart da pelrapeire ſte Bringet der kuͤniginne ewer ſicherheit Vnd ſagt ir der durch ſie da ſtreit Mit kingrunen vnd mit Clamide Dem ſi nu nach dem grale we Vnd *doch wider nach ir minne Nach beden ich immer ſinne Nv ſagt ir ſvs ich ſande evch dar Jr helde daz evch got bewar Mit vrlovbe ſie riten in Do ſprach ouch er zv den knappen ſin Wir ſin gewinnes niht ver_zagt Nemt ſwaz hie orſſ ſi beiagt Wan einez lat mir an dirre ſtunt Jr ſeht wol daz min iſt ſere wunt Do ſprachen die knappen gvt Ewer genade herre daz ir vns tvt Ewer helfe ſo grozliche Wir ſin nu immer riche Er erwelt im einez vf ſin vart Mit den kurtzen oren Jnguliart Daz dort von Gawan gienc Jnne des do er meliantzen vienc Da erholt ez des roten ritters hant Der wart verduͤrkelt etlich rant Hie hat der ſtrit ein ende den gawan ge=vohten hat vnd der rot ritter. vnd ſchei=dent ſich die her. vnd reit ieſlicher ſiner auentevre nach. Mit vrlovb tet er danne kere Fvnfzehen orſſ oder mere Liz er in ane wunden Die knappen danken kunden Vnd baten in beliben vil Fvrbaz geſtozzen was ſin zil Da kerte der gehevre Da gvt ge_mach was tevre Ern ſuhte niht wan ſtriten Jch wene bi ſinen ziten Daz kein man ſo vil ge_ſtreit Daz vzzer her al zogende reit Gein herbergen durch gemach Dort inne der fvrſte Lybavt ſprach Vnd fragte wie ez da were komen Jch wene er het vernomen Melianz were ge_vangen Daz was im liebe er_gangen Ez qvam im ſit zv troſte Gawan den ~~erml~~ermeln loſte Ane zerten von dem ſchilde Sinen pris er hoher zilde Den gap er Clauditten An dem orte vnd ouch da mitten Was er durch ſtochen vnd durch ſlagen Den bat er Obylot tragen Do wart der megde frevde groz Jr arm was blanc vnd bloz Dar vber hefte ſie in da ſan Sie ſprach wer hat mir da getan Jmmer ſwen ſie fvͤr ir ſweſter gienc Die diſen ſchimpf mit zorne enpfienc Den rittern was da ruwe not Wan in groz mvͤde daz gebot Tſcherules nam Gawan Vnd den grefen Jahdoman Dannoch mer ritter er da vant Die gawan mit ſiner hant Des tages vf dem velde vienc Da manic grozze hvrt er_gienc Da ſatzte ſie ritterliche Der burcgrefe riche Er vnd alle ſin muͤde ſchar Stunden vor dem kunige gar Vntz daz meliantz enbeiz Guter handelunge er ſich da fleiz Des duhte gawan zv vil Ob evz der kunic er_lovben wil Her wirt ſo ſvlt ir ſitzen Sprach gawan mit witzen Sin zuht in dar zu iagte Der wirt die bete ver_ſagte Er ſprach min iſt des kuniges man Diſen dienſt het er getan Ob den kunic des gezeme Daz er ſin dienſt neme Min herre ſin durch zvht niht ſiht Wan er hat ſiner hulde niht Geſamnet die frvntſchaft immer got Wir leiſten alle ſine gebot Do ſprach der iunge meliantz Ewer zuht was ie ſo gantz Die wile daz ich wante hie Daz ewer rat mich nie verlie *Het ich ev baz ge_volget do So ſehe man mich hevte fro Nv helfet mir grefe tſcherules Wan ich ev wol getrewe des Vmb minen herren der mich hie hat Sie ver_nement wol bede ewern rat Lybavt der ander vater min Der tv ſin zuht nu an mir ſchin Jch en_het ſiner hulde niht ver_lorn Wolde ſin tohter han ver_born Die prufet gein mir toren ſchimpfe Daz was vnfrowenlich gelimpfe Do ſprach der werde Gawan Hie wirt ein ſvne getan Die niemant ſcheidet dan der tot Da qvamen die der ritter rot Hin vz het ge_vangen Vf fvr den kunic ge_gangen Vnd ſagten wie ez da were komen Do gawan het ver_nomen Sine wappen der mit in da ſtreit Vnd wem ſie gaben ſicherheit Vnd da ſie im ſagten vmb den gral Do daht er des daz parcifal Diſes meres wer ein vrhap Sin nigen er gein himel gap Daz got ir ſtrites gein niet Des tages von ein ander ſchiet Des was ir helnde zvht ein pfant Daz ir tweder wart ge_nant Sie erkanden ouch niemant da Daz tet man aber anderſwa Zv meliantz ſprach tſcherules Herre muz ich evch biten des So ~~ruchen~~ruchet minen herren ſehen Swes frevnt da beidenthalben iehen Des ſvlt ir gerne volgen Vnd en_ſit im niht erbolgen Daz duht ſie gvt vber al Da fvrens vf des fvrſten ſal Vnd daz inre von der ſtat Lybavtes marſchalc ſie des bat Do nam min her gawan Den grefen lahedoman Vnd ander ſin gevangen Er qvam dar zv gegangen Vnd bat ſie geben ſicherheit Die er des tages ab in er_ſtreit Tſcherules ſinem wirt Menneclich nu niht verbirt Ern kom als da gelobt was Zv bearotſche vf den palas Meliantze gap die kunigin Riche kleider vnd ein riſelin Da er ſinen wunden arm in hienc Da gawans tioſt durch gienc Gawan bi tſcherules enbot Siner frowen Obilot Daz er ſie gerne wolde ſehen Vnd ouch mit warheit iehen Sines libes vndertan Vnd ich welle ouch ir vrlovp han Sagt ich laz ir den kunic hie Bit ſie ſich be_denken wie Daz ſie in alſo behalte Daz pris ir fvre behalte Des antwurte melianze Er ſprach Obilot wirt crantze Alle wiplichen gvte Des ſenftet mir min gemvte Daz ich ir ſicherheit muz geben Vnd ouch ir frides hie ſol leben Jr ſvlt ſie da fur han erkant Evch en_vienc hie niemant dan ir hant So ſprach der werde gawan Minen pris ſol ſie al eine han Tſcherules quam fvr geriten Nv enwas zv hofe niht ver_miten Da enwere magt man vnd wip Jn ſolher wete ieſlich lip Daz man da cranker arm wat Der tages da het lihten rat Mit meliantze zv hofe reit Alle die dort vzze ir ſicherheit Zv pfande heten lazzen Dort alle viere ſazzen Der wirt ſin wip vnd ſine kint Fvͤr giengen die da komen ſint Lybavt gein ſinem herren ſpranc Vf dem palas wart groz ge_dranc Da er die viende vnd frevnde enpfienc Meliantz bi gawan gienc Kuͤndez ev niht ver_ſmahen Mit kuſſe evch wolde enpfahen Ewer alte frevndin Jch mein min wip die hertzogin Meliantz antwuͤrt dem wirte ſan Jch wil ir kuſſ mit grvzze enpfan Zweier frowen die ich hie ſihe Der dritten ich niht ſvne gie Des weinten die eltern beide do Obilot was vaſte fro Der kunic mit kuſſe enpfangen wart Vnd zwene ander kunige ane bart Als tet der hertzoge Marangliez Gawan man kuſſes niht erliez Vnd daz er neme ouch ſin frowen ~~daz~~dar Er dructe daz kint wol gevar Als ein tocken an ſine bruſt Des twanc in frvͤntlich geluſt Gawan zv meliantze ſprach Ewer hant mir ſicherheit ver_iach Der ſit nu ledic vnd gebt ſie her Aller miner frevden wer Sitzet an dem arme min Jr ſvlt ir gevangen ſin Meliantz durch daz her naher gienc Die magt gawanen vaſte *vmb vienc Obylot da ſicherheit geſchach Daz ez manic ritter ſach Her kunic nu habt ir miſſetan Sol min ritter ſin ein kovfman Des mich min ſweſter vil anſtreit Daz ir im gabet ſicherheit Svs ſprach die iunge obylot Meliantze ſie dar nach gebot Daz er ſicherheit ver_iehe Die in ir hant geſchehe Jr ſweſter obyen Zv einer amyen Suͤlt ir ſie han durch ritters pris Zv einem herren vnd zv einem amys Sol ſie evch immer gerne han Jch en_wilz evch wederhalp erlan Got vz ir iungen munde ſprach Jr bet beidenthalp geſchach Da meiſtert frowe minne Mit ir krefticlichem ſinne Vnd hertzicliche trewe Der zweier liebe al newe Obyen hant fvr den mandel ſleif Meliantzes arm ſie begreif Vnd drucke in an ir roten munt Al da er was zvr tioſte wunt Manic zaher im den arm be_goz Der von ir liehten ovgen floz Waz machet ſie vor der diet ſo balt Daz tet die minne iunc vnd alt Lybavt nu ſinen willen ſach Wan im ſo liebe nie geſchach Daz in got der ere niht er_liez Sin tohter er da frowe hiez Wie die hohzit ergienc Des fragt den der da gabe enpfienc Vnd ~~wan~~war menniclich da rite *Er het gemach oder er ſtrite Des enmac ich hie niht ein ende han Man ſagt mir daz gawan Nam vrlovp vf dem palas Dar er durch vrlovp komen was Daz was obilot leit Wan ſie groz weinen niht ver_meit Do ſprach ſie herre ſit ich bin Ewer ſo fvͤrt mich ev hin Do wart der iungen ſvzzen magt Die bet von gawan gar verſagt Jr muter ſie kovm von im gebrach Vrlovp er da zv in allen ſprach Lybavt im danket genuc Wan er im danket genuc Tſcherules ſin ſtoltzer wirt Mit al den ſinen niht verbirt Ern rite vz mit dem degen balt Gawans ſtrazze vf einen walt Gienc dar ſand er weideman Vnd ſpiſe verre mit im dan Vrloup nam der werde helt Gawan gein kummer was verſelt Hie ſchiet gawan von bearotſch vnd wil zv ſinem kampfe varn. waz auentevre im wider fvr vf dem wege. wer daz welle wizzen der leſe fvrbaz. Swer was zv bearoth ko=men. Doch het gawan da genomen. Den pris zv beder ſeit aleine. Wan der vor ein ritter ſcheine. Bi rotem wap=pen vnerkant. Des pris man in die hohe bant Gawan het ere vnd heil Jetweders volliclichen ~~ein~~ teil Nv nahet ouch ſins kampfes zit Der walt was lanc vnd wit Dar durch er muſte ſtrichen Wold er kampfes niht entwichen Ane ſchulde er was dazv erkorn Nu was ouch Jngliart ver_lorn Sin orſſ mit kvrtzen oren Jn tabrunit von moren Wart nie bezzer orſſ erſprenget Nu wart der walt ge_menget Hie ein ſchache dort ein velt Etzlichez ſo breit daz ein gezelt Vil kovme druffe ſtuͤnde Mit ſehen Gawan er_kvͤnde Erbvens landes daz hiez aſcalvn Da fragt er gein tſchanfanzvn Swaz im volkes wider fvr Hoch gebirge vnd manic mvr Des het er vil durch ſtrichen dar Do nam er einer burge war Avoy die gap vil werden glaſt Da keret gein des landes gaſt Nv hort von auentevr ſagen Vnd helfet mir dar vnder clagen Gawans grozzen kvmmer Min wiſer vnd min tvmmer Die tunz durch ir ge_ſellikeit Vnd lazzen in mit mir weſen leit O we nu ſol ich ſwiſen Nein lat fvrbaz ſigen Der etteſwenne gelvcke neic Vnd nu gein vngemache ſeic Diſe burc was gehert ſo Daz Eneas kartago Nie ſo herrenlichen vant Da frowen Didon tot was minnen pfant. Waz ſie palaſe pflege Vnd wie vil da tvͤrne lege Jr het Acraton genuc Die ane babylonie ie truc An me griffe die groſten wite Nach heiden worte ſtrite Sie was alvmbe wol ſo hoch Vnd da ſie gein dem mer zoch Keinen ſturm ſie wider_ſaz Noch keinen ſ*vngefugen haz Da vor lac raſte breit ein plan Dar vber reit her Gawan Fvnf hundert ritter oder mer Ob den allen was einer her Die qvamen im da wider riten Jn liehten kleidern wol geſniten Aber hern gawans auentevre eine. Als mir die aventevr ſagte Jr veder_ſpil da iagte Den cranich oder ſwaz vor in floch Ein ravit von Spanie hoch Reit der kunic vergvlaht Sin blic was tac wol bi der naht Sin geſihte ſande Mazadan Fvͤr den berc zv famorgan Sin art was von der feien Jn duhte er ſehe den meien Jn rehter zit von plumen gar Swer nam des kuniges varwe war Gawanen des beduhte Da der kunic ſo gein im lvhte Ez wer der ander parcifal Vnd daz er gamuretes memal Het als ditz mere weiz Da der reit in zv kanfoleiz Ein reiger der durch fluht entweich Jn einen mvrigen teich Den brahten falken dar gehvrt Der kunic ſvht vnrehten fvrt Jn falken hilfe wart er ~~nach~~naz Sin orſſ ver_los er vmbe daz Dar zv alle die kleider ſin Doch ſchiet er falken von ir pin Daz namen die falkenere Ob daz ir reht iht were Ez was ir reht ſie ſoldenz han Man muſte ouch ſie bi rehte lan Ein ander orſſ man im da lech Des ſinen er ſich da ver_zech Man hienc ouch ander kleit an in Jenez was der falkener gewin Hie qvam gawan zv geriten Avoy nu wart da niht ver_miten Ern wurde baz enpfangen Denne zv karidol were ergangen Ereckes enpfahen Da er begunde nahen Artuſe nach ſinem ſtrite Vnd da frowe enite Siner frevde was ein kondwir Sit im malitliſir Daz getwerch ſin vel vnſanfte brach Vnd da zv Tvlmein ein ſtrite Er_gienc in dem ~~strite~~kreizze wite Vmb ein ſperbere Jder fil. Noit der mere Jm ſin ſicherheit da bot Er muſtez im bieten fvr der tot Die rede lat ſin vnd hortz ouch wie Jch wene ſo frieſcht ir nie Werdern anvanc noch grvz Owe des wirt vnſanfte bvz Des werden lotes kinde Ratet irz ich er_winde Vnd enſag ev fvrbaz niht mere Durch truren tun ich wider kere Doch ver_nemt durch ewer gvte Wie ein louter gemvte Fremder falſch braht trvͤbe Ob ich ev fvrbaz vͤbe Ditz mer mit rehter ſage So kumt irs mit mir in die klage Do ſprach der kunic vergulaht Herre ich han mich des bedaht Jr ſvlt riten dort hin in Mac ez mit ewern hulden ſin Jch brich ev nu geſellikeit Jſt aber ev min fvrbaz riten leit Jch laz ez ſwaz ich zv ſchaffen han Do ſprach der werde gawan Herre ſwaz ir gebiet Billich ir evch des niet Daz iſt ouch ane minen zorn Mit gutem willen gar ver_korn Do ſprach der kunic von aſcalvn Herre ir ſeht wol Tſchanfanzvn Da iſt min tohter vf ein magt Swaz munt von ſchoͤn hat geſagt Des hat ſie volliclichen teil Welt irz ev prufen fvr ein heil Zwar ſo muz ſie ſich be_wegen Daz ſie ewer vntz an mich ſol pflegen Jch kvͤm ev ſchierre dann ich ſol Ouch er_beitet ir min wol Geſeht ir die ſweſter min Jrn rvͤht wold ich nach lenger ſin Jch ſihe evch gerne als tun ich ſie Doch hant mich grozze frowen ie Jr werden handelunge er_lan Sus ſprach der werde gawan Der kunic ſande einen ritter dar Vnd enbot der meide daz ſie ſin war So neme daz lange wile Jn dvͤhte ein kurtze ile Gawan fvr dar der kunic gebot Wolt ir nach ſwig ich grozzer not Nein ich wil ez evch fvrbaz ſagen Strazze vnd ein pfert be_gunden tragen Gawanen gein der porte An des palaſes orte Swer buwes ie be_gunde Baz danne ich ſprechen kunde Von diſes buwes veste Da lac ein burc die beſte Die egenant wart erſtift Vnmazzen wit was ir be_grift Der burge lop ſvl wir lan Wan ich ev vil zv ſagen han Von des kuniges ſweſter einer magt Hie iſt von buwe vil geſagt Die prufe ich rehte als ich ſol Was ſie ſchone daz ſtund ir wol Vnd het ſie dar zv rehten mut Daz was gein werdikeit ir gut So daz ir ſite vnd ir ſin Was gelich der margrefin Die dicke von me heit ſteine Vber al die marck ſcheine Wol im der heimliche an ir Sol prufen des geloubet mir Der vindet kurtzeweile da Bezzer danne anderſwa Jch mac des von frowen iehen Als mir die ougen kunnen ſpehen Swar ir rede kere zv gvte Die be_darf wol zvhte hvte Nv hort diſe auentvre Der getrewe vnd der gehevre Jchn rvch vmb die vngetrewen Mit durkeln rewen Hants alle ir werdikeit verlorn Des muz ir ſele liden zorn Vf den hof dort fvr den palas reit Gawan gein der geſellikeit Als in der kunic ſande Der ſich ſelben an im ſchande Ein ritter der in brahte dar Jn furte da ſaz wol ge_var Antikonie die kunigin Sol wiplich ere ſin gewin Des koufes het ſie vil gepflegen Des koufes het ſie vil gepflegen Vnd alles valſches ſich be_wegen Da mit ir kevſche pris er_warp Owe daz ſo frv erſtarp Von Veldecke der wiſe man Der kunde ſie baz gelobt han Da gawan die magt er_ſach Der bot gienc naher vnd ſprach Allez daz der kunic werben hiez Die kuniginne da niht en_liez Sie enſpreche herre get naher mir Miner zuhte meiſter daz ſit ir Nv gebiet vnd leret Wirt ev kurtzewile ge_meret Daz muz an ewerm gebot ſin Sit daz evch der bruder min Mir be_volhen hat ſo wol Jch kuſſ evch ob ich kuſſen ſol Nu gebiet nach ewer mazzen Min tun oder min lazzen Mit grozzer zuht ſie vor im ſtunt Gawan ſprach frowe ewer munt Jſt ſo kuſſenlich getan Jch ſol ewern kuſſ mit gruzze han Jr munt was heiz dicke vnd rot Dar an gawan den ſinen bot Da ergienc ein kuſſ vngaſtliche Zv der meide zuhte riche Saz der wol geborn gaſt Suzzer rede in niht gebraſt Beidenthalp mit trewen Sie kunden wol genewen Er ſin bet ſie ir ver_ſagen Daz begund er herzenlichen klagen Ouch bat er ſie genaden vil Die ~~ſpr~~magt ſprach als ich ſagen wil Herre ſit ir anders kluc So mac ez dunken evch genuc Jch erbvͤtz ev durch mins bruder bet Daz ez amfliſe gamuret Minem oheim nie baz erbot Ane bi ligen min trewe ein lot An dem orte fvrbaz wege Der vns wegens zv rehte pflege Vnd ich enweiz doch herre wer ir ſit Doch ir an ſo kurtzer zit Wolt min minne han Do ſprach der werde gawan Mich leret miner kunde ſin Jch ſag ev frowe daz ich bin Miner baſen bruder ſun Welt ir mir genade tun Daz lazzet durch niht durch mine art Der iſt gein evwerm ſo be_wart Daz ſie bede al geliche ſtent Vnd in rehter mazze gent Ein magt be_gunde in ſchenken Dar nach ſchiere von in wenken Mer frowen dannoch da ſazzen Die ouch des niht ver_gazzen Sie giengen vmb ir pflege Ouch was der ritter von dem wege Der in dar brahte Gawan des gedahte Da ſie alle quamen von im vz Daz dicke den grozzen ſtrvz Vehet ein kranker ar Er greif ir vndern mandel dar JCh wene er rvrte irz huffelin Des wart gemeret ſin pin Von der liebe ſolhe not gewan Bede magt vnd ouch der man Daz da nahen ein dinc was geſchehen Hetens vbel ougen niht ge_ſehen Des willen ſie bede waren bereit Nv ſeht da nahet ir hertzenleit Da gienc zvr tvͤr in al da Ein ritter blanc wan er was gra Jn waffen heiz er nande Gawan da ern er_kande Owe vnd heya hey Alſo vil dicke er lvte ſchrei Mines herren den ir ſluget Daz evch des niht benuget Jrn notzogt ouch ſin tohter hie Dem waffen heiz man volget ie Der ſelb ſite alda ge_ſchach Gawan zur iuncfrowen ſprach Frowe nu gebt ewern rat Vnſer twederz niht vil wer hie hat Er ſprach wan het ich doch min ſwert Do ſprach die iuncfrowe wert Wir ſvͤln zv wer vns ziehen Vf iehnen tvrn dort fliehen Der bi miner kemnaten dort ſtet Genediclich ez liht er_get Hie der ritter dort der kovfman Die iuncfrowe erhorte ſan Den bovel komen vz der ſtat Mit gawan ſie gein dem tvrn trat Jr freunt muſten kummer liden Sie bat ſiz dicke miden Jr cradem vnd ir doz was ſo Daz ez ir keiner mercte do Durch ſtrit ſie drungen gein der tvr Gawan ſtunt zv wer da fvr Jr in gen er be_warte Ein rigel der den tvrn beſparte Den zvcte er vz der mure Sin arge nach gebure Entwichen im dicke mit der ſchar Die kunigin lief her vnd dar Ob vf dem turn wer iht zv wer Gein diſem vngetrewen her Da vant die magt reine Ein ſchachzabel geſteine Vnd ein bret wol erleit wit Daz braht ſie Gawan in den ſtrit An einem iſeninen ringe ez hienc Da mit ez Gawan enpfienc Vf diſen vier ecken ſchilt Was ſchachzabels vil geſpilt Der wart im ſer zvr howen Nv hort ouch von der frowen Ez wer kunic oder roch Daz warf ſie gein den vienden doch Ez was groz vnd ſwere Man ſagt von ir die mere : Der Schreiber lässt zwei freie Zeilen stehen. Platz für fehlende Rubrik! Swen da reicht ir wurfes ſwanc Der ſtrucht vnder ſinen danc Die kuniginne riche Streit da ritterliche ~~Bie~~Bi gawan ſie werlichen ſchein Daz die koufwip zv Tollenſtein An der vaſnaht nie baz geſtriten Wan ſie tun ez von gampel ſiten Vnd mvent ane not ir lip Swo harnaſch ramich wirt ein wip Die hat ir rehtes ver_gezzen Sol man ir kevſche mezzen Sie en tu ez danne durch ir trewe Antikonien rewe Wart zv Tſchanfanzvn erzeigt Vnd ir hoher mut geneigt Jn ſtrite ſie ſere weinde Wol ſie daz ſie beſcheinde Daz freuntlich liebe iſt ſtete Waz Gawan da tete Swenne im die muzze geſchach Daz er die magt reht er_ſach Jr munt ir ougen vnd ir naſen Baz geſchicket an ſpizze haſen Jch wene den geſahet ir nie Denne ſie was dort vnd hie Zwiſſchen ir huf vnd ir bruſt Minnen gernde geluſt Konde ir lip vil wol ge_reizzen Jrn geſahet nie ameizzen Die bezzers gelenkes pflac Danne ſie was da der gurtel lac Daz gap ir geſellen Gawanen menlich ellen Sie turte mit im in der not Sin benantez giſel was der tot Vnd anders kein gedinge Gawan wac vil ringe Veiende haz wenne er die magt erkos Da von ir vil den lip ver_los Da qvam der kunic vergvlaht Vnd ſach die ſtritlichen maht Gein gawan kriegen Jchn wolde evch danne triegen So mac in niht beſchoͤnen Ern woͤlle ſich ſelbe hoͤnen An ſinem werden gaſte Der ſtunt zv were al vaſte Da tet der wirt ſelbe ſchin Daz mich rewet Gandin Der kunic von anſhowe Daz ein ſo werde frowe Sin tohter ie den ſvn gebar Der mit vn_getrewer ſchar Sin folk bat ſere ſtriten Gawan muſte biten Vntz der kunic ge_wappent wart Er hup ſich ſelb an ſtrites vart Gawan da muſt entwichen Doch vnlaſterlichen Unders tvrnes tvr er wart getan Nv ſeht do quam der ſelbe man Der in kampflich e an ſprach Vor artuſe daz geſchach Der lantgrafe kingrimurſel Gram durch ſwarten vnd durch vel Durch Gawans not ſin hende er want Was des was ſin trewe pfant Daz er da ſolde haben fride Ez en wer daz eines mannes lide Jn in kampfe twuͤngen Die alten vnd die iungen Treip er vom turne wider Den hiez der kunic brechen nider Kingrimurſel do ſprach Hin vf da er gawan ſach Helt gip mir fride zv dir dar in Jch wil geſelliclichen pin Mit dir han in dirre not Mich muz der kunic ſlahen tot Oder ich behalte dir din leben Gawan den fride begunde geben Der lantgrafe ſpranc zv im dar Des zwifelt die vzzer ſchar Er was ouch ~~burcge~~burcgrefe alda Sie weren iunc oder gra Die blvͤgeten an ir ſtrite Gawan ſpranc an die wite Als tet ouch kingrimurſel Gein ellen ſie bede waren ſnel Der kunic mant die ſine Wie lange ſvl wir pine Von diſen zwein mannen pflegen Mins vetern ſvn hat ſich bewegen Er wil er_neren diſen man Der mir den ſchaden hat ge_tan Den er billicher reche Ob im ellens niht ge_breche Gnuc dens ir trewe iach Kvm einen der zvm kunige ſprach Herre muzze wirz ev ſagen Der lantgrafe iſt vn_erſlagen Hie von maniger hende Got evch an ſite wende Die man ev ver_vahe baz Werltlich pris ev ſinen haz Teilt erſlahet ir ewern gaſt Jr ladet vf evch der ſchanden laſt So iſt der ander ewer mac Jn des geleite ir diſen bac Hebt daz ſvlt ir lazzen Jr ſit da von ver_wazzen Nu gebt vns einen fride her Die wile daz dirre tac wer Der fride ſie ouch diſe naht Wes ir evch drumbe habt bedaht Daz ſtet dannoch zv ewerre hant Jr ſit gepriſet oder geſchant Min frowe antikonie Vor falſcheit die frie : Der Schreiber lässt eine freie Zeile stehen. Platz für fehlende Rubrik! Dort al weinende bi im ſtet Ob ev daz niht zv hertzen get Sit evch bede ein muter truc So gedenket herre ob ir ſit kluc Jr ſandet in der meide her Wer niemant ſins geleites wer Er ſolde iedoch durch ſie geneſen Der kunic liez einen fride weſen Vntz er ſich baz be_ſpreche Wie er ſinen vater reche Vnſchuldic was her gawan Ez het ein ander man getan Wan der ſtoltze eckunat Ein lantzen lerte durch in pfat Da er Jofriden fiz idol Fvrte gein barbigol Den irer bi gawan vienc Durch den diſe not ergienc Da der fride wart getan Daz volc hup ſich von ſtrite ſan Jegelich zvr herberge ſin Antikonie die kunigin Jr vetern ſvn vaſte vmbe_vienc Manic kuſſ an ſinen munt er_gienc Daz er gawan het er_nert Vnd ſich ſelben vntat erwert Sie ſprach du biſt mins vetern ~~zvn~~ſvn Du enkundeſt durch nieman miſſe_tvn Welt ir nu hoͤrn ich tun ev kunt Wo von e ſprach min munt Daz luter gemuͤte trvbe wart Ge_vnert ſi die ſtrites vart Die zv Tſchanfanzvn tet vergulaht Wan daz was im niht geſlaht Von vater noch von muter Der iunge man vil guter Von ſcheme leit vil grozzen pin Do ſin ſweſter die kunigin Jn begunde vehen Man hort in ſere flehen Da ſprach die iuncfrowe wert Her vergvlaht trvͤge ichz ſwert Vnd wer von gotes gebot ein man Daz ich ſchildes ampt ſolde han Ewer ſtriten wer hie gar ver_dagt Do was ich ane were ein magt Wan daz ich truc doch einen ſchilt Vf den iſt werdikeit gezilt Des wappen ſol ich nennen Ob ir ruchet die be_kennen Gut geberde vnd keuſcher ſite Den zwein wont ſtete mite Den bot ich fvr den ritter min Den ir mir da ſandet da her in Anders ſchirmes het ich niht Wan man evch nu bi wandel ſiht Jr habt doch an mir miſſetan Ob wiplich pris ſin reht ſol han JCh hort ie ſagen wa ez ſo gezoch Daz man gein wibes ſchirme floch Da ſolde ellentez iagen An ſinem ſtrite gar ver_zagen + Ob da were menlich zvht Her vergulaht ewers gaſtes z*h*fluht Die er gein mir tet fvr den tot Leret ewern pris nach laſters not Kingrimurſel do ſprach Herre vf ewern troſt geſchach Daz ich hern gawan Vf dem plimizols plan Gap fride her in ewer lant Ewer ſicherheit was gepfant Ob in ſin ellen trvge her Daz ich des fvr evch wurde wer Jn beſtunde hie niht wan einic man Herre da bin ich be_krenken an Hie ſehen mine genozzen zv Ditz laſter iſt vns gar zv frv Kvnnet ir niht fvrſten ſchonen Wir krenken ouch die kronen Sol man evch bi zvhten ſehen So muz des ewer zvht ver_iehen Daz ſippe reichet ab ev an mich Wer daz ein kebſlicher ſlich Minhalp wo vns die wirt gezilt Jr het evch gahens gein mir bevilt Wan ich bin ein ritter doch An dem nie falſch wart funden noch Ouch ſol min pris erwerben Daz ichs ane mvͤzze ſterben Des ich vil wol getrewe got Des ſi min ſelde gein im bot Ouch ſwo dizz mere wirt ver_nomen Artus ſweſter ſvn ſi komen Jn minem geleite vf tſchanfanzvn Franzois oder britun Provenzale oder bvrgomois Galiciane oder die von Pvnturtois Erhoͤrent die gawanes not Han ich pris der iſt danne tot Mir frumt ſin engeſtlicher ſtrit Vil engez lop min laſter wit Daz ſol mir frevde ſwenden Vnd mich vf eren pfenden Do diſe rede was getan Da ſtunt einer des kuniges man Der was geheizzen liddamus Kyot in ſelbe nennet ſvs Kyot lantſantvr hiez Den ſin kunſt des niht er_liez Ern ſuͤnge vnd ſpreche ſo Des nach genuc werdent fro Kyot iſt ein provenzal Der diſe auentevr von parcifal Heidenſch geſchriben ſach Swaz er in franzois da von geſprach Bin ich niht der witze laz Daz ſage ich tevtſchen fvrbaz Do ſprach der furſte liddamus Waz ſolde der in mins herren hvs Der im ſinen vater ſluc Vnd daz laſter im ſo nahen truc Jſt min herre wer erkant Daz richet alhie ſin ſelbes hant So gelt ein tot den andern tot Jch wene geliche ſi die not Nv ſeht ir wie gawan da ſtunt Alrerſt was im groz angeſt kunt Do ſprach kingrimurſel Swer mit der dro were ſo ſnel Der ſolde ouch gahen in den ſtrit Jr habt gedrenge oder wit Man mac ſich ewer liht erwern Her liddamus vil wol ernern Trew ich vor ev diſen man Swaz ev der het getan Jr liezzet ez vngerochen Jr habt evch gar ver_ſprochen Man ſol ev wol gelovben Daz evch nie mannes ovgen Geſahen zv voderſt da man ſtreit Ev was ie ſtriten wol ſo leit Daz ir der fluht be_gundet Dannoch ir mer wol kundet Swo man ie gein ſtrite dranc Da tatet ir wibes wider wanc Swelich kunic ſich an ewern rat Vil twerhes dem die krone ſtat JA were von minen handen Jn kreizze beſtanden Gawan der ellenthafte degen Des het ich mich gein im bewegen Daz der kampf wer alhie getan Woͤlde des min herre geſtat han Der treit mit ſvͤnden minen haz Jch trewet im anderre dinge baz Her gawan lobt mir her fvr war Daz er von hevt vber ein iar Mir zv gegen rede ſtet Jn kampfe ob ez ſo hie er_get Daz ev min herre lat daz leben Da wirt ev kampf von mir ge_geben Jch ſprach evch an zvm plimizol Nv ſi der kampf zv barbigol Vor dem kunige Meliantze Der ſorgen zv einem krantze Trag ich vf daz teidinc Daz ich gein ev kvm an den rinc Da ſol mir ſorge tun be_kant Ewer menliche hant Gawan der ellens riche Bot gezogenliche Nach dirre bet ſicherheit Da was mit rede al_da bereit Der herzoge liddamus Begunde ouch ſiner rede alſus Mit ſpehelichen worten Alda ſiz alle horten Er ſprach wan im was ſprechens zit Swo ich kvme zv einem ſtrit Han ich da vehtens pflihte Oder fluht mit vngeſchihte Bin ich ver_zagelich ein zage Oder ob ich pris alda be_iage Her lantgrafe des danket ir Als ir geprvͤfen kunnet an mir Enpf*Enpfahe ichs immer ewern ſolt Jch bin iedoch mir ſelben holt Sus ſprach der riche liddamus Wolt irs ſin her Tvrnus So lat mich ſin her Tranzes Vnd ſtraffet mich ob ir wizzet wes Vnd hebt evch niht zv grozze Ob ir fuͤrſten miner genozze Der edelſt vnd der hoͤhſte birt Jch bin ouch landes herre vnd wirt Jch han in Galicia Beide her vnd da Manige burc reht vntz an vedrvn Swaz ir vnd ieſlich britun Mir da zv ſchaden mugt getun Jch enfloͤhe nimmer vor in hvn Her iſt von britanie komen Gein dem ir kampf habt genomen Nv rechet herren vnd ouch den mac Mich ſol ver_miden ewer bac Ewern vetern ir waret ſin man Swer dem ſin leben an gewan Da rechetz ich entet im niht Jch wene mirs ouch iemant giht Ewern vetern ſol ich wol ver_klagen Sin ſvn die crone nach im ſol tragen Der iſt mir zv herren hoch genuc Die kuniginne Flurdamurs in truc Sin vater was kingriſin Vnd ſin an der kunic Gandin Jch wil evch baz beſcheiden des Gamuret vn Galoes Sin oheime waren Jch wolde ſin gerne varen Jch moht mit eren von ſiner hant Mit vanen enpfahen min lant Swer vehten welle der tv daz Bin ich gein dem ſtrite laz Jch freiſch iedoch die mere wol Swer pris in dem ſtrite hol Des danken im die ſtoltzen wip Jch wil durch nieman minen lip Ver_leiten in zv ſcharpfen pin Waz wolfhartz ſold ich ſin Mir iſt in den ſtrit der wec ver_grabt Gein vehten die gir ver_habt Wurdet ir mirs nimmer holt Jch tet .e. als Rvmolt Der kunic Gvͤnther riet Da er von wormz gein den hvnen ſchiet. Er bat in lange ſniten behen Vnd in ſinen kezzel vmbe drehen Der lantgrafe ellens riche Sprach ir redet dem geliche Als maniger weiz an ev fvr war Ewer zit vnd ewer iar Jr ratet mir dar ich wolde doch Vnd ſprechet ir tetet als riet ein koch Den kuͤnen nebulungen Die ſich vnbetwungen Vz hvbe da man an in rach Daz Syfride da vor geſchach Mich muz her gawan ſlahen tot Oder ich gelere in rache not Des volge ich ſprach Liddamus Wan ſwaz ſin oͤheim artus Hat. vnd die von Jndia Der mirz hie gebe als ſiz hant da Der mirz lediclichen brehte Jch liez ez .e. danne ich vehte Nv behaltet pris des man ev giht Segremors enbin ich niht Den man durch vehten binden muz Jch erwirbe ſus wol kuniges grvz Sibich nie ſwert er_zoch Er was ie bi den da man floch Doch muſt man in flehen Grozze gabe vnd ſtarke ~~flehen~~lehen Enpfienc er von Ermerich genuc Nie ſwert er doch durch helme ſluc Mir wirt ver_ſert nimmer vel Durch evch her kingrimurſel Des han mich gein ev bedaht Do ſprach der kunic vergvlaht Swiget ewer wehſel mere Ez iſt mir von ev beden ſwere Daz ir der worte ſit ſo fri Jr ſit mir al zv nahen bi Zv ſus getanen gebrehte Ez ſtet mir noch ev niht rehte Ditz was vf dem palas Al da ſin ſweſter komen was Bi ir ſtunt her gawan Vnd manic ander werder man Der kunic ſprach zvr ſweſter ſin Nv nim den geſellen din Vnd ouch den lantgrafen zv dir Die mir gutes gvnnen die gen zv mir Vnd rat mirs wegeſt waz ich tv Sie ſprach da lege din trewe zv Nv get der kunic an ſinen rat Die kuniginne genomen hat Jr vettern ſun vnd ſinen gaſt Daz dritte was der ſorgen laſt Ane alle miſſewende Nam ſie Gawan bi der hende Vnd furt in da ſie wolde weſen Sie ſprach zv im weret ir niht geneſen Des heten ſchaden alle lant An der kuniginne hant Gienc des werden lotes ſvn Er mohtez ouch vil gerne tvn JN die kemnaten ſan Gienc die kunigin vnd die zwen man Vor den andern beleip ſie lere Des pflagen kamerere Wan klare iuncfrowelin Der muſte vil dort inne ſin Die kunigin mit zvhten pflac Gawans der ir zv hertzen ~~pflac~~lac Da was der lantgrafe mite Der ſchiet ſie niendert von dem ſite Doch ſorget vil die werde magt Vmb gawans lip wart mir ge_ſagt Sus waren die zwene da inne Bi der kuniginne Vntz daz der tac liez ſinen ſtrit Die naht qvam da was ezzens zit Moraz win lutertranc Brahten iuncfrowen da enmitten cranc Vnd ander gute ſpiſe Faſan pardriſe Gvt viſche vnd blanke waſtel Gawan vnd kingrimurſel Waren komen vz grozzer not Sit ez die kuniginne gebot Sie azzen als ſie ſolden Vnd ander die ſin iht wolden Antikonie in ſelben ſneit Da was durch zuht in beden leit Swaz man da kniender ſchenken ſach Jr keinem die hoſeneſtel brach Ez waren meide als rvon der zit Den man den beſten iar nach git Jch bin des vn_erveret Heten ſie geſcheret Als ein valke ſin ge_vider Da rede ich niht wider Nv horet .e. ſich der rat geſchiet Waz man des kuniges lande riet Die wiſen het er zv im genomen An ſinen rat die waren komen Etzlicher ſinen willen ſprach Als im ſin beſter ſin ver_iach Da mazzen ſiz an manige ſtat Der kunic ſin rede hoͤren bat Er ſprach ez wart mit mir geſtriten Jch qvam durch aventevr geriten Jn daz foreiſt Lehtamris Ein ritter al zv hohen pris Jn dirre wochen an mir ſach Wan er mich flvgelingen ſtach Hinders oͤrſſ al ſunder twal Er twanc mich des daz ich den gral Gelobt im zv werben Sold ich nu drumbe erſterben So muz ich leiſten ſicherheit Die ſin hant an mir erſtreit Da ratet vmbe des iſt not Min beſter ſchilt was fvr den tot Daz ich dar vmbe bot min hant Als ev min rede iſt be_kant Er iſt manheit vnd ellens her Der helt gebot mir dannoch mer Daz ich ane arge liſte Jn der iares friſte Ob ichs grales erwuͤrbe niht Daz ich ir koͤme der man giht Der krone zv pelrapeire Jr vater hiez Tampunteire Swenne ſie min ovge ane ſehe Daz ich ſicherheit ir iehe Er enbot ir ob ſie dehte an in Daz wer an frevden ſin gewin Vnd er werez der ſie loſte .e. Von dem kunige Clamide Do ſie die rede erhorten ſus Do ſprach aber liddamus Mit dirre herren vrlovp ich nu Spriche. ouch raten ſie dar zv Swes evch dort twanc der eine man Des ~~ſie~~ſi hie pfant her gawan Der vederſlagt vf ewerm kloben Bit in evch vor vns allen loben Daz er ev den gral gewinne Lat in mit guter minne Von ev hinnen riten Vnd nach dem grale ſtriten Die ſchame wir alle muſten clagen Wurde er in ewerm huſe erſlagen Nv vergebt im ſine ſchulde Durch ewer ſweſter hulde Er hat hie er_liden grozze not Vnd muz nu keren in den tot Swaz erden hat vmbe ſlagenz mer Da lac nie hus ſo wol zv wer Als montſalvatſche ſwo die ſtet Von ſtrite ruher wec da get Bi ſinem gemache in hint lat Morgen ſage man im den rat Des volgten alle die rat geben Sus behilt her gawan da ſin leben Man pflac des heldes vnverzagt Des nahtes al_da wart mir geſagt Daz gar gut was ſin gemach Da man den mitten morgen ſach Vnd da man meſſe geſanc Vf dem palas was groz gedranc Von povel vnd von werder diet Der kunic tet als man im riet Er hiez gawanen bringen Den wold er nihtes twingen Wan als ir habt gehort Sehet wa in brahte dort Antikonie die wol gevar Jrs vettern ſvn qvam mit ir dar Vnd ander genuc des kuniges man Die kuniginne fvrte Gawan Fvͤr den kunic an der hende Ein ſchappel was ir gebende Jr munt den blumen nam den pris Vf dem ſchapel keinen wis STvnt niender kein als rot Swem ſie gvtlich ir kvͤſſen bot Des muſte ſwenden ſich der walt Mit maniger tioſt vngezalt Mit lobe wir ſolden grvzzen Die kevſchen vnd die ſvͤzzen Antikonien Vor falſcheit die frien Wan ſie leben in ſolhen ſiten Daz niendert was vnder_riten Jr pris mit falſchen worten Alle die ir pris gehorten Jſlich munt ir wuͤnſchte do Daz ir pris beſtuͤnde alſo Bewart vor falſcher trvben iehe Lvtter virrech als ein valken ſehe Was balſem mezzic ſtete an ir Daz riet ir werdicliche gir Die ſvzze ſeldenriche Sprach gezogenliche Bruder hie bring ich den degen Des du mich ſelb hiezze pflegen Nv laz in min geniezzen Des en_ſol dich niht ver_driezzen Gedenke an brvderliche trewe Vnd daz dv an rewe Dir ſtet menlich trewe baz Dan daz du dolſt der werlde haz Vnd minen kvndich hazzen Den lere mich gein dir mazzen Do ſprach der werde ſvzze man Daz tv ich ſweſter ob ich kan Da zv gib ſelbe dinen rat Dich dunket daz mir miſſetat Werdikeit habe vnderſungen Von priſe mich gedrungen Waz toht ich danne zv brvder dir Wan dienten alle crone mir Der ſtunde ich abe durch din gebot Din haz wer min hohſte not Mir iſt vnmere frevde vnd ere Niht wan nach diner lere Her gawan ich wil evch des biten Jr qvamet durch pris her geriten Nv tvtz durch priſes hulde Helfet mir daz min ſchulde Min ſweſter vf mich ver_kieſe E. daz ich ſie ver_lieſe Jch ver_kevſe vf evch min hertzenleit Welt ir mir geben ſicherheit Daz ir mir ~~werben~~werbet ſunder twal Mit guten trewen vmb den gral Da wart die ſvne ge_endet Vnd gawan geſendet An dem ſelben male Durch ſtriten nach dem grale Kingrimurſel ouch ver_kos Vf den kvnic der in da vor ver_los Daz er im ſin geleite brach Vor allen den furſten daz geſchach Da ir ſwert waren gehangen Die waren in vnder_gangen Gawans knappen an des ſtrites ſtunt Daz ir keiner was worden wunt Ein gewaltic man von der ſtat Der in frides vor den andern bat Der vienc ſie vnd leit ſie in priſun Er wer franzois oder britun Starke knappen vnd cleine kint Von welhen landen ſie komen ſint Die braht man da lediclichen Gawan den ellens richen Da in die kint er_ſahen Da wart groz vmbe_vahen Jeſlich ſich weinende an in hienc Daz weinen iedoch von liebe ergienc Von kvrnuwals da mit im was Cons. Laiz. fiz. tinas Ein edel kint wont im ovch bi Duc gandilvz fiz gvrzgri Der durch Schoidelakvrt den lip ver_los Da manic frowe ir iamer kos Liaze was des kindes baſe Sint munt ſin ovgen vnd ſin naſe Was reht der minne kerne Al die werlde ſach in gerne Dar zv ſehs ander kindelin Diſe aht iuncherren ſin Waren gebvrte des bewart Alle von edler art Sie waren im durch ſippe holt Vnd dienten im vf ſinen ſol Werdikeit gap er im zv lone Vnd pflag ir anders ſchone Gawan ſprach zvn kindelin Wol ev ſvzzen mage min Mich dunkt des ir wolt mich klagen Ob ich wer alhie erſlagen Man moht in klage getrewen wol Sie waren ſus in iamers dol Er ſprach mir was vmb evch vil leit Wo wart ir da man mit mir ſtreit Sie ſagentez im ir keiner lovc Ein mvzer ſprinzelin enpflovc Vns. da ir bi der kunigin Sazzet. da lief wir alle hin Die ſtunden vnd ſazzen Die merkens niht ver_gazzen Die prvften daz her Gawan Wer ein menlich hoͤfiſch man Vrlovbes er da gerte Des in der kunic gewerte Vnd daz volc al gemeine Wan der lantgrafe al eine Die zwene nam die kvnigin Vn gawans Juncherrlin Sie fvrt ſie da ir pflagen Juncfrowen ane bagen Da nam er wol mit zvhten war Manic ivncfrowen wol gevar Hie fvr her gawan von tſchanfanzvn. Vnd wolde nach dem gral varn. wie ez im dar nach gienge. wer daz wizzen welle der leſe vort. Da gawan enbizzen was Jch ſage ev als kyot las Durch herzenliche trewe Hvp ſich da grozze rewe Er ſprach zvr kuniginne Frowe ich han ſinne Vnd ſol mir got den lip bewaren So muz ich dienſtlichez varen Vnd ritterlich gemvͤte Ewerre wiplichen Zv dienſte immer keren Wan evch kan ſelde leren Daz ir habt falſche ane ge_ſigt Ewer pris fvr alle priſe wigt Gelvcke evch muzze ſelden mern Frowe ich wil vrlovbes gern Den gebt mir vnd lat mich varn Ewer zvht mvzze ewern pris bewarn Jr was ſin dan ſcheiden leit Da weinten durch geſellikeit Mit ir manic iuncfrowe klar Die kunigin ſprach an allen var Het ir mir ge_nozzen mer Min frevde wer gein ſorgen her Nv moht ewer fride niht bezzer ſin Des gelovbt aber ſwenne ir lidet pin Ob evch vertreit ritterſchaft Jn rewebere kummers craft So wizzet min her gawan Des ſol min hertze pflihte han Zv flvſte oder zv gewinne Die edel kuniginne Kvſt den Gawans mvnt Der wart an frevden vngeſunt Daz er ſo gahens von ir reit Jch wene ez was in beden leit Sin knappen heten ſich bedaht Daz ſine orſſ waren braht Vf den hof fvr den palas Alda der linden ſchat was Ouch waren dem lantgrafen komen Sin geſellen ſus han ichz ver_nomen Der reit mit im vz fvr die ſtat Gawan in zvhtlichen bat Daz er ſich arbeite Vnd ſin gezoch im leite Zv bearotſche da iſt tſcherules Den ſvͤln ſie ſelbe biten des Geleites zv dyanazdrvn Da wont etſlich britvn Der ſie bringet an den herren min Oder an Gynovern die kunigin Daz lobt im kingrimurſel Vrlovp nam der degen ſnel Gringvliet wart gewappent ſan Des orſſ vnd min her gawan Er kuſte ſin mage die kindelin Vnd ouch die werden knappen ſin Nach dem grale im ſicherheit gebot Er reit al eine gein wunders not Tvt vf wem wer ſit ir Jch wil inz hertze din zv dir So gert ir zv engem rvme Waz denne belibe ich kvme Min dringen ſoltv ſelden clagen Jch wil dir nu von wunder ſagen Ja ſit irz frow auentevre Wie vert die gehevre Jch mein den werden parcifal Den Cvndrie nach dem gral Mit vnſvzzen worten iagte Da manic frowe klagte Daz niht wendic wart ſin reiſe Von artus dem brituneiſe Hvp er ſich do wie vert er nu Den ſelben meren grifet zv Ob er an frevden ſi ver_zagt Oder hat er hohen pris be_iagt Oder ob ſin gantze werdekeit Si beide lanc vnd breit Oder iſt ſie kurtz oder ſmal Nv prvͤffet vns die ſelben zal Waz von ſinen henden ſi geſchehen Hat er Montſalvatſch ſit geſehen Vnd den ſvzzen anfortas Des hertze da vil ſevftzic was Durch ewer gvͤte gebt vns troſt Ob der von iamer ſi er_loſt Lat horen vns die mere Ob parcifal da were Hie iſt die auentevr wider an parcifaln komen. wie der gelebt habe. die wile hat ergeſtriten her gawan zv tſchanfanzvn. Beide ewer herre vnd ouch der min Nv er_levhtet mir die fvre ſin Der ſvzzen herzzenlouden barn Wie hat gamuretet ſvn gevarn Sit er von artuſe reit Ob er liep oder hertzenleit Sit hab bezalt an ſtrite Habt er ſich an die wite Oder hat er ſider ſich ver_legen Sagt mir ſin ſite vnd allez ſin pflegen Nv tut vns die auentevr bekant Er habe er_ſtrichen manic lant Zv orſſe vnd in ſchiffen vf dem wac Ez wer lantman oder mac Der tioſte poinder gein im maz Daz der keiner nie geſaz Sus kan ſin wage ſigen Sin ſelbes pris vf ſtigen Vnd die andern leren ſigen Jnmanigen herten wigen Hat er ſich tſchumpfentevr erwert Den lip gein ſtrite alſo ge_zert Swer zv im wolte borgen Der muſt ez tun mit ſorgen Sin ſwert daz im anfortas Gap do er bi dem grale was Braſt ſit da er beſtanden wart Da mahtez gantz des brunnen art Bi karnant der da heizzet lac Daz ſwert behalf im pris beiac Swerz niht geloubet der ſvͤndet Die auentevr vns kundet Daz parcifal der degen balt Quam geriten vf einen walt Jch enweiz zv welhen ſtunden Al_da ſine ougen funden Ein cloſen newes buwes ſten Da durch einen ſnellen brunnen gen Ein_halp ſie drvber was geworht Der iunge degen vnervorht Reit durch auentevr zv verſuchen Sin wolde got da ruchen Er vant eine kloſerinne Die durch die gotes minne Jr magtum vnd ir frevde gap Wiplicher ſorgen vrhap Vz ir hertzen plvͤte al newe Vnd doch durch alte trewe Schionatulander Vnd Sigunen vand er Der helt lac dinne begraben tot Jr leben leit vf dem ſarke not Sigune duſceſſe Hort ſelten meſſe Jr leben was doch ein venie gar Jr dicker munt heiz rot ge_var Was da erblichen vnd bleich Sit werltliche frevde ir gar verſweich Ez erleit nie magt ſo hohen pin Durch clage ſie muz al eine ſin Dvrch die an im erſtarp Daz ſie der furſte niht erwarp Sie minnet ſinen toten lip Ob ſie worden wer ſin wip Da het ſich frowe lvnet Geſvmet an ſo geher bet Als ſie riet ir ſelber frowen Man mac nach dicke ſchowen Frowen Luneten riten zv Etteſlichem rate gar zv frv Swelich wip nu durch geſelleſchaft Ver_birt vnd durch ir zuͤhte craft Pflihte an fremder minne Als ich michs ver_ſinne Lat ſiz bi ir mannes leben Dem wart an ir der wunſch gegeben Kein beiten ſtet ir als wol Daz erzevge ich ob ich ſol Dar nach tu als ſiz lere Beheltet ſie dannoch ere Sie entreit keinen alſo liehten crantz Get ſie durch frevde an den tantz Wes mizze ich frevde gein not Als ſigunen ir trewe gebot Daz moht ich gerne lazzen Vber ronen ane ſtrazzen Parcifal fvͤrz venſter reit Al_zu nahen daz was im leit Da wold er fragen vmb den walt Oder war ſin reiſe wer gezalt Er gert der gein rede al_da Jſt ieman drinne ſie ſprach ia Da er hort daz ez frowen ſtimme was Her dan vf vngetret gras Warf erz orſſ vil drate Ez duht in al_zv ſpate Daz er niht was erbeizzet e Die ſelb ſchame tet im we Er bant daz orſſ vil vaſte Zv eines gevallen ronen aſte Sin durkeln ſchilt hienc er ovch dran Da der kevſche frevel man Durch zuht ſin ſwert von im gebant Er gienc fvͤrz venſter bi der want Da wolde er fragen mere Die kloſe was freuden lere Dar zv aller ſchimpfe bloz Er vant da niht wan iamer groz Er gert ir anz venſter dar Die iuncfrowe bleich gevar Mit zuht vf von ir venſter ſtunt Dannoch was im harte vnkvnt Wer ſie were oder mohte ſin Sie truc ein hemde herin Vnder grabem rocke zv_nehſt ir hvt Groz iamer was ir ſunder trvt Die het ir hohen mvt gelegt Von hertzen ſevftzens vil er_wegt Mit zuht die magt zvm venſter gienc Mit ſvzzen worten ſie in enpfienc Sie truc einen ſalter inder hant Parcifal der wigant Ein kleinez vingerlin da kos Daz ſie durch nie verlos Sie en_behiltz durch rehter minne rat Daz ſteinelin was ein granat Des plic gap zv der vinſter ſchin Reht als ein ander genſterlin Senlich was ir gebende Da vzzen bi der wende Sprach ſie herre da ſtet ein banc Rvchet ſitzen lerez evch ewer gedanc Vnd ander vnmuzze Da ich her zv ewerm grvzze Bin komen daz ver_gelt ev got Der giltet trewelichen vrbot Der helt ir rates niht ver_gaz Fvr daz venſter er da ſaz Er bat ouch dinne ſitzen ſie Sie ſprach nu han ich ſelten hie Geſezzen bi keinem man Der helt ſie fragen began Vmb ir ſite vnd vmb ir pflege Daz ir ſo verre von dem wege Sitzet in dirre wilde Jch hanz fvͤr vnbilde Frowe wes ir evch beget Sit hie niht buwes vmb evch ſtet Sie ſprach da kvͤmt mir vom grale Min ſpiſe da her al ſunder twale Kvndrie lazurziere Mir dannen bringet ſchiere Alle ſamztagen naht Min ſpiſe des hat ſie ſich bedaht Die ich gantze wochen haben ſol Sie ſprach were mir anders wol Jch ſorget wenic vmb die nar Der bin ich wol bereitet gar Da wonde parcifal ſie lvge Vnd daz ſie anders gerne trvge Er ſprach in ſchimpfe zv ir dar in Durch wen tragt ir daz vingerlin Jch hort ie ſagen mere Cloſerinne vnd cloſenere Die ſolden miden amurſchaft Sie ſprach het ewer rede craft Jr woldet mich felſchen gerne Swenn ich nu falſch gelerne So hebt mirn vf ſit ir da bi Rvht ez got ich bin vor falſche fri Jchn kan keinen hinder_ſatz Sie ſprach diſen mahel ſchatz Trag ich durch einen lieben man Des minne ich nie an mich gewan Mit menſchlicher tete Magtumlihs hertzen rete Mir gein im ratent minne Sie ſprach den han ich hinne Des cleinode ich ſider truc Sit orilus tioſt in ſluc Miner iemerlichen zite iar Wil ich im minne geben fvr war Der rehten minne ich bin ſin wer Wan er mit ſchilte vnd ouch mit ſper Dar nach mit ritters handen warp Vntz er in minem dienſte erſtarp Magtum ich ledicliche han Er iſt iedoch vor gote min man Ob gedanke wurken ſvln die werch So han ich niender den geberch Der vnder ſwinge mir min .e. Minem leben tet ſin ſterben we Der rehten .e. ditz vingerlin Fvr got ſol min geleit ſin Daz iſt ob miner trewe ein ſloz Vom hertzen miner ovgen floz Jch bin hinne ſelbe ander Schionatulander Jſt daz eine daz ander ich Parcifal verſtunt do ſich Daz ez ſigune were Jr kummer was im ſwere Den helt da wenic des ver_droz Vom herſnir ſin hovbt bloz Er mahte. e daz er gein ir ſprach Die iuncfrowe an im erſach Durch iſers ram vil liehtez vel Da erkande ſie den degen ſnel Sie ſprach ir ſitz her parcifal Sagt an wie ſtetz ev vmb den gral Habt ir ge_pruffet nach ſin art Oder wie iſt bewendet ewer vart Er ſprach zvr meide wol geborn Da han ich frevde vil ver_lorn Der gral mir git ſorgen genuc Jch liez ein lant da ich krone trvc Dar zv daz minnenclichſte wip Vf erde nie ſo minnenclicher lip Wart geborn von menſlicher fruht Jch ſene mich nach ir kevſchen zvht Nach ir minne ich trvre vil Vnd mer nach dem hohen zil Wie ich Montſalvatſche muge geſehen Vnd den gral daz iſt nach vngeſchehen Niftel ſigune du tuſt gewalt Sit du minen kummer manicvalt Erkenneſt daz dv veheſt mich Die magt ſprach al min gerich Sol vf dich nefe ſin verkorn Dv haſt ouch frevden vil verlorn Sit dv liezze dich betragen Vmb daz werdecliche fragen Vnd da der ſvzze anfortas Din wirt vnd din gelvcke was Da het dir fragen wunſch be_iagt Nv muz din frevde ſin verzagt Vnd al din hoher mut er_lemt Din hertze ſorge hat gezemt Die dir vil wilde were Heteſt du gefraget der mere JCh warp als der den ſchaden hat Sprach er liebe niftel gip mir rat Gedenke rehter ſippe an mir Vnd ſage mir ouch wie ſtetz dir Jch ſolde truren vmb din klage Wan daz ich hohern kummer trage Denne ie man ge_trvge Min not iſt zv vngefvge Sie ſprach nu helf dir des hant Dem aller kummer iſt bekant Ob dir ſo wol gelinge Daz dich ein ſla dar bringe Al da dv montſalvatſche ſihſt Da du mir diner frevden ver_gihſt Cvndrie laſvrziere reit Vil newlich hinnen mir iſt leit Daz ich niht fragte ob ſie dar Wolde keren oder anderſwar Jmmer ſwenne ſie kvmt ir mvl dort ſtet Da der brvnne vz dem velſe get Jch rate daz ir rites nach Jr iſt liht vor dir niht ſo gach Du en_muͤgeſt ſie ſchiere han erriten Da enwart niht lenger da gebiten Vrlovp nam der helt alda Da kert er vf die newen ſla Cvndrien mul die reiſe gienc Daz vnderverte im vnder_vienc Ein ſla die er het erkorn Sus wart aber der gral verlorn Al ſiner freuden er da vergaz Jch wene er het gefragt baz Wer er zv montſalvatſche komen Danne als ir .e. habt ver_nomen Nv lat in varn war ſol er Dort gein im quam geriten her Ein man dem was daz hovbt bloz Sin wappenrok von koſte groz Dar vnder daz harnaſch blanc gevar Ane daz houbt was er gewappent gar Gein parcifal er vaſte reit Do ſprach er herre mir iſt leit Daz ir mins herren walt ſus pant Jr werdet ſchiere drvmme ermant Da von ſich ewer gemvte ſent Montſalvatſch iſt niht gewent Daz iemant ir ſo nahen rite Ez en_were der engeſtlichen ſtrite Oder der alſelhen wandel bot Als man vor dem walde heizzet tot Einen helm er in der hende Fvrt des gebende Waren ſnuͤre ſydin Vnd eine ſcharfe glevin Dar in al newe was der ſchaft Der helt bant mit zornes craft Den helm vf daz hovbt eben Ez en_ſtunt in niht vergeben An den ſelben ziten Sin dron vnd ouch ſin ſtriten Jedoch bereit er ſich zvr tioſt Parcifal mit ſolher koſt Het ouch ſper vil verzert Er daht ich wer vnernert Rit ich vber diſes mannes ſat Wie wurde danne ſins zornes rat Nv tret ich hie den wilden varm Mirn geſwichen hende ietweder arm Jch gibe fvr mine reiſe ein pfant Daz ninder bindet mich ſin hant Daz wart zv beder ſite getan Die orſſ in den walap verlan Mit ſporn getriben vnd ouch gefvrt Vaſte vf der rabine hurt Jetweders tioſt da miſſe_riet Maniger tioſt ein gegen_niet Was parcifals hohe bruſt Den lerte kunſt vnd ſin geluſt Daz ſin tioſt als eben fvr Reht in den ſtrich der helm ſnvr Er traf in da man heht den ſchilt So man ritterſchefte ſpilt Daz von montſalvatſch der templeis Von dem orſſe in ein halden reis So verre hin ab die was ſo tif Daz da ſin leger wenic ſlif Parcifal der tioſt nach Volget. dem orſſe was zv gach Ez vil hin ab daz ez gar zv braſt Parcifal eines ceders aſt Begreif mit ~~hnen~~ſinen handen + Nv geht imz niht zv ſchanden Daz er ſich an ſchergen hienc Mit den fvzzen er ge_vienc Vnder im des velſes herte Jn grozzem vngeverte Lac daz orſſ dort niden tot Der ritter gahte von der not Anderhalben vf die halden hin Wold er teilen den gewin Den er erwarp von parcifal So half im baz da heim der gral Parcifal her wider ſteic Der zvͤgel gein der erden ſeic Da het daz orſſ durch getreten Sam ob ez beitens wer gebeten Da parcifal dar vf geſaz Des iener ritter da ver_gaz Da enwas niht wan ſin ſper ver_lorn Die fluſt gein veienden was ver_korn Jch wene der ſtarke lehelin Noch der ſtoltze kingriſin Noch Rois Gramoflanz Noch Cons Laſcoit fiz Gurnemanz Nie bezzer tioſt geriten Danne als ditz orſſ wart er_ſtriten Da reit er ern weſte war So daz die montſalvatſcher ſchar Jn mit ſtrite gar ver_meit Jm was des grals fremde leit Hie iſt aber ein auentevr ergangen von parcifal vmb den gral. vnd hat einen ritter er ſtochen. vnd ritet nv aber fvrbaz ſuchende den gral. Swer ruht ver_nemen dem tun ich kunt. Wie im ſin dinc darnach ge_ſtunt. Des prvffe ich niht der wochen zal Vber wie lanc ſider par=cifal Reit durch auentevr als e Eins morgens was ein dvͤnner ſne Jedoch ſo dicke wol geſnit Als der nach froſt den levten git Ez was vf einem grozzen walde Jm wider gienc ein ritter alde Der bart al gra was gevar Da bi ſin vel lieht vnd clar Die ſelben varwe truc ſin wip Die beide vber blozzen lip Trugen grawe rocke herte Vf ir bihte verte Sine kint zwo iuncfrowen Die man gerne mohte ſchowen Da giengen in der ſelben wat Daz riet ir kevſches hertzen rat Sie giengen alle barfvz Parcifal bot in ſinen gruz Dem grawen ritter der da gienc Von des rat er ſit gelucke enpfienc Ez mohte wol ein herre ſin Da lieffen frowen breckelin Mit ſenften ſiten niht zv her Gienc da ritter vnd knappen mer Mit zvhten vf der gotes vart Gnuc ſo iunc gar ane bart Parcifal der werde degen Het des libes ſo gepflegen Daz ſin zimiere riche Stunt ſo ritterliche Jnſolhem harnaſch er reit Dem vngelich warn iene kleit Die gein im truc der grawe man Daz orſſ vz dem pfade ſan Kert er mit dem zovme Da nam ſin fragen die govme Vmb der guten levte vart Mit ſvzzer rede ers inne wart Da was des grawen ritters clage Daz im die heiliclichen tage Niht hulfen gein al_ſolhem ſite Daz er ſunder wappen rite Oder daz er barfvz gienge Vnd des tages zit enpfienge Parcifal ſprach zv im do Herre ich erkenne ſus noch ſo Wie des iares vrhap geſtet Oder wie der wochen zal get Swie die tage ſint genant Daz iſt mir allez vnbekant Jch diende einem der heizzet got E. daz ſo laſterlichen ſpot Sin gunſt vber mich er_hancte Min ſin im nie gewancte Von dem mir helfe was geſagt Nv iſt ſin helfe an mir ver_zagt Do ſprach der ritter gra ge_var Meint ir got den die magt gebar Gelovbt ir ſiner menſheit Waz er als hevt durch vns er_leit Als man diſe tages zit be_get Vnrehte ev danne daz harnaſch ſtet Ez iſt hevt der karfritac Des al die werlt ſich frevn mac Vnd da bi angeſt ſevftzic ſin Da wart nie hoher trewe ſin Denne die got durch vns begienc Den man durch vns anz krevtze hienc Herre pflegt ir tovffes So iamert vͤ*vͤch des kovffes Er hat ſin werdeclichez leben Mit tode fvr vnſer ſchult ge_geben Durch daz menſche wart ver_lorn Durch ſchulde hin zvr helle er_korn Ob ir niht ein heiden ſit So denket herre an diſe zit Ritet fvrbaz vf vnſer ſpor Ev enſitzet niht zv verre vor Ein heilic man gder git ev rat Wandel fvr ewer miſſetat Wolt ir im rewe kuͤnden Er ſcheidet evch von ſvͤnden Sin tohter begunde ſprechen Waz wiltu vater rehchen So boſe weter wir nu han Waz rates nims tv dich an Wan fvreſt dv in da er erwarmte Sine ge_iſerten arme Swie ritterlich ſie ſin geſtalt Vns dunkt doch des ſie haben kalt Er erfrvͤr wern ſin eines dri Du haſt hie ſtende nahen bi Gezelt vnd ſlavinen hus Qveme dir kunic artus Du behilſt in ouch mit ſpiſe wol Nv tu als ein wirt ſol Fvre diſen ritter mit dir dan Do ſprach aber der grawe man Herre min tohter ſagt al war Hie nahen bi alle iar Var ich vf diſen wilden walt Ez ſi warm oder kalt Jmmer gein des marter zit Der ſteten lon nach dienſt git Swaz ſpiſe ich vz braht durch got Die teil ich ev mit ane ſpot Die ez mit guten willen taten Die iuncfrowen baten Jn beliben ſere Vnd er het belibens ere Jetwedere daz mit trewen ſprach Parcifal an in erſach Swie tevre von froſte da was der ſweiz Jr munde waren rot dicke vnd heiz Die ſtunden niht ſenliche Des tages zit geliche Ob ich cleinez dinc dar reche Vngern ich daz ver_ſpreche Jchn holt einen kuſſ durch ſvne da Ob ſie der ſune ſprechen ia Wip ſint ot immer wip Werliches mannes lip Hant ſie ſchiere betwungen Jn iſt dicke alſus gelungen Parcifal hie vnd dort Mit bet hort ir ſvzzen wort Des vater der muter vnd der kinde Er daht ob ich erwinde Jch gen vngern in dirre ſchar Diſe meide ſint ſo wol gevar Daz min riten bi in vͤbel ſtet Sit man vnd wip zv fvzze get Sich fvget min ſcheiden von in baz Sit ich gein dem trage haz Den ſie von hertzen minnent Vnd ſich helfe da verſinnent Der hat ſin helfe mir verſpart Vnd mich vor ſorgen niht bewart Parcifal ſprach zv im do ſan Herre vnd frowe lat mich han Ewer vrlovp. gelvcke vnd heil Gebe ev frevden vollen teil Jr iuncfrowen ſvͤzze Ewer zuht ev danken mvzze Sit ir gundet mir gemaches wol Ewern vrlovp ich haben ſol Er neic vnd die andern nigen Da wart ir klage niht verſwigen Hin ritet herzenlovden fruht Dem riet ſin menliche zvht Kevſch vnd erbarmunge Sit herzenlovde die iunge Jn het vf ge_erbet trewe Sich hup ſins hertzen rewe Alrerſt er do gedahte Wer alle die werlt vol brahte Anſinen ſchepfere Wie gewaltic er were Er ſprach waz ob got helfe pfligt Die minem trvren an geſigt Wart aber er ie ritter holt Gediente ie ~~ritten~~ritter ſinen ſolt Oder mac ſchilt vnd ſwert Siner helfe ſin ſo wert Vnd rehte menliche wer Da ſin helfe mich vor ſorgen ner Jſt hevt ſin helfenlicher tac So helf er ob er helfen mac Er kert ſich wider dan er da reit Sie ſtunden dannoch den was leit Daz er von in kerte Jr trewe ſie daz lerte Die iuncfrowen im ſahen nach Gein den ouch im ſin hertze iach Daz er ſie gerne ſehe Wan ir blic inſchoͤne iehe Er ſprach iſt gotes craft ſo fiere Daz ſie beide orſſ vnd tiere Vnd die levte mac wiſen Sin craft wil ich im priſen Mac gotes kunſt die helfe han Die wiſe mir ditz kaſtelan Daz wegeſt vmb die reiſe min So tut ſin gvte helfe ſchin Nv genc nach des gotes kvͤr Den zvͤgel gein den orn fvr Er dem orſſe legte Mit den ſporn erz vaſte regte Gein fontane Laſalvatſch ez gienc Da orilus den eit enpfienc Der kevſche Trevrizzent da ſaz Der manigen montac vbel gaz Als tet er gar die wochen Er het gar verſprochen Moraz win vnd ouch daz brot Sin kevſch im dannoch mer bot Der ſpiſe het er keinen mut Fiſche noch fleiſch ſwaz trvge blut Sus ſtunt ſin heiliclichez leben Got het im den mut ge_geben Der herre ſich bereitte gar Gein der himeliſchen ſchar Mit vaſten er grozzen kvmmer leit Sin kevſche gein tevfel ſtreit An dem dervert nu parcifal Die ver_holen mere vmb den gral Hie iſt parcifal zv dem kloſener zv fonta=ne komen. der ſagt im alle gelegenheit vmb den gral. wie er dar zv mvzze oder komen mvge. Swer mich da von .e. fra=gete. Vnd dar_vmbe = mit mir bagete. Ob ich im niht ſagete. Vn=pris der dar an beiagte. Mich batz heln kyot. Wan im die auentvͤr gebot. Daz ez immer man gedehte E. ez die auentevre brehte Mit worten an der mere grvz Daz man da von doch ſprechen muz Kyot der meiſter wol bekant Zv dolet ver_worfen ligen vant Jn ~~der~~ heidenniſcher ſchrifte ~~der~~: Wort zusätzlich vom Rubrikator durchgestrichen. Dirre auentevr geſtifte Der karacter .a. b. c. Mvſt er han gelernet .e. Ane den liſt von nigramanzi Ez half daz im der tovf was bi Anders wer diz mere nach vnvernomen. Kein heidenſch liſt moht vns gefromen. Zv kvͤnden vmb des grales art Wie man ſiner tovgen inne wart Ein heiden flegetanis Beiagte an kunſten hohen pris Der ſelbe fiſion Was geborn von Salmon Vz iſraheliſcher ſippe erzilt Von alter her vntz an vnſer ſchilt Der touf wart fvͤrz helle fevr Der ſchreip von grals auentevr Er was ein heiden vater_halp Flegetanis der an ein kalp Bette als ob ez wer ſin got Wie mac der tevfel ſinen ſpot Gefvͤget an ſo wiſer diet Daz ſie niht ſcheidet oder ſchiet Da von der treit die hohſten hant Vnd dem alle wunder ſin bekant Flegetanis der heiden Kvnd vns wol beſcheiden Jſliches ſternen hin ganc Vnd ſiner kvnſte wider_vanc Wie lange ieſlicher vmbe get E. er wider an ſin zil geſtet Mit der ſternen vmbe reiſe vart Jſt ge_prvfet aller menſchlicher art Flegetanis der heiden ſach Da von er blwecliche ſprach Jn dem geſtirne mit ſinen ovgen Ver_holnbere tougen Er iach ez hiez ein dinc der gral Des namen las er ſunder twal Jnd em geſtirne wie er hiez Er ſchar in vf der erden liez Die fvr vf vber die ſtern hoch Ob die ir vnſchulde wider zoch Sit muz ſin pflegen getovfte fruht Mit alſo kevſchlicher zuht Die menſcheit iſt immer wert Der zv dem grale wirt ge_gert Svs ſchreip der von flegetanis Kyot der meiſter wis Ditz mere be_gunde ſuchen Jnlatiniſchen buchen Wo ge_weſen were Ein volk da zv gebere Daz ez des grales pflege Vnd der kevſche ſich bewege Er las der lande cronica Zv britanie vnd anderſwa Zv francriche vnd in irlant Zv anſchowe er die mere vant Er las von Mazadan Mit warheit ſunder wan Vmb allez ſin geſlehte Stunt da geſchriben rehte Vnd anderhalp wie Titurel Vnd des ſun frimutel Den gral braht vf Anfortas Des ſweſter herzenlovde was Bi der gamuret ein kint Gewan des diſe mere ſint Der ritter nu vf die newen ſla Die gein im qvam der ritter gra Er erkande ein ſtat ſwie lege der ſne Da liehte blumen ſtunden .e. Daz was vor eins gebirges vant Al_da ſin menliche hant Frowen ieſcuten die hulde erwarp Vnd da orilus zorn ver_darp Die ſla in da niht halden liez Fontanie Laſalvatſche hiez Ein weſen da ſin reiſe gienc Er vant den wirt der in enpfienc Der einſidel zv im ſprach Owe herre daz ev ſus geſchach Jn diſer heiliclichen zit Hat evch engeſtlicher ſtrit Jn ditz harnaſch getriben Oder ſit ir ane ſtrit beliben So ſtund ev baz ein ander wat Liez evch hochferte rat Nv ruchet erbeizzen herre Jch wene daz ev iht gewerre Vnd erwarmet bi einem fevre Hat evch auentevre Vz geſant durch minnen ſolt Sit ir rehter minne holt So minnet als nu die minne get Als diſſe tages minne ſtet Dient her nach vmb wibe grvz Rvht er_beizzen ob ichz biten muz Parcifal der wigant Erbeizt nider al_zv hant Mit grozz_er zuht er vor im ſtunt Er tet im von dem levten kunt Die in dar wiſten Wie die ſin raten priſten Do ſprach er herre nu gebt mir rat Jch bin ein man der ſvnde hat Da diſe rede was getan Da ſprach aber der gvt man Jch bin rates ewer wer Nv ſagt mir wer evch wiſet her Herre vf dem walde mir wider gienc Ein gra man der mich wol enpfienc Als tet ſin maſſenie Der ſelbe falſches frie Hat mich zv zv her geſant Jch reit ſin ſla vntz ich evch vant Der wirt ſprach daz was kahenis Der iſt werdeclicher fvr al wis Der furſte iſt ein punturteis Der riche kunic von Chareis Sine ſweſter hat zv wibe Nie kevſcher fruht von libe Wart geborn dan ſin ſelbes kint Die ev da wider gangen ſint Der furſte iſt von kuniges art Alle iar iſt zv mir her ſin vart Parcifal zum wirte ſprach Da ich evch vor mir ſtende ſach Vorht ir ev iht da ich zv ev reit Was ev min komen da iht leit Da ſprach er herre gelovbt mirs Mich hat der ber vnd ouch der hirs Er_ſchrecket dicker danne der man Ein warheit ich ev ſagen kan Vnder im lac ramſchovp vnd varm Al ſine lide die wurden warm Jch enfvrht niht waz menſch iſt Jch han ouch menſchlichen liſt Het irz niht fvr einen rvm So trvge ich fluht noch magtum Min hertze enpfienc nach nie den cranc. Daz ich von were tete wanc Bi miner werlichen zit Jch was ein ritter als ir ſit Der ouch nach hoher minne ranc Etſwenne ich ſvndeberen danc Gein der kevſche parrierte Min leben ich dar vf zierte Daz mir genade tete ein wip Des hat ver_gezzen nu min lip Gebt mir den zovm in min hant Dort vnder iens velſes want Sol ewer orſſ durch ruwe ſten Bi einer wile ſvl wir beide gen Vnd brechen im gras vnd varm Anders futers bin ich arm Wir ſvlnz doch harte wol ~~ernert~~ernern Parcifal ſich wolde wern Daz er des zovms enpfinge niht Ewer zuht ev des niht giht Daz ir ſtritet wider keinen wirt Ob vnfuge ewer zvht ver_birt Alſus ſprach der gute man Dem wirte wart der zovm lan Der zoch daz orſſ vnder ienen ſtein Da ſelten ſvnne hin erſchein Daz was ein wilder marſtal Dar durch gienc eins brunnen val Parcifal ſtunt vf dem ſne Ez tet einem cranken man we Ob er harnaſch trvͤge Da der froſt ſus an in ſlvge Der wirt in fvrt in eine grvft Dar ſelten qvam des windes luft Da lagen glvndige koln Die moht der gaſt vil gern doln Ein kertzen zvͤnt des wirtes hant Da entwapent ſich der wigant Vnder im lac ramſchovp vnd varm Al ſin lide im wurden warm So daz ſin vel gap liehten ſchin Er mohte wol walt mvͤde ſin Wan er der ſtrazze wenic het geriten Ane dach die naht des tages er_biten Als het er manige ander Getrewen wirt vand_er Da lac ein roc den lech im an Der wirt vnd fvrt in mit im dan Zv einer andern grvft da inne was Sine buch dar an der kevſche las Nach des tages ſite einen alter ſtein Da ſtunt al bloz dar vf er_ſchein Ein kefſe die wart ſchiere erkant Dar vf parcifals hant Swur einen vngefelſchten eit Da von frowen ieſcuten leit Zv liebe wart ge_keret Vnd ir frevde gemeret Parcifal zvm wirt ſin Sprach diſer kefſen ſchin Er_kenn ich wan ich drvf ſwur Zv einen ziten da ich fvr ſie fvr Ein gemalt ſper da bi ich vant Herre daz nam alhie min hant Damit ich pris be_iagte Als man mir ſider ſagte Jch ver_daht mich an min ſelbs wip So daz von witzen qvam min lip Zwo tioſt riche da_mit ich reit Vnwizzende ich die bede ſtreit Dannoch het ich ere Nv han ich ſorgen mere Dan ir an manne ie wart geſehen Durch ewer zuht ſvlt ir des iehen Wie lanc iſt von der zit her Herre daz ich hie nam daz ſper Do ſprach aber der gvt man Des ver_gaz min frevnt Taurian Hie er kom mirs ſit in klage Fvnfthalp iar vnd dri tage Jſt daz irz im namen hie Wolt izirz hoͤrn ich prvͤfe ev wie An dem ſalter las er im vber al Die iar vnd iagar der wochen zal Die da zwiſchen waren hin Alrerſt ich inne worden bin Wie lange ich var wiſlos Vnd daz frevden helfe mich ver_kos Sprach parcifal mir iſt frevd ein trovm. Jch trage der rewe ſweren ſovm Jch tun ev mer nach kunt Swo kirchen oder muͤnſter ſtunt Da man gotes ere ſprach Kein ouge mich da nie geſach Sit den ſelben ziten Jchn ſuht niht dann ſtriten Ouch trag ich hazzes vil gein gote Wan er iſt miner ſorgen bote Die hat er al_zv hoch er_haben Min frevde iſt lebentic begraben Kvnde gotes craft mit helfe ſin Waz ankers wer die frevde min Die ſinket durch der rewe grunt Jſt min menlich hertze wunt Oder mag ez da vor weſen ganz Daz die rewe ir ſcharpfen kranz Mir ſetzet vf werdikeit Die ſchildes amp mir erſtreit Gein werlichen handen Des gieh ich dem zv ſchanden Der aller helfe hat gewalt Jſt ſin helfe. helfe balt Daz er mir danne hilfet niht So vil man im der hilfe giht Der wirt er_ſevfzt vnd ſach an in Da ſprach er herre habt ir ſin So ſvlt ir got getrewen wol Er hilfet ev wann er helfen ſol Got mvz vns helfen beiden Herre ir ſvlt mich beſcheiden Rvchet alrerſt ſitzen Sagt mir mit kevſchen witzen Wie der zorn ſich an gevienc Da von got ewern haz enpfienc Durch ewer zvht gedolt Ver_nemt von mir ſin vnſcholt E. daz ir mir von im iht ſagt Sin helfe iſt immer vnverzagt Doch ich ein leye were Der waren buche mere Kvnde ich leſen vnd ſchriben Wie der menſche ſol beliben Min dienſt gein des helfe groz Den der ſteten helfe nie ver_droz Fvr der ſele ſenken Sit getrewe an allez wenken Sit got ſelbe ein trewe iſt Dem was vnmere ie falſcher liſt Wir ſvln in des ~~gel~~geniezzen lan Er hat vil durch vns getan Sit ſin edel hohe art Durch vns zv menchen bilde wart Got heizzet vnd iſt die warheit Dem was ie falſche fvre leit Daz ſvlt ir gar bedenken Ern kan an nieman wenken Nv leret ewer gedanke Hvͤtet evch gein im an wanke JR enmuget im abe erzvrnet niht Swer evch gein im in hazze ſiht Der hat evch an witzen cranc Nv prvffet wie Lvcifern gelanc Vnd ſinen not geſtallen Sie waren doch ane gallen Ja herre wa namen ſie den nit Da von ir endeloſer ſtrit Zvr helle enpfehet ſvren lon Aſtiroth vnd belzimon Belet vnd Radamant Vnd ander die ich da han er_kant Die liehte himeliſche ſchar Wart durch nit nach helle var Da lucifer fvr die helle vart Mit ſchar ein menſche nach im wart Got worht vz der erden Adamen den werden Von adams verhe er even brach Die vns gap an daz vngemach Daz ir ſchepfer vber_horte Vnd ~~vnſen~~vnſer frevde ſtorte Von in zwein quam gebuͤrte fruht Einem riet ſin vngenuht Daz er durch geiticlichen rvm Siner anen nam den magtum Nv beginnet genuc des gezemen E. ſie diz mere ~~ver_m~~ver_nemen Daz ſie freiſchen wie ditz moht ſin Ez wart iedoch mit ſvnden ſchin Parcifal hin zv im do ſprach Herre ich wene daz ie geſchach Von wem was der man geborn Von dem ſin ane hat ver_lorn Den magtum als ir mir ſagt Daz moht ir gerne han verdagt Der wirt ſprach aber wider zv im Von dem zwifel ich evch nim Sage ich niht war die warheit So lat ev ſin min triegen leit Die erde adames muter was Von erden fruht adam genas Dannoch was die erde ein magt Nach han ich ev niht geſagt Wer ir den magtum benam Kains vater was adam Der ſlvc abeln vmb cranke*crankez gvt Da vf die reinen erde daz blut Vil. ir magtum was ver_varn Den nam ir adames barn Da hup ſich erſt der menſchen not Alſo wert er immer ſit der tot Jnder werlde doch niht ſo reines iſt So die magt an falſchen liſt Nv prvfet wie reine die meide ſint Got was ſelbe der meide kint Von meiden ſint zwei menſchen komen Got ſelbe antlvtze hat genomen Nach der erſten meide fruht Daz was ſiner hohen art ein zvht Von adames kvnne Hvp ſich trewe vnd wunne Sit er vns ſippe lovgent niht Den ieſlich engel ob im ſiht Vnd daz die ſippe iſt ſvnden wagen Vnd daz wir die ſv*ſvnde mvzzen tragen Dar vber erbarme ſich die craft Dem erbarme git geſelleſchaft Sit ſin getrewe menſcheit Mit trewen gein vntrewe ſtreit Jr vf in ver_kieſen Woͤlt ir ſelde niht ver_lieſen Lat wandel ev fvr ſvnde bi Sit rede vnd werke niht ſo fri Wan ~~ſ*er~~wer ſin leit ſo richet + Daz er vnkevſche ſprichet Von des lon tun ich ev kunt Jn vrteilt ſin ſelbes munt Nemt alte mere fvr newe Ob ſie evch leren trewe Der parelvre plato Sprach bi ſinen ziten do Vnd Sibille die prophetiſſe Sunder fallierens miſſe Sie ſagten da vor manic iar Vns ſolde komen al fvr war Fvr die hohſten ſchulde pfant Zvr helle vns nam die hohſte hant Mit der gotlichen minne Die vnkevſchen liez er dinne Uon dem waren minnere Sagent diſe ſuͤzzen mere Der iſt ein durch levhtic lieht Vnd wenket ſiner minne niht Swem er minne er_zeigen ſol Dem wirt mit ſiner minne wol Die ſelben ſint ge_teilet Aller werlde iſt ge_veilet Beide ſin minne vnd ouch ſin haz Nv prvͤfet wederz helfe baz Der ſchuldige an rewe Flvͤhet die gotlichen trewe Wer aber wandelt ſvnde ſchvlde Der dient nach werder hulde Die treit. der durch gedanke vert Gedanc ſich ſvnnen blickes wert Gedanc iſt ane ſloz beſpart Vor aller creatvr bewart Gedanc iſt vinſter ane ſchin Die gotheit kan lvter ſin Sie gleſtet durch der vinſter want Vnd hat den ellenden ſprunc gerant Der endvͤzzet noch enklinget So er vom hertzen ſpringet Ez iſt kein gedanc ſo ſnel E. er vom hertzen fvͤrz vel Kvͤme ern ſi ver_ſvchet Des kevſchen got geruchet Sit got gedanc ſpeht ſo wol Owe der broͤden werke dol Swo werc ver_wurkent ſinen grvz Daz die gotheit ſich ſchamen mvz Wen lat die menſliche zvht War hat die arme ſele fluht Wan ir nu got fvgen leit Der zv beden ſiten iſt bereit Zvr minne vnd gein dem zorne So ſit ir der ver_lorne Nv kert ewer gemuͤte Daz er ev danke gvͤte Parcifal ſprach zv im do Herre ich bin des immer fro Daz ir mich von dem beſcheiden hat Daz nihtes vngelonet lat Der miſſewende noch der tugent Jch han mit ſorgen mine iugent Alſus braht an diſen tac Daz ich durch trewe kummers pflac Der wirt ſprach aber wider zv im Nimtz evch niht hele gerne ich vernim Waz ir kvmmerZs vnd ſvnden hat Ob ir mich die prvfen lat Dar_zv gib ich ev liht rat Des ir ſelbe niht enhat Do ſprach aber parcifal Min hohſte not iſt vmb den gral Dar nach vmb min ſelbs wip Vf erde nie ſchoner lip Ge_ſovc an keiner muter bruſt Nach den beiden ſent ſich min geluſt Der wirt ſpral herre ir ſprechet wol Jr ſit in rehter kummers dol Sit ir nach ewer ſelbes ~~libe~~wibe Sorgen pfliht gebt dem libe Werdet ir funden an vnrehter .e. Ev mac zvr helle werden we Die not ſol ſchiere ein ende han Vnd werdet von banden al_da verlan Mit der gotes helfe al ſunder twal Jr ieht ir ſent evch vmb den gral Jr tummer man daz muz ich clagen Ja enmac den gral niemant be_iagen Wan der zv himel iſt ſo bekant Daz er zvm gral ſi benant Des muz ich von dem graliehen Jch weiz ez fvr war vnd hanz geſehen Parcifal ſprach waret ir da Der wirt ſprach gein im herre ia Parcifal verſweic in gar Daz ouch er was komen dar Er fragt in von der kvnde Wie ez vmb den gagral da ſtvnde Der wirt ſprach mir iſt wol bekant Ez wont manic werliche hant Zv montſalvatſche bi dem gral Durch auentevr die alle mal Ritent manic reiſe Die ſelben templeiſe Swo ſie kummer oder pris beiagent Fvr ir ſuͤnde ſie daz tragent Da wont ein werliche ſchar Jch wil ev kunden vmb ir nar Sie lebent von einem ſteine Des geſlehte iſt vil reine Habt ir des niht erkennet Der wirt ev hie genennet Der heizzet lapſit exillis Von des ſteins craft der fenix Ver_brinn daz er zv aſſchen wirt Die aſſche im laber leben birt Svs rert der fenix die mvze ſin Vnd git dar nach vil liehten ſchin Da er ſchone wirt als .e. Ouch wart nie menſchen ſo we Swelhes tages ez den ſtein ſiht Die wochen mac ez ſterben niht Die aller ſchierſt dar nach ~~geſchiht~~geſtet Sin farwe im nimmer ouch *vzv get Man muz im ſolher farwe iehen Da mit ez hat den ſtein geſehen Ez ſie magt oder man Al da ſin beſte zit hup an Sehez den ſtein zwei hundert iar Jm wurde danne gra ſin har Solhe craft dem menſchen git der ſtein Daz im fleiſch vnd bein Jugent enpfehet ſunder twal Der ſtein iſt ouch ge_nant der gral Dar vf kuͤmt hevt ein botſchaft Dar an doch lit ſin hohſte craft Ez iſt hevt der karfritac Daz man fvr war da warten mac. Ein tube von himel ſwinget Vf den ſtein die bringet Ein cleine wizze oblat Vf dem ſteine ſie die lat Die tube iſt durch levhtic blanc Zv himel tvt ſie wider ſwanc Jmmer alle karfritage Bringet ſie vf den ſtein als ich ev ſage. Da von der ſtein enpfehet Swaz gutes vf erden ~~drehen~~drehet Von trinken vnd von ſpiſe Als den wunſch von paradyſe Jch meine waz die erde mac ~~ged~~gebern Der ſtein ſie fvrbaz mer ſol wern Swaz wildes vnderm lvfte ~~leben~~lebet Ez fliege oder lovffe vnd daz ſwebt Der ritterlichen brvderſchaft Die pfrvnde in git des grales craft Die aber zvm grale ſint ge_nant Hoͤret wie die ~~bek~~werden bekant Zv ende an des ſteines drum Von karacten ein epytafrvm Sagt ſinen namen vnd ſin art Swer dar tun ſol die ſelden vart Ez ſi von meiden oder von knaben Die ſchrift dar*darf nieman danne ſchaben. So man den namen geleſen hat Vor ir ougen ſie zvr gat Sie qvamen alle dar fvr kint Die nu da grozze levte ſint Wol die muter die daz kint gebar Daz zv dienſte ſol horen dar Der arme vnd der riche Frewnt ſich alle geliche Ob man ir kint eiſchet dar Daz ſiz ſvln ſenden an die ſchar Man holt ſie in manigenlanden Vor ſvndeberen ſchanden Sint ſie immer mer be_hvt Vnd wirt ir lone zv himel gvt Swenne in erſtirbet hie daz leben So wirt in dort der wunſch gegeben Die entwederhalp geſtunden Da ſtriten begunden Lucifer vnd trinitas Swas der ſelben engel was Die edeln vnd die werden Muſten vf di erden Zv dem ſelben ſteine Der ſtein iſt immer reine Jch enweiz ob got vf ſie ver_kos Oder ob erz furbaz ver_los Daz was ſin reht er nam ſie wider Des ſteines pfligt immer ſider Die got dar zv be_nande Vnd in ſinen engel ſande Herre ſus ſtet ez vmb den gral Do ſprach aber parcifal Mac ritterſchaft des libes pris Vnd doch der ſele paradys Beiagen mit ſchilde vnd mit ſper So was ie ritterſchaft min ger Jch ſtreit ie wo ich ſtriten vant So daz min werliche hant Sich nehert dem priſe Jſt got an ſtrite wiſe Der ſol mich dar benennen Daz ſie mich da bekennen Min hant da ſtriten niht verbirt Do ſprach aber der kevſche wirt Jr mvzzet al da vor hochfart Mit ſenftem willen ſin bewart Evch ver_leit liht ewer iugent Daz ir der kevſche brechet tvgent Hochvart ie ſeic vnd viel Sprach der wirt ietweder ovge wil Da er an ditz * gedahte Daz er da mit rede vol brahte Do ſprach er herre ein kvnic da was Der hiez vnd heizt nach anfortas Daz ſol evch vnd mich armen Jmmer mer erbarmen Vmb ſin hertzenbere not Die hochfart im zv lone bot Sin iugent vnd ſin richeit Der werlde an im fugte leit Vnd daz er gerte minne Vzzerhalp der kevſche ſinne er ſite iſt niht dem gral reht Daz muz der ritter vnd ouch der kneht. Bewart ſin vor loſheit Diemut die hochfart vber_ſtreit Da wont ein werde bruderſchaft Die hant mit werlicher craft Er_wert mit ir handen Der diet von allen landen Daz der gral iſt vn_erkennet Wan die dar ſint be_nennet Zv montſalvatſche ans grals ſchar Wan einer qvam vnbenennet dar Der ſelb was tvmmer man Vnd fvrt ouch ſvnde mit im dan Daz er niht zvm wirte ſprach Vmb den kummer den er an im ſach Jch en_ſol nieman ſchelden Doch mvz er ſvͤnde engelden Daz er niht fragte des wirtes ſchaden. Er was mit kummer ſo be_laden Ez enwart nie erkant ſo hoher pin Da vor qvam Roys lehelin Zv brvmbanie an den ſee ge_riten Durch tioſt het ſin da geb_iten Libbeals der werde helt Des tot mit tioſt wart er_welt Er was erborn von prienlaſcoͤrs Lehelin des heldes oͤrſſ Dannen zoch mit ſiner hant Da wart der rerovp bekant erre ſit irz lehelin So ſtet in dem ſtalle min Den orſſen ein orſſ glich gevar Die da horent ans grales ſchar An dem ſatel ein tvrteltube ſtet Daz orſſ von montſalvatſche get Die wapen gap im anfortas Da er der frevden herre was Jr ſchilte ſint von alter ſo Titurel ſie brahte do An ſinen ſun Roys frimutel Dar vnder verlos der degen ſnel Von einer tioſt ouch ſinen lip Der minnet ſin ſelbes wip Daz nie von manne mere Wip ge_minnet wart ſo ſere Jch meine mit rehten trewen Sit ſite ſvͤlt ir newen Vnd minnet von hertzen ewer konen Siner ſite ſvlt ir wonen Ewer varwe im treit geliche mal Der was ouch herre vber gral Owi herre wannen iſt ewer vart Nv ruchet mir prvͤfen ewern art