Parzival Transkription des Textzeugen r Wolfram von Eschenbach Parzival-Projekt Bern Parzival-Projekt Bern Bern 15.06.24 Bern Burgerbibliothek Cod. A A 91 r

Hs. R (G<hi rend="sup">χ</hi>) Bern, Burgerbibliothek, Cod. AA 91 [Digitalfaksimile] Papier – 180 Blätter + I – Format: 31 x 21,5 cm (Schriftraum 23 x 16–17,5 cm), zwei Spalten zu 34–42 Zeilen (Bastarda), Verse abgesetzt – datiert auf 1467 – hochalemannisch – Inhalt: Wolframs ›Parzival‹ (Text beginnt mit Vers 11.19) – Abschnittsgliederung durch Cadellen am Spaltenanfang und rote Initialen – 29 kolorierte Federzeichnungen (mit roten Bildüberschriften) – Fassungszugehörigkeit: *G (1.1–432.30) und *T (433.1–827.30) [*OQR] – vgl. zur Hs. auch die Angaben im Handschriftencensus.

 Leser Leser Rubrikator Schreiber Schreiber

Alle mit Name ausgezeichneten Stellen verweisen auf die Datei namen.xml, die eine Liste aller Personen- und Ortsnamen sowie eine Liste sonstiger Bezeichnungen, wie etwa Edelsteine, enthält.

"regp" verweist auf die Personennamen.

"rego" verweist auf die Ortsnamen.

"regs" verweist auf die sonstigen Bezeichnungen.

 Finis-Zeichen Alinea-Zeichen de-Ligatur Lateinische Abkürung für -rum Lateinische Abkürzung für -is Lateinische Abkürzung für -et/-it Lateinische Abkürzung für -et Vgl. Cappelli, Lexicon abbreviaturarum, S. 408, Sp. a, letzte Zeile. Zeilenfüllsel Buch I Abschnitt erstellt von GVi bei der Autopsie am 10./11.2.2005. (Letzte Änderung 14.3.2005) Da die Versfolge zu Beginn von R erhebliche Unregelmäßigkeiten aufweist, wurden von GVi zunächst nur jene Blätter transkribiert, die Verse aus dem Anfangsabschnitt bis 20.30 enthalten, also die Blätter 2r und 2v (bis zum Vers 20.30), 5rv sowie 6r (bis 16.28). Restliche Transkriptionen erstellt von Marius Gehrig und Daniel Dossenbach im September 2009 ab Farbfotos (Studio). Blatt 1rv bis 8vb gegengelesen von GVi am 24.9.2008 (ab Farbfotos). Letzte Änderung 21.01.2009. Buch II Verse 63.26-76.30 transkribiert von Marius Gehrig im September 2008 nach Farbfotos (Studio). Verse 77.01-103.14 transkribiert von OBa im September 2008 nach Farbfotos (Studio). Gegengelesen von GVI am 2.10.2008 ab Farbfotos (Studio). Abschnitt 103.15-116.14 erstellt nach Farbfotos (Studio) von GVi. Autopsie von GVi am 10. und 11.2.2005. Letzte Änderung durch OBA am 02.05.2011. Buch III Abschnitt 116.15-125.26 erstellt nach Farbfotos (Studio) von GVi. Autopsie von GVi am 10. und 11.2.2005. Restliche Abschnitte erstellt von Studenten des Seminars im FS 2008 nach Farbfotos (Studio), 125.27-161.13 gegengelesen von GVi bis zum 30.10.2008, 161.14-179.12 von OBa bis zum 30.10.2008 Letzte Änderung durch OBA am 23.01.2009. Buch IV Der Abschnitt wurde von OBA ab Farbfotos (Studio) transkribiert (29.10.08). Letzte Änderung 21.01.2009 von OBA. Buch V Der Abschnitt wurde von OBA ab Farbfotos (Studio). transkribiert (29.10.08). Letzte Änderung von OBA am 12.01.2009. Letzte Änderung von JLa am 25.05.2012. Versumstellungen korrigiert. CG 28.05.2015 Buch VI Die Abschnitte 280.01 - 289.30, 300.01-309.30, 320.01-329.30 wurden bis zum 15.7.2008 von Marius Gehrig anhand der Transkription von Ulrike Buerger erstellt, dabei ab Farbfotos korrigiert. Gegengelesen von Gabriel Viehhauser am 30.7.2008 ab Farbfotos. Die Abschnitte 290.01 - 299.30, 310.01-319.30, 330.01-337.30 wurden bis zum 15.7.2008 von Daniel Dossenbach anhand der Transkription von Ulrike Buerger erstellt, dabei ab Farbfotos korrigiert. Gegengelesen von Gabriel Viehhauser am 30.7.2008 ab Farbfotos. Letzte Änderung 12.01.2009. Korrekturliste der Kollationeure ausgeführt von CG am 11.03.2016. Buch VII Transkribiert von YCh am 18.10.2008 ab Farbfotos (Studio). Abschnitt 388.01-347.30 gegengelesen von GVI ab Farbfotos (Studio) am 18.10.2008. Letzte Änderung OBA am 29.12.2008. Buch VIII Abschnitt 398.01-423.30: transkribiert von OBA am 31.10.2008 ab Farbfotos (Studio). Gegengelesen von YCH am 04.11.2008 ab Farbfotos (Studio). Abschnitt 424.01-432.30: transkribiert von YCH am 03.11.2008 ab Farbfotos (Studio). Gegengelesen von OBA am 04.11.2008 ab Farbfotos (Studio). Letzte Änderung: Korrekturstellen überprüft und in manchen Fällen verbessert. (GVI) 4.12.2008. Letzte Änderung: (OBA) 10.12.2008. Buch IX Abschnitt 433.01-443.05 kontrolliert von GVi bei der Autopsie am 10./11.2.2005. (Letzte Änderung 8.9.2008) Abschnitt 443.06-502.30 transkribiert von OBA ab Farbfotos (Studio), 30.10.2008. Gegengelesen von YCh ab Farbfotos (Studio) am 25.11.2008. Letzte Änderung GVI am 5.12.2008 (6a feria ante Nikolo!) Letzte Änderung OBA am 12.01.2009. Buch X Transkribiert von YCh ab Farbfotos (Studio), 02.12.2008. Gegengelesen von OBA ab Farbfotos (Studio), 09.12.2008. Letzte Änderung OBA am 21.01.2009. Buch XI Transkribiert von YCh ab Farbfotos (Studio), 05.01.2009. Gegengelesen von OBA ab Farbfotos (Studio), 13.01.2009. Buch XII Abschnitt 583.01-605.30 transkribiert von OBA ab Farbfotos (Studio), 13.01.2009. Abschnitt 606.01-626.30 transkribiert von YCH ab Farbfotos (Studio), 13.01.2009. Gegengelesen von OBA und YCH ab Farbfotos (Studio), 15.01.2009. Buch XIII Transkribiert von OBA ab Farbfotos (Studio), 13.01.2009. Gegengelesen von YCH ab Farbfotos (Studio), 23.01.2009. Buch XIV Transkribiert von YCh ab Farbfotos (Studio), 16.01.2009. Gegengelesen von OBA ab Farbfotos (Studio), 30.01.2009. Buch XV Der Abschnitt von 750.11 bis 753.24 ist direkt an der Handschrift transkribiert und korrigiert worden. An ihn anschliessend folgt die ehemalige Datei r753_mst. Der Abschnitt 750.11 bis 783.30 ist an der Handschrift überprüft und auf den Stand der Transkriptionsrichtlinien von August 2002 gebracht. Die restlichen Abschnitte erstellt sowie überarbeitet nach Farbfotos (Studio) von GVi. Autopsie sämtlicher Abschnitte von GVi am 10. und 11.2.2005. Letzte Änderung 12.01.2009 von OBA. Versumstellungen korrigiert. CG 28.05.2015 Buch XVI Der Abschnitt 792.10 bis 799.12 wurde von MSt transkribiert und korrigiert. Von da an bis 803.30 wurde er nach den Richtlinien vom August 2002 direkt ab der Handschrift transkribiert und korrigiert. Der Abschnitt von 804.1 bis 808.30 ist nach den Richtlinien vom August 2002 direkt ab der Handschrift transkribiert worden. Der Abschnitt von 823.7 bis 827.30 wurde offensichtlich in Autopsie erstellt (keine Namensnennung in der Datei). Die restlichen Abschnitte erstellt sowie überarbeitet nach Farbfotos (Studio) von GVi. Autopsie sämtlicher Abschnitte von GVi am 10. und 11.2.2005. Letzte Änderung 12.01.2009 von OBA. Hs. R in eine Komplettdatei überführt, Dateiköpfe zusammengestellt und virtuelle Blattangaben entfernt von CG am 25.04.2016. Buch IV gegengelesen von CG am 05.10.2016. Korrekturen durchgeführt von CG am 31.10.2016. Kollationskorrekturen eingearbeitet von CG am 24.03.2017. Endredaktion I und II plus Autopsie durchgeführt von LS zwischen dem 1.11.2017 und dem 31.1.2018 Alle -a entfernt am 4.12.2018 von MiGe Auf einzelnen Seiten in Handschrift R wurde der erste Buchstabe eines Verses jeweils rubriziert, ein System dahinter ist nicht erkennbar. Die betreffenden Stellen sind in der Transkription mit den rhvh-hvh-tags ausgezeichnet. TL am 22.07.2019: Alle ct-tags entfernt. In Hs. R gibt es mehrere Lücken, die auf mechanischen Textverlust zurückzuführen sein dürften (vgl. Bonath, Untersuchungen II, S. 219f., wobei ihre Argumentation bezüglich der Verse 12.6-20 nicht überzeugt; diese Stellen werden in der vorliegenden Transkription als 'herkömmliche Minusverse' angesehen). Dabei handelt es sich um die Verse 1.1-11.18, 48.21-54.6, 58.9-63.24, 288.15-293.2, 493.9-494,18 und 764.13-774.30. Die Nummerierungen der genannten Passagen wird in der vorliegenden Transkription nicht angegeben. Februar 2020, MiGe: Sonderregelung für Hs. R, da nur sie Doppelfassungen eines Verspaares aufweist (vgl. Bonath, Untersuchungen II, S. 220-222): Für Verse, die Teil einer solchen Doppelfassung sind, wird ebenfalls -a verwendet. Dies betrifft die Verse 146.07, 311.17, 398.17, 726.02 und 754.20. Alle mit roter Tinte vergenommenen Korrekturen werden ru zugeordnet. Sprach er weltte gerne ſechen Wa Ritterſchafftt da wer geſchechen Er abe mit dem helde reit Menig Ritter wol gemeit Hie der wiſe doͯrt der tumbe Sy fuͦrttent in alle vmbe Fuͤr ſechſzechen porten Vnd beſcheiden Jn mit worten Das der deheine wurde verſpart Sit ward gerochen Jſenbart An vns mit zorne nacht vnd tag Vnſer ſtrit vil nach gliche wag Man beſchlos ir deheine ſit Vns git vor achtte porten ſtrit Des getrúwen Jſenharttes man Die hand vns ſchaden vil getan Sy Ringent mit zorne Die fúrſten wol geborne Des kúnges man von azagouc Vor yetlicher porten flouc Ob yeder ſchar ein liechter fan Ein durchſtochen Ritt̉er daran Als yſenhart den lib verlos Sin volck ſin wapen darnach kos Da engegēn habēn wir einēn ſitte Da ſtillen wir Jr Iam̉er mitte Vnſer fanen ſind bekant Das zwen fing̉er vs der hand Schwert gegen in den eyde Jren geſchechen nẏe ſo leyde Wan ſit Jſenhart lag tod Min̉er frowen frúnd ir hercze not Sus ſtat die kúngin gemal Frow Belacane ſunder qual Jn einem blanken ſemit Geſchnitten von ſchwarcz̉er fảrwe ſit Das wir die wappen ſchowen an Jn Jr trúwe on Jamer hat gewin Die ſtekent ob den porten hoch Fuͤr die andren echte vnd̡e ſuͦchēnt noch Des kuͦnen fridebandes her Die getofftten har úber mer Jegſchlicher porte ein fúrſte pfliget Der ſich ſtrittes gar bwiget Mit ſiner baniere Wir habent gatſchiere Gefangen einen grauen abe Der búttet vns vil groſe habe Der iſt kayletes ſchweſter ſun Was vns der mag getuͦn Das muͦs ye dirre geltten Soͯlich geluck kompt vns ſeltten Gruͯnes angers wenick ſandes Wol driſig poynder landes Jſt zu der geczelttēn von me grabēn Da wirt vil menig tioſt erhaben Diſe mere ſeit im gar ſin wirt Ein Ritter nyem̉er das verbirt Er kom durch ioſtierren fúr Ob der ſin dienſt doͯrt verlúr An ir die da in ſantte her Was hulff in denne ſin freche ger Das iſt der ſtolcze huitiger Von dem mag ich wol ſprechen mer Sid wir hie ſin beſeſſen Das ye der held vermeſſen Des morgens vil bereit was Vor der porte gen dem palas Ouch ward von den kuͯnen man Klainendes vil gefuͯret dardan Das er durch vnſer ſchilte ſtach Das man fúr groſe koſte Jach So es die kroyr brachtent darbe Er faltt vns mengen Ritter abe Er lat ſich gern ſchowen Jn lobent och vnſer frowen Wenn wib lobent der wirt bkant Er hatt den pris zu ſin̉er hant Vnd ſins herczen Wunne Nun het die muͯde ſunne Jr liechtten blick hin ze ir gelaſzen Des lebens Jn da nach verdros Menge auenthúr ſuͦcht er blos Do dis alles ſusus was Ein furſte portizalas hies min ma*maſſenie Vor zagheit der frye Vs durch auentúrre reit Da gros ſchaden in nit vermeit Zem foreſt in Azagouc Ein tioſt im ſterben nicht erlouc Die er tet vff einen kuͯnnen man Der och ſin ende do gewan Das was min frund Jſenhart Jr yettwedrer inen wart Eins ſpers durch ſchilt vnd den lib Das clage ich noch vil armes wib Jr beider tod mich ymer muͦt Vff miner trúwe Jamer bluͦt Jch enward nie wib deheines man Gamurten duchte ſan Wie ſy were ein heydin Mit trúwen wiplicher ſin Jn wibes herczen nie geſchloff Jr kúnſche was ein Rein̉er toff Vnd der Regen der ſy begos Der waug der von ir ogen flos Vff ir zobel vnd an ir bruſt Trúwen pflege was ir geluſt Vnd rechtte Jamers lerre Si ſaget im fúrbas mere Da ſuͦchte mich von úber mer Der ſchotten kúng mit ſinem her Der was ſins oͯchams ſuͦn Sy mochttent mir nit mer getuͦn Schaden denne mir was geſchechēn An Jſenhart Jch muͦs es Jechen Die frowe erſunffcze dicke Durch die zecher menge blike Sy ſchamende gaſtlichen ſach An gahmureten. da verJach Jr ougen dem herczen ſan Das er were wol getan Si konde liechtte varwe ſpechen Wan ſy hett da vor geſechen Vil mengen liechtten heiden Alda ward vnder in beiden Ein vil getrúwlich ger Er ſach hin ſy ſach her Da nach hies ſẏ ſchenken ſan Getorſte ſy das were verlan Sy muͯtte das es nit beleib Wan es die ritter ir vertreib Die gerne ſprechent wid̉er die wib Doch was ſin lib ir ſelbes lib Ouch het er ir den muͦt gegeben Sin leben was d̉er frowen leben Do ſtuͦnd er vff vnd ſprach Frowe ich tuͦn úch vngemach Jch kan ze lange ſiczen Das entuͦn ich nit von wiczen Mir iſt vil dienſtlichen leid Das úwer kumer iſt ſo breid Frowe gebietent úber mich Was ir welt das iſt nun gerich Jch dinne úch alles das Jch ſol Si ſprach herre daz getrúw ich úch wol DEr burgraue ſin wirt Nun vil wenig des verbirt Er erkurcze im die ſtunde Ze fragen er begunde Ob er kurcz wilen woͯlte Ritten Vnd ſchowent wa wir ſtritten Wie vnſer porten ſind behuͦt Gahmuͦret der helde guͦt Wes die burg were Wan er ir kundig nie gewan Noch dehein ſin ſchiffman Sy tatent ſinen botten kund Sy hieſſe patelamunt Das ward im minneklich enbotten Sẏ manten Jn by ir goͯtten Das er in hilff das werre in not Sy enrungen nit wen vmb den tod Do der Junge aſchevin Vernam ir kumerlichen pin Er bot ſin dienſt vmbe guͦt Als noch vil dick ein Ritt̉er tuͦt Oder das ſy im ſagtint vmb was Er ſoltte dulden der vigenden has DO ſprach vs einem munde Der ſich vnd der geſunde Das in were al gemeine Jr gold vnd ir geſteine Des ſoltt alles herre weſen Er moͯchtte wol by in geneſen Och bedoͯrfftt er luczel ſoldes Von Araby des goldes Hatte er mengen knollen bracht Lutte winſter als die nacht Waurent alle die von zaſmanac By den ducht in die wile lanck Doch hies er herberg nemen Do moch och ſin vil wol gezemen Das im die beſten gabent Die frowen denocht lagent Zen venſtern vnd ſachent dar Sy noment och des vil rechtte war Sine knechtten ſin harnaſch Wie das gefitieret was Do truͦg der held miltte Vff einem herminen ſchiltte Jch enweis wie mengen zobelbalck Der kungin Marſchalk Hett es fuͤr ein en wunder gros Zu ſechent in luczel in verdros Jm muͦſſent ſine ogen Jechen Das er hette geſechen Diſen Ritter oder ſinen ſchin Das muͦſze zu Allexandrie ſyn Do der Saruͦc der vor lag Sinen bris da niement wider wag Sus fuͦr der muͦttes Riche Jn die ſtatt behagenliche Zechen ſemer hies er faſſen Die zogttent hin die gaſſen Da Rittent zweinczig knechtte nach Sinen pouel man doͯrt vor erſach Garczunne koch vnd ir knaben Die hattent ſich hin fuͤr erhaben Stolcz was ſin geſinde Zwoͯlff wol erborner kinde Die hindanach den knechtten Rittent An guͦtter zucht mit ſuͯſzen ſitten Ettlicher was ein ſarraſin Dar nach muͦſze ouch getrecket ſin Acht Ros mit zandele Verdeket als ze male Das núnde ſinen ſatel truͦg Einen ſchilt des ich E genuͦg Den fuͦrtte ein knecht wol gemeit Da by nach dem ſelben reit Buſunre der man ach bedarff Ein tambrertamburer ſchluͦg vnd warff Vil hoche ſine tambúr Den herren nam vil vntúr Da enritten floitiern bẏ Vnd guͦtter videnler drẏ Den was allen nit zu gauch Selbe reit er hindannach Vnd ſin marnere Der wiſe vnd der mere Was da was volkes Jnne mere Was da was volkes mere Jnne Moͯrin vnd moͯrinne Was beidú wib vnd man Der herre ſchowen began Vil mengen ſchilt zerbrochen Mit ſpern durch ſtochen Der was da vil gehangen fúr An die wende vnd andie túr Sy hattent Jamer vnd gufft Jn die venſter gen dem lufftt Was gebettet mengem wundēn man Wen er den artzat gewan Das er doch nicht mocht geneſſen :Minusvers mit Bleistift angezeigt. Sus warb ye der vngerne floch Vil roſe man Jn wider zoch Durch ſtochen vnd zer howen Manige tu*tunkel frowen Sach er bedenthalben ſin Nach robens varwe was ir ſchin robens:Am Rand mit Bleistift rabens vermerkt. Sin wirt In minenklich empfieng Das im nach froͯden ſitt ergieng Das was ein ellens Richer man Mit ſiner hand hat er getan Vil mengen ſtich vnde ſchlag Wan er einer porten pflag By dem er mengen Ritt̉er fand Den die arm hiengen vnd die hand Vnd den ir hopt waurēn v̉erbunden Die hettent ſoͯlich wunden Das ſy doch tatent Ritterſchafft Sy enhattent nit glaſſen ir krafft Der Burgraue von d̉er ſtat Sinen gaſt den Jnenklchēn bat Das er nicht verbere Ald das ſin wille were V́ber ſin guͦt vnd uber ſin lib Er fuͦrt in da er fand ſin wib Dú Gahmareten kuſte Des in doch luczel geluſte Dar nach fuͦr er enbiſen dan Do dis alles alſus was geton Der marſchalk reit von im zehand Alda er die kunginen fand Er hieſch vil groſes botten brot Er ſprach frow nun iſt vnſz not Mit froͯden zergangen Denn wir hie hand empfangen Das iſt ein Ritter ſo geton Das wir ze danken ym̉er han Vnſzren goͯtten die vns Jn brachtent Das ſy des ye gedachttent Nun ſag mir vff die trúwe din Wer der Ritter muge ſin Frow es iſt ein tegen frier Des Baruckes ſoldier Ein anſchevin von hoch̉er art A wie luͯczel wirt geſpart Sin lib wan in laſet an Wie recht er dar vnd dan Entwichet vnd kerett Die viande er ſchaden leret Jch ſach in ſtritten ſchone Da die Babilone Allexandrie loͯſen ſolten Vnd do ſy dannen wolten Den Roub triben mit gewalt Ander ſchumpfentúre Do begie der geh*gehúrre Mit ſinem lib ſoͯlichen tat Sin hercz fliechens dehein Rat Dar zu hort ich in nennen Man mocht in wol erkennen Das er den pris úber allu land Het allein zu ſiner hand Nun ſich echt wenne vnd wie Vnd fuͦge das er mir ſpreche zu Wir habent doch fride diſen tag Da von der held wol Ritten mag Har uff zu mir od̉er ſol ich dar Er iſt anders denne wir geuar Owe wan tette im daz nit we Das hett ich gern befunden E. Ob mirs die minen Riettent Jch ſolt im erre erbietten Geruchet er mir nachen Wie ſol ich in emphahen Jſt er mir dar zu wol erborn Das min kus nicht ſy verlorn Frowe er iſt fuͤr kunges kúnne erkant / Des ſige min lib genennet pfand Frowe ich wil úwren fúrſten ſagēn Das ſy Riche cleider tragent Vnd hie vor úch bittent Bis das wir zu im Rittent Das ſagent och úwren frowen gar Wan wenn ich hin wider var So bring ich úch den werdēn gaſt Dem ſuͯſzer tugent nie gebraſt Hartte lúczes des verdarb Vil behendenklich er warb Der marſchalk ſin̉er frowen bet Balde ward da Gahmuret Riche cleider dar getragen Die legt er an ſuſt hort er ſagēn Das die túrre werent Ancker die ſchweren Von Arabyſchem golde Lagen daruff als er wolte Da ſas der minen geltes lon Vff ein Ros das ein Babilon Gegen Im durch ſtritte reit Den ſtach er darabe daz waz im leit Ob ſin wirt *chticht ſandim gar Er vnd ſine Ritt̉er gar Ja das iſt war ſy ſind es fro Sy Rittent mit ein andren do Vnd erbeitzttent vor dem palas Da menik Ritter vffe was Die muͦſtent wol gekleidet ſin Sine kinder lieffent vor Jm In jE zwene ein andren and̉er hand Jr herre manig frowen fand Gecleidet wunnenkliche Der kúnginen Riche Jr ougen fuͦgtten groſſe pin Do ſy geſach den anſheuin Der was ſo minenklichen var Das entſchlos ir hercze gar Es werre ir lieb oder leid Das beſchos da vor ir wipplicheit Ein wenig ſẏ im engegen tratt Jr gaſt ſy ſich kúſſen bat Vnd v*engvẏeng in ſelber by der hand gegen den vianden an die wand Saſſencz indie venſter wit Vff einen gulter was ſemit Dar vnder ein weiches bette lag Jſt icht liechtter denne der tag Dem gelichet nit die kúngin Sy hat aber wiplich ſin Vnd was och anders Ritterlich *emDem towigen vngelich Nach ſchwarcz̉er varwe was ir ſchin Jr crone ein liechtter Rubin Jr hopet man wol dar durch ſach D*Dú wirtin zu irem gaſte ſprach Das ir lieb were ſin komen Herre ich han von úch vernomen Vil Ritterlicher wirdikeit Durch úwer zucht ſige úch nit leit Ob ich úch minen kumber clage Den ich nach in minem herczen trage Min helff frowe úch nit ierret Was úch werre od̉er wirret Wa das wenden ſol min hand Die ſy zu dienſt dar bewant Jch enbin nit wan ein enig man Wer úch tuͦt oder hat getan Da bút ich engegen minen ſchilt Die vigende wenig das beviltt Mit zúchten ſprach ein ſfurſte ſan Hetten wir einen hoptman Wir ſoͯlttent die vient wenig ſparn Sid fridebrant iſt hin gefarn Der loͯſet doͯrt ſin eigen land Ein kúng heiſſet hernant Den er durch herlinde ſchluͦg Des mage tuͦt im leid gnuͦg Sy wellent ſich ſin nit maſſen Er hat hie helde gelaſſen Den herczogen húttiger Des rat tet vns menger ſer Frúmt vnd *ſin geſelſchafftt Jr ſtrit hat kunſt vnd krafft So hat hie mengen ſoldir Von Normadie gatſchir Der wiſee tegen herre Noch hat hie Ritter mere Kaylet von hoſcuraſt Vil mengen zornigen gaſt Die bracht alle in das land Der ſchotten kung fridebrand Vnd ſiner genoſſen viere Mit mengem ſoldiere Doͯrſt weſter halben an dem mer Da lit Jſenharttes herr Mit flieſſenden oͯgen Offenlich noch tougen Geſach ſy niem̉er mer dehein man Sy muͦſſent Jamers wund̉er han Jr herczen Regen die gúſſe warb Sider an dem ſtrit ir herre ſtarb DEr gaſt zu der wirtine Sprach mit Ritt̉ers ſinne Sagt mir ob irs ruͦchent Durch was man ir ſo ſuͦchet Zornliche mit gewalt Jr habt vil mengen held bald Mich muͯt das die ſin verladen Mit vigenden haſſe nach ir ſchaden Dis ſage ich úch h̉erre ſid irs gert Mir dienet ein Ritt̉er der waz wert Sin lib waz tugēnt ein berrend Ris Der held was kuͯn vnd wis Der trúwe ein Recht berrende frucht Sin zucht was fuͤr alle fruchtzucht Er was kúnſcher denne ein wib Frecheit vnd ellent truͦg ſin lib So gevuͦchs an Ritter miltter hand Vor im nie úber alle land Jch enweis was mir ſo geſchechen Das laſſen ander lut iechen Er was gein vaſcher ge fúre ein tor Jn ſchwarcz̉er varwe als ich ein mor Sin vatter der hies Tankanis Ein kung der het och hochen pris Min frúnd der hies Jſenbart Min wiplicheit was vnbewart Do ich ſin dienſt nach mīnne empfie Das im nach froͯden nit ergie Des muͦs ich Jmer Jamer tragen Sy wenent das ich Jn ſchuͯff erſchlagēn Verratens ich doch luczel kan Wie mich ſin zichent ſine man Er was mir lieber denne Jn One geczug ich ides mútnút enbin Mit den ichs ſols beweren noch Die Rechtten warheit wiſſent doch Mine goten vnd och die ſine Er gab mir manige pine Nun hat min ſchamendu wibheit Sin lon erlangt vnd min leit Dem helde erwarb min magtuͦm An Ritterſchafftte mengen Ruͦm Do verſuͦcht ich ob er konde ſin Ein frúnd daz ward vil balde ſchin Er gab durch mich ſin harnas enweck das als en palas Doͯrt ſtat das iſt ein hoch geczelt :Unter der Zeile mit Bleistift 4/1*** notiert. Das brachttent ſchotten vff daz feld Jch wil úch von ir ſpiſe ſagen Die wart mit zuchtten fuͤr getragēn Man diennet Jm Richlich Ritt̉erliche Die kúnginne Riche Kam Stolczlich fuͤr ſinen tiſch Hie ſtuͦnd der Reigel doͯrt der fiſch Sy was dur das zu Jm hingefarn Vnd woltte ſelber das bewarn Das man ſin pfleg wol zefromen Sy was mit Junkfrowēn komen Vnd kniette nider das wazen leit. Mit ir ſelbes hand ſy ſchneit Dem Ritter ſin̉er ſpis ein teil Die frowe was irs gaſtes geil Sy bot im ſin trinken dar Vnd pflag ſin wol och nam er war Wie was geberde vnd ir wort Zu ende an ſins tiſches ort Saſſent ſine ſpilman Vnd anderhalb ſin kappelon Al ſchamend̉er an die frowen ſach Hartte blúklich er do ſprach Jch en han mich nit geniet Als erir mirs frowe biet Mins lebens mit ſoͯlichen erren Ob ich úch ſoltte lerren So were hút ſam an úch gegert Des pflegens des wer ich wert Schone werent ir nit harab gerittēn getar ich úch frowe des bitten So lauſt mich inder maſſe leben Jr habt mich erren ze vil gegeben Sy enwoltt och nit laſen Da ſine kinder ſaſzen Sẏ bat ſy eſſen vaſte Des bott ſy zerren ir gaſte Gar diſú Junckherlin Waurent hold der kúngin Dar nach die frowe nit vergas Sy gieng och da der wirt ſas Vnd des wib die Burgreffin Jr becher huͦb die kungin Sy ſprach la dir empfolchen ſin Vnſern gaſt die erre iſt din Darumb ich úch beidu man Sy nam vrlob die frow fuͦr von dan Aber wider fuͤr ir gaſt Des herczen truͦg ir minne laſt Das ſelben och ir von im geſchach Als ir ogen vnd ir hercze Jach Die muͦſſent mit ir pflichtte han Mit zuchtten ſprach die frowe ſan Gebiet herre was ir gert Das ſchaff ich won ir ſind des wert Vnd lant mich *úwer vrlob han Wirt uch hie guͦt gemach getan Des froͯwent wir vns úberal guldin waurent ir kerczſtal Vier liecht man dar uff truͦg Sy reit och da ſy fand gnuͦg Si enaſſen nit lenger do Der held waz trurig vnd fro Er frowte ſich daz mān im bot Erre in zwang ein and̉er not Das was dú ſtrenge minne Dú neiget hoche ſinne Die wirtin fúr an ir gemach Da nach vil ſchier das geſchach Man bete dem helden ſan Das ward mit vliſſe getan Do ſprach der wirt zem gaſte Nun ſoͯllent ir ſchlaffen faſte Vnd Ruͦwent hinnacht daz wirt úch not Wan er den ſinen das gebot Sy ſoͯlttent dannen kerren Des gaſtes Junckherren Der bette allumbe das ſine lag Jr hopt daran wan er des pflag Da ſtuͦndent kerczen harte gros Die brunent liecht den held verdros Das ſo lang was die nacht Jn brachtte dick in vnmacht Die ſchwaͯrczin moͯrin Des landes kúngin Er wand ſich dik als ein wid Das im erkrachettēnt gar ſin glid Strit vnd minne waz ſin ger Nu wúnſchent daz man in gewer Sin hercz gab von ſtos ſchal Wand es nach ritt̉erſchaffte qual Das begund dem Recken ſine brúſte beide erſchreken Als die ſenne tuͦt dem armbruſt Do was ze drate ſin geluſt Der herre ſunder ſchlaffen lag Vncz das er erkos den grawen tag Der engab denocht nit liechttēn ſchin Do woltt och da bereit ſin Zu der meſſe ein ſin kapelon Der ſant ſin bot zu im ſan Man truͦg im ſin harnaſch dar zu hant / Er reit da er tio=ſtierren vnd ſtrit fand Da ſas er an der ſtunde Vff ein ros das beidu kunde Hurtenklichen dringen Vnd ſchnellenklich ſpringen Ze recht ſo man es wider zoch Sinen ancker vff dem helme hoch Man In gen der portten fuͯren ſach Alda wib vnd man veriach Sy geſechent nye h̉erren ſo wunenklich Jr goͯtte ſoltten Im ſin glich Man fuͦrt och ſtarke ſper da bẏ Wie er geczimiert ſy Sin Ros von yſen truͦg ein tach Die was fuͤr ſchlege dar gemacht Dar uff ein ander dekin lag Ringe dú nit ſchwere wag Sin wappen Rok ſin kurſit Das was ein gruͯner ſemit Was ein gruͯnes achmardi Das wart gewúrk ze arrabi Dar nach lúge ich nyeman Sin ſchilt Riemen Was der dar zu gehorte Das was ein vnuerblichen porte Mit geſteine hartte tuͤre geluttret Jn dem fuͤre Was ſin bugel rot gold Sin dienſt nam der minne ſold Sin ſcharpffer ſtrit in Ringe wag. Die kúng*kúngin Jn dem venſter lag Da by ir ſaſzen frowen mer Nun ſechent doͯrt hielt och huͯttiger Alda im e der pris geſchach Do er diſen Ritter komen ſach Zu Im gelopierren hie Nun gedacht er wannen od̉er wie Kam dirre francos Jndas land Wer hat den ſtolczen har geſant Hett ich den fuͤr einen mor So were min beſter ſin ein tor Die doch von ſpringen nit beliben Jr ros mit ſporn ſẏ beide triben Vſſer dem walap indie rubin Sy tatent Ritters enllent ſchin Der tioſt ſy ein andren nit lugen Die ſpiſſen gegen den lúfftte *ſtuben Von des ſtolczen hútingers ſper Ouch faltt in ſin ſtrites ger Hinder das ros vff das gras Vil vngewent er des was Er reit vff in vnd trat in nider Des erholtt er ſich dicke wider Er tett werlichen willen ſchin Do ſtektte Jndem arme ſin Dú Ga*Gahmuretes lancze Des hieſch er fyfancze. ſchierheit. Sinen meiſter hat er funden Wer hat mich úberwunden :Schräger Strich mit Bleistift hinter der Zeile. Vnd menig tuͤrrer ſemit ⸿Suͯſſer man la mich die zit gehoͯrren wenne du wid̉er komeſt An minen froͯden du mir frumeſt Frow des en weis ich nit Jn welhem land man mich ſicht Wan war ich von uch kerre Jr habt nach Rittẻrs erre V́wer wirdekeit an mir geton Och haut mich der kúng gelon Als im min dienſt danken ſol Jch getrúwe úch des vil wol Das ir Jn deſter werder hat Wie doch mir min ding ergat Als vns die auentúre ſagt Do hat der held vnủerzagt Empfangen durch liebe krafft Vnd durch wipliche geſelſchafft Cleinendes tuſent mak*marke wert Wa noch ein Jud pfandes gert Er moͯchte es da fúr empfachen Es endoͯrfftt in nit v̉erſchmachen Das ſant im ein ſin frúndin An ſinem dienſte lag gewin Der wibe minne vnd ir gruͦs Doch ward im ſeltten kumers buͦſz Vrlob nam der wigant : Das Fehlen der Verse 12.26-12.20 ist möglicherweise auf eine Augenabirrung zurückzuführen, denn 12.15 und 12.20 weisen ein ähnliches Reimwort auf. Mit dehein̉er ſchlachtte gunſte zil Dem wart von im gedanket vil Es duch in mer denne guͦt Durch ſin zucht er nẏe gewuͦt Das es tetent vmbe recht Sin muͦt waz ebn̉er denne ſchlecht Wer ſelbe ſaget wie werd er ſy Da iſt licht ein vnglobe bẏ Es ſolttent die vmſeſzen iechen Vnd ach die hetten geſechen Sine werk das er frome were So globte man das mere Gahmuret der ſitte pflag Den Rechtte maſſe wid̉er wag Vnd ander ſchantze deheine Sin Ruͯme das was kleine Gros erre lidenklich er leid Der loͯſe wille in gar vemeit Doch wonde der gefuͦge Das yement crone truͦge Kung keiſer keiſerin Der maſſanie er woltte ſin Wan eines der die hoͯchſten hand Truͯge vff erde uber alle land Der wille in ſinem herczen lag Jm ward geſagt zu Baldag Were ein ſo gwaltig man Das Jm der erde vndertan Die zweẏ teil werent od̉er mer Sin nam heideſch was ſo her Das man in hies den Baruͦc Es hat an kreftte ſoͯlichen muͦt Vil kunge waurent ſine man Mit gekroͯntten liebe vndertan Da des Baruͦc Ampt hutte ſtette Secht wie man Criſtan E beget Ze Rome als vns der toff vergicht Heideſch orden man doͯrt ſicht doͯrt: Linie mit unklarer Bedeutung über r. Doppeltes r-Kürzel? Oder Supraskript für o? Ze baldag nemencz irn babſt Recht Es dunket ſy oͯn krumbe ſchlecht Der Baruͦc in fúr ſúnde Git wandels vrkúnde Zwene Bruͦder von Babilon Pompeius vnd yhpomidon Den nam der Baruc in Nyniue Das was als ir vordren E. Si tatten wer mit krefften ſchin Dar kam der Jung Anſchevin Jm ward der Barruc vil hold Ja nam mit dienſte alda den ſold Gahmuret der werde man Nun erlobent im das er muͦſe han / Ander wapen dan im den Jm Gandin Do im gab vor der vatt̉er ſin Der herre pflag mit gerēndēn ſitten Vff ſin dekin geſchnitten Ancker liecht hermin Da nach muͦſz och daz and̉er ſin Vff ſinen ſchiltt vnd and̉er waͯt Noch gruͯner denne ein ſchmark Was gebruͯffet ſin gereitte gar Vnd nach dem achmardi geuar Das iſt ein ſydelachen Darus hies er im machen Wappen Rock vnd kurſit Das iſt beſſer denne ſemit Hermin Ancker daruff genett Guldin ſeil daran getretgetreit Sin Ancker hettent nit bekort Ganczes landes noch landes ort Dene wauren ſy niendert Ingeſchlagen D̉er h̉erre fuͤrbas muͦſe tragen. Diſen waupenklichen laſt Jn mengú land der werde gaſt Nach dem Anker diſe mal Vander dehein̉er ſchlachtte twal Nyen der dehein̉er ſchlachte gebiette Wie vil er land durch Ritte Vnd Jn ſchimpffen vmbe fuͯrre Ob ich uch darnach ſchwuͯrre So ſaget vff minen eyd Min Ritterliche ſicherheit Als mir die Auenture gicht Jch han nunmer geczuges nicht Dú ſeit ſin manlich krafftt Behielt den pris ind̉er heidenſchafft Ze Marroch vnd zu perſia Sin hand beczaltt och and̉erſchwa Ze damaſch vnd ze halap Vnd wa man Ritterſchafftt do gab Ze arabye vnd vor arabye Das er was gen ſtrittes frẏe Von yeglichem einem man Diſen Ruͦff er gewan Sin herczen gir nach briſe greiff Jr aller tag vor in verſchleiff Vnd was vil nach entichtet Sus ward er ie berichttet Der gegen In Ioſtierens pflag Man Iach im das zu baldag Sin ellent ſtrebte ſund̉er wank Von dan fúr er gen zaſamant Jn das kúnig Riche Die clagtten alle geliche Jſenhartten der den lib Jn dienſte verlor vmbein wib Des zwang In Belacane Die ſuͯſze falſches eine Das im ir minne nie gebot Des lag er on ir minne tod Den Rechen ſine mage Offenlich vnd an d̉er lage Die frowen zwungent ſy mit her Die was mit allenhafftter wer DO Gamuret kom in ir land Das ir von ſchotten fridebant Mit groſem ſchiffes her verbrande / E das er dannēn wante Nun hoͯrrent wie vnſer Ritt̉er far Das mer Jn warff mit ſturme dar So das er kume ye doch genas Gegen der kungin palas Kam er geſigeltt in die habe Do wart er vil geſchowet abe Do ſach er vs an das veltt Da was geſchlagen menig zelt Al vmb die ſtat vnd gen dem mer Da lagent zweẏ krefftigu herr :Zwei schräge Striche mit Bleistift nach der Zeile. Do ſprach der Sigloſe man Der ſighafftte ſprach da ſan Jch Gahmuret Anſchevin Er ſprach min ſicherheit ſy din Do enpfieng er in vnd ſant Jn In Des muͦs er vil gepriſet ſin Von den frowen die daz ſachent Doͯrt her begunde gachen Von Normandie gatſchier Ein ellens richer tegen frier Der ſtarke tioſtierrer Hie hieltt och der gehúrre Gahmuret zer tioſt bereit Sin ſper was das yſen breit Vnd der ſchafftt feſte Hie wertent die geſte Ein ander vngelich es wag Gatſchier dar nider lag Mit Roſſe vnd mit alle Von der tioſt valle Ward er bezwugen ſicherheit Es were im lib oder leid Gahmuret der wigant Sprach mir ſichert úwer hand Die was mit ellenthafftt̉er wer Nun rittent gen der ſchotten her Vnd bittent ſẏ das ſẏ vns v̉erbern Mit ſtritte ob ſy des willen gern Vnd kert nach mir indie ſtat Was er gebott od̉er gebat Endehafftt das ward geton Die ſchotten muͦſztent ſtritten lon Do ſprach kaylett Mit dem kerte gahmuret Wan er waz ſin̉er muͦmen ſun Was ſolt er Jm do leides tuͦn Der ſpaniel ruͦff imnach genuͦg Einen ſtrus er vff dem hopt truͦg Geczimerieret was der man Das ich da von zu ſagnēn han Jn pfelle wit vnd lanc Das gewilde nach dem helde clank Sine ſchellen gabent gedoͯne Er bluͦme an mannes ſchoͯne Sin frowe an ſchoͯne behielt den ſtrit frowe:Am rechten Rand mit Bleistift zu varwe korrigiert. Vncz an zwen die nach *vͦchſent ſit Beakurs lotes kint Vnd parczifal die da nit ſint Die waurent dennacht vngeborn Vnd wurdent ſit fuͤer ſchone erkorn Garſchier In bẏ dem zome nam V́wer wilde wirt vil zam Das ſag ich vff die trúwe min Vnd beſtet ir den anſchevin Der minne ſicherheit doͯrt hat Nun ſoͯlt ir merken minen Rat Vnd dar zu herre min bett Jch han geheiſſen Gahmuret Das ich úch alle wende Das lopt ich ſiner hende Durch mich lat úwer ſtreben ſin Er tuͦt uch krafftt an ſtrite ſchin Do ſprach d̉er kung kaylet Jſt dis min neue gahmuret Fili roẏs gandin Mit dem las ich min ſtritten ſin Latt mir den zom ich enlas es nicht E min oͯgen alrerſt er ſicht V́wer bloſſes hobet Das mine iſt mir ertobet Den helm er im do abe hand Gahmuret mer ſtrittes fand Es was wol mitt̉er morgen do Die von der ſtat des waurent fro Die diſe tioſt erſachent Die begundent alle gachen An ir werliche lecze Er was vor in ein necze Was darund̉er kam was beſchlagēn Ein ander Ros hort ich ſagen Dar uff ſas der werde Das flog vnd Ruͦrt die erde Gerecht zu beiden ſitten Kuͯne do man ſoltte ſtritten Verhalden vnd drette Was er daruff tette Das muͦs ich im fuͤr alle Jechen Er reit das in moren muͦſen ſechēn Alda die da lagent mit ir her Weſterhalb doͯrt andem mer Ein furſte Razalic das hies Deheinen tag er niem̉er lies Der Richeſte von azagouc Sin geſchlecht in daran nit betrog Von kunges frucht was ſin art Der kerte yemer andie fart Durch tioſtierren fur die ſtat Da tet in ſin̉er krefftte mat Der held von anſchowe Das klegt ein ſchwercze frowe Die in hat dar geſant Das in da iement uber wand Ein knappe der bot ſund̉er bet Sinem herre Gahmuret Ein ſper dem was der ſchaff ein Ror Da mit ſtach er den mor hinders ros vff das gries Nicht lenger er in ligen lies Jn twunge ſicherheit ſin hand Do was das vrlug gelant Vnd Im ein groſſer bris geſchechen Gahmuret begunde ſechen Alhie wvanen ſchwumēn gen d̉er ſtat Die er vil balde wenden bat Den kuͯnnen ſigloſen man Darnach gebot er im ſan Das er kertte nach im Jn Das tet er wan es muͦſt ſin Catſchier ſin komen nit verlies an dem innen ward er geheies Das ſin gaſt was komen vs Das er nicht yſen iſt als ein ſtrus Vnd ſtarke vlinſe verſchland Das machet das er ir nit fand Sin mund begund limmen Vnd als ein loew brúmmen Do brach er vs ſin eigen har Er ſprach nun ſind mir mine Jar Nach groſſer tumpheit bewant Die goͯtte hattent mir geſant Einen kuͯnnen werden gaſt Jſt er uberladen mit ſtrittes laſt Sone wil ich nym̉er werden wert Was tog mir ſchiltt vnd ſchwert Er mag mich ſtellenſcheltten wer michs man Do kertte von den ſinen dan Gen dem tor er faſte ruͦrte Ein knappe in wider fuͦrte Einen ſchilt vſzen vnd inen dran. gemalt. Als ein durch ſtochen man GeworctGeworcht Jn Jſenharttes land Ein helm fuͦrt er Jnder hand Vnd ein ſchwert R*Razalic R*Razalic: R sieht anders aus als üblich. Eine Korrektur ist aber nicht eindeutig erkennbar. Durch ellend brachtt in den vic Da was er von geſcheiden Der kuͯne Schwartze heiden Sin lob was lang breit vnd wit Starb er oͯn toffe ſit So erbarme ſich uber den helden bald Der meng̉er wunden hat gewalt Do der BrBurgraue daz erſach So rechtt liebim nie geſchach Diſe waffen er kantte Hinus d̉er porten er Rante Sinen gaſt ſach er doͯrt haltten Den Jungen vnd nicht den altten Algerrende ſtritenlich̉er tioſt Do nam Jn lafiliroſt Sin wirt vnd zoch Jn faſte wid̉er Er ſtach do me deheinen nider Lafiliroſt ſchahtatela kunt Sprach herre ir ſult mir machen kunt Hat beczwungen úw̉er hand Ka*Kaczaligen. vnſer land Jſt kampfes ſicher ym̉er mer Er iſt ab allen moren here Des getrúwes Jſenhartes man Die úns den ſchaden hand getan Sich haut verendet vnſer not Ein zornig got indas gebot Das ſy vns ſuͦchttent mit ir her Nun iſt entſchupffieret ir wer Er fuͦrt in in das was im leit Die kunginne im engegen reit Sinen zom nam ſy in Ir hand Sy enſtriktte der fintelen bantband Der wirt Jn muͦſte laſſen Sine knappen nit vergaſſen Sy kerttent vaſt irm herren nach Durch die ſtat man fuͯrren ſach Jrn gaſt die kúnginen wis Der da behaltten hat den pris Si erbeiczte alda ſy es duchte zitt / We wie trúwe ſine knappen ſit / Jr wenent verlieſſen diſen man Jm wirt one uch gmach getan Nement ſin ros vnd fuͯrent es hin Sin geſelle ich die bin Vil frowen er daruffe fand Entwaupet mit ſchwarcz̉er hand. Wart er von der kúngin Ein decklachen ſidinzoͯbelin Vnd ein bette wol geheret Daran im ward gemeret Ein heimlich ere Alda was niement mere Junckfrowen giengent fúr Vnd ſchluſſen nach in die túr Da pflag die kunginne Einer ſuͯſſen werden minne Vnd Gahmuret ir herczen trut Vngelich was doch ir zweig̉er hut Si brachtent opffer vil ir goͯttergoͯtten Das von der ſtat was gebotten Dem kuͯnnen Razalige Do er ſchied von dem wige Das leiſt er mit trúwe Doch was ſin p*Jamr núwe Vmb ſinen herren Jſenhart Do der Burgraue das Jnen wart Das er kam do war ein ſchal Dar koment die furſten úber al Der kunge von zazamanc Vnd ſagtent Jm des priſes danc Den er hat alda beczalt Ze rechtter tioſt het er gefaltt Jn vier vnd zweniczig Ritt̉er nid̉er Vnd zoch ir ros aller meiſte wid̉er Da waurent gefangen fuͤrſten dry Den Reit manig Ritter by Ze hoffe vff den palas Entſchlafen vnd enbiſſen was Vnd wunderlich gefeit mit cleidern wol bereit Was des hoͯſten wirtes lib Die e was magt die iſt nun wib Die in herus fuͦrt an ir hand Sy ſprach min lib vnd min land iſt diſem Ritter vndertan Obes im die vinde wellent lon Da ward gefolget gahmuret Einer hofflichen bett Get nacher min herr Razalic Jr ſullent kúſſen min wib Alſo tuͦt ir min herr Gatſchier Hútte gern der ſchotten vier Bat er ſy kúſſen an iren mund Der was von ſiner tioſt wund Er bat ſy alle ſiczen Alſtende er ſprach mit wiczen Jch ſeche och gern den neuēn min Moͯcht es mit ſinen hulden ſin Wer in hie gefangen hat Jch enhan vor ſippe dheinen Rat Jch enmuͦſze in ledig machen Die kúngin begund lachen Sy hies bald nach im ſpringen Doͯrt her begunde dringen Der minnekliche beakunt Der was von Ritt̉erſchefftte wunt Vnd hett es ouch da vil guͦt geton Batſchier der norman bracht in er was kurtays Sin vatter was ein franzoys Vnd was kayletes ſchweſter barn Jn wibes dienſte er was gefarn Er hies kalliriakac Aller ſchoͯne er d̉er manēn er wid̉er wac DO in Gahmuret erſach Jr antlit zu ſippe jach Die waurent ein and̉er vil gelich Er bat die kúnginnen Rich Jn kúſſen vnd fachen zu ir Er ſprach nun gang och har zu mir Der wirt in kuſte ſelbe do Sy waurent zu ſechent ein and̉er fro Gahmuret ſprach aber ſan Owe Jung ſuͯſſer man Waz ſoltu har din kranker lib Sag an gebot dir daz ein wib Die gebiettent wenig h̉erre mir Mich hat mit veter Gatſchir Her bracht er weis wol wie Jch han Jm tuſent Ritt̉er hie Vnd ſten im dienſtlichen bẏ Ze koͯnis In normendẏ Kam ich zer ſamnunge Jch bracht Jm helde Junge Jch durch ſchampānge durch Jn Nun wil kunſt vnd ſin Der ſchade an Jn keren Jrn weltt úch ſelber eren Gebiet ir ſo lat in min Genieſſen Senften ſine pin Er ſprach den Rat nim gar zu dir Var du vnd min herr Gatſchir Vnd bringent mir kaylatten her Do wurbent ſy des heldes ger *Sy brachttent in nach ſin̉er bet Do wart och er vnd gahmuret Vil minenklich empfangēn Vnd dick vm*vmbe fangen Von der kúnginnen Rich Sy kuſte den tegen wunnēnklich Sy mocht es wol mit erren tuͦn Er was ir mannes muͦmen ſun Vnd was von arde ein kung her Der wirt ſprach lachende mer Gotte weis her kaylet Ob ich uch neme delet Vnd úwer land Spange Durch den kung Saſcange Der uch tuͦt mit zornes gir Das were ein vnfuͦg an mir Jr ſind doch min̉er muͦmen kint Die beſten hie mit úch ſind Der Ritterſchafftte herte Wer zwang uch dirre verte Do ſprach der ſtolcze tegen Jung Mir gebot min vetter Schiltunc Des tochtter fridebrant do hat Daz ich im dient es werre ſin Ratt Des morgens vor der veſte Rumtent da die geſte Sich ſchiedent die da wauren Vnd fuͦrent mengen baren Das feld herbergen ſtuͦnd alblos Wan ein geczeltt das was gros Das hies der kung ze ſchiff tragēn Dem volcke er da begund ſagen Er woͯlt es fuͯrren in azagouc Mit der red er ſy betrogc Das was der kuͯne ſtolcze man Vncz er ſich vaſte ſennen bgan Das er nit Ritterſchaffte fand Des waz ſin froͯd ſorgen pfand ye doch was im das ſchwarcze wib Lieber denne ſin ſelbes lib Es enward nie wib geſchikt bas Der frowen hercze *nie vergas Jm fuͦr ein werde volge mit An rechtter kúnſche wiplich ſit Hie zucht Gahmuret úber mer Von ſin̉er frowen die was ſchwang̉er worden / vnd wie im ward der adamas en ſchwert zwo hoſſen / ZE Sẏbile vs der ſtat Was geborn den er bat Dannen kerens ze ein̉er wile Er hat vil menge mile Da vor gefuͦret er brach indar Er was nit als ein mor gefar Der marner wiſe Sprach ir ſúltt es heln wiſe och linſe Vor den die tragent daz ſchwarcze fel Mine koken ſind ſo ſchnel Sy en mugent vns nit genachen Wir ſullent von hinn*hinnan gachen Sin gold hies er ze ſchiffe tragen Nun muͦs ich úch von ſcheiden ſagen Die nacht fuͦr dan der werde m*man Das ward verholne getan Da er entran dem wibe Do hat ſy in Jr libe Zwoͯlff wuchen lebendig ein kint Vaſte ierret Jn da der wint Die frowe in Jr buttel fand einēn brieff den ſchreib ir mānnes hand Jn franzoys das ſy konde Die geſchrifftt die ir ſagen konde Hie enbúttet Lieb ein and̉er lieb Jch bin dirre verte ein dieb Die muͦs Jch dir durch Jam̉er ſtellen Jch enmag dir frowe nit verheln Werre din orden Jn min̉er E So were mir ym̉er nach dir we JCh han ſuſt iamer nach dir pin JCh:Jsteht ein wenig vor der Zeile. Werde vnſer zweyer kindelin An dem antlút einem man gelich Des ward der wirt ellent Rich Er iſt geborn anſchwoveanſchwowe Die minne wirt ſin frowe So wirt aber er anſtrit ein ſchúr Den vianden herter nach gebur Wiſſen ſol der ſunne min Sin an der hies d*gaudin Der lag an Ritterſchafftte tod Des vatter leid die ſelben not Der was geheiſſen adancz Des ſchilt beleib ſeltten gancz Vnd was von arde ein briton Er vnd vtpandragun Waurent zweyer bruͦd̉er kind Die beidú hie geſchriben ſind Das was einer lazalies Brikuͦrs der ander hies Der zweỷer vatt̉er hies Maradon Den fuͦrt ein feimorgon Dú hies der dalaſhoẏ Von Jn zwein kam daz geſchlechtte min Daz ym̉er git liechtēn ſchin. Jegſlicher ſider krone truͦg Vnd hettent wirdikeit gnuͦg Frowe wiltu toffen dich Du macht noch wol erwerben mich Des gert ſy keinēn wandel nicht / Owe wie bald das geſchicht Wil er mir wider wenden Vil ſchier ſol ichs enden Wem hat ſin manlich zucht Verlaſſen ſine frucht Owe lieplich geſelſchafftt So mir nu Rúwe mit krafft ymer zwingen minen lib Sinem got ze erren ſprach daz wib Jch mich gerne toffen ſoltte Vnd leben wie er woltte Jr Iamer gab *ir*irm *herczen dik Jr froͯde fand den dúrren zwik Als noch die durteltube tuͦt Die het ye den ſelben muͦt Wen ir an trutſchafftt gebraſt Jr trúwe kos den duͯrren aſt Die frowe an Rechtt̉er zit genas Eins ſuns der zweig̉er farwe waz An dem got wund̉ers ward in ein ward: Punkt über a vermutlich nur durchscheinende Tinte. Wis vnd ſchwarcz farwe an Im ſchein Die kúngin kuſt in ſunder twal Vil dick an ſin wiſes mal Die muͦtt̉er hies ir kindelin Ferefeis anſchevin Der ward ein waltſchwede Die tioſt zu ſin̉er hende Vil manig ſper zerbrechen Die ſchiltte gar durchſtochen Als ein algeſter wart gewar Sin har och ſin fel vil gar Nun was es och úber des Jares zil. Das gahmuret ge=priſſet vil / Was von denn ze Zaſamanc / Sin hand da ſignuſt errank / Denacht ſchwebe er vff dem mere Die ſchnellen wind tattent Jm we Einen ſidin ſegel ſach er Rotten Den truͦg ein kocken vnd die botten Die von Schotten fridebrand Frow Belacanen het geſand : Umblätterzeichen links neben der Spalte in Tinte. Von alter Hand? Ob einem hemde das was blank Von ſchowen ward do gros gedank Wie dicke da gefraget wart Wer der Ritter were oͯn bart Der fuͦrtte alſo hoche Richeit Schiere ward das mer bereit Sy ſagtencz in fúr vnerlogen Do beguncz úb̉er die bruge zogen Von dem liechten ſchin Ander volick vnd die ſin Der vor der kúngīnnen ſchein Der zuktte im nebent ſich ſin bein Vff richtte ſich der tegen wert Recht als ein fed̉erſpil daz da gert Die herberge ducht in guͦt Alſo ſtuͦnd des helden muͦt Sy doltt och wol die wirtin Von waleis die kungin Nun v̉ernam d̉er kung von ſpange Das vff dem leuplange Stuͯnde ein geczelt des galgahmuret Durch des kuͯnen Razaliges bet Bleip vor petalamunt Das tet Jm ein Ritt̉er kunt Do fuͦr er ſpringende als ein tier Vnd was der froͯden ſoldir Der ſelber Ritter aber ſprach V́wer muͦmen ſun ich ſach Komende als er E was fier Es ſind hundert banier Ze einem ſchiltte vff gruͯn felt Geſtoſſen fuͤr ſin Rich geczelt Die ſint och alle gruͯne Ouch hat der held kuͯne Vff yeglichem zindal Jſt er geczimiret hie Awoẏ ſo ſol man ſchwenſchowen wie Sin lip den don poynder Jrret Wie ers mit hurtte wirrett Der ſolcze kúng hardis Der het mit zorne ſinen flis Nun lang faſt an mich gwant Den ſol hie Gahmuretes hant Mit ſiner tioſt neigen Min ſelde iſt nit der veigen Sine botten ſant er ſan Da Gatſchier der norman Mit groſſer maſſnie lag Vnd der liechtte kylliriakac Die waurent da durch ſine bett Dem pauelun ſi mit kaylet Fuͦrent mit geſelſchafftt Do empfiengent ſy mit liebe krafft Den werden kúng vōn zaſamanc Sy ducht ein beitten gar zu langk Das ſy in nit E geſachen Das ſy mit trúwen Jachent Da fragt er ſy der mere Wer da Ritt̉er were Do ſprach ſin̉er muͦmen kint Vs verrem lande hie ſint Ritter die dú minne Jagt Vil kuͯnner helde vnuerczagt Hie hatt mengen Britun Roys vſpandagrun Ein mere in ſtichet als ein dorn Das er ſin wib hat verlorn Die Artus muͦtter was Ein pfaffe der wol zober waslas Mit dem die frowe iſt hin gewant Es iſt nun Jm dritten Jar Das er ſun vnd wib fuͤr war Hie iſt och ſiner tochtter man tochtter: Tintenfleck über dem ersten t. Der vil mit Ritterſchafftte kan Lot von norwege Ge in wiſzheit der trege Vnd der ſchnelle gein dem priſe / Der kuͯne he*held wiſe Hie iſt och gawandes ſun So krank das er es nit macht getuͦn Ritterſchafftt deheine Er was by mir der cleine Vnd gicht moͯcht einen ſchafftt Zerbrechen. troſt indes ſin krafft Er worcht gern Ritters tat Vil fruͦ es ſin ger begūnnen hat Hie hat der kung von partigal Von ſpern einen ganczen wald Des fuͦre iſt widen den einēn wint Die von portgal hie ſint Die heiſſen wir die frechen Sy wellent durch ſchilte ſtechen Hie habent die prouenczale Schiltte wol gemale Hie ſint *die waleiſe Das ſy behabent ir reiſe Durch den pondir wa ſis ger̄nt Von d̉er craft ir landes ſy des wernt Hie iſt manig Ritt̉er durch die wib Des nit bekennēn mag ſin lib Wan die ich dir hie genomet han Wir ligent mit warhet ſund̉er wan Mit groſer fuͦre inder ſtat Als vns die kunginne bat Jch ſag dir wer zu felde liget Die vnſz wer vil ring̉er wiget Der werde kung von aſcalon Vnd der freche gkúng von aragon Da iſt Cidegaſt von Orligeis Vnd der kúng von puͦntuͦrteis Der heiſſet Brandelidelin Da iſt och der kung lechelin Da iſt morholt von yrland Der brichet ab vns gebú pfand Da ligent vff den plange Die ſtolczen alimange Der herczog von Brabant Der iſt geſtrichen indas land Durch den kung hardyſen Sine ſchweſter alyzen Gab im der kung von gaſton Sin dienſt her vor empfangen lon Die ſind mit zorne hie ge mir Nun ſol ich wol getrúwen dir Gedenk an die ſippe din Durch Rechtte liebe warte min Do ſprach d̉er von zaſamānc Dú darff mir wiſen keinēn dank Was dir min dienſt hie ze erren tuͦt / Wir ſúllen haben einēn muͦt Stet din ſtrus noch ſund̉er neſt Du ſoltt din ſarbandrateſt Gen ſinen halben griffen tragen Min ancker vaſt wint geſchlagēn Durch lenden in ſins poynders huͯrt Er muͦſe ſelber ſuͦchen furt Hinderm ros vff dem grieſe Der vns zu *ſamen lieſe Jch faltte In od̉er er faltte mich Der wer ich an den trúwen dich Kaylet ze herberge reyt Mit groſen froͯden ſund̉er leit Sich huͦb ein krogieren Von zwen helden fieren Von poitoͯwe Schielarcz Vnd gurnomanz de G*Graharcz Die tioſtiertent vff dem plan Sich huͦb die veſperie ſan Hie Rittent ſechs doͯrt wol drẏ Den fuͦr vil licht ein torpel by Sy begundent Rechtte Ritten*Ritters tat Des waz echt dedo dehein and̉er Rat Es was dennoch wol mitt̉er tag D̉er herre In ſinem geczelt lag Do frieſch der kúng von zaſmanc. Daz pondir wit vnd lang Ze velde waren worden Als nach Ritters orden Er huͦb och ſich des endes dar Mit meng̉er banier liechtte var Er kert ſich nit an geche geſchechēn Er wolte muͦſſenklich ſechen Wie es zu beider ſitt da wer geton Sin tepped legte man vff den plan Da ſich die poynder wurren Vnd die Ros von ſtichen kurren Von knappen ward vmb in ein Ring Da bẏ von ſchwertten klinga cling Wie ſy nach priſe Rungen Der clingen alſus clungen Von ſpern waz gros krachen da Man dorfftt meinēn fragen wa Poyndie waurēn ſine wende Die worchttent ſine hende Duͯ Ritterſchafftt ſo nahen was Da dú frowen vff dem palas Sachent der helden arbeit Da was der kúnginen leit Das ſich der kúng von zaſamanc by den andren da nit tranc Sy ſprach owi war iſt d̉er komen Von dem Jch wn*wnd̉er han vernomēn Es ward da hart guͦt geton Von mengēm kuͯnen armēn mān Die doch der hoͯche gertēn nicht Des der kuͤnginnen zil vergicht Jirs libes noch ir lande Nun was och Gahmurtes lib Jn harnaſche da ſin wib Wart eine ſuͦne by gemant Das er von ſchotten fridebant Ze geltte ſantte fúr irn ſchaden Mit ſtritte hat er ſy beladen Vff erde nicht ſo guͦttes was Do ſchowt er den Adamas Daz waz ein helm daruff man band Ein ancker da man Jnne erkand Verwierret Edel geſteine Gros nicht ze cleine Das was ye doch ein ſwer̉er laſt Geczimieret ward der gaſt Wie ſin ſchiltt gehert ſy Mit golde von arabẏ Ein Riche bugel daruff geſchlagēn Schwere die er muͦſe tragen Dú gab von Roͯtte ein ſolichs brechen Das man ſich dar Jnne het erſechen Ein Zoͯbelin Ancker drunde Mir ſelber ich wol gunde Das er het an dem lib gegeret Wan es was meng̉er marke wert Nun was och roys de franze tod Des wib in dick in groſe not Brachtte mit Jr minne Dú werde kúnginne Het nach im dar geſant Ob er noh wider indas land Werre komen von der heidenſchafftt Des zwank ſẏ groſe liebu krafftt Sin wappen Rok was zu maſſe wit Jch wenn deheinne ſitt Jemen zu ſtritte fuͦrtte Sin lenge den tepped Ruͦrtte Ob ich gepruͯfen konde Er ſchin als ob er brunne By der nach als ein groſes fúr Verblichen varwe waz im túr Sin glaſt die bliken nit v̉ermeid Ein bloſſes och ſy daran v̉erſchneid Mit golde er gebildet was Das zu montange kankaſas Von einem velſe zarten Griffen cla die es da bewarten Vnd es noch hútte alda bewarnt Vor arabie lúte varnt Die erwerbent es mit liſten da So túwes iſt nyendert and̉er ſchwa Vnd fuͦrencz wider deza aribi Da man die grúnnen achmardi Wúrket von pfelle rich Ander waut iſt der vngelich Den ſchilt nam er zu halſe ſan Hie ſtuͦnd ein ros wolgetan Gampent vaſt vnz vff den fuͦs. Hie Ruͦffent garczunge Ruͦffa Ruͦs. Sin lib ſp*ſprang daruff won ers da fant Vil ſtarker ſper er da fand Die vertett des heldes hand Mit hurte verſchwande DieDẏe ponnderpoẏnder er zertrande Siner durch anderthalben vs Dem ancker volgt nach d̉er ſtrus Gahmuret ſtach hinder Ros Poytewinen von prien laiors Vnd ander werde man An den er ſicherheit gewan Sus ſo gekrúczeter Ritt̉er reit Die genuſſen des heldes arbeit Die gewunnēn ros gas er Jn An Jm lag ir gros gewin Gelicher baniere Man fuͦrtte nach im viere Kuͯne Rotten Ritten darunde Jr herren ſtriten kone An iegſchlicher ein griffen zagel Vnd des hind̉er teil och waz ein hagel Ein Ritterſchafftt des warren die Das vorder teil des griffen hie Der kúng von Gaſcon truͦg An ſinem ſchilt ein Ritt̉er kluͦg Geczimiert was ſin lib Als wol gepruͯffent kunent die wib Der nam ſich vor den andren vs Do er vff dem helm ſach den ſtrus Der anker kam doch vor an Jn Do ſtach in hinders ros doͯrt hin Der werde kung von zaſmantzaſamant Vnd vieng Jn do ward gros gedankt Hoͯche fúrhe ſchlecht getennet Mit ſchwertten vil gekennet Da ward verſchwendet d̉er ward Vnd menig Ritt̉er abgefald Sy wunden ſich ſuſt hort ich ſagēn Hin an den ort doͯrt hieltten zagēn Der ſtrit waz wol ſo nachent Das gar die frowen ſachent Wer da mit pris ſoltte ſin Der minne gerende Riwalin Von des ſpern ſnitte ein niwe leis Das was der kung von Lohneis Sin húrtte gaben kraches ſchal Morholtt inen einen Ritter ſtal Vſſerm ſatel er in fúr ſich huͦb Das ein vngefuͦger vͦb Der hies kylyriakat Von dem hett der kúnig lat Da vor empfangen ſoͯlichen ſold Den der vallande vff d̉er erde hold Vnd hecz och da vil guͦtz getan Do luſte diſen ſtarken man Das er Jn zwunge one ſchwert Alſus vieng er den tegen wert Hinder Ros ſtach kaylites hand Den herczogen von Braband Was teten die ſin Der fuͤrſte der hies lammekin Sy beſchuttent Jn mit ſchwerten Die helde ſtrittes gerten Do ſach der kúng von Aragun Den altten vtpandragun Hinders ros vff den plan Den kung von Britigan Do ſtuͦnd da bluͦmen vil vmb Jn We wie gefuͦg ich bin Das ich den werden BaBritanẏs So ſchone lege vor kanvoloẏs Da nie getrat vilans fuͦs Ob ich úch rechtte ſagen muͦs Noch lichtte nyem̉er da geſchicht Er endorfftt ſin geſeſſen nicht Vff dem ros da er E ſas Nit neleng̉er man ſin da v̉ergas Jn beſchuttent die da ob im ſtritten Da ward gros hurtten nit v̉ermittēn Do kam der kúng puͦntuͦrteis Der ward alhie vor Ranuoleis Gefellet vff ſin Roſes ſchlag Das er dar hinder da gelag Das tet der ſtolcze gahmeret Wetta herre wetta wet Mit ſtritte wurdent ſy gewetten Sin̉er muͦmen ſun kayletten Die viengen puͦnpuͦrteiſe Do ward vil Ruch die Reiſe Do der kung brandidelin Ward geczuket von den ſin Einen andren kúng ſy fiengēn Hie lieffen vnde giengen Manig werd̉er man in yſen wat Den ward do geblúwt ir brat Mit ſchwerten vnd mit kúlen Jr fel truͦg ſchwarcze búllen Die held gehúrre Da erwurbent quaczúrre Jch ſage úch es nit von weche Da ward die Ruͦwe ſchmeche Die werdēn zwang die minne dar Vil mengen ſchilt wol gefar Vnd mengen geczmierten helm Das ta*tag was werden melm Das feld ettwan gebluͯmet waz Da ſtuͦnd kurcz gruͯne gras Da fielent vff die werden man Den die erre ein teil waz getan Min gir kan ſoͯlich wunſche doln Das ich ye geſeſſen vff den foln Da reit der kúng von zazamanc Her dan da in niemen tranc Nach einem Ros gdaz geruͦwet waz Man band im ab den adamas Nit won durch des windes lufftt And̉ers durch deheinēn luſt Man ſtraff im das her ſin̉er. Sin mund was Rot vnd fier Sin wib die e genemet han Alhie kam ein ir kappilan Vnd clein̉er Iunckh̉erren drẏ Den Rittent ſtarke knechtte bẏ Zwen ſoͯmer giengent an ir hand Die botten hat dar geſant Die Kungin amfilise Jr kapplan was wiſe Vil ſchier kant er diſen man Jn franczoys er Jn gruͦſſen gan Benſavew beaſir Benſavew: Zeichen über w. Könnte ein er-Kürzel sein. Eventuell handelt es sich auch nicht um ein w. Miner frowen vnd mir Das iſt Ryon de frānncze Die Rúrtte der minne lancze Dem held gab er indie hand Einen brieff daran er gruͯs fand Vnd ein cleines vingerlin Das ſol ein woczeiche ſin Wan es empfieng ſin frowe Von dem anſchowe Er neigt do er die geſchriffte ſach Nun mugt ir hoͯrren wie die ſprach / ir:Vermutlich Ligatur von iundr. Dir enbút mīnne vn̄d gruͦs Min lip demme ward kumb̉ers buͦs Sid ich diner minne enpfand Din minne iſt ſchlos vnd band Mins herczen vnd des freude Din minne tuͦt mich toͯden So mir din minne verren So muͦs mir minne weren Kum wid̉er nim von min̉er hānd Krone zeptter vnd min land Das iſt mich an erſtorbēn Das hat din minne erworbēn habe dir ze ſoldimente Die Richen preſentie Jn dem ſo vier vmſchrin Du ſolt och min Ritt̉er ſin Jn dem land zu valeis Jn der hoptſtat zu kanvoleis Jch enruͦch ob es die kungin ſicht Es mag mir vil geſchaden nicht Jch bin ſchoͯn̉er vnd Richer Vnd kan och mīnnenklicher Mīnne empfachen vnd mīnne gben Wiltu nach werd̉er mīnne leben So habe dir min crone Nach minne zu lone An diſem brieff er nit me fand Sin helm eins knappen hand Wider vff das haupt zoch Gahmureten trurren floch Man band im vff den adamas Der dick vnd hertte was Er wolt ſy arbeitten Die betten hies er leitten Durch ruͦwen vnders geczelt Wa gedreng was an dem feld Da macht er ain Rum Durch ſin̉er frowen bottun Dirre verlos der gewan Da moch ſich erhon ein man hett er verſumet ſinen tac Hie was ſchlag wid̉er ſchlac Sy woltten tioſtieren Doͯrt mit Rotte punieren Sy geloptten ſich der ſchlichte Die man heiſſet frúndes richtte Heimlich gefatterſchafftt Ward da geoͯgt mit zornes kraff Da ward die krumbe ſeltten ſchlecht Man ſprach da wenig Ritt̉ers Recht Wer icht gewan der habt im das Er enruͦchtte hett er der andren has Sy waurent vſz mengen landen Die da mit ir ſelbs handen Schilttes Ampt worchtent Vnd ſchaden wenig forchtent Do ward och da von Gahmuret geleiſt amflẏſen bett Das er Jr Ritter were Ein brieff ſeit im die mere Avoy do ward er verlazen an Ob mīnn vnd ellend indes man Gros liebú vnd ſtarku trúw Sine krafftt in frumpt al núw Nun ſach er wa d̉er kúng lot Sinen ſchiltt gegen den h̉erren bot Der was vmbe nach gewant Des werte Gahmuretes hand Mit hurtte er den poynder brach Den kúng von aragun er ſtach hinders Ros mit dem Ror Der kung hies ſchafillor Das ſper waz ſund̉er panir Da mit er faltte den tegēn fier. Er bracht es von der heidenſchafftt Die ſinen wertten In mit krafft J*Ẏe doch fieng er den werdēn man Die Jnren taten die vſſren ſan Vaſt Rittende úber feld Jr veſpere gab ſtrites gelt Es moch ſin ein turneẏ Wa da lag vil der ſper enzweẏ Do begunde zúrnen lechelin Sullent wir ſuſt enterret ſin Das machet der den anker treit V́nſer yettwedr̉er den andren leit Noch hút da er vnſaſte liget Sy hand vns vil nach angeſiget Jr hurtte gab in hurtes vil Da gieng es vſſer kindes ſpil Sy worchttent mit ir hendēn Das den wald begund ſchwendēn Dis was gelich ir beider ger Sper an ſper ſpera ſper Do muͦſt dulden lechelin Einen Schemlichen pin Jn ſtach der kung von Zazamanc Hinders Ros wol ſperes lang Das indas ror geheffttet was Sine ſicherheit er an ſich las Doch aͯſe ich ſanſſter ſuͯſzen bri Wie die Ritter vor im nit ſind fry Den kryeg da vil menger wielt / Wer ye gegen ſinen Ioſtieren hieltt Hie kumt d̉er ancker fya fẏ Engegen kam Im gehúrttet bẏ Ein fuͤrſte vſz anſchowe Dú trúwe was ſin frowe Mit vffgekertt̉er ſpicze Das lert in Jamers wicze Die wappen er kande Darumb er von Jm wande Weltt ir ich beſcheid uch dasdes Sy gab der ſtolcze Galoes Filyroys Gaudin Der vil getrúwe bruͦd̉er ſin Da vor im E die mīnne erwarb Das er an ein̉er tioſt erſtarb Man band im ab ſinen helm Weders gras noch den melm Sin ſtreit da nit mere bante Gros Jamer in des mante Mit ſinen ſinen er dachte Warumb er nit fragte Kaylitten ſin̉er muͦmen ſun Was ſin bruͦder woͯltte tuͦn Das er nit turnierte hie Wone wuſt er leider nit wie Er ſtarb vor manchori Da vor waz im ein kumb̉er bẏ Den Riet die werde minne Einer Richen Kúnginen Dú kom nach im ſid in not Sy lag anclagenden trúwe tot Gahmuret waz och mit clage. Doch hat er in dēm halben tage. Gefrumt ſo vil der ſper enzwẏ Werre worden der turnaẏ So were verſchwindet d̉er walt Geferwet Jm hund̉ert warrt geczalt Die gar wer tett der frye Sin liechtte baniere Worrent den grogierer worden Das was wol in ir orden Do kert er gen dem pauelin Der kúnnigen garſin Huͦb ſich nach vff der fart Der túrre wappen rok truͦg Jm ward D*Durch ſtochen vnd zerhowen Den truͦg er fuͤr die frowen Der was von golde denocht guͦt Vnd glaſte als ein gluͯende gluͦt Dar an kos man Richeit Do ſprach dú kúngin gemeit Dich hat ein werdes wib geſant by diſem Ritter indas land Nun mant mich die fuͦge min Das die ander nit v̉erkenket ſyn Die dú Auentúre bachtte dar Jeglicher nom mins wnſches war Sy ſind mir alle ſippe Von Adams Rippe Doch meine ich Gahmủretes tat Den hoͯchſtēn pris erworbēn da hat Die andren tatten Ritt̉erſchafftt Mit ſo gewantt̉er zornes krafft Das ſis wieltten vncz in die nacht Die Jnren hettent die vſzren bracht Mit ſtrit vncz an ir pauelun Wan der kung von aſcalun Vnd Morolt von Jrland Durch die ſchnuͯre in were gerant Da ward gewunēn vnd verlorn Grug hatten ſchaden erkorn Die andren pris vnd erre Nun iſt zit das man ſy kere Von ein andren nyemet da geſicht Sine enwert der pfandes lichtes nicht Wer ſoltt och vinſterlichen ſpiln Es moͯcht die muͯden doch beuilchn Der vinſter man vil gar v̉ergas Do min herr Gahmuret doͯrt as Als es werre tag des en waz es nicht Da waurēnt aber vngefuͦge liecht Von cleinen kerczen manig ſchob Geleit vff albome loup Vnd menig gultter Riche Da fuͤr menig tepich bereit Die kúngin an die ſchnuͦre Reit Mit liechtten Junckfrowen So woltten gerne ſchowen Den werden kúng von zaſmanc Vil muͯder Ritter nach im drank Dú tiſchlachen wauren abge=nomen. E ſy vnd̉ers pauilun werren komen. Der wirt ſprang vff vil ſchier Vnd gefangn̉er kung vier Den fuͦr och ettlich fuͤrſten mitte Die empfieng er mit mit zuchtte mitte Er geu*geuiel ir wol do ſy in geſach Dú kungin mit froͯden ſprach Jr ſint hie wirt da ich úch fand So bin ich wirtin úbers land Geruͦchen irs das ich úch kúſſen ſol Es iſt mit minem willen wol Er ſprach úwer ſkus ſol weſen min Mugent diſe herre gekúſſet ſin Sol kúng oder fuͤrſt des enbern So getar ichs von uch nit gewern Sy ſprach das ſol och geſchehen Jch enhan ir deheinen e geſechen Sy kuſte alle die es waurēn wert Des het gahmuret gegert Er bat ſiczen die kúngin Min herr Brandelidelin Mit zuchtten zu d̉er frowen ſas Gruͯne binze von towe nas Dúnne vff dem tepich waz geſtroͯvt Daruff ſas des ſich hie froͯwt Die werde walaſſine Sy twang y doch ſine ſinne Er ſas vor ir ſo nache nider Da ſy in begreiff vnd zoch in wider Anderthalb an ir lib Sẏ was ein maget nit ein wib Die Jn ſo nachen ſiczen lies Nun mugent ir hoͯren wie die hies Die kúngin herczelaude Vnd ir baſe Ritſchaude Die het der kúng KaylerKaylet Des muͦmen ſun waz gahmuret Frow herczelaude gab den ſchin Werren gar erloſchen die kerczen ſin Da were doch liecht von ir gnuͦg Wan daz gros Jamer vnd̉er ſchluͦg Die hoche an ſin̉er froͯde breit Sin minne wer ir wol bereit Sy ſprach gruͦs nach zúchte kuͤr By ein̉er wille giengen ſchenken fúr Mit geczierde von argavo Daran gros Richart nyeman trog Die truͦgent Junckh̉erren In Es muͦſſent tuͤrre nepffe ſin Von Edlem geſteine Wit nicht zu kleine Sy waurent alle ſund̉er gold Das was des lands zinſes ſold Den Jſenhart vil dike bott Frow Bellaconen fuͤr groſſe not Man bott Jn das trinken dar Jn mengem ſteine wol gefar Smaragden vnd ſardin Eczlicher was ein Rubin Fúr das pauelun do Reit zwen Ritt̉er vff ir ſicherheit Die wauren hnus gefangēn Vnd koment dar in gegangen Das was einer kaylet Er ſach den kung Gahmuret Siczende als ob er were vnfro Er ſprach wie gebareſtu ſo Din pris iſt och da fur erkant Frow herczelaude vnd ir lant Hat din lib errungen Des Jechent dir gar die Zungen Es ſy britiſch oder iriſch man Oder wer hie welſch ſprechēn kan Franzoys oder Brabant Die Jechent vnd volgent din̉er hand Das dir an ſo gewanttem ſpiln Geliche nyement mugen gezeln Des lis ich hinne den wauren brieff Din kraff mit ellent da nit ſchlieff Da diſe helden komen Jn not Der hand nie ſich̉erheit gebott Der ſtolcze Brandeldelin Hardis vnd ſchaffillor Owi wie Razalic der mor Dem du vor pandele*pandelemunt Taͯtt och ſicherheit kunt Des gert din pris an ſtrite Der hoche vnd d̉er wite DJn frow mag wenen das du tobiſt. Sid du mich alſo vor ir lobiſt Du macht mich doch v̉erkoffen nit Wan ettwar wandel an mir ſicht Din mund iſt lobes ze vil v̉ernomen Sag echt wie biſtu wid̉er komen Dú werde diet von puͦntuͦrteis Hat mich von diſen ſchampnanis Ledig gelazen úber al Mocholt der min nefen ſtal Von dem ſol er ledig ſin Mag min herr Brandelidelin Werden ledig von din̉er hand Wir ſind noch anders bede pfand Jch vnd min̉er ſchweſt̉er ſun Du ſolt an vns gnade tuͦn Hie iſt ein veſperie erlitten Das turnieren wirt v̉ermitten An dirre zitt vor kanvoleis Die Rechtten warheit ich da weis Wan v́̄nſſer vnſz h̉err ſiczet hie Nun ſprich echt wa von od̉er wie Sy vns moͯchtent vor gehalten Du muͦſt vil priſes waltten Dú kungin ſprach zu Gahmuret Von herczen ein ſuͯſze bet Was mins Riches an úch ſyg Da ſúlt ir mich laſen by Dar zu min dienſt gnaden gert Wurde ich der beider hie gewert Súl mir das pris verkrenken So latt mich fúrder wenken Der kúnginnen amflizen Der kunſchen vnd d̉er wiſen Vff ſprang der kappelon Er ſprach nicht. in ſol ze Rechte hon Min frow die mich indaz land Nach ſiner minne hat geſant Die lebt nach im in libes zer Jr minne hat an im gewer Dú ſol behaltten ſinen lib Hie ſint ir botten fúrſten drẏ Wan ſy iſt im hold fuͤr alle wib : Die Versumstellung wurde durch Verweiszeichen vorgenommen. Kind vor miſſewende fri. Der heiſſet einer Lanczidant Von hocher art vs Gruͦnlant Der iſt her ze herlingen komen Vnd hat die ſprach an ſich genomēn Der ander heiſſet lyadarcz Fili kunt ſchielarcz Wer der Rtter were Des ſeit er och ein mere Des muͦtter hies Beafluͦrs Vnd ſin vatter Beaſamurs Die waurent von der fryen art Das kind hies lyaheuͯrteltart Die lieffen allú drú fuͤr Jn Sy ſprachent herr vnd haſtu ſin Die zelt Royn de francze Der werden minne ſchancze So machtu ſpilen ſund̉er pfand Din freude iſt kumers ledig zehand Dú botſchafft was och v̉ernomēn Kaylet der E was komen Das d̉er kúng vnd̉ers māntels ort Sy ſprach hin zu Jm diſu wort Sag an iſt dir icht m*me geſchechen Do begreiff Jn die gehúre Sine qu*quacz ſchúre Mit ir linden hende wis An den lag der gottes flis Da was in gemuſieret Vnd ſerre zerquaczieret húffel kúnne vnd an d̉er naſen Er het der kúngīnnen baſen Die diſe erre an Jn begienk Das mit handen zu ir gefienk Sy ſprach mit zúchten lere Hin zu Gahmuretten mere Dú werde franzoſinne Juch bút vaſt ir minne Nu erent an mir allu wib Vnd lat ze Recht minen lib Sit hie vncz ich min Recht genem Jr laſent anders mich Jn ſchem Das gelopt ir der werde man Si nam vrlob da fuͦr ſin dan Sy huͦb kaylet der tegen werd Sunder ſchnel vff ein pferd Vnd kert von ir wid̉er in Alda er fand den frund ſin Er ſprach ze hardize úwer ſchweſter Alixe Mir minne bot die nam ich da Dú iſt nun beſtett anderſchwa Vnd werdlicher denne zu mir Durch úwer zucht lat zornes gir Sy hat der fuͤrſte lammekin Als ſy nicht gekroͯnet ſin Sy hat doch werdikeit bekant henoͯwe vnd Brabant Jr dient vnd menig Ritt̉er guͦt Kerent mir zu gruͯſe úwern muͦt Lat mich in v́wer hulde ſin Vnd nempt hin wid̉er den dienſt min Der kung von Gazo ſprach Als im ſin manlich ellent Jach V́wer Red waz ye ſuͯſze Wer úh darumb gruͯſze Dem Jr gros laſter habent geton Der woltes ye durch forchte lon Mich fieng úwer muͦmen ſuͦn Der kan an nyemen miſſetuͦn Jr werdent wol ledig von Gahmuret Das ſo ſin min erſte bet Wenn aber ir vnbezwungen ſit So gelebt min dienſt wol die zit Das ir mich zu frunde nempt Jr moͯcht úch wol han v̉erſchempt Was halt mir von úch beſchicht Mich enſchluͦg doch úw̉er ſchweſt̉er nit DEr red ſy lachttent úber al Doch wart betruͯbt ind̉er ſchal Der wirt ſin trúwe mente Das er ſich wider ſeinte Wan Jamer iſt ein ſcharpff̉er gart Jr ieglicher Jnnen wart Das ſin lib mit kumer rank Vnd all ſin froͯd was ze krank Do zurnter ſin̉er muͦmen ſun Er ſprach du kanſt vnfuͦge tuͦn Nein ich muͦs by Rúwen ſin Jch ſenne mich nach der kungin *Die ich lies ze patelamunt Von der iſt min hercz wunt Jn Reiner art ein ſuͯſzes wib Jr werder kúnſche minne lip Nach ir mīnne mich Jarm̉ers mant Si gab mir lib vnd lant Mich tuͦt frow Belacane Manlich̉er froͯwde one Es iſt ye doch vil manlich Wer mīnnen wankes ſchamet ſich D̉er frowen hand mich vff bant Das ich nit Ritterſchaffe fand Da wond ich daz mich ritt̉erſchafft Neme von vngemuͯtes krafft Der han ich hie ein teil geton Nun wenet meng̉er vngewſſ̉er man Das mich ir ſchwercze Jagte dan Die ſach ich fúr die ſunnēn an Jr wiplich pris mir fuͯget leid Sy iſt ain bugel ob d̉er wirdikeit Jch muͦs eines vnd daz and̉er clagēn Jch ſach mins bruͦd̉er wapen tragen Mit vffgekertem orte Owe mir dirre worte Das mere ward do Iemerlich Von waſſ̉er wurdēnt die ogen Rich Dem werden ſpaniole Sy kúnginne fole Durch din minne gab den lib Goloes den allu wib Von herczen klagen ſolten Mit trúwen ob ſy wolten Das ir ſite brechte Lob wa mans gedechte Kúnginne von Auerre Wie wenig es dir werre Den mag ich durch dich verlos Der Ritterliche ende kos An einer tioſt die in ſchluͦg Das er din cleinat truͦg Fuͤrſten die geſellen ſin Tuͦnd herczliche clage ſchin Sy hand ir ſchiltes brete Nach Jamers gleite Zer erde koret Gros trúwe ſy das lere*leret Alſus tuͦnd ſy Ritterſchafftt Vnd ſind úberladen mit Jamers kraft Sid Galoes min̉er muͦmen ſuͦn Nach mīnne dienſt nicht ſolt tuͦn Do er clagt ſins bruͦders tod Das waz ſin and̉er herczenot Mit Jam̉er ſprach er diſu wort Wie hat ſuſt mins ankers ort Jn rúwe ergriffen landes habe Der wapen tet er ſich do abe Sin Rúwe Jm hertes kumers Jach Der held vſz wauren trúwen ſprach Von anſchowe Galoes Fuͤrbas tar nyemēn fragen des Es enward nie manlich̉er zucht Geborn der wauren milte frucht Vs dinem herczen bluͯte Nun erbarmet mich din guͯte Er ſprach zu kaylet Wie gehabt ſich Schoet Min muͦtter froͯden arme So das es got erbarme Do erſtarb gandin Vnd Goloes d̉er bruͦd̉er mindindin Vnd do ſẏ dich nit by ir ſach Der tod och ir hercze brach Do ſprach der kung hardis Nun kert an manhet úwern flis Ob ir manheit konnēnt tragen So ſúlt ir leid zu mere clagen Do was ſin*ſin kumer alſo gros Ein gúſſin im von den ogen flos Er ſchuͦff den Rittern ir gmach Vnd gieng da er ſin kam̉er ſach Ein cleincleine geczelt von ſemit Die nachnacht er doltte Jamers Zit Des morgens do d̉er tag erſchein Sẏ wurdent alle glich inein Die Jnren vn̄d daz vſſer her Das was mit ſtritlicher wer Sy werent Jung oder alt Oder bloͯd oder balt Sy enſolttent turniern nicht Do ſchein der fruͦ morgēn liecht Sy waurent mit ſtrit v̉ertriben Vnd die Ros alſo mit ſpern getribēn Das al die freche Ritterſchafftt Denocht zwang die muͯde krafft Die kunginne reit da ſelbe Nach dem werden zu velde Vnd fuͦrttes mit ir indie ſtat Die beſten ſy doͯrt Jnne bat Das ſy zer leit plange Ritten Do ward ir bett nit v̉ermitten Sy fuͦrent da man meſſe ſan*ſank Dēn trurrigēn kung vōn zeſmanc Do der ſegen ward geben Herczylaude kam da gegen An Gahmuretes lib ſy ſprach Vnd gerte als ir die folge Jach Do ſprach er frow ich han ein wib Die iſt mir lieber denne d̉er lib Ob ich dar ane were Dennoch wuſt ich ein mere Da mit ich úch enbreſte gar Neme min yemen Rechtes war Ir ſúltt die moͯrin lan Durch mine minne ſan Des toffes ſegen hat beſſ̉er crafft Nun enczichent úch d̉er heidenſchafft Vnd minnent mich a*anach vnſer E. Wan mir iſt nach úw̉er minne we. Oder ſol mir gen úch ſchade ſẏ Der franczoyſer kúngin Der botten ſprachent ſuͯſze wort Vnd ſpilten ir mere vncz an den ort Ja dú iſt min waure frowe Jch bracht Jn anſchowe Jr Rat vnd ir zucht ſit Mir wonet noch hút ir helffe mit Da von das mich min frowe zoch Wir wauren kind̉er beidu da Vnd doch zu ſechenne ein andrēn fro Dú kunginne Amflyze Wont an weltlichem priſe Mir gab die gehúre Von dem land die beſten ſtúre Do greiff ich willenklichen zu Jch was do ermer danne tuͦ Zeltt mich noch fúr die armen Jch ſolt úch fro erbarmen Mir iſt min werd̉er brud̉er tod Durch úwer zucht lat mich ane not Kerrent minne da froͯde ſy Mir wonet nicht won Jamer bẏ Lat mich den lib nit leng̉er zern Sagtan wa mit wo*wolt ir uch wern / Jch ſage nach úwer frage ger / Es was ein turnaẏ da her / Geſprochen das enwart hie nicht / Manig geczúg mir daz gicht Den hat ein veſperie erlemt Hie ſind die frechen ſo geczemt Das d̉er turnay da von verdarb Wer ſtet wer úch warb Mit den die es guͦt hand getan Jr ſond mich not Rede lon Es tett hie manig Ritt̉er bas úwer Recht iſt gen mir las Nicht wan uwer gemein̉er guͦs Ob ich den von ir empfachēn muͦs Als vns die auenture ſagt Do man d̉er Ritt̉er vnd du magt Ein Richtter vmb d̉er frowēn clage Do nachet es dem mitten tage Man ſprach ein vrteil zehand Welhe ritt̉er helm vff hopt band Der har durch Ritt̉erſchafft was komen. Hat er den pris hie genomēn Den ſol dú kúngin han Darnach die volge ward getan Do ſprach ſy herre ſo ſind ir min Jch tuͦn v́ch dienſtes nach huldēn ſchin Vnd fuͯg uch ſoͯlich̉er froͯden teil Das ir nach Jam̉er werdent geil ER het yedoch von Jam̉er pin Nun waz des Aberellēn ſchin Zergangen dar nah komēn was. Kurcz cleine gruͯne gras Das veld was gar vergrunet Das bloͯde herczen erkuͯnet Vnd git Jn hochgemuͯtte Vil bom ſtundent Jn bluͯte Von dem ſuͯſzen luſt des meigen Sin art von der feien Muͦſe minne od̉er minne gern Des wolt in froͯden da gewern An fro herczenlaudēn er do ſach Sin̉er ſuͯſſer mund mit zuchtēn ſprach Frow ſol ich mit uch geneſſen So lant mich one hutte weſſen Wan verlatt mich ym̉er Iam̉ers krafft So tette ich gern Ritt̉erſchafftt Laſzent ir nit turnieren mich So kan ich noch den Rechten ſlich Als da Jch minēm wib entran Die Jch och mit Ritt̉erſchafft gewan Do ſy mich vff von ſtrite band Jch liez ir lib vnd land Sy ſprach h̉erre nemēnt uch ſelb zil Jch las úch uwers willens vil Jch wil fromēn noch vil d̉er ſper enzweẏ Aller menglichs ein turnaẏ Des ſultt ir frowe ruͦchen Das ich den muͯſſe ſuͦchen Das lobt ſẏ ward mir geſeit Er empfieng die magtlant vnd die meit Diſu drú Junckherlin Amflyſen der kúngin Hie ſtundent vnd ir kappelen Da volge vnd vrteil wart geton Der pfaffe horrte vnd ſach heimlich er Gahmurten ſprach Man tet min̉er frowen kunt Das ir von patelamunt Den hoͯchſten pris behalttet Vnd do zweyer krone walttet Sy hat och land vnd muͦt Vnd git úch lib vnd guͦt Do ſy mir gab die Ritt̉erſchafft Do muͦſte ich nach d̉er ordnuns krafft Als mir das ſchilttes Ampt ſaget Dar by beliben vnủerzaget Wan das ich ſchilt von ir gewan Es were noch anders vngetan Jch werdes trúrrig oder geil Mich behabt hie Ritt̉ers vrteil Fart wid̉er ſagt ir den dienſt min Jch ſol ye doch ir Ritt̉er ſin Ob mir alle cronēn werent bereit Jch han nach ir min hoͯchſtes leit Er bot Jn ſine groſe habe Sin̉er gaben tatent ſy ſich abe Die botten fuͦrrent ze lande Gar on ir frowen ſchande Sy engerttent vrlobes nicht Als licht Jn zorne noch geſchicht Jir knappen furſten diſe kind Waurent vor weinende nach blind Die den ſchiltt verkert da hant getragen / Den begund ir frúnd ze velde ſagen. Frow herczelaude die kúngin hat behabt den Anſchwevin Wo wer was von anſchowe da V́nſer herr iſt leid̉er anderſchwa Durch Ritters pris zun ſarraſin Das iſt nun v́nſer hoͯchſte pin Der da den pris hat beczalt Mengen Ritter abgefaltt Der ſo ſtach vnd do ſo ſchluͦg Vnd der den túren anker truͦg Vff dem helm liecht geſteinet Das iſt denne ir meinet Vns ſag der kung kaylet Das anſchwevin werre Gahmuret Dem ſy da wol gel*gelūnngen Von den Roſſen ſy do ſprungen Jr waut ward von den ogen nas Do ſy koment da ir h̉erre ſas Sy empfiengen In er empfieng ſẏ Froͯud vnd Jamer daz waz hie Do kuſt er die getrúwen Er ſprach úch enſol nit Rúwen Zu mauſze der brud̉er min Jch mag úch wol ergoͯczen ſin Ker vff den ſchilt nach ſin̉er art Vnd habt úch and̉er froden art Jch wil mins vatt̉er wappēn tragen Sin hand min anck̉er hat beſchlagēn Der ancker iſt ein Recken zil Den trag vnd nem in wer da wil in: Aufgrund des Punktes über n könnte es auch iú heissen. iu ist aber in Handschrift R nur an zwei anderen Stellen belegt. jCh mús nun leben liche Gebaren Jch bin Riche. Wan ſoͯltt ich volkes h̉erre ſin Dem tette we d̉er Iam̉er min Frow herczelaude heffet mir Das wir bitten ich vnd ir Kunge vnd furſten die hie ſin Das ſy durch den dienſt min Beliben vncz ir mich gewert Des minem werch ze minem gert Die bet warb ir beid̉er mund Die werden lobtencz da zuſtund Jeglicher fuͤr an ſin gemach Die kungin zun frunden ſprach Nun haltt uch an mine pflege Sy wiſte Jn heinlich wege Sin̉er geſten pflag man wol zu fromēn Wer halt ir wirt werre komen Das geſinde wart gemeine Doch fuͦr er dar alleine Wan zwey Junckherlin Junkfrowen vnd die kungegin Jn fuͦrttent da er froͯde vand Vnd al ſin trurren gar v̉erſchwand Entſchumpfieret ward ſin Rúwe Vnd ſin hoch gemuͯtte alnúwe Da muͦs ye doch vor liebe ſin Frow herczeleide die kúngin Jr magtum da one ward Die munde waurent vngeſpart Die begundent ſich mit kuſſen Zern Vnd dem Jamer von den froͯden wern Dar nach er eine zucht begie Sy wurdent ledig die er da fie Hardis vnd kaylet Secht die verſuͦnet Gachmuret Da ergieng ein ſollich hochgeczit Wer der hatt gelichet ſit Des hand ẏe doch gewaltes pflag Gahmuret ſich des bewag Sin habe was vngeſpart Arabiſch gold geteilet ward Armen Rittern al gemeine Den kungen Edel geſteine Teilte Ghamathamurs hand Vnd och was er da furſten fand Da ward daz farent volk vil geil Sy enpfiengen Riche gabe teil Lat ſy Ritten da die geſten ſin Den gab vrlob aſchwevin Das pantel das ſin vatt̉er truͦg Von zobel vnd ſinen ſchilt man ſchluͦg / Alle clein v*wis ſidin Ein hemd der kúngin Als es Ruͦrtte irn bloſſen lib Die nun worden was ſin wib Das was ſins halſpers tach Al zechnú man durch ſtochen ſach Vnd mit ſchwertten dgar durch howēn E er ſchied von d̉er frowen Das legttes an Jr bloſſen huͦt So kam von Ritt̉erſchafftt ir trut Der mengen ſchilt vil dunkel ſtach Jr zweyer minne trúwe Jach Er hett werdikeit gnuͦg Do in ſin manlich ellent truͦg / Hin úb̉er gen d̉er herte Mich Jamret ſin̉er vertte Jm kam du warú botſchafftt Sin herr der Baruk were mit krafftt / V́ber ritten von den babilōn Einer hies Jhpomido Der ander pōmpeius Den nennet die auentúre ſus Das was ein ſtolcz werd̉er man Nicht der von Rome entran Julius da Belior Der kúng nabachadonoſor Siner muͦtter bruͦder was Der an trugenlichen buͦche las Er wolte ſelber ſin ein got Es were nun d̉er lutte ſpot Jr lib ir guͦt was vngeſpart Die gebruͦder waurent von hoch̉er art Von Nynus der gewalttes pflag E wurde geſtiffttet Baldac Der ſelbe ſtifftt och Nẏnenue Jn tett ſchade vnd laſter wee Der Jach der Baruc zurborn Des wart gewunen vnd verlorn Gnuͦg zu beiden ſitten Man ſach die helde ſtritten Do ſchiffet er ſich úber mer Vnd vant den Baruc mit wer Mit froͯden er empfangen wart Wie mich Jamert ſin̉er vart Was do geſcheche wies doͯrt ergie Gewin vnd verluſt wie daz geſte Des weis fro herczeleide nicht Die was als die ſunne liecht Vnd hett wunenklichen lib Richeit by Iugent pflag das wib Vnd froͯden mere den zu vil Sy was gar ob des wunſches zil Sy kertte ir hercze an guͦtte kunſt Des beiagtte ſy der weltte gunſt Frow herczeleide die kungin Jr ſitte an lob fant gewin Jr kunſche was fúr pris erkant Der kunginne úber drú land Waleis vnd anſchowe Dar uber was ſy frowe Sy truͦg och krone ze Nurgals Jn der hoptſtat ze Kingriwals Jr was ſo lieb ir man Ob dehein frowe me gewan So werden frúnd was war ir das Sy mochcz wol lazen one has Do er vſſen bleib ein halbes Jar Sins komendes wartet ſy fur war Das was ir lib gedinge Do braſt ir froͯden clinge En mitten Jm hefftt entzweẏ Owi vnd heya hei Das gutte ſoͯlichen kumb̉er treit Vnd ymer truwe Jamer wegt Alſus vert die menſchheit Hútte lieb morne leit Duͤ frowe vmb einēn mitten tag. Eines angſtlichen Schlaffes pflag Jr kam ein forchtlich̉er ſchrik Sy duchtte wie eins ſternēn blik Sy gen den luͤfftten fuͦrtte Da ſy mit krefftten Ruͦrtte Manig fúrre dornſtrale Die ſchluͦgen alzemale Gen Jr do ſuntte vnde ſanc Von ganeſter̄n ir zepfe land Mit trake gab der dorne doſz Brinnende zecher gab ſin gus Jr lib ſy darnach wider fand Jr zuktte ein griff die Rechtēn hand Das wart verkert hie mit Sy ducht wunderliche ſitt Wie ſy were eins tieres amme Das ſit zerfuͦrt Jr wamme Vnd wie ein trake ir bruſt ſuge Vnd daz d̉er geche von Jr fluge. Jch Jch ch m : Federproben ähnlich wie die auf Blatt I. So das ſy in niem̉er mer geſach Das hercze er ir vs dem libe brach Die vorchtte muͦſt ir ogen ſochen Es iſt ſeltten wiben me geſchechēn Jn ſchlaffe kumber dem gelich Da vor was ſy Ritterlich Ach wie das ward verkeret gar Sy ward nach Jamer nungeuar Jr ſchade wurd lang vnd breit Jr nachet komendu herczleid Die frowe do begunde Des ſy do vor nit konde Beidu zablen vnd wuͦffen Jn ſchlaffe lutte Ruͦffen Vil Iunckfrowen ſaſſent hie Sy wuſtent dar vnd waktent ſie Do kam geritten tampanis Jrs mannes meiſt̉er ein knappe wis Vnd clein̉er Junckherren vil Do gieng es vſſer kindes ſpil Sy ſagtent clagtent Jrs h̉erren tod Des kam fro herczelaude in not Sy fiel hin vnủerſunnen Die Ritter ſprachen wie ſy gewunnēn Min herr in ſinem harnaſch So wol gewaupnet er was Wie die knappen Jamer Jagte Den helden er doch ſagtte Minem h̉erren lebens lange floch Sin her ſin̉er er von Jm zoch Des zwang Jn ſtarke hicze Gunertú trúwe hendes wicze Hatt vns verſtoln den held guͦt Ein Ritter hett bockes bluͦt Genomen Jn ein langes glas Das ſ*ſchluͦg er vff den Adamas Do ward er weich̉er den ein ſchwam Den noch malet fuͤr das lamp Vnd das Crúcz in ſinem lan Den erbarme daz das ſy getan Do ſy mit ſcharn zamēn Ritten Avoy wie do ward geſtrittēn Des Baurukes Ritt̉erſchafftt Sich wertte wol mit e*ellens krafft Vor Baldack vff dem gefilde Durch ſtochen ward vil ſchiltte Do ſy zu ein andren gachtten Die pondir ſich da flachtent Sich wurren die panyr Do fiel menig tegen ſchrier Alda vorchtte mins h̉erren hand Da von ir aller pris verſchwand Suſt kam gefarn Jhpomidon Mit tode er minen h̉erren lon Gab das er in nider ſtach Vor Alexandrie Min herr falſches frẏe Ge in der kung kerte Die tioſt in ſterben lerte Sinen helm ſchneid des helmes ort Durch ſin hopt ward gebort Das man den drunczēn dar Jn fand Je doch geſas der wigand Haltendende er vſz dem ſtrit Reit Vff einēn plan d̉er was breit Da kam uber in ſin kappelon Er ſprach mit kurczēn worten ſon Sin bichtte vnd ſantte her Dis hemde d vnd daz ſelbe ſper Das vns von im geſcheiden hat Er ſtarb one alle miſſetat Junckh̉erren vnd die knappēn ſin Beualch er der kuͯngin Er ward geleit zu baldack Die koſt den Baruc Ringe wag Mit golde wart geheret Gros Richeit daran gekeret Von Edlem geſteine Da er in liget der Reine Gebalſamet wart ſin Jung̉er re Von Jamer ward vil lutten we Ein túrre Rubin iſt der ſtein Ob ſinem grabe dar durch er ſchein Vns wart gefolget hie mitte Ein Crúcz nach der marter ſitte Als vns criſtus von dem tod erloſt Lies man ſtoſſen im ze troſt Ze ſchirme der ſelbe v́ber daz grab Der Baruc die koſte gab Es was en tuͤr ſchmarat Wir tautencz oͯne d̉er heiden Rat Jr orden kan nit crúczes pflegēn Als criſtus tod vnd lies den ſegen Es bettent heiden ſund̉er ſpot An In als an irn werden got Nicht durch Cruczes erre Noch durch toffes lere Der zem vrteillichen ende Vns loſen ſol der gebende Dú manliche trúwe ſin Git Im ze himel liechtten ſchin Vnd och ſin Rúwe bichte Der falſch was an Jm ſihte An ſinem helm dem adamas Ein epitafium ergraben waz V̉erſigelt vff daz Crúcze obnan graben / Suſt ſagent die búchſtabēn Durch diſem helm en tioſt ſluͦc Den werden der ellen truͦg Gahmuret waz er genant Gewaltig kúng úb̉er drú land Jeglichs im der crone Jach Da giengent Rich fuͤrſten nach Er was von anſchowe geborn Vnd hat vor Baldec v̉erlorn Den lib durch den Baruc Sin lib gab ſo hochen Ruck Nieman Reichtte an ſin zil Wa man nun Ritt̉er Bruͯffen wil Er iſt von muͦtter vngeborn Zu dem ſin ellend hab geſchworn Jch meine der ſchilttes ampt hat Helffe vnd manliche tat Gab er mit ſtette den frunden ſin Er leit durch wib vil ſcharpfe pin Er truͦg den toff vnd criſtan e Sin tot tet ſarraſinen we Ane liegen das iſt war Sin̉er zit verſinnliche Jar Sin ellend nach priſe warb Mit Rittenlichem priſe er ſtarb Er hat valſcheit an geſigt Nun wúnſchent Jm heiles der hie ligt. Dis was d̉er knappēn iach Waleiſe man vil weinēn ſach Si muͦſſen wol von ſchulden clagen. Die frowe hett getragen. Ein kind das in ir liebe ſties / Die man one helffe ligen lies Achczechen wuchen het gelebt Des muͦtter mit dem tode ſtrebt Herczelaude die kungin Die andren hetten kranken ſin Das ſy hulffent nit dem wibe Wan ſy truͦg in ir libe Der aller Ritter bluͦme wirt Ob in ein ſterben da v̉erbirt Do kam ein alt wiſe man Durch clagen úber die frowen gan Alda ſy mit den tode Rang Die zen er ir von ein andren zwang Man gos ir waſſer in den munt Da ward ir verſinnen kunt Sy ſprach owe war kom min trut Die frowe clagt in úber lut Mins herczen froͯde bereit Was Gahmuretes wirdikeit Den nam ſmir ſin frecher ger Jch was vil Iung̉er denne er Vnd bin ſin muͦtter nit ſin wib Jch trag hie al ſinen lib Vnd ſins werbes ſamen Den gaben vnd namen Vnſer zweyer minne Hab gott getrúwe ſinne An minen ſtolczen werdēn man Wie hat der tod zu mir getan Der empfie nie wibes minne teil Er wer alle ir froͯde geil Jn muͦtte Ruͯweswibes Rúwe Das Rett ſin manlich trúwe Es was gar valſches lere Nun hoͯrent ein ander mere Was die frowe do begie Kind vnd lip ſy zu ir gefieng Mit armen vnd mit handen Sy ſprach mir ſol got ſenden Die werde frucht von gahmuret Das iſt mins herczen bet Got wende mich ſo tumber not Es were Gahmurttes and̉er tod Ob ich mich ſelber ſchluͯge Die wil ich das truͯge Das ich von ſin̉er mīnne empfieng Der mannes truwe an mir begie Die frowe enruͦchtte w̉er das ſach Das ſelbe hemde ſy von d̉er bruſte brach. Jr briſte linde vnd wis Daran kert ſy iren vlis Si truktt es an iren Rotten mund Sy tett wipliche fuͦre kunt Alſo ſprach die wiſe Du biſt kaſte eins kindes ſpiſe Die hat es vor im her geſant Sit ichs lebendig im lib empfand Die frowe irn willēn daran ſach. Das die ſpiſſe was ir herczen tach Die milch in ir túttelin Druckt drus die kúngin Sy ſprach du biſt von trúwēn komēn Hett ich des toffes nit genomēn Du wereſt wol mins toffes zil Jch ſol mich begieſſen vil Mit dir vnd mit den ogen Offenlich vnd togen Hie gebirt die frow den barczifal Gahmuretes ſun von dem dis buͦch ſeit vnd ſinen tetten Wan Jch wil gahmurettēn clagēn Die frow hies dar nacher tragēn Ein hemd noch bluͦt var Dar Jnne in Braukes ſchar Gahmuret den lib v̉erlos Den werlichen ende kos Mit Rechtter manlich̉er ger Die frowe och fragt nach dem ſper Das Gahmuret gab die rer Jhpomiden von niniue Gab alſus werlichen lon Der ſtolcze werde Babilon Das hemde ein had̉er waz von ſchlegēn Die frow wolt es an ſich legen Als ſy da vor het geton Wenne kam von Ritt̉erſchafftt Jr man Do brachen ſis ir vs d̉er hand Die beſten v́ber das land Beſtattentēnt ſper vnd daz bluͦt Zemmunſt̉er als man den tottēn tuͦt Jn Gahmuretes lande Man Jamer da bekande bekande: Tinte bis zum d stark verblasst, dann das e wieder etwas stärker, vielleicht sogar nachgetragen (oder nachgezogen). Danach eventuell noch Ansatz zu weiterem Buchstaben. Dar nach uber vierczechen tag. Die frow eines kindelins gelag. Einen ſun der ſoͯlich̉er lide was Das ſy vil kom daran genas Hie iſt d̉er auentúre wurff geſpilt Vnd ir beginnens geczilt Won er iſt aller erſt geborn Dem dis mere ward erkorn Sins vatters freudo vnd des not freudo: Tinte zwischen f und d stark verwischt. Vielleicht wurde der erste Wortteil sogar gestrichen, so daß nur noch do überbleiben sollte? Es ist kaum entscheidbar, ob o oder e am Schluß zu lesen ist. Beidu ſin leben vnd ſinen tod Das habt ir ee ein teil v̉ernomēn Nun wiſſent wa von úch ſy komēn Diſſes meres ſachwalte Vnd wie man den behalte Man barg in vor Ritt̉erſchafft E er keme an ſin̉er wicze krafft Do die kuͤngin ſich verſan Vnd ir kindli wid̉er zu ir gewan Sy vnd ander frowen Begunden Jn allenthalbēn ſchewēn Zwuſchent den bein ſin zuſilin Das muͦſe vil getrúttet ſin Der hette manliche lid Er ward mit ſchwertēn ſid ein ſchmid Vil fúrres er von helme ſchluͦg Sin hercz manlich ellent truͦg Sin muͦtt̉er des geluſte Das ſy in vil dicke kuſte Die kúngin ſprach nit flis Bonfis ſchierfis Beafis Dú kúngin nam do ſund qual Jr Rote velwelochte mal Jch mein irs trúttes flenſel Das ſchob ſy imin ſin grenſel Selbe was ſy amme Du Jm truͦg Jn ieren wamen An ir brúſte ſú in zoch Die wibes miſſewendes floch Sy ducht ſy hette gahmureten Wider an ir arm gebetten Sy kerte ſich nit an loſzheit Demuͦt was ir bereit Fow herczelaude ſprach mit ſinne Die hoͯchſte kúnginne Jeſus ir bruſte bot Der ſid dur vns den ſcharpfen tot An dem Crúcz menſchlich empfieng Vnd ſine trúwe an vns begieng Wes lib ſin zúrnen ringet Die ſele vnſanfftte dinget Wie kunſch er ſy vnd were Sich begos des landes frowe Mit ir herczen Jamers towe Jr ogen Regnotent vff den knabēn Sy konde wibes trúwe haben Beidu ſúnſzen vnd lachen Kund ir mund vil wol gemachēn Sy frowte ſich ir ſuͯſſen geburt Jr froͯde ertrank in trúwen furt Wer nun wiben ſprichet bas Das iſt war daz las ich one has Jch friſche gen ir ir froͯde breit gen ir: Leichter Strich über n. Sollte damit Korrektur zu gerne angezeigt worden sein? Wan ein̉er bin ich vnbereit Dienſtliche trúwe Min zorn iſt yem̉er núwe Gen ir ſid ichs an wanken ſach Jch bin Wolffram von Eſchenbach Vnd kan ein teil mit ſange Jch bin ein habendú zange Minen zorn gen einēm wib Die hat minen lib Erbotten ſoͯlich miſſetaͯt Jch enhan ſy heiſſent keinen Raut Darumb han Jch d̉er and̉er has Owe warumb tuͦt ſy das Alein iſt mir ir haſſen leid Es iſt ye doch ir wipheit Sid ich mich v̉erſprochen han Vnd an mir ſelbe miſſeton Das lichtt nyem̉er mer geſchicht Doch ſúllent ſy ſich v̉ergachēn nit Mit hurte an min haimit Sy vindēnt werlichēn ſtrit Jch enhan des nit v̉ergeſſen Jch enkunne wol gemeſſen Beide ir geberde vn̄d ir ſitte. Welhem wibe folget kúnſche mitte. Der lobes kempfe wilich ſin. Mir iſt leid von herczēn pin Sin lob hinket an im ſpat Wer allen frowēn ſpricht mat Welhe min Recht wil ſchowēn Beidú ſechen vnd hoͯrren Die enwil ich nit toͯrren Schiltes ampt iſt min art Wa min ellent ſy geſpart Welhe mich minnet durch ſang Die dukt mich an wicze krank Ob ich werdes mīnne ger Múg ich mit ſchilt vnd mit ſper Verdienēn nit ir mīnne ſold Aldarnach ſyge ſy mir hold Vil hoches topels erda ſpilt W̉er mit Ritt̉erſchafftt nach mīnne zilt Hettēntz die wib nit fuͤr ſchmachēn Jch woͯltt úch fuͤrbas Reichen An diſem mere vnkundige wort Ja ſprich d̉er auentuͤre vort Wer von mir des geruͦche Der ze ſẏ ze deheinēm buͦche Wan Jch kan keinēn buͦchſtabēn Da nempt gnuͦg ir vrhaben Diſuͤ Auentuͤre Vert one der buͦchen ſtúre E man ſy hett fuͤr ein buͦch Jch were E nackent one bruͦch So ich indem bade ſeſſe Ob ich koſten nit vergeſſe. Es machet trurig mir den lib So daz mengu heiſſet wib Jr ſtime ſint gliche hel Gnuͦg ſind gein falſchen ſchnel Eczliche valſches lere Da teiltent ſy die mere Das ſy geliche ſind genant Des hat min h̉erre ſich v̉erſchamt Wiplicheit in ordenlichēn ſitte Der fert vnd fuͦrt ye truwe mitte Gnuͦg ſprechent armuͦt Das du ſy ze nichtte guͦt Wer die durch truwe lidet Helle fuͤr die ſelle midet Die dultt ein wib durch truͤwe Des ward ir gabe nuͤwe Ze himel mit endeloſer gebe Jch wenn Jr nun wenig lebe Du Junc od̉er erde Richtuͦm Laſzent durch des himels Rom Jch erkenne ir deheine Man vnd wib wir ſind als eine Die midencz alle geliche Frow herczilaude die Riche Jr zweier land ward ein gaſt Sy truͦg d̉er froden mangel laſt Der valſch vil gar an Jr v̉erſchwand Oge noch ore in nie do vand Jir was ein nebel die ſunne : Die übliche Spaltenfüllung ist auf dieser Seite aufgegeben. Es steht zunächst 117.03 in der a-Spalte. 117.04 folgt zeilengleich in der b-Spalte. Die nächste Zeile hat 117.05 in Spalte a, 117.06 in Spalte b. Danach folgt die über beide Spalten geschriebene Überschrift. Sy floch der welte wunne Jr was gelich nacht vnd tag Jr hercz nit won Jamer pflag Hie zoch die frow mit dem kind vnd mit ir geſind in ein wald vnd das kind ſchneczet boͯlcz vnd ſchos vogel och vieng er einen hircz den ſchos er mit einem gebelin vnd brach ind̉er muͦtt̉er / vnd bettet einen Ritt̉er an der im kam an ein̉er ſtras als hernach ſtat vnd ſind vier figuren nach ein ander Sich zoch die frowe Jamers bald. Vſz ir land in ein wald Zer waſten ſoltange Nit durch bluͦmen vff dem plange Jr hercze Jamer waz ſo gros gancz Sy kertte ſich an keinen tancz Er were Rot oder val Sy brachtte das durch fluchte ſal Des werden Gahmureten kint Lútte die by ir da ſin*ſind Muͯſtent buwen vnde Rútten Sy konde wol getrútten Jr ſun e er ſich verſan Jr folck ſy gar fuͤr ſich gewan Es werrent frowen od̉er man vnd wib. Dennēn gebot ſy allen an den lib. Das ſy imer wurden Rittes lut. Wan vernem das mins herren trut Welich Ritters leben were Das wurde mir vil ſwere Nun hebt uch and̉er wicze krafftt Vnd verhelt im alle Ritt̉erſchafftt Der ſid fuͤr angſtliche vart Der knab alſus verbergen wart Zer waſten ſoltange erczogen An kúnglicher fuͦre betrogen Es enmocht an einēm ſitte ſin Bogen vnd boͯlczelin Schneid er mit ſin̉er hand Vnd ſchos vil fogel die er fand Wenn er ab̉er den fogel erſchos Des ſchal mit ſang waz gros So weinende er vnd Rofft ſich. An ſin har kerſt er gericht. Sin lib was clar vnd fier. Vff dem plan amne Riuer Tuͦt er ſich alle morgen Er enkonde nicht geſorgen Es were ob im der fohel ſank Die ſuͯſſe In ſin hercze drank Das erſtarcte im ſin brúſtelin Alle weinende lieff er zer kuͯngin So ſprach ſẏ wer hat dir geton Du were hie vs vff dem plan Er enkunde ir geſagen nicht Als licht kinden noch geſchicht Dem mere la*gieng ſo lange nach Eins mals ſy in kapfen ſach Vff dem bome nach d̉er vogel ſchal Sy ward wol innen daz er ſchwal Von der ſtime irs kindes bruſt Des zwang Jn ſin art vnd ſin geluſt Frow herczelaude kert irn has An die vogel ſy wuſte vmbe das Sy wolt irn ſchal verkrenken Jr buwlút vnd ir enken Hies ſy bade gachen Vogel wurgen vnde fachen Die vogel wauren bas geritten Etliches ſterben ward v̉ermittēn Jr bleib da lebendig ein teil Die ſid mit ſange wurden geil DEr knabe ſprach zer kúngin Was wiſet man den voͯgelin Er gert in frides ſa zu ſtund Die muͦtter kuſt in anden mund Sy ſprach we wes wend ich ſin gebot Der doch iſt d̉er hoͯchſte got Súlent fogel durch mich froͯde lan Der knab ſprach zu d̉er muͦtter ſan Owe muͦtter was iſt got Sun ich ſag dirs one ſpot Er iſt noch liechtt̉er denne d̉er tag Der antlúttes ſich bwag Noch mannes antlúcze Noch mannes antlúcze Sun merk eine wicze Vnd fleche in vmb din not Sin truwe d̉er welt ye hilffe bot So heiſſet ein̉er der helle wirt Der iſt ſchwarcz vntrúw in nit Verbirt. Von dem ker din gedenk Vnd och von zwiffels wenk Sin muͦtt̉er vnd̉er ſchid im gar Das vinſt̉er vnd das liecht gefar Darnach ſin ſchnelheit verre ſprang. Er lernete des gibolo=tes ſang. Da mit er mengen hircz erſchos. Des ſin muͦtter vnd ir geſind genos Es weren eber od̉er re Dem gewilde tet ſin ſchieſſen *we we:Eventuell hat der Schreiber das Wort nur verdeutlicht. Nv*Nvn hoͯrent froͯmde mere Wenne er ſchos daz ſwere Es were ein mul geladen gnuͦg. Als vnzerworcht truͦg ers heim gnuͦg heim: Nach dem Wort Ansatz zu weiterem Buchstaben. Eins morgens gieng er der weide gang An eine halden die was lang. Er brach durch durch blat ſtim ein zwick Bẏ im nachen gieng ein ſtick Do hort er ſchal von huͦff ſchlegēn Sin gebolot begund er wegēn Do ſpracher waz han ich v̉ernomēn Wan wolt echt nun d̉er tiefel ko=men. Mit grime zornes Riche Den beſtuͯnde ich ſicherlichen Min muͦtter freiſe von Jm ſaget Jch wenne ir ellent ſy v̉erczageet Alſus ſtuͦnd er Jn ſtrittes ger Nun ſecht doͯrt koment her wie dry Ritt̉er gen Im Rittent Dry Ritt̉er nach wunſche gar Von fuͦſſe vff gewappet var Der knab wonde ſund̉er ſpot Das ieglich̉er were ein got Darumb ſtuͦnd er nit leng̉er hie Jn dem pfad fiel er uff ſine knie Vil lutte rieff der knabe ſan Hilff got du macht wol helffe han Der vorder zornes ſich bewag Do der knab indem pfade lag Dirre toͯriſche welwaleiſe Vnd wendet geche reiſe Den pris den wir hie tragen Muͦs ich von wallaiſen ſagen Die ſint toͯriſch̉er den birſch̉er her Vnd doch by manlich̉er wer Wer in zwein landen wirt Gefuͦge ein wund̉er an im birt Do kam gen leiſieret Vnd wol gezimieret Ein Ritt̉er dem waz harte gach Er reit in ſtritlichen nach Die verre von im waren komen Zwen Ritter hetten Im genomēn Ein frowen Jn ſinem lande Den held ducht es ſchande Jn muͦtten der Junkfrowēn leid Die iemerlichen vor im reitreid Diſe drẏ waurent ſine man Er reit ein ſchoͯn kaſtelan Sins ſchilttes waz wenig gancz Er hies karnah karnancz Lechkons vlterlec D̉er ſprach wer ierret vns den weg Sus fuͦr er zu den knaben ſan Den ducht er als ein got getan Er enhett ſin liecht nit erkant Vff dem towe der wappen rok erwānt Mit guldinen ſchellen kleine Vor yettwederm beine Waurēnt die ſtegreiff erclengt Vnd zu Rechtter maſz erlengt Sin Rechtter ha*arm von ſchellēn clank. War er in bot od̉er ſchwānk Der waz durch ſchwert ſchleg ſo hel Der held waz gein priſe ſc*ſchnel Suſt fuͦr der fúrſte Riche Geczimieret wunenkliche Alle manēn ſchoͯne ein bluͦmēn krancz. Den fragte karnah=karnancz. Junckherre Sacht ir fuͤr uch farn. Zwen Rit̉er die ſich nit bewarn Kuͯnne an Ritt̉erlich̉er zucht Sy ringent mit d̉er not nufftt Vnd ſind an wirdikeit v̉erczagt Sy fuͯrrent robes ein magt Der knabe wonde wazer ſprach Er were ein got als im veriach Frow herczelaude die kuͤngin Do ſy im vnd̉erſchied den liechtten ſchin Do Rieff er lutte ſund̉er ſpot Nun hilff mir helffe Rich̉er got Vil dicke viel an ſin gebet Filyrois Gahmuret Der fuͤrſte ſprach ich bin nit got Jch leiſte ab̉er gern ſin gebot Du mach hie vier Ritt̉er ſechen Ob du es ze Recht kúndes ſpechen Der knabe fragtte furbas Du nemeſt ritt̉er was iſt das Haſtu nit goͯtlicher krafft So ſage mir wer git Ritt̉erſchafft Das tuͦt der kúng artus Junckherr kompt ir in des hus Er bringt uch an Ritt̉ers namen Des ir uch niendert durffent ſchamēn Von den helden er beſchowet ward Jr mugent wol ſin von hoh̉er ard Do lag die gottes kunſt an Jm Von d̉er auentúr ich daz nim Die mih mit warheit des beſchied. Vor Im ſid adams zit Nie manes fro bas geriet Des vatt̉er ſin lob von wiben wit vatt̉er: Punkt unter v mit unklarer Bedeutung. Da von ein lachen ward geton Aber ſprach der knabe ſan Ey Ritt̉er was machtu ſin Du haſt ſuſt menig ving̉erlin An dinem lib gebunden Doͯrt obnen vnd da vndan Da begrieff des knaben hand Was ẏſens er andem fuͤrſten fand Den harnaſch begund er ſchowen Miner muͦtter Junckfrowen Jr vingerlin an ſnuͦren tragent Die ſy nit an ein andren tragent Der knappe ſprach durch ſinēn muͦt Ja herre war zu iſt das guͦt Das dich ſuſt wol mag ſchiken Jch mag es hie herre alles gewúrkēn Der fúrſte zeigt im ſin ſchwert Nun ſich wer ſtrittes an mich gert Des ſelben wer Jch mich mit ſhlegēn Fuͤr die vigent muͦs ich an legen Fuͤr den ſchus vnd den ſtich Muͦs ich alſus wappen mich Aber ſprach der knabe ſchnel Ob die hircze truͯgent ſus ir fel So verwunt ſy nich min galilot Der vellett von mir mengig tod. Die Ritt̉er zúrnent daz d̉er hielt By dēm knappēn vil tumheit wielt. Der fuͤrſte ſprach got behuͯt din / Owe were din ſchone min Dir hat got den wunſch gegebēn Ob du mit wicze ſoͯltte*ſoͯltteſt leben Die gottes krafft dir verre leit Die ſine och die er ſelber treit Vnd gachttent dannen balde Ze einem feld inden walde Da ſach der gefuͦge Frow herczelaudes pfluͦge Jr ſoͯlich leide nie geſchach Die er vil balde erren ſach Sy begunden ſegen vnd dar nach eggen. Jr gartte ob ſtarken ochſen wegen. D̉er fuͤrſt in guͦttēn morgēn bot Vn̄d fragencz ob ſẏ ſechent not Eine junckfrowen liden Sy enkundent nit vermiden Wes er ſy fraget es ward geſagt Zwen Ritter vnd ein magt Hie Rittent hútte morgen Die magt fuͦr mit ſorgen Mit ſporn ſy vaſte Ruͦrtten Die die Junckfrowēn *fuͦrtent Das was Meliahkancz Den ergachtte karnah karnancz Mit ſtrite er Jm die frowen nam Die was da vor an froͯden lam Sy hies Jmange Von der Beafontange Die buwlútte ſer v̉erczagten Do die held fuͤr ſy Iagten Sy ſprachent wie iſt vns ſuſt geſchechen Hant vnſer Junckh̉err erſechen Vff diſen Rittern helme ſchart So enhaben wir vns nit wol bewart Wir ſúllen der kungīnnen has Von ſchulden hoͯren vmb das ſchulden: Undefinierbares Zeichen über u. Wan er mit vns da h̉er us lieff Hútte morgēn do dēnnacht ſchlieff Der knab enruͦcht wer ſchos enruͦcht: Einschluss im Papier über r. Die hircze klein od̉er gros Er huͦb ſich d*gen der muͦtt̉er wid̉er Vnd ſagt ir mere do fiel ſy nider Siner wortten ſy ſer erſchrak Daz ſy vnủerſint vor im lag Do dú kunginne Wider kam zu ir ſinnee Wie ſy da vor were v̉erczagt Doch ſprach ſy ſun w̉er hat geſagt Dir von Ritters orden Wa biſtu Jnnen worden Muͦtter Jch ſach vier man Noch liechtten wann got getan Die ſagtent mir von Ritt̉erſchafft Artus kunglichu krafft Sol mich nach Ritt̉ers orden eren An ſchilttes ampt keren Sich huͦb ein núw̉er Iam̉er hie Die frowe enwiſte rechtte wie Das ſy ir den luſt erdecht Vnd in von dem willen brecht DEr knappe tumb vnd wert Jeſch von d̉er muͦtt̉er dik ein pfert. Das begund ſẏ in Jr herczen klagen. Sy gedacht Jch wil im es nit verſagen Es muͦs aber hartte boͯſe ſin Do dachtte mer die kungin Der lút vil in ſpote ſind Toren cleider ſol min kind Ob ſinem clare libe tragen Wirt er geroffet vnd geſchlagēn So kompt er mir h̉er wid̉er wol Owe der Jemlichen dol Die frowe nam ein ſacktuͦch Sy ſchneyd im hemd vnd bruͦch Das doch an einem ſtuk ſchein Vncz enmittenan ſin blankes bein Das ward fuͤr toren kleid erkant Ein goͯgel man obnēn druff fand Al ruch friſch kelberin Vſer ein̉er hut zwen Ribelin Nach ſinen beinen wart geſchnittēn Do ward Jam̉er nit v̉ermitten Die kúngin was alſo bedacht Sy batt bliben Jn die nacht Du enſolt nit hinnan kern Jch wil dich liſte lerren An vngebanen ſtraſzen Soltu dunckel fuͤrtte laſzen Die ſichtig vnd lutt̉er ſind Da ſolttu al balde Ritten hin Du ſoltt dich ſitte nietten Der weltte gruͯſſe bietten Ob dich ein graw wis man Zuch wil lerren als er wol kan Dem ſoltu gerne folgen Vnd bis im nit verbolgen Sun la dir beuolhen ſin Wa du guͦttes wibes vingerlin Mugeſt erwerben vnd ir gruͦs Das nim es tuͦt dir kumber buͦs Du ſolt zem kuſſe gachen Vnd ir lib faſte vmbe fachen Das git dir geluk vnd hochēn muͦt Ob ſy kúnſch iſt vnd guͦt Du ſoltt och wiſſen ſune min Der ſtolcz kúng Lechelin Dinen fuͤrſten abervacht zwey land Die ſolttent dienen diner hand Waleis vnd Nurgals Ein din fuͤrſten Turkentals Den tod von ſin̉er hende enpfieng Din folk er fieng vnd erſchluͦg Das Rich ich muͦtter wils got Jn verwundet noch min gibilot Des morgens do d̉er tag erſchein Der knab wart vil bald mein. Jm was gen artuſe gach. Herczelaude in kuſte vnd lieff im nach. Der weltte truw hie geſchach Do ſy iren ſun nit mer ſach D̉er reit von Jr wem iſt deſt bas bas: Loch im Papier verursacht eine kleine Lücke zwischen a und s. Do viel die frowe falſches las Vff die erden do ſy jamer ſchneid So das ſy ein ſterben nit v̉ermeid Jr vil getruwlich̉er tot Der frowen wert d̉er helle not O wol das ſy ye muͦtt̉er ward Suſt fuͦr der ſun ſin fart Ein wurczel der guͯtte Ein ſtam der doͯmuͯtte O we das wir nun nicht hand Jr ſippe vncz anden eylfften ſpand Des wurd getúrret menig lib Doch ſeltten nun getrúwe wib Der ſich von ir hie hat erhaben Hie rittet barczifal vſz vnd gna=det ſin̉er muͦtter vnd kompt zu einer herczogin die ſchlieff vnd̉er einen gezeltt allein. Do kert der knab wolgeton gen dem forſt in berczelon Er kam an einen bach geritēn Jn het ein hahan wol úberſchrittēn Da ſtundent bluͦmen vnd gras Durch der flus ſo tukel was Der knab den furt da vermeid Den tag er gar dar nebent Reit Als es ſinen wiczen dochte Er beleib die nacht wie er mochte Des mỏrges do d̉er tag erſchein Der knab huͦb ſich dannēn allein Zu ein̉er furtte lutt̉er vnd wol geton Da was anderthalb d̉er plan Mit einem gezelt geherret Gros Richeit dar an gekeret Von drier farwe ſemit Es was och hoch vnd wit Vff den netten lagent borten guͦt Da hieng ein lidriner huͦt Den man dar uber ziechen ſolte *Iem̉er wenn es Regnen wolte. Duc Orilus de lander Des wib darund̉er fand er Ligende wunenkliche Dú herczogin Riche Glich einem Ritters trute Sẏ hies Ieſcute Dú frow entſchlaffen Sy truͦg der minne wauffen Einen mund durchluchtet Rot Vnd gerrende Ritt̉ers herczenot Jndem dú fowe ſchlieff Der mund ir vff ein andren lieff Der truͦg d̉er mīnne herczen fuͤr Sus lag des wunſches creatúr Mit zwein wiſen beinen Nach by ein ander cleinen Suſt ſtuͦndent ir die liechten zen Jch wene mich ieman kuſſens wen An einem ſus wol gelobten mund Das iſt mir ſeltten worden kunt Ein decklachen zoͯbelin Er fand ir húffelin Das ſich durch hicze von Jr ſties Die der wirt alleine lies Sy was geſchniczet vnd geſchnittēn An ir was kunſt nit v̉ermitten Got ſelbe vo*worcht Jr lib Och hat das mīnnekliche wib Langen arm vnd blanken lib vnd Hand. D̉er knab ein fing̉erlin da fand Das in gen dem bete zwang Do er mit d̉er herczogīnne Rang Do dacht er an die muͦtt̉er ſin Die Riet an wibs ving̉erlin Do ſprang d̉er knappe wol geton Von dem tepich vff daz bette ſan Die kunſche ſuͯſſen vnſanfft erſchrak Do der knapp an irem arme lack Sy muͦſte ye doch erwachen Mit ſchame oͯn ſund̉er lachen Die frowe zucht geleret Sprach wer h*hat mich enteret Junckherre es iſt úch gar ze vil Jr mocht iu nemēn ander ſpil Die frowe lute clagte er enruͦchtte was ſy ſagte Jr mund er an den ſinen zwang Da nach was do nit ze lang Er drukt an ſy die herczogin Vnd nam ir och ein vingerlin An ir hemde er ein fuͤrſpang fand Mit vnfuͦg ers dannēn ſchwand Die frowe was mit wibes wer Jr was ſin crafftt ein ganczes her Doch was vil ringes do geton Der knab clagte hunger ſan Die frow was irs libes liecht Sẏ enſprach ir ſúlt mich eſſen nit Werent ir icht fromes wiſe Jr nement úch ander ſpiſe Doͯrt ſtat bro vnd win Vnd zwey par túblin Als ein Junckfrow bracht Du es iu wenig dedacht Nun enruͦchet Jn wa *die wirtin ſas Einen guͦtten cropf er as Dar nach er ſchwere trunke trank Die frowen ducht es vil zu lang S*Sẏns wenſens Jn den pauelun Sy wonde er were ein garſon Geſcheiden von den wiczen Jr ſcham begund ſchwiczen Je doch ſprach die herczogin Junckher ir ſúltt min vingerlin Hie lazen vnd min fuͤrſpang Hebt úch en weg wan kunt min man. Jr muͯſſen zúrnen liden Das ir gern̉er moͯchttent miden Do ſprach der knape wolgeborn We wes fúrch ich úw̉ers mans zorn Wan ſchadet úch an erren So wil ich hinnan kerren Do ſprang er gen dem bete ſan Ein ander kus do ward getan Das was der herczoginen leid Der knappe oͯne vrlol dannēn reit Je doch ſprach er got huͯtte din Alſus Riett die muͦtter min Der k*knapp des Robens waz gemeit Do er eine mile von danen Reit Nache gegen ein̉er *wile zil Do kam von dem ich ſprechen wil Er ſpurte andem towe Das geſucht was die frowe Der ſchnuͯre ein teil waz vſz getrettēn Do hett ein knab das towe gewettēn DEr fúrſte werd vnd erkant Sin wib doͯrt vndēn al trúrig fand. Do ſprach d̉er herczog Orilus /. Owi frowe wie han ich ſus. Min dienſt gen úch ge=wendet. Mir iſt nach laſt̉er gendet Vil manig Ritt̉erlich̉er pris Jr habt ein ander amis Die frow bott ir logen Mit waſſ̉errichen ougen So das ſy vnſchuldig were Er geloptte ir nit mere Je doch ſprach ſy mit forchtte ſitten Do kam ein tor har geritten Was ich lútte erkennet han Jch geſach nye lib ſo wol getan Min fuͤrſpang vnd min ving̉erlin Nam er ane den willen min Hey ſin lib uͯch wol gefellet Jr habt úch zu Im geſellet Sy ſprach nune welle got Sin Ribalin vnd ſin gabilot Wauren mir doch zu nache Die rede úch ſoͯltte v̉erſch̄xmachen Fuͤrſtine es v́bel zeme Ob ſy da minne neme Aber ſprach d̉er furſte ſan Frowe ich han úch nút geton Jr wellent uch uwe ſitte ſchamen Jr lieſſent kungliche namen Der kouf git mir vngewin Sin manheit iſt doch ſo queck Das úwer e*bruͦd̉er ereck Min ſchwag̉er filiroys lac V́ch wol darum haſſen mack Mich erkennet och der wiſe An ſo gewantem priſe Der niendert mag enterret ſin Wan das er mich vor pruͦrin Mit ſiner tioſt valte An im ich ſit beczaltte Vil hochen pris vor karnant Ze Rechtter tioſt ſtach in min hand Hinders Ros durch financze Durch ſinen ſchilt min lancze. Juwer clainende brachte Vil clainende wenig ich gedachtte Juwer minne einēm andren trutte Min frow Jeſcute Frow ir ſúltt geloben das Das der ſtolcze Galoes Filirois Gandin Tot lac von d̉er tioſt min Jr hieltent och da nache by Da phiophilihon Gen mir tioſtierrent Reit Vnd mich ſin ſtritten nit v̉ermeit Min tioſt in hinders Ros v̉erſchwanc Das in der ſattel niend̉ert tranc Jch bin dicke bris beczaltt Vnd mengen Ritt̉er abgefaltt Des enmocht ich nun genieſſen nit E hoches laſter mi*mir das gicht Si haſſent mich beſund̉er Die von d̉er tauelrunde Der ich aͯcht nid̉er ſtach Das es manig werd Junkfrow ſach Vmb den ſperwer kandadik Jch behielt úch pris mir den ſick Das ſachent ir vnd artus Der min̉er ſchweſter hat zu hus Die ſuͯſſe kúnnewauren Der mund kan úch gabren Mit lachent e ſy den geſicht Dem man den hoͯſte priſe gicht Wan keme mir nun d̉er ſelbe man So wurd ein ſtrit hie getan Als hútte morgen do ich ſtreit Vnd einem fuͤrſte frumte leit Der mir ſin tioſtieren bot Von miner tioſt lag er tot Jch enwil úch nit me zorne ſagen Das menger hat ſin wib erſchlagen Vmb michel krenk̉er ſchulde Het ich dienſt od̉er hulde Das ich uch ſoͯltte bietten Jr muͯſtent ioch mangels nietten Jch enſol nit mere erwarmen An úwren wiſen armen Da ich ettwenne durch mīnne lag Vil mengen wūnneklichen tag Jch ſol valwen úwern Rottēn mund Vnd úwer ogen machen Rote kund Jch ſol úch froͯde entwerren Vnd úwer hercze ſunfzen leren. Die fuͤrſtin anden fuͤrſten ſach Jr mund do Iemerlichēn ſprach Nun erent an mir Ritters pris Jr ſind getrúwe vnd wis Vnd doch wol ſo gewaltig min Jr mugent mir geben hoche pin Jr ſúltt e min gerichtte nemen Durch alle wib lancz úch gezemen Jr mugent mir denocht fuͯgen not Lege ich vor úwern handen tot Das ir nit pris geniecte Wie ſicher ich denne weicte Das were mir ein ſuͯſſes zitt Sid úwer has an mir lit Aber ſprach der fúrſte mere Frow ir wauren gar ze here Des ſol ich an uch maſze Geſelſchafftt wirt v̉erlaſſen Mit trinken vnd mit eſſen Biligens wirt vergeſſen Jr emphahent mer dehein gewand Núman als ich úch ſiczende fand V́wer zom muͦs ſin ein beſtin ſeil úwer pfert beiagt wol hung̉ers teil V́wer ſattll wol geczieret Wirt entſchumpfieret Vil balde er zartte vnd brach Den ſemit darabe. do das geſchach Er zerſchluͦg den ſatel dar Jn ſi reit Jr kúnſche vnd ir wipheit Sy haſſen beidú muͦſte Mit beſtinen buͦſte Band er in aber wid̉er zuͦ Jr kam ſin heiſſen gar zu fruͦ DO ſprach er an den zitten Frow nun ſúlt wir Ritten Bekem er mir nun des wurd ich geil. Der hie nam úwer mīnne teil. Jch beſtuͦnd in vff auēntúr Ob ſin autem gebe fúr Als eins wilden traken Al weinende ſund̉er lachen Dú frowe Jamers Riche Schied dannēn trurliche Sine múte nit waz er geſchlacht Nu mān Irs irs manes vngemach Des trurren gab ir ſoͯlich not Das ſy noch ſenfftter were tod Nun ſúlt ir durch trúwe clagēn Si begunde hochēn komb̉er tragen Were mir aller wibe has bereit Mich Rúwte fro Juſcuten leit Sus Rittencz vff dem ſchlag hin nach Dem knappen was och vor In gach Done wuſt der vnủerzagte Nicht daz man Jn Iagte Wen ſinú oͯgen ſachent So e dem begunde nachen Den gruͦſte der knappe guͦtt̉er Vnd ſprach ſus Riet mir min muͦtt̉er Alſus kam vnſer torſcher knabe. vnſer: Haken über n. Eher als die Lesung v́nſer scheint mir aber die übliche bedeutungslose Schreibergewohnheit der Punktsetzung bei der Buchstabenkombination vnſ (vgl. t-Datei) vorzuliegen. Geritten ein halden Abe. Wibes ſtime er horte Vor eines velſen orte Ein frow vſz iamer ſchreẏ Der was die froͯd enzweẏ Der knappe reit einer balde zu Nu hoͯrett was die frowe tuͦ Da brach frow Sygunne Jr langen zoͯpffe brunne Vor Jam̉er vſz ir ſchwartten Der knappe begunde wartten Shẏnotulander Den fuͤrſten tod fand er Der Junckfrowen Jn Jr ſchos Alles ſchimpffes inſẏ verdros Er ſy trurec od̉er froͯden var Die bat min muͦtt̉er gruͯſzen gar Got halt uch ſprach des knabēn muͦtmūnd Jch han hie Jemerlichen fund Jn úwer ſchos funden Wer gab uch den Ritt̉er wunden Der knabe vnủerdroſſen Sprach wer ht in erſchoſſen Beſchach es mit einem gibilot Mich dunket frow er lige tot Kunnent ir mir von Jm icht geſagen Der úch den Ritt̉er hat erſchlagen Ob ich in muge erritten Jch wil gern mit Im ſtritten Do greiff der knappe mere Zu ſinem kochære Vil ſcharpffe gibilot erfand Er fuͦrt och denocht beidu pfand Die er von Jſcuten brach Vnd im ein tumbheit da geſchach Hette er gelernet ſins vatt̉ers ſitte Der werdeklich im wonte mitte Die buckel were gehúret bas Do du herczogin alleine ſas Dú ſit vil kumbers durch in leid Mer denne ein ganczes Iar ſy meid Gruͦs von irs manes libe Vnrecht geſchach dem wibe Nun hoͯrt och von ſigunen ſagēn Die kund ir leid mit Jam̉er clagēn Sy ſprach zum knabēn du heſt tugent. Geret ſin din ſuͯſze Jugent Vnd din antliut minenklich Das iſt war du wirſt noch ſeldēn rich Diſen Ritter meit das gibilot Er lag zu tioſtierren tod Du biſt geborn von trúwen Das er dich ſus kan rúwen E ſy den knappen ritten lies Sy fragent in wie er hies Sy Iach er truͯgen den gottes flis Bonfis ſchier fis beafis Alſus hat mich genemet Wer mich da heim*heime erkennet Do diſu red was geton Sy erkant Jn by namēn ſin Nun hoͯrt in Rechtt̉er nemen Das ir in wol mugent erkennen Wer dirre Auentuͤre h̉erre ſẏ Der hieltt der Junckfrowen bẏ Jr Rotter mund ſprach ſund̉er twal Das iſt war du heiſſeſt parczifal D̉er nam iſt Recht enmitten durch Gros liebe er ſolich herczen fruch Mit din̉er muͦtter trúwe Din vatter lies ir ruͤwe Din muͦtter iſt min muͦme Jch ſag dir ſund̉er falſchen liſt Die Rechten warheit w̉er du biſt Din vatt̉er was ein anſchwovin Ein waleis von d̉er muͦtt̉er din Biſtu geborn von kanuoleis Du biſt och kung zu nurgals Jnder hoptſtat ze kungriuals Sol din hopt crone tragen Dirre fuͤrſte ward durch dich erſchlagen Won er din land ye werte Sin trúwe er nie v̉erzertte Jung ſelig ſuͯſzer man Die gebruͦder hand dir vil getan Zwey land nam dir lechelin Diſen Ritter vnd den vetern din Ze tioſtieren ſchluͦg orilus Der lies och mich in Jamer ſus Mir dienttent one ſchande Dirre fuͤrſte von dinem lande Da zoch mich din muͦtter Lieber neue guͦtter Nun hoͯre waz diſu mere ſin Ein Bracken ſeil gab im den ſinpin Jn vnſer zweiger dienſt d̉er tot Hat er beiagen vnd imer not Mir nach ſin̉er minne Jch hett krank ſinne Da ich im nit minne gab Des hat der ſorgen vrhab Mit froͯden verſchroten Nun minne ich in alſo totten Do ſprach der niffttel mir iſt leid Din kumer vnd min laſter breit Wenn ich das mag gerechengezechen Das wil ich gern rechen Da was im gen ſtrite gach Sy wiſte in vnrechtte nach Sy forchtte daz er den lib verlúr Vnd das ſy groſen ſchaden kur Eine ſtras er do gef*gefienck Die gen dem britoneiſen gieng Dú was geſtrichet vnd breit Wer in wider gienk od̉er reit Es were Ritt̉er od̉er kouffman Die ſelben gruͦſte er alle ſan Vnd iech es were ſin̉er muͦtt̉er Rat Duͤ gab im och oͯn miſſetat DEr aubent begunde nachen gros muͯde gen Jm gachen Do ſach d̉er tumpheit genos Ein hus zu guͦtter maſze gros Dar Jnne was ein arg̉er wirt als noch vngeſchlachtte birt Das was ein fiſcherre Menger guͯtte lere Den knappen hung̉er lerte Das er dar gegen kerte Vnd clagte dem wirt hung̉ers not Der ſprach ich engilt ein halbes brot Juch nit ze driſſig Jaren Wer min̉er miltte varen Vergeben wil d̉er ſumet ſich Jch ſorge v̄mm niemān denne vmb mich Dar nach vmb mine kindelin Jr kunt talenc hie her Jn Het ir pfēnnig oder p*pfund Jch behielt úch alle ze hand Jm bott der knabe wol getan Frow Jeſutten fuͤrſpan Do das der wirt erſach Sin mund do lachette vnd ſprach Wilttu bliben liebes kint Dich errent alle die hinnān ſind Wiltu mich hút wol ſpiſen Vnd morgen Recht wiſen Gen artuſe dem bin ich hold So mag dir bliben das gold Das tuͦn ich ſprach der vilan Jch geſach nie lib ſo wol getan Jch bringe dich durch wurder Fuͤr des kúnges tauelrunde Die nach bleib d̉er knappe da Man ſach in morndes and̉er=ſchwa. Des tages er kum erbeitte / Der wir ſich bereitte Vnd lieff Jm vor d̉er knappe nach reit. Do was in beiden gach Min herr hartman von owe Frow gienover úwer frowe Vnd úwer h̉erre artus Den kunt ein man froͯmd zu hus Sit huͯten ſin vor ſpote Er iſt gige noch die rotte Sy ſúllent ein and̉er gampel nemēn Des lazen ſich durch zucht geczemēn Anders úwer frowe enite Vnd ir muͦtter karſmenite Werdent durch die mul geruket Vnd ir lob gebuket Sol ich den mund mit ſpote zern Jch wil minen frund mit ſpote wern Do kam der fiſchere Vnd der knab mere Ein̉er hopt ſtat ſo nachent Ald da ſy natis ſachent Do ſprach d̉er fiſch̉er h*got huͯte din Nun ſich doͯrt ſolttu Ritten Jn Do ſprach d̉er knab an wicze las Du ſoltt mich wiſen fúrbas Heẏ wie wol min lib daz bewart Dú meſſnie iſt ſoͯlich̉er art Genachet ir iniemer vilan Das iſt vil ſere miſſentan Eer knappe alleine fuͤrbas Reit Vff einen plan nit ze breit Der ſtund von bluͦmen liecht genal Jn zoch dehen kuruenal Er konde kurtoyſe nicht Als vngefarn man da ſicht Sin zom d̉er was beſtin Vnd hartte krank ſin pfertlin Das tet von ſtruchen mengen val Och was ſin ſattel úber al Vnbeſchlagen mit núwen Ledern Semit herminer ved̉er*vedRen Der zweyer wenic man an Jm ſicht Er bedorfftte mantel ſchnuͯr nicht Fur ſuckenie vnd fur bok Da fuͤr nam er ſin gibilot Des ſeitte man kein briſe mas Sin vatt̉er was gecleidet bas Vffem tepped vor kanuoleis Der gelie nie forchttlichen pris Jm bekam ein Ritter wid̉er ritten Den gruͦſt er nach ſinem ſitten Gelobig got halt úch riet min muͦtt̉er mir. Junckh̉erre got lon uch vnd ir Sprach artus baſen ſun Jn zoch vtpand*vtpanddraguͯn Och ſprach d̉er werde wigant Erbſchafft zu Britanie vff das land. Daz waz Jhter vōn kaheweis Den Rotten Ritter man in hies Sin harnaſch waz gar ſo rot Das es den ogen rotte bot Sin Ros waz rot vnd ſchnel Alrot was im ſin gugerel Rott ſemit waz ſin kouertúre Sin ſchilt noch Rott̉er dēnn ein fure Alrott was ſin kurſit Vnd wol an Jm geſchnittēn wit Rot was ſin ſchaff vnd ſin ſper Alrott nach ſins herczen ger Was im ſin ſchwert geroͯt Gen d̉er ſcherpffe wol geloͯtt Der kúng von kukumerland Alrott vor ſin̉er hand Stuͦnd ein kopff vil wol ergrabēn Ob tauelrunder vff erhaben Wis was ſin fel rot ſin har Er ſprach zem knaben ſund̉er war Geeret ſy din ſuͯſſer lib Doch brachte zer welte ein Reins wib O wol der muͦtter die dich truͦg Die hett froͯden gnuͦg Och d̉er muͦtt̉er die dich gebar Jch geſach nẏ lib ſo wol gefar Du *biſt der wauren minne blik Jr ſchumpfentúre vnd ir ſic Vil wibes freude an ir geſigt Darnach der Jamer ſwere wigt Lieber f*frund wiltu hin Jn So ſag mir durch den willen min Artuſe vnd den ſinen Jch welle gerne hie bitten Wer der tyoſt ſoͯl bereitten Jr dehein̉er habs fuͤr wunder Jch reit fuͤr tauelrunder Mins landes ich mich vnderwand Diſen kopff min vngefuͯge hand Vff zuktte daz d̉er win vergos Frow Synowern in ir ſchos Vnder winden mich des lerte Ob ich ſchop vnbekerte So wurde Ruͦzick mir min vel Das miet ich ſprach d̉er tegen ſchnel Jch habs och nit durch rob geton Des het min crone mich erlon Frúnt nun ſag d̉er kúngin Jch beguſſe ſy one den willen min Alda die werden ſaſſent Die Rechtt̉er wer vergaſſent Es ſint kúng oder furſten Wes land ſy iren wirt dúrſten Wan haltens im ſin goltfas Jr ſchneller bris wirt anders las Der knab ſprich ich wirbe dir Was de geſprochen haſt zu mir Der Reit von Jm ze Nāntys Jn Do volgetent Jm die kindelin Vff den hoff fuͤr den palas Da menger hande fuͦre was Vil ſchier ward vmb in ein gedrānk Je welher nacher ſprank Der knappe falſches frie Vnd bot im kampanie Do ſprach der gaſt got halte dich. Alſus bat Reden die muͦtter mich / E das ich ſchied von ieren hus Jch ſiche hie mengen artus Wer ſol mich Ritter machen Jwan begunde lachen Er ſprach du ſichſt des Rechttēn nit Das aber ſchier nun geſchicht Do fuͦrt er in zum palas Da die werde meſſnnie was Sus vil kund er in ſchalle Er ſprach got halt úch alle Binamen den kund vnd daz wib Mir gebott min muͦtt̉er an den lib Das ich gruͦſte ſund̉er Vnd die ob der tauelrunder Mit Rechttem pris hettēn ſtat Die ſelben ſy mich gruͯſzen bat Der an kunſt mich verbirt Jch enweis nit wer hin iſt wirt Dem hat ein Ritt̉er her enbotten Den ſach allenthalben Rotten Er welle ſin da vſſen beitten Mich dunckt er welle ſtritten Jm iſt och leid daz er den win Gos vff die kúngin Owi wan het ich ſin gewand Empfangēn von des kunges hand So wer ich froͯden Riche Wan es ſtett ſo *Ritterliche DEr knappe vnbzwungen Ward vil ſer gedrungen gehurt har vnd dar Sy noment ſin̉er varwe war Das was ſelb ſchwowet geherett v̄nngefrowet Ward nẏe minenklich̉er frucht Got was an ein̉er reinen zucht Do er parczifaln worchte Der freiſe wenig forchte Sus wart fuͤr artuſen bracht An dem got wund̉ers het gedacht Jn konde nyemant vinde ſin Do beſach in och die kungin E ſy ſchied von dem palas Dar vffe ſy geſeſſen was Der kúng an dem knappen ſach Zu dem tumben er do ſprach Junckh̉err got vergel úch gruͦſſes Den ich vil gerne dienen muͦs Mit libe vnd mit guͦtte Des iſt mir wol zu muͦte Das woͯltte got vnd wer daz war Der wille dunkte mich en Jar Das ich nit Ritt̉er weſſen ſol Das tuͦt mir wirs denne wol Nun ſument mich nit mere pflegent min nach Ritt̉ers ere Das tuͦn Jch gern ſprach d̉er wirt Ob werdikeit mich nit v̉erbirt Du biſt wol ſo gehúre Rich an koſt tuͤre Wirt dir min gabe vnd̉erton Das iſt war ich ſolcz vngern lon Du ſoltt bis morgen beitten Jch wil dich wol bereitten Der wolgebrne knappe Hielt gangerende als ein trappe Er ſprach ich wi*wil hie nit beitten Mir kam ein Ritt̉er wid̉er ritten Mag mir des harnaſch werd̉er nicht Jch enruͦch wer kunges gabe git So git mir aber die muͦtt̉er min Jch wenne doch dú iſt ein kúngin kúngin: Sowohl Akzent als auch ue-Ligatur. Darstellung möglich? Artus ſprach zum knappen ſan Das harnaſch hat an Im ein man Das ich dirs nit getar geben Jch muͦſz ſuſt mit kumber leben Ane alle mine ſchulde Sid ich darb ſiner hulde Es iſt Jther von kankannis Der trurren mir durch froͯde ſties Jr werent ein kúng vnmiltte Ob úch ſoͯlich gabe beuilchte Gebs im dar ſprach kay ſan Lat Jn zu Jm vff den plan So yement bringen vns den kopff Hie haltet gelgeiſel doͯrt d̉er tropff Lacz O kinnt in vmb triben So lobt mans vor den wiben Es muͦs doch dike bagan Soͯlich ſchancz wagen Jch ſorge vmb ir dewed̉ers leben Man ſol hutte vmb ebers hutte gebēn Ungern ſoltte Jch im v̉erſagen Won daz ich forcht er werd erſchlagen Sprach Artus vs trúwe krafft DerDem ich ſol helffen ze Ritt̉erſchafft Der knappe ye doch die gab em=pfieng. Da von ein trurren ſid ergieng. Da was im von dem kunge gach. Junge vnd altte dringent im hartte nach Jwan In ander hende zoch Fuͤr eine loben nit zu hoch Da ſach er fuͤr vnd wider Die lobe waz wol ſo ni*nider Daz er daruff horte vnd ſach Da von ze trurren Jm geſchach Da woltt och die kúngin Selb inden venſtern ſin Mit Rittern vnd mit frowen Die begundent Jn alle ſchowen Do ſas frow Cunneware Die frie vnd die clare Du enlachtte nit deheine wis Sy ſeche denne den der den hoͯchſten pris Hett oder ſoͯlt erwerben Sy wolt E ſuſt erſterben Alles lachen ſy vermeid Bis das der knappe fuͤr ſy Reid Do erlacht ir minenklich̉er mund Des ward ir Rugge vngeſund Do nam key Sinetſchand Frow kunewaren delalant Mit ierem Reiden hare Jr lange zoͯpffe clare Wand er vmb ſin hende Er ſpant irs an ein ende Jr Rugge wart dehein eit geſtabt Doch ward ein ſtab ſo daran gehabt Sus das ſin ſuſſen gar verſchwand Durch wat dur fel es trang Do ſprach der vnwiſe Úwerm werden priſe Jſt gegeben ein ſoͯliche leczin Jch bin ſin fenk necze Vnd ſúln hin wider in úch ſchmidēn Das es empfindēnt vff dem liden Es iſt dem kúng artus Vff ſinem hoff vnd in ſin hus Manig man geritten Durch die ir lachen hapt v̉ermitten Vnd lachet nun durch einen man Der nit mit Ritters fuͦge kan Jn zorne wunders vil geſchicht Sins ſchlages were im erteilt nicht Vor me Riche vff diſe magt Die vil von frunden wirt geclagt O ſy haltt ſchiltte ſoͯltte tragen Die vngefuͯge iſt hie geſchlagēn Wan ſy was von ard ein fuͤrſtin Orilus vnd Lechelin Jr bruͯder hettencz die geſechen Der ſchlege minre wer geſchechēn DEr verſchwigne antonor Der durch ſchwigen ducht ein tor. Sin Rede vnd ſin lachen / Was geczeltt mit zwein ſachen Er enwoltt nyem̉er wort geſagēn Sy lachtte die da wart geſchlagēn Do ir lachen was geton Sin mund ſprach zu keyſan Got weis her ſinetſchant Das frow kunne da wer zu land Durch den knappen iſt zerbert V́wer froͯde es wirt verczert Noch von ſiner hende Er on ſy nie ſo ellende Sit úwer erſt rede mir traͯut Jch wene ir wenig uch gefroͯtt Sin brat wart galunt Mit ſchlegen vil gerunt Dem wiſſehafftten toren Mit funſten in ſine oren Das tet keẏ ſund̉er twal Do muͯſze der Junge parzifal Diſen kumber ſchowen Antonors vnd der frowen Jm was von herczen leid ir not Dicke er greiff zum gibilot Vor der kúngin waz ſoͯlich gedrang Das er durch das v̉ermeit den ſchwank. Urlob nam da Jwa=net Ze filirois Gahmuret Des reiſe allein ward geton Hinuſz gen Ihter vff den plan Dem ſeite er ſoͯlich mere Das da Jnnen nieman were Der tioſtierres gerte Der kung mich der gab werte Jch ſaget als du mir Jeche Wie es one danc geſcheche Das du den win verguſſe Vnfuͦge dich verdruſſe Jr deheinen luſtet ſtrites Gib mir daruff du ritteſt Dar zu all din harnaſch Das empfach ich vff dem palas Dar Jnne ich Ritter werden muͦſz Wider ſag ſig dir min gruͦs Ob du mirs vngerne giſt Gewer mich ob du In wiczen biſt Der kúng von kukumerlant Sprach hat dich arttus har geſant Vnd dir min harnaſch gegeben Das iſt war daz tuͦt er umb din lebēn Moͯchtteſtu mirs angewinen Sus kan er frunde minnen Was aber er dir e icht hold Din dienſt gedient ſchrier den ſold Jch getar wol diennēn waz ich ſol Och hat er mich geweret vil wol Gib her vnd la din lantrecht Jch enwil nit leng̉er ſin ein knecht Jch ſol ſchiltes ampt han Er greff im nach dem zome ſan Du macht wol weſen Lechelin Von dem dro clagt die muͦtt̉er min Hie ſtrit parzifal mit dem Rotten Ritter Vnd feltt Jn nid̉er zu tod vnd leit ſine wappen an vnd ſicz vff ſin Ros alſo wunder vnd lett den harnach v́ber ſin narren kleid Der Ritt̉er vmbkerte den ſchafftt / Vnd ſtach den knappen do mit krafft Das er vnd ſin paͯretlin Muͦſten fallen vff der bluͦmen ſchin. Der held was zornes drete. Er ſchluͦg in daz es im we tette. Von dem ſchafftte vs d̉er ſchwartten bluͦt. Parczifal der hed*held*helde guͦt. Stund alzornig vff dem plan Zem gibilot greiff er ſan Da der helm vnd die viſier Sich lochrete ob dem barbir Durch das og ſchneid das gibilot Vnd durch den nack ſo daz er tot Viel. der falſches wid̉er ſacz Wibe ſúnffczen h̉ercze Iamers krafft Gab Jhters tod von kacheveis Der wibes ouge naſe lies Welhe ſin̉er minne empfand Durch die froͯd ir waz gerant Vnd Jr ſchimpff entſchumfieret Gen der rúwe gekondwieret Parczifal der tumbe Kert in dich al vmbe Er kond in ab gecziechen nit Das was ein wund̉erlich geſchiht Helms ſchnuͦr noch ſin ſchaler Mit ſinen wiſen henden fer Kond ers nit vff geſtriktten Suſt och nit her abe gewiken Wie dick ers doch verſuͦchte Wiſzheit der vnberuͦchtte Das ros vnd ſin pferdlin Erhuͦben einen ſo groſſen grin Das es Jwan erhorte Vor der ſtat an des graben orte Frow Ginoren knappe vnd ir mac Do er erhortten von den Roſen diſēn bac Vnd er nyemet daruff ſach Von ſinen trúwen das geſchach Die er nach parczifaln truͦg Do gachtte dar der knappe cluͦg Do fand er Jhtern tot Vnd parczifaln in tumb̉er not Schnelklich er Zu in beidēn ſprang Vnd ſagte parczifaln dank Priſes den erwarb ſin hand Ainne kungin von kukumerland Got lone dir rat was ich tuͦ Jch lankan hie harte wenig mit zu Wie bring ichs ab im an mich Das kan ich wol gelerren dich Sprach der ſtolcz Iwanet Ze filiroys gahmuret Enttwapnet ward d̉er tote man Alda vor nantis vff dem plan Vnd anden lebendigen geleget Den denne groſze tumheit wegt Jwan ſprach du Ribalin Súln nit vnderm yſen ſin Du muͦſt nun tragen Ritt̉ers kelid Die Rede was parczifaln leid Do ſprach der kúng gutter Was mir gab min muͦtt̉er Das ſol vil wing von mir komēn Das gen zu ſchaden od̉er zu fromēn Das ducht Jn wund̉erlich gnuͦg Jwan der wan cluͦg Je doch muͦſt er im volgen Er was Jm nit erbolgen Zwo liechte hoſen yſin Schuͯchet er im úber das Rabilin Sunder leder mit zwein borten Zwen ſporn die dar zu gehorten Er ſpien Im vmb des goldes wert E er Im but den halſper Er ſtrikte im vmbe dú ſchallier Sund̉er twal wart hartte ſchier Von fuͦſſe vff gewappet wol Parzifal mit gerrender dol Do hieſch d̉er knappe mere Sinen kochere Jch reiche dir dehein gibilot Die Ritt̉erſchafft dir das gebott Sprach Jwan d̉er knappe werd Der gurt im vmb ein ſcharpff̉ers ſchwert Das lertte er in vſz ziechen Vnd wider in die ſcheid ziechen Do zoch er im do nach ſan Den Rotten caſtilan Das truͦg bein hoch vnd lang gewappet er inden ſattel ſprang Er gertte ſtegreiff nicht Dem man noch ſchnelheit gicht Hie wappnet Jwan den parczifal mit des Rotten Ritt̉eres geczug vnd zoch im das pfaͯrt dar daruff er prang one ſtegreiff vnd reit en weg. Iwatten nit beuilhte Er leit in vnderm ſchiltte Kúnſtliche gebarren Vnd der vigende ſchaden varen Er bot Jm indie hand ein ſper Das was gar oͯn ſine ger Doch fragt er war zu iſt es frum Wer gen dir mit ſtrit kom Da ſolt du es balde brechen Durch ſinen ſchiltt zerſtechen Wiltu des vil getriben Man lopt dich vor den wiben Als vns die auentúre gicht Von kolne noch von maſtriech Dehin Schiltere entwafnet in bas Denne als er ze roſe ſas Do ſprach er ze Jwanetten ſan Lieber frund min kunpan Jch han hie erworben des ich bat Du ſoltt min dienſt indie ſtat Dem kung artus ſagen Vnd och min hoches laſt̉er clagen Bring Jm wider ſin golfas Ein Ritt̉er ſich an Jm vergas : Zeile unterhalb des Schriftspiegels. Das er die Junckfrowen ſchluͦg Durch das ſy lachencz min gnuͦg Mich muͯget ir Joͯmerliche wort Die giengent mir andaz herczes ort Ja muͦs enmitten dar inne ſin Der frowen vngedientt̉er ſin Tuͦ es durch dine geſelheit Vnd las dir min laſt̉er weſen leit Ihtern von kaheveis Er Jemerlichen ligen lies Er was doch ſo mīnenklich Lebende waz er ſelden Rich Wer Ritterſchafftt ſin ende were Der ſtrit durch ſchilt mit dēm ſpere Wer clagte denne die wund̉ers not Er ſtarb von einem gibilot Jwan vff indo brach Der liehtten *bluͦmen ein tach Er ſties des gibelotes ſtil Zu im zer marter zil Der knappe kunſch vnd ſtolcz Truktte ein Crúcz wis ein holcz Durch gabilotes ſchniden Er enwolt nit vermiden Jn die ſtat er ſagte Des menig frow v̉erczagte Vnd menig Ritter weinde Der clagende trúw erſcheinte Do ward Jamẻrs vil gedolt Der totte ſchone ward geholt Die kúngin reit vs der ſtat Das holtumheltum ſy fuͯrren bat Ob dem kung von kukum̉erland Den totte parczifales hand Frow Signower die kúngin Sprach ioͯm̉erliche worte ſin Owi vnd heya heya heẏ Artus wirdikeit enzwei Sob brechen noch dis wund̉er Der ob der tauelrunder Den hoͯchſte pris ſoltte tragen Daſt der vor Natis lit erſchlagēn Sins erbteils er gerte Do man Jn ſtrittes werte Er was doch maſſenie hie Alſo das dehein ore nie Dehein ſin vntat v̉ernam Er was vor wildēm falſche zam Der waz gar von Im geſchaben Nun muͦs al zu fru begraben Ein bluͦm ob dem priſe Vnd ſin hercz an zuchtten wiſe Ob dem ſchloſſe ein hand veſte Riet Jm benamen daz beſte Wa man nach wibes minne Mit ellenthafftten ſinne Soͯltt erczeigen mannes trúwe Ein berrende frucht al núwe Jſt trurens vff die wib geſeit Vs dinen wunden Jame weit Dir waz doch wol ſo rot din har Das din bluͦt die bluͦmen clar Nicht Roͯtt̉er dorfftten machen Du ſchwendeſt wiplich lachen Ihter der leblos Ritt̉er lobes Riche Wart beſtet kunkliche Sin tod ſchob ſúnfzen indie wib Sin harnaſch im verlos den lib Darumb was ſin endes wer ſin: Hinten am n befindet sich ein Haken mit unklarer Bedeutung. Des tumben parczifals ger Sit do er ſich bas verſan Vngern het ers do getan Das ros ein̉er ſitte pflag Go*Gros arbeit es Ringe wag Es were kaltt oder heis Es lie dur Reiſe deheinen ſweis Es trette vff ſtein od̉er vff Ron Man bedorfft Jm deheins gurtes won Doch eins loches necher bas Wer zwen tag daruffe ſas Gewapnet reit es der tumbe man Den tag ſo vere es g*hette gelan Ein blos wiſer ſoͯlters han gerittēn Zwen tage es were v̉ermitten Es luffe od̉er trabte Er kond im wenig vff habēn Gen dem aubent er do ſach Eins turnes gupffen vnd daz tach Den tumben duchte ſere Wie die turne wuͯchſent mere Der ſtund do vil vff einēm hus Do wander es werre daz hus artus Des Jach er Jm in heimlichkeit Vnd das ſin ſelde were breit Alſo ſprach d̉er tumbe man Miner muͦtter folk nit alſo buwen kan / Es wachſt nit ſo lang ir ſat Was ſy ir in dem walde hat Gros regen ſy ſeltten da verbirt Gurnamanz de Graharz hies der wirt. Vff d̉er burg dar zu er reit. Da vor ſtund ein linde breit Vff einem gruͯnnen anger Er was breitt̉er noch langer Numan zu Rechtter maſze Das ros vnd die ſtraſſe Jn truͦgent da er ſiczent fand Des waz dú burg vnd daz land Ein groſe muͯde in des beczwang Das er den ſchilt vnrecht ſchwāng Ze verre hinder od̉er fuͤr Doch nit nach der ſitte kuͤr Die man do gein priſe wagmas Gurnamanacz d̉er fuͤrſte alleine ſas Och gab der linden tolde Jr ſchatten als ſy ſolde Dem hoptman d̉er waurēn zucht Des ſitte was vor falſche ein flucht Er enpfieng den gaſt daz was ſin Recht By Im was Ritt̉er vnde knecht Des anttwurt im do parczifal Vs tumben wiczen ſund̉er twal Mich bat min muͦtt̉er nemen Rat Zu dem der grawe loͯcke hat Da wil ich uch diennen nach Sid mir min muͦtt̉er das veriach Sid ir durch rattes ſchulde her komen úwer hulde Muͯſſent ir mir dur Rate lonlan Vnd wend ir Rattes volge han Do warff der fuͤrſte mere Einen muſſer ſprwere Von der hand in die burge er ſchwank Ein guldin ſchel daran erkank Das was ein bott do kam im ſan Vil Junckh̉erren wol getan Er hie den gaſt den er da ſach Jn fuͯrren vnd im ſchaffen ſin gemach Do ſprach min muͦtter ſaget alwar Alttes manes Red ſtat nit ze var hin In ſy in fuͦrttent alzehant Da er mengen werdēn Ritt̉er fand Vff dem houe an der ſtat Jr yettlicher in wilkomēn bat Do ſprach an dem waz tumheit ſchin Mich hies ein kung Ritt̉er ſin Was haltt mir darum beſchicht Jch kom von diſem Roſe nicht Gruͦs gen úch riet mir die muͦtt̉er min Sy tattent alle im erre ſchin Do das gruͯſen wart getan Das ros waz muͯde och der man Meng̉er bett ſy gedachtten Vncz ſy in von dem Roſe brachtent Jn eine kemnaten Sy begundent Jm al*ale Ratten lat das harnaſch von úch bringēn Vnd úwer lider Ringen Vil ſchier muͦſt er entwapet ſin Do ſy die Ruchen Ribelin Vnd die torren kleid erſachen Sy erſchrakent die ſin pflagen Vil bluges ward zu hoff geſagt Der wirt vor ſcham waz verzagt Ein Ritt̉er ſprach durch ſine zucht Das iſt war ſo Ritt̉erliche frucht Kos nie mer min̉er ogen ſeche An im lit der ſelbe ſpeche Mit Rein̉er ſuͯſzer hoch̉er art Wie iſt der mīnne blik alſo bewart Mich Jamert ym̉er das ich fand An der weltte froͯde ſollich gewānd Wol der muͦtt̉er die in truͦg An Im lit des wunſches lit gnuͦg Sy geczimber iſt Riche Das harnaſch ſtat Ritt̉erliche Es kam von dem gehuͤrren Von einer quaczſchuͤren Bluͦtig amiſier Kos ich an Im ſchier Der wirt ſprach zem Ritt̉er ſan Es iſt lich durch wibe bot getan Nein h̉erre er iſt nit ſoͯlicher ſittēn Er en konde nẏem̉er wib gebittēn Das ſy ſinen dienſt neme Sin varwe iſt der minne zeme Do ſprach der wirt nun ſoͯlt wir ſechen. An des watte wnder iſt geſchechen. Si giengen da ſy funden Parczifaln den wunden Von einen ſper daz belieb doch gancz. Sich vnderwand ſin Gurnamanz Soͯlich waz ſin vnd̉erwinden Das ein vatter ſinen kinden Der ſich trúwe konde nietten Er mocht Jms bas nit erbietten Sine wunden wuͦſch vnd band Der wirt mit ſin ſelbs hand Nun was och vff geleit daz brot Das waz dem Iungen gaſte not Won in gros hung̉er nit vermeid Al faſtende er des morgens reit Von dem fiſcherre Sin wunden ſin harnaſch ſwere Die vor Natis er beiagte Jm muͯde vnd hung̉er ſagte Vnd dú verre tag Raiſe Von Artus dem brytonayſe Da mān in allenthalbēn vaſten lies Der wirt in mit im eſſen hies Der gaſt ſich do glapte Jn den barn er ſich do hapte Das er der ſpiſe ſchwennte vil Das nam der wirt ze einēm ſpil Do bat In fliſſenkliche Gurnamancz der Riche Das er vaſte eſſe Vnd d̉er muͯde ſin v̉ergeſſe Man huͦb den tiſch do daz waz zit Jch wenne daz ir muͯde ſit Sprach d̉er wirt warēnt ir ich fruͦ Got weis min muͦtt̉er ſchlieffe nu Sy kan ſo vil nit wachen Der wirt begunde lachen Er fuͦrt in an die ſchlaff ſtat Der wirt In vſz ſchloffen bat Vngern ers tet doch muͦſtes ſin Ein decklachen hermin Wart geleit uͤber ſinen bloſſen lib So werde frucht gebar nie wib Gros mude Jn ſchlaffen lerte Das er ſich ſeltten kerte Vmb an die andren ſitten Sus kond er tages bitten Do gebot d̉er fuͤrſte mere Das ein bad bereit were Recht vmb den mittēn morges zit tag Zende an me tepped da er lag Das des muͦs des morgens alſo ſin Man warff der roſen obna In Wie wenig mān v̄mm in da Ruͯff Der gaſt erwacht da er ſchlieff Der werde ſuͯſze man Gieng ſiczen in die kuͯffen ſan Jch weis wer ſy des bette Junckfrowen mit Rich̉er wat Vnd an libes varwe wunēnklich Die komen zúchte ſitte gelich Si zwügen vnd ſtrichent ſchier. Von Im ſin amiſier Mit blanken lindēn hendēn Jnne bedorfftt nit ellenden Der da was wicze ein weiſe duſtSuſt dolt er freude vn̄d eiſe Tumpheit er wenic gen im en=galt. Junckfrowēn kunſch vnd bald Jn alſus kuͦnrierten Wa von ſy parlirierten Do kund er wol ſchwigēn zuͦ Jn dorfftte dunken nit zu fruͦ Wan von Jm ſchein d̉er and̉er tag Der glaſt ſuſt in ſtritte lag Sin varwe laſte beiduͤ liecht Des waz ſin lib v̉erſumet nicht Man bot Jm badlachen dar Des nam er vil cleine war Sus kond er ſich by frowēn ſchemēn Vor Jn wolt ers nicht vmb nemēn Die Junkfrowen muͦſtent gen Si getorſtent da nit leng̉er ſten Die wen ich gerne hettēn geſechen Ob im doͯrt vnden ich wer geſchechēn Wipheit vert mit truͤwen Sy kan fruͤndes kum̉er ruͤwen Der gaſt an daz bette ſchreit Al wis gewand waz im bereit Von goldin vnd ſydin Einen bruchguͤrtel zoch man drin Scharlachens hoſen Rotte man ſtreich. An in dem alle nie geſchweich. Auoy wie ſtuͯndent ſine bein. Rechtte geſchiket ob im ſchein Brun ſcharlachēn wol geſchnittēn Dem was fuͯttrin nit v̉ermittēn Beidú Innan hernin wis Rok vnd mantel mit vlis Breit ſchwarcz vnd gra Einen zobel man kos d̉ervor alda Das gegleit an der gehuͤrre Einen guͤrtel d̉er was tuͤre Wart er gefriſchieret Vnd wol gezimieret Mit einer tuͤrren fuͤrſpang Sin mund da by von Roͯtte brang Do kam d̉er wirt mit trúwen krafft Nach dem gie ſtolcze Ritt̉erſchafftt Er gruͦſte den gaſt do er in ſach Der yeglich̉er ſprach Sy geſechent nie ſo ſchoͯnen lib Mit trúwen loptent ſy daz wib Die gab d̉er welt ſoͯlich frucht Dur warheit vnd vmb ir zucht Sy ſprachent wir wol gewert Wa ſin dienſt gnaden gert Jm iſt mīnne vnd gruͯs bereit Mag er gemeſſen wirdikeit yeglicher im da gegēn veriach Vnd dar nach wer in ye geſach Der wirt In by d̉er hand gevieng Geſelklich er dannen gieng In fragtte d̉er fuͤrſte mere Welhe ſin muͦtterRuͦwe were Des nachttes da by geweſſen herre dane werre ich nit geneſſen Won das mir min muͦtt̉er her ieriet Des tages do ich von ir ſchied Got muͦſz lonen úch vnd ir herre ir tuͦt gnade an mir Der wirt zer meſſe in lerte Das noch dú ſelde merte Opffren vnd ſegen ſich Vnd gen dem túffel keren grich Darnach giengēn ſy vff den palas Alda der tiſch verdeket was Der gaſt zu ſinem wirte ſas Die ſpis er vngeſchmeche as Der wirt ſprach durch hoffheit herre enſol úch nit weſen leit Ob ich úch fragte mere Wannen úwer reiſe were Er ſagt im gar die vnd̉erſcheid Wie er von ſin̉er muͦtter reid Vmb daz ving̉erlin vnd den fuͤrſpang Vnd wie er den harnach gewan Der wirt erkant den Ritter Rot Er erſunfcze vnd erbarmet In ſin not Den gaſt ers namēn nit erlies Den Rotten Ritter er In hies Do man den tiſch har dan genām Do nach ward wild̉er muͦt zam D̉er wirt ſprach zum gaſte ſin Jr redent als ein kindelin Wan geſchwig ir úw̉er muͦtt̉er gar Vnd nemēnt and̉er mere war Halttent úch an minen Rat Der ſcheidet úch von miſſetat Sus heb ich an lacz úch geczemen Jr ſúltt nẏem̉er uch v̉erſchemen Verſchampter lib waz tog d̉er mere Der wont in d̉er muͦze rere Da im wirdikeit entriſet Vnd Jn gen d̉er helle wiſet Mich entrige geſchicktte vnd ſchin Jr mugent wol folkes herre ſin Jſt hoch oder hochet ſich úw̉er art lat úwern willen des bewart V́ch ſol erbarmen notie her Gen des kumers ſit ze wer Mit miltte vnd mit guͯtte Vliſſent úch doͯmuͯtte Der kum̉erhafftte werde man Wol mit ſcham Ringen kan Das iſt ein vnſuͯſſe arbeit Dem ſult ir heffen ſin bereit Wen wen er dem tuͦt kumb̉ers buͦs So nachet úch der gottes gruͦs Jm iſt noch wirs noch den die gent Nach brote da die venſter ſtend Jr ſúltt beſcheidenliche Sin armen vnd Riche Wan wa der h̉erre gar v̉ertuͦt Das iſt nit herlich̉er muͦt Samlet er aber ſchaczes ere Das ſind och vnere Gelt rechtter maſe ir orden Jch bin wol inen worden Das ir Rattes durffent ſit Nun lat der vngefuͦge ir ſtrit Jr ſúltt nich vil gefragen Och enſol úch nit betragen Bedachter gegen rede dú ge Recht als Iens frage ſte Wer wil úch mit wortten ſpechen Jr kunnent hoͯren vnde ſechen Entſeben vnd drehen Das ſúltt úch wicze nehen Lat die erbermde by dem freuel ſin Suſt tuͦt mir Rattes volge ſchin An wem ir ſtrittes ſicherheit bezalt. er enhab úch ſoͯlich leid geton. Die herczen kum̉er weſſen Du nempt vnd lat in geneſſen Jr muͯſent dick wappen tragen Sos von uch kom daz ir getwagēn Vndern oͯgen vnd an hend ſit Das iſt nach yſens Rome Zit So werdent ir mīnneklich var Des nement wibes ogen war Weſſet manlich vnd wol gemuͦt Das iſt ze werdēm priſe guͦt Lat úch lieb ſin die wib Das turet Iunges manes lib Gewenkent nyem̉er tag an Jn Das ich raut manlich ſin Weltt ir in gern liegen Jr mugent ir vill betriegen gegen in wed̉er mīnne falſch̉er liſt hat ze briſe kurcze friſt Das wirt der lichere clagen Das duͤrre holcz im hage Es braſtet vnd krachet Der wachterre erwachet Vngeuerte vnd hemit Dar gedichet manig ſtrit Das meſſet gegen der mīnne Du werde hat ſinne gegen in falſche liſtliche kunſt Wenn Jr begat irn vngunſt So muͦſſent ir gevneret ſin Vnd ym̉er dulden ſchmachendu pin Diſu lere ſúlt ir nache tragen Jch wil úch mer von wibes ordēn ſagēn Man vnd wil die ſind alleine Als am die hútte die ſūnne ſchine Vnd och der nam d̉er heiſſet tag De wedres ſich geſcheiden kan Sy bluent vſz einem kernēn gar Des nempt kunſtliche war Der gaſt dem wirte durch Raute neig. Sin̉er muͦtt̉er er geſchweig Mit Rede vnd im herczen nicht Als noch getrúwen manen geſchicht Der wirt ſpach ſin erre Noch ſult ir lernen mere Kunſt an Ritt̉erlichem ſitten Wie koment ir zu mir gerittēn Jch han beſchowet menge wand Da ich den ſchilt bas hangēn fand Denne er uch zu halſe tette Es iſt vns nit zu ſpette Wir ſullent zu felde gachen Da ſultt ir kunſte fachen Bringēnt im ſin Ros mir das min Vnd yettlichem Ritt̉er das ſin Dar ſullen och Junckh̉erren komēn Der yeglich̉er hab genomēn Einen ſtarken ſchafftt vnd bring Jn dar D̉er nach d̉er núwe ſy gefar Suſt komen die fuͤrſten vff den plan Do wart mit Ritten kunſt getan Sinem gaſt er Rautten gab Wie ers ros vff dem walap Mit ſporn graffe pine Nach ſchenkel fliegens Nach ſchenkel fliegens ſchine Vff dem pondyr ſoltte wenken Vnd den ſchafft ze Rechte ſenken Denn ſchilt gen tioſt fuͤr ſich nemēn Er ſprach des laſzent úch gezemēn Vnfuͦge er im werte Bas denne ein ſchwenkel gerte. Dú argen kinden ſo brichet fel Do hies er komen Ritt̉er ſchnel gegen Im durch tioſtierren Er begund in kondwieren Einen zu gegen an dem Rink Do brachtte der Jungling Sine erſte tioſt durch einēn ſchilt Des von Inen allen wart beuilt Vnd das er hinders ros v̉erſchwānd Einen ſtarken Ritt̉er nit ze krank Ein and̉er tioſtierer waz komen Nun hett och parczifal genomen Ein ſtarken núwen ſchafftt Sin Jugent het ellent vnd crafft Der Junge ſuͯſſe one bart Des zwang in Gahmuͦrtes art Vnd angebornú manheit Das ros von Rabine er reit Mit vollenklich̉er hurte dar Er nam der vier nagel war Des wirttes Ritt̉er nit geſas Alle vallende er den acker mas Do muͦſen kleine ſtukelin Alda vom trunczunen ſin Alſus ſtach ir funff nider Secht do behielt er ſchimffes pris Vnd ward och ſit an ſtrite wis Die ſin Ritten da geſachen Die wiſen Jm das Iachen Da fuͯre kunſt vnd ellen bẏ Nun wirt min herr iam̉ers frẏ Sich mag wol Jungen ſin lib vnd leben Er ſol im zu wibe geben Sin tochtter vnſz frowen Ob wirn by wiczen ſchowen So erloͯſcht Im ſins Jamers not Fuͤr ſiner dryer ſuͤnne tod Jſt im ein gelt ze hus gerittēn Nun hat in ſelde nit v̉ermitten. Sus kam der fuͤrſte wid̉er Jn Der tiſch muͦſt gedeket ſin Der wirt hies ze tiſche komen Sine tochtter han ich ſus v̉ernomēn Do er dú maget komen ſach Nun hoͯrent wie d̉er wirt ſprach Zu der ſchoͯnen lyaſen Nun ſoltu kúſſen laſſen Diſen Ritter vnd but Jm ere Er fert mit ſelden lere Och ſolt an úch gedinget ſin Das ir der magt ir vingerlin lieſet ob ſi es moͯchte han Nun hat ſis nit noch fuͤrſpan Wer gebe úch ſoͯlich volleiſt Sam der frowen Jn dem foriſt Die het ettwēnn von dem ſi es empfie Das úch zenpfahende ſit ergie Jr mugent laſzen nit genemen Der gaſt begund ſich des ſchemen Iedoch ſo kuſt er ſy an den mund Dem was wol fuͤres varwe kunt lyaſen lib was minnenklich Da by der wauren *kuͤnſche rich Der tiſch was nider vnd lang Der wirt ſich mit niemen da drang Er ſas alleine an dem ort Sinen gaſt lies er ſiczen dort Zwúſchen im vnd ſinem kinde Jr wiſen hende linde Muͦſſent ſchniden wen d̉er wirt gebot Dem den man hies den Ritt̉er rot Als das er eſſen ſoltte Sine gebartten hinlich Dú maget zúchtten Riche Leiſte irs vatters willen gar Sy vnd d̉er gaſt wauren wol gefar Dar nach ſchiere gieng die maget wid̉er Alſus pflag man des gaſtes wid̉er Vncz an den vierczechenden tag By ſinen herren kumber lag Anders nit wan vmbe das Er woltt e geſtritten bas E das er daran wurde varn Das man da hieſſen frowen arn Jn duchtte wert gedinge Das were ein hoche linge Ze diſem libe hie vnd dort Das ſind noch vngelobigu wort Eins morgens vrlob er bat Do rumder Graharcz die ſtat DEr wirt mit im ze felde reit Hie huͦb ſich núwes herczleid Do ſprach d̉er wirt vſz truͤwēn erkorn. Jr ſit min vierder ſun verlorn. Ja wond ich ergoͯcz were Drier Jemerlichen mere Der warēnt denoch nit won drẏ Der nun min hercz in vierú Mit ſiner hende ſchluͯge Vnd ieglichs ſtuke truͯge Das ducht mich ein gros gewin Eines fuͤr úch ir Rittent hin Die druͤ fuͤr mine werde kint Die ellenthafftt erſtorben ſind Suſt lont iedoch die Ritt̉erſchafftt Jr zagel iſt iamer ſtrikhafftt Ein tod mich lempt an froͯden gar Mins ſuns wol gefar Der was geheiſſen gentafluͦrs Do fro kondwiramuͦrs Lib vnd ir lant nit wolte geben Jn ir helffe er verlos ſin leben Von kalmide vnd kungrun Des iſt mir tunkel als ein zun Min hercz von Jamers ſchnitten Nun ſit ir alle zu fruͦ geritten Von mir troſtloſen man Owe das ich nit ſterben kan Sit lyaze dú ſchone magt Vnd och min land uch nit behagt Min ander ſun hies kuͤnſlaſcot Der ſchluͦg mir yeder filnot Vmb einen ſperwere Des ſtan ich froͯden lere Min dritt̉er ſun hies kruczkurczgri Dem Reit machude bẏ Mit ir ſchoͯnen libe Wan ſy gab im ze wibe Jr ſtolczer bruͦd̉er Ehunat Gein Brandigan der hoptſtat Kam er nach Schoydelakurt gerittēn Des enwart ſin ſterbn nit v̉ermitten Da ſchluͦg in Mabonagrin Des verlor machude ir liechtten ſchin Vnd lag min wib ſin muͦtter tod Gros Jamers irs nach im gebot Der gaſt nam des wirttes Jam̉er war Won er ims vnd̉erſcheidēn het ſo gar Do ſprach er herre ich bin nit wis Beczal aber ich imer Ritters pris So das ich wol mac minen gern Jr ſond mich lyazen wern V́wer tochtter die ſchoͯnen magt Jr habt mir al ze vil geclagt Mag ich uch Iamer denne entſagen Des enlas ich úch ſo vil nit tragen Vrlob nam der Junge man Ze dem getrúwen fuͤrſten ſan Vnd zu alder meſſnie Des fuͤrſten Jamers drye Was trurig an daz vierd komen Die vierde verluſt het er genomēn PArzifal. Ritters ſitte vnd Ritters mal Sin lib mit zúchtēn fuͦrte. Owe wa in das Ruͦrte. Vil menig vnſuͯſſes ſtrenge Jm was die witte ze enge Vnd och dú breite gar ze ſchmal Allu guͯtte in duchte fal Sin Rot harnaſch duchte wis Sin hercze ſin oͯgen in des bewiſt Sit er tumpheit oͯne ward Dene wolt in gahmurtes art Denkes nit erlaſzen Nach der werden lyazen Er enmochcz vor iamer nit gehabēn : Vers fälschlich vorgezogen, gestrichen (vom Schreiber und vom Rubrikator) und an richtiger Stelle wiederholt. Der megde ſelden Riche Dú im minnenkliche Sund̉er minne bot ere War ſin ros nun kere Er enmochcz vor Jamer nit mere gehabēn Es woltt ſpringen od̉er traben Crúce vnd ſtuden ſtrit Dar zu d̉er wagenleyſe wit Sine waltſtraſe meid Vil vngeuertes er do reit Da luczel wegriches ſtund Tal vnd berg waurent Im vnkunt. Gnuͦgne habent einēn ſitten.. Vnd iechent wer irre ritte Das der den ſlegen ſúnde Schleges vrkunde Lag da vnemaſze vil Súlen groſe Ronen ſin ſchlegels zil. Doch reit er luczel ierre Wan die ſchlechte an den virre Kam er des tages Graharcz Jn das kungriche Brubarcz Durch wild gebirge hoch Der tag do gen dem aubent zoch Do kam er an ein waſſer ſchnel Das was von ſinem duſſe hel Es gaben die felſen ein ander Das reit er nider da fand er Die ſtat ze pelrapeire Der kúng Tampuͦnteire Het ſy geerbt vff ſin kint Bi der vil lútten in kumb̉er ſint Dis waſſers fuͦr nach bolczes ſitten Die wl gefidret vnd geſnitten ſind ſo ſis armbroſters ſpan Mit ſenwe ſchwanke tribet ſan Darúber gieng ein bruge ſchlag Da manig hurt vffe lag Es flos alda in daz rechtte mer Pelrapeire was wol ze wer Nun ſchecht wie kind vff ſchoken warn Die man ſchokēns nit wil ſparn Sus fuͦr die bruge oͯne ſeil Dú ye was vor Jugent nit ze geil Doͯrt anderthalb ſy ſtuͦnden Mit helmen vff gebunden Sechſzig Ritter oder mer Die Rieffen alle kera ker Mit vffgeworffen ſchwerten Die krankes ſtrittes gerten Durch das ſin dicke ſachent e Sy wonden er *wer Clamide Wond er ſo kungliche reit Gen der burbrucke vff dem felde breit Do ſy diſen Jungen man Sus mit ſchalle Rieffen an Wie ſer ers Ros mit ſporn v̉erſchneid Durch forcht es doch die bruge meit Den Rechtte zagheit y floch Der erbeicze nid̉er vnd zoch / Sin Ros vff der bruge ſchwank Eins zagen mut wer ze krank Soͯltte er gen ſoͯmlichēn ſtrite varn Dar zu muͦſ er ein ding bewarn Won er forcht des Roſes val Do erlaſch och and̉erhalb d̉er ſchal Die Ritter truͦgent wider in Helm ſchiltt vnd ir ſchwerte ſchin Vnd ſchluſſent zu die porten Groͯſer herr ſy forchten Sus zoch hinúber parczifal Vnd kam geritten an ein wal Da menger ſin ende kos Vnd durch Ritters pris d̉er lib v̉erlos Vor der porten gen dem palas Der hoch vnd wol geczieret waz Einen Ring er an der porte fand Den Ruͦrt er faſt mit d̉er hand Sins Ruͯffens nam niemēn war Won ein Junkfro wol geuar Von einēm venſter ſach die magt Den held haltten vnủerczagt Dú ſchoͯne zuchte riche Sprach Sit ir vientliche Her komen h̉erre daz iſt on not Aun úch man v́ns vil haſſes bot Vff dem land vnd vff dem mer Zornig ellenthaffttes her Do ſprach er frow hie halt ein mān Der úch dient ob er kan V́wer gruͦs ſol ſin min ſold Jch bin úch dienſtlich hold Do gie die magt mit ſinne Fúr die kúnginne Vnd halff im daz er kam da In Das im ſit wantte hoche pin Sus ward er in v̉erlaſen Yetwederthalb d̉er ſtraſen Stuͦnd von volk ein lange ſchar Die werlich koment dar Slingere pantilierere Der was ein lange viere Vnd arger ſchúczen hartte vil Och kos er an dem ſelben zil Vil kuͯner ſariande Der beſten von dem lande Mit langen ſtarken lanczen Scharpffen vnd ganczen Als ich mere vernomēn han Da ſtuͦnd menig koffman Mit axen vnd mit gibilot Als in ir meiſterſchafft gebot Die truͦgent alle ſchlachen balk Der kungin marſchalk Muͦſt in durch ſy beleitten Vff dem hoff mit arbeittēn Der was gein wer beratten tuͤrne ob den kemmaten Wichus pfert erker Der ſtuͦnd da ſicherlichen mer Denn er da vor geſeche ye Do koment allenthalben hie Ritter die in empfiengen Die Ritten vnde giengen Och was du Iem̉erlichu ſchar Aͯllu nach eſchen var Oder als valwer leim Der graue wertheim Wore vngern ſoldir da geweſſen Er moͯcht ir ſoldes nit ſin geneſſen Der zadel fuͦgtte In hung̉ers not Sy enhetten keſe*keſee fleiſch noch brot Sy lieſſent zen ſtuͤren ſin Vn̄d ſchmalczetēn och deheinēn win Mit ir muͯden ſo ſy trunken Die wame Jn nid̉er ſunken Jr húffe hoch vnd mager Gerumpfen als eins vngers Zager Was Jn die huff zu den riben D̉er hung̉er het in daz fleiſch v̉ertriben Den muͦſſten ſy von mangel zoln Jn kroppff vil luczel in die keln Des zvang ſy ein werd̉er man Der ſtolcze kúng von brandigan Sy arnden clamides bet Sich vergos da ſelttēn mit dēm met Der zuber od̉er dú kanne Ein kruͦg hangend̉er pfanne Mit crapfen ſoltten der erſchein Jn was d̉er ſelbe don enzweẏ Soͯltt ich das nun wiſſen Jn So hette ich hartte kranken ſin Won da ich dike bin erbeczet Vnd da man mich harte reiczet Da heimi In min ſelbes hus Da wirt gefroͯut vil ſeltten mus Wan die muͯſe ir ſpiſe ſteln Sy bedoͯrfftte nyeman vor mir heln Jch enfinde ir offenlichen nicht Alze dik das beſchicht Mir wolffram von Eſchenbach Das Jch dulde alſo ſoͯmlich gmach Min̉er clag iſt vil v̉ernomēn Nun ſol dis mere wider komen. Wie pel*pelra=peire Jamers vol Do gab dú diett von froͯden zol Die holde Jamers Riche Lepten kumerliche Jr warúw manhet daz gebott Nun ſolt erbarmēn úch ir not Jir lib iſt nun benennet pfand Sine loſe daz vs die hoͯchſte hand Hoͯrent mere von den armen Die ſoͯlttent úch erbarmen Die empfiengent ſchemlichen Jr gaſt ellens Richen Er ducktt ſẏ anders wol wert Das er nit doͯrfte han gegert Jr herberge als es in ſtuͦnd Jr groſe not was im vnkund Man legt ein teppich vff daz gras Da vermuret vnd geleit was Durch den ſchatten ein linde Da entwappet in daz geſinde Er was in vnglich geuar Do er den Rom von im ſo gar Getwͦg mit einem brunnen Do het er die ſunnen Verkert nach ir liechtte gelaſt Des ducht er ſy ein werd̉er gaſt Man bracht im einen mantel ſan Gelich als der Rogk getan Der e des an dem helden lag Der zobel gab wilden núwen ſchmak Si ſprachent welt ir ſchowen Die kúngin vnſer frowen Da ſprach d̉er helde ſtette Das er das gerne tette Sy giengent gen dem palas Da hoche hinuff geſteget was Ein minenkliches antluttes ſchin Da zu der oͯgen ſuͯſze ſin Von der kúngin gieng Ein liechtt̉er glaſt E ſy in empfieng Von katelangen kyot Vnd d̉er werden manſyliot Herczogen beidú wauren die Jir bruͦd̉er kind ſy brachttent hie Des landes kuͤnginne Durch die gottes minne Hettencz vff geben ir ſchwert Do giengent die fúrſten wert Graw vnd wol gefar Mit groſer zucht ſy brachtent dar Jr frowen mitten an die ſtegen Do kuſt ſy der werde tegen Die munde waurēnt bedú Rot Die kúngin ir hand Im bot Parczifal ſy fuͦrtte wider Alda ſy ſaſzent beidú nider Frowen vnd Ritt̉erſchafftt Die hetten alle ſchwache krafft Die da ſtundent vnd ſaſzent Sy hatten froͯde gelaſzen Das geſind vnd die wirtin Kondwiramuͦrs erſchein Doch ſchied von diſen ſtritēn Jeſunten Enyten Vnd Cuͦnwaren von Labant Oder wa man lobes d̉er beſten fand Wa man frowēn ſchone gnuͦg Jr glaſtes vaſt vnderſchluͦg Vnd beider Jſalden Du do muͯſt priſes waltten Kondwiramuͦrs : Nach dem Wort/Vers befindet sich ein Zeichen, das einem Grösser-als-Zeichen ähnelt. Seine Funktion ist nicht klar ersichtlich. Dass es sich um ein Angrenzungszeichen handelt, ist unwahrscheinlich, da es mitten in der Spalte positioniert ist. Die truͦg den rechtten beakurs Der nam iſt tútſchen ſchóner lib Es waren wol núcze wib Dú diſu zweẏ gebaren Dú da by ein andren wauren Dene ſchuͦff wib vnd man Nicht me denne daz ſy ſachen an Dú zwey by ein ander Guͦtte frúnd do fand er Der gaſt gedacht ich ſage úch wie Lyaze iſt doͯrt Lyaze iſt hie Mir wil got ſorgen maſen Nun ſiche ich lyazen Des werden Gurnamaurs kint Lyazen ſchoͯne was ein wint Gegen dirre megde die hie ſas An der got wunſches nit vergas Do was des landes frowe Als von dem ſuͯſzen towe Dú roſe vſz ir begelin Enbleket núwen werden ſchin Der beidu wis iſt vnd Rot Da fuͦgtte ir gaſt groſe not Sin manlich zucht waz ſo gancz Sid in der werd Gurnamancz Von ſin̉er tumbheit geſchied Vnd im fragen wider riet Wan beſcheidenlichen By der kunginnen Riche Sas ſin mund gar oͯne wort Nachen alda nit verre dort Menger kan noch rede ſparn De mer zu frowen iſt gefarn Dú kúngin gedacht ſan Jch wenne mich ſchmechet dirreman Durch das min lib vertwalt iſt Nein er tuͦtz durch einen liſt Er iſt gaſt ich bin wirtin Die erſt red were min Dar nach guͯtlich er an mich ſach Sit vns ze ſiczende hie geſchach Er hat ſich zucht gen mir enbart Min red iſt alze vil geſpart Hie enſol nit me geſchwigen ſin Zu irm gaſt ſprach die kúngin Herre ein wirtin reden muͦſz Ein kus erwarb mir úwer gruͦs Och enbút ir dienſt har Jn Alſo ſagt ein Junckfrow min Wir hand vns geſte nit gewent Des hat min hercz ſich verſent Herre Jch frag úch mere Wanne úwer Reiſen were Frow ich reit by diſen tagen Von einem man d̉er mich mit clage Lies mit trúwen one ſchrancz Der fuͤrſte heiſſet Gurnamancz Von Graharcz iſt er genant Danen reit ich hút in dis lant Alſus ſprach die werde magt Hette mirs ſuſt and̉ers yemān geſagt Der volge wurd im nit v̉eriechen Das es eins tags moͯcht beſchechēn Wan welhe min bot ye badeſt reit Die Reiſe er zwen tage meit Min muͦtter was die ſchweſt̉er ſin Vwers wirtes ſin̉er tochtt̉er ſchin Sich och von Jamer krenken mag Wir haben mengen ſuren tag Mit naſen ogen úber claget Jch vnd die ſelbe maget Sit ir úwern wirtte hold So lident mit vns als wir gedolt Hie lang han wib vnd man Jir dient im ein teil daran Jch muͦs vnſz kumb̉er klagen Wir muͦſſent ſtrengen gebreſten habēn Do ſprach ir vetter kyot Frow ich ſend uch zwoͯlff brot Schultteren vnd hamen drẏ Da ligent acht keſe bẏ Vnd zwe buſel mit wine V́ch ſol der bruͦd̉er mine Hint ſtúrre das iſt not Do ſprach man filot Frow ich ſend úch als vil Do ſas du magt on froͯden zil Jr groſer dank wart nit v̉ermittēn Sy ſaſzent vff vnd ritten Da by zer ir weidehuſen Ze ein̉er wilden abkluſen Die altten ſaſzent ſund̉er wer Vnd hettent frid von dem her Jr botten wider koment gedrabt Des ward die kranke diet gelabt Do was der burgere nar Gedigen an die ſpiſe gar Jr was von hunger meng̉er tod E in da keme das brot Teilen es hies die kuͤngin Dar zu die keſſe daz fleiſch den win Dirre krefftloſen diet Parczifal ir gas das Riet Es beleib ye zwen ein ſchnitte Die teiltencz on bagens mitte Dú wirtſchafftt wart v̉erzeret Vnd mengem ſin leben gemeret Den der hunger leben lies Dem gaſt man betten hies Senfftte des ich wenen wil Werent die burger veder ſpil Sy enwerent úber kropffet nicht Des noch ir tiſche gerichttet gicht Sy truͦgent alle hungermal Won allein der Jung parczifal Der nam ſchlaffes vrlob Sine kerczen wauren ſchob Nein ſy waurent beſer gar Do der Jung wol gefar Gelebt kungliche An ein bet Riche Nicht nach armuͯt kuͤre Ein tepped waz geleit da fuͤr Er hies die Ritt̉er wide gen Die lies er da nit lange ſten Kint in entſchuͦchtten ſan er entſchlieff Vncz Jm der Jamer ware Rieff Vnd liechtter ogen hercze Regen Die erwaktten ſchier den werden tegēn Hie kom als ich úch ſagen wil Es enbrach nit wiplich zil Mit ſtette kúnſche truͦg du magt Von der ein teil hie wirt geſagt Si zwang vrluges not Vnd lieber helffer tod Jr hercz an ſoͯliches krachen Das ir ogen muͦſtent wachen Do gieng die kúnginne Nit nach ſoͯlich̉er minne Die ſoͯlichen namen reiſſet Der megde wib heiſſet Sy ſuͦchtte hellff vnd Rat An ir was werlichu wat Ein hemd wis ſidin Was moͯchte kampfflich̉er ſin Dan gen dēm mān ſuſt komt ein wib Do ſchwank die frowe v̄mm ir lib Von ſemit ein mantel lang Sy gieng als ſy d̉er kum̉er zwang Junckfrowen kamrere Was der da by ir were Die lies ſy ſchalaffen ub̉er al Do gieng ſy liuſe one ſchal Jn ein kemnatten Es ſchuͦffen die es da taten Der parzifal alleine lag Von kerczen liech als d̉er tag Was vor ſin̉er ſchlaff ſtat Gen ſinem bette gieng Jr pfad Vff den teppich kniette ſy fuͤr In Sẏ hetten beidu kranken ſin Er vnd die kúnginne an biligend̉er minne Hie ward alſus geworbēn An froͯden verdorben Was die maget des zwang ſy ſcham. Ob er ſy hin an icht nem Leider des enkan er nicht Ane kunſt es doch geſchicht Mit einem ſo bewantten fride Das ſy die ſund̉erbaren lide Nicht ze ſamen brachten Wie wenig ſẏ des gedachtten Der maide Iamer waz ſo gros Vil zecher vſz ir ogen flos Vff den Jungen parczifal Der hort ir weinēn ſoͯlichen ſchal Das er ſy on lachent ane ſach Dis het er fuͤr ein vngemach Vff richtte ſich d̉er iunge man Zu d̉er kúngin ſprach er ſan Frowe bin ich úwer ſpot Jr ſoͯltten keinen ſuſt fúr got Geruͦchent zu mir ſiczen her Das was ſin red vnd ſin ger Oder legt uch hie al da ich lag Lat mich beliben wa ich mag Sy ſprach welt ir úch erren Soͯmlich mas zu mir keren Das ir mit mir ringent nicht Min ligen alda by uch beſchicht Des ward ein frid von im geton Sy ſchmog ſich an das bette ſan Es was denocht ſo ſpate Das dehein hún krate Die hanboͯme ſtuͦnden blos Der zadel huͯnre ab in ſchos Die magt Jamers Riche Fragt in zúchtenkliche Ob er woͯltt hoͯrren ir clage Jch fúrchtte herre ob ich uchs ſage Es wende uch ſchlaff vnd tuͯg úch we Mir hat der kung calmade Vnde kyngrun ſin ſinechant Verwuͯſtet búrg vnd land Vncz an pelraparie Min vatter tampuͦntarie Lies mich armen wiſenweiſen Jn forchtlichem freiſen Fúrſte mage mine man Riche vnd arm vndertan Was mir g*gros ellenthafftes her Die ſind erſtorben one wer Halbe oder das merteil Was moͯcht Ich arme weſen geil Nun iſt es mir komen an zdaz zil Das ich mich ſelb toͯtten wil E das ich magtum vnd lib Geben vmb clamides wib Werde. wan ſin hand mir ſchluͦg Shentaflur den herren min Des hercze truͦg Mengen Ritterlichen pris Er mannes ſchone ein bluͯdes Ris Er konde ſich falſcheit maſzen Der bruͦder lyazen Da lyas wart gemant Nach ir vil kumers wart genant Der dienſt gebende parczifal Sin hocher muͦt kam im ein tail Des zwang Jn doch Jr mīnne Er ſprach zu d̉er kunginnen Frow hu*hulff úch yemāns troſt Ja wurd ich von Im erloſt Von kungurn ſchmacheit vnd ſin̉er hand. Ze Recht̉er tioſt hat mir ſin hand Geuellet mengen Ritt̉er nid̉er Der kompt morgen da her wid̉er Vnd wenet das d̉er h̉erre ſin Súlle ligen an dem arme min Jr ſechent wol minen palas Der niendert ſo gehoͯchet was Jch fiele e nider in den graben E clamide ſoltte haben Mit gewalt minen magtuͦm Suſt welt ich wendēn ſinēn ruͦm Do ſprach er frow iſt kúngrum Franczois oder bryton Od̉er vs welhem lande er fert Von min̉er hand ir ſind gewert Als es min lib volbringēn mag Die nach het ende vnd kam d̉er tag Die kungin ſtuͦnd vff vnd gienk Jr groſſer dank ſy nit verſchek Do ſchlech ſy wid̉er *liuſe Nẏeman was ſo wiſe Der ir ganges do wurd gewar Won parczifal der wol gefar Der ſchlieff nit lenger darnach Der ſunnen was gen huͦe gach Jr geleiſte durch die wolken drang Do horte er mengēn glogen klank Kirchen minſter ſuͦchent die diet Die Clamide von froͯden ſchied Vff Richtte ſich der Iungen man Der kunginnen kapplan Sant got vnd ſiner frowen Jr geiſt ſo woltte ſchowen Bis das der benedic geſchach Nach ſinem harnach er do ſprach Da wart er wol gewappet In Er tett doch ritters ellent ſchin Mit Rechtt̉er manlich̉er wer Do cam Clamides her Mit manger banieren KyngunKyngrun kam ſchierre Vor den andren verre Vff einem Ros von *Jſerterre Als ichs mere han vernomen Nun was fúr die *porten komen Filyrois Gahmuret Der het der burge gebett Dis was ſin erſter ſchwette ſtrit Er nam die pan wol ſo wit Das von ſiner tioſt hurt Beiden Roſen ward engurt Darm gúrtel brachent vmb das Yettweder Ros vff hachſen ſas Die e des vff in ſaſſen Der ſchwert ſy nit v̉ergaſſent Jn den ſcheiden ſy ſy funden Kyngrun truͦg wunden Durch den arm vnd die bruſt Diſer ſtrit lert in verluſt An ſoͯmlichem pris des er pflag Vncz an ſine hochvart ſchwinendēn tag Soͯllich ellent waz vff in gezalt Sechs Ritt̉er ſoͯltt er han gefaltt Die gegen Im komen vff ein velt Barczifal bracht wider gelt Mit ſiner ellenthafftter hand Das kúngrunt ſinechant Wande froͯmder mere Wie ein pferterre Mit wúrffen an In ſeitte Ander ſtrit in neitte Sin ſchwert Jm durch den helm erclang Parczifal in nid̉er ſchwang Er ſaczte im an die bruſt ein knie Er bot das ward gebotten nẏe Deheinem man nie ſicherheit Erne woltte nicht der mit Im ſtreit Er bat In fiancze Bringen gurnamanze Nein herre du macht mir gerne tuͦn Den tod ich ſchluͦg im ſinen ſun Jentafluͦt ich nam ſin leben Got hat dir erren vil gegeben Wa man ſagt daz von dir Din krafftt erczeigt ſy an mir Dz du mich haſt bezwungēn So iſt dir wol gelungen Do ſprach ſich parczifal Jch wil dir lon ein and̉er wal So ſich̉er der kungin Der din herr hoche pin Hat geton mit zorne So were ich d̉er verlorne Mit ſchwertēn wer min lib v̉erczert Cleine als daz Jn d̉er ſunnen fert Jch han herczeleid geton Doͯrt Jnne mengem Cuͯnen man So farre von diſen plange Jn das land zu Britanie Dine Ritterliche ſicherheit Einer Junckfrowēn die durch mich leit Des ſy nit liden ſoltte Der fuͦg erkennen woltte Vnd ſag ir waſz halt mir geſcheche Das ſy mich nẏem̉er fro geſeche E das ich ſy gereche Alda ich ſchiltt durchſteche Sag von minem libe Artuſe vnd ſinem wibe Dar zu d̉er meſſnie gar Das ich niemer komen dar E das laſters ich mich enſage Das ich geſelklich trage Mit ir die mir lachen bot Do kam ir lib in gros not Sage ir ich ſige ir dienſtman Dienſtlich̉er dienſt vnd̉ertan Der rede ein volge da geſchach Die helden man ſich ſcheiden ſach Hin wid̉er kam gegangen Da ſin ros was gefangen Der burgere kampfes troſt Sy wurdent ſid von im erloſt Zwiffel pflag das vſſer her Das kyngrun an ſiner wer Was entſchumpfierret Do ward gekondwiert Parczifal zer kúngin Sy tett Im vmefachen ſchin Si truktt in faſt an ir lib Vnd ſprach ich wurde nyem̉er wib Vff der erde deheines man Wan den ich vmbe fangen han Hie ſtrit parczifal mit kygrun vnd v́ber wand Jm mit gwalt Si halff das er entwapet wart. Jr dienſt was vil vngeſpart. Nach ſiner groſen arbeit Was kranke wirtſchaff da bereit Die Burgere ſo gefuͦren Das ſy im alle *hulde ſchwuͦren Vnd Iachent er muͯſt ir h̉erre ſin Do ſprach och die kungin Er ſoͯltte ſin ir amis Sid er ſo hochen pris Beczaltte ein kuͤnginne Zwen ſegel Brune Kos man von der wer herabe Die ſchluͦg gros wind vaſt in die habe Die kiel waurent geladen ſo Des die burger wurdent fro Sy truͦgent nicht wan ſpiſe Das fuͦgte got der wiſe Her von den zinnen vieln Vnd gachtten gen den kieln Das hungrige her durch den Rob Sy mochtten fliegen ſam die lob *Von dúrre vnd von lichtten Von fleiſche die lichtten Jn was erſchoben nit Jr balg De kúnginnen Marſchalk Tet den ſchiffen ſoͯlichen fride Das er gebot by der wide Das ſir deheine Ruͦrte Die koufflút er fuͦrte Fur ſinen h̉erren in die ſtat Parczifal in geltten bat Jr kouff zwifaltte vnd zwiſpilde Die koufflút des befilde Sus v̉ergoltten ward in ir kouff Den burgern do In koln troff Jch werre nun wol da ſoldir Wann denne trinket nyeman bir Si haben ſpis vnd wines vil Do warb als ich úch ſagen wil PArczifal der Reine Von erſt die ſpiſe cleine Teilt er mit ſin ſelbes hand Do ſaczt er alle die er fand Er woltt nit ir leren magen V́ber kropff laſen tragen Er gab recht maſſe teil Sy wurdent ſins rates geil Hin zu nacht do ſchuͦff er in mer Der vnloſe nit ze her Beligens ward gefragt da Er vnd kungin ſprachet Ja Er lag mit ſoͯlichen fuͦgen Da nun nicht wol benuͦgen Mangú wib der in ſo tuͦt Das ſy durch abbrechenlchēn muͦt Jr zucht ſuſt parrierent Vnd ſich dar gegen zierent Vor geſten ſincz in kúnſchēn ſitten Jr hercz wille hat v̉erſchnitten Was mag an den *geberden ſin Jr froͯde heimliche pin *uͦgetFuͦget mit Jr zarte Des maſze ſich ye bwarte Der getrúw ſtette man Wol frundine ſchonen kan Er gedenket licht daz iſt war Jch han gedienet menig Jar Nach lon diſem libe Die hat nach lon minem libe Erbotten troſt nun lige Jch hie Es het mich gerowen ie Ob ich mit min̉er bloſen hand Soͯltte bruͯrren Jr gewand Ob ich nun gittes gertte Vntrúw es fúr mich werte Soͯlt ich ſin arbeitten Vnſer beider laſter breitten Vor ſchlaffe ſuͯſze mere Sind frowin ſit gebere Sus lag der vollaiſe Krank was ſin reiſe Den man den Rotten Ritt̉er hies Die kúngin er maget lies Sy wonde doch ſy were ſin wib Durch ſinen minnenklichen lib Des morgens do ſẏ ir har uff band Sy gag im lút vnd land Diſu magtberú brut Wan er waz ir herczēn trut Sy waurent mit einander ſo Das ſy durch liebe wauren fro Die zwene tage die dritten nach Von Im dicke ward gedacht Vmfachens als im ſin muͦtt̉er riet Gunamurs Jm vnd̉erſchied Man vnd wib waren alle ein Sich flachtten arm vnd bein Ob ichs nun ſagen muͯs Jr vmfang vand des nache ſuͯs Der altt vnd d̉er núwe ſitte Der wonet In beidēn mitte Jn waz wol vnd nit we Nun hoͯrrent wie Clamide An krefflicher herre fart Mit meren vngetroͯſtet ward Dis begund Im ein knappe ſagēn Des ros zun ſitten waz beſchlagēn Vor pelrapeir vff dem plan Jſt werdu Ritterſchafftt getan Scharpff gnuͦg von Ritt̉ers hand Beczungen iſt der ſinetſchand Des hers meiſter kyngrun Vert gen artus dem britun Die ſolder ligent vor der ſtat Do er dannen ſchied als er ſy bat Jr vnd úwer beidú her Vindet Pelrapeire wol ze wer Doͯrt Inne iſt ein Ritt̉er wert Der and̉ers nit wan ſtrites gert Die ſoldir Iechent beſunder Das von der tauelrund̉er Dú kúngin dar habe geſant Jhtern von kukumerlant Des wauffen kam ze tioſt fuͤr Vnd ward getragēn nach briſes kuͤr Der kúng ſprach zum knappen hanſan Kundwiamuͦrs wil mich han Vnd och ir lib vnd ir land Kyngrun min ſinetſchant Mir mit warheit enbot Sy gebent die ſtat durch hung̉ers not Vnd das dú kungīnne. Mir but ir werde minne Der knapp gewan nit wen has Der kúng mit her Reit fúrbas Jm kam ein Ritter wider varn Der och das Ros nit kunde ſparn Der ſeit die ſelben mere Clamide ward ſwere Froͯde vnd Ritt̉erlich̉er ſchin Es ducht ein gros vngewin Des kúnges man Jm fuͤrſte ſprach Kyngrunen nẏemen ſach Stritten fúr vnſer manheit Nicht won fuͤr ſich einēn er da reit Nun lat in ſin ze tod erſchlagēn Súlen durch daz zwei herr v̉erzagēn Dis vnd Jennes vor der ſtat Sinen h̉erren trurren laſzen er do bat Wir ſullent noch bas v̉erſuchen Wellent ſy wer geruͯchen Wir geben Jn noch ſtrites vil Vnd bringencz vff ir froͯden ſpil Mage vnd man ſúlt ir manen Vnd ſuͦchent die ſtat mit zwein fanen Wir mugent an ein̉er litten Wol zu ros zu in Ritten Die porte ſuͦch man zu fuͦs Das iſt war wir tuͯnd Jn ſtrites buͦs Den Ratt gab galogandres D̉er herczog von Schipones Der bracht die burg̉er in not Vnd holt och an ir lecze den tod Sam tett der Gaue Narant Ein furſte vſz Vckerlant Vnd wenig armer man Den man totten truͦg hindan Nun hoͯrt ein and̉er mere Wie die Burgerre Jr lecze tatten gome Sy nomen lange bome Vnd ſtieſſent groſe ſteken drin Das gab den ſuͦchern pin *Mit ſeilen ſy ſy hiengent Die ronen Jn redern giengen Das was gepruͦffet alle E Sy zu ſtúrmen ſuchtte Clamide Nach kyngurnkyngurns ſcumpfentur Och was in heidech wilde fúr Mit der ſpis bracht in daz land Das vſſer anttwere ward verbrant. Ebenhoche vnd mengēn. Waz vff rdren kam gegangēn Jgel kaczen Jn den graben Das konde das fuͤr har dan ſchaben Kyngurnt ſchinetſchant Was kome zu Brytanie Jn daz land Vnd vant den kung Artus Jn Breczilian zem weidhus Das ward geheiſen karmial Do warb er als in parczifal Gefangen hat dar geſant Frow Cuͦnwaren von lalant Bracht er ſine ſicherheit Die Junckfrw was des gemeit Das mit truwen clagt ir not Den man hies den Ritt̉er rot V́ber all waurent die mer komēn Nun hett es der kúng v̉ernomen Der betwungen werde man Jm vnd der meſſnie ſan Saget Jn was in was enbotten Key erſchrak vnd gund rotten Do ſprach er byſtu kyngrun Avoye wie mengen Briton Hat entſchumpfiert din hand Du Clamides Sinetſchant Wirt mir din meiſter nyem̉er hold Dins amptz du doch genieſſen ſolt Die keſſel ſind vns vnd̉erton Mir hie vnd dir ze Brandigon Hilff mir durch dine wirdikeit Cuͦnwaren hulde vmb krapfen breit Er enbott ir and̉ers wandels nit Die Rede lat ſin hoͯrt waz geſchicht Da wir dis mere lieſen E fu welarapere kam Clamide Da gros ſtúrmēn nit ward v̉ermitten. Die Inren mit den vſren ſtritten Sy hettent troſt vnd krafftt Man fand da helde werſchafftt Da vor behalttent ſy daz wal Jr herre barczifal Streit den ſinen verre vor Do ſtuͦndent offen gar dú tor Mit ſchlegen er die arme erſchwank Daz ſwert durch herte helme trank Was er do Ritt̉er nid̉er ſchluͦg Die fundent arbeit gnuͦg Die Kond man ſy leren Ze der halſberge geren Die Burgere tatent Rache ſchin Sy erſtachent ſy zen ſchliczen in Parczifal in werte das Das ſy darumb erhortēn ſinen has Zweinczig ſy ir lebendig fiengent Ee ſẏ vom ſtritte giengen Parczifal ward wol gewar Das Clamide mit ſin̉er ſchar Ritterſchafftt zen bortten meit Vnd daz er and̉er helden ſtrit Der Junge muͦttes here Kert ans vngeurtte Hin vmb begund er gachen Des kunges vanen nachen Secht do ward Clamides ſold Allereſt mit ſchden do geholt Die burg̉er ſtritten konden So das in gar verſchwunden Die hertten ſchiltt vor d̉er hand parczifals ſchilt v̉erſchwand Von ſchlegen vnd von ſchúſſen Wie wenig ſy des genuſſen Die ſuͦchere die das ſachent Des pris ſy Im alle Iachen Kalogandres den vanen Truͦg der kund daz her wol manen Der lag an kunges ſitten tod Clamide kam ſelb in nott Jm vnd den ſinen ward do we Den ſturm verbot do clamide Die Burgerre manhett wis Behielttent frumen vnd den pris Parczifal der word man Batt die gefangen wol han Vncz an den dritten morgen Das vſſer her pflag ſorgen Der Junge ſtolcze wirt gemeit Nam d̉er gefangen ſicherheit Er ſprach als ich uchs enbúte Kompt wid̉er guͦtte lútte Jr harnaſch er behalttēn bat Jns her ſy koment fuͤr die ſtat Wie ſy werent von trúnken Rot Die vſzren ſprachent hung̉ers not Habt ir gedolt ir armen Lat uch vns nit erbarmen Sprach du gefangēn Ritt̉erſchafftt Die Inne iſt ſpiſe groſe krafftt Wolt ir hie ligen noch ein Jar Sy behalttent úch mit Jn vor Die kungin ht den ſchoͯnſten man Der ſchilttes ampt ye gewan Er mag wol ſin von hoch̉er art Ja iſt Ritt̉ers erre an Im bwart Do dis erhort Clamidine Aller erſt tett im ſin erbeit we Botten ſant er wider Jn Vnd enbot wer by d̉er kúngin Da gelegen were Jſt er kampfbere Das ſy In da fúr het erkant Das er ir lib vnd ir lant Mir mit kampffe truwe gewern So ſicze von fride land vnd hern Parczifal des ward vil fro Das im die botſchafft alſo Gen Jm eins kampffe ward geſagt Do ſprach der Junge vnủerczagt Da fuͤr ſy min trúwe pfand Das des Jnren her dehein hand Durch mine not kom zu wer Zwúſchent graben vnd dem vſſern wer Ward geſtetet dirre fride Do wauffnotent ſich die kampf ſchmide Do ſas der kung von Brandigan Vff ein gewapnet kaſtelan Das was geheiſſen guͦferſhuͦrz Von diſen neuen Greguͦrz Dem kung von Ipotente Mit guͯtter preſente Was es komen clamide Worden úber den Vͦcherſe Bracht es der graue Narant Vnd dar zu tuſent ſariant Mit harnaſch alle ſund̉er ſchilt Den was ir ſold ſuſt geczilt Volleiklichen zwei Jar Ob die Auentúre ſaget war Greguͦrz Im ſande Ritt̉er kluͦg Funff hund̉ert iegſlich̉er truͦg Helm vff ſinem hopt gebundēn Die wol mit ſtritte konden Do het clamides her Vff dem land vnd in dem mer Pelrapeire alſo belegen Die burgere muͦſtent kum̉ers pflegēn Vs kam geritten parczifal An das vrteliche wal. Da got erczeigen ſoͯltte Ob er Jm laſen wolte Des kúnges Tampuͦntenres barn. Stolczlich er kam gefarn Nuwan als das ros den walap Vor dem Rabine gap Es was gewapnet wol fuͤr not Von Perlin von ſomit Rot Lag vff der Jſerinen An Im ſelb lies er ſchinen Clamide huͦb den ſtrit Rotten ſtrit Rot kuͤrſitt Kurcz ein vnbeſchnitten ſper Brach er durch ſtritte her Da mit er nam die bane lang Gefreſchuͦrz mit hurte ſprang Wol da geſtritten ward Von den zwein Jung̉er one bart Sunder valieren Von lútten noch von tieren Ward nie geſtritten hartt̉er kampff Yetweders ros von muͯde tampff Sus hettent ſy gefochtten Daz die ros nit nie enmochten Do ſturczent ſy dar vnder enſampt vnd nicht beſund̉er Jr yettwedr̉er des geruͦchtte Das ers fúr in eim helme ſuͦchte Hie ſtrit parczifal vnd clamide mit ein andren einēn kampff Si mochtent firencz nit enbern Jn was ze wurkent beiden gern Do zerſtubent Jn die ſchilte So der mit ſchimpff ſpilte Vnd fedren wurff in den wind Donnocht waz gahmurtes kind Nieman muͯde an deheinēm lide Do wonde Clamide d̉er fride Were zerbrochen vſz d̉er ſtat Sinen kampff gnoſſen er bat Das er ſich ſelber erte Vnd mengen wurff werte Es giengen vff In ſchlege gros Die waurent meniges ſtein gnos Sus anttwurt des landes wirt Jch wen dich menig wurff v̉erbirt Wa da fúr iſt min trúwe pfand Hetteſt echt fride von min̉er hand Dir brechen mengen ſchwenkel Bruſt hopt noch die ſchenkel Clamide trank múde zu Das was im dennoch gar ze fruͦ Sic gewunnen ſit verlorn Ward ſund̉er da mit ſtrit verlorn Do ward d̉er kung clamide An v́berwunden geſchowet E Mit einem nider zuke Von parczifals druke : Zwei Punkte nach druke mit unklarer Bedeutung. Bluͦt wuͦt vs mundēn vnd naſen Das machet rot den waſen Er enblocz im das hopt ſchier Vom helme vnd von halſpere Ein ſchlage ſas d̉er betungēn lib Der ſighafftte ſprach min wib Mag nun bliben vor dir fri Nun lerne was ſterben ſẏ Neina tegen bald Din erre wirt ſuſt driſſigfalt Vaſt an mir geczeiget Sid du mich hat geneiget Wa mag dir hocher pris geſchechen Kúnd wiramuͦs mag wol iechen Das ich der vnſelig bin Vnd din gelúk hat gewin Din land iſt erloͯſet Als der ein ſchiff eroͯſet Es wirt vil deſter lichter Min gewalt iſt worden ſichter Recht manliche wunne Jſt worden an mir dúnne mir: Undefinierbarer Strich druch r. Es handelt sich nicht um eine Korrektur. Durch was wolteſt du mich ſterben Jch muͦs doch laſter erben Vff alle mine nachkomen Du haſt den pris vnd den fromen Tuͦſtu mir me iſt one not Won ich trag den lebendigen tod Sid ich von ir geſcheiden bin Die mir hercz vnd ſin Je mit ir gewalt beſchlos Vnd ich des nie von ir genos Des muͦs ich vnſelig man Jr lib ir land dir ledig lan Do gedacht der den ſig hat San an Guͦrnamanres Rat. Das ellenthafftter manheit Erbermde ſolte ſin bereit Suſt volget er dem Rate nach Hie zu clamide er ſprach Jch wil dich nit erlaſzen Jr vatter lyaczen Du bringeſt im dine ſich̉erheit Nein h̉erre ich han Jm herczeleit Getuͦn ich ſchluͦg Im ſinen ſun Du ſolt alſo mit mir nit tuͦn Durch kondamuͦres Facht och mit mir Schentafluͦrs Och were Jch tod von ſin̉er hand Wan das mir halff min ellenthand Jn ſante Ins land ze Bruͯbarz Gurnamancz von graharcz Mit werdenlicher hers crafft Die taten guͦtte Ritt̉erſchafftt Nún hundert Ritt̉er die wol ſtrittēn Gewapnet Ros ſy alle Ritten Vnd fúnffczechen hund̉ert ſariant Gewaupttes ichs in ſtritte fand Jn gebraſt nit won d̉er ſchilte Sins herres mich beuilchte Jr kam doch kum d̉er ſome wid̉er Mer helde verlor ich ſider Nun mangel ich froͯd vnd ere Wes gerſtu von mir mere Jch wil dir ſenfftte dine Reiſe Far hin gen dem Britoneiſe Da vert och vor dir kyngrun Gen artus dem Briton Dem ſoltu minen dienſt ſagen Bit In das er mir helffe tragen Laſter das Jch fuͦrte dan Ein Junckfrow mich lachet an Das man durch mich zerblow So ſerre mich nie ding gerúw Der ſelben ſag es ſy mir leid Vnd bring ir din ſicherheit So das du halteſt ir gebot Oder du nim allhie den tod So das geteiltte geltten So wil ich nit beſcheltten Do ſprach der kung von BrangBrandigan. Jch wil die Reiſe von hinan farn Mit dem geluͤpte dannēn ſchied Den e ſin hoffart verriet Parczifal der wigant Gieng do er ſin Ros alleine fand Sin fuͦs dar nachen nie begreiff Er ſprang daruff one ſtegreiff Das es begund vmbe zwirben Sins verhowe ſchiltes ſchirben Des waurent die burg̉er gemeit Das vſſer herr het herczleid Brat vnd lide im tatent we Man leit den kung clamide Da ſine helffer wauren Die totten mit den baren Frumet er an Jr Reſte Do Rumdencz land die geſte Clamide der werde Reit gen louer vff die erde Er enſumpt ſich nit beſunder Die von der tauelrunder Waurent zu Dyanazdrun By artus dem Brytun Ob ich uch nit gelogen kan Vor dyanazdrun den plan Muͦſtent geczelt ſtangen wonen Mer dēnne in dem ſpechhart ſy Ronen Mit ſoͯlich̉er meſſennie lag Durch hochgeczit den pfingſtag Artus mit meng̉er frowen Och mochtte man da ſchowen Mange banier vnd ſchilt Den ſund̉er wappen was geczilt Vnd mengen wol gehertten Ring Es duchte In nun wol groſſe ding Wer wolte die Rei*Reiſlachen Soͯlichen wiben herr gemachen Och wonde da ein frowe ſan Sy ſoͯlte den pris v̉erlorn han Hette ſy do nit Jr Amis Jch tete es nicht deheine wis Es was da menig tumber lip Jch brechtte vngern nun min wip Jn alſo gros gedrenge Jch foͯrch vnzucht gemenge Etlicher hin zu ir ſpreche Das in ir minne ſteche Vnd in die ſinne blante Vnd ob ſy im das wante Das dient er vor vnd nach Mir werre von dannēn gach Ich han geredett vmb min dinck Nun hoͯrent wie artus Rink Sunder was erkenclich Vor vns mit meng̉er froͯlichen dink Dú meſſye vor im was Meng̉er werder man gen Im falſche las Vnd menge Junckfrowe ſtolcz Das nicht won tioſt waz ir holcz Jr frúnd ſy gen den wiendēn ſchos Lert Jn ſtrit do kumers gros Suſt ſtuͯnd licht ir gemuͯtte Das ſy das galt mit guͯte Clamide der Jungling Reit enmitten in den Ring Verdecket ros gewappet lib Kos an Jm artus wib Sinen helm ſinen ſchilt v̉erhowen Dis ſuchent gar die frowen Alſus was er ze houe komen Jr habt E wol v̉ernomen Das er des E was beczwungen Er erbeczte vil getrungen Ward ſin lib e er ſiczen fand Frow Cuͦnwartten von labant Do ſprach er frow ſit ir daz Der ich ſol dienen one has Ein teil zwunget mich ſin not. Sin dienſt úch enbot der Ritt̉er rot. Vnd wil vil gancze pflich=te han. Waz uch zu laſter iſt getan Och hies ers Artuſen clagen Jch wenne Jr ſit durch In geſchlagen Frow Jch bring úch ſicherheit Suſt gebot der mir mit ſtreit Nun leiſt ichs gern wenn ir welt Min libe gein tode was verſelt Frow Cuͦnaware von labant Greiff an die geſertten hand Alda frow Gynouer ſas Dú one den kúng mit ir as Keẏ och vor dem tiſche ſtuͦnd Alda im ward dis mere kund Er wider ſas im ein teil Des wart frow Cunware geil Doch ſprach er frowe dirre man Was der hat gen úch getan Des iſt er vaſte vnderczogen Wene ich er iſt angelogen Jch tecz durch hoffliche ſitte Vnd wolt uch han gebeſret mitte Dar vmb han ich úwern has Ye doch wil ich úch ratten bas Heiſſent entwappen diſen gefangen Jn mag hie wol ſton belangen Im batt die Junckfro ſchier Abnemen vnd ſin hopt geſchier Do man ab im ſtrofftte die bant Clamide ward ſchier erkant Kygrun ſach dicke An In kuntliche blike Do ward an den ſtuden Sin hend alſo gewunden Das ſy begunden krachen Als die dúrren ſpachen An der zitt ſin froͯd an Im ſchwand Den tiſch ſties er von Jm zehand Sinen herren fragt er mere Den fand er froͯden lere Er ſprach ich bin zu ſchanden geborn Jch han ſo werdes her verlorn Das muͦtt̉er nie gebot ir bruſt Dem der erkante hoch̉er verluſt Mich row nit mins herren nottod Da engegen minne mangels not LeſteLeſtet vff mich ſolichen laſt Mir iſt hocher muͦt ein gaſt Kondviramuͦrs mich frumt gra Pylatus vnd poncia Vnd der arme Iudas Der by einem kuſſe was An der trúweloſe fart Da Jheſus verratten ward Wie das ir ſchoͯpffer Riche Die not ich nit verſpriche Das ze burbarcz d̉er frowēn lib Mit ir hulde were min wib So das ichs vmbefienge Wie es mir dar nach ergienge Jr minne iſt leider verre Dem kúng von Jſrertere Min land vnd daz volck zu Brandigan Muͯſſencz Jmer Jamer han Mins vetteren ſun Mabonagrin Leid alda ſo lange pin Nun bin ich kúng artus Her geritten Jn din hus Betungen von Ritt̉ers hand Du weiſt vil wol daz in mim land Dir manig laſter iſt geton Des vergis nun werder man Die wil ich hie gefangēn ſẏ La mich ſoͯllichs haſſes frẏ Mich ſol Cuͦnware Scheiden von dem were Die minne ſicherheit empfieng Do ich gewapnot fuͤr ſy gieng Arttus vil getruwer mund Verkoſ die ſchuld ſa ze ſtund Do vernam wib vnd man Das der kung von brandigan Was geritten Jn den Ring Dar nacher dringa dring Vil ſchier ward das bereit Mit zuchten hieſch geſelliheit Clamide der froͯden oͯne Jr ſúlt mich Gawane Beuelhen frow bin ich wert So wis ich wol daz ers och gert Leiſtet er daran úwer gebott Er erret úch vnd den Ritt̉er rot Artus bat ſin̉er ſchweſter ſun Geſelſchafftt dem kung tuͦn Es were ye doch ergangen Do ward wol empfangen Von der werden meſſnie Der betungen falſche frye Zu Clamide ſprach kyngurn Owe das ye dehein britun Dich gefangen ſach zu hus Noch Richer denne artus Were du helffe vnd vrbor Vnd het doch dine Jugent vor Sol artus da von pris tragen Das keẏ durch zorn het geſchlagen Ein edel fuͤrſtine Die mit hercze ſinne Jr mit lachen het erwelt Der oͯne liegen iſt geczelt Mit warheit fuͤr den hoͯchſten pris Die Britaneiſe irs lobens ris Wennent nun hoche geſtoſſen han Ane arbeit iſt getan Das tote her wid̉er ward geſant Der kung von kumerlant Vnd das min her Jm ſiges Jach Den man gen Im In ſtrite ſach Der ſelbe hat beczwungen mich gar oͯn alle and̉er geſchaht Man ſach da fier vns helme dewen Vnd ſchwert Jn henden vmbe den Do Jachencz alle glich Beidu arm vnd rich Das kyͯ hette miſſeton Hie ſullent wir das mere lon Vnd komencz wid̉er an die fart Das wuͯſte land erbuwen ward Da crone truͦg parczifal Man ſach da dicke froͯwde ſchal Min ſchwech̉er TampuͦnteireTampuͦrnteire Lies im vff pelerapeire Liecht geſteine vnd rottes gold Das teilt er ſo das man im hold Was durch ſine milte Vil panier núwer ſchilte Des ward ſin land geczieret Vnd vil geturierret Von Im vnd den ſinen Er lies dick ellent ſchinen An der marke ſins landes ort Der Junge tegen vnerforcht Nun hoͯrt och von d̉er kungin Wie moͯcht d̉er ym̉er bas geſin Die Junge ſúſze werdēn Hett den wunſch vff der erden Jr minne ſtuͦnd mit ſolich̉er krafftt Gar oͯn wankes anhafftt Sy het ir man da fúr erkant Jr yettwed̉ers an dem andren fand Er was ir lieb alſo waz ſẏ im Wen ich das mer an mich nim Das ſy ſich muͯſſent ſcheiden So wachſet ſchad in beiden Och Rúwt mich das ſuͯſze wib Jr lút Jr land darzu ir lib Schiet ſin hand von groſſ̉er not Da engegen ſy Im Ir mīnne bot Eins morgens er mit zúchtten ſprach Mengen Ritt̉er er hort vnd ſach Ob ir gebiettent frowe Mit vrlob ich ſchowe Wie es vmb min muͦtt̉er ſte Ob der wol od̉er we Sy das iſt mir vnkunt Das wil ich ze ein̉er kurczen ſtund Vnd och durch auenture zil Mag ich úch gediennen vil Das gilt úwer minne wert Sus het er vrlobs gegert Er was ir lieb ſo daz mere gicht Sy wolcz im verſagen nicht Von allen ſinen mannen Schied er allein von dannen Wer nun ruͦchet hoͯren war nun komet Den Auentuͤre hat vſz gefrumet Merkent alle beſund̉er Lat ritten Gahmuretes kind Wa nun getrúwe lútte ſind Die wunſchent Im heiles es muͦs ſin Das er nun lidet hoche pin Ettwen froͯde vnd ouch erre Ein ding das muͯt Jn ſere Das er von ir geſcheiden was Das man von wibe nie gelas Noch ſuſt geſagte mere Die ſchoͯner vnd beſſer were Gedank nach d̉er kuͤngin Begundent krenken im den ſin Den muͯſe er gar verloren han Were es nit ein herczhafftter man Mit gewalt den zom das ros Truͦg In úber ronen vnd úber mos Wan es enwiſte nyemencz hand Vns tuͦt die auentur bekant Das er by dem tag Reit Ein vogel hette ſin arbeit Soͯlt ers alle han erflogen. Vns enhabe denne die auēntúr betrogēn Sin Reiſe vnnach waz ſo gros Des tages do er Jhtern ſchos Vnd ſit er von graharz Kam in ſin land ze Burbarcz Woͯlt ir hoͯrren wie es im geſte Er kam des aubencz an einen ſe Da hattett gankert weideman Den was daz waſſer vnd̉erton Do ſy in ritten ſachent Sy waurent dem ſtad ſo nachent Das ſy wol hortten waz er ſprach Einen er Jn dem ſchiffe ſach ⸿Der hett an Im ſomlich gewand Ob im dientten allu land Das es nit beſſer moͯchte ſin Gefuͯrierret ſin huͯt waz pfaͯwin Den ſelben fiſchere Begund fragen mere Das er im Riette durch got Vnd och durch ſin̉er zúchtte gebot Wa er herberg moͯchte han Des anttwurt Jm d̉er trurrig man Er ſprach herre mir iſt vnbekant : Verblasstes Zeichen vor der Zeile. Möglicherweise ein Alinea-Zeichen. Das weder waſſer noch land Jnre dryſſig millen erbuwen ſẏ Nument ein hus daz liget hi bẏ Mit trúwen ich úch ratte dar War moͯcht ir talanc and̉erſchwa Doͯrt an des wildes ende Da kerrent zer zweſnen hende So ir vff hin koment an den grabēn Jch wen da muͯſſent ir ſtille habēn Bittent die bruge uch nider laſen Vnd offen die ſtraſſe So tett als im d̉er fiſch̉er riett Mit vrlob er dannen ſchied Er ſprach kompt ir Rechtte dar Jch nim úch hinnacht ſeller war So dankent als man úwe pflege Huͯt úch da gend vnkunde wege Jr mugent an der litten Vil wol miſzritten ⸿Das iſt war des ich uch nit gan Parczifal der huͦb ſich dan Do begund er ſchnellenklich trabēn Den rechtten pfand by an den grabēn Do was die brige vff geczogen Du burg ein veſte vnbetrogen Sy ſtuͦnd als ſy were getrett Es fluge vnd vnd het d̉er wind gewett Mit ſturme ir nicht geſchadet waz Vil túrne menig palas Stuͦndet da mit wund̉erlichen wer Ob ſy ſuͦchtent alle her Sy gebent fuͤr die ſelben not Ze dirre zitt nit ein brot Ein knappe des geruͦchte Vnd frag in was er ſuͦchte Oder wanen ſy reiſe were Er ſprach der fiſchere Hat mich von im her geſant Jch genigen ſin̉er hand Nicht won durch herber gewan Er bat die bruge nider lon Vnd hies mich zu uch ritten Jn Herre ir ſúlt wilkomen ſin Sit es der fiſcher veriach Man bút úch erre vnd gemach Durch in der úch ſantte wid̉er Sprach d̉er knappe vnd lies die brige nid̉er Jn die burg der Cuͯne Reit Vff einen hoff wit vnd breit ⸿Mit ſchimp er nit zertret was Da ſtund als kurcz gruͯn gras Da was buhurdierencz v̉ermitten Mit banierren ſelten úberritten Als der anger ze abenberg Selten froͯlichú werch Was da gefrumt zu meng̉er ſtund Jn was wol hercze Jam̉er kunt Wenig er des gen in engalt Jn empfiengent Ritt̉er Iung vnd alt Vil klein̉er Iunckherlin Sprungen gen dem zome ſin Iettlichs fuͤr das and griff Sy habten ſinen ſtegreiff Suſt muͦſt er vom roſe ſten Jn batten Ritt̉er furbas gen Sy fuͦrttent an ſin gmach Harte ſchier das geſchach Das mit zúchten entwapet ward Do ſy den Jungen one bart Geſachent alſus minenklich Sy Jachent er wer ſelden Rich Ein waſer hieſch d̉er Iunge man Er zwuͯg den Rom von im dan Vndern ougen vnd an den handēn Alte vnd Iunge wanden Das von Im ein and̉er tag erſchein Sus ſas d̉er minenklich fin Gar vor allem zadel frẏ Mit pfelle von arabi Man bracht im einēn mantel dar Den legt er an d̉er wol gefar Mit offn̉er ſchnuͯre Das was im ein lobes gefuͯre Do ſprach d̉er Camrare kluͦg Repanſe deſhoye in truͦg Min frow die kunginnein Aber ir ſol er geliche ſin Oucht mocht er ſins mit erren bittēn Won Jr ſind och ein werd̉er man Ob ich gepruͯffen Rechtte kan Got lone úch herre ſit irs Jecht Ob ir mich ze rechtte ſpecht So hat min lib geluck erholt Die gottes krafftt git ſoͯlichen ſold Man ſchanktte Im pflag ſin wol Die trurrigen waurent mit im fro Man bot im wirde vnd ere Wan da was Rattes mere Denne er zu walrapire fand Die von kumber ſchied ſin hand Sin harnaſch was von Jm getragēn Das begund ſider clagen Do er ſich ſchimpes nit verſan Ze houe ein raͯt ſpech̉er man Bat komen freuenlichen Den gaſt ellencz Richen Zem wirte als im were zorn Des het er nach den lib verlon Von dem Jungen parczifal Do er ſin ſwert wol gemal By Im niendet ligen fand Der fuͤrſte zwang alſo ſin hand Das blut vſz den nageln ſchos Vnd Im die ermel gar begos Nein herre ſprach die Ritterſchafftt Es iſt ein man des ſchimpes krafftt Hat wie trurrig wie wir alle ſind Tuͦt úwer zucht an im ſchind Jrn enſolt anders nit han v̉ernomēn Won das der fiſcher were komen Zu dem gat ir im ſind ir ein werd̉er gaſt Vnd leget ab ir zornes krafftt Sy giengent vff den palas Hundert crone da gehangen waz Vil kerczen dar uff geſtoſſen Ob den hus gnoſſen Vil klein̉er kerczen vmb an d̉er wand Hundert bette er ligen fand Es ſchuͦffent die es da pflagent Hundert gultter daruff lagen Jie vier geſellen ſunder wicz vnd ſicz Da zwúſchen was ein wid̉erwicz Da fuͤr ein teppich ſinwel Fili roys frimutel Der mocht wol geleiſten das Eins dinges man da nit vergas Sine enhetten nit betrut Mit marmel waz gemurt Drẏ vierekige fuͤr ram Daruff des fuͤres nam Holcz hies lignaloe So gros fuͤr ſit noch e Sach nyemān hie ze wildenb̉erg Es wauren koſtlichú werk Der wirt ſich ſelber bittēn bat Gen der mitten fuͤrſtat An ein ſpanbette Es was worden mitte wette Zwúſchen im vnd der froͯde Er lebt nit won tende Jn dem kam gegangen Der do ward wol empfangen Parczifal der liecht gefar Von Im der In ſantte dar Jn batt der wirt nacher gen Er lie in da nit lenger ſten Siczent zu mir do heran Das were úch all ze ſchwach So ſprach der wirt Jamersach D̉er wirt der het durch ſich̉erheit Gozú fúr vnd an In warme cleid Wit vnd lang zoͯbelin Sus muͦſt vſnen vnd Jnen ſin Ein belcz vnd ein mantel drobe Der ſchwecheſte balg waz wol ze lobe ze:Unterhalb von z undefinierbares Zeichen ohne Bedeutung. Der was doch ſchwarcz vnd gra Des ſelben was ein hube da Vff ſinem hopt zwifalt Vom zobel den man túre galt Sinwel arebeſch ein porte Obnan daruff gehorte Mitten dran ein knoͯpfflin Ein durchluchtig̉er Rubin Da ſas menig Ritt̉er kluͦg Do man Jamer fuͤr ſy truͦg Ein knappe ſprang zu d̉er tuͤr Jn Der truͦg ein gleſin D̉er ſitte waz ze trurren guͦt An der ſchinden huͦb ſich daz bluͦt Vnd lieff dem ſchafft vncz an die hand Das es an dem ermel wider wand Do ward geweint vnd geſchrit Jn dem palas wit Das volck von driſſig landen Mocht es den oͯgen nit enblanden Er truͦg ſy in ſinen handen Zu allen vier wanden Vncz aber wid̉er hin zer tuͤr Der knappe ſprang hinus dar fuͤr Geſtillett ward des folkes not Als in der Jamer E gebot Des ſy die gelene het ermant Die truͦg ein knapp in ſin̉er hant Wil úch nu nich erlangen So wirt hie angefangen Das ich uch bringe an die fart Die da mit zucht gedient ward Zende an dem palas Ein ſtehelin tuͤr entſchloſſen waz Da giengent vſz zweẏ werdú kind Nun hoͯrt wie die gepruͯffet ſind Das ſy wol geben minne ſold Wers da mit dienſt hett erholt Das waurent Junckfrowen clar Zwey ſchappel uͯber bloſes har Bluͯmin was ir gebend Jettwedre vff ir hend Truͦg von gold ein kercz ſtal Jr har was lang reid vnd fal Sy truͦgent brinnendu liecht Hie ſullent wir vergeſſen nit Vmb der Junkfrowen gewand Da man ſy komende inne fand Die grefin von Tenebroc Brun ſcharlachen was ir Rock Des ſelben truͦg och ir geſpil Sy waurent gefitſchieret vil Mit zwen gúrtlen an d̉er krenke Ob der huffe an me gelenke Nach der ging ein herczogin Vnd ir geſpil zwei ſtollelin Die truͦgent von helffenbein Jr mund nach fúrres roͯtin ſchein Die nigen alle viere Do zwo ſacztent ſchiere Fúr den wirt die ſtollen Do wart gedienet mit follen Sy ſtuͦndent alle ſampt an ein̉er ſchar Vnd waurent all wol gefar Den vieren waz glich ir wat Secht wa ſich nit v̉erſumet hat Ander frowen vier ſtuͦndent zwo Die waurent do geſchaffet ſo Vier truͦgent kerczen gros Die ander vier nit verdros Sy tragen einen túrren ſtein Des tages die ſunn liecht dur ſchein Da fur waz ſin nam erkant Es waz ein granat ein Jochant Beidu lang vnd breit Durch die dúnne ein liech ſchein Wer Jn ze einem tiſche mas Dar ab d̉er wirt durch rechtte as Sy giengent vil rechtte Fuͤr den wirt all echtte Gegen Im ſy ir hopt wegtten Viere die tauel legten Vff helffenbeine wis als ſchne Stollen die da komen E Mit zúchtten ſy kondent wid̉er ge Zu den Erſten vieren ſten An den acht frowen was Roͯcke gruͯnner won ein gras Von aſagouc ſemit Geſchnitten wol lang vnd wit Gurtel túrre ſchmal vnd lanc Da enmitten ſy zeſament zwanck Die Acht Junckfrowen cluͦg Jegliche ob ir harre truͦg Ein klein bluͦmi ſchaͯplin Der graue Iwan von Nouellin Vnd Gerins von kyle Er was úber menge mile Ze dienſt ir tochtter dar genomen Man ſach die zwo fuͤrſtinen komen Jn hartte wunenklich̉er wat Zwey meſſer ſchnidende als en grat Truͦgent ſy durch wunder Vff zwein zwechlen al beſund̉er Das was von ſilber harte wis Daran lag ein ſpecher flis Jm waz ſin ſcharpffe nit v̉ermitten Es het ſtachel wol ge*geſchmitten Vorm ſilber komen frowen werd Der da zu dienſt was gegert Die truͦgent liecht dem ſilber bẏ Vier kind vor miſſewende frẏ Die giengen alle ſechſſú zu Nun hoͯrent waz yegliche tuͦ Es nigen zwe vnd truͦgent dar Vff den taflen wol gefar Das ſilber vnd legtencz nider Do giengent ſy mit zuͤchttēn wid̉er Zuͦ den Erſten zwoͯlfen ſton Ob ichs gepruͯffet Rechtte han Hie ſúllent Achtzechēn frowen ſten Auoẏ nun ſicht man ſpiſe gen Jn watte die man tuͤre galt Es was halbes plialt Das ander pfeller von nyniue Diſe vnd die erſten ſpiſe E Truͦgent zwoͯlff roͯcke geteilt Mit túrrer coſt gefeilet Nach dem gieng die kúngin Der antlút gab den ſchin Sy wondet all es woͯlte tagen Man ſach die megte an ir tragen Pfelle von arabi Vff einem gruͯnnen achmardi Truͦg ſy den wunſch pardis Beidú wurcz vnd Ris Das was ein ding daz hies der Gral Erden wunſches úberwal Rapanſe dehoie hies Die ſich der Gral tragen lies Der Gral was von ſoͯlicher art Wol muͦſe ir kúnſche ſin bewart Die ſin zu Rechtte ſoͯlte pflegen Die muͯſe valſches ſich verwegen Vor dem Grale koment liecht Die wauren von arm̉er coſte nicht Sechs glas lutt̉er lang wol geton Dar Jnne balſam der wol bran Do ſy komen von der túr Ze rechtter maſze ſuſt her fúr Mit zúchtten neig die kúngin Vnd allu Iunckfroͯwlin Die da truͦgent balſam fas Die kúnginne falſches las Saczte fuͤr den kung den Gral Dis mere gicht das parczifal Dick an ſy ſach vnd dachte Die den gral brachtte Er het och ir mantel an Mit zúchtten die ſúben giengen dan Zu den achczechen erſten Do lieſſent ſy die herſten Zwúſchen in man ſagte mir Welhe yettwederthalb ir Dú maget mit der Crone Stuͦnd da hartte ſchone Was Ritter da geſeſſen was V́ber all den palas Den wauren kemrere Mit guldin beken ſchwere Ye vieren ein̉er geſchaffet dar Vnd ein Junkherre wol gefar Der eine wiſe zwechlen truͦg Man ſach da Richeit gnuͦg Der tafflen muͦſtent hund̉ert ſin Die man da truͦg zu d̉er tuͤr in Man ſaczte yeglichem ſchiere Fuͤr werder Ritter viere : Das zweite e von ſchiere und viere scheint vom Schreiber nachträglich eingefügt worden zu sein. Tiſclachen waren nach wiczewiſſe Wurdent daruff geleit mit fliſſe Der wirt ſelb das meſſer nam Er was an hochem muͦtte lam Mit Im tzwuͯg ſich parczifal Ein ſin zwecheln wol gemal Bot Ims grauen ſun dar nach Dem was keiner fuͤr in gach Wa do der tauel deheine ſtuͦnd Da tett man vier knappen kunt Das ſy irs dienſtes nit v̉ergeſſen Wan die dar ob ſeſſen Zwen knietten vnd ſchnitten Die andren zwen nit v̉ermitten Si truͦgent trinken vnd eſſen dar Vnd noment ir mit dienſte war Hoͯrent me von Richeit ſagen Vier karratſchen muͦſtent tragen Menig turre goldfas Yeglichem Ritter der da ſas Man zoch ſy zu vier wenden Vier Ritter mit ir henden Mans vff die taflen ſeczen ſach Jeglichem gieng ein ſchrib̉er nach Der ſich dar zu arbeite Vnd ſy wider vff bereite So das gedienet were Nun hoͯrent andrú mere Hundert knappen man gebot Die nomēnt in wiſe tuͦch brot Mit zúchten vorm Gral Sy giengent al zemal Vnd teilttent fuͤr die taflen ſich Man ſeit mir das ſag och ich Vff úwer Jeglichs eyd Das vor dem Grale waz bereit Sol ich des yemen triegen So muͦs er mit mir liegen Won wa nach ymer bot ſin hand Das er albereit fand Spiſe warm ſpiſe kalt Spiſe núw vnd da zu alt Das zam vnd das wilde Es enward nie dehein bilde Beginnet menger ſprechen Der wil ſich úbel rechen Wan der Gral waz d̉er ſelben frucht Der wer ie ſuͯſze ein ſoͯlich frucht Es was vil nach geliche Als man ſagt von himeelriche Jn kleine goltfas man nam Als yetlicher ſpis gezam Salczen pfeffer agras Da hatt er der kúnſche vnd d̉er fras Alle glich gnuͦg Mit groſer zucht mans fuͤr ſy truͦg Mazas win Syropel rot War nach den napff yeclich̉er bott Was er trinkes konde genennen Das mocht er dar Jnne ekennen Alles das was des Grals krafftt Dú werdú geſelſchafftt Hette wirtſchafftt von dem Gral Wol gemarktte parczifal Die Richeit vnd daz wund̉er gros Durch zucht Jn fragens doch verdros Er gedacht mir riet Gurnamancz Mit guͦtten trúwen one ſchancz Jch ſoͯlte vil gefragen nicht Was ob min weſen hie geſchicht Der maſze wol als doͯrt by Im Ane fragen ich vernim Wie es dirre meſſunge ſtet Jn dem gedenke necher get Ein knappe der truͦg ein ſchwert Des Balg waz tuſent marke wert Sin gehilcz was en Rubin Och moͯchtte wol die klinge ſin Groſer wunder anhab Der wirt es ſinen geſten gab Er ſprach herre ich brachcz In not An menger ſtat E daz mich got An dem lib het geleczet Nun ſit der mit ergeczet Ob man úwer hie nit wol pflege Jr mugencz wol fuͤrre alle wege Wenn ir gepruͯffent ſinēn art Jr ſind an ſtrit da mit bewart Owe das er nit fragte do Des bin ich noch fuͤr in vnfro Wan do ers empfieng in ſin hand Do was er fragens der mit ermant Och Ruͯwet mich ſin ſuͯſer wirt Der vngnade nit verbirt Des Im von frage were Rat Gnuͦg man da geben hat Die ſin pflagent griffencz an Vnd truͦgencz gerúſte wider dan Vie koͯrb man do luͦd Jeglich frowe ir dienſte tuͦt E die Jungſten nun die erſten Do ſchuͦffencz aber die herſchen Wider zu dem Grale Dem wirtte vnd parczifale Mit zuchten neig die kúngin Vnd alle die Junckfroͯwlin Sy brachtent wider in zúr túr Das ſy mit zuchtten E truͦgent fuͤr Parczifal in bliktte nach An einem ſpanbet er ſach Jn ein̉er kemnaten E ſy nach in zu tatten Den aller ſchoͯnſten altten man Des er konde ye gwan Jch mag das wol ſprechēn one guft Er was noch grawer denne ein tufft Wer der ſelb were Des v̉ernemt ir hernach mere Dar zu ſin bruch ſin land Die werdent úch von mir genant Her nach ſo des wircz zitt Beſcheidenlich one ſtrit Vnd alles fuͤrczogen Jch ſage die ſenwe ane bogen Die ſenwe iſt ein byſpel Nun dunke úch der bogen ſchnel Noch iſt ſchneller daz du ſenwe Jagt Ob ich uch war hab geſagt Die ſenwe dunket meren ſchlecht Die dunket och die lutte Recht Won wer nun ſeit von d̉er krumbe Der wil úch leitten vmbe Wan wer den bogen geſpanēn ſicht Der ſenwe man d̉er ſchlichte gicht Man welle ſẏ zu buge dennen So ſy den ſucz muͦs mennen Wer dem ſine mere en gúczet Das in mit not verdrúſſet Won es enhat da niendert ſtat Nach vil gerumelichen pfat Ze einem or Jn zum andren fuͤr Min arbeit ich gar verluͤr Ob den min mere drunge Jch ſagtte od̉er ſunge Das es noch bas verneme boc Oder ein vlmiger ſtoc Jch muͦſz uch mere betútten Von diſen Jamerhafftten lútten Dar kam geritten parczifal Man ſach da ſeltten froͯden ſchal Es were buhirt od̉er tancz Jr clagendú ſtette waz ſo gancz Sy kertten ſich an ſchimpfen nit Wa man noch minre folke ſicht Hie ſiczet die kúngin ze tiſche mit den Junkfrowen vnd mit dem geſind Hie kam parczifal an ein ſew vnd fand den wirt in einem ſchiff ſiczēn der den gral in hett den fragt er vmb herberg d̉er wiſt in zu der burg daruff der gral was mit dem geſind dar kam garczifal vnd ward wol empfangen vnd ſach gros richeit dar In vnd menig wund̉erlich geſchicht Da iſt der ſal da d̉er wirt mit ſinen Rittern In ſas mit hund̉ert tiſchen DE tuͦt ettwen ein froͯde wol Doͯrt waurent die winkel alle vol / Vnd och zu houe da man ſy ſach Der wirt zu ſinem gaſte ſprach Jch wene man úch gebettet hat Sind ir muͯde ſo iſt min Rat Das ir get legen uch ſchlaffen Nun ſolt ich ſchrien waffen Von ir ſcheiden das ſy tuͦnt Des wirt gros ſchade in beidēn kunt Von dem ſpanbett trat Vffe ein tepich an eine ſtat Parczifal der wolgeſchlacht Der wirt bott im guͦtte nacht Die Ritterſchafftt do gar vff ſprang Ein teil ir im da nacher trang Do wiſtet ſy den Jungen man Jn ein kemnaten dan Die was alſo geheret Mit einem bette geerret Das mich min armuͦt ym̉er muͦt Syd die rede ſoͯliche richeit bluͦt Dem bette waz armuͦt túre Als er gleſte vſſer einem fuͤre Lag daruff ein pfelle liecht gemal Die Ritt̉er bat do parczifal Wider farn an ir gemach Do er da nit mer bette ſach Mit vrlob do ſy ſchieden dan Hie hept ſich ander dienſt an Vil kerczen vnd die frowe ſin Die gaben zu gegen ſtrite ſchin Was moͯchtte liechtt̉er ſin d̉er tag Vor ſinem bette ein anders lag Dar uff ein gultt̉er daruff er ſas Junckh̉erren ſchnel vnd nit ze las Manger Jm do nach̉er ſprang Die enſchuͦchten bein die wauren blanck Ouch zoch im mer gewandes ab Menig wolgeborn̉er knab Fletig waurent die kindelin Secht doͯrt kament zu d̉er tur her Jn Vie clare Junckfrowen Die denocht wolten ſchowen Wie man des helden pflege Vnd ob er ſenfftte lege Als vns die auentuͤre geruͦcht Vor yetlicher ein knappe truͦg Eine kerczen die wol bran Parczifal der ſchnelle man Sprang vnders deklachen Sy ſprachent Jr ſúlt wachen Durch vns noch ein wile Ein pfil mit der yle Hett er vncz in den ort geſpilt Das man gen liechtt̉er farwe zilt Das begund ir ogen ſuͯſzen E ſy empfiengen ſin gruͯſen Ouch fuͦgttent Jm gedanke not Das im der mund waz ſo rot Vnd das vor Jugent nyemēnt dran Kos gen einer halben gran Die vier Junckfrowen cluͦg Nun hoͯrent waz yetliche truͦg Mozas win vnd lutt̉er trank Die vierd u Junckfrowe wis Truͦg obs der art vom paradis Jn einer truchen wis gefar Die ſelbe knútte fuͤr Jn dar Er bat die Junckfrowen ſiczen Sy ſprach lat mich by wiczen So werent ir dienſtes vngewert Als min herre fuͤr úch iſt gegert Suͯſzer red er gen ir nit vergas Der herre trank ein teil er as Mit vrlob ſy ſchieden wider Parczifal ſich legte nider Och ſaſſen die Junckherlin Vff dem tepich die kerczen ſin Do ſy in ſchlaffen ſachent Sy begundent danne gachen Parczifal nit einig lag Geſelklich vncz an den tag Was by im ſtrenge arbeit Er botten kuͤnfftige leit Santtent Jm In ſchlaffe dar So das der Junge wol gewar Sin̉er muͦtt̉er trom gar wider wag Des ſy nach Gahmuretes pflag Suſt ward gelútret ſin trom Mitt ſchwertten ſchlegen Vmb den ſom Der vor mit menger Joſt Riche Von Rabine hurtenkliche Er leid im ſchlaff ſoͯlich not Er moͯch driſſig vnt ſin tod Das hett er wachent ye gedolt Suſt teilt im vngemach den ſold Von diſen ſtrengen ſachen Muͯſt er durch not wachen Jm ſchwiczte ader vnd bein Der tag oͯch dur die fenſt̉er ſchein Do ſprach er wa ſind die kind Das ſy vor mir nicht ſind Wer ſol mir bietten min gewand Sus warte In der wigant Vncz er ander werb entſchlieff Nẏment do Rette noch enrieff Won ſy waurent gar v̉erborgēn Bis an den mitten morgen Do erwachte ab̉er d̉er Iunge man Vff Richtte ſich der kuͯne ſan Vff dem teped fand d̉er tegen werd Ligen ſin harnaſch vnd zwey ſchwert Das eine d̉er wirt Jm geben hies Das and̉er was von kaheweis Do ſprach er zu Im ſelber ſan Owe war zu iſt dis getan Das iſt war ich ſol mich wappen drin Jch leid in ſchlaffe ſoͯlich pin Das mir wachende arbeit Noch hút wen ich iſt bereit Hat dirre wirt vrluges not So leiſte ich gerne ſin gebot Vnd ir gebot mit trúwen Dú diſen mantel núwen Mich lech durch ir guͯtte Wan ſtuͯnd ir gemuͯtte Das ſy dienſt welte nemen Das ſoͯlte mich durch ſy gezemēn Vnd doch nit durch ir mīnne Wan min wib die kúnginne Jſt an ir lib wol alſo clar Oder fuͤrbas daz iſt war Er tett als er tuͦn ſol Von fuͦſe vff wapnet er ſich wol Durch ſtrites auentúre Zwey ſchwert er vmb ſich gurte Zuͦ der túr vſz gieng d̉er werde tegēn Do was ſin Ros an die ſtegen Gehefftt ſchilt vnd ſper Leintent da bẏ daz was ſin ger E parczifal der wigant Sich ſins roſes vnder wand Menges es der gaden erlieff So das er nach den lutten rieff Nyemen er hortten noch enſach Vngefuͯg leid im dar an geſchach Dis hett im zorn geczieret Er lieff da er was grierret Des aubencz do er komēn waz 1 : Die 1 wurde mit roter Tinte geschrieben und befindet sich am unteren Blattrand ziemlich weit rechts. Des aubencz do er komen waz Do was erde vnd gras Mit tretten geruͯrrett Vnd das tow gar zerfuͯret Alſchrigende rieff d̉er Iunge man Wider zu ſinem ros er kam Mit begenden worten Sas er daruff die porten Fand er wit offen ſten Dar durch vſz gros ſchlag gen Nicht lenger er habte Vaſt vff die brug er trabte Ein verborg̉er knappe das ſeil Zuktt das der ſchlag brug ein teil Hett das ros vil nach gefellet nid̉er Parczifal der ſach hin wider Do wolt er han gefraget bas Sprach der knapp ir ſind ein gans Moͯch ir geruͯrret han den flans Vnd hett den wirt gefraget Vil priſes hat úch betraget Nach den meren ſprach der gaſt Gegen Rede im gar gebraſt Wie vil er nach gerieffe Recht als ob der in der ſchlieffe Warb der knapp vnd ſchluͦg die portēn zuͦ Do was ſin ſcheiden dan zu fruͦ An der fluſtberren zitt Dem der nun zins von froͯden git ⸿Dú was an Im vorborgen Vmb den wurff der ſorgen Was getopelt da er den gral fand Mit ſinen oͯgen one hand Vnd one wirffels egge Ob in nun kumer wecke Des waz er do vor vngewent Er hette ſich nit vil gewent Parczifal der huͦb ſich nach Vaſte vff die ſchlag die er da ſach Er gedacht die vor mir Rittent Die wond noch hút ſtritten Manliche vmb mins wirtes ding Geruͦchttent ſis ich wer an Jr ring Mit mir nit verkrenket Dane wurd nit gewenket Jch hulff in an der ſelben not Das ich gedientte min brot Des wunenklichen ſchwert Das mir gab ir herre wert Vngedienet ich das trage Sy wenent lich ich ſig ein zage Sich huͦb der falſche wid̉erſacz Vaſte vff den huͦffſclag kracz Sin ſcheiden dan daz rúwet mich Aller erſt auuentuͤrt es ſich Do begund krenken ſich der ſpor Sich ſchiedent die da rittent vor Jr ſch*ſchlag was ſchmal die e waz breit Er verlor ſy ga*gar daz waz im leid Merre vernam d̉er iunge man Da von er hercze not gewan Do vernam d̉er held ellends Riche Ein̉er frowen ſtim iemerliche Es was den acht von towe nas Vor im vnd̉er einer linden ſas Ein magt der fuͦgtte ir trúwe not Ein gebalſameter Ritter tod lag ir zwúſchen den armen Den es nicht woͯlt erbarmen Der ſy ſo ſiczende ſeche Vntrúw ich dem Jehe Sin ros gieng ander wide Da weinnet ſy ir leide Sin ros er gen ir wande Wie wenig er ſy erkande Sy was doch ſin̉er muͦmen kind Al irdeſch trowe waz ein wind Wan die man an ir libe ſach Parczifal ſy gruͦtze vnde ſprach Nun wiſſent frowe mir iſt leid Úwer ſenclichu arbeit Bedurffent ir mines dienſtes Jcht Jn v́werm dienſt man mich ſicht Sy danket Im vs Iamers ſitten Vnd fragtte in wānne er kem gerittēn Sy ſprach es iſt wider zeme Das yement an ſich neme Sin Raiſe In diſem waſte Vnkunden gaſte ⸿Das hie vil lutte ir lib v̉erluͤren Die werlichu ende kuͤren Kert hinan ob ir welt geneſſen Sagt E wa ſind ir hinacht geweſen Das iſt ein mile oder mer Das ich geſach nie burg ſo her Mit aller ſchlachtte Richeit Jn kurcz̉er zit ich dannen reit Sy ſprach der úch getrúwet icht Den ſúlt ir gern triegen nicht Jr tragt doch eines gaſtes ſchilt V́ch moͯcht des waldes han befilcht Von vnbuwēm land her geritten Jnrent driſig milen ward nie verſchnitten / Ze deheinem buwe holcz noch ſtein Numen ein burg die ſtat allein Dú iſt erden wunſches Riche Wer die ſuͦchet fliſſen kliche Leider der findet ir nicht Vil lútte mans doch werbēn ſicht Es muͦs vnwiſſend beſchechen Wer die burg ſol geſechen Jch wēnne herre die iſt vnerkant Munſaluaſhe iſt ſy genant Der wirte burg iſt roiam Derdeſaluaſhe was ſin nan Das brachte der alte tyturel An ſinen ſun Roys frimutel Hies der werde wigant Vil mengen pris erwarb ſin hand Der lag an einer tioſt tod Als im die minne das gebot Der ſelb lies vier werde kind By Richeit dú mit Jamer ſind Der vierde der hat armuͦt Durch got fuͤr ſunde er daz tuͦt Der iſt geheiſſen trefriſſent Anfortas ſin bruder lent Der mag geritten noch gegen Noch geligen noch geſten Der iſt vff Munſalanach wirt Vngnade in nich verbirt Sy ſprach herre werent ir komēn dar Zu der Jemerlichen ſchar So were dem wirt wordēn rat Vil kumers den er lange hat Der waleis zu d̉er megde ſprach Groſe wunder ich da ſach Von megden frowen wol geton Bi der ſtime erkand ſy den man Sy ſprach du biſt es parczifal Nun ſag ſecht du den Gral Vnd den wirt froͯden lere La hoͯren liebu mere Ob wendic ſy ſin freiſe Wol dich der ſelden reiſe Won was die lúfftte hand geſchlagēn Darab muͦſte du hoche tragen Dir dient zam vnd wild Gein Rechtten iſt dir wunſt geczilt Parczifal der wigant Sprach wa hab ir mich erkant Si ſprach Jch bin die magt Die dir e kume hat geclagt Vnd dú dir ſagtte dinen namen Du darfftt dich nit d̉er ſippe ſchamēn Das din muͦtter iſt min muͦme Wiplich̉er kúnſch ein bluͦme Jſt ſy gelútret one tov Got lon dir daz dich do ſo row Min frunde d̉er mir zer tioſt lit tod Jch han In hie nun prieffe not Die mir hat got an Im gegebēn Das er nit leng̉er ſoltte leben Er pflag manheit guͦtte Sin ſterben mich do muͦtte Ouch han ich ſider von tagēn zu tagēn Fuͤrbas erkennet nuw clage Owe war kam din rott̉er mund Biſtu Sygunt die mir kunt Tett wer ich war oͯn allen var Din Reidenliches lang brune har Des iſt din hopt blos geton Zem foriſt in Breczilion Sach ich dich vil minenklich Schwig du wereſt iamers rich Du haſt verlon varwe vnd krafftt Diner hertten geſelſchafftt Verdruſſe mich ſoͯlt ichs han*haben Wir ſullent den totte man begrabēn Do nacztent ougen ir die wat Och was fro lun enten Rat Nyedert da by geweſſen Du riet ir frowen lat geneſſen Diſen man der den úwern ſchluͦg Er mag ergeczen úch genuͦg Sygunde gert ergeczens nit Als wib die man by wanken ſicht Menger der ich vil getagen Hoͯrt me von Sygunen trúwe ſagēn Sy ſprach ſol mich ich gefreun Das iſt ein ding ſol in ſin deung Laſet den lib vil trurrigen man Scheide du helffenlich dan So iſt din lib wol priſes werd Du fúrreſt doch vmb dich ſin ſwert Haſtu gelernet des ſchwertes ſegen Du macht oͯne angſt ſtrites pflegen Sin egge ligent im rechte Von Edlem geſchlechte Worcht es Trebucketes hand Ein brunne ſtat bẏ karnant Darnach der kung heiſſet lac Das ſchwert beſtet gancz einēn ſchilttſchlac An dem andren zerfellecz gar Wiltu es dene wider bringen dar Es wirt gancz von des waſſers dran Du muſt des vrſprunge han Vnderm velſe e es beſchine d̉er tag Der ſelbe brunne heiſſes lac Sind die ſtuke nit nit verreret Wer ſy recht ze andren keret So ſy der Brunne machet nas Gancz vnd ſtarker bas Wirt Jm falcz vnd egge ſin Vnd v̉erlierent nit die mal irn ſchin Dis ſchwert bedarff wol ſegen wort Jch forchte die habeſt du gelaſzen dort Haucz aber din mund gelernet So wachſent vnd bernt Jmer ſelden krafft an dir Lieber neue globe mir So muͦs gar diennēn din̉er hand Was din lib da wund̉ers fand Och machtu tragen ſchone Jemer der ſelden krone Hoche ob den werden Den wunſch vff der erden Haſt du gewaltenkliche Niement iſt ſo Riche Der gen dir koſt muge han Haſtu frage ir recht getan Er ſprach ich han gefrag nit Owe das iuch min oge ſicht Sprach de Iamerbere magt Das ir fragens ſind v̉erczagt Jr ſacht doch ſoͯlich wund̉er gros Das úch fragens do verdros Da ir waurent dem Gral bẏ Mengú frow falſches frẏ Die werden Garſchiloien Vnd Ranpanſe deſchoien Vnd ſniden ſilber vnd bluͦtig ſper Owe was wolt ir zu mir her Gunerter lib verfluͦcht man Jr truͦgent den elter wolff zan Do die galle in d̉er trúwe An ir beleib ſo núwe V́ch ſolt úwer wirt erbarmet han An dem got wund̉er het getan Vnd ſoͯlt gefraget han ſin̉er not Jr lebt vnd ſind an ſel*ſeldden tod Do ſprach er liebu niftel min Tu beſern willen an mir ſchin Jch wandels icht han ich getan *rIr ſúlt wandels ſin erlan Sprach dú magt mir iſt wol kekant Ze Munſchaluaſche an úch v̉erſchwand Erre vnd Ritt̉erlicher pris Jr findent nun deheine wis Deheine gegen Red an mir Parczifal do ſchied von Ir ⸿Das er fragens was ſo las Do er by dem trurrigen wirt ſas Das Row do groͯſlichen Den held ellentrichen Durch clage vnd durch den tag ſo heiſ Begund neczen in der ſchweis Durch den lufft er von im band Den helm vnd fuͦrt in In d̉er hand Er enſtrikt den fintelle ſin Durch yſers Ram waz licht ſin ſchin Er kam vff einen núwen ſchla Won es vor Jm alda Ein Ros das was wol beſchlagen Vnd ein barfuͦs ros daz muͦſt tragēn Ein frowen die er ſach Nach der ze Ritten im geſchach Jr pfertt was von hung̉er verſelt Man het im wol durch hut geczelt Alle ſine rippe gar Ein beſtin halfftter lag daran Vncz vff den huͦff ſchwanc im dú man Sine ogen tieff die ogen wit Och was der frowen runzit Verwalt vnd verteket Durch hund̉er dick erweket Es was dúr als ein ſ zunder Sin gen daz was wunder Won es Reit ein frowe werd Die ſeltte kuͯnrierte pfert ⸿Da lag uff ein gereitte Schmal on alle breitte Geſchelle vnd bogen verreret Gros gebreſten daran gemeret Die frowe trurig vnd nit ze geil Jr zigel was ein ſeil Dem was ſy doch zu wol erborn Och hettent die eſte vnd die dorn Jr hemde zer fuͯrrett Wa es mit zerren was geruͯret Da erſach er vil der ſtrike Dar vnder liecht blike Jr hut noch wiſer denen ſchwan Sy fuͦt nit won knoͯppff an Wa die wauren des libes tach Jn wiſſer farwe er das ſach Das andes leid von ſunnen not Wie es ye kam ir mund waz Rot Der muͦſt alſo farwe tragen Man het das fuͤr wol darus geſchlagēn Wa man ſy wolte an ritten Das was zu bloſſen ſitten Neme ſich yemen ir vilan Der hette vnrecht getan Wan ſy het wenig an ir Durch úwer zucht globent mir Sy truͦg vngedienten has Wibes guͯtte ſy nie vergas Jch ſag úch vil ir armuͦt Warczuͦ dis iſt alſo guͦt ⸿Doch nem ich ſoͯlichen bloſſen lib Fur ettlich wol gecleidet lib od̉er wib Do parczifal gruͦs gen Ir ſprach An Im ſy erkenclichen ſach Er was d̉er ſchoͯnſte v́ber allu land Da von ſy ſchier het erkant Sy ſprach ich han úch e geſechen Da von iſt leid mir geſchechen Got muͯſz úch froͯde vnd ere Doch iemer geben mere Denne ir vmb mich gedienet hat Des iſt nun ermer mit wat Dan ir ſy ze Iungſt ſachent Werent ir mir nit genachet Mir an der ſelben zitt So hett ich erre one wid̉erſtrit Er ſprach frowe wiſſent das Gen wem ir kerent úwern has Es enwart von minem libe V́ch noch deheinem wibe Laſter nie gemerett So hette ich mich vngeerret Sid ich den ſchilt von erſt gewan Vnd ritter fuͦrren mich verſan Mir iſt aber úwer kumber leid Alweinende ſy mit Im reid Das ſy boges ir brúſtlin Als ob ſy treit ſoͯlten ſin Die ſtuͦndent wis ſinwel Es enward nie drechſel ſo ſchnel Der ſy gedreget hette bas Wie minenklich die frowe was Sy begund in doch erbarmen Mit henden vnd mit armen Begund ſy ſich deken Vor parczifal den Recken Do ſprach er nempt durch got Vff rechtte dienſt ſund̉er ſpot An úwer lib min kurſitt Herre were das one ſtrit Das alle min froͯde legent daran So getoͯrſt ichs doch nit griffen an Welt ir vns machen todes frẏ So Rittent das ich úch vere ſẏ Doch clagt ich wenig minen tod Denne daz ich fuͤrcht ir koment In not Er ſprach frow wer nem vns daz leben Das hat vns gottes crafft geben Ob das gerte ein ganczes her Man ſeche mich fuͤr vns zu wer Sy ſprach es gert ein werd̉er tegen Der hat ſich ſtrittes ſo verwegen V́we ſechſe kement in arbeit Mir iſt uwer Ritten by mir leit Jch was ettwenne ſin wib Nun enmoch min v̉erteiltt̉er lib Des heldes frowe nit geſin Suſt tuͦt er gen mir zúrnen ſchin Do ſprach er zu d̉er frowen ſan Wer iſt hie mit úwerm man Wan fluch ich nun durch úwen Rat Das dunktte mich ein miſſetat Wend itr mich fliechen lernen So ſtirb ich alſo gerne Do ſprach die bloſe herczogin Er hat hie nieman wan min Der troſt iſt krank gegēn ſtrittes ſige Numen knoden vnd̉er rige Was an der frowen hemde gancz Wiplich̉er kunſche blos krancz Truͦg ſy mit armuͦte Sy pflag der wauren guͦtte So das der falſch an ir v̉erſchwand Die ſynttelen er fúr ſich band Gein ſtrit er wolte fuͦren Den helm mit den ſchnuͦrren Er eben ze ſechent Ruͦrtte Jenne das ros ſich butte Mit dem pfert es ſchrigen nit v̉ermeid Der vor parczifaln do reit Vnd vor der bloſſen frowen Er hort vnd wolte ſchowen Wer mit ſin̉er frowen Ritte Sin Ros warff er vmb in zornes ſitte Vaſt vſſer dem ſtige Jn ſtritlicher vuge Hielt der herczog Orilus Bereitt zu einem ſtrit alſus Mit Rechtter manlich̉er ger Von kaheweis mit einem ſper ⸿Das was gefaͯrwet gnuͦg Reht als er ſine wapen truͦg Sinen helm worchte Trebuͦcket Sin ſchilt was zu dolet Jn kaẏlites lande geworcht von wigande Rant vnd bugel hetten krafftt Zu Allexandrrie d̉er heidenſchafftt Was geworkt ein pfelle guͦt Des der furſte hochgemuͦt Trug kurſit vnd wappen Rok Sin decke was ze tendebroc Gewúrket vs Ringen hert Sin Stolczheit Jn lert Der yſerinen tach Was ein deke das man ſach vnd Jach Das der trúwe were Recht vnd nit ze ſchwere Sine hoſſen halſperg herſchnỉer Vnd in ſin yſerin ſchillier Was gewappet der kuͯne man Geworcht in Bealzenan Jn der hopt ſtat ze anſhowe Diſe bloſe frowe Truͦg im vngeliche kleid Die da ſo trurrig nach im Reit Wen ſy het nicht beſſer ſtat Ze beſſun waz geſchlagen ſin blat Sin ros von Brunbange De ſalueſche amontange Mit ein̉er tioſt Roys lechelin Beiagt es do d̉er bruͦd̉er ſin Parczifal ward och bereit Sin ros mit gewalt er reit Gegen Orilus delalander Vff des ſchilt vander Einen traken als er lebte Ein ander trake ſchwebte Vff ſinem helm gebunden An den ſelben ſtunden Menig guldin trake kleine Mit mengem edlen ſteine Die muͦſtent wol gehert ſin Ir ogen waurent Rubin Vff der deke vnd an dem kurſit Do wart genomēn der ban ſo wit Von den zwen helden vnủerczagt ettwedrem wảrd wid̉er ſagt Sy waurent doch ledig ir trúwe Die ſchiltte all núwe Die ſper ſtuben in die lúfften Jch woͯlt mich des gúfftten Het ich ein ſoͯlich tioſt geſechen Als mir dis mere hat veriechen Do ward von Rabin geritten Ein ſoͯmlich tioſt nit vermitten Frow Juſcuten muͦt veriach Schoner Ritten ſy nie geſach Die hielt da ſy wand ir hende Sy forcht ellende Sy gunde dewedrem Ritt̉er ſchaden Die ros Im ſchweis muͦſtent baden Briſes ſy beide gertten Die blike von den ſchwerten Das fuͤr von den helmen ſprang Von mengen ellenthafften ſchwāng Die begundent fere gleſten Won da waurent ſtrites die beſtēn Mit hurte an ein andren komen Es keme zu ſchaden od̉er zu frumen Den Cuͯnen helden meren Wie willig in die ros weren Da ſy beid vff ſaſſen Der ſporn ſy nit vergaſſen Vnd ir ſchwert liecht gemal Pris gediente hie parczifal Das er ſich ſus werren kan Wol hund̉ert traken vnd eins man Ein trake wart wart geſeret Vnd ſin wunden gemeret Daruff Orilus helme lag So durch luchtig was der tag Vollenklichen durch in ſchein Darabe ward geſchlagen menig edel ſtein Dis ergieng ze ros nit zu fuͦs Fro Jeſcuten ward der gruͦs Mit ſchwertes ſchimpfe alda beiagt Von heldes handen vnủerczagt Mit hurtte ſy dike gegen ein andren ſlugen Das die Ringe von inen ſtuben Wie ſy werent yſin Ruͦchent irs ſy taten ſtrites ſchin ⸿Jch wil úch ſagen des einen zorn Das ſin wib wolgeborn Dafor was genoczoget Er was ye doch ir Rechtt̉er voget So das ſchirmes warte an In Er wonde ir wiplich̉er ſin Were gen Im verkert Vnd das ſy guneret Hette ir kúnſche vnd ir pris Mit einem andren amis Des laſters nam er pflichte Doch ergieng ſin gerichte V́ber das groſer not Nie wib erleid one den tod Vnd one al ir ſchulde Er mocht ir ſine hulde Verſaigen wenn er wolte Nẏemen das wenden ſolte Ob man des wibes hette gewalt Parczifal der tegen bald Orlius hulde gerte Frow Jeſcuten mit dem ſchwerte Des hort ich In guͯtlichen bitten Es kam do gar vs ſchmaͯchen ſitten Mich dunket ſy habe rech Der bedú krum vnd ſchlecht Geſchuͦffe kúnne er ſcheiden So wende er daz an beiden Das es one ſterben do ergee Sy tund doch ſuſt ein andrēn we Da ergie die ſcharpffe herte Yettwedrer vaſte werte Sinen pris vor dem and̉er Orilus de lalander Streit nach ſinem gelerten ſitten Jch wenn Jeman ſo vil geſtritte Er hett kunſt vnd krafftt Des ward er dick ſighafftt An menger ſtat wie es ergieng Durch den troſt zu Im er do fieng Den Jungen ſtarken parczifal Der begreiff och den in ſund̉er twal Vnd zuktte in vs den ſatel ſin Als ein garbe hebrin Vaſt er in vnder die arme ſwank Mit Im er von den Roſe ſprank Vnd druktte in úber ein ronen Do muͯſe ſchumpenture wnenwonen Der ſoͯlicher not nit was gewent Du garneſt daz ſich hat verſent Diſe frow von dinem zorne Nun biſt der verlorne Du laſſeſt ſy denne dine hulde han Das wirt ſo ſchier nit getan S*Sprach der herczog orilus Jch bin doch nit beczwngēn ſus Wie parczifal mit orilus ſtreit PArczifal der werde tegen Truktte in an ſich daz blutes Regēn Sprang durch die barbire Do wart der furſte ſchiere Betungen wes man an In warb Er reit als der vngern ſtarb Er ſprach zu parczifalen ſan Owe kuͯner ſtarker man Wa gedienet ich diſe not Das ich vor dir ſol ligen tod Jch laſe dich vil gerne leben Sprach parczifal ob du wilt geben Dirre frowen dine hulde Jch tuͦn ſin nit ir ſchulde Jſt gen mir ſo groͯſklich Sy was an wirdekeit ſo Rich Die hatt ſy gar vertrenket Vnd mich in not geſenket Jch leiſte and̉ers wes gu gerſt Ob du mich des lebens gerſtwerſt gerſt:Das Wort ist unterpunktiert. Vermutlich eine nachträgliche Schreiberkorrektur: Streichung gerſt und Ersetzung durch werſt. Das hat ich entwe von got Nun iſt din hand min bot Des ich danke dinem priſe So ſprach d̉er fuͤrſt wiſe Min leben kouff ich ſchone Jn zwen landen Crone Treit gewaltenklich Min bruͦder vnd ich Der nim dir wedres du welleſt Das du mich nit tod felleſt Jch bin Im lieb er loͯſet mich Als ich gedinge wider dich Dar zu nim och min herczogtuͦm Von dir. din priſlich̉er ruͦm Hat an mir werdikeit beczalt Nun erlas mich kün̉er tegen balt Suͦne gegen diſem wibe Gebút minem libe Anders was din erre ſy Gegen der vngeertten herczogin Mag ich ſuͦne gepflegen nit Was halte anders mir geſchicht PArczifal d̉er hochgemuͦt Sprach lute land noch guͦt Der deheins mag geheffen dir. Du entuͯgeſt denne ſicherheit gen mir. Das du gen britanie fareſt Vnd din reiſe nit lange ſpareſt Gegen ein̉er megde die ſtrech durch mich Von einem man gen dem iſt min gericht Ane ir bitte nit verkorn Du ſolt der meide wol geborn Sichren vnd minen dienſt ſagen Oder du wirſt hie erſchlagen Sage artus vnd dem wibe ſin Jn beiden von mir den dienſte min Das ſy min dienſt ſo leczen Vnd die maget ſtreich ergeczen Da zu wil ich beſchwen Dine hulde diſer frowen Mit ſuͯſze one geuare Oder du muͦſt ein bare Tod hinnan Ritten Wilte ichttes wid̉er ſtrittēn Merk die wort vnd bis d̉er w*w̉erk ein wer Des gib mir ſich̉erheit al her Do ſprach d̉er herczog orilus Zem kúng parczifal alſus Mag nieman da fuͤr nit gebēn So leiſt ichs wan ich wil noch leben Durch forchtte von ir man Frow Jſcute wol getan Jr ſcheidens gar getagte Jrs vigandes not ſy clagte Parczifal in vff verlies Do er frow Jſcuten ſuͦn v̉erhies Der betungen furſte ſprach Frow ſit durch úch geſchach Jn ſtritte die auentúre hie Wol her ir ſúlt kúſſen ye Jch han vil priſſes durch úch v̉erlorn Was dene es iſt yedoch verkorn Die frowe mit ir bloſſen fel Was zum ſprunge harte ſchnel Von dem pfert vff de waſen Wie das bluͦt von der naſen Den mund im hat gemachet rot Sy kuſt in do er kus gebot Es ward nit leng̉er do gebitten Sy beid vnd och die frowe Ritten Zu ein̉er kluſen in eins felſes wand Eine kefſen er da fand parczifal ſteken by der wand Ein gemaltes ſper d̉er bi da lent Der einſidel hies Trefirzent Parczifal do mit trúrren fuͦr Er nam daz heiltum dar vff er ſchwor Suſt ſtakt er ſelber ſinen eyd Er ſprach han ich wirdikeit Jch hab es od̉er hab ir nicht Wer mich by dem ſchiltte ſicht Der pruͯffet mich gen Ritterſchafftt Des namen ordenlich̉eru krafft Als vns des ſchiltes ampt ſagt Hat dike hochen pris beiagt Es iſt och noch ein hoch̉er nam Min lib gen wertlich̉er ſcham Jemer ſy gewenket Vnd al min pris verkrenket Dirr worte ſige mit werkēn pfand Min geluke vor der hoͯchſten hand Jch hans da fuͤr die treit got Nun muͯſe ich v̉erluſtlichen ſpot Zu beiden liben ymer han Von ſiner crafftt ob miſſentan Diſu frowe hab do daz geſchach Das ich ir fuͤrſpang von ir brach Och fuͯrtte ich meres goldes dan Jch was ein tore nit ein man Gewachſen mit wiczen Vil weinencz da by ſchwiczensſchwiczen Mit Jamer vil gedolt ir lib Si iſt by namen ein vnſchuldig wib Da ſcheide ich nit mere Es iſt pfand min ſeld min ere Geruͦchent irs ſo ſol ſy vnſchuld ſin Sett gebt ir wid̉er ir fingerlin Jr fúrſpang ward ſo verten Das es min torheit dank ſol han Die gab empfieng der held guͦt Do ſtreich er von dem mund daz bluͦt Vnd kuſt ſins herczen trut Och wart v̉erdeket ir bloſu hut Orilus der fuͤrſte erkant Sties daz ving̉erlin wid̉er an ir hant Vnd gab ir an ſin kurſit Das was von Richen pfelle wit Mit heldes hand zerhowen Jch doch ſelten frowen Geſechen wappen rok tragen Die werent in ſtrit ſuſt zeſchlagen Von ir krie ward nie turnaẏ Geſameliert noch ſper enzwey Geſtochen wa das ſoͯlte ſin Der guͦtte knappe vnd Lunenkin Die tioſt truͦgen zu ſamen bas Sus ward die frow trurens las Do ſprach der herczog Orilus Aber zu parczifal alſus Held din vnbezungen eyd Git mir gros lieb vnd leyd Jch han ſchumpfentúre dedolt Dú mir froͯde hat erholt Ja mag mit erren nun min *lib Mich ergoͯczen das werde wib Das ich ſy min̉er huld verſties Do ich die guͦtten enig ligen lies Was mocht ſy was ir geſchach Do aber ſy von din̉er ſchoͯne ſprach Jch wende da were ein fruntſchafft by Nun lon dir got ſy iſt falſches fry Jch han vnfuͦg an ir geton Durch forſt in Brezilon Riet ich do in dem Iuuanpois Parczifal dis ſper von trois Nam vnd fuͯrt es von dan Es vergas d̉er wilde Taurian Do dines bruͦders da Nun ſprichet wie oder wa Die helden des nachtes mugen ſin Helme vnd ir ſchilte hetten pin Die ſach man gar zerhowen Parczifal zer frowen Nam vrlob vnd zu ir amis Do ladet In der fuͤrſte wis Vil offtte an ſin fúrre ſtat Es halff in nit wie vil ers bat Do ſchiedent die helden ſich Die Auentuͤre wert mere mich Do orilus der fuͤrſte erkant Kom da er ſin pauelun fant Vnd ſiner meſſnie ein teil Das volck was alles geil Gen der ſelldenbaͯren herczogin Es ward da leng̉er nit geſpart Do Orilus entwaupet ward Bluͦt vnd Rom von Im man tuͦg Er nam die herczoginen kluͦg Vnd fuͦrt ſy an die ſuͦn ſtat Vnd hies bereitten In zwey bad Da lag frow Juſcute Al weinende by ir trute Vor liebe vnd doch vor leide nicht Als guͦtten wiben nach geſchicht Och iſt gnuͦgen lútten kunt Weinende ogen hand ſuͯſzen mund Da von ich mer noch ſprechēn wil Gros liebe iſt froͯd vnd Jamers zil Wer von der liebe ir mere Tret vff den ſegere Ob ers yem̉er woͯlte wegen Es kan nit and̉er ſchancze pflegen Da ergieng ein ſuͦze des wene Jch Doch fuͦren ſy ſunder baden ſich Zwoͯlff clare Junckfrowen Man mohtte by ir ſchowen Die pflagen ir ſit ſy gewan Zorn on ſchuld von irm liebēn man Jr deke ie nachttes waz bereit Wie blos ſy by dem tage reit Sy badatent do mit froͯde ſy*ſye Ruͦchent ir nun hoͯrent wie Orilus des Jnnen ward Auentúr von artus vart Sus begund im ein Ritt̉er ſagēn ich ſach vff einēn plan ge=ſchlagen. Tuſent geczelt oder mer. Artus der Richee kung her. Der briteneiſer h̉erre Liget vns hie nit zu were Mit wunenklich̉er frowēn ſchar Vngefer des iſt ein mile dar Da iſt och von Rittern groſſ̉er ſchal By dem Bimizol ze tal Ligentz an yettwedrem ſtade Do gachtte bald vſz dem Bade Der herczog Orilus Jſcute vnd er gewurben ſus Die ſenfftte ſuͯſſe wol geton Gieng och vſſer bade ſan An ſin bett do ward trurens Rat Jr lide dientent beſſer wat Denne ſy da vor truͦge lange Mit nachem vmbefange Behielt ir minne froͯden pris Der fuͤrſtine vnd d̉er furſte wis Junckfrowen leitten ir frowen ſan Sin harnaſch truͦg man dar dem man Jſcuten waut man muͦſte loben Vogel gefangen vff dem kloben Sy mit froͯden aſen Am bett da ſy ſazen Frow Iſcuten Ettlichen kus Empfieng den gab ir Orilus Do zoch man dar d̉er frowen wert Stark wol gend ein ſchone pfert Goſatlet vnd gezemet wol Man huͦb ſy daruff die Ritten ſol Dannen mit ir kuͯnnen man Sin Ros wart gewapnet ſan Recht als ers gen ſtrite Rittett Sin ſchwert da mit er des tages ſtreit Man vor an den ſatel hieng Von fuͦſſe uff gewapnet gieng Orilus zem Roſe ſin Er ſprang dar uff vor d̉er herczogin Jſcute vnd er ſchiedent dan zu hand Die meſſnie gen delalant Bat er alle keren Wan ein Ritt̉er ſolt Jn lerren. Gen artus Ritten Er bat das folk des biten Sy komen Artus ſo nachen Das ſy ſin geczeltten ſachen Vil nache ein mile daz waſſ̉er nid̉er Der fuͤrſte ſantte den Ritt̉er wider Der in gewiſſet hat dar Fro Juſcute die wol gefar Was ſin geſinegeſinde vnd niemēn mer Der vnloſe artus nit zu her Was gegangen do er des abencz gas Vff einen plon vmb im do ſas Die werde meſſnie Orilus des falſches frye Kam an den ſelben Ring Rgeritten Sy ſin ſchilt ſin helm waz v̉erſchnitēn Das nieman daran kos dehein mal. Die ſchlege frumte parczikalparczifal Von dem Roſe ſtund d̉er kuͯne man Frow Juſcute empfieng er ſan Vil iunckherren nacher ſprang Vmb in vnd ſy ward gros dran Sy Iachent wir ſullen d̉er ros pflegēn Orilus der wrede degen Leinte des ſchiltes ſchirbes vffes gras Nach ir durch die er komen waz Begunde er fragen alzehand Frow Cuͦnwarten de lalant Zeigtte im do man da ſy ſaſz Jr guͦtte man gein priſe maſz Gewapnet er ir ſo nache gieng Der kúng vnd die kúngin in empfieng Er danktte vnd bot ſy fancze dar ſan Sin̉er ſchweſter wol getan By dem traken wapen kurſit Erkantte ſy in wol wan ein ſtrit Orilus oder lechlin Sy ſprach du biſt d̉er Bruͦd̉er min Jch ennim úw̉er dewed̉ers ſich̉erheit Jir waurent beidu ye bereit Mit dienſten wes ich y gebat Mir were vff den truwen mat Solt ich gen uch kriegen Vnd min ſelbs zucht betriegen Der fuͤrſte ſknúwte vor der magt Er ſprach du het alwar geſagt Jch bins din bruͦder Orilus Der Ritter Rot bezwang mich ſus Das ich ſicherheit muͯſe geben Da mit koufft ich do min lieben Die empfach ſo wurt hie gar geton Als ich gen Im gebetten han Do empfieng ſy trúwe in wiſe hand Von Jm der truͦg den ſerbant Vnd lies in ledig do daz geſchach Do ſtund er vff vnd ſprach Jch ſol vnd muͦs mit trúwen klagēn Owe wer hat dich geſchlagen Dine ſchlege tuͦnd mir nit wl Wirt es zitt daz ich dich Rechen ſol Jch dinge des wer es ruͦchet ſehen Das mir leide daran iſt geſchechen Och hilfftt mirs rechen der kuͯneſte mān Den muͦtt̉er ye zu kind gewan Der nennet ſich der Ritt̉er rot Dem kung der kuͤnginnen er enbot Juch beiden ſoment den dienſte ſin Dar zu bẏ namen d̉er ſchweſt̉er min Er bit úch ſin dienſt leczen Vnd die maget ir ſchleg ergeczen Och het ſy do genoſen Gen dem helden vnủerdroſſen Wuſt er wie ſy mich beſtett Vnd mir ir leit ze herczen get Key erwar do núwen has Von Ritt̉ern vnd von frowen was ir das was Aan dem ſtade by dem plimizol Gewan vnd Jofreit fiſidol Vnd des not ir habt gehoͯrett E Der gefangen kung clamide Vnd menig wert and̉er man Die ich wol genemen kan Won das ichs nit wil lengen Die bendent ſich lengen E dienſt mit zuchtten ward gedolt Fro Jſcute wart geholt Vff ir pferde alda ſy ſas Artus der kung nit vergas Vnd och die kúngin ſin wib Sy empfiengent Jſcuten lib Von frowen do menig kus geſchach Artus zu Juſcuten ſprach Juwer vatter d̉er kung vōn karnānt Lacken han Jch den erkant Des ich úwern kumber clagte Sit man mirs von erſt ſagte Och ſitt ẏr ſelbe ſo wol geton Es ſúlt úch frund erlaſſen hon Wan úwer mīnneklich̉er blik Behielt den pris ze kanadik Durch uͤwer ſchoͯne mere Beleib úch der ſper were Juwer hand er dannen Reit Wie mir von Orilus leit Geſcheche ich gunde úch laſt̉ers nit Noch getuͦn nyem̉er waz geſchicht Mir iſt lieb das ir die hulde hat Vnd das Jr freuenliche wat Tragent nach úwer groſen not Sy ſprach herre daz v̉ergelt uch got Daran hochet úwer pris Frow Jſcuten vnd Jr amis Frow CuͦneCuͦnware von labant Dannen fuͦrte alzehand Einhalb an des kunges Ring V́ben eins brunen vrſpring Stuͦnd Jir geczelt vff den plan Als es obnan ein drake in den clan Het: des halben oͯpfels teil Den traken zugent vier wintſel Recht als er lebendig da flugen Vnd das geczelt gen dem himel zugen Da by erkant es Orilus Wan ſinú wappen wauren ſus Er ward entwaupet darund̉er Sin ſuͯſſe ſchweſter kunde Jm bietten er vnd gemach V́beral die meſſnie ſprach Des Rotten Ritters ellend Neme den pris ze geſellend Do Jachencz one Runen Key bat Kingrunen Orilus dienen an ſin̉er ſtat Er kunds wol den er da bat Won er hett es vil geton Vor Clamide ze Brandigan Key durch das ſin dienſt lies Vnſelde in des fuͤrſten ſchweſt̉er hies Ze ſere Alunen mit einēm ſtabe Durch zucht entweich er dienſt abe Och was die ſchulde nit v̉erkorn Von der megde wol geborn Doch ſchuͦff er dar ſpis gnuͦg Kygrun es fuͤr Orilus truͦg Frow Cuͦnware dú lobes wiſe Schneid irm bruͦder die ſpiſe Mit ir blanken linden hand Frow Jſcute von karnant Mit wiplichen zúchten as Artus der kung nit vergas Er knie da die zwey ſaſſen Vnd lieplichen aſſen Er ſprach geſſent ir úbel hie Das ward ye doch min wille nie Jr geſaſſent nie úber wirtes brot Der uch mit beſſẻrem willen bot So gar oͯn wankes vare Min frow kuͯnware Jr ſúlt *v́wers bruders wol pflegēn Guͦtte nacht geb uch gottes ſegen Artus ſchluͦffen fuͦr do Orilus wart gebettet ſo Das min frow Jſcute pflag Geſelklich vncz an den tag Welt ir hoͯrren wie artus Zu kardolvs ſinēm hus Vnd fon ſinem lande ſchied. Als in die meſſnie riett Sus reit er mit den werden Sins landes vnd andrú erde Dis mere gicht den achten tag Alſo das er ſuͦchens pflag Den. den man nempt ritt̉er rot Nande vnd im ſoͯlicherre bot Das er in ſchied von kum̉er gros Do er den kung Jhtern ſchos Vnd Clamiden vnd kyngrunen Och ſante gen britanyen Jn ſinen hoff beſund̉er V́ber die tauelrunder Wolt er Jn durch geſellicheit Laden. Durch das er nach im Reit Alſo beſcheidenliche Beidú arm vnd riche Die ſchiltes ampt an want Die loptent artus hand Wa ſy ſachent Ritt̉erſchafftt Das ſy durch ir geluptes krafftt Dehein tioſt entetten Dehein: Punkt mit unklarer Bedeutung über e. Es were ob ſẏ in betten Das er ſy lieſſe ſtritten Er ſprach wir muͯſen Ritten Jn menig land das Ritt̉ers tag Vns wol ze gegen ſtrite hat Vns wol: Punkte mit unklarer Bedeutung über der Zeile. Vermutlich einfach Tintenkleckse. Uff gerichtte ſper wir muͦſen ſechen Welt ir dan den fúr ein ander ſechen Als frechen Ruden meiſters hund Abe zukent ir band Dar zu han ich nit willen Jch ſol den ſchal ſtillen Jch hilff uch wa es mit Rat mag ſin Des wartent andaz ellen min Die gelúpte habt ir wol v̉ernomen Woͯlt ir nun hoͯren was ſy komēn Parczifal der waleis Von ſchnewe was ein núwe leis Des nachtes faſt vff in geſchnit Es enwas ye doch nit ſchewes zit Jſt es als ichs venomen han Artus der muͦgebere man Was man ye von Im geſprach Ze einem pfingſten das geſchach Oder indes meigen bluͦmen zit Was man Im ſuͯſſes luffttes git Das mere iſt hie vaſt vnd̉erſchnittēn Es parieret ſich mit ſchewes ſitten Sin falkn̉er von karidol Rittent des aubent by dem bimizol Durch beiczen do ſy ſchaden kurn Jren beſten falken ſy verlurn Der gachte von Jn balde Vnd ſtund die nacht ze walde Von v́ber kropffe das beſchach Das im was von dem lud̉er gach Die nacht by parczifal er ſtuͦnd Da in beiden waz der wald vnkund. Do parczifal den tag erkos Vnd do ſy beidú ſerre fros Jm was v̉erſchnitt des pfades ban Vil vngeuertes reit er dan V́ber ronen vnd mengen ſtein Der tag ye lang ye hoch̉er ſchein Hie hielt parczifal by dem falken. Der die gans gefange het : Lücke zwischen falken und Der. Keine Korrektur ersichtlich. Och begund luchtten d̉er wald Won das ein Rone was gefalt Vff einēn plan zu dēm er ſtlech Artus valk mit ihm ſtrech Da wol tuſent genſſe lagen Da ward ein michel gagen Mit hurtte flog er vnd̉er ſy Der falk vnd ſchluͦg ir eine hin So das ſy Im harte kum enbraſt Vnd̉er eineneines gefalnēn rones aſt An ir hochen flug ward ir ſo we Vſz ir wunden vff den ſchne Vielent dry zech̉er bluͦtes rot Die parczifal fuͦgtent not Von ſinen trúwēn daz beſchach Do er die bluͦtes zech̉er ſach Vff dem ſchne d̉er waz al wis Do dacht er wer hat ſinen flis Gewendet an dis farwe clar Kondwiramuͦrs Ia mag fur war Diſe varwe dir gelichen Mich wil got ſelden richen Sid ich dir hie geliches fand Geeret ſy die gottes hand Vnd al die creature ſin Kondwiramurs *hie liget din ſchin Sit d̉er ſchne dem blut wicze bot Vnd es den ſchne ſo machet rot Kondwiramuͦrs Dem gelichet ſich din Beakurs Des biſtu nit erlaſzen Des helden ogen maſze Als es doͯrt was ergangen Zwen zecher an ir wangen Den dritten an Jr kniene kinne Er pflag d̉er wauren minne Gen ir gar one wenken Sus begund er ſich verdenken So das er vnuerſinen hielt Dú ſtarke minne ſin do wielt Al ſoͯlicher not halff im ſin wib Dirre farwe truͯg gelichen lib Von pelrapeire dú kúngin Die enzuktte Im wiſſenlichen ſin Suſt hielt er als er ſchlieff Wer da zu im lieff Cunwaren gerſun was geſant Der ſolte ge lalant Er ſach anden ſtundēn Einen helm mit meng̉er wunden Vnd ein ſchilt gar zerhowen Jn dienſte des knappen frowen Da hielt gezimieret ein tegen Als er ſtrites woͯlte pflegen Geferwet mit vffgerichten ſper Der garſun huͦb ſich wid̉er her Hett in der knapp erkant in zit Er were von im vnbeſchrit Das es ſin̉er frowen Ritt̉er were Als gen einen ehtere Schupfet ers volc hin us an Jn Er wolte Im werben vngewin Sine kurtaſye er dran verlos Lat ſin. Sin frowe waz och los Soͯlich was des krye Fya fya fye Fya ir vertane Zelt ſin Gewane Vnd ander drier Ritt̉erſchafftt Gegen werdenlich̉er briſe crafft Vnd artus den Bitun Aſo rieff der gerſun Du tauelrunde iſt geſchant V́ch iſt dur die ſchnuͯre hye gerant Do wart von Ritt̉ern groſer ſchal Sy begunden fragen uber al Ob Ritterſchafftt da were geton Do vernoment ſy das ein man Da hiltte zu einer tioſt bereit Gnuͦgen was gelúpte leid Du artus gen in empfienge So balde das er in nicht erginge Beide lieff vnd ſprang Segremors derynach ſtrite Rang Wa der fechtten wonde finden Do muͦs man in binden Oder er welte da mitte ſin Niendert iſt ſo breit der Rin Seche er ſtritten an dem andern ſtade Do wurde wenig nach dem bade Getaſt es were kalt od̉er warm alt Er fuͦr ſuſt darin d̉er held bald Sus kam der ſchnelle Iungling An artus houe den Ring Der werde kung vaſte ſchlieff Segremors im durch die ſchnúr lieff Zer pauelus tuͤr er in liefftrang Ein decklachen zoͯbelin lang Zukter er ab in. die da lagen Vnd ſuͯſſes ſchlaffes pflagen So das ſy muͦſen wachen Vnd ſiner vnfuͦge lachen Do ſprach er zu d̉er nyftlen ſin Gynower frowe kúngin Vnſer ſippe iſt ſo erkant Man weiſt wol úber manig land Das ich gnaden warte an dich Nun hilff mir frowe vnd ſprich Gen artuſen dinem man Das ich von Im muͯſe han Ein auentúr iſt hie by Das ich der erſte zem ſtrit muͯs ſin Artus zu Segremors ſprach Din ſich̉erheit mir daz veriach Du ſoͯlteſt nach minēm willen farn Vnd din vnbeſcheidenheit bewarn Wirt ein ſtrit hie von dir getan So wenet menig ander man Das Jch Jn laſze Ritten Vnd nach priſe ſtritten Das mir kreket num min wer Wir nachent anfortaſſes her Das von Munſalnahſe vert Vnd das foreſt mit ſtrite wert Sit wir nun nit wiſſen wa daz ſtet Zu arbeit villicht es v́ns erget Gynower ſprach zu Artus ſo Des Segremors ward al fro Do ſi im die auentúr erwarb Wan das er nicht vor liebe ſtarb Das ander waz ger geſchechen Vngern hette er do veriechen Sins komendes priſes pflichte Jeman anders geſchichte Der Jung ſtolcze one bart Sin ros vnd er gewapnet ward Vs kam Segremors roys Galopiernde úber Juuenpoys Sin Ros úber hoche ſtuden ſprang Menig guldin ſchol daran erklang Vff der deke vnd anden man Man mocht in wol geworffen han Zem faſach in die tornach Wem ſin zu ſuchende were gach Der fund ine von den ſchellen Die konden lúte bellen Sus fuͦr der vnbeſcheiden held Zu dem d̉er im waz verhelt Wed̉er er enſchluͦg noch ſtach E er wider ſagen hin zu im ſprach Vnuerſinen hielt parczifal Das fuͦgten im die blutes mal Vnd och die ſtrenge minne Die mir dick mine ſinne Vnd die mir das hercze vnſanffte negt Ach not ein wib an mich legt Wil ſy mich alſus zwingen Vnd ſelten helffe bringen Jch muͦs irs vndercziechen Vnd ver von ir fliechen Nun merkt och von inen beiden Jr komen vnd ir ſcheiden Seigremors ſprach alſo Jr gebarent her als ir nit ſit fro Das hie ein kúng mit folke ligt Wie vnhoche ir das wigt Jr muͦſent Jm wandel dar vmb gebēn Oder ich verlúrre min leben Jr ſit durch ſtrit ſo nache geritten Doch wil ich uch durch zuchte bittēn Ergebt uch an min gewalt Oder ir ſind ſchier von mir beczalt Das úwer fallen ruͯrt d̉er ſchne So tettent irs bas mit erren E Parczifal durch trow nit ſprach Frow minne im and̉ers kumers Jach Durch ſtrit bringen warff ſin ros Von Im der kuͯne Seigremors Vmb wante ſich och das kaſtelon Dar*Da parczifal der wol geton Vnuerſunnen vffe ſas Do er das bluͦt úber mas Sin ſchin ward darab gekert Des ward ſin pris geneert Do er der zecher nit me ſach Frow ſinne in aber wicze Jach Was anttwurt úwer kriege Es flieſſe oder fliege Frow minne ir tatent och gewalt Do parczifal der tegen bald Durch úch von ſinen wiczen ſchied Als im ſin trúwe das geriet Das ſuͯſze werde clare wib Santte uch ze betten an ſinēn lib Dú kungem von walrapire Kardeicz *vicz TampunterraTampunterre TampunterraTampunterre : Zeichen mit unklarer Bedeutung unter e. Jrm bruͦder noment Jr doch ſin leben Sol man úch ſoͯlich zinſe geben Wol mich das ich von úch nút han Jr welt mir beſſer ſenfftte lan Jch han deredett vnſz aller wort Nun hoͯrent wie es ergienge dort Hie hept parczifal vnuerſinett ob den drin tropffen bluͦt im ſchne Keys der ellens Riche Kam gewapnet Ritt̉erliche Vs als er ſtrites gerte Jch wenn In ſtrites werte Des kunges gahmuͯretes kind Wa twingendu frowen ſind Die ſelten im wunſchen heiles nun Won in bracht eͯin wib dar zu Das minne wicze von im ſpielt Keẏ ſin̉er tioſt enthielt Bis er zu Barczifaln geſprach Herre ſit úch ſus geſchach Das Jr den kung gelaſteetgelaſtret hat *Woͯlt ir im wandel tuͦn iſt min Rat Vnd dunket mich úwer beſtes heil So nempt uch an en braken ſeil Vnd lat úch fuͤr in ziechen Jr mugent nit entpfliechen Jch bringe uch doch gefangen dar So nimpt man úwer vnſamftte war Den waleis zwang d̉er minne krafft Schwigend key ſinen krafft mit dem ſchafftt Vff zoch vnd frumt Jm einēn ſchwank Vff das hopt das der helm erklang Do ſprach er du muͦſt wachen Ane lilachen Wirt dir din ſchlaffen hie benant Es zilt al anders min hand Vff den ſchne du wirſt geleit Der den ſak von d̉er mulin tret Woͯlt man in alſus bluwen Jn moͯchte laſzheit rúwen Frow minne Hie ſecht ir zuͦ *Jch wenne man uchs zu laſt̉er tuͦ Wan ein gebur ſpreche ſan Minem h̉erren ſig das getan Er clegt och moͯcht er ſprechen Frow minne lat es Rechen Den werden waleiſſe Wan lieſe in úwer freiſe Vnd úwer ſtrengen vnſuͯſſ̉er laſt Jch wenne ſich werte dirre gaſt Key hertte vaſt an Jn Er drang im daz ros allvmbe hin So daz der waleis daz úberſach Sin ſuͯze ſines vngemach Sins wibes gelicher ſchin Von pelrapeire der kúngin Jch meine den geparriertēn ſchne Do kam aber wicze als E Da ſtreit parczifal mit keẏ nach dem vns er wid̉er zu Im ſelbs kam Von verſinen ſin̉er amis. Du Jm den ſin her wid̉er gap Keẏ lies das ros inden walap Der kam durch ſtrite her Von Rabine ſancten ſy die ſper Keẏ ſin tioſt brachte Als im der ogen meſz gedachte Durch waleis ſchilt ein fenſt̉er wit Jm wart vergoltten d̉er ſtrit Key Artus ſy entſchalt Ze gegen ſtrit ward gefalt V́ber den Ronen da die gans entran So das daz Ros vnd der man Beidu ſampt littent not Der man was wund daz ros waz tod Zwuſchent dem ſattelbogen vnd einēm ſtein Key ins Rechtter arm ſin linges bein Zebraſt von diſem gefelle Surczigel ſattel geſtelle Von dirre hurtte gar zerbrachſt Suſt galt zwey bluwen d̉er gaſt Das eine leit ein magt durch in. Mit dem andrēn muͦſe er ſelber ſin Parczifal der falſchet ſwant Sin trúw in lertte daz er fant Schnewe bluͦtes zecher drẏ Die in machttent wicze frẏ Sin panſieren vmbe gral Vnd der kunginne glich mal Jettweders was ein ſtrenge not An Im wag fuͤr d̉er minne tod Truren vnd minne Brichet zeche ſinne Sol das auuentúre ſin Sy mochtencz beidú heiſſen pin Kuͯne lutte ſoltent keyen not Clagen ſin manheit Im gebot Gnedenklichen an mengen ſtrit Man ſagt in mengēn landen wit Das key Ảrtus ſine ſchalt Mit ſitten were ein Ribalt Das ſeit Jm dis mere blos Er was d̉er wirdikeit genos Wie cleine ich des die folge han Getrúwe vnd ellenthafft̉er man Was key des gicht min mund Jch tuͦn úch noch mere kund Artus hoff was ein Zil Dar komen froden lútten vil Die werden die ſchmechen Mit ſitten die wechen Welher partierens pflag Der ſelbe key ringe wag An wenn dú kurtaſie Vnd die werde kumpanie Lag. Den kond er erren Sin dienſt gen Im kerren Jch vergich im d̉er mere Er was ein markaͯre Er tett vil riches willen ſchin Ze ſchirme dem herren ſin Partierre vnd falſche diet Von den werden er die ſchiet Er waz ir fúre ein ſtreng̉er hagel Noch ſcharrppfer denne d̉er by ir zagel Secht die verkerten keyen pris Er was manlich̉er trúwen wis Vil haſſes er von im gewan Von dúrringēn graffe h̉erman Ettlich din ingeſinde ich mas Das vſzgeſinde hieſe bas Dir were och an keyen not Sit waure miltte dir gebot So menigen anhang Erſchwa ſchmechlich gedrang Vnd ettwa werdes dringen Des muͦs her walther ſingen Guͦten tag boͯſe vnd guͦt Wa man ſoͯlich ſang nun tuͦt Des ſint die falſchen geret Key hett ſy es nit gelert Noch her heinrich von Riſpach Hoͯrt wund̉ers mer daz doͯrt geſchach Vff dem plimizols plan Key wart geholt ſan Jn Artus geczelt getragen Sine frund begunden in do clagen Vil frowen vnd menig man Do kam och min her Gewan V́ber key aldo er lag Er ſprach owe vnſelig ſy d̉er tag Das diſu tioſt y ward geton Da von ich frund v̉erlorren han Er klegt in ſenlich Keẏ der zornes rich Er ſprach h̉erre erbarmt uch min lib Den ſoltten clagen allú wib Jr ſit mins herren ſchweſt̉er ſun Moͯcht ich úch min hilffe tuͦn Als ir ettwenne gert Do mich got der lide wert So hat min hand nit v̉ermitten Sy hatt durch úch vil geſtritten Jch tette es noch moͯcht es ſin Clagt nich merre lat mir die pin Jr ſit miner Rache zu hoch erborn Het aber ir doͯrt en vinger verlorn Da wagt ich gern min habethobet Secht ob ir mir globet Kert úch nit an min herczen Er kan vnſanfftte leczen V́wer oͯcham d̉er kung her Gewinet nẏm̉er ſoͯlich keẏn wer Der noch doͯrt vſſe vnfluchtig ha*habt Vnd weder ſtapffet noch trabt Ouch iſt hie nyendert frowēn har So weder núwe noch ſo clar Es were uch doch ein veſte band Ze wern ſtrittes úwer hand Welhe man tuͦtt ſoͯlich demuͯt ſchin Der erret ye doch die muͦt̉er ſin Vatterhalb ſolt er ellent han Ker muͦtterhalb her gewan So werdent ir ſchwerte blike blech Vnd manlich̉er hertte weich Sus was der wolgelopt man gerant ze bloſſen ſitten an Mit rede er konde in gelten nicht Als wolgeczognem man geſchicht Dem verſchlúſſett ſcham ſinen mund Das dem verſchamtten iſt vnkunt Gewan ye doch zu keẏ ſprach Wa man ẏe geſtritten ſach Wes des von mir iſt geſchechen Der minne frow konde ſpechen Dú wenne ich ie verbliche Von ſchlage noch von ſtiche Du zúrneſt mit mir one not Jch bin der der dir ye hilffe bot Vſz dem pauelin gieng h̉er gewan Sin Ros hies er Im bringen ſan Sund̉er ſchwert vnd one ſporn Sas daruff der held wolgeborn Er kert vs da er den Waleis fand Des wicze was der minne pfand Der truͦg dru venſt̉er dur den ſchilt Mit heldes handen dar geczilt Suſt het Jm Orilus verſchnittēn Gawan kam zu im geritten Sund Galopierten Vnd one punieren Er woltte guͯtlẏch erſechen Von wem der ſtrit da wer geſchechēn Do ſprach er guͯtlich dar Parczifal des kleine war Nam. Das muͦſt echt alſo ſin Do tet frow minne ir ellent ſchin An Im den herczelaude bar Vngeczalte ſippe in gar Schied von den wiczen ſin Vnd vff geerbtte pin Von vatter vnd von muͦtt̉er art Der waleis wenig Jnen wart Was mins h̉erren gawans mund Mit worten In do tet kunt Do ſprach des kunges lotes ſun Herre ir woͯlt gewalt hie tuͦn Sid ir mir gruͦſes wid̉erſagt Jch bin ſo gar doch nie verzagt Hie hept parczifal by den ſchne Vnd wie zu Jm kam Her gewan Ich brings an and̉er frage Jr habt man vnd mage Vnd den kung ſelb̉er enteret Vnd vnſer laſter gemeret Des erwarb ich iuch die hulde Das der kúng lat die ſchulde Welt ir nach minēm Rate leben Vnd geſelſchafftt her fuͤr úch gebēn Des kungs Gahmuretes Kind Drow vnd bitten was im ein wind Der Tauelrund̉er hoͯchſter pris Gawan was dirre not al wis Er hette es vnſanfftte erkant Do er mit dem meſſer durch die Hand. Stach des zwang In die minne krafftt Vnd úwer wiplich geſelſchafftt Jn ſchied *̄nvon tod ein kungin Do der kuͯne lehlin Mit einer tyoſt riche Jn zwang ſuſt vollenkliche Die ſuͯſſe ſenfftte wol geuar Ze pfande ſacz er daz hopt dar Roẏ in Guzadepahterlies Alſus die getrúwe hies Da dacht min her gewan Wais ob du minne diſen Man gezwinget als ſy mich do zwang Vnd ſin getrúlich gedank Der minne muͦs ir ſiges iechen Er marktte des waleis ſechen War ſtuͦndent die ogen ſin Ein welen tuͦchs von Surin Gefurrieret mit gelwem zindel Die ſchwang úber des bluͦtes mal Do du wele wart der zecher dach So das parczifal nicht ſach Jm gab her wider wicze gar die ſin Von pelrapeire dú kúngin Die behielt ydoch ſin hercze doͯrt Nun Ruͦchent hoͯren ſine wort Er ſprach owe frow vnd wib Wer het mir benomen dinen lib Den erwarb mit Ritt̉erſchafftt min hand Dine werde mīnne kron vnd land BinsBin ichs der dich von Clamide loſte. Jch vand ach vnd owe Vnd ſuͤnffczen menig hercze frebel Jn din̉er helffe ougen nebel Hat dich bi liechtter ſinne hie Mir benumen nun weis ich wie Er ſprach owe war kam min ſper Das mit mir bracht her Do ſprach Min her Gawan Herre es iſt mit ſtrit vertan Gegen wem ſprach d̉er tegen wert Jr tragent hie wed̉er ſchilt noch ſper Was wolt ich priſes an úch beiagēn Doch muͦs Jch uwer ſpote tragen Jr biet mirs hernach licht bas Ettwen ich och von tioſt ſas Vnde ich nyem̉er an úch ſtrit Doch ſind du land wol ſo wit Jch mag da bris vnd arbeit holn Beidú froͯd vnd angſt doln Des kunges lotes ſun do ſprach. Was hie mit reden gen uch geſchach Dú iſt lutter vnd minenklich Nit mit falſch̉er truͯbe Rich Jch ger als Jch gedienēn wil Hie ligt ein kúng vnd Ritt̉er vil Mit wunneklich̉er frowen ſchar Geſelſchafftt gib ich úch dar Lat ir mich mit úch Ritten So bewar ich uch vor ſtritten Got lone úch h̉erre ir ſprechen wol Das ich vil gerne vmb úch diennēn ſol Sit ir kumpanie biettent mir Wer iſt úwer her od̉er ir Jch heiſſe herre einen man Von dem ich menig vrbor han Ein teil ich der benenne hie Er pflag gen mir des willen ye Das er mirs ye Ritt̉erlichen bot Sin ſchoſter het kung lott Dú mich zer welte brachte Wes got an mich gedachte Das bút dienſt von ſiner hand Kúng Artus iſt er genant Och iſt min nam vil vnủerſtoln anAn meng̉er ſtat vil vnủerholn Lútte die mich erkennent Gawan bin ich genennet V́ch dient min lib vnd och min nam Welt irs kerren mir zu ſcham ⸿Do ſprach er biſtus gawan Gawan Vil kranken pris ich des han Do du mirs wol erbuteſt hie Jch hortte von dir ſprech ye Du erbietteſt es allen lutten wol Din dienſt ich doch emphahen ſol Nuwan vff gegen dienſt gelt Nun ſag mir wes ſind dú geczelt Der menges doͯrt iſt vff gſchlagēn Ligt Artus da ſo muͦs ich clagen Das ich im mit den erre min nit mag geſechen vnd die kungin Jch ſol e rechen ein blúwen Darumb ich ſid mit Ruͯwen Fuͦr von ſoͯlichen ſachen Ein werde magt i*ir lachen Mir bot die ſchleg d̉er ſy mit ſchalt Durch mich. das von irs reis d̉er walt. Vnſanfftte iſt daz gerochēn Sprach gawan Jm iſt zerbrochēn Der Rechtte arm das ling bein Rit her ſchowe ros vnd den ſtein Hie ligent och ſchafftt vff dem ſchne. Dins ſpers nach dem du fragteſt E. Do parczifal die warheit ſach. Do fragte er mer vnd ſprach. Das laze ich an Dich Gawan Ob das ſy der ſelbe man Der mir laſt̉er hat vorgeczilt So rit ich mit dir war du wilt Jch mag gen dir nit liegencz pflegen. Sprach Gawan hie iſt von Tyoſt gelegen. Hie vart parczifal mit h̉ere Gawan vnd wirt empfangen von Cuͦnwarēn Seigremors ein ſtrites held Des tat gepriſe ye waz geczelt Das was E key vnder gefalt An in beiden haſtu pris beczalt Sy Ritten mit ein andren dan Der waleis vnd Gawan Vil folkes zu roſe vnd zu fuͦs Doͯrt Jnne bot Jn werden gruͦs Gawan vnd dem Ritt̉er rot Wan In ir zuchtte das gebot Gawan kertte da er ſine ge=zellte fand. Frow Cuͦn=warten de Lalant Der ſchnuͦr vncz an die ſine gie Sy ward fro mit froͯden emphie Dú magt den Ritt̉er der ſy rach Das ir von key ye geſchach Sy nam ir bruder an die hand Vnd fro Jſcuten von karnant Sus ſach ſy komen parczifal Der was gevar durch yſens mal Als togne roſen werent dargeflogēn Jm was ſin harnaſch abgezogen Er ſprang vff do er ſy komen ſach Nun hoͯren wie Cuͦnware ſprach Got all̉er erſt darnach mir 1 : Die Lagennummerierungen sind am unteren Blattrand ganz rechts angebracht. Got aller erſt vnd dar nach mir Sint wilkomen ſit das Jr Blibent bẏ manlichen ſitten Jch het gar lachen vermitten E uch min hercz erkande Do mich an froͯden pfante Key der mich da ſchluͦg Das habt ir gerochen gnuͦg Jch kuſt úch wer ich kuſſes wert Des hette ich hút lang gegert Sprach barczifal getort ich ſo Wan ich bin úwers empfahencz fro Sy kuſt in vnd ſaſzent nider Ein Iunckfrowen ſy ſant wid̉er Vnd hies Jm bringen Richu cleid Die waurent geſchnitten al bereit Vs pfelle von Nẏniue Sy ſolt der kung Clamide Jr gefangen han getragen Die magtt ſy brachtte begunde clagēn Der mantel werre one ſchnuͦr Cuͦnwarte alſus gefuͦr Von wiſer ſyden ein ſchnuͯrlin Sy zuktte vnd zoch im das drin Mit vrlob er do zwog Den Rom von Im *der Iunge truͦg By Rottem munde liechtes fel Gecleit war der tegen ſchnel Do was er finer vnde clar Wer Jn ſach der Jach fuͤr war Er were gebluͦmet fuͤr alle man Das lob ſin farwe muͦſze han Parczifal ſtund wol ſin wat Einen gruͯnen ſmarat Spient ſy Jm fuͤr ſin hoptloch Cuͦnware gab im ouch Ainen túrren gúrtel ſchier Von Edelm geſtein menig tier Muͯſt vſznen vff dem bortten ſin Dú Ring was ein Rubin Wie was d̉er Junge one bart Gſchiket do er gegúrtet ward Das mere gicht wol genuͦg Das folck im holdes herczen trug Wer in an ſach man vnd wib Die hettent werd ſinen lib Der kúng meſſe het v̉ernomēn Man ſach artus doͯrt her komēn Mit d̉er tauelrund̉er diet Der dehein̉er falſcheit nie geriet Die hetten E wol vernomen Das der rot Ritter wer komen Jn Gawans pauelun Dar kam Artus der Bitun Vnd der zerbluwen Antonor Sprang den kung alles vor Vncz er den waleis erſach Vnd Cuͦwarten von Lalant Vis priſes gicht man uwer hand Key het verpfendet Sin tuͦn iſt nun gelemet Jch fúrchtte wenig ſinen ſchwank Der Rechtte hamamarm iſt im zekrank Do truͦg der Junge parczifal One flúgel angels mal Sus gebluͯt vff der erden Artus mit den werden Empfieng in Ritterliche Guttes willens waurent Riche Alle die ingeſachent da Jr herczen volg ſprachent Ja Gegen ſinem lobe ſprach nie man nein So rechtte mīnnenklich erſchein Hie kompt Artus parczifaln mit d̉eren Tauelrunder vnd mit ſinem Ingeſind der meſſunge. Vnd die kungin Jn minem turne Jch muͦs Jn lan : Vers 355.12-r tritt ebenfalls korrekt nach Vers 355.11 auf. Wie artus vnd ſin wib parczifaln empfiengen mit ſinem volk 2 Artus ſprach zu Jm ſan Jr habt mir lieb vnd leid geton Doch habt ir mir die erre Bracht vnd geſendet erre mere Denne ich ſy von manne ẏe empfie Min dienſt da engegen noch cleine gie*gie Hett ir bris nit mer geton Wan das die herczogin ſol han Frow Jſcuten die hulde Och wer iuch kein ſchulde Gewandlet vngerochen Het ich iuch E geſprachen Artus ſeit Jm was er bat Warumb er an die ſelben ſtat Vnd mere landes wer geritten Sy bundent Jn do alle bitten Das er gelobte ſunder Den von der tauelrund̉er Sine Ritt̉erliche geſelheit Jm was ir bit nit leit Och mochters ſin von ſchulden fro Parczifal ſy werte do Nun ſprichet hoͯrt vnd Jecht Ob tauelrunder muge ir Recht Des tages behaltten wan Jr pflag Artus by dem ein ſitte lag vnd des pflag Dehein Ritter vor Jm as Des tages wenne er auenture v̉ergas Das ſy ſy ſinen hoff vermeit Jm iſt nun Auentuͤr bereit Das lob muͦs tauelrunde han Wie ſy were ze Natis lan Man ſprach ir recht vff bluͦmēn feld Da eniertte ſtud noch geczelt Der kúng Artus do gebott Eſſen den ritter rot Sus nam ſin werdikeit ze lon Einen pfelle ze acvon ackriton Vſz heidenſchafftt ferre bracht Des ward do ze einem Zil gedacht Nit bereit ſinwel geſchnitten Als nach der tauelrund̉er ſitten Wan Jn ir zucht des veriach Nach gegem ſtuͦl do nẏem ſprach Jr geſittes was Algeliche her Der kung artus gebot Jn mer Das man werde Ritt̉er vnd werde frowēn An dem Ringe ſoͯltte ſchowen Die man do gen priſe mas Magt wib vnd man zu hoffe do as Ouch kam frow Gynower dar Mit meng̉er frowen liecht gefar Mit ir manig edel fuͤrſtin Die truͦgent mīnneklichen ſchin Der Ring waz vol genomēn ſo wit Das one gedrenge vnd one ſtrit Menig frow by ir amis ſas Artus der falſches las Brachte den Waleis an der Hand Frow Cuͯnware von lalant Gieng im anderthalbe ſibẏ Die was da worden trurens frẏ Artus an dem walies ſach Nun mugent ir hoͯren wie er ſprach. Jch wil úwern claren lib Laſzen kúſſen min altes wib Des durfftt ir doch hie niemān biten Sit ir von pelrapire geritten Wan da iſt des kuſſes hoͯchſte zil Eins dings ich uch bitten wil Geltent diſen kus ſprach artus Jch tuͦn wenir mich bittent da Sprach der waleis vnd and̉erſchwa Ein wenig ſy do nacher gieng Die kúngin in mit kuſe empfieng Nun verkús ich hie min truren Sprach ſy das ir mich mit rúwen Lieſet. die het ir mir gegeben Do ir Jhter noment das leben Von dirre ſuͦne wurden nas Der kúngin ogen vmbe das Wan Jhters tot tet wiben we Man ſaczte den kung Clamide Vſz vber zu dem bimizol By im ſas Jofrid fiſidol Zwúſchent Clamide vnd Gawan Der waleis ſiczen muͦſe han Als mir die auentuuͤre was an dem Ringe nẏmen was De mutter bruſt ye geſuge Des wirdikeit ſo wnigwenig trúge Krafftt mit Jugende wol geuar Des waleis mit Jm brachtte dar Wer zu Rechtte kunde ſpechen So hat ſich menig frow erſechen Jn truͯbern ſpiegeln ſechen So hat ſich manig wib erſechen Jn truͯben ſpiegeln denne werre ſin mund Jch tuͦn von ſinem velle kunt An dem kinne vnd an den wangen Sin varwe ze ein̉er zangen Were guͦt du moͯchtte ſtette haben Die Zwiffel wol hin dan kan ſchaben Jch meine wib die wenkent Vnd an fruntſchafft úber denkent Sin glaſt was wibes ſtette ein bant 3 Jr zwifel gar von Jn verſchwand Jr ſechen inmit trúwen empfieng Durch die ogen in ir hercze gieng Man vnd wib waurent Im hold Suſt het er werdekeit gedult Vncz vff das ſúnſz zerede zil Hie kam von der ich ſprechen wil Ein trúwen wol gelopt Wan das er zucht was v̉ertobt Jr mere tet vil lútten leid Hoͯrent wie die Junckfrow reit Ein mul hoch als ein kaſtelun Val vnd dennocht ſuſt geton Nas ſnitec vnd verbrant Als vngreſche mark erkant Jr zom vnd gereitte Was gewúrktt mit arbeit Tuͤrre vnd riche Jr mul gie vollekliche Sy was nit froͯlich gefar Owe waz ſolt ir komēn dar Sy kam ye doch daz muͦſt ſin Artus here ſy brachte pin Dar meige ir kunſt des verIach Alle ſprach ſi wol ſprach Latin heideſch franczoẏs Sy was der wicze kurtoſys Dyaletica vnd Geometrẏ Jr waurent och die liſte bẏ Von Aſtronomie Sy hies kondrye Surczir waz ir zunam Jn dem múnde nicht die lam Wan der geredet ir gnuͦg Vil hoͯcher froͯde ſy nid̉er ſchluͦg Die maget wiczen Riche Was geuar den vngeliche Die man da heiſſet begament Ein brutlachen von Gent Noch blauer won Laſur Het an Jr der froͯden ſchúr Da was ein kappe von geſchnitten Al nach der franzoſſer ſitten Vndan an dem libe waz d̉er pfell̉er guͯot Von Lunders ein pfawen huͦt Geforriert mit mit einem plialt Der huͦt was núw die ſchnuͦr nit alt Der hieng Jr an dem Rugen Jr mere was ein bruge Aber froͯdes Jamer truͦg Sy zuchte in ſchimpes do gnuͦg V́bern huͦt ein zepff ir ſchwank ir:Vermutlich Ligatur von iundr. Vncz vff den mul waz ſo lang Schwarcz herte vnd nicht clar Linde als eins ſchwins ruke har Sy was genaſſet als ein hunde Zwen Ebers zene gieng ir fuͤr den mund Giengent wol ſpannen lang Jettweder wang ſich trang Fúr zoͯpffen mit der har ſchnuͦr Min zucht mit warheit miſſefuͦr Das ich ſus muͦs von frowen ſagēn Dehein andrú darff von mir nit clagen Kondrie truͦg oren als ein ber Nicht nach frúndes minne ger Ruch was ir antlút erkant Ein geiſlen fuͦrt ſy in der hand Der was der ſchwenkel ſydin Vnd d̉er ſtil ein Rubin Geͯfar als ein affen hut Truͦg hende dis gebe trut Jr nagel waurent ir nit zuliecht Als mir die auenture gicht Sy ſtuͯdent als eins loͯwen clan Nach ir minne waz ſelten Joſt geton Sus kam geritten inden Ring trurens vrhab froͯden zwing Sy fuͦrtte da ſy den wirt fand Fro Kuͦnware de labant As mit Artuſe Die kungin von Lanfuſe Mit frow Gynouern as Der kung artus ſchone ſas Kondrie hielt fúr den bri=tonis Sy ſprach hin zum francoẏs Ob ichs in tútſch ſagen ſol Mir tuͦt ir mere nicht zu wol Filirois vtpandagrun Dich vnd mengen Birtun Hat din gewerb alhie geſchant Die beſten úber allu land Wie parczifal geſchuldiget ward Seczen hie mit wirdikeit Won das ein galle irn bris v̉erſchneid Tauelrunder iſt entwichet Der falſch het daran gepflichtet Kúng Artus du ſtuͯnde ze lobe Hoche dinen genoſſen obe Din ſtigender bris nun ſinket Din ſchnelle wirde hinket Din hoches lob ſich neiget 4 Din pris hat falſch erczeiget Der tauelrund̉er priſe krafftt Het erlemt ein geſelſchafft Die darúber gab dr parczifal Der doͯrt treit des Ritt̉ers mal Jr nement in den Ritter Rot Nach dem der lag vor natis tot Vngelich ir zwiger leben was Munt von Ritter nie gelas Der pflege ſo gancz̉er wirdikeit Wonne kúnge ſy fuͤr den Waleis Reit Si ſprach ir tuͦnd mit ſitte buͦs Das ich verſage minen gruͦs Dem kúng artus vnd d̉er meſſnie ſin. / Geunert ſige úw̉er liecht̉er ſchin Vnd úwer manliche lide Hett ich ſuͦne od̉er fride Die werent uch beiden tuͤrre Jch danken úch vngehúrre Vnd bin gehúrre doch dan ir Her parczifal wan ſagt ir mir Vnd beſcheident mich ein̉er mere Do der trurig fiſchere Sas one hilff vnd one troſt Warumb ir in nit trurens habt erloſt Er truͦg úch vor den Jamers laſt Jr vil vngetrúwer gaſt Sin not ſoͯlt uch erbarmet han Das úch der mund noch werde wan Jch meine die Zungen dar Jnne Als Iucz hercze iſt guͦtter ſinne Gen der helle ir ſind benant Ze himel vor der hoͯchſten hand Als ſind ir vff der erden Verſinnet ſich die werden Jr heils pan ir ſelden fluͦch Des ganczen priſes recht vnruͦch Jr ſind manlicher erren zu nicht Vnd ander wirdikeitten ſo ſicht Dehein Arczat mag uch erneren Jch wil vff úwerm hopt ſchweren Git mir yement des den eyd Das groͯſer falſch nie ward bereit Deheinem alſo ſchoͯnem man Jr werder ander angel ir nater zan V́ch gab úch yedoch d̉er wirt ein ſchwert Des úwer wirde ward nie wert Do erwarb ir ſchwigen ſunden zil Jr ſind der helle herre ein ſpil Gevnerret ſy her parczifal Jr ſachent doch fuͤr úch tragen den Gral Vnd Schinende ſilber vnd bluͦtig ſper Jr fuͦrent lancze in turners wer We ze munſaluaſhe uch fragen mit Jn heidenſchafftt zu Taburnit Du ſtat hat erden wunſches ſold Hie hett úch fragen mer erholt Jens landes kúngin Feirefiz Anſhevin Mit Rechtt̉er Ritt̉erſchafft erwarb Die úwer An dem die manheit nit verdarb Die úwer beider vatter truͦg V́wer bruͦd̉er wund̉ers pfliget gnuͦg Der iſt beide ſchwarcz vnd blank Der kúnginen ſun von Zaſmaanc Nun denk ich aber an gahmureten Des hercze falſches waz erietten Von Anſchowe úwer vatt̉er hies Der úch ander erbe lies Denne als ir habt erworben An pris ir ſind verdorben ⸿Hett úwer muͦtt̉er ye miſſeton So ſoͯlt ich gern da fuͤr han Jr moͯcht ir ſun nit geſin Nein ſy lerte ir trúwe pin Globent von ir guͦtt̉er mere Vnd das úwer vatt̉er were Manlich̉er trúwen wiſe Vnd wittwenk hocher priſe Er kond wol mit ſchalle Gros hercz vnd vnd cleine galle Dar úber was ſin bruſt ein tach Er was rúſche vnd venc uach Sin manlicheſ ellend Kúnde den pris wol geſtellend Nun iſt úwer pris zu falſche komen Owe das ye ward vernomen Von mir das herczelauden barn An pris ſuſt hat miſſeuarn Die magt lert ir truwe Al klagende hercze Rúwe ⸿Wider fur den kung ſy kerte Jr mere ſy do gemerte Sy ſprach iſt hie dehein Ritt̉er werd Des ellen priſe habe gegert Vnd dar zu hocher minne Jch weis vier kúnginne Vnd vierhundert Junckfrowēn Die man gern moͯchte ſchowen Vff ſchahtel marveile die ſind Alle Auentuͤre iſt ein wind Wan die man da beczaln mag Werder minne hoch beiag Allein hab ich der reiſe pin Jch wil noch hinnacht dar uffe ſin Die magt trurig nit gemeit One vrlob vom Ringe reit Al weinende ſy hind̉er ſich ſach Nun hoͯrent wie ſy zu Iungſte ſprach. Bẏ Munſchaluaſhe Jamers zil. We das dich nye=man troͯſten wil Kundrie lazurzarie Die vnſuͯſz vnd och die frie Den waleis ſẏ beſchwert hat Nun waz halff in keines herczēn Raͯt Vnd waruú zucht gen manheit Vnd dennoch mer waz im bereit Scham ob allen ſinen ſitten Den Rechtten falſch het er v̉ermittēn Wan ſcham git pris ze lone Ze lone Vnd iſt der ſele krone. Scham iſt ob ſitten ein geuͯbet *vͦp Cuͦnware des erſten weinen huͦb Das parczifal dem tegen bald Kundrie laſurcziere alſus beſchalt Vmb alſo wunderlich geſchaff Herczen Iamer ougen ſaff Gab meng̉er werden frowen Man muͦs hie weinen ſchowen Kundrie was ir trurrens wer Duͤ reit en weg nun Reit doͯrt her Ein Ritt̉er d̉er truͦg hochen muͦt Als ſin harnaſch waz ſo guͦt Von fuͦſſe vncz an das hobet dach. Das man fuͤr groſe coſte ſach Sin zimerde was Riche Gewapnet Ritt̉erliche Was ſin ros und ſin lib Da vand er magt vnd wib Trurig am Ringe hie Do reit er zu nun hoͯrent wie Sin muͦt ſtuͦnd hoch doch Iamers vol Die beide ſchancze ich nemen ſol Hochfart riett ſin manhet Jamer lert Jn herczeleidherczeleit Er reit vſſen zu den Ringen Ob man in da ich dringen Vil knappen ſprang da nach̉er ſan Do empfiengen ſy den werden man Sin ſchilt was da vnerkant Den helm er nit vom hobet band Der froͯde ellende Truͦg daz ſchwert Jn ſin̉er hende Verdeket mit der ſcheiden Do fragtt er nach in beiden Wa iſt Artus vnd gawan Juncherren zeigtten im den ſan Sus gieng er durch den Ring wit Túrre was ſin kurſit Mit liechttem pfelle wol gefar 5 Fur den Ring zem wirt des Ringes = ſchar Stuͦnd er vnd ſprach alſus Got halden den kung artus Vnd dar zu frowen vnd man Was ich der hie erſechen kan Den bút ich dienſtlichen gruͦs Wan einem tuͦt min dienſt buͦs Dem wirt min dienſt nym̉er ſchin Jch wil by ſinem haſſe ſin Was haſſes er geleiſten mag Min has im bút haſſes ſchlag Jch ſol doch nemen wer er ſig Ach ich arman vnd owi Das ir min hercz ye ſuſt v̉erſchneid Min rúw iſt von im zebreit Das iſt min her Gawan Der dicke pris hat getan Vnd hoche werdikeit bezalt Vnpris aldo ſin het gewalt Do in ſin ger dar zu truͦg Jm gruͦſe er minēn h̉erren ſchluͦg Ein kus den Judas teiltte Jm ſoͯmlichen willen wielte Es tuͦt menig tuſent herczen we Das ſtrenger mortlich̉er re An minen h̉erren iſt geton Lougnet des her Gawan So anttwurt vff kampfes ſchlag Von hút úber vierczigoſten tag Vor dem kúng Aſcalun Jnd̉er hoptſtat ze ſchanfenzun Jch lade in kempfliche dardan Gen mir zu komēn vff kampfes plan Kan ſin lib des nit v̉erzagen Er welle da ſchiltes ampt tragēn So man Ich Jn denoch mere Bẏ des helmes ere Vnd durch Ritt̉ers ordenlichen lebensleben Dem ſind zwey rich úber geben Rechttú ſcham vnd werde trúw Hoͯchent pris alt vnd núw Her Gawan ſol ſich nit v̉erſchemēn Ob er geſelheit welle nemen Ob der Tauelrunder Dú doͯrt ſtat beſund̉er Jr recht werre zerbrochen ſan Seſſe darob ein trúwloſſer man Jch bin her nit durch ſchelten komēn Gelobt es ſidirs hand v̉ernomen Jch forder kampff fúr ſchelten Der nich wan tod ſol geltten Oder leben nach erren Wen es wil die ſelde lerren Der kung ſchweig vnd waz vnfro. Doch anttwurt er der rede alſo Here er iſt min̉er ſchweſt̉er ſun Were. Gawan tot ich woͯlte tuͦn Den kampff e ſin gebeine lege trúwlos vnreine Wil gelúke úch ſol Gawans hand Mit kampffe tuͦn daz wolkekant Das ſin lib mit trúwen fert Vnd ſich des valſches hat erwert Hat úch and̉ers yemant leid Geton. Somachencz nit ſo breit Sin laſter one ſchulde Wan gewinet er úwer hulde So das ſin lib vnſchuldig iſt Jr habt andirre kurczen friſt Von im geſeit das úwern pris Kenkent ſind die lutte wis Beakurs d̉er ſtolcze man Des bruͦder waz her Gawan Der ſtund vff vnd ſprach zu hand Herr ich ſol da weſſen pfand War her Gawan d̉er kamp iſt gelegt Sin felſchen mich vnſanfftte regt Welt irs in erlaſzen nit in Habt úch an mich des pfand ich bin Jch ſol ze kampff fuͤr Jn ſten Es mag mit der red nit ergen Das hocher pris geneiget ſẏ Der Gawan iſt lidekliche bẏ Er kertte alda ſin bruͦd̉er was Fuͦs fallens er do nit v̉ergas Er bat Jn ſus nun hoͯrent wie Gedenk bruͦd̉er das du ye Mit hilffe rechtt̉er wirdikeit La mich fuͤr din arbeit Ein kempflich̉er giſel weſen Ob ich an kampff ſul geneſſen Das hauſtu ymer erre Er bat in fuͤrbas mere Durch bruͦderlichēn Ritt̉ers wis Her Gawan ſprach ich bin wol ſo wis Das ich dich bruͦd̉er nit gewer Din̉er bruͦderlichen ger Jch enweis warumb ich ſtrittēn ſol Doch tuͦt mir ſtritten nit ſo wol Vngern welt ich dir v̉erſagen Wan daz ich muͦs daz laſter tragēn Beakurs als vaſte bat Der gaſt ſtuͦnd an ſin̉er ſtat ⸿Er ſprach mir bút kampf ein man Des ich deheine kunde han Jch han och nit geſprochen dar Stark kúne wol gefar Getrúwe vnde riche Hat er dú vollenkliche Er mag borgen deſter bas Jch trag gen Jm deheinēn has Er was min herr vnd min mag Durch den ich hab diſen wag V́nſer vetter bruͦd̉er hieſſent Die nichttes ein andren lieſſen So hocher man gekroͯnet ward nye. Jch het Im vollen art Kampfes rede ze bietten Mich rache gen Jm nietten Jch bin ein fuͤrſte vs aſcalun Der lantgraue von ſchanfenzun Vnd hies k*ngrimurſelkẏngrimurſel Jſt her Gawan lobes ſchnel Er mag ſich anders nit entſagēn Er muͦs den kampf gen mir tragēn Och gib ich im fride úber alles daz land Nument von mins eingen hand Mit trúwen ich fride geheiſſe Vſſerthalb des ringes kreiſſe Got huͯtte al derdie ich laſſe hie Won eins er weis wol ſelbe wie Sus ſchied d̉er v*hoch gelopte man Von dem plumzols plan Do kúngrimurſel wart genant Ocheis do ward er ſchier erkant Werden virrgen pris Hat an Jm der fúrſte wis Sy Jachen daz her gawan Des kampfes ſorge muͯſte han Von ſiner wauren manheit Des fuͤrſten der do von Jn reit Och wante mengen trurrens not Das man Jm da nit eren bot Dar wauren ſoͯliche mere komēn Als ir E hand vernomen Du licht erwanten einen gaſt Das des wirttes gruͦs im gebraſt 6 Von kundrien man och inen ward Parczifals namen vnd ſin art Das ingebar ein kúngin Vnd wie die erwarb der Anſhefin Menger ſprach wie wol ichs weis Das er ſige vor kanuoleis Gedientte hurtenkliche Mit menger paniere Rich̉er Vnd das ſin ellend vnủerzagt Erwarb die ſelden beren magt Anfliſe die gehúrre geherte Och Gahmuretten lerte Da von ward d̉er held kurtais Nun ſol ſich iettlich brytonis Hie froͯwen daz vns d̉er held iſt komēn Da pris mit warheit iſt v̉ernomēn An Jm vnd och an Gahmuret Rechtte wirdikeit waz ſin gefert Artus by dem tage Was komen froͯd vnd clage *Ein ſoͯmlich gepartieret leben Was den helden do gegeben Sy ſtundent uff úber al Do was trurren oͯne zal Sy giengent mit ein andren dan Do der waleis vnd Gawan Sy ein andren ſtunden Troſtent als ſy konden Clamide den wolgeborn Duchtt er hette mer v̉erlorn Denne yement d̉er da moͯchte ſin Won ze ſcharpff were ſin pin Er ſprach zu parczifal Warent ir by dem Grale So wil ich ſprechen one ſpot Jn heideniſchem Trabilot Dar zu das gebirge in kaukaſas Was mund von Richeit ye gelas Dar zu des grales wirdikeit Vergultte nit min herczleid ⸿Das ich vor pel*pelrapeire gewan Ach ich arm vnſelig man Mich ſchied von froͯden úw̉er hand Hie iſt frow Cuͦnware von laland Och wil die edel fuͤrſtin So gar in úwrem gebotte ſin Das ſy ir niement dienen lat Wie vil ſy dienſtes geltes hat Sy moͯcht ye doch erlangen Das ich bin ir gefangen So lang hie bin geweſſen Ob ich an froͯden ſoͯl geneſſen So helffen das ſy erre ſich Vnd ir minne ergecze mich Ein teil des ich von úch verlos Do mich der froͯden ſpil v̉erkos Jch hecz behaltten won das ir Nun helffent diſer megde mir Das tuͦn ich ſprach der waleis Jſt ſin bett wol kurteis Jch ergecz úch gerne ſy iſt dech min Mit der ir welt by ſorgen ſin Jch meine du da treit den beakurs Kondwiramurs Von lanfuſe die kuͤngin Artus vnd daz wib ſin Vnd Cuͦnware de labant Vnd frow Jeſcute von karnant Die giengent do durch troſte zu Was welt ir das man mere tuͦ Cunwartten ſy gabent Clamide Dem was nach ir minne we Sinen lib gab er ir zu lone Vnd ir hopt eine Crone Das es die von lanfuſen ſach Die heidin zu dem waleis ſprach Kundrie nampt vns einen man Des ich uch wol zu bruͦder gan Des krafftt iſt wit vnd breit Zweyer Crone richeit Stat forchtlich in ſiner pflege Vff waſſer vnd der erde wege Aſagouc vnd Zeſmane Die land ſind kreffttig nienan krank Sinem Richtum gelichet nit An dem Baruck waman daz ſicht Vnd on tribalibot Man bett in an als einen got Sin farwe hat ſo ſpechen glaſt Die iſt aller mane farwe ein gaſt Er iſt wis vnd ſchwarcz erkant Jch fuͦr da her durch ein ſin land Do wolt er gern gewendet han Die fart die ich her han getan Das warb er do enmochter Siner muͦtter muͦmen tochtter *Bin Jch er iſt ein kung her Jch ſag úch von im wund̉ers mer Nieman geſas von ſin̉er tioſt Sin pris hat vil hoch̉er koſt So milter lib geſog nie bruſt Sin ſitte iſt falſcheit v̉erluſt SEireficz Anſchevin Des tat dur wib kan liden pin Wie froͯmdes mir hie were Jch kom och her durch mere Vnd erkennend auentúre Nun lit die hoͯchſte ſtúre An iuch. Das iſt gar die tofftte diet Mit priſe ſich von laſter ſchied Sol guͦt geberde nun helffen nicht Vnd das man úch mit warheit gicht Liechter farwe vnd manlich̉er ſitte Crafftt mit Jugent fert da mitte Die Riche wiſe heidine Hett an kunſt den gewinne Das ſy wol rette franzeis ⸿Des anttwurt ir der waleis Soͯlich was ſin red wider ſye Got lone úch frowe daz ir hie Mir gebt ſo guͯtlichen troſt Jch bin doch trurens vnerloſt Vnd wil úchs beſcheiden Jch mag es ſo nit geleiden Als er mir leide kundet Das ſich nun meng̉er ſundet An mir d̉er nit weiſt min̉er clage Vnd ich da by ſpote trage Jch wil deheiner froͯden Iechen Jch muͦs aller erſt den Gral geſechen Die wile ſy kurcz od̉er lang Mich Iagt des endes min gedank Da von geſchiede ich nyem̉er Mins lebens ẏmer Sol ich durch min̉er zúchtte gebot Hoͯren nun der welte ſpot ⸿So mag ſin Raut nit ſin gancz Mir riet der werde Guͯrnomancz Das ich freuenliche fragen mitte Vnd ymer gen vnfuͦge ſtritte Vil werder RichRitt̉er ſich ich hie Durch úwer zucht nun Rattent mir wie Das ich úwern hulde neche mich Es iſt ein ſcharff ſtrenge gerich Gegen mir mit wortten hie geton Wes hulde ich darumb v̉erlorn han Das wil ich wenig wiſſen Im Wenne ich hernach pris genim So habt mich aber denne darnach Mir iſt ze ſcheiden úch gach Jr gabt mir alle geſelſchafft Die wil ich ſtuͦnd an priſes krafft Der ſind nun ledig vncz ich bezal Da von min gruͯne froͯd iſt fal Min ſol gros Jamer alſo pflegen Das hercze gebe den ogen regen Sit ich vff Munſaluaſhe lies Das mich von wauren froden ſties Ohteriz wie menge clare maget Was wund̉ers yemet hat geſaget Dennocht pfligt ſin mer der Gral Der wirt hat ſúnffzberre twal Ey helffeloſer Anfortas Was halff dich das ich by dier was ⸿Sy en mugent min nit leng̉er ſton Es muͦs an ein ſcheiden gen Do ſprach der Waleis Zu Artus dem Britonis Zu Rittern und zu frowen Er woͯlt ir vrlob ſchowen Vnd mit ir hulde vernemen Des endorfftte nyen da gezemen Das er ſo trurig von in reit Jch wenne es waz allen leid Artus gelobt im an die hand Kem ym̉er in ſoͯlich not ſin hand Als es von Clamide gewan Des kumers woͯlt er teil han Jm wer och leid das lechelin Jm neme zu Riche cronen Jnſin Vil dienſtes im do meng̉er bot Den held treib von In trurens not Frow Cuͦnware die werde magt Nam den held vnủerczagt Mit ir henden vnd furt Jn dan Do kuſt min her Gawan De ſprach der manliche Zu dem heldenllen Riche Frund ich weis wol daz din fart Gen ſtrittes reiſe iſt vngeſpart Da gebe dir got glúke zu Vnd helff och mir daz ich getuͦ Dir noch den dienſt Als ich han getan Des muͯſſe mich ſin krafftt enterlon ⸿Der weleis ſprach we waz iſt got Werre er gewaltig ſoͯlichen ſpot Hett er v́ns beiden nit gegeben Vnd konde got mit krefftten leben Jch was im dienſtes vnderton Die wil gnaden mich verſan Nun wil ich im dienſt widerſagen Hat er has den wil ich tragen Frund an dis kampffes zitt Do nem ein wib fur dich den ſtrit Du muͦſe zuchen dine hand An der du kunſche haſt erkant Vnd wipliche guͯtte Jr minne dich doch behuͯtte Jch enweis wen ich dich me ſeche Min wunſch ſus an dir geſcheche Jr ſcheiden gab in truren Ze ſtrengen nachgepuren Frow Cuͦnware von Lalant Jn do fuͦrtte do ſy ir geczelt fand Sin harnaſch hies er bringēn dar Jr linden hend wol gefar Wappnet Gahmuretes ſun Sy ſprach ich ſols von Rechte tuͦn Sid der kung von Brandigan Von úwer ſchuld mich wi han Gros kumber úwer werdikeit Git mir ſuͤnſzenberes leid Wen ir ſind trurens nit erwert V́wer ſorge minne froͯde zert Nun was ſin Ros verdeket Sin ſelbs not erweket Och het der tegen wolgeton Liecht wis Inſin harnaſch an Turre an aller ſchlachtte trowc Sin kuſitkurſit ſin wappen Rok Was geherret mit ſteinegeſteine Sin helm alleine Het er nicht vff gebunden Do kuſt er an den ſtunden Cuͦnwatten die werden magt Sus ward mir von ir geſagt Do ergieng ein trurig ſcheiden Von den gelieben beiden Hin reit Gahmuretes kind Was Auenture geſprochen ſind Die darff hie niemen meſſen zuͦ Jr hoͯrent aller erſt waz er nuͦ tuͦ Vnd war er kertte vnd war er far Wer den lib gen Ritterſchafft ſpar Der denke nit die wil an Jn Ob es im Ratte ſtolczer ſin Kundwiramurs Din minnenklich̉er beakurs An den wirt nun dike gedacht Das im wirt auentuͤre bracht Des Schiltes ampt vmb den Gral Wurt nun vil ge uͯbet ſund̉er twal Von Jm den herczelaude bar Er was och rechtter erbe dar ⸿Sus kert der meſſnie vil Gen der arbeittenlichen zil Ein auentúrre zu ſchowen Do vierhundert Junckfrowen Vnd vier kunginne Gefangen waurent Jnne Vff Tſchahtel marweile Was in do ward ze teile Das haben one minen has Jch bin doch frowen lones las Do ſprach der kryeche klyas Jch bin der da verſumet was Vor in allen e er das Jach Der Turkoyte mich do ſtach Hinders ros ich muͦs mich ſchamēn Doch ſagt er mir vier frowēn namēn Die da kronbere ſind Zwo ſind alt zwo ſind noch kind Der heiſſet eine Nytonie Die ander heiſſet Kondrie Die dritte heiſſet Arnyue Die vierde Seyue Das wolt ieglich̉er do beſechen Jr Reiſe mocht es nit wol ſpechen Sy muͦſſen ſchaden da beiagen Den ſol och ich ze maſſe clagen Wan durch wib hat arbeit Es git froͯde ettwen och leid An dem orte es fuͤrbas wigt Sus minne dik ir lones pflicht Nun bereitte ſich och her Gawan Als ein kampffecht̉er man Hin fuͤr den kung Aſcalun Des trurte manig Britun Vnd menig wib vnd magt Herczenliche wart geclagt Von In ſins ſtrites reiſe Der werdekeit ein weiſe Wart nun die tauelrunder Gawan maſz beſunder Wa mit er moͯcht wol geſigen Altte herte ſchilte wol gedigen Er enruͦchtte wie ſy weren gefar Sy brachten koufflutte dar Vff ierren ſomen doch nit feile Der wurden Jm dry ze teile Do erward der mere ſtrittes held Súben ros ein knappen erwelt Zu ſinen frunden er do nam Zwoͯff Scharpffe ſper von agram Stark Roͯrein ſchafftte drin Von aragaſte genteſin Vs einemeiner heidenſchen muͦr Gawan nam vrlob vnd fuͦr Mit vnủerzagtt̉er manheit Artus was Jm vil bereit Er gab in Richer koſte ſold Edel geſtein Rottes gold Von Silber mengen ſterling Gen ſorgen wuͦchſen ſine ding Ekuba die Junge Fuͦr gen ir ſchiffunge Jch meine die Richen hedin Do kertten menge ende hin Das volk von dem plimuzol Artus fuͦr gen kardol Cuͦwarte vnd Clamide Noment och ir vrlob E Orilus der fuͤrſte erkant Vnd fro Jſcute von karnant Die noment och ir vrlob ſan Doch blibent vff dem plan By Clamide den dritten tag Wan er der brutloffe pflag Nit mit benanter hochzitt Sy ward da heiman ſitt Won im ſin miltte daz geriet Sin kumerhaffe Ritt̉erliche diet Beleib an Clamides ſchar Vnd och des werden volk vil gar Die fuͦrt er hein zu lande Mit eren one ſchande Wart Im do geteilt ſin habe Mit falſche nit gewiſſet abe Do fuͦr frow Jſcute Mit Orilus irm trutte Durch Clamiden ze Brandigan Das ward Jnen zu erre getan Frow Cuͦnwartten die ſchweſt̉er ſin Do kronte man die ſchweſt̉er ſin Jch weis wol ſoͯlich ſinnig Wib Ob ſy hat getrúwen lib Die dis mere geſchriben ſicht Das ſy mir mit warheit v̉ergicht Jch konde wiben geſprechen bas Denne das ſantte gen inen minēn has Die kúngin Belacone Was miſſewenden one Vnd alles falſcheit las Do ſy ein totter kung beſas Sit gab ſy frow herczelauden trom Súnffczenbere herczen roͯm Welhe was fro Signow̉er clage An Jhters ende tage Dar zu was mir ir truren leid Do ſy ſo ſchamlich reit Des kunges kind von karnant Frow Jſcuten kúnſch erkant Wie wart frow Cuͦnware Gehandelt mit Jr hare Des ſind ſy faſt wid̉er komen Jr beider ſcham het priſ genomēn Ze machent dis mere ein man Der Auentúrre erkenen kan Vnd rime konde ſprechen Beidú ſamen vnd zerbrechen Jch tuͯtz uch gern fúrkasfúrbas kunt Woͯlt es gebietten min mund Den doch ander fuͯſe tragent Denne die mir zu ſtegreiff wagent Der nie gewarb nach ſchanden. Eine wile zu ſinen handen Solnun diſe auentúre han Der wirt erkande gawan Die pruͯffent mengen one has Der nebent oder fur Jnbas Denne des meres parczifal parczifal: Vermutlich Tintenfleck über r. Wer ſine frúnd allemal Mit wortten an das hoͯchſte Jagt Der iſt anderthalb gar verzagt Jm iſt der lútte folge guͦt Wer dicke lob mit warheit tuͦt Was was er ſprichet od̉er ſprach Dú rede blibet one tach Wer ſol ſīnnes wort behaltten Es enwellen die wiſen walten Falſch lugenlich ein mere Das wene ich bas noch were Ane wirt vff einen ſchne So das dem munde wurde we Ders vſz fuͤr warheit breitet So hett in got geleitet Als guͦtter lútte wunſche ſtet Den ir trúwe zu arbeit get Wem iſt zu ſoͯmlichēn werkēn gach Da miſzwende hoͯrt hernach Pfligt werder wil an den gewin Das muͦs Jm Ratten kranker ſin Er mindrecz e kan er ſich ſchamen Den ſitten ſol er zu vogt nemen ⸿Gawan der recht gemuͦte Sin ellent pflag der huͦte So das dú warú zagheit An ſinem libe nie frumte leit Sin hercze was zu felde ein brug Gen ſcharpfen ſtritten wol ſo kruͯg Jn ſtrittes gedrenge man in ſach Frund vnd vigent Jm daz Jach Sin krye were gen vigenden hel Wie gerne Jn kúngrimurſel Mit kampffe do het fúr genomen Nun was von Artus komen Des weis ich nit wie mengen tag Gawan der manheit pflag Sus reit der werde tegen bald Sin ſtraſe recht vs einem wald Mit ſinem geczúge durch einen grund Do ward im vff einen buͯchel kunt Ein ding das angſt merte Vnd ſine manheit lerte Do ſach der held vnbetrogen Nach menger banner zogen Vil groſſer fuͦre nit ze krank Do gedacht er mir iſt d̉er weg ze lank Flúchtig wider gein walde Do hies er gurtten balde Ein ros das im gab orilus Das was genennet ſus Mit den kurczen oren kringulet Er empfieng es one alle bett ⸿Es waz von Munſaluaſhe komēn Vnd het es Lechelin genomen Ze Brumgange by den ſew Einem Ritter dem tet ſin tioſt we Den er tod da hind̉er ſtach Des ſyder Trefriſſent v̉eriach Gawan dachtte wer verzagt E das man Jn Iagt Das iſt ſinem priſe gar zu fruͦ Jch ſol hin nacher ſtapffen zuͦ Was mir da von Jo mag geſchechēn Jr hat mich das merteil geſechen Das doch ſol guͦt Rat werden Do erbeiczte er vff die erden Recht als er habte *einen ſtal Die Rotte waurent one zal Die do mit d̉er *kompanie Ritten Er ſach vil kleider wol geſchnittēn Vnd mengen ſchilt ſo gefar Das er ir nicht erkande gar Noch deheinen banner Vnd̉er in Diſem her ein gaſt ich bin Sprach der werde Gawan Sid ich ir dehein kunde han Wellent ſy mir úbel wenden Ein tioſt wil ich in ſenden Das iſt war mit min̉er ſelbes hand E ich von Jnen ſy gewant Nun was och kringulet gegurt Des in mengen angſtlichen furt Gen ſtritte was zer tioſt bracht Des was och da hie zu gedacht ⸿Gawan ſach geflorierett Vnd wol gezimerierett Von Richer koſt helme vil Sy fuͦrtent gen ir nit ſpil Wis núwer ſper ein wund̉er Dú gemaltten waurent beſund̉er Junckh̉erren gegeben Jndie hand Jr herren wappen daran erkant Gawan fili roy lot Sach von gedrenge groſſenot Vil mul die harnaſch muſtent tragēn Vnd mengen wolgeladen wagen Den was gen herberge gach Do fuͦr der merket hindan nach Mit wund̉erlich̉er parat Des was echt da dehein and̉er rat Er ſach der frowen och gnuͦg Ettlich̉er den zwoͯlfftten gúrtel truͦg Ze pfande nach ir minne Es waurent nit kúnginne Die ſelben triben irn ſen Hie zwen ſoldeneſen Hie der Junge doͯrt d̉er alte Da fuͦr vil ribalde Den machett ir lofe muͯde lide Ettlich̉er zeme bas and̉er wide Denne das er das her da merte Vnd de wedres volk vnerte ⸿Fuͤr was geloffen vnd geritten Das her Gewan het erbitten Von ſoͯlichem wone daz geſchach Wer den held da halten ſach Der wonde er wer des ſelben hers Diſhalb noch enthalb mers Gefuͦr nie ſtolczer Ritt̉erſchafftt Sy hettent hoches muͯttes krafft Do fúr Jn bald hinda nach Vff ir ſchlag dem was och gach Ein knappe vngefuͦge frẏ Ein ledig ros gieng Jm bẏ Einen núwen ſchilt er fuͦrte Mit beiden ſporn ers ruͦrtte Ane zart ſin Runzit Er wolte gachen inden ſtrit Wol geſchnitten was ſin cleit Gawan zu dem knappen reit Nach gruͦſe er fragt in mere Wes das geſind were Der knappe ſprach ir ſpotent min Herre han ich ſoͯlichen pin Mit vnfuͦg an uch er holt Hette ich denne and̉er not gedolt Die ſtuͯnd mir gen priſe bas Durch got nun ſenfftren úw̉ern has Jr erkennēnt ein andren bas denn Ich Was hilffett denne daz ir fragen mich Es ſol úch bas weſen kunt Ze einem mal vnd tuſent ſtund ⸿Gawan bot des mengēn eid Waz volckes da fuͤr in gereit Das er das nit erkande Er ſprach min fart hat ſchande Sit ich mit warheit nit mag Jehēn Das ir deheinen hab geſechen Von diſem tagen an dehein̉er ſtat War man min dienſt ye gebat Der knappe ſprach ze Gawan Herre ſo han ich miſſe ton Jch ſolt uchs e han geſagt Do was min beſter ſin verczagt Nun Richtent min ſchulde Nach úwer ſelbs hulde Jch ſolt úch es dar nach ſagen Lant mich min vngefuͦge clagen ⸿Junckherre ſagt mir wer iſi ſin Durch úwer zuchtberen pin Herre ſus heiſſett der vor úch fert Dem doch ſin reiſeiſt vnerwert Roys poidekomvncz Vnd die Caſtor de Lonvaruncz Da vert ein vnbeſcheiden lip Dem minne nit gebet dehein wib : Links der Spalte ein schleifenförmiges Gebilde mit unklarer Bedeutung. Er treit den vnfuͦgen crancz Vnd heiſett Meliahkancz Es were wibe od̉er magt Was er der minne hat beiagt Die y nam er gar in noͯtten Man ſolt in darumb toͯtten ⸿Er iſt poidekonivrres ſchweſt̉er ſun Vnd wil och ritt̉erſchafftt hie tuͦn Der pfligt der ellencz riche Dike vnủerczagliche Was tuͦt ſin manlich̉er ſitte Eins ſchwines muͦtte luff er mitte Jr verhelnēn die wert och ſie Jch gehort man gepriſen nie Was ſin ellend one fuge Des volget och noch gnuͦge Herre nun hoͯrt ein wunder Lat v́ch das ſagen beſunder Gros her nach úch da fuͯret Den ſin vnfuͦg Ruͯrret Der kung melianz von licz Hochfertenklichen zornes flicz Hat er gefrúmet one not Vnrechtte minne Jm das gebot Der knappe in groſſer zucht v̉eriach Herre ich ſag úch won ich ſach Des kunges Malianzes vatter Jn todes leger fuͤr ſich bater Die fúrſten ſins landes Vnerloſet pfandes Stuͦnd ſin ellenthafftes leben Des muͦſt ſich dem tode ergeben Jn der ſelbe rúwe Beualch er vff ir trúwe Melianzen dem claren Allen den da waurent ⸿Er kos im einen ſunder dan ⸿Er: Raute-Zeichen mit unklarer Bedeutung links neben dem Alinea-Zeichen. Der fuͤrſte was ſin hoͯchſter man Ein trúwe wol bewerett Alle falſcheit er leret Den bat er ziechen ſinen ſun Er ſprach du macht an Jm nun tuͦn Diner trúwen hand veſte Bit In daz er die geſte Vnd die heimlichen habe werd Wenne er des kumerhaffte gerd Den bit Jnteilēn ſine habe Sus ward beuolhen der knabe Do lyſteleyſte der fuͤrſte Lybant Alles das ſin here der kung ſchankt Ame todes leger gen Jm warb Hartte luczel des verdarb Endhafftte es wart geleiſtet ſid̉er Der furſte fuͦrtten den knappēn wid̉er Der het da heime Liebú Kind Als ſy im noch billich ſind Eine tochtter der des nit gebrach Wan das man des ir Zitte Jach Sy were wol amẏe Sẏ heiſſet obẏe Jr ſchweſter heiſſet obilot Ob ye frúnt vncz diſe not Eins tages gedacht er andie ſtat Das ſy der Jung kung bat Nach ſinem dienſt ir minne Sy verfluͦchtent im die ſinne ⸿Vnd fragt in wes er wonde Warumb er ſich ſīxnnes ande Sy ſprach zu im werēn ir ſo alt Das vnder ſchilt weren beczalt Jn wirdenlichen ſtunden Mit helme vff hopt v̉erbunden Ein hertliche varn V́wer tage gen funff Jaren Das ir den pris da hettēn gnomen Vnd wert ir denne widerkomēn Vnd in minem dieſt geweſſen da Sprech ich denne aller erſt Ia Des úwer wil gegerte Alze fruͦ ich úch gewerte Jr ſind mir lieb wer legnet des Sam Arnorn Galoes Die ſid den tod nach im erkos Do ſy in an ein̉er tioſt v̉erlos Vngern Jch ſprach er frowēn V́ch ſo by liebe ſchowen Das úwer zúrnen vff mich get Gnade doch by dienſte ſtet Wer trúwe recht meſſen wil Frowe es iſt úch gar ze vil Das ir mine bet ſuſt ſchmechet Jr habt úch gar vergachet Jch moͯchte des genoſſen han Das uwer vatter iſt min man Vnd das er hat von min̉er hand Manig burg vnd al ſin land ⸿Wem ir icht licht dem diene och daz Sprach ſy min zil hoͯcht ſich bas Jch wil von nieman lechen han Min fryheit iſt ſo getan Jeglicher crone hoch genuͦg Die irdeſch hopt ye getruͦg ⸿Er ſprach ir ſind geleret Das ir hoch fart ſuſt merent Sit úwer vatter gab den Rat Er wandlet mir die miſſetat Jch ſol hie wappen alſo tragen Das wirt geſtochen vnd geſchlagēn Es ſy ſtriten od̉er turneẏ Hie belibt vil der ſper enzweẏ Mit zorne ſchied er von d̉er magt Sin zúrnen ſere ward geclagt Von aller der meſſnnie Jn clegt och obye Gen im dirre vngeſchichtte Bot ſin gerichte Vnd anders wandes gnuͦg Lybant der vnſchulde truͦg Es were krum od̉er ſchlecht Er gerte ſin̉er gnoſen Recht Hoff da die fuͤrſten wern Vnd er were zu diſen mern Komen gar oͯn ſchulde Gnedenklicher hulde Er faſte ſinen herren bat Dem tet der zorne vff froͯden mat. Man konde do nit gachen So das lybant wolt fachēn Sinen herren was es ſin wort vnd wirt Als noch getrúwer man gebirt Der kung one vrlob dānne ſchied Als im ſin krank̉er ſin geriet Sine knappen fúrſten kindelin Al weinende tatent clage ſchin Die mit dem kung da ſind geweſen Vor dem mag Lybant wol geneſen Won er ſy hat mit trúw erczogen An werder fuͦre nit betrogen Es ſy den min her all ein An dem doch des fuͤrſten trúwe ſchein. Min her iſt ein franczois Lyſchachtelúr der Beawis Der heiſſet Lyſauander Die eine vnd die ander Muͦſen dem fuͤrſten wid̉er ſagen Do ſẏ ſchiltes ampt ſolten tragēn Mit dem kúng Ritt̉er worden ſind Manig fuͤrſte vnd andru kind Des vordren hers pfligt ein mān D̉er wol mit ſcharpfen ſtrittēn kan Der kúnig poidekomvrcz von gros Fuͦret manig wol gepagewapnes Ros. Meliancz iſt ſins bruͦd̉ers ſun Sy kondent beidú hochfart tuͦn Der Junge vnd der alte Das es vngefuͦge walte ⸿Sus hat der zorn ſich fuͤr genomēn Bede kúnge wellent komen Fuͤr Bearoſche do man muͦſz Mit arbeit dienen wibe gruͦs Man muͦs vil ſper zerbrechen Beidú húrtten vnd ſtechen Bearoſche iſt ſo ze wer Ob wir hettent zweinczig her yegliches groͯſer den wir hand Wir muͯſſent vnzerfuͦrret lon Min reiſe iſt des hind̉er her verholn Diſen ſchilt han ich dan v̉erſtoln Vſz von andren kinden Ob min herr moͯcht finden Ein tioſt durch ſinen erſten ſchilt Mit hurtes ponder dar gezilt Der knappe hinder ſich do ſach Sin herr fuͦr im balde nach Drú ros vnd zwoͯlff wiſe ſper Gachtte faſte mit Im her Jch wene ſin gir des ieman trúge Er weltte gerne ze vor flúge Die erſten tẏoſt da han beiagt Als mir die auentúre ſagt Der knappe ſprach zu gawan Herre lat mich úwer vrlob han Der kerte ſinem herren zu Was welt ir das Gawan nu tuͦ Er beſeche was diſe mere ſin Doch lerte in zwiffel menge pin Er gedacht ſoͯlt ich ſtrite ſechēn Vnd ſol des nit von mir geſchechēn So iſt min pris erloſchen gar Kom aber ich durch ſtrite dar Vnd wurd ich da geleczet Mit warheit iſt entſeczet Al min werdenklich̉er pris Jch tuͦn es nit dehein wis Jch ſole leiſten minen kampff Ein ſiner kampffes verte Was beliben al ze herte Er mocht och da nit fuͤr farn Er ſprach nu muͯſſe got bewarn Die crafftt an miner manheit Gawan gen bearoſhe reit *Burg vnd ſtat ſo vor im lag Das nyemen beſſers huſe pflag Ouch glaſte vor im ſchone Aller andren búrg ein crone Mit trúwen wol geczieret Nun was gelotſchieret Dem her vff dem plan Do ſach min her Gawan Mengen Ring wol geheret Do was hoffart gemeret Wunderliche bannierre Kos er do menge ſchiere Vnd meng̉er ſchlachte pouel Der zwiffel waz ſins herczēn pouelhouel pouelhouel: Über dem Wort wurde zur Verdeutlichung nochmals ein h eingefügt. Dar durch in gros angſt ſchneid Gawan enmitten durch ſy reit ⸿Doch ieglich zelt ſchnuͦr die andrēn zwank. Jr her was wit vnd lang Do ſach er wie ſẏ lagen Wes diſe vnd Jene pflagen Wer ben ſauenu do ſprach Gramarczis er do wider Jach Gros Rotte an einem ende lag Sariande von Semblidag Den lag do ſund̉er nache by Trunkopel von kahedi Vnkunde doch wunne ſind Sus reit des kunges lotes kind Belibens bett in niemen bat Gawan kertte gen der ſtat Er dachtte ſol ich kipper weſen Jch mag vor fluſte bas geneſen Doͯrt Jn d̉er ſtat denn hie by Jn Jch kere mich an dehein gewin Wan wie ich das mine behaltēn Sol des geluke walten Gawan gen ein̉er porte reit Der Burgere ſitte was Jm leid Sy hettent des nit getruwert Alle ir porten waurent vermuret Vnd alle ir wchus erlichwerlich Do zu der zinnen ieſchlich Mit arm breſt ein ſchúcze pflag Der ſich ſchieſſens herus bewag ⸿Sy fliſſent ſich gein ſtrites werk Gawan kert vff anden berck Wie wenig er do were bekant Er reit vff da er die burg fand Sine oͯgen muͦſtent ſchowen Vil menge werde frowen Dú wirtin ſelbe komen was Durch warten vff dem palas Mit ir ſchoͯnen tochttren zwein Von den vil liechtte farwe ſchein Von den het er vil ſchier vernomēn Sy fragtent wer mag vns hie komēn Sus ſprach die alt herczogin Was geczoges mag dis ſin Jr alter tochtt̉er ſprach ſan Muͦtter es iſt ein koffman Nun fuͯrrett man ich doch ſchilt mitte Wie das iſt vil koufflutte ſitte Jr Iung̉er tochtter do ſprach Du zicheſt in daz doch nie geſchach Schweſter des machtu dich ſchamen Er gewan nye koffmans namen Er iſt minenklich geton Jch wil in zu einem Ritt̉er hon Sin dienſt mag hie lons gern Des wil ich In durch lobe wern Sin knappen tatent gome Das ein linde vnd oͯlbome Vndan by der mure ſtund Das duchtte ſy ein geber fond ⸿Was welt ir das ſy mere nun tuͦn Da erbeczte des kunges Lotes ſun Alda er den beſten ſchatten fand Sin kamrere truͦg dar zu hand Ein gultter vnd ein matras Dar vff der ſtolcze werde ſas Ob im was wibe hers ein fluͦt Sin kamrer gewand man nid̉er luͦt Vnd das harnaſch von den ſomern Hin dan vnd̉er andren bomen Du alte herczogin ſprach ſan Dochter welich koffman Herberg ſy nemen Knappen die da komen Die herczogin ſprach do Welher koffman kan gebaren ſo : Der gedoppelte Vers weist Anteile aus Vers 353.15, genauer gebaren, auf. Do ſprach die Junge obilot Vnfuͦg ir denocht me gebot Gen den kúng Melianze von lis Sy kertte irn hoffertigen flis Do er ſy bat ir minne Gunerret ſig ſolich ſinne Do ſprach obye Vor zorne nicht die frie Mir iſt ſin fuͦre vnmere Doͯrt ſicz ein wechſlere Des mark mag hie werdēn guͦt Sine ſovmſchrin ſind ſo guͦt Dines Ritters troſte ſchweſt̉er min Er wil ir ſelb gomel ſin ⸿Gar dirre worte hoͯre Kam Ggawan In ſin ore Die rede lat ſin als ſy nu ſte Vnd hoͯrent wie es d̉er ſtat erge Ein ſchiff Rich waſſ̉er fuͤr ſy flos Durch eine bruge ſteine gros Anderthalb waz vnuerhert daz land Nit gen der vigenden hand Ein marſchalk kam geritten ſan Fur die bruge vff den plan Nam er herberge wit Sin here kam an Rechtt̉er zit Vnd ander die da ſoltten komen Jch ſages uch hand irs nit v̉ernomēn Wer in des wirtes helffe riet Vnd wer durch in mit trúwen ſtrit Jm kam von Breuegaries Sin bruͦder herczog Maranglies Durch den komen zwen Ritt̉er ſchnel Der werde kúng Schirniel Der truͦg crone ze Lyravoin Als tet ſin Bruder zu Auendroin Da die burgere ſachen Das in hilff wolte nachen Das e des was ir aller rat Das duchte ſy do ein miſſetat Der fuͤrſte Lybant ſelbe ſprach Owe das es Bearoſhe ye geſchach Das ir porten ſullet v̉ermuret ſin Wan wen ich dein herrēn min Schiltes ampt zeige Min beſte zucht iſt veige Es hulffe mich vnd ſtuͯnde och bas Sin ſchulden denne ſin groſſer has ⸿Wie ſtett ein tioſt durch minen ſchilt Mit ſiner hende dar geczilt Od̉er ob verſchniden ſol min ſchwert Sinen ſchilt mins h̉erren wert Gelobt das ẏmer wiſe wib Du rtret als ze loſen lib Nun lat mich minen h̉erren han Jn minem turn Jch muͯſt Jn lan : Vers 355.12 tritt erstmals, wenn auch durchgestrichen, nach Vers 308.10 auf. Vnd mit Jm in den ſinen War an er mich wil pinen Des ſton Jch gar ze ſinem gebot Doch wil ich gern danken got Das er mich nit gefangen hat Sid in ſin zurnen nit enlat Er welle mich hie beſiczen Nun Ratent mir mit wiczen Sprach er zun burgern Zu diſen ſtrengen mern Do ſprach menig wis man Moͯcht ir vnſchuld genoſen han Es were nie komēn an daz zil Sy gaben im des rates vil Das er ſine tor vff tette Vnd alle die beſten bete Vs gen der tioſt ritten Sy iachen wir mugen ſo ſtritten Ee das wir vns von zinnen wern. Melianzes beiden hern ⸿Es ſind doch alles meiſtig kind Die mit dem kúng da komēn ſind Da erwerben wir licht ein pfand Da von ye groſſer zorn v̉erſchwānd Der kúng iſt licht alſo gemuͦt Wen er hie Ritt̉erſchafftt tuͦtt Er ſol vns not erlaſſen Vnd al ſin zúrnen maſzen Velt ſtrites mocht vns bas gezemēn Den das ſy vns vſer d̉er mur nemēn Wir ſoͯlten wol gedingen Doͯrt in ir ſchnuͯre ringen Wan poẏdekomvnres crafft Der fuͯrt die hertten Ritt̉erſchafftt hertten: Haken vor h mit unklarer Bedeutung. Das iſt vnſer groͯſte freiſe Die gefangen *britoneiſe Der pfligt der herczog caſtor Den ſicht man da in ſtrite vor Da iſt och ſin ſun Meliahkancz Het den herczogen Gurnomancz So were ſin pris gehoͯchet gar Doch ſicht man in ſtrites ſchar Da engegēn iſt vns gros helfe komēn Jr habt ir Ratten wol v̉ernomen Der fúrſte tet als man Jm riet Die muren er vſz den toren ſchiet Die burgere ellencz vnbetrogen Bed*Begundent vſz zu felde zogen Hie ein tioſt ein andrú doͯrt Das her begund och ſtreken dortfort Her den der ſtat durch hochen muͦt Jr veſperie ward vil guͦt Ze beid̉er ſitt rotten vngezelt Garzunne krye menigfalt Beidú ſchotteſch vnd welſch Ward da geruͯffet ſunder valſch Der ritter tat was one fride Die helden erſchwungen ierú gelidee Wol tattencz och die ſelben kind Die vs dem her da komen ſind Die begiengent werdliche tat Die burger pfantencz vff der ſtat Der nie gedienet an wibe Cleinode dorn dorfft an libe Niemer beſſer wat getragen Von Milianze hore ich ſagen Sin zimierde were guͦt Er het och ſelbe hochen muͦt Er Reit ein ſchoͯn Kaſtelan Da Meliahkanz doͯrt gewan Do er keyen ſo hoche dar hind̉er ſtach Das man Jn an dem aſt hangēn ſach Das Maliahkancz doͯrt erſtreit Meliancz von lis es hie wol reit Sin tat was vorus ſo bekant Alle ſine tioſt in ir ogen fand Obye doͯrt vff dem palas Dar ſy durch warten komen ſach Do ſprach ſy ſichſtu ſchweſter min Das iſt war din Ritt̉er vnd d̉er min Begend hie vngliche werck Der din wenet daz wir den berck Vnd die burg ſullent verlieſſen Ander wer wir muͯſſent kieſſen Die Junge muͦſt irn ſpote doln Sy ſprach er mag ſich wol erholn Jch gib in noch gen ellen troſt Das er dins ſpottes wirt erloſt ⸿Er ſol dienſt gen mir kerren Vnd ich wil im froͯde meren Sider du gichſt er ſy ein koffman Er ſol mins lons market han Jr beider ſtrit der wortten Gawan dye markt vnd horte Als es im da gedochte V́ber ſach ers wie er mochte Sol lutt̉er hercz ſich nit ſchemen Das muͦs der tod dar von E neemēn ⸿Das groſe her als ſtille lag De poydekonivires do pflag Wan ein werder Júngling Was im ſtritte vnd al ſin ring Der herczog von Lonfarvnz Do kam pondekamevnz pondekamevnz: Unklares Zeichen über dem zweiten n Ouch nam der alte wiſe man Die einen vnd die andren dan Dú veſpere was erlitten Vnd wol durch werde wib geſtritten Do ſprach poẏdekomivnz Zum herczogen von longvarvnz Geruchent ir min nit bitten bitten: Punkt mit unklarer Bedeutung unter i. Wenn ir farent durch ruͦm ſtriten So wenent ir daz ich ſy guͦt geton Hie iſt der graue Lachtoman Hie iſt och Meliakancz min ſuͦn Was die beide ſoͯlttent tuͦn Vnd Ich ſelb ir moͯch doch ſtriten ſechen Ob ir ſtriten kondent ſpechen ⸿Jch kom nyem̉er von dirre ſtat Jch mache vns alle rechtes ſat Oder mir git man vnd wib Har us gefangen bedú ir lib ⸿Do ſprach d̉er herczog caſtor Herre úwer neue waz da vor Der kúng vnd all ſin her von Lẏcz Solt úwer her an falſches fliz Die wile ſich han gekeret Habt ir vns das geleret So ſchlaff ich wa man ſtritten ſol Jch kan by ſtritte ſchlaffen wol Nun wiſſent were ich nit komen Die burger hettent genomen Frumen vnd pris zu ir handen Jch bewart úch do vor ſchanden Durch got nun ſenftrent úwern zorn Hie iſt me gewunnen denn verlorn Von úwer meſſnie Wil es Iechen obye ⸿poydekomvirczes zorn ward g*gancz vff ſinen neuen Meliancz Doch bracht d̉er werde Junge 1 DoDoch bracht der werde Junge man Mengen tioſt dur ſine ſchilt hin dan Das darff ſich úwer pris nit clagēn ⸿Nun hoͯrt och von obnen ſagen Dú bot irn haſſes gnuͦg Gawane der in oͯn ſchulde truͦg Sy welt im werben ſchande Einen gerzun ſy ſande Hin zu her Gawan do er ſas Sag Im vnd frag In fuͤrbas Ob dú ros feile ſind Oder ob in ſinen ſomſchirin ſind Lige yendert krams gewand Wir frowen kouffencz als zehand Der gerſun kam gegangen Mit haſſe ward er empfangēn Gawans ogen blike Jn lertent hercze ſchrike Der garſun ſo verczagte Das er frage noch enſagte Das Jn ſin frow werben hies Gawan die rede doch nit lies Er ſprach fart hin ir ribald Mulſchlege al vngeczalt Soltu von mir empfachen Wiltu mir fuͤrbas nachen Der gerſun dānnen lieff vnd gieng Nun hoͯrt wie es obye ane fieng Einen Junckherrēn ſy ſprechēn bat. Den burgrauen von der ſtat. Der was geheiſſen Scherules Sy ſprach du ſolt in bitten des Das ers durch minen willen tuͦ tuͦ: tuͦ könnte mit dunklerer Tinte geschrieben worden sein. Eventuell wurde es nachträglich hinzugefügt. Vnd wakerliche griffe zu Vnderm oͯlbomen bin graben Stend ſúben ros die ſúl erhabēn Vnd ander Richeit vil Ein kouffman vns hie triegen wil Bit in das er das wende Jch getrúw wol ſin̉er hende Sẏ nement es vnủergoltten Ouch hat ers vnbeſcholten Der knapp hin wider ſagte Alles das ſin frow clagte Jch ſol vor triegen vns bewarn Sprach ſcherules ich wil dar farn Der reit hinuff do her Gwan ſas Der ſelten ellens nie vergas An dem er fand crankheit fluſt Licht antlúcze vnd hoche bruſt Vnd einen Ritter wol gevar Scherules in pruͦfftte gar Sin arm vnd yettweder hand Vnd was geſchiket er do vand Do ſprach er herre ir ſit ein gaſt Guͦtter wicze vns gar gebraſt Sid ir nit herberge hat Nun pruͯffent es vns fuͤr miſſetat ⸿Jch ſol úch ſelbe marſchalk ſin Lútte vnd guͦt vnd waz heiſſet min Das ker ich úch gen dienſtes ſitten Nie gaſt ſo wirdig kam gerittēn Der im ſo gar were vnderton V́wer gnaͯde herre ſprach her Gawan Das han ich vnủerdienet noch Vnd ſol úch volgen doch Schirulus der lobes gehere Sprach als in trúwe lerte Sit es hat an mich geczogen Jch bin vor verluſte úwer voget Es neme úch denne daz vſſer her Da bin ich mit úch an der wer Sin mund do lachen ſprach Zu allen den knappen die er da ſach Ladent vff den harnaſch úber al Wir ſullent hin nider Ins tal Gawan fuͦr mit ſinem wirt Obye das nun nit verbirt Ein ſpilwib ſy ſantte Die ir vatter wol bekante Dem enbot ſy ſolich mere Da fuͯrre ein falſchere Des habe iſt rich vnd guͦt Bit Jn durch rechtes Ritt̉ers muͦt Sid er vil ſolner hat Vff ros vff ſilber vnd vff wat Das dis ſy ſin erſte gelt Er fúmt wol ſuben vffes velt ⸿Das ſpilwib zum fuͤrſten ſprach Al des ſin tochtter do veriach Wer ye vrluges pflag Dem was vil not ob er beJag An Richer koſt moͯchte han Lẏbanten den trúwen man V́ber leſten ſoldier Das er gedachte ſicher Jch ſol dis guͦt gewinen Mit zorne od̉er mit minen Die nach reiſe er nit v̉ermeid Terulus im wider reit Vnd fragte in war im were ſo gach Jch Ritte einem falſchere nach Von dem ſeit man mir mere Er ſige ein triegere Vnſchuldig was her Gawan Es hetten num an die ros getan Vnd anders daz er fuͦrtte Schereleſen lachen Ruͦrte Herre ir ſint betrogen Wers úch ſeite d̉er hat gelogen Es ſy magt man od̉er wib Vnſchuldig iſt mins gaſtes lip Jr ſúlt in anders priſen Er gewan nye múncz yſen Woͯlt ir der mere recht loſen Syn lib getruͦg nie wechſel pfoſen Secht ſine geberde hoͯrt ſine wort Er iſt in minem huſe dort Kunent ir denne Ritters kure ſpechēn Jr muſent im rechter ding iechen ⸿Sin lib ward nie von falſche balt Wer Im dar úber tette gwalt Es were min vatter min kind Alle die in zorne gen Jm ſind Mine mag min bruͦd̉er Die muͯſent des ſtrites ruͦder Gen mir ziechen ich wil in weren Von vnrechtten ſtriten nerren Wa ich herr vor úwren ſchulden mag Vs ſchiltes ampt in einem ſak Wil ich mich e ziechen So verre vs arde fliechen Das mich nyemen erkande E das ir úwer ſchande Herre an Jm begiengent Billicher ir in empfiengent Guͯtlich alle die her ſind komen Vnd úwern kom ern hand v̉ernomēn Denne das ir ſy woͯltent roben Des ſond ir úch geloben Der fúrſte ſprach la mich Jngeſechen Da mag nút arges vſz beſchehen Er fuͦrt in da er her Gawanen ſach Zwey ogen vnd ein hercze Jach 2 Die Libant mit Jm brachte dar Das der gaſt were wol gewar Vnd das recht manliche ſitte Sinen geberden wonte mitte ⸿Wem rechte liebe ye erholte Das er hercze minne dolte Herre minne iſt des bekant Das hercze iſt rechtt̉er minne pfand Alſo verſeczet vnd v̉erſchwelt Dehin mund es nyemer erczelt Was minne wund̉ers fuͯgen kan Es ſige wib od̉er man Die krenket hercze minne Vnd vil dick an hochen ſinne Obye vnd meliancz Der zweier minne waz ſo gancz Vil dicke an hochen ſinne Vnd ſtuͦnd mit ſoͯlichen trúwen Sin zorn ſoͯlt uch rúwen Das er ſo zornig von ir reit Des gab ir trurren ſoͯlich leid Das ir kúnſche ward gen Jm zorne bald Vnſchuldig Gawan des engalt Vnd ander die es mit ir doltent Sy *kam dik vf froͯwlichēn ſitten Sus flacht ir kúnſche ſich Jn dorn Es was ir beid̉er ogen zorn Wa ſy den werden man erſach Jr hercze Meliancze Jach Er ſoͯlte vor us der hoͯchſte ſin Si dacht ob er mich leret pin Den wil ich gern von Jm han Den Jungen werden ſuͯſzen man Vor alle der welt ich minne Dar Jagent mich hercze ſinne von minne noch zornes vil geſchicht. Nun wiſſet es obyen nicht. Vnd hoͯrent och wie d̉er vatt̉er ſprach Do er den werden Gawan ſach Vnd er in Jn das land empfie Vnd es mit worten ane fie Do ſprach er herre úwer komen Das mag an ſelden mir fromen Jch han gefaren menge fart Jn minen ogen ſo ſúſze nie ward Von angeſichtte Gegen dirre vngeſchichte Sol vns úwer kumfteclich̉er tag Vns troͯſten wen er troͯſten mag Er bat in da tún Ritters tat Er ſprach ob ir mangel hat An harnaſch wirt gút Rat Das lat uch herre bereitten gar Welt ir ſo ſind in min̉er ſchar Do ſprach d̉er wede her Gewan Jch werre des ein bereit man Jch han harnaſch vnd ſtarke lid Wan das min ſtritten ſtat Jn frid Vncz an ein benante ſtunde Jch lig oben od̉er vnde Das welt ich mit úch liden Nun muͦs ichs dur des miden Herre vncz ein min ſtrit erget Da min truw ſo hoch vmb ſtet Durch aller welte lutten gruͦs iJch die loͯſen muͦſz Suſt bin ich vff d̉er ſtraſen Oder ich muͦs den lib da laſen ⸿Das waz Lybant ein hercz leid Er ſprach h̉erre dur úw̉er wirdekeit Vnd durch úwer zuchte hulde So vernement min vnſchude Jch han zwo tochtren die mir ſind Lieb wan ſy ſind mine kind Was mir got hat an Jn geben Da wil ich mit In in froͯden leben O wol mich das ye gewan Den Kumber den ich von In hon Den treit doch die eine Mit mir all gemeine Vngeliche iſt die geſelheit Min herr tuͦt Jr mit minne leit Vnd mir mit vnminne Als ich mich verſinne Min herr gewalt wil tuͦn Dar durch han keinen ſuͦn Mir ſond die tochtren lieb̉er ſin Was darumb Liden ich pin Den wil ich mir zu ſeleden zeln Wer ſol mit ſin̉er tochtter weln Wie ir verbotten ſy daz ſchwert Jr wer iſt ander als wert Sy erwirbett Jn kúnſtlicher Einen ſuͦn vil ellens Riche Des ſelben ich gedingen han Nun wers úch got ſprach Gawan ⸿Lẏbant der fuͤrſte als faſt bat Herre durch got die rede lat Sprach des kúnges Lotes ſun Durch úw̉er zucht ſoͯlt ir es tuͦn Vnd lat mich trúwen nit enbern Eines dinges wil ich uch wern Jch ſage hint by dirre nacht Was ich mich *hab bedacht Lybant Jm dankte vnd fuͦr zu hand Vff den hoffe er ſine tochtt̉er fand Vnd des burgraffen toͯchtt̉erlin Die zwey ſchnaltten vingerlin Do ſprach Obilote zuͦ Tochtt̉er wannen kumſt duͦ Vatt̉er ich far da nid̉er her Jch trúwe Jm wol er mich gewer Jch wil den froͯmden Ritt̉er bitten Dienſtes nach lones ſitten Tochtt̉er da ſy dir geklagt Er hat mir weder ab noch an geſagt Kom min̉er bett vncz ende nach Der magt waz zum gaſte gach Do ſy indie kemnaten gieng Gawan ſprang vff do er ſẏ empfieng Zu der ſuͯſzen er do ſas Vnd dancktt ir daz ſy nit v̉ergas Sin. do man Jm miſſebot Er ſprach leid ye ritter not Durch ein ſuſt wenig froͯwelin Do ſolt ich durch ir inne ſin Die Jung ſúſſe clare Die ſprach on alle fare Got ſich des wol v̉erſinen kan Herre ir ſind der erſte man Der ẏ min red geſelle ward Jſt min zucht daran bewart Vnd och min ſchemlicher ſin Das git an froͯden mir gewin Wan mir min meiſtrin v̉eriach Dú red werre der ſinnen tach Herre ich bit úwer vnd min Das lert mich endenhafftte pin Den nenne ich úch geruͦchent irs Habt ir mich icht deſter wirs Jch far doch vff der maſe pfad Wan ich doch zu min ſelber bat Jr ſind mit der warheit ich Wie die namen teilen ſich Mins libes namen ſúlt ir han Nun ſind maget vnd man Jch han úwer vnd min gegert 3 Lat ir mich h̉erre vngewert Nun ſchemlichen von úch gen Darumb muͦs zu Rechtte ſten V́wer pris fuͤr úwer ſelbes zucht Sit min magtumliche flucht Gnad an uch ſuͦchett Ob irs ſelbe ruͦchent Jch wil ich geben minne Mit herczlichem ſinne Ob ir manliche ſitte hat So weis ich wol daz ir nit lat Jr dienent mir ich bin dienſtes wert Sid uch min vatter gert An frúnden vnd an magen Laund úch des nit betragen Jr dienent vns beiden vff min eines = lon Er ſprach frow úwers mundes don Wil mich von trúwen ſcheiden Vntrúw úch ſoltte leiden Min trúwen dolt pfandes not Jſt ſy vnerloͯſet ich bin tod Doch lauſſen mich dienſt vnd ſinēn Kerren gen úwer minne E das ir minne mugent geben Jr muͯſſent fúnff iar E leben Das iſt úwer minne zil ein zal Do dacht er des wie parczifal Wiben bas getrúwett denne got Sin beueh*beuelchen waz der megde gebot. Gawan in das hercze ſin / Do lobt er dem frowelin Er wolte das wapen dur ſy tragen Er begund ir furbas ſagen Jn úwer hende ſy min ſchwert Ob yeman tẏoſt gen mir gert Den pondir ſoͯlt ir Rittēn Jr muͦſſent da fuͤr mich ſtritten Man mag mich da In ſtrite ſehen Der muͦs min halb von úch beſchechēn ⸿Sy ſprach vil wenig mich daz beuilcht Jch bin úwer ſchirm vnd úwer ſchilt Vnd úwer hercz vnd úwer troſt Sid ir mich zwifels habt erloſt Jch bin fuͤr vngefelle V́wer geleit vnd úwer geſelle Fuͤr vngelúkes ſchuͤr ein tach bin ich úch ſenfftteklich gmach Min minne ſol uch fride bern Gelúkes vor der angſt wern Das úwer ellen nit verbirt Jrn wert úch faſt vncz an den wirt Jch bin wirt vnd wirtine Vnd wil bẏ uch in ſtrite ſin Wenn ir des gedingen hat Seld vnd ellent úch nit lat Do ſprach d̉er werde Gawan Frow ich wil ſy beidú han Sid ich in úwerm gebot lebe V́wer minn vnd uͤwers troſtes gebe Die wil waz ir hendelin Zwúſchen den henden ſin Do ſprach ſy herre nun lat mich farn Jch ſol och mich daran bewarn Wie fuͯret ir oͯne minen ſold Dar zu bin ich úch zu hold Jch ſol mich arbeitten Min cleinot úch bereitten Wenne ir das tragt deheine wis V́ber hochet úch nyem̉er and̉er pris Da fuͦr die maget vnd ir geſpil Sy butten beidu ir dienſtes vil Gawane dem gaſte Der neig ir hudenhulden faſte Er ſprach vnd ſond ir werdēn alt Truͯge denne nicht wen ſper der wald. Als ers an andrem hohze hat. Das wurde úch zwein ein Ringe ſat. úch: Korrektur des diakritischen Zeichens über u? Kan uwer Jugent ſus zwingen. Welt irs in das alter bringen. Juwer minne Lert nach Ritters hand. Da von ye ſchilt gen ſper v̉erſchwand Dannen fuͦrent die mege beide Mit froͯden one leide Des Burgrauen toͯchtt̉erlin Sprach nun ſagt mir frowe min Was habt ir im zu geben wan Sid das wir nit won token han Sind die mine ich ſchoner icht bas Die gebt im one minen has Das wirt vil wenig nach geſtritten Der fúrſte lybant kam geritten An dem berg enmitten Obilot vnd Clauditen Sach er vor im vff hin gen Die bat er beide ſtille ſten Do ſprach die Jung oblet Vatter mir ward nie ſo not Diner hiffhilff dar zu gib rat Der Ritter mich ge*geerret hat Tochtter wes din wille gert Han ichs des biſtu gewert O wol der frucht die an dir lag Din geburt waz d̉er ſelden tag ⸿Vatter ſo wil ich dirs ſagen Heimlich minen kumber clagen Nach dinen gnaden dar zu ſprich Er bat ſy heben fuͤr ſich Sy ſprach war keme min geſpil Da hielttent da bẏ Im Ritt̉er vil Die ſtritten wer ſy ſoͯlte nemen Das moch ir ietlichem wol gezemen Je do bot man ſy einem dar Claudite was och wol gefar Alrittende ſprach d̉er vatter zu ir Oblett nun ſage mir Ein teil von din̉er noͯtte Do hab ich cleinote Dem froͯmden Ritt̉er gelobt Jch wenn ich hab getobt Ham *Han Ich im nit zu gebent Was toge Jch denne zu leben Sid er mir dienſt het gebotten Nun muͦs ich ſchamlich rotten Ob ich im nicht zu geben han Ein meide ward nie ſo lieb einēm man Er ſprach dochtter ward an mich Jch ſol wol bewarren dich Sid du dienſtes von Im gerſt Jch gib dir das du Jn gewerſt Ob ioch halt dich din muͦtter lieſſe Got geb das ich ſin genieſſe Owe er ſtolcz̉er werder man Was ich gen im gediennen kan Nie wort ich dennacht zu Jm geſprach Jn mimen ſchlas Jch in hinnacht ſach Lybant reit zu d̉er herczogin Vnd oblet die tochtter ſin Do ſprach er frowe ſtúrent vns zwey Min hercz nach froͯden ſchrei Do got mir diſú magt beriet Vnd mich von vngemache ſchied Die altú herczogin ſprach ſan Was welt ir mins guͦttes han 4 Frow ſind ir des bereit Oblet wil beſſer cleid Si dunkt ſich mit wirde werd Sid ſo werder man ir minne gerd Vnd er ir búttet dienſtes vil Vnd och ir cleinode wil Do ſprach der meide muͦtt̉er Er ſuͯſſer man vil guͯtter Jch mein ir meinent den froͯden gaſt Sin blick iſt rechtt̉er ein meigen glaſt Do hies dar tragen *die wiſe Semit von ethiniſie Vnuerſchrotten wat truͦg da mit Pfelle von Thaburnit Vſſerm land trẏbalibot An Kankaſas daz gold iſt rot Dar us die heiden menige wat Wúrket die vil ſpeche ſtat Von Rechtter art uſz ſyden Lybant hies balde ſchniden Sin̉er tochtter cleider Er múſchte gerne beider Der boͯſten vnd d̉er beſten Von gold einen pfelle veſten ⸿Schneid man an daz froͯwlin Jr muͦſz ein arm gebloͯczet ſin Da was ein Ermel von komen Der muͦſte gawan fromen Das was ir preſente Pfelle von oriente Were vs heidenſchafft gefuͯrt Er het ir rechtten arm geruͯrt Doch nit an den rock genett Do ward nẏe fadem zu getrett Den brachtte clauditte dar Gawane dem wol gefar Do ward ſin lib gar ſorgen fry Sin̉er ſchilte wauren drẏ ſchilte: Vermutlich wurde ſchilte um einen bereits bestehenden Tintenklecks herumgeschrieben. Vff einen ſchluͦg er zehand Als ſin trure gar v̉erſchwand Sinen groſſen dank er nit verſchweg Vil dick er dem wege neig Da die Junckfrow gieng Die In ſo guͯtlich empfieng Vnd Jn ſo minenklichen An froͯden machte richen DEr tag het end vnd kam die nacht Zu beider ſitt was gros macht Manig Ritter werlich guͦt Wer der vſren her ſoͯlichú fluͦt So hettent die Jnren ſtrites vil Do maſen ſy ir lecze zil By dem liechten monen Sy kundent ſich wol onen Forchtlich̉er zagheit Vor tage was von Jn bereit Zwoͯlff ſingel wite Vergrabt gegen dem ſtritte Das ieſlich zingel muͦſte han Ze roſe vz dri barbigan Kardefablet von Jamor Der marſchalk nam vier tor Des manes morgens ſuch ſin her Wol mit ellenthafftter wer Der herczog Riche Streit do Ritterlicher Die wirtin was ſin ſchweſt̉er Er was des muͦttes weſt̉er Denne menig and̉er ſtritender man Der wol in ſtrit turniern kan Sus leit er dick in ſtrit pin Sin her do zagte des nachtes Jn Er was verre dar geſtriche Stritenlicher herr*herre Vier porte er da wol were Was h̉erres ennet d̉er bruge lag Das zogt och úb̉er E kom der tag / Ze Bearoſe in die ſtat Libant der fúrſte ſy des bat Och waurent die von Jamor Geritten úber die bruge vor Man befalch yetlichem porte ſa Das ſy werlich da Stuͦndent als der tag erſchein Scherules der erkos im ein Die er vnd her Gawan Nicht vnbehuͦt woͯltent lan Man erhorte do von den geſten Jch wene da werent die beſten Sy clagtent do das waz geſchechen Ritterſchafftt gar oͯn ir ſechen Vnd das die veſperie ergieng Das ir dehein̉er dehein tioſt empfieng Dú clage was gar one not Wan vngezalt mans in do bot Alle den des geruͦchten Das ſys vſz ze felde ſuͦchtent Jn den gaſſen kos man gros ſcla Och kos man hie vnd da Manig banier ſchreken In Als by dem mone ſchin Vnd mengen helm von Rich̉er koſt Man wolt ſy fuͯrren gen d̉er tioſt Vnd manig ſper wol gamal Ein bogen ſpurg̉er zindal Wer ze ſchwachem werde Von KeBearoſhe vff d̉er erde ⸿Ma ſach da wappenrok vil Wol richer an der coſte zil Die nacht tet nach ir alten ſitte An dem orte ein tag erczoͯgte mitte Do kos man nicht by lerchen ſang Man horte do vil lutte clang Das kam von ſtrittes ſachen Man hort da ſper krachen Recht ob es wer ein wolken bruſt Da was des im nit geluſt Man hort das mengen amis Da was das Junge her von Lis Komen an die von Lyrauoyn Vnd da dem kúng von amodyonauendroyn Do erhal menig tioſt guͦt Als der warffe in groſe gluͦt Gancze Kanſtange Avoy wie vff dem plange Von den geſten wart geritten Vnd von den Burgern geſtritten Gawan vnd ſchahtelúr Durch der ſele auentúr Vnd durch ir ſelden vrhab Ein pfaffe in ein meſſe gab Der ſant ſy beidú got vnd In Do nachet in wirdenklich̉er gewin Das was ir geſeczte Do Rittens in ir lecze Jr zwingel was da vor hehuͦt Mit mengem werden Ritt̉er guͦt Das wauren ſcherules man Wen dennen ward es do guͦt getan ⸿Was welt ir das ich ſpreche mer Wan poydekomvncz waz daz her Der Reit zu mit ſoͯmlich̉er krafftt Vnd wer der ſchwarczwald ye ſtud ein ſchafft Man doͯrfftt da nit mer waldes ſechen Wer ſine crafft woͯlte ſpechen Der reit mit ſechs fannen zuͦ Vor den man ſtrites begunde fruͦ Bruſune dabent doſſes clack Als der dorne der y pflack Wer ſine crafftt welte ſpechen Der moͯcht iechen Vil angſtlicher vorchte Manig tambure worchte Mit den buſſunern gallen Wart ye der do ein ſtupff hallten Gtret des enmag ich nicht Erpfurtere wingartte gicht 5 Von tretten nach d̉er ſelben not Vil roſe fúſe die ſchlacht do gebot Nun kam der herczoge Caſtor Mit Striten an die von Jamor Da wurdent ſtich geweczet Manig werder man geſeczet Hinders ros vff den acker Sy waurent irs ſtrites wak̉er Vil froͯmder krẏ man da rieff Manig foln on ſinen meiſt̉er lieff Der herre doͯrt zu fuͦſe ſtund Jch wen Jn werre fallen kund ⸿Nun ſach her Gawan Das geflochten was d̉er plan Die frúnd in d̉er vient ſchar Er huͦb ich och mit ſtrite dar Muͯlich ſin waz ze wartten Dú ros er wenig ſparte Therules vnd alle die ſinen Gawan ſy bracht in pinen Was er do Ritt̉er nid̉er ſtach Vnd was er ſtarker ſper zerbrach Der werde tauelrunder bot Hett er die krafftt nit von got So were do priſes fuͤr in gegert Do ward erclenget menig ſchwert Jm wauren allu beidú her Gen den waz ſin hand ze wer Die von Loys vnd die von Gors Von beiden ſitten er menig ros Gezogen brachte ſchierre Zu ſins wirtes banierre Vnd fragtte obs yement welte da Jr was gnuͦg die ſprachent Ja Sy wurdent alle gliche Sin̉er geſelſchafft Riche Nun kum ein Ritt̉er har gefarn Der och die ſpern nit konde ſparn Der Burgraue von beareis Vnd Gawan der kurtis Die koment an ein ander Das der Junge Lyſavander Hinderm ros vff den bluͦmen lag Won er vom ſtiffch vallens pflag ⸿Das iſt mir durch den knappen leid Der des vordren tages mit zúchtēn reit Vnd Gawane ſagtte mere Wa von dis komen were Der erbeicz úber ſinen h̉erren nid̉er Gawan Jn erkante vnd gab im wid̉er Das ros das da was beiagt D̉er knapp in neig wart mir geſagt Nun ſecht wa Kardifablet Selb vff dem acker ſtet Von einem ſtich mit hurt erkant Die tett Meliahkanzes hant Do zuckttent in die ſine enbor Do wart dicke Jamor By herten ſchlegen ſchwertes geſtrechit Da was enge vnd nit zu wit Do hurte gen der hurtte drang Menig helm in In die oren clang Gawan nam ſin geſelſchafftt Do ergieng ſy ſtritten mit krafft Mit ſins wirttes baniere Beſchut er hartte ſchiere Von Jamor dem werden Do ward vff der erden Manig Ritter nid̉er gefellet Globent es ob ir wellen Mir ſind geczuge gar verczagt Was als dú Auentúre ſagt ⸿Lechkons Ehmontange Kam gen Gawane Da wart ein richer ſtich geton Das der ſtarke Lachdoman Hinderm Ros vff dem aker lag Dar nach er ſicherheite pflag Der ſtarke tegen wert erkant Dú ergieng Jn Gawans hant Do ſtreit der herczog Cuſtor Den zinglen aller nechſt vor Da ergieng menig hertt̉er ſtritt Vil dik Nantys ward geſchrit Artus her zeichen Die hertten nit die weichen Was da meng̉er ellend̉er britannys Vnd ſoldire von deſtrigeis Vs Erekers lande Der tat man do erkande Der pflag d̉er herczog von Lonvarvncz Och mochte poydekonivncz Die brytonyſe alle ledig lan So ward es do vor in getan Sy wurden Artuſe Zer montange Cluſe Ab gefangen do man ſtritten ſach Jn einem ſturme daz geſchach einem: Punkt über m. Dieser scheint über keine Funktion zu verfügen. Sy ſchrient Natys nach ir ſitten Do oder wa ſy ſtrites bitten Es was ir krẏ vnd ir art Ettlicher truͦg vil grawen bart ⸿Doch hett ettlich̉er Biton Durch bekantnuſſe ein gampilun Vffem helm od̉er vff dem ſchilt Nach Jlinotes wapen geczilt Der was artus werder ſuͦn Was mag Gawan nun tuͦn Er erſúnffczete do er die wappen ſach Won Im ſin hercz Jamer iach Sins oͯchains ſuͦnnes tod Brachte Gawan Jn Iam̉ers not Eer kantte wol d̉er wappen ſchin Do uber luffen Jm die ogen ſin Der lie die von Britanie Turnieren vff dem plange Er wolt mit in ſtritten nicht Als man noch frúntſchafftte gicht Er reit gen Malianzes her Die Burger waurent do ze wer Das mans in danken mochte Wan das in nicht gedochte Das velt gen inen begund úb̉erkraff zuhabēn Sy waurent getriben vff den graben Den burg̉ern menge tioſt do bott Ein Ritt̉er allenthalben Rot Der hies der vngenantte Wan in nyeman do erkantte ⸿Jch ſagen úchs als ichs han v̉ernomēn Er was ze Meliencze komen Da vor am dritten tage Des Koment die burger Jn clage Meliancze der helffe ſich bewag Dem erwarb och er von Semblidag Zwoͯlff knappen die ſin nomēn war Der tioſt vnd inder poynd̉er ſchar Was ſprſper moch gebietten ir hand Die wurdent alle verſchwand Sine tioſt waurent von hurte hel Won er dem kung ſchirniel Vnd ſinen bruͦd̉er da fieng Donacht mer von Jm da ergieng Sicherheit er nit erlies Den herczogen Maranglies Die waurent des ortes herte Jr volck ſich denocht werte Meliancz d̉er kúng ſelbe ſtreit Wenn er lieb oder hercz leid Hett geto der múſze Jechen 6 Das ſeltten ye was geſchechen Von deheinem alſo Jungen man Als es do von Jm ward getan Sin hand vil veſter ſchilt zerclob Was ſtarker ſtangen von Jm zerſtob Do ſich ſtrit gen ſtrit ſchlos Sin Junges hercz was ſo gros Das er ſtrites muͯſte gern Des mocht in niemen da gewern Vollenklich daz was ein not Vncz im Gawan vollenklichen bot ⸿Von ſinen knappen er do nam Der zwoͯlff ſper eins von agram Als ers erwarb von pomizol Melianczes krẏ waz barbigol Dú werde hoptſtat in Lys Gawan nam ſin̉er tioſt flis Dú lerte Malianczen pin Von Oraſte genteſin Der ſtarke roͯrin ſchafftt Do ward getriben mit hurtes krafft Das tet Gawan d̉er werde gaſt Durch den ſchilt im arm er braſt Ein Riche tioſt da geſchach Gawan Jn flúglingen ſtach Vnd enzwey ſinen ſattelbogen Das die helde vnbetrogen Hindern roſen ſtuͦndent Do tatencz als ſy kondent Mit den ſchwerten durnen Da were zwen geburren Getroſche me denne gnuͦg Yettweder des and̉er grabe truͦg Die wurden ſtukochtte hin geſchlagēn Meliancz ein ſper muͯſte tragen Das ſtec*ſtectte dem helden durch den arm Bluͦtig ſchweis im machte warm Do zuckte in min her Gawan Jn Breuegariezere barbigan Vnd zwang Jn ſicherheit Der was er im bereit Werre der Junge man nit wund Denne werre ſin fachen nyemēn kund Das er im werre vnderton Man muͯſt in ſin leng̉er han v̉erlon Rybant d̉er fúrſte des landes wirt. Rybant: l vorgeschrieben, aber die ausgeführte Initiale ist eindeutig nicht l. Des manheit ellen nit verbirt Mit dem Streit der kung von Gros Do muͦſtent beidú lút vnd ros Von ſtritten liden pine Do die Kachedine Vnd die Sariande von Semblidak Jeglich̉er ſin̉er kunſte pflag Turkopel kunden wenken Die Burg̉er muͦſtent denken Was viande vor Jr lecze ſchied Sy hetten ſariande aphied Jr zingel wauren ſo behuͦt Als da man noch das beſte tuͦt Welich werdman da den lib v̉erlos Obyen zorn er vnſanft erkos Wan ir tumbe boſzheit Vil lút bracht in arbeit Es engalt ir vatt̉er Lybant Sin herr d̉er alte kung ſchant Hettes in erlaſen gar Do begund muͯde och die ſchar Denocht ſtreit vaſte Meliahkancz Ob ſin ſchilt were gancz Es was nit hende breit beliben Do hette Jn verre hin dan getriben Der herczog kardefablet Der turnei al ſtille ſtet Vff einen pluͯmigen plan Do kam min her Gawan ⸿Des kam Meleakancz in not Wan Jm der werde Lanzilot Nye ſo faſt zu getrat Do er von der ſchwert*ſchwertbruke pfat Kom vnd da nach mit Jm ſtritten Jm was gefancknús mitten Do frow Gynouer dolte Die er do mit ſtrite holte Do pungnierte Lotes ſuͦn Was mag Meleachancz nun tuͦn Er tribe das ros mit ſporn dar Vil lútte nam d̉er tioſt war Wer da hinderm ros gelege Wer den von norwege Gefellet hett vff die owe Menig Ritter vnd frowe Diſe tioſt ſy ſachen Gawan ſy pris gaben Den frowen es guͦt zeſechent was Hin nider von dem palas Das Meliachancz wart getret Durch ſinen wappenrok gewet Manig kos daz ſid nye gruͤſch enbeis So fiel vff in der bluͯtig ſchweis Da er gieng d̉er roſe ſchelmig tag Dar nach den giren ir beiag Do nam d̉er herczog Caſtor Meleachkanczen den von Jamor Die hetten in nach gefangen Der turneẏ waz zergangen ⸿Wer da nach priſe wol ritte Vnd nach d̉er wiben lone ſtritte Lat mich ſy wol erkennen Soͯlt ich v́ch ſẏ alle nemen Jch wurde ein vnmuͯſig man Jnerhalb ward es do guͦt geton Durch die Junge Obilot Vnd vſſerthalb ein Ritt̉er rot Die zwen behielttent den pris Vnd fuͤr ſy nieman In dehein wis Do des vſzren h̉erres gaſt Jnnen ward das im gebraſt Dienſtes dankes von dem meiſt̉er ſin ſin: Strich über n ohne klare Funktion. Der was gefangen hin In Er reit da er ſine knappen fand Zu ſinen gefangen ſprach er ze hand Jr h̉erren ir gabent mir ſich̉erheit Mir iſt hie wid̉er farren leit Gawan iſt der kúnig von Lis Nun kerrent allen úwren flis Ob ir ledig mugen ſin Mag er daran genieſſe min Sprach er zem kúng von Auendroyn Vnd ze ſchirniel von Lyravoyn Vnd zum herczogen Marangleis Mit ſpecher gelúpte er ſy lies Von Jm Ritten in die ſtat Melyanczen er ſy loͯſen bat Oder das ſy Im wurben vmb den gral Sy konden im ze deheinem mal Geczeigen nyem̉er wa d̉er was Wan ſin pflege ein kúng hies Anfrotas ⸿Do diſu red von Jn geſchach Der rotte ritt̉er aber ſprach Ob min̉er bett nich erge. So wartent wa pelarapeire ſte Bringent d̉er kungin min ſicherheit Vnd ſagent ir der durch ſy da ſtreit Mit kúngrune vnd Clamide Dem ſige nun nach den grale we Vnd doch wid̉er nach ir minne Nach beiden Jch ymer ſinne Sagt ir von mir ich ſonde uch dar Jr helde das uch vnd ſy got bewar Mit vrlob ſy Rittent In Do ſprach er och zun knappēn ſin Wir ſind gewinnes nit v̉erczagt Nemt waz hie Roſen ſy beiagt Wan eines latt mir andirre ſtund Jr ſecht wol daz min iſt ſere wunt Da ſprachent die knappen guͦt V́wer gnad h̉erren daz ir vns tuͦt V́wer hilff ſo groͯſzliche Wir ſind nun ym̉er Riche Er erwalt Jm eins vff ſin fart Mit den Rotten oren Jngliart Das doͯrt von Gawane gieng Jnne des do er Melianczen vieng Do holt es des Rotten Ritt̉ers hand Des wart verdurket etlich rant Mit vrlob tet er dan kere Fúnffczechen ros od̉er mere Lies er inen one wunden Die knappen danken kunden Vnd bliben batten ſy in vil Fuͤrbas geſtoſen was ſin zil ⸿Do kerte der gehúrre Da guͦt gmach waz túre Er ſuͦcht nit wan ſtriten Jch wenne by ſinen zitten Je dehein man ſo vil geſtrit Das vſſer her al zogen reit Gen herberg durch gemach Doͯrt Jnne der herczog Lybant ſprach Vnd fragtte wie es da were komēn Jch wenne er het vernomen Melianz were gefangen Das was Jm lieb ergangen Wan es kam Jm ſid ze troſte Gawan den ermel loſte Ane zerren von dem ſchiltte Sinen pris er hoͯcher ziltte Den gab er Clauditen An dem ortte vnd enmitten Was er durch ſtochen vnd durch ſchlagen Den bat er Obliten tragen Do ward d̉er megte froͯde gros Jr arm was blank vnd blos Dar úber hafftte ſy den ſan Sy ſprach wer hat mir da getan Jemer ſo ſy fuͤr ir ſchweſt̉er gieng Die diſem ſchimpff mit zorn empfeng ⸿Den Rittern den was do Ruͦwe not Wan Jn groſe muͯde das gebot Schurules nam Gawan Vnd den grauen Lahdoman Denocht mer Ritt̉er er da fand Die Gawan mit ſin̉er hand Des tages vff dem felde fieng Da manig gros hurt ergieng Do ſaczte ſy Ritterliche Der Burgraff Riche Er al ſin muͯde ſchar Stuͯndent vor dem kúnge gar Vncze das Meliancz enbeis Guͦtter handlung er ſich do fleis Des duchte Gawan ze vil. Ob úchs der kúng erloben wil Her wirt ſo ſond ir ſiczen Sprach her Gawan mit wiczen Sin zucht Jn dar zu Jagt Der wirt die bett verſagt Er ſprach min herr iſt des man Diſen dienſt het er getan Ob den kung des gezeme Das er ſin dienſt neme Min herr durch zucht ſin nit ſicht Wan er hat ſin̉er hulde nicht Geſamlet die fruntſchafft ym̉er got Wir leiſten alle ſin gebott Do ſprach d̉er Iunge meliancz V́wer trúw die waz ſo gancz Die wil das ich wonte hie Das úwer rat nie verlie Hette ich uchs bas gefolget do So ſeche man mich hútte fro Nun helffent mir graue ſcherules Wan ich úch wol getrúwen des Vmbe minen h̉erren d̉er mich hie hat Sy vernemt wol beidu úwern Rat Lybant der and̉er vatt̉er min Tuͦ ſine zucht nun an mir ſchin Jch hette ſine huld nit v̉erlorn Woͯlte es ſine tochtt̉er han enborn Die pfberuͯfftte gen mir torren Schimpff Das was vnfroͯwlich gelimpff ⸿Do ſprach der werde Gawan Hie wirt ein ſúne getan Die niemet ſcheidet wan d̉er tod Do koment die der Ritt̉er Rot Hin vz het gefangen het gefangen: Grösserer Abstand zwischen den beiden Wörtern aufgrund eines mutmasslichen Flecks. Ouch fuͤr den Kung gegangēn Vnd ſagttent wie es da waz komēn Do Gawan hat v̉ernomen Sine wappen d̉er mit Jn da ſtreit Vnd wem ſy gabent ſicherheit Vnd do ſy ſeitten vmb den Gral Do ducht er wis daz barczifal Diſes merres were ein vrhab Sin nigen er gegein himel gaggab Das got ir ſtrites gegen biett Des tages von ein andren ſchied ⸿Das was ir helndú zucht ir pfand Das ir dewedrer ward genant Sy erkantent och nieman da Das tet man ab̉er ander ſchwa ⸿Ze Meliancze ſprach ſcherules Herre muͦs ich úch bitten des So Ruͦchent minen h̉erren ſechen Was frund da beidethalb Iechent Des ſúlt ir gerne volgen Vnd ſind im nit verbolgen Das ducht ſy guͦt úber al Do ſchwúrencz vff des furſten ſal Vnd Jnre her von der ſtat Lybantes Marſchalk ſy des bat ⸿Do nam min her Gawan Den grauen Lahdoman Vnd ander ſin gefangen Er kam dar zu gegangen Vnd gab ſy geben ſicherheit Die er des tages ab inn erſtreit Scherules ſinem wirt Manlichú nun nit verbirt Er kam als do gelopt was Ze Bearoſze vff den palas / Meliancz gab den Burg̉ruvin Burg̉ruvin: Auffälliges er-Kürzel über gu Riche kleider vnd ein Riſelin Da er ſinen wunden arm In hieng Da Gawans ſper durch gieng ⸿Gawan by ſcherules enbot Siner frowen obilot Das er ſy gerne wolte ſechen Vnd och mit warheit Jechen Sins libes vndertone*vndertonen Vnd er wolte och ir vrlob han Sagent ich las ir den kúng hie Bit ſy ſich bedenken wie Das ſy in alſo behalte Das pris ir fuͦre walte Des antwurt Meliancz Er ſprach oblet wirt crancz Aller wipplich̉er guͯtte Des ſenfftte ſy mir min gemuͯte Das ich ſicherheit muͦs Jechen Vnd och ir frides hie muͦs leben Jr ſuͯlt ſi do fuͤr han erkant V́ch envient hie niemēnt wān ir hand Do ſprach der werde Gawan Minen pris ſol ſy alleine han Scherules kam fuͤr geritten Nun was ze hoffe nit v̉ermittēn Da were maget man vnd wib Jn ſoͯlicher were yeglichs lib Das man da armer krank̉er wat Des tages hette liehten rat Mit Meliancze zu houe reit Alle die doͯrt vſz ir ſicherheit Ze pfande hat gelaſzen Doͯrt allú vierú ſaſzen Der wirt ſy wib ſine kind Lybant gegen ſinem h̉erren ſprang Vff dem palas ward gros gedrang Da man vigent vnd frunde empfieng Gawan by Meliancze gieng Konde es úch nit verſchmachen Mit kus úch welte verſchmachen V́wer alleú frúndin Jch meine min wib die herczogin Meliancz anttwurt dem wirte ſan Jch wil irn kus mit gruͦſe han Zweiger frowen die ich hie ſiche Der dritten ich nit ſuͯne verieche Des weintent die alte beidu do Oblet vaſte was fro Den kúng mit kuſſe empfangēn ward Vnd zwene ander kunge one bart Als tet der herczog Maranglies Gawan man och kuſſes nit erlies Vnd das er neme ſin frowen dar Er tructe das kind wol gefar Als ein token an ſine bruſt Des zwang Jn frúntlich geluſt Gawan ze Melianczen ſprach V́wer hand mir ſicherheit vergach Der ſit nu ledig vnd gebt ſy her Aller min̉er froͯden wer Siczent an dem arme min Der gefangen ſúlt ir ſin ⸿Meliancz dur daz er nacher gie Die maget her Gawan vmbefie Oblet do ſicherheit geſchach Das es menig werd̉er ritt̉er ſach Her kúng nun habt ir miſſeton So min Ritt̉er ſin ein kouffman Des mich min ſchweſt̉er vil an ſtreit Das ir Jm gebt ſicherheit Sus ſprach die Junge oblett Meliancze ſy dar nach gebot Das er ſicherheit verieche Dú in Jr hand geſeche Jr ſchweſter obyen Ze Einer amyen Súlt ir ſy nemen durch Ritt̉ers pris Ze einem h̉erren vnd ze einēm amis Sol ſy úch ymer gerne han Jch wil úch dewederhalb erlan Got vs irem Iungen munde ſprach Jr bett bedenthalb geſchach Do meiſter frow minne Mit fruntlichem ſinne Vnd hertliche trúwe Der zweyer liebe al núwe Obien hand fuͤr den mantel ſchleiff Melianczes arm ſy begreitbegreif Vnd drunkttein an irm Rotten mund Alda er was von ſtrit wund Menig zecher Jm den arm begos Der von ir liehten ogen flos ⸿Was machet ſy vor d̉er diet ſo bald Das tet die minne Iung vnd alt Lybant nun ſinen willen ſach Wan Im ſo lieb nie geſchach Das in got der erren nit enlies Sin tochtt̉er er do frowe hies Wie die hochzit ergieng Des fragt den ob ir welt d̉er die gab da empfieng Vnd war manliche Ritte Er hette gemach od̉er er ſtritte Des mag ich nit ein ende han Man ſagte mir daz Gawan Nam vrlob vff dem palas Das er durch vrlob komen was Das was obilete leit Wan ſy gros weinen nit v̉ermeid ⸿Do ſprach ſy h̉erre ſid ich bin V́wer ſo fuͦrt mich mit úch hein Do wart der Jungen ſuͯzen magt Die bett von Gawan gar v̉erſagt Jr muͦtter ſy kum Jm gebrach Vrlob er do zu allen ſprach Lybant Im danket gnuͦg Wan er im holdes hercze truͦg Scherules ſin ſtolczer wirt Mit allen den ſinen nit verbirt Er ritte vs mit tegen bald Gawans ſtraſſe in einen wald Gieng. dar ſante der werde man Vnd ſpiſe ver mit Jm dan Vrlob nam d̉er werde held Gawan gen kumb̉er waz v̉erſelt Wer nun was ze Aroſche komen Doch het Gawan do gewunnen Des pris zu beiden ſitte alleine /. Won das da vor der ein ritter ſchein Bi rottem wappen vnerkant Des pris man do ſo hoche band Gawan hat erre vnd heil yettweders vollenklichen teil Nun nachett och ſins kampeskampffes zitt Der wald was lang vnd wit Dar durch er muͦs ſtrichen. Wolt er kampfes nit entwichen Ane ſchulde er waz dar zu erkorn Nun was ouch Jngliart v̉erlorn Sin Ros mit Rotten oren Jn Taburnit von Moren Ward nie beſſer Ros erſprenget Hie in ſchachte doͯrt im wal genet Nun ward der walt gemenget Vnd der weg geenget Hie ein ſchlachtte doͯrt ein velt Ettliches ſo breit daz ein gezelt Vil kume dar uff Stuͯnde Mit ſehen Gawan er kunde Erbuwens land hies Aſcalun Do fragt er gen ſchafenzun Was im folkes wid̉er fuͦr Hoch gebirge menig muͦr Des het er vil durch ſtrichen dar Do nam er ein̉er burge war Avoy die gab vil werden glaſt Da kert engegen des landes gaſt Nun hoͯrent von auentúre ſagen. Vnd helffent mir das wunder clagen Gawans groſen kumber Min wiſer vnd min tumber Die túncz durch ir geſelheit Vnd laſen Jn mit mir ſin leit Owe nun ſolt ich ſchwigen Nein lat fuͤrbas ſigen Der ettwenne gelucke neic Vnd nun gen vngemache ſeic Diſe burg waz gehoͯret ſo Das eneas kartago Nie ſo herlichen fand Do frow dydon tot waz minnēn pfand Was ſy palaſe pflege Vnd wie vil da tuͤrne lege Jr hett Acraton gnuͦg Die ane babilone ie truͦg Am griffe die hoͯchſten witte Nach heiden voran ſtritte Sy was alvmbe wol ſo hoch Vnd do ſy gen dem mere zoch Dehein ſturm ſy wider ſas Nach groſſem vngefuͦgem has Dar vor lag Raſte wit ein plan Dar úber Reit her Gawan Funff hund̉ert Ritt̉er od̉er mer Ob den allen was ein her Die komen Im do wid̉er ritten Jn liechten cleidern we*well geſchnittēn ⸿Als mir die Auentuͤre ſagte Jr feder ſpil do iagte Den krank od̉er waz vor Jn floch Ein gereit von ſpangen hoch Reit der kúng vergulaht Sin blic was tag wol by d̉er nacht Sin geſchechte ſande Marzadan Fuͤr den berg ze frandrigan Sin art was von den feien Jn duchte er ſeche den meigen Jn rechtter zitt von bluͦmen gar Wer nam des kunges varwe war Gawanen des beduchte Do der kúng ſo gen Im luchte Es werre der and̉er parczifal Vnd das er gamahurtes mal Hett als dis mere weis Do der reit in ze kanvoleis : Oben links in der Ecke befindet sich eine Kustode auf dem Kopf. 4 Offenbar wurde das Doppelblatt nummeriert und verdreht bevor es beschrieben wurde. Das Doppelblatt ist an beiden Ecken mit 4 nummeriert. Ein Reigel der durch flucht entweich Jn ein murrigen tich Den brachtent falken dar gehurt Der kúng ſuͦchte vnrechten furt Jn falken hilffe ward er nas Sin Ros verlor er vmbe das Dar zu allú die cleider ſin Doch ſchied er falken von pin Das noment falknere Ob das ir recht icht were Es was ir Recht ſy ſoltencz han Man muͯſte ſy by rechte lan Ein and̉er ros man im do lech Des ſinen er ſich gar verczech Man hieng och and̉er cleid an Jn Jennes was d̉er falckn̉er gewin Hie kam gewan zu geritten Avoy nun ward da nit v̉ermitten Er wurde bas empfangen Denne ze karidol werre ergangēn Ereckes empfachen Do er begunde nachen Artuſe nach ſinem ſtritte Vnd do frow enyte Sin̉er froͯden was ein kondwir Sit im Malicliſir Das getwerg ſin vel vnſanfftte = brach Mit der geiſlen daz Gynow̉er ſach Vnd do ze Toͯlmein ein ſtrit Ergieng Jn dem Creiſe wit Vmb den ſperwere Jrde filnot der mere Jme ſine ſicherheit do bot Er muͦſt es Jm bietten fuͤr den tod Die Rede latt ſin nun hoͯrren hie Jch wēnne das freiſheit ir nie Werdem anefang nach gruͦs Owe das wurt vnſanfftte buͦs Des werden lotes kinde Ratentt irs ich erwinde Vnd ſage úch fuͤrbas nit mere Durch truren tuͦn Jch wider kere ⸿Doch vernemt durch úw̉er guͯte Wie ein lutt̉er gemuͯte Fremder falſch frumte truͯbe Ob ich úch fuͤrbas vͯbe Dis merre mit Rechtt̉er ſage So kompt ir mit mir in die clage Do ſprach der kúng vergulacht Herre ich han mich des bedacht Jr ſúlt Ritten doͯrt hin Jn Mag es mit úwren hulden ſin Jch bericht úch nun geſelheit Jſt aber uch min fuͤrbas ritten leid Jch laſze was ich ze ſchaffen han Do ſprach d̉er werde Gawan Herre was ir gebiet Billich ir uch des niet Das och one minen zorn Mit guttem willen gar verkorn Do ſprach der kung von Aſcalun Herre Ir ſ*ſecht wol ſchanfenzun Da iſt min ſchweſter vff ein magt Was yemen von ſchoͯne hat geſagt Das hat ſy vollenklichen teil Welt irs nu pruͯffen fuͤr ein heil Das iſt war ſo muͦs ſy ſich bewegen Das ſy úwer vncz an mich ſol pflegēn Jch kom och ſchierre den ich ſol Och erbeittent Jr min vil wol Geſicht ir die ſchweſt̉er min Jr ruͦchent wol ob ich lenger bin Jch ſiche úch gern alſo tuͦt och ſẏe Doch hat mich groſer frowen ye Jr werden handlung erlon Sus ſprach d̉er ſtolcz gawan Der kung ſant mit Jm einēn ritt̉er dar Vnd enbott d̉er megte daz ſy ſin war So neme das lange wile Jn duchte ein kurcze ile Gawan fuͦr dar d̉er kung gebot Woͯlt ir noch ſchwig ich groſſ̉er not Nein ich wils ir fuͤrbas ſagen Straſze vnd ein pfert begunde tragēn Gawan gen der porte An des palas orte Wer buwes ye begunde Bas denne ich ſprechen konde Von diſes buwes veſte Da lag ein burg die beſte Die ye genant wart erſtifft Vnmaſſen wit waz ir vmbgriff Der burge lob ſúllent wir laſen ſton Wan ich úch vil zu ſagen hon Von des kunges ſchweſt̉er ein̉er magt Hie iſt von buwe vil geſagt Die pruͯffe ich recht als ich ſol Was ſy ſchoͯn das ſtund ir wol Vnd het ſy dar zu ſtetten muͦt Das was gen wirdikeit guͦt So das ir ſitte vnd ir ſin Was gelich der margrefin ⸿Dú dicke von dem heitſtein V́ber al die mark erſchein Wol ders heimlich an ir So pruͯffen daz globent mir Der vindet kurczwile da Beſſer denne anderſchwa Jch mag das wol von frowen Jechen Als mir die ogen kunent ſpechen War ich ker red zu guͦtte Die bedarff wol zuchte huͦtte Nun hoͯrent diſe auentúre Der getrúwe vnd d̉er gehúre Jch enruͦch vmb die vngetrúwēn Mit tunkeln rúwe Hant ſy alle ir ſelikeitt verlorn Des muͦs Jr ſelle liden zorn Vff den hoff fur den palas reit Gawan gen der geſellicheit Als in der kung ſantte Der ſich ſelber an Jm ſchante Ein Ritter der Jn brachte dar Jn fuͦrte do ſas die wol gefar Antikonie dú kúngin Sol wiplich erre ſin gewin Des koffes het ſy wol gepflegen Vnd alles falſches ſich bewegen Da mit ir kúnſche pris erwarb Owe das ſy fruͦ erſtarb Von veldeke der wiſe man Der konde ſy bas gelobt han ⸿Do Gawan die maget erſach Der bot gieng necher vnd ſprach Als das der kung werben hies Dú kungin do nit enlies Sy ſprach herre gent nech̉er mir Miner zuchtte meiſt̉er das ſind Jr Nun gebiet vnd lert Wirt úch kurczwil gemert Das muͦs an uwerm gebote ſin Sit das úch d̉er bruͦder min Mir beuohen hat ſo wol Jch kuͤs úch ob ich kuͤſſen ſol Nun gebiet nach úwer maſen Min tuͦn vnd min laſſen Mit groſſer zucht ſy vor Jm ſtuͦnd Er ſprach frow uwer mund Jſt ſo kuſſenlich geton Jch ſol úwern gruͦs mit kuſſe hon Jr mund was heis dick vnd rot Daran Gawan ſinen mund bott Da ergieng ein kus vngaſtlich Zu der meide zuͤchtenrich Sas der wol geborne gaſt Suͯſzer red im nit gebraſt Bidenthalb mit trúwen Sy kond wol genúwen Er ſine bet ſy ir verſagen Das begund er herczlich clagen Och bat er ſy gnaden vil Dú magt ſprach als ich ſagen wil Herre ſit ir anders cluͦg So mag es iuch dunkēn gnuͦg Jch enbúcz uch durch mins bruͦders bett bruͦders bett: Lücke zwischen bruͦders und bett um den vorhandenen Tintenfleck zu umgehen. Das es anflieſſe Gahmuret Minem oͯchain nie bas erbot An biligen. min trúwe ein botlot An biligen: Lücke zwischen An und biligen um den vorhandenen Tintenfleck zu umgehen. An dem orte fuͤrbas wege Der vns wegens ze Rechte pflege Vnd ich weis doch h̉erree wer ir ſit Doch ir an ſo kurcz̉er zitt Welt min minne han Do ſprach d̉er werde gawan Mich lert min̉er kunde ſin Jch ſag úch frowe wer Jch bin Min̉er baſen Bruͦder ſun Welt Jr mir gnade tuͦn Das enlat nit durch minen art Der iſt gen dem úwern ſo bewart Das ſy beidú alle glichen ſtent Vnd in rechtter maſze gent Ein magt begund in ſchenken Darnach von Jnen wenken Me frowen da ſaſſent Die ouch des nit vergaſſent Sy giengent ſchlaffen vmb ir pflege Och was der Ritter von dem wege Der in dar brachte Gawan do gedachte Do ſy alle von Jm koment vſz Das dicke den groſen ſtrus Vachet dick ein kranker ar Er greiff ir vnderm mantel dar Jch wenne er Ruͦrtte ir húfflin Des wart gemeret ſin pin Von der liebe er alſo not gewan Beidú magt vnd der man Das da nach waz ein ding geſchehen Hettent uͤble ogen nit geſechen Des wilens ſy beidu waurent bereit Nun ſecht do nachet Jn herczleit Do gieng zer tuͤr Jn alda Ein Ritt̉er blank wan er waz gra Jn wauffen hies er nande Gawan do erkande Da by er dicke lutte ſcherẏ Owy haya heẏ Mins h̉erren den ir ſchluͦgent Das úch des nit benuͦget Jr notzogtint och ſin tocht̉er hie Dem waffen hies man folgen ye Der ſelbe ſitte alda geſchach Gawan zu d̉er Junkfrowēn ſprach Frow nun gebt úwern Rat Vnſer deweders nit vil wer hie hat Er ſp̉rach wan het ich doch min ſchw̉ert Do ſprach die Junckfrow werd Wir ſond zer wer vns ziechen Vnd vff einen turn doͯrt fliechen Der bẏ min̉er kemnatten ſtett Gnedenklich es vns licht erget Hie d̉er Ritt̉er doͯrt der kouffman Die Junckfrow erhorte ſan ⸿Den pouel komen vs der ſtat Mit Gawan ſy den dem turn trat Jr frund muͦſt komer liden Sy bat ſis dick miden Jr wuͯffen vnd ir dos waz ſo Das es dehein̉er marktte do Durch ſyſtrit ſy drungēnt zu d̉er túr Gawan ſtund zu wer dar fúr Jrn Ingang er bewartte Einen rigel der da ſprtte Den zuckt er vs der mure Sin argen nachgebúrre Entwichen im dik mit ir ſchar Dú kungin luff har vnd dar Ob vff dem turn ich were ze wer Gen diſem vngetrúwen her Do wart die maget Reine wart: Strich über wart. Möglicherweise Abbreviatur? Ein Schaffzalbel ſteine Vnd ein brett was erleget wit Das bracht ſy gawan an den ſtrit An einem yſnin Ring es hieng Da mit es Gawan empfieng Vff diſen vieregolten ſchilt Was Schaffzabels vil geſpilt Der ward im zer howen Nun hoͯrt och von der frowen Es werent kung od̉er roch Das warff ſy gen den finden doch Es was gros vnd ſchwere Man ſagt von ir dú mere ⸿Wenn da reichtten ein wurffes ſchwank Der ſturczte ſich one gedank Die kúngin Riche ſtreit do Ritt̉erliche : Die Verse 409.05f. stehen auf derselben Zeile. Vnd gar vnủerwegenliche By Gawan ſy werlichen ſtuͦnd Als die kouff wib zu koͯln ſtond An der vaſznacht ward nie bas geſtrittēn Won ſy tuͦnd es von gamel ſitten Vnd mugent one not Jr lib Wa von harnaſch romig wirt ein wib Die hat ir Rechttes vergeſſen Sol man Jr kunſche meſſen Sy tuͦwe es denne von trúwe Antykonien Rúwe Wart ze ſchanfernzen er zeigt Vnd ir hocher muͦt geneigt Jn ſtritte ſy ſerre weinde Wol ſy das beſcheinde Das fruntlich liebe iſt ſtette Was Gawan do tette Wenn Jm die muͦſze geſchach Das er die maget recht erſach Jr mund ir oͯgen ir naſen Bas geſchiket one ſpiſſe haſen Jch wenne d̉er geſach er nie Denne ſy was doͯrt vnd hie Zwuͤſchen huff vnd der bruſt Minne gerende geluſt Kond ir lib wol geczieren Jr geſachen nie amaſieren Die beſers glenkes pflag Denn ſy waz da dr gurtel lag Das gab ir geſellen Gawin manlich ellen Si trurtte mit Jm in der not Sin benantes giſel waz d̉er tod Vnd anders deheins gedinge Gawine was gar Ringe Der viende has wen er die magt erkos. Da von Jr vil den lib v̉erlos Do kam der kúng vergulacht Der ſach die ſtritlichen macht Gen Gawaine kriegen Jch woͯlt in denne betrigen So mag ich in nit beſchoͯne Er welle ſich ſelber hoͯnen An ſinem werden gaſte Der ſtuͦnd zu wer alſo faſte Das tett der wirt ſelber ſchin Das mich ruwet Gandin Der kúng von anſchowe Das ein ſin werde frowe Sin tochter ye den ſun gebar Den rúwtt die vngetrúwe ſchar Sin folck bar ſer ſtritten Gawain muͦſt bitten Vncz der kúng gewapnet ward Er hub ſich ſelber an des ſtrittes fart Gawin do muͦſt entwichen Doch vnlaſterlichen ⸿Von des turnes tuͤr er ward geton Nun ſecht do kam d̉er ſelbe man Der in kamplich ane ſprach Vor Atus das geſchach Der lantgraue kuͤngrumurſel Gram durch ſchwarttēn vnd durch fel Dur Gawins not ſin hend er wand Wan des was ſin trúw pfand Das er da ſolt haben fride Es ward ob eines manes lide Jn in kampffe zwungen Die alten vnd die Jungen Treib er von dem turne wid̉er Den hies der kúng brechen nid̉er Kungrumurſel do ſprach Hin vff do er Gawinen ſach Held gib mir fride zu dir dar Jn Jch wil geſellenkliche pin Mit dir han Jn din̉er not Mich muͦſz d̉er kung ſchlahen tod Oder ich behalt dir din leben Gawin den frid gunde geben Der lantgraue ſprang zu im dar Des zwifflet die vſer ſchar Es was och burgaue alda Er were Jung oder gra Die bluweten an ir ſtrite Gawin ſprang an die wite Als tet och kungrumurſel Gein ellen ſy beide wauren ſchnel ⸿Der kúng mante die ſinen Wie lang ſoͯlt wir pinen Von diſen zwen manēn pflegen Mins vettern ſun hat ſich bewegēn Er wil ernerren diſen man Der mir den ſchaden hat getan Den er billicher reche Ob im ellent nit gebrechen Gnuͦg dēnn es ir trúwe Jach Nun ein̉er zu dem kúng ſprach Herre muͯſzen wir úch ſagen Der lantgraue iſt vnerſchlagen Hie von manger hande Got uch an ſitten wandle Die nun úch verfache bas Weltlicher pris úch ſinen has Teilt. Schlacht ir nu úwern gaſt Jr ladent uff v́ch der ſchaden laſt So iſt der ander úwer mag Jn des geleite ir diſen tag Habt. das ſoͯlt ir laſſen Jr ſind der verwaſſen Nun gebt vns einen fride her Die wile das diſer tag wer Der fride ſige och die nacht Wes ir úch darumb hat bedacht Das ſtett dennoch zu úwer hand Jr ſind gepriſt od̉er geſchant Min frow anteconye Vor falſcheitt die frye ⸿Die doͯrt alweinende by Im ſtet Ob uch das nit ze herczen gett Sid úch beidu ein muͦtt̉er truͦg So gedenkent h̉erre ob ir ſind cluͦg Jir ſendent in der megte her Were nieman ſins gleites wer Er ſoͯlt ye doch durch ſy geneſſen Der kuͤng lies einen frid weſen Vncz er ſich vol verſpreche Wie er ſinen vatter reche Vnſchuldig was her Gawin Es het ein and̉er hand getan Wan d̉er ſtolcze Ehkunant Ein langen durch Jn leren pfant Do er Jofriden fiſidol Fuͤrte gen Barbigol Den er by Gaweinen fieng Durch den diſe not ergieng Do der fride ward geton Das folck huͦb ſich von ſtrite dan Menglich zu der herberg ſin Antykonie die kungin Jrs veters ſun vaſt vmbe fieng Manig kus an ſind mund ergieng Das der Gawinen het ernert Vnd ſich ſelber vntat erwert Sy ſprach du biſt mins vett̉ern ſun Du kundeſt durch nyemen miſſetuͦn Welt ir nun hoͯren Jch tuͦn uͤch kunt. Wa von e ſprach min mund. Die ze ſchanfenzun tet vergulacht Won das was im nit geſchlacht Von vatt̉er noch von muͦtter Der Jung man vil guͦtter Von ſcham leid groſe pin Do ſin ſchweſt̉er die kúngin Jn begunde fechen Man horte in ſere flechen Do ſprach du Junckfrowe wert Her vergulacht truͯge ich ſchwert Vnd were von gottes gebot ein man Das ich ſchilttes ampt ſoͯlt han V́we ſtrit were hie v̉ertagt Do was ich ein arme magt Was das ich doch truͦg einen ſchilt Vff den iſt werlich geczilt Des wappen wil ich nennen Ob ir Ruͦchent die bekennen Guͦt geberde vnd kúnſche ſitten Den zwein folget vil ſtette mitte Den bot Jch fuͤr den Ritter min Den ir mir ſantent da har In Anders ſchirmes het ich nicht Wa man nun úch by wandel ſicht Jr habt doch an mir miſſeton Ob wiplich pris ſin recht ſol han ⸿Jch horte ie ſagen wa es ſo geczoch Das man gen ſchirmes wibe zoch Du ſolltes allenthafftts Jagen An ſinem ſtrite gar v̉erczagen Ob da were manlich zucht Her vergulacht úwer gaſtes flucht Die er gen mir tett fuͤr den tod Lert uͤwer pris nach laſt̉ers not Kúngrumurſel do ſprach Herre uff uͤwern troſt geſchach Das Her Gawin Vff dem plimizols plan Gab fride herr in úwer land V́wer ſicherheit waz pfand Ob in ſin ellen truͯge her Das ich des fuͤr úch ward wer Beſtunde hie nit won ein man Herr da bin ich bekumber an Hie ſechent mine genoſſe zu Das laſter iſt vns gar zu fruͦ Kunnent ir nit fuͤrſten ſchonen Wir krenkent och die cronen Sol man úch by zúchten ſechen So muͦs daz úw̉er zucht veriechen Das ſippe Reiget von uͯch an mich Were das ein kebſlich̉er ſchich Min halb was vns die wirt geczelt Jr hett úch gachens gen mir beuilcht Wan ich bin ein ritter doch An dem nie falſch ward funden doch ⸿Och ſol min pris erwerben Das ich ane muͯſſe ſterben Des ich wol getrúw got Des ſich min ſelde gen Jm bott Ob wa dis merre wirt v̉ernomēn Artus ſchweſter ſun ſy komen Jn minem geleit vff ſchanfenzun Franzois oder Brton Povenzale oder Brugoniois Erhort die Gewains not Han ich pris der iſt denne tod Mir frúmpt min angſtlich̉er ſtrit Vil enges lob min laſter wit Das ſol froͯde ſchwenden Vnd mich vff erren pfenden Do diſe red was geton Do ſtuͦnd ein̉er des kunges mon Der was geheiſſen dlidamus Kẏot in ſelbe nennent ſasſus Kyott latſchantur hies Den ſin kunſt des nit erlies Er ſunge vnd ſprechen ſo Des gnuͦg wurdent fro Kẏot iſt ein prouenczal Der diſe auentúre von parczifal Heidenſch geſchriben ſach Was er in franzois dar von geſprach Bin ich nicht d̉er witze las Das ſage Jch tútſche fúrb 1 Das ſag Jch tútſche furbas Do ſprach der kúng lidanus Was ſolt der Jn mins h̉erren hus Der Jm ſinen vater ſchluͦg Vnd im das laſter ſo nachen truͦg Jſt minem h̉erren wer bekant Das Richet hie billich ſin hand So gelt ein tod den andren tod Jch wenn glich ſin die not Nun ſecht wie Gawin do ſtuͦnd Allererſt was Jm gros angſt kund Do ſprach kúngrumurſel Wer were mit d̉er trow ſo ſchnel Der ſolt och gachen Jn den ſtrit Jr habt gedreng od̉er wit Man mag úwer licht erwern Her lidamus vil wol erwernernern Trúwe ich vor úch diſen man Was úch der hett geton Jr lieſſent es vngerochen Jr habtt úch gar verſprochen Man ſol iuch wol geloben Das iuch nie manes ogen Geſachent do man ſtreit Juch was ye ſtritten wol ſo leid Das ir der flicht begundēnt Dennoch ir mere wol kundent Wa man ye gen ſtrite trang Da tatent ir wibes wid̉er wang Welich kúng ſich lat an úwrn rat Vil twerches im die crone ſtat ⸿Do were von minēn handen Ein krecze beſtanden : Hier liegt eindeutig ein finis-Zeichen vor (und es kann kein Zeilenfüllsel vorliegen). Deswegen wird es hier auch als solches getaggt, auch wenn Vers 418.02 nicht der letzte Vers der Spalte ist. Gawin der ellenthafftte tegen Des het Jch mich gegen Jm erwegen Das der kampff alhie were geton Welt es min herr geſtattet hon Des treit min ſunden mit has Jch getrúwet im andre dinge bas Her Gawin lopt mir fuͤr war Har von hút uber ein Jar Mir zu gegenrede ſtett Jn kampffe ob es ſo hie ergett Das úch min herr Jm lat daz leben Do wirt úch kampff von mir gegeben Jch ſprach úch an zum plimizol Nun ſig der kampff zu Barbigol Vor dem kung meliancze Der ſorgen zemen Crancze Trag ich vff das gedinge Das ich kom zu úch in den Ringe Da ſol min ſorg tuͦn kekant V́wer manliche hand Gawin der ellens Riche Bot geczogenliche Nach dirre bett ſicherheit Das was mit red aldo bereit Der herczog liddanus Begunde ſin̉er red alſus Er ſprach wan Jm waz ſprechencz zit Wa ich kome zum ſtritt Han ich da fechtens pflichte Oder flúcht mit vngeſchiktte Bin ich verdaglicheverzagliche ein zage : Am rechten Rand z offenbar als Korrekturanweisung vorgeschrieben. Oder ob ich pris alda beiage Her lantgraue des dankent ir Als irs gepruͯffen kunnen an mir Empfache ich niem̉er úwern ſold Jch bin ye doch mir ſelber hold Sus ſprach der Riche liddanus Welt irs ſin her turnus Vnd lat mich ſin her Tranzes Vnd ſtraffent mich ir wiſſen wes Vnd hept úch nit ze groſſe Ob ir fuͤrſten min̉er genoſſe Der hoͯchſtee vnd der edle brit Jch bin och landes vnd landes wirt Jch han Jn Galicia Beidú her vnd da Mengú burg vncz an fedrin Was ir yeglichs Byton Mir da zu ſchaden muge getuͦn Jch geflochte niem̉er vor úch en huͦn Her iſt von Brytanie komen Gen dem Jr kampfes hand genomēn Nun Rechen herren vnd mag Mich ſo vermiden úwer bag V́wrem vettern Jr waurent ſin man Wer dem ſin leben angewan Da rechent es ich tett im nicht Jch wens och mirs nẏemān gicht V́wern vettern ſol ich wol v̉erclagen Sin ſun die crone nach Im ſol tragen Der iſt ze herren mir gnuͦg Die kúngin flurdamurs in truͦg Sin vatter was kẏngriſin Vnd ſin ander kúng Gadin Jch wil úch beſcheiden des Gahmuret vnd Galoes Sin oͯchain wauren Jch wolte ſin gerne varren Jch mochtte mit erren von ſin̉er hand Mit vanen empfachen min land Wer fechtten welle d̉er tuͦge das Bin Jch gen dem ſtritte las Jch freiſche doch dú merre wol Wer pris Jm ſtritte hol Des dankent Jm die ſtolczen wib Jch wil durch nyeman minen lib Verleitten Jn ſo ſcharpffe pin Was hoffwartes ſoͯlt Jch ſin Mir iſt in den ſtritt d̉er weg v̉ergrabt Gen vechtten dú ir verhabt Wurdent ir nẏem̉er hold Jch *tette E als Rumolt Der dem kúng gúntherr Riett Do er gen wurmſe von den húnen ſchied Er batt Jm langen ſchnitten beͯn Vnd im keſſel vmbe tren Der lantgraue ellens Riche Sprach ir redent dem gliche Als menger weis an úch fur war . V́wer zit vnd úwre Iar Jr Rattent mir dar wolt ich ioch Vnd ſprechent ir Riettent als tet ein koch Den kuͯnen Nẏblungen Die ſich vnbeczwungen Vs huͯben do man an Jn rach Das Syfriden da vor geſchach Mich muͦs her Gawin ſchlachēn tod Oder ich lerre In rache nott Des volge ich ſprach Liddanus Wan was ſin oͯchain artus Hat. Vnd die von Jndia Der mirs hie geben als ſy es hant da Jch lies es E ich fechtte Der mirs ledenklichen brechte Nun behapt bris des mān uch gicht Segremors bin ich nicht Den man durch fechten binden muͦs Jch erwirbe ſu*ſus wol kunges gruͦs Sibch nie ſchwert geczoch 2 Er was Je do man floch Doch muͦſt man Jn flechen Groſe gabe vnd ſtarkú lechen Empfieng er von emrichen gnuͦg Nye ſchwert er dur helm ſchluͦg Mir wirt v̉erſert nyem̉er fel Durch úch herre kungrumurſel ⸿Des han ich mich gen úch bedacht Do ſprach der kúng vergulacht Schwigent úw̉er wechſſel mere Es iſt mir von úch beiden ſchwere Das ir der mere ſind ſo frẏ Jch bin úch alzenache bẏ Ze ſus getonem gebrechte Es ſtat mir noch uch nit Rechte Dis was vff dem palas Aldar ſin ſchweſt̉er komēn was By ir ſtund her Gawin Vnd meng̉er and̉er Rittere fin Der kúng ſprach zu d̉er ſchweſt̉er ſin Nun nim den geſellen din Vnd och den lantgrauen dēnn zu dir Die mir guͦttes gunent die gond mit mir Vnd rattent mir wegeſt was ich tuͦ ⸿Sy ſprach da lege dine truͤwe zuͦ Nun gat der kung an ſinēn rat Du kúngin genomēn hat Jrs vett̉ern ſun vnd irn gaſt Das dritte waz der ſorgen laſt Ane alle miſſewende Nam ſy Gawinen mit ſin̉er hande Vnd fuͦrtte in da ſy wolten weſen Sy ſprach zu Im werent ir nit geneſſen. De hetten ſchande allú land An der kunginnen hand Gie des werden lotes ſun Er moch es och do gerne tuͦn Jn die kemnaten ſan Gieng die kuͤnginkúngin vnd die zwen man Vor der andren beleib ſy lere Des pflagent kamrere Wan clare Junckfroͯwlin Der muͦſt vil doͯrt Jnnen ſin Dú kúngin mit zuͤchten pflag Gawins der Jr am herczen lag Do was der lantgraue mitte Der ſchied ſich nyenan von dem ſitte Doch ſorget vil die ſelbe magt Vmb Gawins lib ward mir geſagt Sus waurent die *zwene da Inne Bi der kunginne Vncz der tag lie ſinen ſtrit Die nacht kam vnd was eſſencz zitt Moras win luttertrank Brachtten Junckfrowen de emitten krank Vnd ander guͦt ſpiſe Faſant paradiſe Gutter fiſche wiſſe waſtel Gawin vnd kuͤngrumurſel Wauren komen vs groſer not Sid es die kuͤngin gebot Sy aſſent als ſy ſoltten Vnd ander die es wolten Antybonye in ſelber ſchneid Daz waz durch ir zuch in beiden leid Was man da knúwend̉er ſchenken ſach Jr dehein die hoſneſtel brach ⸿Es waren megden als von d̉er zitt Den man die beſten Jar och git Jch bin des vneruerret Hettent ſy geſcheret Als ein falke ſin geuidere Die Red ich nit widere Nun hoͯrent E ſich d̉er rat geſch*geſchied Was man dem landes kunge riett Die wiſen het er zu im genumēn An ſinem rat die wauren komen Etſtlich̉er ſinen willen ſprach Als im ſin beſter wil veriach Do maͯſent ſy es an menge ſtat Der kúng ſin red och hoͯren bat Er ſprach es ward mit mir geſtrittēn Jch kam durch auentúr geritten Jns forſt Lehtambris Ein Ritter mit hochem pris Jn dirre wuchen an mich ſach Won er mich flúglingen ſtach Hinders ros ſunder twal Er zwang mich das ich den Gral Gelobte im zu erwerben Soͯlte ich nun darumbe ſterben So muͦs ich leiſten die ſicherheit Die ſin hand an mir erſtreit Da rauten vmb daz iſt not Min beſter ſchilt waz fúr den tod Das ich da fúr bot min hand Als úch mit red iſt bekant ⸿Er iſt manheit vnd ellent her Er gebot mir dennocht mer Das ich one argen liſt Jnrent Jarres friſt Ob ichs Grals erwurbe nicht Das zu der kome d̉er man gicht Die Crone zu pelarapiere Jr vatter hies Tampuntiere Wenn ſy mine ogen an ſechen Das ich ir ſicherheit Jeche Er erbot ir ob ſy daͯchte an Jn Das were an froden ſin gewin Vnd er were der ſy erloſte E Von dem kúng Clamide Do ſy die red horttent alſus Do ſprach ab̉er Liddiganius Mit dirre herren vrlob ich daz tuͦ Och kautentRautent ſy dar zuͦ Wes uch zwang doͯrt d̉er enig man Des ſy hie pfand h̉er Gawin d̉er an Der widerlege uff úwern clobe Bit in vor vns allen loben Das er nun den gral gewinne Lat in mit guͦtten ſinnen Von úch hinna Ritten Vnd nach dem Gral ſtritten Die ſchand wir alle muͯſtent clagen Wurd er in úwerm hus erſchlagēn Nun vergebt im ſine ſchulde Durch úwer ſchweſter hulde Er hat erlitten hie gros not Vnd muͦs nun kerren in den tod Was erden vmbeſchlagen hat daz mer So gelag nẏe hus ſo wol ze wer Als Munſauaſche wa die ſtet Von Stritte Ruch̉er weg dar get ⸿By ſinem gemache in hinnach lat Morgen ſag man Jm den Rat Des volgttent alle ratgeben Sus behielt Gawin ſin leben Man pflag des helden vnủerzagt Des nachtes da ward mir geſagt Das harte guͦt ward ſin gemach Do man den mitten morgen ſach Vnd do man meſſe geſang Vff dem palas waz gros gedrang 3 Vo pouel vnd werder diett Der kúng tet als man Jm riet Er hies Gawainen bringen Den wolt er nichttes zwingen Wan als ir ſelb hab gehort Nun ſechent Jn brachte dort Antikonie die wol gefar Jr vetter kam mit ir dar Vnd ander gnuͦg des kúnges man Die kúngvnkúngin fuͦrtte Gawain Fuͤr den kúng an Jr hande Ein ſchappel was er gebende Jr mund den bluͦmen nam den pris Vff dem ſchappel dehein wis Stuͦnde nyendert eine als rot Wem die guͯtlich ir kuſſe bot Des muͦſt ſich ſchwenden d̉er wald Mit menger tioſt vngeczalt Mit loben wir ſoltten gruͯſen Die kúnſchen vnd die ſuͯſzen Die Reinen Antikonyen Die ſuͯſzen vnd die fryen Won ſy lebte mit ſoͯlichen ſitten Das niendert waz vnderritten Jr pris mit falſchen worten Alle die ir pris gehortten Jeglich̉er mund wunſte do Das ir pris beſtuͯnd alſo Bewart vor falſch̉er truͯbe ſpeche lutter wirrig als ein falke ſeche Was balſam nieſent ſtat an Jr Das Riett ir wirdeklich̉er gir Du ſuͯſſe ſelden riche Sprach geczogenliche Bruͦder hie bring ich den tegen Des du mich ſelb hies pflegen Nun las in min genieſſen Das las dich nit verdrieſſen Gedenk an bruͦdiche trúw Vnd tuͦ das one rúw Dir ſtett manlicher trúwe bas Denne das du dulteſt d̉er welte has Vnd minen kúndig haſſen Den ler mich gen dir maſſen ler: Unidentifizierbares Zeichen über r. ⸿Do ſprach der werde ſuͯſze man Das tuͦn Jch ſchweſter ob ich kan Dar zu gib ſelber dinen ratt Das dich dunkett daz mir miſſe ſtat Werdikeit habe vnderſchwingen Von priſe mich ze dringen Was dochtte ich denne zu bruͦd̉er dr Vnd dienttent alle conen mir Der ſtuͯnde ich abe durch din gebot Din haſſen were min groͯſte not Mir iſt vnmere froͯd on erre Nit wan nach din̉er lerre Her Gawain ich wil úch bitten Jr koment durch bris da har geritten Nun tuntz durch priſes hulde Vnd heff*helffent mir daz mine ſchulde Min ſchweſter vff mich v̉erkieſſe E ich ſy verlieſſe Jch verkús vff uch min herleid Welt ir mir geben ſicherheit Das ir mir werben ſund̉er qwal Mitt guͦtten truͤwen vmb den gral Do ward der ſuͦnne geendet Vnd Gawain geſende*geſendet An dem ſellen male. Durch ſtritten nach dem Grale Kyngrumurſel och verkos Vff den kúng der in do verlos Das er Jm ſin geleit do brach Vor allen fuͤrſten das beſchach ⸿Da ir ſchwert wauren gehangen Die wairent Jn vndergangen Gawains knappen and̉er ſtund Das ir dehein̉er was worden wund Ein gewaltig man von d̉er ſtat Der Jn frides vor dem andrēn bat Der vieng ſy vnd legtz In priſun Es were fracyois oder Britun Starke knappen vnd cleine kint Von welhen landen ſy komēn ſint Die bracht man do ledenklichen Gawainen dem enlellentrichen Do Jn dú kind erſachent Do was gros vmbefachen Jeglichs weinende an Jn hieng Das weinen doch von trúwen gieng Von Cornuvals do mit Jm waz Kons larz fiz tynas Ein Edel kind wont im och bẏ Herczog Gandiluz fiz Gurzgri Der durch Shoidelakuͯrt den lib v̉erlos Da menig frow ir leid erkos Lyaze was des kindes baſe Sin mund ſin ogen ſin naſe Was Recht der minne kerne Alle welt ſach in gerne Dar zuͦ ander kindelin Die ſechs Junckherren ſin Warent von geburt des bewart Allú von Edler art ⸿Sy waurent Jm durch ſippe hold Vnd dienttent Im vff ſinen ſold Werdekeitt gab er in zu lone Vnd pflag ir and̉ers ſchone Gawain ſprch zun kindelin Wol úch ir ſuͯſzen mage min Mich duncket daz ir mich woͯlten klagēn Ob ich hie wer erſchlagen Man moͯcht Jn clagen in trúwen wol Sy waurent ſuſt in Jamers dol Er ſprach mir waz vmb iuch vil leid Wa waurent ir do man mit mir ſtreit Sy ſagtencz im ir dehein̉er log Ein múſſer ſperw̉er in empflog Vns do ir by der kuͤnginkúngin Saſſen do lieffen wir alle hin Die do ſtunden vnd ſaſzen Merkens ſy nit vergaſſen Die bruͯffttent das her Gawan Wer ein hart hofflich man Vrlob er do gerte Der kung in des gewertte Vnd das volck al gemeine Won der margraff alleine Die zwen nam die kungin Vnd die Iungen Junckherlin Sy fuͯrtte ſy dar ir pflagen Junckfrowen oͯne bagen Do nam man ir wol mit zuchttēn war Manig Junckfrow wol gefar Do Gawain enbiſſen was Jch ſag uch als Kyot las Durch herczliche trúwe Huͯb ſich do ganczú Rúwe Er ſprach zer kunginne Frow vnd hab ich ſinne Vnd ſol mir got den lib Bewarn So muͦs ich dienſtliche varn Vnd Ritterlich gemuͯtte Ẃwer wiplich guͯtte 4 Ze dienſte ymer kere Wan ir kond ſelde lere Das ir falſche habt angeſiget V́wer pris fuͤr alle priſe wiget Geluck muͯſz úch ſelde leren Wan uch kan ſelde kerren Frowe ich wil vrlobs geren Das gebt mir vnd lond mich farn Got muͯs úwer zucht bewarn Jir was ſin hein ſcheiden leid Vnd weinet durch geſellenheit Mit ir manig Junckfrowe clar Die kúngin ſprach oͯn alle var Hettent ir min genoſſen mer Min ſorge wer gen froude her Nun moͯchtte úwer fride nit beſſ̉er ſin Das gelobent aber wenne ir liden pin Ob iuch vertregent Ritt̉erſchafftt Jn ruͦwberre kumbers krafftt Das wiſſent min her Gawain Des ſol min hercz pflichtte hein Ze verluſt od̉er zu gewinne Dú Edel kúnginne Kuſt den gewaines mund Do ward an froͯden vngſund Das er ſo geches von in reit Jch wen es wer in beiden leid Sine knappen hetten ſich bedacht Sine ros hettencz dar bracht Vff den hoff fur den palas Da der linden ſchatten was Och wauren dem lantgrauēn komen Sine geſellen als ichs han v̉ernomēn Der reit mit Im fuͤr die ſtatt Gawain in ſ zuchtenklichen bat Das er ſich arbeitte Vnd ſin gelopt im leitte Ze baroſchebearoſche do iſt ſchureles Den ſullent ſy von mir bitten des Geleites ze dyanazrun Da wonett ettlich Briton Der ſy bringet an den h̉erren min Oder an Gynouern die kúngin Das lopt Jm kuͤngrinmurſel Vrlob nam der tegen ſchnel Ringulett wart gewapett ſan Das ros vnd min her Gawain Er kuſt ſine mage die kindelin Vnd och die werden knappen ſin Nach dem Grale im ſich̉ereit gebot Er reit alleine durch wnd̉ers not Tuͦt vff wem wer ſit ir / Jch wis Jns her zu dem ze dir her zu: Die Lesung herzn dein scheint mir unter Umständen auch möglich zu sein. So gert ir ze einem Ruͯme Was denne blib ich kume Min dringen ſoltu ſeltten clagen Jch wil dir nun von wunder ſagen Ja ſit irs frow Aueenture Wie fert ir ſo vngehúrre Jch mein den werden parzifal Der kundrie nach dem Gral Mit vnſuͯſzen worte Jagte Do menig frowe clagte Das nit wendig ward ſin Reiſe Von artus vnd mengen Britoneiſe Huͦb er ſich wie fert er nuͦ Den ſelben meren griffent zuͦ Ob er an froͯden ſy verczagt Od̉er ober hochen pris hab beiagt Oder ob ſin gancze wirdikeit Sige lang vnd breit Oder iſt ſy kurcz od̉er ſchmal Nun bruͯfftt vns die ſelben zal Was von ſinen handen iſt geſchechen Hat er Munſaluaſche ſit geſechen Vnd den ſuͯſzen anfrotas Des herczen do vil ſuͤnffczent was Durch úwer guͯtte gebt vns troſt Ob er von Jamer ſige erloſt Hant úch liebú merre Ob parczifal da werre ⸿Beider herre vnd der min Nun erlúchtent mir die ſinne min Der ſuͯſzen herczelaude barn Wie hat Gahmuretes ſun gefarn Sid er von Atus Reit Hat er lieb od̉er herczleid Sid behaltt an ſtrite Oder ſo habt er ſich andie witte Oder hat er ſich verlegen Sagent mir ſine ſitte vnd ſin pflegen Nun tuͦt vns die auientúr bekant Er habe erſtrichen manig land Ze Roſe zu ſchiffe vnd vff dem wag Es were lantman od̉er mag Der tioſt pondir gen im mas Das de dehein̉er nie geſas Sus kan ſin wauge ſeigen Sin ſelbs lob vff Stigen Vnd die andren lere ſigen Jn mengen ſuͯſzen nygen Hat er ſich ſchumpentúre erwert Den lip gen priſe alſo ernert Wer pris ze im wolte borgen Des muͯſt es tuͦn mit ſorgen Sin ſchwert das im Anfortes Gab. do er by Ime Im gral was Brach ſid do er beſtanden waz Do machet es gancz des brunen art Sy koment da der herczog lag Das ſchwert gab im priſes beiag Wers nit globet der ſúndet Die Auentuͤr vns kundett Das parczifal der tegen bald Kam geritten vff einen wald Jch weis zu welhen ſtunden Alda ſin ogen funden Ein koſe núwes buwes ſton Dar durch ain ſchnellen brunen gon Einthalb dar úber was geworcht Der tegen vnerforcht Reit durch auentúrre ſuͦchen Sin woltte do gott geruͦchen Er fand eine cloſnerinne Die durch gottes minne Die ir magtuͦm vnd froͯde gab Wiplicher ſorgen vrhab Vſz ir herczen bluͯtte alnúwe Vnd doch durch alte trúw Shionatulander Vnd Sygunen vand er Der held lag dar Jnne tod begraben Jr lib leid vff dem ſarche not Sygone doceſſe Hortte ſeltten meſſe Jr leben was doch wenig gar Jr dicker mund heis rot gefar Was do erblichen vnd blech Sid weltlich froͯd ir entweich Es erleid nie magt ſoͯlich pin Durch clage ſy muͯſt alleine ſin ⸿Durch minne dú an Jmer ſtabſtarb Das ſy d̉er fuͤrſt nit erwarb Sy minnet ſinen toten lib 5 Ob ſy worden were ſin wib Do hett ſy frow lunett Geſumet an ſo gech̉er bett Als ſy riett ir frowen Man mag noch dicke ſchawen Frow lunetten Ritten zuͦ Ettlichem Ratte gar zu fruͦ Welhe frow durch geſelſchafftt Verbirt. vnd durch ir zuchte krafftt Pflichtte an froͯmder minne Als ich mich verſinne Latt ſis durch ir manes leben Dem ward an ir des wunſchs geben Dehein beiten ſtat alſo wol Das erczúge ich als ich ſol Dar nach tuͦ als ſis lerre Behalt ſy dennocht erre Sy treit deheinen ſo liechtten crancz Gat ſy durch froͯde anden tancz Des miſſe ich froͯde and̉er not Als Sygunen ir trúwe bott Das moͯcht doch gerne laſen V́ber Ronen vnd one ſtraſſen Parczifal fuͤr das fenſter reit Allze nache daz was im leid Do wolt er fragen vmb den wald Oder war ſin Reiſe wer geczalt ⸿Er gertte der gegen rede alda Jſt yemment dar Jnne ſy ſprach Ja Do er hortte der frowen ſtime daz waz Her dan vff vngetrettes gras Warff ers ros vil dratte Es dunktt in zu ſpatte Das er nit waz erbeicze E Die ſelbe ſcham tett Im we Der batt das Ros vil vaſte Ze eines Rones aſte Sin dunkeln ſchilt hieng er och daran Do der kunſche freuel man Sin ſchwert von Jm geband Er gieng fuͤr das fenſter zu der wand Do wolt er fragen merre Die cloſen was froͯden lere Das zu alles ſchimpfes blos Er vand da nit won Jamer gros Er gert ir an daz fenſter dar Die frow bleches var Mit zuchtten vff von ir venie ſtuͯnd Da nach was im harte vnkund Wer ſy were od̉er moͯchtte ſin Sy truͦg ein herrin heml*hemdlin Vnd̉er einēm grawen Rok naͯchſt and̉er hut Gros Jamer was ir ſund̉er trut Der hett Jrn hochen muͦt gelegt Vnd im herczen ſunfczen vil erwegt Mit zucht die magt zum fenſt̉er gie Mit ſuͯſzen wortten ſy in empfieng Sy truͦg einen ſalter Jnd̉er hand Parczifal der wigant Ein kleines fingerlin do kos Das durch arbeit nie verlos Sy behielt es durch rechtt̉er minne art Das ſteinlin was ein granat Des blik gab zu dem fenſter ſchin Rech als ein ander ſternlin Schemlich waz ir gebende Da vſſen by der wende Sy ſprach herre da ſtat ein bank geruͦchent ſiczen lert es uch úw̉er gedank Vnd ander vnmuͦſſe Das ich herre zu vwerm vnmuͦſſe Sind komen das vergt uch got Der gilttet getrúwlichen vrbot Der held irs Rattes nit vergas Fuͤr das fenſter er do ſas Er batt ſy och da Innen ſiczen ſie Sy ſprach nun han ich ſeltten hie Geſeſſen by deheinem man Der held ſy fragen began Vmb irn ſitten vnd vmb ir pflege Das ſy ſo ver von dem wege Siczent In dirre wilde Jch hans fuͤr ein vnbilde Frowe wes ir uch hie begat Sit vmb úch nit buwes ſtat Sy ſprach da kompt mir vōn dēm Gral Min ſpis ſunder qual ⸿Kundrye laſuͦrziere Mir dannen bringet ſchiere Alle ſamſtage ze nacht Min ſpiſe des hat ſy ſich bedacht Die ich die wuchen haben ſol Sy ſprach were mir anders wol Jch ſorgtte wenig vmb nar Der bin Ich wol bereittet gar Do wonde parczifal ſy luge Vnd das ſy anders gern truge Er ſprach In ſchimff zu ir dar In Durch wen tragt ir daz fingerlin Jch hortte y ſagen mere Cloſerin vnd Cloſennere Soͯltten liden buͦlſchafftt Sy ſprach het úwer rede krafftt Jch welt mich felſchen gerne Wenn ich nun falſch gelerne So hept mir in uff ſind ir da bẏ Ruͦchecz got ich vor falſche frẏ Jch kan deheinen widerſacz Sẏ ſprach diſen Machelſchacz Trag ich durch einen lieben man Des minne ich nie an mich genan Mit menſchlicher tette Magtuͦmliches herczen Rette Mir gen Im rattent minne Sy ſprach den han ich hie Inne Des kleinenden ich ſider truͦg Sid orilus zer tioſt in ſchluͦg Min̉er iemlichen zitte Iar Wil ich im minne geben fuͤr war Der Rechtten minne ich bin ſin wer Wan er mit ſchilte vnd mit ſper Dar nach mit Ritters handen erwarb Vncz er in minem dienſtes ſtarb Magtuͦm Ich ledenklichen han Er iſt ye doch vor got min man Ob gedenken mugen wurken die werk So trag ich nyedert das geberk Der vnder ſchwinge mir min E. Minem lieben tett ſin ſterben we Die rechtten E das fingerlin Vor got ſo min geleitte ſin Das iſt ob miner trúw ein ſchlos Von dem herczen min̉er ogen flos Jch bin hie Inne ſelbander Schionatulander Jſt das eine das and̉er ich Parczifal verſtund do ſich Das es Sygunne were Jr kumer waz In ſwere Den helt do wenig des verdros Von dem harnaſch macher daz hopt blos Er machte e daz er gen ir ſprach Die Junckfrow an Im erſach Durch helmel ram vil liettes fel Do erkantte ſy den tegen ſchnel Sy ſprach ir ſint h̉er parczifal 6 Sagt an wie ſtat es vmb den Gral Habt ir gebruͯffet noch ſine art Oder wie iſt bewendet uw̉er fart Er ſprach ze megde wolgeborn Da han Jch froͯden vil verlorn Der Gral git mir ſorgen gnuͦg Jch lies ein land da ich crone truͦg Dar zu daz minneklicheſt wib Vff erden nie ſo ſchoͯner lib Ward geborn von menſchen frucht Jch ſenne nach Jr wiplich zucht Nach ir minne trurre ich vil Vnd mer nach dem hochen zil Wie ich Munſaluaſche muge geſechēn Vnd den gral daz iſt noch vngeſchehēn Nyftel Sygune du tuͦſt gewalt Sid du minēn kumer menigfalt Erkenneſt das do fecheſt mich Du magt ſprach al min gerich Sol vff dich neue ſin verkorn Du haſt doch froͯden vil verlorn Sid du dich lieſt betragen Vmb das werdenklich fragen Vnd der ſuͯſz antefortas Din wirt vnd din gelucke was Do hett dir fragen wunſch beiagt Nun muͦs din frode ſin v̉erczagt Vnd al din hocher muͦt erlemt Din hercze ſorge hat gezemt Dú dir vil widewilde were Heſtu gefragt der mere Jch wảrb als der den ſchaden hat Sprach er liebu niftel gib mir Rat Gedenk Rechtt̉er ſippe an mir Vnd ſag mir och wie ſtat es dir Jch ſoltte trurren vmb din clage Wan das Jch hoͯchern kumb̉er clage trage Denne ye man getruͯg Min nott iſt ſo vngefuͯg Si ſprach nun helff dir des hand Dem allú ding ſind bekant Ob dir ſo wol gelinge Das ich an huͦffſchlag dar bringe Das du munſchalualeſche ſicheſt Do du mir diner froͯden gicheſt Kundrye laſurziere reit Vil núwenklich hinnan mir iſt leit Das ich nit fragtte ob ſy dar Woͯltte kerren oder anderſchwar Jmer wenn ſy kompt ir mul doͯrt ſtet Da der brunne vſſerm felſen get Jch ratte das du ir ritteſt nach Jr iſt lichtte vor dir nit ze gach Du mugeſt ſy ſchier han errittent Do wart nit lenger do gebitten Vrlob nam der held alda Vnd kertte vff den núwen ſchla Kundryen mul die reiſe geng Das vngevertte im vnder vieng Sus ward aber der gral v̉erlorn b Ein ſchlag den er hett verkorn a Al ſiner froͯd er do vergas Jch wenne er hett gefragt bas Were er zu Munſaluaſche komēn Denne als ir E habt vernomēn Nun lat in Ritten war er ſol Doͯrt kam gen Jm geritten her Ein mamman dem waz daz hopt blos Sin wappen Rok von coſte gros Dar vnder harnaſch blank gefar One das hopt waz er gewapnet gar Gen parczifal er faſte reit Do ſprach er herre mir iſt leit Das Jr In mins h̉erren walt ſuſt bant Jr werdent ſin ſchier ermant Da von ſich úwer gemuͯtte ſent Munſalualeſche iſt nit gewent Das nẏeman ſo nache ritte Es werre angſtlicher ſtritte Oder der alſo hochen wandel bot Als man vor dem walde heiſet not Einen helm In der hende Fuͦrtte. das gebende Wauren ſchnuͯr ſindin Vnd ein ſcharpffen glefin Dar Jnne was ein núw̉er ſchafftt Der held band mit zornes krafftt Den helm vff ſin hopt eben Es ſtund in nit v̉ergeben An den ſelben zitten Sin trow vnd ſin ſtritten Je doch bereit er ſich zer tioſt Parzifal mit ſoͯlicher koſt Het och ſper vil verczerett Er dachtte er wer vnerneret Ritt ich úber diſes manes ſat Wie wurde denne ſins zornes Rat Nun trette ich hie den wilden warm Mir ſchwachent beidú hende vnd arm Jch gib fuͤr mine Reiſe ein pfand Des bindet nyendert ſin hand Das ward ze beider ſitt geton Die *Ros in dem loff verlon Mit ſporn getriben vnd gefuͦrt Vaſt vff der hertten hurt Jr deweders ſtich miſſeriett Meng̉er ſtich engegen niet Was parczifals hoche bruſt Den lertte kunſt vnd ſin geluſt Das ſin ſtich alſo eben fuͦr Rechtte in dem helm die ſchnuͦr Er traff in da man hochet den ſchilt So man Ritterſchafftte ſpilt Das von Munſalueſche der templis Von dem Roſen in ein halden ris Verre hin ab die was ſo tieff Das da ſin leger wenig ſchlieff Parcifal den ſtiche nach Volgtte. dem ros was ze gach Es viel hinab daz es gar zerbrach Parczifal eins zeders aſch Begreiff mit ſinen henden Nun gecht Ims nit ze ſchanden Das er ſich one ſchregen hieng Mit den fuͯſzen er gevieng Vnder Im des velſes herte Jn groſſem vngeferte Lag das ros doͯrt niden tod Der Rittenter gachte von d̉er not Anderthalb vff die halden hin Wolt er teillen den gewin Den er erwarb an parczifal So halff im bas da heime der gral Barczifal her wid̉er ſteig Der zigel gen der erde ſeic Da hat das Ros durch getretten Als ob es bittens were gebetten Des Jener Ritter do vergas Do parczifal daruff geſas Do was nit won ſin ſper v̉erlorn Die verluſt gen vinden waz v̉erkorn Jch wenne der ſtarcke lechelin noch der ſtolcze Kyngriſin noch roys gramoflancz nach Konſlaſcot fiz guͯrnomancz Nie beſer tioſt geritten Denne als dis ros wart erſtritten Do ret er en weſte war So das die Munſaluaſche ſchar Jn mit ſtrit gar v̉ermitten Vnd enruͦchttent war er Ritte Wer Ruͦchet v̉ernemēn dem tuͦn Ich kunt Wie Im ſin ding da nach geſtund . Des priſe ich nicht der wuchen zal V́ber wie lang ſid̉er parczifal Reit durch auentúr als E Eins morgens was ein duͤnn̉er ſchne Je dicke ſo wol geſchnit Als der nach froſt den lutten git Es was vff einem groſen wald Jm wider gieng ein Ritter alt Des bart algra was geuar Da by ſin fel linde vnd clar Die ſelben farwe truͦg ſin wib Die beidú úber bloſen lib Truͦgent grawe Roͯke harte Vff ir bichtte varte Sine kind zwo Junckfrowen Die man gerne mochte ſchowen Die giengent Jn der ſelben wat Das riett Jn kúnſches herczen Rat Sy giengent alle barfuͦs Parczifal bott ſinen gruͦs Dem grawen Ritter d̉er da gieng Von des Ratte er ſit gelúcke empfieng Er mochtte wol ein herre ſin Do lieffen frowen brecklin Mit ſenfftten ſitten nit ze her Gieng der Ritt̉er vnd knappen mer Mit zúchtten vff d̉er gottes fart Gnuͦg ſo lang one bart Parczifal der werde tegen Het des libes ſo verwegen vnd gepflegēn Das ſin zimer richen Stuͯnd gar Ritterliche Jn ſoͯmlichem harnaſch er reit Dem ye vngelich wauren núwe kleit Die gen im truͦg der grawe man Das ros vff dem pade ſan Kert er mit dem zome Do nam ſin fragen goͯme Vmb der guͦtten lútte fart Mit ſuͯſſer red ers Jnnen ward Do was des grawen Ritters clagen Das im die helekliche tage Nit huffent gen ſoͯlichem ſitte Das er ſunder wapen Ritte Oder das er barfuͦs gienge Vnd des tages zitt begienge Parczifal ſprach zu im do Herre ich erken ſus noch ſo Wie des Iars vrhab geſtett Oder wie der wuchen zal get Wie die tage ſint genant Das iſt mir alles vnerkant Jch diente einēm d̉er heiſſet got E das ſo laſterlich̉er ſpot Sin gunſt úber mich v̉erhangte Min ſin im nie gewanktte Von dem mir helffe waz geſagt Nun iſt ſin hilff an mir verczagt Do ſprach der Ritt̉er gar gefar Meint ir got den die magt gebar. Globent ir ſiner menſcheit. Was er als hútt durch vns leid Als man diſes tages zitt begatt Vngerechtte das harnaſch úch ſtat Es iſt hútte der karfritag Des allú die welt fromenfroͯwen hatmag Vnd da by mit angſt ſuͤnffttent ſẏ Wa ward ye hoͯcher trúwe ſchin Denne die got an vns begie Den man durch vns an daz crucz hieng Herre pflegent ir toffes So Jamret úch des kouffes Er hat ſin werdenkliches leben Mit tode fuͤr vnſz ſchulde gegeben Durch das d̉er menſch waz verlorn Durch ſchulde hin zer helde erkorn Ob ir nicht ein heiden ſit So gedenkent her̉re an diſe zitt Rittent fuͤrbas vff vnſer ſpor V́ch entſiczet nit zu were vor Ein helig man d̉er git úch rat Wandel fuͤr úwer miſſetat Welt ir im Rúwe kúnden Er ſcheidet úch vor ſúnden Sin tochtter begund ſprechen Was wiltu vatter Rechen So boͯſe wetter als wir hand Was Rauttes nimſtu dich gen Im an ⸿Wan fuͯreſtu da er erwarme Sine geſertten arme Wie Ritterlich die ſind geſtalt Vnd vns dunkt doch ſy haben kalt Er erfruͤr werent ſiner dry Du haſt hie nache bẏ Geczelt vnd ſlevenien hus Kome der kung artus Du behieltteſt in mit ſpiſe wol Nun tuͦn als ein wirt ſol Fuͯr diſen Ritt̉er mit dir dardan Do ſprach aber d̉er grawe man Herre mine tochttren ſagent war Hie nache bẏ allú Jar Var ich vff diſen wilden wald Es ſige warm od̉er kalt Jemer gen der marter zit Der ſtetten lon nach dienſte l*gitt Was ſpiſe vs brachte durch got Die teile ich mit úch one ſpot Die es mit guͦttem willen tattent Die Junckfrowen batent Jn beliben ſere Vnd er het belibens ere Jettwedre des mit des mit trúwen ſprach. Parczifal an In erſach Wie túre von froſte de were der ſchweis. Jr munde warrent Ros vnd heis Die ſtundent ſentliche Des tages zitte geliche ⸿Ob ich ein cleines ding dar Reche Vngern Jch das v̉erſpreche Jch holt einen kus durch ſune da Ob ſy der ſuͦne ſpreche Ja Wip ſind echt ym̉er wib Werliches manes lip Hat ſy ſchier bezwungen Jn iſt alſo gelungen Parczifal hie vnd dort Mit bett hortte ir ſuͯſze wort Des vatter der muͦtt̉er der kinde Er dachtte ob ich erwinde Jch gen vngern Jn dirre ſchar Diſe megde ſind wol gefar Das min ritten by In ubel ſtet Sid man vnd wib zu fuͦs hie get *Sich ſcheiden fuͯget mich von in bas Sid ich gen dem trage has Den ſy von herczen minnent Vnd ſich hilffe da verſinnēnt Der hat mir ſine helff v̉erſpart Vnd mich vor ſorgen nit bewart Parczifal ſprach zu In ſan Herre vnd frowen lond mich han V́wer vrlob gelúke vnd heil gebe. vnd froͯden vollen teil Jr Iunckfrowen ſuͯſze V́wer zucht uch danken muͯſze Sid ir mir gundent gmaches wol Vwer vrlob ich haben ſol ⸿Er neig vnd die andren nigen Do ward Jr clage nit verſchwigen Hin Rittet herczelaude frucht Dem Riet ſin manlich zucht Kunſche vnd erbarmunge Sit herczelaude die Junge Jn hett vff geerbt trúwe Sich huͦb ſins herczen Rúwe Allererſt er do gedachte Wer alle die welt volbrachte An ſinen Schoͯpffaͯre Wie gewaltig der were Er ſprach ob got hilffe pfliget Die minem trurren angeſiget Wart er aber ye Ritter hold Gedienett ye Ritter ſinen ſold Oder mag ſchilt vnd ſchwert Sin̉er hilffen ſin ſo wert Vnd rechtu manlichú wer Das ſin helffe mich vor ſorgen ner Jſt hútte ſin helfflicher tag So helffe er ob er helffen mag Er kertte ſich wider dannen er do reit Sy ſtuͦndent dennocht den waz leit Das er von Jn kertte Jr trúwe ſy das lerte Die Junckfrowen Jm ſachen nach Gen den Im och ſin hercze Jach Das er ſy gerne ſeche Won Jr blick in ſchone Jeche Er ſprach iſt gotes krafft ſo fier Das ſy beidú ros vnd tier Vnd die lutte mag wiſen Sine crafftt wil ich im priſen Mag gottes kunſt die helffe han So wiſe mir dis caſtilon Das wegeſt vmb die Reiſe min So tuͦt ſin hilffe guͯtte ſchin Nun gang nach der gottes kúr Der zigel gieng den oren fuͤr Er dem roſe leite Mit dem ſpor ers vaſte regte Gen montanie deſaluaſche es gieng Da Orilus de* vieng vndden eẏd empfieng de* vieng vndden eẏd empfieng: Es handelt sich um eine grössere Korrektur. Die Reihenfolge der einzelnen Schritte kann nicht abschliessend geklärt werden. Der kunſche trefrizent do ſas Der mengen montag úbel gas Als tet er gar die wuchen Er hat gar verſprochen Moras win vnd brot Sin kúnſche im denocht me gebot Der ſpiſe het er deheinen muͦt Fiſche noch fleiſch waz truͦg bluͦt Sus ſtuͦnd ſin hellichiches leben Got hat im den muͦt gegeben Der h̉erre ſich bereitte gar Gen der himelſchen ſchar Mit faſten er groſſen kum̉er leid Sin kúnſche gen dem tiefel ſtreit An dem erfuͦr nun parczifal Die Rechtten mere vmb den gral Wer mich dar von fragte Vnd dar vmb mit mir bagate Ob ich ims nit ſagte Vnpris der dran beiagte Jch wil nomen kyot Wan der nun durch d̉er auentúr gebot. Das ymer man gedechte E es die auentúre brechtte Mit worten an der mere gruͦs Das man da von doch ſprechen muͦs. Kyot d̉er meiſt̉er wol bekant Ze dolet v̉erworffen ligen fand Jn heidenſcher geſchrifftte Der Auentúrre gifftte Der karacter A.b.c Muͦs er han gelernet E. Ane den liſt von nygramanzi Es halff das im d̉er tod was by Anders were dis mere noch nit vernomen. Dehein heidenſch liſt mocht v́ns = gefromen Ze kundent vmb des Grales art Wie man ſin̉er togen Jnnen ward Ein heiden hies flegatanis Der beiagte an kúnſten hochen pris Der ſelbee faſion Was geborn von Salamon Vſer yſrahelſchen ſippe erczilt Von alter her vncz vnſer ſchilt Der toff ward fuͤr das helle fúr Der ſchreib von des Grals auentúr ⸿Er was ein heiden vatterhalb Flegetanis der an ein kalb Bete. Als ob es were ſin got Wie mag der tiefel ſolichen ſpot Gefuͦgen an ſo wiſer diet Das ſy nit ſcheidet oder ſchiet Da von. der trett die hoͯchſten hand Vnd dem allú wund̉er ſind bekant Flegetanis der heiden Kunde vns wol beſcheiden Ettliches ſternen hinne gang Vnd ſin̉er kúnſte wid̉er wank Wie lange yetlicher vmbe get E er wider an ſin zil geſtet Mit der ſternen vmb reiſe ward fart Jſt gepruͦffett aller menſchen art Flegatanis der heiden ſach Da von er blúcklichen ſprach Jn dem geſtirne mit ſinen ogen Verholúbaͯre togen Er Jach es wer ein ding der Gral Des namen las er ſunder twal Jn dem geſtirn wie der hies Ein ſchar Jn vff der erden lies Dú fuͦr vff v́ber die ſternen hoch Ob die ir vnſchuld wid̉er zoch Sid muͦſt ſin pflegen getofftt frucht Mit alſo kúnſtlich̉er zucht Dú menſcheit iſt ym̉er werd Der zu dem gral wirt gegert Sus ſchreib da von flegatanis Kyot der meiſter wis Dis mere begund ſuchen Jn den latinſchen buchen Wa geweſſen were Ein folk dar zu gebere Das es des grals pflege Vnd der kunſche ſich bewege Er las der landen koronica Ze Britange vnd anderſchwa Ze frankriche vnd Jm ẏrland Ze anſchowe er die mere fand Er las von mandadanmanſadan Mit warheit ſund̉er wan Vmb alles ſin geſchlechte Stuͦnd das geſchriben Rechte Vnd anderthalb wie tyturel Vnd des ſuͦn frumutel Den Gral brachte vff anfortes Des ſchweſter herczelaude was By der Gahmuret ein kind Gewan des diſe mere ſind Der Rittett nun vff die núwen ſla Die gen Jm kam der Ritter gra Er kante die ſtat wie lege der ſchne Da liechtte bluͦmen ſtundent E Das was vor eines gebirges wand Alda ſin manliche hand Frow Jeſcuten die huld erwarb Vnd da orilus zorn verdarb. Die ſla in do nit haltten lies Fontange de ſaluaſche hies Ein weſſen da ſin Reiſe gieng Er fand den wirt der Jn empfieng Der einſidel zu Jm ſprach Owe herr das úch ſus geſchach Jn dirre heilgen zitt Hat úch angſtlich̉er ſtrit Jn diſen harnaſch getriben Oder ſind ir one ſtrit beliben So ſtuͯnde úch bas ein and̉er wat Lies úch hochfertige rat Nun Ruͦchent erbeiczen h̉erre Jch wenne úch das ich were Vnd erwarment by einem fúre Hat úch Auentúrre Vſz geſant durch minn ſold Sind ir rechtter minne hold So minnent als uch die minne get Als dis tages minne geſtett Dienent hernach vmb wibe gruͦs Ruͦchent Erbeiczen ob ich bitten muͦs Parczifal der wigant Erbeiczte nid̉er al ze hand Mit groſſer zucht er vor Jm ſtuͦnd Er tet Im von den lutten kunt Die in dar wiſtent Wie die ſinen Rat priſtent Do ſprach er herre gebt mir Ratt Jch bin ein man der ſunde hat ⸿Do die red was getan Do ſprach aber der guͦt man Jch bin Rates úwer wer Nun ſagt mir wer wiſt úch her Herre vff dem wald mir wid̉er gie Ein grawer man d̉er mich wol empfie Als tett ſin meſſinie Der ſelbe falſches frye Hat mich her zu uch geſant Jch reit ſine ſtig bis Jch úch fand Der wirt ſprach das iſt Kachamis Der iſt werdenklich fur al wis Der fúrſt iſt ein punterteis Der Riche kúng von Karyes Sine ſchweſter hat ze wibe Nie kunſcher frucht von libe Ward geborn wan ſin ſelbes kind Die úch da wider gangen ſind Der fúrſte iſt von kúnges art Allu iar iſt zu mir her ſin fart Parczifal zem wirtte ſprach Do ich úch by mir ſtende ſach Forcht ir úch nit do ich zu uch reit Was úch min komen do icht leid Er ſprach h̉erre globent mirs Mih hett der ber vnd der hirs Erſchreket dick̉er denne d̉er man Eine warheit ich uch ſagen kan Jch fuͤrcht nit waz menſchen iſt Jch kan och menſclichen liſt ⸿Hettent irs nit fuͤr einen Ruͦm So trag Jch flucht nach maguͦm Min hercz empfieng noch nie den Crancz. Das ich von úwer getette wanck. Sy min̉er werlichen zit Jch was ein Ritt̉er als ir ſit Der och nach hoch̉er minne Ranck Ettwenne Jch ſund̉erbaren gedank Gen der kunſchen parriette Min leben ich daruff zertte Das mir gnade tett ein wib Des het vergeſſen nun min lib Gebt mir den zom in min hand Doͯrt vnd̉er eines felſen handwand So úwer ros durch ruͯwe ſten By ein̉er wile ſullen wir bede gen Brechen Jm gras vnd varm And̉ers fuͦtters bin Jch arm Wir ſullen es doch wol ernern Parczifal ſich wolte wern Das er den zom empfienge nicht V́wer zucht úch des nit gicht Das ir ſtritent wid̉er den wirt Ob vnfuͦge uwer zucht v̉erbirt Alſus ſprach der guͦtte man Dem wirte ward der zom v̉erlon D̉er zoch daz ros vnd̉er den ſtein Da ſeltten ſunne hin geſchein Das was ein wilder marſtal Da durch gieng eins brunnēn val ⸿Parczifal ſtund vff den ſchne Es tet einem kranken manne we Ob er harnaſch truͯge Da der froſt alſo an Jn ſchluͯge Der wirt in fuͦrtte in ein krufft Da ſeltten kam des windes lufft Da lagent gluͯgende koln Die machtte der gaſt gern doln Ein kerczen entzunt des wirtes hand Do entwapnet ſich d̉er wigant Vnder Jm lag remſchob vnd varn Alle ſine lider wurden warm So das ſin fel gab liechtten ſchin Er moͯchte wol wald muͯde ſin Wan er hett der ſtraſz wenig gerittēn Ane dach die nacht des tages erbitten Als hat er mengen and̉er Getrúwer ward do wander Da lag ein Rock den lech Im an Der wirt vnd fuͦrt In mit Jm dan Ze ein̉er andren krufftt dar Ine waz Sinú buͦch dar an d̉er kunſch las Nach des tages ſitte ein alter ſtein Da ſtund ablas daruffe ſchein Ein kaffcze dú ward ſchier erkant Daruff Schwuͯr parczifals hand Ein vngefelſten eid Da von Jeſcutten leid Ze liebe ward verkert Vnd ir froͯde gemert Parczifal zem wirtte ſin Herre dirre kafczen ſchin Erkenn Jch won ich dar uff ſchwor. Ze einen zitten da ich hie fúr fuͦr. Ein gemaltes ſper ich bẏ ir hie fand. Herre das nam alhie min hand. Da mit pris beiagte Als man mir ſider ſagte Jch verdacht mich an min ſelbs wib So das von wiczen kam min lib Zwo Riche tioſt ich da mit Reit Vnwiſſende als man mir ſeit Dennocht hat ich erre Nun han Jch ſorgen mere Denn ir an mane ye hab geſechen Durch úwer zucht ſúlt ir daz iechen Wie lang iſt von der zitt her Herre daz ich nam das ſper ⸿Do ſprach aber der guͦtte man Es vergas min frúnd tafrian Hie er kam mirs ſid̉er zu clage Funffthalb Iar vnd dry tage Jſt das irs noment hie Welt irs hoͯren Jch pruͯff uch wie An dem ſalter las er im úber al Dú Iar vs vnd d̉er wuchen zal Die da enzwuſchen wauren hin Aller erſt ich Innan worden bin Wie lang ich far wis los Vnd daz der froden hilff mich v̉erkos Parczifal ſprach mir iſt froͯd ein trom. Jch trage der rúwe ein ſchweren ſoum Herre ich tuͦn v́ch noch mere kunt Wa kirche od̉er muͤnſter ſtuͦnd Da man gottes erre ſprach Dehein og mich da nie geſach Sid den ſelben zitten Jch ſuchtte nicht wan ſtritten Och trag Jch haſſes vil gen gote Won er iſt miner ſorgen tote Die hat er alze hoch erhaben Min ſel iſt lebendig begraben Konde gottes krafftt mir helfe ſin Was angſte were die froͯde min Dú ſinkett durch der Rúwen grund Jſt min manlich hercze wund Oder mag es da von werden gancz Das die Rúwe ir ſcharpffer crancz Mir ſeczet vff werdikeit Die ſchiltes ampt mir erſtreit Gen werlichen handen Das gich ich dem zu ſchande Der aller helffe het gewalt Der helffe vnd helffe bald Das mir denne hilffet nicht So vil man Jm der hilffe gicht DEr wirt erſunſzende vnd ſach Jn an. Herre habt ir ſin als ein Criſtan man So ſond ir got getrúwen wol Er hilfftt úch won er helffen ſol Got muͦs vns helffen beiden Herr iſir ſult mir aber beſcheiden Ruͦcht aller erſt ſiczen Sagt mir kunſchen wiczen Wie der zorn ſich anfieng Da von got uwern has empfieng Durch úwer zucht gedult Vernement von mir ſin vnſchuld E das ir mir von Im icht clagt Sin helffe iſt ym̉er vnuerczagt Doch ich ein leyge were Der wauren buchen mere Kund ich leſen vnde ſchriben Wie der menſch ſol beliben Mit dienſte gen des helffe gros Den der ſtrit helffe nie verdros Fuͤr die helle ſenken Sind getrúwe one wenken Sid got ſelbe die trúwe iſt Dem was ye vnmerre valſch̉er liſt Wir ſond In des genieſen lon Er hat vil durch vns geton Sid ſin edel hocher art Durch vns zu menſche wart Got heiſſett vnd iſt die warheit Dem was ye falſche leit Das ſuͯlt ir gar bedenken Er kan an nyeman wenken Nun lerent úwern gedanke Hút gen Jm one wanken Jr mugt Jm ab erczúrnen nicht Wer úch gen Jm Jn haſſe ſicht Der hat úch an den wiczen krank Nun pruͯfftt wie luczifer gelank Vnd ſinen not geſellen allen Sy waurent doch one gallen ⸿Ja herre wa noment ſy den nid Da von Jr endeloͯſer ſtrit Zu heller Emphahent ſuren lon Aſtroch vnd Belcimon Belot vnd Raddamant Vnd and̉er die ich da han erkant Dú liechten himelſche ſchar Ward durch nit helle far Do Luczifer fuͦr die helle fart Mit ſchar ein menſch nach Jm ward Got worchtte vſz der erden Adamen den werden Von Adams werche er Eua brach Die vns gab an das vngemach Das ſy irn ſchoͯpffer úberhorte Vnd vnſer froͯde ſtortte Von Jn zwein kam geburte frucht Einem geriett ſin vnzucht Das er durch zittlichen Ruͦm Siner Annen nam den magtuͦm Nun beginent gnuͦg des gezemen E ſy dis mere vernemen Das forſchen wie das moͯchte ſin Es ward ye doch mit ſunden ſchin ⸿Parczifal hin zum wirt ſprach Herr ich wenn das es nie geſchach Von wem was der man geborn Von dem ſin ann hett verlorn Den magtum als ir mir ſagt Das moͯcht ir gern han vertagt Der wirt ſprach aber wider zu Jm Von dem zwiffel ich nun nim Vch. Sag ich uch nit die warheit So lat uch ſin mine triegen leit Dú Erde adams muͦtter was Von erden frucht adam genas Dennocht waz die erde ein magt Noch han Jch úch nit geſagt Wer ir den magtum benam Kayns vatt̉er was adam Der erſchluͦg abeln vmb krankes guͦt Do vff die Reinen erden daz bluͦt Viel ir magtum was v̉erfarn Den nam Jr adams barn Do huͦb ſich erſt des menſchen nit Alſo wert er ym̉er ſitt Jn der welt doch nit Reiners iſt So du magett ane valſchen liſt Nun pruͯffent wie Reine die megt ſind Got was ſelb der mege kind Von megden ſind zwen menſch geborn Got ſelb ſin menſcheit hett genomēn Nach der meide erſten frucht Das was ſin̉er art ein hoche zucht ⸿Von adames kúnne húb ſich trúw vnd vnminne Sid er vns ſippe lognet nicht Den yeglich engel ob im ſicht Vnd dú ſippe iſt ſunder wagen So das wir ſúnde muͯſſen tragen Dar úber erbarme ſich des krafft Dem erbermde git geſelſchafft Sid ſin getrúwe menſcheitt Mit trúwen gen vntrúwe ſtreit Jr ſúlt vff Jn verkieſſen Welt ir ſelde nit verlieſſen Lat wandel iuch fuͤr ſunde bẏ Sind rede vnd werk nit ſo frẏ Won wer ſin leid alſo Richet Das er vnkúnſche ſprichet Won des lone tuͦn ich uch kunt Jn vrteilt ſin ſelbes mund Nempt altú mere fúr núwe Ob ſy iuch lerren trúwe Der parlúre plato Sprach bẏ ſinen zitten do Vnd ſibille dú prophetiſſe Sunder falierens miſſe Si ſagtent do vor mengem Jar Vns ſoltte komen al fuͤr war Fuͤr die hoͯchſten ſchulde pfand Ze helle vns nam die hoͯchſte hand Mit der goͯttlichen minne Die vnkúnſchen lies er dar Jnne ⸿Von den wauren minnere Sagent vns die mere Der iſt ein durchluchtig liecht Vnd wencket ſin̉er minne nicht Wem er minne zeigen ſol Dem wirt mit ſiner minne wol Die ſelben ſind geteilet Al der welt iſt gefeilet Beidú ſin minne vnd ſin has Nun pruͯffen weders helffe bas Der ſchuldig one rúwe Flúcht die goͯttlichen trúwe Wer aber wandlet ſúnden ſchulde Der dient nach werder hulde Die treit er durch gedanke vert Gedenke ſind ſūnnen blikes wert Gedank iſt one ſchlos geſpart Von aller creature bewart Gedenk iſt vinſter one ſchin Die gotheit kan luttrer ſin Sy gleſtett durch die vinſt̉er wand Vnd hat den helden ſprung gerand Der endruczet noch enclinget So er von dem herczen ſpringet Es eniſt dehein dank ſo ſchnel E er vom herczen fuͤr das fel Kuͯm. ern ſin verſuͦchett Des kunſchen got geruͦchet Sid got gedank ſpecht ſo wol Owe der boͯſen werken dol Wan wer Ruͦchett ſinen gruͦs Das gotheit ſich ſchamen muͦs. / Wem lant de menſcliche zucht War hat die arme ſele flucht Welt ir got nun fuͯgen leid Der zu beiden ſitten iſt bereit Zer der minne vnd zu dem zorne So ſind ir der verlorne Nun kert úwer gemuͯtte Das er úch danke guͯtte Parczifal ſprach zu Jme do Herre ich bin des ym̉er fro Das ir mich von dem beſcheidēn = hat Der nichttes vngelonet lat Der miſſewende noch der tugent Jch han mit ſorgen mine Jugent Alſus bracht an diſen tag Das ich durch trúwe kum̉ers pflag ⸿Der wirt ſprach wid̉er zu Jm Núttes nicht ich helle ger v̉ernim Was ir kumbers vnd ſunden habt Ob ir mich die wiſſen lat Dar zu gib ich úch liehte Ratt Des ir ſelbs nit enhat ⸿Do ſprach aber parczifal Min hoͯchſte not iſt vmb den Gral Dar nach vmb min ſelbes wil Es ward nie ſchoͯner lip Geſoͯge nie muͦtter bruſt Nach den beiden ſent ſich min geluſt ⸿Der wirt ſprach h̉erre ir ſprechen wol Jr ſit in Rechtt̉er kumers dol Sid ir nach úwer ſelbes wibe Sorge pflicht gebt dem libe Werdent ir funden an Rechtt̉er E Vͯch mag ze helle nit werdēn we Dú not ſol ſchier ein ende han Vnd werdent von bandēn da erlon Mit der gottes helff on ſund̉er twal Jr Iecht ir ſent uch vmbe den Gral Jr tumber man daz muͦs ich clagen Es enmag nyemēn den Gral beiagen Won der ze himel iſt wol bekant Das er zem Grale ſy benant Das mús Jch vom Grale Jechen Jch weis es vnd habs geſechen ⸿Parczifal ſprach waurent Jr da Der wirt ſprach gen Jm h̉erre Ja Parczifal verſchweig Jm gar Das er och waz komen dar Er fragt in von der kunde Wie es vmb den gral ſtuͯnde ⸿Der wirt ſprach mir iſt wol bekant Es wont menig werlich hand Zu Munſchaluaſche by dem Grale Durch Auentuͤr die alle mal Rittent menig Reiſe Die ſellem tempeleiſe Wa ſẏ kumer od̉er pris beiagent Fuͤr ir ſúnde ſy das tragent Da wont ein werlichú ſchar Jch wil úch kunden vmb ir nar Sy lebent von einem ſteine Des geſchlechtte iſt vil reine Habt ir des nit erkennet Der wirt úch hie genemet Er heiſſet Jaſpiſerillis Von des crafftt der fenix Verbrennet daz er ze eſchen wirt Die aͯſchen in aber leben birt Sus rett d̉er fenich die fedren ſin Vnd git dar nach liechtten ſchin Das er ſchone wirt als E Och ward nie menſch ſo we Welhes tages es den ſteine ſicht Die wuͦchen mag es erſterben nicht Dú aller ſchiereſt dar nach geſtet Sin farwe im nẏem̉er och zerget Man muͦs Im ſoͯlich̉er farwe Jechen Da mit es hat den ſtein geſechen Es ſige magt oder man Als das ſin beſte zitt huͦb an Seche es den ſtein ijcc Iar Jm enwurde nit graw ſin har Soͯmlich krafftt dem menſchen git der Stein Das im fleiſch vnde bein Jugent empfachent ſund̉er twal Der Stein Jſt och genant d̉er Gral Daruff kompt hút ein botſchafftt Daran doch liget ſin hoͯchſte crafft Es iſt hút der karfritag Des man fúr war da wartten mag Ein tub von himel ſchwinget Vff den Stein ſy bringet Ein cleine wiſe oblat Vff den ſtein ſy die lat Dú tub iſt durchluchtig blank Zu himbel tuͦt ſy wid̉er yerren gank Jemer all karfritage Bringencz vff den ſtein als ich uch ſage Da von der ſtein empfachett Was guͦttes vff der erde drehet Von trinken vnd von ſpiſe Als den wunſch vom paradiſe Jch meine waz die erd mag gegebẻrn Der ſtein ſy fuͤrbas me ſol wern Was wid*wilden vndern lúfftten lept Es fliege es lofe od̉er es ſchwebt Der Ritterlichen Bruͦderſchafftt Die aber zum Gral ſind benant Hoͯrrent wie die werdent erkant Ze end an des ſteines trum Von kraktern ein epitaphium Seit ſinen namen vnd ſin art Wer dar kumen ſol der ſelden *fart Es ſy von meiden od̉er von knaben Die geſchriff darff nieman ſchaben So man den namen geleſſen hat Vor ir ogen ſy vergat Sy koment alle dar fur kint Die nun da groſſe lutte ſind Wol der muͦter die daz kind gebar Das ſol ze dienſt komen dar Der arme vnd der Riche Froͯwent ſich alle geliche Ob man ir kint eiſchet dar Das ſy es ſuͯllen ſenden an die ſchar Man holt ſy in mengen landen Vor ſunderbaren ſchanden Sind ſy ymer mer behuͦt Vnd wirt Jr lon ze himel guͦt Wenn erſtirbet hie daz leben So wirt in doͯrt d̉er wunſch gegebēn Die wederthalb geſtuͦnden Do ſtritten begunden Lucifer vnd trinitas Waz der ſelben engel was Die Edlen vnd die werden Muͦſſen vff die erden Zu dem ſelben Steine Der Stein iſt ym̉er reine Jch enweis ob got vff ſy verkos Oder ober ſy fuͤrbas verlos Was das ſy Recht er nam ſy wid̉er Des ſteines pfliget ym̉er ſider Die got dar zu benante Vnd in ſinen engel ſantte ⸿Herr ſus ſtet es vmb den Gral Do ſprach aber parczifal Mag Ritterſchafftt des libes pris Vnd doch der ſele paradis Beiagen mit ſchilt vnd mit ſper So was ye Ritterſchafftt min beger Jch ſtrit ye wa man ſtrite fand So das min werlichu hand Sich nachtte dem priſe Jſt got an ſtrite wiſe Der ſol mich dar benemen Das ſy mich da bekennen Min hand da dienſte nit verbirt Do ſprach aber der kunſche wirt Jr muͦſſent alda von hochfart Mit ſenffttem willen ſin bewart Júch verleitte licht úw̉er Iugent Das ir der kunſche brecht ir tugent Hochfart ye ſeic vnd wiel Sprach der wirt. Jettwed̉er og Im wiel. Do er an daz mere dachte Das er mit rede volbrachtte Do ſprach er h̉erre ein kung do waz Der hies vnd heiſſet noch Anfortas Das ſol úch vnd mich armen Jemer merre erbarmen Vmb ſine herczbere not Die hoffart Im ze lone bot Sin Jugent vnd ſin Richeit Der welte an Jm fuͦgtte leid Vnd das er gertte minne Vſſerthalb der kúnſchen ſinne Der ſitte iſt nit dem Grale recht Da muͦs d̉er ritt̉er vnd d̉er knecht Bewarn ſich vor boſzheit Doͯmuͦt ye hoffart úber ſtreit Da wont ein werde bruͦderſchafftt Die hat mit werlicher krafftt Entwert mit ir handen Der diet von allen landen Das der Gral iſt vnerkant Wan den dar ſind benant Ze Munſauaſhe ans grals ſchar Wan ein̉er kam vnbenennet dar Der ſelbe was ein tumber man Vnd fuͦrt och ſúnde mit Jm dan Das er nit zum wirtte ſprach Vmb den kumer den er an Im ſach Jch ſolte nyeman ſcheltten Doch muͦs er ſúnde engeltten Das er nit fragtte des wirtes ſchaden Er was mit kume ſo beladen Es ward nie erkant ſo hocher pin Do vor kam Roys lechelin Zu Brumgange an den ſe geritten Durch tioſt hett ſin da gebitten Libeals der werde held Des tod mit tioſt ward erwelt Er was geborn von prienlaiors Lechlin des heldes Ros Dannen zoch mit ſiner hand Do ward der rerob erkant ⸿Herre ſit irs lechelin So ſtet Jn dem ſtalle min Den roſen ein Ros gelich gefar Dú da hoͯrent an des Grales ſchar An dem ſattel ein turteltube ſtet Das Ros von Munſauaſhe get Dú wappen gab in Anfortes Do er der froͯden herre was Jr ſchilt ſind von alter ſo Tyturel ſy brachte do An ſinem ſun Roys 1 An ſinem ſun Roys frimutel Dar vnder ſchlos der tegen ſchnel Von einer tyoſt verlos den lib Der minnte ſin ſelbes wib Das nie von manne mere Wib geminnet war ſo ſere Jch meine mit rechter trúwe Sine ſitten ſúlt ir núwen Vnd minnent von herczen uw̉er konen Siner ſitte ſúlt ir wonen V́wer frowe im treit gliche mal Der was och herre v́bern Gral Owi herre wannen iſt uwer vart Nun Ruͦchent mir pruͯffen úw̉er art Parzifal zum wirte ſprach Jch bin von einēm mān geborn D̉er mit ſtrit den lib het v̉erlorn Vnd durch ritt̉erlich gemuͯtte Herre durch úwer guͯtte Súlt ir in nemen in úw̉erm gebett Min vatter hies Gamurett Vnd was von art ein anſhevin Herre ich bin nit lechelin Genam ich ye den rerrob So was ich an den wiczen tob Es iſt yedoch von mir geſchechen Der ſelben ſunden muͦs ich Iechen Jhtern von kumnerlant Den ſchluͦg min ſunderbere hand Jch legtte in totten vff das land Vnd nam das ich da fand Owe welt wie tuͦſtu ſo Sprach der wirt vnd waz des meres gar vnfro Du giſt den lútten herre ſere Vnd rúwberres kumers mere Dan der freuden wie ſtat din lon Sus endet ſich des meres don Do ſprach der wirt lieb̉er ſchweſt̉er ſun / Was Rates mocht ir nun tuͦn Du haſt din eigen werch erſchlagen Wiltu fúr got die ſchulde tragen Sid das ir beidu waurent ein bluͦt Ob got da recht gerichtte tuͦt So giltt im dine eigen leben Was wiltu im denne zu geltee geben Jthern von kachevies Der rechtte wirdekeit genies Des die welt was gereint Hett got an Jm erſcheint Miſſewende was ſin rúwe Er Balſam ob der trúwe Alle weltliche ſchande In floch Wirdikeit ſich in ſin hercze zoch Dich ſeltten haſſen werde wib Durch ſinen minenklichen lib Sin dienſt was gen im ſo gancz Er machtte wibes ogen glancz Die Jm geſchachen von ſiner ſuͯſze Got das erbarmen muͯſze Das du ye gefrumpteſt ſoͯliche not Min ſchweſter lag och nach dir tot Herczelaude din muͦtter Naina herre guͦtt̉er Was ſagt ir ſprach parczifal Werre ich denne h̉erre uͤbern Gral Der moͯchtte mich ergeczen nicht Des meres des mir úwer mund gicht Bin ich úwer ſchweſter kind So tund als die mit trúwen ſind Vnd ſagt mir ſund̉er falſchen var Sind diſú beide mere gar war Do ſprach aber der guͦtte man Jch enbins nit der triegen kan Diner muͦtter das ir trúwe ward Do du von ir ſchied ſy ſtarb Du wert das tier das ſy ſogt Vnd der trake der von ir flog Es widerfuͦr ir im ſchlaffe gar E das die ſuͯſze dich gebar Min̉er geſchwiſtergit noch zwey ſind Min ſchweſter Shoiſiane ein kind Gebar die frucht lag ſid tod Der herczog Kẏott Von Kattelange was ir man Der wolt och ſid nit froͯde han Sygunen des ſellen toͯchtt̉erlin Beualch man der mutter din Shoiſianen tod mich ſchmerczen Muͦs enmitten in dem herczen Jr wiplich hercze was ſo guͦt Ein arcke fur vnkunſche guͦt Ein magt min ſchweſter pfligtt noch ſitte So das ir volgt kunſche mitte Repanſe de Joie pfliget Des Grals der ſo ſchwere wiget Das Jn die falſch menſcheit Nyem̉er von der ſtat gereit Jr bruͦder der mine iſt antefortes Die beidú iſt vnd was Von art des Grals h̉erre Dem iſt leider froͯden verre Wan das er hatt gedingen Jm ſúl ſin kumber bringen Zem Endenloſe gemache Mit wund̉erlicher ſache Jſt in komen an Rúwen zil Als ich dir neue ſagen wil Pfligſtu denne trúwe So erbarmet dich ſin rúwe Do frimutel den Lib verlos Min vatter nach im do kos Sin elteſtent ſun zu kúng dar Ze vogtte dem Gral vnd des grales ſchar / Das was min bruder anfortas Der Crone vnd Richeit wirdig waz Dennocht mir do wenig wauren Do min bruͦd̉er gen den Jaren Kam fúr die garn ſprungēn zitt Mit ſoͯlich̉er iugent hat mine ſtrit So zwinget ſy ir frund ſo ſere Man mag irs Iechen zu vnere Wellich Grals h̉erre ab̉er minne gert Anders denne die geſchrifftt in lert Der muͦs es komen in arbeit Vnd Jn ſunffzenbere herczleit Min herr vnd d̉er Bruͦder min Kos Im eine frúndin Des Jn duchte ein gutte ſitte Wer dú was das ſy da mitte Jn ir dienſt er ſich do zoch So das dú zagheit in floch Des ward von ſin̉er claren hand Wirdikeit menig ſchiltes rang Do beiagtte an auentúrre Der ſuͯſſe vnd der gehúrre Ward ye hocher pris erkant V́ber allu ritterlichu land Vor den merre was er do frye Amor was ſin krye ⸿Der Ruͯff iſt zer doͯmuͦt Doch nit willenklichen gagatguͦt Eins tages der kung alleine reit. Das was gar den ſinen leid. Vs dur auēntúre 2 Durch froͯde an minne ſturre Des zwang in der minne ger Mit einem geluptten ſper Wart er ze ſtritte do wund So das er nyem̉er mer geſund Ward der ſuͯze oͯchein min Durch die heidruͯſe ſin Es was ein heiden d̉er da ſtreit Vnd der die tioſt reitt Geborn von Ehnyſe Do vs dem paradiſe Rinnet die tygris Der ſelbe heiden waz gewis Sin ellen ſolt den Gral behalttenbehabten One ſper ſin nam waz ergraben Er ſuchte die verren Ritt̉erſchafftt Nicht waswān durch des grales krafft Strech er waſſer vnd land Von ſinem ſtrit vns froͯde ſchwand Dins oͯchains pris man priſe Muͦs des ſperes ẏſen Fuͦrt er in ſinem libe dan Do der Junge werde man Kom heim zuͦ den ſinen Do ſach man Jam̉er ſchinen ⸿Den heiden hat er doͯrt erſchlagen Den ſúlen och wir zu mere clagen Do vns kam d̉er kung ſo bleich Vnd Im ſin crafftt entweich Jn die wunden greiff eins arczacz hand Vncz er des ſpers yſen fand Der trunczen was roͯrrig Ein teil in der wunden ſin Die gewan d̉er arczat beidú wid̉er An mine venye fiel ich nider Do lopt Jch der gottes krafftt Das Jch dehein Ritt̉erſchafft Stete nẏemer mere Das got ſin durch erre Minem bruͦder halff vs der not Vnd verſchwuͦr fleiſch win vnd brot Vnd dar nach alles daz da truͯge bluͦt Das ich nẏemer me gewine muͦt Das was der diet ander clage Lieber neue als ich dir ſage Das ich ſchied von dem ſchwert min Sy ſprachent wer ſol ſchirmer ſin V́ber des Grals togen Do weinttent liechtú ogen Sy truͦgent den kung ſund̉er twal Durch gottes hilff fuͤr den gral Do der kúng den gral geſach Das was ſin ander vngemach Das er nit ſterben mochtte Wan Im ſterben nit endochte ⸿Sid ich mich hat ergeben An ein ſuſt ermlich leben Vnd des edlen ardes herſchafftt Was komen an ſo ſchwache crafft Des kúnges wunden genert waz Was man der arczat buͦch las Die nun geben dehein̉er helffe lon Gen aſpis ecidemon Ehkontius vnd liſis Jecis vnd meatris Die argen ſchlangen des eitter hies. tragent. waz yemen da von weis Vnd fúr ander wurme die eitt̉er tragen Was die wiſen meiſter dafúr beiagen Mit fiſike liſten mit wúrczen Laus dir die rede kúrczen Der deheines gehelffen konde Got vns *des vergundeverbunde Wir gewunnen Geon Ze hilfe vnd fiſon Eufrautes vnd tygris Die vier waſſer vs dem paradis So nachen hin zu ir ſuͯſzer ſchmak Dennocht nit ſin verrochen mag Ob dehein wurcze dar In queme Die vnſer trurren neme Das was verlorne arbeit Do nuwet ſich vnſer herczleid Do verſuͦchte wirs menige wis Do gewunnen wir daz ſelbe ris Daruff ſibille iach Eneas fuͤr helſch vngemach Vnd fur das flegitomen roch Fuͤr ander flúſſe die dar Jn flieſſent ouch. Des nomen wir vns muͦſz Vnd gewunnen daz ris zu buͦſe Ob das ſper vngehúrre Jn dem helſchen fúrre Were geluͯget od̉er geloͯtt Das vns an froͯden tott Do was dem ſper nit alſus Ein fogel heiſt pellicanus Wenn der ſtfrucht gewinett Als ſerre er die minet Jn zwingett ſin̉er trúwen geluſt Das er biſſet durch ſin ſelbes bruſt Vnd lat daz bluͦt den Jungen in den mund. Er ſtarb an der ſelben ſtund Do gewunnen wir des folgels bluͦt Ob vns ſin trúwe were guͦt Vnd ſtrichens an die wunden So wir beſte kunden Das mocht vns nit gehelffen ſus Ein tier heiſſett mocirus Das erkennet d̉er meide reine ſo gros Das es ſchlaffet vff d̉er meide ſchos Wir gewunnent des tieres herczen V́ber des kúnges ſchmerczen Wir noment den karfunckel ſtein Vſz des tieres hirin bein Der da wachſet vnd̉er ſinem horne Wir beſtrichent die wunden vorne Vnd beſchluſſen den ſtein dar Jnne gar Die wunde was echt luppic var Das tett vns mit dem kung we Wir gewunēn eine wurcze heiſzet trakonte Wir hortent von der wurczen ſagēn Wa ein trake wurd erſchlagen Sy wachſe von dem bluͦtte Der wurczen iſt ſo zu muͦtte Sy hat alles luffttes art Ob vns des traken vmbefart Da von moͯcht icht gefromen Fuͤr den ſterne wider komen Vnd fuͤr des monen wandel tag Daran des kunges ſchmercze lag Der wurczen edel hoch geſchlechte Kam vns da fuͤr nit rechtte Vnſz venie viellen wir fur den gral Daran geſachen wir ze einēm mal Geſchriben. dar ſolt ein Ritt̉er komēn Wurde des frag alda v̉ernomen So ſoͯltte der kumber ende han Es were kind magt od̉er man Das in der frag warnet Jcht So ſoͯlte die frag helfen nicht Wa das d̉er ſchad ſtuͯnd als E. Vnd herczlicher tette we Die geſchrifftt ſprach habt ir das vernomen / Vwer warnen mag zu ſchaden komen Fragt er nicht by d̉er erſten nacht 3 So zergat ſin̉er frage macht Wirt ſin frage an recht̉er zit geton So ſol es kumenriche han Vnd hat der kumber ende Von der hoͯchſten hende Da mit iſt anfrotas geneſen Er ſol aber nit mer kúng weſen Sus laſen wir an dem Grale Das anfortas quale Da mit ein ende neme Wenn die frag alſo quaͯme Wir ſtrichen an die wunden Wa mit wir ſy ſenfftten kunden Die gutten ſalben nardas Vnd was triakelt was Vnd den roch von holcz aloie Jm was vmenthalben we Do zoch ich mich da her Schwache wūnne iſt min̉er Iare wer Sid kam ein Ritt̉er dar geritten Der mocht es gern han v̉ermitten Von dem ich dir e ſagtte Vnpris er da beiagtte Sid er den Rechtten kumb̉er ſach Das er nit zu dem wirte ſprach Herre wie ſtet úwer not Sid im ſin tumpheit daz gebot Das er do nit fragtte Groſer ſelde in betragtte ⸿Dú beidu waurent mit herczēn clage Do nachet es dem mittēn tage Der wirt ſprach gen wir nach d̉er nar Din ros iſt vnberatten gar Jch kan vnd mag mich ſellen nicht geſpiſſen Es enwelle got vns den bewiſe Min kuchin Ruchett ſeltten Des muͦſtu hút engeltten Vnd alle die wil du by mir biſt Jch ſol dich hút lerren den liſt An den wurczen lieſſe vns d̉er ſchne Gott welle das er bald zerge Nun brechen úwerm ros gras Jch wenne es dick bas gas Ze Munſaluaſche bas denne hie Du noch es ze wirte nie komen. der úwern gern̉er woͯltte pflegen Ob es hie bereittes were gelegen Sy giengent vs vmb ir beiag Parczifal des fuͦtters pflag Der wirt gruͦb in wúrczelin Das muͦſt ir beſte ſpiſe ſin Der wirt ſins ordens nit v̉ergas Wie wol er gruͦb dehein er as Der wurcze vor der none An den ſtunden ſchone Hienck ers vnd ſuchtte mere Durch die gottes erre Mangen tag vngas er gieng So er v̉ermiſchte wa ſin ſpiſe hieng Die zwen geſellen nit v̉erdros Sy giengen da d̉er brūnne flos Sy wuͯſchen wurczen vnd ir krut Sin mund ward ſeltten lachens lut Jettwedrer ſine hende twuͦc an einem gebende Trug parczifal núwe lob Fuͤr das ros vff ir ram ſchob Giengent ſy wid̉er zu den koln Man bedorfftt in nit mer ſpis holn Done was geſotten vnd gebratten Vnd ir kuchin vnberatten Parczifal mit ſinne Durch getruwe minne Die er gen ſinem wirte truͦg Jn duchtte er hette bas gnuͦg Denne do ſin pflag garnumancz Vnd do ſo menig frowe glancz Ze Munſaluaſhe fúr in gieng Do er wirtſchafftt vom gral empfieng Der wirt mit trúwen wiſe Sprach eneue diſe ſpiſe Soltu von mir nit verſchmachen Won du findeſt in allen gachen Dehin wirt der dir gunde bas guͦtter wirtſchafftt one has Parczifal ſprach herre Gottes gruͦs mir were Ob mich ye bas geczeme Wes ich von wirtte neme Was da was fúr getragen Von ſpiſe. Bliben ſy darnach vnbeczwagen Das ſchatt in an den oͯgen nicht Das man fiſchigen henden ſicht Jch wil fúr mich geheiſſen Man moͯcht mit mir Beiſſen Wer Jch fur federſpil erkant Jch ſchwung all gerrende ze hand By ſoͯlichen kroͯpflinen Tett ich fliegen ſchinen Wes ſpot ich der getrúwen diett Min alt vnfuͦg mir das riett Jr habt doch wol gehoͯrett Was in Richeit hatt zeſtoͯrett Warumb ſy wauren froͯden arm Dik kalt vnd ſeltten arm Sy dolttent herczen Rúwe Nicht won durch rechte trúwe Ane alle miſſewende Von der hoͯchſten hende Empfiengencz vmb irn kumb̉er ſold Got ward vnd was Jn beiden hold Sy ſtundent vff vnd giengen dan Parczifal vnd der guͦtte man Zem Roſe gen dem ſtalle Mit cranker froͯden ſchalle Der wirt ſprach mir iſt leid Zum Roſe. Din hungerbere arbeit Durch den ſaltel der vff dir liget Der Antefortes wappen pflúgetpflẏget ⸿Do ſy das ros begiengent Núwe clag ſy ane fiengent Parczifal zem wirte ſin Sprach. Herre vnd lieb̉er oͯchein min Gteoͯrſte ich úchs vor ſchame ſagēn Min vngefel ich úch ſoͯlt klagen Des verkieſſent durch úwer zucht Min trúwe hat doch gen uch flucht Jch han ſo ſere miſſeton Woͯlt ir michs engeltten lon So ſcheide ich mich von dem troſte Vnd bin der vnerloſte Jmer merre vnd rúwe Jr ſoͯltt mit rates trúwe Clagen mine tumpheit Der vff Munſaluaſhe reit Vnd der den Rechtten kumber ſach Vnd der dehein frage ſprach Des bin Jch vnſelig barn Sus han ich herre miſſenton garn DEr wirt ſprach neue was ſageſt du. Wir ſullent beidú ſampt zu Herczlich̉er clage griffen 4 Und die froͯde laſſen ſchliffen Sid din kunſt dis des verczech Do dir got fúnff ſin verlech Die hat ir rat dir vor beſpart Wie was din trúwe von Im bewart An den ſelben ſtunden By anfortes wunden Doch wil ich rattes nit v̉erczagen Du ſolt och ſerre nit clagen Du ſolt in rechtten maſze Clagen vnd clagen laſzen Dú menſcheit het wilden Rat Ettwa vil Iugent an wicze vart Vnd lutter ſitte truͯben Wil denne das altter tumheit vͯben Darumb wirt das wiſe ſal Vnd die gruͯnne tugent fal Da von bliben moͯchtte Das der verdechtte dechte Moͯcht ich dirs wol begruͯnnen Vnd die hercze alſo erkuͯnnen Das du den pris eriagteſt Vnd an got nit verczagteſt So ſtuͯnde noch din gelinge An ſo werdlichem dinge Das wol ergeczett heiſſett Got ſelbs dich nit laſſet Jch bin von got din Rattes wer Vnd ſage mir ſecht du daz ſper Ze Munſaluaſhe vff dem hus Do der ſterne ſaturnus Wid̉er an zil geſtuͦnd Das ward vns by d̉er wundēn kunt Vnd by dem ſumerlichen ſchne Jm getet kein froſt nie ſo we Dem ſuͯſzen oͯchain din Das ſper muͦs Jn der wunden ſin Da halff ein not fuͤr die andren not Des ward das ſper von bluͦtte rot Ettlicher ſterne koment tage Die diet da lernet Iamers clage Die ſo hoche ob ein andren ſtent Vnd vngeliche wid̉er ein andren gend Vnd des mones wandel kere Schadet och der wunden ſere Die zit die ich benemet han So muͦs der kung ruͦwe hanlan So tuͦt Jm gros froſt ſo we Sin fleiſch wirt keltter den d̉er ſchne Sid man das gelupptte hies An der ſper yſen wis So man vff die wunden legt Den froſt es vs dem libe reget Als vmbes glaſ var als ys Dar zu mocht aber dehein wis Von dem ſper nyemēn bringen dar Wan trebuket der wiſe man Der worchtte diezwey meſſ̉er die es ſchnident Vſſer ſilber die es nich v̉ermident Den liſt tet im ein ſegen kunt Der an des wirttes ſchwerte ſtuͦnd Menger iſt der das gicht Aſpinde des holczes enbrinne nicht So diſes glaſſes daruff ſprang Fúres loche da nach ſwanc Aſpinde do von verbbr*verbran Was wunders des gelúppe kan Er mag geritten noch gegen Der kung noch geligen noch geſten Er lant oͯne ſiczen Mit ſúnfzenberen wiczen Gen des mones wandel iſt im we Brumbange iſt genant ein ſe Da treit man in vff durch ſuͯſſen lufft. Durch ſiner wunden guft Das heiſſet ſin weide tag Was er alda gefachen mag Bi ſinem ſchmechlichen ſere Er bedarff da dehein mere Da von kam vs ein mere Es werre ein fiſcherre Da merre muͦs er liden Salmen lampriden Hat er doch luczel feile Der trúrrige nit der geile Parczifal ſprach al zehand Vff dem ſew den kúng ich fand Gankerret vff dem wage Jch wene durch fiſche lage Oder durch ander kurczwile Jch het menige wile vnd mile Des tages dar geſtrichen Pelrapeire ich was entwichen Rechte vmb den mitten morgen Des abencz pflag ich ſorgen Wa die herberg moͯchte ſin Der beriet mich d̉er oͯchain min ⸿Du ritt ein angtſche vart Sprach d̉er wirt durch warte wol bewart. Jeſliche ſo beſeczett iſt Mit Rate ſolten Jemans liſt Jn hilffet gen der reiſe Er kertte ie den der vreiſe Wer Jenne her da von in reit Sẏ nemencz nẏement ſich̉erheit Sy wagent Jr leben gen Jenes leben Das iſt fuͤr ſunde in da gegeben Nun kom ich one ſtritte An den ſelben zitten Geritten do der kúng ſas Sprach parczifal des palas Da ſach ich des aubencz iamers fil Wie tet In Iamer oͯne zil Ein knapp alda zer túr in ſprang Da von der palas Jamers clang Der truͦg Jn ſinen henden Ein ſchafftt ze vier wenden Dar Inne das ſper bluͦttig Rot Des kam die diet Jn Jamers not DEr wirt ſprach neue ſider noch E Wart dem kúng nie ſo we Won do ſin komen zeigte ſus Der Sterne ſaturnus Der kan mit groſſem froſte komen Das vff legen mocht vns nit gefromēn Als mans e daruff ligen ſach Das ſper man Jn die wunden ſtach Saturnus loffet ſo hoche enbor Das es die wunden wuͯſte vor E der and̉er froſt kome dar nach Dem ſchne waz niend̉ert alſo gach D̉er viel erſt an d̉er andren nacht Jn der ſumerlichen macht Do man des kunges froſt ſuſt werte Die diet es froͯwden herte Dine muͦtter gab man Jm ze konen Er ſolt aber nit ir minne wonen Der tod in legt ins grab Da von er diner muͦtter gab Waleis vnd Nurgals 5 Kanvoleis vnd Kyngrivals Das ir mit ſal ward gegeben Der kúng nit lenger ſolte leben Das was vff ſiner Reiſe wider Der ſich legtte ſterben nider Do truͦg ſy Crone uber zwey land Do erwarb ſy Gahmuretes hand Suſt git man von dem Gral dan Offenlichen die megde verhollen die man. Durch frucht ze dienſt wid̉er dar Ob ir kind des Grals ſchar Mit dienſte ſúllent meren Das kan ſy got wol lerren Wer aber den Gral ſich dienſtes hat bewegen Gen wiben er minne muͦs pflegen Wa der kung ſol haben eine Ze rechtten ein erkorn Reine Vnd ander die got hat geſant Ze herren in hoͯrloſſe land V́ber das gebott ich mich bewag Das ich durch minne dienſtes pflag Mir riett min fletigú Jugent Vnd eins werden wibes tugent Das ich Jn Jr dienſte reit Da ich dick herttenklichen ſtreit Die ſelben auentúrre Mich duchtte ſo vngehúrre Das ich ſeltten durnierte Jr minne kondwiertte Mit froͯwden Jn daz hercze min Durch ſy tet Jch vil ſtrittes ſchin Des zwang mich ir minne krafft Gen der widen verren Ritt̉erſchafft Jr minne Jch alſo koufftte Der heiden vnd d̉er getofftten Waurent mir ſtrittes geliche Sy duchttent mich lones Riche Sus pflag ich durch die werden Vff drin teilen der erden Ze Arabia vnd ze aſia Vnd verre Jn affrica So ich rich ſtrit wolte tuͦn. So reit ich fuͤr den Covrwͦn Jch tet vil richer ſtrit ſchin Vor dem berge ze Agremonin Wer ein halb wil ir tioſt han Da koment vs fúrrennfúrreny man Anderthalb ſy brinnent nicht Was man das ſtrittes ſicht Do ich fúr den Roas Durch auentúr geſtrichen waz Do kam ein werd windeſch diet Vſz gegen tioſt gegen biet Jch fuͦr fúr von Sibilie Das mer umb gen Cilie Duch friul vnd fúr aglei Owi vnd haia hei Das ich dinen vatt̉er ye geſach Der mir ze ſechent alda geſchach Do Jch ze Sibilie zogt Jn Do het der werde anſhevin Vor mir geherbergt E. Sin vart die tuͦt mir ym̉er we Die er fuͦr ze Baldac Ze ſtritten er do tot gelac Das was E von Jm din ſage Es iſt ym̉er mins herczen clage Min bruͦd̉er ich guͦttes Riche Verholne Ritterliche Er mich dick von Jm ſante So ich von MunſalaMunſaluaſche wantte Jch nam ſin Jnſigel alda Vnd fuͦr gen karkopra Do ſich ſewet der plinizol Jn dem Biſtuͦm ze Barbigol Der Burgraue mich do bereit Vff ſin Jnſigel e ich von Im ſchied Knappen vnd ander koſte Gegen der wilden tyoſte Vnd vff and̉er ritt̉erliche fart Des ward von Jm da wenig ge==ſpart Jch muͦs alleine komen dar An der wider Reiſe lies ich gar Bi im was ich geſundes pflag Jch reit wa munſaluaſche lag Nun hoͯr lieber neue min Do ich ermich der werde anſhevin Ze Sibibe aller erſt erſach Bald er min ze bruͦder Jach Herczelaude ſin wibe Och ward von ſinem libe Min antlút nie me geſechen Man muͦſt och mir do fur warre Jechen Das nie ſchoͯn̉ers manes bilde ward Denocht was ich one bart Jn min herbersherberg er fuͦr Fuͤr diſe reiſe ich dicke ſchwuͦr Mangen vngeſtabten eid Do er ſo vil mich an geſtreit Verholn ich im do ſagte Des er froͯd vil beiagtte Er gab ſin cleinode mir Waz ich im gab daz waz ſin gir Eine kefſen die du ſecht E Du iſt noch gruͯnn̉er denne d̉er cle Gewúrkt vs einēm ſteine Die gab mir der Reine Sinen neuen er mir ze knechtte lies Jhtern den ſin hercze hies Das aller falſch an Im verſchwand Der kúng von kuͦmuͦerlant Wir mochtent fart nit lange ſparn Wir muͦſen von ein andren varn Er kerte da der Baruk was Vnd fuͦr fúr den Roas Vſz Cilie ich fuͦr den Roas reit Dry mantage ich da vil geſtreit Mich ducht ich hett wol geſtritten Dar nach ich kam ſchier geritten Jn die witten Gandin Dar nach der an din Gandin wart genennet Da wart Jhter bekennet Mit golde ein waſſer Rinnet Da wart Jhter geminnet Sine baſen er da fand Die ſelbe waz frowe v́bers land Die hies lamire So iſt das land genemet ſtire Wer Schilttes ampt vͯben wil Der muͦs durch ſtrichen landes vil Nun Rúwett mich min Ritt̉er rott Durch den ſy mir gros erre bot Von Jhter du biſt geborn Din hand die ſipp hat verkorn Got hat din nicht vergeſſen doch Er kan dir wol gehelffen noch Wiltu gen got mit trúwen leben Du ſolt im wandel darumbe geben Mit rúwe ich dir das kunde Du werſt zu groſſer ſúnde Jhtern haſtu erſchlagen Du ſolt och dine mútt̉er clagen 6 Jr groſe trúw daz geriet Din fart ſy von dem libe ſchied Do du Jungſt von ir Ritte vnd tette Nun folg minem Rautte Nim buͦs fúr miſſewende Vnd ſorge echt vmb din ende Das dir din arbeit hie erhol Das doͯrt dú ſelle rúwe dol Der wurt oͯn alles ſagen Begund in furbas Jagen vnd fragen Neue noch han ich nit v̉ernomēn Von dir. wannēn dir das ros ſige komen Herre dis ros ich erſtreit Do ich von Sygunen reit Vor ein̉er cloſen ich die geſprach Dar nach ich flúglingen ſtach Einen Ritter darab vnd zoch es dan Von Munſaluaſche waz der man Der wirt ſprach iſt er ab̉er geneſſen Des es ze Rechtte ſoͯlte weſſen Herr Jch ſach in von mir gen Vnd vand das ros by im ſten ⸿Wiltu Grales volck ſus roben Vnd da by des globen Du gewineſt ir noch minne Da zweyent ſich die ſinne ⸿Herre Jch nam es von einēm ſtrit Wer mir darumbe wandel git Der bruͯffe alle erſt wie der geſte Min Ros hat ich verloren E Eins tages fragt in parczifal Wer was du magt die den gral Truͦg. Jr mantel lech man mir Der wirt ſprach daz ſag ich dir Die ſelbe iſt min muͦme Sy lech dirs nit ze Ruͦme Sy wond du ſoͯltteſt da h̉erre ſin Des grals ir vnd da zu min Din oͯchain gab dir och ein ſchwert Da mit du ſunden biſt gewert Sid das din wolredender mund Do leider nit tet fragen kund Die ſúnde la by den andren ſton Wir welt talanc ruͦwe han Wenig wart Jn gulter vnd bette bracht Sy giengent lecht ligen vff ein bacht Das leger was ir hoch̉er art Glich niendert da bewart Sus waz er da fúnfzechen tage Der wirt ſin pflag als ich úch ſage Wurczen vnd k*kruttelin Muͦſt ir beſte ſpiſe ſin Parczifal der ſchwere Truͦg durch liebe mere. Wan in der wirt von ſunden ſchied Vnd Im doch ritterlichen riet Aber ſprach da parczifal Wer was ein man lag vorm gral Der was al gra by liechtten fel Der wirt ſprach daz was Tyturel Der ſelb iſt din̉er muͦmen an Dem wart allererſt des Grales fan Befolchen durch ſchirmes rat Ein ſiechtum heiſſet pograt Tret er die lem helfelos Sin varwe er doch nie verlos Wan er den Gral dicke ſicht Davon mag er erſterben nicht Durch Raut hat ſy den betriſen Jn ſiner Jugent furt vnd wiſen Reit er durch tyoſtieren Wiltu din leben zierren Vnd Rechte wirdenklich farn So ſoltu has gen wiben ſparn Wib vnd pfaffen ſind bekant Die tragent vnwerlich hand So reichett úber pfaffen gottes ſegen Der ſol din dienſt mit trúwēn pflegen Darumb wirt din ende guͦt Du muͦſt zu pfaffen haben muͦt Wan was din og vff d̉er erde ſicht Das glichet ſich dem prieſter nicht Sin mund die marter ſprichet Die vnſer verluſt zerbrichet So griffet ſin gewaltig hand An das aller hoͯchſte pfand Das y fúr ſchulde geſeczet ward Welher prieſt̉er ſich ſuſt hat bewart Das er der kúnſche kan gegeben Wie mag der heilkicher leben Dis was ir zweig̉er ſcheidens tag Trefrizent ſich des bewag Er ſprach gib mir dine ſúnde her Vor got bin ich din wandels wer Vnd leiſte als ich dir han geſagt Belib des willen vnủerczagt Von ein ander ſchieden ſẏ Jr habt wol gehoͯrt wie Es nachet nun wilden meren Die froͯde kuͯnnen leren Vnd die hoch=gemuͯtte bringēn Mit den beſten ſy Ringent Nun was es och des Jares zitt Geſcheiden was des kampfes ſtrit Den d̉er lantgraff zem plimizol Eerwarb. der was ze Barbigol Von ſchanfenzun geſprochen Do bleib vngerochen Der kúng kẏngriſin Vorgulacht der ſun ſin Der kam gen grawane dar Do nam dú welt ir ſippe war Vnd ſchied vom kampff ir ſippe macht Won och d̉er graue Ehkunacht Vff im die groſſe ſchulde truͦg Der man gawain zech gnuͦg Des verkos Kyngrumurſel Vff Gawain den tegen ſchnel Sy fuͦrent beidú ſunder dan Vergulacht vnd Gawain An dem ſelben male Durch forſchen nach dem grale Aldo ſy mit ir henden Mengēn ſtrit muͦſen ſeden Wan wer des Grales gerte Der muͦſt mit ſchwerte Sich dem pris nachen Sus ſol man pris gachen Wie s Gawaine komen ſẏ Der ye was miſzewende frẏ Sit er von ſchanfenczeſchanfenczun ſchied. EbOb ſin reiſe vff ſtrit geriet Des Jechent die es do ſachent Er muͦs nun ſtrite nachen Eins morgens kam her Gawain Geritten vff einen gruͯnen plan Do ſach er bliken einen ſchiltt Da was ain ſper durch geczilt Vnd ein pfert daz ein frowen gereitte truͦg. Des zom vnd ſattel waz túrre gnuͦg Es was gebunden vaſte Zum ſchilte an einem aſte Do dacht er wer mag ſin daz wib Die alſus werlichen lib Hat das ſy ſchiltes pfliget Ob ſy ſtrittes gen mir bewiget Wie ſol ich mich denne weren Zu fuͦs trúwe ich mich wol erneren Wil ſy die lenge ringen Sẏ mag mich nid̉er bringen Jch erwirb has oder gruͦs Sol hie ein tyoſt ergon zu fuͦs Ob er ioch frow camille were Die mit Redlichen mere Vor Laurente pris erſtreit Wer ſy geſund als ſy doͯrt reit Es wurd ye doch verſuͦch an ſẏe Ob ſy mir ſtrit butte alhie Der ſchiltt waz och verhowen Gawain begund in ſchowen Da er dar zu kam geritten Der tyoſſt fenſt̉er waz v̉erſchnitten Mit einer geleine witt Alſus malt ſy der ſtrit Wer gult es den ſchiltern Ob ir farwe alſus weren Der linden gros waz Ir ſtam Och ſas ein frow an froͯden lam Dar hinder vff gruͯnnen cle Der tett gros Jamer we Das ſy der froͯden gar vergas Er reit gen Jr hinumb bas Jr lag ein Ritt̉er inder ſchos Da von Jr Jamer waz ſo gros Gawain ſy gruͯſen nit verſchweig Die frow Jm dankttee vnd neig Er fand ir ſtime heiſſe Verſchriet durch ir freiſſe Do erbeicze min herr her Gawain Da lag durch ſtochen ein man Dem gieng daz bluͦt in den lib Er fragt des heldes wib Ob der Ritter lebte o* Oder mit dem tod ſtrepte Do ſprach ſy herr er lebt noch Jch wen daz iſt vnlange doch Got ſantte uch mir ze troſte her Nun Rattent nach úwer trúwen ger Jr habent kumers mer denne Jch geſechen Latt uͤwern troſt an mir geſchechen Das ich uͤwer helffe ſchowe Jch tuͦn ſprach er frowe Diſem ritter wil ich ſterben weren Jch trúw in hartte wol zerneren Hett ich eine Roͯrren Sechen vnde hoͯren Moͯcht ir in dik noch wol geſund Won er iſt nit zum tod wund Das bluͦt iſt ſins herczen laſt Er begreiff d̉er linden einen l*aſt Er ſchleiſt darab ein Rinden als ein Ror Er waz zer wunden nit ein tor Das ſchob er zer wunden in den lib Do bat er ſogen das wib Vncz daz das bluͦt gen in flos Des heldes krafftt ſich vff entſchlos Das er wol rette vnde ſprach Do er Gawainen ob im ſach Des danket er Jm ſerre Vnd Iach er hett des erre. Das er in ſchied von vncrafft Vnd fragt Jn ob er durch ritt̉erſchafft Were komen daz gen logrois Jch ſtreich vere och von puͦntruͦois Vnd wolte hie auentúr beiagen Von herczen ſol ichs ym̉er clagen Das ich ſo nach geritten bin Jr ſoͯlcz och miden habt ir ſin Jch wond nit daz es kem alſus Lychſchois gewellius Hat mich ſer geleczet Vnd hinders ros geſeczet Mit ein̉er tyoſt riche Die ergieng ſo hurtenkliche Durch minēn ſchilt durch den lip Do halff mir dis getrúwe gwib Vff ir pferde andiſe ſtat Gawainen er ſerre bliben bat Gawain ſprach er welte beſechen Wa Jm d̉er ſchad da wer beſchechen Ligt logrois ſo nachen Mag ich Jn da vor ergachen So muͦs er anttwurtten mir Was er Reche an dir Des entuͦ nicht ſprach d̉er wunde man Die warheit ich dir Jechen kan Da engett nit kinde reiſe Es mag wol heiſſen freiſe Gawain die wunden verband Mit der frowen hopt gewand Er ſprach zer wunden wundes ſegēn Er bat ir baiden got pflegen Er fand ablutig ir ſchla Als ein hircze werre erſchoſſen da Das erlies nit ir Ritten Er ſach in kurczen Zitten Logeris die herten Vil lútte mit lobe ſy erten An der burge lagen lobes werc Nach trennln maſze waz d̉er berg Wa ſy verre ſach der tumbe Er wonde ſy lieffe vmbe Der burg man noch hútte gicht Das gen ir ſturmes horte nicht Sy forchte wenig der not Wa man haſſen gen ir bot Alumb den berg lag ein hag Des man mit edlen bomen pflag Vigan boͯme granat Olei win vnd ander rat Der wuchs da gancze Richeit Gawain die ſtras al vffhin reit Da ſach er niderhalben ſin Froͯde vnd ſins herczen pin Ein brunne vff dem felſen ſchos Da fand er des in nit verdros Eine alſo clare frowen Die er gern muͦſt ſchowen Aller wibe farwe ein baſbeafluͦrs Ane Kuͦndwiramuͦs Ward nẏ geborn ſchoͯn̉er wib Mit clarheit ſuͯſze waz ir lib Wol geſchiket vnd kurtois Sy hies orguluſe de logrois Ouch ſagt vns die auentúre von Jr Sy werre ein Reiczerin d̉er minne gir Ougen ſuͯſze one ſchmerczen Vnd ein ſpanſenwe des herczen Gawain bot ir ſúſzen gruͦs Er ſprach ob ich erbeiczēn muͦs Mit uͤwren hulden frowe Ob ich úch des willes ſchowe Das ir mich gern by uch hat Gros Rúwe mich by froͯden Lat. Do enwart nie Ritter ſo fro Min lib muͦs erſterben ſo Das mir nyem̉er wib gefellet bas Das iſt echt wol nun weis ich och das Soͯlich was ir red do ſy in ſach Jr ſuͯſzer mund me darnach ſprach Nun enlobt mich nit ze ſere Jr empfachett es licht vnere Jch wil nit das ein Jeglich mund Gen mir tuͯge lobes kund Wer min lib gemeine Das heiſe wirde claine Dem wiſen vnd dem tumben Den ſchlechtten vnd den krumben Wa richt es ſich denne fuͤr Nach der werdekeite kuͤr Jch ſol min lob behaltten Das die wiſen waltten Jch weis nit herre wer iſir ſitt V́wers Rittens were von mir zitt Min pruͯffen lat uch doch nit frẏ Jr ſind minem herczen bẏ Verre vſſerhalb vnd nit drinne Gert ir miner minne. ⸿Wie habt ir minne an mich erholt Manger ſine ougen bolt Er moͯchcz vff ein̉er ſchlingen Ze ſenfftrem wurffe bringen Ob er ſechen nit vermidet Das Jm ſin hercz ſchnidet Lat waltten úwer krankēn gir Vff and̉er minne den zu mir Dient nach minne úwer hand Hatt úch Auentuͤr geſant Nach minne vff Ritt̉erliche tat Des lones ir an mir nicht hat Jr mugent wol laſter hie beiagen Muͦs ich úch die warheit ſagen Do ſprach er frowe ir ſagt mir war Mine oͯgen ſind des herczen var Die hand an úwerm lib geſechen Das ich mit warheit des muͦs Jechen Das ich úwer gefangen bin Kert gen mir wiplichen ſin Weie es uch hab verdroſſen Jr habt mich in geſchloſſen Nun loͯſent oder bindent Des willen ir mich vindent Het ich uch wa ich woͯltte Den wunſch ich gerne dolte Sy ſprach nun fuͯrt mich hin Weltt ir teilen den gewin Den Jr mit minne an mir beiagt Mit laſter irs darnach beclagt Jch wiſte gern ob ir der ſit Der durch mich getoͯrſte liden ſtrit Das verbert bedurff ir erre Soͯlt ich úch ratten mere Sprecht ir denne der folge Iaa So ſuͦcht ir minne anderſchwa Ob ir min̉er minne gert Minne vnd froͯde ſind ir gewert Ob ir mich hinnan fuͯret Gros ſorg úch dar nach Ruͯrret Do ſprach min her her Gawain Wer minne mag vngediet han Muͦs Jch uch das kunden Der treit ſy hin mit ſunden Wem iſt ze werd̉er minne gach Dar zu gehoͯrt dienſt vor vnd nach Sy ſprach welt ir mir dienſt geben mir: (r-?)Bogen am Wortende. Könnte vom Schwung der Feder kommen. So muͯſt ir werlich leben Vnd muͯgent doch laſt̉er wol beiagēn Min dienſt gehoͯrtt keinem zagen Vart Jennen pfad es iſt nit ein weg. Doͯrt ub̉er iennen hochēn ſteg Jn einem bomgartten Mins pferdes ſoͯlt ir da warten Da ſecht ir vnd hoͯrt menge diett Die tanczent vnd ſingent liet Tamburen floytieren Wie ſy iuch kondwieren Get durch ſy da min pfert ſtat Vnd loͯſt es uff nach iuch es gat Gawain von den Roſe ſprāng Do hett er mengen gedank Wie das ros ſin erbitte Dem brunnen wont nyemān mitte Daran ers gehefftten mochte Er gedacht ob im das gedochte Das ſies behaltten neme Ob Im die bett gezeme Jch ſich wol wes ir angſte hat Sprach ſy. dis ros mir hie ſten lat Das beczalt ich vncz ir wid̉er kompt Min dienſt úch doch cleine frompt Do nam min her Gawain Den zúgel von dem Roſe ſin dan Er ſprach nun habt mirs frowe By tumpheit ich úch ſchowe Sprach ſy. wan daz latt úwer hand Der griff ſol mir ſin vnbekant Do ſprach der minne gerende man Frow ich greiff nie vornan dran Nun wil ichs empfachen Sprach ſy. ir ſúlt nun gachen Vnd bringent mir bald min pfert Miner reiſe ir ſint mit mir gewert Das dunktt in froͯdhafftt gewin Do gacht er bade von ir hin V́bern ſteg zu d̉er porten Jn Do ſach er meng̉er frowen ſchin Vnd mengen Ritter Iungen Die tancztent vnd ſprungen Do was min her Gawain So gecziemiert ein man Das es ſy lerte rúwe Die des bomgartten pflagen Sy ſtuͦnden od̉er lagen Oder ſaſſent In geczelten Die vergaſſen des vil ſelten Sy klagtent ſinen kumb̉er gros Man vnd wib des nit verdros Gnuͦg ſprachen den es waz leit Min̉er frowen trugenheit Wil di*diſen man verleitten Zu groſſen arbeitten Owe daz er ir volgen wil Vff alſo rúwebere zil Manig werd man do gen Jm gieng Der in mit armen vmbe fieng Durch fruntlich empfachen Darnach begund er nachen Einem oͯlbom da ſtund daz pfert Och was mang̉er marke wert Der zom vnd ſin gereitte Mit einem porten breitte Wol geflochtten vnde gra Stund dar by ein Ritter da V́ber ain kruken geleint Von dem ward es beweint Das Gawin zu dem pferd gie Mit ſuͯſzer Red ern doch empfieng Er ſprach welt ir Rattes pflegen Jr ſúlt dis pfaͯrcz úch bewegen Es en wert uch doch nieman hie Getat aber ir das wegeſt ye So ſúlt irs hie laſſen Min frow ſy verwaſſen Das ſy ſo mengen werdēn man Von dem lib ſcheiden kan Gawin ſprach er enlies ſin nicht Owe daz da mit darnach geſchicht Sprach d̉er grawe Ritt̉er werd Die halfftern loſt er von dem pferd Er ſprach ir ſultt mit leng̉er ſten Lat dis pfert nach úch gen Des hand das mer geſalczen hat Der geb úch fuͤr kumer ratt Huͯt das uch icht gehoͯne Min̉er frowen ſchoͯne Wan die iſt by der ſuͯſze ſur Rech als ein ſunnen blick ſchur Nun walt es got ſprach Gawan Vrlob nam er zu dem grawen man Als tet er hie vnd doͯrt Sy ſprachent alle klagede wort Das pfert gieng ein ſchmalen ſteg Zu d̉er portten vs vff den weg Sins herczen vogt erer da fand Die frow was úbers land Wie ſin hercz gen ir floch Vil kumers ſy im darin zoch Si hett mit ir hende Vnderm kin das gebende Hin vff ir hopt geleit Kampffere lide treit Ein wib die man findet ſo Die were licht eins ſchimpfes fro Was ſy ander kleider truͯge Ob ich úch des genuͯge Das ich pruͯffen ſoͯlt ir wat Jr liechter blik mich des erlat Do Gawain zu d̉er frowēn gieng Jr ſuͯſſer mund in ſus empfieng Si ſprach ſind wilkomen ir gans Nẏe man ſo gros tumpheit dans Ob ir mich dienſtes welt wern Owe wie gern ir moͯcht enbern Er ſprach iſt úch zornes gach Da hoͯrt doch gnade nach Sid ir mich ſtraffent ſo ſere Jr habt doch ergenczens erre Die wil min hand úch dienſtes tuͦt Jr gewinent doch lones muͦt Welt ir ich hab úch vff daz pfert Sy ſprach des han ich nit gert V́wer vnuerſichert hand Mag wol griffen an ein ſchwer̉er pfand Hin vmb ſy ſich von Jm ſchwānkt Von den bluͦmen vff daz pfert ſprangk Sy bat Jn daz er Ritte fúr Es were echt ſchad ob ich v̉erlúr Suſt achberen geſellen Sprach ſy got muͯſz úch fellen Wer des nun welle folgen mir Der mide falſche rede gen ir Nieman nit verſpreche Er wiſe e was er reche Vncz er gewunne kunde Wie es vmb ir hercz ſtuͯnde Jch kond och wol gereichen dar Gen der frowen licht gefar Was ſy hett gen her Gawan Jn ir zorn miſſetan Oder was ſy noch tuͦt gen Jm Die Rache ich alle von Jr nim Orguluſe die Riche Fuͦr vngeſelkliche Zu Gawain kam geritten Mit ſo zornlichem ſitten Das ſy mich ſo wenig troſte Das mich von ſorgen loſte Sy Rittent dannen beidie V́ber ein liechte haide Ein crut Gawain da ſtuͦde ſach Die wurczen er wunden helffe iach Do erbeiczett der werde nid̉er vf die Erde / Er gruͦb ſy vſz wid̉er vff er ſas / Die frow ir rede nit v̉ergas Sy ſprach kan d̉er geſelle min Ritter vnd arczat ſin Er mag ſich harte wol betragen Gelernet er buͯchſen vail tragen Zer frowen ſprach gawains mūnd Jch reit fuͤr einen ritt̉er wund Des tach iſt ein linde Ob ich den noch vinde Diſe wurcz ſo in wol ernern Vnd all ſin vnkraff wern Sy ſprach das ſich ich gerne Was ich kunſt gelerne Da fuͦr in bald ein knappe nach Dem was zu botſchafftt gach Die er da werben ſolte Gawain ſin beiten welte Do ducherin vngehúrre Malcreatúre Hies der knappe fiere Kundrik laſurziere Was ſin ſchweſter wol geton Er muͦſt ir antlucze han Gar denne daz er was ein man Jm ſtund och yettwedr̉er zan Als einem Eber wilde Vnglich menſchlichem bilde Jm was och das har nit als lang Als es kundriern doͯrt vff dem mul ſchwank Kurczes ſchwarcz ſcharpff als ein ẏgels hut es was By dem waſſer Ganias Jn dem land trabalibot Wachſent lúte alſus durch not Vnſer vatt̉er Adam Die kunſt er von gotte nam Er gab allen dingen namen Beidú wilden vnd zamen Er kante och ieglichs art Vnd der ſternen vmbefart Die ſelben planeten Was die kreffte hetten Er kante aller wurczen macht Vnd waz ieglichs waz gſchlacht Do ſine kind der Jare krafftt Gewunnen das ſẏ berhafftt Wurden menlicher frucht Er wider riet In vngenucht Wa ſin tochren deheine truͦg Vil dick er des gen In gewuͦg Den Ratt er ſeltten gen Jn lies Vil wurczen er ſy miden hies Die menſchen frucht v̉erkerten Vnd ſin geſchlechtte vnerten Anders denne got vns mas Do er zu wúrken úb̉er mich geſas Do ſprach er minnú liebú kind Sind an ſoͯmlichen dingēn nit blind Die wib tattent ichtecht als wib Ettlicher riet ir bloͯder lib Das ſy die were volbrachte Als ir herczen gir gedachte Suſt verkert ſich die menſcheit Das was doch adam leid Doch gezwiffelt nie ſin wille Die kúngin ſecundille Die feirefis mit Ritt̉ers hand Erwarb ir lib vnd ir land Die hatt in ir Riche Hartte vngegenliche Von alter da der lútte vil Mit verkerten antlút zil Sy truͦgent froͯmde wild mal Do ſeite man ir vmben Gral Das vff erden nit ſo Riches waz Vnd des pfleg en kúng heieſz Anfortas Das ducht ſy wunderlich gnuͦg Wan vil waſſ̉er in ir lande truͦg Fúr den gries edel geſteine Gros nit ze cleine Het ſy gebrig guldin Da duchte die edel kúngin Wie gewunne ich kunde diſes man Dem der Gral iſt vndertan Sẏ ſantte ir kleinde dar Zwey menſchēn wund̉erlich geuar Kundrien vnd ir bruͦd̉er clar Sy ſantte im mer dennacht fuͤr war Das nyemen mochtte v̉ergeltten Man funde es feil ſelten Do ſantte der ſuͯſze anfortas Won er ye vil milte was Orgeluſen von logrois Diſen knappen kortois Von wibes ger ein vnd̉erſcheid Verkertte im die menſcheit Der wurczen vnd d̉er ſternen mac Huͦb gen Gawain groſze bac Der het ſin vff dem weg erbitten Malcreature kam geritten Vff einem Runczēnde krank Das von leme an allen vieren hank Es ſtruchtte dick vff die erden Frow Juſcute die werde Je doch ein beſſer pfert reit Des tages do parczifal erſtreit Ab orilus ir die hulde Die verlos ſy oͯne ſchulde An Gawinen d̉er knappe ſach Malcreature mit zorne ſprach Herre ſind ir von Ritt̉ers art So moͯcht irs gerne han bewart Jr dunkent mich ein tumb̉er man Daz ir mine frowen fuͯrent dan Och werdent Jrs vnd̉erwiſet Das man úch darumbe priſet Ob ſich erwert úwer hand Sind aber ir ein ſariant Jr werdent ſo zerbert mit ſtaben Das irs gern wandel moͯchtēn habēn Gawin ſprach min Ritt̉erſchafftt Erleid nit ſoͯliche zuchte krafft Sus ſol man walken gampel her Die nit mit manlicher wer Jch bin noch ledig vor ſoͯmh̉er pin Welt aber ir vnd die frowe min Mir ſchmeche rede bietten Jr muͯſent úch einig nietten Das ir wol mugt fuͤr zorne han Wie freiſlich ir ſind getan Jch enberre doch ſanfftt úw̉er dro Gawin Jn bẏ dem harre do Nam vnd ſchwanktt In vnder daz pfaͯrtt Der knapp wis vnd werd Forchtlichen wider ſach Sin ygelmaſzig har ſich Rach Das verſert Gawin do die hand Dú wart von bluͯtte do bekant Des lachtte die frowe Sy ſprach wie gern Jch ſchowe V́ch zwen ſus mit zornes ſitte Sy kertten das daz pfert lieff mitte Vnd komen do ſy funden Ligen den Ritt̉er wunden Mit truwen Gawines hand Die wurczēn vff die wundēn band Der wunde ſprach wie ergieng es dir. Sid daz du ſchied von mir Du haſt eine frowe bracht Die dins ſchaden hat gedacht Von der ſchuld iſt mir ſo we Jn aueſtroit Mauoie HaffHalff ſy mir ſcharffer tyoſte Gen mins verheis koſte Welleſtu behaltten dinen lib So laus dis trugenhafftte wib Ritten vnd ker von Jr Nun pruͯfe ſelb ir rat an mir Doch mocht ich hartte wol geneſſen Ob ich in rúwe ſoͯlte weſſen Dar hilff mir getrúwer man Do ſprach min her gawan Nim aller min̉er helffe wal Hie nachent ſtat ein ſpital Alſo ſprach d̉er ritt̉er wund Keme ich dar Jn kurczer ſtund Da moͯch ich Ruͯwen lange zitt Mit miner frundin Runzit Habent wir ſtende alhier Nun habe ſy druff mich hind̉er ſie Do band der wolgeborne gaſt Der frowen pfert von dem aſt Er wolcz ziechen necher zu ir Der wunde ſprach hin dan von mir Wie iſt úch tretens mich ſo gach Er zoch es verre die frow gie nach Sanfftte vnd doch nit drate Al nach irs mānnes Rate Gawin ſy vff daz pfert ſchwank Jnne des der wunde ritt̉er ſprang Vff Gawans kaſtelon Jch wenne das was miſſeton Er vnd ſin wib ritten hin Das was ein ſundenhaff gewin Gawin das clagtte ſere Die frow des lachet mere Denne ye der ſchimpt Inen geczam. Sid das man das Ros im genam Jr ſuͯſze mund hin zu Jm ſprach Fúr einen Ritter ich úch ſach Darnach in kurczen ſtunden Wurdent ir arczat fuͤr die wundēn Nun muͯſſent ir ein gerſun weſen So yement ſin̉er kunſt geneſſen So troſtet úch úwer ſinne Gert ir noch min̉er minne Ja frowe ſprach her gawin Moͯcht ich uwer minne han Die werre mir lieber den Jcht Es wont vff erde nichtes nicht Vnder Crone vnd alle die cronen tragent Vnd die fundſchafftte pris beiagēnt Der mit úch teiltte úw̉ern gewin So Rattent mir mins herczen ſin Das nichttes in laſze ſoͯlte V́wer minne ich haben ſoͯlte Mag ich die nit erwerben So muͦs ich ſus erſterben Sich ſchiere an mir mus erczeigēn Jr wuſt uwer eigen Ob ich fryheit ye gewan Jr ſúlt mich fuͤr eigen han Das dunktt mich úw̉er ledig Recht Nun nemet mich Ritt̉er od̉er knecht Garczun oder vilan Was ir mir ſpotes hand geton Da mit ir ſunde empfachent Ob ir min dienſte empfachent Soͯlt Jch dienſtes genieſſen V́ch moͯch ye doch ſpotes verdrieſſen Ob es mir ym̉er wurde leid Es krenket doch úw̉er wipheit Wider zu Jm reit der wunde man Vnd ſprach biſtu es gewain Hauſtu icht geborget mir Das iſt nun gar vergolten dir Do mich din manliche crafftt Vieng in hertt̉er Ritterſchafftt Vnd do du mich brecht ze hus Dinem oͯchain artus Vier wuchen er des nit vergas Die zitt ich mit den hunden as Do ſprach er biſtus vrians Ob du nun mir ſchaden gans Den trag ich one ſchulde Jch erwarb dir des kunges hulde Ein ſchwach ſin halff dir vnd riet Von ſchiltes ampt man dich ſchied Vnd ſagtte dich gar rechtlos Durch das ain maget von dir verlos Jr recht dar zu des landes fride Kúng artus mit ein̉er wide Wolt es gern han gerochen Het ich dich nit verſprochen Was doͯrt geſchach da biſtu nun hie Du horteſt vor dir ſprechen ye Wer dem andren half daz er genas Das er ſin vigent darnach was Jch tuͦn als die by wiczen ſind Sich fuͦgtte bas ob weint ein kind Denne ein bartochtt̉er man Jch wil das ros alleine han Mit ſporn ers vaſt von im Reit Das was doch Gawainen leit Er ſprach zer frowen es kam ſo Der kúng artus was do Jn der ſtat dyanazrun Mit Jm do menig Brytun Dem was ein maget dar geſant Durch botſchafftt in ſin land Och was dirre vngehúrre Vſz komen durch auentúrre Er was gaſt vnd ſy gaſtin Do geriet im ſin tumber ſin Das er mit der maget rank V́ber irn willen Im gelank Hin zu hoffe kam daz geſchreẏ Der kúng rieff lut heia heẏ Dis geſchach vor einēm walde Dan kertten wir alle balde Jch fuͦr den andren verre vor Vnd ergreiff des ſchulhafftten ſpor Geuangen fuͦrt In wid̉er dan Fúr den kung diſen man Dú frow reit vns alles mitte Rúwberlich was ir ſitte Durch das ir hett genomen Der in ir dienſt nie waz komēn Jr kúnſchlichen magtuͦm Och beiagtte er da krankēn ruͦm Gen ir vnwerlichen hand Minen h̉erren ſy mit zorne fand Artus den getrúwen. Er ſprach die welt ſol rúwen Dis verfluͦchte mein Owe daz in tag ye úber ſchein By des liechtte dis not beſchach Vnd do man mir gerichttes iach Vnd do ich hútte richtter bin Er ſprach zu d̉er frowen habt Jr ſin Nempt fuͤrſprechen vnd clagt Die frow waz des vnủerczagt Sy tet als ir der kung riet Da ſtuͦnd von Rittern ein groſe diet Vrans d̉er fúrſte vſz puͦntuͦrtois Stuͦnd da vor dem Bitonois Vff alle ſin erre vnd uf ſin lib Fuͦr mit recht das claghafftte wib Das es Riche vnd arme horten Sy bat mit clagenden worten Dem kúng durch alle wipheit Das im ir laſter were leit Vnd durch megtliche erre Sy bat Jn fuͤrbas mere Durch der tauelrunden art Vnd durch ir botſchafft vart Als ſy were an Jn geſant Were er zu Richtter erkant Das er denne Richtte ir ſchwere Durch gerichttes mere Sy bat d̉er tauelrund̉er ſchar Alle ir rechttes nemen war Sid das ir were ein Rob genomēn Des ſy nyemer mer moͯch wider komen / Jr magtum kunſche reine Das ſy alle gemeine An ir ratte tretten Vnd den kung gerichttes betten Furſprech nam d̉er ſchuldig man Dem ich nun kranker erren gan Der wert Im als er mochte Die wer im nit dochte Man erteilt ims leben vnd ſinen = pris Vnd daz man winden ſoͯlt ein Ris Daran Jm ſterben wurd erkant Ane bluͦtige hand Er rieff mich an daz gieng Jn not Vnd mante mich daz er mir bot Sicherheit durch geneſen Jch wonde on alle min erre weſen Ob er verlúr ſinen lib Jch bat das claghafftte wib Sid daz ſy mit ir ogen ſach Das ich ſy manlichen Rach Das ſy durch wibes guͯtte Senffrette ir gemuͯtte. Sid daz ſy im ir minne muͯſte iehēn Was ir da von Im wer geſchechēn An ieren claren libe Ob ye man von wibe Mit dienſte keme In kum̉ers not Ob ſy im darnach ir helffe bot Der helffe tuͦt es ze erren Latt úch von zorne kerren Jch bat den kung vnd ſine man Ob ich im ye hett getan Deheinen dienſt daz ers gedechtte Das er mir laſters echtte Mit einen ſitten werte Vnd den Ritter nerte Sin wib die kúnginne Bat och durch ſippe minne Won mich der kúng von kinde zoch Vnd das min trúw ie gen Jr floch Das ſy mir huffe das geſchach Die Junkfrowen ſy ſunder ſprach Do genas er durch die kungin Er muͦſe aber liden hoche pin Suſt wart ſin lib gereinet Soͯmlich wandel im beſcheinet Er were verloff od̉er leit hund Vs einem troge aus ſin mund Mit In do vier wuchen Suſt ward die frow gerochen Frowe das iſt ſin rach vff mich Sy ſprach ſich zweilet ſuſt ſin gerich. Jch wurde úch licht nyem̉er hold Doch empfachent er darumb ſoͯlichen ſold E er ſchied von minem lande Das er Jechen mag fuͤr ſchande Sid es der kúng doͯrt nit Rach Do es der Junckfrowen geſchach Vnd Es ſich an mich hat gezoget Jch bin nun úwer beider voget Vnd enweis doch wer ir beider ſit Doch muͦs er darumb empfachen ſtrit Durch die Junckfrowen eine Vnd durch uch harte cleine Man ſol vnfuͦge rechen Mit ſchlachen vnd mit ſtechen Gawin zu dem pfaͯrt gieng Mit lichtten ſprúngen ers gefieng Do was der knappe komen nach Zu dem die frowe heidenſch ſprach Al das ſy wid̉er uff enbot Do nachet och gawins not Malcreatúre zu fuͦs fuͦr hin dan Do ſach min her gawin Der Junckhern runzit Das was ze krank vff einēn ſtrit Es het der knapp doͯrt genomen E er von der halden were komēn Einem vilan*vilane Do geſach es Gawaine Fuͤr ſin ros zu behalten Des wechſels muͦſt er walten Sy ſprach zu Jm wen ich durch Has. Sagent an wend ir fuͤrbas Ja ſprach her gewan Min fart wirt hinnan getan Als nach úwerm Ratte Sy ſprach der komp uch ze ſpate Nun diennen ich doch dar umbe Des duncktt ir mich gar tumbe Woͯlt ir das nit vermiden So muͯſt ir von den bliden Kerren gen der ruͯwe Júwer kumer wirt al núwe Do ſprach der minne gerende Jch bin uch dienſtes werende Jch empfach es froͯd od̉er not Sid úwer minne mir gebot Das ich zu úwrem gebote ſten Jch muge Ritt̉er oder gen Al ſtende by der frowen min Das mark begund er ſchowen ſin Das was zer triſte tetten hoſte Ein harte kranke koſte / Die ſtikleder von baſte Dem edlen werden gaſte Was ett*enwas ettwen geſattlet bas Vff ſiczen meid er vmbe das Er forchte das er zertrette Des ſatels gewete Dem pfert waz d̉er ruk krum Werre daruff ergangen ſo ſin ſprung Jm were der Ruk gar zefarn Das muͦſſe alles do bewarn Es het in ettwen befilcht Er zoch es vnd trug den ſchilt Vnde ſin geleuine Sine ſcharpffe pine Dú frowe ſere lachte Die im vil kumers machte Den ſchilt er vff daz pfaͯrt band Sy ſprach fuͯrent ir crom gewand Jn minem lande feile Wer gab mir ze teile Eins arczat vnd eins krom̉ers pflege Huͯt úch vor zolle vff dem wege Ettlicher min zollere Sol úch machen froͯden lere Jr ſcharpffe ſalure Jn duchte ſo vngehúrre Das er enruͯchtte waz ſy ſprach Won iemer ſo er ſy ane ſach So was ſin pfant gen rúwen quit Sy waz im recht ein meigen zit Vor allen bliken ein flori Ougen ſuͯſze vnd fuͤre den herczen bẏ Sid verluſt vnd vinden an ir waz Vnd des ſiechtum froͯde wol genas Das frumt in zu allen ſtunden Ledig vnd ſerre gebunden Manig min meiſt̉er ſprichet ſo Das amor vnd cupido 1 Das amor vnd cupido Vnd der zweier muͦtt̉er venus Den lútten minne geben ſus Mit ſchoſſe vnd mit fúrre Die minne iſt vngehúrre Wem herczliche truͤwe iſt bẏ Der wirt niem̉er minne frẏ Mit froͯden ettwen mit rúwe Cupido die ſtrale Minn miſſet zu allem male Als tuͦt des hern amors ger Sit ir beide ob minnēn her Vnd venus mit ir fakel heis Vmb ſoͯmlichen kumb̉er ich nit weis Sol ich d̉er waurēn mīnne iechen Die muͦs durch trúw mir geſchehēn Hulffent mine ſinne Yeman Jcht fuͤr minne Dem h̉erren gewan bin Jch wol ſo = hold Jch woͯlt im helffen one ſold Es iſt doch one ſchade Liget er Jn minem lande Ob in die minne ruͯrrett Die ſtarke wer zerfuͯrett Er was doch ye ſo werlich Der werden wer wol glich Das nit beczwingēn ſoͯlt ein wib Sinen werlichen lip Lat nacher gen wer mīnne truͦg Jn tuͦt die minne ſoͯlichen fuͦg Das ſy tunkelt froͯden ſtat Vnd bind ſich der froͯden pfat Sus bereittet ſich d̉er rúwe ſchla Gienge uwer Reiſe and̉er ſchwa Dan Jn des herczen hochen muͦt Das duckte mich gen froͯden guͦt Jſt minne Jr vnfuͯge balt Dar zu dunket ſy mich ze alt Oder gicht ſis vff ir kintheit Dem ſy fuͯget herczleit Vnfuͦge gan ichs bas ir Jugent Denne daz ſy dem alt̉er breche tugent Vil dinges iſt von Jr beſchechen Wederthalb ſol ichs iechen Wil ſy mit Jungen retten Jr alten ſind vnſtetten So wurd ſẏ ſchier an froͯden las Man ſols vnd̉erſcheiden bas Lutt̉er minne ich priſe Vnd alle die ſind wiſe Es ſige wib od̉er man Von den ich gancz folge han Wa lieb gen lieb erhuͯbe Lutter one truͯbe Das deweders verdruſſe Ob minne ir hercz ſchluſſe Mit mīnne die d̉er wank ye floch Die mīnne iſt ob den andren hoch Wie gerne ich in neme dan So iſt min her Gawan Der mīnne nit entwenken Sy welle im froͯde krenken Was hilffett denne min vnd̉erſchlag Was ich da von geſprechen mag Wert Man ſol ſich nit mīnne wern Wan Jn muͦs minne helfe nern Gawin durch mīnne arbeit em=pfie Sin frow reit zu fuͦs er gie Orguluſe vnd der tegen bald Koment Jn ein groſen wald Da muͦſt er genes wonen Er zoch daz ros zu ein̉er ronen Sin ſchilt d̉er e daruffe lag Des er doch ſchiltes ampt pflag Den nam er zu halſe vnd das pfaͯrt er ſas Es truͦg in kome fuͤrbas Anderhalb vor Jn ein erbuwēn land Ein burg er mit den oͯgen fand Sin hercz vnd ſine oͯgen Jahen Das erkanten noch geſachen Dehein burg der gelich Sy was alvmb ritt̉erlich Tuͤrnen vnd palas Menges vff der burge waz Da zu muͦſt er ſchowen Jn den fenſtern menig frowēn Der waurent virhund̉ert od̉er mer Vier darund̉er von arde her Von paſſaien vngeferte gros Gieng an ein waſſ̉er daz da flos Schiffrich ſchnel vnd breit Da engegen er vnd die frowe reit An dem v́berfar ein ang̉er lag Da man vil tioſt vff pflag V́bers waſſ̉er lag ein caſtel Gawin der tegen ſchnel Sach einēn ritt̉er nach Im farn Der ſchilt noch ſpern nit konde ſparn Orguluſe die Riche Sprach hoffertenkliche Ob mirs úwer mund v̉ergicht So brich ich mine trúwe nicht Jch hans uch E vil geſagt Das ir vil laſters hie beiagt Nun wert úch ob ir kunen wern V́ch enmag and̉ers nit ernern Der doͯrt komp úch ſol ſin hand So vellen ob úch iſt zertrant Jendert úwer wirdikeit Das ſy úch durch die frowēn leit Die ob úch ſiczent vnd ſechent Weis ob die úw̉er laſter ſpechent Des ſchiffes meiſt̉er úber her Kom durch orguluſen ger Vom lande Jn daz ſchiff ſy kerte Das Gawin trurren lerte Dú Riche wol geborne Sprach wid̉er vſz mit zorne Jr kompt nit zu mir her Jn Jr muͯſſent pfand da vſſen ſin Er ſprach ir trurrenklichen nach Frow wie iſt úch von mir ſo gach Sol ich úch niem̉er mer geſechen Sy ſprach úch mag der pris geſchehēn Jch ſtaten úch ſechens noch an mich Jch wene das ſere lenget ſich Die frowe ſchied von Jm alſus Hie kam Lyſchois gwellius Sagtte ich nun úch daz er fluge Mit der red ich úch betruge Er gachtte aber and̉ers ſerre / Das es daz ros hat erre Won es erczeigt ſchnelheit V́ber den gruͯnen anger breit Do gedachtte min her Gawan So ſol ich beitten diediſes man Weder mag das weger ſin Zu fuͦs oder vff dem pfaͯrtlin Wie er vollenklich an mich farn Das er den ſtich nit wil ſparn Es ſol mich nid̉er ritten Wes mag ſin ros denne bitten Er enſtruchet v́ber daz runczit Wil er mir denne bietten ſtrit So wir beidú ſind zu fuͦs Ob mir halt niem̉er wurd ir gruͦs Die mich des ſtrittes hat gewert Jch gib im ſtrit ob ers gert Nun dis waz vnwendig Der koment waz gendig Als was och der da beite Zer tyoſt er ſich breite Do ſacz er die glefin Vornan vff den ſatel ſin Des gawin vor hat erdacht Sus ward ir beid̉er tyoſt volbracht Die tyoſt iettwed̉er ſper zerbrach Das man die helde ligen ſach Do ſtruchtte der wol gerittēn man Das er vnd min her gawan Vff den bluͦmen lagen Wes ſy do beide pflagen Vff ſprungen ſy mit den ſchwertēn Briſes ſy do beide gerten Die ſchilte waurent vnủermittēn Die wurden alſo hin geſchnitten Jn beleib ir wenig vor der hand Wan der ſchilt iſt yemer ſtrites pfand Man ſach do blikre von helmes fúr Jr mugencz im Jechen fúr auentúr Wen got den ſig da laſzet tragen Der muͦs vil priſes e beiagen Sus durten ſy mit ſtritte Vff des angers wite Es weren muͯde zwen ſchmide Ob ſy halt hetten ſtarke lide Von mengem alſo ſtarken ſchlag Sus Rungen ſy nach priſes beiag Wer ſolt ſy darumbe priſen Das die vnwiſen Striten oͯne ſchulde Nun wan durch priſes hulde Sy hettent nit ze teilen Ane not ir leben ze failen Jettweder vff den andren Jach Das er die ſchulde nie geſchach Gewain der kunde Ringen Vnd mit dem ſchwank zwingēn Wem er daz ſchwert vndergieng Vnd In mit armen zu Im gevieng Den zwank er wie er wolt Sid er ſich weren ſolt So gebart er werliche Der werde Ruͦmes Riche Begreiff den Jungen ellenthafftten Der och hat manlich krafftten Vnd warff in bald vnder ſich Er ſprach hin zum held nun gich Welleſt geneſſen ſicherheit Der bett volge waz vnbereit Lyſchos der da vndan lag Won der nie ſicherheit gepflag Es dunktt in wund̉erlich gnuͦg Das ye man die hand getruͦg Die in ſoͯlt úber komen Das im nie wart v̉ernomen Betungenliche ſicherheit Der ſin hand ye vil erſtreit Wie es do was ergangen Er het vil empfangen Das er nit fuͤrbas woͯlte geben Fuͤr ſicherheit bot er ſin leben Vnd iach was im geſcheche Das er nẏem̉er verieche Sicherheit mit twingen Mit dem tod woͯlt er e ringen Do ſprach der vnderligende Biſtu nun der geſigende Des pflag ich do got wolte Vnd ich erre haben ſolte Nun hatt min pris ein ende Von din̉er werden hende Wa vernimpt man vnd wib Das úberkomen iſt min lib Des pris ſo hoch ſchwebt enbor So ſtat mir bas ein ſterbēn vor E mine frúnd daz merre Machen ſúlle froͯden lere Gawin warb ſicherheit an Jn Do ſtuͦnd ſin muͯt vnd ſin ſin Numen vmb des libes v̉erderben Oder vff ein geches ſterben Do dachte min her Gawan Durch was totte ich diſen man Woͯlt er ſuſt zu minem gebot ſtan Geſund lies ich Jn hin gan Mit Rede warb ers im ſo Das enwart nit geleiſtet do Doch lies er vff den wigant Eine geſicherte hand Jettweder vff die bluͦmen ſas Gawin ſins kumers nit vergas Das ſin pfert was ſo krank Den wiſen lerte ſin gedank Das ers ros mit ſporn Ritte Vncz er verſuchtte ſinen ſitte Das was gewappet wol fuͤr ſtrit Pfelle vnd ſemit Was ſin ander couentuͤre Sid ers erward mit auentuͤre Warumb ſolt ers Ritten nicht Sid es zu Ritten Im geſchicht Er ſas daruff do fuͦr es ſo Sin̉er witten ſprunge er waz al fro Do ſprach er biſtus kringulet Das vrians mit falſch̉er bett Er weis wol wie er an mir erwarb Da von yedoch ſin pris v̉erdarb Wer hat dich ſuſt gewapet ſid̉er Ob du es biſt got hat dich her wid̉er Mir ſchone geſendet Der dicke kumer wendet Er erbenczerbeycz drab er fand Des grals wappen waz gebrant Ein turtúblin an ſinen buͦg Lechlin zer Joſte ſchluͦg Daruff den von prienloiors Orilus ward dis ros Der gab es Gawaine Vff dem primizols plane Hie kam ſin trúrig gemuͯte Wider Jn hoch gemuͯtte Wan daz in zwang ein rúwe Vnd ein dientſtbere trúwe Die er nach ſiner frowen truͦg Die Jm ſchmache bot gnuͦg Nach der in Jagtte ſin gedank Jnne des d̉er ſtolcze liſchois ſprang Da er ligen ſach ſin ſchwert Das Gewin der tegen werd Mit ſtrite vſſer ſin̉er hande brach Manig frow ir and̉er ſtritēn ſach Die ſchilte wauren ſo gedigen Yettwed̉er lie den ſinen ligen Vnd gachtent ſuſt ze ſtritte Jettwed̉er kam by zitte Mit herczlich̉er manes wer Ob Jn ſas frowen ein her Zen fenſtern vff dem palas Vnd ſachent den kampff der vor in was Do huͦb ſich erſt núw̉er zorn Yettweder waz ſo hochgeborn Das ſin pris vnſanfftt er leid Ob ind̉er and̉er úber ſtreit Helme vnd ſchwert litten not Die wauren ir ſchilt fuͤr den tod Wer der helden ſtritte ſach Jch wenn ers Jn fúr kum̉er Jach Lyſchois gwellius Der Junge ſuͯze warb alſus Frechafft vnd ellenhafft getat Was ſins hochen herczen rat Er frumpt mengen ſchnellen Schwank Dik er von Gaweinen ſchwank Vnd aber wider ſere vff Jn Gawan truͦg ſtettenklichen ſin Er dacht ergriff ich dich zu mir Jch ſol vil wol gelonen dir Man ſach des fúres blike Von ſchwert vff werffen dike Vſz ellenthaffen henden Sy begunden ein andren wenden Nebent fúr vnd hind̉er ſich One not was ir gerich Sy mochtent one ſtritten lon Do begreiff in min her gawan Vnd warff in vnder ſich mit krafft Mit halſen ſoͯllich geſelſchafft Muͯſſe ich vermiden Jch enmoͯcht ir nit liden Gawin hieſch ſicherheit Der waz als vnbereit Lyſchois der da vnden lag Als er von erſt ſtrittes pflag Er ſprach du muͯſt dich on not Fuͤr ſicherheit gib ich den tod Las enden dine werden hand Was mir ye priſes ward bekant Vor gotte bin ich v̉erfluͦchet Mins priſes er nit mer Ruͦchet Durch orguſolen minne Der edel kúnginne Muͦſe mir menig werd man Sinen pris ze minen handen lan Du macht wol pris erwerben Ob du mich macht erſterben Do duchte des kung lotes ſun Das iſt war ich enſol alſo nit tuͦn So verlor ich priſes hulde Er ſchluͦg och one ſchulde Diſen kuͯnen held vnủerczagt Der minne mich do zwinget Jn hat ir minne vff mich geiaget Vnd mir vil kumers bringet Won las ich in durch ſy geneſſen Ob min teil an ir ſol weſſen Das enmag er nit erwenden Wil mirs gluke ſenden Wa hat ſy vnſzn ſtrit geſechen Jch wen ſy muͯſz mir des Jechen Das ich nach minne dienen kan Do ſprach min her Gawan Jch wil durch die herczogin Dich by dem leben laſen ſin Groſer muͯde ſy nit v̉ergaſſen Er lies Jn vff ſy ſaſſen Von ein ander verre Do kam des ſchiffes herre Von dem waſſer vff daz land Er gieng vn̄d truͯg vff ſin̉er hand Ein muͯſn̉erlin ſpewer algra Es was ſin recht lechen da Wer ſtreit vff dem plan Das er das ros ſolte han Jenes der da lege Vnd der des ſiges pflege Des hende ſoͯlt er nigen Vnd ſinen pris nit verſchwigen Suſt zinſte man Jm bluͦmen feld Es was ſin beſt huͦbgelt Od̉er ob ſin múſſer ſperw̉erlin Eine galander lertte pin Von and̉ers nichte gie ſin pfluͦg Das ducht in gar gnuͦg Er was geborn von Ritt̉ers art Mit guͦtten zuchtten wol bewart Er gieng zu Gaweine Den zins von dem plane Hieſch er zúchttenklichen Gawain der ellencz Riche Sprach herre Jch ward nie koffman Jr mugt mich zolles wol erlan Des ſchiffes meiſt̉er wid̉er ſprach Herr ſo menig frow ſach Daz úch d̉er pris iſt hie geſchechēn Jr ſúltt mir mins Rechtten Jechen Herre tuͦt mir recht bekant Zu rechttem ſtrit hatt úw̉er hand Mir dis Ros erworben Mit briſe al vnủerdorben Wan úw̉er hand In nid̉er ſtach Dem alle welt ye bris Iach Mit warheit vncz andiſen tag Juwer pris ſin halb d̉er gottes ſchlag Jm froͯden hat empfuͯret gros ſolde uch hat geruͯrret Gawin ſprach er ſtach mich nid̉er Des erholt ich mich ſider Sid man úch ſtrit v̉erzollen ſol Er mag uch zol geleiſten ſol Herre doͯrt ſtat ein Rúnczitt Das erwarb an mir ſin ſtrit Das nement ob ir gebiet Der ſich des roſes niett Das bin Jch es mús mich hinan tragēn Soͯlt halt ir nyem̉er ros beiagen Jr nement Recht welt ir daz nemēn So darff uch daz niem̉er geczemēn Das ich zu fuͦs hinnan ge Wan das tett mir ze we Soͯltt dis ros úwer ſin Das waz ſo ledenlich min Dennocht hútte morgen fruͦ Welt ir gmaches griffen zu So Rittent Jr lichtenklich̉er einēn ſtab Das Ros mir ledklich gab Der herczog orilus von Burgu==niois Vrians der fuͤrſte vōn puͯntrortois Het mirs ein wile verſtoln Einer múlinen voln Moch er noch bas gewinen Jch kan úch anders minnen Sid ir úch dunkent alſo wert Fuͤr daz ros daz ir gert Habt úch den man d̉er es gen mir = reit Jſt Im das lieb od̉er leitt Do ker ich mich wenig an Des frowt ſich d̉er ſchiffmān Mit lachendem mund er ſparach So Riche gab ich nie geſach Dem ſy recht were Zu empfachen gebere Doch woͯlt irs ſin min gewer Gar úber golten iſt min ger Sin tat gen priſe waz ye ſo hel Fúnff hund̉ert ros ſtark vnd ſchnel Jch vngerne fuͤr in neme Wand es mir nit geczeme Welt ir mich machen Richen So werbent Ritterlichen Mugt Jr ſo gewaltig ſin Anttwurt in in daz ſchiffe min So kunent ir werdikeit woltuͦn Do ſprach des kunges lotes ſun Beidú drin vnd dar fúr Vncz Ienerthalb úwers Huſſes túr Anttwurt ich úch in gefangen So werdent ir wol empfangen Sprach der ſchiffmān. des groſen dank Was mit nygenden nit krank Do ſprach er lieb̉er h̉erre min Da zu geruchent ſelbe ſin Mit mir hinnacht durch gmach Groſſer erre nie geſchach Deheinem fergen minēn gaſt genos Man pruͯfet mirs fuͤr ſelde gros Behalt ich alſus werden man Do ſprach min her Gawan Das ir gert daz ſolt ich bitten Mich has gros muͯde ub̉erſtrittēn Das mir ruͦwe were not Die mir vngemache bot Die kan wol ſuͯſſe ſuren Vnd den herczen froͯde*froͯde trúren Vnd der ſorgen machen Riche Sy lont vngeliche Owe vindenklich̉er verluſt Du ſchenkeſt mir die andren bruſt Die e der hoche gerte Do mich got froͯden werte Do lag ein hercze vndan Jch wenne daz iſt v̉erſchunden Wa ſol ich min troſte holn Muͦs ich one helffe doln Nach minne als hoͯche rúwe Pfliget ſy wiplich trúwe Sy ſol mir froͯde merren Die mich ſuſt kan verſeren Der ſchiffman hort daz er rank Mit ſorgen vnd daz In minne zwank Do ſprach er here es iſt hie Recht Vff dem plane vnd in den forecht Vnd aldo Clingſhor herre iſt Zagheit noch manlich̉er liſt Fuͯgtencz and̉ers nicht wan ſo Hút trurrig morn fro Es iſt úch licht vnbekant Gar Auentúr iſt dis land Sus wert es nacht vnd tag By manheit ſelde helffen mag Die ſunne kan ſy nider ſten Herre ir ſult zu helffe gen Herre ir ſult ze helffeſchiffe gen Des bat Jn der ſchiffman Lyſchoiſen fuͦrt Gawan Dannen mit Jm vff den wag Gedultenklich oͯn alle frag Man den held des volgen ſach Der ferge zoch daz ros hinach Sus fuͦrencz úber an daz ſtad Der ferg Gewainen bat Sind ſelb wirt in minen hus Das ſtuͦnd alſo daz artus Ze Natis da er dicke ſas Nicht dorfftte han gebuwen bas Do fuͦrt er Lyſchoiſen Jn Der wirt vnd daz geſinde ſin Sich des vnd̉er wunden An den ſelben ſtunden Der wirt zu ſin̉er tochtt̉er ſprach Du ſolt ſchaffen guͦt gmach Minem h̉erren der hie ſtat Jr zweẏ mit ein andren gat Vnd dient Jm vnủerdroſſen Wir habent ſin wol genoſſen Sinem ſun beualch er kringulettēn Des dú magt was gebetten ⸿Mit groſer zucht ward daz geton Mit der magt Gawan Jn eine kemnatten gieng Den Eſtrich al úber fieng Núwer binczen vnd bluͦmēn wol = gefar Daruff wauren geſchnitēn gar Do entwapet Jn die ſuͯſze Got úch des lonen muͯſe Sprach Gawain frow mir iſt ſin not 5 Wan das man úch von hoffe bot So dient ir mir ze ſere Sy ſprach ich dien úch mere Herre von úwren hulden Denne von andren ſchulden Ein knappe des wirtes ſun dar truͦg Senfftter bette gnuͦg An die wand gen der túr Ein tepich wart geleit dar fúr Da Gawin ſolte ſiczen Ein knapp truͦg mit wiczen Einen kultter ſo gmal Dar uff von Rottem zendal Dem wirt och ward geleit Darnach d̉er ander knappe treit Dar uff tiſchlachen vnd brot Der wirt in beiden gebot Da gieng dú wirtin nach Do ſy her Gawinen ſach Sy empfieng In erliche Vnd ſprach ir habt vns gemacht = Riche Aller erſt nun gemachett Herre vnſer ſelde wachet ⸿Der wirt kam waſſ̉er man dar truͦg. Do im Gawin tuͦg Ein bett er nit vermeid Er bat den wirt geſellikeit Lat mit mir eſſen diſe magt Herre es iſt úch vnủerſagt Das ſy mit herren eſſe Od̉er in ſo nache ſeſſe Sy wurd licht mir ze her Doch hand wir úw̉er gnoſſen mer Tochtter leiſte alle ſin ger D̉er bin Jch mit d̉er folge wer Die dochtt̉er ward von ſchame Rot Doch tet ſy daz d̉er wirt gebot Zu Gawin ſas fro Bene Starker ſunne zwene Het d̉er wirt och erczogen Nun hett daz ſprinczlin erflogen Dry Galander Die wurdent mit ein and̉er ⸿Gawin getragen alle dri Vnd ein ſaͯlcz da bẏ Die magt dienſt nit v̉ermeid Mit groſſen zúchtten ſchneid Gawinen ſuͯſſe murſel Vff einen blanken waſtel Mit ir claren henden Sy ſprach ir ſond ſenden Dirre gebratten vogel einen Wan ſy hat deheinen Herre min̉er muͦtter dar Er ſprach ze d̉er unckfren wol gar Das er gern irn willen tette Daran. oder waz ſy bette Ein galander ward geſant Der wirtin Gawains hand Ward mit zuchtten vil genigen Vnd des wirtes dank nit verſchwigen Nun bracht ein knapp des wir=tes ſun Purczel vnd lattuͦm Gebrochen in vineger Gen groſſer krafftt vnwnger Jſt dú *ngelenge diſu nar Man wirt ir och nit wol gewar Soͯlich farwe tuͦt die warheit kunt Die man ſchloffet in den mund Geſtrichen fro*farwe vff daz fel Jſt ſeltten worden lobes hel Welich wiplich hercz iſt ſtette gancz Jch wenne die treit den hoͯſten glancz ⸿Konde Gawin guͦtten willen zern Des moͯch er ſich da wol ernern Wan dehein muͦtt̉er gund ir kind bas Denne der wirt das brot er as Do man den tiſch dan empfieng Vnd die wirtin vs gieng Vil bette man darnahen treit Dú wurden Gawin geleit Das eine waz ein pfulmit Des zieche waz ein ſemit Des nit von d̉er edlen art Es was ein ſemit paſthart Ein kulter was des bettes dach Nu man durch Gawins gmach Mit einem pfelle ſund̉er gold Were vſ der heidenſchafftt geholt Geſtepat vs palmat Dar úber zoch man lin wat Zwey lilachen ſchne var Man legt ein wankúſſi dar Vnd der megde mantel einem Hernin núwen Reinen Mit vrlob ers vnd̉er fieng Der wirt E daz er ſchlaffen gieng Gawin al eine vnd die magt Bliben alda ward mir geſagt Hette er ichttes an ſy gert Jch wen ſy het es in gewert Er ſol och ſchlaffen ober mag Got huͯtte ſin do kam d̉er tag ⸿Gros muͯde im zuch die *ogen zuͦ Do ſchlieff er bis morges fruͦ Do erwacht d̉er wigant Einhalb d̉er kemnaten fant Vil venſter da von heittern glas Der venſter eines offen was Gen dem bomgartten Dar In gieng er durch warten Durch luſt vnd d̉er fogel ſang Da waz ſin ſicze hartte vnlag Er kos eine burg die er des aubendes ſach Do im die auentúre geſchach Vil frowen vff dem palas Menge vnder in vil ſchone waz Das ducht in ein wund̉er gros Das die frowen nit verdros Jr wachens daz ſy ſchlieffen nicht Denoch d̉er tag was nit ſo liecht Er dacht ich wil in zeren Mich an ſchlaffe kerren Wid̉er an ſin bette er gieng Der megte mantel úber fieng Jn. das was ſin decke Nein das werre dem wirte leid Die maget durch geſelheit Als do ſy vor ir muͦtt̉er lag Sy brach irn ſchlaff da ſy lag Vnd gieng hinuff zu irm gaſte Der ſchlieff denocht faſte ⸿Die magt irs dienſtes nit v̉ergas Vffen teppet fuͤr daz bette ſas Die clare Junckfrowe By mir ich ſeltten ſchowe Das mir aubendes od̉er fruͦ Soͯlich auentúre ſchliche zuͦ Vil ſchier Gawin erwachte Er ſach an ſy vnd lachte Got gruͯs úch Junckfroͯwlin Das ir durch den willen min V́wern ſchlaff ſus brechen Vnd an úch ſelber rechen Das ich nit han gedient gar Do ſprach die magt wol gevar V́wers dienſtes ſol ich enbern Jch wil úwer huld enbern Jch wil uwer hulde gern Herre gebiettent úber mich Was ir gebiettent das tuͦn ich Alle die mit minem vatt̉er ſind Beidú min mutt̉er vnd ir kind Súllent úch zu h̉erren ym̉er han So lieb habt ir vns getan Er ſprach ſind ir icht lange komēn Hett ich úw̉er kunfftt E v̉ernomen Das wer mir lieb dur fragen Woͯlt uch des nit betragen Das irs mirs geruchent ſagen Jch han Jn diſen zwen tagen Vil frowen ob vns hie geſechen Von den ſúlt ir mir v̉eriechen ⸿Durch uwer gutte wer ſy ſin Do ſprach daz Junckfroͯwlin Herre nūmme fragen mich Jch bin dú es uch núm̉er vergicht Jch kan úch von In nit geſagen Ob halt ich weis Jch ſols v̉ertagen Lant es úch nit weſen ſchwere Vnd fragt andrú mere Das rat Jch woͯlt ir folgen mir Gawin ſprach aber zu ir Mit frage er gieng dem mere nach Vmb alle die frowe die er ſach Siczende vff dem palas Die maget wol ſo getrúwe waz Das ſy von herczen weinte Vnd groſe clag erſcheinde Dannacht waz es harte fruͦ Jnne gieng der vatt̉er zuͦ Der lies es oͯne zorne gar Ob dú maget wol gefar Jchttes were bezwungen Oder ob da was gerungen Dem gebartte ſy geliche Dú maget zúchten Riche Wan ſy dem bette nache ſas Das lies ir vatt̉er one has Do ſprach er tochtt̉er weint nicht Waz in ſchimpff alſus geſchicht Ob das von erſt bringt zorn Das iſt ſchier darnach v̉erkorn ⸿Gawin ſprach hie iſt nit geſchechen Wan daz wir vor uch wellen Jechen Jch fragt dieſe magt ein teil Vnd bat mich daz ichs lieſſe Ob úch des nit verdrieſſe So lat min dienſt umb uch beiagēn Das ir mir geruͦchent ſagen Vmb diſe frowēn hie Jch enforſch in allen landen nie Da man moͯchte ſchowen So manig Clar frowen Mit ſo liechttem gebende Der wirt wand ſine hende Er ſprach h̉erre frag nit durch = got Dis iſt ein not ob aller not So muͦs Jch doch ir kum̉er clagen Sprach Gawin wirt ir ſoͯltt mir ſagen Warumb iſt uch min frage leid Herre durch úw̉er manheit Kunnent ir fragen nit enbern So woͯlt ir licht fuͤrbas gern Das lert úch herczen ſchwere Vnd macht vns froͯden lere Mich vnd alle min kind Die úch ze dienſt geborn ſind Gawin ſprach r ſult mirs ſagen. Welt aber mirs gar vertragen Das uͤwer mere mich v̉erget Jch frage doch wie es ſtett DEr wirt ſprach mit trúwen. Herre ſo muͦs mich rúwen Das úch des fragens nit beuilcht Jch wil úch lichen einēn ſchilt Nun wappēnt uch vff einen ſtrit. Jn terre marveile ir ſit Herre es wart v̉erſuͦchet nie Let marveile hie Schatel marveile iſt du not Juwer leben daz wil in den tod Jſt uch Auentúre bekant Was ye geſtreit úw̉er hand Das was noch gar ein kindes ſpil Nun nachet úwer rúwberes zil Gawin ſprach mir wer leid Ob min gemach oͯn arbeid Von diſen frowen hinnan Ritte Jch verſuͦchte e bas irn ſitte Jch han och E von Jn v̉ernomen Sid ich ſo nach nun bin komen Mich enſol des nit betragen Jch enwels durch ſy wagen Der wirt mit trúwen klagte SinēmSinem gaſt er ſagte Aller kumer iſt en nicht Wan das ze liden uch geſchiht Diſú Auentúre So ſcharpff vnd vngehúre Fuͤr war one liegen Herr Jch kan nit triegen ⸿Gawin den pris erkante An die vorcht er ſich nit wante Er ſprach h̉erren nun gebt mir Rat Ob ir gebiett Rittẻrs tat Sol ich leiſten Ruͦcht es got Júwer rat vnd úw̉er gebot Wil ich ymer gerne han Her wirt es were miſſeton Soͯlt Jch ſus hinnan ſcheiden Die lieben vnd die leiden Hetten mich fuͤr einen zagen Aller erſt der wirt begund clagēn Wan Jm ſo leid nie geſchach Hin zem gaſt er ſprach Ob das got erczeige Das ir nit ſit veige So werdent Jr herr diſes lands Was frowen hie ſtat pfandes Die gros wunder her ertwank Noch nie Ritters hand errank Manig ſariant edlu ritt̉erſchafft Ob die hie erloͯſt uͤwer krafft So ſind ir priſes gehoͯret Vnd hant úch wol geerrett Jr mugent mit erre h̉erre ſin V́ber mengen liechtten ſchin Frowen von mengen landen Wer Jeche úch des ze ſchandēn Oder ir ſchiedent hin alſus Sid lyſchois gwellius Juch ſinen pris hie glaſen hat Der mengú Ritt̉erlichu tat Gefrumpt hat d̉er ſuͯze Von Recht ich in alſus gruͯſſe Mit allem iſt ſin Ritt̉erſchafftt So mengú tugent die gottes krafft Jn manes hercze nie geſties Ane Jchtern von Kachevies Der Jchtern vor natis ſchluͦg Min hilff in geſter úber truͦg Er het mir funff ros gegeben Got laus in mit erren leben Die kúnge vnd herczogen Ritten Was er hat ab in erſtritten Das wirt zu palrapeire geſagt Jr ſich̉erheit er hat beiagt ⸿Sin ſchilt treit meng̉er ſtrit mal Er rit hin forſchen vmb den gral Gawin ſprach war iſt er komēn Sagt herre wirt hat er v̉ernomēn Do er ſo nache waz hie bẏ Was diſu auenture ſẏ Herre er hat es nit erfarn Jch kund mich des wol bewarn Das Jchs im zu gefuͯge Vnfuͦg ich denne truͯge Het ir fragens nit gedacht Nyem̉er werent irs Jnnen bracht Von mir waz hie meres iſt Mit forchten ſtark ein ſtreng̉er liſt Weltt ir nit erwinden Mir vnd minen kinden Geſchach ſo rechtte leide mie Ob ir den lib verlierent hie Soͯltt aber ir den pris behalten Vnd diſes landes walten So het min armuͦt ende Jch getrúw es úwer hende Sy hoche mich mit Richeit mit froͯden lib one leid Mag hie úwer pris erwerben Súlt ir nit erſterben Nun wappnent úch gen kum̉er gros Dennocht ſas Gawin alblos Er ſprach bringent mir min harnaſch har Der bett waz d̉er wirt ſin wer Der wirte nach dem Roſe gieng Ein ſchilt an ſin̉er wand hieng Der dicke vnd hertte waz Da von doch Gawin ſid genas Schiltt vnd ros wurden bracht Der wirt was alſo bedacht Das er wider fuͯr in ſtund Er ſprach herr ich tuͦn v́ch kund Wie ir ſult gebarren Gen úwers werches faren Minen ſchiltt ſúlt ir tragen Der iſt durch ſtochen noch geſclagen ⸿Wan ich ſtritten ſelten Wes moͯch er denne engelten So ir vff die burg hin kompt Ein ding úch denne zem Ros frumt Ein cromer ſiczet vor dem tor Dem lond das Ros dar vor Kouffent vmb in enruchent waz Er behaltt úch daz ros deſt̉er bas Ob irs im verſeczent Werdent ir aber nit geleczet So mugent irs Ros gerne han Do ſprach min herr Gawan So ich nit zu Roſe Ritten Jn Nein herr all der frowen ſchin Jſt vor uch verborgen So nachet es den ſorgen Den palas vindent ir eine Weder gros noch kleine Vindent ir nit daz da lebe So walt es gotte gebe Als ir in die camer get Da let marveile ſtet Das bett vnd die ſtollen ſin Von marroch der mahmuͯmelin Des Crone vnd alle ſin Richeit Were das dar gegen geleit Da mit es werre v̉ergoltten nicht Daran ze liden uch geſchicht Was got an úch wil meinen Nach froͯde ers muͯſz erſcheinen ⸿Gedenktt herre ſind ir wert Diſen ſchilt noch uw̉er ſchwert Laſzent niendert von uch komēn So ir wenēnt daz end hab genomēn V́wer kum̉er groſzlich Aller erſt dem ſtrit iſt es glich Do Gawin vff ſin ros geſas Dú magt ward an froͯden las Alle die da waren clagten Wenig ſy des vertagten Er ſprach zum wirt gan mirs got V́wer getrúlich vrbot Das ir min ſus pflagent Geltes mich nit betraget Vrlob er zer megde nan Die grozes Iamers wol gezam Er reit hin ſy clagtten hie Ob ir nun gerne hoͯrent wie Gawine do geſchache Deſter gerne ich uchs v̉erieche ICh ſag uchs als ichs han v̉ernomēn Do er was fuͤr die porte konēn Er fand den kromere Vnd des krom nit lere Da lag Jnne veile Das ichs were d̉er geile Het als Riche habe Gawin erbeiczet vor Jm abe So Richen marktt er nie geſach Als im zu ſechen aldo geſchach Der krom waz ein ſemit Vier egge hoch vnd wit Was dar Jnne feil lege Ders mit gelte wid̉er wege Der Baruck von Baldack Vergúltte nit daz darine lag Alſo tette der Katholico Von Rankulat die kryechen do Stuͦnd. daz man hoͯrt dar Jnne ſach Denoch v̉ergultes nit des keyſers ſach Mt dirre zweỷer ſtuͤre Das krom gewant waz tuͤre Gawin ſin gruͯſe ſprach Zem krom̉er da er ſach Was wunders da lag feile Nach ſin̉er maſze teile Bat im zoͯgen gawan Gúrtel vnd fuͤrſpan Der krom̉er ſprach ich han fuͤr war Hie geſeſſen menig Jar Das nẏemen getorſte ſchowen Nicht won d*werde frowen Was in minem krome lege Ob úwer hercz manheit pflege So ſind irs alles herre Es iſt gefuͯret verre Habt ir den pris an uch genomēn Sind ir durch auentuͤre komēn Herre ſol úch gelingen Lichtte mugent ir gedingēn ⸿Vmb mich was ich feiles han Das iſt úch denne gar vnd̉ertan Vart furbas lat daz walten got Hat úch plipalinot Der ferge har gewiſett Manig frowe priſet Juwer komen in das land Ob ſy hie erloͯſet úwer hand Welt ir nach Auenture gen So lant das ros al ſtille ſten Daz behalt ich welt irs an mich lan Do ſprach min h̉err Gawan Were es Jn úwer maſze Jch welcz uch gerne laſzen So entſicz ich úw̉er richeit So Richen marſchalk es erleit Nie. ſid ich daruffe ſas Der kromer ſprach one has Jch vnd alle mine habe Was mag úch mer ſprechen drabe Das iſt úw̉er ſúlt ir hie geneſſen Wes moͯcht ich billich̉er weſſen Gawin ſin ellent lerte. Zu fuͦs er furbas kerte Manlich vnd vnủerzaget Als ich úch e han geſaget Er fant der burge witte Das ietlich ir ſitte Stundent Jn buwlich̉er wer Fuͤr alle ſtúrm nit en ber Sy gebe zu driſſig Jaren Ob man ir woͯlte faren ⸿Mitten daruff ein anger Das lechfeld iſt langer Vil túrne ob den zinen ſtúnt Vns tuͦt die auentúre kund Gawin den palas ſach Dem was ſin Eſtriches tach Als pfawen fedrin gar Liecht gemal vnd ſo gauar Weder regen noch der ſchne Tett des taches bliker we Jnnen es was geczieret Vnd wol gefuͯrterieret Der fenſter ſúlle waurent ergrabēn Daruff gewelbe wol erhaben Dar Jnne bette ein wunder Lag har vnd da beſunder Kulter meng̉er ſchlachte Lagen daruff von Rich̉er achtte Da wauren die frowēn geſeſſen Die enhettent nit v̉ergeſſen Sy werren dannen gegangēn Von Jn ward nicht empfangen Jr froͯden kunſt ir ſelden tag Der gar an Gawainen lag Muͯſens in doch han geſechen Was in liebers moͯch ſin geſchechēn Jr deheine das tuͦn ſolte Wie er in doch dienen wolte Da waurent ſy vnſchuldig an Do gieng min her Gawan Jn zer kemnaten túr Doch *ſach er wider vnd fúr Er fand an einer wende Jch weis zu wed̉err hende Ein tuͤr wit offen ſten Do Jnerthalb ein ſold ſolt ergen Hoches priſes erwerben Oder nach dem pris erſterben Er gieng zu d̉er kemnaten Jn Der was ir eſtriches ſchin Luter hel als ein glas Da let marveile was Das bette von dem wunder Von Rubin liecht ſinwel Der wind ward nie ſo ſchnel Vie ſchiffen lieffen darund̉er Da waurēnt die ſtollen *vff geklobēn Den eſtrich muͦs ich ie loben Von Jaſpis Criſolte Von ſardin als er wolte Clingſor der des gedachte Vſz mengen landen brachte Sin liſtigú wiſzheit Werk daz daran waz geleit D̉er Eſtrich waz gar ſo ſchliff Das Gawin kume aldo begriff Mit dem fúſſen ſtúre Er gieng nach auentúre Jemer als offt er trat Das bett fuͦr von ſin̉er ſtat Da es E was geſtanden Gawin ward emplanden Das er den ſchweren ſchilt truͦg Dem Im ſin wirt beualch gnuͦg Er gedacht wie kum ich zu dir Wiltu wenken ſuſt von mir Jch ſol dich inen bringen Ob ich dich mug erſpringen Do geſtuͦnd im daz bette vor Er huͦb ſich zum ſprung enbor Vnd ſprang enmitten dran Die ſchnelheit getorſt nie dehein mān Wie ſich das bett har vnd hin ſchos Vnd Sties Der vier wend deheine es lies Mit hurtten an yegliches ſchwank Das alle die burg da von erclank Sus leit er mengen kum̉er gros Was der dorne ye gedos Vnd alle die beſunder beſunere Ob der erſt were SyBy dem Jungſten drinne Vnd blieſſen nach gewinne Es bedorfftte nit me do crachten Gawin muͦſt wachen Wie er an dem bette lege Wes der held do pflege Des galmes het Jm ſo beuilt Das er zuktte v́ber ſich den ſchilt Er lag vnd lies es walten Den der helffe hat behaltten Vnd den den hilffe nie verdros Wer in ſinem kumer gros Helffe an Jn verſuchen kan Der wiſe herczhafftte man Wa dem kumer wirt bekant Der Ruͯffet an die hoͯchſten hand Wan die treit hilffe Riche Vnd hilffet im gnedenkliche Das ſelbe och Gawin beſchach Dem er ye ſines ſiges iach Sine kreffttige guͯtte Bat er ſich behuͯtten Nun gewan des krachen ende So das die vier wende Soͯlich varen genieſſen dar Alda das bette wol geuar An dem eſtrich enmitten ſtuͦnd Do ward im groſſer angſt kund Fúnffhund̉ert ſtabſchlingen Mit luſtlichen dingen Zem ſchwank wauren bereit Der ſchwank gab im geleite Vff das bett da er do lag Der ſchilt alſolher herte pflag Das ers empfand vil kleine Es wauren waſſer ſteine Sinwel vnd hart Ewa der ſchilt doch dunkel ward ⸿Die ſteine wauren och v̉erbolt Er hett ſeltten e gedolt So ſchwinde wurff vff in pflegēn Nun was zem ſchuſſe vff geczogēn Fúnff hund̉ert armbrot oder mer Die hetten alle geliche ker Recht vff das bette da er lag Wer ye ſoͯmlich̉er not pflag Der mag erpfeerkennen pfile Das werte kurcze wile Vnd das ſẏ wauren verſchnuret gar Wer wil gelukes wil nemen gwar Der kom an ſoͯlich bette nicht Gmaches Jm da nyeman gicht Es mocht Iugent werden gra Des gmaches alles da Gawin an dem bette vank Dennocht ſin hercz vnd ſin hand Der zagheit lac er alleine Die pfil vnd ouch die ſteine Hettent in ouch gar nicht v̉ermitten Zerquaſchierett vnd verſchnitten Was er durch die Ringe Do hett er gedinge Sins kumers wer ein ende Dennocht mit ſiner hende Muͦs pris erſtritten An den ſelben zitten Tett ſich gen Jm vff ein túr Ein ſtarker pur gien her fúr ⸿Der was freiſklich getan Von fiſche hútte truͦg er an Ein ſurkot vnd ein bonit Von des ſelben zwo hoſen wit Einen kolben er Jn d̉er hande truͦg Des kúlle waz groͯſer den ein kruͦg Er gieng gen Gawinen her Des en was doch nyemān ſin wer Wan In ſins komendes verdros Gawin dach dirre iſt blos Sin wer iſt gen mir harte las Er Richtte ſich vff vnd ſas Als ob in niendert werre leit Jener trat hind̉er ſich ein ſchrit Als ob er woͯlt entwichen Vnd ſprach doch zornlichen Jr endurfft mich entſichen nicht Jch fuͦg aber wol daz úch geſchicht Da von ir den lib zu pfande gebt Von des tieffels krefftten ir doch lebt Sol uch der hie han erneret Jr ſind doch ſterbens vnerneret Des bring ich uch wol inen Als ich nun ſcheid von hinnan Als: In diesem Wort Eingriff, aber keine Korrektur, durch wohl noch zeitgenössischen Leser, vgl. Einführung zu Cod. AA 91. Der vilan trat wider In Gawin mit dem ſchwerte ſin Von dem ſchilt ſchluͦg die zeine Die pfil alle gemaine Wauren hin durch gedrungen Das ſy in den Ringen klungen ⸿Do hort er ein gebrumen Als der wol zweinczig trumēn Schliege hie ze tancze Sin veſter muͦt gancze Den die ware zagheit Nie verſerte noch verſchneid Dachtte was ſoſol mir geſchechen Jch moͯchtte nun wol kum̉ers iechēn Wil ſich min kum̉er meren Ze wer ſol ich mich kerren Nun ſach er gen des geburen túr Ein ſtarker low ſprang her fúr Der was als ein ros ſo hoch Gawin der ye vngern floch Den ſchilt er mit dem Riemēn nām Er tett als es der wer geczam Er ſprang vff den eſtrich Durch hung̉er waz freiſtlich Dirre kranke low gros Des er doch wenig do genos Mit zorne lieff er an den man Ze wer ſtund her gewan Er het Jm den ſchilt nach genomēn Sin erſter griff waz alſo komen Durch den ſchilt al den klawen Von tier iſt ſeltten e vernom Sin griff durch ſoͯlich herte Gawin ſich zukens wertte Ein bein hinab er im ſchwank Der loͯw vff drin fuͯſſen ſprank ⸿Jm ſchiltte bleib der vierde fuͦs Von blutte gab er ſoͯlichen gus Das Gawin mocht vaſte ſten Har vnd dar begund es gen Der loͯw ſprang dick an den gaſt Durch die naſen mengen pfnaſt Tet er Jm bleken die zenen Wolt man Jn ſoͯlich̉er ſpiſen wenen Das er helden eſſe Vngern ich by im ſaͯſſe Es was och Gawine leid Der vff den lib mit Jm ſtreit Er hett in ſo geleczett Mit bluͦt ward geneczet Ale dú kemnate gar Mit zorne ſprang d̉er loͯwe dar Vnd wolt in zuken vnd̉er ſich Gawin tet im einen ſtich Durch die bruſt vncz an die hand Da von des loͯwen zorn verſchwand Wan der ſtruchtte nider tod Gawin het die groſſen not Mit ſtritte úber wunden An den ſelben ſtunden Dacht er waz iſt nun mir guͦt Jch ſicze vnd gern In dis bluͦt Och ſol ich mich des wol bewarn Das bette kan ſuſt vmbe farn Das ich daran ſicze od̉er lige Ob ich rechtt̉er wicze pflige Hie iſt gauwin vff der ſchonēn bettſtatt vn̄d wirt mit fillen geſchochen vn̄d mit gewirff geworffen Jn dem grall vn̄d das er groſſe not da leid vn̄d wiſt nit wannēn es kam : Dieser Titel wurde von einer anderen Hand geschrieben. Hie hat gauwin geſtritten mit einem loͯwen vn̄d tot Den loͯwen vn̄d wart er Das er jn ammacht lag als ob er tod wer ſo kumpt ein kúngin mit jren jumpfroͯwēn Vn̄d laben jn mit waſſer Das er wider zuͦ jm ſelber kam : Dieser Titel wurde von einer anderen Hand geschrieben. Nun was Jm ſin hobett Mit wurffen ſo betobet Vnd do ſine wunden So bluͦtten begunden Das im ſin manlich krafft Gar lie mit geſelſchafftt Durch ſchwindlen er ſtruches pflag Das hopt im vff dem loͯwen lag Der ſchilt fiel nid̉er vnder Jn Gewan er ye krefftt oder ſin Die waurent beidu empfuͯret Vnſanfftt er was geruͯret Alle ſine ſin tatten im entwichen Sin wanknu*wanknuſch vngelichen Was dem gimille Von monte rabile Die ſuͯſze vnd die wiſe Legte kaheniſe Daruff er ſinen pris verlieffvẻrſlieff Der pris gen diſem mānne lieff Won ir habt das wol v̉ernomen Wa von er waz von wiczen komen Das er lag vnuerſunen Wie das ward begunen Verholnen es ward geſchowet Das mit bluͦt waz betowet Der kemnatten eſtrich Sy beidu dem tod wauren glich Der loͯw vnd Gawan Ein Junckfrow wol getan Mit forchtten luͦget obnen Jn Des ward vil bleich ir liecht̉er ſchin ⸿Die Iunge ſo verczagtte Das die altte clagte Arnyue die wiſe Darumb ich ſy noch priſe. Das ſy den Ritt̉er nerte Vnd im do ſterben werte Sy gieng och dar nach ſchowen Do ward von den frowen Zem veſtervēnſter obnan Ingeſechen Das ſy deweders mochten Jechen Jr kunftlichen froͯden tage Oder Jamer herczliche clage Sy forchteforchtēn der Ritt̉er were tod Des lertte ſy gedenke not Wan er ſus vff dem loͯwen lag Vnd anders deheins betes pflag Si ſprach mir iſt von herczen leid Ob din getrúwe manheit Din werdes leben hab verlorn Haſtu den tod hie erkorn Durch vns vil ellend diet Sid dir din trúwe daz geriet Mich erbarmet yem̉er mer din túgent Du habeſt alter od̉er iugent Hin zu alden frowen ſy ſprach Wan ſy den held ſus ligen ſach Jr frowen die des toffes pflegen Ruͦffent alle an got vmb ſinen ſegēn ⸿Sy ſantte zwo Junckfrowen dar Vnd bat ſy rechtte nemen war Das ſy ſanfftte ſchlichen E das ſy dannen entwichen Das ſy ir brechten mere Ob er by dem leben were Oder ob er were verſcheiden Das gebot ſy den beiden Die ſuͯſzen megde reine Ob ir dewedre weine Ja ſy beidu ſere Durch Rechttes Jamers lere Do ſy In ſus ligen funden Das von ſinen wunden Der ſchilt von bluͦte ſchwebte Sy beſachen ob er lebte Eine mit ir claren hand Den helm von dem hopt band Vnd och die fynteilen ſin Do lag ein cleines ſchuͤmlin Vor ſinem Roten munde Ze wattent ſy begunden Ob er den attem nendert zuge Oder ob er ſin leben truͯge Das lag dennoch In ſtritte Vff ſinem kurſitte Von zobel wauren zwei gampilun Als Jlot der Britun Mit groſſem priſe wappen truͦg Der brachtte werdikeit gnuͦg ⸿Jn der Jugent an ſin ende Die Junckfrow mit ir hende Des zobels rofftte vnd habt Jn dar Fuͤr ſine naſen do nam ſy war Ob der attum das har Regte Das es ſich yendert wegte Der auttem ward do funden An den ſelben ſtunden Hies ſy balde ſpringen Ein lutter waſſer bringen Jr geſpil wol gefar Bracht ir das ſchnellenklichen dar Die magt ſchopt ir fingerlin Zwúſchent die zene ſin Mit groſſen fuͦgen daz geſchach Do gos ſy des waſſers nach Sanfftte vnd aber mere Sy gos ydochyedoch nit ſerre Vncz das er die ogen vff ſchwang Er bot Jn dienſt vnd ſagt in dank Den zwein ſuͯſzen kinden Das ir mich ſoltent finden Sus vngeczogenlichen ligen Ob das wirt von úch v̉erſchwigen Das pruͯffe ich úch fuͤr guͯtte Juwer zucht úch daran behuͯtte Sy ſprachen ir lagen vnd ligent Als der des hoͯchſten pris pfliget Jr habt den pris alhie beczalt Des ir mit froͯden werdent alt ⸿Der ſige iſt uͤwer hútte Nun troͯſten vns armen lútte Ob úwren wunden ſy alſo Das wir mit úch weſſen fro Er ſprach ſecht ir mich gerne lebēn So ſúlt ir mir hilffe geben Des bat er die frowen Lat úwer wunden ſchowen Ettwan der da kunne mitte So ich begen nach ſtrites ſitte So bindent vff minen helm vnd gend ir hin Den lib ich gern werende bin Sy Iachent ir ſind nun ſtrites frẏ Herre latt vns v́ch weſſen bẏ Wan eine ſo gewinnen An vier kunginen Das botten brot Jr lebt noch Man ſol uch bereitten doch Gmach vnd ercznie clar Vnd wol mit trúwen nemen war Mit ſalben ſo gehúrre Dú fuͤr die quaczúrre Vnd fúr die wunden ein geniſt Mit ſenfftten helflichen iſt Der megde eine dannan ſprang So bald das ſẏ nyendert handhangk Dú brachtte zu hoffe mere Das d̉er ritt̉er lebendig were Vnd alſo lobliche Das er vns froͯden Riche Mit froͯden machent ruchent ſin got. Er iſt aber groſſ̉er hilffe not Sy ſprachent ale deomercis Die alte kungin wis Ein bette hies bereitten Daruff ein teppich ſpreiten By einem gutten fuͤrre Salben hartte túrre Wol gewurket mit ſinne Die gewan die kunginne Zen quaczſchúren vnzvnd zen wunden Do gebot ſy an den ſtunden Vier frowen daz ſy giengent Vnd ſin harnaſch empfiengen Das ſys ſanfftte von im nemen Vnd das ſy kunde vremen Das ers ſin ich doͯrff ſchamen Einen pfeller ſúlt ir vmb in nemēn Vnd entwappent in an den ſchat Ob dannen gen ſy ſin ſtat Das dolt oder tragen in hin Aldo ich by dem bette bin Jch warte alda der held ſol ligen Ob ſin kampff iſt ſo gedigen Das er nit iſt ze werch wund Jch mach in ſchier wol geſund Welich ſin wunden ſtuͦden ze werche Das were der froͯden twerche Da mit werren wir och erſchlagen Vnd muͯſſent lebendig ſterben tragēn Nun dis ward alſo geton Entwapnet ward der man Vnd dannen geleittet Vnd helffe bereittet Von den die helffen kunden Do waurent ſin̉er wunden Fúnffczig od̉er merre Die pfile ye doch nit ſere Durch die Ringen waurent getru*getrukett Der ſchilt was fuͤr geczuket Do nam dú altú kúngin Dittam vnd warmen win Vnd einen blawen zindel Do ſtrech ſy die bluͦtes mel Vs den wunden wa deheinēn waz Vnd band in ſo daz er gnas Wa der helm waz in gebogen Da engegen daz hopt waz erzogen Das man die wurff erkante Die quaczſchuren ſy v̉erſchwante Mit der ſalben krefftte Vnd von ir meiſterſchefftte Sẏ ſprach Jch ſenfftte uch ſchiere Kuͦndrie laſuͦrziere Ruchet mich ſo dicken ſechen Waz von arcznie mag geſchechen Das tuͦt ſich mich gewaltig wol Sid anfortes In Iamers dol Kom daz man Jm helffe warb Dú ſalbe Im halff daz er nit ſtarb Si iſt von Munſalualſche komēn S: Die Cadelle unterscheidet sich in ihrer Form deutlich von den übrigen Cadellen. Ev. von anderer Hand? Do gawin hat vernomen Munſalualſche nomen Do begund er froͯde erkennen Er wonde er were da nache bẏ Do ſprach der ye waz falſches frẏ Gawin zer kúngin Frow mine ſinne Die mir wauren entrunen Die habt ir gewunnen Wider in min hercze Och ſenfttret ſich min ſchmercze Was ich crefftte od̉er ſinne han Die hat uwer dienſtman Gar von úwren ſchulden Sy ſprach herr úwer hulden Súllent wir vns alle nachen Vnd das mit trúwen gachen Nun volgt mir vnd redent nit vil Ein wurcze Jch úch geben wil Da von ir ſchlaffent daz iſt úch guͦt Eſſens trinkens deheinen muͦt Súlt ir haben vor der nacht So kompt úch wid̉er uwer macht So trit ich úch mit ſpiſe zu Das ir wol beittent vncz fruͦ Eine wurczen ſy im legtte in den mund. Do ſchlieff er an der ſel=ben ſtund Wo ſy ſin mit decke pflag Alſo úber ſchlieff er den tag Der erren Riche vnd d̉er laſters Arm / Lag alſo ſanfftt Jm was warm Ettwen in doch im ſchlaffe fros Das er hiczget vnd nos Als von der ſalben crafftt Von frowen gros geſelſchafftt Giengen vs die ander Jn Die truͦgen liechtten werden ſchin Arnẏue dú alte Gebot mit ir gewalte Das ir deheine rieffe Die wil der held ſchlieffe Sy bat och den palas Beſchlieſſen waz da Ritt̉er was Sariande Burgerre Der dehein̉er diſe mere Vernem vor dem andren tage Do kam den frowen núwe clage Sus ſchlieff d̉er held vncz an die nacht Dú kuͤnginne waz ſo bedacht Die muͦs im vs dem munde nemēn Er erwachtte trinkens Jm gelzemēngezemēn Do hies dar tragen die wiſe Trinken vnd gutte ſpiſe Er Richtte ſich vff vnd ſas Mit gutten froͯden er as Vil menig frow vor im ſtuͦnd Jm ward nie werd̉er dienſt kund Jr dienſt mit zuchtten ward getan Do bruͦfftte min her Gawan ⸿Diſe die vnd aber Jene Er was recht in der alten ſene Nach orguluſen der claren Wan Jm In ſinen Jarren Dehein wib ſo nache nie gegienk Ettwen do er minne empfienk Od̉er da im minne waz v̉erſagt Do ſprach d̉er held vnủerczagt Ze ſin̉er Meiſterinne Der Alten kunginne. Frow es krenket mine zucht 1 Frow es krenkett mine zucht Jr mugent mir Iechen fuͤr vnzucht Súlent diſe frowen vor mir ſten Gebiet In das ſy ſiczen gen Oder heiſſent ſy mit mir eſſen Alhie wirt nit geſeſſen Von ir dehein̉er vncz an mich Herre ſy moͯchtten ſchamen ſich Soͯlttent ſy úch nit diennen fil Won ir ſind vnſer froͯden zil Doch herre waz ir gebietten Jn Das ſúllent ſy leiſten haben ſẏ ſin Die edlen mit der hochen art Wauren ir zucht des bewart Wan ſis mit willen taten Jr ſuͯſze múnd in batten Des ſtendes vncz er geſſe Das ir deheine ſeſſe Do daz geſchach ſy giengen wid̉er Gawin ſich legtte ſchlaffen nid̉er WEr im nun ruͦwe neme / Ob ruͦwens Jm ge=zeme Das wen ich erhet es ſúnden Nach der Auentuͤrre vrkunden Het er ſich gearbeittet Gehoͯchet vnd gebeitet Sin pris mit groſſer not Was der werde Lanzilot Vff der ſchwert bruge erleid Oder ſit maleakanzemaljakanze ſtreit Daz waz dengen diſer not ein nicht Vnd das man karel gicht Dem werden kúng Riche Der alſo ritterliche Den loͯwen von dem palas Warff. der da zu natis waz Karel daz meſſer holte Da von er kumer dolte Jn der Marmelinen ſul Truͯg diſe pfile ein mul Der were ze vil geladen mitte De Gawin durch ellen ſitte Gen ſinem werche ſchnuren lies Als Jn ſin manliche ellend hies Ligweis prillius der fuͦrt Vnd Ereck der ſchoidelakuͦrt Er ſtreit ab Mabonagrin Der de weders gab ſo hoche pin Noch do der ſtolcze Jwan Sinen gruͦs nit wolte han ⸿Vff der auentuͤre ſtein Solten diſu kumer ſin alein Gawins kumb̉er ſchluͦg fuͤr Wege yemen vngemach kúr Welhen kumer meine ich nuͦn ob es uch duchtte nit zu fruͦ So woͯlt ich uch benemen gar Orguluſe dú kam aldar Jn Gawins herczen gedank Der ie was zagheit krank Vnd gen dem wauren ellend ſtark Wie kam daz ſich verbarg Go gros wib in cleine ſtat Sy kam einen Engen pfad Jn Gawans hercze Das aller ſin̉er Schercze Von diſem kumber gar v̉erſchwand Er was yedoch ein kurcze wand Do ſo lang wib Inne ſas Der mit trúwen nit vergas Sin dienſtliches lachen Nyeman ſol des lachen Das alſus werlich man Ein wib entſchupffieren kan Wochra woch waz ſol das ſin So tuͦt frow mīnne ir zúrnēn ſchin An dem der pris hat beiagte Werlich vnd vnủerczagte Hat ſin yedoch funden Gen dem ſiechen wunden Soͯltte gewalte ſy v̉erdrieſſen Er moͯchtte ye doch genieſſen Das ſy Ime one ſinen dank Wol geſund e betwank Frow mīnne woͯlt ir pris beiagen. // Muͯgt ir uch doch laſen ſagen Juch iſt one erre dirre ſtrit Wan Gawin lebt ye ſine zitt Als úwer hulde Jm gebott Als tet ſin vatter lott Muͦtterhalb ſin geſchlechte Stund ye gar zu Rechtte Sit her von Mazadon Den ze feimorgon feimorgon: Anstrich von m ist nur ansatzweise erkennbar. Ursache nicht ermittelbar. Der delaſhoi fuͦrte Den úwer crafftt do Ruͦrtte Mazadans nach komen Do man nampte ſinēn namen Von den dicke iſt vernomen Das ir dehein̉er nie lies Jchter von kacheuies V́wer Jngeſigel truͦg Wa man vor wiben ſin gewuͦg Da man nampte ſinen namen Da enwoltte ſich dehein̉er ſchamēn Der minne ſy ir creftte iach Nun pruͯffet dú In denne ſach Dar wauren die Rette mere komēn An dem úch dienſt wart benomēn Nun tuͦt úch Gawine den tod Als ſinen neuen Jlinot Den úwer craft dar zu zwank Das der Junge ſuͯſze Rank Nach werder Amẏen Von kandick florizien ⸿Dú ſelbe kungin Jn zoch Sins vatter land von kinde Er floch. Ze Britanie er was Er gaſt. Florie Jn luͦd mit mīnne laſt Das ſy in Jagte fuͤr daz land Jn ir dienſte man Jn fand Tod als ir wol habt v̉ernomen Gawins kuͤnne iſt dik komen Von minne in hẻrczbere ſere Jch neme úch ſin̉er magen mere Den och von mīnne iſt worden we Wie betwank d̉er bluͦtfarwe ſrwſne Des werden parczifales lib Durch die kúngin ſin wib Galoes vnd Gamuretten Die habt ir beidu úbertretten Das ir ſy gebt an den Re Dú werde Jtonie Leid och nach rois Gamoflancz Mit trúwen ſtette minne gancz Das was Gawins ſchweſt̉er clar Frow minne ir teiltt úwer far Surdamur durch Alexande Dú eine vnd och dú ander Was Gawin kum̉ers ye gewan Frow minne die welt ir nit erlan Sy muͯſen dienſt gen úch tragen Welt ir nun pris an Jm eriagen Jr moͯcht krafftt gen Jm krefftt geben Vnd lieſent Gawin leben ⸿Siech mit ſinen wunden Vnd wundent die geſunden Menger hat von minne ſank Den doch die mīnne nie betwank Jch moͯchte nun wol ſtille tagen Vnd lieſſe mine clage Was dem von norwegen waz Do er der Auentur genas Das in beſtuͦnd d̉er minne ſchur Ane helff gar ze ſur Do ſprach er daz ich erkos Diſe bette ruͤwelos Das ein hat mich v̉erſert Das ander mir gemert Gedenk nach minne Orgulus die herczoginne Muͦs gnade an mir *begon Ob ich by froͯden ſul beſton Von vngedult er ſich ſo want Das brach ettlich ſin wunden bant Jn ſoͯlichem vngmach er lag Nun ſecht do ſchied vff der tag Des hett er vnſanfftt erbitten Er hett och da vor erlitten Mitt ſchwertten mengen hertten ſtrit. Doch ſenfftter won diſe ruͦwens zitt Ob ſoͯmlich kum̉er gliche dem Wellich minner an ſich nem Der wurde aller erſt wol geſund Mit pfilen alſo ſere wund Das tuͦt Jm lichtte als we Als ſin minne kumer E ⸿Gawin truͦg mīnne vnd and̉er clage Nun begunds liechtten von dem tage. Das ſin̉er groſſen kerczen ſchin Vnnach ſo virrec moͯchte ſin Vff richtte ſich der wigant Nun was ſin lini gewand Nach wunden vnd nach harnaſch var / Zu im waz geleit dar Hemd bruch vnd buͯkram Den wechſel er do gerne nam Vnd ein karnaſch merdrin Des ſelben ein kúrſelin Ob den zwein ſchurbrant Von areis dar geſant Zwene ſtiuel och da lagen Die nit groͯſe pflagen Die núw cleider legt er an Do gieng min her Gawan Vſſer kemnaten túr Suſt gieng er wid̉er vnd fúr Vncz er den Richen palas fand Sinen oͯgen den wart nie bekant Richheit die da zu dochte Dú ſich gar gelichen mochte Vff den palas durch ein ſit Gieng ein gewelb nit zu wit Gedrenget úber den palas hoch Sinwel das úber zoch Daruff ſtuͦnd ein clare ſul Die was nit von holcze ful ⸿Sẏ was michel vnd ſtark So gros froͯn Camillen ſark Werre daruff wol geſtanden Vſz freiefizes landen Bracht es der wiſe clinſhor Werk das hie ſtuͦnd embor Sinwel als ein geczelt es was Der meiſter Geometrias Soͯlt es gewúrket han ſin hand Die kunſt wer Jm vnbekant Das was gewocht mit liſten Adamas vnd amitiſten Die Auentúr vns wiſſen lat Tapicen vnd granat Chriſolte vnd Rubine Smaraden vnd ſardine Suſt waurent die venſt̉er Riche Wit vnd hoch geliche Als man der venſter ſule ſach Der art was oben al das tach Dehein ſul ſtuͦnd da vnde Die ſich glichen kunde Der groſen ſul die do entſchúſchen ſtuͦnd Vns tuͦtt die Auentuͤre kunt Was die wund̉ers mochte han Durch ſchowen gieng h̉er Gawan Vff das warhus eine Zu mengem edlem geſteine Do vand er wunder gros Des Jn ze ſechent nit verdros ⸿Jn duchtte wie allú land Jn der groſſe ſulle wer bekant Vnd das die land vmb giengen Vnd das mit hurte empfiengen Die groſſen berg ein ander Jn der ſúle vand er Lútten Ritten vnde gen Diſen loffen den andren ſten Jn einem venſter er geſas Das wund̉er wolt er pruͯffen bas Do kam dú altu arnẏue Vnd ir tochter Seyue Vnd ir tochtt̉er tochttren zwo Die giengent alle viere do Er ſprang vff do er ſy komēn ſach Du kungin aronyue ſprach Herr ir ſolten noch ſchlaffes pflegēn Habt ir rúwens uch erwegen Da zu ſind ir ſo ſerre wund Sol úch and̉er vngmach ſin kund Do ſprach er frowe vnd meiſtrin Mir hat crafftt vnde ſin Juwer hilff alſo gegeben Das ich gedinge ſol ich leben Dú kungin ſprach muͦs ich ſo ſpechen Das ir mir h̉erre habt veriechen Das ich úwer meiſtry ſig So kúſſent dieſe frowen alle drẏ Da ſind ir laſters an bewart Sy ſind gerborn von hocher art Dirre bett waz er fro Die frowen kuſt er do Seyuen vnd Jtonie Vnd die ſuͯſzen kondrie Gawin ſas ſelb funfftt nid̉er Do ſach er hin vnd her wid̉er An der claren megden lip Je doch zwang in des ein wip Dú mit ſtritte in ſinēm herczen lag Dirre megde blik en nebel tag Was by orguluſen gar Die ducht in echt wol geuar Von lorogis die herczogin Dar Iagt in ſins herczen ſin Nun dis was ergangen Gawin was empfangen Von den frowen allen drin Die truͯgen ſo liechten werdēn ſchin Das licht ein hercz wer v̉erſchnitten Daz e nit kum̉er hett erlitten Hin zu ſin̉er meiſtrin er ſprach Vmb die ſul die er da ſach Das ſy *im ſagtte mere Von welher ſchlacht ſy were ⸿Do ſprach ſy herre dirre ſtein Die tag vnd alle nachte ſchein Al vmb vier mille vmb die land Sid er mir erſt ward bekand Was in dem ſelbe zille geſchicht Jn der ſule man das ſicht Jn waſſer vnd vff felden Das iſt ſin farwe melden Es ſige vogel od̉er tier Den gaſt vnd den forechtier Die froͯmden vnd die kunden Hat man dar Jnne funden V́ber ſechs mile gar ſin glancz Er iſt ſo veſte vnd ſo gancz Das ſy mit deheinen ſinen Nye mocht gewinen Weder hamer noch d̉er ſchmid Sy wart v̉erſtoln zu tabermit Der kunginnen ſecundillen Jch wenne das ane ir willen Gawin an den zitten Sach in der ſulle Ritten Einen Ritt̉er vnd eine frowen Mocht er da beidú ſchowen Do ducht in die frowe clar Man vnd ros gewapnet gar Vnd der helm gezimieret Sy kam geharſchieret Durch die paſſie vff den plon Nach Im die reiſe ward geton ⸿Sy kam die ſtraſſe dur das muͦr Als Lẏſhois d̉er ſtolcze fuͦr Den er entſchumpfiertte Die frowe kondiwierte Den Ritter mit zome her Stritten was ſin ger Gawin ſich vmbe kerte Sinen kumer er gemerte Jn ducht in hett die ſul betrogen Do ſach er fúr vngelogen Orguluſen de logris. Vnd einen Ritt̉er kurtois. Gen dem vrfar vff dem waſſen Jſt die nieſzwurcz in der naſſen Drete vnde ſtrenge Durch ſin hercze enge enge: Erstes e wurde von wohl noch zeitgenössischem Leser nachgezogen. Vgl. Einführung zu Cod. AA 91. Kom alſus die herczogin Durch ſine oben in Gen minne ein rechtloſen man Owe das iſt mine h̉erre Gawan Hin ze ſiner meiſterin er ſprach Do er den Ritt̉er komen ſach Doͯrtt fert ein Ritter her Mit vffgerichtten ſper Der wil ſuͦchens nit erwinden Er ſol ſin ſuͦchen finden Sit er Ritterſchafftte gert Strittes iſt er vom mir gewert Sagtt mir wer mag die frowe ſin. Sy ſprach daz iſt die herczogin Von logrois die clare Wem kompt ſy ſus ze vare Der truͦkoyt iſt mit ir komen Da von ſo dick iſt v̉ernomen Das ſin hercze vnủerczagt Er Hett mit ſpern bris beiagt Es geweret geheret drú land Gen ſin̉er werlichen hand Soͯlt ir ſtrit miden nuͦ Stritten iſt úch gar zu fruͦ Jr ſint ze ſtrit ſerre wund Ob ir halt weren wol geſund Jr ſoͯltent doch ſtrit gen Jm lan Do ſprach min her Gawan Jr Jechent ich ſúlle hie herre ſin Wer denne vff die erre min Ritt̉erſchafftt ſo nache ſuͦchet Ob der ſtrittes geruͦchet Frow ich ſol min harnaſch han Des ward gros winen do getan Von den frowen allen fieren Sy ſprachent welt ir zierren Júwer leben vnd uwern pris So enſtrittent enkeine wis Legt ir da von Jm tod Aller erſt wúchs vns not Súlt ir aber vor im geneſſen Welt ir Jn harnaſch weſſen Juch nement úwer erſte wunden úwer leben So ſind wir an den tod gegeben Gawin ſuſt mit kum̉er rank Jr mugt wol hoͯren was in zwank Jn tungen wunden ſere Vnd die minne michels mere Vnd der Junckfrowen Rúwe Wan er ſach an Jr trúwe Er bat ſy weinen gar verbern Dar zu ſin mund begunde gern Ros harnachharnaſch vnd ſchwert Die frowen clar vnd werd Fúrtent Gawinen wider Er bat ſy vor in gen da nider Die die andren frowen wauren Die ſuͯſzen vnd die claren Gawin vff ſin ſtrittes fart Schier alda gewapnet ward By weinenden liechtten ogen Sy tatencz alſo togen Das niemen freiſch die mere Wan der kamrerekramere Der hies ſin roſ erſtrichen Gawin begunde ſchlichen 4 Alda krungulet ſtuͦnd Do was er alſo ſerre wund Den ſchilt er kume getruͦg Er was dunkel och gnuͦg Vff Sin Ros ſas her Gawan Do kerte er von der burg hin dan Ze ſinem getrúwen wirte Der Jn des wenig ierte. Wes ſin wille gertte Eins ſpers er in gewerte Das was ſtarb vnbeſchaben Er het ir menges vff erhaben Anderthalb vff ſinen plan Do batt in min h̉err Gawan V́ber fuͦrte ſchiere Jn einem vſſire Fuͦrt er Jn úber an daz land Da er den Turkoyten fand Werd vnd hochgemuͦt Der was vor ſchanden wol behuͦt Das miſſewende an Jm v̉erſchwand Sin pris was do fúr erkant Wer gen Jm ſtrittes pflag Das der hinderm ros gelag Von ſinem ſtiche valle Suſt het er ſy alle Die gen Im durch ſtritte Ritten Mit tioſtiern úber ſtritten Och tet ſich vs der tegen wert Das er mit ſporn one ſchwert Hochen pris wolt erben Oder ſin pris verderben Wer den pris an Jm bzaltte Das er in mit ſtrit valte Wurde er do ſiglos geſechen Dem woͯlt er ſicherheit Jechen Gawin erfúr die mere Von der tioſt pfandere ⸿plipalinot nam alſo pfand Welich ſtrit do ward fuͤr erkant Das ein̉er geuiel d̉er ander ſas So empfieng er one Jr beid̉er has Diſſes verluſt vnd des andren gwin Jch mein daz ros zoch er hin Er en Ruͦchtte ſtritten ſy gnuͦg Wer pris oder laſter truͦg Das lies er Jechen die frowen Das mochtencz dike ſchowen Er zoch im Ros an das ſtad Gawin er faſte ſiczen batt Er bot Jm ſchilt vnd ſper Nun kam der Trekoite her Gepappieret als ein man Der wol ſtrit meſſen kan Weder ze hoch noch ze wid̉ernid̉er Gawin kam gen Jm wider Von Munſaluaſche kringulet Fuͦr nach Gawins bett Als es der zome lerte Vff den plan er kerte Hurta nun la die tioſt tuͦn Hie kompt des kúnges lottes ſuͦn Manliche oͯn hercze ſchrik Wa het die helm ſchnuͦr ein ſtrik Die Turkoyten tioſt traff alda Gawin Jn ruͦrtte and̉erſchwa Durch die Barbiere Man ward wol inen ſchire Wer do gefellens waz ſin wer Von dem kurczen ſtarken ſper ⸿Den helm empfieng h̉er gawan Hin Reit d̉er helm hie lit d̉er man Der wirdikeit ye ein bluͦme waz Vncz er bedeket ſus das gras Mit falle von dem ſtritte Sin̉er zimierend̉er koſte Jnne towe mit den bluͦmen ſtrittēn Gawin kam vff in geritten Vncz er Jm ſicherheit verJach Der ferge nach dem Roſe ſprach Das was ſin Recht wer lognet des / Jr froͯwt uch gern wiſt ir wes. Sprach orguluſe die clare Gawine aber zu vare Sid daz des ſtarken loͯwēn fuͦs Juwerm ſchilt volgen muͦs So wenent ir úch ſige bris ge=ſchechen Sid diſe frowen habent geſechen Júwern ſtrit alſo geton Wir muͯſſent úch by froͯden lon Sind ir des der geile Ob let Marveile Sich ſo kleine hat gerochen Juch iſt der ſchilt zerbrochen Als ob úch ſtrit ſo weſſen kunt Jr ſind noch zu ſere wund Vff ſtrittes gedenſe Das tuͦt úch we zer genſe Juch mag durch Ruͦm weſen liep Der ſchilt dunckel als ein ſiep ⸿Den uch ſo manig pfil zerbrach An diſen zitten vngemach Das mugt ir gerne fliechen Lant úch den vinger ziechen Ritt wider uff zen frowen Sagt wie getorſt ir ſchowen Strit den ich werben ſolte Ob úwer hercze wolte Mir diennen nach minne Er ſprach zer herczoginne Frow han Jch wunden Die hand helffe funden Ob úch helffe mag gezemen Das ir min dienſt geruͦchen nemen So enwart nie not ſo hert erkant Jch ſige ze dienſt dar benant Sy ſprach Jch laus úch Ritten Vnd mer nach priſe ſtritten Mit mir geſellenkliche Des ward an froͯden Riche Der ſtolcze werde gewan Den Turkoyten ſant er dan By ſinem wirte plipalinot Vff die burg er enbot Allen frowen wol gevar Das ſies nit wurden nemēn war Gawanes ſper was gancz blibēn Wie beidu ros weren getriben Mt ſper vff der Tioſte hurte Jn ſiner hand ers fuͦrte Gen der liechtten owe Des weinde menig frowe Das die reiſe von Jm geſchach Dú kungin arnyue ſprach Vnſer troſt het Jn erkorn 5 Sin̉er ogen ſenfftte vnd des herczen dorn. Owe daz er nun folget ſus Gen ligweis prillius Orguluſen der herczoginne Das iſt ſin̉er wunde vngewinne Vier hundert frowen waurent Jn clage Er reit von Jn nach z*priſes Jage Was Jm an ſinen wunden war Die not het er erwendet gar Orguluzen farwe glancz Sy ſprach ir ſúlt mir einēn krancz Ab eines bomes Riſe Gewinen darumb ich priſe Juwer tat welt ir michs wern So múget ir miner mīnne gern Do ſprach er was das ris Stet das alſo hochen pris Mir an froͯwen mag beiagen Das Jch úch frowe muͯſze clagen Nach úwer hulde mine not ⸿Das brich ich od̉er mich erlat d̉er tod Was da ſtuͦndent bluͦmen liecht Die waurent gen dirre farwe gar en nicht Die orguluſe brachtte Gawin an ſy gedachtte So das ſin erſte vngemach Jm deheines kumers Jach Sus reit er mit Jr gaſte Von der burc wol ein Raſte Ein ſtraſz wit vnd ſchlecht Fuͤr ein clares forcht forecht Der art die bom muͦſen ſin Tembris vnd priſin Das was Clinſhors wald Gawan d̉er teg der tegen bald Sprach frow wa brich ich den úwern crancz Das min trurig hercz werde gancz Er ſoͯlte ſy han getruket nider Als dick iſt geſchechen ſider Menger claren frowen Sy ſprach ich laus uch ſchowen Wa ir pris mugen behaltten V́ber feld gen einēm graben alten Ritten ſy ſo nachen Des Cranczes bom ſy ſachen Do ſprach ſy herre Iena ſtam Den het der mir froͯden nam Bringent Jr mir darab ein Ris Nie Ritt̉er alſo hochen pris Mit dienſte erwarb nach mīnne So ſprach dú herczoginne Hie wil ich min Reiſe ſparn Woͯlt ir fuͤrbas farn So endurfftt irs nit lengen Ellenthafftte ſprengen Muͦſent ir ze Roſſe alſus V́ber ligweis prillius Sy habt al ſtille vff dem plan Furbas reit her Gawan Er hortte eins ſtarken waſſers fal Das het durch broch wit ein tal Tieff vnd vngeferteklich Gawin des ellens Rich Nam daz Ros mit den ſporn Das treib der tegen hoch geporn Das es mit zwen fuͯſſen trat Hin úber an daz ander ſtat Der ſprung mit falle muͦſt ſin Des windeweinde ye doch die herczogin Der wag was ſchnel vnd gros Gawin ſin̉er krefftt genos Doch truͦg er harnaſch laſt Nun was eins bomes aſt Gewachſſen Jn des waſſers tran Den begriff der ſtake man Wan er dennoch gerne lebte Sin ſper by Im ſchwebte Das ergreiff der wigant Da mit ſteig er vff das land Kringulett ſchwan vnder Dem helffe begunder ⸿Das ros ſo verre nider flos Des loffens in darnach verdros Schweren harnaſch er truͦg Er hett och wunden gnuͦg Nun treib es ein werbe her Das ers errechtte mit dem ſper Do der Regen nider gos Gebrochen hetten witten flos An ein̉er tieffen halden Da es vff her was gepflanden Das kringulten nerte Mit dem zom es kerte So nach zu Jm an das land Das er ergriff mit der hand Sus zoch min herr Gawan Das ros hinuff den plan Es ſchutte ſich daz es genas Der ſchilt da nit beſtanden waz Er gurtte dem Ros vnd nam den ſchilt // Wen ſins kum̉ers nit beuilcht Das las ich ſin er het doch not Sid es die minne im gebot Orguluſe die glancze Jn Iagtte nach dem crancze Das was ein ellenthafftte vart Der bom was alſo bewart Weren Gawins zwene die muͯſen ir leben Vmb den crancz han gegeben Des pflag der kung gramoflancz Gawin brach ye doch den crancz ⸿Das waſſer hies ſabincz Gawin holt vnſanfftte zincz Do er vnd daz Ros drin bleczſte Wie orguluſe gleſte Jch woͯlt Jr minne alſo nit nemēn Jch weis wol wes mich ſo gezemen Das Gawin das ris gebrach Vnd der crancz wart ſins helmes tach Es reit zu Jm ein Ritt̉er clar Dem warren ſin̉er geburte Jar Weder zu kurcz noch zu lang Sin muͦt in durch hoffart zwang Wie vil im ein man tett leid Das er doch mit dem nit ſtreit Jr weren zwene od̉er mer Sin hoches hercz was ſo her Was im tett ein man Das wolt er vngerochen lan Fillirois Jrot Gwainen gutten morgen bot Das was der kung Gramoflancz 6 Hie komp d̉er kung Gramoflancz zu Gawin gritten do er den crancz gebrochen hett vnd hie die herczogin ennent waſſ̉er vnd luͯg zuͦ Do ſprach er h̉erre vmbe di=ſen cranz Han ich úch nit gar verczigen Min gruͦs wer úch gar verſchwigēn Ob úwer zwene werren Das die das verberren Sy enholtten hie duch hochen pris Abe minem bome ſus ein Ris Die muͯſtent ſtrit empfachen Das ſol mir ſus v̉erſchmachen Vngern Gawin mit Jm ſtreit Do er vnwerlichen reit ⸿Och fuͦrtte der tegen mere Ein múſzern ſperwere Der ſtuͦnd vff ſin̉er claren hand Jtonie het In Jm geſant Gawins ſuͯſze ſchweſter Ein huͦt vff ſinem hopt was Von Semit gruͯn̉er den en gras Der kúng einen mantel fuͦrt Der faſte vff die erde ruͦtte Jettwederthalb dú orte ſin Dú veder was liecht hermin Nicht ze ſerre gros doch ſtark gnuͦg Was ein pfaͯrt das Jm truͦg An ſchoͯnes pfaͯrt nicht betrogēn Von tenmark dar geczogen Oder bracht von dem mere Der kung reit oͯn alle were Wan er enfuͦrtte ſchwertes nicht Júwer ſchilt úch ſtrittes Jicht Sprach der kúng Gramoflancz Juwers ſchilttes iſt ſo wenig gancz Let marveile Jſt worden úch zu teile Jr habt die auentuͤr erlitten Die min ſolt han gebitten Wan das der wiſe Clingſor Mir mit fride ye gieng vor Vnd das ich gen ir krieges pflaͯge Die der wauren minne ſige Mit clarheit hat behaltten Sy kan noch zornes waltten Gen mir och zwinget ſy des not Cidigaſten ſchluͦg ich ze tod Selbe vierde ir vil lieben man Orgulúſen fuͦrt ich dan Jch bot ir crone vnde land Wa ir dienſt bot mine hand Do kerte ſy gen ir hercze var Mit bette het ich ſy ein Jar Jch enkonde ir minne dach nie beiagen Jch muͦs úch herczenklichen klagen Jch weis das ſy úw minne bot Sit ir hie werbent mine not Werent ir nun ſelb and̉er komen Jr moͯcht mirs leben han genomēn Oder wir weren beidú erſtorbēn Das het Jr darumb erworben Min hercz nach andre mīnne get Dú helffen an úwren gnaden ſtet Sid ir ze terre marveile ſit Worden herre úwer ſtrit Hat úch úch den pris behaltten Welt ir nun guͯtte waltten So helffent mir vmb eine magt Nach der min hercz kumer clagt Dú iſt des kunges lotes kind Alle die vff erde ſind ⸿Die zwingent mich ſo ſere nicht ni Jch han ir clainonde hie Glopt Jch min dieſte dar Ge der megde wol gefar Och trúwe ich wol ſy ſig mir hold Wan Jch han not durch ſi geholt Sid orguluſe die Riche Mit worten herczenkliche Jr minne mir verſagte Ob ich pris beiagtte Mir wurde wol od̉er we Das ſchuͦff dú wẻrde Jtonie Jch han ir leid̉er nit geſechen Wil úwer guͯtte mir helffen Jechen So bringt das ke*kleine ving̉erlin Der claren ſuͯſzen frowēn min Jr ſit hie ſtrittes ledig gar Es werre denne groͯſſer die ſelbe úwer ſchar Zwen oder mere Wer Jeche mir des fuͤr ere Ob ich uch ſchluͯge od̉er ſicherheit Betunge das ſtúnd min hercz vngemeit Do ſprach min h̉err Gawin Jch bin doch werlich allein Welt ir den det Jcht bris beiagen. Wurd ich von úw̉er hand erſchlagēn So han ich och deheinēn pris Das ich gebrochen han daz ris Wer Jeche mir daz fuͤr erre gros Ob ich ſchluͦg alſo blos Jch wil úwer botte ſin Gebt mir har daz fingerlin Vnd lat mich úwern dienſt ſagēn Vnd úwern kumer nit v̉ertagen Der kúng des danket ſere Gawin in fragtte mere Sid úch verſchmacht gen mir úwer ſtrit So ſagt mir h̉errre wer ir ſit Jr ſúlt es nicht fuͤr laſter doln Sprach der kúng daz iſt vnủerholn Min Vatter der hies Jrot Den erſchlug der kúnig lot Jch bins der gramoflancz Min hoches hercz waz ye ſo gancz Das ich ze deheinēn zitten Nyemer wil geſtritten Was mir tette ein man Wan ein̉er heiſſet Gawan Von dem Jch pris han v̉ernomen Das Jch gern gen Jm welte komēn Vff ſtrit durch mine ruͦwe Jme gruͦs er minēn vatter ſchluͦg Jch han ze ſprechen dar gnuͦg Nun iſt lot erſtorben Vnd hat Gawin erworben Soͯmlichen pris vorus beſund̉er Das ob der tauelrund̉er Jm pri*prise niemān gelichen kanmag Jch gelebe gen Jm noch ſtrittes tag Do ſprach des kung lotes ſuͦn Welt ir das zu liebe tuͦn V́wer frúndin ob es dú iſt Das ir ſuſt falſchlichen liſt Von Jr vatter kunent ſagen Vnd dar zu gerne het erſchlagēn Jr bruͦd̉er. ſo iſt ſy ein úbel magt Das ſy denne an úch nit klagt Kúnde ſy ſchweſter vnd tochtter ſin. Sy were Jr beider vogtin Das ir verberent diſen has Wie ſtuͯnde úwerm ſchech̉er das Hett er trúwe zerbrochen Habt ir des nit gerochen Das ir in tod gen falſche ſaget Sin ſun iſt des gar vnủerczaget Jn ſol des nuͯt verdrieſſen Mag er des nit genieſſen Sin ſchweſter wol gefar Ze pfande er git ſin leben dar Herre Jch bin vnd heis Gawan Was úch min vatt̉er hat getan Das Rechent an mir er iſt tod Jch ſol fur ſins laſters not Han ich werdekliches leben Vff kampt fuͤr Jn zu giſſel geben Do ſprach d̉er kung ſit ir daz Dar Jch trag vnủerkorn has So tuͦt mir uwer werdikeit Beidu lieb vnd och leid Ein ding tuͦt mir an úch wol Das ich mit úch ſtritten ſol Ouch iſt úch groſſer pris beſchechēn Des ich úch einem han v̉eriechen Gen úch zu kampfe komende Vns iſt zu priſe vormende Ob wir werde Ritt̉er vnd frowēn Den kampff laſzen ſchowen Fúnff hund̉ert frown b*bring Jch dar Jr habt och eine clare ſchar Vff ſchahtel Marveile Jr bingt zu úwerm teile Jủxwer oͯchain Artus Von einem lande daz alſus Louer iſt genant Habt ir die ſtat erkent Benis by der korka Dú meſſnnie iſt alda Von hútte uber den achttenden tag Mit groſſer Joie er komen mag Von hútte an den ſechſzechendēn tage Kum Jch durch min alte clage Vff den plon ze ſchoflancze Nach gelten diſen Crancze Der kúng Gawin mit Jm bat Ze Roitſche ſabins Jn die ſtat Jr mugent nit and̉er Bruge han Do ſprach min her Gawan Jch wil hin als her Anderſt leiſt ich úw̉er ger ⸿Sy gabent fyanze Das ſy ze ſchoflancze Mit Rittern vnd mit frowen her Komen durch ir zwig̉er wer Sus wart benempt daz teing dink Sy beidú alleine vff einen Rink Suſt ſchied min her Gawan Dannen von dem werden man Mit froͯden er laiſerte Der Crancz Jm zimiẻrttee Er wolt daz ros nit vff haben Mit ſporn treib ers bys an den grabēn Kruͤngult nam by zitt Sinen ſprung wol ſo wit Das Gawin fallen gar v̉ermeid Zu im die herczoginne Reit Alda d̉er held erbeiczet was Von dem Ros vff das gras Hie kam Gawin wid̉erumb v́ber den graben vnd das waſſ̉er vnd die herczogin kam zu Im vnd begert gnad vnd d̉er minne h̉er Gawins / Vncz er dem Roſe gurte Ze ſin̉er anttwurtte Erbeiczte ſchnellenkliche Dú herczoginne Riche Zu ſinen fuͦſze ſy ſich bott Do ſprach der herre ſoͯlich̉er not Als ich han an úch gegert Der ward nẏe min wirde wert Fuͤr war mir úwer arbeit Fuͯgt ſich ſoͯlich herczleit Die empfachen ſo getrúwes wib Vmb ir lieben frundes lib Do ſprach er frowe iſt das war. Das ir mich ſo gruͯſſen one var So nachent ir dem priſe Jch bin doch wol ſo wiſe Ob der ſchilt ſin recht ſol han Anders habt ir miſſetan Des ſchiltes ampt waz ie ſo hoch Das ſich der ſpot da von zoch Wer Ritterſchafftt ze Recht ye pflag Frow ob ich ſo ſprechen mag Wer mich da by hat geſechen Der muͦs mir Ritt̉erſchafft Jechen Ettwenne irs anders Jahet Sid ir mich erſt ſachet Das las Jch ſin nempt hin den Crancz. Jr ſúlt durch úwer frowen glancz Deheinem Ritter mere Enbietten ſoͯlich vnere Soͯlt uwer ſpot weſſen min Jch woͯlt E one minne ſin Die clare vnd die Riche Sprach weinende herczliche Herre Als ich not han geſagt Was Jch in minēm herczen tragt So gebt ir Iamers mir gewin Gen wem ſich krenket min ſin Der ſols durch zucht verkieſſen Jch mag nit mer verlieſſen Froͯwden denn Jch han verlorn An kydaſten dem vſzerkorn Min clare ſuͯſze beaſamis So durch lúchent waz ſin pris Mit Rechtter wirdikeit ger Es were dirre od̉er der Die muͦtt̉er die gebarn By ſinen zitten Jaren Die muͦſzent Jm Jechen werdikeit Die ander pris nie uber ſtreit Er was ein queckbrunne d̉er tugent Mit aller berhafftt̉er Iugent Bewart vor falſclich̉er pflicht Vſer der finſter an daz liecht Hett er ſich enblekett Sinen pris ſo hoch geſtreket Das Jn niemen kond erreichen Den falſcheit nye moch erweichen Sin pris ſo hoche wachſen konde Das die ander wauren darunde Vſz ſines herczen kernen Wie loffett ob allen ſternen Der ſchnelle Saturnus Der trúwen ein monicirus Sid ich die warheit ſprechen kan Sus was min erwunſchet man Das tier die megde ſoͯltten clagen Es wurt durch reinheit erſchlagēn Jch was ſin hercze er waz min lip Den verlos ich v̉erluſtberes wip Jn ſchlug d̉er kúng Gramoflancz Von dem ir fuͯrt diſen crancz ⸿Herre ob ich úch leide ſprach Von den ſchulden daz geſchach Das ich verſuͦche ſowolte Ob ich úch minnen ſolte Bitten durch úwer werdikeit Jch weis wol herre Jch ſprach úch zu leid Das was durch ein v̉erſuͦchen Nun ſúlt ir des geruͦchen Das ir zorn verlieſſent Vnd gancz gen mir v̉erkieſſent Jr ſind der ellen Riche Dem golde ich úch geliche Das man lúttret in d̉er gluͦt Alſo iſt gelúttret úwer muͦt Dem ich uch zu ſchaden brachte Als ich gedenk vnd gedachte Der hat mir herczleid geton Do ſprach min her Gawan Frowe des enwende mich d̉er tod Jch gelere den kung ſoͯlich not Die ſine hochfart leczet Mine truw ich han v̉erſeczet Gen Jm vff kampes Ritten Jn kurczlichen zitten Da ſúl wir manheit erbornvrborn Frow ich han uff v́ch erkorn Ob ir úch minen tumben Rat Durch zucht nit v̉erſchmachēn lat Jch riet úch wiplich erre Vnd werdikeit lerrelere Nun iſt hie niemān denne wir Frow tuͦt gnade an mir Sy ſprach an geſertem arm Bin ich ſeltten worden warnwarm Da engegen ich nitt wil ſtritten Jr mugent wol zu andren Rittenziten Dienſtes lon an mir beiagen Jch wil úwer arbeit clagen Vncz ir werdent wol geſund V́beral wa ir ſind wund Vncz der ſchade geheile Vff Schahtel Marveile Wil ich mit úch kerren Jr weltt mir froͯwde meren Sus ſprach d̉er minne gerrende wunde man Er huͦb die frowen wol getan Mit truke an ſich vff daz pfert Des ducht er ſy da vor nit wert Do er ſichſÿ ob den brunnen ſach Vnd ſy ſo twerlichen ſprach Gawin Reit dan mit froͯden ſitten Doch ward ir weinen nit v̉ermittēn Vncz er mit Jr clagte Er ſprach das ſẏ ſagte Warumb ir weinen were Das ſiſy es durch got v̉erbere Sy ſprach herre Jch muͦs úch mit not clagen Von dem d̉er mir hat erſchlagen Den werden Cidegaſten Das muͦs mir ymer taſten Jns herczen da die froͯde litlag Do Jch Cidegaſtes minne pflag Jch bin ſo nicht verdorben Jch habe doch ſid geworben Des kunges ſchaden mit koſte Vnd mengenmenge ſcharpffen tioſte Gen ſinem ferche gefruͤmet Was ob mir helffe von úch komet Das mich Richet vnd ſeczet Das mir Jamers hercze weczet Vff Gramoflanczes tod Empfieng Jch dienſt daz bot Ein kung d̉er wunſches h̉erre waz Herre der hies Anfortas Durch minne Ich nam vōn ſin̉er hand Von tabernit daz cramkraͮm gewand Das noch vor uͤw̉er burge ſtet Da tuͤrres gelt engegen get Der kúng an minen dienſt erwarb Da von ſin wirde gar verdarb Do ich Jn minne ſoltte wern Do muͯſt Jch núwes Jamers gern Jn minem dienſt erwarb er ſere Glichen Jam̉er od̉er mere Als Cidegaſt geben konde Gab mir Anfortaſſes wunde Nun Jecht wie ſolt Jch armes wib. Sid ich han gerúwen lip An ſoͯlicher not by ſinnen ſin Ettwen ſich ochoͮch kenketkrenket od̉er der min. Sid daz er ligēnt ſo helfflos. Den ich nach CidaſtCidegaſt erkos Zergeczen vnd mich Rechen Herre nun hoͯrent ſprechen Wa mit erwarb Clingſhor Den Richen krom vor úwerm tor. Do d̉er Clare Anfortas Minne vnd froͯde erwendet waz Der mir die gabe ſantte Do forchforcht ich die ſchande Clinſhor iſt ſtettenklichen bẏ Der liſt von nigramanczinigromanczi Das er mit zober zwingēn kan Beidu wib vnd man Was er werdikeit erſicht Die enlat er oͯne kumer nicht Durch frid ich Clinſhor dar Gab minen Cram nach Richet var Wenn die wirdikeit wer erlitten Wer den pris het erſtritten An den ſoͯlt ich minne ſuͦchen Woͯlt ir min nit geruͦchen Der Crom wer and̉er ſtunde min Suſt ſol er vnſz zwigerzweiger ſin Des ſchworen die da wauren Da mit Jch wolte faren Gramofalencze durch den liſt Der leider noch vngeendet iſt Hette er die au*ntuͤrauentuͤr geholt So muͯſe er ſterben han gedolt ⸿Clinſhor iſt hofflich vnd wis D̉er erlopte mir durch ſinen pris Von min̉er meſſnie erkant Ritt̉erſchafftt úber al ſin land Mit mengem ſtiche vnd ſchlage Die ganczen wuchen vnd al ir tage Alle die wuchen Jn dendem Jare Sund̉er rotten ich han ze vare Diſe den tag Jene die nacht Mit koſt Jch ſchaden han gedacht Gramoflancz dem hochgemuͦte Mengen ſtrit er mit Jn tuͦtte WardWer bewart in ye dar vnde Sins werchesverches Jch varen konde Dú waren ze Riche in minen ſold Ward mir dehein̉er anders hold Nach minne ich manigen diennen Lies / Dem ich doch lon nit gehies Minen lib geſach nie man Jch moͯchtte ſinen dienſt han Won einer der truͦg wappen Rot Min geſind er bracht Jn not Vor logrois er kam gertten Do entworcht er ſy nit ſoͯlichēn ſitten Sin hand ſy nider ſtrowte Das ich michs wenig frowte Zwúſch logris vnd úwernúwerm vrfar Miner Ritter im volgtten funffefúnffe dar Die entſchumpfiert er vff dem plan Vnd gab dú Ros dem ſchiffman ⸿Do er die mine úber ſtreit Nach dem held ich ſelber reit Jch bot Jm land vnd minen lip Er ſprach Jch han ein ſchoͯn̉er wip Vnd die im lieber were Die red waz mir ſchwere Vnd fragt wer die moͯcht ſin Von pelrapiere die kúngin Sus iſt genant die liechliecht gemal So heiſſe ich ſelbe parczifal Jch wil úwer mīnne nicht Der Gral mir and̉erand̉ers kumers gicht Sus ſprach der held mit zorne Hin reit der vſſerkorne Han Jch daran miſſetan Welt ir mich das wiſſen lan Ob ich durch mines herczen not Dem werden Ritt̉er minne bot Krenket ſich daran min minne Gawin zer herczogine Sprach Jch erkenn In alſo wert An den ir minne habt gegert Hett er úch zu minne erkorn Juw̉er pris wer am inan Jm nit verlorn Gawin der kurtois Vnd die hercz*herczogīn von logris Vaſte an ein andren ſachen Do Ritten ſy ſo nachen Das man ſy von der burge ſach Do JnJm die Auentuͤr geſchach Do ſprach er frowe tuͦt ſo wol. Ob ich úh des bitten ſol Lat minen namēn vnerkant Als mich der Ritter hat genant Der mir entwert kringultenkringuleten Leiſten daz ich úch han gebetten Wer úch des fragen welle So ſprechent ir min geſelle Jſt mir des vnerkennet Er ward mir nie genemet Sy ſprach vil gern ich daz v̉ertragenv̉ertrage Sid ir nit wend daz ich es ſage Er vnd die frowe wol gefar Kertten gen der burge dar Die Ritter hettent do vernomen Das ein Ritter were komen Der hett die Auentúr erlitten Vnd den loͯwen úber ſtritten Vnd den Turkoten ſider Zu rechtrecht̉er tyoſt gefellet nid̉er Jnne des reit Gawan Gen dem vrfar vff den plan Das ſy in von zinen ſachent Sy begunden faſte gachen Vſſer der burg mit ſchalle Do fuͦrttent ſy alle Riche baniere Sus komen ſy ſchiere Vff Schnellen RanitenRauiten Er wond ſy woͯltten ſtritten ⸿Do er ſy verre komen ſach Hin zu der herczogin er do ſprach Komt yens volck gen vns zewer Sy ſprach es iſt ClinſhorClinſhỏrs *erher Die úwer kamkum hand erbitten Mit froͯden koment ſy nu*nun gerittēn Vnd wellent úch empfachen Das endarff úch nit verſchmachen Sid es dú froͯude in gebot Nun was och plipalinot Mit ſiner clarren tochter vier Komen Jn ein vſſier Vere vff dem plan ſy gegen Jm gieng Dú magt mit froͯden inīnn empfieng Gawin bot ir ſinen gruͦs Sy kuſt Jm ſtegreiff vnde fuͦs Vnd empfieng och die hercz*herczogin Sy nam in by dem zomezoͮme hin Sy bat erbeiczen diſen man Orguluſe vnd Gawan Giengent an des ſchiffes ort Ein teppich vnd ein gulter dort Lagen an der ſelben ſtat Die hercz*herczogin durch ſin bet Zu Gawin nider ſas Des fergen tochtt̉er nit vergas Sy entwapet Jn ſus hort ich ſagen Jrn mantel het ſy dar getragen Der des nachttes ob im lag Do er ir herberg pflag Des was im not an d̉er zitt Jr mantel vnd ſin kurſit Legt an ſich Gawan Sy truͦg den harnaſch har dan Alererſt die herczoginne clar Nam ſins antlittes war Da ſy ſaſſen by ein ander Zwe*Zwen gebratten galander Mit wine ein gleſin bar*linein barel Vnd zwey blanku waſtel Die ſuͯſze maget dar nach truͦg Vff einer zwechlen wis gnuͦg Die ſpiſe erflog ein ſprinczelin Gawin vnd die herczogin Mochtencz waſſer ſelb nemen Ob twachens wolt ſy gezemen Das ſy do beidú tatten Mit froͯden was er beratten Das er mit ir eſſen ſolte Durch die er liden wolte Beidú froͯd vnd not Swenne ſiſy des parel im gebot Das geruͯret het ir mund So ward im núwe froͯde kund Das er darnach ſolte trinken Sin Rúwetruren begund hinken Vnd ward ſin hoch gemuͯte ſchnel Jr rotter mund ir liettesliechtes fel Jn ſo von kumer Jagte Das er deheinen kumb̉er clagte ⸿Von der burg dú frowen Die wirtſchafftt mochten ſchowen Anderthalb an das vnfar Manig werd Ritt̉er kam aldar Jr behurt ward getan Diſzhalb Min her Gewan Danket den fergen vnd d̉er tocht̉er ſin Alſo tet och die herczogin Jr guͯtlichen ſpiſe Die herczoginne wiſe Sprach war iſt d̉er Ritt̉er komēn Von dem die tioſt iſt genomen Geſter do ich hinnan reit Ob den yemen v́ber ſtreit Weder ſchied daz leben od̉er der tod Do ſprach plipalinot Frow ich ſach in huttehútte leben Er ward mir fúr das ros gegeben Welt ir lidigen den man Darumb ſol ich walwen han Dú d̉er kuͤnginnen Secundillen waz Mag die harpffe weſen min a Ledig iſt der von Gowerzin Vnd die iuch ſo ſante antefortes a Dú harpffe vnd and̉er crom genant Sprach ſy die wile er mit ſiner Hand. Mag gegebengeben vnd behaltten Der hie ſiczet lacz in walten Ob ich im ſo liep wart ie Er loſetloͤſet mit Litſchoiſen hie Vnd och den andren fuͤrſten min Den herczogen von Gowerſchin Floranden von Jtolac Der nachttes min̉er wechtere pflag Das waz min Turkoite ſo Sins trurens wurd ich niem̉er fro Gawin ſprach zer frowen Jr mugent ſy gerne ſchowen Ledick. E das vns kome d̉er tack Do hettent ſy ſich des bedacht Vnd fuͦrent úber an daz land Dú herczogin liecht erkant Huͦb GewinGawin ab̉er vff daz pfert Manig edel Ritter wert Enpfiengen Jn vnd die herczogin Sy kertten gen der burg hin In Do ward mit froͯden geritten Vnd die kunſt nit vermitten Das es der behurtbvhurt het erreere Was mag ich ſprechen mere Wan daz der werde gawan Vnd die herczogin wol getan Von frowen wurden empfangēn ſo Sẏ mochtencz beidu weſſen fro Vff Schahtel Maruiele Jr mugēnt im es Jechen ze heile Das im die ſelde ye geſchach Do fuͦrtencz in an ſin gemach Arnyue vnd die das kunden Sy bewartten Jm ſine wunden ⸿Zu Arn*enArnyuenArniuen ſprach gawan Frowe ich ſol einen betten handhan Ein Junckfrowe wart geſant Die bracht im einen ſariant Manlich mit zuchtten wiſe Jn ſariandes wiſe. Der knappe ſchwuͦr des einēn eid Er wurde lieb vnd leid Das er das nyemen da Zu gefuͦgegewuͯge noch anderſchwa Won do er es werben ſolte Er bat das man im holte Timpten vnd bermitbermīnt Gawin des kúnges lotes kind Schreib gefuͦge mit d̉er hand Er enbot ze lofer Jn daz land Artuſen vnd des wibe Dienſt von ſinem libe Mit trúwen vnuerſchert Vnd herterhert er pris behert Der werdewer an werdikeit tod Sy haffenthalffent im dan zu ſin̉er not Das ſy beidú an trúwe dechten Vnd ze ſchofflancz brechten Dú meſſnie mit frowen ſchar Vnd kemen och ſelb gen Jm dar Durch kampff vff alle ſin ere Er enbot in denocht mere Der kampf were alſo genomēn Das er werdlich ſoͯlte komēn Do enbot och her Gawan Es were wib oder man Al der meſſnie gar Das ſy ir trúwe nemen war Vnd dem kúng Rietten komen Das machtmoͤcht an werdikeit ſy wol fromen. Allen den werden er enbot Sin dienſt vnd ſins kamp*skampfs not Der brieff nit Jnſigels truͦg Er ſchrieb in ſuſt bekantbekānt gnuͦg Mit worczeichen vnglogenvngelogen Nun ſolcz nit lenger zogen Sprach Gawin zum knappen ſin Der kúng vnd die kungin Sint ze Sems by der kroka Die kúngin ſoltu da Geſprechen morgen fruͦ Was ſy dir RateRaͮte das tuͦ Las dir ein wicze bẏ Verſchwig daz ich hie herre ſẏ Das du hie maſſnie ſis Das ſag nit deheine wis Dem knappen ward dannēn gach Arniue ſchlechſchleich im ſanfftte nach Vnd fragt in war er woͯlte Vnd was er werben ſoͯltte Do ſprach er frowe ich ſag uch nicht Ob mir min eyd Rechttes gicht Got behuͯt úch ich wil hinnan farn Er reit nach wirdeklich̉erwirdeklichēn ſcharn Arnyue zorn beiagte Das der k*appknapp ir nit ſagte Alſus getanú mere War er geſant were Sy bat den der d̉er porten pflag Es ſige nachnacht od̉er tag So der knappe wid̉er ritte Fuͦge das er min bitte Vncz daz ich ImInn geſprechegeſprech Mit diner kunſt daz Rechezech Doch truͦg ſy vff den knappen has Wider Jn durch frage bas Gieng ſy zer herczoginenherczogīnnen Die pflag och der ſinneſinnen Das ir mund daz nit gewuͦtgewuͦg Welhen namen g*wangawan truͦg Sin bett ward daran bewart Sy verſchweig ſin namēn vnd ſin*ſin art Buſunen vnd ander ſchal Vff dem palas erhal Mit froͯlichen ſachen Manig Ruͯkelachen Jn den palas ward gehangen Aldo ward nicht gegangen Won vff tepich wol geworkt Es hett ein armer wirt geforcht Alle umbe zu allen ſitten Mit ſenfftten pfulmiten Manig geſicz ward geleit Daruff man tuͤrre kulter ſpreit Gawin nach arbeit pflag Schlaffes den mitten tag Jm wauren ſine wundēn Mit kunſt alſo verbunden Ob frúndin were bẏ im gelegen Het er minne gepflegen Das were Jm ſanfftte vnd guͦt Er hett och beſſers ſchlaffes muͦt Denne do die herczogin An vngemache Im gab gewin Er erwachtte gen d̉er veſꝑper zit Noch herterhetter in ſchlaffe ſtrit Geſtritten mit der minne Aber mit d̉er herczoginne Ein ſin camrere Mit trúwen golde ſchwere Bracht Jm Cleider dar getragen Von liechtten pfelle hort ich ſagēn Do ſprach min her Gawan Wir ſúlterſúlten der cleid̉er noch mer han Die alle gelich túrretúre ſin Dem herczogen von Gowerczin Vnd dem Claren florande Der Jn mengem lande Hat gedienet werdikeit Nun ſchaffent das die ſind bereit Bẏ einem knappen er enbot Synem wirt plipalinot Das er Jm ſantte Lyſchoiſen dar By ſin̉er tochtter wol gevar Wart lyſchois dar uff geſant Frow bene bracht in an der hand Durch GawamesGawanes hulde Vnd och durch die ſchulde Das Gawin Ir vatt̉er wol gehies Do er ſy ſere weinende lies Des tages do er von ir reit Do pris erwarb ſin manheit Der Turkoyte waz och komen An den beiden wart v̉ernomen Gawins empfachen one has Yetwedre zu im nyder ſas Vncz das man ſinJ̄nn cleid̉er dar truͦg Dú waurent koſtlich gnuͦg Das ſy nit beſſer mochtten ſin Die bracht man allen drin Ein meiſter hies Sarant Nach dem Saras ward geſantgenant Der was von triande Von Secundillen lande Ein Stat heiſſet Thaſme Dú iſt groͯſſer denne Nynaue Oder denne die witte acraton Sarant durch priſſes lon Eins pfellespfellers do gedachte Sin werck vil ſpeche brachte Der hies Sarnantaſme Ob der icht RichlichenRilichen ſte Das mugt ir oͯne fragen lon Wand er muͦs gros koſte han Die ſelben cleider legetlegetēn an Die zwene vnd Gawan Sy giengent vff den palas Da einhalb menig Ritt̉er ſas Anderhalb die claren frowen Wer recht konde ſchowen Von Logrois die herczogin Truͦg vorus den beſten ſchin Der wirt vnd die geſte Stuͦndent fúr die g*ſtegleſte Dú orguluſe was genant ZerDer Turkoite florant Vnd Lyſchois der clare Wurden ledig one vare Die zwen furſten kurtois Durch die herczogin von logrislogrois Sy dancten gawine darumbe Gen valſcheit die tumbe Vnd herczlichen wiſe Gen wiplichem priſe Do diſe red geſchach Gawin vier kúnginnen ſach By der herczoginen ſten Er bat die zwene noch̉ernech̉ernach̉er gen Durch ſine kurtoiſie Die Jungen drie Hies er kúſſekúſſēn diſe zwene Nun was och frow RBene Mit Gawin dar gegangen Die ward wol empfangen Der wirt nit lenger wolte ſten Er bat die zwen ſiczen gen Zu den frowen waswa ſy wolten DoDaz ſy das ſo tuͦn ſolten Dú bett tet Jn zunitt we Welhe iſt ytonie Sus ſprach der werde gawan Die ſol mich by ir ſiczen lan Des fragt er benen Stille Sid es was ſin wille Sy zeigtte Jm die maget clar Die den Rotten mund daz brune har Doͯrt tretttreẏt by liechtten oͯgen Welt ir ſy geſprechen togen Das tuͦnd gefluͦclichengefuͦgkliche Sprach frow bene die zuchten Riche Du wuͯſte Jtonien minne not Vnd das ir hercze dienſte bot Der werde kúng Gramoflancz Mit Ritt̉erlich̉er trúwe gancz Gawin ſas nider zu d̉er maget Jch ſag úch das mir ward geſaget Siner rede er do begunde Mit fuͦgen won ers wol kunde Och kunde ſy gebaren Das von ſo kurczen Jaren Als ytonie die Junge truͦg Den hett ſy zucht gar gnuͦg Er hett ſich fragens gen ir bewegēn Ob ſy noch minne kunde pflegen ⸿Do ſprach die maget mit ſinnen Herr wen ſolt ich minnen Sid mir min erſter tag erſchein So enwart Ritter nie dehein Zu dem ich ye geſpreche wort Wan als ir hut habēn gehort Won als vil ir hut habt gehort So moͯchttent úch doch mere komēn Wa ir mit warhet habt v̉ernomen Beiagtten pris mit Ritterſchafftt Vnd wer mit herczlich̉er krafftt Nach minne dienſt bietten kan Sus ſprach min her Gawan ⸿Des anttwurt Jm die clare magt Nach minne iſt dienſt mich v̉erdagt Wan dieder herczoginne von logrois Dient menig Ritter kurtois Beidu nach minne vnd vmb ir ſold Der hat meng̉er hie geholt Tyoſtieren das wirs ſachen Jr dehein̉er nye ſo nachen Kam als ir vns komen ſindſit Der pris vffúch hohet úwer ſindzit Er ſprach zezẻr megde wol gefar War kriegt d̉er herczogīnne ſchar Sus menig Ritter vſz erkorn Wer hat ir hulde verlorn Sy ſprach das hat der kúnge GamGramoflancz Der der werdecheite crancz Treit als die volge gicht Herre Jch erkenn es and̉ers nicht Do ſprach min her Gawan Jr ſúlt ſin fuͤrbas kunde han. Sid er ſich priſe nachet. Vnd des mit trúwen gachet Von ſinem mund han Jch v̉ernomen Das er herczlichen ſige komen Mit dienſte an úch ob irirs geruͦchengeruͦchet So das er helffe ſuchetſuͦchet Durch troſt an úwer minne Kúnig durch kúniginne Sol billich empfachen not Frowe hies úwer vatt̉er lot So ſind ir die er minnetmeÿnet Nach der ſich ſin hercz ſennetſeÿnet Vnd heiſſent ir Jtonye So tuͦnd ir im von herczen we Ob ir trúwe kunnen tragen So ſond ir wenden ſine clagen Beidenthalb wil ich d̉er botte ſin Frowe nempt hin daz vingerlin Das ſantte úch der clare Ouch wurbewÿrbe ich one vare Frow das lat albald an mich Sy begund al rot verwen ſich Alſo was gefar Jr mund Ward al dem antlút kund Dar nach ſchier ward ſy and̉ers var Sy greiff all blúklichen dar Das vingerlin wart ſchier erkant Sy empfieng es mit ir claren hand Do ſprach ſy h̉erre ich ſich nun wol Ob ich ſo vervor uch ſprechen = ſol Das ir von im Ritet Nach dem min hercz ſtritet Ob ir der zucht nunir recht nu tuͦt Herre dudie lert úch heldenhelen muͦt Diſe gabe iſt mir ochoͮch e geſant Von des werden kunges hant Von im ſeit war das fing̉erlin Er empfieng es von der hende min Was er kumerskūmmers ye gewan Da bin ich gar vnſchuldig an Wan ſinen lip han ich gewert Mit gedenken waz er an mich gert Er hathett ſchier das v̉ernomen Moͯcht Jch ym̉er furbas komen Orguluſen ich gekúſſet han Die ſinen tod ſus werben kan Das was ein kus den Judas truͦg Da von man ſpricht noch gnuͦg Alle trúwe an mir v̉erſchwand Das der Tur*oiteTurkoite florant Vnd der herczog von Gowerzin Von mir gekúſſett ſolten ſin Min ſuͦne wirt in doch niemer gancz Die gen dem kung Gramoflancz Mit ſtette Jr haſſe kunentkūnnent tragēn MinMine muͦtt̉er ſúlt ir daz v̉ertragenv̉ertagēn Vnd min̉er ſchweſter kondrie Des batt Gawinen Itonie Herre ir batten mich alſus Das ich empfachen ſoͯlt iren kuͯs Ouch iſt verkorn an minēn mund Des iſt min hercz vngeſund Wirt vns zweyen ym̉er frode alſo bekant Dú helffe ſtat Jn úwer hand Fuͤr war der kúng minēn lip Minnet fuͤr alle wip Des wil ich Jn genieſſen lan Jch bin Im hold fuͤr alle man Got lere úch helffe vnd Rat So das Jr vns by froͯden lat Do ſprach er frowe nun lert mich wie Er hett uch doͯrt vnd ir JnJ̄nn hie Vnd ſind doch vnd̉erſcheiden Moͯcht ich nun wol úch beiden Mit trúwen ſoͯlichen Rat geben Das uwer werdekliches leben Genuſſe ich woͯlcz werben Des enlies ich nit verderben Sy ſprach ir ſult gewaltig ſin Des werden kungs vnd min V́wer helffe vnd der gottes ſegen Muͯſſe v́nſer zweyer minne pflegen So das Jch ellende Sinen kumer wende Sid al ſin froͯde liget an mir Wenn ich vntrúwe enbir So iſt ymer mins herczen ger Das ich Inne min̉er minne wer Gawin hort an dendem froͯwlin Das ſy by minne wolte ſin Da zu was och nit ze las Gen der herczogin ir has Sus truͦg ſy minne vnd has Och het er ſich ſundergeſúndet bas Gen der einfaltigen magt Dú Im Irn kumber hat geclagt Wan er ir nit zu gewuͦcgewuͦg : Am rechten Seitenrand befindet sich auf Höhe des Verses ein senkrechter Strich mit einem leicht versetzten Punkt darüber. Möglicherweise könnte es sich um einen Korrekturhinweis handeln. Das in vnd ſy ein muͦtter truͦg OchOͮch was ir beider vatt̉er lot Der megde er ſine hilffe bot Da engegen ſy im togenlichtoͮgenlich neicneig Das er ſins troſtes nit verſchwicverſchweig Nun was och zitt das man dar truͦg Tiſchlachen menges wis gnuͦg Vnd er enbott vff den palas Da menig clare frowe was Das hett ein vnderſcheid erkant Das die Ritter eine wand Hettent ſund̉er doͯrt hin dan Das ſedel ſchuffſchuͦff her Gawan Der Turkoite zu Jm ſas Lyſchois mit Gawins muͦtt̉er as Mit der claren SySeyuen Mit der kunginen Arnyuen As dú herczoginne clar Sine ſchweſtren beidu wol geuar Gawin zu Jm ſiczen hies ettwedrejettwedre tett als er ſy hies ⸿Sin kunſt mir deſ halben gicht Jch bin ſoͯlichs kuchemeiſt̉er nicht Das Jch die ſpiſe kannekonne geſagen Die da mit zucht ward fuͤr getragēn Dem wirte vnd den frowen gar Dienttent megte wol geuar Anderthalb den Rittern an ir want Dientte manig ſariant Ein froͯlich zucht ſy des betwang Das der knappe dehein̉er trank Mit den Junckfrowen Man muͦs ſy ſund̉er ſchowēxn Sy truͯgen ſpiſe oder win Suſt muͯſtent ſy mit zuchttēnzúchttēn ſin Sy moͯchttent do wol wirtſchafftt Jechenſechen Es was Jn ſelten E geſchechen Den frowen vnd d̉er Ritt̉erſchafftt Sit ſy Clingſhors crafft *Mit ſinen lúſtenlẏſten uberwand Sy waurent ein and̉er vnbekant Vnd beſchlos ſy doch ein porte Das ſy ze gegen worte Nie komen frowen noch die man Do ſchuͦff min her Gawan Das daz volk ein andren ſach Daran Im liebes vil geſchach Gawine waz och liebe geſchechen Doch muͦs er togenlich ſechen An die claren herczogin Dú zwang ſins herczen ſin ⸿Nun begund och ſigen der tag Das ſin ſchin vil nach gelag Vnd daz man durch die wukenwllken ſach Mengen ſternen der balde gieng Wo*Wo er der nacht herberg vieng Nach der nacht baniere k*kam ſy ſelb ſchiere Manig túrre krone Was gehangen ſchone Alumb vff dem palas Dú ſchier wol gekerczet was Vff alle die tiſche ſunder Truͦg kerczen dar ein wunder Dar zu dú auenture gicht Dú herczoginne were ſo liecht Wer der kerczen deheinen bricht Da were doch niend̉ert by d̉er nacht Jr blik wol ſelbe konde tagen Sus hort Jch von d̉er ſuͯſzen ſagen Man enwelle im vnrecht Jechen So habt ir ſeltten E geſechen Deheinen wirt ſo froͯden Rich Es was den froͯden do gelich Alſus mit frúntſchaffter ger Die Ritter da die frowen her Dick an ein andren bliktten Die von der froͯden erſchriktten Werdencz Jmer heinlich bas Das ſol ich laſzen one has Es enſige denne gar ein fras Welt Jr ſy habent gnuͦg da gas Man truͦg die tiſche gar har dan Do fragtte min her Gawan Vmb guͦtte fideler Ob der dehein̉er wer Do was da werd̉er knappen vil Wol geleret vff ſeitten ſpil Der deheines kunſt waz ſo gancz Er muͦſte ſtrichen allten tancz Núwer tancz waz da wenig v̉ernomēn Der vns von turringen vil iſt komen. Nun dankent dēm wirte Jr froͯd er ſy nich iertte Mnig frow wol gefar gieng fuͤr In ze tancze dar Suſt ward der tancz gezieret Wol vnder parrieret Die Ritt̉er vnder den frowen her Gen der Ruͯwe komen ſy ze wer Ouch mochtte man da ſchowen Zwúſchen zwein frowen Einen Claren Ritter gen Man mochtte froͯd an Jn v̉erſten Welich Ritt̉er pflag d̉er ſinne Das er dienſt bot nach minne Die bett was vrloplich Die ſorgen arm vnd froͯden Rich Mit Red vertibent die ſtund Gen mengen ſuͯſzen mund Gawin vnd Seyue Vnd die kungin Arnẏue Saſzent ſtille by des tanczes ſchar. Dú herczogin wol geuar Harumb zu Gawinen ſiczen gie Jr hand In die ſinen empfie Sy ſprachent ſus vnd ſo Jr komens waz er zu Im fro Sin trúwe ſchmal Sin froͯde breit ward do Sus verſchwand ſin leid Was ir froͯde am tancze groſ Gawin noch mind̉er hie verdros Die kúngin Arnyue ſprach Herre nun pruͯfftt úw̉er gmach Jr ſoͯlttent an diſten ſtunden Ruͦwen zu úwren wunden Hat ſich die herczogin bewegen Das ſy úwer mit decke welle pflegen Noch hinnacht geſellenkliche Dú iſt rat vnd helffes Riche Gawin des fragent ſẏ Zu uwer beider gebot bin Jch hie Do ſprach die herzogin Er ſol in miner pflege ſin Lat dis folk ſchlaffen farn Frow ich wil in ſo bewarn Das ſin frundin nie bas gepflag Floranden von Itolag Vnd den herczogen von Gowerzin Lat in der Ritter pfleg ſin ⸿Darnach ſchier end nam d̉er tancz Junckfrowen mit wauren glancz Saſzent doͯrt vnd hie Die Ritt̉er ſaſzent zwúſchen ſie Des froͯde ſich an ſorgen Rach Wer do nach werd̉er minne ſprach Ob der fant ſuͯſze gegen wort Von dem wirt ward gehort Man ſolte trinken fuͤr in tragen Des mochten werbere wol klagēn Der wirt warb mit den geſten Jn konde och minne leſten Jr ſiczen ducht in gar zu lang Sin hercz nach werder mīnne trang Das trinken gab in vrlob Mengen kerczen ſchob Truͦgen knappen vor den Ritt̉ern dan Do beualch min her Gawan Diſe zwene geſte in allen Das muͦs in wol gefallen Lyſchois vnd florant Fuͦren ſchlaffen do zehand Die herczogin waz ſo bedacht Sy ſprach ſy gund In guͦtt̉er nacht Do fuͦr och alder frowēn ſchar Do ſẏ gemaches nomen war Jr nigens ſy begunden Mit zuchtten die ſy wol kunden Seyue vnd Nytonie Fuͦren dan alſo tet och kondrie Bene vnd arnyue do Schuͦffen daz es ſtuͦnd alſo Da von d̉er wirt gmach erleit Dú herczogin die nicht v̉ermeid Da werre ir helffe nache bẏ Gawanen fuͦrtten diſe drẏ Mit In dan durch ſin gemach Jn ein̉er kemnattēn er ſach Zwei bette ſund̉er ligen Nun wirt úch gar von mir doch verſchwigen Wie die geheret weren Es nachent nun andrú mere Arnyue zer herczoginen ſprach Nun ſúlt Jr ſchaffen guͦt gemach Diſem Ritt̉er den ir bachttent her Ob der helffe an úch ger Juw̉er helff hapt ir erre Jch ſag úch nit mere Wan das ſin wunden Mit kunſt ſind ſo gebunden Er moͯch nun wol wappen tragen Doch ſúlt Jr ſinen kumer clagen Ob ir im den ſenfftt iſt guͦt Lerent Jn nun hochen muͦt Des mugen wir alle genieſſen Nun lancz úch nit verdrieſſen Du kunginne arnyue die gienc Do ſy ze hoffe vrlob empfieng Bene ein liecht truͦg vor ir dan Die tuͤr beſchlos min hr Gawan ⸿Kunnen ſy zwey nun minne ſteln vnd heln Das mag vnſanfftte vnmeln Jch ſag vil lichtte waz ich geſach Wan daz man dem ye vnfuͦge Jach Der verholne mere machet breit Es iſt noch dem hoffenſchem leid Och vnſelget er ſich da mitte Zucht ſy des ſchlos ob minnen ſitte Nun fuͦgtte die ſtrenge minne Vnd dú clare herczoginne Das Gawins froͯwfroͯide ward v̉erczert froͯwfroͯide: Das w wurde nicht fertig ausgeführt. Es ist unsicher, ob der Anfang des Buchstabens für ein i steht. Er were ymer vnernert Sund̉er amyen Die philoſophien Vnd allú die ye geſaſſen Do ſy ſtarke liſte maſſen Kanchor vnd Thebit Vnd Trebuͦkett d̉er ſchmid Der frimutels ſchwert ergruͦb Da von ſich ſtarkes wund̉er huͦb Dar zu aller der arczt kunſt Ob ſy im truͯgen guͦtten gunſt Mit temꝑperieren wurczen krafft Ane wiplich geſelſchafftt So muͦs er ſin ſcharpffe not Han bracht vncz an den ſuren grimen tod Jch wil úchs daz mere machen = kurcz Er fand die Rechtten huswurcz Die Jm halff das er genas. So das Jm arges nit nie was Die wurcz was by dem blanken brun Mutterhalb der Britun Gewan fillirois Lot Suͯzer ſenfte fuͤr ſure bot Er mit werder froͯden pflag Helfflichen vncz an den tag Sin helfe was doch ſo gedigen Das alles das volk waz gar v̉erſchwigēn Sit nam er mit froͯden war Aller der Ritt̉er vnd d̉er frowen ſchar So das er trurrēn vil nach v̉erdarb Nun hoͯrt och wie d̉er knappe warb Den Gawin hat geſant Hin zu lofier in daz lant Ze Benis by der korka Der kúng artus waz alda Vnd des wip die kungin Vnd Meng̉er liechtt̉er frowēn ſchin Vnd der werden meſſnie ein fluͦt Nun hoͯrt och wie d̉er knappe tuͦt Dis was enmorgen fruͦ Sin̉er botſchafftt greff er zuͦ Die kúngin ze kappel waz An ir venie ſy den ſalter las Der knappe fuͤr ſy kniette Er bot ir froͯde miette Einen brieff nan ſy vſſ̉er ſin̉er hand Dar an ſy geſchriben fand Geſchrifftt die ſy bekante E er ſinen h̉erren nantte Der knappe den ſy da knien ſach Die kúngin zem brieue ſprach Wol der hand die dich ſchreib Ane ſorge ich nie beleib Sid des tages daz ich ſach Dú hand von d̉er die geſchriff geſchach Sy weinde ſere vnd waz doch fro Hin zem knappen ſprach ſi do Du biſt Gawines knecht Ja frowe er bút uch ſine recht Dienſtlich trúwe an allen wank Vnd da by ſine froͯde crank Jr wellent Jm froͯde machen hoch So kumerlich es ſich zoch Nie vmb alle ſine erre Frow er bút úch mere Das er mit werden froude lebe Freiſchet er úwers troſtes gebe Jr mugent wol an dem bieff ſechen Merre denne ichs kunne Jechen Sy ſprach ich han fuͤr war erkent Durch waz du biſt zu mir geſant Jch tuͦn Jm werde dienſte dar Mit wunenklich̉er frowen ſchar Die fúr war by min̉er zitt An pris vorus hand den ſtrit An parczifals wib Vnd one vrguluſen lib So bekenne ich vff der erden By toffe deheinne ſo werden Das gawin von Artuſe reit Sy hat ſorge vnde leid Mit crafftt vff mich geleit ir pris Mir ſagte Meliancz von Liz Er ſeche Jn ſit zu Barbigol. Owe ſprach ſy plimizol Das dich min oge ye geſach Was mir leides da geſchach Cuͦnware von Lalant Ward mir niem̉er mer bekant Min werde ſuͯſze geſpil Tauelrunder wazd do vil Mit Rede ir recht geſprochen Fúnffthalb Iar vnd ſechs wuchēn Jſt das der werde parczifal Von dem plimizol nach dem gral Reit. Do kerte och gewan Gen aſcelun d̉er werde man Jeſcute vnd Ekuba Schiden ſich von mir dan alda Gros Jamer nach d̉er werden diet Mich ſit von froden ſchied Die kungin trurrens vil v̉eriach Hin zum knappen ſy do ſprach Nun folge miner lerre Verholne von mir kerre Vncz ſich erhabe hoch der tag Do das volck zu hoffen weſen mag Ritter ſariantte Vnd dú groſe mah*nantemahenante ⸿Vff den hoff du balde trabe Enruͦch ob din Runczit niemēn habe Da von ſoltu ſelber gen Alda die werden Ritter ſten Die fragent nach auentuͤre Als du gacheſt vz einēm fuͤrre Gebare mit Rede vnd mit ſitten Von in vil kume wirt erbeitten Was du mere bringeſt Was wiret ob du dich tringeſt Durch das folk vnd an den wirt Der gen dir gruͯſen nit v̉erbirt Diſem brieff gab im in die hand Daran er ſich ſchier het erkant Dine mere vnd dins herczen gir Der iſt er mit der volge wer Noch merre wil ich leren dich Offenlich ſoltu ſprechen mich Da ich vnd ander frowen Dich hoͯren vnd ſchowen Da wirb vns vns als du wol kanſt Ob du dinem herren guttes ganſt So ſage mir wa iſt Gawan Der knappe ſprach daz wirt v̉erlan Jch ſage nit wa min h̉erre ſẏ Welt ir er blibt froͯden bi Der knapp ward irs Rattes fro Von der kunginen do Schied als er hett v̉ernonen Vnd kom och als er ſoͯlte komen ⸿Rechtte vmb den mitten morgen Offenliche vnd vnủerborgen Der knappe vff den hoffe reit Die hoffſchen pruͯfftten ſinú kleit Wol nach kempflichem ſitten Ze beiden ſitten waz v̉erſchnitten Das ros mit ſporn ſere Nach der kunginen lere Balde er von dem Roſe ſprang Vmb in ward do gros gedrang Sin ſchwert der knappen vnd ſporn Vnd das Ros wurdent die verlorn Da kertte er ſich wenig An Der knappe huͦb ſich bald dan Da die werden Ritter ſtuͦnden Die fragen in begunden Von Auentuͤre mere Sy Jachent das Recht da were Do zeuzehoue enige wib od̉er man E der hoff ſin Recht gewan Auentúr ſo werdenklich Die Auentuͤr were glich Der knappe ſprach ich ſag uch nicht Min vnmuͦs des gicht Das ſúlt ir mir durch zucht v̉ertragēn Vnd gerucht mir von dem kunge ſagen Dem woͯlt Jch gerne geſpreche E Mir tuͦt min vnmuͦſze we Jr vernempt ſchier waz ich ſage Got lere uch helffe vnd och des kumers clage ⸿Dú botſchafftt den knappen zwank Das er en Ruchtte wer im dankt Vncz in der kung ſelb erſach Der ſinen gruͦs gen im och iach Der knappe gab im einen brieff Der Artus in ſin hercze Rieff Do er von Jm waz geleſen Do muͦſt er by den beiden weſen Das eine froͯde daz and̉er klage Er ſprach wol diſem ſuͯſzen tage Bi des liecht ich han vernomen Mir ſind dú warú mere komēn Vmb min werden ſchweſt̉er ſuͦn Kan ich manliche dienſte tuͦn Durch ſige vnd durch geſelſchafft Ob trúwe an mir gewan ye krafftt So leiſt ich das mir Gawan Hat enbotten ob ich kan Hin zem knappen ſprach er do Nun ſag mir iſt Gawin fro Ja herre ob ir wellent Zer froͯden er ſich geſellet Sp̉rach der knappe wiſe S: Die Cadelle befindet sich ausserhalb der Spalte. Er ſchiede och gar von priſe Ob ir in lieſſent vnder wegen Wer ſol och da by froͯde pflegen Juwer troſt Jm zuket froͯde enbor Vncze vſſerhalb der trúwen tor Von ſinem herczen kumb̉er Iaget Das ir an Im nit ſit v̉erczaget Min her enbút ſinen dienſt her Der kúngin och iſt ſin ger Das al der tauelrunde ſchar Sins dienſt neme war Das ſy Ir trúwe an Im gedenken Vnd im froͯd nit v̉erkrenken So das ſy úch komen Ratten Al die werden Jn des baten Der kúng ſprach geſelle min Trag diſen brieff der kuͤngin Bit ſy daran leſen vnde ſagen Wes wir vns froͯwen vnd waz wir clagen Das der kung Gramoflancz Mit hoffart loſzheit gancz Gen minem frúnde bietten kan Er wenet min neue gawan Sige Cidegaſt den er ſchluͦg Von dem er kum̉ers leid gnuͦg Jch ſol im kumer meren Vnd núwe ſitte leren Der knapp kam gegangen Da er ward wol empfangēn Der kungenine gab er den brieff. Da menig oge úber lieff Do ir ſuͯſzer mund gelas Als das daran geſchriben was Gawins Clage vnd ſin werben Do lies och nit verderben 5 Der knappen zu frowen allen warb. Daran ſin kunſt gar nit verdarb Gawins mag der Riche Artus warb herczenkliche Ze meſſnie diſe fart Vor Sumen het och ſich bewart Gynover die kurteiſe Warb zen frowen die ſtok reiſe Key ſprach durch ſinen zorn Ward aber ye ſo werd̉er man geborn Getoͯrſt ich des globen han So von norwege Gawan Zachiu nun holt in da So iſt er licht anderſchwa Wil er wenken als in eichorn Jr mugent in ſchier han verlorn Der knappe ſprach zer kúngin Frow gen dem herren min Muͦs ich bade kereen Werbent ſin ding nach úw̉ern eren Ze einem irm kamrere ſy ſprach Schaff diſem knappen guͯt gemach Sin ros ſoltu ſchowen Sy daz mit ſporn gehoͯwen Gib im daz beſte daz hie feile ſy Won Jm ander komer bẏ Es ſige pfantloſe od̉er cleid Das ſol im alles ſin bereit Si ſprach nun ſage gawan Jm ſy min dienſt vnd̉ertan Vrlob ich dir zem kunge nim / Dinēm herren ſag och dienſt von Jm / Nun warb d̉er kung ſine fart Och ward d̉er tauelrund̉er art Des tages do vol rekett Es hett Jn froͯde erweket Das der werde Gawan Dennocht ſin leben ſolte han Des woren ſy Inen worden Der tauelrunder orden Ward do begangen one has Der kung ob der tauelrunde as Vnd die da ſiczen ſolten Die pris mit arbeit holten Al die tauelrunde Genuſſen dirre mere Nun lat den knappen wid̉er komen Von dem die botſchaff ſy v̉ernomēn Der huͦb ſich dan ze Rechtt̉er zit Der kúngin kamr̉er im git Pantloͯſe ros vnd and̉er cleid Der knappe dannen mit froͯden Reit Wan do er ze Artuſe erwarb Da von ſins hercze ſorge erſtarb Er kam wid̉er in ſoͯlichen tagen Des ich fuͤr war nit kan geſagen Vff Schahtel marveile Arnẏue wart dú geile Won ir der portner enbot Der knappe were mit des roſes not BadeBallde wider geſtrichen Gen dem ſy kam geſchlichen Aldo er in verlaſſen ward Vnd fraget in vmb ſine vart War nach er wer vſz geritten Der knappe ſprach daz wirt v̉ermitten Frowe ich getar úchs nit geſagen Jch muͦs es durch min eid vertragēn Och were es minem h̉erren leid Brech ich mit meren minen eyd Des duchte Jich in der tumbe Frow fragt in ſelb darumbe Sy ſpilt es mit frage an menge ort Der knapp ſprach echt diſu wort Frow ir ſument mich oͯn not Jch leiſte daz mir der eyd gebot Er gieng do er ſin h̉erren vand Den Turkotte florant Vnd den herczogen von Gowerczin Vnd von Logrois die herczogin Do ſas mit gancz̉er frowen ſchar Der knapp gie och zu Jn dar Vff ſtuͦnd her Gawan Er nam den knappen ſund̉er dan Er hies in wilkomen ſin Er ſprach nun ſag geſelle min Ein wedre froͯd oder not Oder waz man mir von houe en==bot Fund du den kúnig da Der knapp ſprach h̉erre Ja Jch fand den kung vnd ſin wip Vnd dar zu mengen werden lip Sy enbúttent úch dienſt vnd ir ſchnelles komen Juwer botſchafftt ward Jnen gancz vernomen Alſo wirdenkliche Das Arm vnd riche Sich frowtent wan ich tet Jn kunt Das ir noch weren wol geſund Jch fand da hers ein wunder Och wart die tauelrunder Beſeczett durch úwer botſchafft Ob ritt̉ers pris gewan ye krafft Jch meine an lang̉er wirdikeit Die ſind io da alle bereit : Hier liegt nur dann ein Kittvers vor, wenn 654.13f. in D m n o Z keine Plusverse sind. Er ſagt Jm och wie daz geſchach Das er die kunginne geſprach Vnd was Jm die mit trúwen Riet Er ſagt im och von aller der diet Von Rittern vnd von frowen Das er die mochte ſchowen Ze ſchoflancze vor der zit Er wurde ſins kampffes ſtrit Gawins ſorge gar verſchwand Nicht wan froͯde er im herczen fand Aller ſin̉er ſorge er gar vergas Er gieng hin wider vnd ſas Vnd was mit froͯden da zu hus Vncz das der kung Artus Mit her in ſin helffe reit Nun hoͯrt lieb vnd leid. Gawan waz zu allen zitten fro. Eins morgens fuͦgt es ſich alſo Das vff dem Richen palas Manig Ritt̉er vnd frowe was inJn einem veſter gen dem flum Kos er Im ſund̉er einen Rum Da er von Arnyue ſas Die froͯmder mere nit v̉ergas Gawin ſprach ze kúngin Owe liebú frowe min Woͯltt es úch nit betragen Das ich úch muͯſe fragen Alſus getoner mere Die úch verſchwigen were Wan daz ich von úwer helffe gabe Alſus mit werden froͯde lebe Getruͦg min herr ye manes ſin Den hett du edel herczogin Mit ir gewalt beſchloſſen Nun han ich úwer genoſſen 6 Das mir iſt deſenfftegeſenffte iſt du not Minne vnd wunden were ich tod Was das úw̉er helfflich̉er troſt Mich vſz banden hat erloſt Von úwren ſchulden han ich den lip Nun ſagent mir ſeldhaffttes wip Vmb wund̉er de*des hie waz vnd iſt Durch was durch ſtrenklichen liſt Der wiſe Clinſhor het erkorn Wern Jr ich hecz den lip ver=lorn. Dú herczenlichen wiſe. Mit ſo wiplichem priſe Kom Jugent vs alter nie Sprach herre ſine wund̉er hie Sind do engegen cleine wund̉erlin Gen den ſtarken wund̉ern ſin Dú er hat in mengen landen Wer vns des gicht zu ſchanden Der wirbet nit won ſundſunde da mittēn ſundſunde: Über dem d befindet sich ein Haken ähnlich einem e. Im Hinblick auf den Lachmann-Text der sünde hat, setze ich unsicher ein e. Rein formal könnte es sich bei dem Haken jedoch auch um eine er-Abbreviatur handeln. Herre Jch ſag úch ſinen ſitten Der iſt meng̉er diet worden ſur Sin land heiſſet terre labur Von des nachkomēn iſt er geborn Der och vil wund̉ers het erkorn Von Napels virgilius Clinſhor des neue warb alſus Chaps iſt ſin hopt ſtat Er trat an priſe ſo hoches pfat An priſe waz er vnbetrogen Von Clinſhor dem herczogen Sprachen wib vnd man Vncz er ſchaden ſus gewan Secilie het ein kung wert Des was geheiſſe ibert Jbilis hies ſin wib Die truͦg den mīnnenklicheſt lib Der ie von bruſte ward genomen Jn der dienſt was er komen Vncz ſis Im mit minne londe Dar vmb der kúnge in honde Sol ich úch ſine togen ſagen Des muͦs ich úwer vrlob tragen Doch ſind die ſelbe mere Mir zu ſagen vngebere Durch was er kam In zobers ſitte Ze einem kappun mit einem ſchnitte Ward Clinſhor gemachet Des ward aldo gelachet Von Gawine ſere Sy ſagt Jm fuͤrbas mere Vff kalotepolot Erwarb er der welte ſpot Das iſt ein burg veſte erkant Der kúng Jn by ſinem wibe fant Clinſhor ſchlieff an ir arme Lag er do icht warme Das muͦs er ſuſt verpfenden Er ward mit kunges henden Zwúſchent den beidenbeinen ſchlecht Des duchte den wirt es wer Recht Der beſchneid in an dem libe Das er deheinem wib Mag ze ſchimpff nit gefrometgefromen Des iſt vil lút in kumer komen Es iſt nit das land ze perſi*perſita Da aller erſt zober ward erdacht Dar fuͦr er vnd hat dannen bracht Das er nun ſchaffet was er wil Mit liſten zoberliche zil ⸿Durch die ſcham an ſinem libe So enward er man noch wibe Guͦttes willen nyemer mer bereit Jch maine die tragent wirdekeit Was er den freuden mag genemēn Des kan von herczen Jm geczemen Ein kung der hies Jrot Der forcht im die ſelbēn not Von Roiſche ſabins Der bot im des ſins Ze geben was er wolte Das er fride haben ſolte Clinſhor empfieng von ſin̉er hand Diſen berg veſte erkant Vnd an der ſelbe zille Al vmb acht mille Clinſhor worcht vff den berg Als ir wol ſecht daz ſpeche werk Aller Richeit ſund̉er Sind hie vffe ſtarke wund̉er Wer der burg woͯlte farn Spiſe ze driſſig Jaren Wert hie vff manigfalt Er hett ouch aller der gewalt Mal beagent Die zwúſchent dem fúrmamentfẏrmament Wonet vnd der erde zil Nich wan die got beſchirmēn wil Herre ſit úwer ſcharpffú not iſt f wendig worden on den tod / f: Es könnte sich eventuell um ſan handeln oder um ein unvollständiges oder korrigiertes Wort. Sin gabe ſtet Jn úw̉er hand Diſe burg vnd dis gemeſſen land Er kert ſich núm̉er mer nun dran Jr ſúlt och fride von Jm han Des Jach er offenbar Er iſt mit Rede der gewar Wer diſe auentúr erlitte Das dem ſin gab wonewonet mitte Was er geſach der werden Vff Criſtanlich̉er erden Es were maget wib od̉er man Der iſt úch vil hie vnd̉ertan Manig heiden vnd heidin Muͦſen hie uff by vns ſin Nun lat das volck wid̉er komēn Dar nach vns ſorge iſt v̉ernomen Ellende frúnd min hercze kalt Der die ſternen hat geczalt Der muͦs úch helffe lerren Vnd vns gen froͯden kerren Ein muͦtter ir frucht gebirt Die frucht ſin̉er muͦtt̉er muͦtt̉er wirt Von dem waſſer kompt das iſ Das lat denne deheine wis Das waſſer kome och wid̉er von Jm Wenn ich gedenk an mich nim Das ich vs froden bin geborn Wirt ymer froͯd an mich erkorn Das git ein frucht die and̉er frucht Das ſond ir fuͯgen habt ir zucht ⸿Es iſt lang daz mir froͯd empfiel Von dem ſegel balde gat d̉er kiel Der man iſt ſchneller d̉er daruff get Ob ir das biſpel verſtet V́wer pris iſt hoch vnd ſchnel Jr mugent vns froͯden machen hel Das wir froͯde fuͯrent Jn mengú land Dar nach vns ſorge wirt erkant Ettwen ich froͯden pflag gnuͦg Jch was ein wib dú crone truͦg Vor ir landes fuͤrſten ſchone Och truͦg min tochtter crone Wir hettent beidú werdikeit Herre ich geriet nie manes leit Beidú wib vnd man Kond ich wol nach ir Rechte han Hoͯren vnde ſchowen Ze ein̉er rechtten volkes frowen Muͦs man mich haben Ruͦchet es got Wan ich nie manne miſſebot Es ſol ein ieglich ſinig wib Ob ſy wil haben werden lip Erbietten rechtten lutten wol Sy kompt villicht Jn kum̉ers dol Das ir ein ſchwach̉er garſun Eng̉er froͯde gebe witte ruͦn Herre ich han lange gebetten Nẏman geloffen noch geritten Her kam der mich erkande Der mir ſorgen wante Do ſprach d̉er werde Gawan Frowe muͦs Ich min lebēn han So wirt noch froden an V́ch vernomen Des ſelben tags ſolt och komēn Min her Artus von Brituͦn Der clagende Arnẏuen ſuͦn Durch ſippe vnd durch trúwe Mangen banir núwe Sach gawin gen im ſtreken Mit Rotte daz feld bedeken Von Logris die ſtraſe har Mit menge*mengem liechtten gemaltēm ſper Gawin tett ir komen wol Wer ſamnūng wartten ſol Den lert ſume den gedank Er fuͤrcht ſin froͯde werde krank Artus Gawane den zwiffel brach Avoy wie man do komen ſach Gawin ſach des hals togen Das ſine liechtú ogen Weinen muͦſtent lernen Ze ein̉er zuſternenzyſternen Weren ſy do beidu ein wicht Wan ſy behaptten des waſſers nit Von der liebu waz daz weinen Das Artus konde erſchinen Von kinde het er Jn erczogen Jr beider trúwe vnerlogen Stuͦnd dengen ein and̉er one wank Das ſich nie faſch vnd̉erſchwank Arnẏue ward daz weinen Jnnen Sy ſprach ir ſúlt beginen Froͯde mit froͯdēn ſchalle Herre ſo troͯſt ir vns alle Gen der Ruͦwe ſoͯlt ir ſin ze wer Hie kompt der herczoginen her Das troͯſt úch furbas ſchire Herberge mangem baniere Sach Arnyue vnd gawan Menige fuͤre vff den plan By den allen nit wan ein ſchilt Des wappen wauren ſuſt geczilt Das Jn Arnyue erkantte Yſageſen ſy in nampte Den Marſchalk Vtpandagrun Den fuͦrtte ein ander Britun Mit den ſchonen ſchenkel maurin Der Marſchalk der kúngin Arnyue wuſte wenig das Vtpandragun vnd yſagas Woren beidú erſtorben Maurin hat erworben Sin vatter ampt vnd waz Recht Gen dem vrfar vff dem ang̉er ſchlecht Reit dú groſe machanante Der frowen ſariante Herberge nomen Die frowen wol gezamen By einen claren ſchnellen bach Da man ſchier vff geſchlagen ſach Manig geczelt wol geton Dem kúnge ſunder doͯrt hin dan Ward menig witt̉er ring genomen Von Rittern die da wauren komen Die hetten one frage Vff ir Reiſe gros ſchage Gawin by benen hin ab enbot Sinem wirte plipalinot Kocken vnd vſiere Das er die ſchúſſe ſchiere So das da von ſin̉er v́berfart Das her des tages wer bewart Frow bene vs gawins hende nam Die erſten gabe vſſer ſinen Ric*enRichen krom Welhem dú noch ze engenland Ze ein̉er trúwen harpffen iſt erkant Frow Bene fuͦr mit froͯden dan Do hie min herr Gawan Beſchlieſſen die vſzren porten Altte vnd Jung do horten Wes er ſy zúchttenklichen bat Da anderthalben an daz ſtat Sich legtte als ein groſſes her Weder vff dem land noch in dem mer. Geſach ich rotten nie gefarn Mit alſo crefftlichen ſcharn Wellent ſy vns ſuͯch mit herres macht vnd crafft Helffent mir Jch gib in Ritt̉erſchafftt Das loptten ſy alle geliche Die herczoginne Riche Sy fragtten ob daz her were Jr Die ſprach ir ſond globen mir Jch erkenn da wed̉er ſchilt noch deheinen man. Der mir ye ſchaden hab getan Der iſt licht in min land gerittēn Vnd hat vor logris geſtritten Jch wenne die fand er doch ze wer Sy hettent ſtrit wol diſem her Ane zigel vnd Barbigan Hat die Ritt̉erſchafftt getan Der zornige kung Gramoflancz Da ſuͦcht er gelt fuͤr ſinen crancz Oder wier die ſind die muͯſſent brechen manig ſper Vff gerichte ſechen durch tioſte voller ger Jr mund in log da wenig an Artus ſchaden vil gewan E das er kome fur logris Des ward ettlich Britenis Ze Rechtter tyoſt abgefalt Artus har in wid̉er galt Market den man in do bot Sy komen zu beider ſit Innot Man ſach die ſtritmuͯden komen Da von vil dicke iſt v̉ernomen Das ſy ir koczen gerne werten Sẏ wauren diegen ſtritte die herten Bedenthalb es mit ſchaden ſtet Karel vnd kacheret Vnd Rois Meliancz de Barbigol Vnd Jofreit fiſidol Die ſind hin uff gefangen E der buhirt werre ergangen Och fiengent die von logoris Den herczogen fryam de firmendois Vnd kuͦns Ritſchart de Nauers Der verttett núwen eins ſpers Gein wem daz och ſin hand gebot Der fiel vor Im durch tyoſte not Artus mit ſin ſelbs hand Vieng den tegen werd erkant Do wurden vnủerdroſſen Die pondierer do gelaſſengeſloſſen Des moͯchtte ſchwenden ſich der Schwarczwald Manig tyoſt vngeczalt Rertte ir trunczunne Die werden Britune Waurent da manlich zer wer Gen der herczoginen her Artus noch huͦtte Muͦs ſtrittes ſin zu muͦtte Man parriette ſy den tag E das dú fluͦt des heres glag Och ſoͯltte min her Gawan Der herczoginnen gekuͤndet han Das ein ſin helffere Jn ir lande were So were d̉er ſtrit nit geſchechen Done wolt ers nit v̉eriechen E ſy es ſelb ſechen moͯchtte Er warb als es im tochte Vnd ſchuͦff och ſine reiſe Gen Artus dem Britoneiſe Mit trúwen geczeltten Nieman mocht engelten Ob er Jm was vnerkant Des milten Gawins hand Begund ſo mit willen geben Als er nit lenger ſoltte leben Sariande Ritt̉er vnd frowen Muͦſen empfachen vnd ſchowen Sine gabe ſo groſzlichen Das ſy ſprachen alle gelichen Jn waͯre dú ware hilffe komēn Nun ward och froͯde an in v̉ernomēn Do hies gewinen d̉er tegen wert Starke ſoͯmere ſchoͯne pfert Vnd harnaſch alder Ritterſchafftt Sariande ze yſer groſzu krafftt Aldo bewart vnd bereit waren Do kunduer ſo gebarren Do nam min herr Gawan Vier werde Ritt̉er ſunder dan Das einer kamrere Vnd der ander ſchenke were Der dritte druchſeſſe Der vierde nit vergeſſe Er werre Marſchalke ſus warb er Die viere leiſten ſine ger Nun lat Artuſen ſtille ligen Gawans gruͯſſen wart verſchwigen Al den tag vnſanfftt ers meid Des morgen fruͦ mit krafftte reit Gen Schoflancze artus her Sine nach huͯtte ſchuͦff er ze wer Do diſe nit ſtrittes funden da Sy kertten nach im vff dem ſchla Do nam min her Gawan Sin amplútte ſund̉er dan Nicht leng̉er er woltte bitten Sinen Marſchalk hies er Ritten Gen ſchafelancze vff den plan Sund̉er leger wil ich han Du ſichſt daz groſe herr da ligen Das icht echt nun alſo gedigen Jr herren wil ich nemen Das ir den mugent erkennen Es iſt min oͯchain Artus Jn des houe vnd in des hus Jch von kinde bin erczogen Nun ſchaffent mir fuͤr vnbetrogēn Mine reiſe ſo mit koſte dar Das mans von nicht neme war Vnd lat hie vnủernomen Das Artus har durch mich ſy kon*ēnkomēn Sy leiſten das er in gebot Des ward plipanot Dar nach vnmuͯſſig ſchiere Kocken vſſiere Seities vnd ſnecken Mit Rotten die quecken Beidú zu ros vnd zu fuͦs Mit dem marſchalk úb̉er muͦs Sariande vnd garGarzune Hin nach dem Britune Sy kertten har vnd dan Mit Gawans marſchalk vnd den ſchlan Sy fuͦrtten och des ſit gewis Ein geczelt des Jbilis Clinſhor durch mīnne ſante Da bẏ man erſt erkantte Jr zweiger togen úber lut Sy wauren beidu ein ander trut Dem geczelt was koſt vnuer=mitten Mit ſchere nie bas ward geſchnit==ten Wan eines daz Jſenharttes was By Artus ſund̉er vff dem gras Wart das zelt vff geſchlagen Menig geczelt hort ich ſagen Schluͯg man darumb einen vil witten Ring Das duchtte ſy Riliche ding Von Artus wart v̉ernomen Das Gawins marſchalck were Vff den plan komen Der herberget vff dem plan Vnd daz der werde Gawan Soͯlt och komen by dem tage Das was ein gemeine ſage Von aller der meſſnie Gawin des falſches frẏe Von huſe ſich rottieret Sine Reiſe er alſo vieret Da von ich wund̉er moͯchte ſagen Menger ſoͯmer muͯſte tragen Kapplen vnd kam̉er gewand Manig ſvm mit harnaſch erkant Giengen och dar vnder Helm daruff gebunden Bẏ mengem ſchilte wol geton Menig ſchoͯn kaſtelon Man by den ſoͯm̉er ziechen ſach Ritt̉er vnd frowen hin nach Ritten an ein and̉er vaſte Das geczoch wol ein Raſte An der lengen wol gemeſſen Do ward nit vergeſſen Gawin ye einen Ritter wol geuar Schuͯff ye *uzu ein̉er frowen dar Das waurent kranke ſinne Ob die ſprecht nit von minne Der Turkeite florant Ze einem geſellen ward ekant Seyuen von Norwege Lyſchois d̉er gar vntrege Reit by der ſuͯſzen kundrie Sin ſchweſter ytonie By gawin ſoltte Ritten An den ſelben zitten Arnyue vnd die herczogin Och do geſellen wolten ſin Nun dis was alſo komen Gawins Ring ward ge=nomen Durch Artus her alda er lag Was man ſchowens do gepflag E dis volck durch ſy geritte Gawin durch hoffliche ſitte Vnd och durch werdenkliche ding Hies by Artus Ring Die erſten frowen halten Sin Marſchalk muͯs walten Das eine nach zer ander reit Der andrú deheine v̉ermeit Sy hieltten ſus alvmbe Hie die wiſen doͯrt die tumbe By yeglich̉er ein Ritt̉er d̉er ir pflag Der ſich dienſtes dar bewag Artus Ring den witten Man ſach an ein̉er ſitten Mit frowen vmbefangen Do wart allereſt empfangen Gawin der ſelden Riche Jch meine des mīnnenkliche Arnyue ir tochtter vnd ir kind Mit Gawin erbeczet ſind Vnd von Logoris die herczogin Vnd der herczog Gowerczin Vnd der Turkoite florant Gen diſen lútten werd erkant Artus vſſer dem gezelte gieng Der ſy do froͯlich empfieng Alſo tett die herczogin ſin wib Sy empfienge Gewins lib Vnd ander ſin geſelſchafftt Mit getrúwlicher liebu crafft Da ward menig kus getan Von meng̉er frowen wol geton Artus ſprach zum neuen ſin Wer ſind die geſellen din Gawin ſprach mīnne frowēn Sol ich kúſſen ſchowen Das were vnſanfftte bwart Sy ſind wol beidu von der art Der Turkoite florant Ward gekúſſett do zu hand Vnd der herczog von Gowerczin Von Ginowern die kungin Sẏ giengent wid̉er in daz geczelt Mengen duchtte daz das felt Volles Ritt̉er were So warb nicht ſo d̉er ſchwere Artus ſprach vnd ſprang vff ein guͦttes kaſtalun Alle diſe vrowen wol geton Vnd alle die Ritter vnd in Er reit den Ring vmb hin Mit zúchtten Artus mund Sy empfieng an d̉er ſelben ſtund Das was Gawins wille Das ſy alle habtent ſtille Vncz das er mit Jnnen dannēn Ritte Das was ein hofflich̉er ſitte Artus erbeiczte vnd gieng dar Jn Er ſas zu dem neuen ſin Den beſtuͦnd er ſus mit meren Wer die vier frowen weren Do huͦb min her Gawan An der aller elteſten huͯb er an Sus ſprach er zu dem Britun Erkant Jr vtpandragun So iſt dis Arnyue ſin wib Von den zwen kam uch d̉er lib So iſt dis die muͦtt̉er min Von Norwege die kúngin Diſú zwo min ſchweſtren ſind Nun ſecht wie fletigú kind Ein ander kúſſen do geſchach Froͯde vnd Jamer ſach Alle die das ſechen wolten Von der liebu ſy das dolten Beidu lachen vnd weinen Kunde ir mund wol erſcheinen Von groſer liebú das geſchach Artus zu gawinen ſprach Neue ich bin des meres noch frẏ Wer du clare frowe ſy Do ſprach Gawin der kurtois Es iſt die herczogin von logoris Jn der gnaden bin ich hie Mir iſt geſagt ir habt geſuͦchet ye Was ir des haben genoſſen Das zoͯgt vnủerdroſſen Jr moͯchtentz ein̉er wittwen wol tuͦn Artus ſprach din̉er muͦmen ſun Kacheriten ſy doͯrt hat Vnd Kareln der Ritters tat Jn menger poynder worchte An miner ſitten genomen Ein vnſz poynder waz ſo komēn Mit hurte vncz an Jr barbigan Hurta wie es da ward getan Von dem werde Melianze von liz Vnd̉er ein̉er banier wis Jſt er hie vff gefangen Die banier hat empfangēn Von zobel ein ſchwarcze ſtrale Mitt herczebluͦttes male Nach manes kum̉er gefar Lyrauoyn Rieff al du ſchar Die drunder durch ſtritte Ritten Die hand den pris hinuff erſtritten Mit iſt och min neue Joferit Hin uff gefangen daz iſt min nitnid Dú nachhutte waz geſter min Da von gedech mir dirre pin Der kúng ſins ſchadens nit v̉eriach Die herczogin mit zuchtten ſprach Herre Jch ſag úch des laſters buͦs Jr hetten min deheinen gruͦs Jr mugt mir ſchaden han getan Den ich doch vngedienet lhan Sid ir mich geſuͦcht hat Nun lerre úch got ergeczencz Rat Jn des helffe ir ſind geritten Ob der mit mir hat geſtritten Do ward ich one wer bekant Vnd zer bloſen ſitten angerant Ob der noch ſtrittes an mich gert Der wil wol geendet one ſchwert Zu Artus ſprach do Gawan Was Rat ir ob wir diſen plan Bas mit Ritter uͤber legen Sid wirs wol getuͦn megen Jch erwirbs wol do zer herczogin Das die uͤwren ledig ſúllen ſin Vnd das ir Ritt̉erſchafftt da her Kompt mit mengen núwen ſper Des volg ich ſprach Artus Die herczogin hin vff zu ir hus Sante nach den werden Jch wenne vff d̉er erden Nie ſchoͯn̉er ſamnuge were Gen herberge one ſchwere Gawin vrlobes gerte Des in d̉er kung gewerte Die man mit im komen ſach Fuͤrren dan mit im an ſin gemach Sin herberg Riche Stund ſo Ritterliche Das ſy was koſtbere Vnd er Armuͦt lere Jn ſin herberge reitt Meng̉er dem von herczen leid Was ſin langes vſſe weſen Nun was och key geneſſen By dem plimizol der tioſte Der bruͯfftte Gawins koſte Er ſprach mins h̉erren ſchwag̉er Lot. Von dem waz vns dehein Not Ebenhúſſe vnd ſund̉er ringes Do gedacht er noch des dinges Das Jn gewan doͯrt nit Rach Do im ſin zeſwer arm zerbrach Got mit den lútten wund̉er tuͦt Wer gab gawinen die frowen luͦt Sprach key In ſinem ſchimpffe Das was gen froͯden ein gar ſchwacher glimpfe Der getrúwe iſt frundes erren fro Der vngetrúwe Vnfro Ruͯffett wenne ein liep geſchicht Sinen frunden vnd er daz ſicht Gawin pflag ſellde vnd erre Gert yemen fuͤrbas mere War wil der mit gedenken So ſind des muͯttes krenken Nydes vnd haſſes vol So tuͦt dem ellenthafftte wol Was ſins frúndes ſtrit geſtet Das ſchanden fluͤchtig von Jm get Gawin oͯne falſchen has Manlich̉er trúwe nie v̉ergas Ein vnbilde daran geſchach Wa man In nit by ſelden ſach Wie der von Norwege Sines folkes pflege Der Ritter vnd der frowen Da mocht man Richeit ſchowen Artus vnd ſin geſinde Von des werden Lottes kinde Sy ſullen och ſchlaffen do man gas Jr rúwens han ich ſelten has Des morgens kam vor tage gerittēn Volck mit werlichem ſitten Der herczoginnen Ritt̉er gar Nam nam ir zimierde war Al by dem mane ſchine. Dar artus vnd die = ſine : Der gesamte Vers ist am Ende von Vers 676.15 auf Höhe der selben Verszeile nachgetragen. Lagen ſi. durch die zogtten ſie Anderthalb da Gawine hie Lag mit wittem Ringe Wer ſoͯlich helff ertwinge Mit ſin̉er ellenthafftten hand Den mag man fúr pris erkant Gawin ſinen marſchalk bat Jnen zeigen herberg ſtat Als d̉er herczoginnēn marſchalk Riet Von Logoris dú werde diet Mangen Ring wol ſund̉er zierren E ſy gelotſchiertten Es was wol mitt̉er morgen Hie nachet es núwen ſorgen ArtusARtus der priſe erkante Sine botten er ſante Ze Roitſche *abinsſabins in die ſtatt. DemDen kung Gramoflancz er bat Sid das vnwendig nun ſol ſin Das er gen dem neuen min Sinen kampff nit wil verbern Des ſol och in min neue wern Bit in gen vns ſchier komen Sid ſin gewalt iſt ſuſt v̉ernomēn Das ers nicht vermiden wil Es were einēm andrēn man ze vil Artus botten fuͦren dan Do nam min herr Gawan Lyſchoiſen vnd floranden Die von mengen landen Minnen ſoldiere bat er Jm zeigen ſchiere Die d̉er herczoginen vff hochen ſolt Waurent ſo dienſtlichen hold Er reit Zu In vnd empfie ſi ſo Das ſy alle glich ſprachen do Das der werde Gawan Were ein manlich hofflich man Da mitte kert er von in wider Sus warb er togenlichen ſider Jn ſine kamer er gieng Mit harnaſch er úberfieng Sinen lib zen ſelben ſtunden Durch das ob ſin wunden Da geheilet weren Daz die maſen Im nit ſchweren E wolt bewern ſinen lib Sid ſo manig man vnd wib Sinem kampf ſoͯlten ſechen Das die wiſen Ritter moͯchten ſpechen Ob ſin vnủerczagte hand Des tages gen pris wurd erkant Einen knappen het er des gebetten Das er in brechtte kingulettenkringuletten Das begund er laſieren Er woltte ſich moueren Das er vnd daz ros weren bereit Mir ward ſin reiſe nie ſol leid Alleine reit min her Gawan Von dem herr verre vff den plan Gelúck mús waltten Er ſach einen Ritter halten By dem waſer ſabins Den wir wol moͯchtten heiſſen flins. Der manliche crefftte Er ſchur der Ritterſchefftte Sin hercz falſch nie verſchwanc Er was des libes wol ſo crank Was man heiſſet vnpris Das getruͦk er nie deheine wis Halbes vingers lanc noch ſpanne Von dem ſelben werden manne Mugent ir wol e han v̉ernomen An den rechtten ſtamen iſt dis mere komen ⸿Ob von dem werden Gawan Verliche tioſt daz ward getan So forchte ich ſin̉er erre An ſtritte nie ſo ſere Jch ſolt och des andren angt han Das wil ich vs den ſorgen lan Er was Jn ſtritte ein manes her Vſz heidenſchafftt verre úber mer Wart bracht die zimierde ſin Noch roͯtter denn ein Rubin Was ſin kurſit vnd des roſes kleid Der held nach auentúre Reit Sin ſchilt was gar ſtochen Er hett och gebrochen Von dem bome des Gramoflancz Huͦtte einen alſo liechtten krancz Das Gawin das ris erkante Do forcht er dú ſchande Ob ſin der kúng da hett erbitten Were d̉er durch ſtrit gen Jm geritten So muͯſe ſtritte da geſchechen Soͯlt es nym̉er frow erſechen Von Munſaluaſhe wauren ſie Beidú Ros dú alſo hie Nach̉er lieſzen ſtrichen Vff dem poẏnder hertteklichēn Mit ſporn wurden ſy des ermant Gruͯne cle nit ſtobec ſant Stuͦnd towe da du tyoſt geſchach Mich muͯt ir beid̉er vngemach Sy tatten Jrm ſtrit Rechtte Vncz der tẏoſt geſchlechte Waurent ſy beidenthalb geborn Wenig gewunnēn vil verlorn Hat wer behalttet den pris Der claget doch ym̉er iſt er wis Gen ein andren ſtund ir trúwen Der deweders alt noch Iungen Trukel ſchartten nie empfieng Nun hoͯrent wie die tioſt ergieng Hurtenklich vnd doch alſo Sy mochtencz beid ſin vnfro Erkantte ſprſper vnd doch ge=ſelſchafftt Was da mit haſlich̉er krafftt Durch ſcharpffen ſtrit zuſamen was komen Vom wederm der pris do ward genomen Des froͯnde iſt vmb ſorgēn pfand Die tioſt brach iettwerd̉ers hand Das die mage vnd die geſellen Ein andren muͦſſen vellen Mit Roſe vnd mit alle nider Alſus wurben ſy do ſider Es ward alſo verzwicket Mit ſchwerten verbiket Schiltes Scherben vnd das gar gruͯnne gras Ein yeglicher tempire waz Sid ſy begunden ſtritten Sy muͦs ſcheidens bitten Alzu lange ſy begundencz fruͦ Do greiff echt niemans des ſcheidencz zuͦ Do was denoch nyeman wan ſie Welt nun fuͤrbas hoͯren wie An den ſelben ſtunden Arttus botten funden Den kúng Gramoflancz mit her Vff dem plon by dem mer Einhalb flos der Sabins Vnd anderthalb der poẏncaclins Die zwei waſſer fluſſen da Der plan waz veſter anderſchwa Roitſche ſabins dort Die hoptſtat den vieren ort Begreiff mit muren vnd grabēn Vnd mengen turne hoch erhabēn Des hers lotſchieren waz geton Wol mile lang vff den plan Vnd och wol halber mile breit Artus botten wider reit Manig Ritter vnbekant turkopel vnd manig ſariant Ze yſer vnd mit lanczen Dar begunde ſchwanczen Vnder meniger baniere Manig groſe rotte ſchiere Von buſunen waz da krach Das her man ſich gar regen ſach Die woltten an den zitten Gen ſchofflancze ritten Von frowen zoͯmen clinga cling Des kúnges Gramoflancz ring Was mit frowen alumbe halden Kan ich mere walten Jch ſag wer durch in da was Geherbergt vff das gras Vnd an ſine ſamnunge komēn Habt ir das E nit v̉ernomen Lat michs uch machen kund Vſſer der veſten ſtat punt Bracht Im der werde oͯchein ſin Der kung Brandelidelin Vier hundert clare frowen Der yegſchliche moͯchtte ſchowen Gafaffett gewapnet do ir amis Durch Ritterſchaffte vnd durch hochen pris Die werden pontreturtieiſe Wauren wol an dirre Reiſe Das was welt ir globen mirs Der clare Sernout von Riuirs Des Richer vatter Narant Hat im verlaſzen och erland Der brachte im in einen koken vff dem mer Ein als ein creftigen her Dem doch rechtter varwe Jach Vnd anders nicht da von im do och ſprach Der waurent vierhund̉ert Ze megden do vſz geſund̉ert Vierhundert irda ir man Ob ichs recht gepruͯffen kan Sernout ficz kons Narant Funffhund̉ert Ritt̉er werd erkant Mit Jm den kamen wauren Die viande kunden faren Sus woltte d̉er kung Gramoflancz Mit kampe rechen ſinen crancz Das es vil lútte ſeche Wem man da priſes Jeche Fuͤrſten vs ſinem Riche Mit Rittern werdekliche Da wauren vnd mit frowen ſchar Man ſach da lútte wol geuar artus botten komen hie Die funden den kúng nun hoͯrent wie Von palmat k dike ein matras Lag vnder dem kúng da er ſas Daruff geſtepet ein pfelle breit Junckfrowen clar vnd gemeit Die ſchuͯchten Iſerkloczen An den kúng ſtolczen Ein pfelle gab koſtlichen pris geworcht in Ecidemonis Breit vnd dar zu lang Hoche ob Im dur ſchatte ſwanck An zwoͯlff ſchefftten genomēn zwoͯlff: Zusätzlich xij über zwoͯlff. Arttus botten wauren komen Zu dem der hochverte hort Truͦg. Sy ſprachen diſú wort Herre vns hat da her geſant Artus der da fuͤr erkant Was. das der pris ettwen truͦg Er hatt och wirdikeit gnuͦg Die welt ir im verkrenken Wie mugent ir daz erdenken Das ir gen ſin̉er ſchweſter ſun Soͯlich vnfuͦge wellent tuͦn Hett úch der werde Gawan Noch groſſer herczleid getan Jr moͯchttent d̉er Tauelrunder Laſſen. genieſſen ye doch beſund̉er Wan in geſelſchafft werent Alle die darúber pflichte gerent der kung ſprach de lopten ſtrit. Min vnủerczagtte hand ſo git Das ich Gawin by diſem tage gen pris od in laſter ſage Jch han mit warheit vernomēn Der kúng ſy mit ſtorie komēn Vnd des wib dú kúngin Die ſol hie wilkomen ſin Ob dú argú herczoginne Jm gen mir Ratt vnminne Jr kind ſdas ſond ir vnderſten Hie mag nit anders ergen Won daz ich den kampf leiſten wil Jch han doch Ritt̉er wol ſo vil Das ich gewalt entſicze nicht Was mir von einer hand darumb beſchicht Die not wil ich liden Soͯlt ich nun vermiden Des ich mich vermeſſen han So woͯlt ich dienſt nach minne lan Jn der gnade ich mich han gegeben Alle min froͯd vnd min leben Got weiſt wol daz er ir genos Wande mich des ye verdros Strites gen einem man Wan daz der werde Gawan Den lib hett geuͯbet ſo Kampfes bin Ich gen Im fro Suſt mindret ſich min manheit So ſchwachen ſtrit ich nie geſtrett Jch han geſtritten gicht man mir Ob ir gebiet das fragte ir Gen lutten die das min̉er hand Jachen es were fuͤr pris erkant Jch beſtuͦnd nie eingen lib Es enſúllent loben nicht dú wib Ob ich den ſig hút erhol Mir tuͦt in dem herczen wol Mir iſt geſagt ſy ſy von banden lan Durch die der kampff wirt getan Artus der erkantte herre So manig froͯde terre Ze ſinem gebot iſt vernomen Sy iſt lichtte har mit Im komen Durch die ich froͯde vnd not Jn Ir gebot vncz an minen tod Dienſtliche wil bringen Wa moͯcht mir bas gelingen Ob mir die ſelde ſol geſchechen Das ſy min dienſt JuͯchetRuͯchet ſechen Frow Bene vnders kunges Rechtēn Arme ſas Die lie den kampff one has Sy hett des kunges manheit So vil geſechen do er ſtret Das ſis welte vs den ſorgen lan Wuſte aber ſy das gawan Jr frowen Bruͦder were Vnd das diſe ſtrenge mere Vff ir herren were geczogen Sy were an froͯden do betrogen Sy brachte dem kung ein ving̉erlin Das Jtonie die Junge kuͤngin Jm durch minne het geſant Das ir bruͦder ward erkant Brachtte uber den Sabins Bene vff dem poynzaclins Kam in einem ſeiteis Diſe mere ſy nit lies Von ſchaltel marveile gefarn Jſt min frowe mit frowen ſcharn Sy mant Jn trúwe vnd erre Von ir frowen mere Denne ye kint manne enbot Vnd das er dechte an Jr not Sit ſy fuͤr alle gewinne Dienſt bút nach ſin̉er minne Das machte den kúng hochgemuͦt Vnrecht er Gawin doch tuͦt Soͯlt ich engeltten d̉er ſchweſter Min. Jch wolt e on ſchweſt̉er ſin Man truͯg ir zimierde dar. Von Rich̉er koſt vnd ſo geuar Wen ie die minne des beczwang Das er nach wibes lone rang Es were Gahmuret od̉er Galoes Oder der kúng Kalicrates Der deheiner doͯrfftte ſinen lib Bas zimieren durch die wib Von hippipotiticon Oder vs der witten acraton Oder von agatirkalomidente Oder von agatriſiente Ward nie beſſer pfelle bracht Denne des zer zymierde ward erdacht Do kuſt er das vingerlin Das Jtonie die Junge kuͤnginin Jm durch minne ſantte Jr trúwe er ſo bekante Hett yendert kumb̉er in beuilt Das engegen waz ir minne ein ſchilt Der kung was gewapnet nuͦ Zwoͯlff iunckfrowen griffen zuͦ Vff ſchonen Runziden Die ſoltten des nit miden Die clare geſelſchafftt Jegluchú het an einem ſchafftt Den túren pfelle genomen Dar vnder der kúng wolte komēn Den fuͦrtent ſy durch ſchatte dan Ob dem ſtrit gerende man Nicht ze crank zwei froͯwlin Die trugent ech do den beſten ſchin Vnders kúngs ſtarken armen ritten Do ward nit lang da gebitten Artus botten fuͦren dan Vnd komen hin da Gawan Vff ir wider reiſe ſtreit Do ward den kinden nye ſo leit Sy ſcritten lutte v́ber ſine not Wan Jn ir trúwe daz gebot Es was echt vil nach alſo komēn 1 Es was echt vil nach alſo komēn Das den ſig do het genomen Gaweins kampfen gnos Des crafftt was in ſo gros Das Gawin der werde tegen Des ſiges nach het verwegen Wan das Jn clagende nanden Kund do ſy erkanden Der E was ſins ſtrites wer Der verbar do gen Jm ſtrites ger Vſer der hende verwarff do ſin ſchwert. Vnſelig vnd vnwert Bin ich ſprach der froͯmde gaſt Aller ſelden mir gebraſt Do miner gernerter hand Dirre ſtrit ward bekant Das was min̉er vnfuͦg zu vil Schuldig ich mich geben wil Hie trat min vngeluke fúr Vnd ſchied mich von d̉er ſelden ſchúr ⸿Sus ſind die altten wappen min E dicke vnd aber worden ſchin Das ich gen dem werden Gawan Alhie ſtrit hab getan Jch han mich ſelben úberſtritten Vngelúckes hie erlitten Do des ſtrttes wart bgunen Do was mir ſelde entrunnen Gawin die clage hort vnd ſach Hin zu ſinem knapffen genoſſen er do ſprach Owi herre were ſind ir Jr ſprechent gnedenklich gen mir Won wer dú rede E geſchechen Die wile ich creſte moͯchte iechen So enwer ich nit von priſe komen Jr habt den pris alhie genomen Jch hett úwer gern kúnde Wa ich hernach fúnde Minen pris ob ich den ſuͦchte Die wil es min ſelde Ruͦchte So geſtrit ich wol ein̉er hand Neue ich tuͦn mich dir bekant Dienſtliche vnd alle mal Jch bins din neue parczifal Gawin ſprach ſo iſt es Recht Hie iſt krumbú tumpheit werden ſchlecht Hie hand zwey hercze env*einualt Mit haſſe ergeczet irn gewalt Din hand vns beidú v́ber ſtreit Laus dir ſin durch vns beidu leit Du hauſt dir ſelber angeſigen Ob din hercze trúwe pflugett Do diſu red waz getan Do moch min her Gawan Vor vncrafftt nit lenger ſten Er begund ſchwindelinge gen Wan im das hopt erſchellet waz Sy ſaſzen nider vff daz gras Artus Junckherlin Sprang eines an den Rugen ſin Do band im das ſuͯſze kind Den helme ab vnd ſchanktt den wind Mitt einen huͦtte pfewin wis Vnder ſine ogen. dirre kinde flis Lertte gawin núwe krafftt Vs beiden hern geſelſchafft Mit ſtorien komen hie vnd dort Yettwerders her an ſine ort Da ir zil wauren geſtoſſen Gramoflancz die koſte gab Durch ſins kampes virhab Der bome hundert waren Mit liechtten blicken claren Da ſoͯlte nieman zwúſchen komēn Die ſtuͦndent ſus han ich v̉ernomen Vierczig poyndir von ein and̉er Mit liechtten blike glander Fúnffczig yettwedre ſitt Da entſchwúſchen ſolt ergen d̉er ſtrit Das her ſoͯlte vſſerthalb haben Als es ſchide múr vnd graben Des hettent hand fride getan Gramoflancz vnd Gawan Gen diſem geloptten ſtritte Manig rotte kam by zitte Von beiden h̉erren die ſechen Wem ſy da priſes Jechen Sy wundret och ſere wer da ſtrite Mit alſo ſtritlichen ſitte Oder wie des ſtrittes da werre gedacht Wan yettwedre her het bracht Sinen kempffen in den Ring Es duchtte ſy wund̉erliche ding So dirre kampff ward getan Vff dem blúm farwen plan Do kam d̉er kúng gramoflāncz Der wolt rechen ſinen krancz. Der freiſche wol es was geſchechen Ein kampff der nie waz geſchechēn Hertter ſtrit mit ſchwertten Die des ein andren gerten vnd wertten. Die tautencz oͯne ſchulde gar Gramoflancz vſſer ſin̉er ſchar Zu dem kampff muͯden reit Herczenlichen er clag Jr arbeit Gawin was vff geſprungen Dem wauren die lide erſchwingen Hie ſtuͦndent diſe v*zwene Nun was och frow bene Mit dem kung in den Ring geritten Alda der kampf waz erlitten Dú ſach Gawin ke*krefflos Den ſy vor aller der welt erkos Zer hoͯchſten froͯden crone Mit herczen Jamers done Sy ſchrienden von dem pfert ſprang Mit Armen ſẏ in vaſt vmbe ſchwang Sy ſprach verfluͯchet ſy die hand Die diſen kumber hat erkant Gemachett oͯn úwern libe clar By allen manen daz iſt war Juwer manlich fawe ein ſpiegel waz Sy ſaczt in nid̉er vff das gras Jr weinencz wenig ward v̉erdagt Do ſtreich im die ſuͯſze magt Von den oͯgen bluͦt vnd ſchweis Jn dem harnaſch waz Jm heis Der kúng gramoflancz do ſprach Gawin mir iſt leid din vngemach Es enwere mit min̉er hand getan Wiltu morgen mirmit mir vff den plan. Her wid̉er komen durch ſtriten Jch wil dir gern bitten Jch beſtuͯnde gern̉er nun ein wjp Danne dinen kreffttloſen lib Was priſes mocht ich an die began Jch enhortte dich bas gen creftten ſagen. Nun Ruͦwe daz tuͦt dir not Wiltu rechen den kúng lot Das tuͦt dir not Do truͦg d̉er Jung parczifal nẏendert muͯde lide noch erbliche mal Er hett an den ſtunden Sinen helm ab gebunden Do in der werde kúng ſach Zu dem er zúchtenklichen ſprach Herre was min neue gewangawan Gen úwren hulden het miſſetan Da fuͤr lat mich weſſen pfand Jch trag noch werliche hand Sol er gen úch ze kampffe ſten Herre den lat an mir ergen Der wirt vs Roitſche labinsſabins Sprach h̉erre er git mir morne zins Der ſtett ze gelte fur minēn crancz Das ſin pris wirt hoch vnd gancz Od̉er der mine geiaget an die ſtat Da ich trit vz laſters pfat Jr mugent wol anders ſin ein held Dirre kampff iſt úch nit erwelt Do ſprach frow Benen mund Zem kúng ir vngetrúwer hund Juwer hercz in ſinen henden liget Des uͤwer hercz haſſes pfliget War habt ir úch dur mīnne ergebēn Dú muͯs doch ſiner gnaden leben Jr ſagt úch ſelb ſiglos Die minne an úch ir recht v̉erlos Getrúwett ir irie minne Die was mit falſchem ſinne ⸿Do des zornes vil geſchach Der kúng zu frow Benen ſund̉er ſprach * Die bat er frowe zuͤrnen nicht Das der kampff von mir geſchicht Vnd blib hie by dem herren din Vnd ſag Jtonien d̉er ſchweſt̉er ſin Jch ſige fur war Jr dienſtman Vnd welle ir dienen was Jch kan Do frow Bene gehorte Mt werlichen worte Das ir her ir frowen bruͦd̉er waz Der da ſoltte ſtritten vff dem gras Do zugen Jrs Jamers Ruͦder An ir hercz wol ein fuͦder Der herczlichen Rúwe Wan ſy pflag gancz̉er truͤwe Sy ſprach fart hin ir v̉erfluͦchet man Jr ſind der trúwe nie gewan Der kúng Reit dannen vnd al die ſin Artus Junckherlin Viengen die ros diſen zwein An den Roſen ſund̉er kampff och ſchein Gawin vnd parczifal Vnd frow bene die liecht gemal Rittent dannen gen ir her Parczifal mit mannes wer Het den pris behaltten ſo Sy wauren ſin̉er kunfftte fro Die Jn komen ſachen Des priſes ſy Im alle Jachen Jch ſag úch mere ob ich kan Do ſprach von diſem einēm man Jn beiden hern die wiſen Das ſy begunden priſen Sine Ritterliche tag Der da den pris genomen hat Welt Jrs Jechen daz iſt parczifal Der was echt ſo liecht gemal Es ward nẏe Ritt̉er bas getan Des Jachen wib vnd man Do in Gawin brachte Der des hin zu Jm gedachte Das er in hies cleiden Do truͯg man dar in beiden Von tuͤre koſt glich gewand V́ber al daz mere ward bekant Das parczifal da were komēn Von dem ſo dick waz v̉ernomen Das er hochen pris beiagte Fuͤr war daz menig̉er ſagte Gawin ſprach wiltu ſchowen Dins kunnes vier frowen Vnd ander frowen wol geuar So gen ich gerne mit dir dar Do ſprach Gahamurtes kind ob hie werde frowen ſind Den ſoltu mich vnmeren nicht Ein yeglich frow mich vngert ſicht / Dú by dem plimiczol gehort. Hat von mir falſch=lichú wort Got muͯſz ir wiplich ere ſechen Jch wil imm̉er frowe ſelde Jechen Jch ſcham mich noch ſo ſere Vngern Ich gen Jm kere Es muͦs doch ſin ſprach gawan Er fuͦrt parczifaln dan Da in kuſten vier kuͤnginen Die herczoginne es lerte pin Das ſy den kúſſen ſolte Der doch irs gruͦſes nienan wolte Do ſẏ ir lant vnd ir mīnne bot Des ward ſy des ſchamrot Do er vor logoris geſtreit Vnd ſy ſo verre nach im reit Parczifal der clare Wart des one vare V́ber parlieret Es ward gekondwieret Alle ſcham vs ſinem h̉erczen do Ane blúkeit ward er fro Gawin mit Rechtten ſchulden Gebot mit ſinen hulden Frow benen daz ir mund Jtenien daz nit tett kunt Das mich der kung Gramoflancz Sus haſſett vmb den crancz Vnd das wir morgen ein ander ſtrit. Súllen geben ze Rechtt̉er zitt Min̉er ſchweſte ſoltu des nit ſagen Vnd ſolt din weinen gar verdagen Sy ſprach ich mag wol weinen Vnd mine clag erſcheinen Wan weder uͤwer da vnda liget Nach dem min frow James pfluget Dú iſt zu beider ſit erſchlagen Jch muͦs mich vn̄d mine frowe des groͯſzlich clagen Was hilffet das ir ir bruͦd̉er ſit Mit ir herczen woͯlt ir vechtten einen ſtrit Das her waz gar geczogen Jn Gawine vnd d̉er geſelle ſin Was ir eſſen albereit Mit d̉er herczoginnen gemeit Parczifal ſolte eſſen 3 An dem wart nit v̉ergeſſen Gawin der befalch in ir Sy ſprach welt ir beuelhen mir Den der frowen ſpotten kan Wie ſol ich pflegen diſes man Doch dienen ich im dur uw̉er gebot Jch enruͦche ob er daz nimpt fúr ſpot Do ſprach Gahmurtes ſún Frowe ir welt gewalt nun tuͦn So wiſe erkenn ich minen lip Er midet ſpotten allú wib Ob es da was man gab gnuͦg Mit groſſer zuch mans fúr ſy truͦg Maget wib vnd man mit froͯden as. Jtonie och des nit vergas Sy marktte an Benen oͯgen Das die weinet togen ⸿Da ward ſy och nach jamer far Jr ſuͯſzer mund meid eſſen gar Si gedacht was tuͦt bene hie Nun hatt ich doch geſendet ſie Zu dem der doch min hercze tregt Das mich doch vnſanfftt hie wegt Was iſt an mir gerochen Hat der kúng verſprochen Min dienſt vnd mine minne Sine truͤwe manlichú ſinne Mugent hie nit mer erwerben Wan das muͦs erſterben Min armer lib den ich hie trage Nach im mit herczenklich̉er clage Do man daz eſſen do verpflag Do was es wol úber mitten tag Artus vnd daz wib ſin Frow Gynower die kúngin Mit Rittern vnd frowen ſchar Ritten da der wol geuar Sas by werden frowen diet Parczifals empfachen geriett Menige clare frowen Muͦſz er ſich kúſſen ſchowen Artus bott im erre Vnd dankett im des ſere Das er den pris fuͤr alle man Von Rechtten ſchulden ſolte han Vnd das ſin hoche wirdikeit Was ſo lang vnd ſo breit DEr waleis zu Artus ſprach Herre do ich úch Iungſte ſach Do ward vff die erre min gerant Von priſe ich gab ſo hochú pfand Das ich waz nach von priſe komēn Nun han ich herre an uch das vernomen Ob irs mirs ſagent oͯne var Der pris ein teil an mir hat war Wie ich ſo vnſanfftte ich daz lerne Jch gelopt es úch doch gerne Wolt es globen ander diett Von den ich mich do ſchamende ſchiet Die da ſaſent die Jachen ſin̉er hand Sy hett den pris úber menge guͦttes land Mit ſo hochem pris erworben Das ſy priſes weren vnủerdorben Der herczoginnen Ritt̉er gar Komen do der wol gevar Parczifal by artus ſas Der werde kúng do nit vergas Er empfie ſy in des wirtes hus Der ſtolcze kúng Artus Wie wit were Gawins zelt Er ſas da fuͤr vff das feld Sy ſaſzen vmb an den Rinck Sich ſamnoten vnkúndicge dink Wer dirre vnd Jener were Das wurden witte mere Solt der Criſtan vnd d̉er ſarraſin Kúntliche do genennet ſin WEr was Clinſhor her Wer wauren die wol ze wer Von logris die dicke ritten Das ſy durch orguluſen Ritten vnd och ſtritten Wer wauren die brachte Artus Der ir aller namen vnd ir hus Kuntlichen ſoltte nemen Muͯlich ſy weren zerkennen Sy ſprachen alle gemeine Das Parczifal all leine Vor vns truͯge ſo claren lip Den gerne minen moͯchen alle dú wib Vnd was zu hochem pris zuge Daz in daz werdenklich nit truge Vff ſtuͦnd do Gahmurtes kind Er ſprach alle die hie ſind Siczent ſtille vnd helffent mir Des ich ſanfftte vnd harte enbir Mich ſchied von tauelrunde Ein verhollenberes wund̉er Die mir darúber gebent die ware geſelſchafftt Helffent mir geſellenklicher ge=ſelſchafftt crafftt Nach d̉er uber des gerte Artus in ſchoͯner verte Ein̉er andren bette er do bat Mit wenig lútten er ſund̉er trat Das Gawin im geb den ſtrit Den er ze rechtter kamppfe zitt Des morgens ſolte ſtritten Jch wil ſy gerne da bitten Der da heiſſet der kúng Gramoflancz Von ſinem bome ich einen krancz Brach hútte morgen fruͦ Das er mir ſtrites forchte tuͦ Jch kam durch ſtrit in ſin land Nuwan durch ſtrit von ſin̉er hand Jch mochte din venik trúwen hie Mir geſchach ſo recht leide nie Jch wond es der kung were Der mich ſtrites nit verbere Neue noch las mich in beſten So ymer ſin vnpris ergen Min hand im ſchaden fuͯget Das in fuͤr war benuͯget Mit iſt min Recht hie wid̉er geben Jch mag geſellenklichen leben Lieber neue nu gen mir dir Gedenke erkante ſippe an mir Vnd la den kampff weſſen min Jch tuͦn Jm manlich ellen ſchin Do ſprach min her Gawan Mage vnd bruͦder ich hie han Mit dem kúng von Britanie vil Juwer deheinen ich geſtatten wil Das er da fuͤr mich vechte Jch getrúwes minem Rechtten 4 Sol es gelúck walten Jch múge den pris behaltten Got lone dir das du bútteſt ſtritt Das iſt aber noch fuͤr mich nit zitt Artus die bette horte Das geſprech er gar zer=ſtorte Mit Inen er wid̉er an den Ringe ſas Gawins ſchenke nit vergas Dar entruͦgent Iunckherlin Mengen túrren kopff guldin Mit edlem geſteine Der ſchenke gieng nit alleine Do das ſchenken geſchach Das folck fuͦr an ſin gemach Nun begund och nachen dú nacht Parczifal was ſo bedacht Das er ſin harnaſch beſach Ob dem deheins Riemen gebrech Das hies er wol bereiten Vnd vunenklichen feiten Vnd einen núwen ſchilt gewinen Wan der ſine was vſſen vnd Inen Zerhurttet vnd zerſchlagen Man muͦſte Jm einēn ſtarken tragen Das tatent ſariande Die wenig erkande Jeſlich̉er waz ein franczeis Sin ros das der templis Gen Jm ze ſtrit brachte Ein knappe des gedachte Es ward nie bas erſtrichen ſit Nun was es nacht vnd ſchlaffes Rechtte zitt Parczifal do ſchlaffens pflag Sin harnaſch gar vor im do lag Och Row den kung gra=moflancz Das ein and̉er man fuͤr ſinen crancz Des tages do hette gefochtten Do getorſten noch mochten Die ſine das nit ſcheiden Er begund es ſere leiden Das er ſich verſunnen hette Was der held da tette Wan ir pris beiagte Jnnan des do es tagte Was ſin ros gewapnet vnd ſin lib Ob geben Richloſe wib Siner zimierde ſtuͤrre Sy was ſus alſo tuͤrre Er ziertte den lib durch die maget Der was ſin dienſt vnủerczaget Er reit enig vff die farte Den kúng muͦt das harte Das der werde Gawin Nit ſchierre kam vff den plan Nun het och ſich nun gar v̉erholn Parczifal herus verſtoln Vs einer banir er nam Ein ſtarkes ſper von agram Er hett och all ſin harnaſch an Der held reit alleine dan Gen dem Ronen Spiegelin Alda der kampff ſolte ſin Er ſach den kung halten doͯrt E das ir dewedrer ye wort Gen dem andren geſpreche Man gicht yettweder ſteche Den andren durch des ſchilttes Rank Das die ſper von der hand Vff durch den luff ſich wunden Mit der tioſt ſy beide kunden Vnd ſus mit andren ſtritten Vff des angers witten Wart do tow zerſchroͯwet vnd zerfuͯrrett Vnd die helm geruͯrrett Mit ſcharpffen eggen dú wol ze beiden eggen ſchnitten Vnuerczaglich ſy beidu ſtritten Da ward der anger getret Des Ruͯwent mich die bluͦmen Rot Vnd mere die helden die do not Dolten one zagheit Wem were daz lieb od̉er leid Dem ſy nit hetten geton Do bereit och ſich her Gewan Gen ſins kampfes ſorgen Es was wol mitter morgen E man vernom die mere Das der vermiſchet were Parczifals des kuͯnnen Ob ers welle ſuͯnnen Dem gebart er vngeliche Er ſtreit ſo manliche Mit dem der och ſtrites pflag Nun was och hoch vff der tag Gwenen ein biſchoff do meſſe ſang Von Storie ward do gros gedrang Ritter vnd frowen Man mocht ze Roſe ſchowen An Artus Ringe E das man do geſinge Der kúng artus ſelbe ſtuͦnd Alda die pfaffen daz ampt tuͦnd Do der ſegen ward getan Do wapnet ſich her Gawan Man ſach da tragen den ſtolczen Sin yſerimeyſerẏne kolczen An wol geſchnitten beinen Do begunden frowen weinen Das her zogt vs úber al Do ſy mit ſchwertten horten ſchal Vnd fúr vs helmen ſpringen Vnd ſchlege mit krefftten dringen Der kung Gramoflancz pflag ſitte Jn verſchmachte ſer daz er ſtritte Mit einem do ducht in nuͦn Das hie ſechs griffen ſtrites zuͦ Es waz doch Parczifal al ein Der gen Jm werlichen ſchein Er hat Jn vnderwiſet Einer zucht die man priſet Er genam ſid niem̉er mere Mit rede an ſich die ere Das er zwein manen hette ſtrit Wan einer Im do ze vil git Das her was komen zu beid̉er ſitt / Vff den gruͯnen anger wit. Jettwederhalb an ſine zil Sy pruͯfftent dis nit ſpil Den Cuͯnen wiganden Dú ros wauren geſtanden Do ſtritten ſus die werden Ze fuͯs vff der erden Einen hertten ſtrit ſcharpff erkant Dú ſchwert hoch vs der hand Wurffen die Recken Sy wandleten die ecken Sus empfie d̉er kung Gramiflancz Suren zins fúr ſinen crancz 5 Siner frundine kúnne Sus engalt d̉er werde parczifal Jtonien der liecht gemal Der er genieſſen ſolte Ob recht ze rechtte wolte Nach pris die vil gefaren Mit ſtritte muͦſſen arnen Ein̉er ſtrit fuͤr ſin frúndes not Dem andren minne daz gebot Das er was minne vnderton Do kam och min her Gawan Da es vil nach alſus waz komen Das den ſig het genomen Der ſtolcze kuͯne Valeis Brandlidelin von puͦntuͦrteis Vnd Bernout von Riviers Vnd affinamus de Cletiers Mit bloſen hoͯptern diſe drẏ Ritten dem ſtrite nache bẏ Artus vnd Gawan Rittent anderthalb vff den plan Zu den kempf muͯden zwein Die wurden des in ein Sy woͯltten ſcheiden den ſtrit Scheidencz duchtte rechte zit Gramoflancz der ſo ſprach Das er dem ſiges iach Den man gen im het geſechen Des muͦs och mer lútte iechen Do ſprach des kunges lotes ſun Her kúng ich wil úch huͯtte tuͦn Als ir mir geſtert tatent Do ir mich ruͦwe batent Nun ruͦwent huͤt es wirt úch not Wer úch diſen ſtrit gebot Der hat uch ſchwache kraff erkant Gen min̉er werlichen hand Jch beſtande úch nun wol ein Nun vechtent ir ab̉er núman mit zwein Jch wils morgen wagen eine Got es zu recht erſcheine Der kúng ret mit den ſinen Er tet och fyanze ſchinen Das er des morges gege gawan Durch ſtrite keme vff den plan Artus zu parczifaln ſprach Neue ſid dir ſus geſchach Das du des kampfes bete Vnd manlichen tette Vnd Gawin dirs verſagte Das din mund ſo ſere clagte Nun haſtu den kampff doch geſtrittēn Gen Im der ſin da hette erbitten Es wer Jm lieb oder leid Doch erſchlichtu als ſin leid Wir hetten and̉ers dine hand Diſes kampfes wol ermant Nun darff Gawin des zuͤrnen nicht Was man dir priſes darumb gicht Gawin ſprach mir iſt nit leid Mins neuen hoche wirdikeit Mir iſt moren denocht alze fruͦ Sol ich kampfe griffen zuͦ Wolcz mich der kung erlaſzen Des Jehe ich im ze maſſen Das her reit In mit meng̉er ſchar Man ſach da frowen wol gefar Vnd mengen zimiertten man Das nie dehein herr mer gwan Soͯmlich̉er zimierde wund̉er Die von der tauelrunder Vnd du meſſnie der herczogin Jr wappen Rock gaben ſchin Mit pfelle von zinidunt Vnd bracht von pelpivnt Liecht waurent die kouentuͤre Parczifal der gehuͤrre Ward in beiden h̉erren gepriſet ſo Sine fúnd des waren fro Sy Jachen in Gramaflanczes her Das ze dehein̉er zit ſo vil ze wer Nẏe keine Ritter dehein Den die ſunn ye úberſchein Was zu beiden ſitten da were geton Den pris muͦs alleine han Dennocht ſy ſin erkanten nicht Dem Jegſlicher mund des priſes gicht Grameflancze ſy Rietten Er moͯchtte wol enbeitten Artus daz er neme war Das dehein man vſer ſin̉er ſchar Gen im keme durch fechtten Das er Jm ſantte den Rechtten Gawin des kunges lotes ſun Mit im wolt er den kampf tuͦn Die botten wurden dan geſant Zwey wiſe kind hofflich erkant Der kúng ſprach nun ſúlt ir ſpechēn Welher ir zu priſe welt Jechen Vnd̉er aller der claren frowen Jr ſúlt och ſund̉er ſchowen By welher Bene ſicze Nempt daz in uͤwer wicze Jn wehlwellhen gebreden du ſy Won ir froͯde od̉er truren bẏ Das ſúlt ir pruͯffen togen Jr ſecht wol an Jr ogen Ob ſy nach froͯde kumb̉er hat Secht das ir des nicht lat Benen min̉er frúndin Gebt den brieff vnd daz vingerlin Du weis wol wem es fur*furdas dar nach werden ſol Werbt gefuͦge ſo tuͦt Jr wol Nun was es anderthalb ſo komen Jtonie hett alſo v̉ernomen Das ir bruͦder vnd ir liebſte man Den maget Ins hercz ye gewan Mit ein andren vechtten ſolten Vnd des nit laſzen wolten Do braſt ir Jamer durch die ſchem Wen irs kumers nun geczem Der tuͦt es one minen Rat Sid ſis vngedienet hat Beidú ir muͦtt̉er vnd ir An Die maget fuͦrtent ſund̉er dan Jn ein wenig geczelt ſydin Arnyue weis ir diſen pin Sy ſtraffet ſy vmb ir myſſetat Des was echt do dehein ander Rat Sy verJach aldo verholn Das ſy lange hette verſtoln Do ſprach die maget werd erkant So mir nun mins brud̉er hant Min hercz werch v̉erſchniden Das moͯcht er gern myden Arnyue zu den zwein Junckh̉erlin ſprach / Nun ſagt dem ſunne min Das er mich balde geſpreche Vnd das alleine ſpeche Der knapp ze artuſe gachte Arnyue des gedachtte 6 Si wolt in laſzen hoͯren Ob er moͯcht zerſtoͯren Nach wem der claren Jtonye Was ſo herczenklichen we Des kúnges Gramoflanczes kind Nach Artus komen die kind Die erbeicztēnt vff dem felde Vor dem cleinen gezelde Einer benen ſiczen ſach Bi der dú zu Artuſen ſprach Gicht das du herczogin fúr pris ob min bruͦder min amis Schlecht durch irn loſen rat Des moͯch er Jechen fuͤr miſſetat Er ſolt in min genieſſen lon Was hett der kúng im geton Treit min bruͦder ſinne Er was vnſz̉er zweier mīnne So luter one falſcheit Pfligt er trúwe es wirt Jm leit Sol mir ſin hand erwerben Nach dem kung ein ſures ſterben Herre das ſy úch geclagt Sprach zu Artuſe die ſuͯſze magt Nun denkent ob ir min oͯchain ſit Durch trúwen ſcheident diſen ſtrit Artus vs wiſen munde Sprach an der ſelben ſtunde Owi liebú nyffttel min Das din Jugent ſo hocher mīnne ſchin Tuͦt. das muͦs dir werden ſure Alſo tett ſ din ſchweſter ſordamure Durch den kriechen lamprivre Suͯſze maget gehuͤre Den kampff moch ich wol ſcheiden Wuſt ich das an úch beiden Ob din hercz vnd das ſin geſamnet ſind Gramoflanczes Jrotes kint Vert ſo mit manlichen ſitten Das der kampff wirt geſtritten Es vnderſte denne dú minne din Geſach er dinen liechtten ſchin By froͯden ye zu dehein̉er ſtund Vnd dinen rotten ſuͯſzen mund Sy ſprach das iſt nit geſchechen Wir minnen ein ander vngeſechen Er hatt aber mir durch liebu crafft Vnd durch rechtte geſelſchafftt Sins cleinendes vil geſant Er enpfieng och von min̉er hant Das zer wauren minne gehoͯrtte Vnd vns beiden zwiffel ſtorte Der kúng iſt an mir ſtette An falſches ratten ſtette Do erkante wol frow Bene Diſe knappen zwene Des kunges Gramoflanczes kind Die nach Artus komen ſind Sy ſprach hie ſol niemen ſten Mugt ir heiſſen fúrbas gen Das Volck vs den ſchnuͯren Wil mine frow ruͯrren Soͯlich vngnad vmb ir trut Das mere kunt ſchier úber lut Frow bene her vs wart geſant Der kinder eines in ir hant Sties den brieff vnd daz vingerlin Sy hettent och den hochen pin Von ir frowen wol v̉ernomen Vnd Jachent daz ſẏ weren komen Vnd woͯltten artuſen ſprechen Ob ſy des ruͦchtten zechen Sy ſprach ſtat ver doͯrt hin dan Vncz ich uch zu mir heis gan Von Benen der ſuͯſzen maget Jn dem zeltlin ward geſaget Des Gramoflanczes botten da Werren. vnd fragtten wa Artus der kung werre Das duchtte mich vngebere Ob ich Jn zeicte an das geſpreche Secht was Jch denne Reche An min̉er frowen ob ſy ſie Alſus weinen hie Artus ſprach ſind es die knaben Die ich an dem Ringe nach mir ſach traben Das ſind von hocher art zwey ſchoͯne kint Was ob ſy ſo gefuͯg ſint Gar bewart vor miſſetaut Das ſy wol gend an diſen Raut Eintweder pfligt der ſinne Das er ſins h̉erren minne An miner niffttlen wol ſicht Bene ſprach des enweis ich nicht Herre mag es mit hulden ſin Der kúng het dis vingerlin Da har geſant vnd diſen brieff Do ich nun fúr das pauilun lieff Der kindes eines gab in mir Frow ſent den nement Jr Do ward der brieff vil gekuſt Sy zwang in faſt an ir bruſt Do ſprach ſy herre nun ſecht hie an Ob mich der kúng minne man Artus den brieff nam Jn die hand Daran er geſchriben fand Von dem der minne kunde Was vs ſin ſelbs munde Gramoflancz d̉er werde ſprach Artus an dem brieff ſach Das er mit ſin*ſinnen ſinne Endhafftter minne By ſinen zitten nẏe v̉ernam Do ſtuͦnd das minne wol geczam ⸿Jch gruͯs die ich gruͯſſen ſol Das ich dienſte gruͯs hollen ſol Froͯwlin Jch minne dich Sid du mit troſt troͯſteſt mich Vnſer mīnne gebent geſelſchafftt Das iſt wurczel min̉er froͯden crafftt Din troſt fuͤr alle troſt wiget Sid din hercz gen mir trúwe pfliget Du biſt ſchlos ob min̉er trúwe Vnd ein verluſt mins herczen Ruͤwe Din minne git mir helffe Rat Das dehein̉er ſchlachtte vntat An mir nyem̉er wirt geſechen Jch mag wol din̉er guͯtte Jechen Stette oͯne wenkes ſus Als polus vnd artanticus Gen dem trechmontane ſtet Der deweder von d̉er ſtette gat Vnſer mīnne ſúllen in trúwen ſten Vnd nicht von ein andren gen Nun gedenke an mich werdú magt Was ich dir kum̉ers han geclagt Bis diner heffhelffe an mir nit las Ob dich yemen durch minen has Von mir welle ſcheiden So gedenk das vns beiden Die minne mag wol genonen Du ſolt frow erren ſchonen Vnd la mich ſin din dienſt man Jch wil dir diennen waz ich kan Artus ſprach niftel du haſt gancz war Der kúng gruͯſet dich one var. Der brieff tuͯt mir mere kunt Das ich ſo wunderlichen funt Gen minne nie gemeſſen ſach Du ſolt Jm ſin vngemach Wenden alſo ſol er dir Lat ir das beidu har zu mir Jch wil den kampff vnder varn Die wile ſoltu weinen ſparn Nun were du doch gefangen Sage mir wie iſt es ergangen Das ir ein andren wurden hold Du ſolt in din̉er minne ſold Teilen. des wil er diennen nach Jtonie Artus nyfftel ſprach Sy iſt hie die es zuſamen truͦg Vnſzru dewedre des nie gewuͦg Welt ir ſy fuͯget wol das in geſiche Dem ich mins herczen giche Artus ſprach die zeige mir Mag ich ſo fuͯg ich im vnd dir Das uͤwer wille daran erget Vnd uͤwe beider froͯde geſtet Jtonie ſprach es iſt Bene Och ſind ſin̉er knappen zwene Alhie mugent ir v̉erſuͦchen Welt ir mins lebens geruͦchen Ob mich der kúng welle geſechēn Dem Jch muͦs min̉er froͯden Jehen Artus der wiſe hofliche kunſtenriche man gieng herus zu den Zwein knaben ſan Er gruͦſt ſy do er ſy geſach Der kinde eines zu Jm ſprach Herre der kúng Gramoflancz Juch bittett das ir machent gancz Geluͤptte die da ſy getan Zwúſchen Jm vnd Gawan Durch uͤwer ſelbes erre Herre er bitt úch mere Das dehein ander man Jm gebe ſtrit Juwer her iſt ſo wit Soͯltt ers alles úber fechtten Das gelichet ſich nit dem Rechten Jr ſúlt Gawannen laſzen komen Gen dem der kampff werd genomēn Der kúng ſprach zen kinden Jch wil vns den enbinden Minem neuen geſchach nie groͯſſer leit Denne das er ſelb nit ſtreit Der mit úwerm h̉erren facht Dem iſt des ſiges wol geſchlacht Er iſt Gahmurtes kind Alle die in drin herren ſind Komen von allen ſitten Die gefreiſchen nie gen ſtriten Deheinen held ſo manlich Sin tat dem pris iſt gar gelich Es iſt min neue Parczifal Jr ſult Jn ſechen den nicht gemal ⸿Durch Gawins trúwe not Leiſt ich daz mir der kúng gebot Artus vnd Bene Vnd diſe knappen zwene Ritten har vnd dar Er lie die kind nemen war Liechtt̉er bliken an meng̉er frowen Och mochtent ſeſẏ d*da ſchowen Vff den helmen menig geſchnuͯre Wenig das noch wuͤre Einem man der were Riche Gebart er geſellenkliche Sy koment nicht von den pferden Artus lie die werden V́beral das her die kind geſechen Das ſy den wunſch moͯchten gancz vnd wol ſpechen Ritter megt vnd wib Mengen fletigen lib Des hers waurēn drú ſtuke Do entzwúſchen zwo lucke Artus reit mit den kinden dan Von dem her verre vff den plan Er ſprach*ſprach Bene ſuͯſze maget Du horteſt wol waz hat geclaget Jotnie min̉er ſchweſter barn Dú wenig kan ir weinen ſparn Das globen mine geſellen Die hie haben ob ſy wellen Jtonie het Gramoflancz Erloͯſchet nach dem liechten glancz Nun helffent mir die zwene Vnd och die froͯdenbere Bene Das der kúng her zu mir Ritte Vnd den kampff doch morge ſtrite Minen neuen Gawan Bring ich gen Jm vff den plan Rit aber der kúng huͤt In min her Er iſt morgen deſt bas zu wer Hie git Jm die mīnne einen ſchilt Des ſinen kampfen noſen beuilt Jch meinne gen mīnne hochēn muͦt Der by den vianden ſchaden tuͦt Er ſol hofflich lútte bringen Jch wil hie tetingen Zwúſchen Jm vnd der herczogin Nun werbent es trut geſellen Zem beſten min Mit fuͦge des habt ir erre Jch ſolt úch clagen mere Was hab ich vnſelig man Dem kúng Gramoflancz getan Das er gen minen kunge pfliget Das in doch lichtte vnhoge wiget Minne vnd vnminne gros Ein Jeglich kúng min genos Moͯcht min gerne ſchonen Wil er nun mit haſſe lonen Jr bruͦder die in minnet Wenne er ſich verſinnet Sin hercz tuͦt von minne wank Ob es in leret den gedank Der kind eines zem kúnge ſprach Herre wes ir fúr vngemach Jechent das ſol min herre lon Wil er rechtte fuͦge han Jr wiſſent wol vmb den altten has Minem h̉erren ſtett bliben bas Denne das er zu úch Ritte Die herczogin pfligett noch ſitte Das ſy im ir hulde hat v̉erſaget Vnd mengem man úber Jn geclaget Er ſol mit wenig lutten komen Sprach der kung die wil vnd ich han vernomen Einen fride fuͤr den ſelben zorn Von der herczogin wol geborn Jch wil im guͦt geleitte tuͦn Beakurs min̉er ſchweſter ſuͦn Sende ich Im zem halben wege Er ſol frilich farn In mins geleittes pflege Des darff er nit fuͤr laſter Jechen Jch las in werde lutte ſechen Mit vrlob ſy ſchiedent dan Der kúng beleib enig vff den plan Bene vnd dú zwey kindelin Ze Roitſcheſabins Ritten Jn Anderthalb vs da daz herre lag Do gelepte nie ſo lieben tag Gramoflancz do zu Jn ſprach Bene vnd die kinde ſin hercze Jach Jm weren ſoͯmliche mere bracht Der ſelde fur in het erdacht Er ſprach er woͯlt gerne komen. Do ward geſelſchafft an ſich genomen Sins landes fuͤrſten drẏ Die Ritten dem kúng bẏ Als tett och der oͯchain ſin Der kúng Brandelidelin Bernowt de Rivers Vnd affinamus de Cletiers Yettwedre einen geſellen nam Der vff die Reiſe wol gezam ZwoͯffeZwoͯlffe waurent ir uberal xij ZwoͯffeZwoͯlffe: Römische Zwölf xij über ZwoͯffeZwoͯlffe; wohl zur Erinnerung an die Korrektur? Junckh̉erren vil one zal Vnd manig ſtark ſariant Vff die Reiſe waurent benant Welhe der Ritt̉er cleid̉er mochten ſin Pfelle der vil liechten ſchin Gab von dem goldes ſchwere Des kúnges falknere Mit im dan durch beiſzen Ritten Nun hette artus nit v̉ermitten Beakurs den liechtten gefar Santte der zum halben wege dar Dem kúng ze einem geleitte Vber das gewildes brete breite Es werre tiſch oder bach Wa er die paſſaien ſach Do reit der kung durch beiczencz willen her Vnd mere durch d̉er minne ger Beakurs in do empfieng Alſo das es mit froͯden ergieng Mit Beakurſen komen ſind Merre denne fuͤnffzig cleine kind Die von artte gabent liechtten ſchin Das ſy die minne lerte pin Herczogen vnd greuelin Da reit och eczlich kunges ſuͦn Man ſach da gros empfachen tuͦn Von den kinden zú beider ſitt Die empfiengent ein andren oͯne nid Beakuͦrs truͦg farwe liecht Der kúng ſich frage ſchwinde nicht Jm ſagte bene mere Wer der clare Ritt̉er were Es iſt beakúrs lotes kind Do dachter hercze nun vint Sy. dú dem gelich Der hie Rittet ſo minenklich Sy iſt benamen ſin ſchweſt̉er Dú geworcht in ſinceſter Mit ir ſperwer ſanttent mir Jr huͦt Ob ſy mir gnade tuͦt Ob dú erde were noch ſo breit Als erdeſche Richeit Da fuͤr neme ich ſy einen So ſolcz mir trúwen meinen Vff ir gnade kom ich hie Sy hat mich getroͯſtet ye Jch getrúwe Jr wol daz ſy mir tuͦt Da von ſich hochet bas min muͦt Er nam ir claren bruͦders hand Jn die ſinen die was ocht liecht gnuͦg erkant Nun was es och in dem her ſo komen Artus het do genomēn Einen friden von der herczogin Der was ergeczent gewin Komen nach Cidegaſte Den ſy e clagtte ſo vaſte Jr zorn waz nach v̉erdeket Wan ſy het erweket Von Gawin etſtlich vmbefang Da von ir zuͤrnen waz ſo krank Artus der Britonois Nam die claren frowen kurtois Beidú Maget vnd wib Die truͦgent fletigen lib Er hett der werden hund̉ert Vnder ein zelt beſunder Nicht lieber mocht Jr ſin geſchehen Das ſy den kúng ſolte ſechen Jtonie dú och da ſas Vnd ſtetter froͯden nit v̉ergas Do kos man an ir ogen ſchin Das ſy die minne lerte pin Da ſas menig Ritt̉er liecht gemal Doch truͦg der werde parczifal Den pris vor and̉er clarheit Gramoflancz an die ſchnuͯre reit Do frowttefuͦrte der tegen vnerforcht frowttefuͦrte: frowtte wurde mit roter Tinte gestrichen. fuͦrte hingegen wurde mit schwarzer Tinte am linken Rand notiert. Die Reihenfolge der in verschiedenen Tintenfarben ausgeführten Korrekturschritte kann nicht abschliessend geklärt werden. Jn kanfaſſaie geworcht Einen pfellen von golde veſten Der begund vere gleſten Sy erbeicztent die da komēn ſind Des kúnges Gramoflanczes kind Manigiú fuͤr in ſprungen Jn das pauelun ſy trungen Die kamerere Jn wider ſtrit Rumtent in ein ſtraſſe wit Gen der britteneiſter kúngin Sy oͯchain Brandelidelin Vor dem kung in daz pauelun gieng Gynouer den mit kuſſe empfieng Der kúng ward och empfangen ſus Bernouet vnd affinamus Die kúngin man kúſſen ſach Artus zu Gramoflanczen ſprach E ir ſiczent beginnet Secht ob ir deheine minnent Dirre frowen vnd kúſſent die Juch beiden ſy das erlobet hie Jm ſagtte wer ſin frúnde waz Ein brieff den er ze felde las Jch meine das es ir bruͦd̉er ſach Die im vor der alle welte Jach Jr werden minne togen GgramoflanczGrramoflancz oͯgen Erkanttent die die Im mīnne truͦg Do was ſin froͯde hoch gemuͦt Sid artus erlopte das Das ſy beidú ein andren one has Mit gruͦſzen teten empfachen kunt Er kuſte Itonie an den mund Do ſas der kúng Brandelidelin Zu Gynovern der kúngin Och ſas der kung Gramoflancz Zu der dú ir liechtten glancz Mit weinen hett begoſſen Des het ſy ſin genoſſen Er en wel vnſchuldig Rechen Sus muͦs er zu ir ſprechen Sin dienſt nach minne bietten Sy kond och ſich des nietten Das ſ**mſy im danket vmb ſin komen Jr rede von niement ward v̉ernomen Sy ſachent ein andren gerne Wenn ich nun reden gelerne So pruͯfe ich was ich ſprechen kan einttweder nein oder ia Artus zu Brandeleſlin Sprach. ir habt dem wibe min Júwer mere nun gnuͦg geſaget Er fuͦrtte den held vnủerczaget Jn ein minre geczelt Kurczen weg úber felt Gramofrancz ſas alle ſtille Das was Artus wille Vnd ander die geſellen ſin Do gaben frowen liechtten ſchin Das die Ritt̉er wenig by in verdros Jr kurczwille was ſo gros Sy mochtten ein man gern doln Der nach froͯde ſorgen wolt erholn Fuͤr die kúnginne man truͦg Das trinken trunken mag geſin. Der Ritter vnd die frowen fin Die Ritter vnd der frowen ſchar Sy wurden deſt bas gewar Man truͦg och trinken doͯrt h̉er In Artus vnd Brandelidelin Der ſchenk gieng gieng wid̉er dan Artus ſine red alſus huͦb an Her kúng nun lat ſicz alſo tuͦn Das der kúng úwer ſchweſt̉er ſuͦn Min̉er ſchweſter ſun mir het erſchlagēn Vnd wolt er denne minne tragen Gen min̉er niffttlen der maget Du Jm ir kumber och doͯrt clagt Da wir ſy lieſſent ſiczen Fuͯre ſy den mit wiczen Sy wurde im niem̉er darumb hold Vnd teilte im *haſſes ſoͯlichen ſold Das es den kúng moͯcht verdrieſſen Woͯlt er icht genieſſen Wa has die minne vnd̉er fert Dem ſtetten herczen es frode wert Do ſprach der kúng von puͦntruͦeis Zu Artus dem pritonois Herre ſy ſind vnſer ſchweſt̉er kind Die gen ein andren in haſe ſind Wir ſullent den has vnder ſten Denne mag anders nit ergen Wan das ſy ein andren minnen Mit herczen vnd mit ſinnen V́wer nyftel Jtonie Sol minem neuen gebietten E Das er den kampff durch ſy verler Sid das er ir minne ger So wirt der kampff vermitten Gar mit ſtritlichem ſitten Vnd helffent och dem neuen min Hulde da zer herczogin Artus ſprach das wil ich tuͦn Gawin min̉er ſchweſt̉er ſuͦn Jſt wol ſo gewaltig ir Das ſy im vnd mir Durch ir zucht die ſchulde ergit So ſcheident ir diſhalb den ſtrit Jch tuͦn ſprach Brandelidelin Sy giengen beidu vnder Jn Do ſas der kúng von puͦntruͦteis Zu Gynovern d̉er waz och kurteis Anderthalb ſas Parczifal Der was och ſo liecht gemal Es en ward nie Ritt̉er bas getan Artus der kung huͦb ſich dan Gen ſinem neuen Gawan Dem was zu wiſſen getan Der kung Gramoflancz werre Zu hoffe komen Do ward och ſchier von Jm v̉ernomēn Artus erbeiczte vor dem gezelt Gen dem ſprang er vff daz felt Sy truͦgen das zuͦ ſamen da Das die herczogin ſprach ſuͦne Ja Vnd anders nit deheinen wis Wan ob Gawin ir amis Woͯlte den kampff durch ſy v̉erbern So woͯlte ſy den ſuͦnnen wern So wurde der ſuͦne von ir geton Vnd ob der kúng woͯlte lon Die zig vff ir ſchwech̉er Lot By artus ſy das dan enbot Artus der wiſe loͯffſchehoͯffſche man Diſe mere brachtte dan Do muͦſt der kúng Gramoflancz Verkieſſen vmb ſinen crancz Vnd was er haſſes pflege Gen Lott von Norwege Das zergieng als in der ſunnen tuͦt ſchne Durch die claren ytonie Lutterlichen oͯne has Das geſchach die wil er by ir ſas Alle ir bett er volge Iach Gawinen man do komen ſach Mit clarlichen lútten Jch mag úch nit gar betútten Jr namen vnd wannen ſy ſind geborn Do ward durch lieb leid v̉erkorn Orguluſe die frye Vnd ir werden ſoldiere Vnd och du Clinſhor ſchar Jr ein tail ſy waurencz nit gewar Sach man mit Gawan komen Artus geczelt was genomen Dú winde von dem huͦte Arnẏue die guͦtte Seyue vnd kundrie Die hett Artus gebetten E An dirre ſun teting Wer pruͯffe das fuͤr cleine ding Der groſe was er wele Jofrid Gawins geſelle Fuͯrtte die herczogine liecht erkant Vnders pauelun an ſin̉er hand Dú pflag durch zucht d̉er ſinne Die dry kunginne Lie ſẏ vor ir gen dar Jn Die kuſten Brandelidelin Orguluſe in darnach empfie Gramoflancz durch ſuͦne gie Vnd vff gnade gen ir dar Jr ſuſzer mund rot gefar Den kúng durch Suͦne kuſte Des ſy doch lúczel luſte Sy gedach an Cidegaſtes tod Do zwang ſy liplich not Denoch in ir Rúwe Welt ir des ich fúr trúwe Gawin vnd Gramoflancz Mit kuſſe irn ſuͦnne machtent gancz Artus gab Jtonie Gramoflancz zu rechtte E Da hat er vil gedienet nach Bene was fro do gadas geſchach Den och Jr minne lerte pin Dem herczogen von Gowerczin Lyſchoyſe wart wart kondire ge=geben Ane froͯde ſtuͦnd ſin leben Vncz er ir werde minne empfieng Dem Turkoite florant Artus Seyuen ze wibe bot Die hette do vor der kúng*kúngis lot Der fúrſte och ſy vil gerne nam Dú gabe minne wol geczam Artus was frowen milte Soͯmlicher gab in nit beuilte Des was mit Ratte vor gedacht Do diſe red was volbracht Do ſprach die herczoginne Das gawan hett ir minne Mit priſe gedient ſo hoch erkant Das ir libes vnd úber Jr land Von Rechtte herre were Dú Rede duchtte ſchwere Jr Soldire die menig ſper Brachen durch ir minne ger Gawan vnd die geſellen ſin Arnyue dú kungin Vnd der werde parczifal Vnd die herczogin liecht gemal Seuye vnd kondrye Namen vrlob Jtonie Beleib by artus da Nun bedarff mich niemen fragēn Wa. Schoͯne hochzit ergieng Schoͯne: Die zwei Pünktchen über dem o wurden mit roter Tinte ausgeführt. Gynover in Jr pfleg do empfieng Jtonye vnd ir amis Den werden kúng d̉er mengen pris An Ritterſchafftt dicke er arranc Des Jn Jtonie minne zwank Ze herberge do menger reit Den hoche minne lerte leit Des abens vmb ir eſſen Mugen wir mere wol v̉ergeſſen Wer do werde mīnne pflag Der wunſchte echt nach fur den liechten tag Der kung Ga*Gramoflancz enbot Des zwang Jn hochfertigu not Ze Roitſche ſabins den ſinen Sy ſoͯltent ſich des pinen Das ab brechen by dem mere Vnd vor tage kome mit ſinem here Vnd das ſin Marſchalk neme Stat dú har wol gezeme Mir ſelben pruͯffet hoche ding Jeglich fúrſt ſund̉er ring Das ward durch hochfart erdacht Die botten fuͦren do waz es nacht Man ſach da mengen trurrigen lip Den das geleret hatten wib An wem ſin dienſt verſchwindet Das er lons nit findet Dem muͦs gen ſorgen weſſen gach Da reiche wibe helffe nach Nun dachtte aber parczifal An ſin wib die licht gemal Vnd an Jr kúnſche ſuͯſſe Ob er dehein and̉er gruͯſe Das er dienſt nach minne biette Vnd ſich vnſtette niette Soͯlich minne wurd von Jm geſpart Gros truͤwe het Jn ſo bewart Sin manlich hercze vnd ſin lib Es ward fuͤr war nie and̉er wib Gewaltig ſiner minne Núwan die kúnginne Kúndwiramuͦrs Die geflorierte Beafluͦrs Da gedacht er ſid ich minen kan Wie hat die minne an mir getan Nun bin ich doch vſz minne erkorn Wie han ich minne ſus verlorn Muͦs ich nach dem Grale Ringen Doch muͦs mich Jamer zwingen Jr kúnſchlicher vmbefang Von der ich ſchied es iſt ze lang Sol ich mit den ogen froͯde ſechēn Vnd ſol mirs hercze Jamers Jechen Dú werck ſtend vngeliche Hoches muͦttes Riche Wirt nyement ſoͯlich̉er pflichte Gelúck mich berichtte Was mir daz wegſte darumbe ſẏ Jm lag ſin harnatſch nache by ⸿Do dachter ſid ich mangel han Das den ſeldenhafftten vndertan Jſt. Jch meine die minne Dú menges truͤrrigen ſinne Mit froͯde helffe ergeilet Sid ich bin der verteilet Jch Ruͦchen was mir geſchicht Got wil min̉er froͯde nicht Du mich zwinget minne gir Stuͯnde vnſer minne mir vnd Jr. Das ſcheiden do zuͦ horte So das vns zwiffel ſtorte Jch mochtte wol ze andrere Minne komen Nun hat ir minne mir genomēn Froͯwde vnd and̉er minen troſt Jch bin trurens vnerloſt Gelúck muͦs froͯden weren Die endhaffter froͯden wern vnd och gern Got gebe froͯde alle diſen ſcharn Jch wil vſz diſen froͯden farn Er grieff hin da ſin harnaſch lag Des er dicke alleine pflag Das er ſich balde wapnet drin Jch wil nun werben hochen pin Do der froͯden fluchent man Als ſin harnach hat an Er ſaltecz ros mit ſin̉er hand Schilt vnd ſper bereit er fand Man hortte ſine reiſe des morgens Von mengem clagen Do er danen ſch*ſcheid do begund er tagen Vil lútte daz her v̉erdroſſen Den dis mere was vor beſchloſſen Gnuͦg kundencz nit erfarn Nun wil ich das leng̉er nit ſparn Jch tuͦs úch kunt mit Rechtt̉er ſage Wan Jch In dem munde trage Das ſchlos dirre Auentúre Wie der ſuͯſz vnd der gehúre Anfortes ward wol geſund Vns tuͦt die Auenture kunt Wie von pelrapire dú kúngin Jr kúnſchen wiplichen ſin Behielt vncz an ir lones ſtat Das ſy in hochen ſelden trat Parczifal das wirbet Ob min kunſt nit verdirbet Jch ſage allereſt ſin arbeit Was ſin hand ye geſtreit Das was mit kinden gar geton Moͯcht ich des meres wandels mit fuͯge han Jch woͯltt in vngerne wagen Des konde och mich betragen Nun beuilch ich ſin gelúke Sin hercze der ſelden ſtúke Da dú frewel by d̉er kunſche lag Wan es nie zagheit pflag Das muͦs Jm veſtunge geben Das er behalt nun ſin leben Sid es ſich hat anden gezoget Jn beſtett ob allen ſitten en voget Vff ſin̉er vnủerczagtten reiſe Der ſelbe kurteiſe Was ein heidenſcher man Des toffes kunde e nie gewan Parczifal reit balde Gen einem groſſen walde Vff einen liechtte vaſte Gen einem Richen gaſte Es iſt wund̉er ob ich arm̉er man Diſu Richeit úch geſagen kan Die der heiden fur zimirede ſchone truͦg Sage ich des mere denne gnuͦg gnuͦg : Supraskript eigentlich auf dem der Form nach vom u ununterscheidbaren n. Eventuell müßte man also die Verschreibung guͦng oder gar guͦug ansetzen. Dennocht mag ich uch mere wol ſagen. Wil ich ſin̉er richeit nicht v̉ertagen Was diente artus hand Ze Britanie vnd mengenland Das vergultte nit die ſteine DaDie mit edlen arte reine DaDie: Autopsie: Unentscheidbar, ob Korrektur oder nur verwischte Buchstaben vorliegen. Die Schlaufe des e scheint auf jeden Fall nochmals angesetzt worden zu sein. Unter Umständen ist auch das folgende mit gestrichen, hier liegt aber wohl eher Verwischung der Tinte vor. Lagen vff des helden wauffen Rok Die wauren túrre oͯn al get̉rok Rubine Calcidone Wauren da zu ſchwachem lone Der wappenrok gab blanken ſchin Jn dem berg ze Agromontin Die wúrme ſalamander Jn worchten zein ander Jn dem heiſſen fuͤre Die waren ſteine tuͤre Lagent daruff dunkel vnd liecht Jr art mag ich genomen nicht. ⸿Sin ger ſtund nach minne Vnd nach priſes gewúnne Das gaben och almeiſtig wib Da mit d̉er heiden ſinen lip Koſtlich zimiertte Dú minne kundiuierte Jn ſin nanlich hercz hochen muͦt Als ſy noch den minne gerenden tuͦt Er truͦg ach durch priſe lon Vff ſinem *helm ein Ecidemon Welhe wurme ſind eitt̉erſchafftt Von des ſelben tierlins krafftt Hand ſy lebens keine friſt Wen es von Jn erſchmeket iſt Thaſme vnd aribi Sind vor ſoͯlichen pfelle frẏ ſoͯlichen: Oder liegt ſolichenſoelichen vor? Als ſin ros truͦg Couenture Der vngetouffet gehúre Rang nach wibes lone Des zierret er ſich ſchone Der ſelb werliche knabe Het in ein̉er wilden habe Zu dem forcht gankert Vff dem mere Er het funff vnd zweinczig here Der deheins des andren ſprache recht venam Als ſin̉er richeit wol geczam Alſus menig ſund̉er land Dientte ſin̉er werden hand Moren vnd ſarazine Mit vngelichem ſchine Jn ſinem witten geſamnottēn her Was menig wund̉erliche wer Och reit nach auentúre dan Von ſinem her dirre enig man Durrch baiczen indas forcht Sit ſy ſelben nomen In daz recht Die kunge ich las ſy ritten Alleine nach pirſe ſtritten Parczifal reit nit eine Da was mit Im gemeine Er ſelb vnd och ſin hoch̉er muͦt Der ſo manlich wer da tuͦt Das dú wib ſolten loben Sy woltent denne durch Jr Laſzheit toben Hie wellent ein andren varen Die mit kunſche lember waren Vnd loͯwen ander kunſcheit Owe ſid dú erde waz ſo breit Das ſy ein andren nit v̉ermitten Die do vmb vnſchulde ſtritten Jch ſorge des den ich han bracht Wan das Jch troſtes han gedach Jn ſul des Grals craff erneren Jn ſol och dú minne wern Den was er beiden dienſthafft Ane wank mit dienſtes krafftt Min kunſt mir des nit wicze git Das ich geſage diſen = ſtrit Beſcheidenlich als er ergienk Yettweders ogen plik empfieng Das er denandren komen ſach Deweders hercz darumb froͯde des iach. Da ſtund en trurren nach bẏ Die luttrem tumpheit frẏ Jettwedrer des andren herczen by im truͦg Jr fremde waz heimlich gnuͦg Nune enmag ich diſen heiden Von dem getofftten nit geſcheiden Sy wellent has erczeigen Das ſelt Jnfroͯde neigen Die ſind erkant fur guͯtte wib Jettweder durch frúndīnne lib frúndīnne: Kürzungsstrich ist aus dem e gezogen, es wäre auch Lesung frúndinēn möglich. Sin *Roch gen der herte bot Glúck ſy ſchoide on den tod Den loͯwen ſin muͦtt̉er tod gebirt Von ſins vatter galm vnd geſcheẏ er lebendig wirt Diſe zwen wauren vſer krache gancz erborn Von mengen ſtrit vſz pris erkorn Sy konden och mit ir tioſte Mit ſper zerend̉er koſte Liſierten ſy die zoͯme Kurcztens vnd taten goͯme Wenn ſy puniertten Das ſy nit fallierten Sy pflagen vnủergeſſen Da ward vaſt geſeſſen Vnd gem*gendem ſtrit geſchiket Vnd dú Ros mit ſporn gezwiket Hie wart t*die tyoſt alſo ſcharpff geritten Hie: 3 Zeilen für Initiale ausgespart, die ausgeführte Lombarde reicht aber zusätzlich noch 2 Zeilen nach oben, also bis 739.01, etwa absichtlich bis zum Beginn des Dreißigers? Beide collir v̉erſchnitten Mit ſcharpffen ſpern die ſich nit bugen Die ſpidlen von d̉er tyoſt flugen ſpidien: Oder ist ſpidlen zu lesen? Es hett der heiden gar fuͤr has fuͤr: Zusätzlich zur ue-Ligatur ist das Wort noch mit Akzent über u versehen. Das dirre man vor im do geſeſſen was Won das nie man vor Jm pflag Gen dem er ſich ſtrittes bewag Ob ſy die ſchwert Jch fuͦrten Do ſy ein andren Ruͦrtten Dú waurent do ſcharpf vnd alle bereit Jr kunſt vnd ir manheit Ward do erczeiget ſchiere Etidomen dem tiere Wart etſchlich wunde do zu mal geſchlagen Es mochte der helm dar vnnd̉er wol clagen Dú Ros von muͯden wurden do heis Sy verſuͦchtten mengen nú=wen kreis Sy beidú ab den Roſen ſprungēn Aller erſt dú ſchwert erklungēn Der heiden tett dem getofftten we Des krie was Thaſme Vnd wenn er ſchrite Tabruͦnit So tett er fúr ſich einen trit Werlich waz der getoufftte Vff mengen trette loͯfftte Den ſy zu einandren taten Jr ſtrit was ſo geratten Das ich die Rede nit gern v̉ertagen Jch muͦs ir beider ſtrit mit wau=ren trúwen clagen Hie ſtrit parczifal mit einem heiden zu ros vnd zu fuͦs vnd brach parczifaln ſin ſch=wert vn*vnd wauren bruͦd von dem vatter Gahmuretten Sid ein werch vnd ein bluͦt. Solich vngnade ein andren tuͦt Sy waurent doch beidú eins Mannes kind Der gelúttrerter trúwe ein fundament Den heidenminne nie v̉erdros Des was ſin hercz In ſtrite gros Gen priſe truͦg erwillen Durch die werden kúnginnen Secundillen Du das land zu Tabilibot Jm gab die was in ſtrit ſin not Der heiden nam an ſtrite zuͦ Was tuͦn ich dem getofftten nuͦ Er enwelle an minne gedenken So enmag er nit entwenken Jm muͦs dirre ſtrit erwerben Von heidens henden ſterben Das wende tugenthafft̉er Gral Kunduwiramuͦrs dú liecht gemal Hie ſtet úwer beid̉er dienſtman Jn der groͯſten not die er ye ſin tag gewan Der heiden warff daz ſchwert vff inder hand hoch Manig ſin ſchlag ſich ſuſt zoch Das parczifal kam an die knie Man mag wol ſprechen ſuſt ſtritten ſy hie Der ſy beide nemen wil ze zwein Sy wauren doch beidú nun ein Min bruͦder vnd iſt daz iſt ein lip Alſo iſt der man vnd das wip DEr heiden tet dem getoff=ten we Des ſchilt was holcz hies aſpinde. Das enfullet noch en=brint. Er was von ir geminnet Die in Im gab des ſind gewis Tuͦrkoiſe criſopraſſis Smarade vnd Rubine Vil Steine mit ſund̉er ſchine Waurent verwurket durch hofflichen pris Alumb vff dú buckes Ris Vff dem buckel ſnhuſe ſtund Ein ſtein des namen tuͦnich uch och kunt Atrax dort genemet Karfunkel hie bekennet Durch der minne kundwiere Etidemon das Reine tier Het im ze wapen geben Jn der gnaden er woͯlte leben Die kúngin Secundille Dis wappen waz ir wille Da ſtreit der trúwen luterheit Gros trúwe aldo mit trúwen ſtreit Durch minne hetten ſi ir leben Mit kampffe vff vrteil geben Ettweders hant was ſich̉erbot Der getoͯfftte wol getrúwte got Sider von trefrizent ſchied Der Jm ſo herczenklichen riet Er ſolte helfe an in gern Der in ſorgen froͯde kunde wern Der heiden truͦg ſtarku lid Wenn er ſchriet tarburnit Das der kúngin ſecundille waz Von der montange kankaſas So gewan er núwen hochen muͦt Gen dem er ye was behuͦt Vor ſoͯliches ſtrittes uberlaſt Er waz ſchumpfentúre ein gaſt Das er nie gedolte Doch ſich menger zu Jm erholte Mit kunſt ſy die arm erſchwungēn Fúres blike vs helmēn ſprungēn Von ir ſchwert gieng d̉er ſure wint Got ner *da Gahmuretes kind Das wunſchen wirt in beiden Dem getofftten vnd dem heiden Die nampt ich E fúr einen Sus begund ſis och meinen Weren ſy ein and̉er bas bekant Sy ſacztent nit ſo hoche pfand Jr ſtrit galt nit mer Wan froͯd ſeld vnd erre Wer da den pris gewinet Ob der in trúwen minnet Weltliche froͯd er hat verlorn Vnd ym̉er hercze rúwe erkorn Wes ſumeſtu dich parczifal Das du an die kunſchen liecht gemal. Nit gedenkeſt ich moi=ne din ſchones wib Wiltu behaltten dinen lib DE heiden truͦg geſelſchafft Dar an doch lag gancz ſin meiſterſchafft Eini daz er minne pflag Die mit ſtette in ſinem herczen lag Das ander wauren ſteine Die mit edlem arde reine Jn hoche gemuͯtte lerten Vnd ſine creft merten Mich muͯt daz d̉er getoffte An ſtrite vnd an lofftte Sus muͯdet an ſtarken ſchlegen Ob im nun nit gehelffen moͯgen Kondwiramuͦrs vnd der Gral Werlicher parczifal Nun muͦſteſt doch ein troſt nun haben. Das die claren ſuͯſzen knaben. So fruͦmt verwiſſet ſind. Kard*Kardeis vnd Lochrangrin Dú beidu lebendig truͯg ſin wib Do er Jungſt vmbe fieng ir lib Mit rehter kunſche erwurben kind. Jch wenne du des manes ſelde ſint Der getofftte nam an krefftten zu Er gedacht daz was im nit zu fruͦ An ſin wib die kunginne Vnd an ir werden minne Die er mit ſchwertes ſchimpff errank. Da fúr vs helmen von ſchlegen ſprangk Vor pelrapire an clamide ThabuͦnitThabuͦrnit thaburnit vnd Thaſme Den ward hie wid̉erruͦff ge=wegen Parczifal begunde och pflegen Das er pelrapiere ſchriet*ſchriete Kuͦndewiramuͦrs kam by zite Durch vier kungriche aldar Sy nam mit minnen kreftte war. Do ſprungen des ich do wene. Von des heldes ſchilte ſpene. Eczlicher hundert marken waz werd Vnd kacheveis daz ſtarke ſchwert Mit ſchlegen vff des heidens helme braſt So das der Riche kuͯne gaſt Mit ſtruchen venie ſuͦchte Got des nit leng̉er Ruͦchtte Das parczifal das rer nemen Jn ſin̉er hende ſoͯlte zemen Das ſchwert er Jhter nam Als ſin̉er tumpheit do wol geczam Die er nie geſeit durch ſchwertes ſchwank Der helde ſchnellenklich do vff== ſprang Es iſt noch vngeſcheiden Ze vrteil ſtet in beiden Vor der hoͯchſten hende Das dú ir ſterben wende Der heiden waz muͦttes Riche Der ſprach do hoffenliche Jn franczois das er konde Vs heideniſche munde Jch ſiche wol werlichen man Din ſtrit wurde aͯn ſchwert getan Was priſes beiaggte ich den an dir SandStand ſtille vnd ſage mir Werlich̉er held wer du ſis Fúr war du hetteſt minen pris behapt der lange iſt mich gewert Wer dir zerbroche nit din ſchwert Nun ſy von vns beiden fride Vncz vns gerúwen bas die lide Sy ſaſzen nid̉er vff das gras Manheit by zucht an beiden waz Vnd ir beider Iar von ſoͯmlich̉er zit Ze Junck noch zu alt ſy beide vff ſtrit Der heiden zu dem getofftten ſprach Nun glob held das ich geſach By min̉er zitt noch nie den man Der bas den pris moͯchte han Den man Jn ſtritte ſo beiagen Nun Ruche mir held mir beidú ſagen Dinen namen vnd dine art So iſt wol bewendet hermin vart Do ſprach herczelauden ſun Sol ich das durch forchte tuͦn So darff es nyemen an mich begern Sol ichs betwungenlichen wern Der heiden von Thaſine Thaſine: Autopsie: Punkt stammt vom Schreiber, aber unentscheidbar, ob als i-Punkt gedacht bzw. auf welchen Schaft er stehen soll. Sprach ich wil mich nemen E Vnd las das laſter weſen min Jch bins feirefis von anſchevin So Riche wol das min̉er hand Mit Reiſe dient manig land Do diſe Red von In geſchach Parczifal zum heiden ſprach Wa von ſind Jr ein Aſchevin Anſhowe iſt von erb min Burge lant vnd ſtett Herre ir ſult durch mine bet Einen andren namen kieſſen Soͯlt ich min land verlieſſen Vnd die werden ſtat Ba*Bealzanan So het ir mir gewalt getan Jſt v́nſer dewed̉er ein aſchevin Hie zerbrach Parczifal ſin ſchw̉ert vnd wolt d̉er heiden nit me mit Jm fechtten vnd erkunnetent beid ein andren von Jr art vnd namēn vnd ſprungent vff vnd hielſent ein andren vnd waurent fro. Das ſol ich von arte ſin Doch iſt mir fuͤr war geſaget Das ein held vnủerczaget Wonne inder heiden ſchafftt Vnd habe mit ritt̉erſchafftt krafft Minne vnd bris behaltte behaltte: Ansatz zu weiterem Buchstaben am Wortende. Das er muͦs beider walten Der iſt zu bruͦder mir genant Sin hand ſige da ze pris erkant Aber ſprach do parczifal Herre uͯwers antlittes mal Het ich die kuntlich erſechen So wurde uch ſchier von mir veriechen Als mir kunt iſt geton Herre welt irs an mich lon So enbloͯczent úwer hobet Ob ir mirs gelobent Min hand úch ſtrittes gar v̉erbirt Vncz es ander ſtund gewapnet wirt Do ſprach d̉er heideſchwe man. Dins ſtrites Jch wenig angſt han Stuͯnd ich gar blos ſid ich han Schwert. Du wereſt doch ſchumpfentuͤre gewert Sid din ſchwert zerbrochen iſt Al din werlicher liſt Mag dich vor tode nit bewarn Jch welle dich and̉ers gern ſparn eE du bed*begundeſt Ringen eE: Vor der Zeile ein Halbbogen, möglicherweise als e aufzufassen. Ursprünglich als Initialvorschreibung gedacht? Oder als Alineazeichen? Oder Hinweis auf das nur aus einem Buchstaben bestehende Wort? Min ſchwert das lies ich tringēn Beidu durch yſen vnd durch fel Der heiden ſtark vnd ſchnel Tet manlich ſinen ſchin Das ſchwert ſol v́nſz dewedr̉ers ſin. Er warff der kuͯne tegen bald. Vere von Jm inden wald Er ſprach ſol nun ſtrit hie ergen Das muͯs glich ſchancze ſten Do ſprach der Rich feirefis Herr durch din̉er zuchtten flis Sid du bruder mugeſt han So ſage wie iſt er geton Tuͦ mir ſin antlút erkant Wir dir ſige ſin antlút erkant Och wie dir ſin varwe bekant Do ſprach herczelaudes kind Als ein geſchriben permit Schwarcz blank her vnd dan Alſo nande mir In Eckuba Der heiden ſprach der bin Ich Sy beide ſich ſumpten ſich Yettwedrer ſin hept geſchiere Vom helme vnd von herſniere Enbloczten an der ſelben ſtund Parczifal fand hochen fund Vnd den liepſten den er ye gewan vnd vant Der heiden ſchiere ward bekant Won er truͦg eingeleſtret mal Feirefis vnd parczefal Mit kuſſe vnderſtunden has Jn zwenie och fruntſchafftt waz Denne gen ein andren hercze nid Truͤwe vnd liebú ſchiet den ſtrit Der heiden do mit froͯden ſprach O wol mich das ich dich ie geſach Des werden Gahmurtes kint Alle min goͯtt des eerret ſind Min goͯttine Juno. Des priſes mag wol weſen fro Min creftig got Jupiter Dirre ſelden was min gewer Goͯtte vnd goͯttinene Júwer krafftt ich ymer minne Geret ſy des planeten ſchin Dar Jnne dú Reiſú min Nach auentúre ward getan Gen der dir forchtliche ſuͯſze man Das mich von din̉er hand gerow Gret ſy luftte vnd tow Das hútte morgen vff mich reis Minen ſchlúſſel kurteis O wol die wib dú dich ſúlen ſechen. Was doch den ſe*ſeldēn iſt geſchechen Jr ſprechent wol ich ſprich bas Ob ich das kúnde one has Nun bin ich leider nit ſo wis Das úwer wirdelicher pris Mit worten múge gehochet ſin Got weis aber wol den willen Min. Was ogen vnd hercze kunſte hand. An mir dú beidú nit erland Juͤwer pris ſagt vor ſy volgent Nach. Das nie von Ritters hand geſchach. Mit groſſer not fúr war ichs weis. Denne von úch ſprach der von Kanuoleis Do ſprach der Riche feirefiz Jupiter hat ſinen flis Werder held geleit an dich Du ſolt nit mer yerczen dich Wir hetten doch beidu einen vatt̉er Mit Brúdenlich̉er trúwe bat er Das er ierczens Jn erlieſſe Vnd in druczlichen hieſſe Dú rede was parczifaln leid Do ſprach er bruͦd̉er uwer Richeit Gelichet wol dem Baruͦc ſich So ſind ir eltter och den Ich Min Jugent vnd min armuͦt So ſoͯlich̉er loſzheit ſin behuͦt Das ich úch duczen biette Wenne ich mich zuchte niete Der von trabilibot Jupiter ſine n*got Mit worten erte mengen wies Er gab ach vil hochen pris Sin̉er goͯttine IoneIvno Das ſy das wette fuͦgtte alſo Da mit er vnd alle ſine her Gen dem lande von den mer Lant veſte nomen Do ſẏ zu ein andren komen An der ſtund ſy nid̉er ſaſzen Die beidú des nit vergaſſen Sy bútten ein and̉er ere Der heiden ſprach do mere Jch wil dir lon zwey Rechtu land Dienſtlich ym̉er din̉er hand Die min vatt̉er vnd d̉er din erwarb Do der kung yſenhart erſtarb Zaramant vnd azagovc Sin manheit nyeman trovc Wan das er lies v̉erweiſet mich Gen minem vatter dem gerich Jſt minhalb noch vnủerkorn Sin wib von der ich bin geborn Durch minne ein ſtreben nach Jm kos Das ſin minne an Jm verlos Jch ſeche doch gern den ſelben man Mir iſt ze wiſſen getan Das nie beſſer ritter were noch wart Nach im wirt koſtlich min vart PArczifal zu im do ſprach Jch bin och d̉er in nie geſach Man ſeit mir guͦtte werk von Jm. An menger ſtat ich daz vernim. Das er wol kunde ſtritten. Sin pris gie witten Vnd werdikeit gemachet hoch Alle miſſewende er floch Er was wiben vndertan Ob die trúwe kunden han Die lonens oͯne falſche liſt Da von der toff noch geeret iſt Pflag er trúwe oͯne wenken Er kond och wol bedenken Alle werdekliche tatt Sins herczen ſtette im gab den Rat Das Ruͯchtent ſy mich wiſſen lon Den kunt was der ſelbe man Den Jr ſo gerne ſecht Jch wenne irs priſes Jecht Jm ob er noch lepte Wan er nach priſe ſtrepte Sin dienſt twank d̉er welte lon Das der kung Ippomidon Gen Im ſtrites pflag Der ſtrit ergie zu Baldag Da ward ſin werdenkliches leben Der minne an den ſtrit gegeben Wir hand ze Rechttem ſtrit v̉erlorn Von dem wir beide ſint geborn Owe der vnergeczten not Sprach der heiden iſt min vatter tod Jch mag wol froͯde vnd v̉erluſt Jechen Vn froͯden fund mit warheit ſpechēn Jch han an diſen ſtunden Froͯd verlorn vnd froͯde funden Wil ich der warheit griffen zu Beidú min vatter vnd du Vnd ich waurent doch alleine. Doch es in drin ſtuken erſcheine Wa man ſicht den wiſen man Der zelt deheine *ſippe dan Zwúſchent dem vatt̉er vnd den kinden Wil er die warheit finden Mit dir ſelber haſtu hie geſtritten Gen mir ſelber ich han vff ſtrit gerittēn Mich ſelber het ich gern erſchlagen Do kundeſtu des nit vertagen Du werteſt mir min ſelbes lib Jupiter dis wund̉er ſchrib Din krafftt tet vns helffe kunt Das ſy vnſer ſterben vnd̉er ſtuͦnd EEr lachte vnd weinte togen Sine heidenſchlichú oͯgen Begunden waſſer reren Al nach des toͯfes erren Der Ruͦff ſol lernen truͤwe Sid vnſer E die núwe Nach christo wart genemet An Criſto iſt trúw erkennet Der heiden ſprach ich ſagen wie Wir ſullent nit leng̉er ſiczen hie Rit mit mir nit ferre Lotſchierren vff die terre Duch die ſchowen von dem mere Heiſſe ich das Rilecheſte her Dem Juno gabie ſigels lúſt Mit warheit one triegens guſt Zeig ich dir mengen werden man Das mir iſt dienſtes vnd̉ertan Dar ſoltu ritten hin mit mir Parczifal ſprach hin zim. ſit Jr So gewaltig úwer lútte Das ſẏ úwer bittent húte Vnd alle die wil ir von In ſitt Der heiden ſprach one ſtrit Were ich von In ein halbes Jar Min bittent beidú Rich vnd arme gar. Sy getoͯrſtent nyenan kerren. Geſpiſet wol mit erren Sind alle ir ſchiff in d̉er habe Ros noch man nit dorftten trabe Es were durch frontage Oder durch luft von dem plange Parczifal zem bruͦd̉er ſin Sprach ſo ſúlt ir frowen ſchin Sechen vnd groſe wunne Von úwern werden kunne Mengen Ritter kurtois Artus der Britoneis Ligt hie bẏ mit werd̉er diett Von dem ich mich hútte ſchied Mit groſſer wunenklich̉er ſchar Wir ſechent da frowen wol gefar Do der heiden horte nemēn wib Di waurent echt ſin ſelbes lip Er ſprach dar fúre mich mit dir Dar zu ſoltu ſagen mir Mere des ich dich frage Sechent wir v́nſz mage So wir zu Artus komen Von des fuͦre han ich v̉ernomen Das er ſig priſes Riche Vnd er far och wirdenkliche Aber ſprach do parczifal Wir ſechent da frowen liecht gemal Sich valliert nit vnſer fart Wir findent vnſzrú rechtte art Lútten von den wir ſind geborn Ettlich die da tragent Cron Ettlich die ze der crone nerkorn Jr yettwedrer da nit lenger ſas Parczifal des nicht vergas Er holtte ſins brud̉ers ſchwert Das ſties er dem tegen werd Wider Jn ſin ſcheide Do ward von in beiden Zornlicher has v̉ermitten Vnd geſelklich dan geritten E ſy zu Artus weren komen Do was och mere von In v̉ernomen Do was bẏ den ſelben tagen V́ber alles das her gemeine clage Das parczifal der Junge man Sus was von in geſcheiden dan Artus mit Rate ſich bewag Das er vncz an den fierden tag Parczifals da woͯlt beiten Vnd von der ſtat nit Ritten Gramaflanczes her waz och komen Dem was meng̉er wirt *witt̉er ring genomēn Mit geczeltten wol gezieret Do was geloczieret Den ſtolczen werden lútten Man macht es den vier brútten Nicht bas erbietten mit froͯden ſittēn Von ſchatel marveile geritten Kom ein man zer ſelben zitt Der ſagtte alſus er were ein ſtrit Vff dem warthus inder ſul ge=ſchechen / Was ẏe mit ſchwer=ten were geſchechen Das iſt gen diſem ſtrit ein wicht Vor gewan er des mere gicht Da der by artus ſach vnd ſas Manig Ritter do mit mere ſas Vom wem d̉er ſtrit da were geton Artus der kúng ſprach do ſan Den ſtrit einhalb wol weis Jn ſtrit min neuen von kanvoleis Der von vns ſchied hút enmorgēn fruͦ / Do Rittent diſe zwen zuͦ. Wol nach ſtrittes erre Helm vnd ir ſchiltte ſere Waurent mit ſchwertten an ge==rant Jetwedrer wol gelertte hand Truͦg. den der ſtrittes mal an traff Jn ſtritte man och kunſt bedarff By artus Ringe hin Si ritten do ward vil nach Jn Geſchowet da d̉er heiden reit Der fuͦrt doch ſoͯlich Richeit Wol beherbergt waz daz feld Sy kertten fuͤr daz hoch geczelt Gen Gawins Ringe Ob mans icht Inna bringe Das man ſy gerne ſeche Jch wenne och das ds geſcheche Gawan kam ſchnellenkliche nache Wan er vor Artus ſeche Das ſẏ gen ſinem zeltte ritten Er empfieng ſy do mit froͯden ſitten Sy hettencz harnac*harnaſhe dennocht an Gawin der hoffeſche man Hies ſy entwapnett ſchierre Ecidomen dem tierre Was geteit mit der ſtrit Der heiden truͦg ein kurſit Dem waz von ſchlegen worden we Das was ein Sarataſme Daran ſtuͦnd menig edel Stein Dar vnder ein wappenRok erſchein Ouch gebidelt ſne var Dar an ſtundent har vnd dar Tuͤrre ſteine gen ein ander Die wuͤrme ſalamander Jn worchtten indem fuͤre Si lies in Auentuͤre Jr minne ir land vnd ir lib Diſem zimender gab im ein wib Er leiſte och gern ir gebot Beidú in froͯde vnd in not Die kungin Secundille Er was ir herczen wille Das ſy im gab ir richeit Sin hocher pris ir minne erſtrit Gawin bat des nemen war Das die zimierde wol geuar Je der wurde v̉erruket Oder icht da von geczukett Kurſit helm oder ſchilt Es het ein armes wib beuilt An dem wapen Rok alleine Tuͤrre waurent die ſteine An ſtuken allen vierren Hochú minne kan wol zieren Wa Richeit bẏ dem willen iſt Vnd ander werdenklich̉er liſt Der ſtolcze Riche feirefis Truͦg mit *dienſte groſen flis Nach wibe hulde vmbe das Das eine im lone nit v̉ergas ⸿Das harnaſch ward von Im geton Do ſchowtent diſen punnten man Alle die wunders kunden Jechen Die mochtencz da mit warheit ſpechēn Feriefis truͦg froͯmdu mal Gawin ſprach zu parczifal Neue tuͯ mir den geſellen din Kunt. Er treit ſo fechen ſchin Dem Ich gelicher nie geſach Parczifal zu ſinem wirte ſprach Bin ich din neue daz iſt och er Des ſy Gahmuret din gewer Dis iſt der kung von zaſmanc Min vatter doͯrt mit priſe errank Belacanen dú diſen Ritt̉er truͦg Gawin den heiden do gnuͦg Kuſte. der Riche feirefis Was beidu ſchwarcz vnd wis V́beral ſin fel was daz d̉er mund Gein halbe teit tet Roͯtte kunt Man bracht Jn beiden ſampt gewand. Das was fuͤ túre koſt erkanterkand. Vs Gawins kamer truͦg man dar Do komen frowen liecht gefar Die herczogin lies kundrye Vnd Seyuen kúſſen E. Sy ſelb vnd arn*arnyue do Kuſten feireſen waz fro Das er ſo clare frowen ſach Jch wene im liebe dar an geſchach Awan zu parczifalen ſprach Neue dine núwe vngemach Saget mir din helm vnd din ſchilt V́ch iſt beiden ſtrites mit geſpilt Dir vnd dem B*Bruͦder din Gen wem erholt ir diſe pin Es enwart nie hertter ſtrit erkant Sprach parczifal mins bruͦd̉ers hant Zwang mich ze wer in groſſer not Wer iſt ein ſegen fuͤr den tod Vff diſen heinlichen gaſt Von Schleg min ſtarkes ſchwert Zerbrach Do tet er kranke forchte ſchin Er warff vere vſſer hand daz ſin Er forcht echt an mir ſunde E wir gerechnet zu kúnden Nun han ich ſine hulde wol Die ich mit dienſt gerne hol Gawin ſprach mir ward geſaget Von einem ſtrite vnủerczaget Vff Schachtel marveile man ſicht Was inrent vier millen geſchicht Jn der ſul vff minem warthus Do ſprach min oͯchain Artus Der da ſtritte des ſelben mals Das wereſtu neue von kungriuals Du haſt die waren mere bracht Dir wa*was des ſtrites vor gedacht Nun globe mir das ich dir ſage Din werre gebitten hie vier tage Mit groſſer Richer hochzit Mich muͦt uͤwer beider ſtrit Da ſúlt ir by mir ruͦwen nach Sid aber ſtrit von úch geſchach Jr erkennent ein and̉er deſter bas Nun kieſent fruntſchafftt fuͤr den has. Gawin des aubent as deſt̉er e Do ſine neue von thaſme Feirefis Anſhevin Dennacht faſte vnd d̉er bruͦd̉er ſin Von palmant dicke vnd lang Da ward ein wit vmbefang Kultter menger kuͯnne Von palmat nit ze duͤnne Wurden do da d̉er matras dach Tuͤrre pfelle man druff geſteppet ſach. Beidu lang vnd breit Dú Clinſhor Richeit Ward do ze ſchowen fuͤr getragēn Do ſchluͦg man vff ſuſt hortte ich ſagen Von pflle vier Ruͯcklachen Mit Rſachen Gen ein anren vier ſitten Dar vnd̉er ſanfftte pfulm*pfulmatten Mit kultern verdeket Ruͯchelachen dar uber geſtreket Der Ring begreiff ſo wit ein feld Da waren geſtanden vier gezelt Oͯn gedrenge d̉er ſchnuͯre Vnbeſcheidenlich ich fuͯre Woͯlt ich diſe Auuentúr fuͤrbas han. Do enbot Im min her gawan Ze hoffe Artus mere Wer da komen were Der Riche heiden werre da Den du heideninne Ekuba So priſte by dem plimizol Jofrit fiſidol Artus die mere ſagte Der ir froͯd vil beiagte Jofrit bat In eſſen fruͦ Vnd clarlichen griffen zu Mit Rittern vnd mit frowen ſchar Vnd hofflichen komen dar Das ſy es ſo anfiengen Vnd werdenklich empfiengen Des ſtolczen Ga*Gahmuretes kind Was hie werder lútte ſind Die bringe ich ſprach der Britonois Jofrit ſprach er iſt ſo kurtois Jr mugt in alle gerne ſechen Wan ir ſúlt wund̉er an Im ſpechen Er fert vſer groſz̉er richeit Sine wauppenkliche kleit Nieman vergelten moͯchte Dehein̉er hand das doͯchte Louer Britanie Engelland Von paris vncz an wizſant Dar der gegen lege alle die terre Es were dem gelte verre Iofrit was wider komen Von dem hat Artus v̉ernomēn Wie er werben ſolte Ob er enpfachen wolte SyenSinen neuen den heiden Das Siczen ward beſcheiden An Gawins Ringe Mit hofflichen dingen Die Meſſnie dr herczogin Vnd die geſellen vnder Jn Ze Gawins zeſwen ſaſzen Aderhalb ſus mit froͯden aſzen Die Ritter Clinſhor diet Den frowen ſiczen man beſchied V́ber gen Gawin an den ort Saſzent Clinſhor frowen dort Der was menig liecht gemal Feirefis vnd parczifal Saſzen mitten zwúſchen den frowēn Man mochtte da clarheit ſchowen Der Turkoite florant Vnd Seyue die werd erkant Vnd der herczog von Gowerzin Vnd kundrie dem wibe ſin V́ber gen ein andren ſaſzen Jch wenne daz ſẏ nit vergaſſen Gawan vnd Jofreit Jr alten geſellenheit Si aſzen mit ein ander Die herczogin mit kliken glan der Mit der kuͤngin Arnyuen aſz Jr yettwedre do nit v̉ergas Jr alltten geſellenheit Wauren ſy einand̉er vil bereit By Gawin ſas ſin an Orguluſe vſſerthalb dran Do erczeigte die Rechte vnzucht Von dem Rr ſchnelle fruchtflucht Man truͦg beſcheidenlichen dar Den Rittern vnd den frowen gar Jr ſpiſe zuchtenkliche Feirefis der Riche Sprach ze parczifal dem b*bruͦd̉er ſin Jupiter die Reiſe min Mir ze ſelden het erdacht Das mich ſin helffe har het bracht Da ich mine rechte mage ſiche Von Rechtt̉er ſchuld ich *giche Minen vatter den ich han v̉erlorn Der was vſz rechtten pris erborn Der waleis ſprach iſtir ſúlt noch ſechen Luͤt den ir priſes muͯſzen Jechen By Artus dem hoptman Menig Ritter wol getan Wie ſchier das eſſen erget Vnlange es denne geſtet Vncz ir die werden ſecht komen An den vil pris iſt veromen Sus Tauelrund̉er krafftt iſt bẏ Der ſiczen hie numen ritt̉er drẏ Der wirt vnd Jofreit Ettwen och ich den pris erſtreit Das man min dar úber gert Des ich ſy do gewert Sy nomen die tiſchlachen dan Vor allen frow man Das was zitn gas Gawin der wirt nit leng̉er ſas Die herczogin och ſin anen Begund er bitten vnd manen Das ſy Senyuen neme E. Vnd die ſuͯſzen kondrie Vnd prandaguns ſuͦn Artuſen ſach man ſus tuͦn Er bruͯfftte koſtliche Eine tauelrunder Riche Vs einem dyantaſme Jr hapt wol gehoͯret E. Wie vff dem plimiſzols plan Einem tauelrund̉er wart getan Do wart diſe nach geſchnittēn Sinwel mit ſoͯlichen ſitten Sy erczeigte Rilichú ding Sinwel darumb nam den Rin Vff ein towig gruͯne gras Do wol ein pondynder landes wz Von mer ſedel an Tauelrund̉er Da ſtuͦnd da mitten ſund̉er Nit durch den nucz nun durch den namen Sich mocht ein boͯſ̉er man des gar wol ſchamen Ob er by den wiſen ſas Die ſpiſe in ſim munde mit ſunden = as Der tiſchRing ward by d̉er ſchoͯnen nacht Gemeſſen vnd vor bracht Wol nach Ritterlichen Ziln Es moͯchte einen armen kuͤng be*chbefiln Als man den Ring geziert fand Do der mitten morgen ward bekant Gramoflancz vnd gawan Von Jn die koſt ward getan Artus was des landes gaſt Sin̉er coſt ye doch da nit gebraſt Es iſt ſeltten worden nacht Wandes d̉er ſunēn iſt geſchlacht Sy brechte ye den tag darnach. Al das ſelbe ye geſchach Er ſchen ye ſuͯſz lutter clar Do ſtreich menig Ritt̉er wol ſin har Daruff von bluͦmen ſpappel Manig vngefelſcher frewen vel Man do by rottem munde ſach Ob kyot die warheit ſprach Ritter vnd frowen truͦgent gewand Nit geſchnitten in einem land Frowen gebende nid̉er hoch Als es nach ir lantwiſe zoch Da was ein wit geſamnete diet h ir ſte ſ*ſich vnderſchied e waz von ſund̉er amis Dſt nit deheine wis V́ber Tauelrund̉er komen Het ſy dienſt vff ir lon genomēn Vnd gab ſy ir lons ſich̉erheit An Tauelrund̉er ring ſy reit Die andren muͦſzent laſen Jn ir herberg ſy ſaſſen Do Artus meſſe het v̉ernomēn Man ſach Gramoflanczēn komēn Vnd den herczogen von goverzin Vnd floranden den geſellen ſin Die dry gerten ſunder Pflichtte úber tauelrund̉er Artus werte ſy des ſan Frage ir wib od̉er man iv: Oder ist ir zu lesen? Wer truͦg die Richeſten hand Die ye von deheinem land V́ber Tauelrund̉er ſas Jr mugent ſis nit beſcheiden bas Es was feriefis anſchevin Da mit lag die rede ſin Sy zogtten gen dem Ringe Mit werdenklichen dinge Ettſtlich frowen waurent gehuͯrt Were ir pfert nit wol gegurt Sẏ weren gefallen ſchiere Manig Rich baniere Sach man zu allen ſitten komen Do wart der buchiert wit genōmmēn Al vmb vnd vmb der tauelrund Es wauren hofflichú ding Das ir dehein̉er in den Ring reit Das feld was vſſerthalb ſo breit Sy mochtten die ros erſprengen Vnd ſich mit hurte mengen Vnd doch mit hurtte vnd == Das die frowen ze ſechent wauren fro / Sy komen och da ſy ſaſzen Vnd die werden aſzen Kamrere truchſeſſen ſchenken Muͦſtent das bedenken Wie mans mit zuchten fuͤr ge==truͦg Jch wenn man gab in do gnuͦg Ettlich frowe het pris Die daſas by ir amis Jr menger durch gerendes herczen = Rat Gedint ward mit hoch̉er tat Feirefis vnd parczifal Mit pruͯffen hetten ſuͯſzen wal Jene frowen denvnd diſe Man geſach vff aker noch vff = wiſe Liechter fel noch roͯtter mund So menge nye ze dehein̉er ſtund Als man andem Ringe fand Des wart dem heiden froͯde vil bekant Wol den kunſtlichen tage Geret ſy ir ſuͯſzen mere ſage Als von ir munde wart v̉ernomēn Man ſach ein Junckfrowēn komen Jn cleidern tuͤrre vnd wol geſch=nitten Koſtbar nach franczoiſer ſitten Jr kappe ein Rich̉er ſemit Noch Schwarcz̉er denne ein ſchmit Arabiſch gold gab daruff ſchin Wol gewúrkt manig turteltúblin Nach ingeſigel des Grals Sy ward des ſelben mals Vil geſchwoet durch wund̉ers ger Nun lat ſy heiſtieren her Jr gebend waz hoch vnd blank Mit mengem dicke vmbefank Was ir antlút bedekett Vnd nit ze ſechent enpleket Senffttenklich vnd doch in follem = zelt Kam ſy geritten uber feld Jr zom ir ſattel ir Runczit Was Riche vnd tuͤre oͯn allen ſtrit Man lies ſy anden zitten Jn den Ring Ritten Dú wiſe nit die tumbe Reit den Ring alvmbe Man zeigte ir da artus ſas Gen dem ſy gruͦſſes nit vergas Jn franzois was ir ſprache Sy warb das ein Rache Vff ſy erkorn were Vnd das man horte ir mere Der kúng vnd die kungin Bat ſy helffe vnd an ir rede ſy Sy kerte von in al ze hand Do ſy parczifallen ſiczen fand By Artuſen nachen Sy begund irs ſprunges gachen Von dem pferde vff das gras Sy viel mit zuͤchtten dú an ir waz Parczifaln an ſinen fuͦs Sy warb alleine weinende vmb ſinen gruͦs So das er zorn gen ir verkus Vnd one has vff ſy verlus Och ſin zorn an ir verkúr Vnd einen kus vff ſy erkur Artus vnd feirefis An den gewerb legten flis Parczifal truͦg gen ir has Durch frúnde bett er des vergas frúnde: Tinte verwischt. Wohl keine Korrektur zu fride. Mit truwe one vare Dú werde nicht die vare clare Schnellenklichen wid̉er vff ſprang Sẏ neigt Jm vnd ſagt im dank Die ir nach groſſer ſchulde Hetten gehoffen hulde Sy wand mit ir hende Wider ab ir hopt daz gebende Es were bezel oder ſchnúrinck Das warff ſy von Jr anden Rinck Kundire laſurziere Wart da bekennet ſchiere Vnd des Grals wappen daz ſy truͦg Das wart beſchowet da gnuͦg Sy fuͦrtte och noch den ſelben lip Den ſy manig man vnd wip Sach zem Bimizol komen Jr anttlúcze ir hapt vor v̉ernomēn Jr ogen ſtunden ſus Gel als ein toporius Jr zen lang ir mund gab ſchin Als ein viel weitin Wan daz ſy truͦg gen priſe muͦt Sẏ fuͦrte oͯne not den huͦt Vff dem plimizols plan Die ſunne het ir nicht getan Dú moͯchte durir vel durchz har Nicht verſelwen mit ir blickes harvar Si ſtuͦnd mit zuchtten vnde ſprach Des man fuͤr hoche mere Jach Jn der ſelben ſtunde Jr red ſẏ ſus begunde O wol dir Gahmuretes ſun Got wil gnade andir nun tuͦn Jch meine den herczenlaudes barn Feiefis der vech gefar Muͦs mir wilkomen ſin Durch Secundillen die frowen min Vnd durch menge hoche werdikeit Die von kindes JuchJugent ſin pris erſtreit Ze parczifal ſprach ſy do Nun bis kúnſch vnd da bẏ fro Wol dich des hochen teiles Duͤ crone menſchen heiles Das epitaſium iſt geleſen Du ſolt des Grals h̉erre weſen Konduwúrmuͦrs daz wibe din Vnd din ſun lochragrin Sind beidú mit dir dar benampt Do du Rumteſt brubarcz d̉erdaz land Zwen ſún ſy do lebendig truͦg Kardeis hat och doͯrt gnuͦg Were dir nicht mer ſelden kunt dir: Oder ist die zu lesen? Wan das din warhafftter mund Den werden vnd den ſuͯſzen Mit Rede nun ſol gruͯſzen Den kung Anfortes nun nert Dins mundes frage die im wert ſúnffczberren Jamer gros Wa ward an ſelden ye din genos Súben ſternen ſy do nampte Heide*Heidēnſch die namen bekante Der werde Riche feirefis Der vor ir ſas ſchwarcz vnd wis Sy ſprach nun pruͯfe parczifal Der hoͯchſten planeten zval Vnd der ſchnelle Alimuſtri Almurett vnd der liecht Gamſi Die erczeigent ſelikeit an dir Der fuͤnfftt heiſſett algofier So heiſſet der Sechſte alkyter Vnd was der nechttnechſt alkamer Jch ſprichs nit in einem trome Die ſind des firmamentes zome Die enthaltent ſine ſchnelheit Jr kriec gen ſinem loͯfe ie ſtreit Sorge iſt dinhalb nu wiſe Was der planeten reiſe Vmb *loͯffet vnd ir ſchin bedeket Des ſind dir zil geſteket Ze trichen vnd ze werben Din ruw muͦs verl*verderben Wen vngenucht aleine Da git nicht gemeine Der gral vnd des Gales krafftt Verbiettent valſche geſelſchafftt Dú hette Iunge ſorge erczagen Die hat komende froͯd an dir betrogen. Du ſo haſt der ſele die Ruͦwe erſtritten Vnd des libes froͯd in ſorge erbittēn Parczifaln ir mere nit v̉erdros Vor liebe vſſ̉er ſinen ogen flos Waſſer herczen vrſprink Do ſprach er frowe ſoͯlich dink Als ir hie vor hand genemet Bin ich vor got erkennet So das min ſúndhafftter li*lip lip: Wahrscheinlich ist beim Schreiben eines p nach dem i die Tinte verwischt worden, so daß dieser unleserlich wurde und der Schreiber den Buchstaben nochmals ausgeführt hat. Vnd han och kind vnd da zu ein wip. Das dú des teilhaffttig ſullēn ſin Vnd mit mir wonen da by Vnd dú des och pflichtig ſulen han So hat got wol an mir getan Wa mit ir mich ergeczen meget Daran ir úwer truͤwe reget Je doch hett ich nit miſſeton Jr het mich zornes ettwen erlon Das was denocht min heil Nun gebt ir mir ſo hochen teil Da von min trurren ende hat Die warheit ſeit mir úw̉er wat Do ich zu Munſalualſhe was By dem trurrigen Antifortas Was ſchilt ich do hangede fand Die waurem gemal as uw̉er gwand Vil turteltuben traget ir hie Frowe nun ſagt mir wenne od wie Sol ich gen minen frunden farn Vnd lat mich daz nit leng̉er ſparn Do ſprach ſy lieb̉er herr min herr: Oder ist here zu lesen? Ein man ſol din geſelle ſin Den wele geleites weren an mich Durch helffe nit leng̉er ſume dich Vberal den ring wart vernomen Kundrie laſurziere iſt komen. Vnd was ir mere meinde. Orguluſe vor liebe weinde. Das du frag von parczifale. Die anfortes quale Soͯltte machen wendig Artus der priſen genendig Zu kundryen mit zuchtten ſprach Frowe nun Rittent an úw̉er gmach Lat úwer pflegen lert ſelber wie Sy ſprach iſt Arnyue hie Swelich gmach mir die git Des wil ich leben diſe zitt Vncz das min here hinnān vert Jſt gevanknúſſe erwert So erlobent das ich muͯſſe ſchowēn Sẏ vnd ander frowen Den clinſhor teilte ſin var Mit gefanknúſſe menig Jar Zwen Ritter huͦbencz vff daz pfert Ze arniuen reit du maget wert Nun was och zitt das man da gas. Parczifal by ſinem bruͦd̉er ſas Den bat er geſelleh*geſelleheit Feirefis was im vil bereit An den ſelben zitten Gen munſaluaſhe ritten Sy ſtuͦnd vff úber al den Ring Feirefis warb hoche ding Er fragt den kung Gra=moflancz / Ob die liebu were gancz Zwúſchen Jm vnd der nyftel ſin Das er das tette an Im ſchin Helffent ir Gawan Was kúnge oder fúrſte han Barum vnd and̉er ritter gar Das ir dehein̉er hinnan far E ſy min cleinede geſechen Mir wer ein laſter hie geſchechēn Schiede ich von habe hinnan frẏ Was hie farendes volkes ſy Die wảrtten alle gabe an mich Artus nun wil ich bitten dich Das es den hochen nit v̉erſchmache Des gewerbes gen In gache Vnd bis des laſters fuͤr ſy pfand Sy erkanten nie ſo Riche hand Vnd gib mir botten an mine habe Da der preſent ſol komen abe Do enbútten ſy dem heiden Sy woͯltent ſich nit ſcheiden Von dem feld inrent vier tagen Der heiden ward fro hort i*ich ſagen. Arttus im wiſe botten gab. Die er ſolte ſenden in die hab. Feirefis Gahmurtes kind Nam túmpten vnd permint Sin̉er geſchrifftt verczeichnent nit verdarb Jch wenn ye brieff ſo vil erwarb Hie ſol man kundrien machen mit der ſchwarczen kappen als da vornen ſy ſtat mit den zen vnd mit dem mund vnd vff ir k*kleid turttúblin nach des grals vappen vnd zu ir parczifaln mit dem ſy reit in botſchafft wis vom gral Hie rittent die botten hin mit dem brieff zu feirefis habe ſy reit: Zwischen ſy und reit ist der Abstand grösser, bedingt durch das H auf der nächsten Zeile. Die botten fuͦrent endhafftt dan Parczifal ſin redalſus huͦb an. Jn franczois er zu Jn allen ſprach Als terfrizent doͯrt vornen ſprach Das den gral ze deheinen zitten Nẏemen moͯcht erſtritten Won der von gotte iſt dar benant Das mere kom úber allu lant Dehein ſtrit moͯch in erwerben Vil lútte lie da verderben Nach dem Grale gewerbes liſt Da von er noch verborgen iſt Parczifal vnd feirefis Dú wib do lertten Jamers flis Sy hetten vngerne v̉ermitten Jn die vier ſtúk des hers ſy Ritten Sy noment vrlol zu aller d̉er diet vrlol: Möglicherweise hat der Schreiber nur vergessen, den Bauch des b auszuführen. Jettwed̉er dan mit froͯwen ſchied Gewapet wol gen ſtrites wer An dem vierden tage vs des heides her. Ward zu ſchofflancze bracht Das nie groͯſer gaub wart erdacht Welich kúng do ſine gab empfieng Das halff ymer das land Jegſchlichem man nach d̉er maſſe ſin Ward nie groſſer gabe ſchin Den frowe Riche preſente Von triande vnd von noriente Jch weis wie das her ſich ſchiede hie. Kondrie vnd die zwene hin Rittent ſie Anfortes vnd die ſinen Von Jamer littencz pīnne Jr trúwe lies in ind̉er not /. Vil dick erwarb do zim den tod Der were och ſchier an Im geſchechen Wan das ſy In dicke lieſen ſechen Den Gral vnd des grales krafft Er ſprach ze ſin̉er Ritterſchafftt Jch weis wol vnd pflegt ir trúwe So erbarmete úch min rúwe Wie lang ſol das an mir weren Welte ir uch ſelbes rechtes gern So muͯſſent ir mich gelten vor got Jch ſtund ye gern zu úwerm gebot Sid ich von erſt wappen truͦg Jch han engoltten des gnuͦg Ob mir ye vnpris beſchach Vnd ob das úw̉er dehein̉er ſach Sind ir von vntruw bewart So loͯſent mich durch des helmes art Vnd durch des ſchiltes orden Jr ſind dick Inen werden Ob es úch nit verſchmachte Das ich dú beidu brachte Vnủerczagt vff Ritterliche werek Jch han tal vnd berg Mit menger tioſt úber zilt Vnd mit dem ſchwerte alſo geczilt Das es die viande an mir v̉erdros Wie clein ich des gen úch genos Nun Rittet kondrye parczifal vnd der Riche heiden parczifals Bruͦder mit ein andren Vnd wend zu dem gral als kondrye parczifaln geſeit hett wie er Anfortas geſund machen ſol vnd herr úbern gral ſin als vor ſtat Ich frouden ellende Zem vrteillichen ende Beclag ich enig úch alle So nachet es úwern falle Jr lant mich von uch ſcheiden Min kumer ſoͯltt úch leiden Jch habt geſechen vnd gar wol dick vernomen Wie mich an vnkomen Jſt vngefelle zu maſſen Vnd mich nit wil laſen Was tog ich úch zu h̉erren nu Es iſt uch leider alze fruͦ Wirt min ſele an uch verlorn Was ſittens habt ir úch erkorn Sy hetten kumbers in erloſt Wan der troſtliche rotroſt Den trefrizent doͯrt vor e ſparach Als er an dem Grale geſchriben ſach Sẏ warten and̉er ſtund dem man. Dem al ſin froͯd do entran Der helffenlichen ſtunde Der fragt von ſinem munde Der kúng ſich dicke des bewag Das er blinczend̉er ogen pflag Ettwen gen vier tagen So ward er zu dem Gral ge=tragen. Es were Im lieb od̉er leid. So zwang indes die Sicherheit Das er dú ogen vff ſchwank So muͦſt eroͯne ſinen dank Leben vnd nit erſterben Suſt kondent ſy mit Jm werben Vnd in nit laſen ſterben Vncz an den tag das parczifal Vnd feirefis der recht gemal Mit froden vff Munſhaualeſhe ritten Nun hett die wile des erbitten Das mars oder Jupiter Wauren komen wider her Al zorne mit lufftte So was er der verkoufftte Dar ſy ſich von ſprunge huͦben E Das tett Jm an ſinen wunden we Anfortes der ſo qual Megtte vnd Ritter hortten ſchal Von ſinem geſchrey dicke Vnd die Jemerliche blike Tet er Jnen mit den oͯgen kunt Er was vnhelffenlichen wund Sẏ mochtent im gehelffen nicht Je doch die auentuͤre gicht Jm kam dú gewaru hilffe nuͦ Sy griffen hercze Jamers zuͦ Wenn In die ſcharffe ſure not Das ſtrenge vngemach gebot So ward der lufftt geſuͯſſet Der wunden ſchmak gebuͯſſet Vor Jm vff dem teppich lag Pingmont vnd zerbencznyen ſmak Pingmont: Punkt über den ersten Schaft von m. Ist Pinginont zu lesen? Möglicherweise verrutschter i-Punkt des ersten i. Muzel vnd Aromata Durch ſuͯſze lufftt lag och da Triackel vnd ander túre Der ſchmak waz gehuͤre. Wa man vff dem tenne trat Kardimon Ierofel Muſcat Lag gebrochen vnd̉er ir fuͯſzen Durch den lufftt ſuͯſzen So das mit tritten ward z̉erbert So was da ſur ſchmak erwert Sin fúr was lingnaloe Das han úch geſaget E An dem bet die ſtollen ſin Wauren vippar huͤrnin Fuͤr vnd durch ruͦwen gelúppe Von wurczen menig ſtuͤppe Waz vff die kulter geſeit Geſteppet vnd nit geneit Was da er vffe lente Pfelle von oriente Palmat was ſin matras Sin ſpanbet waz noch bas Geheret mit edelm geſteinen Vnd anders mit deheinen Das ſpanbet zoch zem ander Strange von Salamander Das wauren vnd̉er im die ricſeil Er hett an froͯden kranken teil Es was Richen anallen ſiten Nẏeman dorfftt des ſtritten Das er beſſers ye geſeche Er was tuͤr vnd weche Von der edlen ſteine geſchlette Es was tuͤr vnd weche Von d̉er edlen ſteine ge*geſch*geſchlechte Die hoͯrent hie nyena rechte Kar*Karfunkel vnd Sylenites Salex vnd Gagazromes Onich vnd Calcidon Zoralis vnd Biſtion Vnu vnd obtalies Zeraūns vnd epiſtites Jerachites vnd Eliotropia Pantres vnd antrograma Praſem vnd Sadan Anatites vnd dioniſia Achates vnd Celidon Sardonis vnd Gazcofon Gorniel vnd Jaſpis Echites vnd Jris Gagates vnd Lingurius Abeſto vnd Cogolitus Galachida vnd Jactinctus Arites vnd Enidrus Abſiſt vnd alabanda Thriſcliter vnd hinnania Smagragdes vnd magnes Saffire vnd pirrites Och ſtuͦnd der vnd dan Trikois lippanar T*Thriſolite vnd Rubine Paleis vnd ſardine Adamas vnd Thriſopraſis Melichites vnd dyadochis Penites vnd medus Berillus vnd Thopaſius Berillus: Der Strich über den Wort scheint eher als Zierstrich von ll als Nasalstrich aufzufassen zu sein. Etſchlicher erte hochen muͦt Ze ſelde vnd ze ercznie guͦt Was do maniges ſteines ſunder art Vil crefftte man an in innen wart. Der ſy verſuͯchen kunde mit liſten. Da mit ſy muͯſzent friſten. Anfortes der ir hercze t*truͯg. Sinem volck er gab Jamers gnuͯg Doch wir nu froͯden an in v̉ernomēn Jn terre des halb iſt komen Von Thofranczer geſtrichen Dem ſin ſorde was entwichen Parczifal ſin bruͦd̉er en maget Mir iſt och fur war geſaget Wie verre da entſchwúſchen were. Sẏ erfuͯren nun ſtrites mere. Was kondire ir geleite Schied ſẏ von arbeitte Si ſtritten gen einer vwarte Da gachten gen Jn harte Manig wol gertten templeis Gewapnet die wauren ſo kurteis An dem geleitte ſy wol ſachen Das in froͯde wolte nachen Der ſelben meiſter Rotte ſprach Do er vil t*turteltuben ſach Geleſten ab kondrien wat Vnſer ſord ein ende hat Mit des Grales Jngeſigel hie Er kompt des wir gerten ye Sid vns der Jamer ſtric blos vns: Punkt über dem Wort. Auch wenn dieser mehr über den v liegt als bei anderen Fällen, scheint es sich um die in der T-Datei beschriebene Schreibereigenheit bei vn-Kombinationen zu handeln. Habt vff vns nachet froͯrde gros Feriefis aſanſcheuin Mante parczifal An der ſelbe zitte Vnd gachtte och gen dem ſtrite Kondire in mit dem zome fieng Das ſine tioſt do nit ergieng Do ſprach du maget Ruch gemal Balde zu irm herren Barczifal. Schilte vnd baniere Mich erkennent ſchiere Hie habt nicht won Grales ſchar Die ſine vil dienſthaft úch gar Do ſprach der werde heiden So iſt der ſtritt geſcheiden Parczifal kundrye bat Gen Jn ritten vff daz pfat Dú reit vnd ſagt in mere Was in froͯde komen were Was do templeiſe was Do enbeiczent nid̉er vff das gras An den ſelben ſtunden Manig helm ward abgebunden Jrn herren Empfiengen ſy zu fuͦs Ein ſe*ſegen ducht ſi ſin gruͦs Sy empfiengent och feirefizen Den ſchwarczen vnd den wiſen Vff Munſaluaſche ward geritten All weinende vnd och mit froͯden ſitten / Do funden ſy folckes vngeczaltt Mangen wunenklichēn Ritt̉er altt Edlú kind vil ſariante Die trurrigen machenante Dirre kunfft wol fro mochten ſin Ferrefis anſchevin Vnd parczifal ſy beide Vor dem palas andem grade Sẏ wurden wol empfangen Vff den palas ward gegangen Da lag nach ir gewonheit Sinwel hund̉ert tepich breit Vff yeclich ein pulmit Lag. vnd ein kulter von ſemit Fuͯren die zwen mit wiczen Sy moͯchtent ettwa wol ſiczen Vncz man den harnaſch von in enpfie Ein kamrere der nacher gie Der brachtte in cleider Riche Den zwen alle geliche Sy ſaſſen alle waz da Ritt̉er was Man truͦg von golde es en was nit glas. Feirefis vnd parczifal Trunken auſen vnd giengen dan Zu anfortes den trurrigen man Jr habt doch wol gehoͯret das Er leinte vnd ſeltten ſas Vnd wie ſin bette gehoͯret waz Die zwene enpfieng Anfortas Froͯlich vnd doch mit Jamers ſittēn Er ſprach ich han vnſafftt gebitten Wurde ich ẏmer von uch fro Jr ſchiedent nun Iungeſt von mir So. Pfligt ir helfflicher trúwe Man ſicht úch darumb in Rúwe Wurde pris ym̉er von uch geſaget Hie ſige Ritt̉er oder maget So er werbent mir do zem tod Vnd lant ſich ende mine not Sind ir genant Parczifal So wendent min ſechen andem Gral. Suben necht vnd acht tage. Da mit iſt wendig alle mine clage. Jch getar úch warnen nicht Wol úch ab man uch helffe gicht Juw̉er geſelle iſt hie ein froͯmd̉er man Sin ſtens ich im vor mir nit gan Nun lat in farren an ſin gmach Alweinende parczifal ſprach Nun zeigent mir wa d̉er gral hie liget. Ob die gottes guͯtte an mir geliget Des wurd wol inen diſe ſchar Sine venie er fiel des endes tar Triſtunt ze erren der trinitat Er erwarb des muͦs werden Rat Des trurrigen mannes hercze ſere Do ſtuͦnd er vff vnd ſprach mere Oͯchain was wirret dir Der durch Silueſter einen ſtier Von tode lebendig hies gen Vnd laſzarum hies vff ſten Der ſelbe halff daz anfortas Ward geſund vnd wol genas Was der franczoſier heiſet flori Der glaſt kam ſinem fele bẏ Parczifals ſchoͯne waz ein wint Alſolon dauides kind Vnd von Aſcalun vergulacht Vnd allú ſchoͯne waz geſchlacht Oder das man Gahmurten Jach Do man in zogen ſach Ze kanvoleis ſo minenklich Jr deheines ſchone waz der glich Die Anfortes vſz ſiecheit truͦg Got noch kunſte kan genuͦg Do ergieng do dehein ander wal Wa dú die geſchrifft an dem gral Het ze herren in benant Parczifal ward ſchier erkant Ze kunge vnd ze herre da Jch wen nieman anderſchwa Funde zwene als Riche man Ob ich Richeit prueffen kan Als parczifal vn feriefis Man bot vil dienſtlichen flis Dem wirte vnd ſinem gaſte Jch weis wie *manig Raſte Kundwiramuͦs waz do gerittēn Kundwiramurs waz geritten Ge nunſchaualaſche mit froͯden ſitten.. Sy hett die warheit vernomen Soͯlich botſchafftt was ir komen Das wendig werre Ir clage not Der herczog kyot Vnd ander werdig man Hettent ſy gefuͯret dan Ze terr deſaluaſhe inden wald Da mit der tyoſt wart gefalt Segremurs vnd da d̉er ſchne Mit bluͦtt ſich ir gelichet E Da ſolt parczifal ſy holn Die reiſe er gerne mochte doln Diſuͯ mere ſeit Im ein templeis Manig Ritter kurteis Die kunginne hand mit zuchten bracht. Parczifal was ſo bedacht Er nam ein teil des Grals ſchar Ert reit fuͤr treficzenten dar Das hercze ward d̉er mere fro Das Anfortes ding Alſo Stuͯnd daz er der tyoſt nit ſtarb Wan Jm die frage Ruͯwe erwarb Do ſprach er got vil togen hat. Wer geſas y an ſinem Raut Oder wer weis ende ſin̉er crafft Alle die engel mit geſelſchafft Erfundens nyem̉er an den ort Got iſt menſch vnd ſins vatters wort / Got iſt vatter vnd ſuͦn Sin geiſt mag groſſer helffe tuͦn Treifriczent vnd barczifal ſprach Groſer wund̉er ſeltten ye geſchach Sit aber daz ir got erczuͤrnet hat Das ſin endloſe trinitat Juwers willen warhafftt wordēn iſt Jch loͯc durch ableittes liſt Von dem gral wie es vmb in ſtuͯde Gebt mir wandel fuͤr die ſúnde Jch ſol gehorſam úch nun ſin Schweſter ſun vnd d̉er herre min Das die vertriben geiſte Mit der gottes volleiſte By dem Grale wauren Kom úch von mir zemeren Vncz das ſy hulde do gebitten Got iſt ſtette mit ſoͯlichen ſitten Er ſtritet ẏmer an ſye Die ich uch zu hulden nande hie Wer ſins lones icht wil tragen Der muͯs den ſelben wid̉erſagen Ewenklich ſy ſind verlorn Den verluſt ſy ſelb hand erkorn Mich muͯt echt úwer arbeit Es was ye vngewonheit Das dem gral dze deine*demheinēn zitten Jeman moͯchtte erſtritten Jch het úch gerne dar von genomēn Nun iſt es and̉ers vmb in komen Sich hat gehoͯchet úw̉er gewin Nun kert an demuͦt úwern ſin Parczifal zu ſinem oͯchain ſprach. Jch wil ſy ſechen die ich nie geſach Jnre fúnff Jarren Do wir by ein andren waren Sy was mir lieb ſo iſt ſy och noch Dinen Rat wil ich haben doch Die wil vns nit ſcheidet d̉er tod Du Riette mir e in groſſer not Jch wil gen minem wibe komen Der kunfftt gen mir han ich ver=nomen By dem plimiczol an ein̉er ſtat Vrb*Vrlob er im do geben bat Do beualch in got d̉er gutte man Parczifal die nach ſtreich dan Sinen geſellen waz der waltt do gar vnkunt Do es tagtte do fander lieben fúnd Manig geczelt vffgeſchlagen Vſſerm lande ze Burbarcz horte er do ſagen Was vil panier dar geſtreket Manic ſchilt danach getreket Sins landes fúrſten lagent da Parczifal der fragte wa Dú kunginne ſelb lege Ob ſy ſund̉er ringes pflege Man zeigtte im alda ſy lag Vnd wol gehertes Ringes pflag Mit geczeltte vmbe fangen Nun was von kattelangen Der herczoc kyot enmorgen fruͦ Vff geſtanden diſen Rittent zuͦ Des tages blik was de=nocht graw Kyot ye doch erkante alda Des Grals wappen and̉er ſchar Sy fuͦrttent turteltublin gar Do er ſunfftte ſin alter lib Wan Schoiſiane ſin kúnſch wib Ze Munſhaͯleſche Jm ſeld erwarb Dú von Sygunen purt erſtarb Kyot gen parczifaln gieng Jn vnd die ſinen er wol empfieng Er ſantte ein Junckherlin Nach dem Marſchalk d̉er kúngin Er bat Jn ſchaffen guͦt gemach Was er da ritter halten ſach Er fuͦrt in ſelb by der hand Da er d̉er kúnginnen kam̉er fand Ein cleine geczelt von buͯcgram Das harnaſch man do von im nam Die kúngin des noch nit weis Lohrangin der vnd kardeis Vant parczifal by ir ligen Do muͯſt froͯde an Im geſigen Jn einem geczelt hoch vnd wit Her vnd do in allem zit ſit Claren frowen lagent gnug Kyot vff das decklachen ſchluͦg Er bat die kunginnen wachen Vnd froͯlichen lachen Sẏ bliktt vff vnd ſach Jr man Sy het nicht wan daz hemde an Vmbe ſich ſy daz teklachen ſchwang Fuͤr des bett vff ein tepich ſprang Kondwiramuͦrs die liech gemal Och vmb vieng ſy parczifal Man ſagt mir ſy kuſten ſich Sy ſprach mir hat gelucke dich Geſendet hercz froͯde min Sy bat Jn wilkomen ſin Nun ſolt ich zuͤrnen ich enmag GerGeerret ſy d̉er wille vnd d̉er tag Der mir brach diſen vmefang Da von min trurren wurde krank Jch han des min hercz gert Sorge iſt an mir vil vngewert Nun erwachtent och die kindelin Kardeis vnd Lochrāngrin Do lagen vff dem bete blos Parczifaln des nit verdros Er kuſte ſy minnenkliche Kyot der zuchen Riche Hie die knaben dannen tragen Er begund och al den frowen ſagēn Das ſy vs dem geczeltte giengent Sy tattent do ſy empfiengent Jr herren langer reiſe Kyot der kurteiſe Befalch d̉er kunginnen Jrn man Alle die Junkfrowen fuͤrt er dan Denocht was er harte fruͦ. Kamrerre ſchluͦg die winde zuͦ Geczuket im ir bluͦt vnd ſchne Geſelſchafftt an wiczen Ee Vff der ſelben owe erligencz fand. erligencz: Blaues Zeichen in Form eines Eisenbahnsitzes. erligencz: Autopsie: Jemand hat mit Bleistift das Kreuz des Ochsenkopf-Wasserzeichens nachgezogen. Fuͤr ſoͯmlichen kamberkuͯmber gab nun pfand Kondwiramuͦrs du het es do Sin lip empfieng nie and̉erſchwo Minnen helff fuͤr minnen not Manig werd wib in minne bot Jch wenne er kurczwile pflag Vncz an den mitten morgens tag. Das her reit úber all ſy ſchowen dar. Sy nomēn der tempeleiſe war Die waurent gecziemieret Vnd wol gehurtieret Jr ſchit mit tyoſten wol durch Ritten. Dar zu mit ſchwerten och verſchnitten Jeglicher truͯg ein kurſit Von pfelle oder von ſemit Yſer kolczen hettencz denocht an Das ander harnaſch waz von Jn getan. Da mag nit mer ge=ſchlaffen ſin Der kung vnd die kungin Stuͦndent vff ein prieſt̉er meſſe ſank. Vff dem ringe huͯb ſich ein gros gedrank Von dem ellenthafftten her Die gen Clamide wauren ze wer Do der ſegen ward getan Parczifaln enpfiengen ſine man Mit trúwen wirdenklichen Manig Ritter ellencz Richen Man nam des geczelltes winden abe Der kung ſprach dewe=ders iſt der knabe Der kúng ſol ſin úber úwer land Den fúrſten tett er do bekant Waleis vnd nurgals Kanuoleis vnd Kingrivals Der ſelbe ſol von rechtte han Zu anſchowe vnd Bealzanan Kompt er ym̉er an manes krafft Dar leiſte ich im geſelſchafftt Gahmuret min vatt̉er lies Der mirmirſ mit Rechttem erbe lies Mit ſelde ich geerbet han den Gral. Nun empfachent ir an diſem mal. Juwer lechen von minem kinde. Ob ich an úch trúwe finde. Mit tuͦtten trúwen das beſchach Vil fannen man do fuͯren ſach Do luchen zwo cleine hende Witter lande an mengem ende Gecroͯnet ward do Cardeiz Der bezwang och ſider kanuoleis Vnd vil das Gahmuurtes waz By dem plimizol vff dem gras Wart geſidlet vnd ward ring genomen. Das ſy zem brote ſoͯlten komen. Schellenklichēn do enbiſſen vnd goſen ward Das folk kert an die h*heim fart Dú geczelt man nam alle nider Mit dem Iungen kúng ſy ker=tent wider Manig Iunckfrow vnd ander diett. Sich von dem kung ſchiet So das ſy taten clage ſchin Do nomen Lohrangrin Vnd ſine muͦtt̉er wol getan Die templeiſe vnd Ritten dan Gen Munſhaual*Munſhauaſche balde Ze einer zit vff diſem walde Sprach parczifal do ſach ich ſten Eine cloſen dar durch balde gen Einen ſchlechtten brunnēn clar Ob ir ſy wiſſent ſo wiſſent mich dar /. Von ſinen geſellen ward Jm geſaget. Sy wiſtint eine da wont ein maget Al klagende vff irs frundes ſarche Die iſt rechtter guͯtte ein arke Vnſer ſtraſe gat ir nache bẏ Man findett ſy ſelten Jamers frẏ Der kúng ſprach wir ſullen ſy ſechen Das wart ein folge an In veriechen Sy Ritten des endes trate Vnd funden des abendes ſpate Sygunnen an ir venie tod Des kam dú kúngin in not Sy brachen zu ir dar In Parczifal durch die niftel ſin Hies vff wegen des ſarches ſtein Schionatulander ſchein Vnerfulet ſchone balſam far Man legt nachen zu im dar Dú im megtlichú mīnne gab Die wile ſy lept vnd ſchluͦg zu das grab. : Undefinierbares Zeichen am Zeilenende. : Ansatz zu z oder Großbuchstaben. Kúndwuramuͦrs begund clagen Jr vetter tochtter hort in ſagen Das ſy ward froͯden oͯne Wande ſy Shoiſiane Der totten megde muͦtt̉er zoch Kint wiſſende do von ſy froͯde floch. Du parczifals muͦtt̉er waz Ob der prouenzale du warheit las. Der herczog kyot Wuſte wenig vmb ſin̉er tochtt̉er todnot Des kindeskúnges kardeizes Magt ogt. Dis mere iſt nit So der boge. Es iſt war vnd ſchlecht Der reiſe tatten ſy ir recht Die nacht ſy gen Munſaluaſhe Rittent. Mit froͯden hett ir da gebitten. Feirefis die ſtunde Vil kerczen man anzunde Als ob brunne gar der wald Ein templis von patrigattpatrigalt Gewapnet by der kunginēn reit Der hoff was wit vnd breit Do ſtuͦnd vff menig ſund̉er ſchar Die Empfiengen die kunginne gar Den wirt vnd den ſune ſin Do truͯg man loheangi*loheangrin Gen ſinem vetern feirefis Do der was da ſchwarcz vnd wis Der knab ſin wolte kúſſen nicht. Werden kinden Man noch forchte gicht Des lachet der heiden Do begunden ſy ſich ſcheiden Vff dem hoffe do du kúngin Erbeiczes was in kam gewin An ir mit froͯden kunfftte al dar Man fuͦrte ſy da menig ſchar Von meng̉er claren frowen waz Feirefis vnd Anfortas Mit zuchten ſtuͦndent beide By den frowen an ir grede Repanſe deioie Von Gruͦnland Garſhilioe Florie vnd zunel Liechtú ogen vnd clare fel Sy trugen vnd manlichen pris Da ſtuͯnd och ſchwankel als ein Ris Der ſchone vnd guͦtte nit gebrach Vnd der man im zu tochtt̉er iach Von kyle gerniſe Die maget hies anflyſe Von tenebroc ward mir geſaget Stuͦnd da Clariſancze ein ſuͯſze maget. An ir ſchone d*gar vn=verkrenket Als ein ameize gelenket Feriefis gen der wurtin trat Die kuͤnginne in den kúſſen bat Sy kuſt och Anfortaſſen do Vnd was erloſſung fro Fierfis ſy fuͦrtte by der hand Do ſy des wirtes muͦmen fand Rapenſen dioninen ſten Vil kúſſens muͯſt do ergen Dar zu ir mund waz ſo Rot Der leid von kuſſen nun die not Das es mich muͯt vnd iſt mir leid Das ich nit han dú arbeit Fuͤr ſy won ſy kan muͯde ſin Junckfrowen fuͯrtten ir frowen hin Die Ritter vff dem palas Beliben der wol geczieret waz Mit liechttern die helle brunnen Do wart mit zúchtten begunen Gereitſchafftt d*gen dem grale Den truͦg man zu allem male Der diet nit durch ſchowen fúr Numan durch hachzitte kúr Durch das ſy troſtes wanden Des ſy ſich froͯden anden Des Aubendes vmb daz bluͦtig ſper. Do ward d̉er gral durch helffe ger. Fuͤr getragen and̉er ſelbe zitt Parczifal ſy lie in ſorgen ſitt Mit froͯden er wurd nun fuͤr getragen Jr Ruͯwe iſt gar vnd̉er geſchlagēn Do dú kungin ir Reiſe gewant Abe zeczoch vnd ir gewandgeband Sy kam als es ir wol geczam Feirefis an ein̉er tur ſy nam Nun dis was echt one ſtrit. Das hortte oder ſpreche zu der zit Jeman von ſchonren wiben Sẏ het och an ir libe Einen pfelle den ein kunſtik hand Worchte als in Sarant Mit groſem liſt erdachtte E Jn einer ſtat ze Thaſine Feirefis anſhevin Sy brachtte die gab liechten ſchin Enmitten durch den palas Drú groſze fuͤr gemachet was Lignaloe des fuͤres ſmak Vierczig tepich vnd mer geſicze da lag. Denne zen zitten do parczifal da was. Och ſach fúr=tragen den gral. Ein geſitte da vor vſz geheret was. Do feriefis vnd anfortas Bi dem wirte ſolten ſiczen Do ward mit zúchten wiczen Wer das dienen wolte So der Gral dienen wolteſolte Jr habent des gnuͦg Wie man fuͤr Antifotaſſen truͦg Dem ſicht man nun gliche tuͦn Fuͤr des werde Gahmurtes ſuͦn Vnd och fuͤr tampuͦnterres kint Junckfrowen nun nicht lang̉er ſind Ordenlichen die komen úber al Fúnff vnd zweinczig and̉er zal Der erſt blik den heiden clar Ducht Im*Im vnd redlichett ir har. Die ander ab̉er ſchon̉er dar nach. Die er do all̉er ſchiereſt komen ſach Vnd ir aller cleider tuͤrre Suͯſſe minnenklich gehuͤrre. Waz Alle der megde ſchar vnd anttlút gar. Nach In allen kam die liecht gefar Repanſe deioie ein magt Sich lie der gral ward mir geſaget Die ſelben magen eine Vnd anders deheine Wan irm herczen was vil kúnſche bẏ Jr fel des blickes frẏ Sag ich des dienſtes vrhab Wie vil kamrerre waſſer gab Was man tuͯchlin fuͤr ſy truͦg g me denne ich uch denne gnuͦg Wie vnfuͯg den palas floch Was man do karatſchen zoch Mit trúwen goltvaſſen Vnd wie die ritter ſaſſen Des wur*wurde alle ze lang ein ſpil Jch wil der kurcze weſen zil Mit zucht man vor dem grale nam. Spiſe wi*wilde vnd zam *Die den met jene den win Als es ir ſitte wolte ſin Moras ſynopel clarett Fillirois Gahmuret Pelapire al anders vant Do ſin erſt ward erkont Der heiden fragte mere Wa von die goldfas weren Vor der tauel wurden vilvol. Das wund̉er im tet zeſechent wol. Do ſprach der clre anti=fortas. Dem ze geſellen gegeben was. Herre ſecht ir vor uch ligēn den Gral. Do ſprach der heiden vech mal vnd gemal Jch ſiche nicht wan ein achmardi Das truͦg min Junkfrow vnd bẏ Die doͯrt mit crone vor úch ſtet Jr blick mir Jn daz hercze gett Jch wonde ſo ſtark were min lip. Daz weder maget noch dehein wip Mir froͯden crafftt beneme Mir iſt worden wider zeme Ob ich ye werde minne enpfieng Vnzucht mir zucht vnder fieng Das ich uch kúnde mine not Sid ich úch dienſte nie gebot Was hiffhilffet al min Richeit Vnd waz ich ye durch wib erleit Vnd ob min hand hat icht v̉ergeben Mus ich ſus pinlichen leben Ey creffttig got Jupiter Was wolteſt min zu vnſanfftte her. Minne crafftt mit froͯde cren=ke. Frumt In bleichan ſin̉er blenke Kondwiramuͦrs die licht erkant Vil nach im ebenhúſſe vant Ander claren megde velles blik Do flos ſich in ir hercz minne ſtrik Feirefis der werde gaſt Sin̉er erſten fruntſchafftt im gebraſt Mit vergeſſenlichem willen Was halff nun Secundillen Jr lib ir land trabilibot Jm fuͦgtte ein maget ſo ſtrenge not Claudite vnd olimpia Secundillen vnd witten and̉erſwa Do wib im dienſtes londen Vnd ſin priſes ſchonden Gahmurtes ſun von zazamanc Den duch ir aller minne krank Nun ſach der clare antefortes Das ſin geſell in pine was Des blanken mal gar wurden bleich. So das im hocher muͦt entweich. Do ſprach h̉erre du ſchweſt̉er min Mir leidet ob uch die leret pin Denne nie man durch ſy erleid Nẏe Ritter in ir dienſtes gert noch me gereit. Da nam och nẏeman lon da ze ir Sy was mit Jamer gros by mir Das krenket och ir farwe ein teil Das man ſy ſach ſo ſelten geil Juwer bruͦder iſt ir ſchweſter ſuͦn Der mag úch da wol hilffe tuͦn Sol dú maget úw̉er ſchweſt̉er ſin Sprach feirefis anſhevin Dú die cron vff dem bloſen har d*doͯrt hat. So gebt mir vmb ir minne Rat Nach ir iſt als mins herczen gir Wan ob ich ye pris gwan mit wer. Wan were das gancz durch ſy beſchechen Vnd woͯlte ſy denne irs lones = iechen Funff Stiche mag turnieren han. Die ſind min̉er hand vnd̉erton Ein̉er iſt zem pungeis Ze triuers och den andern weis Der dritte iſt zent muͦten Ze Rechter tyoſt vnd gutten Jch hurttenklich han geritten Vnd den zu volge nit v̉ermitten Sid der ſchilt von erſt ward min tach Hint iſt min erſt vngemach Och ſtach ich vor agromoin Gen einem Ritter fuͤrin Wan min kurſit Salamander Vnd aſpinde min ſchilt d̉er ander Jch were verbrunen von der tyoſt Wa ich pris gelolt vff libes koſt / Owi het ſy mich geſendett dar Juwer ſchweſt̉er minenklich gefar Jch were gen ſtrit noch ir bot Jupiter minen got Wil ich ym̉er haſſe tragen Er erwende mir mine clage Jr beider vatter hies frimitel Glich antlucze vnd glich vel Anfortes by ſin̉er ſchweſt̉er truͦg Der heiden ſach an ſy gnuͦg Vnd aber wider dike an In Wie vil man har od̉er hin Spiſe trug ſin mund nit ſpiſe as Eſſen er doch gliche ſas Anfortes ſprach zu parczifal Herre úwer bruͦd̉er hat den gral. Des ich wene noch nit geſechen. Feires gund dem wirte Jechen Das er den Gral nit ſeche Das ducht alle die Ritt̉er ſpeche Dis mere och tyturel vernam Der alte petriſe lam Der ſprach es iſt ein heideſch man So bedarff er des nit willen han Das ſine ogen oͯn des toffes krafft Beiagent die geſelſchafft Das ſy den gral beſchowen Da iſt hamit fuͤr gehowen Das enbot er inden palas Do ſprach parczifal vnd anfortas Ze feirefis daz er neme war Wes als das volck lepte gar Da were ein Jeglichen heiden Mit ſechen von geſcheiden Sy wurben daz er neme den toff Vnd endloſſen gewinnes koff Ob ich durch uch zetoffe kome. Vnd iſt mir d̉er touff zu minem frume Sprach der heiden Gahmurtes kint. Es was vncze her ein wint. Was minne ſtrit od̉er minne twank Die wile ſy kurcz od̉er lank Do der ſchilt von erſt mich úb̉ervinck. Nie groͯſzer not ich ſid empfienk. Durch zucht ſolt ich minne heln. Minne mag irs herczen nit verſteln Wa meinſtu ſprach parczifal Jene maget lúchtet gemal Mins geſellen ſchweſt̉er hie Wiltu mir helffen vmb ſie Jch tuͦn úcht Richeit bekant So das ir dienent witte land Wiltu dich toffes laſſen wern Sprach der wirt ſo mach du minne gern Jch mag doch nun wol ducken dich Vnſer richeit nach gelichet ſich Einhalb von des Grales crafftte Hilff mir geſelſchafftte Sprach feirefis anſhevin. Bruͦder vmb die muͦmen din Holt man den toff mit ſtrite Der ſchaff mich by zitte Lau mich dienen vmb ir lon Jch horte ye gerne ſoͯlichen don Da ſchwert vff helme clungen Von von tyoſt ſpiczen ſprungen Der wir des lachte ſere Vnd Anfortes noch mere Kanſtu ſuſt toͯff empfachēn Sprach der wirt ich wil ſy nachēn Durch rechten toff in din gebot Jupiter dinen got Muͦſtu durch ſy v̉erlieſen Vnd Secundellen verkieeſſen Morgen fruͦ gib ich dir rat Zer fuͦge an dinem gewerbe hat Anfortes vor ſicherheit zit Sinen pris gemachet het ſo wit Mit Ritterſchafftt durch minne An ſins herczen ſinne Was guͯtte vnd miltekeit Sin hand och mengen ſtrit erſtreit Da ſaſzent dem grale bẏ Der aller beſten Ritt̉er drẏ Die da der ſchilte pflagen Wan ſy getorſtencz wagen Welt ir ſy hand da geſſen gnuͦg Mit zuchtten man von in allen truͦg Tafflen tiſchlachen Mit dienſtlichen ſachen Nigen allú die Junckfroͯwlin Feirefis anſhwevin Sach ſy von im kerren Das begund im truwen meren Sins herczen ſchlos truͦg da denn Gral Vrlop gab in parczifal Wie die wirtin ſelb dannēn gieng. Vnd wie mans angefieng. Das man ſin wol mit betten pflag Der doch dur minne vnſanfftte lag. Vnd wie al der tempeliſe diet. Mit ſenfften vnſanfftte von im do ſchied Das wurde alze lang ein ſage Jch wil úch kunden von dem tage Do der des morgens liecht erſchein Parczifal ward des in ein Vnd Anfortes der guͦtte Mit endhaffttem muͦtte Sy baten den von zaſamanc Komen den du minne twank Er gebt och an dem ſelben mal Jn dem tempel fúr den Gral Den wiſen tempeliſen dar Sariande ritt̉er groſe ſchar Da ſtund. do gieng d̉er heiden Jn Der toff napff waz ein Rubin Von Jaſpis ein grade ſinwel Dar vff er ſtuͦnd tyturel Het in mit koſt erczuget ſo Parczifal zu ſinem brud̉er do Sprach wiltu die muͦmēn min Haben / Alle die gotte din Muͦſtu durch ſy verſprechen Vnd ymer gerne rechen Den widerſacz des hoͯſten gottes Vnd mit trúwen ſchonen ſins gebotes trúwen: Punkt liegt eigentlich schon über r, aber wohl durch den Schaft des darüberliegenden Verses bedingte Verschiebung. Wa von Ich die magett ſol han. Sprarch d̉er heiden das wirt getan Mit trúwen an mir erczeiget Der toff napff wart geneiget Ein luczel gen dem Grale Vollú waſſer andem male Wart ſy ze warm noch ze kalt Da ſtuͦnd ein gewaur̉er prieſt̉er alt Der vſſer der heidenſchafftt Vil menig kindelin Och geſtoſen hett dar Jn Der ſprach In ſond globen V́wer ſele den tieffel roben. An den hoͯſten got alleine. Des triualt iſt gemeine. Vnd alle geliche gur=bort. Got iſt menſch ſins vatt̉ers wort. Sid er iſt vatter vnd kind Die alle geliche geherret ſind Eben her ſinem geiſte Mit der dryer volleiſte Wert úch dis waſſ̉er heidenſchafft Mit der trinitatte krafftt Jn waſſer es zu touffe gieng Nach dem Adam antlúcze empfieng. Von waſſer bome ſin geſafftt Waſſer fúcht alle die geſchafftt Der man fuͤr creature gicht Mit dem waſſer man geſicht Waſſer git menger ſele ſchin Das die engel nit liecht̉er doͯrfftten ſin Ferrefis zum prieſt̉er Sprach. Ferrefis: Eventuell aus Ferres korrigiert? Oder nur verwischte Tinte? Iſt es mir guͦtt fuͤr vngemach Jch glos was ir gebiet Ob mich ir minne miet So leiſte ich gerne úw̉er gebett Bruͦder hat din muͦme got An den glob ich vnd an ſie So groſe not gewan ich nie Alle min goͯt ſind verkorn Secundille hab ich verlorn Was ſyan mich ye gerte ſich Durch din̉er muͦmen got heis toffen mich Man begund ſin criſtanliche pflegēn Man ſprach ob in des toffes ſegen Do der heiden den toff empfieng Vnd die veſt̉erlege ergieng Der er kume erbeitte Der megde man in bereite Man gab im frimuteles kind An dem Gral was er zeſechent blind. E der toff het In bedeket Sid ward im vor enpleket Der Gral mit geſichte Nach der toͯff geſchichte An dem gral man geſchriben fand. Welhem tempeleis die gottes hand Ze herre gebe froͯmd̉er diette Das der fragen widerritte Sins namen vnd ſins geſchlechtes Vnd das er in huͯ*hulffe Rechtes Wirt die frage genim ge=ton. So enmugen ſy in nit lenger han Durch das der ſuͯſze anfortes So lang in ſiner pine was Vnd In die frage lande meit Jn iſt immer mer nun frage leit An die gralles pflicht geſellen Gen In fragens niena wellen De getoͯffte feirefis An ſinen ſchwager legte flis Mit bett dannen zu farne Vnd nẏemer nicht ze ſparne Von Jm al ſin̉er richet habe Do wiſte in mit zuchten abe Anfortaſz von dem gewerbe Anfortaſz: Oder AnfortasAnfortaſ? Jch wil nit das verderbe Gen got min dienſtlich̉er muͦt Des Grales crone iſt als guͦt Dú hant mit hochfart verlorn Nun han ich doͯmut erkorn Richeit vnd wibe minne Sich verrent von minēn ſinnen Jr fuͯrrent hinnan ein edel wib Die git uch ze dienſte kúnſtlichēn lip Mit Retten wiplichen ſitten Min dienſt hie nit wie v̉ermitten Jch ſol vil tioſte ritten Jns Grals dienſte ſtritten Durch wib geſtrit inich niem̉er mer Ein wib gab mir hercze ſer Doch iſt yem̉er all min has Gen wiben vollenklichen las Hoch manlich froͯde ligt an Jn Wie cleine do were min gewin Anfortaſſen bat do ſere Durch ſin̉er ſchweſter erre Mit verſagen er ſich des werte Feirefis der dannen verte Feirefis Anſchwevin Warb da das lohrangin Mit Im dannen ſolte varn Sin muͦtter konde daz wol bewarn Och ſprach der kúng parczifal Min ſuͦn iſt geordnett vff den gral Dar muͦs er dienſtliches hercze tragen Lat in got rechten ſin beiagen Minne vnd kurczwile pflag Feirefis vncz an den eilfftten tag An dem zwoͯlfftte tage ſchied er dan. Gen ſinem her d̉er Riche man Sin wib wolt er fuͯrren Des begund ein trurren Ruͯrren Parczifal durch trúwe Diſe lere vnd rede lert in rúwe Mit den ſinen er ſich beriet Das von Rittern groſe diet Mit im ſantte fur den wald Anfortes der clare tegen bald Mit im durch geleite reit Manig maget da weinen nit vermeit. Sy begunden machen núwe ſla Vs gen karthoga Dar enbot der ſuͯze anfortas Dem der da burgraue was Das er were des gemant Ob er ye von ſiner hand Empfangen gaben Riche Das er nun dienſtliche Sine trúwe an Im priſte Vnd Im ſinen ſchwag̉er wiſte Vnd das wib du ſchweſt̉er ſin Zem foreſt lechpriſin Jn die wilden habe wit Nun was vrlobes zit Sy ſoltent doch nit fuͤrbas komēn Kundire wart wart genomēn Ze dirre botſchafftte dan Vrlob zem Richen man Namen alle die tempeliſe Hin Reit der kurteiſe Der burgraue do nit lies Was in kundrie leiſten hies Feirefis der Riche Ward do minnenkliche Mit groſſer fuͦre empfangen Jn dorfftt do nit belangen Man fuͦrte furbas ſchiere Mit groſem kondwire Jch enweis wie menig land er do reit. Vncz ze ſchoflancze vff den anger breit Lútte ein teil ſẏ funden Anden ſelben ſtunden Feirefis do fragtte mere War das her komen were Ettlicher was in ſin land War im dú was bekant Artus was gen ſchambulot Der von tribalibot Konde anden ſelben zitten Gen ſinem her wol ritten Do lag al trurig In der habe Das ir herr waz geſchiden drabe Sin kunfft do mengen Ritt̉er guͦt Brachte núwen hochen muͦt Der burgraue von karcopra Vnd alle die ſinen wurden da Mit Richer gabe heim geſant Kundrie dú hochú mere befant Botten wauren nach dem her komen. Secundille het den tod genomen Repanſe deioie do Mocht ir fertte allereſt weſen fro Du gebar ſid in Jndia Enen ſuͦn der hies Johan Prieſter Iohan den man d̉er hies Jmer ſid man die kung lies An dem namen bliben Feirefis hies do ſchriben Ze Jndia úber al das land Wie Criſtan leben waz erkant Das was e nit ſo krefftig da. Wir heiſſent es hie India. Doͯrt heizet es tribalibot Feirefis by kundrien enbot Sinem bruͦder ze Munſaluaſche wider. Wie es im was er=gangen ſider Das Secundille v̉erſcheiden waz Des ward al trurig Anfortas Wie ſin ſchweſter one ſtrit Were frowe úber menig lande wit. Dú Rechtten mere úch komen ſint Vmb die funff frumitelles kint Das dú mit guͯtte wurben Vnd ir zwey erſturben Das eine was Schioſiane Dú ſúſſe wandels oͯne Dú ander herczelaude was vnd ir nam hies Du falſcheit vs ir hercze ſties Sin ſchwert vnd Ritt̉erliches lebēn Het trefenczent ergeben An die wage in gottes mīnne Nach endloſem gewinne Der clare ſuͯſze AnfortesAnfortas Manlich bẏ kúnſchen herczen was Ordenlich er menig tioſte reit Durch den gral vnd nit durch die wib er ſtreit. Lochrangrin wuͦchs manlich ſtakStark. Dú zagheit an ir verbarg Do er ſich ritt̉erſchafftt verſan Jn grals dienſt er pris gewan Woͯlt ir nun hoͯren fuͤrbas Sit úwer land ein frowe ſas Vor aller vntamt bewart Richeit vnd hocher art Beidú vff ſy geerbet wauren Sy konde ſo gebaren Das ſy mit rechtt̉er kunſch erwarb All weltlich dinsding an Jr erwarb Werder lútte warb vmb ſẏ gnuͦg Der ettlicher crone truͦg Vnd menig fúrſte ir gnos Jr demuͦt *was ſo gros Das ſy ſich daran nit wante Vil grauen Jn ir lande Begunden an ſy haſſen Wes ſy ſich welte laſen Das ſy einen man nicht neme Der Jnen ze herren zeme Sy hett ſich gancz an got velon Was gen ir zornes ward geton Vnſchulde menger hin zuir zoch Einen hoff ſy irs landes herren ſprach Manig botte vs ferren landen fuͦr Hin zu ir die man ſo gar ver=ſchwuͦr Wan das ſy got bewiſte Des minne gern priſte Sy was ein ſtime in farbant Von Munſaualeſche wart geſant Die der den ſwan brechte Vnd des ir got gedechtte Ze anttwerb er ward vſz geczogēn Sy was an Im vil vnbetrogen Er konde wol gebaren Man muͦſt in fuͤr den claren Vnd fúr den manlichen Haben alzemal vnd richen Wa man ſin kúnde y gewan Hofflich mit zuchtte wiſe ein man Getrúwe milte on ader ſtos Was ſin lib miſſewende blos. Des landes frow in wol empfieng Nun hoͯrt wie ſin Red angieng Das ſy Riche vnd arme horten Die da ſtuͦnden an allen orten Do ſprach er frowe herczogin Sol ich hie landes herre ſin ⸿Darumb laſze ich als vil Nun hoͯrt wes ich bitten wil Gefragt nẏem̉er wer ich ſẏ So mag ich úch bliben by Bin ich zu úwer frage erborn So habt ir minne an mi*mir v̉erlorn Sind ir nit vor gewarnet des So warne mich got ich weis wol wes Sy ſaczte guͯtte ſicherheit Die ſy durch liebe wenket leit Sy wolte zu ſinem gebot ſten Vnd niemer úber gen Was er ſy leiſten hieſſe / Ob ſy got by ſinen lieſſe. Die nacht ſin lib ir minne empfieng Do ward er fuͤrſte Jn brabrant Die hochzitt Rilich ergieng Manig herr von ſiner hand empfieng Gros lechen daz ſy ſolten han Guͦt Richtter ward der ſelbe man Er tet och dick Ritt̉erſchafft Das er den pris behielt mit krafft Si gewunnent ze ſament Schoͯne kind Vil lútte in brabrant noch ſind Die wol wiſen von In beiden Jr empfachen ſin dan ſcheiden Das In frage do vertreb Vnd wie lang er da beleib Er ſchied doch vngerne dan Nun bracht im aber ſin frund der ſchwan Ein cleines gefuͯgtes ſeities Sins cleinondes er da lies Ein horn ein ſchwert ein ving=erlin Hin fuͤr lohgragrin Wellen wir dem mere Rechte tuͦn So was es parczifals ſuͦn Der fuͦr ſid waſſer vnd wage Vncz wider Ins grals pflege Durch was verlos daz werde wip Werdes mannes min=nenklichen lip Er hett ſis doch gewarnet E Do er fuͤr ſy gieng von dem ſe Hie ſol Erich nun ſprechen Der kunde mit Rede ſi rechen Ob von troys meiſte criſtan Diſem mere hat vnrecht getan Das mag wol zuͤrnen kyot Der vns du mere recht enbot Enhafftt git der profenzal Wie herczelauden kind den Gral Dis buͦch iſt Joͯrg Friburgers Von bern 14681467 .cc. Jan. daſc Jch dis buͦch Jſt 3 Geerbet als in geordnet waz Den Jn verworchte anfortas Von provencze in tuͤtſche land Du Rechtú mere vns hat geſant Vnd dirre ende auentuͤre zil Da von ich nit mer ſprechen Wil Ich wolffram von eſchenbach Wan als vns doͯrt der Meiſter ſprach Sine geſchlecht ſine kint ſint hoch geſchechte Han ich *úch genemet Rechte Parczifals den Jch han bracht Dar ſin doch ſelde het erdacht Wes leben ſy ſo verendet Das got nit wirt gepfendet Dú ſele durch des libes ſchulde Vnder der werden hulde Gedienen kan mit wirdikeit Das iſt ein nucze arbeit Guͯttu wib vnde hant dú ſin Deſte werder ich in bin Ob mir deheine guttes gan Sid ich dis auentúrre gar geſprochen han Vnd iſt dis durch ein wib geſchechen Du muͯſz mir ſuͯſſer mere Jechen Dis Auentúr hett ein end Got vns ſine gnade ſend Vnd helff vns vſer aller not Der durch vns leid den tod An dem heilgen Crucz fronen Nun ſprechent alle Amen Explicit barczifal 3a an̄te purificac̄iōnis marie Anno etc lxvij° ꝑper me Joh. Stemhein de Conſtancia