Parzival Transkription des Textzeugen nk Wolfram von Eschenbach Parzival-Projekt Bern Parzival-Projekt Bern Bern 03.09.24 Heidelberg Universitäts bibliothek Cod. Pal. germ. 339 n

Hs. n Heidelberg, Universitätsbibliothek, Cod. Pal. germ. 339 Papier – 618 Blätter – Format: 27,8 x 19,3 cm (Schriftraum 17,5 x 9 cm), eine Spalte zu 21–25 Zeilen (Bastarda), Verse abgesetzt – um 1443–1446 – Elsass (Werkstatt des Diebold Lauber) – Inhalt: Wolframs ›Parzival‹ – Abschnittsgliederung durch rote Überschriften und rote Initialen, Anfangsbuchstaben der Verse rot gestrichelt – 65 aquarellierte Federzeichnungen, eine 15-zeilige Initiale am Beginn – Fassungszugehörigkeit: *m – vgl. zur Hs. auch die Angaben der Universitätsbibliothek Heidelberg sowie jene im Handschriftencensus.

 Leser Rubrikator Schreiber Finis-Zeichen Alinea-Zeichen de-Ligatur Lateinische Abkürung für -rum Lateinische Abkürzung für -is Lateinische Abkürzung für -et/-it Lateinische Abkürzung für -et Vgl. Cappelli, Lexicon abbreviaturarum, S. 408, Sp. a, letzte Zeile. Zeilenfüllsel Buch I Inhaltsverzeichnis Datei erstellt nach Farbfotos (Studio) von KHo März 2017 Inhaltsverzeichnis Korrektur gelesen von CG am 09.03.2017. Buch I Datei erstellt nach Farbphotos (Studio) von GVi, Autopsie am 10.12.2004 (GVi) Buch II Datei erstellt von GVi nach Farbphotos (Studio), Autopsie am 10.12.2004 (GVi) Buch III Großbuchstabe J im Zeileninneren zu kleinem j vereinheitlicht, auch bei Eigennamen; Angabe von Strichen, die als Virgeln gedeutet werden können, ist einheitlich unterblieben; die physischen Beeinträchtigungen des Papiers (Verfärbungen in Form eines Rechtecks) an den Seitenrändern durch den Kontakt mit dem Klebstoff der Blattweiser werden nicht als Blattweiser getaggt und auch nicht vermerkt. Transkribiert von SiLa im Februar 2016 ab Farbfotos (Studio). Gegengelesen von AB im Mai 2016 ab UB Heidelberg. Überarbeitung der früheren Transkription der Sigune- und Ither-Episode (138.01-142.30; 154.01-161.30) von SiLa im Mai 2016. Buch IV Transkribiert von YCh nach Farbphotos (Studio) am 11.11.2011. Versumstellungen korrigiert. CG 28.05.2015 Kleinere Fehlerkorrekturen vorgenommen. CG 25.06.2015 Buch V Transkribiert von GVi (Diss) nach Farbphotos (Studio) Gegengelesen von JKl nach Farbphotos (Studio) im Okt. 2013 Gegengelesen von MiGe nach Farbphotos (Studio) im Okt. 2013 Kollationskorrekturen eingearbeitet am 9.12.2014 von JKl Jeder erste Buchstabe eines Verses und jeweils der erste Buchstabe nach einer Initiale sind rubriziert. Versbezifferungen "-b" etc. zu "-a" vereinheitlicht. CG 28.05.2015, Stellen: 229.05; 267.26; 274.14 Kleinere Korrekturen vorgenommen von CK im November 2015 Buch VI Transkribiert von GVi (Diss) nach Farbphotos (Studio) Gegengelesen von MWi/JKl ab Farbphotos (Studio) im Januar 2014 Erneut gegengelesen von SFa ab Farbphotos (Studio) im März 2014 Jeder erste Buchstabe eines Verses und jeweils der erste Buchstabe nach einer Initiale sind rubriziert. Versumstellungen korrigiert. CG 28.05.2015 Kleinere Korrekturen vorgenommen von CK im November 2015 Korrekturliste der Kollationeure ausgeführt von CG am 11.03.2016. Buch VII Großbuchstabe J im Zeileninnern zu kleinem j vereinheitlicht, auch bei Eigennamen; Angabe von Strichen, die als Virgeln gedeutet werden können ist einheitlich unterblieben; die physischen Beeinträchtigungen des Papiers (Verfärbungen in Form eines Rechtecks) an den Seitenrändern durch den Kontakt mit dem Klebstoff der Blattweiser werden nicht als Blattweiser getaggt und auch nicht vermerkt Transkribiert von CK im Juli 2015 ab Farbfotos (Studio). Gegengelesen von AB im August 2015 Buch VIII Datei erstellt von GVi. Bearbeitet von JKl nach Farbphotos (Studio) am 08.08.2011. Versumstellungen korrigiert. CG 28.05.2015 Buch IX Transkribiert von GVi nach Farbphotos (Studio), Autopsie bis 443.05 am 10.12.2004 (GVi) Gegengelesen ab Farbphotos (Studio) von SKl und JKl am 06.03.2012 Gegengelesen ab Farbfotos (Studio) von MiGe Mitte März 2010. Kollationskorrekturen eingearbeitet am 9.12.2014 von JKl Versumstellungen korrigiert. CG 28.05.2015 Buch X Transkribiert von GVi (Diss.) Gegengelesen von SKl/JKl ab Farbfotos (Studio) im Juni 2012 Gegengelesen von SFa ab Farbfotos (Studio) im Oktober 2012. Kollationskorrekturen eingearbeitet am 9.12.2014 von JKl Versumstellungen korrigiert. CG 28.05.2015 Buch XI Transkribiert von GVi (Diss.) Gegengelesen von JKl ab Farbfotos (Studio) im April 2013 Gegengelesen von MiGe ab Farbfotos (Studio) im Juli 2013 Kollationskorrekturen eingearbeitet am 9.12.2014 von JKl Buch XII Großbuchstabe J im Zeileninnern zu kleinem j vereinheitlicht, auch bei Eigennamen; Angabe von Strichen, die als Virgeln gedeutet werden können ist einheitlich unterblieben; die physischen Beeinträchtigungen des Papiers (Verfärbungen in Form eines Rechtecks) an den Seitenrändern durch den Kontakt mit dem Klebstoff der Blattweiser werden nicht als Blattweiser getaggt und auch nicht vermerkt Transkribiert von CK im Mai ab Farbfotos (Studio). Gegengelesen von AB im Juli 2015 ab Farbfotos (Studio). Buch XIII Großbuchstabe J im Zeileninnern zu kleinem j vereinheitlicht, auch bei Eigennamen; Angabe von Strichen, die als Virgeln gedeutet werden können ist einheitlich unterblieben; die physischen Beeinträchtigungen des Papiers (Verfärbungen in Form eines Rechtecks) an den Seitenrändern durch den Kontakt mit dem Klebstoff der Blattweiser werden nicht als Blattweiser getaggt und auch nicht vermerkt Transkribiert von CK im Januar 2016 ab Farbfotos (Studio). Gegengelesen von SiLa im Februar 2016 ab Farbfotos (Studio). Buch XIV Großbuchstabe J im Zeileninnern zu kleinem j vereinheitlicht, auch bei Eigennamen; Angabe von Strichen, die als Virgeln gedeutet werden können ist einheitlich unterblieben; die physischen Beeinträchtigungen des Papiers (Verfärbungen in Form eines Rechtecks) an den Seitenrändern durch den Kontakt mit dem Klebstoff der Blattweiser werden nicht als Blattweiser getaggt und auch nicht vermerkt 679.01-706.30 transkribiert von CK im Februar 2016 ab Farbfotos (Studio); 707.01-733.30 transkribiert von SiLa im März 2016 ab Farbfotos (Studio). Gegengelesen von AB/SL im April 2016 ab Farbfotos (Studio). Buch XV Abschnitt 750.10 bis 758.04 wurde von OSK/SBu nach den Richtlinien vom 23. August 2002 transkribiert. Er sollte im Doublekeying-Verfahren erfasst werden und wurde nach den Richtlinien vom 23.August an der Photoausgabe auf dem Netz gegengelesen und korrigiert. Die restlichen Abschnitte erstellt sowie überarbeitet von GVi nach Farbphotos (Studio) am 25.11.03. Letzte Änderung 16.01.04. Autopsie 10.12.2004 (GVi) Buch XVI Abschnitt 792.11 bis 799.12 von einer Microfilmkopie transkribiert, nach den Richtlinien vom 7.Juli 2002 (SBU?). Ganze Datei gegengelesen und umnummeriert (OSK) Ende Juli 2002. Abschnitt 799.13 bis 803.30 wurde von einem Mikrofilmausdruck transkribiert nach den Richtlinien vom 7.Juli 2002 (SBu/MSt). Abschnitt 804.01 bis 808.03 wurde nach den Richtlinien vom 7.Juli 2002 ab einer Mikrofilmkopie transkribiert (SBu/MSt). Die restlichen Abschnitte erstellt sowie Überarbeitet von GVi nach Farbphotos (Studio) am 25.11.03. Letzte Änderung 16.01.04. Autopsie 10.12.2004 (GVi) Versumstellungen korrigiert. CG 28.05.2015 Hs. nk in eine Komplettdatei überführt, Dateiköpfe zusammengestellt und virtuelle Blattangaben entfernt von CG am 08.08.2016. Kollationskorrekturen eingearbeitet von CG am 08.08.2016. Buch IV gegengelesen von CG am 18.08.2016. Korrekturen durchgeführt von CG am 31.10.2016. Handschrift komplett autopsiert von CG am 13.-14.03.2017. Kollationskorrekturen durchgeführt von CG am 31.10.2017. Endredaktion II durchgeführt von CG am 16.11.2017. Alle -a (damals Varianten markierend) entfernt am 4.12.2018 von MiGe Oktober 2019: Es wurden keine Verse entdeckt, die auf eine gezielte Kürzung hinweisen. Allerdings ist 390.13 ein Vers, der wahrscheinlich 'dazugedichtet' wurde (nachdem 390.13 in *m weggefallen war). Dieser Vers erhält in dieser Datei die Ednung -a Grundsätzlich ist jeder erste Buchstabe am Versanfang in Handschrift nk rubriziert. Diese Rubrizierungen werden in der Transkription nicht separat vermerkt. Alle mit roter Tinte vergenommenen Korrekturen werden ru zugeordnet. Parcifall DAs ander Cappittel Alſo gamiret vōn der kv́nnigin begobet wart Das iij Cappittel Alſo gamiret mit ſinen rittern vff ſaſz vnd reit do bekām Jme einer vnder wegen den ſtach er nẏder ⸿Das iiij vierde Cappittel Alſo gamiret vn̄d ſin volck gar herlich enpfangen wurden von der kv́nigin vnd zuͯ diſche ſoſſen vnd in gar her=lich koſt fuͯr wart ga*getragen ⸿Das .v. Cappittel Alſo der burggroffe die woppen erkante ⸿Das .vj. Cappittel Alſo ein turnei beſchach zuͯ kanfoleis ⸿Das vij Cappittel Alſo d̉er kv́nig zazamang gảr froͯlich zuͯ ſinen dinern rette ⸿Das viij Cappittel Alſo der kv́nig von arragūn den kv́nig von britanẏn ſtach vnder das roſz ⸿Das ix Cappittel Alſo gamiret die kv́nigin bat ſitzen mit iren jungfrouwen ⸿Das x Cappittel Alſo die herrēn mit groſſer macht von der burg hin weg ritten ⸿Das xj Cappittel Alſo die junge konigin mit iren jungfrouwen die herren fuͯrten zuͯ ſchouwēnde die burg ⸿Das xij Cappittel Alſo die herrēn komēn gerittēn mit groſſer macht ⸿Das xiij Cappittel Alſo gamiret do was vn̄d man in zuͯ dem minſter begruͯp ⸿Das xiiij Cappittel Alſo froͧwe hertzeloide iren ſuͯn parcifalen in einem walde zoch ⸿Das xv Alſo der knappe von ſiner muͯter vn̄d von den ſinen hin weg ſchiet ⸿Das xvi Alſo der knappe mit den cleinoͯter̄n vngeſegent von der frouwen ſchiet ⸿Das xvij Cappittel Alſo parcifal von ſiner muͦt̉er ſchiet ⸿Das xviij Cappittel Alſo die herren wủrdēn gefuͯret zuͯ dem palaſt ⸿Das xix Cappittel Alſo kv́nig mitartus mit dem knappen vmb den harneſch rette ⸿Das xx Cappittel Alſo parcifal vff ſime roſz zuͯ der burge reit ⸿Das xxj Cappittel Alſo parcifal einen ritter vnder das roſz ſtach ⸿Das xxij Cappittel Alſo parcifal pelrapier erloſt vnd er do zuͯ lande herre wart ⸿Das xxiij Cappittel Alſo man parcifal ſinen fehen mantel brachte ⸿Das xxiiij Cappittel Alſo die kv́nigin kam geſlichen v́ber parcifals bette do er an lag vn̄d ſlieff ⸿Das xxv Cappittel Alſo parcifal die burger vnd die kv́nnigin erloſt Von dem ſtrit ⸿Das xxvj Cappittel Alſo parcifal hieſz der ge=fangēn die in den bloͯcher in logen wol pflegen ⸿Das xxvij Cappittel Alſo parcifal zuͯ mont=ſaluaſch kam do der grol vnd der ſiech anfortas was ⸿Das xxviij Cappittel Alſo parcifal froͧwe ſigunēn vff einer linden fant ſitzen ⸿Das xxix Cappittel Alſo parcifal mit ſtrite froͧwēn jeſcuten die hulde erwarp ⸿Das xxx Cappittel Alſo parcifal den ritt̉er twāng das er zuͯ dem kv́nige vōn pritanie muͯſte faren ⸿Das xxxj Cappittel Alſo parcifal ſogromurſz vnd keẏen nider ſtach ⸿Das xxxij Cappittel Alſo key den helt parcifalēn mit dem ſper vmb dem helm ſluͯg ⸿Das xxxiij Cappittel Alſo kingromors vōn artuſe Vnd der maſenẏe gawanen kamppfes an ſprach ⸿Das xxxiiij Cappittel Hie gat gawans offēntuͯr an wie der zuͯ ſinem kamppfe fuͯr ⸿Das xxxv Cappittel Alſo das her dem knappēnn noch ilte mit ſpern vn̄d roſſen ⸿Das xxxvjCappittel Alſo ein herrre des landes gert ritterſchafft an gawanen den helt ⸿Das xxxvij Cappittel Alſo die jungēn herrēn gar herlich ſtochen ⸿Das xxxviij Cappittel Alſo gawan mit meliantzen ſtreit vor dem her ⸿Das xxxix Cappittel Alſo gawan durch einen walt reit vnd zuͯ einer burg kam ⸿Das xl Cappittel Alſo her gawan die ſchone maget erſach do von er groſſe freide enpfing ⸿Das xlj Cappittel Alſo der kv́nig kingrumúrſel zuͯ dem hertzogen liddiminus ſprach das er in nit an keime ſtrit zuͯ vorderſt ſehe ⸿Das xlij Cappittel Alſo die landes herrēn mit dēm kv́nige zuͯ rote gingent ⸿Das xlij Cappittel Alſo gawan zuͯ ſigunēn kam fuͯr ein cluſe ⸿Das xliij Cappittel Alſo parcifal mit dem grōxwēn ritter juſtierte vnd ſtach ⸿Das xliiij Cappittel Alſo parcifal gon tren=rizende zuͯ dem einſidel kam ⸿Das xlv Cappittel Alſo ein hidēn genānt fle=getanis ein kalp fuͯr ſinen got an bettete ⸿Das xlvj Cappittel Alſo parcifal gar frintlichen mit ſime wurt rette ⸿Das xlvij Cappittel Alſo der wurt vn̄d parcifal lange zit mit einand̉er retten ⸿Das xlviij Cappittel Alſo der wurt par=cifal ſinen nefen fragete wo jme das cluͦge roſz har keme ⸿Das xlix Cappittel Hie vohet an wunder=lich offentuͯre Alſo gawan gen origeleẏſe kam ⸿Das l. Cappittel Alſo gawan gar herlich enpfangen wart von der jungfrouwen ⸿Das lj Cappittel Alſo der wunde man wid̉er zuͯ her gawan kam geritten ⸿Das lij Cappittel Alſo gawan mit liſcoſiēn vacht an des waſſers ſtaden ⸿Das liij Cappittel Alſo liſcoẏſen der ſchiffmānn her gawan zuͯ ſchiff fuͦrte ⸿Das liiij Cappittel Alſo h̉er gawan ging in dēm boumgarten ſpatzieren ⸿Das lv Cappittel Alſo gawan vff ſaſz vnd hin weg reit von der jungfrouwen in den ſtrit ⸿Das lvj Cappittel Alſo her gawan zu bette lag vnd gar ſere wūnt was ⸿Das lvij Cappittel Alſo gawan den turkoitēn nẏder ſtach vnd v́ber den ſablins das riſz brach ⸿Das lviij Cappittel Alſo her gawan vff ſime roſz ſprengete vnd die kv́nigin mit jme rette ⸿Das lix Cappittel Alſo der wurt nit lāng̉er beitet er hieſz die herrēn zuͯ den froͧwēn ſitzen ⸿Das lx Cappittel Wie artus vnd ginovr̉r mit groſſer macht zuͯ gawanes kampff komen ⸿Das lxj Cappittel Alſo parcifal vnd gawan mit einander ſtritten ⸿Das lxij Cappittel Alſo parcifol vnd gramo=lantz mit einander fochten ⸿Das lxiij Cappittel Alſo parcifal vnd der heiden mit einander ſtritten ⸿Das lxiiij Cappittel Alſo gawan vnd die ſchoͯ=nen froͧwen goſſen vnd gingen fuͯr den heiden bungefar mit eime groſſen geſchelle ⸿Das lxv Cappittel Alſo parcifal des groles herre wart vnd anfortas erloſt mit ſiner froge die do geſchach Parcifall. ISt zwiffel hertzēn noch gebúr. Das muͦſz der ſelen werden ſúr. Geſmohet vnd gezieret. Jſt wo ſich parrieret. Jn eines verzageten mānnes muͦ Alſo agleſter farwe duͦt. Der mag denoch weſen geil. Wenne an jme ſint beide teil. Des hīmmels vnd d̉er helle. Der vnſtete geſt*geſelle. Hette die ſwartze farwe gar. Vnd wurt ouch noch d̉er vīnſt̉er So habt ſich an die blāncke Der mit ſteten gedanchen. Diſz fliegende bi*biſpel. Jſt tūmmen lúten gar zuͦ ſnel Die mogent es nicht *erdencken Wenne er kan fúr in wencken Recht alſeralſo ſo ein ſchilechter haſe Zuͯanderhalp dem glageglaſe Glichet vnd des blinden troum Die gebent antlitzes roum Doch mag mit ſtete nit geſin Diſer truͯbelechter ſchin Er machet kurtze froide al Wer rouffet mich do kein har WGewuͦhſz jnnen in mẏr hant Der hat vil nohe griffe erkt Spriche ich gegen den fúen noch Das glichet mẏner witze do Wil ich truwe vinden Al do kan ſú verſwinden Alſo fúre in den bronnen Vnd der touwe von der ſonne Doch erkante ich nye ſo wiſe man Er moͯchte gerne kunde han Wellicher thúre die frowen gerent Vnd was ſú guter lere werent Dar an ſú nẏemer des verzagent Beide ſú fliehent vnd jagent Sú entwichent vnd kerent Sú laſterent vnd erent Wer mit diſen ſchantzen wol kan An dem het witze wol getan Der ſich nit verſtet noch verſtat Vnd ſich anderſz wol vergat Falſch geſelleclicher muͦt Jſt zuͯ derhellen fúr guͦt Vnd iſt hoher wurdickeit ein hagel Vntruwe het ſo kurtzen zagel Das ſú den dirten biſz nit galt Fuͯre ſú mit bremen in den walt DJſe manige ſlachte vnder bint Doch nit gar von mannen ſint Fúr die wip ſtoſſe ich hie diſz zil Wellich hie min roten volgen wil Diſe ſol wiſſen war ſú kere Jr priſz vnd ir ere Vnd wem ſú do noch ſẏ bereit Minne vnd wurdickeit So das ſú nit getruwe Jr kúſche vnd ir ruwe Vor gotte ich guͦten wiben bitte Die in rechter moſſe volge mitte Scham iſt ein ſloſz obe allem ſitten Jch darff in nẏmer heiles bitten Die falſch er wirbet falſchen priſz Wie ſtete iſt ein dúnner iſz DeDẏe angeſt hertze ſinne hat Jr lop vil balde alſus vergat Wenne wibes ſchone an lobe iſt bereit Jſt do das hertze gunterfeit Die lobe ich alſo ich ſolde Das ſaffier in golde Jch han das nicht fúr lichter ding Wer in den krancken meſſing Verwircket edel rubin Vnd alle die offentúre ſin Die grichglich ich rechter wibes muͦt Die ir wipheit recht duͦt Den ſol ich farwe pruͯffen nicht Noch ires hertzen tagtach do man ſicht Jſt ſūmmerhalp der bruſt bewart So iſt worden priſz do nit verſcart ⸿Eine mere ich hie wil nuwen Das ſeit von groſſen truwen Wiplicher wibes recht Vnd mannes manheit alſo ſlecht Die ſú ſich gegen herte nẏe gebog Sin hertze in dar an nẏe betrog Geſtahel wo der zuͦ ſtrite kam Sin hant do ſigelichen nam Manigen loͯbelichen priſz Der kuͯne trachelichen wiſz Den helt ich alſus gruͯſſe Der wibes ougen ſuͯſſe Vnd do bẏ wibes hertzen ſucht Vor miſſewende ein farwe flucht Den ich hie han erkorn Er iſt morgens halp noch vngeborn Dem man diſer offentúre gicht Vnd wunders vil dar an geſchicht ⸿Sú pflegen es noch alſo man pflag Wo lúte vnd welſche gerichte lag Das pfliget ouch tertútſcher eren art Das habent ir an mir gehart Wer je do pflag der lande Der gebot wol one ſchande Das iſt ein worheit ſunder wan Das der alteſt bruͯder ſolte han Sines vatter gantzen erbe teil Das was der jungen michel heil Das in der dot die pflicht brach Das in der engel leben ver jach Do do vor was er gemein Suſz hette es der elter ein Das ſchuͦff je doch ein wiſer man Das alter guͦt ſolte han Jugent het vil wurdickeit Do alter ſúfftzen vnd leit Es wart nẏeman ſo kruͦt So alter vnd armuͦt Konnige groffen vnd hertzogen Das ſú nit ſint vrl*vrgelogen + Mit groſſer koͯniglicher krafft Vntze er lag dot one ritterſchafft Mit groſſer konniglicher macht Do clagete man in ſere Die gantze truwe vnd ere Bracht vntze an ſinen dot Sin alter ſuͦn fúr ſich gebot Die fúrſten vſz ſinem rich Sú koment ritterlich Wenne ſú recht ſolten han Von jme groſſes lehen ſunder wan ⸿Do ſú zú hoffe worent komen Vnd ir recht baſz vernomen Das ſú ir lehen alle enpfingen Nuͦ hoͯrent wie ſú anfingen Sú gerten alſo ir truwe riet Rich vnd arm vnd alle die diet Einer krancken ernſtlich beriet Die der konnig an gamiret Bruͯderliche truwe merte Vnd ſich ſelber erte Das er in nicht gar verſtieſſe Vnd jme ſins landes lieſſe Do hant gemelde do man moͯchte ſehen Do von der herre muͯſte jehen Sines nammen vnd ſiner friheit Das was dem koͯnnige nit zuͦ leit Er ſprach ir kúnnent moſſe gern Jch wil úch des vnd fúrbas wern Wenne nennent ir den bruͯder min Gamiret auſcuin Anſchonwe iſt min lant Do weſen beide an vnd von genant Ouch ſprach der konnig herren Min bruͯder der mag ſich meren Der ſteten helffe an mich verſehen Dennoch ſo es wellen jehen Er ſol min jne geſinde ſin Zwore ich thuͦn úch allen ſchin Do vns beide ein muͦter truͦg Er hette wenig vnd ich genuͦg Das ſol jme teilen ſo min hant Des min ſelde nit ſy pfant Do vor dem der git vnd nympt Vff recht in beiden das gezimpt DO die fúrſten rich Vernoment alle glich Das ir herre ruwe pflag Das was in ein lieber tag Wellicher jme ſunder neig Gamiret nit langer ſweig Er volget alſo jme ſin hertze jach Zuͯ dem koͯnnige er guͯtlichen ſprach Herre vnd bruͯder min Wolt ich ein geſinde ſin Vwer oder do keins man So hat min gemach getan So pruͯffent dar noch minen priſz Jr ſint getruwe vnd wiſz Vnd rotent alſo es geziehe wo Do griffent helffelichen zuͦ Nicht wenne harneſch ich han Hette ich dar in me getan Das vil licht lop mir brecht Etwar man min gedecht Gamiret ſprach aber ſan Sechtzehen knappen ich han Der *ſehs von ẏſer ſint Dar zuͯ gebent mir vier kint Mit guͦter zucht von hoher art Vor den wurt nẏemer nicht geſpart Das j*bejagen mag min hant Jch wil keren in din lant Jch habe ouch ein teil gefarn Obe mich glúcke wil bewarn So erwirbe ich guͦtes wibes gruͦſz Ob ich dar noch dienen muͦſz Vnd ouch ob ich des wurdig bin So rotet mir min beſter ſin Das ich mit rechten truwen pflege Got wiſe mich der ſelben wege Wir fuͯren geſelleclich Dar noch hat uwer rich Vnſer beder vatter gandin Manige koͯmerliche pin Wir beide dulden vmb liep Wir worent ritter vnd diep Jr wolten dienen vnd heln Wenne kunde ouch ich nuͦ mynne ſteln Owe kunde ich ire kunſt Vnd anderhalp der woren gunſt DEr koͯnig ſúfftzet vnd ſprach Owe das ich dich je geſach Sit du mit ſemlichem ſitten Min gantzes hertze haſt verſnitten Vnd duͦſt obe wir vns ſcheiden Min vatter hat vns beiden Gegeben guͦtes harte vil Solte ich dir glichem zil Was ich dir hertzeclichen holt Liecht geſteine rottes golt Luͦt woppen roſz gewant Des ſo vil nim du von miner hant Das du noch dinem willen farſt Vnd dine miltekeit bewarſt Din manheit dir iſt vſſer korn Wereſt du von gliſtram geborn Oder komen her von kanckulat Jch hette dich jemer an der ſtat Alſo ich dich ſuſt vil gerne han Du biſt min bruͦder ſunder wan Herre ir kriegent mich vmb not Sit es uwer zucht gebot Dar noch duͦt uwer helffe ſchin Wellent ir vnd die muͦter min Wir tei*teilen uwer farende habe So ſtige ich vff vnd wider abe Min hertze je doch noch hohe ſtrebet Wer weiſz war vmbe es alſo lebet Das mir ſwillet min vinſter bruſt Owe war jaget mich min gluſt Jch ſolt verſuchen obe ich mag Nuͦ nohet min vrlobes tag ⸿Der koͯnnig in alles werte Me denne er ſelbes gerte Fúnff roſz er welt er vnd erkant Die beſten v́ber alle ſin lant Kurtz ſtarg nit zuͦ lang vnd laſz Sin gewant golt far was Vnd manigen gúldinen kloſz Den koͯnnig wenig des verdroſz Er puluert jme vier pu*ſuͯluerin + Geſteines muͯſt ouch vil dar in Do ſú gefúllet logen Knappen die des pflogen Worent wol gecleit vnd genitten Do wart jemer nit vermitten Do er fúr ſine muͦter ging Vnd ſú in ſo faſte an ſich ving Fruͯ min gandin Wilt du nit lenger bẏ mir ſin Sprach das wiplich wip Owe truͦg nuͦ dich doch min lip Oder iſt er dar an toubet Das er mir nit gloubet Durch vil nuwen komẻrn haben Jch han min hertze crafft begraben Das ſuͯſſe miner ougen Wilt du mich fúrbas touben Vnd iſt doch ein richter So lúget mir diſe mer Alſo man von miner helffe ſaget Sit er an mir iſt ſuſz verzaget Do ſprach der junge auſcenin Jch muͦſz dir min clage duͦn ſchin Der ſúllent wir beide gerneclagen Nuͦ mag von mir nẏeman geſagen Kein clegeliches leit Jch fare durch min wurdickeit ij Noch ritterſchafft in froͯmde lant Frouwe alſo iſt es mir gewant Alſo gamiret von der konnigin begobet wart DO ſprach die koͯniginne Sit du von hoher mynne Wendeſt dienſt vnd muͦt Lieber ſuͦn loſſe dir min guͦt Vff die fart nit verſmohen Heiſz von mir enpfohen Dinen kammerer Vier ſoͯme ſchrin ſwer Do ligent jnne pfellor breit Gantze die man nye verſneit Vnd manig túre ſemit Suͯſſer man lo mich die zit Gehoͯren wenne du wider komeſt An min frúnden du mir fromeſt Frouwe des enweis ich nicht Jn wellichen landen manmich ſicht Wenne zwore ich von úch kere Jr habent noch ritters ere Vwer wurdickeit an mir getan Vnd ouch hat mich der konig gelan Alſo jme min dienſt dancken ſol Jch getruwe jme des vil wol Das ir in deſter werder hant Wie halt mir min ding ergant ⸿Alſo vns die offentúre ſaget So hat der helt vnverzaget Enpfangen durch liebe krafft Vnd durch wipliche geſelleſchafft Cleinoͯter duſent marcke wert Wo noch ein rede pfandes gert Er moͯchte es do vor enpfohen Es bedurffte in nit verſmohen Das ſante jme ſin frúndin An ſinem dienſt lag gewin Der wibe mẏnne vnd ir gruͦſz Doch wart jme ſelten komers buſz Vrlop nam der wigant Muͦter bruͦder vnd das lant Sin ouge nẏemer me verkoſz Dar an ouch maniger vil verkoſz Der ſich hette an jme erkant Wie es were den gewant Mit keiner ſlachte gunſte zil Den wart von jme gedancket vil Es duchte in mynner denne genuͦg Durch ſin zucht in nẏe gewuͦg Das ſú deten vmb recht Sin muͦt was eber denne ſlecht Wer ſelbes ſaget wie wert er ſy Do iſt licht ein vngloube ſy Es ſolten die vmb ſoſſen jehen Vnd ouch hettent geſehen Sin were do er froͯmde were So gloubete man des mere Gamiret der ſitte pflag Die rechter moſſe wider wag Vnd ander ſchantze cl*ckeine Sin ruͯmen was cleine Groſſe ere er lidelichen leit Der boͯſe wille in gar vermeit Doch wonde der gefuͯge Das nẏeman krone truͯge Koͯnnig keẏſerin Des maſſenye er wolte ſin Wenne eines der die hoͯheſten lant Trúge vff erden wit erkant Der wille in ſime hertzen lag Jme wart geſeit zuͦ baldag Wer ein ſo gewaltig man Das jme der erden vndertan Zwey teil weren oder mer Sin nam heidenſch was ſoher Das man in hieſz denne baruͦg Er hette an krefften ſollichen zug Vil koͯnnige worent ſine man Mit gekrontem libe vndertan Das baruͦg ambacht hielt ſtete Sehen wie man criſten E begete Zuͦ rome alſo vns der touff vergicht Heidenſche erde man dort ſicht Zuͯ baldag nement ſú ir bobeſt recht Das duncket ſú an krumbe ſlecht Der boruͦg in vor ſúnde Git wandels vrkúnde Zwen bruͯder von babilon Ponpeius vnd ipomidon Den nam der barugknynne Das was aller forderen E Die doten wer mit krefften ſchin Dar kam der junge auſcenin Dem wart der barug vil holt Der nam noch dienſt aldo den ſolt Gamiret der werde man Jme erloubet nuͦ das er muͦſz han An der woppen dannen gandin ſin Do vor gap dem vatter ſin Der herre pflag mit gerendem ſitten Vff ſine offentúre geſnitten Ancker liecht herre min Dar noch muͦſz ouch das ander ſin Vff me ſchilt vnd ſo an der want Noch gruͯner denne ein ſmarant Was gepruͯffet ſin gerete gar Vnd noch dem archmardi gefar Das iſt ein ſiden lachen Dar vs hieſſe er jme machen Woppen recke vnd kúrſit Es iſt beſſer wenne das ſemit Her min ancker dar vff genat Guldin ſeil dar angetrat Sin ancker hette nit bekort Gantzes landes noch landes ort Do worent ſú wider in geſlagen Der herre muͯſte fúrbas tragen Diſen woppenlichen laſt Jn manig lant der werde gaſt Noch dem ancker diſe mol Wenne er noch einer ſlachte quol Hette nẏe dar noch gebitten Wie vil lande er durch ritten Vnd in ſchiffen vmb fuͯre Obe ich ẏe doch ſwuͯre So ſeit ich ẏe vff mẏnen eit Min ritterliche ſicherheit Alſo mir die offentúre gicht Nuͦ hant wir me gezuges nicht DO ſeit ſin menlich crafft Behielt den priſz in der heidenſchafft Zuͦ marouch vnd in perſia Sin hant bezalt ouch anderſwa Zuͦ damaſc vnd zuͦ halap Zuͦ dem do man ritterſchafft gap Zuͦ arabya vnd vor araby Das er was gegen ſtrites fry Vor jegelichem einem man Diſen ruͦf er do gewan Sins hertzen gir noch priſe greiff Jr aller dot vor jme zerſleiff Vnd was je doch entnichtet Suſz was je der berichtet Der gegen jme juſtierens pflag Man jach jme des zuͦ baldag Sin ellen ſtrebete ſunder wang Von dannan fuͦr er gan zazamang Jn das koͯnigrich Die clageten alleglich Jſen harten der den lip Jn den dienſt floſz vmb ein wip Des twang in belbetane Die ſuͯſſe falſches ane Das ſú jme ir mynne nẏe gebot Des lag er noch ir myemynne dot Den rochent ſine moͯge Offenlich vnd an der loge Die frouwen twingen ſú mit her Die was mit ellenthaffter wer ⸿Do gamiret kam in das lant Das von ſchotten fride brant Mit ſchiffes her verbrante E das er dannen wante Nuͦ hoͯrent wie vnſer ritter far Das hmer warff in mit ſturm dar So das er kume je doch genaſz Gegen der koͯnnigin palas Harte kam er geſegelt in die habe Do wart er vil geſchouwet abe Do ſach er vſz an das felt Do ſach er geſlagen manig geſgezelt Al vmbe die ſtat gegen dem mer Do logen zweẏ krefftige her Do hieſz er frogen der mere Wes die burg were Sú dotent ſinem botten kunt Es were patelamunt Das wart in mynneclichen enbotten Sú noment in by ir gotten Das er in hilffe es were in not Sú rungen nit wenne vmb den dot ⸿Do der junge auſcenẏeauſcenẏne Ver nam ir koͯmerliche pine Er bot ſinen dienſt vmb guͦt Alſo noch vil dicke ein ritter duͦt Oder das ſú ſageten vmb was Er ſolte der vigende haſz Do ſprach vſz einem munde Der ſiech vnd der geſunde Das jme were alle gemeine Jr golt vnd ir geſteine Des ſolt er alles herre weſen Vnd er moͯchte wol vor jme geneſen Doch bedorfft er wenig ſoldes Von arabie des goldes Hette er manigen knollen bracht Lúchte vinſter ſo die nacht Faren alle die von zaczamāng Bẏ den duch in die wile lang Do hieſſe er herberge nemen Des moͯchte ſú vil wol ſchemen Das ſin die beſten pflagen Die frouwen dannoch logen An den fenſtern vnd ſohen dar Sú noment des vil rechte war Sin harneſch vnd ſin knappen Wie das gefanttiert hetten Do truͦg der hilt milte Vff einem hermynen ſchilte So manigen zabel balg Der konnigin marſchalg Hette es vor einen ancker groſz Zuͯ ſehen in wenig des verdroſz Do muͯſſent ſine ougen jehen Das er do vor hette geſehen Diſen ritter oder ſinen ſchin Das muͦſz allexandrie ſin Do der barug dar vor lag Sinen priſz nyeman do wider wag Suſz fuͦr der muͦtes rich Jn die ſtat behagenlich Zehen ſoͯmer hieſſe er faſſen Die zeigeten hin die gaſſen Do rittent zwentzig knappen noch Sin pofel man dor vor er ſach Gar ſchone kúſch vnd ir knaben Hettent ſich her fúr gehaben Stoltz was ſin geſinde Zwoͯlff wol geborner kinde Do hinden noch den knappen ritten Von gúter zucht anſuͯſſen ſitten Ettelicher was ein ſarraſin Dar noch muͦſz ouch geſtrecket ſin Acht roſz mit zindal Verdecket alzuͦ mal Das in vnd ſinen ſattel truͦg Einen ſchilt den ich E gewuͦg Den fúrt ein knappe vil gemeit Dar noch by den ſelben reit Buſuner der man ouch bedarff Ein tambur ſluͦg vnd warff Vil hohe ſine tambure Den herren nam vil vntúre Den rittent flantiere by Vnd guͦter fideler drẏ Den was allen nit zuͦ goch Selbes reit *er hinden noch Vnd ſin mannere Der wiſe vnd der herre Das do was volckes jnne Moͯren vnd moͯrinne Was beide wip vnd man Der herre ſchouwen began Manigen ſchilt zerbrochen Mit ſperen durch ſtochen Der was do vil gehangen vor An die wende vnd an die tor Sú hettent jomer vnd gufft Jn die fenſter durch den lufft Was gebotten manigem wonden man Swinde er den artzat gewan Das er doch nit mochte geneſen Er was bẏ den vigenden geweſen Suſz warp je der vngerne floch Vil roſz man jme wider zoch Durch ſtochen vnd verhouwen Manige dunckel frouwen Sach er beidenthalben ſin Noch rabens farwe was ir ſchin Sin wurt in mynneclich enpfing Das jme noch freiden ſit erging Das was ein ellentlicher man Mit ſiner hant hat er getan Manigen ſtich vnd ſlag Wenne er einer porten pflag By dem er manigen ritter fant Der ſine hende i*hinge in die bant Vnd dem ſin houbet was berbunden Die hettent ſollich wunden Das ſú durch die ritterſchafft Sú hettent macht vnd crafft Do der burg groffe von der ſtat Sinen gaſt ſo mynneclichen bat Das er nicht verbere Alles das ſin wille were Vber ſin guͦt vnd v́ber ſin lip Er fuͦrte in do do er fant ſin wip Die gahimireten kuſte Das in doch wenig geluſte DO diſz alſus was getan Dar noch do fúre er beiſſen ſan Der marſchalck fuͦr vor jme zuͦhant Do er die koͯnniginne fant Vnd hieſch vil groſſes botten brot Er ſprach frouwe vnſer not Jſt mit vngenoden zergangen Den wir hie hant enpfangen Das iſt ein ritter ſo getan Das wir zuͯ flehen jemer han Vnſern gotten die in vns brachten Das ſú der je gedachten Nú ſage mir vff die truwe min Wer der ritter moͯge ſin Frouwe es iſt ein tegen vier Des baruckes ſoldier Ein auſcenin von hoher art Ey wie wenig wurt das geſpart Sin lip wo man in loſſet leben an Wie recht er dar vnd dan Entwichet vnd keret Die vigende er ſchaden leret Jch ſach in ſtriten ſchone Do die von babilone Allexandrie loͯſen ſolten Vnd do ſú dannen wolten Den baruck triben mit gewalt Was in do nider wart gefalt An der ſcúncken múre Beging der gehúre Mit ſinem libe manige dat Sú hettent ſlichens keinen rat Dar zuͦ hort ich in nennen Man ſolt in wol erkennen Das er den priſz v́ber manig lant Hette alleine zuͯſiner hant ⸿Nuͦ ſehent echt wenne oder wie Vmb vinge das er mich ſprach hie Vnd haben friden allen dag Do von der heilt wol riten mag Her vff zuͦ mir oder ſol ich dar Es iſt anders denne wir gefar Vnd wene dete jme das noch we Das hoͯre ich gerne von mẏnnen E Obe mirſz die mynen rieten Jch ſolte jme ere bieten Geruͦchet er mir nohen Wie ſol ich in enpfohen Jſt er mir dar zuͦ wal geborn Das min kuſz nit ſy verlorn Frowe er iſt von koͯnniges kúnne erkant Des ſy min lip genennet pfant Jch wil iren fúrſten ſagen Das ſú riche cleider tragen Vnd das ſú vor ir biten Vntze das wir zuͦ úch riten Das ſagent uwer frouwen gar Wenne wanne ich hin wider far So bringe ich den werden gaſt Dem ſuͯſſer tugende nẏe gebraſt Harte wenig das verdarp Vil behendeclichen warp Der marſchalck ſiner froͧwen bet Balde wurden gamúret Riche cleider dar tragen Die leit er an ſuſz hoͯre ich ſagen Das die tore weren Ancker die ſweren Von arabiſchem golde Was dar vff alſo er das wolde iij Alſo gamiret mit ſinen rittern vff ſas vnd reit do bekam e*jme einer vnder wegen den ſtach er nẏder DO ſaſz der mynnen geltes lan Vff ein roſz das ein babilon Gegen jme juſtieren reit Den ſtach er abe das was jme leit Obe ſin wurt mit jme icht far Er vnd ſine ritter gar Jo zwor ſú ſint des fro Sú rittent mit einander do Vnd erbeiſſeten reitvor dem pallas Do manig ritter was Die wol gecleidet muͯſten ſin Sin kinder lieffent vor jme hin in Je zwey mit einander mit der hant Jr herre manige frouwe fant Becleidet wunneclich Der koͯnnigin rich Jr ougen fochten hohe pin Do ſú je ſach den angeſt ſin Der was ſo mynnecliche gefar Das er enſloſſe ir hertze gar Es were ir liep oder leit Das verſloſz do von ire wipheit Ein wenig ſú gegen jme do trat Jren gaſt ſú ſich kúſſen bat Sú nam in ſelbes mit der hant Gegen den vigenden an die want Soſſen ſú an die fenſter wit Vff einen kolter geſteppfet mit ſamit Dar vnder ein weiches bette lag Jſt icht liechters denne der dag Dem glichet nicht die koͯnnigin Sú het doch wiplichen ſin Vnd was ouch anders ritterlich Der tou wigen roſen vnglich Noͯch ſwartzer farwe was ir ſchin Jr kron ein liechter ruͦbin Jr houbt man dar durch wol ſach Die fúrſten zuͦ irem gaſte ſprach Das ir liep were ſin komen Herre ich han von úch genomen Vil ritterlich wúrdickeit Durch uwer zucht lat ir nicht leit Vor abe ich mynen kumber clage Den ich nohe an mynem hertzen trage Min helffe úch frouwe nit irret Was úch war oder wirret Zwor das wenden ſol min hant Die ſú zuͦ dienſt dar benant Jch bin nit wenne ein einig man Wer ir dút oder hat getan Do búte ich gegen mẏnen ſchilt Die vigende wenig das befilt MJt zúchten ſprach ein fúrſte ſan Hettent wir einēn houbet man Wir ſolten vigende wenig ſparn Sit fridebrant iſt hin gefarn Der loͯſet dort ſin eigen lant Ein konnig heiſſet hernant Den er durch herelingen ſluͦg Des moge duͦnt jme leides genuͦg Sú wellent ſichs nit moſſen Er hat hie heledeloſſen Den hertzogen hittiger Des ritter det vns manige ſwer Frúnt vnd ſin geſelleſchafft Jr ſtrit het kunſt vnd krafft So het *hie manigem ſoldier Von normandie caſcier Der wiſe degen here Noch het hie ritter mere Kaylet non hoſcuraſt Manigen zornigen gaſt Die brochtent alle in dis lant Diſer ſchotten koͯnnige fridebrant Vnd ſiner genore vier Mit manigem ſoldier Weſter halp dort an dem mer Do lit iſenhartes her Mit flierenden ougen Offenlich noch tougen Geſach ſú nẏemer keinen man Sú muͯſten jomers wunder han Jr hertze ſo gar verdarp Sit an der juſt ir herre ſtarp ⸿Der gaſt zuͯ der wúrtinne Sprach mit ritters ſinne Sagent mir ob irs geruͦchet Durch was man úch ſo ſuͦchet Zorneclich mit gewalt Jr habent ſo manigen tegen balt Mich jnnet das ſú ſint beladen Mit vigenden hart noch irem ſchaden Das ſage ich herre ſit irs gert Mir diende dem ritter derwas wert Sin lip was tugende ein berende riſz Der helt was kuͯne vnd wiſz Der truͦg ein recht becliben frucht Sin zucht was fur alle zucht Er was noch kúſcher denne ein wip Friheit vnd ellen truͦg ſin lip Es gewuͦhs an ritter milter hant Vor jme nẏe v́ber alle lant Jch enweis was noch vns ſol beſchehen Diſz loſſen ander lúte jehen Er was gegen falſcher fúr ein tor Jn ſwartzer farwe alſo ein mor Sin vatter der hieſz tanckanis Ein koͯnnig der hette ouch hohen priſz Min frúnt der hieſz yſenhart Min wipheit was vnbewart Do ich ſin dienſt noch mynne enpfing Das es noch freide jme nit erging Des muͦſz ich jemer jomer tragen Sú wenent das ich in ſchuͦff erſlagen Verrotens ich doch wenig kan Wie mich des zihent ſine man Er was mir lieber vil denne in One zúge ich des nit bin Mit den ich das ſol beweren doch Die rechte worheit wiſſent noch Mine gotte vnd ouch die ſine Er gap mir manige pine Nuͯ hat min ſchame die wipheit Sin lon erlenget mir min leit Dem heilt erwarp min magetuͦm An ritterſchafft manigen ruͦm Do verſuͯchet ich obe er kunde ſin Ein frúnt das wart vil balde ſchin Er gap durch mich ſin harnaſch Enweg das alſo ein palas Dort ſtot das iſt ein hoch gezelt Das brachten ſchotten vff diſz felt Do des der helt one wart Sin lip do wenig wart geſpart Des lebens in do verdroſz Manige offentúre ſuͦchet erbloſz ⸿Do diſz alſo kōmmen was Ein fúrſte hieſz prothiſalas Der was min maſſenie Vor zagheit der frye Vſz durch offenture reit Der groſſe ſchade in nit vẻrmeit Zuͯm foͯreſt in das ſagowe Ein juſte jme das ſterben nit erlouwe Denne die er det vff einen kúner man Der ouch ſin ende aldo gewan Das was min frúnt yſenhart Jr jetweder jnnen wart Ein ſper durch ſchilt vnd durch lip Das clage ich noch vil armes wip Jr beider dot mich jemer muͦt Vff min truwe jomer bluͦt Jch wart nẏe wip do keines man Gamireten duchte ſan Wie ſú were ein heidenin Mit truwen wiplicher ſin JrJn wibes hertze nẏe geſlouff Jr kúſch was ein reiner douff Vnd ouch der regen der ſú begoſz Der was der nuͦ ir ougen verloſz Vff ir zobel vnd an ir bruſt Ruwe pflege was ir gluſt Vnd rechte truwe jomers lere Sú ſeit jme fúrbas mere Do ſuͦchte mich von v́ber mer Der konnig ſchotten mit ſinem her Der was ſins oheims ſuͦn Sú moͯchten mir nit me gethuͦn Schaden denne mir was geſchehen An jſenhart ich muͦſz es jehen DJe froͧwe erſúfftzet dicke Durch dedie zeher manigen blicke Sú ſchammende gaſtlich ſach An gamúreten do ver jach Jr ouge dem hertzen ſan Das er wol were getan Sú kunde ouch liech farwe ſprehen Wenne ſú hette ouch E geſehen Manigen liechten heiden Aldo wart vnder in beiden Ein getruwelich ger Sú ſach dar vnd erſach her Dar noch hieſz ſú ſchencken ſan Gedurſt ſú das were verlan Es jnnet ſú des nicht bleip Wenne er die ritter E vertreip Die gerne ſprochent wider die wip Doch was ir lip ſin ſelbes lip Ouch hette er ir den muͦt gegeben Sin leben was der frouwen leben Gamúret ſtunt vff vff vnd ſprach Froͧwe ich duͦn uch vngemach Jch kan zuͦ lange ſitzen Das thuͦn ich nit mit witzen Mir iſt vil dienſtlichen leit Das uwer kumber iſt ſo breit Frouwe gebietent v́ber mich Was ir welt das iſt min gerich Jch diene úch alles das ich ſol Sú ſprach herre das getruwe ich wol Der burgrofe ſin wirt Nuͦ vil wenig das verbirt Er kurtzet jme ſin ſtunde Zuͯ frogen er begunde Herre welt ir baniken riten Vnd ſchouwen wo wir ſchriſtriten Wie vnſer porten ſint behuͦt Gamiret der degen guͦt Sprach er wolte gerne ſehen Wo ritterſchafft were do beſchehen ⸿Her ab mit dem helde reit Manig ritter ſo gemeit Hie der wiſe dort der tumbe Sú fuͦrtent in alvmbe Vor ſechtzehen porten Vnd beſchiedent in mit worten Das der nehſt nuͦ were geſpart Sit wurde gerochen ẏſenhart An vns mit zorn nacht vnd tag Vnſer ſtrit vil nohe glich wag Man beſloſz vns vor ir do keinen ſit Vns geben vor acht porten ſtrit Des getruwen iſenhartes man Die hant vns ſchaden vil getan Sú muͯgent mit zorne Die fúrſten wol geborne Des koͯniges man von azagons Vor jegelicher porten flous Obe kuͯner ſchar ein liechter fan Ein durch ſtochen ritter dar an Alſo ẏſenhart den lip verloſz Sin volck die woppen do noch koſz Do gegen hant wir eine ſitte Do fallent wir in *jomer mitte Vnſer fanen ſint erkant Das zwene finger vſz der hant Buͯtet gegen dem eide Jr geſchehe nẏe ſo leide So das ẏſenhart lag dot Miner frouwen froͯmt er hertze not Suſz ſtat die konnigin gemal Frouwe belaken ſunder qual Jn einem blancken ſamit Geſnitten von ſwartzer farwe ſit Das wir die woppen kennent an in Jr truwe an jomer het gewin Die ſteckent obe den porten hoch Vor die anderen acht vns ſuͦchet noch Des ſtoltzen fridebrandes her Die getouffeten von v́ber mer Jegelicher porte ein fúrſte pfliget Der ſich ſtrites gar erwiget Mit ſiner banẏer Wir habent gar ſchier Gefangen einen groffen abe Der bútet vns vil groſſe habe Er iſt kaẏlites ſweſter ſuͦn Was vns der nuͦ mag getuͦn Das muͦſz vns je diſer gelten Sollich glúck kompt vns ſelten Gruͯnes angers lúczel ſandes Wol driſſig ponders landes Jſt ir gezelt vmb graben Do wurt vil manig joſt erhaben Diſe mere ſeigetſaget jme gar ſin wúrt Ein ritter nẏe mer das verbirt Er kūmme durch juſtieren fúr Obe der ſinen dienſt dort verlúr An ir die in ſante her Wer hie ſiner frecheit beger Das iſt der ſtoltze nẏtiger Von dem ſo mag ich wol ſprechen mer Sit wir hie ſint beſeſſen Das der helt vermeſſen Je morgens vil bereit was Vor der porte fúr dem palas Ouch iſt von dem kuͯnen man Cleinoͯters vil gefuͯret dan Das er durch vnſer ſchilte ſtach Des man fúr groſſe koſte jach So *es die ſchiere brochen dar abe Er falt vns manigen ritter abe Er lot ſich gerne ſchouwe Jn lobent ouch vnſer frouwen Wen wip lobent der wurt er kant Er het den priſz zuͦ ſiner hant Vnd ſines hertzen wunne Do hette die muͯde ſunne Jr liechten blick zuͦ ir geleſen Des banicken muͦſz ein ende weſen Der gaſte mit ſinem wurt reit Er fant ſin eſſen alle bereit iiij Alſo gamiret vnd ſin volck gar herlich en=pfangen wurden von der kv́nnigin vnd zuͯ diſch ſoſſen vnd in gar herliche koſt fúr wart getragen JCh muͦſz úch von ir ſpiſe ſagen Die wart mit zúchten fúr getragen Man diente in ritterlich Die kúnniginne rich Kam ſtoltzeclich fúr ſinen tiſch Hie ſtunt der reiger dort der viſch Sú was durch das zuͯ jme gefarn Vnd wolte ſelber das bewarn Das man ſin pflege wol zuͦ fromen Sú was jungfrouwen komen Sú knuwete nyder das was jme leit Mit ir ſelbes hant ſú ſneit Dem ritter ſiner ſpiſe ein teil Die frouwe was ires gaſtes geil Do bot ſú jme ſin drincken dar Vnd pflag ſin wol ouch nam er wa*war Was geberde vnd ir wort Zuͯ ende an ſines tiſches ort Soſſen ſine ſpilman Vnd anderhalp ſin kappelan Alſchemende er an die froͧwen ſach Harte bloͯdeclich er ſprach Nuͯ habe ich mich ſin nit genẏetet Alſo ir mirſz frowe bietet mīns leben Mins lebens mit ſollichen eren Obe ich úch ſolte leren So were hint ſan an úch gegert Eins pflegens des ich were wert So werent ir nicht her abe geritten So getar ich úch des frouwe bitten So lont mich in der moſſen leben Jr habent mir ere zuͦ vil geben ⸿Jch wolt ouch des nit loſſen Des ſine kinder ſol*ſoſſen Die bat ſuͯ eſſen faſte Diſz bot ſú zuͯ eren irem gaſte Gar diſe jungherlin Worent holt der koͯnnigin Dar noch die frouwe nit vergaſz Sú ging ouch der do der wurt ſas Vnd des wip die burgrefin Den becher huͦp die koͯnnigin Sú ſprach loſz dir befolhen ſin Vnſern gaſt die ere iſt din Dar vmb ich úch beide mane Sú nam vrlop vnd ging dane Aber hin wider fúr iren gaſt Des hertzen drat ir mẏnnen laſt Das ſelbe ouch ir von jme geſchach Des ir hertze vnd ir ouge ſach Sú muͯſſens mit ir pflichte han Mit zúchten ſprach die frouwe ſan Gebietent herre wes ir gert Das ſchaff ich wenne ir ſint gewert Vnd lont mich uweren vrlop han Wurt úch hie guͦt gemach getan Des frouwen wir vns v́ber al Gúldin worent ire kertze ſtal Vier liecht man vor in dar vff druͦg Sú reit ouch do ſú fant genuͦg ⸿Man aſſe ouch hie nit langer do Gamiret was trurig vnd fro Er frouwet ſich das man ime bot Groſſe ere in twang ouch ander not Das was die ſtrenge mynne Die neigen hohe ſinne Die wúrtin fuͦr an ir gemach Harte ſchiere das geſchach Man bette dem helde ſan Das wart mit fliſſe getan Der wurt ſprach zuͦ dem gaſt Jr ſúllent ſloffen faſt Vnd ruͦwent hin das wurt úch not Der wurt den ſinen das gebot Sú ſolten dannen keren Gamuretes jungherren Der bette al vmb das ſine lag Jr houbet dar an wenne es ſin pflag Do ſtundent kerczen harte groſz Vnd brunnen liecht den heilt verdroſz Das ſo lang was die nacht Jn brachte dicke in vnmacht Die ſwartze moͯren Des landes koͯnnigin Er want ſich dicke alſam ein wẏtt Das jme er krachet alle ſin lit Strit vnd mẏnne wes ſin ger Nuͦ wunſchent das mans in gewer Sin hertze gap von ſtoͯren ſchal Wenne er noch ritterſchafft ſwal Das begunde dem recken Sin bruſt beide erſchrecken So die ſenwe duͦt das armbraſt Do was zuͯ trete ſin gluſt DEr herre one alles ſloffen lag Jme erkoſz den grouwen tag Der gap dennoch liechten ſchin Do ſolt ouch bereit ſin Zuͯ der meſſe einer ſin cappelan Der ſante ſú got vnd jme ſan Sin harneſch druͦg man dar zuͦ hant Er reit do er juſtieren fant Das ſaſz er an der ſtunde Vff ein roſz das er beide kunde Herteclichen dringen Vnd ſnelleclichen ſpringen Bekeret wo man es wider zoch Sinen ancker vff den helm hoch Man gegen der porten fuͯren ſach Alle die wip vnd man ver jach Sú geſehent nẏe helt ſo mynneclich Jr gotte jme ſolten ſin glich Man fuͦrte ouch ſtarcke ſper do by Wie er geformẏeret ſy + Sin roſz von jſen truͦg ein tach De*Das was vor ſlege des gemach Dar vff ein ander decke lag Ringe die nicht ſwere wag Das was ein grúner ſamit Sin woppen rock ſin kúrſit Was ouch ein gruͯ̄nner achmardi Das was geworcket zuͦ araby Dar an ich lúge nyeman Sin ſchilt rieman Vnd was dar zuͦ gehort Was ein vnverblechen bort Mit geſteine harte túre Gelútert by dem fúre Was ſin bickel rot golt Sin dienſt nam der mynnen ſolt Ein ſcharppfer ſtrit in ringe wag Die konnigin in dem fenſter lag Vnd ſaſz ouch by ir frouwen mer Nuͦ ſehent dort hielt ouch huttiger Al do jme E der priſz geſchach Do er diſen ritter komen ſach Zuͦ jme gelopieren hie Do gedocht er wenne oder wie Kam diſer frantzoſz in dis lant Wer hat den ſtoltzen her geſant Het ich den fúr einen mor So were min beſter ſinne ein tor Die doch von ſprungen nit bliben Jr roſz mit ſporn ſú beide triben Vs ein walap in die rabin Sú dotten ritters ellen ſchin Der juſt einander ſú nit lugen Die ſprieſſen gegen den lúfften lúfften flugen Von des kuͯnen húttigers ſper Ouch falt in ſins ſtrites wer Húnder roſz vnd vff das graſz Wol er gewenet des was Er reit vff in vnd trat in nẏder Des erholt er ſich dicke wider Er det werlichen willen ſchin Doch ſtecket in dem arme ſin Die gamiretes lantz Der jeſch die frantz Sinen meiſter hette er funden Wer het mich v́ber wunden Sprach der kuͯne man Der ſigehafft ſprach do ſan Jch bin gamúret auſcefin Er ſprach min ſicherheit ſy din Die enpfing er vnd ſante in hin Des muͦſz er vil gepriſet ſin Von frouwen die das ſohen Dort hert begunden gohen Von normandie gaſcier Der ellentrichen degen vier Der ſtarcken juſtur Hie hielt ouch der gehúr Gamúret zuͯ der anderen juſt bereit Sin ſper das was das jſen breit Vnd der ſchafft feſte Aldo werten die geſte Ein ander vnglich was Gar ſchier der nẏder ſaſz Mit juſte vnd mit alle Von der juſt falle Vnd wart betwungen ſicherheit Es were jme liep oder leit Gamiret der wigant Sprach mir ſichert uwer hant Die was bẏ manlicher wer Nuͦ ritent gegen der ſchotten her Vnd verbittentbittent das ſú vns verbern Mit ſtrit obe ſú des wellent gern Vnd kompt mir noch nider ſtat Was er gebot oder bat Das wart an der ſtat getan Die ſchotten muͯſten ſtriten lan Do kam gefarn kaẏlet Von dem kerte gamiret ⸿Der ander was ſiner muͦmen ſuͦn Was ſolt er jme leides do tuͦn Der ſpaniol rieff jme noch genuͦg Einen ſtruſz er vff dem helm truͦg Geziniert was der man Alſo ich do von zuͦ ſagende han Mit pfelle wit vnd lang Das gefilde noch dem hilde clang Sine ſchellen gobent gedone Jr bluͯme an mannes ſchone Sin farwe an ſchoͯne hielt den ſtrit Vntze an zwene die noch jme wuͦhſſen ſit Berachors laters kint Vnd parcifal die do nit ſint Sú worent dannoch vngeborn Vnd wurdent ſit fúr ſchoͯne erkorn Gaſcier in mit dem zoume nam Vwer wilde wurt vil zam Das ſage ich úch vff die truwe min Beſtet in der auſcevin Der min ſicherheit dor hat Jr ſúllent mercken mynen rat Vnd dar zuͦ herre min bette Jch han geheiſſen gamirette Das ich úch alle wende Das gelobet ich ſiner hende Durch mich lont uwer ſtreben ſin Er duͦt úch crafft an ſtrite ſchin DO ſprach der kuͯne gailet Jſt das min nefe gemiret Fili roſz gandin Mit dem loſſe ich min ſtriten ſin Lont uweren zorn ich loſſe es nicht E das min ouge alrerſt erſicht Juwer bloſſes houbt Das min iſt mir beroubt Den helm her abe er jme do bant Gamiret nit me ſtrites fant Es was wol mitten morgen do Die von der ſtat des worent fro Die diſe juſt erſohen Sú begunde alle johen An ir wernlichen letz Er was von in ein netz Das dar vnder kam das was beſlagen Ein ander roſz ſuſz hort ich ſagen Dar vff ſaſz der werde Das floch vnd ruͦrte die erde Zuͦ recht zuͯ beiden ſiten Kuͯne do man ſolte ſtriten Ver halten vnd drete Was er dar vff dete Des muͦſz ich nuͦ vor ellent jehen Er reit do in moͯre moͯchten ſehen Aldo die logent mit irem her Weſterhalp dort an dem mer ⸿Er fúrſte retzalit do hieſz Durch keme das er das nit lieſz Der richſſete von azagouck Sin geſlechte in des nit louck Von konniges frucht was ſin art Er huͦp ſich jemer dannen wart Durch juſtieren fúr die ſtat Aldo det ſiner creffte mat Der helt von aſchouwe Das clagete ein ſwartz frouwe Die in hette dar geſant Das in do jeman vber want Ein knappe bot alſunder bette Sinem herren gamirette Ein ſper dem was der ſchafft ein ror Do mit do ſtach er den mor Húnder roſz vff ein grieſz Nicht langer er in ligen lieſz Er twang in ſicherheit zuͦ hant Do was das vrlúge verant Vnd jme ein groſſer priſz geſchehen Gamiret begunde ſehen Acht fanen ſweimen gegen der ſtat Die er wenden balde bat Den kuͯnen ſigeloſen man Dar noch gebot er jme do ſan Das er kerte noch jme hin Das det er wenne er ſolte ſin ⸿Gaſcier ſin komen ouch nit verbirt An dem jnnen wart der wirt Das ſin gaſt was komen vs Das er nicht ẏſen alſo ein ſtruſz Vnd ſtarcke flinſe verſlant Das meinde das er ir nit enfant Sin zorn begunde luͯmen Vnd alſo ein louwe brúmen Do brach er vs ſin eigen hor Er ſprach nuͦ ſint mir min jor Noch groſſer thumbheit be want Die gotte hettent mir geſant Einen kuͯnen werden gaſt Jſt E beladen mit ſtrites laſt So mag ich nẏemer werden wert Was duͦt mir ſchilt vnd ſwert Er ſol mich ſchelten wer mich es mane Do kert er von den ſinen dane Gegen der porte er faſte rúrte Ein knappe jme wider fuͦrte Einen ſchilt fren vnd jnne dran Gemolt alſo ein durch ſtochen man Gewerden in jſenhartes lant Er fuͦrte ouch in der hant Ein ſwert durch das ratzalit Durch ellent bracht in den ſtrit Do was er von geſcheiden Der kuͯne ſwarcze heiden Des lop was ferre vnd wit Starp er on touffen ſit v So er keme ſich vber den tegen balt Der aller wunder hat gewalt Alſo der burgrofe die woppen erkant vnd er vff ſas vnd reit gegen ſinem jungen gaſt vor die porte DO der burgrofe das er ſach So rechte liebe jme nye geſchach Die woppen er erkande Hin vſz der porte er rant*rande Sinen gaſt ſach er dort halten Den jungen nit den alten Algernde ſtriteclicher júſte Da lat in lah filleroſte Sin wurt vnd zoch in faſte wider Er ſtach do mer do keinen nẏder Lafilleroſt ſchahtelkint Sprich herre ir ſolt mir machen kunt Hat betwungen uwer hant Razaligen vnſẻrn lant Jſt kamppfes ſicher jemer mer Der iſt obe allen moͯren her Des getruwen jſenhartes man Die vns den ſchaden hant getan Sich het verendet vnſer not Ein zornig got jme das gebot Das vns hie ſucheten mit ir her Nuͦ iſt enſchumppfieret ir wer Er fuͯrte in das was jme leit Die konnigin jme wider reit Sin zoum nam ſú mit der hant Sú enſtricket jme der fantelen bant Der wurt in muͯſte loſſen Sin knappen ſin nit vergeſſen Sú kertent faſte irem herren nach Durch die ſtat man fuͯren ſach Jr gaſt die koͯnnigin wiſz Der do behalten hette den priſz Sú erbeiſſete aldo ſú duchte zit We wie getruwe ir knappen ſit Jr wenent verlieren diſen man Dem wurthwurt gemach on úch getan Nement ſin roſz vnd fuͯrent es hin Sin geſelle ich hie bin Vil frouwen er do vff fant Die entwoppent in mit ſwartzer hant Do wart jme vnd der koͯnnigin Ein deckelachen zobelin Vnd ein bette wol geheret Gar an jme wart gemeret Ein heimliche ere Aldo was nẏemant mere Die koͯnnigin ging vor Vnd ſlúſſe noch ir die tor ⸿Do pflag die koͯnniginne Einer werden ſuͯſſen mẏnne Vnd gamúret ires hertzen drut Vnglich was doch jir zweẏer hut Sú brachten oppfers vil iren gotten Die von der ſtat jme was gebotten Dem keinenkuͯnen razalige Do er ſchiet von dem wige Das leiſt er durch truwe Doch wart ſin jomer nuwe Noch ſinem herren jſenhart Der burgroffe des jnnen wart Das er kam do wart ein ſchal Dar koment die fúrſten v́ber al Vs dem lande zazamang Die ſageten jme des priſes dang Den er do hette do bezalt Zu rechter juſt hette er gefalt Wol vier vnd zwentzig ritter nẏder Vnd zoch ir roſz einig wider Do worent gefaren fúrſten drẏ Dem reit manig ritter bẏ Zuͦ hoffe vff dem pallas Entſloffen vnd entbiſſen was Vnd wunneclich gefeitet Mit cleideren wol bereitet Was des hoͯhſten wurtes lip Die E was maget die was nuͦ wip Die in har vſz fuͯrte an der hant Vnd ſprach min *lẏp vnd min lant Jſt diſem ritter vnder tan Obe vns die vigende wellent lan DO wart gevolget gamiret Einer hoͯffelichen bett Er ſprach min herre razalip Gat noher vnd kúſſet min wip Alſo duͦt ouch min herre gaſcier Húttigeren den ſchotten vier Bat er ſú kúſſen an den munt Der was von ſiner juſte wunt Er bat ſú alle ſitzen Mit hoffelichen witzen Jch ſehe ouch gerne den nefen min Moͯcht es mit ſinen hulden ſin Der in hie gefangen hat Jch han von ſippe keinen rat Jch muͯſſe in leidig machen Die koͯnnigin begunde lachen Sú hieſz balde noch jme ſpringen Dort her begunde tringen Der mynneclich beakunt Der was von ritterſcheffte wunt Vnd het es ouch do vil getan Gaſcier der arme man Jn der bracht er was curtois Sin vatter was ein frantzois Er was kaẏlet ſweſtern barn Jn wibes dienſt er was gefarn Er hieſz kili riatag Der aller manne ſchone wider wag Do in gamiret geſach Jr antlitz ſippe jach Sú worent einander vil glich Er bat die konnigin rich Jn kúſſen vnd vohen zuͦ ir Er ſprach nuͦ gang ouch her zuͦ mir Der wurt in ſelber kúſte do Sú worent zuͦ ſehen ein ander fro ⸿Gamiret ſprach aber ſan Owe jung ſwartzẻr man Was ſolte her din krancker lip Sage an gebot dir das ein wip Das gebietent wenig herre mir Mich hat min vetter gaſchúr Her bracht er weiſz wol ſelber wie Jch han jme tuſent ritter hie Vnd ſton jme dienſtlichen by Zuͦ romes von normandy Kam ich zuͯ der ſamnunge Jch brachte jme helde junge Jch fúr von ſchampponẏ durch in Nuͦ wil kunſt vnd ſin Der ſchade an in keren Jr enwolt úch ſelben eren Gebietēnt irs ſo lat in min Genẏeſſen ſenffterent min pin Den rat nẏm du gar zuͦ dir Vare du vnd min herre gaſcúr Vnd bring mir kaẏleten her Do wurben ſú des heiles ger Sú brachten in durch ſine bette Do wart er ouch von gamirette Minneclich enpfangen Vnd dicke vmb fangen Von der konnigin rich Sú kuſte den tougen minneclich Er was ires mannes muͦmen ſuͦn Sú moͯchte es wol mit eren thuͦn Vnd was von art ein koͯnnig her Der wurt ſprach lachende mer Got weiſz her kaẏlet Obe ich úch neme dolet Vnd uwer lant zuͦ ſpane Durch den koͯnnig zuͯ galtane Der úch dicke duͦt mit zornes gir Das were ein vngetruwe an mir Wenne ir ſint myner muͦmen kint Die beſten gar mit úch hie ſint Der ritterſcheffte herte Wer twang úch diſer ferte ⸿Do ſprach der ſtoltze degen jung Mir gebot min vetter ſchildung Des dochter fridebrant do hat Das ich jme diende das iſt min rat Der het von ſinem wibe Hie von min eines libe Sehſz tuſent ritter wol bekant Die tragent werlich hant Jch brocht ouch ritter me durch in Der iſt ein teil geſcheiden hin Hie worent ouch durch den ſchotten Die werlichen rotten Jme komen von grunlanden Helede zuͦ den handen Zwene koͯnnige mit groſſer krafft Die flucht von der ritterſchafft Sú brachten vnd manigen kiel Jr rot mir vil wol gefiel Hie was ouch morolt durch in Des ſtrit het krafft vnd ſin Die ſint nuͦ hin gekeret Wie mich min frouwe leret Als duͦn ich mit den mynen Min dienſt in ſol erſchinen Du *darfft mir dienſt dancken nicht Wenne es die ſippe ſuſz vergicht Die freuelen helde ſint nuͦ din Werent ſú getouͯfft ſo die min Vnd an der húte noch in getan Schoͯner wart gekroͯnet nye kein man Er hat ſtries von in genuͦg Mich wundert mich was dich her verdruͦg Das ſage mir recht vnd wie Jch kam geſtern húte bin ich hie Worden herre v́ber diſz lant Mich enpfing die koͯnigin mit der hant Do werte ich mich mit mynne Suſz rietent mir die ſinne Jch wene dir hat dine ſuͯſſe wer Betwingen beidenhalp die her Du meineſt wenne ich ich dir entran Vaſt rieff du michan Was wilt du an mir twingen Loſſe mich ſuſz mit dir dingen Wenne kante ich nit den ancker din Miner mynnen man gandin Hette in gefuͯret ſel*ſelten vs Do erkante ich alles aber dinen ſtruſz Anme ſcilte ein ſap*ſarapandrateſt Din ſtruſz ſtunt hoch ſunder nehſt Jch ſach an an diner gelegenheit Dir was die ſicherheit vil leit Die mir doten zwene man Die hettens do vil guͦt getan Mir were ouch licht alſam geſchehen Jch muͦſz es einem túffel jehen Des fuͯre ich nẏ̄mmer werde fro Hette er den priſz behalten ſo An frefelen helden ſo din lip Fúr zucker eſſen in die wip Din munt mir lobes vil vergicht Nein ich kan geſmeichen nicht Nim ander mẏner helffe war Sú rieffent razalige dar ⸿Mit zuchten ſprach do kaẏelet Jch het min nefe gamiret Mit ſiner hant gefangen Herre das iſt ergangen Jch han den helt do vor erkant Das jme aragun das lant Mit dienſte nẏemer wurde verſpart Sit vnſer herre jſenhart Aldo nit krone ſolte tragen Er wart mir in dienſt erſlagen Die mir iſt nuͦ irs nefen wip Vmb ir mynne gap er den lip Das hat min kuſz an ſú verkorn Jch han maget vnd herre verlorn Wil nuͦ ir muͦmen ſuͦn Ritterlich fúr thuͦn Das er vns wil ergetzen ſin So falt ich jme die hende min So hette er richeit vnd priſz Vnd do mit tankanis Jſenharten geerbet hat Der gebalſamt lieber min herre dort ſtat Alle tage ich ſin wunden ſach Sit jme das ſper ſin hertze brach Do zoch er vſz dem buͯſem ſin An einer ſnúre ſẏdin Hin wider hing der tegen ſnelle Vor ſin bruſt an bloſſes velle Es iſt noch vil hohen tag Wil min herre kalliriahag Vns erwerben alſo ich in bitte So ritent vnd die fúrſten mitte Er vingerlin er ſante dar Die noch der helle ſint gefar Die komen was do furſten was Durch die ſtat vff den palas Do lech mit fanen hin ſin lanthant Von azagonc der fúrſten lant Jegeliche*Jegelicher was ſines ortes geil Doch bleip der beſſel teil Gamiret irem Gamiret irem herren Die ſelben worent die eren ⸿Do hette protizilas Der von art ein fúrſte was Loſſen ein hertzotuͦm Das lech er dem der manigen ruͦm Mit ſiner hant bejagete Gegen ſtrit er nẏe verzagete Lahfillaroſt ſchahtelakunt Nam er die fanen ſo zuͦ ſtunt Von azogunt die fúrſten her Noment der ſchotten húttiger Vnd gaſchieren den ernman Sú gingen fúr ir herren ſan Der lieſz ſú leidig vmb ir bette Des dancketent ſú do gamirette Húttegern den ſchotten Sú bottent ſunder ſpotten Lont mẏnem herren das gezelt Hie vmbe offentúre gelt Es zuckete vns ẏſenhartes leben Das fribrande wart gegeben Die zierde vnſers landes Sin freide die ſtunt pfandes Es ſtot ouch hie ſelb an me Vnvergolten dienſt jme det zuͦ we Vff erden nit ſo guͦtes was Der helm von art ein adamas Dicke vnd herte An dem ſtrite ein guͦt geferte DO gelobete huttigers hant Wenne er keme in ſins herren lant Das er es wolt erwerben gar Vnd ſenden wider wol gefar Das det er vnbetwungen Noch vrlop rungen Zuͯ dem konnige was do fúrſten was Do rumten ſú den pallas Wie verwuͯſtet were ſin lant Doch kunde gamiretes hant Wencken ſollicher boume ſolt Als obe alle boume triegent golt Er teilte es ſunder woge Sin man vnd ſin moge Noment do des heildes guͦt Das was der koͯnigin muͦt Der brutloufft hochgezit Hette do vor groſſen ſtrit Der wart alſus zuͦ ſuͯne bracht Jch han mirs ſelber nit bedacht Man ſagete mir das jſenhart Koͯniglich beſtattet wart Das doten die in er kanden Den zins von ſinen handen Was der gelten moͯchte ein jor Den ſelben lieſſen ſú do gar Das dotent ſú vmb ir ſelbes muͦt Gamiret das groſſe guͦt Sin volg muͯſz behalten Die muͯſſent ſunder walten Des morgens von der feſte Rumtens gar die geſte Sich ſchieden die do woren Vnd fuͦrten manige boren Das volck ſtunt herberge bloſz Wenne ein gezelt das was groſz Das hieſz der koͯnig zuͦ ſchiffe dragen Do begunde er dem volg ſagen Er wolte fuͯren in azagoug Mit der rede er ſú betroug Das was der ſtoltze kuͯne man Vntze er ſich faſte ſetzen began Das er nit ritterſchaffte fant Das was ſiner freide ſorgen pfant Doch was jme das das ſwartze wip Lieber denne ſin eigenlip Es wart nẏe wip geſchicket baſz Der frouwen hertze nẏe vergaſz Jme fuͯre ein werder vogel mitte An rechter kúſch wiplicher ſitte ⸿Von ſibilie vſz der ſtat Was geborn den er do bat Dannan kerens zuͦ einer wile Der het in manige mile Do vor gefuͯrt er brocht in dar Er was nicht alſo ein moͯr gefar Der marnere wiſe Sprach ir ſúllent es helen liſe Vor den die do tragent ſwartz fel Mine kocken ſint ſo ſnell Sú múgent vns nicht gefohen Wir ſúllent hinnan gohen *Sin golt hieſz er zuͦ ſchiffe tragen Nuͦ muͯſz ich úch von ſcheiden ſagen Die nacht fuͦr dan der werde man Das wart verholen getan Do entran er dem wibe Do hette ſú in ir libe Zwolff wuchen lebende ein kint Faſte weget in dan der wint DJe frouwe in irem ſeckel fant Einen brieff den ſchreip ir mannes hant Jn frantzos das ſú kunde Die geſchrifft ir ſagen begunde Hie enbúttet liep ein ander liep Jch bin diſer ferte ein diep Die muͦſz ich dir durch jomer ſtelen Frouwe ich mag dir nit verhelen Were din orde in miner E So wer mir jemer noch dir we Vnd habe jemer noch dir pin Werde vnſer zweẏer kindelin An dem antlitz einem manne glich Das iſt wor er wurt ellentrich Er iſt geborn von anſchoͧwe Die mynne wurt ſin frouwe So wurt aber er an ſtrit ein ſchúr Den vigenden herter noch gebur Wiſſen ſol der ſuͦn min Sin ane der hieſſe gandin Vnd lag an ritterſchefft dot Des vatter leit die ſelbe not Der was geheiſſen addantz Sin ſchilt bleip vil ſelten gantz Er was von art ein barun Vnd der von vtrapangun Worent zweẏer bruͯder kint Die beide alhie geſchriben ſint Der hieſz einer lazalieſz Brickus der ander hieſz Der zweyer vatter hieſz maranden Den fuͦrte ein feẏe hieſz morgen Jnterdelaſcoẏe Er was ires hertzen boẏe Von in zweyen kam das geſlechte min Das jemer me git liechten ſchin Jegelicher ein krone truͦg Vnd hette wurdickeit genuͦg Wilt du frouwe douffen dich Du macht ouch noch erwerben mich Des gert ſú do keine wandel nicht Owe wie ſchiere das geſchicht Wil er wider wenden Schiere ſol ich es enden Wem hat ſin manlich zucht Hie geloſſen ſiner mynne frucht Owe lieplich geſelleſchafft Sol mir nuͦ ruwe mit ir crafft Jemer twingen ſinen lip Sinem got zuͦ eren do ſprach das wip Jch mich gerne touffen ſolte Vnd leben wie er wolte Der jomer gap irem hertzen wig Jr freide fant den dorren zwig Als noch die turteltube duͦt Die hat jeden ſelben muͦt Wenne ir an trutſchafft gebraſt Jr truͯwe koſz den dirren aſt ⸿Die froͧwe in rechter zit genaſz Eins ſúnes der zweẏer farwe was An dem got wunder wart in eine Wiſz vnd ſwartze farwe erſcheine Die konnigin kuſt in ſunder twal Vil dicke an yeme blancken mal Die muͯter hieſz ir kindelin Ferreſis auſcefin Er wart ein walt wende Die juſte ſiner hende Manig ſper zerbrochen Die ſchilt durch ſtochen Als ein ageleſter wart gefar Sin fel vnd ouch ſin har ⸿Nuͦ was es v́ber des jores zitzil Das gamiret gepriſet vil Was worden do zuͦ zazamang Sin hant do den ſig er rang Dannoch ſwebete er vff dem ſe Die ſnellen winde jme dotent we Einen ſidenen ſegel ſach er roten Den druͦg ein bock vnd die boten Die von ſchotten lant fridebrant Froͧwe belekanen hat geſant Er bat ſú das ſú vff in verkúr Wie er den mag durch ſú verlúr Das ſú von jme geſúcht was Do fúrten ſú den adamas Ein ſwert ein halſperg vnd zwo hoſen Hie múgent ir wunder loſen Das jme der koch wider fuͯr Alſo mir die offentúre ſwuͦr Suͯ gobent es jme do gelobet ouch er Sin munt der botſchafft ein wer Wenne wurde er keme zuͦ ir Sú ſchieden ſich man ſagete mir Das mer ir truͯge niemerin einer habe Zuͯ k*ſibilie kerte er dar abe Mit golde galt der kuͯne man Sinen marner ſan Harte wol ſin arbeit Sú ſchiedent ſich das was dem leit vj Alſo ein turneẏ beſchach zuͦ kanfaleiſz vnd wie gahmiret die koͯnnigin hertzeloẏden erwarp : entspricht einem etc-Zeichen. DO zuͯ ſpanie in dem lande Er den koͯnnig erkande Das was ſin nefe kaẏlet Mit dem kerte er zú dolet Der was noch rit*ritt̉erſchafft gefarn Do man nicht ſchilt dúrffte ſparn Do hieſz er ouch bereiten ſich Suſz die effentúre beweret mich Mit ſpern wol gemalen Mit gruͯnem czúndalen Jegelicher hatte ein banier Drẏ hermẏn ancker dar an ſo vier Das man ir jach fúr richeit Sú worent lang vnd breit Vnd reichetent faſt vff die hant Do man ſú zuͯ dem ſper iſen bant Do nẏder halp ein ſpanne Der wart dem kuͯnen manne Hundert do bereitet Vnd wol hin noch geleitet Von ſines nefen lúten Eren vnd drúten Kúnden in mit wuͯrdickeit Das was irem herren nit zuͦ leit Er ſtreich ich enweiſz wie lange noch Vntze er geſte herberge erſach Jn dem lande zuͦ walleis Do was geſlagen vor kanfoleis Manig pauelun vff die plane Me ſage ich es úch nit noch wane Gebietent ir ſo iſt es war Sin volck hieſſe er vff halten gar Der herre ſante vor jme in Den cluͦgen meiſter knappen ſin Der wolt als in ſin herre bat Herberge nemen in der ſtat Do was jme ſnec*ſnelleclichen gach Man zoch jme ſo mere nach Sin ouge man der huſz do ſach Schilt entweren ſin ander tach Vnd die wende gar behangen Mit ſpern al vmb fangen ⸿Die konnigin von waleis Geſprochen hat kanfoleis Einen turney alſo gezilt Des manigen zagen noch befilt Wo er dem glich werben ſicht Von ſiner hant es nit beſchicht Sú was eẏn maget nit ein wip Vnd bot zweẏ lant vnd iren lip Wer do den priſz bezalte Diſe mere manigen falte Húnder das roſſe vff den ſomen Die ſollich gefelle nomen Jr ſchantz wart gegen flúcht geſaget Des pflogent helde vnverzaget Sú doten ritters ellen ſchin Mit herteclicher rabin Wart do manig roſz erſprenget Vnd ſwert vil er clenget ErEin ſchiff brúck vff einem plan + Ging vber eins waſſers tran Mit einem tor beſloſſen Der knappe vnverdroſſen Det es vff alſo jme zuͯ muͦte was Dar obe ſtunt der palas Ouch ſaſz die konniginne Zuͯ den venſtern dar jnne Mit maniger werden frouwen Die begunden ſchouwen Was diſe knappen doten Die hetten ſich beroten Vnd ſluͯgent vff ein gezelt Vmb vnvergolten mynne gelt Wart es ein koͯnnig ane Des twang in belekane Mit arbeit wart vff geſlagen Das ſāmmer ſolte tragen Ein gezelt das zeiget richeit Ouch was der plan ſo wol bereit Das ſich die ſummer ſtracketen dar an Gamiret der werde man Die ſelbe zit dort vs enbeiſz Dar noch er ſich mit fliſſe fleiſz Wie er hoͯffelich keme geritten Des enwart nit langer gebitten Sin knappen an den ſtunden Sin ſper zuͦ ſammen bunden Jegelicher fúnff an ein bant Das ſehſte fuͦrte er an der hant Mit einer banẏer Sus kom gefarn der vier Vor der koͯnigin wart vernomen Das ein gaſt ſolte komen Vs ferrem lande Den nẏeman do erkande Sin volg das iſt cortois Beide heidenſch vnd frantzois Etlicher mag ein auſcevin Mit ſiner ſproche je doch wol ſin Jr munt iſt ſtoltz ir wart iſt clor Wol geſnẏtten al vor wor Jch was ſinen knappen by Die ſint vor miſſewende fry Sú jehent wer habe geruͦch Obe der jren herren ſuͦch Den ſchiede ich der ſwer Von jme froge ich der mer So ſagetent ſú mir ſunder wang Es were der kuͯne von zazamang Diſe mere ſagete ir ein gartzun Anoy felch ein pauelun Vwer krone vnd uwer lant Werent do fúr nit halbes pfant Du darfft mirs ſo loben nicht Min munt hin wider dir des gicht Er mag wol ſin ein werder man Der nit mit armuͦt kan Alſus ſprach die konnigin We wenne koͯmet er ſelbes darin Den gartzun ſú des frogen bat Hoffelichen durch die ſtat Der helt begunde ſtrecken Die ſloffenden wecken Vil ſchilt ſach er ſchinen Die hellen puſinen Mit krachen vor jme gobent doſz Von wúrffen vnd mit ſlegen groſz Zwen tambur die gobent ſchal Der galm v́ber alle die ſtat hal Der thon je doch gemiſchet wart Mit floẏtieren an der fart Ein reiſe note ſú blieſen Nuͦ ſúllent wir nit verlieſen Wie ir herre komen ſy Dem rittent fideler by Do leit der tegen wert Zwen ſtiffeln v́ber bloſſe bein Sin munt alſo ein robin ſchein Von roͯte alſo obe er brúnne Der was dicke vnd nit zú dúnne Der lip was allenthalben clor Liecht reidelecht was jme das hor Wo manes vor dem huͦte ſach Der was ein túre houbet tach Gruͯne ſamit was der mantel ſin Ein zobel do vor gap ſwartzen ſchin Obe eime hemde das was blanck Von ſchouwen wart groſz gedrang VJl dicke aldo gefroget wart Wer der ritter were one bart Der fuͦrte alſo ſollich richeit Vil ſchiere wart das mere geſeit Man ſagete es in vnbetrogen Do begunden ſú an die brucke zogen An der volg vnd an der ſin Von dem liechten ſchin Der von der konnigin ſchr*ſchein Do zucht er nebent ſich ſin bein Vff richtet ſich der tegen wert Alſo ein Feder ſpil diſz gert Die herberge duchte in guͦt Alſo do ſtunt des heldes muͦt Sú dolte ouch wol die wúrtin Von waleis die konnigin ⸿Do ver hieſz der koͯnnig von ſpane Das vff der louwe plane Stunt ein gezelt das gemúret Durch des kuͯnen bazaliges bet Bleip vor patelamunt Das det jme ein ritter kunt Do fuͯr er ſpringen alſo ein tier Er was der frouwen ſoldier Der ſelbe ritter aber ſprach Jr muͯmen ſuͦn ich ſach Komen alſo er ẏe was vier Es ſint wol hundert banẏer Wol zuͯ einēm ſchilt vff gruͯnem felt Geſtoſſen fúr ſin hoch gezelt Die ſint ouch alle gruͯne Ouch hat der helt kúne Dry herminin ancker liecht gemal Vff ẏegelichem zindal Anoy ſol man ſchouwen hie Sin lip den pondir jrret Wie er es mit herte wirret Der ſtoltze kúne hardiſz Hat mit zorne ſinen fliſz Nuͯ lange faſt an mich gewant Den ſol hie gamiretes hant Mit ſiner juſte neigen Min ſelde iſt mit der feigen Sine botten ſante er ſan Do gaſcier der ảrme man Mit groſſer maſſenẏe lag Vnd der liechte killiakag Die worent do durch ſin bette Zuͯ pauelun mit kaylette Furen ſú durch geſelleſchafft Do enpfingen ſú durch liebe crafft Den werden koͯnnig von zazamang Sú duchte ein biten gar zuͦ lang Das ſú in nit E geſohen Vnd ſú mit truwen johen Do frogete ſú der mere Wer der ritter were ⸿Do ſprach ſiner muͦter kint Vſz ferrem lande hie ſint Ritter die mynne jaget Vil kuͯner helde vnverzaget Nie hette manigen brituͦn Rois vetter pendraguͦn Ein mere in ſtichet alſo ein dorn Das er ſin wip hat verlorn Die artuſas muͦter was Ein pfaffe der wol zouber las Mit dem die frouwe iſt hin gewant Dem iſt artus noch gerant Es iſt nuͦ jme driten jor Das er ſuͦn vnd wip verlor Hie iſt ouch ſiner dochter man Der wol mit ritterſchafft kan Lech von norwege Gegen falſcheit der trege Vnd der ſnelle gegen dem priſe Der kuͯne degen wiſe Hie iſt ouch gawandes ſuͦn So krang das er nit mag getuͦn Ritterſchafft do keine Er was by mir der cleine Vnd ſprichet moͯcht er einen ſchafft Zerbrechen troſt in des ſin crafft Er dete gerne ritters dat Wie fruͦ es ſin ger begunnen hat Die hette der koͯnnig von patrigalt Von ſperen einen gantzen walt Des fure iſt do wider gar ein wint Wenne die von partigal hie ſint Die heiſſen wir die frechen Sú wellent durch ſchilt ſtechen Hie hant die profenczale Schilt wol gemale Hie ſint die waleiſe Das ſú behabent ir reiſe Durch die ponder wo ſú es gernt Von der crafft ires landes ſú das wernt Hie iſt manig ritter durch die wip Des nicht erkennen mag min lip Alle die ich hie benennet han Wir ligent mit worheit ſunder wan Mit groſſer fuͯre in der ſtat Alſo vns die koͯnnigin bat Jch ſage dir wer zuͦ felde liget Die vnſer wer vil ringe wiget Der werde konnig von aſcaluͦn Vnd der ſtoltze konnig von arraguͦn Cidigaſt von de logoris Der hertzoge brandelin Do iſt ouch der kuͯne lehelin Do iſt morolt von irlant Der brichet abe vns geben pfant Do ligent vff dem plone Die ſtoltzen allemone Der hertzoge von brobrant Jſt geſtrichen in diſz lant Durch den konnig harditzen Sine ſwetz*ſweſter alitzen Gap jme der konnig von gaſcon Sin dienſt hat vor enpfangen lon Die ſint mit zorn hie gegen mir Nuͦ ſol ich wol getruwen dir Gedencke an die ſippe din Durch rechte liebe warte min vij Alſo der koͯnnig zazamang gar froͯlichen zuͯ ſinen dienern rette : entspricht einem etc-Zeichen, von dem ein Schnörkel wegführt. DO ſprach der konnig von zazamang Du ſolt mirs wiſſen keinen dang Was dir min dienſt zuͦ eren duͦt Wir ſullent haben einen muͦt Stot din ſtruſz noch ſunder nehſt Du ſolt din ſarap andreſt Gegen ſinem halben griffen tragen Min ancker faſt wurt geſlagen Durch lenden in ſins ponders hort Er in ſelb ſuͯchen wurt Húnder dem roſſe vff dem grieſſe Der vns zuͯ einander lieſſe Jch falte in oder er falte mich Des were ich an den truwen dich Kaẏlet zuͯ herberge reit Mit groſſen freiden ſunder leit Sich huͦp ein kriegieren Mit zwein heilden vieren Von pontomi ſciolars Vnd gúrnemantz degrahars Die juſtierten vff dem plan Sich huͦp die veſperie ſan Hie rittent ſehs dort wol dry Den fuͦr vil lichte ein krippel by Sú begūnde Sú begunden recht ritters dat Des was nuͦ do kein ander rat Es was dennoch wol mynner tag Der herre in ſime gezelte lag ⸿Do verhieſz der konnig von zazamang Das die ponder wit vnd lang Worent zuͯ ſolde worden Al noch ritters orden Er huͦp ſorſich ouch des endes dar ſorſich: ſor wurde zusätzlich vom Rubrikator durchgestrichen. Mit maniger banẏer liecht gefar Er kerte ſich nit an gohes ſehen Jnneclich er wolte er ſehen Wie es zuͯ beider ſit do were getan Sinen teppig leit man vff den plan Do ſich die ponder wúrren Vnd die roſz zuͦ ſtichen kúrren Von knv́ſſen was vmb in ein ring Do bẏ von ſwerten clinga cling Wie ſú noch priſe rungen Der clingen alſus clugen Von ſperen was groſz krachen do Er dorfft nẏemer frogen wo Ponder worent ſine wende Die forchtent ritters hende Die rittẻrſchafft ſo nohe was Das die frouwen abe dem pallas Wol ſohent der helde arbeit Doch was der koͯnnigin leit Das ſich der koͯnnig von zazamang Mit den anderen nit entrang Sú ſprach we war iſt er komen Von dem ich wunder han vernomen Es wart do hatt guͦt getan Von manigem keinen man Die doch der hoͯhe gerten nicht Der konnigin zil vẻrgicht Jr libes vnd ir lande Gar one alle ſchande NVͦ was ouch gamires wip Jn hariſtaſta doſin lip Das ir von ſchoten fridebrant Wart einer lúne by gewant Zuͯ ſ gebe ſante fúr iren ſchaden Mit ſtritte hette er ſuͯ v́ber laden Vff erden nit ſo guͯtes was Do ſchoſchuͦwet erden palasadamas Das was ein helm dar vff man bant Einen ancker do man in fant Verwurret edel geſteine Groſſe nit zuͯ cleine Das was ye doch ein ſwerer laſt Gezimiert wart der gaſt Wie ſin ſchilt gehoͯret ſẏ Mit golde von araby Ein túre búckel dar vff geſlagen Swere die er muͯſte tragen Die gap von golde alſo liechtes brehen golde: Über dem Wort ist ein Teil des Papiers abgesplittert. Das abgesplitterte Stückchen wurde wieder angeklebt, zeigt aber Buchstaben der Verso-Seite aus V. 71.16. Das man ſich dar jnne moͯchte erſehen Ein zobelin ancke dar vnde Mir ſelber ich wol gunde Das er hette an den lip gegert Wenne es was maniger marcke wert ⸿Nuͯ was ouch rois de frantz dot Des wip in dicke in groſſe not Bracht mit ir mynne Die were koͯnniginne Hette aldar noch jme geſant Obe*Obe er noch wider in das lant Were komen von der heidenſchafft Des twang ſú groſſer liebe crafft Sin woppen rock was harte wit Jch wene keinen ſo guͦten ſit Jeman zuͦ ſtrite furte Des lenge den teppig ruͦrte Obe ich in bruffen kunde Er ſchein alſo obe es hie brunde Bẏ der nacht ein queckes fúr Verblichen farbe was jme túr Sin glaſt die blicke nit ver meit Ein boͯſes ouge ſich do verſneit Mit golde er gebildet was Das zuͯ der muntane kankaſas Obe einem felſch zarten Griffen clo dis do bewarten Vnd es noch húte do bewarnt Von arabie lúte farnt Die erwerbent es mit liſten do So túr iſt es nyndert anderſwo Vnd bringent es wider araby Do man die grúnen achamardi Wircket vnd die pfelle rich An der gewer iſt er vnglich Den ſchilt nam er zuͦ halſſe ſan Hie ſtunt ein roſz vil wol getan Gewoppent faſt bitz vff den huͦff Hie gartzuͦn ruͦffe ruͦff Sin lip ſprang dar vff wenne er es do fant Vil ſtarcker ſper des heldes hant Mit hurte dort verſwande Diſz ponder er zertrande Jemer durch anderhalben us Dem ancker er volget noch der ſtrus ⸿Gamiret ſtach húnder das roſz Pontewinen de prenlaſcorsprienlaſcors Vnd manigen werden man An dem er ſicherheit gewan Was do getruwer ritter reit Die genoſſen des heldes arbeit Die gewunnen roſz gap er in An jme lag groſz ir gewin Glicher banier Wenne gegen jme fuͦrte vier Kuͯne rotten rittent dar vnder Jr herre ſtritten wol kunde An jegelicher eins griffen zagel Das hinder teil ouch was ein hagel An ritterſchafft das worent die Das vorder teil des griffen hie Der koͯnnig von gaſcone truͦg Vff ſynem ſchilt ein ritter cluͦg Gezimieret was des heldes lip So wol gepruͯffen kúnnen wip Er nam ſich vor den anderen vſz Do er vff erſach den ſtrus Der ancker kam doch vor an in Do ſtach in húnder das roſz dort hin Der werde konnig von zazamang Vnd ving do was groſz groſz gedrang ⸿Hohe fúr ſlecht getennet Mit ſwerten vil gekennet Do wart verſwendet der walt Vnd manig ritter abe gefalt Sú wonden ſich ſus horte ich ſagen Hin an den rat do hielten zagen Der ſtrit was wol ſo nohen Das die froͧwen wol ſohen Der do bẏ priſen ſolte ſin Der mynnegernde riolin Von des ſper ſnẏt ein nuweleis Das was ein konnig von lonoheis Sin herte gobent kroches ſchal Morolt in einen ritter ſtal Vs dem ſattel er in fúr ſich huͦp Das was ein vngefuger uͦp Vnd was der werde killiakag Von dem hette der koͯnig lag Do vor enpfangen ſolichen ſolt Den der fallende an der erden holt Er het es do vil guͦt getan Do loſte diſen ſtarcken man Das er in twinge ſunder ſwert Alſus ving er den tegen wert Húnder das roſz ſtach laẏlites hant Den hertzogen von brobrant Der fúrſte der hieſz lambekin Was do doten die ſin Sú beſchúttent in mit ſwerten Die helde ſtrites gerten viij Alſo der koͯnnig von arragun den koͯnig Von britanyen ſtach vnder das roſz DO ſtach der konnig von arragun Den alten vtre pandragun Húnder das roſz vff die planie Den konnig von britanie Es ſtunt do bluͦmen vil vmb in We wie gefuͯge ich doch bin Das ich den werden britaneis So ſchone lege von kanaleis Do nẏe getrat filans fuͦſz Ob ich úch das recht ſagen muͦſz Noch licht in einer tageſchicht Er enbedorfft ſin beſetzen nicht Vff dem roſz aldo er ſaſz Nicht langer man ſin do vergaſz Jn beſchuttent die ob jme do ſtritten Do wart groſſes húrten nit vermitten Do kam der konnig von prilitorteis Der wart alhie vor kanfoleis Gefellet vff ſins roſſes ſla Das er dar húnder lag alda Des det der ſtoltze gamiret Weta herre weta wet Mit ſtritte funden ſú gewetten Siner muͦmen ſuͦn kaileten Den vingen ponturteiſen Do wart vil rich die reiſen Do der konnig a*brandelidelin Wart gezucket von den ſin Einen anderen konnig ſú ouch vingen Die lieffen vnd gingen Vil manig werder man in iſen wat Denne do galunet wart ir grat Mit tútelin vnd mit kulen Jr fel truͦg ſwartze búlen Die heilde gehúre Die erwurben coaſcúre Jch ſage úch nit vor wehe Do was die ruwe ſmehe Die werden twang die mynne dar Manig ſchilt wol gefar Vnd manigen gezimierten helm Des tach was worden do der melm Das felt etwo gebluͦmet was Do ſtunt aldo kurtz gruͯnes graſz Do vielen vff den werden man Den die einere ein teil was getan Min gúre kan ſollicher wonſche dolen Das ich echt beſitze vff dem ſolen ⸿Do reit der konnig von zazamang Hin dan do nieman trang Noch einem roſz das geruͦwet was Man bant jme abe den adamas Nicht wenne durch des windes lufft Vnd anders durch do keine gufft Man ſtreiffte jme abe ſin herſenier Sin munt was rot vnd vier Ein wip die ich E genennet han Die kam einer ir cappelan Vnd cleiner jungherren dry Den rittent ſtarcken knappen by Zwen ſoͯmer gingen an ir hant Die botten hette dar geſant Die koͯnniginne an fliſe Jr cal*cappelan was wiſe Vil ſchiere bekante er diſen man Jn frantzos er in gruͯſte ſan Byenſenvenus biaſúr Miner frouwen vnd mir Das iſt regine de frantz Die ruͯret diner mynnen lancz Einen brieff gap er jme in die hant Dar an der herre gruͯſſen fant Vnd ein clein vingerlin Das ſolte ein gewores geleite ſin Wenne das enpfing die frouwe Von dem von anſchouwe Er neiget do er die geſchrifft geſach Wellent ir nuͦ herren wie er ſprach MJr enbútet mynne vnd gruͦſz Min lip wart komers buͦſz Sitte ich diner mynne enpfant Din mynne iſt ſloſz vnd bant Mines hertzen vnd des freide Dine mynne duͦt mich teide Sol mich din mynne ferren So muͦſz mich minne werren Kum wider vnd nym von minẻr hant Kron zepter vnd lant Das iſt mich an erſtor*erſtorben Es hat din ny*mynne erwỏrben Habe dir ouch zuͦ ſaldamant Diſen riſen priſant Jn den viern ſoͯmſchrin Du ſolt ouch min ritter ſin Jn dem lande zuͯ waleis Vor der houbt ſtat zuͯ tanfaleis Jch enruͦch obe es die koͯnnigin ſicht Es mag mir vil geſchaden nicht Jch bin ſchone vnd richer Vnd kan ouch mẏnneclicher Minne ēnpfohen vnd mynne geben Wiltu noch werder mynne leben So habe dir zmine krone Noch mẏnne zuͦ lone ⸿An diſem brieffe nit me fant Sin herſernier eins knappen hant Wider vff ſin houbet zoch Gamierten truren floch Man bant jme vff den adamas Der dicke vnd herte was Er wolte ſich arbeiten Die botten hieſz er leiten Durch ruwen vnder das pauelun Wo getrenge was do macht er rum Diſer verlor jenner gewan Do moͯchte er holen ſich ein man Hette er verſumet ſine dat Alhie was genuͦger rat Sú ſoltent juſtieren Dort mit roten panieren Sigelon betten ſich der ſlich Die hman heiſſet frundes ſtich Heimlich gefatter ſchafft Wart zerfúret do mit crafft Do wart die krūmme ſelten ſlecht Man ſprach do wenig ritters recht Wer icht gewan der hette jme das Er enruͦchete het ſin der ander haſz Sú worent von menigen landen Die do mit iren handen Schiltes ambacht worchten Vnd ſchaden wenig forchten Aldo wart von gamiret Geleiſtet anfeliſen bet Das er ir ritter were Ein brieff ſagete jme das mere Anoi wart erloſſen one Obe mynne vnd ellen in des mane Groſſe krafft vnd ſtarcke truwe An crafft jme fromte alle nuwe Nuͦ ſagt er wo der koͯnnig lot Sinen ſchilt gegen der herte bot Dar was jme noch gewant Das werte gamires hant Mit herte er den ponder brach Den koͯnnig von aragun er ſtach Húnder das roſz mit eime ror Der konnig hieſz ſchaffillor Das ſper was ſunder panyer Do mit er falte den tegen vier Er hat es bracht von heidenſchafft Die ſinen werten in mit crafft Doch ving er den werden gman Die jnnern doten die vſſern ſan Faſte riten vff das felt Jr feſperie gap ſtrites gelt Es moͯchte ſin ein torney Wenne do lag manig ſper enzwey ⸿Do begunde zurnen lehelin Sullent wir ſuſz enteret ſin Von dem der do ancker treit Vnſer jetweder den anderen leit Noch húte do er vnſanffte liget Sú hant vns vil wol angeſiget Jr herten gap in ruͦmes vil Do ging es vſz der kinde ſpil Sú fochten mit ir henden Das den walt begunde ſwenden Diſz was glich ir beider ger Spera her ſpera ſper Doch muͯſte dulden lehelin Ein ſchemeliche pin Jn ſtach der konnig von zam*zazamang Húnder das roſz wol ſperes lang Das in ein roſror geſcheffet was Sin ſicherheit er an ſich laſz Doch leſe ich ſanffter ſuͯſſe birn Wie die ritter vor jme nẏeder rirn Der kriege do vil maniger wielt Wer vor ſiner juſte hielt Hie komt der ancker via vẏ Zuͯ gegen kam jmme gehurtet by Ein fúrſte vs anſchouwe Die ruwesſin frouwe Vff gekerter ſpitze Das lerte in jomers witze Die woppen er erkante War vmbe er von jme rante Wellent ir ich beſcheiden úch des Sú gap der ſtoltze galoes Fili roſz gandin Der vil getruwe bruͯder ſin Do vor vntze jme die mynne erwarp Das er an einer juſte erſtarp Do bant er abe ſinen helm Wider das graſz noch den melm Sin ſtrit do nit me bant Groſſes jomer in des mant Mit ſime ſinne er bagete Das er nit me gefragete Kaẏleten ſiner muͦmen ſuͦn Was ſin bruͦder wolte duͦn Das *er nicht túrnierte hie Des weiſz er leider rechte wie Er ſtarp vor monthori Do vor was jme ein komber by Des twang in werde mẏnne Einer richen konniginne Die kam ouch ſit noch jme in not Sú lag an clagender mynne dot Wie gamiret were ouch mit clage Doch het er an dem halben tage Gefromt ſo vil der ſper enzwey Wer worden der turney So were verſwendet der walt Geferwe húnder jme worent gezalt Die gar vertet der vier Sin liechten banier Worent den kriegern worden Das was wol in ir orden Do reit er gegen dem pauelun Der waleiſen gartzun Huͦp ſich noch jme vff die fart Der túre woppen rock jme wart Durch ſtochen vnd verhouwen Den truͦg er fúr die frouwen Er was von golde dannoch guͦt Er gleſte alſo ein gluͯgender gluͦt Dar an koſz man richeit Do ſprach die konnigin gemeit Dich hat ein werdes wip geſant Bẏ diſem ritter in diſz lant NV́ manet mich die fuͯge min Das die anderen nit verkrencket ſin Die die offentúre brochten dar Jegelicher nam mins wunſches war Wenne ſú ſint mir alſo ſippe Von ademdem adamas rippe Doch wene ich gamiretes tat Den beſten priſz erworben hat Die anderen doten ritterſchafft Mit ſo bewanter krafft Das ſú es wielen faſt in die nacht Die jnnerern hetten die vſſern bracht Mit ſtrite vntze an ir pauelun Jn gewa*gewan der konnig von aſcalun Vnd morolt von irlant Durch die ſnuͯre in were gerant Das gewunnen ſú vnd verlorn Genuͦg hettent ſú ſchaden erkorn Die anderen priſz vnd ere Nuͦ iſt zit das man ſú kere Von einander nẏeman hiegeſẏcht Der pfender wert ſú liechtes nicht Wer ſolt ouch vinſterlingen ſpiln Es mag die muͯden gar beviln ⸿Der vinſter man vil gar vergaſz Domit her gamiret dort aſz Alſo es were tag des was es nicht Do wenne aber vngefuͯge licht Von cleinen kertzen manig ſchoup Geleit vff oleẏboumes loup Manig kulter rich Geſtrecket fliſſeclich Dar vor manig teppich breit Die konnigin an die ſnuͯre reit Mit maniger werden frouwen Sú woltent gerne ſchouwen Den werden konnig von zazamang Vil muͯder ritter noch ir trang Die tiſche lachen worent abe genomen E ſú in das pauelun waren komen Vff ſprang der wurt ſchier Vnd gefangener konnige vier Den fuͦrt ouch etlich fúrſte mitte Do enpfing er ſú noch zúchtem ſitte Er gefiel ir wol do ſú in geſach Die wolſame mit freiden ſprach Jr ſint hie wurt do ich uch nante So bin ich wúrtin v́ber dis lante Ruͦchent irs das ich úch kúſſen ſol Das iſt mit mẏnem willen wol Er ſprach uwer kuſz ſol weſen min Sullent die herren gekuſſet ſin Sol konnig fúrſte des enbern So getar ouch ichs von úch nicht gern Sú kuſtent die es do worent wert Des hette gamiret begert ix Alſo gamiret die koͯnnigin bat ſitzen mit iren jungfrouwen ER bat ſitzen do die konnigin Min herre brāndelidelin Mit zúchten zuͯ der frouwen ſaſz Gruͯne bin ich von touwe naſz Doͯnne vff die teppich was geſtroͧwet Do ſaſz vff des ſich hie frouwet Die werde waleſinne Sú twang jedoch ſine mẏnne Er ſaſz fúr ſy ſo nohe nẏder Das ſú in begreiff vnd zoch in wider Anderhalp faſt an iren lip Sú was ein maget vnd nit ein wip Die in ſo nohe ſitzen lieſz Wellent ir nuͦ hoͯren wie ſú hieſz Sú hieſz die konnigin hertzoleide Jr baſe hieſz ritſchoide Die hette der konnig gaẏlet Des muͦmen ſuͦn was gamúret Froͧwe hertzeloide gap den ſchin Weren erloͯſchen gapgar die kertzin Do were doch liecht von ir genuͦg Wenne des groſſe jomer vnder ſluͦg Die hoͯhe an ſiner freide breit Sin mynne were in vil bereit Sú ſprochent gruͦſz noch zúchte kúr Byeiner wile gingen ſchencken fúr Mit gezierde von aragoug Dar an groſſe richeit nẏeman troug Die truͦgen jungherren jn Das muͯſſent túre neppfe ſin Von edelem geſteine Groſſe nit zuͦ cleine Sú worent alle ſunder golt Es was des lantzenſes ſolt Das ẏſenhart vil dicke bot Frouwe belakanen vor groſſe not Do bot man in das trincken dar Jn manigen ſteinen wal gefar Smaragde vnd ſardin Etlicher was ein rubin ⸿Fúr die pauelun do reit Zwene ritter vff ir ſicherheit Die worent hin vſz gefangen Vnd koment her in gegangen Das ein das was kaylet Der ſach den konnig gamiret Sitzen alſo er were vnfro Er ſprach Er ſprach wie geboreſt du ſo Din priſz iſt doch dar vor erkant Frouwe hertzoleiden vnd ir lant Hat din lip errungen Des jehent hie gar die zungen Es ſy britum oder iriſch man Oder wer hie welſche ſproche kan Frantzos oder brobrant Die jehent vnd volgent diner hant Du enkumeſt an ſo berantem zil Glich nẏeman hie geziln Des liſe ich hie den woren brieff Din crafft do mit ellen nit ſlieff Do diſe herren koment in not Der hant nie ſicherheit gebot Min herre brandelidelin Vnd der kuͯne lehelin Hardiſz vnd ſcaffillor Owir razalit der mor Dem du vor panthalamunt Dete ouch vianſe kunt Des gerte din priſz an ſtrite Der hohe vnd ouch der wite Er ſprach ſit du mich alſo lobeſt Min frouwe mag wenen das du tobeſt Du macht mich doch verkouffen nicht Wenne ietweder wandel an mir ſicht Dinem munde iſt lobes zuͦ vil vernomēn Sage echt wie biſt du wider komen ⸿Die werde diet von ponturteis Hat mich vnd diſen ſcamponeis Lúdig loſſen v́ber al Morolt der mẏnnen nefen ſtal Von dem ſol er lidig ſin Mag min herre brandilin Lẏdig ſin von diner hant Wir ſint noch anders beide pfant Jch vnd miner ſweſter ſuͦn Du ſolt an vns genode thuͦn Ein veſperie iſt hie erlitten Das túrnẏeren iſt hút ver mitten An diſer zit vor kanfoleis Die rechte worheit ich des weis Wenne die vſſer herte ſitzet hie Nuͦ ſpriche echt wo oder wie Moͯchtens vns vor gehalten Du macht vil priſes walten Die konnigin ſprach zuͦ gamiret Vernement herre mine bet Was mines rechten an úch ſy Do ſúllent ir mich loſſen by Dar zuͯ min dienſt genoden gerſtgert Wir dich der bette hie gewert Sol úch das pris verkrencken So lat mich forter wencken Der konnigin anfliſen Der kúſchen vnd wiſen Vff ſprang balde ir cappelan Er ſprach nicht ſol zú rechte han Min frouwe die mich in diſz lant Noch ſiner mẏnne hette geſant Die lebet noch jme ins libes zier Jr mynne hat jme gewier Die ſol behalten ſinen lip Wenne ſú iſt halt vor alle wip Hie ſint ir botten fúrſten dry Kint vor miſſewende fry Der heiſſet einer lantzidant Von hoher art irs gruͯnlant Er iſt zuͦ kerlingen komen Vnd het die ſproche an ſich genomen Der ander heiſſet liedarſz Fili cons ſẏolars Wer nuͯ der dirtte were Des hoͯrent ouch ein mere Dies muͦter die beaflúrs Vnd ſin vatter panſamúrs Die worent von der ſelben art Das kint liachtúrtel kart Die lieffen alle dry vor in Sú ſprochent herre haſtu ſin Die zelt regine defrantze Der werden mẏnne ſchantze So macht du ſpielen ſúnder pfant Din munt iſt komers ledig zuͦ hant DO die botſchafft wart vernomen Kaẏles der E was komen Saſz der konnigin vnder ir martels ort Hin zuͯ jme ſprach ſú diſe wort Sage an iſt dir icht me geſchehen Jch han ſlege an dir erſehen Do begreiff in die gehúre Sin do atſcúre Mit ir linden hende wiſz An den lag gottes fliſz Do was jme gamazieret Vnd ſere toaſcieret Húffel kome vnd an der naſen Er hette der konnigin baſen Die diſe ere an jme beging Das ſú in ſo nohe zuͦ ir fing Sú ſprach noch zuchte lere Hin zuͦ gamiret hohe mere Jch bútet faſt ir mẏnne Die werde frantzoſinne Nuͦ erent an mir alle wip Vnd lont zuͦ rechte mẏnen lip Sit hie vntze ich min recht geneme Jr loſſent es anders mich in ſcheme Das lobete ir der werde man Sú nam vrlop vnd fuͦr dan Súnder ſchēmmel vff ir pfert Vnd ging von ir hin wider hin in Aldo er ſach die freide ſin Er ſprach zuͯ harditze Vwer ſweſter alitze Mir mynne bot die nam ich do Die iſt nuͦ beſtattet anderſwo Vnd wurdeclicher denne zuͦ mir Durch ir zúcht lant zúrnes gir Sú het der fúrſte lambekin Al ſúllent ſú nit gekroͯnet ſin Sú hat doch wurdickeit bekant Hanowe vnd brobrant Jr dienent vnd manig rittẻr guͦt Kerent mir zuͦ gruͦſſe uweren muͦt Lont mich in uweren hulden ſin Vnd nement wider den dienſt min ⸿Der koͯnig von kaſcone ſpach Als jme ſin manlich ellen jach Vwer rede were ye ſuͯſſe Were úch dar vmb gruͯſſe Dem ir vil laſters habt getan Der wolt es doch durch forchte lan Mich ving ir muͦmen ſuͦn Der kan an nẏemans miſſe tuͦn Jr werdent wol lidig von gamiret Das ſol ſin min erſte bet Wenne ir denne vnbetwungen ſit Min dienſt gelebet noch die zit Das ir mich zuͯ einem frúnde nement Jr moͯchtent úch wol han verſchement Was halt mir von úch geſchicht Mich ſluͯge doch uwer ſweſter ſuͦn nicht Der rede lachetent ſú v́ber al Do wart betruͯbet in der ſchal Den wurt ſin truwe meinte Das er ſich wider ſeinte Wenne jomer iſt ein ſcharppfer gart Jr ẏegelicher jnnen wart Das ſin lip mit komer rang Vnd alle ſin freide was zuͦ krang Do zurne ſiner ſmuͦmen ſuͦn Er ſprach du kanſt vnfuͯge tuͦn Nein ich muͦſz bẏ ruͦwe ſin Jch ſene mich noch der konnigin Jch lieſz zuͦ pathelamunt Do von mir iſt min hertze wunt Jn reiner art ein ſuͯſſes wip Jr werde kúſch mir den lip Noch ir mynne jomers mant Sú gap mir lúte vnd lant Mich duͯt frouwe belakan Manlicher freiden an Es iſt doch vil manlich Wer mynne wanckes ſchāmmet ſich Der frouwen huͦt mich vff bant Do ich nit ritterſchaffte fant Do wonde ich das mich ritterſchafft Neme von vngemuͯtes crafft Der habe ich hie ein teil getan Nuͦ wenet man vngewiſſer man Das mich ir ſwertze jaget dan Do ſach ich fúr die ſunnen an Jr wiplich priſz mir fuͯget leit Sú iſt ein búcket obe ir werdickeit Gantze das ander muͦſz ich ſagen Jch ſach mins bruͦders woppen tragen Mit vff gekertem orte Owe mir diſer n*worte Das mere wart do jomerlich Von ſwertz wurdent die ougen rich Dem werden ſpinole Er ſprach ouwe konnigin fole Durch dine mynne gap den lip Galoes den alle wip Von hertzen clagen ſolten Mit truwen obe ſú wolten Das ir ſitte brechte Lop wo mans gedechte Konnigin von aferre Wie lútzel es doch were Den mog ich doch durch dich verloſz Der ritterlichen ende koſz Von einer juſte die in ſluͦg Der din cleinoͯte truͦg Fúrſten die geſellen ſin Duͦnt herteclich ir clage ſchin Sú habent ir ſchiltes breit Noch jomers geleit Zuͦ der erden gekeret Groſſes truren ſú das leret Alſus duͦnt ſú ritterſchafft Sú ſint beladen mit jomers crafft Sit galoes mẏner muͦmen ſuͦn Noch mẏnem dienſte nit ſolte duͦn Do ver nam des bruͦder dot Das was ſin ſin ander hertze not Mit jomer ſprach er diſe wort Wie hat nuͦ mines anckers ort Jn ruwe ergriffen lande habe Der woppen det er ſich do abe Sin ruwe jme hertes komers jach Der helt mit woren truwen ſprach Von anſchouwe galoes Fúrbas darff nyeman frogen des Es wart nẏe manlicher zucht Geboren der woren mẏnne frucht Vſz dime hertzen bluͯte Nuͦ erbarmet mich din guͯte Er ſprach zuͯ kailet Wie gehabet ſich ſchoẏet Min muͦter freiden arme So das es got erbarme Do ir erſtarp gandin Vnd galoes der brúder din Vnd do ſú den by dir nit geſach Der dot ouch ir das hertze brach Do ſprach der konnig hardis Nuͦ kerent an manheit iren fliſz Obe ir manheit konnent tragen So ſúllent ir leit zuͯ moſſen clagen Sin komer leider was ſo groſz Ein goſz jme von den ougen floſz Er ſchuͦff den rittern ir gemach Vnd ging do er ſin komer ſach Ein clein gezelt von ſamit Die nacht er dolte komers vnd jomers ſit x Alſo die herren mit groſſer macht von dẻr burg enweg ritten : besteht aus einem etc-Zeichen und aus einem kleinen waagrechten Bogen. ALſo der ander tag erſchein Sú wurdent alle des in ein Die jnneren vnd vſzdas vſſer her Wer do mit ſtritlicher wer Wer jung oder alt Bloͯde oder balt Die enſolten juſtieren nicht Do ſchein der mitten morgen liecht Sú worent mit ſtrite ſo verriben Vnd die roſz mit ſporn v́ber triben Das die frechen ritterſchafft Je dannoch twang der múde crafft Die konnigin reit do ſelbe Noch den werden hin zuͦ felde Vnd bracht ſú mit ir in die ſtat Die beſten ſú dort jnne bat Das ſú zuͦ der planẏe ritten Do wart ir bette nit ver mitten Sú koment do man meſſe ſang Dem trurigen konnige von zazamang Vnd als er beneditz das wa*wart getan Do kam frouwe hertzeloide ſan An gamiretes lip ſu ſprach Suͯ gerte alſo ir die volge jach Do ſprach er frowe jch han ein wip Die iſt mir lieber denne der lip Obe ich dar one were Dannoch wuſte ich ein mere Do mit ich úch empriſte gar Neme jeman mynes rechte war ⸿Sú ſprach ir ſullent die moͯrinne Loſſen durch myne mẏnne Des touffes ſegen hett beſſer crafft Nuͯ oͯnet úch der heidenſchafft Vnd mynnet mich noch vnſer E Wenne mir iſt noch uwer mẏnne we Oder ſol mir gegen úch ſchade ſin Der frantzoſer koͯnnigin Der botten ſprochen ſúſſe wart Sú ſpielten ir mere vntz in den rat Jo die iſt min wore froͧwe Jch bracht in aneſchouwe Jr rat vnd myner zucht ſitte Mir wonet noch húte ir helffe mitte Do von das mich min frouwe zoch Die wibes miſſewende je floch Wir worent beide kúnder do Vnd doch zuͯ ſehen einander fro Die konnigin ampfoliſe Wonet an wiplichem priſe Jch was do armer denne wo Do greiff ich willeclichen zuͦ Man zalt mich noch vor armen Jch ſolt úch frouwe erbarmen Mir iſt min werder bruͦder dot Durch uwer zucht lont mich one not Leret mynne do freide ſy Wenne mir wonet nit wenne jomer bẏ Lont mich den lip nit langer zern Sage an wo mit welt ir úch wern Jch ſage noch ir froge ger Es war ein torneẏ do her Geſprochen des enwart hie nicht Manig getwerg mir des gicht Den het ein veſperie erlemet Die frechen ſint hie ſo gezemet Das turney do verdarp Jr ſtete were ich warp Mit den die das guͦt hie hant getan Jr ſúllent mich not rede erlan Es det hie manig ritter baſz Vwer recht iſt gegen mir laſz Nút wenne uwer gemeiner gruͦſz Obe ich den von úch enpfohen muͦſz ALſo mir die offentúre ſaget Do nam der ritter vnd die maget Einen richter v́ber der frouwen clage Do nohet es dem mittem tage Man ſprach ein vrteil zuͯhant Wellich ritter helm hie vff gebant Der her noch ritterſchafft iſt komen Hat er den priſz alhie genomen Den ſol die koͯnnigin han Dar noch die volge wart getan Do ſúſprach ſú herre nuͦ ſint ir min Jch thuͦn úch dienſt noch hulde ſchin Vnd fuͯge úch ſollicher freiden teil Das ir noch jomer werdent geil Er hat je doch noch jomer pin Do was des apprillen ſchin Zergangen dar noch komen was Durch da*das cleine gruͯne graſz Das velt was gar vergruͯnet Das bloͯde hertze kuͯnet Vnd in git hochgemuͯte Vil boum ſtont in bluͯte Von dem ſúſſen lufft des meẏen Sin art von dem feẏen Muͯſz mynnen oder mẏnne gern Des wolt in freiden do gewern An froͧwe hertzeleide er do ſach Sin ſuͯſſer munt mit zuͯchten ſprach Frouwe ſol ich mit úch geneſen So lont mich one huͦte weſen Wenne verlat mich jemer jomers crafft So dete ich gerne ritterſchafft Lont ir nicht túrnẏeren mich So kan ich noch den alten ſlich Alſo do ich minem wibe entran Die ich ouch mit ritterſchafft gewan Do ſú mich vff von ſtrite bant Jch lieſſe ir lúte vnd lant Sú ſprach herre nemt úch ſelb zil Jch loſſe in irs willen vil Jch wil fromen vil der ſper enzwei Aller man vnd glich ein turneẏ Des ſolt ir frouwe ruͯchen Das ich den muͯſſe ſuͯchen Diſz lob wart mir geſaget Er enpfing die lant vnd die maget ⸿Diſe drige jungherrelin Anpfliſen der koͯnnigin Hie ſtunden vnd ir kappelan Do volge vnd vrteil wart getan Do das der Cappelan geſach Heimlich er gamúreten ſprach Man det myner frouwen kunt Wol zú der ſelben ſtunt Den groͯſten priſz behieltent Vnd do zweẏer krone wieltent Sú het ouch lant vnd muͦt Vnd git úch lip vnd guͦt Er ſprach do ſú mir gap rittẻrſchafft Do muͯſte ich noch der orden krafft Alſo mir des ſchiltes ambacht ſaget Do by bliben vnverzaget Wanne das ich ſchilt von ir gewan Es were noch anderſz vngetan Jch were des trurig oder geil Mich behaltet hie ritters vrteil Farent wider ſagent ir dienſt min Jch ſoͯlle je doch ir ritter ſin Ob mir alle krone werent bereit jch han noch ir min hoͯheſtes leit Er bot in ſin groſſe habe Siner gobe dotent ſú ſich abe Die botten fuͯren zuͦ lande Gar one ir frouwen ſchande Sú gerten vrlobes nicht Alſo licht in zorn noch geſchicht Jr knebelin der fuͯrſten kint Worent von weinen vil noch blint ⸿Die den ſchilt ver kert hant getragen Den begunde man zuͦ felde ſagen Frouwe hertzeloide die koͯnnigin Hat behabt den anſcevin Wer was von anſchouwe do Vnſer herre iſt leider anderſwo Durch ritters zuͦ den ſarrezin Das iſt nuͦ vnſer hoͯheſte pin Der hie den priſz hat bezalt Vnd ſo manigen ritter abegefalt Vnd der ſo ſtach vnd ſluͦg Vnd der den túren ancker truͦg Vff dem helm liecht geſteinet Das iſt den ir do meinet Mir ſaget der koͯnnig kailet Vnd auſceninauſceuin wer gamúret Dem hie iſt wol gelungen Noch den roſſen ſú do ſprungen Jr wat wart von iren ougen naſz Do ſú koment do ir herre ſaſz Sú enpfing in vnd er enpfing ouch ſie Freide vnd jomer worent hie Do kuſt er die getruwen Er ſprach úch ſol nit ruwen Zuͯ moſſen wiſſe der bruͦder min Jch mag úch wol ergetzen ſin Keret vff den ſchilt noch ſiner art Behabt úch an der froͯiden fart Jch ſol mins vatter woppen tragen Sin lant min ancker het beſlagen Der ancker iſt ein recken zil Den trage vnd neme nuͦ wer do wil Jch muͯſz nuͦ lobelich Geborn jch bin rich Wenne ſolt ich volckes herre ſin Den dete we der jomer min Frouwe hertzeloide helffent mir Das wir gebietent ich vnd ir Konnigin vnd fúrſte die hie ſin Das ſú durch den dienſt min Bliben vntze ir mich gewert Des mẏnnen wert er mȳnnen gert Die bette wart ir beider munt Die werden lobetens zuͦ ſtunt Jegelicher fuͦr an ſin gemach Die konnigin zuͦ iren frúnden ſprach Nuͦ habent uch herre an min pflege Sú wiſete in heimlich wege xj Alſo die junge konnigin mit iren jung=frouwen die herren fuͯrten zuͯ ſchouwen die burg DEr geſte pflag man wol zuͦ fromen War halt der wurt were komen Das geſinde wart gemeine Doch fuͯr er dan alleine Wenne zwey jungherrelin Jungfrouwen vnd die konnigin Jn fuͯrten do er freide fant Vnd alles ſin truren gar verſwant Enſchumppfiert wart ſin ruwe Vnd ſin hoch gemuͯte nuwe Das muͯſte je doch in liebe ſin Frouwe hertzeloit die konnigin Jr magetthum do one wart Die muͯnde worent do vngeſpart Die begunde ſú mit kúſſen zern Vnd den jomer von der freiden wern Dar noch er ein zucht beging Sú wurdent ledig die er ving Nardiſen vnd kailet Die ver ſuͯnde gamiret Do erging ein ſollich hoch gezit Wer der hette glichet ſit Des hant je doch gewaltes pflag Gamiret ſich des bewag Das ſin habe wart vil vngeſpart Arabeſch golt geteilt wart Armen rittern alle gemeine Vnd den konnigin edel geſteine Teilet gamiretes hant Vnd ouch was er do fúrſten fant Lat riten wer do geſte ſin Den gap vrlop der anſcevin Das pantel das ſin vatter duͦg Von zobel vff ſin ſchilt man ſluͦg Alle clein wiſſe ſidin Ein hemde der konnigin Alſo es ruͦrte iren bloſſen lip Die nú was worden ſin wip Das was by halſperges tach Achtzehen man durch ſtochen ſach Vnd mit ſwerten gar zer houwen E das er ſchiede von der froͧwen Das leit ouch ſú an bloſſe hut So kam von ritterſchafft ir drut Der manigen ſchilt do vil durch ſtach Jr zweẏer mẏnne truwen jach er hette ER hette wurdickeit genuͦg Do in ſin manlich ellen truͦg Hin v́ber gegen der herte Mich jomert ſin geferte Jme kam die wore botſchafft Sin herre der barug were mit crafft V́ber ritten von den babilon Einer hieſz ẏpomidon Der ander pompeius Die noment die offentúre alſus Das was ein ſtoltzer werder man Nicht der von rome entran Julúſe do bevor Der koͯnnig nabuchodonoſernabuchodonoſor Siner muͯter bruͦder was Der an trúgelichen buͯchen laſz Er ſolte ſelber ſin ein got Das were jme der lúte ſpot Jr lip ir guͦt was vngeſpart Die gebruͯder worent von hoher art Von nynus der gewaltes pflag Er wuͯrde geſtifftet baldag Der ſelbe ſtifftet ouch mẏnywe Jn det ſchade vnd laſter we Der jach der koͯnnig zúrborn Das wart gewunnen vnd verlorn Genuͯg zuͯ beiden ſiten Man ſach do helde ſtriten Do ſchifft er ſich v́ber mer Vnd fant den barug mit wer Mit freiden er enpfangen wart Wie mich jomert ſin fart ⸿Das do geſchehe wie es dort er gie Gewinne vnd verluſt wie das geſchie Des enweiſz froͧwe b*hertzeloid nicht Die was alſo die ſunne liecht Vnd hette mynneclichen lip Richeit by jugent pflag das wip Vnd freiden me denne zuͯ vil Sú was gar obe dem wunſches zil Sú kerte ir hertze an guͦte kunſt Das bejaget ſider werden gunſt Jr p kúſch was vor pris erkant Konnigin v́ber drú lant Waleis vnd anſchouwe Dar v́ber was ſú froͧwe Sú truͦg ouch krone zuͦ norgals Jn der houbt ſtat zuͯ krungruals Jr was ouch wol ſo liep ir man Obe ie kein man vnd frouwe mere gewan So werden frúnt was wor ir das Sú moͯchte es loſſen one haſz Do er vſz bleip ein halbes jor Sins komens wart ſú fúr wor Das was ir lip gedinge Do braſt ir freiden clinge Mitten in dem hefft enzweienzweẏ Owe vnd heẏa hey Das mynne ſollichen kumber treget Vnd jemer truwe jomer reget Alſus fert die menſcheit Húte liep morgen leit ⸿Die frouwe vmbe einen mitten tag Eins angeſtlichen ſloffes pflag Jr kam ein forchtelicher ſchrig Sú duchte wie ein ſternen blick Sú gegen den lúfften fuͦrte Do ſú mit krefften ruͦrte Manig fúrin dunder ſtrale Die ſluͯgent alle zuͦ mole Gegen ir do funckelt vnd ſang Von gneiſtern ir zoͯppfe lang Mit crafft gap der dorne toſz Broͯmen zuͯ hert was ſo groſz Jr lip ſú do noch wider fant Do zuchte ein griffe ir zeſewe hant Das wart ir verkert hie mitte Sú duchte wunderlicher ſitte Sú were eins wurmes amme Der ſit zer fuͦrte ir wamme Vnd wie ein trach ir bruſte ſúge Vnd das der gohes von ir flúge So das ſú in nẏemer me geſach Das hertze er ir vſz dem libe brach Die forchte ir ougen muͯſten ſehen Es iſt ſelten wibe me geſchehen Jn ſloffe komer dem glich Do vor was ſú ritterlich Ach went verkeren wir gar Jch wurde noch jomer nuͦ gefar Jr ſchade wart lang vnd breit Jr nohet komen ir hertzeleit Die frouwe do begunde Das ſú do vor nit kunde Beide zabelen vnd wuͯffen Jn ſloffe luter rieffen Vil jungfrouwen ſoſſen hie Die ſprungent dar vnd wachetent ſie xij Alſo die herren koment geritten mit gro=ſſer macht zuͯ der ſtat in vnd vil frouwen an der zinnen logent : besteht aus einem etc-Zeichen und einem Schnörkel. DO kam geritten kampanis Jr mannes dochter knappen meiſt̉er wiſz Vnd cleiner jungherren vil Do ging es vſz der freiden zil Die ſageten clagende ir herren dot Des kam frouwe hertzeloit in not Sú vil hin vnverſunnen Die ritter ſprochent wie iſt gewonnen Min herre in ſinem harneſch ſas So wol alſo er gewoppen was Wie den knappen jomer jagte Den herren er doch ſagete Minen herren lebendes lenge floch Sin herſenier von jme er zoch Des twang in ſtarcke hitze Genert heidenſch witze Het vns verſtolen den helt guͦt Ein ritter hat bockes bluͦt Genomen in ein langes glaſz Das ſluͦg er vff den adamas Do wart er weicher denne ein ſwam Den man noch molet alſo lam Vnd ouch das crútz in ſinen clouwen Den erbarm das do wart getan Do ſú mit ſcharn zuͯ einander ritten Any wie do wart geſtritten Des beruckes ritterſchafft Sich werte wol mit ellens crafft Vor baldag vff dem gefilde Durch ſtochen wart vil ſchilde Das ſú zuͯ einander goheten Die pondier ſich do floheten Sich wúrren die banier Do viel manig tegen ſchier Aldo worcht mins herren hant Do von ir aller priſz ver ſwant Do kam gefaren ipomidon Mit rede er mẏnem herren lon Gap das er in nyder ſtach Das manig tuſent ritter ſach Das geſchach vor alexandrie Min herre falſches frie Gegen dem konnige kerte Des juſte in ſterben lerte Sin helm ver ſneit des ſpers ort Durch ſin houbet wart gebort Das man den rúntzen do jnne fant Je doch geſaſz der wigant Al touwende er vs dem ſtrite reit Vff ein planẏe da*die was breit Vber in kam ſin cappelon Er ſprach mit kurtzen worten ſan Sin bichte vnd ſante her Diſz hemde vnd das ſper Das in von vns geſcheiden hat Er ſtarp one alle miſſedat Jungherren vnd die knappen ſin Befalch er der konnigin Er wart geleit zuͦ baldag Die koſt den barug ringe wag Mit golde wol geheret Groſſe richeit dar an gekeret Mit edelem geſteine Do jnne lit der reine Gebalſamt wart ſin junger re Von jomer wart vil luten we Ein túre rúbin iſt ein ſtein Ob ſime grabe do durch er ſchein Vns wart gevolget hie mitte Ein krútz noch der martel ſitte Alſo vns criſtus tot erloſt Lieſſe man ſtoſſen jme zuͯ troſt Zuͯ ſchirme der ſele v́be das grap Der barug den koſten gap Es was ein túre ſmarat Wir dotentz one den heiden rat Jr orden kan nicht krútzes pflegen Alſo criſtus dot jme lieſz den ſegen Es bettent heiden ſunder ſpot An in alſo an iren werden got Nicht durch des crútzes ere Noch durch des douffes lere Der zuͯ dem vrteilichen ende Vns loͯſen ſol gebende Die manlich truwe ſin Git jme zuͯ himmel liechten ſchin Vnd ouch ſin ruwige bichte Der falſch was an jme ſichte Jn ſinem helm ein adamas Ein appitaſum ergraben was Verſigelt vff das crútze obe dem grabe Suſz ſagent die buͦchſtabe DVrch diſen helm ein juſte ſluͦg Den werden tegen den ellen truͦg Gamiret was er genant Gewaltig koͯnnig v́ber dis lant Jegelicher jme der krone jach Do riche fúrſten jme gingent nach Er was von an ſchouwe geborn Vnd hette vor baldag verlorn Den lip durch den parug Sin priſz gap ſo hohen rug Das nẏeman reichet an ſin zil Wo man noch ritter priſen wil Er iſt von muͦter vngeborn Zuͯ dem ſin ellen habe geſworn Jch mein der ſchiltes ambacht hat Hilff vnd manlichen rat Gap er mit ſtrite frunden ſin Er leit durch wip vil ſcharppfe pin Er druͦg den toͯff vnd criſten E Sin dot der ſarrazinen we Sunder liegen das iſt wor Siner zit von ſinneclichem jor Sin ellen ſo noch priſe warp Mit ritterlichem ende erſtarp Er hette der falſcheit an geſiget Nuͯ wunſchet jme heiles der hie liget ⸿Diſz was alſo der knappe jach Waleiſe vil man weinen ſach Do muͯſten wol von ſúnden ſagen Do hette die frouwe getragen Ein kint das in ir libe ſtieſz Die man one helffe ligen lieſz Achtzehen wuchen hette ge lebet Des muͦter mit dem tode ſtrebet Froͧwe hertzeloẏd die konnigin Die anderen hettent krancken ſin Das ſú nit hulffen dem wibe Wenne ſú truͦg in irem libe Der aller ritter bluͦmen wirt Ob in ſterben hie verbirt Do kam ein alter wiſer man Durch clage v́ber die frouwe ſan Do ſú mit dem tode rang Die zene er ir von einander twang Man gos ir waſſer in den munt Aldo wart ir verſinnen kunt Sú ſprach ouwe war kam min trut Die frouwe clagete in v́ber lut Mines hertzen freide breit Was gamiretes wúrdickeit Den nam mir ſin freche ger Jch was vil junger denne er Vnd bin ſin muͦter vnd ſine wip Jch trage alhie durch ſinen lip Vnd ſines verhes ſomen Den goben vnd nomen Vnſer zweẏer mynne Hette got getruwe ſinne So loſſe er mir in zuͦ fruchte komen Jch han doch ſchaden ſo vil genomen An mynem ſtoltzen werden man Wie hat der dot zuͦ mir getan Er enpfing nẏe wibes mynne teil Er enwere aller freiden geil Jn muͯget wibes ruwe Den riet ſin manlich truwe Wenne er was falſches lere Nuͯ hoͯrent ein ander mere Was die frouwe do beging Kint vnd buͯch ſú zuͦ ir ving Mit armen vnd mit handen Sú ſprach mir ſol got ſanden Die werde frucht von gamirete Das iſt mins hertzen bete Got wende mich ſo tumber not Das were gamiretes ander dot Obe ich mich ſelb ſluͯge Die wile ich by mir truͯge Das ich von ſiner mynne enpfing Der mannes truwe an mir beging Die froͧwe enruͦchte wer das ſach Das hemde von der bruſt ſú brach Jr brúſtel linde vnd wis Dar an ſo kerte ſú ires hertzen fliſz Sú druckete ſú an iren roten munt Sú det wiplich fúre kunt Alſus ſprach die wiſe Du biſt coſt eins kindes ſpiſe Die hette es vor jme her geſant Sit ich es lebendig in dem libe fant Die frouwe iren willen dar an ſach Das die ſpiſe was irs hertzen tach Die milch in ir dettelin Die druchte dar vs die konnigin Sú ſprach du biſt von ir nuͦ komen Hette ich des touffes nicht genomen Du wereſt wol mins touffel zil Jch ſol mich begieſſen vil Mit dir vnd mit den ougen Offenlich vnd tougen Wenne ich wil gamireten clagen Die froͧwe hieſz dar noher tragen Ein hemde noch bluͦte far Dar in ons beruckes ſchar Gamiret den lip verloſz Der werliches ende koſz Mit rechter manlicher ger Owe frouwe frogete ouch noch dem ſper Das gamiret gap dem re Jpomiden von mẏnne Gap alſus werlichen lon Der ſtoltze werde babilon Das hemde ein hader was von ſlegen xiij Die froͧwe wolt es an ſich legen Alſo ſú do vor hette getan Do kam von ritterſchafft ir man Do nomen ir das vs der hant Die beſten v́ber alle das lant Alſo gamiret dot was vnd man in zuͦ dem múnſter begruͦp vnd ſin frouwe groſz leit het=te vmb in : besteht aus einem etc-Zeichen mit kleinem Schnörkel. BEſtatten ſper vnd ouch das bluͦt Zuͯ dem múnſter dar man doten duͦt Jn gamiretes lande Den jomer man bekande Dennen v́ber den viertzehen tag Die frouwe eins kindelins gelag Eins ſuͦns der ſollicher lyde was Das ſú vil kume ſin genaſz Hie iſt der offfentúre wurff geſpilt Vnd ir begin iſt gezilt Wenne er iſt alrerſt geborn Dem diſe w*mere wart erkorn Sines vatter freide vnd des not Beide ſin leben vnd ſin dot Des habent ir wol ein teil vẻrnomen Nuͦ wiſſent wo von úch ſi komen Diſz meres ſache walte Vnd wie man den behalte Man barg in von ritterſchafft E er keme an witze krafft Do die konnigin ſich verſan Vnd ir kindelin zuͦ ir gewan Sú vnd ander frouwen Begundent in allenhalben ſchouwen Zwúſchen den beinen ſin fuͯſſelin Er muͯſte vil getrútet ſin Das er hette manlich lit Er wart mit ſwerten ſit ein litſmit Vil fúres er von helmen ſluͦg Sin hertze manlich elen truͯg Die konnigin ſuͯ des glúſte Das ſú in vil dicke kuſte Sú ſprach hin zuͯ jme mit fliſz Bonfis geraſis beaſis Do nam ſú ouch dicke ſunder twal Die roten falbelechten mol Jch meine ir tettels grenſelin Das ſchoup ſú jme in ſin frenſelin Sú was ſelb ſin amme Die in truͦg in ſin wamme An ir bruſt ſú in zoch Die wibes miſſewende floch Sú duchte ſú hette gamireten Wider an ir arm gebetten Sú kerte ſich nit an loſzheit Jr was die demuͦt bereit Froͧwen hertezloide ſprach mit ſinne Die hoͯheſte koͯnniginne ⸿Jheſus ir bruſte bot Der ſit durch vil ſcharppfen dot An dem crútze menſchelich enpfing Vnd ſin truwe an vns beging Wes lip ſinen zorn erringet Des ſele vnſanffte dinget Wie kúſche er ſi vnd were Des weiſz ich wore mere Sich begoſz des landes frouwe Mit ires hertzen jomers touwe Jr ougen regende vff den knaben Sú kunde wibes truwe haben Beide ſúfftzen vnd lachen Kunde ir munt wol gemachen Jr ſchimpff er trang in ruwen fúrt Sú frouwet ſich ires ſuͯnes gebúrt ⸿Wer nuͦ wiben ſprichet baſz Zwore das loſſe ich one haſz Jch friſte gerne ir freide breit Wenne einer bin ich vnbereit Dienſtlicher truwe Min zorn iſt jemer nuwe Gegen ir ſit ich ſú one wancke ſach Jch bin wolffram von eſchenbach Vnd kan ein teil mit ſange Jch bin ein habende zange*zange Minen zorn gegen einem wibe Die hat mẏnem libe Erbotten ſollich miſſetat Me han ſú haſſens keinen rat Dar vmb habe ich der anderen haſz Owe war vmb duͦnt ſú das Allein ſú mir haſſen leit Es iſt je doch ir wipheit Sit ich mich verſprochen han Vnd an mir ſelber miſſetan Das licht nẏemer me geſchicht Doch ſoͯllent ſú ſich vergohen nicht Mit herte an min hamit Sú fúndent werlichen ſtrit Jch en han des nit vergeſſen Jch konne wol gemeſſen Beide ir geberde vnd ir ſitte Wellichem wibe volget kúſche mitte Der lobes kemppfe wil ich ſin Mir iſt von hertzen leit ir pin SJn lop hincket an einem ſpat Wer allen frouwen ſprichet mat Durch ſin eine frouwen Wellich min recht wil ſchouwen Beide ſehen vnd hoͯren Die enſol ich nit bekoͯren Schiltes ambacht iſt min art Wo min ellen iſt geſpart Welch mich mynnet vmb geſang So duncket mich ir witze krang Obe ich guͦtes wibes minne ger Mag ich mit ſchilt vnd ouch mit ſper Verdienen nicht der mynnen ſolt Aldar noch ſú ſy mir holt Vil hohes toppels er do ſpilt Der an ritterſchafft noch mynnen zilt Hettent es wip nit fuͯr ein ſmehen Jch ſolt úch fúrbas frehen An diſem mere vnkunde wart Jch ſprich úch die offentúre fart Wer des von mir geruͦch Der zale ſich zuͦ keinem buͦch Jch kan doch keinen buͦchſtaben Do nement genuͦg ir vrhaben Diſe offentúr Fert an der buͦch fúr E man ſú hette fúr ein buͦch Jch were E nackent one tuͦch So ich in dem bade ſeſſe Ob ich des koſtens nit vergeſſe xiiij Alſo froͧwe hertzeloide iren ſuͦn parcifa=len in einem walde zoch ES machet trurig mir den lip Das alſo manig heiſſes wip Jr mynne ſint glich hel Genuͦg ſint gegen falſch ſnel Etlich falſch lere Suſz teilent ſich die mere Das die glich ſint genammet Des het min hertze ſich geſchammet Wipheit din ordenlicher ſitte Der fert unfuͦr E truwe mitte Genuͦg ſprechent armuͦt Das die ſẏ zuͦ nichte guͦt Wer die fúr die truwe midetlidet Helle fúr die ſele midet Die dulte ein wip durch truwe Des wart ir gobe nuwe Zuͦ himmel mit endeloͯſer gebe Jch wene ir nuwe vil wenig lebe Die jung der erden richtuͦm Lieſſent durch des himmelruͦm Jch enkenne ir do kein Man vnd wip ſint mir alles ein Die midens alle glich Frouwe Frouwe hertzeloide die rich Jr driger lande wart ein gaſt Sú truͦg der freiden mangels laſt Der falſch ſo gar an ir verſwant Ouge noch ore ich nie do fant Ein nebel was ir die ſunne Sú floch der welt wunne Jr was glich nacht vnd tag Jr hertze nit wenne jomers pflag ⸿Sich zoch die frouwe jomers balt Vs irem lande in einen walt Zuͦ der wuͯſt in ſollich anẏe Nicht durch bluͦmen vff die planie Jrs hertzen jomer was ſo gantz Sú kerte ſich an keinen krantz Er were rote oder fal Sú brochte do durch flúchte ſal Des werden gamiretes kint Lúte die bẏ ir do ſint So muͯſte buwen vnd rúten Sú kunde wol getrúten Jr ſuͦn das ſich der ver ſan Jr volg ſu gar fúr ſich ge wan Es were man oder wip Den gebot ſú allen an den lip Das ſú jeman ritters wurden lut Man frieſch das mins hertzen drut Wellich ritter leben were Das wúrde mir vil ſwere Nuͯ habt úch an der witze crafft Vnd helt jme alle ritter ſchafft Der ſit fúr angeſtlicher fart Der knabe alſus verborgen wart Zuͯ der wuͯſte in ſolitanẏe erzogen An koͯniglich fúr betrogen Es moͯchte an einem ſitte ſin Bogelin vnd boltzelin Die ſneit er mit ſin ſelbes hant Er ſchoſz vil vogel die er fant Wenne er aber den vogel erſchoſz Des ſchal von ſange E was groſz So weinet er vnd rouffte ſich An ſin hor kerte er gerich Sin lip was clor vnd vier Vff dem plan in der refier Toug er ſich alle morgen Er kunde nicht geſorgen Es were obe jme der vogel geſang Die ſuͯſſe in ſin hertz trang Das erſtracket jme ſin brúſtelin Al weinende lieff er zuͦ der koͯnnigin So ſprach ſú wer hat dir getan Du were hin vs uff den plan Er kunde es ir geſagen nicht Alſo kinden vil lichte noch geſchicht Dem mere gin*ging ſú lange noch Eines tages ſú in cappfen ſach Vff die boum noch der vogel ſchal Sú wart wol jnnen das zuͯ ſwal Von der ſtimme ir kindes bruſt Des twang in art vnd ſin gluſt Frouwe hertzeloide kerte iren haſz An die vogel ſú enwuſte vmb was Sú wolt ir ſchal verkrencken Jr bu lúte vnd ir *encken + Sú hieſſe faſte gohen Vogel wurgen vnd vohen Die vogel worent baſz geritten Etliches ſterben wart vermitten Der bleip do lebendig ein teil Die ſit mit ſange worent geil ⸿Der knabe ſprach zuͯ der koͯnnigin Was zihet man die vogelin Er gert in frides ſo zuͯ ſtunt Sin muͦter kuſt in an den mūnt Vnd ſprach wes wende ich din gebot Der doch iſt der hoͯheͯſte got Súllent vogel durch mich freide lan Der knabe ſprach zuͦ der muͦter ſan Owe muͦter was iſt got Suͦn ich ſage dirs one ſpot Er iſt noch liechter denne der tag Der antlitze es ſich bewag Noch mannes antlitze Suͦn mercke ein witze Vnd flehe jme vmb dine not Sin truwe der wúrde je helffe bot So heiſſet einer der helle wúrt Der iſt ſwart vntruwe er nit verbúrt Von dem kere din gedang Vnd ouch von zwiffels wang Alſus vnder ſchiet ſú jme gar Das vinſter vnd das liecht gefar Dar noch ſin ſnelheit ferre ſprang Er lerte den gabilotes ſwang Do mit er manigen hirtz erſchoſz Des ſin muͦter vnd ir volg genoſz Es were regen oder ſne Dem wilde det ſin ſchieſſen we Nuͯ erhoͯrent froͯmde mere Wenne er erſchoſz das ſwere Das ein mul were lebende genuͦg Alſo vnerforcht ers heim truͦg ⸿Eines tages ging er den weide gang An einer halden die was lang Er brach durch blattes ſtimme ein zwig Do nohe by jme ging ein ſtig Do hort er ſchal vor huff ſlegen Sin gabilot begunde er wegen Do ſprach er was han ich vernomen Wenne wolt echt jme der túffel komen Mit grīmme zorneclich Jch beſtúnde in ſicherlich Min muͦter freiſen von jme ſaget Jch wene ir wellen ſin verzaget Alſo ſtunt er in ſtrites ger Nú ſehent dort kam geſchefftet her Dry ritter noch dem wunſche far Von fuͯſſe vff gewoppent gar Der knappe wendewonde ſunder ſpot Das jegelicher were ein got Do ſtunt er ouch ni langer hie Jn den pfat viel er vff ſine knẏe Vnd begunde do mit ruͯffen ſan Hilff got du macht wol helffe han Der vorder zornes ſich bewag Do der knappe in dem pfade lag Er ſprach diſer torſch waleiſe Vns wendet gehe reiſe Einen priſz den wir peẏer tragen Muͦſz ich von waleiſen ſagen Die ſint torſtiger denne peẏers her Vnd doch bẏ manlicher wer Wer in den zwein landen wirt ⸿Do kam geloiſchieret Vnd wol gezimieret Ein ritter dem was harte gach Er reit in ſtritlichen nach Die ferre von jme woren komen Zwene ritter hettent jme genomen Ein jungfrouwe in ſinem lande Den helt es duchte ſchande Jn muͯget der jungfrouwen leit Die jemerlich vor jme reit Diſe drige worent ſine man Ein reit ein ſchonen caſtelan Sines ſchiltes was vil wenig gantz Er hieſz kanoch kurnantz Lacons v́lter leg Er ſprach wer irret vns den weg Suſz reit er zuͦ dem knappen ſan Den duchte er alſo ein got getan Er hette E ſo liechte nicht erkant Vff ein touwe der woppen rock erwant Mit gulden ſchellen cleine Vor jetwederem beine Worent die ſte gereiff erclenget Vnd zuͯ rechter moſſe erlenget Sin zeſwer arm von ſchellen clang War er den bot oder ſwang Der was durch ſwert ſlegen ſo*ſo hel Der helt was gegen priſe ſnel Suſz fuͦr der fúrſte rich Gezimieret wunneclich ALler manne ſchoͯne ein bluͦmēn krantz Den frogete karnoch karnantz Jungherre ſohent ir fúr úch farn Zwene ritter die ſich nit bewarn Konnent an ritterlicher zunfft Sú ringent mit der not nunfft Vnd ſint an wurdickeit verzaget Sú fuͯrent roubes ein maget Der knappe wonde was er *rachſprach Er were got alſo jme ver jach Frouwe hertzeloide die konnigin Do ſú jme vnder ſchiet den liechten ſchin Do rieff er lut ſunder ſpot Nuͦ hilff mir helffericher got Vil dicke viel an ſin gebet Fili rois gamiret Der fúrſte ſprach ich bin nit got Jch leiſte aber gerne ſin gebot Du macht hie vier ritter ſehen Obe du zuͯ recht kúndeſt ſpehen Der knappe frogete in fúrbas Du nenneſt ritter was iſt das Haſt du nit goͯtlich crafft So ſage mir wer git ritterſchafft Das duͯt der konig artus Jungherre kompt ir in das huſz Er bringet úch an ritters nāmmen Das irs úch nẏemer dorfft beſchāmmen Jr mogent wol ſin von ritters art Von den drigen helden er beſchouwet wart Do lag die gottes gunſt an jme Von der offentúre ich das nȳmme Die mich der worheit des beſchiet Das nye mannes farwe bas geriet Vor jme ſit adams zit Des wart ſin lop von wiben wit ⸿Aber ſprach der knappe ſan Do von ein lachen wart getan Er ritter got was macht ſin Du haſt ſuſz manig fingerlin An dinen lip gebunden Dort oben vnd hie vnden Aldo begreiff des knappen hant Was er ẏſens an dem fúrſten fant Das harneſch begunde er ſchouwen Er ſprach miner muͦter jungfrouwen Jr vingerlin an ſnuͯren tragent Die nicht ſuſz an einander ragen Der knappe ſprach durch ſinen muͦt Zú dem fúrſten war zuͦ iſt diſz guͦt Das dich ſo wol kan ſchicken Jch mag es nicht her abe gezwicken Der fúrſte jme zeigete ſo ſin ſwert Nuͯ ſich wer an mich ſtrites gert Des ſelben were ich mich mit ſlegen Fúr die ſine múſz ich ane mich legen Vnd von den ſchoſz vnd von den ſtich Muſz ich alſus woppen mich Aber ſprach der knappe ſnel Obe die hicze tragen ſus ir fel So verwundet ir nit min gabilot Der fellet maniger vor mir dot DJe ritter zurnden das er hielt By dem der vil thumheit wielt Der fúrſte ſprach got huͯte din Owe wenne wer die ſchoͯne min Die hette gotte den wunſch geben Obe du mit witzen wolteſt leben Die gottes craff dir ferre leit Die ſine er ouch ſelb reit Vnd goheten harte balde Zuͯ einem felde in dem walde Do fant der gefuͯge Frouwe hertzeloiden pfluͯge Jr volg leider nẏe geſchach Das er do balde ern ſach Sú begunden ſich dar noch egen Jr garte obe ſtarcken ochſſen wegen Der fuͯrſte in guten morgen bot Vnd frogete ob ſú ſehen not Ein jungfrouwe liden Sú kunden nicht vermiden Was er frogete das wart geſaget Zwene ritter vnd eine maget Do rittent húte morgen Die maget fuͯr mit ſorgen Mit ſporn ſú faſte rúrten Die die jungfrouwe fuͦrten Es was meliagantz Den ergohete karnoch karnantz Mit ſtrit er jme die frouwe nam Die was do vor an freiden lam ⸿Die bu lúte verzageten Do die heilde fúr ſú jageten Sú ſprochent wie iſt vns beſchehen Hette vnſer jungherre geſohen Vff diſen ritter helmes art So enhant wir vns nit wol bewart Wir ſúllent der konnigin haſz Vmb ſchulden hoͯren vmb das Wenne er mit vns do her lieff Húte morgen do ſú dannoch ſlieff Der knappe enruͦchete wer do ſchoſz Die hirtze cleine oder groſz Er húp ſich gegen der muͦter wider Vnd ſagete ir mere do viel ſú nẏder Siner wort ſú gar ſere erſchrag Das ſú vnverſunnen vor jme do lag Do die konniginne Wider kam zuͦ ſinne Wie ſú do vor were verzaget Sú ſprach ſuͦn wer hat geſaget Dir von ritters orden Wo biſt du es jnnen worden Muͦter ich ſach vier man Noch liechter denne got getan Die ſagetent mir von ritterſchafft Artuſes konnigliche crafft Sol mich noch ritters eren An ſchiltes ambacht keren Sich huͦp ein nuwes jomer hie Die frouwe enwúſte wie Das ſú ir den luſt erdechte Vnd ſú in von dem willen brechte Der knappe dump vnd wert Hieſch von der muͦter dicke ein pfert Das begunde ſú in ir hertze clagen Sú gedochte jch wil es jme nit verſagēn Es muͦſz aber vil boͯſe ſin Do gedochte me die konnigin Der lúte vil bẏ ſpotte ſint Toren cleider ſol min kint Ob ſinem liechten libe tragen Wurt er gerouffet vnd geſlagen Do kumpt er mir her wider wol Owe der jemerlichen dol ⸿Die frouwe nam ein ſag tuͦch Vnd ſneit jme hembde vnd bruͦch Das doch an einem ſtúcke erſchein Vntze ennmitten an ſin blanckes bein Das wart fúr toren cleit erkant Ein kogel man oben dar vff fant Elle friſch ruch kelberin Von einer húte zwey rippalin Noch ſinen beinen wart geſnẏtten Do wart groſſes jomer nit vermitten Die konnigin was alſo bedacht Sú bat in bliben die nacht Du ſolt nit hinnen keren Jch wil dich liſte leren An vngebanten ſtroſſen Solt du dunckel fúrte loſſen Die fúchte vnd lúter ſin Do ſolt du albalde riten in Du ſolt dich ſitte nẏetten Der werden gruſz enbieten Ob dich ein gro wiſer man Zucht wil leren alſo er wol kan Dem ſolt du gerne volgen Vnd wiſz jme nicht verbolgen Suͦn loſz dir befolhen ſin Wo duͦ guͦtes wibes vingerlin Múgeſt erwerben vnd iren gruͦſz Das nym es duͦt dir kombers buͦſz Du ſolt zuͦ ir kúſch gohen Vnd iren lip faſt vmb vohen Das glúck vnd hohen muͦt Ob ſú kúſch iſt vnd guͦt Du ſolt ouch wiſſen ſuͦn min Der ſtolze kuͯne lehelin Der ſtolze furſten abe erfacht zweẏ lānt Die ſoltent dienen diner hant Warleiſz vnd norgals Ein din fúrſte turkentals Den dot von ſiner hende enpfing Din volg eler ſluͦg vnd ving Das riche ich muͯter ruͯchet es got Jn ver wunndet noch min gabilot xv Alſo der knappe von ſiner muͦtter vnd von den ſinen hin weg ſchiet vnd zuͦ einer gar ſchoͯnen frouwen kam vnd in gar minneclichen enpfing : besteht aus einem etc-Zeichen mit Schnörkel. DEs morgens do der tage erſchein Der knappe balde wart in ein Jme was gegen artuſe goch Die frouwe in kuſt vnd lieff jme noch noch Der werden do beſchach Do ſú iren ſuͦn nit langer ſach Der ritet enweg wem iſt deſter bas Do viel die frouwe falſches laſz Vff die erde do ſú jomer ſneit So das ſú ein ſterben nit vermeit Jr vil getruwer dot Der frouwen wert die helle not Nuͯ wol das ſú je muͦter wart Sus fúr die lones berende fart Ein wurtzel der guͦte Vnd ein ſtam der demuͦte Owe das wir in nit han Jr ſippe bitze an den zwoͯlfften man Des wurt gefelſchet manig lip Doch ſelten nuͦ getruwe wip Heiles wunſchen diſem knaben Der ſich hie von ir hat erhaben ⸿Do kerte der knappe wol getan Gegen dem forſt in britalan Er kam an einen bach geritten Den hette ein han wol v́ber ſchritten Wie do ſtunden bluͦmen vnd graſz Durch das ſin fluſz ſo dunckel was Der knappe fúr dar an ver meit Den tag er gar dar nemen reit Alſo es ſinen witzen dochte Er bleip die nacht wie er moͯchte Vntze jme der liechte tag erſchein Do huͦp er ſich denne allein Zuͯ einem furt luter wol getan Das was anderhalp der plan Mit einem gezelt geheret Groſſe richeit dar an gekeret Von driger farwe ſamit Es was hoch vnd wit Vff den neten logen porten guͦt Do hing ein liderin huͦt Den man dar v́ber ziehen ſolte Jemer wenne es regen wolte Vntze orilus do balander Des wip dort vnder einander Ligen wunneclich Die hertzoginne rich Glich einem ritters trúte Die frouwe hieſz jeſcúte Sú was dar in entſloffen Vnd truͦg der mẏnne woffen Einen munt durch lúchtig rot Vnd gerne des ritters not ⸿Jnnen des die frouwe ſlieff Der munt ir von einander lieff Der truͯg der mynnen hitze fúr Suſz lag des wunſches offentúr Von ſne wiſſeme beine Nohe bẏ einander cleine Suſz ſtunden ir die liechten zene Jch wene mich jeman kúſſes wene An einem ſo wol gelobeten mūnt Das iſt mir ſelten worden kunt Jr deckelachen zobbelin Er wart ir an ir húffelin Das ſú durch hitze von ir ſtieſz Do ſú der wurt allein lieſz Sú was geſchicket vnd geſnitten An ir was kunſt nit ver mitten Got ſelb worcht iren ſuͯſſen lip Ouch hette das mẏnnecliche wip Lange arm vnd ein blancke hant Der knappe ein vingerlin do fant Das in gegen dem bette twang Do er mit der hertzoginne rang Do gedocht er an die muͦter ſin Die riet an wibes vingerlin Ouch ſprang der knappe wol getan Von dem teppich an das bette ſan Die kúſch ſuͯſſe vnſanffte erſchrag Do der knabe an iren arm lag Suͯ muͯſte jedoch erwachen Mit ſcham al ſunder lachen dJe frouwe zucht gelert Sprach wer hat mirmich enteret Jungherre es iſt úch gar zuͦ vil Jr moͯchtent úch nemen ein and̉er zil Wie vil die frouwe clagete Er enruͦchete was ſú ſagete Jr munt er an den ſinen twang Do noch was nit zuͦ lang Er druchte an ſich die hertzogin Vnd nam ir ouch ein vingerlin An irem hemde ein fúrſpan er geſach Vngefuͯge er es dennen brach Die frouwe was mit wibes wer Jr was ſin crafft ein gantzes her Doch wart do ringens vil getan Der knappe clagete hunger ſan Die frouwe was ir libes licht Sú ſprach ir ſúllent min eſſen nicht Weret ir zuͯ fromen wiſe Jr nement úch ander ſpiſe Dort ſtot brot vnd win Vnd zwey par driſik*driſikin Alſo ſú ein jungfrouwe brocht Die es wenig úch gedocht Er enruͦchete wo die wurtin ſaſz Einen guͦten kropff er do as Dar noch er vier trincke trang Die frouwe duchte gar zuͦ lang Sins weſens in der paueſpauelun Sú wonde er were ein gartzun Geſcheiden von den witzen Jr ſcham begunde ſwitzen Je doch ſprach die hertzogin Jungherre ir ſúllen min fingerlin Hie loſſen vnd min fúrſpan Hebent úch hin weg wenne kūmpt mīn mān Jr muͯſſent zornen liden Das ir gerne moͯchtent miden Do ſprach der knappe wolgeborn Was forchte ich uwers mannes zorn Wenne ſchadet es v́ch an den eren So wil ich hinnan keren Do ging er zuͯ dem bette ſan Ein ander kuſz wart do getan DesDas was der hertzoginne leit Der knappe one vrlop dennan reit xvj Je doch ſprach er got huͯte din Alſus riet mir die muͦter min Alſo der knappe mit den cleinoͯtern vnge=ſegent von der froͧwen ſchiet : besteht aus einem etc-Zeichen mit Schnörkel. der knap DEr knappe des roubes was gemeit Do er ein wile von dan gereit Wol noch gegen der milen zil Do kam von dem ich ſprechen wil Der ſpirte an dem touwe Das geſuͦchet was ſin frouwe Der ſnuͯre ein teil was vſz getret Do der knappe hette das graſz gewet Der fúrſte wert vnd ouch erkant Sin wip dort in al drurig fant Do ſprach der ſtolze orilus Owe frouwe wiehan ich ſus Minen dienſt gegen úch gewendet Mir iſt noch laſter geendet Manig ritterlicher priſz Jr habent ein anderen amis Die frouwe leit ir olougen Mit waſſerigen ougen So das ſú vnſchuldig were Er gloubete nit der mere Je doch ſprach ſú mit forchten ſitten Do kam ein tor her geritten Was ich lúte erkennet han Jch geſach nie lip ſo wol getan Min fúrſpan vnd ein vingerlin Nam er mir one den willen min Wem ſin lip ouch wol gefellet Jr habt úch zuͦ jme geſellet Do ſprach ſú nuͦ woͯlle got Sin ralin vnd ſin babilot Worent mir doch ſo nohen Die rede úch ſolte ſmohen Fúrſtinne es v́bel zeme Obe ſú do mynne neme Sprach aber der fúrſte ſan Frouwe ich habe úch nit getan Jr wellent úch einer ſite ſchammen Jr lieſſent koͯnnigin nammen Vnd heiſſent durch mich ein hertzogin Der wehſſel git mir vngewin Sin mānnheit iſt doch ſo queg Das uwer bruder ereg Min ſwoger ſilli roẏlag Vch wol dar vmb haſſen mag Mich erkennet je doch der wiſe An ſo bewanten priſe Der niergen mag eneret ſin Wenne das er mich vor prurin Mit ſinen witzen falte An jme ich ſit bezalte Hohen priſz von karnant Zuͯ rechter juſte ſtach in min hant Hin der das roſz durch viantz Durch ſinen ſchilt min lantz Vwer cleinoͯte ſo brochte Vil wenig ich do gedochte Jr mẏnne einen anderen trúte Min frouwe jeſcúte Frouwe ir ſúllent glouben des Das der ſtoltze galoes Fili roiſz gandin Dot lag vor der juſte mẏn Jr hielten ouch nohe do by Do der ſtoltze blihoby Gegen mir durch juſtieren reit Vnd mich ſin ſtriten nit ver meit Min hant in hinder roſz geſwang Das in der ſattel nider trang Jch han dicke priſz bezalt Vnd manigen ritter abe gefalt Des mag ich nuͦ genẏeſſen nicht Min hohes laſter mir das gicht Sú haſſet mich beſunder Die von der tafelrunder Der ich echt we nẏder ſtach Das es manige jungfrouwe ſach Vmb den ſper wer zuͦ canedig Jch behielt úch den priſz vnd mir dēn ſig Das ſohen ir vnd artus Den min ſweſter hat zuͦ huſz Die ſuͯſſe konne woren Jr munt kan nicht geboren Mit lachen E ſú den geſicht Dem man des hoͯheſten priſes gicht Wenne keme mir doch der ſelbe man So wúrde ein ſtrit hie getan Als húte morgen do ich ſtreit Vnd einen fúrſten fromte leit Der mir ſin juſtieren bot Von miner juſte lag er dot Jch wil úch nit von zorne ſagen Das maniger hat ſin wip geſlagen Vmbe ir krencker ſchulde Hette ich dienſt oder hulde Das ich úſ*úch ſolt bieten Jr muͯſt úch mangels nẏeten Jch ſol nit me erbarmen An iren blancken arm*armen Do jch etwenne durch minne lag Manigen wunneclichen tag Jch ſol felwen iren roten mūnt Vnd iren ougen machen kunt Jch ſol úch freide entere Vnd uwer hertze ſuͯfftzen leren DJe fúrſten an dem fúrſten ſach Jr munt do jemerlichen ſprach Nuͯ erent an mir ritter pris Jr ſint getruwe vnd wis Vnd ouch wol ſo gewaltig min Jr múgent mir geben hohe pin Jr ſúllent E min gerichte nemen Durch alle wip lat úch gezemen Jr muͯgent mir dennoch fuͯgen not Lege ich von anyeren handen dot Das úch nit pris geneigete Wie ſchiere ich denne foigete Das were mir ein ſuͯſſe zit Sit uwer haſſen an mir lit ⸿Aber ſprach der fúrſte mer Frouwe ir worent mir zuͦ her Des ſol ich an úch moſſen Geſelſchafft wurt geloſſen Mit trincken vnd mit eſſen Bi ligens wurt vergeſſen Jr enpfohent mer do kein gewant Nit wenne ich úch ſitzen fant Uwer zoum muͦſz ſin ein baſten ſei*ſeil Vwer pfert bejaget wol hungers tel Vwer ſattel wol gezierengezieret Der wurt enſchumpfiere Balde er zarte vnd brach Den ſamit her abe do das geſchach Er zerſluͯg den ſattel do ſú jnne reit Jr kúſch vnd ire wipheit Sin haſſen ldiliden muͯſte Mit beſtinen buͯſte Bant er in aber wider zuͦ Jr kam ſin haſſen gar zer fruͦ Do ſprach er an den ziten Frouwe nuͦ ſollent wir irriten Keme ich an in des wurde geil Der hie nam uwer mynne teil Jch beſtúnde in doch vff offentúre Obe ſin otem gebe fúre Als einen willenwilden ragentragen Alweinende ſunder lachen Die frouwe jomers rich Schiet dannen trureclich Sú múget nit was ir geſchach Wenne ech ires mannes vngmach Das ſú noch ſānffter weret dot Des truren gap ir groſſe not Nuͦ ſúllent ir ſú durch truwe clagen Suͯ beginnet nuͦ hohen kumber tragen Wer mir aller wibe haſz bereit Mich muͯget doch der frouwenen leit Suſz rittens vff der ſlahe hin nach Dem knappen vor in ouch was gach Doch wuſte der vnverzagete Nit das man in jagete Wanne wenne ſin ougen ſohen So er dem begunde nohen Den gruͦſte der knappe guͦter Vnd jach ſus riet mine muͦter xvij Alſo parcifal von ſiner muͦter ſchiet vnd ſú einen dotten ritter in dem huſe fant SVſz kam vnſer torſcher knabe Geritten einen halden abe Wibes ſtimme er horte Vor eines feilſen orte Ein frouwe vſz rechtem jomẻr ſchrey Jr was die wore freide enzwey Der knappe reit ir balde zuͦ Nuͯ hoͯrent was die frouwe duͦ Do brach frouwe ſiguͦn Jr langen zopff brun Von jomer vs irer ſwarten Der knappe begunde warten Scian atukalander Den fúrſten dot ſo fant er Der jungfrouwen in ir ſchoſz Aller ſchimpff ſú ver droſz ⸿Er ſẏ trurig oder freide far Die bat min muͦter gruͯſſen gar Got halt úch ſprach des knappen munt Jch han hie jemerlichen funt Jn uwerem ſchoſz funden Wer gap úch den ritter wunden Der knappe vnverdroſſen Sprach wer hat in er ſchoſſen Geſchach es mit einem gabilot Mich duncket frouwe er lige dot Wellent ir mir do von ſagen Wer den ritter habe erſlagen Obe ich in múge er riten Jch wil gerne mit jme ſtritten Do greiff der kmknappe mere An ſinen kochere Vil ſcharppfe gabiegabilot er do fant Er fuͯrt dennoch beide pfant Do er von ẏſcuten brach Vnd jme ein tumphei do geſchach Hette er geleret ſins vatter ſit Die werdeclich jme wonet mit Die buͯckel were geharte bas Do die hertzogin alleine ſas Die ſit vil kumbers duͦrch in leit Me denne ein gantzes jor ſú meit Gruͦſz von ires mannes libe Vnrecht geſchach dem wibe ⸿Nuͦ hoͯrent von ſigunen ſagen Die kunde ir leit mit jomer clagen Sú ſprach zuͯ dem knappen du haſt tugēnt GeereGeeret ſy din ſuͯſſe jugent Vnd din antlitz mynneclich Wiſſe fúr wor du wurſt noch ſeldenrich Diſen ritter meit das gabilot Er lag in juſtieren dot E ſú den knappen riten leſſe Sú frogete in wie er hieſſe Vnd jach do er truͤge den gottes fliſz Bonfúr jerafuͯr beaflẏſz Alſo hat mich genennet Der mich do heime erkennet Do die rede was getan Sú erkante in by dem nāmmen ſan Nuͯ hoͯrent in rechter nennen Sú muͯgent wol erkennen Wer diſer offentúre herre ſy Der hielt der jungfrouwen by Jr roter munt ſprach ſunder twal Das war du heiſſeſt parcifal Der namme iſt recht in mitten durch Groſſe liebe in ſollichem hertzen furch Mit diner muͦter truwe Din vatter lieſſe ir ruwe Jch engihe dirs nit zuͯ ruͦm Din muͦter iſt min muͦm Ein waleis von der muͦter din Din vatter was ein anſchefin Du biſt geborn von kanfoleis Die rechte worheit des weis Du biſt ouch konnig zuͦ norgals Sol din houbet crone tragen Diſer fúrſte iſt durch dich erſlagen Wenne er din lant je werte Sin truwe er mere vẻrzerte Jung fletig ſuͯſſer man Die gebruͯder hant dir vil getan Zweẏ lant nam dir lehelin Diſen ritter vnd den vettern din Zuͦ juſtieren ſluͦg orilus Der lieſſe ouch mich in jomer ſus Mit diende one alle ſchande Diſer fúrſte von dinem lande Do zoch mich din muͦter Vil lieber nefe guͦter ⸿Nuͦ hoͯre was diſe mere ſin Ein bracken ſeil gap jme den pin Jn vnſer zweẏer dienſt den dot Hette er bejaget vnd jomers not Mir noch ſiner mynne Jch hette krancke ſinne Das ich jme nicht mẏnne gap Des hette der ſorgen vrhap Mir freide verſchroten Nuͦ mynne ich in ſo doten Do ſprach er nifftel mir iſt leit Din komber vnd min laſter breit Wenne ich das mag geſprechen Das wil ich gerne rechen Do was jme gegen dem ſtrite goch Sú wiſe in vnrecht noch Sú forchte das er den lip verlúr Vnd das ſú groſſen ſchaden kúr Ein ſtroſſe er do geving Die gegen den britaneyſen ging Die was geſtrichen vnd breit Wer jme wider ging oder reit Es were ritter oder kouffman Die ſelben gruͦſte er alle ſan Vnd jach es were ſiner muͦter rat Die gap in ouch one miſſedat Do der obent begunde nohen Vnd groſſe muͯde gegen jme gohen Do er ſach der tumbheit genoſz Ein huſz das was in moſſen groſz Do was jnne ein arger wirt Alſo noch vff vngeſlechte birt Das was ein viſchere Aller guͦter lere Den knappen hunger lerte Das er do gegen kerte Vnd clagete dem wurt hungers not Er ſprach ich ein tgebe ein halbes brot Je nicht zuͦ driſſig joren Wer myner milte fo*enforen Vergeben wil der ſumet ſich Jch enſorge nicht wenne vmb mich Dar noch vmb min kúndelin Jr koment doling do her in Hettent ir pfennige oder pfant Jch gehielte úch al zuͯ hant Do bote jme der knappe ſan Frouwe iſcuten fúr ſpan ⸿Do das der vilon erſach Sin munt erlachet vnd ſprach Wilt du bliben ſuͯſſes kint Dich erent alle die hie ſint Wilt du mich wol ſpiſen Vnd morgen rechte wiſen Gegen artuſen dem bin ich holt So mag bliben mir das golt Das thuͦn ich ſprach der vilan Jch geſach nẏe lip ſo wol getan Jch bringe dich durch wunder Vor des konniges tafelrunder Die nacht bleip der knappe do Man ſach in morgens anderſwo Des tages er kúme erbeite Der wurt ouch ſich bereite Vnd lieff in vor der knappe noch Reit do was in beiden goch Min herre hartman von ouwe Frouwe ginofer uwer frouwe Vnd uwer herre artus Dem kompt ein min gaſt zuͯ huſz Bittent ſú huͯten ſin vor ſpot Er en iſt gige noch die rot Sú ſúllent ein ander gampel nemen Des loſſent ſich zſo durch zucht gezemen Anders uwer frouwe enite Vnd ir muͦter kaſmafite Der lop wurt gelucket Vnd durch die múle gezucket Sol ich den munt mit ſpotte zern Jch wil minen frint mit ſpotte wern DO kam der viſchere Vnd ouch der knappe mere Einer houbt ſtat ſo nohen Aldo ſú nantes ſohen Do ſprach er kint got húte din Fúr ſich dort ſolt du riten in Do ſprach der knappe an witzen laſz Du ſolt mich wiſen fúrbas Wie wol min lip das bewart Die maſſenie iſt ſollich art Genohent ir jemer vilan Das were vil ſere miſſetan Der knappe allein fúrbas reit Vff einen plan nit zuͦ breit Der ſtunt von bluͦmen liecht gemal Jn zoch *noch hin kornuwal Er enkunde curtoſie nicht Alſo vngefarnem man geſchicht Sin zoum der was beſtin Vnd harte krang ſin pferdelin Das det von ſtruch manigen fal Ouch was ſin ſattel v́ber al Vnbeſlagen mit nuwem leder Samit vnd hermin feder Man do lútzel an jme ſicht Er bedarff der mantel ſnúre nicht Fuͯr mantel vnd vor kurkot Do vor nam er ſin gabelot Des ſitte magen gegen priſe maſz Sin vatter was gecleidet bas Vff dem teppich vor kanfoleis Der geleiſz nẏe foͯrchteclichen ſweiſz ⸿Nuͯ hielt ein ritter vff dem plan Parcifal der gruͯſte in ſan Got halt úch riet min muͦter mir Jungherre got lone úch vnd ir Sprach artuſes muͦmen ſuͦn Den zoch uter pendragun Ouch ſprach der ſelbe wigant Er beſchafft zuͦ britanye vff das lant Es was ither von ganweis Den roten ritter man in hieſz Sin harneſch was gar ſo rot Das er den ougen rote bot Sin roſz was rot vnd ſnel Al rot was ſin gugerel Rot was ſin confertúr Sin ſchilt was roter denne fúr Al rot was ſin kurſit Vnd wol an in geſnitten wit Rot was ſin ſchaft rot was ſin ſper Al rot noch des hildes ger Was jme ſin ſwert geroͯtet Noch dem ſcharpff je doch geloͯtet Der konnig von kakumer hlant Al rot von golde vff ſiner hant Stunt ein kopff vil wol ergraben Obe der toffelrunden vff erhaben Blang was ſin *fel rot was ſin hor Der ſprach zuͯ dem knappen ſunder vor Geeret ſy din ſuͯſſer din ſuͯſſer lip Dich bracht zuͯ der welte ein reines wip O wol der muͦter die dich gebar Jch geſach nye lip ſo reine gefar *Du biſt der woren mynnen blig Jr ſchumpfentúre vnd ir ſig Vil wibes freide an dir liget Noch dir in jomer ſwere wiget Vil lieber frúnt wilt du hin in So ſage mir durch den dienſt min Koͯnnig artuſen vnd den ſinen Jch enſoͯlle nicht flúchtig ſchinen Jch wil ſin hie gerne beiten Wer ſich zuͯ der juſte wil bereiten Jr do heiner habe es fúr wunder Jch reit fúr tafelrunder Mines landes ich mich vnder want Diſen koppffe min vngefúge hant Vff zúck das der win vergos Frouwe ginofer in ir ſchoſz Vnder winden mich das lerte Ob ich ſchoube vmb kerte So wúrde ruͯſſig mir min fel Das ſo meit ich ſprach der tegen ſnel Jch habe es nit durch roup getan Des het min krone mich erlan Frúnt min ſprach die koͯnnigin Jch beguͯſſe ſú ond den willen min Aldo die werden ſoſſen Die do rechter wer vergoſſen Er ſy konnige oder fúrſten Wes lont ſú ir wurt erdoͯrſſten Wenne holent ſinne hie ſin faſz Jr ſneller pris wurt anders laſz ⸿Der knappe ſprach ich wirbe dir Das du geſprochen haſt zuͯ mir Er reit von jme zuͦ nantes in Do volgen jme die kindelin Vff den hoff fúr den palas Do maniger hande vor was Schier wart vmb in getrang Jwanet dar noher ſprang Der knappe falſches frie Ert bot jme kúmpanie Der knappe ſprach got halte dich Bat mine muͦter reden mich E das ich ſchiet von irem huſz Jch ſihe hie manigen artus Wer ſol mich hie ritter machen Jwanet begunde lachen Er ſprach du enſiheſt des rechten nicht Das aber ſchiere nuͦ beſchicht xviij Alſo die herren wurdent gefuͯret zuͦ dem palaſt vnd in groſſe zucht erbotten wart ER fuͯrt in zuͦ dem pallas Do die ſelige maſenẏe was Sus vil kunde er in ſchalle Er ſprach got halt úch alle By nāmmen den konning vnd das wip Mir gebot min muͦter an den lip Das ich die gruͦſte beſunder Vnd die vff der toffel runder Von rechtem priſe hetten ſtat Die ſelben ſú mich gruͯſſen bat Dar an ein kunſt mich verbirt Jch enweis wellicher hie jnne iſt wirt Dem hette ein ritter enbotten Den ſach ich allenthalben rotten Er welle ſin do vſſen beiten Mich duncket er welle ſtreiten Jme iſt ouch leit das er den win Ver goſz vff die koͯnnigin Owe wenne hette ich ſin gewant Enpfangen von des koͯnniges hant So were ich freidenrich Wenne es ſtot ſo ritterlich der knappe ⸿Der knappe vnbetwungen Wart harte vil getrungen Gehertet her vnd dar Sú noment ſiner frouwen war Dis was felt beſchoͧwet Gehertet noch gefrouwet Wart nẏe mynneclicher frucht Got was an einer ſuͯſſen zucht Do er parcifolen worchte Der freẏſe wenig forchte Suſz wart er*er vor artuſen brocht An dem got wunſches hat erdocht Jme kunde nẏemant vigent ſin Do beſach in ouch die kv́nnigin E ſú ſchiede von dem pallas Do ſú vor begoſſen was Artus an den knappen ſach Zuͯ dem tumben er do ſprach Jungherre got vergelt uwer gruͦſz Den ich vil gerne dienen muͦſz Mit libe vnd ouch mit guͦte Das iſt mir wol zuͯ muͦte Wolte got vnd wer das wor Der wile duncket mich ein jor Das ich nit ritter weſen ſol Das duͯt mir wurſt denne wol Nuͯ ſument mich nit mere Pfligent min nochritters ere Das duͯn ich gerne ſprach der wirt Obe wurdickeit mich nit verbirt Du biſt wol ſo gehúr Rich an koſte ſtúr Wurt dir min gobe vndertan Das iſt wor ich ſolte es vngern lan Du ſolt vntze morgen beiten Jch wil dich wol bereiten Der wol geboren knappe Hielt do gernde alſo ein trappe Er ſprach ich wil hie nichtes bitten Mir kam ein ritter wider riten Mag mir des harneſch werden nicht Jch enruͦch wer kv́nniges gobe gicht xix So git mir aber die muͦter min Jch wene du ſigeſt ein kv́nnigin Alſo kv́nnig artus mit dem knappen vmb den harneſch rette ARtus ſprach zuͯ dem knappen ſan Das harneſch hette an yme eīn man Das ich dirs nit gedorſte geben Jch muͯſz doch komers leben One alle min ſchulde Sit ich abe ſiner hulde Es iſt ichter von gahevieſſe Der truren mir durch freide ſtieſſe Jr werent ein kv́nnig vnmilte Obe úch ſollicher gobe beuilte Gebet ſuͦn dar ſprach kaẏeſan Vnd lat in zuͦ uͦtz zuͦ jme vff den plan Sol ẏeman bringen vff dem kopff Hie haltet die geiſſel vnd dort der dopff Lant das kint in vmb triben Do lobet man es vor den wiben Es muͯſz noch dicke hagen Vnd ſollich ſchantz wagen Jch enſorge vmb deweders leben Man ſol hunt vmb bobers houbt geben Vngerne wolt ich jme verſagen Wenne das ich forchte er werde erſlagen Dem ich helffen ſol der ritterſchafft Sprach artus vs truwen crafft Der knappe ẏe doch gar die gobe enpfing Do von ein jomer ſich erging Do was jme von dem kv́nnige goch Jung vnd alt jme drungen noch Jwanet in an der hende zoch Fúr ein louben vnd nit zuͦ hoch Do ſach er vor vnd wider Ouch was die loube nit zuͦ nẏder Das er dar vff horte vnd ſach Do von entruwen jme geſchach Do wolt ouch die kv́nnigin Selbes an den fenſtern ſin Mit rittern vnd mit frouwen Begunden in alle ſchouwen Do ſaſz frowe cúnnenare Die vier vnd die clare Die erlacht nit do keine wiſe Sú enſehe in der den hoͯſten priſe Herre oder erwerben Sú wolte E ſus erſterben Alles lachen ſú vermeit Vntze das der knappe fúr ſú reit Do erlachet ir mynneclicher munt Des wart ir rucke vngeſunt Frouwe commewaren de lalant Sú kuſte keye ſan zuͯ hant Mit irem reiden hore Jren langen zoͯpff clore Die want er vmb ſin hant Er ſpante ſú an túrbant Jr ruck wart ein eit geſtabet Es wart ein ſtap dar angehabet Vntze das ſin ſuſen gar verſwant Durch die wat vnd ir feles trang Do ſprach der vnwiſe Vwern werden priſe Jſt geben ein ſmehe letz Jch bin ſin vengig netz Jch ſol wider in úch ſmẏden Das irs enpfinden vff den liden Es iſt dem kvnnige artus Vff ſin hoff vnd in ſin hus So manig wert man geritten Durch die ljre lachen was vermitten Vnd lachent nuͯ durch einen man Der nicht mit ritters fuͯre kan Jn zorn wunders vil geſchicht Sines ſlages were jme erteilet nicht Vor dem rich vff diſe maget Die vor den frúnden wurt geclaget Obe ſú halt ſchilt ſolte tragen Die vnfuͦge iſt do geſlagen Wenne ſú was von art ein fúrſtin Orilius vnd lehelin Hettens ir bruͯder geſehen Der ſlege nymmer wer beſchehen ⸿Der verſwigen anthenor Der durch ſwigen duchte ein tor Sin rede vnd ſin lachen Was gezelt zuͯ einer ſachen Er wolte nymmer wort geſagen Do ir lachen wart getan Sin munt ſprach zuͯ keẏen ſan Got weis herre ſciniſcant Das cúnneware de lalant Durch den knappen iſt zerbúrt Vwer freide des wurt verzert Noch von ſiner hende Er enſy nuͯ ſo ellende Sit uwer erſte rede mir trouwet Jch wene irs wenig úch gefroͧwet Sin b̉rat wart gelúnet So mit ſlegen vil gerúmet Dem wiſſenthafften toren Mit ſlegen vmb ſin oren Das det keẏe ſunder twal Do muͯſte der junge parcifal Diſen kōmmer ſchouwen Anthenors vnd der frouwen Jme was von hertzen leit ir not Vil dicke ergreiff zuͯ dem gabilot Do was vor der konnigin ſolich getrang Das er durch des ver meit den ſwang Vrlop nam do jwanet Zuͦm fili ros gamuret Des reẏſe allein wart getan Hin vs gegen ichter vff dem plan Dem ſagete er ſollich mere Das nẏeman do jnne were Der juſtierens gerte Der kvnnig mich gewerte Jch ſagt als du mir jehe Wie es one dang geſchehe Das du den win vergúſſe Vnfúge dich dich verdrúſſe Jr do keinen luſtet ſtrites Gip mir do du vff rites Vnd dar zuͯ allen dinen harneſch Das enpfing ich vff dem palas Dar jnne ich ritter werden muͦſz Wider ſeit ſy dir min gruͦſz Ob du mirs vngerne giſt Wer mich ob du witzig ſiſt ⸿Der kvnnig von koncumerlant Sprach artuſes hat hant Dir min harneſch geben Das det er licht ouch min leben Moͯchteſt du mirs an gewinnen ⸿Suſz kan fer fufrunde mynnen Was aber er dir e icht holt Du haſt ſo ſchier gedient den ſolt Jch getar wol getienen was ich ſol Ouch het er mich gewert wol Gip her vnd lo din lantrecht Jch wil nit lenger ſin ein knecht Jch ſol ſchiltes ambacht han Er greiff jme noch dem zoume ſan Du macht wol weſen lehenlehelin Von dem mir claget die muͯter min Der ritter vmb kerte den ſchafft Vnd ſtach den knaben ſo mit crafft Das er vnd ſin pferdelin Muͯſtent fallen vff die bluͯmen hin Der helt was zornes drete Er ſluͯg in das jme wete Von dem ſchafft vs der ſwarten bluͦt Parcipfal der knappe guͦt : besteht aus einer leicht geschwungenen Linie. Stunt alzornig vff dem plan Sin gabilot ergreiff er ſan Do der helm vnd der barbier Sich locheten vff dem herſenier Durch das ouge in ſin *gabilot Vnd durch den den nag das er lag vor ir dot Viel der falſcheit wider ſatz Wibe ſuͯfftzen hertze jomers cratz Gap ichters tot von gahwies Der wiben naſz ougen lieſz Wellich ſiner mynne enpfant Durch die freide ir was gerant Jr ſchimpff wart enpſentſchumppfieret Gegen der rúhe gedondieret Parcipfal der tumb Kerte in dicke alvmb Er kunde jme abe geziehen nicht Das was ein wunderlich geſchicht Helmes ſnuͯre noch ſin ſchinilier Mit ſinen blancken henden vier Kunde ers nit vff geſtricken Noch ſus her abe gezwicken Vil dicke ers doch verſuͦchte Wiſzheit der vnberuͯchete Denne ers vnd das pferdelin Er huͯben einen ſollichen grin Das es jwanet erhorte Vor der ſtat an des graben orte Froͧwe einewern knappe vnd ir maget Do er von dem roſz erhort den baget Vnd do er nẏeman dar vff ſach Von ſinen truwen das geſchach Die er noch parcifal trúg Do gohete der knappe dar vil cluͦg Er fant ichtern dot Vnd parc*parcẏfal in kumbers not Snelleclich er zuͯ in beiden ſprang Do ſeite er parcifalen dang Priſes das erwarp do ſin hant An dem von kucumerlant Got lon dir nuͯ rote was ich duͦ Jch han hie harte wenig zuͯ Wie bringe ich das obe ime an mich Das kan ich wol geleren dich Sprach der ſtoltz *jwanet Zum vili rois gamiret Entwoppent wart der dote man Alſo vor nantes vff dem plan Vnd an den lebenden geleit Den dennoch groſſe dumheit reit Jwanet ſprach de ribbalin Súllent nicht vnden yſin ſin Du ſolt nuͯ tragen ritters cleit Die rede was parcifal leit Do ſprach der knappe guͦter Was mir gap min muͯter E ge zuͯ ſchaden oder fromen Das ſol vil wenig von mir komen Das duchte wunderlich genuͯg Jwaneten der was cluͦg Je doch muͯſt er jme volgen Eren was jme nicht erbolgen Zwo lichte hoſen ẏſerin Schuͯhet er jme vber die rebbelin Sunder leder mit zweyn borten Zwene ſporen dar zuͯ gehorten Er ſpien jme an des goldes wert E er jme dar bitte den halſperg Er ſtricket ẏme vmb die ſchinnelier Sunder harte ſchier Von fuͦſz vff gewoppent wol Wart parcifal mit gerender dol Do heſch der knappe mere Sinen kochere Jch enreiche dir kein gabilot Die ritterſchafft dir das verbot Sprach jwanet der knappe wert Er gúrtet jme vmb ein ſcharppfes ſwert Das lerte er in vs ziehen Vnd wider riet jme fliehen Do zoch er jme her noher ſan Des dotten mannes caſtelan Das truͯg in hoch vnd lang Gewoppent er in den ſattel ſprang Er engert ſtegereiff nicht Dem manne noch manheit gicht Jwaneten nicht bevilt Er lert in vnder dem ſchilt Kúnſteclichen geboren Vnd der vigende ſchaden foren Er bot jme in die hant ein ſper Das was gar one ſine ger Doch frogete er war zú iſt das fromen Wer gegen dir zuͯ der juſte komen Do ſolt du es balde brechen Durch ſinen ſchilt zerſtechen Wilt du des vil triben Man lobet dich von den wiben ALſo vns die offentúre gicht Von coͯllen noch von maſtricht Do kein ſchilter entwurff in bas Denne parcifal zuͯ roſſe ſaſz Do ſprach er zuͯ jwanete ſan Lieber frúnt min kompan Jch han erworben den ich bat Du ſolt min dienſt in die ſtat Dem kv́nnige artuſen ſagen Vnd ouch min hohes laſter clagen Bringe jme wider ſin golt faſz Ein ritter ſiner zucht vergaſz Das er die jungfrouwen ſluͦg Durch das ſú lachens jme gewuͯg Mich muͯget ir jemerlichen wort Die verruͯrent mich nit in hertzen ort Jo muͯſz enmitten dar jnne ſin Der frouwen vngedienter pin Nuͯ duͯ es durch din geſelleheit Vnd loſſe dir ſin min laſter leit Got huͯte din ich wil von dir farn Der mag vns balde wol bewarn Jthern von gavieſz Er jemerlich ligen lieſz Der was doch dotſdot ſo jemerlich Lebendig was er ſelden rich Wer ritterſchafft ſin endes wer J*Zuͯ júngeſt durch ſchilt mit eime ſper Wer clagete denne die wunders not Er ſtarp mit eime gabilot Jwanet vff in do brach Der liechten bluͯmen zuͯ einem tach Er ſtieſz den gabilotes ſtil Suſz jme noch der martel zit Der knappe kúſch vnd ſtoltz Druchte ein crútz wis von holtz Durch des gabilotes ſniden Do enwoltent nit vermẏden Hin in die ſtat er ſaget Das manig wip verzaget Vnd manig ritter weinde Der clagende truwe erſcheinde Do wart jomers vil gedult Der dote ſchone wart geholt Die konnigin reit vs der ſtat Das heiltuͯm ſú fuͯren bat Obe dem kv́nnige von kucumer lant Den dote parcifales hant Froͧwe ginofer die kv́nnigin Det jemeclich clage ſchin Suͯ ſprach owe owe oweẏ Artuſes wúrdickeit enzwey Sol brechen noch des wunder Der obe dirre toffel runder Den hoheſten priſz ſolte tragen Das er vor nantes lit erſlagen Sins erbeteiles er gert Do man in ſterbens wert Er was doch maſſenie alhie Alſo das kein ore nie Do kein ſin vndat vernam Er was vor wilden falſchen zam Der was vil gar vom jme beſchaben Nuͯ muͯſz ich alſo fruͯ begraben Ein ſloſz ob dem priſe Sin hertze an zúchten wiſe Obe eime ſloſſe ein hantfeſte Det jme bynammen das beſte Sit man noch wibes mynne Mit ellenthafftem ſinne Solte erzeigen manne*mannes truwe Ein berende frucht alnuwe Jſt trurens vff die wip geſet Vs diner wunden jomer wet Dar was doch ſo wol rot din hor Das din blút die bluͯmen clor Nicht roͯtet dot far machen Du wondeſt wiplich lachen Jchter der lobes rich Wart beſtattet kv́nniglich Des dot ſchuͦff ſúfftzen in die wip Sin harneſc jme verloſz den lip Dar vmb was ſin endes wer Des tumben parcẏfalen ger Sit do er ſich baſz ver ſan Vngerne hette ers do getan Das roſſe einer ſitte pflag Groſſe arbeit er ringe wag ErEs were kalt oder heiſz Er lieſz durch reiſe keinen ſweiſz Es trat ſteine oder ronen Man bedúrffte jme keins gúrtens lonewonen Doch eins lech es noher baſz So man zwen tage dar vff ſas Gewoppent reit es der tumbe man Den tag ſo ferre es hette gelan Ein bloſz wiſer ſolte er es han geritten Zwene tage es were vermitten Er lieſſe es ſchufften ſelten traben Er kunde jme lútzel vff gehaben Hin gegen dem obent er geſach Eins turnes gúppfen vnd des dach Den dumben duchte ſere Wie der durn wuͯhſſe mere Der lag do vil vff einem hus Do wonde er ſú ſete artus Des jach er jme fúr heilicheit Vnd das ſin ſelde were bereit Alſp ſprach der tumbe man Miner muͦter volg nit buwen kan Jo enwehſſet ſo lang nit ir ſat Was ſú in dem walde hat Groſz regen ſú ſelten do verbirt Guſnemans de grahars hieſz der wirt xx Alſo parcipfal vff ſime roſz zuͯ der búrge reit vnd ein ſchone linde vor der búrge ſtūnt do vnder er abe ſaſz vnd ſin roſz dar an bant Vff diſer burg dar zuͯ er reit Do vor ſtunt ein linde breit Vff einem gruͯnem anger Der was breiter noch langer Nicht wenne zuͯ rechter moſſe Das roſz vnd ouch die ſtroſſe Jn truͯgen do er ſitzen fant Des die burg was vnd ouch das lant Ein groſſe miete in des twang Das er den ſchilt unrecht ſwang Zuͯ ferre hinder oder vor Ouch meinde er noch der moſſen kúr Die man do gegen priſe maſz Gurnemantz der fúrſte allein ſaſz Ouch gap der linden tolde Jr ſchatten als ſú ſolte Dem houbtman der woren zucht Des ſitte was fúr falſch ein flucht Der enpfing den gaſt das was recht Bẏ jme ritter noch der knecht Suſz ſprach zuͦ jme do parcifal Vs tumben witzen ſunder qual Mich bat min muͯter nemen rat Zuͯ dem der grouwe lock hat Do wil ich herre úch dienen noch Sit mir min muͯter das ver jach Sit ir durch rotes ſchulde Her komen uwer hulde Muͯſt ir mir durch roten lan Vnd wellent ir rotes volge han ⸿Do warff der fúrſte here Einen muͯſſer ſper were Von der hende in die burg er ſwang Ein gúlden ſchelle dar an erclang Das was ein botte komen ſan Jungeherren wol getan Er bat den gaſt den er do ſach Jn fuͯren vnd ſchaffen ſin gemach Der ſprach min muͯter ſagt alwar Alt mannes rede ſtat nit zuͯ nar Hin in ſú fúrtent in alzuͯ hant Do er manigen ritter fant Vff dem hoffe an einer ſtat Jegelicher in erbeiſſen bat Do ſprach an dem was tumpheit ſchin Mich hieſz ein kv́nnig ritter ſin Was halt mir dar vff geſchicht Jch kum von diſem roſſe nicht Gruſz gegen úch riet min muͦter mir Sú dancketen beide jme vnd ir Do das gruͯſſen wart getan Das roſſe was muͯde vnd der man Maniger bette ſú gedachten E ſú in von dem roſſe brachten Jn ein kemnaten Sú begunden alle raten Lont das harneſch von úch bringen Vnd uwer liechte lide ringen Mit der rede enwoppent ſu in Nuͦ ſú die ruwen ribbalin Vnd die toren cleit geſohen Sú erſchrocken die ſin pflogen Vil ſchiere wart zuͯ hoffe geſaget D Der wurt von ſcham was noch verzaget ⸿Ein ritter ſprach durch ſin zucht Das iſt wor ſo wúrdecliche frucht Er koſz nẏe min ouge me An jme lit der ſelden ſpe Mit reiner hohen ſuͯſſen art Wie iſt der mynnenclichen blig bewart Mich jomert jemer das ich fant An der werden frouwen ſollich gewant Wol doch der muͯter die in truͦg An dem des wunſches lit genuͦg Sin zimierde iſt rich Das harneſch ſtat jme ritterlich E es kume von dem gehúren Von einer koaſciren Bluͯtig amaſier Koſz ich an jme ſchier Der wurt ſprach zuͯ dem ritter ſan Das iſt durch wibe gebot getan Nein herre es iſt mit ſollichem ſitten Er enkunde nẏemer wip gebitten Das ſú ſin dienſte neme Sin farwe der mynne zeme Der wurt ſprach nuͯ ſúllent wir ſehen An des wete ein wunder der iſt beſchehen Sus gingent ſú do ſú funden Parcifalen den wunden Von einem ſper das bleip do gantz Sin vnderwant gurnamantz Sollich was ſin vnderwinden Das ein vatter ſinen kinden Der ſich truwe kunde nẏeten Nicht bas kunde erbieten Sin wunden wuͦſch vnd bant Der wurt mit ſin ſelbes hant Do was ouch vff geleit das brot Des was dem jungen gaſte not Wenne in groſſen hunger nit vermeit Al faſtende er des morgens reit Von ſinem wurt dem viſchere Vrkúnde vnd harneſch ſwere Do vor nantes bejagete Muͯde vnd in hunger ſagete Alle die ferre tage reiſe An artuſe dem britaneiſe Do man in allenthalben faſten lieſz Der wurt in mit jme eſſen hieſz Der gaſt ſich do gelabete Jn den geberen er ſich ſo habete Das er der ſpiſe ſwande vil Das nam der wurt zuͯ einem ſpil Do bat in fliſſeclich Gurmantz der rich Das er faſter eſſe Vnd ſiner muͯde vergeſſe ⸿Man huͦp den diſch do das wart zit Jch wene das ir muͯde ſit Sprach der wurt worent ir icht fruͦ Got weiſz min muͯter ſlieff nuͦ Die kan ſo vil nit wachen Der wurt begunde lachen Er fuͯrte in an die ſloff ſtat Der wurt in ſich vs ſloffen bat Vngern er es det doch muͯſte es ſin Ein deckelachen hermin Wart geleit v́ber des tumben lip So werde frucht gebar nẏe wip Groſſe muͯde in ſloffen lerte Das er ſich ſelten kerte An die ander ſiten Suſz kunde er tages erbitten Do gebot der fúrſte mere Das ein bat bereit were Des morgens vmb den mitten tag Zuͯ ende an dem teppich der do lag Das muͯſte des morgens alſo ſin Man warff do roſen oben in Wie wenig man vmb in do rieff Der gaſt der erwachete der do ſlieff Der junge werde ſuͯſſe man Ging ſitzen in die ſchiff ſan Jch enweiſz wer ſú des bete Jungfrouwen in richer wete Vnd an libes farbe mynneclich Die kúnnen zúcht ſitteclich Sú twuͦgen vnd ſtrichen ſchier Von jme ſin amaſier Mit blancken linden henden Jo endurfft in nicht ellenden Der do was witze ein weiſe Suſz dulte er freide vnd eiſe Thomheit er wenig engalt Jungfrowen kúſch vnd balt Jn alſus kunrieten Wo von ſú paralierten Do kunde er wol geſwigen zuͯ Es durfft in duncken nit zuͯ fruͦ Der glaſt alſus in ſtrite lag Wenne von in ſchein der ander tag Sin farwe leſchet beide liecht Des was ſin lip verſweinet nicht Man bot ein badelachen dar Des nam er harte cleine war Suſz kunde er ſich vor frouwen ſchemen Vor in wolt ers nit vmb nemen Die jungfrowen muͯſten gan Sú gedurſten do nit langer ſtan Jch wene ſú gerne hettent geſehen Ob ime icht vnd dort were beſchehen Wipheit fert mit truwen Sú kande wol frúdes kūmmer ruwen Der gaſt an das beſte bette ſchreit Al wis gewant jme was bereit Von golde vnd von ſidin Ein gúrtel zoch man dar in Scharlaches hoſen rot man do ſtreich An dem ellen nẏe geſweich Ey wie ſtunden ſinen bein Recht geſchickete abe in ſchein Brun ſcharlach wol geſnẏtten Dem was furieren nit vermitten Beẏde jnnen hermin blang Rock vnd mantel worent lang Breit ſwartz vnd gro Zobel den verkoſz man do Das leit an der gehúre Vnder einen gúrtel túre Wart er figurieret Vnd wol gezimieret Mit einem túren fúrſpan Sin munt do bẏ von roͯte bran Do kam der wurt mit truwen crafft Noch dem ging ein ſtoltz ritterſchafft Der enpfing den gaſt do das geſchach Der ritter ẏegelicher ſprach Sú geſehen nye ſo ſchoͯnen lip Mit truwen loptent ſú das wip Die gap der wúrde alſo lich frucht Durch worheit vnd vmb ir zucht Sú johent er wurt wol gewert Wo ſin dienſt genode gerſt Jme iſt mynne vnd do gruͦſz bereit Mag er genẏeſſen wúrdickeit Jegelicher jme des do ver jach Vnd dar noch wer in ẏe geſach Der wurt in mit der hant gefing Geſelle*Geſelleclich er von dennan ging Jn frogete der fúrſt mere Wie lichte ſin ruͦwe were Des nachtes do by yme geweſen Herre denne were ich nit geneſen Wenne das mir herre min muͯter riet Des tages do ich von ir ſchiet Got muͯſſe lonen úch vnd ir Herre ir duͦnt genode an mir Do ging der heilt mit witzen Do man got vnd dem wúrte ſitzen Der wurt zuͯ der meſſe in lerte Das ẏe die ſelde merte Oppfern vnd keren ſich Vnd gegen dem túffel keren gerich Do gingent ſú vff den palas Do der tiſch vff berichtet was Der gaſt zuͯ ſime wurt ſas Die ſpiſe er vngeſmehet as Der wurt ſprach durch hubſcheit Herre úch ſol nit weſen leit Obe ich úch frogen mere Wennan uwer reiſe*reiſe were Er ſeit jme gar die vnderſcheit Wie er von ſiner muͯter reit Vmb ein fingerlin vnd fúrſpan Vnd wie er das harneſch gewan Der wurt er kante den ritter rot Er ſúfftzet vnd erbarmet in ſin not Sinen gaſt des nammen er nit lieſz Den roter ritter er in hieſz DO man die diſch dannan genam Dar noch wart widermuͯt vil zam Der wurt ſprach zuͯ dem gaſte ſin Jr redent alſo ein kindelin Wenne geſwigent ir uwer muͦt̉er gar Vnd nement ander mere werwar Halt úch an mynen rat Er ſcheidet úch von miſſedat Suſz hebe ich an lontz úch gezemen Jr ſúllent nẏemer úch verſchemen Verſchampter lip was ſol der mer Der wonte in der muͯſſe rer Do jme wúrdickeit entriſet Vnd gegen der hellen wiſet Mit geſchickte vnd ſchin Mugent wol folckes herre ſin Zoch vnd hoͯhet ſich uwer art Lat uwern willen des bewart Vch ſol erbarmen noͯtich her Gegen des kāmmer ſit zuͯ wer Mit fliffe vnd mit guͯte Vnd fliſſent úch demuͦte Der komber werde man Wol mit ſcham ringen kan Das iſt ein vnſuͯſſe arbeit Dem ſolt ir helffe ſin bereit Wenne ir duͦnt dem kōmmers buͦſz So nohet v́ch de*der gottes gruͦſz Jme iſt noch wurſt denne die gent Noch brote aldo die venſter ſtent Jr ſolt beſcheidenlich Sin arm oder rich Wenne do der herre gar verduͦt Das iſt nit herlicher muͦt Sāmmelt er aber ſchatz zuͯ ſere Das ſint ouch vnere Gebent rechter moſſe ir orden Jch wol jbin jnnen worden Das ir rotes durfftig ſit Nuͯ lot der vnfuͯge ir ſtrit Jr ſúllent nit vil gefrogen Ouch ſol úch nit betrogen Bedochter gegen rede die ge Recht alſo jenes frogen ſte Der úch do wil mit worten ſpehen Jr konnent hoͯren vnd ſehen Git leben vnd trehen Das ſolt úch witzen nehen Lont erbermde by der frefel ſin Das duͦt mit rotes volge ſchin An wem ir ſtrites ſicherheit Bezalt er enhabe úch ſollich leit Getan die hertze kūmmer weſen Die nemt vnd lont úch geneſen Jr muͯſſent dicke woppen tragen So es von úch kome das ir getwagen Vnder ougen vnd an henden ſit Des iſt noch ẏſers rome zẏt Sit manlich vnd wol gemuͯt Das iſt zuͯ wer dem priſe guͦt Vnd lont úch liep ſin die wip Das tuͯret junges mannes lip Gewenckent nẏemer tag an in Das iſt rechter manlicher ſin Wolt ir nuͯ gerne liegen Jr múgent ir vil betriegen Gegen werder mynne falſcher liſt Hette gegen priſe kurtze friſt Do wurt der ſlicher clage Das dorre holtz in dem hage Er brúſtet vnd krachet Der wachter erwachet Vngeferbet vnd hāmmet Dar gedichtet manig ſtet Die meſſer gegen der mynne Die werde hat ſinne Gegen falſch liſtecliche kunſt Wenne mir beẏaget ir vngunſt So muͯſſent ir vngeeret ſin Vnd jemer dulden ſwerende pin Diſe mere ſúllent ir nohe tragen Jch wil me von wibes orden ſagen Man vnd wip die ſint allein Alſo die ſunne die húte ſchein Vnd ouch der mon der heiſſet tag Der entweders ſich geſcheiden mag Sú bluͯgent vs einem kerne gar Des nement kúnſteclichen war Der gaſt dem wurt durch roten neig Siner múter er geſweig Mit rede in dem hertzen nicht Alſo noch getruwem manne geſchicht Der wurt ſprach durch ſin ere Noch ſolt ir leren mere Kunſt an ritterlichem ſitten Wie koment ir zuͯ mir geritten Jch han beſchouwet an úch gewant Do ich den ſchilt baſz hangen fant Denne er úch zuͯ halſſe dete Er iſt vns nit zuͯ ſpete Wir ſúllent zuͯ felde gohen Do ſolt ir kunſt enpfohen Bringent jme ſin roſz vnd mir das min Vnd ẏegelichem ritter das ſin Jungherren ſúllent ouch dar komen Der jegelicher habe vernomen Einen ſtarcken ſchafft vnd bringen dar Der noch der nuwe ſẏ gefar Suſz kam der fúrſte vff dem plan Do wart mit riten kunſt getan Sinem gaſt er den rot gap Wie er das roſz vs dem walap Mit ſporn gruͯſſes pin Mit ſchenckel fliegende ſchin Vff dem punder ſolte wencken Vnd den ſchafft zuͯ recht ſencken xxj Alſo parcifal einen ritter vnder das roſz ſtach vor den frouwen : setzt sich zusammen aus einem mutmasslichen etc-Zeichen (die betreffende Stelle ist ziemlich verwischt) und einer Schlaufe. VNd den ſchilt gegēn juſt fúr ſich nemēn Er ſprach das lont úch gezemen Vnfuͯge er jme ſus werte Baſz denne ein ſwanckel gerte Die argen kinden brichet fel Do hieſz er komen ritter ſnel Gegen jme juſtieren Er kunde in kunduwieren Einem zuͯ gegen an den ring Do bracht der jungeling Sine erſte juſt durch einen ſchilt Das von in allen bevilt Das er húnder das roſz ver ſwang Einen ſtoltzen ritter nit zuͯ krang Ein ander juſtier was do komen Do hette ouch parcifal genomen Einen ſtarcken nuwen ſchafft Sin jugent hette ellen vnd crafft Der junge ſuͯſſe on bart Den twang gamuretes art Vnd an geborne man heit Das roſz von rabine er reit Mit volleclicher herte dar Er nam der vier nagel war Des wurtes ritter nit geſas Alle fallende er den acker maſz Do muͯſtent cleine ſtúckelin Aldo von truntzinen ſin Der wurt in nam vnd fuͯrt in wider Suſz ſtach er ir fúnff dar nyder Der wurt in nam vnd fuͯrt in wider Aldo behielt er ſchimppfes priſz Er wart ouch ſit an ſtrite wis Die ſin riten geſohen Alle die wiſen des johen Do fúr kunſt vnd allen by Nuͯ wurt myn herre jomers fry Sich mag nuͯ jungen wol ſin leben Er ſol yme zuͯ wibe geben Sin dochter vnſer froͧwen Obe wir in witzen ſchouwen Sú loͯſchet jme ſin jomers not Fúr ſiner driger ſuͯne dot Iſt jme ein gelt zuͯ huͯſe geritten Nuͯ hat in ſelde nit vermitten Sus kam des obendes der wurt in Der tiſch gedecket muͦſz ſin Sin dochter bat er komen Zuͯ diſch alſo ich han vernomen Do er die maget bat komen ſach Nuͯ hoͯrent wie der wurt ſprach Zuͯ der ſchoͯnen lioſſen Du ſolt dich kúſſen loſſen Diſen ritter búte jme ere Er fert mit ſelden mere Vnd ſolt an úch gedinget ſin Das ir der megede ir vingerlin Lieſſen obe ſú es moͯchte han Nuͯ hat ſú es nit noch fúrſpan Wer gebe ir ſollichen folleiſt So der frouwen in dem foreiſt Die hette ettewenne von dem ſú enpfing Das úch zuͯ enpfohene ſit erging Jr muͯgent haſen nit genemen Der gaſt begunde ſich des ſchemen Je doch kuſte er ſú an den munt Dem iſt wol fúres farwe kunt Liaſen lip was mynneclich Der zuͯ der woren kúſchen rich Der tiſch was nẏder vnd lang Der wurt mit nyeman ſich do trang Er ſas allein an den ort Sinen gaſt hieſz er ſitzen dort Zwúſchent jme vnd ſine kinde Jr blancken hende linde Muͯſten ſo der wurt gebot Snyden do dem ritter brot Was der eſſen wolte Nieman ſú erwenden ſolte Sú geborten heimelich Die maget an zúchten rich Leiſt ir vatter willen gar So det der gaſt wol gefar Do noch ſchier ging die maget wider Suſz pflag man des heldes ſider Vntze an den viertzehenden tag By ſinem hertzen komer lag Anders nicht wenne vmb das Er wolte .E. geſtritten baſz E das er dar an wurde warm Das man do heiſſet froͧwen arm Jn duchte wert gedinge Das were ein hohe linge Zuͯ diſem libe hie vnd dort Das ſint noch vngelogen wort Eines morgens er vrlobes bat Do rumpt er grahartz die ſtat Der wurt mit jme zuͯ felde reit Do huͦp *ſich nuwes hertze leit Der fúrſte ſprach us truwe erkorn Jr ſit min vierder ſuͦn verlorn Jo wenne ich ergetzet were Driger jomerlichen mere Der worent bitz her nit wenne dry Der nuͯ min hertze in vier Mit ſiner hende ſluͯge Vnd ẏegeliches ſtúcke truͯge Das duchte mich ein groſz gewin Eines fúr úch ir ritet hin Der drige fúr min werden kint Die ellenthafft erſtorben ſint Suſz lont ẏe doch die ritterſchafft Jr zagel iſt jomer ſtrig hafft Ein dot mich lemt an freiden gar Mines ſúnes wol gefar Der was geheiſſen ſchantaflors Do kunden wir amors Lip vnd ir lant nit wolte geben Vnd ir helffe er verloſz ſin leben Von klamige vnd von knẏgrin Des iſt mir túrckel alſo ein zún Min hertze von jomers ſitten Nuͯ ſit ir alſo fruͯ geritten Von mir troſtloſen man Owe das ich nit ſterben kan Sit liaze die ſchoͯne maget Vnd ouch min lant úch nit verjaget Min ander ſuͦn hieſz conla ſcot Den ſluͦg mir ẏeders filnot Vmb einen ſperwere Des ſton ich freiden lere Min dritter ſuͦn hieſz gurtzgri Dem reit mahante by Was ſú gap jme zuͯ wibe Jr ſtoltzer bruͯder chkunat Gegen brandigon der houptſtat Kam er noch ſchoidelucurt geritten Do wart ſin ſterben nit vermitten Do ſluͯg in mobonagrin Des verloſz mahante ir liechten ſchin Do lag min wip ſin muͯter dot Groſz jomer ers noch jme gebot Der gaſt nam des wurtes jomer war Wenne er es jme vnder ſchiet ſo gar Er ſprach herre ich bin nit wiſe Bezale ich aber ẏemer ritters priſe So das ich wol mag mynne gern So ſúllent ir ir mich liaſſen wern Vwer dochter der ſchoͯnen*ſchoͯnen maget Jr habent mir alzuͯ vil geclaget Mag ich úch jomers denne entſagen Des loſſe ich uch ſo vil nit tragen Vrlop nam der junge man Von dem getruwen fúrſten ſan Vnd zal der maſſenẏe Des fúrſten jomers drie vxijxxij Was ruwig an das quater komen Jr vierden flucht hette er genomen : besteht aus einer waagrechten Linie. Möglicherweise wurden unter ihr angehäufte Punkte als Verzierung verwendet. Alſo parcẏfal pelrapier erloſt vnd er do zuͦ lande herre wart DAnnan ſchiet ſus parcifal Ritters ſitte vnd ritters wal Sin lip mit zúchten fuͦrte Owe wenne in das ruͦrte Manig vnſuͯſſe ſtrenge Vnd was die wite zuͯ enge Vnd ouch die breite gar zuͯ ſmal Alle gruͯne in duchte val Sin rot harneſch in dúchte blang Sin hertze die ougen des betwang Sit er dumpheit one wart Do wolt in gahmuretes art Do keins nicht erloſſen Noch der ſchoͯnen lioſſen Der megede ſelden rich Die jme geſelleclich Sunder mynne bot ere War ſin roſz nuͯ kere Er mag es von jomer nit erhaben Es welle ſpringen oder traben Trute vnd ſtuden ſtrig Dar zuͯ den wageleiſen big Sin walſtroſſen meit Vil vn gefortes er do reit Do wenig wegeriches ſtunt Berge vnd tale worent jme vnkunt Genuͯg hant des einen ſitte Sú johent ſus were irre ſitte Das der den ſlegel fúnde Vrkunde ſleges vrkúnde Lag do vnmoſſen vil Fuln groſſe ronen ſins ſlegels zil Doch reit er wenig ſtroſſe Wenne die ſlecht an der moſſe Kam er des tages von grahantz Jn das kv́nnigrich zuͯ brobrantz Durch vilde gebirge hoch Der tag ſich gegen dem obende zoch Do kam er an ein waſſer ſnel Das was von ſinem duſſe hel Es goben die folſch ein ander Das reit in do fander DiſDie ſtat zuͯ pelapeir Der kv́nnig tampanteir Hette ſú geerbet vff ſin kint Bi der vil lúte in kōmmer ſint Das waſſer fuͦr noch boltzes ſitten Die wol gefidert vnd geſnyden Sint ſo ſin armbraſtes ſpan Mit ſenwen ſwantz dribet dan Her abe gingen jme brúcken ſlag Do manig hútten vff lag Es floſz aldo recht in das mer Penlapier ſtunt wol zuͯ wer Sehent wie kint vff ſchocken faren Die man ſchockens nit wil ſparen Sus fuͯr die brucke one ſeil Sú was vor jugent nit ſo geil Dort an der halben ſtunden Mit helmen vff gebunden Sechtzig ritter oder mer Die rieffen alle kera ker Mit vff geworffen ſwerten Die krancken ſtrites gerten Sú wonden es were clamide Den ſehent ſú vil dicke ſohent E Wenne er ſo kv́nniglichen reit Gegen der brucke vff dem felde breit Do ſú diſen jungen man Suſz mit ſchalle rieffent an Swigen er das roſz mit ſporn ſneit Durch forchte es doch die brucke meit Denne rechte zagheit ẏe floch Der erbeiſſete nẏder vnd zoch Sin roſz vff der bruck ſwang Eins zagen nit were alzuͯ krang Solte er gegen ſolichem ſtrite farn Dar zú muͯſte er ein ding bewarn Wenne er forchte des túffels fal Do laſch ouch anderhalp der ſchal Die ritter truͦgen wider in Helm ſchilt vnd ſwerte ſchin Vnd flúchtig zuͯ ir porten Groſſer huͯte ſú forchten Jn noch hin v́ber parcifal Vnd kam geritten an ein wal Do maniger ſinen dot erkoſz Der durch ritters priſz ſin lip verloſz Vor der porte gegen dem pallas Der hoch vnd wol geeret was Einen ring er an der porten fant Den ruͦrte er faſt mit der hant Sins ruͯffens nam do nẏeman war Wenne ein jungfrouwe wol gefar Vs einem vinſter ſach die maget Den helt do halten vnverzaget Die ſchone zuchten riche Sprach ſit ir vigentliche Her komen herre das iſt one not One úch man vns vil haſſes bot Von dem lande vnd vff dem mer Zornig ellenthafftes her Er ſprach frouwe hie habt ein man Der úch dienet obe er kan Vwer gruͦſz ſol ſin min ſolt Jch bin úch dienſtlichen holt DO die maget mit ſinne Fúr die kv́nniginne Vnd halff das er kam dar in Das ir ſit wante groſſe pin Suſz wart er in geloſſen Jetwederhalp der ſtroſſen Stunt pouels do ein groſſe ſchar Die werlich koment dar Slinger vnd pathelirre Der was ein lange virre Vnd dar zuͯ ſchúſſen harte vil Er koſz ouch an dem ſelben zil Vil kuͯner ſariande Der beſten von dem lande Mit langen ſcharppfen lantzen Scharcken vnd gantzen Alſo ich das mere vernomen han Do ſtunt ouch manig kouffman Mit haſchen vnd mit gabilot Alſo in ir meiſterſchafft gebot Die truͦgen alle ſlachen balg Der kv́nnigin marſchalg Muͯſte in durch ſú leiten Vff den hoff mit arbeiten Der was gegen wer beraten Túrne obenan kemenaten Wighus perferit acker Der ſtunt do ſicherlichen mer Denne er do vor geſehe ẏe Do koment allenthalben hie Ritter die in enpfingen Die ritten vnd gingen Ouch was die jemerliche ſchar Alle noch eſchen gefar Oder alſo falwer leim Min herre der groffe von wertheim Were vngerne ſoldier do geweſen Er moͯchte ir ſoldes nit geneſen Der zadel fúgete in hungers not Sú hetten keſe fleiſch noch brot Sú lieſſen zen ſtúrn ſin Vnd ſmaltzeten ouch dekeinen win Mit irme munde ſo ſú truncken Die wamme in nyder ſuncken Jr huff hoch vnd mager Gerumppfen alſo ein vngers zager Was in die hut hin zuͯ den riben Der hunger hette in das fleiſch vertriben Den múſten ſú durch zadel doln Jn trouff vil wenig in die koln Des twang ſú ein werder man Der ſtoltze man vnd koͯnig von brangbrandigran Sú arnden clamides bette Sich vergaſz do ſelten mit dem mette Zúber oder pfanne Ein drúhunder kanne Mit kroppfen ſelten do erſchrey Jn was der ſelbe tone enzwey Wolt ich nuͯ das wiſſen in So hette hjch harte krancken ſin Wenne do ich dicke bin erbeiſſet Vnd man mich herre heiſſet Do haim im min ſelbes huſz Do wurt gefroͧwet vil ſelten muſz Wenne die múſe ir ſpiſe ſtelen Die durffte nẏeman vor mir helen Jch enpfinde ir offenlichen nicht Alzuͯ dicke das geſchicht Mir wolffram von eſchebach Das ich dolte alſolich gemach Miner clage iſt zuͯ vil vernomen Nuͯ ſol diſe mere wider komen Wie pelrapier ſtunt jomers vol Do gap die diet von freiden zol Die helde truwen rich Lebeten komerlich Jr wore manheit das gebot Des ſolte erbarmen úch ir not Nuͯ hoͯrent me von den armen Die ſoltent úch erbarmen Sú enpfingent ſchāmmelich Jr gaſt ellens rich Der duchte ſanders wol ſo wert Das er nit dúrffte han begert Jr herberge alſo es in do ſtunt Jr groſſe not was jme vnkunt Man leit ein teppich vff das graſz Do vermuret vnd verleſtet was Durch den ſchatten ein linde Do entwoppent in das geſinde Es was vnglich far Do er den ram von jme ſo gar Getwuͦg mit einem brunnen Do hette er der ſunnen Verkrencket ouch iren liechten glaſt xxiij Des duchte er ſú ein werder gaſt Alſo man parcifal ſinen fehen mantel brochte vnd der mit zobel gefútert was : besteht aus einem waagrechten Strich. MAn bot dem helde mantel ſan Glich alſo der rock getan Der E an ſinem libe lag Des zobel gap vil wilden geſmag Sú ſprochen wellent ir ſchouwen Die kv́nnigin vnſer frouwen Do jach der helt ſtete Das er das gerne dete Sú gingent gegen dem pallas Do hohe vff gegredet was Ein mynnecliches antlitz ſchin Dar zuͯ der enge fuͯſſe ſin Von der kv́nnigin ging Vnd liechter *glaſt E ſú enpfing Von kathelangen kayot Vnd der werde mafiliot Hertzogen beide worent die Jr bruͯder kint ſú brachten hie Des landes kv́nniginne Durch die gottes mynne Hettent ſú vff geben ir ſwert Do gingent die furſten wert Gro vnd wol gefar Mit groſſer zucht ſú brachten dar Die frouwen mitten an die ſtegen Do kuſte ſú der werde tegen Die munde worent beide rot Die koͯnnigin ir hant jme bot Parcifal vnd fuͦrte in wider Aldo ſú beide ſoſſent nẏder Frouwen vnd ritterſchafft Hettent alle ſwache crafft Die do ſtunden vnd ſoſſen Sú hettent freide geloſſen Das geſinde vnd die wirtin Conduwierten ir ſchin Doch ſchiedent von diſem ſtriten Jeſcuten vnd enitten Vnd conmieweren de lalant Vnd wo man lobes den beſten fant Do man frouwen ſchone geroug Jr glaſtes ſchin faſte vnder ſluͦg Vnd beder ẏſalden Jo múſte priſes walden Conduwir amurs Die truͦg den rechten beakúrs Der nam iſt tútſch iſt ſchoͯner lip Es worent wol zwey nútz wip Die diſe zwey geboren Die do by einander woren Do enſchuͦff wip vnd man Nicht mere wenne das ſú ſohen an Die zweẏ do by einander Guͯte frúnt die fander ⸿Der gaſt gedochte ich ſage wie Lyas iſt dort lyas iſt hie Mir wil got ſorge loſſen Nuͯ ſihe ich lioſſen Des werden gurnemantzen kint Liantzen ſchone was ein wint Gegen diſer megede die hie ſaſz An der got wunſches nẏe vergaſz Die was des landes frouwe Al von dem ſuͯſſen touwe Die roſe vs ir belgelin Blecket nit wenne werden ſchin Der beide wis iſt vnd rot Der fuͯgete irem gaſt groſſe not Sin manlich zucht was jme ſo gantz Sit in der werde gurnemantz Von ſiner tumpheit geſchiet Vnd in frogen wider geriet Es enwere beſcheidenlich By der kv́nnigin rich Saſz ſin munt gar one wort Nohe aldo nit ferre dort Maniger kan noch rede ſparn Der nẏergent zuͯ den frouwen iſt gefarn ⸿Die kv́nnigin dochte ſan Jch wene mich ſmohet diſer man Durch das min lip vertwalet iſt Nein er duͦt es durch einen liſt Er iſt gaſt ich bin wurtin Die erste rede were billich min Vil gútlich er an mich ſach Sit vns zuͯ ſitzen hie beſchach Er het ſich zucht gegen mir enbart Min rede iſt alzuͯ vil geſpart Hie ſol nit me geſwigen ſin Zuͯ irem gaſt ſprach die kv́nnigin Herre ein wúrtin reden muͦſz Ein kuſz erwarp mir iren guͦſz Ouch bútet ir dienſt her in Suſz ſeite ein jungfrouwe min Des habent vns geſt nit gewenet Des het min hertz ſich gelenet Herre ich froge ich mere Wennen uwer reẏſe were ⸿Frouwe ich reit bẏ diſem tage Von einem manne den ich nuͯ clage Lieſſe mit truwen one ſchrantz Der fúrſte heiſſet gúrnemantz Von grahartz iſt er genant Dennen reit ich in das lant Do ſprach die zuchte riche maget Hette es anders ẏeman mir geſaget Der volge wurde jme nicht ver jehen Das es were eines tages beſchehen Wenne wellich min bot ye baldeſt reit Die reiſe er zwene tage vermeit Sin ſweſter was die muͯter min Jrs wurtes ſiner dochter ſchin Sich ouch vor jomer krencken mag Wir habent manigen ſuren tag Mit naſſen ougen verclaget Jch vnd lyaſſe die maget Sit ir uwerem wurte holt So nemt es hint als wir gedolt Hie lange hant wip vnd man Jr dienent jme ein teil dar an Jch wil úch vnſern komer clagen Wir muͯſſent ſtrengen zadel tragen ⸿Do ſprach ir vetter kyot Frouwe ich ſende úch zwoͯlff brot Do ligent ſehſſe keſe by Vnd zwey búrtzel min win b Schultern vnd hāmmen dry a Ouch ſol úch der bruͦder min Hinnacht ſtúren das iſt not Do ſprach manfiliot Frouwe ich ſende úch alſo Do ſas die maget an freiden zil Jr groſſer dang wart nit vermitten Sú noment vrlop vnd ritten Do by zuͯ ir weide huſen Zuͯ der wilden albe cluſen Die alten ſoſſent ſunder wer Sú hettent fride von dem her Jr botte wider kam getrabet Des wart die krancke diet gelabet Wenne der burger nar Was gedigen an die ſpiſe gar Jr was von hunger maniger dot E das in das dar keme das brot ⸿Die wurtſchafft was ouch verzert Do mitte maniges dot erwert Den der hunger leben lieſz Den gaſt man do betten hieſz Sanffte des ich wenen wil Werent die burger feder ſpil Sú enwerent v́bertrúppfet nicht Des noch ir diſch gerichtet gicht Sú trugent alle hungers mal Wenne der junge parcifal Dennen ſloffen vrlop Obe ſin kertzen werent ſchoͧp Nein ſú worent beſſer gar Do ging der junge wol gefar An ein bette rich Geheret mẏnneclich Nicht noch armuͦt kúr Ein teppich was geleit dar fúr Er bat die ritter nẏder gen Die lieſſe er do nit langer ſten Kint jme enſchúchten ſan er ſlieff Vntze jme der wore jomer rieff Vnd liechter ougen hertzen regen Die wacketen ſchiere den werden tegen Das kam alſo ich úch ſagen wil Es brach nit wiplich zil Mit ſtete kúſch truͦg die maget Von der ein teil hie wurt geſaget Der twang vrlúges not Vnd lieber helffer dot Jr hertze an ſolliches krachen Das ir ougen muͯſten wachen Es ging die kv́nniginne Nicht noch ſollicher mẏnne Die ſollichen nammen reiſſet Der megde wip heiſſet Er ſuͯchte helff vnd frúndes rat An ir was werlich wat Ein hemde wiſz ſidin Was moͯchte kemppfelicher ſin Denne gegen dem manne ſus komen wip Ouch ſwang die frouwe vmb iren lip Von ſamit einen mantel lang Sú ging alſo ſú der komer twang Jungfrouwen kamerere Was der do by ir were Die lieſz ſú ſloffen v́ber al Vnd ſleich liſe one allen ſchal Jn ein kemnaten Das ſchuͯffen die es doten Das parcifal allein lag Von kertzen liecht alſam der tag Was vor ſiner ſloff ſtat Gegen ſinem bette ging ein pfat Vff den teppich knuwet ſú fúr in Sú hettent beyde krancken ſin Er vnd die kv́nniginne An by ligender mynne Hie wart alſus geworben An freiden verdorben Was die maget des twang ſú ſcheme Obe er ſú hin an ſich neme Leider des enkan er nẏcht One kunſt es doch beſchicht Mit einem alſo bewunden fride Das ſú die ſune bernde lide Nicht zuͯ einander brachten Wenig ſú des gedachten ⸿Der megde jomer was ſo groſz Vil zeher was ſo *von ir ougen floſz Vff den jungen parcifal Der hort ir weinen ſollichen ſchal Das er ſú wachende angeſach Liep vnd leit jme do beſchach Vff richt ſich der junge man Zuͯ der kv́nnigin ſprach er ſan Frouwe bin ich uwer ſpot Jr ſoltent knuwen alſo fúr got Geruͯchent *ſitzen zuͯ mir Das iſt min bette vnd min ger Oder leget úch hie do ich lag Lont mich bliben bliben wo ich mag Sú ſprach welt ir úch eren Sollich moſſe gegen mir keren Das ir mit mir ringent nicht Min ligen aldo by úch beſchicht Des wart ein fride von jme getan Sú ſmuͯget ſich an das bette ſan Es was dannoch ſo ſpote Das nẏergent han krote Haneboum ſtunden bloſz Der zadel huͯner von in ſchoſz ⸿Die frouwe jomers rich Frogete in zuchteclich Obe er hoͯren wolt ir clage Jch foͯrchte obe ich es úch ſage Es wende úch ſloff das duͦt úch we Mir hat der kv́nnig clamide Vnd kingrun ſin ſcunſcant Verwuͯſtet búrge vnd lant Vntze an palrapeir Min vatter tampanteir Lieſz mich armen weiſen Jn foͯrchteclichen freẏſen Moge fúrſten vnd man Rich vnd arm fúrſten vndertan Was mir groſz ellenthafftes her Die ſint erſtorben an der wer Halp oder das mereteil Was mochte ich arme weſen geil Nuͯ iſt mirs komen an das zil Das ich mich ſelber doͯtten wil E das ich magethuͦm vnd lip Gebe vnd clamides wip Werde wenne ſin hant mir ſluͦg Schenffteflorn des hertze truͦg Manigen ritterlichen pris Mannes ſchande ein bluͯgende riſz Er kunde falſcheit loſſen Der bruͯder liaſſen ⸿Do liaſſe wart genant Noch ir vil komers was gemant Der dienſt gebende parcifal Sin hoher muͯt kam in ein tal Das ſchuͯff lyaſen mynne Er ſprach zuͯ der kv́nniginne Frouwe hulffet úch nẏemans troſt Jo herre ob ich wúrde erloſt Von kingrun ſcunſcant Zuͯ rechter juſt hat mir ſin hant Gefellet manigen ritter nẏder Er komet do morgen her wider Vnd wenet das der herre ſin Suͯlle ligen an dem arme min Jr ſohent wol mynen palas Das nyergent ſo gehoͯhet was Jch viel E nẏder in den graben E clamide ſolte haben Mit gewalt mẏnen magetuͦm Suſz wolt ich wenden ſinen ruͦm Do ſprach er froͧwe iſt kingruͦm Frantzois oder brituͦn Oder von wellichem lande er fert Mit mẏner hant ir ſit gewert Alſo es min lip folbringen kan vn̄d mag Die nacht hat ende vnd kam der tag xxiiij Alſo die kv́nnigin kam geſlichen v́ber parcifals bette do er an lag vnd ſlieff : besteht aus einer waagrechten Wellenlinie. DJe frouwe ſtunt vff vnd neig Jren groſſen dang ſú nit verſweig Vnd ſleich do wider liſe Nieman was do ſo wiſe Der wurde ir gondes do gewar Wenne parcifal der liecht gefar Der ſlieff nicht langer do noch Der ſunnen was gegen hoͯhe goch Jr gleſten durch die wolcken drang Do horte er maniger glocken clang Kirchen múnſter ſuͯchet die diet Die clamide von freiden ſchiet Vff richte ouch ſich der junge man Der kv́nniginnen cappelan Sang got vnd ir frouwen Jr gaſt muͯſte ſchouwen Vntze das der benedig geſchach Noch ſinem harneſch er ſprach Do wart er wol gewoppent in Er det ouch ritters ellen ſchin Mit rechter manlicher wer Do kam clamides her Mit maniger banier knẏgrun kam Kingrun kam ouch ſchier Von den anderen ferre Vff einem roſſe von iſer terre ⸿Alſo ich diſe mere han vernomen Do was ouch fúr die porte komen Fili rois gahnuret Der hette der burger gebet Dis was ſin erſt ſwertes ſtrit Er nam den ponder wol ſo wit Das von ſiner juſte húrt Beiden roſſen wart engúrt Darmgúrtel braſten vmb das Jetweders vff die hoͯheſt ſas Die edes vff in ſoſſen Jr ſwert ſú nicht vergoſſen Jn dem ſcheiden ſú die funden Kingruͦn druͦg wunden Durch die arm vnd in die bruſt Die juſte in lerte fluſt An ſollichem priſe des er pflag Vntze an ſin hochffart endes tag Sollich ellen was vff in gezalt Sehſz ritter ſolt er han gefalt Die gegen jme kemen vff ein felt Parcifal jme brachte gelt Mit ſiner ellenthafften hant Das kingrun ſcunſcant Want froͯmede mere Wie ein pfedolere Mit wurffen an in ſerte Ein ander ſtrit in ferte Ein ſwert jme durch den helm erclang Parcifal in nẏder ſwang Er ſat jme an die bruſt ein kny Do gebot jme das gebotten ny Wart do keinem man ſin ſicherheit Er wolte nicht der mit jme ſtreit Er bat in gurnemantze Bringen die vigantze Nein herre du macht mir gerner tuͦn Den dot ich ſluͦg jme ſinen ſuͦn Stenteflur nam ich ſin leben Got hat dir eren vil gegeben Der crafft erzeiget iſt an mir Wo man ſaget das von dir Das du mich haſt betwungen So iſt dir wol gelungen Do ſprach der junge parcifal Jch wil dir loſſen an der wal Nuͯ ſicher der kv́nnigin Der din herre groſſe pin Hette gefrumt mit zorn So wurde ich der verlorn Mit ſwerten were min lip verzert Clein ſo das in der ſunnen fert Wenne ich han hertzeleit getan Dort jnne manigem kuͯnen man So ferre von diſem plan An das lant zuͯ britan Din ritterliche ſicherheit Ein maget die durch mich leit Der nit liden ſolte Der fuͯge erkennen wolte Vnd ſage ir was halt mir geſchehe Das ich ſú nymmer fro geſehe E das ſúich ſú gereche Aldo ir ſchilt durch ſteche Sage artuſe vnd dem wibe ſin Den gruͯſz vnd ouch den dienſt min Dar zuͯ der maſſenẏe gar Vnd das ich nȳmmer kome dar E das ich laſters mich entſage Vnd ich geſellenclichen trage Mit ir die mir lachen bot Des ir lip kam in groſſe not Sage ir ich ſige icir dienſtman Dienſtlichem dienſt vndertan xxv Alſo parcifal die burger vnd die konigin er=loſt von dem ſtrit vnd die kv́niginne parcifa=len halff ſinen harneſche vs duͦn : besteht aus einem etc-Zeichen und einer dazugehörigen Schlaufe. DEr rede ein volge do geſchach Die heilde man ſich ſcheiden ſach Hin wider kam gegangen Do ſin roſz was gefangen Die burger kamppfes troſt Sú wurdent ſit von mir erloſt Zwiffels pflag das vſſer her Das kingrun an ſiner wer Was entſchumppfieret Nuͯ wart gekunduwieret Parcifalen zuͯ der kv́nnigin Die det vmb vohen yme ſchin Sú drúchte in faſt an iren lip Sú ſprach ich wúrde nȳmmer wip Vff der erden keines man Wenne den ich vmbfangen han Sú halff das er entwoffent wart Jr dienſt was vil vngeſpart Noch ſiner groſſen arbeit Was krancke wurtſchafft bereit Die burger ſuſz gefuͦren Das ſú jme alle hulde geſwuͦren Vnd johent er muͯſte ir herre ſin Do ſprach die kv́nnigin Er ſolte ſin ir amis Sit das er ſo hohen pris Bezalt an kingrun Zwene ſegel brun Die kos man von der wer hin abe Die ſluͯg groſz wint faſt in die habe Die kiele worent geladen ſo Des die burger wurdent fro Sú truͦgent nit wenne ſpiſe Das fúget got der wiſe ⸿Ein von den zinnen vielen Vnd gohetent gegen den kielen Das hungerige her durch den roup Sú machtent fliegen ſo die loup Die magern vnd die ſiechten Von fleiſch die liechten Jn was erſchouben nit der balg Der kv́nnigin marſchalg Det den ſchiffen ſollichen fride Das er gebot by der wide Das ſich ir keiner ruͦrte Die koufflúte er fuͦrte Fúr ſinen herren in die ſtat Parcifalen er gelten bat Jr habe ein zwiſpilte Die ſchifflúte des bevilte Suſz wart vergolten in ir kouff Den burgern in die kolen trouff Jch were do nuͦ wol ſoldier Wenne do drincket nẏeman bier Sú hant ſpiſe vnd wines vil Do warp alſo ich úch ſagen wil Parcifal der reine Von erſte ein ſpiſe die cleine Deilte mit ſin ſelbes hant Er ſat die werden die er do fant Er wolte nit ir leren magen Vber krúppff loſſen tragen Er gap in rechter moſſe teil Sú wurdent ſines rotes geil Hin zuͯ nacht ſchuͦff er in mere Der vnloſe nicht zuͯ here Bẏ ligens wart gefroget do Er vnd die kv́nniginne ſprochent jo Er lag mit ſollichen fuͯgen Den nuͯ nicht wil genuͯgen Manig wip der in ſo duͦt Das ſú durch arbeitlichen muͦt Jr zucht ſúſz parierent Vnd ſich dar gegen zierent Vor geſten ſint ſú an kúſchem ſitten Jres hertzen wille hat verſnitten Was mag an den geberden ſin Jr frint ſy heimlichen pin Fuͯgent mit ir zarte Des moſſe E ſich bewarte Der getruwe ſtete man Wol frúndin ſchoͯnen kan Er dancket als es licht iſt wor Jch han gedienet nún jor Noch lon diſem wibe Die hat minem w*libe Erbotten troſt nuͦ lige ich hie Des hat mich genuͯget ye Obe ich mit miner bloſſen hant Muͯſt ruͯren ir gewant Ob ich nuͯ guͯtes gerte Vntruwe es fúr mich werte Solte ich ſú arbeiten Vnſer beider laſter bereiten Vor ſloffe ſuͯſſe mere Sint frouwen ſitte gebere Suſz lag der waleiſe Trang was ſin freẏſe Den man den roten ritter hieſz Der die kv́nnigin maget lieſz Sú wonde doch ſú were ſin wip Durch ſinen mynneclichen lip Des morgens ſú ir houbet bant Do gap jme búrge vnd lant Diſe magetbere brut Wenne er was ires hertzen drut Sú worent mit einander ſo Das ſú durch liebe worent by Zwene tage oder dry Von jme dicke wart gedocht Vmb vohens das ſin muͯter riet Gurnemantz ouch vnder ſchiet Man vnd wip werent allein Sú flachtent arm vnd bein Ob ichs úch ſagen muͯſſe Er fant das nohe fuͯſſe Der alte vnd der nuwe ſitte Wonte aldo in beẏden mitte Jme was wol vnd nit zuͯ we Nuͯ hoͯrent ouch wie clamide Jn kreffteclicher erfart Mit meren vngetroͯſtet wart Suſz begunde in ein knappe ſagen Das roſz zuͯ ſiten was durch ſlagen Vor pelrapier vff dem plan Erſt wer die ritterſchafft getan Scharpff genuͦg von ritters hant Betwungen iſt der ſcuniſcant Des heres meiſter kingruͦn Fert gegen artuſe dem brituͦn Jr vnd uwer her Vindent pelrapier mit wer Der jnne iſt ein ritter wert Der nit anders denne ſtrites gert Vwer ſoldier jehent byſunder Das von der tafel runder Die kv́nnigin habe beſant Jthern von kontumur lant Des woppen kam zuͯ der juſte vor Vnd wart getrages noch priſes kor Der kv́nnig ſprach zuͯ dem knappen ſan Conduwier armes wil mich han Vnd ich ir lip vnd ir lant Kingruͯn min ſcunſcant Mir mit worheit enbot Sú gohent die ſtat durch hungers not Vnd das die kv́nniginne Mir bitte ir werde mynne Der knappe erwarp do nuwen haſz Der kv́nnig mit her reit do fúrbaſz Jme kam ein ritter wider farn Der ouch das roſz nit kunde ſparn Der ſeite die ſelbe mere Clamide wart ſwere Freide vnd ritterlicher ſin Es duchte in groſz vngewin DEs kv́niges furſten einer ſprach Kingrunen nẏeman ſach Striten vor vnſer manheit Fúr ſich einen er do ſtreit Nuͯ lont in ſin zuͯ dode erſlagen Súllent durch das zwey her verzagen Dis vnd jennes vor der ſtat Sinen herren er truren loſſen bat Wir ſúllent es bas verſuͯchen Wellent ſú wer geruͦchen Wir gebent in noch ſtrites vil Vnd bringent vs ir freiden ſpil Man vnd moge ſúllent ir manen Vnd ſuͯcht die ſtat mit zwein fanen Wir múgent an der litten Wol zuͯ roſz zuͯ in riten Die porten ſuͦchent wir zuͯ fuͦſz Fúr wor wir duͦnt in ſchimppfes buſz Den rot gap galogandres Der hertzoge von gippones Der brachte die burger in not Er holt ouch an letze den dot Als det der groffe narant Ein fúrſte vs v́cher lant Vnd manig wert arm man Den man doten truͦg her dan Nuͯ hoͯrent ein ander mere Wie die burgere Jr letze dotent goime Sú noment lange boume Vnd ſtieſſent ſtarcke ſtecken dar in Das gap den ſuͯchern pin Mit ſeilen ſú die hingen Die ronen in rederen gingen Das was geprúfet alſo E Sú ſuͯchte ſturmes clamide Noch kingrunes ſcunfentúre Ouch kam in heidenſch wilde fúre Mit der ſpiſe in das lant Das vs antwerg wart verbrant Jr ebenhohe vnd ir mangen Was vff redern kam gegangen Jgele katzen in den graben Die kunde das fúr hin dan wol ſchaben ⸿Nuͯ was ouch kingrun ſcunſcant Komen zuͯ britane in das lant Vnd fant den kv́nnig artus Jn pricilan zuͯ dem weide huſz Das was geheiſſen carmuͯal Do warp er alſo in parcifal Gefangen hette dar geſant Froͧwe connewaren de lalant Brachte er ſine ſicherheit Die jungfrowe was gemeit Das mit truwen clagete ir not Den man do hieſz den ritter rot Vber alle diſe mere wart vernomen Do was ouch fúr den kv́nnig komen Der betwungen werde man Jme vnd der maſſenye ſan Sagete er was in was enbotten Keye erſchrag vnd begunde rotten Do ſprach er biſtus kingruͦn Owe wie manigen brituͦn Hette entſchumppfieret din hant One clamides ſcunſcant Wurt mir din meiſter nẏmer holt Dines amptes du doch genieſſen ſolt Der ketzel iſt vns vndertan Mir hie vnd dir zuͯ brandigan Hilff mir vmb din wúrdickeit Connewaren hulde vmb crappfen breit Er bot ir anders wandels nicht Die rede lont ſin hoͯrent was geſchicht Do wir das mer lieſſent E Fúr pelrapeir kam clamide Do wart groſz ſtúrmen nit ver mitten Die jnnern mit den vſſern ſtritten Sú hettent troſt vnd crafft Man fant die helde werhafft Do von behabeten ſú das wal Jr landes herre parcifal Streit den ſinen ferre vor Do ſtundent offen gar die tor Mit ſlegen er die arme erſwang Sin ſwert durch herte helme er clang Was er do ritter nyder ſluͦg Die funden do arbeit genuͦg Die kunde man ſú leren Zuͯ der halbergen ſú keren Die burger dottent roch ſchin Sú erſtochent ſú zú den ſlitzen in Parcifal er werte das Do ſú dar vmbe erhorten ſinen has Zwentzig ſú ir lebende vingen E ſú von dem ſtrite gingen Parcifal wart wol gewar Das clamide mit ſiner ſchar Ritterſchafft zuͯ den porten meit Vnd das er an der halden ſtreit Der junge muͯtes herte Kerte an das vngeferte Hin vmb begunde er gohen Des kv́nniges fanen nohen Sehent do wart clamides ſolt Alrerſt mit ſchaden do geholt Die burger ſtriten kunden So das in gar verſwunden Die herten ſchilt vor der hant Parcifals ſchilt ver ſwant Von ſlegen vnd von ſchúſſen Wie wenig ſú es genúſſen Die ſuͯcher die das ſohen Des priſes ſú jme alle johen Galogandres druͦg den nāmmen Der kunde das her wol gemanen Der lag an des kv́nniges ſiten dot Clamide kam ſelb in not Jme vnd den ſinen wart do we Den ſtorm verbot do clamide Die burger manheit wis Behielten fromen vnd pris xxvj Alſo parcifal hieſz der gefangen die in den bloͯc=her logent gar wol pflegen mit guͯter handelūnge PArcifal der werde tegen Hieſz der gefangen ſchone pflegen Vntze an den dritten morgen Das vſſer her pflag ſorgen Der junge ſtoltz wurt gemeit Nam der gefangen ſicherheit Er ſprach alſo ich es úch enbúte So koment wider guͦte lúte Jr harneſch er behalten bat Jn das her ſú kerten fúr die ſtat Wie ſú weren von truncken rot Die vſſern ſprochent hungers not Habent ir gedult ir armen Lont vns úch nit erbarmen Sprach die gefangen ritterſchafft Dor jnne iſt ſpiſe alſoliche krafft Woltent ir hie ligen noch ein jor Sú behielten úch mit in fúr wor Die kv́nnigin hett den ſchonſten man Der ſchiltes ampt ye gewan Er mag wol ſin von hoher art Aller ritter ere iſt zuͯ jme geſpart Do das er hort clamide Alrerſt det jme ſin arbeit we Botten ſante er wider in Vnd enbot wer by der kv́nnigin Do gelegen wer Jſt er kamppfes ber So das ſú in dofúr hant erkant Das es ir lip vnd ir lant Mir mit kamppfe getúre weren So ſy ein frodefrẏde von beiden heren Parcifal des wart alfro Das jme die botſchafft aldo Gegen jme ein kamppff was geſaget Do ſprach der junge vnverzaget Do vor ſy jme min truwe ein pfant Das des jnnern heres do kein hant Komet durch min not zuͯ wer Zwúſchent dem graben vnd dem vſſern her Wart beſtetet diſer fride Do woppetent ſich die kamppff ſmide Do ſaſz der kv́nnig von brandigan Vff ein gewoppent caſtilan Das was geheiſſen gúneriors Von ſinem nefen grigors Dem kv́nnige von ipotente Mit richem priſente Was es komen clamide Von dem v́ber den ichter ſe Es brachte der groffe narant Vnd dar zuͯ duſent ſariant Mit harneſch alle ſunder ſchalt Den was ir ſolt al dar gezalt Voͯlleclychen zweẏ jor Seit die offentúre fúr wor Grigors jme ſante ritter kluͦg Fúnff hvndert ẏegelicher truͦg Helm vff houbet gebunden Die wol mit ſtrite kunden Do het clamides her Vff dem lande vnd in dem mer Palrapeir alſo belegen Die burger muͯſten komer pflegen ⸿Es kam geritten parcifal An das vrteiliche wal Do got erzeigen wolte Obe er in loſſen ſolte Des kv́nniges tampentoris barn Stebelich er kam gefarn Jn an als das roſz den walap Vor der rabbine gap Das was gewoppent wol fúr not Von ſamit ein decke rot Lag vff der iſerinen An jme ſelb lieſz er ſchinen Roten ſchilt roten kurſit Clamide er huͦp den ſtrit Fuͦrt ein vnbeſnẏtten ſper Brochte er durch juſte willen her Do mit er nam den punder lang Gúneriors mit herter ſprang Wol do gejuſtieret wart Von den zweyen jungen one bart Sunder failieren Von lúten noch von tieren Wart nẏe geſtritten herter kampff Jetweder roſz von muͯde dampff Suſz hettent ſú gefochten Das die roſz nit me moͯchten Do ſtruſſetent ſú dar vnder Biſamet nit beſunder Jr yetweder der geruͯchte Das ers in dem helm ſuͦchte Sú moͯchtent fúrens nit gepflegen Jn was zuͯ werck aldo gegeben Do zer ſtuben in die ſchilt Als der mit ſchimppff ſpilt Vnd federn wúrffe in den win Dannoch was gahmúretes kint Niergent múde an ſinem lide Do wonde clamide das der fride Were gebrochen vſz der ſtat Sinen kamppff genos er do bat Das er ſihſich ſelben erte Vnd manigen wurff werte Es gingen vff in der ſlege groſz Die worent wol der ſteine genoſz Suſz antwurt jme des landes wirt Jch wene dich manigen wurff verbirt Wenne do fúr iſt min truwe pfant Hetteſt du fride von miner hant Dir enbreche manigen ſwenckel Brúſt houbet noch den ſchenckel Clamide trang múde zuͯ Die was jme dennoch alzuͦ fruͦ Sú gewunnen ſú verluren Wart ſunder do mit ſtrytſtreyt erkuren Doch wart der kv́nnig clamide An ſcumpfentúre beſchouwet E Mit einem nyder zucke Von parcifals drucke Wuͯte jme bluͯte vs oren vnd naſen Das macht rot den gruͯnen waſen Er enbloͯſſet jme das houbet ſchúr Von helm vnd von herſemir Gegen ſlag ſaſz der betwungen lip Der ſigehafft ſprach min wip Mag nuͦ bliben vor dir fry Nuͯ lere was ſterben ſy Neina werder tegen balt Din ere iſt ſuſz driſſig falt Mere an mir erzeiget Sit du mich haſt geneiget Wo moͯchte dir hoher priſz beſchehen Conduwúr amerſz mag wol jeg*jehen DesDas ich der vnſelige bin Vnd din glúck hat gewin Din lant iſt erloͯſet Vnd bin ich entbloͯſet Es wurt vil deſte lichter Min gewalt iſt ſicher Recht manlich wunne Jſt worden an mir dúnne Durch was ſolteſt du mich ſterben Jch muͯſz doch laſter erben Vff alle min noch komen Du haſt den pris vnd den fromen Duͦſt mere des aner des one not Jch trage den bebendigen dot Sit ich von ir geſcheiden bin Die mir hertze vnd ſin Je mit ir gewalt beſloſz Vnd djch des mer gegen ir genoſz Des muͯſz ich vnſelig man Jr lip ir lant dir lidig lan DO dochte der den ſig hat Sin an gúrnemantz rat Das ellenthaffter manheit Erbermde ſolte ſin bereit Suſz volget er dem rote nach Zuͯ clamide er ſprach Jch wil dich nit erloſſen Du bringeſt denne lyoſzen Vatter dine ſicherheit Nein herre dem han ich hertzeleit Getan jch erſluͦg jme ſinen ſuͦn Du enſolt alſo mit mir nit tuͦn Dủrch kunduwúr amurs Vohent ouch mit mir ſcenteflurſz Ouch wer ich dot von ſiner hant Wenne das mir halff ſin ſcunſcant Jn ſant in das lant zuͯ brobartz Gurnemantz der grahartz Mit wurdeclicher heres crafft Der doten guͯte ritterſchafft Núne hundert die wol ſtritten Gewoppent roſſe ſú alle ritten Vnd fúnffzehenhundert ſariant Gewoppent ich ſú in ſtrite fant Den braſt nit wenne den ſchilt Sins heres mich befilt Jr kam doch kume der ſumme wider Vier helde ſloſz ich ſider Nuͯ darbe ich freide vnd ere Wes gerſt du von mir mere Jch wil ſenfften dinen freiſen Far gegen den britaneiſen Dar fert ouch vor dir kingrun Gegen artuſe dem britun Dem ſolt du mynen dienſt ſagen Bitte in das er mir helffe clagen Laſter das ich fúrte dan Ein jungfrouwe mich lachet an Das man die durch mich zerblou So ſere mich nẏe ding gerou Der ſelben ſage es ſy mir leit Vnd bringe ir dine ſicherheit So das du leiſteſt ir gebot Oder nym alhie von mir den dot Sol das geteilt gelten So enwil ich es nit ſchelten Sprach der kv́nnig von brandigon Jch wil die fart von hinnan han Mit gelúbde dennen ſchiet Den ſin hochffart E verriet Parcifal der wigant Ging do er ſin roſz almuͯtalmuͯde fant Sin fuͯſz dar noher nẏe gegreif Er ſprang dar vff one ſtegereiff Das alvmbe begunde zirben Sin verhouwen ſchilites ſchirben Das worent die burger gemeit Das vſſer her ſach hertzeleit Man fuͦrte den kv́nnig clamide Dem brat vnd lide dotent we Do ſin húlffer woren Die dotten mit den boren Frúmter an ir reſte Dar vindentz lant die geſtgeſte Clamide der werde Reit gegen bofar vff die erde Artus der britúm Der lag zuͯ dyanazdruͦm Vnd die von tafelrunder Sament nicht beſunder ⸿Ob ich nuͦ nicht gelogen han Vor dianazdruͦm dem plan Der muͯſte zelt ſtangen wonen Jenner danne in ſpeſhart ſy ronen Mit ſollicher maſſenye lag Durch hochgezit den pfingeſt tag Der kv́nnig mit maniger frouwen Ouch moͯchte man do ſchouwen Manig banẏer vnd ſchilt Den ſunder woppen was gezilt Vnd manigen wol geherten ring Es duchte in nuͦ vil groſſe ding Wer moͯchte die reiſe lachen Solichem wibes here machen Ouch wonde do ein froͧwe ſan Sú ſolte den priſz verlorn han Hette ſú do nicht ir amis Jch dete es do keine wis Es was do manig tumber lip Jch brechte vngerne min wip Jn alſo groſz gemenge Jch forchte vnkunt gedrenge Etlicher hin zuͦ ir ſpreche Das in ir mynne erſteche Vnd in die freide blante Ob ſú die not erwante Das dienet er vor vnd noch Mir was E mit ir dannen goch ⸿Jch han geret vmb min ding Nuͯ hoͯrent wie artus ring Erkentlich was beſunder Vor vs mit richem ponder Die maſſenie vor jme laſz Manig wert man gegen falſch laſz Vnd manig jungfrouwe ſtoltz Das nit wenne juſte was ir boltz Jr frúnt ſú gegen dem vigende ſchoſz Lerte in ſtrit do komer groſz Do ſtunt licht ir gemúte Das ſú es jme galt mit guͯte Clamide der júngeling Reit mitten in den ring Verdecket roſz verwoppent lip Sach an yme artuſes wip Sin helm ſin ſchilt verhouwen Das ſohent gar die frouwen Suſz was er zuͦ hoffe komen Jr habent E wol vernomen Das er des wart betwungen Er erbeiſſete vil gedrungen Wart ſin lip E er ſitzen fant Frouwe connewaren de lalant Do ſprach er frouwe ſit ir das Der ich ſol dienen one has Ein teil mich es twinget not Sinen dienſt enbútet úch der ritt̉er rot Der wil vil gantze pflichte han Was úch zuͦ laſter iſt getan Ouch bittet er artuſen clagen Jch wene ir ſit durch in geſlagen Frouwe ich bringe úch ſicherheit Alſo mir gebot der mit mir ſtreit Nuͯ leiſt ichs gerne wenne ir welt Min lip gegn dote was gezelt ⸿Frouwe coniuera de lalant Greiff an die geſerten hant Aldo frouwe ginofere ſas Die one den kv́nnig mit ir as Keẏe ouch vor diſem tiſche ſtunt Aldo jme wart diſe mere kunt Der wider ſas es jme ein teil Des wart frouwe conuwera geil Do ſprach er frouwe diſer man Was der hat gegen úch getan Des iſt er faſt vnderzogen Doch wene ich es iſt vngelogen Jch dette es durch hoͯffeliche ſitte Vnd wolt úch han gebeſſert mitte Dar vmb habe ich iren has Je doch wil ich úch roten das Heiſſen entwoppen diſen gefangen Jn mag hie ſtens erlangen Jme bat die jungfrouwe vier Abe nemen helm vnd herſenier Do *man die beẏde von jme gebant Clamide wart ſchier erkant Kingrun ſach dick An in kintliche blicke Do wurden an den ſtunden Sin hende alſo gewunden Das ſú begunden krachen Alſam die durren ſpachen Den diſch ſtieſz von jme zuͯ hant Clamides ſcunſcant Sinen herren frogete er mere Den fant er freiden lere Der ſprach ich bin zuͯ ſchaden erkorn Jch han ſo wurdig her verlorn Das muͯter nẏe gebot ir bruſt Dem der erkante hohe verluſt Mich enruwe nit min hers tot Do gegen mynne mangels not Leſtet vff mich ſollichen laſt Mir iſt freide geſtin hohemuͦt glaſt Conduwúr amurs frúnt mich gra Pilatus von poncia Vnd der arme judas Der by einem kuſſe was An der truweloſen fart Do jheſus ver roten wart Wie das ir ſchoͯppfer reche Die not ich nit verſpreche Das brobrartzere frouwen lip Mit ir hulden wer min wip So das ich ſú vmb vinge Wie es mir dar noch ginge Jr muͦme iſt leider ferre Dem koͯnnige von iſer terre Min lant vnd das volg brandigan Muͯſſen ſin yemer jomer han Mins vettern ſuͦn monobagrin Leit ouch do zuͯ lange pin Nuͯ bin ich kv́nnig artus Her geritten in dis huſz Betwungen von ritters hant Du weiſt vil wol das in min lant Dir manig laſter iſt getan Des vergiſſe nuͦ vil werder man Die wile ich hie gefangen ſy Loſſe mich ſolliches haſſes fry Mich ſol frouwe guneware Ouch ſcheiden von dem fare Die min ſicherheit enpfing Do ich gefangen fúr ſú ging Artuſes getruwelicher munt Verkoſe die ſchulde ſan zuͯ ſtunt ⸿Do frieſch wip vnd man Der den kv́nnig von brandigan Was geritten vff den ring Nuͦ dar noher dringa dring Schiere wart das mere breit Mit zúchten yeſch geſellicheit Clamide der freiden one Jr ſúllent mich gawane Befelhen frouwe bin ichs wert So weiſz ich wol das ers ouch gert Leiſt er dar an uwer gebot Er eret úch vnd den ritter rot Artus bat ſiner ſweſter ſuͦn Geſelicheit dem kv́nnige tuͦn Das were jedoch ergangen Do wart wol enpfangen Von der werden maſſenie Der betwungen falſches frie Zvͦ clamide ſprach kingruͦn Owe das je kein brytun Dich betwungen ſach zuͦ hus Noch richer denne artus Wer die helffe vnd vrbor Vnd hetteſt dine jugent beuor Sol artus do von priſz nuͦ tragen Das keye durch zorn hette geſlagen Vwer edele fúrſtinne Die mit hertzen ſinne Jr mit lachen hat erwelt Der one liegen iſt gezelt Mit worheit fúr den hoͯheſten priſz Die britaneiſe ir lobes ris Wenent nuͦ hoch geſtoſſen han On ir arbeit wart getan Das dote her wider wart geſant Der kv́nnig von kuncumer lant Vnd das min herre jme ſiges jach Die man gegen jme in kamppfe ſach Der ſelbe hat betwungen mich Gar one helingen ſlich Man ſach do fúre vs helmen wegen Vnd ſwert in henden vmb tregen DO ſprochent alle glich Beide arm vnd rich Das keiner hette miſſetan Hie ſúllent wir diſe mere lan Vnd komens wider an die fart Das wuͯſte lant erbuwen wart Do krone truͦg parcifal Man ſach do freide vnd ſchal Sin ſweher tampanteir Lieſz jme vff pelrapeir Liecht geſtein vnd rotes golt Das teilt er ſo das man yme holt Was durch ſine milte Vil banier nuwe ſchilte Der wart ſin lant gezieret Vnd vil getúrnyeret Von jme vnd von den ſinen Er lieſz dicke ellen ſchinen An der marck ſines landes ort Der junge tegen vnerfort Sine ſtat was gegen den geſten Gepriſet fúr den beſten ⸿Nuͯ hoͯrent ouch von der kv́nnigin Wie moͯchte der jemer baſz geſin Der junge ſuͯſſe werde Het den wunſch vff der erde Jr mynne ſtunt mit ſollicher krafft Gar one wanckes an hafft Sú het ir man do vor erkant Jetweders an dem anderen fant Wes ſin hertze gerte Die truwe ſú des werte Er was ir liep alſo was ſú jm Wenne ich das mer an mich nuͯ nym Das ſú ſich muͯſſent ſcheiden Do wehſſet ſchade in beiden Ouch ruwet mich das werde wip Jr lúte ir lant vnd dar zuͯ iren lip Schiet ſin hant von groſſer not Do gegen ſú jme ir mẏnne bot Eines tages er mit zúchten ſprach Do er ritter horte vnd ſach Ob ir gebietent frouwe Mit vrlobe ich ſchouwe Wie es vmb min muͦter ſte Obe der wol oder we Sy das iſt mir vnkunt Dar wil ich in einer kurtzen ſtunt Vnd ouch dủrch offentúre v*zil Mag ich úch gedienen vil Das giltet uwer mynne wert Suſz hette er vrlobes begert Er was ir liep ſo das mere gicht Sú enwolte jme verſagen nicht Von allen ſinen mannen Schiet er alleine dannen xxvij Alſo parcifal zuͦ montſaluaſche kam do der gral vnd der ſiech anfortes was : besteht aus einem etc-Zeichen und einer dazugehörigen Schlaufe. WEr ruͯchet hoͯren was nuͯ kumpt Den offenture hat vs gefrumpt Der mag groſſe wunder Mercken al beſunder Lont riten gamire*gamiretes kint Wo nuͯ getruwe lúte ſint Die wunſchent jme heiles es muͦſz ſin Das er nuͦ lidet hohe pin Etwenne ouch freide vnd ere Ein ding in muͯget ſere Das er von ir geſcheiden was Das nẏman von wibe nẏe gelas Noch ſus geſaget mere Die ſchoͯner vnd beſſer were Gedanck noch der kv́nnigin Begunde krencken jme den ſin Den muͯſte er gar verloren han Were er nit ein gehertzeter man Mit gewalt den zoum das rochroſz Truͦg v́ber rúnen vnd das moſz Wenne es wúſte nyemans hant Vnd duͦt die offentúre bekant Das er by dem tage reit Ein nagel hette es arbeit Solt ers alles han erflogen Mich enhabe die offentuͯre betrogen Sin reiſe was ſo groſz Des tages do er ichorn ſchoſz Vnd ſit do er von grahartz Kam in das lant zuͯ brobartz ⸿Wellent ir nuͯ hoͯren wie es jme erge Er kam des obendes an einen ſe Do hetten geanckert weide man Den was das waſſer vndertan Die woren dem ſtaden ſo nohen Do ſú in riten ſohen Das ſú wol horten was er ſprach Einen er in dem ſchiff er ſach Der hette an ẏme ſollich gewant Obe jme dienten alle lant Das er nit beſſer dorffte ſin Gefurieret ſine hut pfewin Den ſelben viſchere Begunde er frogen mere Das er jme riete durch got Vnd ouch durch ſiner zucht gebot Wo er herberge moͯchte han Do antwurt jme der trurige man Er ſprach herre mir iſt nit erkant Das wider waſſer oder lant Jn driſſig milen erbuwen ſy Wenne ein huſz lit hie by Mit truwen ich úch rote dar War moͯchten ir daling anderſwar Dort an des felſches ende Dar kert zuͯ der zeſewen hende So ir vff hin koment an den graben Jch wene do muͯſſent ir ſtille haben Heiſſent úch die brucke nẏder loſſen Vnd offenen úch die ſtroſſen ⸿Mit vrlop er dennen ſchiet Vnd det alſo jme der viſcher riet Er ſprach kompt ir ir recht dar Jch nȳmme uwer hinnacht ſelber war So danckent alſo man uwer pflege Huͯtent úch do gont vnkunde wege Jr múgent an den liten Vil wol miſſeriten Das iſt wor das ich úch doch nit gan Parcifal der huͦp ſich dan Er begunde wackerlichen traben Den rechten pfat bitz an den graben Do was die brucke vff gezogen Din burg an feſte nit betrogen Driſtunt recht alſo obe er were gedret Es enflúge oder hette der wint gewet Mit ſturme ir nicht zuͯ ſchaden was Vil turne manigen palas Do ſtunt mit wunderlicher wer Obe ſú ſuͯcheten alle her Sú geben fúr die ſelbe not Zuͯ driſſig joren nit ein brot ⸿Ein knappe des geruͦchte Vnd frogete in was er ſuͯchte Oder wennan ſin reiſe were Er ſprach der viſchere Hat mich von jme her geſant Jch han genẏgen ſiner hant Nit wenne durch herberge wan Er bat die brucke nẏder lan Vnd hieſſe mich zuͯ úch riten in Herre ir ſúllent wilkomen ſin Sit es der viſcher verjach Man bútet úch ere vnd gemach Durch in der ſande nẏderwider Sprach der knappe vnd lieſz die brucke nẏder Jn die burg der kuͯne reit Vff einen hoff wit vnd breit Durch ſchimppfe er nit zuͯ trege was Do ſtunt alkurtz gruͯnes graſz Du was buhardieren vermitten Mit banẏeren ſelten v́ber ritten Als der anger zuͯ oben berg Selten froͯliche werg Was do gefromt zuͯ langer ſtuͯnt Jn was heiſſe jomer kunt Wenig er des gegen in engalt Jn enpfingen ritter jung vnd alt Vil cleiner jungherlin Sprungen gegen dem zoume ſin Jegelicher fúr das ander greiff An zoum vnd an *ſtegereiff Suſz muͯſte er vom roſſe ſtan Jna bottent ritter *fúrbas gan Die fúrten in an ſin gemach Harte ſchiere das geſchach Das er mit zucht enwoppent wart Do ſú den jungen one bart Geſohent als mynneclich Sú johent er were ſelden rich Er was ein junger man Er truͦg den ruͦm von jme ſan Vnder den ougen vnd handen Alt vnd jung wanden Das von jme ander tag erſchein Suſz ſaſz der mynneclich rein Gar vor allem zadel fry Mit pfelle von araby Truͦg man einen mantel dar Den leit an ſich der wol gefar Mit offener ſnuͯre Es was jme ein lobes gefiere Do ſprach der kamerer cluͦg Repan ſo die ſcorie in truͦg Min frouwe die kv́nnigin Obe ir ſol er úch glihen ſin Wenne úch iſt cleider noch nicht geſnitten Jo mocht ir ſu es mit eren bitten Wenne ir ſint ein werder man Ob ich es pruͯffet rechte han So het min lip glúck erholt Die gottes crafft git ſollichen ſolt MAn ſchangte jme vnd pflag ſin ſo Die trurigen worent mit jme fro Man bot jme wurde vnd ere Wenne do was rotes mere Denne er zuͯ pelrapeir fant Do die von komer ſchiet ſin hant Sin harneſch was von jme getragen Das begunde er ſit her clagen Do er ſchimppfes ſich nit verſan Zuͯ hoffe kam der werde man Den enpfing man mynneclich Den gaſt ellentrich Zuͯ dem wurt als obe jme were zorn Des hette er noch den lip verlorn Von dem jungen parcifal Do er ſin ſwert wol gemal Niergent by jme ligen fant Der fúrſte twang er ſus die hant Das jme das bluͦt vs den nagelen ſchoſz Vnd jme den ermel gar begoſz Nein herre ſprach die ritterſchafft Es iſt ein man der ſchimppfes crafft Hat wie trurig wir anders ſint Duͦt uwer zucht gegen jme ſchin Jr ſúllent es nicht anders han vernomen Wenne das der ritter ſy komen Dar gont in vnd ſit jme ein werder gaſt Vnd lont von úch den zornes laſt Sú gingent vff ein palas Do hundert crone gehangen was Vnd vil kertzen dar vff geſtoſſen Obe den huſz genoſſen Clein kertzen vmb an der want Hundert bette er ligen fant Das ſchuͯffen die es pflogen Hundert gultern dar vff logen Jo vier geſellen ſunder ſitz Do entwiſchen was ein vnder vitz Dar vor ein teppich ſinnewel Fili roys frimutel Moͯchte wol geluſten das Eines dinges man do nit vergaſz Sú hette nit betúret Mit marner was gemúret Drú vier ecke mit rame Dar vff was des fúr name Holtz lihieſz lingnum aloe So groſſe fúrrer ſit noch E Sach nẏeman hie zuͯ wilden berg Jennes worent koͯſtlich werg ⸿Der wurt ſich ſelber ſetzen bat Gegen der mittelen fúrſten ſtat Vff einem ſpanbette Es was worden wette Zwúſchent jme vnd der fronde Er lebete nit wenne tonde Jn den pallas kam gegangen Der do wol wart enpfangen Parcifal der wol gefar Von jme do ſante dar Er bleip nit langer ſtan Des bat der wurt her noher gan Er ſprach ſitzen zuͯ mir do her an Setzt ich úch ferre dort hindan Das were úch alle zuͯ geſtlich Der wurt was jomers rich Vnd hette durch ſin ſiecheit Groſſe fúre vnd warme cleit Wit vnd lang zobelen Suſz muͯſte vſſen vnd jnnen ſin Ein beltz vnd ein mantel dar obe Der ſwecheſte balg wer wol zuͯ lobe Der was doch ſwartz vnd gro Des ſelben was ein huͦbe do Vff ſinem houbet zwiffalt Von zobel den man túre galt Sinwel arabiſch ein bort Oben dar vff gehort Mitten dar an ein knoͯppfelin Ein durlichtig rubin So ſaſz manig ritter cluͦg Do man jomer fúr ſú truͦg Ein knappe ſprang zuͯ der túre herin Der truͯg ein gleuin Der ſitte was zuͯ truren guͦt An der ſnyden huͯp ſich bluͦt Vnd lieff den ſchafft vntze an die hant Das in dem ermel wider want Da wart geweinet vnd geſchrit Vff dem pallas wit Das volg von driſſig landen Mochte es den ougen nit enblanden Er truͦg ſú in ſinen henden Alvmb zuͦ den vier wenden Vntze aber wider zuͯ der túr Der knappe ſprang hin vs darfúr Geſtillet was des volckes not Alſo jme des jomer E gebot Des ſú die gleuin het ermant Die brochte der knappe in ſiner hant ⸿Wil úch nuͦ nit belangen So wurt hie zuͯ gefangen Das ich úch bringe an die fart Wie do mit zúchten gedienet wart Zuͯ ende an dem palas Ein ſtehelin túre entſloſſen was Do gingent vs zwey werde kint Nuͯ hoͯrent wie die ſo gepruͯffet ſint Das ſú geben mynne ſolt Was do mit dienſt hette erholt Das worent jungfrouwen clor Zwey ſchappel v́ber bloſz hor Blúmen was ir gebende Jetweder vff einer hende Vnd truͦg von golde ein kertzſtal Jr hor was rot reit vnd fal Sú trugent búrnende liecht Hie ſúllent wir vergeſſen nicht Vmb der jungfroͧwen gewant Do man ſú komende jnne fant Die greffin von thenebrog Mit ſcharlachen was ir rog Des ſelben truͦg ouch ir geſpil Sú worent gefiguriert vil Mit zwein gúrtelin an der krencke Obe der húffe an dem glencke Noch den zwein kam ein hertzogin Vnd ir geſpil zwey ſtoͯllelin Sú truͦgen von helffenbein Jr munt noch fúres roͯte ſchein Die nẏegen alle vier Zwoſaſten ſchier Fúr den wurt die ſtollen Do wart gedienet mit follen Die ſtunden ſamit an einer ſchar Vnd wolworent alle wol gefar D*Dẏſen wer was glich ir wat Sehent wo ſich nit verſumet hat Ander frouwen vierſtunt zwo Den was gebotten alſo Das ir viere triegent kertzen groſz Die anderen vier nit verdroſz Sú truͦgen einen dúren ſtein Des tages die ſunne liecht durch ſchein Do vor was ſin nāmme erkant Es was ein granat jachant Beide lang vnd breit Durch die liecht in do in ſneit Wer in zuͯ einem tiſche maſz Dar abe durch ein richeit as Sú gingen harte rechte Fúr den wurt alle echte Gegen nygen ſú ir houbet wegeten Wer die kanelen legeten Vff ſtollen die do komen E Helffen bein wis als ein ſne Mit zucht ſú kunden wider gon Zuͯ den erſten vieren ſton An den acht frouwen was Roͯcke gruͯner denne ein graſz Von dem adamas ſamit Geſnẏtten wol lang vnd wit Do mitten ſú zuͯ ſammen twang Túre gúrtel ſmal vnd lang Diſe achte jungfrouwen cluͦg Jegelich obe irem hore truͦg Ein clein bluͯmen ſchappel Der graffe jwan von nauel Vnd jernis von rale Jo was v́ber manig mile Zú dienſt ir dochter do genomen Die zwo fúrſtin ſach man komen Jn harte wunneclicher wat Zwey meſſer ſnydende alſo ein grat Brochten ſú beſunder Vff zwey twehelin beſunder Su woren ſilberin herte wiſz Dar an lag ein ſpeher fliſz Jn was ſollich ſcherppff nit vermitten Sú hettent ſtahel wol geſnẏtten Vor den meſſern kuͯne frouwen wert Der do zuͦ dienſte was begert Die truͯgent liecht den meſſern by Vier kint vor jme yewende fry Suſz gingent alle ſechſz zuͦ Nuͯ hoͯrent was ẏegeliche duͦ Sú nyder ir zwo do truͦgent ſú dar Vff die toffelen wol gefar Die meſſer vnd leiten ſú nyder Vnd gingent do mit zúchten wider Zuͯ den erſten zwoͯlffen ſtan Ob ichs gepruͯffet rechte han Hie ſúllent achtzehen frouwen ſtan Owe nuͯ ſicht man ſechſſe gan Jn wete die man túre galt Das was halbes blialt Das ander pfelle von jme Diſe vnd die erſten ſehs E Truͯgent zwoͯlff roͯcke geteilet Gegen túrer koſt gefeilet Noch den kam die kv́nnigin Jr antlitz gap den ſchin Sú wonden alle es wolte jagen Man ſach die maget an ir tragen Pfelle guͦt von araby Vs einem gruͯnen achmardi Truͦg ſú den wunſch von paradis Beide wurtzelen vnd ris Das was ein ding das hieſz der gral Erden wunſches v́ber wal Ropanſe de ſchoẏe ſú hieſz Die ſich den gral tragen lieſz Der grol was von ſollicher art Wol muͯſte ir kúſche ſin bewart Die ſin zuͯ rechte ſolte pflegen Sú muͯſte falſches ſich bewegen Vor dem grol komen licht Die worent armer koſte nicht Sehs glaſz luter wol getan Dar jnne balſam der wol bran Do ſú komen fúr die tor Zuͯ rechter moſſe alſus her vor Mit zúchten neig die kv́nnigin Vnd alle die jungfrouwelin Die do truͦgent balſam faſz Die kv́nnigin falſcheit laſz Saſt fúr den wurt diden gral Diſe mere gicht das parcifal Dicke an ſú ſach vnd dochte Dir den gral do brochte Er hette ouch ir mantel an Mit zucht die ſúben gingen dan Zuͯ den achtzehen erſten Do lieſſent ſú die herſten Zwúſchen ſich man ſagete mir Zwolff yetweder haben ir Die maget mit der crone Stunt do harte ſchone Vwer ritter do geſeſſen was V́ber allen den pallas Denne worent kammerere Mit ſilbern bechern ſwere Je vieren geſchaffet einer dar Vnd ein jungherre wol gefar Der ein wiſz twehelin truͦg Man ſach do richeit genuͯg Der toffelen muͯſtent hundert ſin Do man do truͦg zuͯ der túren in Man ſatte jegelichen ſchiere Vor werder ritter viere Tiſlach far noch witz Wurdent dar vff geleit mit fliſz Der wurt do ſelb waſſer nam Der was an hohem milte lam Mit jme twuͦg ſich parcifal Ein ſiden twehel wol gemal Die bot eins groffen ſuͯn do noch Dem was zuͯ knuwende goch Wo do der taffelen keine ſtunt Do det man vier knappen kunt Das ſú ir dienſtes nit vergeſſen Den die dar obe ſeſſen Zwene knuweten vnd ſnẏtten Die anderen zwene nit vermitten Sú truͦgen drincken vnd eſſen dar Vnd noment ir mit dienſte war HOrent jne von richeit ſagen Vier karatſchen muͯſten tragen Manig túr golt faſz Jegelichem ritter der do ſaſz Man zoch ſú zuͦ den vier wenden Vier ritter mit den henden Mans vff die taffelen ſetzen ſach Jegelichem ging ein ſchriber nach Der ſich dar zuͦ arbeite Vnd ſú wider vff bereite So do gedienet were Nuͯ hoͯrent ein ander mere Hundert knappen man gebot Die noment in wiſz twehelen brot Mit zúchten vor dem grabe Die gingent alle zuͯ male Sú teilten fúr die taffeln ſich Man ſagete mir nuͯ ſage ouch ich Vff uwer uwer ẏegeliches leiteit Das vor dem grole were bereit Sol ich des ẏeman triegen So muͯſſent ir mit mir liegen Wo noch ẏemer bot die hant Das er albereit fant Spiſe warm vnd kalt Spiſe nuwe dar zuͦ alt Das zam vnd das wilde Es wart nẏe kein bilde Beginnet maniger ſprechen Der wil ſich vnſchoͯne rechen Wenne der grole was der ſelden frucht Der werde ſuͯſſe ein ſollich genucht Er wag vil noch glich Al*Alz man ſagete von hȳmmelrich Jn clein golt faſz man nom Alſo jegelicher ſpiſe zam Salſſan pfeffer agras Do hette der kúſch vnd der fraſz Alle wol glich genuͦg Mit groſſer zúcht man es fúr truͦg Moratz win zenopel rot Wo noch den napff ẏegelicher bot Was er drinckens do kunde nennen Das moͯchte er dar in erkennen Alles von des groles crafft Die werde geſelleſchafft Hette wurtſchafft von dem gral Wol gemarcket parcifal Die richeit vnd das wunder groſz Durch zucht in frogens doch verdros Er dacht mir riet E gurnemantze Mit groſſen truwen one ſchrantz Jch ſolt vil gefrogen nicht Was obe min weſen hie geſchicht Die moſſe alſo dort by jme One frogen ich vernẏme Wie es der maſſenie ſtat Jn dem gedang noher gat Ein knappe der bracht ein ſwert Des balg was tuſent marcke wert Sin gehiltz was ein robin Ouch moͯchte wol die clinge ſin Groſſer wunder vrhab Der wurt es ſinem gaſte gab Der ſprach herre ich bracht es in not Jn maniger ſtat E das mich got Nuͯ ſit der mit ergetzet Obe man uwer hie nit wol pflege Jr muͯgen wol fuͯren alle wege wenne ir gepruͯfen ſinen art Gegen ſtrit ſit ir do mit bewart ⸿Owe das er nit frogete do Des bin ich vor in noch vnfro Wenne do ers enpfing in ſin hant Do was er frogens mit ermant Ouch ruwet mich ſin ſuͯſſer wúrt Den vngenode nit verbúrt Des jme von froge nuͯ were rat Genuͦg man do gegeben hat Die es pflogen die griffens an Sú truͦgen das gerúſt wider dan Vier karratſchen man do luͦt Jegelich frouwe ir dienſt duͦt E die jungeſten nuͯ die erſten Do ſchuͯffens aber die herſten Wider zuͯ dem grale Dem wurt vnd parcifale Mit zúchten neig die kv́nnigin Vnd alle die jungfrouwelin Sú brochten wider in zuͯ der túr Das ſú mit in E truͦgent fúr Parcifal in blicket nach An einem ſpanbette er ſach Jn einer kemenaten E ſú noch in zuͯ getaten Den aller ſchoͯnſten alten man Der ir kunde ẏegewan Jch mag es wol ſprechen one gúfft Er was ouch grouwer denne der túfft Wer der ſelbe were Des freiſchet er noch mere Dar zuͯ der wurt die burg das lant Die werdent úch von mir genant Her noch ſo das wurt zit Beſcheidenlich vnd one ſtrit One alles verzogen Jch ſach die ſenewe one bogen Die ſenwe iſt ein byſpil Nuͯ duncket mich der boge ſnel Doch iſt ſneller das die ſenwe jaget Obe ich úch recht han geſaget Die ſenwe glichet meren ſlecht Die duncket ouch die lúte recht Wer úch ſaget von der krúmbe Der wil úch leiten vmbe Wer den bogen geſpannen ſicht Der ſenwen er der ſlichte gicht Man welle ſú zuͯ der buͯge denen So ſú den ſchuſz muͦſz wenen Wer aber dem ſin mere ſchúſſet Des in durch not verdrúſſet Wanne das hat do nẏndert ſtat Vnd vil grú̄mmeclichen pfat Zuͯ einem oren in zuͯ dem anderen fúr Min arbeit ich do gar verlúr Obe denne min mere drúnge Oder ich ſagete oder ich ſinge Das es noch baſz verneme ein bog Oder ein vlmiger ſtog Jch wil úch bas bedúten Von diſen jomer beren lútten Zuͯ den kam geritten parcifal Man ſach do ſelten freiden ſchal Es were buhurt oder dantz Jr clagende ſtete was ſo gantz Sú kerten ſich an ſchimppfen nicht Wo man noch mẏnner volckes ſicht Den duͦt etwenne freide wol Den dort worent die winckel beide vol Vnd ouch zuͯ hoffe do man ſu ſach Der wurt zuͯ ſinem gaſte ſprach Jch wene man úch gebettet hat Sint ir muͯde ſo iſt min rat Das ir gont vnd ligent ſloffen Nuͦ ſolt ich ſchrigen woffen Vmb ir ſcheiden das ſú duͦnt Es wart groſſer ſchade in beiden kuͯnt Von dem ſpambette drat Vff einen teppich an ein ſtat Parcifal der wol geſlacht Der wurt bot jme guͦte nacht Die ritterſchafft do gar vff ſprang Ein teile ir jme do noher trang Do fuͦrtent ſú den jungen man Jn eine kammenaten ſan Die was alſo geheret Mit einem bette geeret Das mich min armuͦt ẏemer ruwet Sit die erde alſo ſolliche richeit bluͯwet Dem bette was armuͦt túr Alſo ergluͯget niemem fúr Lag dar vff ein pfelle liecht gemal Die ritter bat do parcifal Wider faren an ir gemach Do er nit mere bette ſach Mit vrlobe ſú fuͯrn dan Hie hebet ſich ander dienſt an Vil kertzen vnd die farwe ſin Die gobent zuͯ gegen ſtrite ſchin Was moͯchte liechter ſin der tag Vor ſinem bette ein anders lag Dar vff ein kulter do er ſas Jungherren ſnelle vnd nit zuͯ laſz Maniger *jme dar noher ſprang Sú entſchuͦcheten beine blang Ouch zoch jme mere gewandes abe Manig wol geborner knabe Fletig worent die ſelben kindelin Dar noch zuͯ der túr do gingen in Vil clore jungfrouwen Die ſoltent dannoch ſchouwen Wie man des heldes pflege Vnd obe er ſanfft lege Alſo mir die offentúre wuͦg Vor jegelicher ein knappe druͦg Ein kertze die wol bran Parcifal der ſnelle man Sprang vnder das deglachen Sú ſprochent ir ſúllent wachen Durch vns noch ein wile Ein ſpil mit der ile Hette er bitz an den ort geſpilt Das man gegen liechter farwe zilt Das begunde ir ougen ſuͯſſen E ſú enpfingen ſin gruͯſſen Ouch fuͦrte in gedancke not Das jme ſin munt was ſo rot Vnd das vor jugent nẏman tran Koſe gegen einer halben gran Diſe vier jungfroͧwen cluͦg Hoͯrent was *jegelich truͦg Moras win vnd luter trang Truͦgen drige vff henden blang Die vierde jungfrouwe wis Truͦg obe der art von paradis Vff einer twehelen blang gefar Die ſelbe knuwete ouch fúr in dar Er bat die jungfrouwe ſitzen Sú ſprach lont mich bẏ witzen Sú werent ir dienſtes vngewert Als min herre vor úch iſt gegert Suͯſſer rede er gegen ir nit vergas Der herre er trang ein teil er as Mit vrlob ſú gingent wider Parcifal ſich leite nyder Ouch ſatten die jungherrelin Vff teppich die kertzen ſin Do ſú in ſloffen ſohen Sú begunden dannen gohen Parcifal nit eine lag Geſelleclich vntze an den tag Was bẏ jme ſtrenge arbeit Jr botten kúnfftig leit Santen jme in ſloffe dar So das der junge wol gefar Siner muͯter troͧm gar wider wag Des ſú noch gahmúreten pflag Suſz wart geſtoppfet in dem troum Mit ſwert ſlegen vmb den ſoum Der vor mit maniger juſte rich Von rabine hurteclich Er leit in ſloff etlich not Moͯcht er driſſig ſtunt ſin dot Das hette er wachende E gedolt Suſz deilet jme vngemach den ſolt Von diſen ſtrengen ſachen Muͯſte er durch not erwachen Jme ſwitzetent oderen vnd bein Der tag durch die venſter in ſchein Do ſprach er we wo ſint die kint Das ſú hie vor mir nit ſint Wer ſol mir bieten min gewant Suſz wartet ir der wigant Vntze das er an der ſtunt enſlieff Nẏeman enret oder rieff Sú worent gar verborgen Vmb den mitten morgen Do erwachete aber der junge man Vff richte ſich aber der kuͯne ſan Vff dem teppich ſach der degen wert Ligen ſin harneſch vnd zweẏ ſwert Das ein dor wurt jme geben hieſz Das ander was von gohevies Do ſprach er zuͯ dem ſelben ſan Owe durch was iſt dis getan Das iſt wor ich ſol mich woppen dar in Jch leit in ſloffe alſo ſollich pin Das mir wachende arbeit Noch húte wene ich iſt bereit Hat diſer wurt vrlúges not So leiſte ich gerne ſin gebot Vnd ir gebot mit truwen Die diſen mantel nuwen Mir lech durch ir guͯte Wenne ſtúnde ir gemuͯte Das ſú dienſt wolte nemen Des kunde mich durch ſú gezemen Vnd doch nit durch ir mẏnne Wenne min wip die kv́nniginne Jſt an irme libe alſo clor Oder fúrbas das iſt wor Er det alſo er duͦn ſol Von fuͯſſe vff woppent er ſich wol Durch ſtrites antwúrtte Zwey ſwert er vmb ſich gúrte Zuͯ der túre vs ging *der werde man Do was ſin roſſe an die ſtege ſan Gehefftet ſchilt vnd ſper Lente dar an das was ſin ger Pảrcifal d̉er wigant PArcifal der wigant Sich des landes vnder want Maniges er dem gadem er lieff So das er noch von den lúten rieff Nieman erhorte noch enſach Vngefuͯge leit jme dar an geſchach Das hette jme zorne gereiſſet Er lieff do er was erbeiſſet Des obendes do er komende was Do was erde vnd graſz Mit trettent geruͯret Vnd das touwe gar zerfuͯret Al ſchrigende lieff der junge man Wider zuͯ ſime roſſe ſan Mit bogenden worten Das er das dar vff die porten Fant er wite vffen ſtan Dar durch mit groſſen ſlan Nicht langer er do habete Faſte vff die brucke er drabete Er verborgen knappe das ſeil Zoch das der ſlage brugen teil Hette das roſz vil nohe gefellet nẏder Parcifal der ſach wider Do wolt er han gefroget baſz Jr ſúllent han der ſunnen haſz Sprach der knappe ir ſint ein gans Mocht ir geruͯret han den den flans Vnd hette es den wurt gefroget Vil priſes hat úch betroget Noch den meren ſchre der gaſt Gegen rede jme gar gebraſt Wie vil er noch gerieff Recht alſo er gende ſlieff Warp der knabe vnd ſluͦg die pỏrten zuͯ Do was ſin ſcheiden denne zuͯ fruͦ An der verluſtberen zit Dem der nuͦ zins von freiden git Die iſt an ẏme verborgen Vmb den wurff der ſorgen Wart getoppelt do er den grol fant Mit ſinen ougen one hant Vnd one wúrffels ecken Obe in nuͯ kumber wecken Des was er do vor nit gewenet Er enhette ſich nit vil geſenet Parcifal der huͦp ſich nach Faſte vff die ſla die er do ſach Er dochte die vor mir ritent Jch wene die húte ſtritent Manlich vmb mins wurtes ding Geruͯchetent ſú es ſo were ir ring Mit mir nicht verkrencket Alſo wurde nicht gewͯncket Jch húlffe in an der ſelben not Das ich gedienet min brot Vnd ouch das mẏnneclich ſwert Das mir gap ir herre wert Vngedienet ich das trage Suͯ wenent licht ich ſige ein zage Der falſcheite wider ſatz Kerte vff der huͯpſlag dratz Sú ſchiedent das ruwet mich Alrerſt offentúrte es ſich Do begunde krencken ſchier ſpor xxviij Sich ſchieden denn die do ritten vor Jr ſla wart ſmal die E was breit Er verloſz ſú gar das was jme leit Alſo parcifal frouwe ſigunen vff einer lin=den fant ſitzen NV́ friſch der junge ſuͯſſe man Mere do von er not gewan Do erhorte der tegen ellenrich Einer frouwēn ſtime jemerlich Er was dannoch von touwe naſz Vor jme vff einer linden ſaſz Ein maget der fúgete ir truwe not Ein gebalſāmmet ritter dot Lenet ir zwúſchen den armen Wen es nit wolte erbarmen Der ſú ſo ſitzen ſehe Vntruwen ich jme ẏehe Sin roſz gegen ir do wante Der wenig ſú do bekante Suͯ was doch ſiner muͯmen kint Oder diſe truwe was ein wint Wenne die man an irme libe ſach Parcipfal ſú gruͯſte vnd ſprach Frouwe mir iriſt ſere leit Vwer ſenlich arbeit Bedúrffent ir mines dienſtes icht Jn irem dienſt man mich ſicht Sú dancketen jme vſz jomers ſitten Vnd frogetent wennan er keme geritten Sú ſprach es iſt wider zemen Das yeman an ſich nemen Sin reiſe in diſe waſte Vnkundem gaſte Mag hie wol groſſer ſchade geſchehen Jch habe es gehoͯrt vnd geſehen Das hie vil lúte ir lip verloren Die werlich den dot erkoren Kerent hinnan ob ir welt geneſen Sagent E wo ſint ir hint geweſen Dar iſt ein mile oder mer Das ich geſach nie burg ſo her Mit aller ſlachte richeit Jn kurtzerwile ich dannen reit Sú ſprach wer úch getruwet icht Den ſolt ir gerne triegen nicht Jr tragent doch eins gaſtes ſchilt V́ch moͯchte des waldes han befilt Von erbuwem lande har geritten Jn driſſig mile wart nie verſnitten Zuͯ keinem buwe holtz noch ſtein Wenne ein burg die ſtat allein Die iſt erden wunſches rich Wer die ſuͯchet fliſſeclich Leider der envindet ir nicht Vil lúte man es doch werben ſicht Es muͦſz vnwiſſende geſchehen Wer jemer ſol die burg ſehen Jch wene die iſt úch nit bekant Monſaluaſch iſt ſú genant Der burg wurtes friam Terre de ſaluaſch iſt ſin nam Es brachte der alte túttrel An ſinen ſuͦn roẏz froͧwel Suſz hieſz der werde wigant Manigen priſz erwarp ſin hant Er lag von einer juſte dot Alſo jme die mẏnne dar gebot Der ſelbe lieſz vier werde kint Bẏ richeit drẏ in jomer ſint Der vierde hette armuͦt Durch got fúr ſúnde er das duͦt Der ſelbe heiſſet trenfirent An fortes ſin bruͯder lent Der mag nit riten noch gan Geligen noch geſtan Der iſt vff muntſaluaſch wurt Vngenode in nit verbúrt Sú ſprach herre werent ir komen dar Zuͯ der jemerlichen ſchar So were dem wurt worden rat Vil komers den er lange hat ⸿Der waleis zuͯ der megde ſprach Groſz wunder ich do ſach Vnd manige froͧwe wol getan By der ſtȳmme erkant ſú den man Do ſprach ſú biſt parcifal Nuͯ ſage echt ſehe du den gral Vnd den wurt freiden lere Loſz hoͯren lieben mere Obwendig iſt ſin freẏſe Wol dich der ſelden reiſe Wenne das die lufft hant beſlagen Dar obe muͯſt du hohe tragen Denne diedir dienet zam und wilt Zuͯ reichen iſt der wunſch gezilt Parcifal der wigant Sprach wo von hant ir mich erkant Sú ſprach do bin ichs die maget Die dir E kūmmber hat geclaget Vnd die dir ſagete dinen nāmmen Du endarfft dich nit der ſippe ſchāmmen Das din muͯter iſt min muͦme Wiplicher kúſch ein bluͦme Jſt ſú gelútert one touwe Got lone dir das ſo dich rouwe Min frint der mir zuͯ der juſt do lag dot Jch han in hie nuͯ pruͯffe not Die mir hat got an jme gegeben Das er nit langer ſolte leben Er pflag manlicher guͯte Sin ſterben mich do muͯte Ouch han ich ſit von tage zuͯ tage Fúrbas erkennet nuwe clage Owe war kam din roter munt Biſt du es ſigun die mir kunt Det wer ich was on alle var Din roͯtelecht lang brunes har Des iſt din houbet bloſz getan Zuͯm foreſt in bricilan Sach ich dich do vil mynneclich Wie du wereſt jomers rich Du haſt verloren farwe vnd crafft Diner herren geſelſchafft Verdrúſſe mich ſolt ich die haben Wir ſúllent diſen dotten man begraben ⸿Do natzeten die ougen ir die wat Ouͯch was froͧwe luneten rat Niergent do bẏ ir geweſen Die riet ir frouwe lat geneſen Diſen man der den iren ſluͦg Er mag es gergetzen úch genuͦg Sigune gerte ergetzetzens nicht Alſo wip die man bẏ wancke ſicht Manige der ich wil getagen Hoͯrent me ſgſig*nniſigunen truwe ſagēn Sú ſprach ſol mich icht gefrouwen Das duͯt ein ding das in ſin tougen Loſſet den vil truwen man Schiede du helffeliche dan So iſt din lip wol priſes wert Du fuͯreſt ouch vmb dich ſin ſwert Bekenneſt du des ſwertes ſegen Du macht on angeſt ſtrites pflegen Sin ecke ligent jme recht Von edelem geſlechte Wúrckete es trebuchtes hant Ein burne ſtat bẏ karnant Dar noch der kv́nig heiſſet lag Das ſwert geſtet lang einen ſlag Am anderen es zerfellet gar Wilt du es denne bringen dar Es wurt gantz von des waſſers tran Du muͯſt des vrſprunges han Vnder einem felſz E in beſchin der tag Der ſelbe brunne heiſſet lag Sint die ſtúcke nit verroͯret Der ſú zuͯ einander keret So ſú der brunne machet naſz Gantz vnd ſtercker baſz Wurt jme faltz vnd ecken ſin Vnd verlieren nit die mol ir ſchin Das ſwert bedorff wol ſegens wort Jch foͯrchte du habeſt ſú geloſſen dort Hette es aber din munt geleret So wehſſet vnd geeret Jemer ſelden crafft by dir Lieber nefe gloube mir So múſz gar dienen diner hant Was din lip do wunders fant Ouch macht du tragen ſchone Jemer der ſelden crone Hohe obe den werden Den wunſch vff der erden Haſt du voͯlleclich Wenne nẏeman iſt ſo rich Der gegen dir koſt múge han Haſt du froge ir recht getan Er ſprach ich han gefroget nicht Ouwe das úch min ouge ſicht Sprach die jomerliche maget Sit ir frogens ſint verzaget Je ſohent doch ſollich wunders groſz Das úch frogens doch do verdroſz Aldo ir worent dem grole by Manige frouwe falſches fry Jr ſohent die werde gaſilioien Vnd repanſen de ſcoẏen Schinende ſilber vnd bluͯtig ſpor Owe was wolteſt du mzuͯ mir har Geferweter lip verflúcheter man Jr truͯgent den eiter wolffes zan Do die galle in der truwe An úch becleip ſo nuwe Vch ſolt uwer wurt erbarmet han An dem got hat wunder getan Vnd hettent gefroget ſiner not Jr lebent vnd ſint an ſelden dot Do ſprach er liebe nẏenẏfftel min Duͯ beſſern willen gegen mir Jch wandel han ich icht getan Jr ſúllent wandels ſin erlan Sprach die maget mir iſt bekat Zuͯ múntſaluaſch an úch verſwant Ere vnd ritterlichen priſz Jr vindent nuͯ do keine wiſz Do heine gegen rede an mir Parcifal ſuſz ſchiet von ir xxix Alſo parcifal mit ſtrite froͧwe jeſcuten die hulde erwarp : besteht aus einem etc-Zeichen samt dazugehöriger Schlaufe. DAs er frogens was ſo laſz Do er bẏ dem trurigen wurt was Das er gerouwe do groſzlich Den tegen ellentrich Durch clage vnd den tag ſo heiſz Begunde netzen in der ſweiſz Durch den lufft an jme erbant Den helm er fuͯrt in der hant Er enſtrickete die fantailen ſin Durch iſers rom was liecht ſin ſchin Er kam vff ein nuwe ſla Wenne es ging vor jme alda Ein roſz das was wol bſbeſlagen Vnd ein parfuͦſz pfert das muͯſte tragen Ein frouwe die er ſach *Noch der zuͯ riten jme geſchach Jr pfert gegen kumber was erſelt Man hette in durch die hut gezelt Wol alle ſin rippe gar Alſo ein harm es was gefar Ein beſten halffter lag daran Vntze vff die huͦff twang im die man Sin ougen tieff die gruͯben wit Ouch was das ſelbe ein zit Verqualet vnd vertrecket Durch hunger dicke erwecket Es was durre alſam ein zunder Sin gon das was ein wunder Wenne es reit ein frouwe wert Die ſelten kundewierte pfert Do lag vff ein gereite Smal on breite Geſchelle vnd bogen verreret Groſz zadel dar an gemeret Der frouwen trurig nit zuͯ *geil Jr fúr zúgel was ein ſeil Dem was ſú doch zuͯ wol geborn Ouch hetten die eſte vnd etlich dorn Jr hemde zerfuͯret Wo es mit zerren was geruͯret Do ſach er vil dicke ſtricke Das vnder liechten blicke Jr hut noch wiſſer denne ein ſwan Sú enfuͦrte nit wenne knoden an Wo die worent die felles tach Jn blancker farwe er das ſach Das ander leit von ſunnen not Wie es kam ir munt was rot Der muͯſte alſo ſollich farwe tragen Man hette wol fur dar vſz geſlagen Wo man ſú wolte an riten Das was zuͯ der bloſſen ſẏten Nante es ẏeman vilan Der hette ẏe vnrecht getan Wenne ſú hette wenig an ir Durch ir zucht gloubent mir Sú druͦg vngedienten haſz Wiplicher guͯte ſú nẏe vergaſz Jch ſage úch vil von armuͦt War zuͯ diſz iſt guͦt Doch neme ich ſollichen bloſſen lip Fúr etlich wol gecleidet wip DO parcifal gruͦſz gegen ir ſprach An in ſú erkentlichen ſach Er was der ſchonſte v́ber alle lant Do von ſú in ſchier hette erkant Sú ſprach ich hab úch E erſehen Do von iſt leit mir beſchehen Doch muͯſſe úch freide vnd ere Got yemer geben mere Denne ir vmb mich beſchuldet hat Des iſt armuͯt nuͯ min wat Denne ir ſú jungeſt ſohet Werent ir nicht genohet Mir an der ſelben zit So hette ich ere one ſtrit Do ſprach er frouwe merckent baſz Gegen wem ir kerent uweren haſz Jo enwart von mẏnem libe V́ch noch do keinem wibe Laſter nẏe gemeret So hette ich mich gevneret Sit ich den ſchilt von erſten gewan Vnd ritters fúr mich verſan Mir iſt anders uwer kumber leit Al weinende die frowe reit Das ſú begoſz ir brúſtelin Alſo ſú getreget ſolten ſin Die ſtunden blanck hoch ſinwel Jo entwart nẏe treſel ſo ſnel Der ſú gedreget hette baſz So mynnecliche die frouwe ſaſz Sú muͯſz in doch erbarmen Mit handen vnd mit armen Begunde ſú ſich decken Vor parcifal dem recken Do ſprach er frouwe nement durch got Vff rechten dienſt ſunder ſpot An uweren lip min kurſit Herre were das one ſtrit Das alle min freide lege dar an So gedurſte ichs doch nit griffen an Wolt ir vns machen dodes fry So ritent das ich úch ferre ſẏ Doch clagete ich wenig minen dot Wenne das ich foͯrchte ir komen in not Do ſprach er froͧwe wer neme vnſer lebēn Das hette vns gottes crafft gegeben Obe des gerte ein gantzes her Man ſehe mich fúr zuͯ wer Sú ſprach es gerte ein werder tegen Der hette ſich ſtrites gar erwegen Vwer ſehſz kementz in arbeit Mir iſt uwer riten by mir leit Jch was etwenne ſin wip Nuͯ moͯchte min verquelet lip Des heildes dirne nicht geſin Suſz duͯt er gegen mir zúrnen ſchin Do ſprach er zuͯ der frouwen ſan Wer iſt hie mit uwerem man Wenne flúhe ich nuͯ durch uweren rat Das duchte úch lichte ein miſſe dat Wenne wo ich fliehen lerne So ſtir ich alſo gerne Do ſprach hertzogin Er hat hie nẏeman denne den min Der droſt iſt krang gegēn ſtrites ſige Nicht wenne knoden vnd der rige Was an der frouwen hemde gantz Wiplicher kúſch lobes krantz Druͦg ſú mit armuͦte Sú pflag der woren guͦte So das der falſch an ir verſwant Die fantailen er fúr ſih bant Gegen ſtrite er wolte ruͯren Den helm er mit den ſnuͯren Eben zuͯ ſehen rúckete Jnnen des das roſz ſich búckete Gegen dem pferde es ſchrigen nit vẻrmeit Der vor parcifal do reit Vnd vor der boſſen frouwen Der erhort es vnd wolte ſchouwen Wer bẏ ſinem wibe ritte Das roſz warff er vmb mit zornes ſitte Vaſt vſz dem ſtige Gegen ſtriteclichem wige Hielt der hertzoge orilus Gereit zuͯ einer juſt alſus Mit rechter manlicher ger Von gohe vieſz mit einem ſper Das was geferwet genuͯg Recht alſo er ſine woppen truͦg Sinen helm den worcht krebulet Sin ſchilt was ſo zuͯ do*dolet Jn kaẏletes lande Geworcket dem wigande Rant vnd buckel hetten crafft Zuͯ allexandrie in heidenſchafft Was gewúrcket ein pfel guͦt Das der fúrſte hochgemuͦt Truͦg kúrſit vnd woppen rock Sin decke was zuͯ tenebrock Gewircket vs ringen herte Sin ſtoltzheit in das lerte Der ẏſerinen decke dach Was ein pfelle des man jach Das der túre were Rich vnd doch nit ſwere Sin hoſen halſzberg harſenier Vnd in ẏſẻrin ſchinnelier Was gewoppent diſer kuͯne man Geworcht in behaltzen an Jn der houbet ſtat zuͯ anſchouwe Diſe bloſſe frouwe Fuͯrte jme vnglich cleit Die do trurig noch jme reit Do nehet ſis nit beſſer ſtat Zuͯ ſeſſún was geſlagen ſin plat Sin roſz von brobane Deſaluaſche an muntane Mit einer juſt rois lehelin Beẏaget es do der bruͯder ſin ⸿Parcifal was ouch bereit Sin roſz mit walap er reit Gegen oriluſe de lalander Vff des ſchilt fant er Einen trachen alſo er lebete Ein ander trache ſtrebete Vff ſinen helm gebunden An den ſelben ſtunden Manig gúlden trache cleine Mit manigem edelem geſteine Muͯſtent die geheret ſin Jr ougen woren robin Vff die decken vnd an dem kurſit Do wart genomen der ponder wit Von den zwein heilden vnverzaget Jetweder halp wart verſaget Sú worent doch lidig ir truwe Truntzenẏe ſtarcke al nuwe Von in weten gegen den lufften Jch wolte mich d Jch wolte mich des gúfften Hette ich ein ſollich juſt geſehen Alſo mir diſe mere hat verjehen Do wart von rabine geritten Alſo ſollich juſt nit vermitten Frowe jeſcuten muͯt des verjach Schoͯner juſte ſú nẏe geſach Die hielt do want ir hende Sú freiden ellende Engunde ẏetwederem heilte ſchaden Die roſz in ſweiſſe muͯſten baden Priſes ſú beide gerten Die blick von den ſwerten Vnd fúr das von helmen ſprang Vnd manig ellenthaffter ſwang Die begundent ferre gleſten Wenne do worent ſtrites die beſten Mit hurte an einander komen Es gie zuͯ ſchaden oder zuͯ fromen Den kuͯnen heilden meren Wie willig die roſz weren Do ſú beide vff ſoſſen Der ſporn ſú nit vergoſſen Noch ir ſwert liecht gemal Priſz gedienet hie parcifal Das er ſich alſus weren kan Wol hundert trachen vnd ein ſwan Ein trach wart verſeret Sin wunden gemeret Der vff orilus helm lag So durch lúchtig das das der tag Folleclich durch ſchein Wart dar an geſlagen manig ſtein Das er ging das roſz nit zuͯ fuͯſſe Frouwe jeſcute wart der gruͦſz Mit ſwertes ſchimpff aldo beẏaget Mit heldes handen vnverzaget Mit herte ſú zuͯ einander flugen Das die ringe von den kuͯnen zerſtuben Wie ſú werent ẏſerin Recht erſt ſú doten ſtriten ſchin ⸿Jch wil úch ſagen des einen zorn Das ſin wip wol geborn Do vor was genotzoget Er was ẏedoch ir rechter voget So das ſú ſtormes wart in Er wonde ir wiplicher ſin Wer gegen yme verkeret Vnd das ſú gevneret Hette ir kúſch vnd ir priſz Mit einem anderen amis Des laſters nam er pflicht Ouch erging ſin gericht Vber ſú das groſſer not Nie wip gedulte on dot Vnd on alle ir ſchulde Er moͯchte ir ſin hulde Verſagen wenne er wolte Nieman das wenden ſolte Wenne der man des wibes hat gewalt Parcifal der tegen balt Oriluſes hulde gerte Frouwe jeſcuten mit dem ſwerte Des hort ich ẏe guͯtlich bitten Es kam do gar von ſchimppfes ſitten Mich duncket ſú habent beide recht Der beyde krumpt vnd ſlecht Geſchuͯff kromber ſcheiden So wende er das in beiden Das es one ſterben do erge Sú duͦnt doch ſuſz einander we ⸿Do erging die ſcharppfe herte Jetweder faſte werte Sinen priſz vor dem anderen Vntze orẏlus de lalanderen Streit noch ſinem gelertēn ſit Jch wene ẏeman ſo vil geſtrit Er hette kunfft vnd crafft Des wart er dicke ſigehafft *An maniger wie es do ging + Durch den troſt zuͯ jme er ving Den jungen ſtarcken parcifal Der begreiff in ouch ſunder twal Vnd zuchte in vſz dem ſattel ſin Alſo ein garwe lebelin Vaſte er in vnder die arme twang Mit jme er von dem roſſe ſprang Vnd druckete in v́ber einen ronen Do muͯſte ſchimppfentúre wonen Der ſollicher noͯte nit was gewenet Die ernſt des ſich hat verſenet Diſe froͧwe von dinem zorn Nuͯ biſt du der verlorn Du loſſeſt ſú denne die hulde han Das wurt ſo gohes nit getan Sprach der hercoge orilus Jch bin noch nit betwungen ſus Parcifal der werde tegen Duchte in anſich des blutes wegen Sprang durch die barbier Do wart der fúrſte ſchier Betwung wes man an in warp Er det alſam der vngerne ſtarp Vnd ſprach zuͯ parcifal ſan Ower kuͯner ſtarcker man Wo gedienet ich ẏe diſe not Das ich vor dir ſol ligen dot Jo loſz ich dich vil gerne leben Sprach parcifal ob du wilt geben Diſer frouwen dine hulde Jch tuͯnde es mit ir ſchulde Jſt gegen mir ſo groſzlich Sú was wurdekeit rich Die hette ſú gar verkeverkrencket Vnd mich in not geſencket J*Jch leiſte anders wes du gerſt Obe du mich des leben werſt Das hette ich von got Nuͯ iſt din hant des worden bot Das ich es dancke dinem priſe Suſz ſprach der fúrſte wiſe Min leben kouff ich ſchon An zwein landen krone Treit gewallteclich Min bruͯder der iſt rich Der nẏm dir welhe du welleſt Das du mich do nit felleſt Jch bin jme liep er loͯſet mich Alſo ich gedinge wider dich Dar zuͯ nẏm ouch min hertzogetuͯm Von dir din priſzlicher ruͦm *Het an mir wurdickeit bezalt Nuͯ erloſz mich kuͯner degen balt Suͯne gegen diſem wibe Vnd gebúte du mẏnem libe Anders was din ere ſin Gegen der zemierten hertzogin Mag ich gepflegen ſuͯne nicht Was halt anders mir geſchicht xxx Alſo parcifal den ritter twang das er zuͯ dem kv́nige von pritanie muͯſte faren vn̄d ẏme parcifals dienſte múſte ſagen : besteht aus einem etc-Zeichen samt dazugehöriger Schlaufe. PArcifal der hochgemuͦt Sprach lúte lant noch farende guͦt Der do keines mag gehelffen dir Du enduͯſt des ſicherheit gegen mir Das du gegen brẏtanie farſt Vnd die reiſe nit langer ſparſt Zuͯ einer maget die blo durch mich Ein man gegen dem iſt min gerich One ir bette nicht verkorn Du ſolt der megede wol geborn Sichern vnd minen dienſt ſagen Oder wurde aber du alhie erſlagen Sage artuſe vnd dem wibe ſin Den beiden von mir den dienſt min Das ſú mir dienſt ſuſt letzen Vnd die maget ir ſlege ergetzen Dar zuͯ wil ich diſe froͧwen Jn dinen hulden ſchouwen Mit ſuͯne one fare Oder du muͯſt ein bare Dot von hinnan riten Wilt du michs wider ſtriten Mercke die wort vnd biſz der werck wer Des gap mir ſicherheit alher Do ſprach der fúrſte orilus Zuͯ dem kv́nige parcifal alſus Mag nẏeman do fúr nit gegeben So leiſt ichs wenne ich wil noch leben Durch die forcht von ir man Froͧwe jeſcute die wol getan Strit ſcheidens gar verzagete Jr vigendes not ſú clagete Parcifal in vff verlieſz Der froͧwen jeſcuten ſuͯn gehieſz Der betwungen fúrſte ſprach Frouwe ſit diſz durch úch beſchach Jn ſtrite die ſchumppfentúre min Wol her ir ſúllent gekúſſet ſin Jch han vil priſes durch úch verlorn Was denne es iſt doch verkorn Die froͧwe mit irem bloſſen fel Was zú dem ſprunge harte ſnel Von dem pferde vff den waſen Wie das blút von der naſen Den munt jme hette gemachet rot Sú kuſte in er do kuſz gebot ⸿Do wart nit langer gebitten Sú beide vnd die frowe ritten Fúr ein cluſen in eins felſes want Ein kepfſen parcifal do fant Ein gemolet ſper dar by do lent Der einſidel hieſz treurizent Do parcifal mit truwen fuͦr Er nam das heiltuͦm dar vff er ſwuͦr Suſz ſtabete er ſelbes ſinen eit Er ſprach habe ich wurdickeit Jch habe ſú oder habe ir nicht Wer mich bẏ dem ſchilte ſicht Der pruͯffet gegen mir ritterſchafft Des namen ordenliche crafft Alſo vns des ſchiltes ambacht ſaget Het dicke hohen priſz beẏaget Es iſt ouch ein hoher nam Min lip gegen weltlicher ſcham Jemer ſy gewencket Vnd aller min priſz verkrencket Diſer wort ſú mit wercken pfant Min glúck vor der hoͯheſten hant Jch han do fúr die treit got Nuͯ muͯſz ich verlúſteclichen ſpot Zuͯ beiden lieben jemer han Von ſiner crafft obe miſſetan Diſe frouwe habe do dis geſchach Das ir fúrſpan ich von ir brach Ouch fuͯrte ich me goldes dan Jch was ein tore vnd nit ein man Gewahſſen nit bẏ witzen Vil weinens do by ſwitzen Mit jomer dolte vil ir lip Sú iſt bynāmmen ein vnſchuldig wip Das entſcheide ich vs nit mere Das ſú pfant min ſele vnd ere Ruͦchent irs ſú ſol vnſchuldig ſin Gebent ir wider ir vingerlin Jr fúr ſpan das wart ſo verſtan Das es min torheit dang ſol han DJe gobe enpfing der tegen guͦt Do ſtreich er von dem munde das bluͦt Vnd kuſt ſines hertzen drut Ouch wart bedacht ir bloſſe hut Orilus der fúrſte erkant Stieſz das vingerlin wider an ir hant Vnd gap ir an ſin kurſit Das was von richem pfelle wit Mit heldes hant verhouwen Jch han ſdoch ſelten froͧwen Geſehen woppenroͯcke an tragen Die weren in ſtrite alſus erſlagen Von ir kriege wart ouch nie turney Geſāmmelt noch ſper enzwey Geſtochen wo das ſolte ſin Der gúte knappe oder lemekin Die juſt zuͯ ſamen tragen baſz Suſz wart die froͧwe trurens laſz ⸿Do ſprach der fúrſte orilus Aber zuͯ parcifal alſus Halt din vnbetwungen eit Git mir groſz liep vn*vnd kranckes leit Jch han ſchúmppfentúre gedult Die mir freide hat erholt Jo mag mit eren nuͯ min lip Ergetzen dis getruwe wip Das ich ſú hulde min verſtieſz Do ich die ſuͯſſe eine lieſz Was moͯchte was ir beſchach Do ſú aber von diner ſchoͯne ſprach Jch wonde do were ein frintſchafft by Nuͯ lon dir got ſú iſt falſches fry Jch han vnfuͦge an ir getan Fúrs forſt in pricilan Reit ich do in den j*Jovanpeis Parcifal ein ſper von trois Nam vnd fuͯrte es mit jme dan Des vergaſz der wilde tarrian Do denes bruͯder do Sú ſprochent wie oder wo Die helde des nachtes moͯchten ſin Helm vnd ir ſchilt hetten pin Die ſach man gar verhouwen Parcifal zuͯ der froͧwen Nam vrlop vnd zuͯ ſin amis Do ladet in der fúrſte wiſz Mit imejme an ſin fuͦr ſtat Das halff in nit wie vil ers bat Aldo ſchieden die heilde ſich Die offentúre weret me mich ⸿Do orilus der fúrſte erkant Kam do er ſine pauelune fant Vnd ſiner moſſe nie ein teil Das volck wart al glich geil Das ſuͯne do was worden ſchin Gegen der ſchoͯnen hertzogin Nuͯ wart nit lenger do geſpart Orilus entwoppent wart Bluͯt vnd ram man von jme truͦg Er nam die hertzogin cluͦg Vnd fuͯrte ſú an die ſuͯne ſtat Er hieſz bereiten in zwey bat Do lag frouwe jeſcute Al weinende bẏ irem trute Vor liebe vnd doch vor leide nicht Alſo guͯten wiben noch geſchicht Ouch iſt genuͦgen lúten kunt Weinende ouch haben ſuͯſſen munt Do von ich mer noch ſprechen wil Groſſe liebe iſt freide vnd jomers zil Wer von der liebe ir mere Dreit vff den ſerere Do erging ein ſuͯne des wene ich Do fuͯren ſú ſunder baden ſich Zwoͯlff clor jungfrowen Man moͯchte by ir ſchouwen Die pflugent ir ſit ſú gewan Zorn one ſchult von lieben man Sú hette ye nachtes decke cleit Wie bloſz ſú by ẏme tages reit Die badeten do mit freiden ſú Ruͦchent ir ſo hoͯrent wie Orilus do jnnen wart Offentúre von artus fart EJn ritter kam vnd begunde ſagen Jch ſach vff einem plon geſlagen Wol tuſent pauelun oder mer Artus der riche kv́nig her Der brituneiſer herre Lit vns hie nit ferre Mit mẏnneclicher frouwen ſchar Vngefertes iſt wol ein mile dar Do iſt ouch von rittern michel ſchal Bẏ dem plumzol zuͯ tal Ligent ſú an ẏedewederem ſtade Do gohete faſt vs dem bade Der hertzoge orilus Jeſcute vnd er die wurben ſuſz Die ſenffte ſuͯſſe wol getan Ging ouch vſz irem bade ſan Jn ſin bette do wart trurens rat Jr lide gedienten beſſer wat Das ſú do vor truͯge lange Mit fohen vmbe fange Behielt ir nymynne freiden priſz Der fúrſtinne vnd des fúrſten wiſz Jungfrouwen cleiten ir frowen ſan Sin harneſch truͦg man dar dem man Jeſcuten wat man muͯſte loben Vogel geſange vff den cloben Sú mit freiden oſſen Do ſú an ir bette ſoſſen Frouwe jeſcute etlichen kuſz Enpfing den gap ir orilurorilus ⸿Do zoch man dar der froͧwen wert Starg wolgende ein ſchoͯnes pfert Geſattelt vnd gezeimet wol Man huͯp ſú dar vff die do riten ſol Dannen mit ir kunen man Sin roſz was gewoppent ſan Recht alſo ers zuͯ ſtrite reit Sin ſwert do mit er des tages ſtreit Man vornan an den ſattel hing Von fuͯſſe vff gewoppent ging Orilus zuͯ dem roſſe ſin Er ſprang dar vff vor der hertzogin Jeſcuten vnd erfuͯren dan zuͯ hant Sin maſenẏe gegen lalant Bat er alle keren Wenne ein ritter ſolt in leren Gegen artuſe riten Er bat das volg bitten Do ſú komen ſo nohen Das ſú artus pauelun ſohen Vil noch ein mile das was er nẏder Der fúrſte ſante den ritter wider Der in gewiſet hette dar Frowe jeſcute die wol gefar Das ſin geſinde vnd nẏeman mer Der vnloͯſe artus nit zuͯ her Was gegangen do er gaſz Vff einen plan vmb in do ſas Die werde maſſenie Orilus der falſches frie Kam an den ſelben ring geritten Sin helm ſin ſchilt was ſo verſnitten Das nẏeman dar an koſz kein mal Die ſlege fromte parcifal Von dem roſſe ſtunt der kuͯne man Frowe jeſcute enpfing es ſan Vil jungherren dar noher ſprang Vmb in vnd ſú was groſz gedrang Sú johent wir ſúllent der roſſe pflegen Orilus der werde tegen Leit ſchiltes ſchirben vff das graſz Noch ir durch die er komen was Begunde er frogen alzuͯ hant Frowe connewaren de lalant Zeigete man jme wo die ſaſz Jr ſitte man gegen priſe maſz Gewoppent er ſo nohe ging Der kv́nig vnd kv́nigin in enpfing Er dancke jme vnd bot viantz ſan Siner ſweſter wol getan Bẏ den trachen vff dem kurſit Erkante ſú wol one ſtrit Sú ſprach du byſt der bruͯder min Orilus oder lehelin Jch nẏm uwer deweders ſicherheit Jr worent ẏe beide mir bereit Zuͯ dienſt alſo ich úch gebat Mir were an den truwen mat Solt ich gegen úch kriegen Vnd min ſelbes zucht betriegen ⸿Der fúrſte knuwete fúr die maget Er ſprach du haſt alwor geſaget Jch bin din bruͯder orilus Der rote ritter twang mich ſus Das ich dir ſicherheit muͦſz geben Do mit erkoufft ich do min leben Die entfoch die wurt dir hie gar getan Alſo ich gegen jme geloͯbet han Do enpfing ſú truwe in wiſſe hant Von jme der truͦg der ſerpant Vnd lieſz in lidig do das geſchach Do ſtunt er vff vnd ſprach Jch ſol vnd muͯſz von ſchulden clagen Sweſter wer hat dich geſlagen Din ſlege duͯnt mir nẏemer wol Wurt es zit das ich die rechen ſol Jch gúre den ſwertz ruͯchet ſehen Das mir groſz leit iſt dar an geſchehen Ouch húlffet mirs clagen der kuͯnſte man Den muͯter ẏe zuͯ der welte gewan Der nennet ſich der ritter rot Her kv́nig frowe kv́nigin er enbot V́ch beidenſament den dienſt ſin Dar zuͯ by nāmmer der ſweſter min Er bittet ſin dienſt úch letzen Vnd diſe maget ir ſlege ergetzen Ouch hette ichs do genoſſen Gegen dem helde vnverdroſſen Weiſz er wie ſú mich beſtat Vnd mir ir leit zuͯ hertzen gat kEẏe erwarp do nuwen has Von rittern von frouwen wer do ſaſz An dem ſtaden by dem plúnzol Gewan vnd gotfrit firtzidol Vnd der gefangen kv́nig clamide Des not ir habent gehoͯret E Vnd anders manig werder man Der namen ich wol genennen kan Wenne das ichs nit wil lengen Die begunden do ſich mengen Jr dienſt mit zúchten wart gedolt Frouwe jeſcute wart geholt Vff ir pfert ſú do ſaſz Der kv́nig artus nit vergaſz Vnd ouch die kv́nigin ſin wip Sú enpfingen jeſcúten lip Von froͧwen do manig kuſz geſchach Artus zuͯ jeſcuten ſprach Den kv́nig lag karnant Vweren vatter han ich ſo erkant Das ich uweren kumber clagete Sit man von erſte mir in ſagete Ouch ſin ir ſelbes ſo wol getan Es ſint ſo úch frúnde erloſſen han Wenne uwer mẏnneclicher blick Behielt den priſz zuͯ konedick Durch ir ſchone mere Bleip der ſperwere Jn der hant er dannan reit Wie mir von orilus leit Geſchehe ich engunde úch truwens nicht Noch enduͯn ouch nẏemer was geſchicht Mir iſt liep das ir die hulde hat Vnd das ir frouweliche wat Tragent noch uwer groſſen not Sú ſprach herre das ver gelt úch got Dar an ir hoͯhen uweren priſz Jeſcuten vnd ir amis Frowe kuneware de lalant Dannan fuͦrte ſan zuͯ hant Ein halp an des kv́niges ring Vber eins brunnen vrſpring Stunt ir pauelun vff dem plan Alſo ob ein trach in ſinen clan Do bẏ erkante es orilus Wenne ſin woppent worent ſuſz Er wart entwoppent dar vnde Sin ſuͯſſe ſweſter kunde Jme bieten ere vnd gemach V́ber alle die maſenẏe ſprach Des roten ritters ellen Nem den priſz zuͯ einem geſellen So johent ſú one ruͯmen Keẏe bat kún gruͯnen Orilus dienen an ſiner ſtat Er kunde das wol den ers do bat Wenne er hette es vil getan Vor clamide zuͯ brandigan Keẏe durch ſinen dienſt lieſz Vnſelde in des fúrſten ſweſter hieſz Zuͯ ſere alúnen mit eime ſtabe Durch zucht entweich er dienſtes abe Wenne die ſchulde was vnverkoren Von der megede wol geborn Doch ſchuͦff er ſpiſe dar genuͦg Kingrunt ſú vor oriluſen truͦg Conneware die lobes wiſe Sneit ir bruͯder ſine ſpiſe mit ir blāncken Mit ir blancken linden hant Frouwe jeſcute von kornant Mit wiplichen zúchten aſz Artus der kv́nig nit vergaſz Er enkomen do ſú ſoſſen Vnd frintlichen ohſſen Er ſprach geſſent ir v́bel hie Es w*wart doch min wille nẏe Jr engoſſent nie v́ber wurtes brot Der ſú mit beſſerm willen bot So gar one wanckes fare Min fraͯwe conneware Jr ſúllent mins bruͯder hie wol pflegen Guͯte nacht gebe úch der gottes ſegen Artus fuͯr ſloffen do Orilus wart gebettet ſo Do ſin froͧwe jeſcúte pflag Geſelleclich vntze an den tag xxxj Alſo parcifal ſogramuſzſogramurſz vnd keẏen nẏder ſtach vnd mit gawane do vor tuͯſe fuͦr : besteht aus einem etc-Zeichen mit dazugehöriger Schlaufe. WEllent ir nuͦ hoͯren wie artus Von caridol vs ſinem huſz Vnd ouch von ſinem lande ſchiet Alſo jme die maſenẏe riet Suſz reit er mit den werden Jn das landes vnd ander erden Diſe mere gicht den achten tag So das er ſuͯchens pflag Denne der ſich der ritter rot Nante vnd jme ſolliche ere bot Das er in ſchiet von komber groſz Do er den kv́nig ithern ſchoſz Vnd clamide vnd kingunen Ouch ſante gegen dem britunen Jn ſinen hoff beſunder Vber die tafelrunder Wolte er in vmb geſellicheit Laden durch das er noch jme reit Do lobetens alle glich Beide arme vnd rich Die ſchiltes ambacht anewant Des kv́niges artusſes hant Wo ſú ſehent ritterſchafft Das ſú durch ir gelúbede crafft Do keine juſte endeten Es enwere ob ſú in beten Das er ſú lieſſe ſtriten Er ſprach wir muͯſſent riten J*Jn manig lant des ritters dat Vns wol zuͯ gegen ſtrite hat Vff gerichte ſper wir muͯſſent ſehen Wolt ir denne vor einander ſpehen Abe ſtroufft die bant Alſo frech enden den meiſters hant Dar zuͯ han ich nit willen Jch ſol den ſchal geſtillen Doch wartet an das ellen min Das ich úch helffe wo es ſol ſin ⸿Diſe gelúbede habent ir wol vernomen Wellent ir nuͯ hoͯren war ſú komen Parcifal der waleis Von ſne was ein ruweleis Des nachtes faſt vff in geſnit Es was ẏedoch nit ſnewes zit Jſt es alſo ich es vernomen han Artus der meẏen beren man Was man ye von dem geſprach Zuͯ einer pfingeſten das geſchach Oder in des meyen bluͯmen zit Was man jme ſuͯſſes lufftes git Das mer iſt hie faſt vnder ſnitten Es barieret ſich mit ſnewes ſitten Sin falckener von karidol Rittent des oben des zuͯ einem plimzol Durch beiſſen do ſú ſchaden kurn Jren beſten falcken ſú verlurn Der gohete von in balde Vnd ſtunt die nacht zuͯ walde Von v́ber krupff das geſchach Das jme was von dem luͯder gach Die nacht bẏ parcifal er ſtunt Do in beiden was der walt vnkunt Vnd do ſú beide ſere froſz Do parcifal den tag erkoſz Jme was verſnẏget ſines pfades ban Vil vngefertes reit er dan V́ber ronen vnd manigen ſtein Der tag ẏemitten hoher ſchein Ouch begunde lúchten ſich der walt Do was ein rone nẏder gefalt Vff einen plan zuͯ dem er ſleich Artus falck almitten ſtreich Do wol tuſent genſe logen Do wart ein michel gogen Mit hurte floug er vnder ſuſie Der falg vnd ſluͦg ir ein hie Das ſú jme harte kume enbraſt Vnder des fallenden rones aſt An ir hoͯhe floge wart ir we Vs ir wunden vff den ſne Vielent drige bluͯtes zeher rot Die parcifal fuͯgen not Von ſinen truwen das geſchach Do er die bluͯtes treher ſach Vff dem ſne der was alle wis Do gedocht er wer hat ſinen fliſz Gewendet an diſe farwe clor Cundewier amúrs ſich mag fúr wor Diſe farwe der glichen Wil mich got ſelden richen Sit ich dir hie gliches fant Ge eret ſy die gottes hant Vnd alle creature ſin Cundewúr amúrſz hie lit din ſchin Sit der ſne dem bluͯte wis bot Vnd es den ſne ſuſz machet rot Condewier amurs Dem glichet ſich din beahurs Des enbiſt du nit erloſſen Des heldes ougen moſſen Alſo es dort was ergangen Zwen zeher an ir wangen Den dirtten an irem kinne Er pflag der woren mẏnne Gegen ir one wencken Suſz begunde er ſich vor dencken Fúr das er vnverſunnen hielt Die ſtarcke mẏnne ſin do wielt Sollich not fuͯget jme ſin wip Diſer farwen truͯg glichen lip Von pelrapeir die kv́nigin Die zuchte yme wiſſeclichen ſin Suſz hielt er alſo er ſlieff Wer do ſus jnne lieff Cunnewaren gartzun was geſant Der ſolte gegen lalant Der ſach an den ſtunden Ein helm mit maniger wunden Vnd einen ſchilt gar verhouwen Jn dienſt des knappen froͧwen Do hielt gezimiert ein tegen Alſo er juſtierens wolte pflegen Geferwet mit vff gerichtem ſper Der garzun huͦp ſich wider her Vnd hette er in erkant in zit Er were von jme vil vnbeſcrit Das er ſiner frouwen ritter wer Alſo gegen einem achter Schuͦff er das volck hin vs an in Er wolt jme werben vngewin Sin kortoſie er dar an verloſz Lont ſin ſine frouwe was ouch loſz Solliches was des knappen krie Fẏa fẏa vie Sú ẏe vertanen Zelt ir gawanen Vnd ander diſe ritterſchafft Gegen werdeclicher priſes crafft Vnd artuſen den britun Alſus rieff der gartzun Tafelrunde iſt geſchant V́ch iſt durch die ſnuͯre alhie gerant DO wart von rittern groſz geſchal Sú begunden frogen vber al Obe ritterſchafft do were getan Do frieſchen ſú das einig man Do hielt zuͯ einer juſt bereit Genuͯgen was gelúbde leit Das artus von in enpfing So balde das er nicht enging Beide lieff vnd ſprang Segramurs der ẏe noch ſtrite rang Wo der fechten wunden ſnẏden Do muͯſte man in binden Oder er wolte dar mitte ſin Nindert ſo breit iſt der rin Sehe er ſtriten an dem anderen ſtade So wurde wenig noch dem bade Getaſtet es were warm oder kalt Er viel dar an der tegen balt Snelleclich kam der jungeling Zuͯ hoffe an artuſes ring Der werde kv́nig faſte ſlieff Segremurſz in durch die ſnuͯre lieff Zuͯ der pauelun túre trang er in Ein deckelachen zobelin Zucket er abe in die do logen Vnd ſuͯſſes ſloffes pflogen So das ſú muͯſten wachen Vnd ſiner vngefuͯge lachen Do ſprach er zuͯ der nẏfftelin ſin Genofer froͧwe kv́nigin Vnſer ſippe iſt alſo bekant Man weiſz wol v́ber manig lant Das ich genode warte an dich Nuͯ hilff mir frouwe vnd ſprich Gegen artuſe ſinem man Das ich von yme muͯſſe han Ein offentúre iſt hie by Das ich zuͯ der juſte der ſelbe erſte ſẏ ⸿Artus zuͯ ſegramurs ſprach Din ſicherheit mir des verjach Du ſolteſt noch mẏnem willen farn Vnd din beſcheidenheit bewarn Wurt hie ein juſte von dir getan Darnoch vil manig ander man Das ich in loſſe riten Vnd ouch noch priſe ſtriten Do mit krencket ſich min wer Wir nohent an fortas her Das von muntſaluaſce fert Vnd das foreſt mit ſtrite wert Sit wir nit wiſſen wo die ſtat Zuͯ arbeit des vns licht ergat Genofer bat artuſen ſo Des ſegromurſz wart alſo fro Do ſú ẏme die offentúre erwarp Wenne das er nit vor liebe ſtarp Das ander was do geſchehen Vngerne hette er do verẏehen Sines komenden priſes pflicht Jeman an der geſchicht Der junge ſtoltze one bart Sin roſz vnd er gewoppent wart Vſz fuͦr ſegremurs rois Calopieren ulter jonapois Sin roſz v́ber hohe ſtuden ſprang Manig gúldin ſchelle dar an erclang Vff der decke vnd ander man Man moͯchte in wol geworffen han Zuͯm faſanis darnoch Wem ſin zuͯ ſuͯchen were goch Der vinde in by den ſchellen Die kunden lute hellen Suſz fuͯr der vnverzaget heilt Zuͯ dem denn der mynne was verſeilt Weder enſluͯg do noch enſtach E er wider ſagen zuͯ ẏme geſprach Vnverſunnen hielt do parcifal Das fuͯgeten yme die bluͯtes mal Vnd ouch die ſtrenge mẏnne Die mir dicke nẏmt die ſinne Vnd mir das hertze vnſanffte weget Jn not ein wip an mich leget Wil mich die alſus twingen Vnd ſelten helffe bringen Jch ſol michs vnderziehen Vnd von irem troſt fliehen Nuͯ horent von in beiden Vmb ir komen vnd ir ſcheiden ⸿Gegramurs ſprach alſo Jr geborent herre alſo ir ſint fro Das hie ein kv́nig mit volck liget Wie vnhohe úch das wiget Jr muͯſſent in dar vmb wandel geben Oder ich verlúre min leben Jr ſint vff ſtrit ſo nohe geritten Doch wil ich durch zucht des bitten Ergebent úch in min gewalt Oder irjr ſint ſchier von mir gezalt Das uwer fallen ruͯret den ſne So detent irs baſz mit eren E Parcifal durch die nicht ſprach Frouwe mẏnne jme anderen kumber jach Durch juſte bringen warff ſin roſz Von jme der kuͯne degramorſz Vmb wante ſich ouch das caſtelan Do parcifal der wol getan Vnverſunnen vff ſaſz So das ers bluͯt v́ber maſz Sin ſehen wart dar abe gekert Des wart ſin priſz gemert Do er der zeher nit me ſach Frouwe witze jme aber ſinnes jach Hie kam ſegromorſz rois Parcifal das ſper von trois Das feſte vnd das zehe Von farwe das wehe Alſo ers vor der cluſen fant Das begunde er ſencken mit der hant Ein juſt enpfing er durch den ſchilt Sin juſt hin wider wart gezilt Das ſegromorſz der werde tegen Sattel rumens muͯſte pflegen Vnd das ſper doch gantz beſtunt Do von jme wart gefelle kunt PArcifal reit von frogen Do die bluͯtes trehen logen Do er *die mit den ougen fant Frouwe mẏnne ſtricke in an ir bant Weder er enſprach weder ſuſz noch ſo Wenne er ſchiet aber von witzen do Segramors caſtelan Huͯp ſich gegen ſinem barn ſan Er muͯſte vff durch ruͯwen ſten Obe er ẏemer wolte gen Sich clagen genuͯg durch ruͦwe nẏder Das habent ir dicke gefreiſet ſider Was ruͦwe koſz er in dem ſne Mir dete ein ligen dar jnne we Der ſchadehafft erwarp ẏe ſpot Selten pfliget ere dem helffe got Das her lag wol ſo nohen Das ſú parcifalen ſohen Haben alſo jme was beſchehen Der mẏnne er muͯſte ſiges jehen Die ſalomonen ouch betwang Do noch was nicht zuͦ lang E ſegromorſz dort zuͯ jme ging Wer in haſſet oder wol enpfing Den was er alle glich holt Suſz teilte er bagans groſſen ſolt Er ſprach ir habent gefreiſchet vil Ritterſchafft iſt toppel ſpil Das ein man mit juſte viel Es ſincket doch eins meres kiel Lat in nẏemer geſtriten Das er min gedurſte biten Obe er bekante mẏnen ſchilt Des het mich gar an jme befilt Der noch dort vs juſte gert Sin lip iſt ouch wol priſes wert ⸿Keẏe der kuͯne man Bracht das mere vor den kv́nig ſan Segramors was geſtochen abe Vnd dort vſz hielt ein ſtrenger knabe Der gert juſte recht alſo E Er ſprach herre mir duͦt we Sol ers genoſſen ſcheiden hin Obe ich úch ſo wúrdig bin Lont mich verſuͯchen wes eser ger Sit er mit vff gerichtem ſper Dort habt vor uwerem wibe Niemer ich do blibe Jn irem dienſt mere Tafelrunde het vnere Ob man jme nicht bẏ zite wert Vff vnſern priſz ſin zellen zert Nuͯ gelt ſtrites vrloup Weren wir alle blint oder doup Jr ſúllent jme were es iſt zit Artus erloup keẏen den ſtrit Gewoppent wart der ſciniſcalt Do wolt er ſwenden den walt Mit juſte vff diſen komenden gaſt Der truͯg der mẏnnen groſſen laſt Das fúget jme ſne vnd bluͯt Es iſt ſúnde wer jme mere duͦt Ouch hette die mẏnne krancken priſz Die ſtieſz vff in crefften riſz FRouwe mẏnne wie duͯt irſo Das ir den trurigen machent fro Mit kurtz werender freide Jr duͯnt ir ſchiere toide Wie ſtat úch das frouwe mẏnne Das ir manliche ſinne Vnd hertzehafften hohen muͦt Alſus entſchúnppfentúren duͯt Das ſmehe vnd das werde Vnd was vff der erde Gegen úch keines ſtrites pfliget Dem habent ir ſchẏer an geſyget Wir muͯſſent úch bẏ crefften lan Mit rechter worheit ſunder wan Frouwe mẏnne ir habent ein ere Vnd wenig keine mere Frouwe liebe úch git geſelleſchafft Anders wer vile dunckel uwer crafft Frouwe mine ir pflegent vntruwen Mit alten ſitten vnd nuwen Jr zuckent manigem wibe iren priſz Vnd rotent in ſippe amis Vnd das manig herre an ſime man Von irer crafft hette miſſetan Vnd der frint an ſinem geſellen Vwer ſitte kan ſich hellen Vnd der man an ſinem herren Frouwe mẏne úch ſolte werren Das ẏe den lip den ir verwenet Dar vmbe ſich die ſele ſenet Frouwe mẏne ſit ir habent gewalt Das ir die jugent ſuſz machent alt Der man doch zelt vil kurtz jor Jr werg ſint halſchalicher vor Diſe rede zeme do keinem man Wenne der nẏe troſt von úch gewan Hettent ir mir geholffen baſz Min lop were gegen úch nit ſo laſz Jr habent mir mangel vor gezilt Vnd mẏner ougen ecke ſo verſpilt Das ich úch nit getruwen mag Min not ich ẏe vil ringe wag Doch ſint ir mir zuͯ wol geborn Das gegen úch min krancker zorn Jemer ſolten bringen wort Vwer truͦg het ſtrengen ort Jr ladent vff hertze ſweren ſoum Her heinrich von veldeg ſin toum Mit kunſte gegen irem orden maſz Het er vns do beſcheiden baſz Wie man úch ſol behalten So hette er denne geſpalten Wie man úch ſol erwerben Von tumbheit muͯſz verderben Maniges toren hoher funt Was oder wurt mir das nohe kunt Das wiſe ich úch froͧwe mẏnne Jr ſint ſloſz obe dem ſinne Es enhilffet gegen úch ſchilt noch ſwert Snelle roſz hohe búrge mit túrnen wert Jr ſint gewaltig obe der were Beide vff der erde vff dem mere Was entrinnet uwerem kriege Es flieſſe oder fliege Frouwe mynne ir dotent ouch gewalt Do parcifal der gegen balt Durch úch von ſinen witzen ſchiet Alſo jme ſin truwe do geriet Das werde ſuͯſſe clore wip Sant úch zuͯ botten an ſinen lip Die kv́nnúgin von pelrapeir Cardens fúr tampenteir Jr bruͦder nam echt ouch ſin leben Sol man úch ſollich zinſe geben Wol mir das ich von úch nicht han Jr enwolten mir beſſer ſenffte lan Jch han geeret vnſer aller wort Nuͯ hoͯrent ouch wie es erging dort xxxij Alſo keẏ den helt parcifalen mit dem ſper vmb den helm ſluͯg vnd jach er muͯſte wachēn vnd ſich gegen jme weren : besteht aus einem etc-Zeichen. KEẏe der ellentrich Kam gewoppent ritterlich Vs alſo er ſtrites gerte Ouch wene ich in ſtrites werte Des kv́niges gahmuͯrtes kint Wo nuͯ twingende frouwen ſint Die ſúllent jme heiles wunſchen nuͦ Wenne in bracht ein wip dar zuͯ Das ſin witze von jme ſpielt Keẏe ſiner juſte enthielt Vntze er zúm wewaleẏſe ſprach Herre ſit úch alſus geſchach Das ir den kv́nig geleſtert hat Wolt ir mir volgen ſo iſt min rat Vnd duncket mich uwer beſtes heil Nement úch ſelber an ein bracken ſeil Vnd lont úch fúr in ziehen Jr múgent mir nit enpfliehen Jch bringe úch doch betwungen dar So nȳmmet man uwer vnſanffte war Den waleis twang der mẏnne crafft Swigen keẏe ſinen ſchafft Vff zoch vnd frumpt jme einēn ſlagſwāng An das houbet das der helm erklang Er ſprach du muͯſt wachen One lilachen Wurt dir din ſloffen hie benant Es zilt anders min hant Vff den ſne du wurſt geleit Der den ſag zuͯ der muͯlen dreit Wolte man in alſo bluwen Jn moͯchte laſzheit ruwen Froͧwe mẏnne hie ſehent ir zuͯ Jch wene man es úch zuͯ laſter duͦ Wenne ein gebure ſpreche ſan Minem herren ſẏ dis getan Er clagete moͯchte er ſprechen Frouwe mynne lont ſich rechen Den werden waleẏſe Wenne lieſſe in uwer reiſe Vnd uwer ſtrenge vnſuͯſſer laſt Jch wene ſich werte diſer gaſt ⸿Keẏe kerte faſt an in Vnd trang jme das roſz alvmb hin Vntze das der waleis v́ber ſach Sin ſuͯſſe ſure Sin ſuͯſſe ſuͯres vngemach Sines wibes glichen ſchin Von pelrapeir der kv́nnigin Jch mein den geparierten ſne Do kam aber frouwe witze alſo E Vnd jme den ſin her wider gap Keẏe das roſz lieſz in den walap Der kam durch juſtieren her Von rabin ſanten ſú die ſper Keye ſine juſte brachte Alſo jme der ougen meſz gedochte Durch des waleiſz ſchilt ein fenſt̉er wit Jme wart vergolten diſer ſtrit Keẏe artus ſcún ſcalt Zuͯ gegen juſt wart gefalt V́ber den ronen das dar die gans entran So das das roſz vnd der man Littent beydeſament not Der man wart wunt das roſz lag dot Zwúſchent dem ſattelbogen vnd einem ſtein Keẏe der zeſewe arm das j*finſter bein Zerbrach von diſem gefelle Gurtzúgel ſattel geſchelle Von diſer hurte gar zerbrachſt Suſz galt zweẏ bluwen do der gaſt Das ein leit ein maget durch in Mit dem anderen múſte er ſelbes ſin PArcifal der falſcheit ſwant Sin truwe lert in das er fant Sin ſne bluͯtes zeher dry Die in vor witzen machtent fry Sin gedang vmb den gral Vnd der kv́nnigin glich mal Jetweders was ein ſtrenge not An jme wag der fúr der mẏnnēn lot Truren vnd mẏnne Brichet zehe ſinne Sol diſe offentúre ſin Sú moͯchten beide heiſſen pin Kuͯne lúte ſolten keẏen not Clagen ſin manheit jme gebot Genendeclich an manigen ſtrit Man ſeit in manigen landen wit Das keẏ artus ſcym ſcalt Mit ſitten wer ein ribalt Das ſagent in min mere bloſz Er was der werdickeit genoſz Wie clein ich des die folge han Getruwe vnd ellenthafft ein man Was key das gicht jme min munt Jch duͯn jme mere von jme kunt Artus hoff was ein zil Dar koment fromeder lúte vil Die werden vnd die ſmehen Mit ſitten die wehen Wellicher partiers pflag Der ſelbe keẏen ringe wag An wem die curtoſie Vnd die werde camponie Lag den kunt er eren Sin dienſt gegen jme keren Jch gihe von jme der mere Er was ein merckere Vnd det vil ruhes willen ſchin Zuͯ ſchirme dem herren ſin Partiere vnd falſche diet Von den werden er die ſchiet Er was fúr ein ſtrenger hagel Noch ſchoͯrppfer denne der by ir zagel Sehent die verkerten keyen pris Der was manlicher truwen wiſz Vil haſſes er von in gewan Von dúringen fúrſte herman Etlich din in geſinde ich was Das vſz geſinde hieſſe baſz Dir were ouch eins keẏen not Sit wore milte dir gebot So manigfalten an hang Etwenne ſin helich gedang Vnd etwo werdes tringen Des muͯſz her walther ſingen Guͯten tag boͯſe vnd guͦt Wo man ſollichen dang nú duͯt Des ſint die falſchen geeret Keẏ het ſin nit geleret Noch her heinrich von riſzbach Hoͯrt wunder me was dort beſchach Vff dem plimors plan Keẏe wart gehoͯlet ſan Jn artus pauelun getragen Sin frint begunden jme do clagen Vil froͧwen vnd manig man Do kam ouch min herre gawan Vber in do keẏe lag Er ſprach ouwe vnſeliger tag Das diſe juſte ẏe wart getan Do von ich frint verlorn han Er clagete ſeneclich Keẏe der zornes rich Sprach herre erbarmet úch min lip Suſz ſolten clagen alte wip Jr ſint mins hertzen herren ſuͦn Moͯchte ich úch dienſt nuͯ getuͯn Alſo uwer wille gerte Do mich got der lide werte Do hette min hant das nit vẻrmitten Sú hat vil durch úch geſtritten Vnd dete das noch ſolte es ſin Nuͯ clagte min ere lant mir die pin Vwer oͯheim den kv́nig her Gewinnet nẏmer ſollichen keẏe mer Jr ſint mir rich zuͯ wol geborn Hettent ir aber einen vinger verlorn Do noͯge ich gegen min houbet Sehent ob ir mirs gloubet Doch kerte úch nit an min hetzen Er kan vnſanffte letzen Der noch dort vs vnflúchtig habt Weder er enſchúfftet noch drabt Doch iſt hie nẏergent froͧwen har Weder ſo nuwe noch ſo clar Es were ẏe doch ein feſt bant Zuͯ weren ſtrites ir hant Wellich man duͯt ſollich demuͯt ſchin Der eret ouch die muͯter ſin Vatter halp ſolt er ellent han Kert muͯter halp er gewan So werdent ir ſwertes blicke bleich Vnd manlicher herter weich Suſz was der *wol gelobete man Gerant zuͯ bloſſer ſiten an Mit rede enkunde er gelten nicht Alſo wol gezogenem man geſchicht Dem ſcham verſlúſſet ſinen munt Das dem verſchamten iſt vnkunt GAwan zuͯ keẏen ſprach Wo man ſluͦg oder ſtach Was des gegen mir geſchehen Wer min frouwe wolte ſpehen Die wene ich rebelich Von ſlage oder von ſtich Du zúrneſt mit mir one not Jch bin der der dir ẏe dienſt bot Vs pauelun ging her gawan Sin roſz hieſz er jme bringen ſan Sunder ſ*ſwert vnd on ſporn Saſz dar vff der tegen hoch geborn Er kerte vs do er den waleis fant Des witze was der mynnen pfant Er druͦg drige juſte durch den ſchilt Mit heldes handen dar gezilt Ouch hette in orilus verſnitten Suſz kam gawan zuͯ jme geritten Sunder calopieren Vnd one punieren Er wolte guͯtlich erſehen Von wem der ſtrit do were beſchehen Do ſprach er grúſſeclichen dar Zuͯ parcifal der es cleine war Nam das muͯſte echt alſo ſin Do det froͧwe mẏnne ir ellen ſchin An dem der do hertzeleide bar Vngezalt ſippe in gar Schiet von den witzen ſin Vnd vff geerbeter pin Von vatter vnd von muͯter art Der waleiſz wenig jnnen wart Was her gawans munt Mit worten jme do det kunt Do ſprach des kv́niges loths ſuͦn Herre ir wellent gewalt nuͯ tuͦn Sit ir mir grúſſen wider ſaget Jch bin doch nit ſo verzaget Jch bringe es ander froge Jr habent man vnd moge Vnd den kv́nig ſelb eneret Vnd vnſer laſter hie gemeret Des erwúrbe ich úch die hulde Das der kv́nig lat die ſchulde Wellent ir noch mẏnem rote leben Geſelleſchafft mir fúr in geben Des kv́nniges gamúretes kint Trouwen vnd flehen was jme ein wint Der tafelrunder hoͯheſter pris Gawan was ſollicher noͯte wis Er hette ſú vnſanffte erkant Do er mit dem meſſer durch die hant Stach des *twang in minne crafft Vnd werde wiplich geſelleſchafft Jn ſchiet von dote ein kv́nigin Do der kúne lehelin Mit einer *ſtedſte rich *ſtedſte: Das Deckweiss erfüllt hier eine ähnliche Funktion wie eine Rasur, denn es verdeckt, was vorher unter ju stand. Jn twang ſo foͯlleclich Die ſenffte ſuͯſſe wol gefar Zuͯ pfande ſetzet ir houbet dar Die kv́nnigin jnguſe kakorlieſz Alſus die getruwe hieſz Do gedochte min herre her gawan Was die mẏnne diſen man Twinget alſo ſú mich betwang Vnd ſin getruwelich gedang Der mẏnne muͯſz er ſiges jehen Er merckete der waleẏſen ſehen Wenne jme ſtunden die ougen ſin Ein failen tuͯches von forin Geſnẏeret mit gelwem zindal Die ſwang er mit vff die bluͯtes mal DO die vaile wart *der zeher dach So das der parcifal nit ſach Jme gap her wider die witze ſin Von pelrapeir die kv́nigin Sú behielt ẏe doch ſin hertze dort Nuͯ geruͦchent herre ſine wort Er ſprach frouwe vnd wip Mir het benōmmen mir dinen lip Erwarp mit ritterſchafft din hant Din werde mẏnne *crone vnd lant Bin ichs der dich von clamide Loſt ich fant ach vnd we Vnd ſúfftze manig hertze freuel Jn diner helffe ougen nebel Het dich bẏ liechter ſunnen hie Mir benomen ich weiſz wie Er ſprach ouwe war kam min ſper Das ich mit mir brachte her Do ſprach der herre gawan Herre es iſt mit juſte vertan Gegen wem ſprach der tegen wert Jr habent hie ſchilt noch ſwert Was moͯchte ich priſes an úch beẏagēn Doch muͯſz ich uwer ſpotten tragen Jr biettent mirs licht her noch baſz Etwenne ich ouch vor juſte geſaſz Vmb dich nẏemer an úch ſtrit Dannoch ſint die lant ſo wit Jch mag do priſz vnd arbeit holn Beide freide vnd angeſt doln Der herre gawan do ſprach Was bhie mit rede gegen úch beſchach Das iſt luter vnd mynneclich Vnd nit mit ſteter truwen rich Jch gere alſo ichs gedienen wil Hie lit ein kv́nig vnd ritter vil Vnd manig froͧwe wol gefar Geſelleſchafft gib ich úch dar Lont mich dar mit úch riten Jch bewar úch do vor ſtriten Vwer genode herre ir ſprechent wol Das ich vil gerne dienen ſol Sit ir companie bietent mir Nuͯ wer iſt uwer herre oder ir Jch heiſſe herre einen man Von dem ich manige vrbor han Ein teil ich der benennen hie Er was gegen mir des willen ẏe Das er mirs ritterlichen bot Sin ſweſter hette der kv́nig lot Die mich zuͯ der welte bracht Wes got an irmir gedacht Das bútet dienſt ſiner hant Kv́nig artus iſt er genant Min nam iſt ouch vil vnverholn An allen ſtetten vnverſtoln Lúte die mich erkennent Gawan die mich nennent Vch dienet min lip vnd der nam Wolten ir mirs keren fúr ſcham ⸿Der waleis ſprach du bẏſt gawan Vil krāncken priſz ich des han Ob du mirs ſchone búteſt hie Jch horte von dir ſprechen ẏe Du erbuteſt allen lúten wol Din dienſt ich doch enpfohen ſol Nit wenne vff gegen dienſtes gelt Nuͯ ſage mir wes ſint die gezelt Der dort iſt maniges vff geſlagen Lit artus do ſo muͯſz ich clagen Das ich in nicht mit eren min Mag geſehen noch die kv́nigin Jch ſol rechen E min bluwen Do von ich ſit mit ruwen Fuͦr mit ſollichen ſachen Ein werde maget mir lachen Bot die blouwe ſciniſcalt Durch mich das vōn ir res der walt Vnſanffte iſt das gerochen Sprach gawan jme iſt gebrochen Das zeſewe arm das vinſter bein Rit er ſchoͯne roſſe vnd ouch den ſtein Hie ligent ouch truntzun vff dem ſne Dines ſpers noch du frogeſt E Do parcifal die worheit ſach Do frogete er fúrbaſz vnd ſprach Diſz loſz ich an dich gawan Obe das ſẏ der ſelbe man Der mir het laſter vor gezelt So rite ich mit dir war du wilt Jch wil gegen dir nit liegens pflegen Sprach gawan hie iſt vōn juſt gelegen Sagromors ein ſtrites helt Des dot gegen priſz ẏe was erwelt Du dete es E kẏe*kẏe was gefalt An in beiden haſt du priſz bezalt ⸿Sú ritent mit einander dan Der waleis vnd gawan Vil volckes zuͯ roſſe vnd zuͯ fuͯſſe Dort jnne bot in werden gruͦſz Gawan vnd dem ritter rot Wenne ir zucht das gebot Gawan kerte do er ſin pauelun fant Frowe conwaren de lalant Suffer an die ſunne ging Die wart fro mit freiden enpfing Die maget den ritter der ſú rach Das ir von keẏen geſchach Sú nam iren bruͯder an die hant Vnd froͧwe jeſcuten von kornant Suſz ſach ſú komen parcifal Der was gefar durch ẏſers mal Alſo toubige roſen wer dar geflogen Jme was ſin harneſch abe gezogen Er ſprang do er die frouwen ſach Nuͯ hoͯrent wie conneware ſprach Got aller erſt vnd dar noch mir Weſent wilkum ſit das ir Blibent bẏ manlichem ſitten Jch hette lachen gar ver*vermitten Vntze úch min hertze erkante Do mich an freiden pfante Keẏe der mich do ſlſo ſluͦg Das habent ir gerochen genuͦg Jch kuſte úch wer ich kuſſes wert Des hette ich húte ſan begert Sprach parcifal gedurſte ich ſo Wenne ich bin uwers enpfohens fro Su kuſte in vnd ſaſte in nẏder Ein jungfrouwe ſú ſante wider Vnd hieſz ir bringen riche cleit Dẏe worent geſnitten alzuͯ breit Vs pfelle von nuwede Sú ſolte der kv́nigin clamide Jr gefangen han getragen Die maget ſú bracht vnd begunde clagen Der mantel der were one ſnuͯr Caneware ſus fuͦr Von blancker ſẏden ein ſnuͯrlin Sú zuckete vnd zoch jm das dar in Mit vrlop er do twuͦg Den rome von jrjme der junge truͦg Bẏ rotem munde liechtes felle Becleit wart der tegen ſnelle Do was er vier vnd cloͯr Wer in ſach der ijach fúr wor Er were gebluͯmet fúr alle man Das lop ſin farwe muͯſte han Parcifal ſtunt wol ſin wat Einen gruͯnen ſmarat Spien ſú jme fúr ſin houbtloch Conneware gap jme mere dannoch Einen gúrtel vier Mit edelen ſteinen manig tier Muͯſte vſſe vff den porten ſin Die ring was ein robin Wie was der junge one ſbart Geſticket do er gegúrtet wart Diſe mere gicht wol genuͦg Diſz volck jme holdes hertze truͦg Wer in geſach man oder wip Die hettent wert ſinen lip DO artus meſſe hette gehort Den ſach man ſchone komen dort Mit der tafelrunden diet Der in keiner falſcheit nẏe geriet Die hetten alle E ver vernomen Der rote ritter were komen Jn gawanes pauelun Dar kam artus der brituͦn Der zer bluwen anthenor Sp̉rang dem kv́nige alles vor Vntze er den waleis erſach Den frogete er ſint ir der der mich rach Vnd canewaren de lalant Vil priſes gicht man uwer hant Keẏe hat verpfendet Sin truwe iſt nuͯ gelendet Jch foͯrchte wenig ſinen ſwang Der zeſewe arm iſt jme krang ⸿Do truͦge der junge parcifal An fluͯgens engels mal Suſz gebluͯget vff der erden Artus mit den werden Enpfing in mẏnneclich Guͯtes willen worent rich Alle die in geſohen do Jr hertze jme volge ſprochen jo Gegen ſinem lobe ſprach nẏeman nein So rechte mẏnneclich erſchein Artus ſprach zuͯ dem waleiſe ſan Jr habent mir liep vnd leit getan Doch habt ir mir der ere Bracht vnd geſendet mere Denne irich ir ẏe von enpfing Do gegen min dienſt noch clein ging Hette ir mẏnnre gpriſ mynre getan Wenne das die hertzogin ſol han Frouwe jeſcute die hulde Ouch were úch keẏen ſchulde Gewandelt vnd gerochen Het ich úch E geſprochen Sagete jme do artus wes er bat War vmbe er an die ſelbe ſtat Vnd ouch me landes was geritten Sú begunden in do alle bitten Das er gloubete ſunder Den von der tafelrunder Sin ritterlich geſellicheit Jme was ir bette nit zuͯ leit Ouch mochte ers ſin von ſchulden fro Parcifal ſú werte do ⸿Nuͯ horent vnd rotent vnd jecht Ob tafelrunde múge ir recht Des tages behalten wenne er pflag Artus by dem ein ſite lag Vnd kein ritter vor jme was Des tages wenne offentúre vergas Das ſú ſinen hoff vermeit Jme iſt offentúre nuͯ bereit Das lop muͯſz tafelrunde han Wie ſú zuͯ nantes were verlan Man ſprach ir recht vff bluͯmen felt Do enir*enirte weder ſtude noch gezelt Der kv́nig artus das gebot Zuͯ eren dem ritter rot Suſz nam ſin wúrdickeit do lan Ein pfelle von acratan Vs heidenſcheffte ferre bracht Wart zuͯ einem zil aldo gedacht Nút breit ſinwel geſnitten Al noch der tafelrunde ſitten Wenne in ir zucht des verjach Noch gegen ſtúl do nyeman ſprach Die geſeſſe worent alle glich her Der kv́nnig artus gebot in mer Das man werde ritter vnd frouwen An dem ringe muͯſte ſchouwen DeDie man do gegen priſe maſz Maget vnd wip vnd mān do zuͦ hoffe aſz Do kam froͧwe ginofer dar Mit maniger froͧwen liecht gevar Mit ir manig edele fúrſtin Die truͯgent mynneclichen ſchin Ouch was der nuwe ring genomēn wit Das on gedrenge vnd one ſtrit Jegelich froͧwe by ir amis ſaſz Artus der falſches laſz Bracht den waleis an den hant Froͧwe conneware de lalant Ging jme anderhalben by Die was do trurens worden fry ARtus an der waleis ſach Nuͯ ſúllent ir hehoͯren wie er ſprach Jch wil uweren cloren lip Kúſſen *loſſen min altes wip Des endorfft ir doch hie nẏmans bitten Sit ir von perpelrapeir geritten Wenne do iſt des kuſſes hoheͯſter zil Eines dinges ich úch bitten wil Kum ich ẏemer in uwer huſz So gelt diſen kuſz ſprach arinus Jch duͯn wes ir mich bittent do Sprach der waleis vnd ouch anderſwo Ein lútzel ſú gegen jme do ging Die kv́nnigin in mit kuſz do enpfing Nú verkúſz ich hie mit truwen Sprach ſú das ir mit ruwen Mich lieſſent die hettent ir mir geben Do ir dem kv́nige ichter noment ſin leben Von der ſuͯne wurdent naſz Der kv́nigin ougen vmb das Wenne ichters dot det wiben we Man ſatte den kv́nig clamide Ans ouer zuͯ dem plum zol Bẏ dem ſaſz jotfrit firidol Zwúſchent clamide vnd gawan Der waleis ſitzen muͯſte han Alſo mir die offentúre maſz An diſem ringe nẏeman ſaſz Der muͯter bruſt yegeſoug Des wurdickeit ſo lútzel troug Wenne crafft mit jugende wol gefar Der waleis mit jme brachte dar Wer in zuͯ rechte wolte ſpehen So hette ſich manig frouwe erſehen Jntruͯber glaſz dann were ſin munt Jch tuͯn úch von ſinem lfelle kunt An dem kinne vnd an den wangen Sin farwe zuͯ einer zangen Were guͯt ſú moͯchte ſtete haben Die den zwiffel wol hin dan kan ſchaben Jch meine wip die wenckent Vnd ir frintſchafft v́ber denckent Sin glaſt was wibes ſtete ein bant Jr zwifel gar gegen jme verſwant Jr ſehen in mit truwen enpfing Durch ougen in ir hertze er ging Man vnd wip jme worent hlholt Suſz hat er wurdicket er*erholt Parcifal der werde tegen Nuͯ muͯſſe ſin der ouch fúrbaſz pflegen Der ſin vntze gepflegen hat Des wurt not wenne es hie gat An ſollich hoffemere Der ich zuͯ ſagen wol enbere Vnd mag es doch nit vertagen Man muͯſz freide vnd vnfreide ſagen ⸿Wie trurig vns diſe mere duͦ Do hoͯret doch ein ſwigen zuͯ Nuͯ merckent es mit ſchoͯnem ſitten Hie komet ein maget zuͯ geritten Gege*Gegen zucht vil dichdicke wol gelobet Wenne das ir zucht hie wurt vertobet Jr mere duͯt vil lúten leit Nuͯ hoͯrent wie die jungfroͧwen reit Einen mul hoch alſo ein caſtelan Val vnd dannoch ſuſz getan Naſſnitig vnd verbant Alſo vngerſz marck erkant Jr zoum vnd das gereite Was gewircket mit arbeite Túre vnd dar zuͯ rich Jre mvle ging folleclich Sú was nit frouwelich gevar We was ſolt ir komen dar Sú kam ẏe doch es muͯſt ſin Artus herre ſú brachte pin Der megede ir kunſt des verjach Alle ſproche ſú wol ſprach Latin heidenſch vnd frantzois Sú was der witze kurtois Dẏalcrite vnd ſcoͯmetri Jr worent ouch der liſte by Von aſtronomẏe Sú hieſz Cundrie Surtzier was ir zuͯ nāmme Jn dem munde nit die lāmme Wenne er geret ir genuͦg Vil hoher freide ſú nẏder ſluͦg DJe maget wicz*witzen rich Was gefar dem vnglich Die man heiſſet beaſcent Ein brútelachen von gent Noch blouwer denne ein laſur Hette an geleit der freiden ſchuͦr Das was ein kappe wol geſnitten Alles noch der frantzoiſer ſitten Dar vnder an ir was pfelle guͦt Von lunders ein pfewin huͦt Gefruriert mit einem blialt Der huͯte nuwe die ſnuͯr nit alt Der hing ir an dem rúcken Jr mere was ein brucken Die jomer v́ber die freide truͦg Sú zúchte in ſchimppfes do genuͦg V́ber den huͦt ein zopff erſwang Vntze vff den mul der was ſo lang Swartz herte nit zuͯ clor Linde alſo ein linde ſwines rúcke hor Sú was genaſet alſo ein hunt Zwene eber zene ir fúr den munt Gingent wol vingers lang Jetweder ougbrowe ſich drang Mit zoͯppfen vor die horſnuͯr Min zucht durch zworheit miſſe fuͯr Das ich ſuͯs muͦſz von frouwen ſagen Nie kein ander darff es von mir clagen Condri druͯg oren alſo ein ber Nicht noch frúndes mẏnne ger Ruch was ir antlit erkant Ein geiſtel fuͯrte ſú in der hant Dem woren die ſwenckel ſidin Vnd der ſtile ein robin Gefar alſo ein affen hut Truͯg hende diſz gebe drut Die nagel worent nicht zuͯ liecht Do wenne mir die offentúre gicht Sú ſtunden alſo eins beren clan Noch ir mẏnne was ſelten juſt getan Suſz kam geritten in den ring Trurens vrhab freiden twing Sú kerte do ſú den wurt fant Froͧwe conneware delalant Alles mit artuſe Die kv́nnigin von jamfuſe Mit froͧwe ginoferen aſz Artus der kv́nnig ſchoͯne ſas Conde hielt vor den britonis Sú ſprach zuͯ jme in frantzois Ob ichs úch tútſche ſagen ſol So duͦnt ir mere nicht zuͯ wol Filẏ roẏs uter pandragun Dich ſelben vnd manige britun Hat din gergewerbe alhie geſchant Die beſten v́ber alle lant Die ſehſſent hie mit wúrdickeit Wenne das ein galle iren priſz verſneit Taffelrunde iſt entnichtet Der falſch hat dar an gepflichtet Kv́nig artus du ſtúnde zuͯ lobe Hohe dinen genoſſen obe Din ſtigender priſz nuͯ ſincket Din ſnelle freide nuͯ hincket Din hohes lop iſt geneiget Din priſz hat falſch erzeiget Der taffelrunde priſes crafft Het erlemet ein geſelleſchafft Die dar v́ber gap her parcifal Der ouch dort treit die ritters mal Jr nennent in den ritter rot Noch dem der do lag vor nantes dot Vnglich ir zweẏer leben was Wenne munt von ritter nye gelaſz Der pflege ſo gantzer wurdickeit Von dem kv́nige vor den faleiſz ſú reit Sú ſprach ir duͦnt mir ſitte buͦſz Das ich verſage mẏnen gruͦſz Artuſes vnd der maſenẏe ſin Gevneret ſy uwer liechter ſchin Vnd uwer manlich lide Hette ich ſuͯne oder fride Die werent úch beide túr Jch duncke úch vngehúr Vnd bin gehúrer doch denne ir Herre parcifal wenne ſagēnt ir mir Vnd beſcheident mich einer mer Do der trurige fẏſcher Saſz one freide vnd one troſt War vmb ir ſúfftzens nit hant erloſt Man truͯg úch fúr des jomers laſt Jr vil vngetruwer gaſt Sin not úch ſolte erbarmet han Des úch der noch werde man Jch meine der zungen dar in Alſo uwer hertze iſt rechter ſin Gegen der helle ir ſint benant Zuͯ hȳmmel fuͯr der hoͯheſten hant Alſo ſint ir vff der erden Verſument ſich die werden Jr heiles ban ir ſelden fluͦch Des gantzen briſes recht vnruͦch Jr ſint manlicher eren ſiech Vnd an der werdickeit ſoſchiech Das úch kein artzat mag ernern Jch wil vff uwerem houbete ſwern Git mir yeman des ein eit Das groſſer falſch nẏe wart bereit Do keinem alſo ſchonem man Jetwederem angel ir notern zan V́ch gap ie doch der wurt ein ſwert Das uwer wurde wart nẏe wert Dar loſz ich ſwigen funden zil Jr ſint der helle hirten ſpil Gevnerter lip her parcifal Jr ſohent ouch bẏ úch tragen den grol Snidende ſilber vnd bluͯtig ſper : Platzhalter für Capitulumzeichen. Jr freide letze ir trurens wer Wer nuͯ mzuͯ muntſaluaſce úch frogēn mit Jn beidenſchafft zuͯ trabonit Vwer ſtat hat erden wunſches ſolt Hie hat úch frogen mere erholt Ferre fúr anſcevin Jenes landes kv́nigin Mit herter ritterſchafft erwarp An dem die manheit nit verdarp Die uwer beider vatter druͦg Vwer brúder wunders pfliget genuͦg Jo iſt beide ſwartz vnd blang Der kv́nnigin ſuͦn von zazamang Nuͯ gedencke ich aber an gamureten Des hertz ẏe falſches was ergetten Von anſchouwe uwer vatter hieſz Der úch ander erbe lieſz Denne alſo ir hant geworben Jn priſe ir ſint verdorben Hette uwer muͯter ẏe miſſetan So ſolt ichs gerne do fúr han Jr moͯchtent ſin ſinſuͦn nicht geſin Nein ſo lerte ir truwe pin Gloubent von ir guͦten mere Vnd das uwer vatter were Manlicher truwen wiſe Vnd witfengig hoher priſe Er kunde wol mit ſchalle Groſz hertz vnd cleine galle Das ob was die bruſt ſin tach Er was rúſe vnd vengig vach Sin manliches ellen Kunde dem priſe wol geſtellen Nuͯ iſt uwer priſz zuͯ falſch komen Owe das ẏe wart vernonevernomen Von mir das hertzeleiden barn An priſe hette ſuſz miſſefarn Condri was ſelbes ſorgen pfant Al weinende ſú die hende want Das mang zaher den anderen ſluͦg Groſz jomer ſú vs ir ougen truͦg Die maget irlerte ir truwe Wol clagen ir hertzen truwe Wider fúr den wurt ſú kerte Jr mere ſú do gemerte Sú ſprach iſt hie kein ritt̉er wert Des ellen priſes hat begert Vnd dar zuͯ hoher mẏnne Jch weiſz vier kv́nniginne Vnd vierhundert jungfrouwen Die man gerne moͯchte ſchouwen Zuͯ ſchathal maruail die ſint Alle offentúre iſt ein wint Wenne die man do bezalen mag Hoher mynne wert beẏag Alhabe ich der reiſe pin Jch wil noch hinnacht dar vff ſin Die maget trurig nit gemeit One vrlop von dem ringe reit Al weinende ſú dicke wider ſach Nuͯ hoͯrent wie ſú ſprach Eẏ monſcaluaſce jomers zil We das dich nẏeman troͯſten wil Condri lazurtziere Die vnſuͯſſe vnd doch die fuͯre Den waleis ſú beſwert hat Was halff in kuͯnes hertzen rat Vnd worheit zucht by manheit Vnd dannoch mere jme was bereit Scham obe allem ſime ſitten Den rechte falſch hette er vẻrmitten Wenne ſcham git priſz zuͯ lon Vnd iſt doch der ſelen cron Scham iſt ob ſitten ein geuͯbet fluͦt Conware das es ſú weinen duͦt Das parcifalen den tegen balt Contri ſurtzier ſaſz beſcalt Ein alſo wunderlich geſchafft Hertzen jomer ougen ſafft Gap maniger werden frouwen Die man weinende muͯſte ſchouwen xxxijj Alſo kingramors von Artuſe vnd der ma=ſenẏe gawanen kanppfes an ſprach : besteht aus einem etc-Zeichen samt Schlaufe. COndrie was do trurens wer Die reit hin weg nuͦ reit dort her Ein ritter der truͦg hohen muͦt Alles ſin harneſch was ſo guͦt Von dem fúſz vntz an das houbet tach Das mans fúr groſſe coſte jach Sin zimierde was rich Gewoppent ritterlich Was das roſz vnd ſin ſelbes lip Nuͯ fant er magt man vnd wip Trurig an dem ringe hie Do reit er zuͯ nuͯ hoͯrent wie Sin muͦt was hoch jomers vol Die beide ſchantz ich nennen ſol Hochffart riet ſin manheit Jomer lert in hertze leit Er reit vſz zuͯ dem ringe Ob man in do icht tringe Vil knappen ſprang dar noher ſan Do enpfingen ſú den werden man Sin ſchilt vnd er die worent vnbekant Den helm er nit von jme bant Der freiden ellende Druͯg das ſwert in ſiner hende Bedecket mit der ſcheiden Do frogete er noch in beiden Wo iſt artus vnd gawan Jungherren zeigeten in do ſan Suſz ging er durch den ring wit Túre was ſin kurſit Mit liechtem pfelle wol gefar Wurt fúr vnd fúr ringes ſchar Er ſtunt vnd ſprach alſus Got het den kv́nig artus Dar zuͯ froͧwen vnd man Was ich der hie geſehen han Den búte ich dienſtlichen gruͦſz Wenne einem duͦt min dienſt buſz Dem wurt min dienſt nẏemer ſchin Jch wil bẏ ſinem haſſe ſin Was haſſes er geleiſten mag Min haſſe jme bútet haſſes ſlag Jch ſol doch nennen wer er ſy Ach ich arman vnd owẏ Das er min hertze ẏe ſuſz verſneit Min jomer iſt von jme ſo breit Das iſt her gawan Der dicke priſz hat getan Vnd hohe werdickeit bezalt Vnpris ſin hett aldo gewalt Do in ſin gir dar zuͯ vertruͦg Jn dem gruſz er mir den herren ſluͦg Ein kuſz den judas teilte Jme ſelben willen feilte Es duͯt manigem tuſent hertzen we Das ſtrenge mortliche re Das an mẏnem herren iſt getan Leuckent das her gawan Des antwurt vff kamppfes ſlag Von húte v́ber den xiiij tag Von dem kv́nige von aſcelun Jn der houbt ſtat zuͯ ſcanpazun Jch lade in kamppfelich dar Gegen mir zuͯ komende kampfar Kan ſin lip des nit verzagen Er enwelle do ſchiltes ambacht tragēn So manen ich in dannoch mere Bẏ des helmes ere Vnd durch ritter ordeliches leben Dem ſint zwo rich vrbor geben Rechte ſcham vnd werde truwe Gebent priſz alt vnd nuwe Her gawan ſol ſich nit verſchāmmen Obe er geſelleſchafft wil nemen Obe der tafelrunder Die dort ſtot beſunder Der rechte were gebrochen ſan Seſſe dar obe ein truweloſer man Jch bin her nit durch ſchelten komen Gloubent ſit irs hant vernomen Jch forder kampff vor ſchelten Der nicht wenne dot ſol gelten Oder aber leben mit eren Wenne es wil die ſelde leren Der kv́nig ſweig vnd was vnfro Doch antwurt jme der rede alſo Herre er iſt miner ſweſter ſuͦn Wer gawan dot ich wolte duͦn Den kampff E min gebein Lege truweloſz vnrein Wil glúcke úch ſol gawanes hant Mit kampff duͯn das wol bekant Das ſin lip mit truwen fert Vnd ſich falſches hat erwert Habe úch anders ẏeman leit Geton ſo machen nit ſo breit Sin laſter one ſchulde Wenne er erwirbet uwer hulde So das ſin lip vnſchuldig iſt Jr habt an diſen kurtzen friſt Von jme geſaget das uwer priſz Krencket ſint die lúte wiſz ⸿Beacúrs der ſtoltze man Des bruͯder was her gawan Der ſprang vff vnd ſprach zuͯ hant Herre ich ſol do weſen pfant War gawan iſt der kampff geleget Sin felſchen mich vnſanffte reget Wellent irs nit erloſſen in Habent úch an mich ſin pfant ich bin Jch ſol fúr in zuͯ pfande ſton Es mag mit rede nit ergon Das hoher priſz geneiget ſy Der gawan iſt ledeclichen by Er kerte aldo do ſin bruͯder ſaſz Fuͯſz fallens er do nit vergaſz Den bat der ſuſz nuͯ hoͯrent wie Gedencke bruͯder das du nẏe Mir húlffe groſſer wurdicket Vnd loſz mich fúr din arbeit Ein kamppfeliches geſelle weſen Obe ich in kamppfe ſol geneſen Des haſt du ẏemer ere Er bat in fuͯrbaſz mere Durch bruͯderlichen ritters priſz Gawan ſprach ich bin ſo wiſz Das ich dich bruͯder nit gewer Diner bruͯderlichen ger Jch enweiſz war vmb ich fechten ſol Ouch duͦt mir fechten nit ſo wol Jch wolte vngerne dirs verſagen Wenne das ich muͯſz laſter tragen BEahcúrs al faſte bat Der gaſt ſtunt an ſiner ſtat Er ſprach mir bútet kampff ein man Des ich nẏe kein kunde han Jch han ouch nit zuͯ ſprechen dar Starg kuͯne vnd wol gefar Getruwe vnd rich Hette er die folliclich Er mag borgen deſter baſz Jch trage vff in do keinen haſz Er was min herre vnd min mog Durch den ich hebe diſen bog Vnſer vetter gebruͯder hieſſen Die nẏchtes einander lieſſen Nie kein man gekroͯnet wart Jch enhette jme wol vollen art Mit kamppff rede zuͯ bieten Mich rach gegen jme nieten Jch bin ein fúrſte vs aſcalun Der lantgroffe von ſcanfazun Vnd hieſz kingramúrſel Jſt her gawan lobes ſnel Der mag ſich nanders nit entſagen Er muͦſz kampff do gegen mir tragen Ouch gibe jch jme fride v́ber alles das lant Nuͯt wenne von mins eines hant Mit truwe ich frẏde geheiſſe Vſſerhalp des kamppfes kreiſſe Got behuͯte alle ichdie ich loſſe hie Wenne eines er weiſz wol ſelbes wie Suſz ſchiet der wol gelobete man Von dem plamizols plan ⸿Do kingrimúrſel wart genant Achten do wart er ſchier erkant Werden verigen priſz Hette an jme der fúrſte wiſz Sú johen das her gawan Des kamppfes ſorge muͯſte han Gegen ſinen woren ma*manheit Des fúrſten der do von in reit Ouch mante manigen truzens not Das man jme do mit eren bot Do worent dar ſollich mere komen Alſo ir E wol haben vernomen Die licht erwantent einen gaſt Des wurtes gruͯſſes jme gebraſt VOn condrien man ouch jnnen wart Das waleis nāmmen vnd ſiner art Das in gebar ein kvnigin Vnd wie die erwarp de auſcevin Maniger ſproche wie wol ich weiſz Das er ſú vor kanfoleis Gediende herteclich Mit manigem punder rich Vnd das ſin ellen vnverzaget Erwarp die ſeldenberen maget Ampfliſe die geherte Ouch gamureten lerte Do von der helt wart curtois Nuͯ ſol ſich ẏegelich britonis Hie frouwen das der helt iſt komen Do priſz mit worheit iſt vernomen An jme vnd ouch an gamúret Rechte wúrdickeit was ſin gewet ⸿Artus her was an dem tage Komen freide vnd clage Alſo ſollich gepariertes leben Was den helden gegeben Sú ſtunden vff vber al Do was truren one zal Ouch gingen die werden ſan Do der waleis vnd gawan Do bẏ einander ſtunden Sú troſten ſú alſo ſú kúnden Clamiden den wol geborn Duchte er hette mer verlorn Denne ẏeman der do moͯchte ſin Vnd das zuͯ ſcharppfe were ſin pin Er ſprach zuͯ parcifal Worent ir bẏ dem gral So muͯſz ich ſprechen one ſpot Jn heidenſchafft tribabilot Dar zuͯ das gebirge in kaucaſas Was munt von richeit ẏe gelas Vnd des groles werdickeit Die vergúlten nit min hertzeleit Das ich vor pelrapeẏr gewan Ach ich armer vnſeliger man Mich ſchiet von freiden uwer hant Nuͯ iſt hie frowe conware delalant Die ſelbe edele fúrſtin Wil ſo ferre in uwerem gebotte ſin Das ir die nẏeman dienen lat Wie vil ſú dienſt geltes hat Sú moͯchte ẏe doch erlangen Das ich bin ir gefangen Alſo lange hie geweſen Obe ich on freiden ſol geneſen So helffent mir das ſú ere ſich So das ir mẏnne ergetze mich Ein teil das ich von úch verloſz Do mich der freiden zil verkoſz Jch hette es behalten wol wenne ir Nuͯ helffent diſer megede mir Das tuͯn ich ſp*ſprach waleis Jſt ſú bette volge curteis Jch ertergetze úch gerne wenne ſú iſt min Durch die ir wolt by ſorgen ſin Jch mein die dreit den beahcúrſz Condewiren amors Von janfuſe die heidenin Artus vnd das wip ſin Vnd conware de lalant Vnd froͧwe jeſcute von karnant Die gingent do durch troͯſten zuͯ Was wellent ir das man me duͦ Cunnewaren ſú goben clamide Wenne dem was noch ir mynne we Sinen lip gap er ir zuͯ lone Vnd ir houbet ein crone DO das die heidenin geſach Von janfuſe zuͯ parcifal ſprach Contrie nante vns einen mān Des ich úch wol zuͯ bruͯder gan Des gewalt iſt wit vnd breit Zweyer crone richeit Stot foͯrchteclich in ſiner pflege Vff dem waſſer vnd vff dem wege Azagoug vnd zazamang Die lant ſint crefftig wit vnd lang Sinem richtuͯm glichet nicht One den barug wo mans gicht Vnd on tribalibot Man als bat Man bat als an einen got Sin fel hat vil ſpehen glaſt Er iſt aller manne farwe ein gaſt Wiſze vnd ſwartz iſt er erkant Er fuͯr do her durch ſin lant Do wolte er gerne erwendet han Min fart die ich her han getan Das warp do enmoͯchte er Siner muͯmen dochter Bin ich er iſt ein kv́nig her Jch ſage von jme wunders mer Nieman geſaſz vor ſiner juſt Sin priſz hat hohe coſt So milter lip geſoug nie bruſt Sin ſitte iſt valſcheit verluſt Er heiſſet ferefúr anſcevin Sin dat durch wip kan liden pin Wie froͯmde es mir hie were Jch kam ouch her durch mere Vnd zuͯ erkennen offentúre Nuͯ lit die hoͯheſte ſtúr An úch des alle getoúffte diet Mit priſe ſich von laſter ſchiet Sol guͯt geberde úch helffen icht Vnd das man úch mit worheit gicht Lichter f*farwe manlicher ſitte Crafft mit tugenden fert do mitte Die rich wiſe heidenin Hat an kúnſten den gewin Das ſú wol rette frantzois Do antwurt ir der waleis Solich was ſin rede wider ſú Got lon úch froͧwe das ir hie Mir gebent ſo gútlichen troſt Jch bin doch trurens nit erloſt Jch wil úch des beſcheiden Jch mag es ſo nit geleiden Alſo es mir leit kundet Das ſich nuͯ maniger ſundet An mir der nit weis miner clage Vnd ich do by ſin ſpotten trage Jch wil do heiner freide jehen Jch múſſe alrerſt den grol ſehen Die wile ſy kurtz oder lang Mich jaget des endes min gedang Do von geſcheide ich nẏemer Mines lebens ẏemer Sol ich durch mẏner zúcht gebot Nuͯ hoͯren der welte ſpot So mag ſin roten nit ſin gantz Mir riet der werde gurnemantz Das ich freuelich froge mitte Vnd ẏemer gegen vnfúge ſtritte Vil werder ritter ſich alhie Durch uwer zucht nuͯ rotent wie Jch uweren h*hulden genehe mich Es iſt ein ſtrenge ſcharppfe gerich Gegen mir mit worten hie getan Wes hulde ich dar vmbe verlorn han Das wil ich wenig wiſſen jm Wenne ich her noch priſz gewin So habet mich aber denne dar noch Mir iſt zuͯ ſcheiden von úch goch Jr gobent mir alle geſelleſchafft Die wile ich ſtunt in priſes crafft Der ſit ir ledig vntze ich bezal Do von min grúne freide iſt fal Min ſol groſſes jomer alſo pflegen Das hertze gebe den ougen regen Sit ich vff montſaluaſce lieſz Das mich von woren freiden ſtieſz Ochten wie manig clore maget Was yeman wunders het geſaget Dennoch pfliget ſin me der gral Der wurt het ſúffzeberen qual Du helffeloſer anfortas Was halff dich das ich bẏ dir was ⸿Sú moͯchten nit lenger hie geſtan Es muͯſz nuͯ an ſcheiden gan Do ſprach der waleiſe Artuſe dem britoneiſe Zuͯ rittern vnd zuͯ froͧwen Er wolte iren vrlop ſchouwen Vnd mit ir alle hulde nemen Das moͯchte echte nyeman do gezemen Das er ſo trurig von ir reit Jch wene das was in allen leit Artus lobete jme an die hant Keme yemer in ſollich not ſin lant Des laſters wolte er pflichte han Alſo es von clamide gewan Jme were ouch leit das lehelin Jme neme zwo crone ſin Vil dienſtes jme do maniger bot Den heilt treip von jme trurens not Frouwe coneware die clore maget Nam den helt vnverzaget An ir hant vnd fuͯrt in dan Do kuſt in min herre her gawan Vnd ſprach gezogenlich Zuͯ dem helde ellens rich Jch weiſz wol frint das din fart Gegen ſtrites reiſe iſt vngeſpart Do gebe dir got glúcke zuͯ Vnd helffe ouch mir das ich duͯ Dar noch den dienſt des ich ger Das mich die gottes crafft gewer DEr waleis ſprach we was iſt got Wer der gewaltig ſolliches ſpot Hette er vns beiden nit gegeben Kund got mit crefften leben Jch was jme dienſtes vnder tan Sit ich genoden mich verſan Nuͯ wil ich dienſt wider ſagen Het er haſz den wil ich tragen Frint an dines kamppfes zit Do nem ein wip fúr dich den ſtrit Die muͯſſe leieleiten dine hant An der du kúſch haſt bekant Vnd wiplich guͯte Jr mynne dich behuͯte Jch en weiſz wenne ich dich me geſehe Min wunſchen ſuſz an dir geſchehe Jr ſcheiden gap in truren Zuͯ ſtrengen noch geburen Froͧwe condewar de lalant Jn fuͦrte do ſú ir pauelun fant Sin harneſch hieſz ſú jme bringen dar Jr linden hende wol gefar Die woppente gamuretes ſuͯn Sú ſprach ich ſols von rechte tuͦn Sit der kv́nig von brandigan Von ir ſchulden mich wil han Groſſes kumber ir wurdickeit Git mir ſúffzeberes leit Vwer ſorge min freide zert Wenne ir nit trurens ſint erwert Nuͯ was ſin roſz verdecket Sin ſelbes not erwecket Ouch hette der tegen wol getan Vil liechten harneſch an Túre one aller ſlachte getrog Sin kurſit ſin woppen rog Was geheret mit geſtein Sinen helm allein Her nit vff gebunden Do kuſt er an den ſtunden Froͧwe coneware die ſuͯſſe maget Alſus wart mir von in geſaget Do erging ein trurig ſcheiden Vnder den gelieben beiden ⸿Hin reit gamuretes kint Was offentúre geſprochen ſint Die endarff hie nẏeman meſſen zuͯ Jr hoͯrent alreſt was er nuͯ tuͯ War er kere oder war er far Wer den lip an ritterſcheffte ſpar Der gedencke die wile nit an in Obe es jme rote ſtoltzer ſin Condewier amors Din mẏnneclicher beacúrs An den wurt nuͯ dick gedacht Was diſer wurt offentúre bracht Schiltes ambacht vmb den gral Wurt nuͯ vil geuͯbet ſunder qual Von jme den hertzeleide bar Er was ouch geferwet dar ⸿Do fuͯr der maſenie vil Gegen dem arbeitlichen zil Ein offentúre ſchouwen Do vier hundert jungfroͧwen Vnd vier kv́nniginne Gefangen worent jmjnne Zuͯ ſchahteil marfeil Was in do wart zuͯ teil Das habent in on mynen haſz Jch bin doch froͧwen lonen laſz Do ſprach der krieg klẏas Jch bin der do verſumet was Vor in allen er des jach Der trurekeite mich do ſtach Hinder das roſz ich muͦſz mich ſchāmmēn Do ſaget er mir vier froͧwen nāmmen Die do cronebere ſint Zwo ſint alt zwo ſint noch kint Der heiſſet ein ẏtonẏe Die ander condrẏe Die dritte heiſſet ſangie Die vierde armẏe Das wolte etlicher do beſehen Es moͯchte ir reiſe nit folle ſpehen Sú muͯſſen ſchaden do beẏagen Den ſol ouch ich zuͯ moſſen clagen Wenne wer durch wip hat arbeit Das git jme freide ouch etwenne leit An dem orte fúrbas wiget Suſz mẏnne dicke ires lones pfliget Do bereit ſich her gawan Alſo ein kempfberer man Hin vor den kv́nig von aſcelun Des trurte manig britun Vnd manig wip vnd maget Hertzeclich wart geclaget Von in ſin ſtrites reiſe Der wurdicket ein weiſe Wart nuͯ die tafelrunder Gawan maſz beſunder Wo mit er moͯchte geſigen Alte herte ſchilt wol gedigen Er enruͯchete wie ſú woren gefar Die brachten koufflúte dar Jn ir ſchiffen doch nit feil Der wurdent jme drú zuͯ teil Do erwarp der wore ſtrites helt Súben roſz zuͯ kamppfe erwelt Zuͯ ſinen frúnden er do nam Zwoͯlff ſtarck ſper von angnam Starck roͯren ſchefft dar in Von oraſte gente ſin Vs einer heidenſchen mur Gawan nam vrlop vnd fuͦr Mit vnverzageter manheit Artus was jme vil bereit Er gap jme richer koſte ſolt Liecht geſtein vnd rotes golt Vnd manigen ſilbers ſterling Gegen ſorgen wieltze ſin ding Ecuba die junge Fuͦr gegen ir ſchiffunge Jch meine die riche heidenyn Do kerte an manigen enden hin Das volck von dem plumzol Artus fuͯr gon caridol Conneware vnd clamide Die noment ouch ir vrlop E Orilus der fúrſte erkant Vnd froͧwe jeſcute von kornant Die noment ouch den vrlop ſan Jedoch blibens vff dem plan Bẏ clamide den dirten tag Wenne er der b̉rutlofft pflag Nicht mit benanter hochzit Sú wart do heim groſſer ſit Wenne jme ſin milte das geriet Vil ritter vnd kumberhaffte diet Bleip an clamides ſchar Vnd ouch das farende volg gar Die fuͯrte er heim zuͯ lande Mit eren one ſchande Wart in geteilet do ſin habe Mit falſch nit gewiſet abe Do fuͦr frouwe jeſcute Mit orilus ir trute Durch clamide zuͯ brandigan Das wart zuͯ einen eren getan Froͧwe conwaren der kv́nigin Do croͯnete man die ſweſter ſin Nuͯ weich ich wol wellich ſinnig wip + Obe ſú hette getruwen lip Die diſe mere beſchriben ſicht Das ſú mir mit worheit gicht Jch kunde wiben ſprechen baſz Danne als ich ſante gegen einer maſz Die kv́niginne belakane Was miſſewenden ane Vnd aller falſcheit laſz Do ſú ein toter kv́nig beſaſz Sit gap frouwe hertzeleiden troum Súffzenberen hertzen roum We ach was frowe ginoferen clage An jthers ende tage Dar zuͯ was mir ein truren leit Das alſo ſchamelichen reit Des kv́nniges kint von karnant Froͧwe jeſcute kúſche erkant Wie wart froͧwe conneware Galunet mit irem hare Des ſint ſú faſte wider komen Jr beider ſcham het priſz genomen Zuͯ machen neme diſe mere ein man Der offentúre prúffen kan Vnd rume kúnne ſprechen Beide ſamnen vnd brechen Jch dete es úch gerne fúrbaſz kunt Wolt es gebieten mir ein munt Den doch ander fuͯſſe tragent Denne die mir zuͯ ſtegereiff wagent xxxiiij Hie gat gawans offentúre an wie der zuͯ ſinem kampff fuͦr vnd getaget man parci=fals ein lange wile : besteht aus einem etc-Zeichen. WEr nẏe gewarp noch ſchandēn Ein wile zuͯ ſinen handen Sol nuͯ die offentúre han Der werde erkante gawan Die pruͯffent manigen one haſz Dar nebent oder fúr in baſz Denne des meres her parcifal Wer ſinen frint alle mal Mit worten an das hoͯheſte jaget Der iſt priſes anderhalp verzaget Jme were der lúte volge guͦt Wer dick lop mit worheit duͦt Wenne was er ſprichet oder ſprach Die rede blibet one tach Wer ſol ſin wort behalten Es wellent die wiſen walten Valſch lúgerich ein mere Das wene ich noch baſz were Ane wort vff einem ſne So das dem múnde wurde we Das es vs fúr worheit breitet So het in got bereitet Alſo guͯter lúte wunſch ſtat Den ir truwe zuͯ arbeit ergat Wem iſt zuͯ ſollichen wercken goch Do miſſewende hoͯret noch Pflichtet werder lp*lẏp an den gewin Das muͯſz in leren krancker ſin Er midet es E kande er ſich ſchemen Den ſit ſol er zuͯ vogt nemen Gawan der rechte gemuͦte Sin ellen pflag der huͦte So das die wore zagheit An priſe jme nẏe gr*gefrōmmete leit Sin hertz was zú felde ein burg Gegen ſcharppfen priſen wol ſo kurg Jn ſtrites getrenge man in ſach Frint vnd vigent jme des jach Sin kriege were gegen priſe ſnel Wie gerne in kingrumorſel Mit kamppfe hette do von genomen Nuͯ was von artuſe komen Des enweiſz ich nit wie manigen tag Gawan der manheit pflag Suſz reit der werde tegen balt Sin rechte ſtroſſe vſz einen walt Mit ſinem gezuge durch einen grunt Do wart jme vff dem búhel kunt Ein ding das angeſt lerte Vnd ſin manheit merte Do ſach der heilt vil vnbetrogen Vil manig banẏer vmb zogen Vnd groſſe fúre nit zuͯ krang Er gedochte mir iſt der weg zuͯ lang Flúchtig wider gegen dem walde Do hieſz er gúrten balde Sinem roſz das jme orilus Gap das was genennet ſus Mit den roten oren gringulete Er enpfing es one aller ſlachte bete Es was von montſaluaſce komen Vnd hette lehelin genomen Zuͯ brunibang by dem ſe Einem ritter det ſin juſte we Den er dot dar húnder ſtach Des ſyder treirierzen verjach Gawan gedochte wer ſo verzaget Das er flúhet E man in jaget Das wer ſinem priſe gar zuͯ fruͯ Jch wil in noher ſtappfen zuͯ Was mir do von mag beſchehen Jr habent mich des mereteil geſehen Des ſol doch guͯt rot werden Do erbeiſſet er zuͯ der erden Recht alſo er habete einen ſtal Die roͯte was one zal Er ſach vil cleider wol geſnitten Die do mit conpanie ritten Vnd manigen ſchilt ſo gefar Das er ir nit bekant gar Noch do kein baner vnder in Diſem her ein gaſt ich bin Suſz ſprach der werde gawan Sit ichs nuͯ kein kunde han Wellent ſú es nit v́bel wenden Ein juſte ſol ich in ſenden Das iſt wor mit min ſelbes hant E das ich von in ſy gewant Do was ouch gringulet begúrte Das in manigen angeſtlichen fuͦrte Gegen ſtrite was zuͯ der juſte bracht Des wart ouch gegen jme gedacht Gawan ſach gefloriert Vnd wol gezimyert Von richer koſte helm vil Sú fuͯrten gegen ir nit ſpil Vil núwer ſper ein wunder Die gemolet worent beſunder Jungherren geben in ir hant Jr herren woppen dar an erkant Gawan fili roilot Sach von gedrenge groſſe not Mule die do harneſch múſten tragen Vnd manigen wol geladenen wagen Den was zuͯ herberge goch Ouch fuͯr der marcket hinden noch Mit wunderlichem parat Des enwas ouch do kein ander rat Ouch was der frouwen do genuͯg Etlich den zwoͯlfften gúrtel truͦg Zuͯ pfande noch ir mynne Es worent nit kv́nniginne Die ſelben krippomoẏſen Hieſſent ſoldoyſen Hie der junge dort der alte Do fuͯrent vil ribalte Das louffen machte in muͯde ir lide Etlẏcher zeme baſz an der wide Denne er das her do merte Vnd werdes volck vnerte Vor was gelouffen v̄nngeritten Das her das gawan hette erbitten Von ſollichem wone das geſchach Wer den helt do halten ſach Der wonde er were des ſelben hers Diſehalp vnd ẏenſit mers Gefuͯr nẏe ſtoltzer ritterſchafft Sú hetten hohes muͯtes crafft NV́ balde hinden noch Faſt vff ir ſlahe dem was goch Ein knappe gar vnfuͯge fry Ein lidig roſz ging yme by Einen nuwen ſchilt erfuͦrte Mit beiden ſporn er ruͯrte One zart ſin rintzit Er wolte gohen in den ſtrit Wol geſnitten was ſin cleit Gawan zuͯ dem knappe reit Noch grúſſe frogete er mere Wes die maſenie were Do ſprach der knappe ir ſpottent min Herre habe ich ſolliche pin Mit vnfuͯge an úch erholt Hette ich ander not gedolt Die ſtunde mir gegen priſe baſz Durch got nuͯ ſenfften uweren haſz Jr be*bekennent in baſz denne ich Was hilffet danne das ir froget mich Es ſol úch baſz weſen kunt Zuͯ einem mole vnd tuſen ſtunt Gawan bot des ſinen eit Was volckes do vor in reit Das er des nit enkande Er ſprach min faren hat ſchande Sit ich mit worheit nit mag jehen Das ich ir do keinen han geſehen Vor diſem tage an keiner ſtat War man min dienſt ẏe gebat Der knappe ſprach zuͯ gawan Herre ſo hab ich miſſetan Jch ſolt es úch E han geſeit Do was min boͯſer ſin verzeit Nuͯ richtent mine ſchulde Noch uwer ſeldes hulde Dar noch ſol ich úch gerne ſagen Lont mich E min vnfuͯge clagen Jungherre ſagent mir wer ſú ſin Durch uwer zuchtbere pin Ferre ſus heiſſet der fúr in fert Dem doch ſin reiſe iſt vnerwert Rois poidiconiuntz Vnd ouch aſtor de kaueruntz Do fert ouch ein vnbeſcheiden lip Dem mȳxnne nẏe gebot kein wip Er treit der vnfuͯge crantz Vnd melagantz Es were wip oder magt Was er do mynne hette beyagt Die nam er gar in noͯten Man ſolte in dar vmbe doͯten Er iſt poidiconiuntz ſuͦn Vnd wil ouch ritterſchafft hie duͦn Der pfliget ellens rich Dicke vnverzegentlich Was hilffet ſin manlicher ſitte Ein ſwin muͯter lieff er mitte Jr verlin das werte ouch ſie Jch gehorte man priſen nie Was ſin ellen one fuͦge Des volgent mir genuͦge ⸿Herre noch hoͯrent ein wunder Lat úch das ſagen beſunder Groſz her noch vns do fuͯret Den ſin vnfuͯge ruͯret Der kv́nig meliantz von litz Hochfferteclichen zornes witz Het er gefrōmmet one not Vnrecht mynne jme das gebot Der knappe in ſiner zucht verjach Herre ich ſage es úch wenne ich es ſach Das kv́nig meliantzes vatter Jn do des leger fúr ſich bat er Die fúrſten ſines landes Wenne vnerloſtes pfandes Stunt ſin ellenthafftes leben Das muͯſz ſich dem tode ergeben Jn der ſelben ruwe Befalch er vff ir truwe Meliantzen den cloren Allen die do woren Doch koſz er einen ſundern dan Der fúrſte was ſin hoͯheſterman Gegen truwe alſo bewert Aller falſcheit er lertlẻrtt Den bat er ziehen ſinen ſuͦn Er ſprach du macht an jme nuͦ tuͦn Diner truwe hantfeſte Bit in das er die geſte Vn̄d die heīml Vnd die heimlich habe wert Wenne es der komerhaffte gert Dem bitte in teilen ſine habe Suſz wart enpfolhen do der knabe ⸿Do leiſte er kvnig lipaot Das ſin herre der kv́nig gebot An dodes legen jme warp Harte wenig des verdarp Endehafft es wart geleistet ſyder Der fúrſte fúrte den knappen wid̉er Dar heim do hette er liebe kint Alſo jme noch billich ſint Ein dochter der das nit gebrach Wenne das man des ir zit jach Sú were wol amẏe Die heiſſet owie Jr ſweſter heiſſet abilot Ob ẏe frunt vns diſe not Eins tages gedihe an die ſtat Das der junge kv́nig bat Noch ſinem dienſt minne Sú verfluͯcheten jme ſin ſinne Vnd frogeten in wes er wande War v́mb er ſich ſinnes ande Sú ſprach zuͯ yme werent ir ſo alt Das vnder ſchilt were bezalt Jn wurdeclichen ſtunden Mit helm vff houbet gebunden Gegen hurteclichem voren Vwer tage in fúnff joren Das ir den priſz do hettēn genomen Vnd werent ir denne wider komen Zuͯ mẏnem gebot geweſen do Sprech ich denne aller erſt jo Des uwer wille gerte Al zuͯ fruͯ ich uch gewerte Jr ſint mir liep wer leuckent des Alſo anoren galoes Die ſit den dot durch in erkoſz Do ſú in von einer juſte verloſz Vngerne ſprach er frouwe Vch ſú bẏ liebe ſchouwe Das uwer zúrnen vff mich gat Genode doch bẏ dem dienſte ſtat Wer truwe recht meſſen wil Frouwe es iſt gar úch zuͯ vil Das ir mẏnen ſinne ſuſz ſmohet Jr habent úch gar vergohet Jch moͯchte doch des genoſſen han Das uwer vatter iſt min man Vnd das er het von mẏner hant Manig burg vnd alles ſin lant Wem ir icht lihet der habe das Sprach ſú min zil ſich hohet baſz Jch wil von nẏeman lehen han Min friheit iſt alſo getan Jegelicher crone hoch genuͦg Die irdeſch houbet ẏe getruͦg Er ſprach ir ſint geleret Das ir hochffart ſuſz meret Sit uwer vatter *gap den rat Er wandelt mir die miſſedat Jch ſol hie woppen alſo tragen Das wurt geſtochen vnd geſlagen Es ſẏ zuͯ ſtrite oder torney Hie blibet vil der ſper enzweẏ Mit zorne ſchiet er von der maget Sin zúrnen ſere wart geclaget Von alter maſenẏe Jn clagete ouch obẏe Gegen diſer vngeſchicht Bot ſin gericht Lippaot der von ſchulden truͦg Vnd anders wandels genuͦg Es were krump oder ſleht Er gerte ſiner genoſſen recht Hoff do die fúrſten weren Vnd er were zuͯ diſen meren Komen one ſchulde Genedeclicher hulde Er faſte ſinen herren bat Dem det er zorn an freiden mat Lippaot wolte nit gohen So das er ſinen herren nohen Wolte wenne er was ſin wúrt Das noch getruwer man verbirt Der kv́nig one vrlop dennen ſchiet Alſo jme ſin krancker ſin geriet Sine knappe fúrſten kindelin Alle weinen doten clage ſchin Die mit dem kv́nige do werēn geweſen Vor den mag lippaot geneſen Wenne er ſú mit truwen hette erzogen Gegen werder fúr nit betrogen Es ſy denne min herre allein An dem doch des fúrſten truwe ſchein Min herre der iſt ein frantzois Der burggroffe de beatois Er heiſſet li*liſanander Die ein vnd die ander Muͯſſen dem fúrſten wider ſagen Do ſú ſchiltes ambacht muͯſſent tragen By dem kv́nige ritter worden ſint Vil fúrſten huͯte vnd ander kint Des fordern hers pfliget ein man Der wol mit ſcharppfen ſtriten kan Der kv́nig poidicomus von gors Der fuͦrte manig wol gewoppen roſz Meliantz iſt ſins bruder ſuͦn Sú koͯnnent beide hochffart duͦn Der junge vnd ouch der alte Das es vnfuͯge walte Sich hette der zorn ſuſz fúr genomēn Das beide kv́nige wellent komēn Fúr bearoſc do man muͯſz Gedienen mit arbeit wibe gruͦſz Vil ſper muͯſz man do brechen Beyde húrten vnd ſtechen Bearoſc iſt ſo zuͯ wer Obe ir hetten zwentzig her Jegelicher groſſer denne wir hant Wir muͯſſent vnzerfuͯret lant Min reiſe iſt das hinder her verholn Diſen ſchilt han ich dan verſtoln Vſz von den andern kinden Ob min herre kunde vinden Ein juſt durch ſinen erſten ſchilt Mit hurtes punder gar gezilt xxxv Alſo das her dem knappen noch ilte mit ſpern vnd roſſen vnd er vrlop bat von gawan DEr knappe hinder ſich do ſach Sin her fuͦr jme balde nach Drẏ roſſe vnd zwoͯlff wiſſe ſpẻr Goheten mit jme balde her Jch wene ſin gúr des yemān truͯge truͯge : Tilgung mit Farbe, wie zeichnen wir das aus? Er wolte gern zuͯ fúr fluͯge Die erſte juſt do han beẏaget Suſz het mir die offentúre geſaget Do ſprach der knappe zuͯ gawan Herre lont mich uweren vrlop han Do kerte er ſinem her zuͯ Was wolt ir das gawan duͯ Er beſehe was diſe mere ſin Doch lerte in zwiffel ſtrenge pin Er gedochte ſol ich ſtriten ſehen Vnd ſol des nit von mir geſchehen So iſt min priſz verloͯſchen gar Kūmme aber ich durch ſtriten dar Vnd wurde ich do geletzet Mit worheit iſt entſetzet Aller min weltlicher priſz Jch duͯn es nicht do keine wiſz Jch ſol leiſten mynen kampff Sin not ſich in einander clampff Gegen ſines kamppfes ferte Was bliben alzuͯ herte Er moͯchte do nit fúr gefarn Er ſprach nuͯ muͯſſe got bewarn Die crafft an miner manheit Gawan gegen bearoſce reit Burg vnd ſtat ſo vor jme lag Das nẏeman beſſers huſes pflag Wenne do gleſte gegen jme ſchone Aller ander búrge ein crone Mit túrnen wol gezieret Nuͯ was geluſtieret Dem her do vor vff dem plan Do marckete min her gawan Manigen ring wol geheret Do was hochffart gemeret Wunderlicher banẏer Koſz er do manige ſchier Vnd maniger ſlachte froͯmde punel Der zwiffel was ſins hertzen honel Do durch ſin ſtarcke angeſt ſneit Gawan mitten durch ſú reit Doch ẏegelich zelt ſnuͦr die and̉er twāng Jr her was wit vnd lang Do ſach er wie ſú logen Wes diſe vnd jenne pflogen Wer binſeuemis do ſprach Gramertzis er wider jach Groſſe rot an einem orte lag SnSariande von ſemblidag Der lag do ſunder nohe by Turkopele von kaheti Vnkunde dicke vnmīnne ſint Suſz reit des kv́nig lotes kint Das in bliben do nẏeman bat Suſz kert er recht gegen der ſtat Er gedochte ſol ich kemppfer weſen Jch mag vor fluſt baſz geneſen Dort in der ſtat denne hie by in Jch kere mich an keinen gewin Wenne wie ich dar jnn behalte So das es glúcke walte Gawan gegen einer porten reit Der burger ſitte was jme leit Sú hette nit betúret Alle ir porten woren vermuͯret Vnd alle ir wighuſz werlich Dar zuͯ der zinnen yegelich Mit armbraſt ein ſchútz lag Der ſich ſchieſſens bewag Sú fliſſent ſich zuͯ ſtrite werg Gawan reit vff an den berg Wie wenig er do were bekant Er reit vff do er die burg fant Sin ougen muͯſten ſchouwen Manige werde froͧwen Die wúrtin ſelb komen was Durch warten vff den palas Mit ir ſchoͯnen doͯchtern zwein Von den vil liechter farwe ſchein Schier hette er von in vernomen Sú ſprach wer mag vns hie komēn Sú ſprach die alte hertzogin Was gezúges mag diſz ſin Do ſprach ir elt̉er docht̉er ſan Muͯter es iſt ein kouffman Nuͯ fuͯret man jme doch ſchilt mitte Das iſt vil koufflúte ſitte Jr junge dochter do ſprach Du ziheſt in das doch nie beſchach Sweſter des mach du dich ſchāmmen Er gewan nẏe kouffmans nāmmen Er iſt ſo mẏnneclich getan Jch wil in zuͯ einem ritter han Sin dienſt mag hie lones gern Das wil ich in durch liebe wern Sin knappen nomen do goum Das ein linde vnd oleboum Vnden bẏ der muren ſtunt Das duchte ſú ein geber funt Was wolt ir das ſú nuͯ me tuͦn Wenne do erbeiſte kv́nig lucheluchs ſuͦn Do er den beſten ſchatten fant Sin kamerer truͯg nuͯ dar zuͯ hant Ein kulter vnd ein matraſz Dar vff der ſtoltze werde ſaſz Ob jme ſaſz wibes hers ein fluͯt Sin kāmmer gewant man nider ſluͯg Vntze harneſch von den ſunnen Hin dan vnder den anderen bronnen Herberge nomen ſie Knappen do komen hie Die alte hertzogin ſprach ſan Dochter wellich kouffman Kunde alſus geboren Do ſolt ſin nit foren Do ſprach die junge obilot Vnfuͯge ir noch me gebot Gegen dem kv́nige meliantz von liſz Sú kerte vff hochffart ir fliſz Do er ſú bat ir mynne Gevneret ſin ſollich ſinne Do ſprach die maget obie Von zorn nicht die frẏe Sin fúr iſt mir vnmere Dort ſitzet ein wechſſelere Des mercket muͯſz hie werden guͦt Sin ſuͯn ſchrin ſint ſo behuͯt Dins ritters túrſte ſweſter min Er wil ir ſelb gemmel ſin Gar diſer worte here Kam gawan in ſin ore ⸿Die rede lont ſin alſo ſú nuͯſte Vnd hoͯrent wie es der ſtat erge Ein ſchiff rich waſſer fúr ſú floſz Durch eine brucke ſteinen groſz Nicht gegen der vigende want Anderhalp was vnverhert das lant Ein marſchalck kam geritten ſan Fúr die burg vff den plan Do nam er herberge wit Sin her kam an rechter zit Vnd ander die do ſolten komen Jch ſage es úch habent irs nit vẻrnomēn Wer in des wurtes helffe reit Vnd wer durch in mit truwen ſtreit Jn kam von brevigaries Sin bruͯder dugmarangleis Durch den komen zwen ritter ſnel Der werde kv́nig ſcirniel Der druͦg crone zuͯ liriwoum Alſo der ſin bruͯder zuͯ auendroum DO die burger ſohen Das in helffe wolte nohen Das vor hin was ir aller rat Das duchte ſú do ein miſſedat Jch mein das ſú do vor Vermuret hetten ir tor Der fúrſte lipaot ſelb ſprach Owe das bearoſc ye geſchach Das ir porten ſúllent vermuret ſin Wanne wenne ich gegen dem herren min Schiltes ambacht zeige Mine beſte zucht iſt veige Es hilffe mich vnd ſtúnde ouch baſz Sin hulde denne ſin groſſer haſz Wie ſtot ein juſt durch minen ſchilt MinMit ſiner hende dar gezilt Oder ob verſnẏden ſol min ſwert Sinen ſchilt mins herren wert Gelobet das yemer wiſe wip Die treit alzuͯ hant loſen lip Nuͯ lat mich minen herren han Jn minem turn ich muſz in lan Vnd mit jme in den ſinen War an er mich wil pinen Des ſton ich gar zuͯ ſime gebot Doch ſol ich gerne dancken got Das er mich nit gefangen hat Sit jn ſin zorn des nit erlat Er welle mich hie beſitzen Nuͯ rotent mir mit witzen Sprach er zuͯ den burgern Gegen diſen ſtrengen mern ⸿Do ſprach manig wiſer man Mocht ir vnſchult genoſſen han Es were nit komen an dis zil Sú gobent jme des rotes vil Das er ſin porte vff dete Vnd er die beſten bete Vs gegen der juſte ritten Sú johen wir moͯgen ſo ſtritten E das wir vns von zinnen wern Meliantzes beide hern Wenne es ſint das merteil kint Die mit dem kvnige komen ſint Das wir erwerben licht ein pfant Do von ẏe groſſer zorn verſwant Der kv́nig iſt licht ſo gemuͦt Wenne er hie ritterſchafft geduͯt Er ſol vns not erloſſen Vnd alles ſin zúrnen moſſen Velt ſtrites ſol vnſz doch baſz gezemen Wenne das ſú vns vff der múren nemen Wir ſolten wol gedingen Dort in der ſnuͯre ringen Wenne poidicomintz crafft Der fuͯrt die herte ritterſchafft Do iſt vnſer groſſe freiſe Die gefangen brituneiſe Der pfliget der hertzoge aſtor Den ſicht man hie gegen ſtrite vor Do iſt ouch ſin ſuͯn melracantz Het den ertzogen gurnemantz So were ſin priſz gehoͯhet gar Doch ſicht man in in ſtrites ſchar Do gegen iſt vns doch groſſe helffe komen Jr habent ir roten wol vernomen DEr fúrſte det alſo man jme riet Die mure er vs den porten ſchiet Die burger ellens vnbetrogen Begunden vſz zuͯ helffe zogen Hie wart ein juſte die ander dort Das her begunde ouch ſtrecken fort Gegen der ſtat durch hohen muͯt Jr veſperie wart vil guͯt Zuͯ beider ſite rot vngezalt Garzun kriege manigfalt Beide ſchotteſch vnd welſch Wart do geruͯffet ſunder felsch Der ritter der was one fride Die helde erſwungen do die gelide Es was doch das merteil kint Die vſſern her dar komen ſint Die begingen do vil werde dat Die burger pfantēns vff der ſtat Der nẏe gediende an wibe GeinoͯteKleinoͯte der moͯchte an libe Niemer beſſer wat getragen Von meliantz horte ich ſagen Sin zimerde were guͯt Er hette ouch ſelb hohen muͦt Vnd reit ein ſchoͯn caſtelan Das meliantz dort gawan Do er kuͯne ſo hohe dar nẏder ſtach Das man in am aſt hangen ſach Do es meliantz dort er ſtreit Meliantz von lire es hie wol reit Sin tat was vor vns ſo bekant Das alle ſin juſte in ir burgēn fant Obie dort vff dem pallas Dar ſú durch worten komen was Nú ſich ſprach ſú ſwester min Das iſt wor min ritter vnd der din Vnd begont hie vnglich werg Der dine wenet das wir den berg Vnd die burg ſúllent verlieſen Ander wer wir muͯſſent kieſen Die junge muͯſte ir ſpotten doln Sú ſprach er mag ſichs wol erholn Jch gibe jme noch gegen ellen troſt Das er dines ſpottes wurt erloſt Er ſol dienſt gegen mir keren Jch wil jme freide meren Sit du gihſt er ſẏ ein kouffman Er ſol minſ lones mercket han Jr beider ſtrit der worte Gawan zuͯ mercke horte Vnd v́ber ſaſz es wie er moͯchte Alſo es jme do doͯchte Wenne et was ſchamlich vnd doch wiſe Das fuͯgete jme dicke hohen priſe ⸿Das groſſe her alle ſtille lag Das poidicomitz dort pflag Wenne ein werder jungeling Was in dem ſtrit vnd als ſin ring Der hertzoge von lauerúntze Do kam poidocomitz Der alte werde wiſe man Vnd nam ein vnd die anderen dan Doch was die veſperie erlitten Vnd wol durch werde vmb ſtritten Jr went das es ſẏ guͯt getan Hie iſt der werder laheduman Vnd ouch meliacontz min ſuͦn Was die beide ſolten tuͯn Vnd ich ſelbe ir moͯchte ſtriten ſehen Ob ir ſtriten kundent ſpehen Jch kome nẏemer von diſer ſtat Jch mach vns alle ſtites mat Oder mir gebent man vnd wip Her vſz gefangen beider lip Do ſprach der hertzoge aſtor Herre uwer nefe was do vor Der kv́nig vnd alles ſin her von liſz Solt uwer here an ſloffes fliſz Die wile ich han gekeret Habt ir vns das geleret So ſloffe ich do man ſtritēn ſol Jch kan bẏ ſtrite ſloffen wol Doch gloubent mir were ich nit komen Die búrger hetten do genomen Fromen vnd priſz zuͯ iren handen Jch bewar úch do vor ſchanden Durch got nuͯ ſenfften uwern zorn Do iſt ine gewūnnen denne verlorn Von ir maſenie Wil es jehen froͧwe obye ⸿Coidicomintz was gantz Wider ſinen nefen meliantz Doch brachte der werde junge man Vil juſte durch ſinen ſchilt her dan Das endoͯrffte ſin hoher priſz nit clagen Nuͯ hoͯren von obẏen ſagen Die bot ir haſſes genuͯg Gawan der one ſchulde truͯg Sú wolte jme werben ſchande Einen gartzun ſú ſande Hin zuͯ gawan do er ſaſz Sú ſprach nuͯ frogent fúrbas Ob jme die roſſe veile ſin Vnd obe in ſinem ſchonem ſchrin Lige ẏergent werdes krom gewant Wir frouwen kouffencz alzuͯ hant Der garzun kam gegangen Mit zorn er wart enpfangen Gawans ougen blicke Jn lerten hertzen ſtricke Der garzun ſo verzaget Das er enfroget noch enſaget Alſo das in ſin froͧwe ſagen hieſz Gawan die rede ouch nit enlieſz Er ſp̉rach farent hin ir ribalt Mulſlege vngezalt Súllent ir hie vil enpfohen Wellent ir mir fúrbas nohen Der gartzun dannen lieff odẻr ging Nuͯ hoͯrent wie es obye anving ⸿Einen jungherren ſú ſprechen bat Den burggroffen von der ſtat Der was geheiſſen ſcernles Sú ſprach du ſolt in bitten des Das ers durch minen willen duͯ Vnd manlich griff do zuͯ Vndern oleẏ boumen bẏ yme graben Stont ſúben roſz die ſol er haben Vnd ander richeit vil Ein kouffman vns hie kriegen wil Bit in das er das wende Jch getruwe des ſiner hende Sú neme es jme vnvergolten Ouch het ers vnbeſcholten Der knappe hin wider ſagte Das ſin frouwe clagte Jch ſol vor kriegen vns bewarn Sprach ſcrengeles ich wil dar farn Er reit hin vff do gawan ſaſz Der ellens ſelten ye vergaſz An dem fant er krancke fluſt Liecht antlitz vnd hohe bruſt Vnd einen ritter wol gefar Sterulus in pruͯffete gar Sin arm vnd ẏetweder hant Vnd was geſchickete er do fant Do ſprach er herre ir ſint ein gaſt Guͯter witz vns gar gebraſt Sit ir herberge hat Man pruͯffet es vns fúr miſſetat Jch ſol nuͯ ſelb marſchalck ſin Lúte vnd guͦt was heiſſet min Das kere ich úch gegen dienſtes ſitten Nie gaſt zuͯ Nie gaſt zuͯ wurte kam geritten Der jme were alſo vndertan Herre uwer genode ſprach gawan Das han ich vngedienet noch Jch ſol úch gerne volgen doch Sterules der lobes geherte Sprach alſo in ſin truwe lerte Sich es het ſich an mich gezeigt Jch bin vor verfluſt uwer vogt Vnd keine ouch denne das vffer her Do bin ich mit úch an der wer Mit lachendem munde er ſprach Hie zuͯ den knappen die er do ſach Ladent uff uwer harneſch v́ber al Wir fúllent hin nẏder in das tal Gawan fuͯr mit ſinem wurt Obẏe nuͯ das nit verbirt Ein ſpil wip ſú ſante Die iren vatter wol erkante Vnd enbot jme bẏ ir mere Do fúr ein felſchere : Strich nach felſchere? Frage für Agata Des habe were rich vnd guͯt Bit in durch ritterlichen muͦt Sit er vil ſoldier hat Vff roſz vff ſilber vnd vff wat Das dis ſẏ ir erſtes gelt Es fromt wol ſúben vff das felt Das ſpil wip zuͯm fuͯrſten ſprach Aldas ſin dochter do verjach ⸿Der ẏe vrluges gepflag Dem was vil not ob er beyag Moͯchte an richer koſte han Lippaoten den getruwenman Vber leſten ſoldier Das er gedechte ſchier Jch ſol dis guͯt gewinnen Mit zorn vnd mit mynnen Die noch reiſe er nit vermeit Sterules jme wider reit Er frogete in war vmb were ſo gach Jch ritte einem trúgener nach Von dem ſagete man mir mere Er ſy ein falſchere Vnſchuldig was her gawan Es hetten nit wenne die roſz getan Vnd ander das er fuͦrte Steruleſen lachen ruͯrte Er ſprach herre ir ſit betrogen Wer úch das ſeit er het gelogen Es ſi maget man oder wip Vnſchuldig iſt mins gaſtes lip Jr ſúllent in anders priſen Er gewan nie man mvnziſen Wolt ir der rechten mere loſen Sin lip truͯg wehſels zuͯ erkoſen Seht ſin geberde hort ſin wort Jn mẏnem huſe lieſz ich in dort Kúnnent ir denne ritters fúr ſpehen Jr muͯſt jme denne rechter dinge ſpehenjehen Sin lip gegen falſch nẏe wart balt Wer jme dar vber duͯt gewalt Wer es min vatter oder min kint Alle die gegen ime in zorne ſint Min moge oder min bruͦder Sú muͯſſent ſtrittes ruͯder Gegen mir ziehen ich wi*wil in wer̄n + Vor vnrechten ſtriten nern Wo ich herre vor uweren hulden mag Vnd ſchiltes ambacht in einen ſag Wolt ich mich E geziehen So ferre vſz arde fliehen Do mich nẏe man erkande E das ir uwer ſchande Herre an jme begingen Guͯtlich ir enpfingen Billicher alle die her ſint komen Vnd uwern kumber hant vernomēn Denne das ir ſú ſú wellent rouben Des ſúlt ir mir glouben Der fúrſte ſprach loſſe mich in ſehen Do mag nit arges vs beſchehen Er reit do er gawanen ſach Zwey ougen vnd ein hertze jach Die lippaot mit jme brachte dar Das der gaſt wer wol gevar Vnd rechte manlich ſitte Sinen gebertengeberden wonte mitte ⸿Wen wol were mynne ye erholte Das er hertcze mẏnne dolte Alſo verſetzet vnd verſelt Do kein munt es nẏmer follen zelt Was mynne wunders fuͯgen kan Es ſy wip oder man Die krencket hertze mẏnne Vil dicke an hohem ſinne Obye vnd meliantz Jr zweẏer mẏnne was ſo gantz Vnd ſtunt mit ſollichen truwen Sin zorn mich ſolte ruwen Das er mit zorn von ir reit Des gap in truren ſolliches leit Das ir kúſch wart gegen zorn balde Vnſchuldig gawan des engalde Vnd ander die mit jme litten Sú kam dicke vſz froͯmlichem ſitten Suſz flacht ir kúſch ſich in zorn Es was ir beider ougen dorn Wo ſú den werden man geſach Jr hertze meliantz jach Er muͯſte vor vſz der hoͯheſte ſin Sú gedochte obe er mich leret pin Den ſol ich gerne durch in han Den jungen ſuͯſſen werden man Vor aller der welt ich mynne Dar jagent mich hertzen ſinne Von mynnen noch zornes vil geſchicht Nuͯ wuſte es obie nicht Nuͯ hoͯrent wie ir vatter ſprach Do er den werden gawan ſach Vnd er in in das lant enpfing Wie ers mit rede do anving Er ſprach herre uwer komen Mag an ſelden vns gefrōmmen Jch han gefarn manige fart So ſuͯſſe in minen ougen wart Nẏe man von an geſicht Zuͯ diſer vngeſchicht Sol uwer kúnffteclicher tag Vns troͯſten wenne er troͯſten mag Das ir hie v́bent ritters tat xxxvj Ob ir harneſch mangel hat Das lont úch wol bereiten gar Welt ir ſú herre in mẏner ſchar Alſo ein herre des landes gerte rittersch=afft an gawan den helt DO ſprach der werde gawan Jch were des ein bereiter man Jch han harneſch vnd ſtarcke lide Wenne das min ſtrit ſtat mitfride Vntze an ein benante ſtunde Jr legent oben oder vnde Das wolt ich durch úch liden Nuͯ múſſe ichs durch das miden Herre vntze ein min kouff ergat Do min truwe ſo hohes pfandes ſtat Durch aller werden lúten gruͦſz Jch ſú mit kampffe loͯſen muͦſz Suſz bin ich vff der ſtroſſen Oder ich muͯſz den lip do loſſen Das was lippaote ein hertzeleit Er ſprach herre durch uwer werdickeit Vnd durch uwer hulde So vernemt min vnſchulde Jch han zwo doͯchter die mir ſint Liep wenne ſú ſint min kint Was mir got an den hat geben Do wil ich mit freiden leben Ouch wol mich das ich ye gewan Kumber den ich von in han Den reit ye doch die eine Mit mir algemeine Vnglich iſt ir ſelickeit Mir herre ir duͯt mit mynne leit Vnd mir herre min vnmynne Alſo ich michs verſinne Min herre mir gewalt wil tuͯn Durch das ich han do keinen ſuͦn Mir ſúllent ouch doͯchter lieber ſin Was denne obe ich nuͯ liden pin Den wil ich mir ze ſelden pflegenzeln Wer ſol mit ſinen dochtern weln Wie ir verbotten ſẏ das ſwert Jr were iſt anderſz alſo wert Sú erwúrbet jme kúſcheliche Einen ſuͯn vil ellens riche Des ſelben ich gedingen han Nú gewerſz úch got ſprach gawan Lippaot der fúrſte alfaſte bat Herre durch got die rede lat Suſz ſprach des kv́niges luchs ſún Durch uwer zucht ſúllent ir das duͦn Vnd lont mich truwen nit enbern Eines dinges lat mich úch gewern Jch ſage úch hint bẏ diſer nacht Wes ich mich dar vmb han bedacht Lippaot jme danckete vnd fuͦr zuͯ hant Jn dem hoffe er ſin dochter fant Vnd des burgreffen doͯchterlin Die zweẏ ſnelten vingerlin Do ſprach er obiloten zuͯ Dochter wannan komeſt du Vatter ich far do nẏder her Jch getruwe wol das er michs gewer michs: Rote Tinte zwischen h und s. Nur Tintenfleck oder beabsichtigte Verbindung zwischen den zwei Buchstaben? Jch wil den froͯmden ritter bitten Dienſtes noch lones ſitten Dochter doſo ſy dir geclaget Er hat mir an noch abe geſaget Kome mẏner bette an das ende noch Der megede was zuͯ dem gaſte goch Do ſú in die kemnoten ging Gawan ſprang vff do er ſuͯ enpfing Zuͯ der ſuͯſſen er do ſaſz Er dangt ir das ſú nit vergaſz Sin do j*man jme miſſetat Er ſprach geleit ẏe ritter nat Dúrch ein ſo wenig jungfrowelin Do ſolt ich durch úch jnne ſin DJe junge ſuͯſſe clore Sprach one alle fore Got ſich des wol verſinnen kan Herre ir ſint der erſte man Der ẏe mẏn rede geſelle wart Jſt myn zúcht dar an bewart Vnd ouch min ſchāmmelicher ſin Das git an freiden mir gewin Wenne ir min meiſterin verjach Die rede were des ſynnes tach Herre ich bitte uwer vnd min Das lerte mich endehaffte pin Den neme ich uͯch geruͯchent irs Habent ir mich ichtes deſter wirs Jch fare doch vff der moſſen pfat Wenne ich mich dar zuͯ ſelber bat Jr ſint mit der worheit ich Wie die nammen teilen ſich Mines libes nāmmen ſúllent ir han Nuͯ ſint ir maget vnd man Jch habe uwer vnd min gegert Lont ir mich herre vngewert Nuͯ ſchēmmelich von úch gon Dar vmb muͦſz zuͯ rechte ſton Vwer priſz fúr uwer ſelbes zucht Sit min magetliche flucht Vwer genode ſuͯchet Obe ir des herre geruͯchet Jch wil úch geben mẏnne Mit hertzeclichem ſinne Ob ir manlich ſitte hant So wene ich wol das ir nit lant Jr dienent mir ich bin dienſtes wert Sit ouch min vatter helffe gert An frúnden vnd an mogen Lont úch des nit betrogen Jr dient vns beiden vff min eines lon Er ſprach frouwe uwers mundes tan Wil mich von truwen ſcheiden Vntruwe úch ſolte leiden Min truwe dulte die pfandes not Jſt ſú vnerloſt ich bin dot Doch lont mich dienſt vnd ſinne Gar keren gegen uwer mynne E das ir mynne mogent geben Jr muͯſſent fúnff jor leben Das iſt ir mynne zit ein zal Nuͯ gedochte er des wie parcifelparcifal Wiben baſz getruwet denne got Sin befelhen was der megede bot Gawan in das hertze ſin Do ge lobete er dem frouwelin Er wolte durch ſú woppen tragen Er begunde ir furbas mere ſagen Jn ir hende ſú mẏn ſwert Obe ẏeman juſte gegen mir gert Von ponder muͯſſent ir riten Jr ſuͯllent do fúr ſtriten Man mag mich do in ſtrite ſehen Des muͯſz min halp von úch úch beſchehen Sú ſprach wenig mich das bevilt Jch bin uwer ſchirm vnd uwer ſchilt Vwer hertz vnd uwer troſt Sit ir mich zwiffels habt erloſt Jch bin fúr vngefelle Vwer geleit vnd uwer geſelle Fúr vnglúckes ſchúr ein tach Bin ich úch ſenffteclich gemach Min mẏnne ſol uͯch fride bern Gluͯckes vor der angest wern Das uwer ellen nit verbirt Jr enwert úch faſt vntze an den wirt Jch bin wurt und wirtin Vnd wil in ſtrite bẏ úch ſin Wenne ir des gedinge hat Selde vnd ellen úch nit lat ⸿Do ſprach der werde gawan Frouwe ich wil beide han Sit ich in uwerem gebot lebe Vwer mẏnne vnd uwers troſtes gebe Die wile was ir hendelin Zwúſchen den handen ſin Do ſprach ſú herre lont mich farn Jch muͯſz ouch mich dar in bewarn Wie fuͯrt ir on mẏnen ſolt Das zuͯ wer ich úch zuͯ holt Jch ſol mich arbeiten Min cleinoͯte úch bereiten Wenne ir das tragent do heine wis Vber hoͯhet úch nẏeman an dem priſz Dannen fuͯr die maget vnd ir geſpil Sú buttent beide irs dienſtes vil Gawan der gaſt Der neigte ir hulden faſt Vnd ſprach ſúllent ir werden alt Truͯge den nit wenne ſper walt Als ers an dem anderen holtz hat Das wúrde úch zwein ein ringe ſat Kan uwer jugent ſuſz twingen Wellent irs in das alter bringen Vwer mynne lert noch ritters hant Do von ẏe ſchilt gegen ſper verſwant Dannan fuͯren die megede*megede beyde Mit freẏden ſunder leyde Des burggroffen doͯchterlin Die ſprochen nú ſaget mir froͧwe min Wes habet ir mir jme zuͯ geben wan Sit das wir nit wenne docken han Sint die mẏne icht ſchoͯner baſz Die gebent jme one mẏnen haſz Do wurt vil wenig noch geſtriten Der fúrſte lippaot kam geritten An dem berge enmitten Obiloten vnd clauditten Sach er vor jme hin vff gon Er bat ſú beide ſtille ſton Do ſprach die junge obilot Vatter mir wart nẏe ſo not Diner helffe dar zuͯ gib mir rat Der ritter mich geweret hat Dochter wes din wille gert Habe ichs des biſtu gewert Ouch wol dr*der frúcht dirdie an dir lag Din gebúrt was der ſelden tag Vatter ſo wil ichs dir ſagen Heimelich minen kumber clagen Do noch dinen genoden dar zuͯ ſprich Er bat ſú heben fúr ſich Sú ſprach war keme denne min geſpil Do hielt der ritter by ẏme vil Die ſtritten wer ſú ſolte nemen Des ſolte ẏegelichen wol gezemen Je doch bot man ſú einen dar Claudie*Claudite was ouch wol gefar Al ritende ſprach ir vatter zuͯ ir Obilot nuͯ ſage mir Ein teil von diner noͯte Do habe ich cleinoͯte Dem fremden ritter gloubet Jch wene mine ſinne hant getobet Han ich jme nicht zuͯ geben Was doug ich danne zuͯ leben Sit er mir dienſt hat gebotten So muͯſz ich ſchemlich rotten Obe ich ẏme nit zuͯ geben han Nie megede wart ſo liep ein man Do ſprach er dochter wart an mich Jch ſol des wol bereiten dich Sit du dienſtes von jme gerſt Jch gibe dir das du in wol gewerſt Ob dich halt din muͯter lieſſe Got gebe das ichs genẏeſſe Obe er ſtoltzer werder man Was ich gedinge gegen jme han Me wort ich dannoch zuͯ jme ſprach Jn mẏnem ſloffe ich in hīnnacht ſach Lippaot ging fúr die hertzogin Vnd obilot die dochter ſin Do ſprach fer froͧwe ſtúrent vns zwey Min hertze noch freiden ſch̉rey Do mich got diſer maget beriet Vnd mich von vngemuͯte ſchiet Die alte hertzogin ſprach ſan Was wellent ir mins guͦtes han Froͧwe ſit irs vns bereit Obilot wil beſſer cleit Sú duncket ſich mit wúrde wert Sit ſo werder man ir mynne gert Vnd er ir bútet dienſtes vil Vnd ouch ir cleinoͯte wil Do ſprach der megede muͯter Suͯſſer man vil guͯter Jch wene ir meint den froͯmden gaſt Sin blick iſt recht ein meigen glaſt Do hieſz tragen dar die wiſe Samit vnd etnẏſe Vnverſnitten wat truͦg man do mit Pfelle von thabronit Vs dem lande zuͯ tribalibot An kancaſas das golt iſt rot Darius der heiden manige wat Wircket die vil ſpehe hat Mit rechter art vſz ſyden Lẏppaot hieſz balde ſnẏden SJner dochter cleẏder Er miſſete gerne ir beẏder Der boſten vnd der beſten Einen pfelle mit golde feſten Der ſneit man an das frowelin Jr muͯſte ein arm gebloſſet ſin Do was ein ermel von genomen Der ſolte gawanen komen Das was ir priſente Pfelle von noriente Ferre vs heidenſchefft gefe*gefuͯrt Der hette ir zeſewen arme geruͯret Doch den rog nit geneget Do enwart nẏe fadem zuͯ getreget Den brachte claudite dar Gawan dem wol gefar Do wart ſin von ſorgen frẏ Siner ſchilt worent dry Vff einen ſluͯg er zuͯ hant Alles ſin truͯren gar verſwant Sinen groſſen dang er nit verſweig Vil dicke dem wege neig Den die jungfrouwe ging Die in ſo guͯtlich enpfing Vnd in ſo mynneclich An freiden machte rich Der tag het ende vnd kam die nacht Zuͯ beider ſit was groſſemacht Manig werlich ritter guͦt Wer des vſſern hers nit ſollich fluͯt So hetten die Jnnern ſtrites vil Do moſſen ſú ir letzen zil By dem liechten monen Sú kunden wol onen Foͯrchteclicher zageheit Vor tage wart von in bereit Zwoͯlff zingel wit Der graben gegen dem ſtrit Das ẏegelich zingel muͯſte han Zuͯ roſz vs drige barbigan Cardeflabet de jamor Der marſchalck nam do vier tor Do man morgens ſach ſin her WelWol mit ellenthaffter wer Der hertzoge rich Streit do ritterlich Die wúrtin was ſin ſweſter Es was des muͦtes veſter Denne anders manig ſtritig man Der wol in ſtrite trúren kan Des leit er dicke in ſtrite pin Sin her do zeigete des nachtes in Er was ferre dar geſtrichen Wenne er ſelten was entwichen Stritlicher herte Vier porten er do werte Was heres anderhalp der brucken lag Do zeigete ouch v́ber E kam der tag Zuͯ ber*bearoſc in die ſtat Alſo ſú lippaot der fúrſte bat Do worent die von jamor Geritten v́ber die brúcke vor Man befalch ẏegelichen porten ſo Das ſú werlichen do Stunden do der tag erſchein Sterules der koſz jme ein Die er vnd gawan Nicht vnbehuͦt wolten lan Man horte do von den geſten Jch wene es weren die beſten Die clageten das do was geſchehen Ritterſchafft gar one ir ſehen Vnd das die veſperie erging Das ir do keiner juſte enpfing Die clage was gar one not Vngezalt mans in do bot Allen die es do geruͯchten Vnd es vſz zuͯ felde ſuͦchten Jn den gaſſen koſz man groſſe ſla Ouch ſach man hie vnd da Manig banẏer zeigen in Alles by dem mone ſchin Vnd manigen helm von richer kost Man wolt ſú fuͯren gegen der joſt Vnd manig ſper wol gefargefal Ein regens burger zindal Do wer zuͯ ſwachem werde Vor bearoſc vff der erde Man ſach do woppen roͯcke vil Hoͯher an der koſte zil xxxvij Alſo die jungen herren gar herlichēn ſtoc=hen vor dem ſal Das man es in der búrge horte Die nacht det no DJe nacht det noch irem alte ſitte Am orte ir ein tag ir zoͯigte mitte DerDen koſz man nit bẏ lerchen ſang Manig harpff do vil lute erclang Das kam von ſtrites ſachen Man horte ſper erkrachen Rechte alſo es were ein wolcken riſz Do was das junge here von liſz Komen an die von lirewoum Vnd an den kv́nig von anendroum Do erhal manig riche juſte guͯt Alſo der do wúrffe in ein gluͦt Gantz caſanan Owi wie vff dem plan Von den geſten wart geritten Vnd von den burgern geſtritten Gawan vnd dem ſchachelúr Durch der ſelen offentúr Vnd durch ir ſelden vrhap Ein pfaffe ein meſſe gap Der ſang ſú beide got vnd in Wo nohet ir wúrdickeit gewin Wenne es was ir geſetz Do rittent ſú in ir letz Jr zingel was do vor behuͯt Mit manigem werden ritter guͯt Das worent ſcerules man Von den wart es vil guͯt getan ⸿Das mag ich nuͯ ſprechen mer Wenne poidiconiuntz was her Der reit dar zuͯ mit ſollicher crafft Wer ſwartz walt ẏegelich ſtude ein ſchafft Man doͯrffte do nẏmer waldes ſehen Wer ſin ſchar wolte ſpehen Der reit mit ſehſz fanen zuͯ Vor den man ſtrites begunde fruͦ Buſune gobent do jemer ſlag Alſo der turn der ẏe pflag Vil angeſtlicher forchte Manig thambur do worchte Mit der puſinur galm Wart ẏender do kein ſtappfen halm Getrettet des enmoͯchte ich nit Er foͯrchtet der wingarten nicht Von dretten noch der ſelben not Manig roſſes fuͯſz die ſlage bot Do kam der hertzoge aſtor Mit ſtrite an die von jamor Do wurden juſte gewetzet Manig werder man entſetzet Hinder das roſſe vff den acker Sú worent ir ſtrites wacker Vil froͯmder kriege man do rieff Manig volant ſinem meiſter lieff Des herre dort zuͯ fuͯſſe ſtunt Jch wene dem was gefelle kunt DO er ſach min herre gawan Das geflochten was der plan Der vint in der vigenden ſchar Er huͦp ouch ſich mit ponder dar Jn welich wẏſe ſin zuͯ warten Die roſz doch wenig ſparten Schirmes vnd alle die ſin Die brochte gawan in pin Was er do ritter nẏder ſtach Vnd was er ſtarcker ſper zerbrach Der werden tafelrunder botte Hette er die crafft nicht von gotte So were do pris vor in begert Do wart er clinget manig ſwert Jme worent allein beide her Gegen den was ſin hant zuͯ wer Die von liſz vnd die vor groſz Von beider ſitte er manig roſz Gezogen brachte ſchier Zuͯ ſines wurtes banier Er frogete ob ſú ẏeman ſú wolte do Der dowas do vil die ſprochen jo Sú wurden alle glich Siner geſelſchafft rich Do kam ein ritter her gefarn Der ouch die ſper nit kunde ſparn Laſchathelún de branois Vnd gawan de turtois Komen an einander Das der junge liſarander Hinder dem roſſe vff den bluͯmen lag Wenne er juſte gefelle pflag Das iſt mir durch den knappen leit Des anderen tages mit zuͯchten reit Vnd gawan ſagete mere Wo von dis komen were Der erbeiſſete v́ber ſinen herren nẏd̉er Gawan in erkante vnd gap jme wid̉er Das roſz das do wart beyaget Der knappe jme neigete wart j*mir geſaget Nuͯ ſecht wo cardefablet Selb vff dem acker ſtet Von einer juſt mit hurte erkant Die zil meliacantzes hant Do zuchten in die ſine enbor Do wart dicke jamor Mit herten ſwert ſlegen geſcrit Do wart enge vn̄d nit zuͯ wit Do hurte gegen hurte drang Manig helm in in die oren clang Gawan nam ſin geſelleſchafft Do er ging ſin ponder mit crafft Mit ſinerſines wúrtes banier Beſchutte er harte ſchiereſchier Von jomer den werden Do wart v́ff die erden Ritter vil gefellet Gloubentz obe ir wellent Gezúge ſint mir gar verzaget Wenne alſo ob die offentúre ſaget Lacontz de funtane Fuͯre gegen gawane Do wart ſo rich ein juſte getan Das der herre der ſtarcke leheduman Hinder dem roſz vff dem acker lag Dar noch ſicherheit er pflag Der ſtolz tegen wit erkant Die erging in gawanes hant Do ſtreit der hertzoge aſtor Den zingel aller nechſte vor Do erging manig ſhurteclicher ſtrit Dicke do nantes wart geſit Artuſes her zeichen Die herten nit die weichen Do was manig ellender pritoneiſz Vnd die ſoldier von deſcrigoleiſz Vs ereckes lande Der tag man do bekande Er pflag die lauerantz Ouch mochte poidicomantz Die britoneiſe in ledig lan So wart es do von in getan Sú worent artuſe Zuͯ der montanẏe cluſe Abe gefangen do man ſtriten ſach Jn einem ſturme das geſchach Sú ſcritten nantes noch ir ſitten Hie oder wo ſú ſtrites bitten Das was ir krie vnd ir art Etlicher truͦg vil growen bart Ouch hette etlicher britun Durch bekanteniſſe ein gampelun Entweder vff helm oder vff den ſchilt Noch ilinors woppen gezilt Das was artuſes werder ſuͦn Was moͯchte gawan do getuͦn Er ſúfftzet do er die woppen ſach Wenne jm ſin hertze jomers jach Sines oͯheim ſúnes dot Bracht gawonen in jomers not Er erkante wol der woppen ſchin Die lieffen v́ber die ougen ſin Er lieſſe die von britane Suſz túren vff den plane Er wolte mit in ſtriten nicht Alſo man noch frintſchafft gicht Er reit gegen meliantzes her Do worent die burger zuͯ wer Das mans in dancken moͯchte Wenne das in doch nit dochte Das felt gegen v́ber crafft behaben Sú worent entwichen von dem grabēn DEn burgern manige juſte do bot Ein ritter allenthalben rot Der hieſz der vngenante Wenne in nẏeman do bekante Jch ſags úch alſo ichs han *vernomen Er was zuͯ meliantze komen Do vor an dem dritten tage Des komen die burger in clage Meliantz ir helffe ſich bewag Der erwarp ouch jme von ſemblidig Zwoͯlff knappen die ſin noment war An der juſte vnd an der ponder ſchar Was ſper gebieten moͯchte ir hant Die wúrdent gar von jme verſwant Sin juſte worent von hurte hel Wenne *der den kv́nig ſurmel Vnd ſinen bruͯder do ving Dannoch do mer noch jme erging Sicherheit er nit erlieſz Den hertzogen mezanglieſz Worent des ortes herte Jr volck ſich dannoch werte Meliantz der kv́nig ſelb ſtreit Wem er liep oder hertzeleit Hetten getan die muͯſten *jehehjehēn Das ſelten me were geſchehen Von de keinem alſo jungen man Alſo es do von jme wart getan Sin hant vil feſter ſchilte houp Was ſtarcker ſper von jme zercloup Do ſich ponder in den ponder ſloſz Sin junges hertze was ſo groſz Das er ſtrites muͯſte gern Des moͯchte in nẏeman do gewern Folleclich das was ein not Vntze er gawan juſtieren gebot Gawan zuͯ ſinen knappen nam Der zwoͯlff ſpere von agram Alſo ers erwarp zuͯ dem plimizol Meliantz kriegen was parbigol Die werde houbt ſtat in liſz Gawan nam ſiner juſte fliſz Do lerte meliantzen pin Von orastegente ſin Der ſtarcke roͯrinen ſchafft Durch den ſchilt in dem armbraſt Er*Ein jriche juſte do beſchach Gawan in fluͯgelingen nẏder ſtach Vnd enzwei ſinen hindern ſattelbogen Das die helde vor vnbetrogen Húnder den roſſen ſtunden Do dotens ſú alſo ſú kunden Mit den ſwerten túren Do weren zwen gebúren Getroͯſchen me denne genuͦg Jetweder des anderen garwe truͦg Stuckecht die wurden hin geſlagen Meliantz ein ſper ouch muͯſte tragen Das ſtecket dem helm durch den arm Bluͯte vnd ſweiſz jme machte warm Do zuchte in min herre gawan Jn brevigarie zuͯ der barbigan Vnd twang in ſicherheit Der was er jme bereit Wer aber der junge man nit wunt Do enwere nẏeman ſo gohes kunt Das er jme wurde vndertan Man muͯſte es in langes han erlan xxxviij Alſo gawan mit meliantzen ſtreit vor dem her vnd in in not bracht DEr fúrſte lippaot des landes wúrt Sin man lich ellende nit verbirt Gegen ſtreit der kv́nig von gors Do muͯſten beide lúte vnd roſz Von geſchútze liden pin Do die kahethin Vnd die ſariande von ſemblidag Jegelicher ſiner kúnffte pflag Turckopel kunden wend*wencken Die burger muͯſten gedencken Was vigende von ir letzen ſchiet Sú hetten ſariande ad piet Jr zingel worent ſo behuͯt Alſo do man das n*beſte duͦt Wellich wert man do den lip verloſz Obẏen zorn er vnſanffte koſz Wenne ir tumbe loſzheit Vil lichte brachte in arbeit Wes engalte der fúrſte lippaot Sin herre der alte kv́nig ſcaot Hette es in erloſſen gar Do begunden muͯden ouch die ſchar Dannoch ſtreit faſt meliacantz Obe ſin ſchilt were gantz Des was nit hende breit bliben Do hette in ferre hin dan getriben Der hertzoge kardefablet Der turneẏ alle ſtille ſtet Vff einem bluͯmynen plan Do kam min herre gawan Des kam meliantz in not Das jme der werde lantzelot Me ſo faſte zuͯ getrat Do er von der ſwert brucke pfat Kam vnd dannoch mit jme ſtreit Jme was gefangniſſe leit Die frouwe genofere dolt Die er do mit ſtrite holt Do punierte lotes ſún Wo*Was moͯchte meliantz nuͯ thuͦn Er treip ouch das roſz mit ſporn dar Vil lúte nam der juste war Wer do húnder dem roſſe lege Den der von norwege Gefellet hette vff die ouwe Manig ritter vnd frouwe Diſe juſte ſohen Vnd gawane priſz johen Meliantz wart getret Durch ſin kurſit gewet Manig roſz das nye graſz enbeiſz Es reiſz vff in der bluͯtige ſweiſz Do erging der roſſe ſchelmen tag Do*Dar noch den giren iren beyag Do nam der hertzoge aſtor Meliantz de jamor Der was vil noch gefangen Der túrney was ergangen Wer do noch priſe wolte riten Vnd noch der wibe lon ſtriten Der moͯchte ich nit erkennen Solt ich ſú alle nennen Jch wurde ein vnmuͯſſig man Jnnerhalp wart es guͯt getan Durch die jungen obilot Vnd vſſer halp ein ritter rot Die zwene behielten do den priſz Fúr ſú nẏeman do keine wiſz Do des vſſern hers gaſt Jnnen wart das jme gebraſt Diēnſt danckes von dem meiſt̉er ſin Der was gefangen bẏ in Er reit do er den knappen ſach Zuͯ ſinen gefangen er do ſprach Jr herren gebent mir ſicherheit Nuͯ iſt mir wider faren leit Gefangen iſt der kv́nig von liſz Nuͯ kerent allen úwẻrn fliſz Obe er lidig muͯſſe ſin Mag er ſo vil genẏeſſen min Sprach er zuͯ dem kv́nige von avondron Vnd zuͯ ſcirmel von lirwon Vnd zuͯm hertzogen von maranglieſz Mit ſpeher gelúbede er ſú lieſz Von jme ritten in die ſtat Meliantzen er ſú loͯſen bat Oder das ſú er wúrben jme den gral Sú kunden jme zuͯ keinem mal Nicht geſagen wo der was Wenne ſin pflege ein kv́nig anfortas Do die rede von jme geſchach Der rote rite*ritter aber ſprach Obe miner bette do nicht ergat So fart do pelrapier ſtat Bringt der kv́nnigin uwer ſicherheit Vnd ſagt ir der durch ſú do ſtreit Mit kv́nig̉rin vnd mit clamide Dem ſú nuͯ noch dem grole we Vnd doch wider noch ir mynne Noch beiden ich yemer ſinne Nuͯ ſagete ir ſuſz ich ſante ouch úch dar Jr helde das úch got bewar Mit vrlop ſú do ritten in Do ſprach er zuͯ den knappen ſin Wir ſint gewinnes vnverzaget Nemt was roſz hie ſẏ beyaget Wenne eins lont mir an der ſtunt Jr ſehent wol das min iſt wunt Do ſprochen die knappen guͦt Herre uwer genode das vns duͦt Vwer helffe alſo groſzlich Wir ſint nuͯ yemer me rich Er welte jme eins vff ſin fart Mit den kurtzen oren jngliart Das dort von gawane ging Jnnen des er meliantzen ving Do holt es des roten ritters hant Des wart verdurkelt etlich rant Mit vrlop det er danckere Fúnffzehen roſz oder mere Lieſſe er in on wunden Die knappen dancken kunden Sú boten in bliben vil Fúrbas was geſtoſſen ſin zil Do kerte der gehúre Do groſz gemach was túre Er ſuͯchte nit wenne ſtriten Jch wene bẏ ſinen ziten Je kein man ſo vil geſtreit Das vſſer her alzogende reit Dort in der fúrſte lippaot ſprach Dort do er ſú an ſach Vnd frogete wie es do were komen Wenne er hette vernomen Meliantz were gefangen Das was jme liep ergangen Es kam jme ouch ſit zuͯ troſt Gawan den ermel loſt One zerren von dem ſchilt Sinen priſz er hoher zilt Den gap er clauditen An dem orte vnd aldo mitten Was er durch ſtochen vnd durch ſlagen Er hieſz in oblito tragen Do wart der megde freẏde groſz Jr arm was blang vnd bloſz Dar v́ber heffte ſú do ſan Sú ſprach wer hat mir do getan Jemer wenne ſú fúr ir ſweſter ging Die diſen ſchimpff mit zorn enpfing enpfing: Über dem n befindet sich ein grösserer, runder Tintenfleck. Ob er eine Funktion einnimmt, ist unklar. Den rittern det do rúwe not Wenne ir groſſe múde das gebot Sterules nam gawan Vnd den grofen laheduman Dannoch me ritter er do fant Die gawan mit ſiner hant Des tages vff dem velde ving Do manig groſſe huͦrte erging Do ſatte ſú wúrdeclich Der burggroffe rich Vnd alle ſin muͯde ſchar Stunden vor dem kv́nnige gar Vntze meliantz enbeiſz Guͯter handelunge er ſich fleiſz Des duchte gawanen zuͯ vil Ob es der kv́nig erlouben wil Her wúrt ſo ſuͯllent ir ſitzen Sprach gawan mit witzen Sin zucht in dar zuͯ jagete Der wurt die bette verſagete Er ſprach min herre iſt des kv́niges man Dienſt hat er vil getan Obe den kv́nig des gezeme Das er ſinen dienſt neme Min herre durch zucht ſin nit enſicht Wenne er hette ſiner húlde nicht Geſampt die frintſchafft jemer got So leiſten wir alle ſin gebot Do ſprach der kv́nig meliantze Vwer zucht was ẏe ſo gantz Die wile das ich wonde hie Vwer rat mich nie verlie Hette ich bas gefolget do So ſehe man mich húte fro Nuͯ helffe mir groffe ſcerules Wenne ich úch getruwe des Vnd vmb mẏnen herren der mich hie hat Sú hoͯrent wol beide uweren rat Vnd lippaot der ander vatter myn Der tuͯ ſin zucht nuͯ gegen mir ſchin Sin hulde hette ich nit verlorn Wolt es ſin dochter han verborn Sú pruͯffete gegen mir toren ſchimppff Das was vngefrouwelich gelimpff Do ſprach der werde gawan Hie wurt ein ſuͯne getan Die nẏeman ſcheidet denne der dot Do koment die der ritter rot Hin vſz hette gefangen Vff vor den kv́nnig gegangen Die ſageten wie es do were komen Do gawan hette vernomen Sin woppen der der mit in ſtreit Vnd wem ſú gobent ſicherheit Vnd ſú jme ſageten vmb den gral Do gedochte er des parcifal Diſes meres were ein vrhab Sin nẏgen er gegen hȳmmel gab Das got ir ſtrites gegen mitmiet Des tages von einander ſch*ſchẏet Des was ir helende zucht ein pfant Das ir ẏetweder wart genant Sú enkande ouch nẏeman anderſz do Do det man aber anderſwo Zuͯ meliantz ſprach ſcerules Herre muͯſz ich úch bitten dasdes So ruͯchent minen herren ſehen Wes frint do beiden halben jehen Das ſúllent ir gerne volgen Vnd ſit jme nicht erbolgen Das duchte ſú guͯt v́ber al Do fuͯrens vff des kv́nniges ſal Das jnner her von der ſtat Des fúrſten marſchalg ſú des bat Do nam min herre gawan Den groffen leheduman Vnd ander ſin gefangen Die koment dar zuͯ gegangēn Er bat ſú geben ſicherheit Die er des tages ob in ſtreit Steruleſe ſinem wúrt Mengelich nuͯ nicht verbirt Sú fẏren alſo do gelobet was Zuͯ bearosc vff den pallas Meliantz gap die burgroffin Riche cleider vnd ein riſelin Do er ſinen wunden arm in hing Do gawans juſte durch er ging Gawan bẏ ſcerules enbot Siner frouwen ibilot Das er ſú gerne wolte ſehen Vnd ouch mit worheit jehen Jr ſines libes vndertan Vnd er wolte ouch iren vrlop han Vnd ſagete ich loſſe ir den kv́nig hie Bittent ſú ſich bedencken wie Das in alſo behalte Das priſz ir fúr walte Diſe rede hort meliantz Er ſprach ibilot wurt crantz Aller wiplichen guͯte Das ſenfftert min muͯte Ob ich ir ſicherheit muͯſz geben Das ich ir friden hie ſol leben Jr ſúllent ſú do vor han erkant Jch ving hie nẏeman denne ir hant Suſz ſprach der werde gawan Minen priſz ſol ſú allein han Sterules kam fúr geritten Nuͯ was zuͯ hoffe nit vermitten Do were maget man vnd wip Jn ſollicher wete ẏegelicher lip D Das man do krancker armer wat Des tages do hette lichten rat Mit meliantz zuͯ hoffe reit Alhie dort vs ir ſicherheit Zuͯ pfande hetten geloſſen Dort alle vier ſoſſen Lippaot ſin wip vnd ſin kint Vff gingen die do komen ſint Der wurt gegen ſinem herren ſprang Vff dem pallas groſz gedrang Do er den vigent vnd frint enpfing Meliantz bẏ gawane ging Kundens úch nit verſmohen Mit kúſch úch wolte enpfohen Herre uwer alte frúndin Jch mein min wip die hertzogin Meliantz antwurt dem wurte ſan Jch wil gerne ir kúſch mit grúſſe han Zweẏer frouwen die ich hie ſihe Der d*dritten ich nit ſuͯne gihe Des weinten die eltern do Obilot was faſte fro Der kv́nig mit kúſch enpfangen wart Vnd zwen ander kv́nige on bart Alſo det der hertzoge maranglieſz Gawan man kuſſes nit er lieſz Vnd das er neme ſin froͧwen dar Er druckete das kint wol gefar Alſo ein docken an ſin bruſt Des twang in frintlich gluſt Hin zuͯ meliantz er ſprach Vwer hant mir ſicherheit jach Der ſint nuͯ ledig vnd gebt ſú her Aller miner freiden wer Sitzet an dem arme min Jr gefangen ſúllent ir ſin Meliantz durch das dar noher ging Die maget gawanen zuͯ ir geving Obilot doch ſicherheit geſchach Das es manig werder ritter ſach Her kv́nnig nuͯ habt ir miſſetan Sol min ritter ſin ein kouffman Des mich min ſweſter vil an ſtreit Das ir jme gebent ſicherheit Suſz ſprach die maget abilot Meliantz ſú do noch gebot Das er der ſicherheit verjehe Die in ir hant geſchehe Jr lieben ſweſter obẏen Zuͯ einer lieben amẏen Solt ir ſú han durch ritters priſz Zuͯ einem herren zuͯ einem amiſz SolſúSol ſú úch ẏemer gerne han Jch wil es úch ẏe wider halp lan Got vs irem ſuͯſſen munde ſprach Jr bette beidenthalp geſchach Do meẏſtert froͧwe mẏnne Mit ir kreffteclichem ſinne Vnd hertzelicher truwe Der zweẏer liebe alnuwe Obẏen hant vor den mantel ſleiff Do ſú meliantzes hant begreiff Alweinende in kuſte ir roter munt Do der was von juſte wunt Manig zaher jme den arm begoſz Der von iren liechten ougen floſz Wer macht ſú vor der diet ſo balt Das det die mynne jung vnd alt Lippaot do ſinen willen ſach Wenne jme ſo liebe nẏe beſchach Sú got der ere in nicht erlieſz Sin dochter er do froͧwen hieſz WJe die hochgezit er ging Des froget den der do gobe enpfing Vnd war menlich do ritte Er het gemach oder ſtritte Des mag ich nuͯ kein ende han Man ſeite mir das gawan Vrlop nam vff dem palas Dar er durch vrlop komen was Obilot des weinde vil Sú ſprach mit úch ich hinnan wil Do wart der ſeldenberen maget Die bette von gawan verſaget Jr muͯter ſú kume von ir gebrach Vrlop er do zuͦ in allen ſprach Lippaot jme dienſtes bot genuͯg Wenne er jme holdes hertze truͯg Sterules ſin ſtoltzen wirt Mit allen den ſinen nit verbirt Er reit vz mit dem gegen balt Gawans ſtroſſe vff einen walt Ging dar ſante er werde man Vnd ſpiſe ferre mit jme dan Vrlop nam der werde heilt Gawan gegen komer was verſelt Wer was zuͯ bearoſce komen Do hette gawan genomen Den priſz zuͯ beder ſite allein Wenne das dar vor ein ritter ſchein Bẏ rotem woppen vnerkant Des priſes man jme do hohe bant xxxix Alſo gawan durch einen walt reit vnd zuͯ einer burg kam vnd jme der wurt engegen kam GAwan hette ere vnd heil Jetweders glichen teil Nuͯ nohete ouch ſins kamppfes zit Der walt was lang vnd wit Do durch er múſte ſtrichen Wolt er kampff nicht entwichen Dar zuͯ er one ſchulde was erkorn Nuͯ was ouch jugliart verlorn Sin roſz mit kurtzen oren Jn tabronit von moren Wart nẏe beſſer roſz erſprenget Nuͯ wart der walt gemenget Hie ein ſchach dort ein felt Etlichs ſo breit das ein gezelt Vil kume dar vff ſtunde Mit ſehen gewan er kunde Erbuwens landes hieſz aſcalun Do frogete er gegen ſchamfanzun Was yme volckes wider fúr Hoch gebirge vnd manig múr Des het er vil durch ſtrichen dar Do nam er einer burge war Anoi die gap vil werden glaſt Do kerte engegen des landes gaſt ⸿Nuͯ hoͯrent von offentúre ſagen Vnd helffent mir dar vnder clagen Gawans groſſen komer Min wiſer vnd min tomber Die muͯſz durch ir geſellicheit Vnd loſſen in mit mir weſen leit Owe nuͯ ſolt ich ſwigen Nein lont fúrbaſz ſigen Der etwenne gluck neig Vnd nuͯ gegen vngemach ſeig Diſe burg was geheret ſo Das eneas karthago Nie ſo herlichen fant Do frouwe dido tot was mȳnnen pfant Was ſú pallas pflege Wie vil do túrne lege Jr hette atraton genuͯg Die one babilonie tẏe truͦg An dem begriff die groſte wite Noch heiden worte ſtrite Sú was alvmb wol alſo hoch Vntze do ſú gegen dem mer gezoch Das ſú gegen keinem ſturm enſaſz Noch groſſen vngefuͯgen haſz Dar vor lag raſt breit ein plan Dar v́ber reit her gawan Wol hundert ritter oder mer Obe den allen was ein her Die komen jme do wider ritten Jn liechten cleydern wol geſnẏtten Alſo mir die offentúre ſaget Jr veder ſpil do jaget Der krang oder was vor in do floch Ein ranit von hẏſpanie hoch Reit der kv́nig vergulaht Sin blick was tag bẏ der nacht Sin geſlechte ſante maradan Fúr den berg zuͯ famorgan Sin art was von den feẏen Jn duchte er ſehe den meẏen Jn rechter zit von bluͯmen gar Wer nam des kv́nniges farwe war Gawanen des bedúchte Do der kv́nig ſo gegen jme lúchte Es were der ander parcifal Vnd das er gamurehtes mal Het alſo diſe mere weiſz Do der reit in zuͯ kanfoleis Ein reger det durch flucht entwicht Jn einem múrigem dicht Den brachten falcken dar gehúrt Der kv́nig ſucht vnrechten fuͯrt Jn falcken helff wart er naſz Sin roſz verloſz er vmb das Dar zuͯ alle die cleider ſin Doch ſchiet er falcken von ir pin Das nomen die falckenere Obe das ir recht icht were Es was ir recht ſú ſoltens han Man muͯſz ouch ſú bẏ recht lan Ein ander roſz man jme do lech Des ſinen er ſich gar verzech Man hing ouch ander cleit an in Jennes was der falckener gewin Hie kam gawan zuͯ geritten Ovi do wart nit vermitten Er wuͯrde baſz enpfangen Denne zuͯ karidol were ergangen Ereckes enpfohen Do er begunde nohen Artuſe noch ſime ſtrite Vnd do frouwe enite Siner freide was ein kundewier Sit jme malacliſier Das twerg ſin fel vnſanffte brach Mit der geiſel do es ginofer ſach Do zuͯ tulinem der ſtrit Er ging in dem kreiſſe wit Vmb den ſperwere Jeders filnort der mere Jme ſicherheit do bot Die muͯſte er bieten fúr den dot Die rede lont ſin vnd hoͯren hie Jch wene ſo gefriſchet ir nẏe Werdern enpfang noch gruͦſz Owe des wurt vnſanffte buͦſz Des werden lotes kinde Rotent irs ich erwinde Vnd ſage úch fúrbaſz nit mere Durch truren thuͯn ich wider kere Doch vernemt durch uwer guͯte Wie ein luter gemúte Froͯmder falſch gefroͯmte truͯbe Obe ich úch fúrbas v́be Diſe mere mit rechter ſage So kompt ir mit mir in die clage ⸿Do ſprach der kv́nig vergulacht Herre ich han mich des bedacht Jr ſullent riten dort hin in Mag es mit uweren hulden ſin Jch briche úch nuͯ geſellicheit Jſt aber úch min fúrbas riten leit Jch loſz was ich zuͯ ſchaffen han Do ſprach der werde gawan Herre was ir gebietet Billich ir úch des genẏtet Das iſt ouch on minen zorn Mit guͦtem willen gar verkorn Do ſprach der kv́nig von aſcelun Herre ir ſehent wol ſcanpfanzun Do iſt min ſweſter vff ein maget Was munt von ſchoͯne hat geſaget Des hat ſú volleclichen teil Wellent irs úch pruͯfen fúr ein heil Das iſt wor ſo muͯſz ſú ſich bewegen Das ſú uwer vntze an mich ſol pflegen Jch kome ouch ſchier denne ich ſol Ouch erbietent ir min wol Geſehent ir die ſweſter min Jr enrucht wolt ich lenger ſin Jch ſihe úch gerne als duͯn ich ſie Ouch hant mich groſſen frouwen ye Jr werden handelunge erlan Suſz ſprach der werde gawan Der kv́nig ſante ein ritter dar Vnd enbot der megede das ſy ſin war So neme das lange wile Jn duchte ein kurtze ile Gawan fuͯr dar der kv́nig gebot Wolt ir noch ich ſwige groſſer not Nein ich wils úch fúrbaſz ſagen Stroſſe ein pfert begunden tragen Gawan gegen der porte An des palaſes orte Wer buwes ẏe begunde Bas denne ich ſprechen kunde Von diſes buwes feſte Do lag ein burg die beſte Die ẏe wart geſtifft Vnmoſſen wit was ir begrifft DEr búrge lop ſúllent wir hie lan Wenne ich úch vil zuͯ ſagen han Von des kv́niges ſweſter ein maget Hie iſt von buwe vil geſaget Die pruͯffe ich recht ſol Was ſú ſchone das ſtunt ir wol Vnd hette dar zuͯ rechten muͦt Das was gegen wúrdickeit ir guͯt So das ir ſitte vnd ir ſin Was glich der margreffin Die dicke von dem hertſtein Vber alle die marcke ſchein Wol jme der es heimelich an ir Sol pruͯffen des gloubent mir Der vindet kurtzewile do Beſſer denn anderſwo Jch mag wol des von frowen jehen Alſo mir die ougen kúnnent ſpehen Was ich rede kere zuͯ guͦte Die bedarff wol zúchte huͦte ⸿Nuͯ hoͯre diſe offentúre Der getruwe vnd der gehúre Jch enruͦche vmb die vngetruwen Mit túrckelen ruwen Hant ſú alle ir ſelicheit verlorn Das muͯſz ir ſele liden zorn Vff den hoff vor den palas reit Gawan gegen der geſellickeit Alſo in der kv́nig ſante Der ſich ſit an yme ſchante Ein ritter der in brachte dar Jn fuͯrte ſo do ſaſz wol gefar Antitonie die kv́nnigin Sol wipliche ere ſin gewin Des kouffes het ſú vil gepflegen Vnd alles falſches ſich bewegen xl. Do mit ir kúſch priſz erwarp Owe das ſo fruͯ erſtarp Von feldeg der wiſe man Der kunde ſú baſz gelobet han Alſo her gawan die ſchoͯne maget erſach do von er groſſe freide enpfing DO gawan die maget erſach Der botte ging noher vnd ſprach Alſo das der kv́nig in werben hieſz Die kv́nnigin do nit enlieſz Sú ſprach herre gont noher mir Miner zucht meiſter das ſint ir Nuͯ gebieten vnd leret Wurt úch kurtzewile gemeret Das muſz an uwerm gebotte ſin Sit das úch der bruͯder min Mir befolhen het ſo wol Jch kúſſe obe ich kúſſen ſol Nu gebieten noch uwer moſſen Min duͯn oder min loſſen Mit groſſẻr zucht ſú vor jme ſtunt Gawan ſprach frowe uwer munt Jſt ſo kúſſenlich getan Es ſol ein kuſz mit grunt ergan Jr munt was heiſſe dicke vnd rot Dar an gawan den ſinen bot Do erging ein kuſz vngaſtlich Zuͯ der megde zúchten rich Saſz der wol geborne gaſt Suͯſſer rede in nit gebraſt Beidenthalben mit truwen Sú kunde wol genuwen Gegen ſiner bette er verſagen Das begunde er hertzeclichen clagen Doch bat er ſú genoden vil Die maget ſprach alſo ich úch ſagen wil Herre ſint ir anders cluͯg So mag es duncken úch genuͯg Jch erbúte es úch durch mines bruͯder bete Das es anfliſſe gamúrete Minem oͯheim nẏe baſz erbot One bẏ ligen min truwe ein lot An dem orte fúrbaſz wege Der vns wegens zuͯ rechte pflege Vnd enweiſz doch herre wer ir ſit Das ir an ſo kurtzer zit Wellent mine mẏnne han Do ſprach der werde gawan Mich leret mẏner kúnde ſin Jch ſage froͧwe das ich bin Miner baſen bruͯder ſuͯn Wellent ir mir genode duͦn Das lont nit durch minen art Er iſt gegen uwerm alſo bewart Das ſú beide wol glich ſtent Vnd in rechter moſſen gent EJn maget begunde in ſchencken Dar noch ſchier von in wencken Me froͧwen dannoch do ſoſſen Die ouch des nit vergoſſen Sú ſgingent ſchaffen vmb ir pflege Ouch was der ritter von dem wege Der in dar hette bracht Gawan des gedacht Do ſú alle von in komen vs Das dicke den groſſen ſtruſz Vohet ein vil krancker ar Er greiff ir vnder den mantel dar Jch wene er ruͦrte ir húffelin Des wart gemeret ſin pin Von der mẏnne alſo ſollich not gewan Beide maget vnd ouch der man Das do nohe was ein ding beſchehen Hette es v́bel ouge nit geſehen Des wille ſú beide worent bereit Nuͯ ſehent do nohete in hertzeleit Do ging zuͯ der túre in aldo Ein ritter blang wenne er was gro Jn woffen heiſz er nante Gawanen do er in erkante Do by er dicke lute ſchrei Owe heẏa hey Mins herren den ir ſluͦget Das úch des nit genuͯget Jr notzogetent ouch ſin dochter hie Dem woffen heiſz man volget ẏe Der ſelbe ſitte aldo geſchach Gawan zuͯ der jungfrowen ſprach Froͧwe nuͯ geben uwern rat Vnſer deweders nit vil wer hie hat Owe wenne hette ich doch min ſwert Do ſprach die jungfrouwe wert Wir ſúllent zuͯ wer vns ziehen Vff ẏennen turn dort fliehen Der by mẏner kamnetenkamnaten ſtat Genedeclich es licht ergat Die jungherren erhorte ſan Hie den ritter dort den kouffman Vnd den pofel komen vs der ſtat Mit gawan ſú gegn dem turn trat Jr frúnt muͯſte kumber liden *Sú bat ſuſz dicke mẏden Do was tradem vnd ir doſz alſo Das echt ir dekeiner marckete do Durch ſtrit ſú drungen gegen dem tor Gawan ſtunt zuͦ wer do vor Jr ingan er bewarte Einen rigel der den torn bewartebeſparte Den zuchte er vs der múr Sin argen noch gebur Entwichen jme dicke mit der ſchar Die kv́nnigin lieff her vnd dar Obe vff dem turne icht wer zuͯ wer Gegen diſem vngetruwen her Do fant die maget reine Ein ſchochzabel geſteine Vnd ein bret wol er leit wit Das bracht ſú gawane in den ſtrit An einem iſen ringe es hing Do mit es gawan enpfing Vff diſen vier ecken ſchilt Wart ſchochzabels vil geſpilt Er wart jme ſere verhouwen Nuͯ hoͯrent ouch von der froͧwen Es were kv́nig alt oder roch Das warff ſú gegen den venden doch Es was groſſe odvnd ſwer Man ſagete von ir die mer Wenne do reichete ir wurffes ſwang Der ſtruchet on ſinen dang Die kv́niginne rich Streit do ritterlich Bẏ gawan ſú ſo werlich ſchein Das die kouff wip zuͯ tolen ſtein An der faſznacht nẏe baſz geſtritten Wenne ſú duͦnt es von gampel ſitten Vnd múgent an not iren lip Wo harneſch ramig wurt ein wip Die hette irs rechten vergeſſen Man ſol ir kúſch meſſen Sú du es denne durch ir truwe Antitonie ruwe Wart zuͯ ſcanfanzun erzeiget Vnd ir hoher muͦt geneiget Jn ſtrite ſo ſere geneigetweinde Wol ſú das beſcheinde das frintlich liebe iſt ſtete Was gawan do dete Wenne jme die muͯſſe geſchach Das er die maget recht erſach Jr munt ir ougen vnd ir naſen Baſz geſchicket an ſpitze haſen Jch wene den geſohen ir nye Denne ſú was dort vnd hie Zwúſſchent der húff vnd ir bruſt Minen gerenden geluſt Kunde ir lip wol gereiſſen Jr geſohen nẏe omeiſſen Die beſſers glúckes pflag Denne ſú was do der gúrtel lag Das gab irem geſellen Gawanen manig ellen Sú dúrte mit jme in der not Sin benantes giſel was ſin ndot Vnd anders do kein gedinge Gawane wag vil ringe Vigendes haſz wenne er die maget erkoſz Do von ir vil den lip verloſz DO kam der kvnig vergulacht Der ſach die ſtrittelich macht Gegen gawane kriegen Jch enwolte úch denne triegen So mag ich in nit beſchoͯnen Er welle ſich denne ſelb hoͯnen An ſinem werden gaſte Der ſtunt zuͯ wer alfaſte Do det der wurt ſelb ſchin Das mich ruwet gaudin Der kv́nnig von anſcouwe Das ein ſo werde froͧwe Sin dochter ẏe den ſuͯn gebar Der mit vngetruwer ſchar Sin volck bat ſere ſtriten Gawan muͯſte biten Vntze der kv́nig gewoppent wart Er huͯp ſich ſelb an die fart Do muͯſte gawan entwichen Doch vnlaſterlichen Vnder des turnes tor er wart getan Nuͯ ſeht do kam der ſelb man Der ine camppfeliche an ſprach Vor artuſe das geſchach Der lantgroffe kingrumúrſel Gram durch ſwarten vnd durch fel Durch gawans not ſin hende er want Wenne des was ſin truwe pfant Das er do ſolte haben fride Es were das eins mannes lide Jne in kamppff twingen Die alte vnd die jungen Treip er von dem turne wider Den hieſz der kv́nnig brechen nẏder Kingrumúrſel do ſprach Hin vff do er gawanen ſach Halt gip mir fride zu dir dar in Jch wil geſellecliche pin Mit der han in diſer not Mich muͯſz der kv́nig ſlahen dot Oder ich behalten dir din leben Gawan den friden begunde geben Der langgroffe ſprang zuͯ jme dar Des zer ſpielte die vſſer ſchar Es was ouch burgroffe aldo Sú werent jung oder gro Sú bluͯgeten an irem ſtrite Gawan ſprang an die wite Alſo det ouch kingrumurſel Gegen ellen ſú worent beide ſnel ⸿Der kv́nige mante die ſine Wie lange ſúllent wir pine Von diſen zwein mannen pflegen Mins vettern ſuͯn hette ſich bewegen Er welle erneren diſen man Der mir den ſchaden hat getan Den er billicher reche Obe jme ellens nit gebreche Genuͯge den es ir truwe jach Kúren einen der zuͯ dem kv́nnige ſprach Herre muͯſſent wirs úch ſagen Der lantgreffe iſt vnerſlagen Hie von maniger hende Got úch an ſitte wende Die man úch verſehe baſz Weltlich priſz úch ſinen haſz Teilt erſlagent ir uwern gaſt Jr ladent vff úch der ſchanden laſt So iſt der ander uwer mog Jn des geleit er diſen bog Hebt das ſolt ir loſſen Jr ſint ando von verwoſſen Nu gebt vns einem fride her Die wile das diſer tag gewer Der fride ſy úch diſe nacht Wes ir úch dar vmb habt bedacht Das ſtat dennoch zuͯ uwer hant Jr ſint gepriſet oder geſchant Min frouwe antitonie Vor falſche die frye Dort alweinende by jme ſtat Ob úch das nit zuͯ hertzen gat Sit úch beide ein muͯter truͦg Des gedenckent herre obe ir ſint cluͯg Jr ſanten in der megde her Wer nẏeman ſins geleites wer Er ſolt ẏe doch durch ſú geneſen Der kv́nnig lieſz in fride weſen Vntze er ſich baſz beſpreche Wie er ſinen vatter gereche Vnſchuldig was her gawan Es hette ein ander hant getan Wenne der ſtoltz ehkunacht Ein lantze durch in lerte pfacht Do er jotfriden firidol Fuͯrte gegen parbigol Den er by gawane ving Durch den den diſe not erging Do der fride wart getan Das volck huͯp ſich von ſtrite ſan Menlich zuͯ der herberge ſin Antitonie die kv́nnigin Jr vettern ſuͯn vaſt vmb ving Manig kuſz an ſinen munt erging Das er gawane het ernert Vnd ſich ſelb vntat erwert Sú ſprach du biſt mins vettern ſuͯn Du enkundeſt durch nẏeman miſſetuͯn ⸿Wolt ir hoͯren ich tuͯn úch kunt Wo von E ſprach min munt Das luter gemuͯte truͯbe wart Gevneret ſy die ſtrites fart Die zuͯ ſcanfanzun det vergulacht Wenne das was yme vngezvngeſlacht Von vatter vnd von muͦter Der junge man vil guͯter Von ſchemde leit vil groſſe pin Do ſin ſweſter die kv́nnigin Jme begunde nehen Man horte in ſere flehen Do ſprach die jungfroͧwe wert Her vergulacht truͯge ich ſwert Vnd were von gotz gebot ein man Das ich ſchiltes amptes ſolte han Vwer ſtriten wer mich gar vertaget Do was ich one wer ein maget Wenne das ich truͯg do einen ſchilt Vff den iſt wúrdickeit iſt gezilt Des woppen ſol ich nennen Ob ir ruͯchent die bekennen *Guͯter geberde vnd kúſcher ſitte Den zwein wonte vil ſtete mitte Den bot ich vor den ritter min Den ir mir do ſantent herin Anders ſchirmes hette ich nicht Wo man úch bẏ wandel ſicht Jr habent doch an mir miſſetan Ob wiplich priſz ſin recht ſol han Jch horte E ſagen wo es ſo gezoch Das man gegen wibes ſchirme floch Do ſolte ellenthafftes jagen An ſinem ſtrite gar verzagen Obe do were manlich zucht Her vergulacht uwers gaſtes flucht Die er gegen mir det fúr den dot Lert uwern priſz noch laſters not KJngrumúrſel do ſprach Herre vff uwern troſt geſchach Das ich dem herren gawan Vff dem plimizols plan Gap frẏde her in uwer lant Vwer ſicherheit gap ſo pfant Obe in ſin ellen truͯge her Das ich das fúr úch werde wer Jn beſtúnde nicht wenne einig man Herre do bin ich gekrekencket an Hie ſehen min genoſſen zuͯ Diſz laſter iſt vns gar zuͯ fruͯ Konnent ir nit fúrſten ſchonen Wir krencken úch die kronen Sol nach úch by zúchten ſehen So muͯſz des uwer zucht verjehen Das ſippe reichet ob úch an mich Wer das ein kebeſchelicher ſlich Min halp wo vns die wúrt gezelt Jr hetten úch gohes gegen mir gezelt Wenne ich bin ein ritter doch An dem nẏe falſch wort wart funden noch Ouch ſol min priſz erwerben Das ichs one muͯſſe erſterben Des wil ich wol getruwen got Das ſú min ſelde gegen jme bot Ouch wo diſe mere wurt vernomēn Artuſes ſweſter ſuͯn ſy komen Jn mynem geleite vff ſcanfanzun Frantzois oder britun Prouenzal oder burgunois Galician oder ponturtois Vernement die gawanes not Habe ich priſz der iſt denne dot Wir frumpt ſin angeſtlicher ſtrit Vil enges lop min laſter wit Das ſol mir freide wenden Vnd mich vff eren pfenden ⸿Do diſe rede was getan Do ſtunt do einer des kv́niges man Der was geheiſſen lidamus Kiot in ſelb nennet ſus Den ſin kunſt des nit er lieſz Kẏot laſcantúre hieſz Er ſúnge vnd ſpreche alſo Des noch genúg werdent fro Kiot iſt ein prouenzal Der diſe rede von parcifal Heẏdenſch geſchriben ſach Was er in frantzois do von ſprach Bin ich nit der witzelaſz Das ſage ich tútſchen fúrbaſz Do ſprach der fúrſte lidamis Was ſolt er in mins herren his Der in ſin vatter ſluͦg Vnd das laſter jme ſo nohe truͦg Jſt min herre an wer erkant Das richet alhie ſin ſelbes hant So gelte ein dot den anderen dot Jch wene glich ſin die not Nuͯ ſehent ir wie gawan do ſtunt Alrerſt was jme groſſe angeſt kunt xlj Alſo der kv́nnig kingrumurſel zuͯ dēm hertzogen liddinynus ſprach das er in nit an keime ſtrit zuͯ vorderſt ſehe : besteht aus einem etc-Zeichen mit Schlaufe. DO ſprach kingrunnurſel Wer mit der tro wer ſo ſnel Den ſolt ouch gohen in den ſtrit Jr habent gedrenge oder wit Man mag ſich uwer licht erwern Her liddenynus vil wol ernern Truwe ich vor úch diſen man Was úch der hat getan Jr lieſſent das vngerochen Jr habent úch gar verſprochen Man gicht das one lougen Das úch nẏe mannes ougen Geſehen zuͯ forderſt an dem ſtrit V́ch was ye ſtriten wol ſo leit Das ir der flucht begúndet Dannoch ir me wol kúndet Wo man ye gegen ſtrite trang Do dodent ir wibes wider wang Wellich kv́nig ſich lat an uwern rat Vil twerhes ẏme die crone ſtat So were von minen handen Jn kreiſſe beſtanden Gawan der ellenthaffte tegen Des hette ich mich gegen jme bewegēn Das der kampff were alhie getan Wolt es min herre geſtattet han Der reit mit ſunder minem haſz Jch getruwete jme ander ding baſz Her gawan lopt mir her fúr wor Das er von húte v́ber ein jor Mit zuͯ gegen rede ſtat Jn kampff obe es ſo hie er gat Das úch min herre lat das leben Do wurt úch kampff von mir geben Jch ſprach úch an zuͯm plúmzol Nuͯ ſy der kampff zuͯ parbigol Vor dem kv́nige meliantz Der ſorge zu einem krantz Trage ich vff das gedingk Das ich kom gegen úch in den ringk Do ſol mir ſo*ſorge tuͯn bekant Vwer manliche hant Gawan der ellens rich : Verweiszeichen für Alinea links neben der Spalte? : Korrekt. Was tun? Bot gezogenlich Noch diſer bette ſicherheit Do was mit rede aldo bereit Der hertzog liddinus Er begunde ſiner rede alſus Mit ſpehelichen worten Aldo do ſú alle horten Er ſprach wenne jme was ſprechens zit Wo ich kūmme in den ſtrit Habe ich do fechtens pflicht Oder flucht mit vngeſchicht Bin ich verzagelich ein zage Oder ob ich priſz aldo beyage Her langgroffe des danckent ir Alſo irs gepruͯffen kv́nnen an mir Doch enpfohe ich nẏemer uwern ſolt Jch bin mir ſelber ſo holt Suſz ſprach der rich lidamus Wellent irs ſin her turnus So lont mich ſin hertrantzes Vnd ſtroffent mich ob ir wiſſen wes Enthebent úch nit ſo groſz Ob ir fúrſten mẏner genoſz Der edelſten vnd der hoͯheſten birt Jch bin ouch landes herre vnd wirt Jch han in galicia Beẏde her vnd da Manige burg recht vntz an fedrun Was ir ẏvnd ẏegelich britun Mir do zuͯ ſchaden moͯchte getuͯn Jch geflihe nẏemer vor úch huͦn Er iſt von britanien komen Gegen dem ir kampff habent genomen Nuͯ rechent herren vnd mog Mich ſol vermiden uwer bog Wer uwern vettern an gewan Das leben ir worent ſin man Do rechet das ich endet jme nicht Jch wene mirs ouch ẏeman gicht Vwern vettern ſol ich wol verclagen Sin ſuͯn die crone noch jme ſol tragen Der iſt mir hoch zuͯ herren genuͦg Die kv́nnigin flandarmurs in truͦg Sin vatter der hieſz kingriſin Vnd ſin ane der kv́nig gandin Jch wil úch baſz beſcheiden des Gamuret vnd galoes Sine oͯheim woren Jch wolte ſin gerne foren Vnd mit eren von ſiner hant Mit fanen enpfohen min lant Wer fechten welle der duͯ das Jch bin gegen dem ſtrite laſz Je doch freiſch ich die mere wol Wer priſz in dem ſtrite hol Des danckent jme die ſtoltzen wip Jch wil durch nẏman minen lip Verleiten in ſo harte pin Was wolff hartes ſolt ich ſin Mir iſt in den ſtrit der weg vergrabet Gegen fechten die gir verhabet Wurdent ir mirs nyemer holt Jch dete E alſo rumolt Der kv́nig gúnther riet Do er von wurms gegen den húnen ſchiet Er bat in lange ſutten bern Vnd in ſinem keſſel vmb dern Der lantgroffe ellens rich Sprach ir redent dem glich An maniger weiſz an úch fúr wor Vwer zit vnd uwer jor Jr rotent mir das ich wolt je doch Vnd ſprechen ir detent alſo *riet ein koch *riet: Die unlesbare Buchstabenfolge wurde zusätzlich vom Rubrikator durchgestrichen. Den kuͯnen nebelingen Die ſich vnbetwúngen Vſz huͯben do man in rach Das ſẏfrit do vor geſchach Oder ich gelere in roche not Mich muͯſz her gawan ſlahen dot Das volge ich ſprach liddamus Wenne was ſin oͯheim artus Hat vnd die von jndia Der mirs hie gebe alſo hant da Vnd mirs lideclich brechte Jch lieſſe es E denne ich fechte Nuͯ behaltet despriſz des man úch gicht Segramors enbin ich nicht Den man durch fechten binden muſz Jch erwirbe ſuſz wol kvniges gruͦſz Sibeche nẏe ſwert er zoch Er was ye do man floch Doch muͯſz man jme flehen Groſſe gobe vnd ſtarcke lehen Enpfing er von ermenrich genuͯg Nie ſwert er doch durch helm ſluͯg Mir wurt verſchertet nẏmer fel Durch úch her kingrumúrſel Des han ich mich gegen úch gedacht Do ſprach der kv́nig vergulacht Swiget uwer wehſſelmere Es iſt von úch beiden ſwere Das ir der wort ſint ſo fry Jch bin úch alzuͯ nohen by Zuͯ ſuſz getanem gebrecht Es ſtot mir noch úch nit recht Das was vff dem pallas Aldo ſin ſweſter komen was Bẏ ir ſtunt her gawan Vnd manig ander werder man Der kv́nig ſprach zuͯ der ſweſter ſin Nuͯ nẏm den geſellen din Vnd ouch den lantgroffen zuͯ dir Die mir guͯtes gúnnent got mit mir Vnd rotent mir hie was ich tuͯ Sú ſprach do lige din getruwe zuͯ NV gat der kv́nig an ſinen rat Die kv́nigin genomen hat Jrs vettern ſún vnd iren gaſt Das dritte was der ſorgen laſt One alle miſſewende Nam ſú gawanen mit der hende Vnd fuͯrte in do ſú ſolte weſen Sú ſprach zuͯ jme werent ir nit geneſen Des hettent ſchaden alle lant An der kv́nniginnen hant Ging des werden luchs ſuͯn Er moͯchte es do vil gerne tuͦn Jn die kemnaten ſan Gie die frouwe vnd die zwene man Von den anderen bleip ſú lere Des pflogent kāmmere Wenne clore jungfroͧwelin Der muͯſten vil dar jnne ſin Die kv́nnigin mit zúchten pflag Gawans der ir zuͯ hertzen lag Do was der lantgroffe mitte Der ſchiet ſú nyndert von dem ſitte Doch ſorgete vil die werde maget Vmb gawans lip wart mir geſaget Suſz worent die zwene dar in Bẏ der kv́nnigin Vntze das der tag lieſz ſinen ſtrit Die nacht kam do was es eſſens zit Moras win vnd luter trang Brochten jungfroͧwen do mit in rang Vnd ander guͯte ſpiſe Faſan pardriſe Guͯte viſch blancke waſtel Gawan vnd kingrumúrſel Worent koment vs groſſer not Sit es die kv́nnigin gebot Do oſſent ſú alſo ſú ſolten Vnd ander die es icht wolten Antitonie in ſelb ſneit Do was durch zucht in beiden *leit + Was man do knuwende ſchencken ſach Jr do keinem die hoſen neſtel brach Alſo worent megde alſo von der ſelben zit Den man die beſten jore noch git xlij Jch bin des vnerferet Hettent ſú geſcheret Alſo ein falck ſin gefyder Do rede ich nit wider Alſo die landes herrēn mit dem kv́nige zuͯ rote gingent vmb einen kampff NV́ hoͯrent e ſich der rot geſchiet Was man des landes kv́nige riet Die wiſen hette er zuͯ jme genomen An ſinen rot die worent komen Etlicher ſinen willen ſprach Alſo jme ſin beſter ſin verjach Sú moſſent ſichs an manige ſtat Der kv́nig ſin rede hoͯren bat Er ſprach es wart mit mir geſtritten Jch kam durch offentúre geritten Zú forderſt lachamris Ein ritter alzuͯ hohen priſz Jn diſer wuchen an mir ſach Wenne er mich flúgelingen ſtach Húnder das roſz alle ſunder twal Er twang mich des das ich den gral GelobſGelobet jme zuͯ erwerben Solt ich nuͯ dar vmb ſterben So muͯſz ich leiſten ſicherheit Die ſin hant an mir erſtreit Do rotent vs dar vmb das iſt not Min beſter ſchilt was fúr den dot Das ich darvmb bot min hant Alſo úch min rede iſt hie bekant Er iſt manheit vnd ellens her Der helt gebot mir dennoch mer Das iſt one liſt Jn des jores friſt Ob ich des groles erwúrbe nicht Das ich ir kome dar man gicht Der krone von pelrapeir Jr vatter hieſz tampanteir Wenne min ouge ſú an geſehe Das ich ir ſicherheit verjehe Er enbot ir das ſú gedecht an in Das were an freiden ſin gewin Vnd er were der ſú loſte .E. Von dem kv́nige clamide ⸿Do ſú die rede erhorten ſus Do ſprach aber liddamus Mit diſer herren vrlop ich nuͯ Sprich ouch roten ſú dar zuͦ Wes úch dort twang jenner man Des ſú hie pfant her gawan Der veder ſlacht vff irem cloben Bittet in vch vor vns allen loben Das er úch den grole gewin Vnd lat in mit guͯter min Von úch hinnan riten Vnd noch dem grole ſtriten Die ſchāmme muͯſſent wir alle clagen Wúrde er in uwerem huſe erſlagen Vnd vergebent jme ſin ſchulde Durch uwer ſweſter hulde Er hette erlitten hie groſſe not Vnd muͯſz nuͯ keren in den dot Was erde vmb ſlagen hat das mer Do gelag nẏe huſz ſo wol zuͯ wer Alſo múntſaluaſc wo die ſtat Von ſtrite rúher weg dar gat Bẏ ſinem gemach in hinnacht lat Morgen ſage man jme den rat Des volgeten alle die rot geben Suſz behielt her gawan ſin leben ⸿Man pflag des heldes vnverzaget Des nachtes do wart mir geſaget Das harte guͯte was ſin gemach Do man den mitten morgen ſach Vnd do man meſſe geſang Vff dem pallas groſz gedrang Von pondel vnd von werder diet Der kv́nnig det alſo man jme riet Er hieſz gawanen bringen Den wolt er nichtes twingen Wenne alſo ir ſelb hant gehort Nuͯ ſehent wo in brachte dort Antitonie die wol gefar Jrs vettern ſuͯn kam mit jme dar Vnd ander genuͯg des kv́niges man Die kv́nnigin fúrte gawan Fúr den kv́nnig an ir hende Ein ſchappel was ir gebende Jr munt den bluͯmen nam den priſz Vff dem ſchappel do keine wiſz Stunt niergent do keiner alſo rot Wem ſú guͯtlich ir kúſſen bot Des muͯſte ſwenden ſich der walt Mit maniger juſte vngezalt Mit lobe wir ſolten gruͯſſen Die kúſchen vnd die ſuͯſſen Maget antitonien Vor falſch die frien Wenne ſú lebete in ſollichem ſitten Das nẏergent priſz was vnderritten Mit priſz mit falſchen worten Alle die ir priſz gehorten Jegelich munt er wunſchet do Das ir priſz beſtúnde alſo Bewart bẏ valſcher trúbe jehe Luter vertig alſo ein valcken ſehe Was balſam meſſig ſtete an ir Das riet ir wúrdecliche gir Die ſuͯſſe ſeldenrich Sprach gezogenlich Bruͯder hie bringe ich den tegen Des du mich ſelb hieſz pflegen Nuͯ loſſe in min genieſſen Das ſol dich nit verdrieſſen Gedencke an bruͯderlich truwe Vnd duͦ das one ruwe Dir ſtat manlich truwe baſz Wenne das du dolteſt der welte haſz Vnd mine kinde ich haſſen Den lere mich gegen dir maſſen DO ſprach der werde ſuͯſſe man Das duͯn ich ſweſter ob ich kan Dar zuͯ gip mir ſelber dinen rat Dich duncket das mir miſſedat Wỉrdekeit hat vnderſwungen Von priſe mich gedrungen *Was dochte ich denne zuͯ bruͯder dir Wenne dienten alle cronen mir Der ſtúnde ich abe durch din gebot Din haſſen wer min hoͯheſte not Mir iſt ſo ẏemer freide vnd ere Nicht wenne noch diner lere Herre gawan ich wil úch des bitten Jr koment durch priſz do her geritten Nuͯ das duͯnt durch priſes hulde Helffent mir das min ſchulde Vff min ſweſter mich verkieſe E das ich ſú verlieſe Jch verkúſe vff úch min hertzeleit Wolt ir mir ſicherheit Das ir mir werben ſunder twal Mit guͯten truwen vmb den gral Do wart die ſuͯne verendet Vnd gawan geſendet An dem ſelben mol Durch ſtriten noch grol Kingrumúrſel ouch vergoſz Vff den kv́nig der in do verloſz Das er jme ſin geleite brach Vor allen fúrſten das geſchach ⸿Do ir ſwert worent gehangen Die worent vnder gangen Gawans knappen an der ſtunt Das ir do keiner was worden wunt Ein gewaltig man vor der ſtat Der in frides fúr den anderen bat Der ving ſu vnd leit ſú in priſun Es were frantzois oder brituͦn Starcke knappen oder cleine kint Von wellichem lande ſú komen ſint Die bracht man do ledeclichen Gawan dem ellens richen Do in die kint erſohen Do wart groſſes vmb vohen Jegeliches weinende an in hing Das weinen doch von liebe ging Von kornewal mit jme do was Comſlaur fúr tinas Ein edel kint wont jme ouch bẏ Due gaudulurz fúr gurgri Der durch ſcoidelacurt den lip verloſz Do manig frouwe ir jomer koſz Lẏas was des kindes baſe Sin munt ſin ougen vnd ſin naſe Was recht der mynnen kerne Alle die welt ſach in gerne Der zuͯ ſehs ander kindelin Diſe echt jungherren ſin Worent geburt des bewart Alle von edeler hoher art Sú worent jme durch ſippe holt Vnd ſú dientent jme vff ſinen ſolt Wúrdekeit gap er zuͯ lone Vnd pflag ir anders ſchone ⸿Gawan ſprach zuͯ dem kindelin Wol úch ſuͯſſe maget min Mich duncket des ir wellent mich clagen Obe ich were alhie erſlagen Man moͯchte in clage getruwen wol Sú woren ouch ſuſz in jomers tol Er ſprach mir was vmb úch vil leit Wo worent ir do man mit mir ſtreit Sú ſagetens jme ir keiner loug Ein múſſer ſprintzeln enpfloug Vns do ir by der kv́nnigin Soſſen do lieſſen wir alhin Die do ſtunden vnd ſoſſen Die marcketens nit vergoſſen Die pruͯffeten das her gawan Wer ein menlich hoff man Vrlop er do gerte Das in der kv́nig gewerte Vnd das volck algemeine Wenne der lantgroffe alleine Die zwene nam die kv́nnigin Vnd gawans jungherrelin Sú fuͦrte do ſú pflogen Jungfrouwen on bogen Do nam ir wol mit zúchten war Manig jungfrouwe wol gefar ⸿Do gawan enbiſſen was Jch ſage úch alſo kẏot was Durch hertzecliche truwe Huͯp ſich do groſſe ruwe Er ſprach zuͯ der kv́nnigin Frouwe han ich ſin Vnd ſol mir got den lip bewarn So muͯſz ich dienſtlich farn Vnd ritterlich gemuͯte Vwer wipliche guͯte Zuͯ dienſte yemer keren Wenne úch ſol ſelde leren Das ir habent falſch an geſiget Vwer priſz vor alle priſe wiget Glúck muͯſz úch ſelde wern Froͧwe ich wil vrlops gern Den gebent mir vnd lont mich farn Vwer zucht muͯſz uweren priſz bewarn Jr was ſin dannen ſcheiden leit Do weinten durch geſellicheit Mit ir manig jungfroͧwe clor Die kv́nnigin ſprach one alle vor Hette ir min genoſſen mer Min freide were gegen ſorgen wer Nuͯ moͯchte uwer freide nit beſſer ſin Gloubent aber wenne ir lidet pin Ob úch vertreit ritterſchafft Jn vnberendem komers crafft So wiſſent min her gawan Des ſol min hertze pflichte han Zuͯ verluſt oder zuͯ gewin Die edele kv́nnigin Koſt den gawanes munt Der wart an freiden vngeſunt Das er ſo gohes von ir reit Jch wene es were in beiden leit Sin knappen hetten ſich bedacht Das ſin roſz worden bracht Vff den hoff fúr den palas Do der linden ſchatte was Ouch woren den groffen komen Sin geſellen han ich vernomen Der reit mit jme vs fúr die ſtat Gawan in zúchteclichen bat Das er ſich arbeite Vnd ſinen gezúge jme leite Zuͯ bearoſc do iſt ſcerules Den ſúllen ſú ſelbes bitten des Geleites zuͯ drunas drun Do wonet etlich britun Der ſú bringet anden herren min Oder min frouwe die kv́nigin Das lopt jme kingrumúrſel Vrlop nam der tegen ſnel Gingrulet wart gewoppent ſan Das ro*roſ vnd min herre gawan Er kuſt ſin moge die kindelin Vnd ouch die werden knappen ſin Noch dem grole jme ſicherheit gebot Er reit allein gegen wunders not xlij Alſo gawan zuͯ ſigunen kam vor ein cluſe vnd er ſú frogete vmb parcifalen GV́t vff wem buer ſit ir Jch wil herre min zuͯ dir So gert ir zuͯ engem rúme Was denne blibe ich kúme Min dringen ſolt du ſelten clagen Jch wil dir nuͯ von wunder ſagen Jo ſint irs froͧwe offentúre Wie fert der gehúre Jch meine den werden parcifal Den comdri noch dem gral Mit vnſuͯſſen worten jagete Do manige frouwe clagete Das nit wendig was ſin reiſe Von artuſe gon brituneiſe Huͯp er ſich nuͯ do wie wie fert er nuͯ Den ſelben meren griffe zuͯ Ob er an freiden ſy verzaget Oder hat er hohen priſz beyaget Oder obe ſin gantze wurdickeit Sú beide lang vnd breit Oder iſt ſú kurtz vnd ſmal Nuͯ pruͯffent vns die ſelbe zal Was von ſinen handen ſy geſchehen Hette er muntſaluaſce ſit geſehen Vnd den ſuͯſſen anfortas Des hertze vil ſúffzig was Durch ir guͯte gebent vns troſt Obe der von yomer iſt erloſt Lont hoͯren vns die mere Obe parcifal do were Beẏde uwer herre vnd der hẻrre min Nuͯ erlúchtent mir die fuͯre ſin Der ſuͯſſen hertzeleiden barn Wie hat gamuretes ſuͯn gefarn Sit er von artuſe reit Obe er liep oder hertzeleit Sit habe bezalt an ſtrite Habt er an die wite Oder hat er ſider vſẏch verlegen Sagent mir ſin ſitte vnd alle ſin pflegen Duͯt vns die offentuͯre bekant Er habe erſtrichen manig lant Zuͯ roſſe zuͯ ſchiff zuͯ woge Es were lantman do oder moge Der juſte ponder gegen jme maſz Das der enkeiner nie geſaſz Suſz kan ſin moge ſeigen Sin ſelbes priſz vff ſteigen Vnd die anderen leren ſigen Jn manigen herten wigen Hette er ſich ſchimppfenture erwert Den lip gegen ſtrit alſo gezert Wer priſz zuͯ jme wolte borgen Der muͯſz es duͯn mit ſorgen Sin ſwert das jme an fortas Gap do er bẏ dem grole was Braſt ſit do er beſtanden wart Do machte es gantz des bronnen art By karnang der do heiſſet lag Das ſwert halff jme briſes beẏag DEr es nit gloubet der ſúndet Die offentúre vns kúndet Das parcifal der tegen balt Kam geritten vff einen walt Jch enweiſz zuͯ wellichen ſtunden Aldo ſin ougen funden Nuwes buwes ein cluſe ſtan Do durch ein ſnellen burnnen gan Ein halp ſú dar v́ber was geworcht Der junge tegen vnerforcht Reit durch offentúre zuͯ verſuͯchen Sin wolte got do geruͯchen Er fant ein cloſenerinne Die durch die gottes mẏnne Jr magetuͯm vnd ir ſorge gab Wiplicher freiden vrhab Vs ir hertzen bluͯget nuwe Vnd doch durch alte truwe Schionatulander Vnd ſigunen fander Der helt lag dar jnne begraben dot Jr leben leit vff dem ſarck not Sigunen de coſſe Hoͯrte ſelten meſſe Jr leben was doch ein uenie gar Jr dicker munt heiſz rot gefar Was do erblichen vnd bleich Sit weltlich freide ir entweich Es er leit nẏe maget ſo hohe pin Durch clage ſú muͯſte alleine ſin Durch mynne die jme erſtarp Das ſú der fúrſte nit erwarp Sú minte ſinen doten lip Alſo ob ſú worden wer ſin wip Do hette ſich froͧwe lúnete Geſúmet an ſo hoher bete Alſo ſú riet ir ſelbes frouwen Man mag noch dicke ſchouwen Froͧwe lúneten riten zuͯ Etlichem rote gar zuͯ fruͯ Wellich wip nuͯ durch geſelleſchafft Verbirt vnd durch ir zucht crafft Pflicht an froͯmder mynne Alſo ich michs veſinne Lat ſú es by ir mannes leben Dem wart an ir der wunſch geben Do kein beiten ſtat ir alſo wol Das erzúge ich obe ich ſol Dar noch duͯ alſo ſú es lere Behaltet ſú dennoch ir ere Sú treit de keinen ſo liechten krantz Gat ſú durch freide an den tantz Wes wunſch ich freide gegen der not Alſo ſigunen ir truwe gebot Das moͯchte ich gerne loſſen V́ber ronen one ſtroſſen Parcifal fúr das fenſter reit Alzuͯ nohe das was ẏme leit Do wolt er frogen vmb den walt Oder war ſin reiſe wer gezalt Er gerte der gegen rede do Jſt ẏemen do jnne ſoſẏ ſprach jo Do er horte das frowen ſtȳmme was Her tan vff vngetretten graſz Warff er das roſz vil drate Es duchte in alzuͯ ſpate Das er nit was erbeiſſet E Die ſelbe ſcham det jme we Er bant das roſz vil faſt Zuͯ eines romes aſt Sinen dúrckelen ſchilt hing er daran Do er kúſch freuel man Sin ſwert durch zucht von jme gebant Er ging fúr das fenſter an die want Do wolt er frogen mere Die cluſe was freiden lere Dar zuͯ alles ſchimppfes bloſz Er fant do nit wenne jomer groſz Er gerte ir an das fenſter dar Die jungfrouwe bleich gefar Mit zucht ſú do vff geſtunt Dannoch was jme harte vnkunt Were ſú were oder moͯchte ſin Sú truͯg ein hemde herin Vnder einēm groͧwen rock zuͯ nehſt an der hut Jomer groſz was ir ſunder trut Der hette iren hohen muͯt geleget Von dem hertzen ſúfftzen vil er weget Mit zucht die maget zuͯm fenſter ging Mit ſuͯſſen worten ſú in enpfing Einen ſalter truͯg ſú in der hant Parcifal der wigant Ein cleines vingerlin do koſz Das ſú durch arbeit nie verloſz Sú behielt es durch minen rat Das ſteinlin was ein granat Des blick gap vs der finſter ſchin Recht alſo ein fúres ginſterlin Senelich was ir gebende Do vſſen by der wende Sprach ſú herre do ſtet ein bang Ruͯchent ſitzen lert es uwer gedang Vnd ouch ander vnmuͯſze Die ich her zuͯ uwerem gruͦſſe Bin komen das vergelt úch got Der gebútet getrúwelichen vrbot Der helt ires rotes nit vergaſz Fúr das fenſter er geſaſz FEr bat ouch dar in ſitzen ſie Sú ſprach nuͯ han ich ſelten hie Geſeſſen bẏ do keinem man Der helt ſú frogen do began Vmb ir ſitte vnd vmb ir pflege Das ir ſo ferre von dem wege Sitzent in diſer wilde Jch habe es fúr ein vnbilde Froͧwe wes ir úch begat Sit hie nit buwes vmb úch ſtat Sú ſprach do kumpt mir von dem grol Min ſpiſe do her ſunder twol Condrie laſintzier Mir bringet denne ſchier Alle ſamſtag zuͯ nacht Min ſpiſe des hette ſú ſich bedacht Der ich gantz wuch leben ſol Sú ſprach wer mir anders wol Jch ſorgete wenig vmb die nar Der bin ich wol bereitet gar DO wonde parcifal ich lúge Vnd das ſú in anders gerne trúge Er ſprach in ſchimpff zuͯ ir dar in Durch wen tragent ir das vingerlin Jch horte ẏe ſagen mere Cloſenerin vnd cloſenere Die ſolten myden amorſchafft Sú ſprach hette uwer crafft Jr wolten mich felſchen gerne Wenne ich nuͯ falſch gelerne So hebent mir in vff ſint ir do bẏ Ruͦcht es got ich bin vor falſch fry Jch kan do keinen wider ſatz Sú ſprach diſen michelen ſchatz Trage ich durch einen lieben man Des mẏnne ich nẏe an mich gewan Mit menſchelicher detebete Magettumliches hertzen dete Mir gegen jme rotet mẏnne Sú ſprach den habe ich hinne Das cleinoͯte ich ſider truͯg Sit orilus juſte in ſluͯg Mit jomerlicher zite nar Wil ich jme mẏnne geben fúr war Der rechten mẏnne ich bin ſin wer Wenne er mit ſchilt vnd mit ſper Do noch mit ritters handen warp Vntze er an minem dienſt erſtarp Magethuͯm ich ledeclich han Er iſt vor got ẏe doch min man Ob gedang wircken ſol die werg So tragen ich nẏndert den geberg Der vnder ſwinge mir min .E. Minem leben det ſin ſterben we Der rechten E diſz vingerlin Vor got ſol min geleite ſin Das iſt obe miner truwe ein ſloſz Von dem hertzen miner ougen floſz Bin ich hie in ſalbander Schionatulander JchJſt das ein das ander ich + Parcifal verſtunt do ſich Das es ſigune were Jr komber was jme werewerlich ſwere Den helt do wenig des verg*verdroſz Von dem herſnenúr das houbt ſloſz Er macht E das er gegen ir ſprach Die jungfrouwe an jme erſach Durch iſers ram vil liechtes fel Do erkante ſú den tegen ſnel Sú ſprach ſint irs here parcifal Saget an wie ſtat es vmb den gral Habt ir gepruͯffet noch ſin art Oder wie iſt erwendet uwer fart ⸿Er ſprach zuͯ der megde hoch geborn Do han ich freide vil verlorn Der grole mir ſorgen git genuͯg Jch lieſz ein lant do ich crone truͯg Dar zuͯ das mẏnneclicheſte wip Vff erden nẏe ſo ſchoͯner lip Wart geborn von menſchen frucht Jch ſene mich noch ir kúſchen zucht Noch ir mynne ich trure vil Vnd me noch dem hohen zil Wie ich múntſaluaſce moͯge geſehen Vnd den grole das iſt noch vngeſchehen Nẏfftel ſigun du duͯſt gewalt Sit du min komber manigfalt Erkenneſt das du foheſt mich Die maget ſprach al min gerich Sol vff dich nefe ſin erkorn Du haſt doch freiden vil verlorn Sit du lieſz dich betragen Vmb das wurdecliche fragen Vnd do der ſuͯſſe an fortas Din wurt vnd din glúcke was Do hette dir frogen wunſch beyaget Nuͯ muͯſz dir freide ſin verzaget Vnd aller din hoher muͯt erlempt Din hertz ſorge hat gezempt Die dir vil froͯmde were Hetteſt du gefroget mere Jch warp alſo der den ſchaden hat Sprach er liebe nẏfftel gib mir rat Gedencke rechter ſippe an mir Vnd ſage mir ouch wie ſtat es dir Jch ſolte truren vmb din clage Wenne das ich hohern komer trage Denne ẏeman getrúge Min not iſt ſo vngefuͯge Sú ſprach nuͯ helffe dir des hant Dem aller komber iſt bekant Obe dir ſo wol gelinge Das dich ein ſla dar bringe Aldo du muntſaluaſce ſiheſt Vnd du mir diner freiden giheſt Condrie laſurtzier reit Vil niuͯlich hinnen mit ir leit Das ich nit frogete obe ſú dar Wolte keren oder anderſwar Jemer in ir múl dort ſtat So der brunne vſz dem felſz gat Jch wolte das du ir riteſt noch Jr iſt fúr dir lichte nit ſo goch Dú muͯgeſt ſú ſchier han er ritten Do enwart nit lenger gebitten Vrlop nam der helt aldo Vnd kerte vff die nuwe ſla Condrie mul die reiſe ging Das vngefert jme vnderving Ein ſla die er hette erkorn Suſz wart aber der gral verlorn Aller ſiner freiden er do vergaſz Jch wene er hette gefroget baſz Wer er zuͯ muntſaluaſce komen Danne alſo ir E habt vernomen ⸿Nuͯ lont in riten war ſol er Dort gegen jme kam geritten her Ein man dem was das houbet bloſz Sin woppen rocke von coſte groſz Dar vnder harneſch blang gefar One das houbet was er gewoppent gar Gegen parcifal er faſte reit Er ſprach herre mir iſt leit Das ir mins herren walt ſus bant Jr werdent ſchiere dar vmb ermant Do von ſo ſich uwer gemuͯte ſent Monſaluaſce iſt nit gewent Das ẏeman ir ſo nohe rite Es were der angeſtliche ſtrite Oder der einen ſollichen wandel bot Alſo man vor dem walde heiſſet dot Einen helm er inder hende Fuͯrte des gebende Woren ſnuͯre ſidin Vnd ein ſcharppfe glevin Dar jnne alnuve was der ſchafft Der helt bant mit zornes crafft Den helm vff das houbet eben Es enſtunt in nit vergeben An den ſelben ziten Sin droūn vnd ſin ſtriten Je doch bereit er ſich zuͯ der joſt Parcifal mit ſollicher coſt Hette ouch ſper vil zerzert Er gedochte wer vnernert Rit ich v́ber dis mannes ſat Wie winde denne ſins zornes rat Nuͯ dret ich hie den wilden farn Mir geſwichen hende yetweder arm Jch gip fúr min reiſz ein pfant Das nyergen bindet mich ſin hant Das wart zuͯ beider ſit getan Die roſz in den walap verlan Mit ſporn getriben vnd gefuͯrt Faſt vff der rabine húrt Jr ietweders juſt do miſſeriet Maniger juſt en gegen nẏet Was parcifals hohe bruſt Den lerte kunſt vnd ſin gluſt Das ſin juſt alle eben fúr Recht in den ſtrig der helm ſnúr Er traff in do man hencket den ſchilt Do man ritterſchafft ſpilt Das von monſaluaſce der templeis Von dem roſſe in ein halden reiſz So ferre hin abe die was ſo tieff Das do ſin leger wenig ſlieff Parcifal der juſte noch Volget dem roſſe was ſo goch Es vil hin abe das es gar zerbraſt Parcifal eins ceders aſt Begreiff mit ſinen handen Nuͯ get es yme nit zuͯ ſchanden Das er ſich an ſcherigen hing Mit den fuͯſſen er geving Vnder des falſches herte Jn groſſem vngeferte Lag das roſz dort nẏden dot Der ritter gohete von der not Anderthalben vff die halden hin Wolt erteilen den gewin Den er erwarp an parcifal So halff jme baſz do heime der gral Parcifal her wider ſteig Der zúgel gegen der erden ſeig Do hette das roſz durch tretten Alſo obe es bittens were gebetten Das yenner ritter do vergaſz Do parcifal dar vff geſaſz Do enwas nit wenic ſin ſper verlorn Die wile verluſt gegen vinde was verkorn Jch wene der ſtarcke lehelin Noch der ſtolce kingreſin Noch rois gramolans Noch conſlaſcoit fúr gúrnemans Nie beſſer juſte geritten Denne alſo dis roſz wart erſtritten Do reit er er wuſte war So das die monſoluaſce ſchar Jn mit ſtrite gar vermeit Des ſgroles fremde was jme leit xliii Alſo parcifal mit dem grouwen ritter juſtierte vnd ſtach WEr ruͯcht v̉ernemēn dem thuͦn ich kūnt Wie des heldes ding do noch geſtūnt Des prúffe ich nit d̉er wochēn zal V́bẻr wie lang ſú der parcifal Der reit durch offēntúre als E Eins morgēns was eȳn doͯnner ſne Je doch ſo dúnne wol geſnyt Alſo der noch froſt den lúten git Es was vff einen groſſen walt Jme wider ging ein ritter alt Des bart was algrowe gevar Do bẏ ſin felle linde vnd clar Die ſelbe farwe truͯg ſin wip Die beide v́ber bloſſen lip Truͯgen grouwen rocke herte Vff ir bette ferte Sin kint zwo jungfroͧwen Die man gerne moͯchte ſchouwen Do gingen in der ſelben ſwat Das riet ir kúſches hertzen rat Sú gingent alle barfuͦſz Parcifal bot ſinen gruͦſz Dem growen ritter der do ging Von des rat er ſit glúck enpfing Es moͯchte wol ein herre ſin Do lieffen froͧwen brockelin Mit ſenfften ſitten nit zú her Ging do ritter vnd knappen mer Mit zúchten vff der gottes fart Genuͯg ſo gar one bart ⸿Parcifal der werde tegen Hette des libes ſo gepflegen Das ſin zimúrde rich Stunt gar ritterlich Jn ſollichem harneſch er reit Dem vnglich was jenne cleit Die gegen jme trúg der groͧwe man Das roſz vſz dem pfade ſan Kert er mit dem zoum Do nam ſin froge goum Vmb der guͯten lúte fart Mit ſuͯſſer rede ers jnnen wart Do was des grouwen herren clage Das jme die heiliclichen tage Nicht hulffent gegen alſollichem ſitten Das er ſunder woppen ritten Oder das er barfuͯſz gengeginge Vnd des tages zit beginge Parcifal ſprach zuͯ ime do Herre ich erkenne ſuſz noch ſo Wie des jores vrhap gefar Oder wie der wuchen zale gar Jch diende einem der heiſſet got E das ſo laſterlichen ſpot Sin gunſt v́ber mich verhangte Min ſinne yme E vs gewangte Von dem mir helffe was geſaget Nuͯ iſt ſin helffe an mir verzaget DO ſprach der ritter gro gefar Meinent ir got den die maget gebar Gloubent ir ſiner menſcheit Was er húte durch vns leit Alſo man dis tages zit begat Vnrecht úch denne das harneſch ſtat Es iſt húte der karfritag Des alle die welt ſich frouwen mag Do by mit angeſt ſúffzig ſin Wo wart ẏe hoher truwe ſchin Denne die got durch vns beging Den man durch vns an das crutz hing Herre pflegent ir des touffes So jomert úch des kouffes Er hat ſin wúrdecliches leben Mit dot fúr vnſer ſchulde geben Durch das der menſch wart verlorn Durch ſchulde zú der helle erkorn Ob ir nit ein heiden ſit So gedenckent herre an diſe zit Ritent fúrbas vff vnſer ſporn V́ch enſitzet nit ſo ferre vorn Ein heilig man der git úch rat Wandel fúr uwer miſſedat Wolt ir jme ruwe kunden Er ſcheidet úch von ſúnden Sin doͯchter begunden ſprechen Was wilt du vatter rechen So boͯſe wetter wir nú han Was rotes nȳmmeſt du dich gegen jme an Wenne fuͯrteſt du in do er warme Sine geſerten arme Wie ritterlich die ſint geſtalt Vns duncket doch des ſú haben kalt Er erfrúre werent ſin eins dry Du haſt hie ſtende nohe by Gezelt vnd ſlauenien huſz Kom dir der kv́nig artus Du beheilteſt in mit ſpiſe wol Nuͯ duͯnt alſo ein wurt ſol Vnd fuͯre diſen ritter mit dir dan Do ſprach aber der grouwe man Herre min doͯchter ſagent alles wor Hie nohe bẏ vns alle jor Fare ich vff diſen wilden walt Es ſy warm oder kalt Jemer gegen des marter zit Der ſteten lon noch dienſte git Was ſpiſe ich uſz bracht durch got Die teile ich mit úch one ſpot Die es mit guͯtem willen doten Die jungfrouwen boten Jn blibens ſere Er hat blibens ere Jetweder das mit truwen ſprach Parcifal das an jme wol ſach Wie túr von froſt was der ſweiſz Jr munde worent dicke vnd heiſz Die ſtundent nit ſeneclich Des tages zit vnglich Obe ich cleines ding dar reche Vngern ich das verſpreche Jch holt einen kuſz durch ſúne do Obe ſú der ſuͯne ſprechen jo Wip ſint echt jemer wip Werliches mannes lip Hant ſú ſchiere betwungen Jn iſt dicke alſus gelungen Parcifal hie vnd dort Mit bette hort ir ſuͯſſen wort Des vatter múter vnd ir kinde Er gedochte ob ich er winde Jch gange vngern in diſer ſchar Diſe megede ſint ſo wol gefar Das min riten by in v́bel ſtat Sit man vnd wip zuͯ fuͯſſe hie gat Sich fúget min ſcheiden von in baſz Sit ich gegen dem trage haſz Den ſu von hertzen mynnent Vnd ſich helffe entſinnent Der het ſin helffe mir verſpart Vnd mich vor ſorgen nit bewart Parcifal ſprach zuͯ jme ſan Herre vnd froͧwe lont mich han Vweren vrlop glúck vnd heil Gebe vnd freiden follen teil Jr jungfrouwen ſúſſe Vwer zucht úch dancken hieſſemuͯſſe Das ir mir gemaches gúnnen wol Vweren vrlop ich haben ſol Er neig vnd die andern nẏgen Do wart ir clage nit verſwigen ⸿Hin ritet hertzoloiden frucht Dem riet ſin manlich zucht Kúſche vnd erbermunge Sit hertzoloide die junge Jn het vff geerbet truwe Sich huͯb ſins hertzen ruwe Alrerſt er do gedochte Wer alle die welt volbrochte An ſinen ſchoppfere Wie gewaltig der were Er ſprach was ob got helffe pfliget Die miner truwe an geſiget Wart aber er ẏe ritter holt Gediende ye ritter ſinen ſolt Oder mag ſchilt oder ſwert Siner helffe ſin ſo wert Vnd recht manlicher wer Das ſin helffe mich vor ſorgen ner Jſt húte ſin helffericher tag So helffe er obe er helffen mag Suſz kerte er do wider dennen er do reit Sú ſtunden dennoch den was leit Das er von in kerte Jr truwe ſú das lerte Die jungfrouwen jme ſohen noch Gegen den jme ouch ſin hertz jach Das er ſú gerne ſehe Wenne ir blick in ſchone jehe Er ſprach iſt gottes crafft ſo vier Das ſú beide roſz vnd tier Vnd die lúte mag wiſen Sin crafft wil ich jme priſen Mag gottes gunſt die helffe han Die wiſe mir dis caſtalan Das wegeſt vmb die reiſe min So duͯt ſin guͯte helffe ſchin Nuͯ gang noch der gottes kúr Den zúgel gegen den oren fúr Er dem roſſe leget Mit den ſporn eres faſt weget Gegen funtanie ſalauaſce es ging Do orilus den eit enpfing Der kúſch treurizent do ſaſz Der manigen mentag v́bel gaſz Alſo det er gar die wochen Er hette gar verſprochen Moratz win vnd ouch das brot Sin kúſch jme dannoch me gebot Der ſpiſe enhette er keinen muͯt Fleiſch noch viſch was trúge bluͯt Suſz ſtunt ſin heilecliches leben Got hat jme den muͯt geben Der herre ſich bereitet gar Gegen der hymelſchen ſchar Mit faſten er groſſen komer leit Sin kúſch gegen dem túffel ſtreit An dem ernert nuͯ parcifal Denne die verholnen mere vmb den grol xliiij Alſo parcifal gon trenrizende zuͯ dem ein=ſydel kam in den walt geritten DEr mich do von E frogete Vnd dar vmb mit mir bogete Ob ich es yme nit enſagete Vnpris er dar an bejagete Mich bat es helen kẏot Wenne jme die offentúre gebot Das es jemer man gedecht E es die offentúre brecht Mit worten an der mere gruͯſz Das man do von doch ſprechen muͦſz Kẏot der meiſter wol bekant Zú dolet verworffen ligen fant Jn heydeniſcher ſchrifft Diſer offentúre geſtifft Den karacker a b c Muͯſz er han gelernet E On den liſt von nẏgromazi Es halff das jme der douff was bẏ Anders diſe mere were vernomen Kein heidenſch liſt moͯcht vns gefromen Zuͯ kúnden vmb des groles art Wie man ſiner tougen jnnen wart xlv Alſo ein heiden genant flegetanis ein kalp fúr ſinen got an bettete EJn heiden hieſz flegetanis Der bejagete an kunſt hohen priſz Der ſelbe wiſe viſion Was geborn von ſalomon Vs yſrahelſcher ſippe erzelt Von alter her vns vnſer ſchilt Der touff fúr das helle fúr Der ſchreip von des groles offentúr Flegetanis der an ein kalp b Er was ein heiden vatterhalp a Bet alſo obe es were ſin got Wie mag der túffel ſollichen ſpot Gefuͯgen an ſo wiſer diet Das ſú nit ſcheidet oder ſchiet Do von der treit die hoheſte hant Vnd dem alle ſwunder ſint bekant Flegetanis der heiden Kunde wol beſcheiden Jegeliches ſternen hin gang Vnd ſiner kunſte wider wang Wie lang ẏegelicher vmb gat E er wider an ſin zil geſtat Mit der ſtẻrnen vmb kreiſz fart Jſt geprúfet ẏegeliches menſchen art Flegetanis der meiſter ſach Do von er bloͯdeclichen ſprach Jn dem geſtirne mit ſinen ougen Verholen bere tougen Er jach es hieſz ein ding ein gral Des namen laſz er ſunder qual Jn dem geſtierne wie er hieſz Ein ſchar in vff der erden lieſz Die fúr vff v́ber die ſternen hoch Obe die ir vnſchult wider zoch Sit muͯſz ſin pflegen getoufft frucht Mit alſo kúſchelicher zucht Das die menſcheit iſt yemer wert Der zuͯ dem grole wurt begert Suſz ſchreip der wiſe flegetanis Kẏot der meiſter wiſz Diſe mere begunde ſuͯchen Jn latineſchen buͯchen Wo geweſen were Ein volck dar zuͯ gebere Das es des groles pflege Vnd der kuͯſche ſich bewege Er laſz der lande kronica Zuͯ britanie vnd anderſwa Zuͯ franckenrich vnd in irem lant Zuͯ anſchouwe er die mere fant Er laſz von mazadan Mit worheit ſunder wan Vmb alles ſin geſlecht Stunt do geſchriben recht Vnd anderhalp wie titturel Vnd des ſuͯn frimutel Den grole bracht vff anfortas Des ſweſter hertzoiloẏde was Bẏ der gamúret ein kint Gewan des die mere ſint Der ritet nuͯ vff nuwe ſla Do gegen jme kam der ritter gra Er erkant ein ſtat wie lege der ſne Do liechte bluͯmen ſtunden E Das was vor eins gebirges want Aldo ſin manlich hant Froͧwe jeſcuten die hulde erwarp Vnd do orilus zorn verdarp Die ſla in do nit halten lieſz Funtanie laſaluaſce hieſz Ein wiſen dar ſin reiſe ging Er fant den wurt der in enpfing Der einſidel zuͯ jme ſprach Owe herre das úch ſuſz geſchach Jn diſer heiliclichen zit Het úch angeſtlicher ſtrit Jn diſz harneſch getriben Oder ſint ir one ſtrit bliben So ſtúnde úch baſz ein ander wat Loſſe úch hoffarte rat Nuͯ rúchent erbeiſſen hẻrre Jch wene úch das icht werre Vnd erwarment by einem fúr Hette úch offentúr Vſz geſant durch mynnen ſolt Sint ir rechter mynne holt So mynnent alſo die mynne gat Alſo diſes tages minne ſtat Dienet hernoch vmb wibes gruͦſz Ruͯchent erbeiſſen ob ich bitten muͯſz Parcifal der wigant Erbeiſſete nyder vff das lant Mit groſſer zucht er fúr jme ſtunt Er det jme von den lúten kunt Die in al dar hetten gewiſen Wie ſú ſin roten priſen Do ſprach er herre nuͯ gebent mir rat Jch bin ein man der ſúnde hat ⸿Do die rede was getan Do ſprach aber der guͯte man Jch bin rotes uwer wer Nuͯ ſagent mir wer wiſet úch her Herre vff diſem walde mir wider ging Ein grower man der mich wol enpfing Alſo det ſin maſſenẏe Der ſelbe falſches frẏe Het mich her zuͯ úch geſant Jch reit ſin ſla vntz ich úch fant Der wurt ſprach das was kehenis Der iſt wúrdeclicher fúr alle wiſz Der fúrſte iſt ein ponturteiſe Der riche kv́nnig von clareẏſe Sin ſweſter hette zuͯ wibe Nie kúſcher frucht von libe Wart geborn denne ſin kint Die úch do wider gangen ſint Der fúrſte iſt von kv́nniges art Alle jor iſt her zuͯ ſin fart Parcifal zuͯ dem wurte ſprach Do ich úch fúr mir ſten ſach Forchte ir úch icht do ich zuͯ úch reit Was úch min komen do icht leit Do ſprach er nuͯ gloubent mirs Mich het der ber vnd der hirs Erschrecket dicker denne der man Ein worheit ich úch ſagen kan Jch forchte nit was menſchelich iſt Jch habe ouch menſchelichen liſt Hant irs nit fúr ein ruͯm So trúge ich flucht noch magetuͦm Min hertze enpfing noch nẏe den trang Das ich von were dete twang Bẏ miner werlichen zit Jch was ein ritter alſo ir ſit Der ouch noch mẏnne rang Echt wenne ich ſundeberen gedang Gegen der kúſch barrierte Min leben ich dar vff zierte Das mir genode dete ein wip Des hette vergeſſen minnv́n min lip Gebent mir den zoum in min hant Dort vnder jennes felſſes want Sol uwer roſz durch ruwe ſten Bẏ einer wile ſúllent wir beide gen Vnd brechen jme grſaz abe vnd farn Anders fuͯters bin ich arm Wir ſúllent es doch vil wol ernern Parcifal ſich wolte wern Das er der zoumes enpfing nicht Vwer zucht úch des nit gicht Das ir ſtritet wider keinen wirt Obe vnfuͯge uwer zucht verbirt Alſus ſprach der guͯte man Der wurt wart der zoum verlan Er zoch das roſz vnder einēn ſtein Do die ſunne ſelten hin ſchein Das was ein wilder marſtal Do durch ging eins bronnen fal ⸿Parcifal ſtunt vff dem ſne Es dete einem krancken manne we Obe er harneſch truͯge Do der froſt ſuſz an in ſluͯge Der wurt in fuͯrte in ein crafft Dar ſelten kam des wúndes lufft Do logen gluͯgenden koln Die mochte der gaſt vil gerne doln Ein kertze enzúndet des wurtes hant Do entwoppent ſich der wigant Vnder jme lag rouͯm ſcoup vnd farn Alle ſin gelide jme wurdent warm So das ſin felle gap liechten ſchin Er moͯchte wol walt muͯde ſin Wenne er hette der ſtroſſen wenig geritten One tach die nacht des tages erbitten Alſo hette er manige ander Getruwen wurt do fander Do lag ein rock den lech jme an Der wúrt vnd fuͦrte in mit jme dan Zuͯ einer anderen crufft dar in was Sin buͯch dar an der kúſche las Noch des tages ſit ein alter ſtein Do ſtunt abloſz dar vff erſchein Ein koffe die wart ſchier erkant Dar vff parcifales hant Swuͯr einen vngefelſchen eit Do von jeſtuten leit Zuͯ liebe wart verkeret Vnd ir freide gemeret Parcifal dem wurte ſin Sprach herre diſen kaffzen ſchin Er kenne ich wenne ich dar vff ſwuͯr Zuͯ einer zit do ich hin fúr fuͦr Ein gemolet ſper do by ich fant Herre das nam ich an die hant Do mit ich priſz bejagete Alſo man mir ſider ſagete Jch verdocht mich an min ſelbes wip So das von witzen kan min lip Zwo riche juſte dar mit ich reit Vnwiſſende das ich beide ſtreit Dennoch hette ich ere Nuͯ han ich ſorgen mere Denne ir an mir ẏe wart erſehen Durch uwer zucht ſúllent wir vergehen Wie lange iſt von der zit her Das ich hie nam das ſelbe ſper DO ſprach aber der guͯte man Des vergaſſe min frúnt taurian Her kam minmirs ſit in clage Fúnffthalp jor vnd drie tage Jrs das irs jme nomen *hie Wellent irs hoͯren ich pruͯffs uͦch wie An dem pſalter laſz er jme v́ber al Die jor vnd gar der wuchen zal die do zwúſchen worent hin Alrerſt ich jnnen worden bin Wie lange ich fare wiſe loſz Vnd des freiden helff mich verkoſz Sprach parcifal mir iſt freide ein ſtroum Jch trage der ruwe ſweren ſoum Herre ich tuͯn úch mere noch kunt Wo kirch oder múnſter ſtunt Do man gottes ere ſprach Kein ouge *mich do inne nye geſach Sit den ſelben ziten Jch ſuͯchte nit wenne ſtriten Ouch trage ich haſſes vil gegen got Wenne er iſt miner ſorgen dot Die hette er alzuͯ hohen erhaben Min freide iſt lebendig begraben Kunde gottes helff mit crafft ſin Was ankers were die freide min Die ſincket durch der ruwe g*grunt Jſt min malich hertze wunt Oder mag es do von werden gantz Das die ruwe ir ſcharppfen crantz Mir ſetzet vff werdickeit Die ſchiltes ambacht mir erſtreit Gegen werlichen handen Des gihe ich dem zuͯ ſchanden Der aller helffe hat gewalt Jſt ſin helffe helffe balt Das er mir denne hilffet nicht So vil man jme der helffe gicht ⸿Der wurt entſúfftzet vnd ſach an in Do ſprach er herre habt ir ſin So ſolt ir got getruwen wol Er húlffet úch wenne er helffen ſol Got muͯſz vns helffen beiden Herre ir ſúllent mich beſcheiſ*beſcheiden Vnd ruͯcht alrerſt ſitzen Sagent mir mit kúſchen witzen Wie der zorn ſich angeving Do von gotte uwern haſz enpfing Durch uwer zucht gedult Vernemen von mir ſin vnſchult E das ir mir von yme icht claget Sin helffe iſt ẏemer vnverzaget Doch ich ein loſere Der woren buͯch mere Kunne ich leſen vnd ſchriben Wie der menſche ſol bliben Mit dienſt gegen des helffe groſz Den der ſtete helffe nie verdroſz Vor der ſele ſencken Sint getruwe on alles wencken Sit got ſelb ein truwe iſt Dem iſt vnmere ein falſcher liſt Wir ſúllent in des genieſſen lan Er het vil durch vns getan Sit ſin edele hohe art Durch vns zuͯ menſchen bilde wart Got heiſſet vnd iſt die worheit Dem was ẏe falſch fúre leit Das ſolt ir gar bedencken Er kan an nẏeman wencken Nú leret uwer gedang Huͯten úch gegen jme on wang Jr múgent jme aber zer rinnen nicht Wer úch gegen jme in haſſe ſicht Den het ich an den witzen kranck Nuͯ pruͯffent wie lutzifer gelang An ſinen notgeſtallen Sú woren doch one gallen Jo herre wo noment ſú den nit Do von ir endeloſer ſtrit Zuͯ der helle enpfohent ſuren lon Aſtiroch vnd beltzimon Belech vnd radamant Vnd ander die han erkant Die lichte hẏmmelſche ſchar Wart durch nit noch helle far Do lutzifer fúr die helle fart Mit ſchar ein menſche noch jme wart Got wỏrcht vſz der erden Adam den werden Von adams vehe er ein brach Die vns gap an das vngemach Das ir ſchoppfer ſú v́ber horte Vnd vnſer freide ſtoͯrte Von in zwein kam geburte frucht Einem riet ſin vngenucht Das er durch guͯtlichen ruͦm Siner anen nam den magetuͦm Nuͯ beginnet genuͯg des gezemen E das ſú diſe mere vernemen Das ſú freiſchent wie das moͯchte ſin Es wart ẏe doch mit ſunden ſchin xlvj Alſo parcifal gar frintlichen mit ſime wurt rette vnd ẏme der wurt antwurt Parcifal hin zuͯ jme ſprach Herre ich wene das nẏe geſchach Von wem was der man erkorn Von dem ſin an hette verlorn Das moͯchten ir gerner hān vẻrdagte Den magettuͦm alſo er mir ſagte Der wurt ſprach aber wider zuͯ jme Von dem zwúffel ich úch nȳmme Sage úch nit die worheit So lat úch ſin min kriegen leit Die erde adams muͯter was Von erden frucht adam genas Dannach was die erde maget Noch han ich úch nit geſaget Wer ichir den magetuͦm benam Kaẏnis vatter was adam Den ſluͯg abelen vmb kranckes guͦt Do vff die reinen erde das bluͦt Vil ir magettuͦm was verfarn Den nam ir adams barn Do huͯp ſich erſte der menſchen nit Alſo wert alſo er ymer ſit Jn der welt doch nit ſo reines iſt So die maget on falſchen liſt Nú prúffent wie reine die megede ſint Got was ſelb der megde kint Von megeden ſint zweẏ menſchen komēn Got ſelb antlitz het genomen Noch der erſten megede frucht Das was ſiner hohen art ein zucht Von adams kúnne Huͯp ſich ruwe vnd wunne Sit er vns ſippe lougent nicht Den ẏegelich engel obe jme ſicht Vnd das die ſippe iſt ſunden wagen So das wir ſúnde muͯſſen tragen Dar v́ber erbarme ſich des crafft Dem erbermde git geſelleſchafft Sit ſin getruwe menſcheit Mit trúwen gegen vntruwen ſtreit Jr ſolt vff in verkieſen Wellent ir ſelde nit verlieſen Lat wandel úch vor ſúnde bẏ Sint rede vnd werck nit ſo fry Wenne wer ſin leit ſo richet Das er vnkúſche ſprichet Von des lon duͯn ich úch kunt Jn vrteilet ſin ſelbes munt Nement alte were fúr nuwe Ob ſú úch leren truwe Der pauelure plato Sprach by ſinen ziten do Vnd ſibille die ꝓprophitiſſe Sunder valierens miſſe Zú ſagetent do vor manig jor Vnd ſolte komen alſo fúr wor Vor die hoͯheſten ſchulde pfant Zuͯ der helle vns nam die hoͯſten hant Mit der goͯtlichen mẏnne Die vnkúſchen lieſz er dar jnne Von dem woren mẏnnere Sagent diſe ſuͯſſe mere Der iſt ein durchlúchtig liecht Vnd wenckent ſiner mynne niecht Wem er mynne erzeigen ſol Dem wurt mit ſiner mynne wol Die ſelben ſint geteilet Aller der welt iſt gefeilet Beẏde ſin mynne vnd ſin haſz Nuͯ prúffet werder helffe baſz Der ſchuldige one ruwe Flúhet die gotliche mynne nuwe Wer aber wandelt ſúnder ſchulde Der dienet noch werder hulde Die treit der durch gedang fert Gedang ſich ſunnen blickes wert GedandangGedang iſt on ſloſz beſpart Vor aller creature bewart Gedang iſt vinſter one ſchin Die gotheit kan luter ſin Sú gleſtet durch der vinſter want Vnd het den helden ſprung gerant Der endúſſet noch enſpringet So er von dem hertzen tringet Es iſt noch ein gedang ſo ſnel E er von dem hertzen fúr das fel Kume er ſú verſuͯchet Des kúſchen got geruͦchet Sit got gedang ſpecht ſo wol Owe der bloͯden werck dol Sin werck verwúrcket ſinen gruͦſz Das gotheit ſich ſchāmmen muͦſz Wem denne menſchelich zucht War hat die arme ſele flucht Wellent ir nuͯ got fuͯgen leit Der zuͯ beiden ſiten iſt bereit Zuͯ der mynne vnd gegen zorn So ſint ir der verlorn Nuͯ kerent úwer gemuͯte Das er úch danck guͯte Parcifal ſprach zú jme do Herre ich bin des jemer fro Das ir mich von beſcheidenheit hat Der nichtes vngelonet lat Der miſſe wende noch der tugent Jch han mit ſorge mine jugent Alſus bracht an diſen tag Das ich durch truwe kombers pflag Der wurt ſprach aber wider zuͯ jm Nempt es úch nit hele gerne ich vẻrnȳm Was ir kombers vnd ſúnde hat Dar zuͯ gibe ich úch lichte rat Ob ir mich die wiſſen lat Des ir ſelbe nicht enhat Do ſprach aber parcifal Min hoͯheſt not iſt vmb den gral Dar noch min ſelbes wip Vff erden nẏe ſo ſchoͯner lip Gelag an keiner muͯter bruſt Noch den beẏden ſent ſich min gluſt Der wurt ſprach herre ir ſprechēn wol Jr ſint in rechter komers dol Sit ir noch uwer ſelbes libe Sorgen pflicht geben uwer̄m wibe Werdent ir funden in rechter E Vch mag in witze werden we Die not ſol ſchier ein ende han Jr werden von banden aldo verlan Mit der gottes helffe ſunder qual Jr gehent ir ſent úch vmb den gral Jr dumer man das muͯſz ich clagen Jo mag den grole nẏeman beẏagen Wenne der zuͯ hīmmel iſt ſo bekant Das er zuͯm grole ſy benant Das muͯſz ich von dem grole jehen Das weiſz ich vnd habe es fúr wor geſehen Parcifal ſprach worent ir do Der wurt ſprach gegen jme jo Parcifal verſweig jme gar Das ouch er was komen dar Er frogete in von der kunde Wie es vmb den grole do ſtúnde DEr wurt ſprach mir iſt wol bekant Es wonet manig werlich hant Zuͯ muntſaluaſce bẏ dem gral Durch offentúre die alle mal Ritent manige reiſe Die ſelben templeẏſe Wo ſú komber oder priſz beyagent Fúre ir ſúnde ſú das tragent Do wonet ein werlich ſchar Jch wil úch kúnden vmb ir nar Sú lebent von einem ſteine Des geſlecht iſt vil reine Hant ir des nit erkennet Er wurt dir hie genennet Er heiſſet lapis exilix Von des ſteines crafft der venix Ver brúnnet vnd zuͯ eſchen wúrt DeDie eſche jme aber leben birt Suſz reret fenix die muͯſſe ſin Vnd git dar noch vil liechten ſchin Das er ſchone wurt alſo .E. Ouch wart nye menſchen ſo we Welliches tages er den ſtein geſicht Die wuche ſo mag er ſterben nicht Die aller ſchierſte do noch geſtet Sin farwe jme ouch nẏemer zerget Man muͯſz jme ſollicher farwe jehen Do mit es hat den ſtein geſehen Es ſy maget oder man Alſo do ſin beſte zit huͦb an Sehe es den ſtein zweẏ hundert jor Jme j*wúrde denne groͧwe ſin hor Solliche crafft dem menſchen git der ſtein Das jme fleiſch noch bein Jugent enpfohet ſunder twal Der ſtein iſt ouch genant der gral Dar vff komt húte ein botſchafft Dar doch ſo lit ſin hoͯheſt crafft Es iſt húte der karfritag Das man fúr wor do worten mag Ein tube von hȳmmel ſwinget Vff den ſtein die bringet Ein cleine wiſſe oblat Vff dem ſtein ſú die lat Die tube iſt durch lúchtig blang Zuͯ hīmmel tuͦt ſú wider wang Jemer an dem karfritage Bringet ſú vff den ſtein als ich úch ſage Do von der ſtein enpfohet Was guͦtes vff erden trohet Von trincken vnd von ſpiſe Alſo den wunſch von paradiſe Jch mein was die erde mag gebern Der ſtein ſú fúrbaſz me ſol wern Was wildes vnder dem luffte lebet Es fliege louffe oder ſwebet Der ritterlichen bruͯderſchafft Die pfruͦnde git des groles crafft Die aber zuͦm grole ſint benant Hoͯrent wie die werdent bekant Zuͯ ende an des ſteines trúm Von karathen ein epẏſtaſúm Saget ſinen nāmmen vnd ſin art Wer dar tuͯn ſol die ſelben fart Es ſy von megden oder von knaben Die geſchrifft darff nẏeman dannen ſchad*ſchaben So man den namen geleſen hat Vor iren ougen ſú zer gat Sú komen alle dar von kint Die jme do groſſe lúte ſint Wol der múter die das kint gebar Das zuͯ dienſte ſol hoͯren dar Der arme vnd der rich Frouwent ſich alle glich Ob man ir kint heiſchet dar Das ſú ſúllent ſenden an die ſchar Man holt ſú in manigen landen Vor ſúndeberen ſchanden Sint ſú jemer me behuͯt Vnd wurt ir lon zuͯ hīmmel guͦt Wenne jme erſtirbet hie das leben So wurt in dort der wunſche gegeben Die entweder halp geſtunden Zuͯ ſtriten begunden Lucifer vnd trinitas Was der ſelben engel was Die edelen vnd die werden Muͯſten vff die erden Zuͯ dem ſelben ſtein Der ſtein iſt jemer rein Jch weiſz ob got vff ſú verkoſz Oder obe er ſú fúrbaſz verloſz Was das ſin recht er nam ſú wider Des ſteines pflugent yemer ſyder Die got dar zuͯ benante Vnd in ſinen engel ſante Herre ſuſz ſtat es vmbe den gral Do ſprach aber parcifal Mag ritterſſchafft des libes priſz Vnd doch der ſelen paradiſz Bejagen mit ſchilt vnd mit ſper So was ẏe ritterſchafft min ger Jch ſtreit ẏe wo ich ſtrite fant So das mẏn werliche hant Sich neherte dem priſe Jſt got an ſtrite wiſe Der ſol mich dar benennen Das ſú mich do bekennen Min hant do dienſt nit verbirt Do ſprach aber ſin kúſcher wúrt Jr muͯſte aldo vor hochffart Mit ſenfftem willen ſin bewart V́ch ve*verleite licht uwer jugent Des ir des kúſch brechen tugent Hochffart ie ſeig vnd viel Sprach der wurt yetweder ouge jme wiel Do er das mere gedacht Das er do mit rede folbracht Do ſprach er herre ein kv́nig was Der hieſſe vnd heiſſet noch an fortas Das ſol úch vnd mich armen Jemer me erbarmen Vmb ſin hertzebere not Die hochffart jme zuͯ lone bot Sin jugent vnd ſin richeit Der welte an jme fuͯgete leit Vnd das er gerte mynne Vſſerhalp der kúſchen ſinne Der ſitte iſt nicht dem grole recht Do muͯſz der ritter vnd der knecht Bewart ſin vor loſzheit Demuͯt ẏe hochffart v́ber ſtreit Do wonte ein werde bruͦderſchafft Die hant mit werlicher crafft Erwert mit iren handen Der det von allen landen Das der grole iſt vnerkennet Wenne die dar ſint benennet Zuͯ montſaluaſce an des groles ſchar Wenne einer kam vnbekennet dar Der ſelbe was ein thōmmer man Vnd fuͯrte ouch ſúnde mit jme dan Das er nicht zuͯ dem wurte ſprach Vmb den komber den er an yme ſach Ych ſol nẏeman ſchelten Doch muͯſz er ſúnde engelten Das er nit frogete des wurtes ſchaden Der was mit komber ſo beladen Es wart nẏe erkant ſo hohe pin Do vor kam rois lehelin Zuͯ brumbane an den ſe geritten Durch juſt hette ſin do gebitten Lippeals der we*werde helt + Des dot mit juſte was erwelt Er was erborn von prienlaſcors Lehelin des heldes roſz Dannen zoch mit ſiner hant Do wart der reroup erkant Herre ſint irs lehelin So ſtant in dem ſtalle min Den roſſen ein roſz glich gefar Die do hehoͯrent an des groles ſchar An dem ſattel ein turtel tube ſtat Das roſz von muntſaluaſce gat Die wappen gap in an fortas Do er der freiden herre was Jr ſchilt ſint von alter ſo Titturel ſú brachebrachtte do An ſinen ſuͯn rois frimuͯtel Dar vnder floſz der tegen ſnel Von einer juſte ouch ſinen lip Der mynnete ſin ſelbes wip Das nẏe von manne mere Wip gemynnet wart ſo ſere Jch meine mit rechten truwen Sinen ſit ſoltent ir nuwen Vnd mynnent von hertzen ir chonen Siner ſitte ſolt ir wonen Vwer froͧwe treit jme glich mal Der was ouch herre v́ber den gral Owe herre wannen iſt uwer fart Nuͯ ruͯchent mir pruͯffent uwern art Jetweder faſt an den andern ſach Parcifal zuͯ dem wurte ſprach Jch bin von einem manne erborn Der mit juſte het den lip do verlorn Vnd durch ritterlich gemuͯte Herre durch uwer guͯte Solt ir nemen in uwer gebet Min vatter der hieſz gamuret Er was von art ein auſcavin Herre ich bins nit lehelin Genam ich ye den reroup So was ich an den witzen doup Es iſt ẏedoch von mir beſchehen Der ſelben ſúnden muͯſz ich jehen Jtel von kukumerlant Den ſluͯg min ſuͯndebere hant Jch leite in dot vff das graſz Vnd nam was do zuͯ nemende was ⸿Owe welt wie duͦſt du ſo Sprach der wurt der was d̉er mere vnfro D Du giſt den lúten hertzen ſere Vnd ruweberes kumber mere Denne der freiden wie ſtat din lon Suſz endet ſich dines meres don Do ſprach er lieber ſweſter ſuͯn Was rotes moͯchte ich dir nuͯ duͯn Du haſt din eigen ferch erſlagen Wilt du fúr got die ſchulde tragen Sit das ir beide worent ein bluͯt Obe got do recht gericht duͯt So giltet jme din eigen leben Was wilt du jme do zuͯ gelte geben Jther von gahavieſz Der rechten wurdickeit genieſz Got hat an jme erſcheinet Des die welt was gereinet Miſſewende was ſin ruwe Er balſam abe der truwe Alle weltlich ſchande in floch Werdickeit ſich in ſin hertze zoch Dich ſoltent haſſen werde wip Durch ſinen mynneclichen lip Sin dienſt was gegen in ſo gantz Er machte wibes ougen glantz Die in geſohen von ſiner ſuͯſſe Got das erbarmen muͯſſe Das du ẏe gefromteſt ſollich not Min ſweſter lag noch dir dot Hertzeloide din muͯter Neina herre guͯter Was ſagent ir nuͯ ſprach parcifal Wer ich denne herre v́ber gral Der mochte mich ergetzen nicht Des meres mir uwer munt vergicht Bin ich uwer ſweſter kint So duͦnt alſo die mit truwen ſint Vnd ſagent mir ſunder wanckes far Sint diſe mere beide war Do ſprach aber der guͯte man Jch bins nit der kriegen kan Diner muͯter das ir truwe erwarp Do du von ir ſchiede zuͯ hant ſú ſtarp Du were das tier das ſú do ſoug Vnd der trach der von ir floug Es wider fuͦre ir in ſloffe gar E das die ſuͯſſe dich gebar Miner geſwiſterde noch zweẏ ſint Miner ſweſter ſcoſẏan ein kint Gebar der frucht lag ſú dot Der hertzoge kẏot Von kathelange was ir man Der enwolte ouch ſit nit freide han Sigunen des ſelbe doͯchterlin Befalch man der muͦter din Stoſianie dot mich ſmertzen Muſz enmitten in minem hertzen Jr wiplich hertze was ſo guͯt Ein arg vor vnkúſcher fluͯt Ein maget min ſweſter pfliget noch ſit So das ir volget kúſche mit Repanſe de ſcoẏe pfliget Des groles des ſo ſwere wiget Das in die falſchelich menſcheit Niemer von der ſtat geſtreit Jr bruͯder vnd min iſt anfortas Der beide iſt vnd was Von art des groles herre Dem iſt leyder freide ferre Wenne das er hette gedingen Jn ſolle ſin kvmber bringen Zuͯm endenloſen gemach Mit wunderlicher ſach Es iſt nuͯ komen an ruwen zil Alſo ich dir nefe kúnden wil Pfligeſt du denne truwe So erbarmet ſich ſin truwe Do frimútel den lip verloſz Min vatter noch jme man do koſz Sinen elteſten ſuͯn zuͯ kv́nige dar Zuͯ vogt dem grole vnd ſiner ſchar Das was min bruͦder anfortas Der krone vnd richeit wúrdig was Wenne er ſich ye ſere Verlieſſe vff truwe vnd ere Dannoch wir wenig woren Do min bruͯder gegen den joren Kam fuͯr granſprunge zit Mit ſollicher jugent het mynne ir ſtrit So twinget ſú ir frint ſo ſere Man mag es jehen fúr vnere Wellich grales herre aber mynne gert Anders denne die geſchrifft in gewert Der muͯſſe es komen zuͯ arbeit Vnd ſin ſúffzeber hertzeleit Min herre vnd der bruͯder min Der koſz jme ein frindin Die in duchte ſollicher ſitte Das truwe vnd zucht jme wonte mitte Jn der dienſt er ſich zoch So das die zageheit in floch Des wart von ſiner cloren hant Verdurkelt manig ſchiltes rant Das bejagete an offentúre Der ſuͯſſe vnd der gehúre Wart ẏe hoher priſz erkant Vber alle ritterliche lant Vor dem mere was er der frẏe Amor was ſin krẏe Der rv́ff iſt zuͯ der demuͦt Jedoch nit volleclichen guͯt Eines tages der kv́nig alleine reit Das was gar den ſinen leit Vſz durch offentúr Durch freide an mȳnnnen ſtúr Des twang in der mẏnnen ger Mit einem gelippenten ſper Wart er zuͯ juſtieren wunt So das er nẏemer me geſunt Wart der ſuͯſſe oͯheim din Durch die heidruͯſe ſin Es was ein heiden der do ſtreit Vnd der die ſelbe juſte reit Geborn von echtniſe Do vſz dem paradiſe Rumet die tigris Der ſelbe heiden was ge*gewyſz Sin ellende ſolte den grole behabten Jn dem ſper was ſin name er graben Er ſuͯchet die ferren ritterſchafft Nicht wenne durch des groles crafft Streich er waſſer vnd lant Von ſinem ſtrit vns freide ſwant Dins oͯheims ſtrit man priſen Muͯſz des ſperes yſen Fuͯrt er ſinem libe dan Do der júnge werde man Kam heim zú den ſinen Do ſach man jomer ſchinen Den helt er dort erſlagen Den ſúllent wir zuͯ *moſſen clagen Do vns der kv́nig kam zuͯ bleich Vnd jme ſin crafft ſo gar geſweich Jn die wunden greiff eins artzas hant Vntze er des ſperes ẏſen fant Der truntzen was roͯrin Ein teil in der wunden ſin Die gewan der artzat beide wider Min venie vil ich wol nyder Do lobet ich der gottes crafft Das ich kein ritterſchafft Gedete nẏemer mere Das got durch ſin ere Minen bruͯder halff vſſer not Jch verſwuͯre ouch fleiſch win vnd brot Vnd dar noch al das truͯge bluͯt Das ichs nyemer gewinne muͦt Das was des volckes ander clage Lieber nefe alſo ich dir ſage Das ich ſchiet von dem ſwerte min Sú ſprochen wer ſol ſchirmer ſin Vber des groles tougen Do weintent liechte ougen Sú truͦgent den kv́nig ſunder twal Durch gottes helffe fúr den gral Do der kv́nig den grole erſach Das was ſin ander vngemach Das er nit ſterben moͯchte Wenne jme ſterben do nit doͯchte Sit das ich mich hette ergeben Jn alſus armes leben Vnd des edelen ardes herſchafft Was komen an ſo ſwache crafft Des kv́niges wunde gedoͯrret was Was man der artzat buͯche laſz Die gobent keiner helffe lon Gegen aſpis ecidemon Enchoncius vnd leſis Jocis vnd meatris Die argen ſlangen die es eit̉er heiſz Tragen was yeman do vor weiſz Vnd fúr ander wủrm die do eiter tragen Was die wiſen artzat do vor beyagen Mit fiſiken liſt an wurtzen Loſſe dir die rede kurtzen Der in keines gehelffen kunde Got ſelb vns des verkunde Wir gewinnen geon Zuͯ helffe vnd fiſon Enfrates vnd tigris Die vier waſſer vſz dem paradiſz So ſnohen das ir ſuͯſſer ſmag Dennoch nit ſin ver rochen mag Obe do kein wurtze dar in keme Die vnſer truren neme Das was verlorn arbeit Do nuwet ſich vnſer hertzeleit Doch verſuchten wirs in manige wiſz Do gewunnen wir das ſelbe riſz Dar vff das ſibilla jach Eneaſe fúr helliſch vngemach Vnd fúr den flegetonen rouch Fúr ander flúſſe die dar in flieſſen ouch Des nomen wir vns muͯſſe Vnd gewunnen das riſz zuͯ buͦſſe Obe das ſper vngehúr Jn den helleſchen fúr Wer gelippet oder geloͯtet Das vns an freiden doͯtet Do was dem ſper nit alſus Ein vogel heiſſet pellicanus Wenne der frucht gewinnet Alle zuͯ ſere er die mynnet Jn twinget ſiner truwe geluſt Das er biſet durch ſin ſelbes bruſt Vnd lot das bluͦt *den jungen in den munt Er ſtirbet an der ſelben ſtunt Do gewinnen wir an des vogels bluͦt Obe vns ſin truwe were guͯt Vnd ſtrichentz an die wunden So wir beſte kunden Das moͯchte vns nit gehelffen ſuſz Ein tiere heiſſet monicirvs Das erkennet der megede reine ſo groſz Das es ſloffet vff der megede ſchoſz Wir gewinnen des tieres hertzen V́ber der kv́nninges ſmertzen Wir nemen den carfunckelſtein Vff des ſelben tieres hirne bein Der do wehſſet vnder ſinem horn Vnd beſtrichent die wunden vorn Vnd beſenfften den ſtein dar in gar Die wunde was echt lippig var Das det vns mit dem kv́nige we Wir gewinnen ein wurtz heiſſet cratzonze Von der hoͯren wir ſagen Wo ein trache wúrde er ſlagen So wechſſe von dendem bluͯte Der wurtz iſt ſo zuͯ muͯte Sú het alle des lufftes art Ob vns des trachen vmb fart Dar zuͯ moͯchte icht gefromen Vor der ſterne wider komen Vnd fúr des monen wandel tag Dar an der wunden ſmertze lag Der wurtz edel hoch geſlecht Kam vns do vor nit recht Vnſer venie vielen wir do fúr den gral Dar an geſehen wir zuͯ einem mal Geſchriben dar ſolte ein ritter komen Wúrde des froge do vernomen So ſolte der komber ende han Es were kint maget oder man Das in der froge warnet icht So ſolte die froge helffen nicht Wenne das der ſchade ſtunde alſo E Vnd hertzeclicher dete we Die geſchrifft ſprach hant ir das vẻrnomen Vwer warnen mag zuͯſchaden komen Froget er nit bẏ der erſten nacht So zergat ſiner froge macht Wurt ſin froge an rechter zit getan So ſol er das kv́nigrich han Vnd het der komber ende Von der hoͯheſten hende Do mit iſt anfortas geneſen Er ſol aber nit me kvning weſen Svſz loſſen wir an dem gral Das anfortas qual Do mit ein ende neme Wenne yme die froge keme Wir ſtrichen an die wunden Wo mit wir ſenfften kunden Die guͯten ſalbe nardas Vnd was getriakelt was Vnd den rouch von lignum aloe Jm was echt zuͯ allen ziten we Do zoch ich mich do her Swache wunne iſt miner jor wer Sit kam ein ritter dar gagerittengeritten Der moͯchte es gerner han vermitten Von dem ich dir do ſaget Vnpriſz er do beẏaget Sit er den rechten komber ſach Das er nit zuͯ dem wurte ſprach xlvij Herre wie ſtot úwer not Sit ime ſin tumbheit das gebot Das er in do nit frogete Groſſer ſelde in do betrogete Alſo der wúrt vnd parcifal mit einand̉er lange zit retten vmb den gral SV́ beide woren in hertzeclage Do nohete es dem mittem tage Der wurt ſprach gon wir noch der nar Din roſz iſt vnberoten gar Jch mag vns ſelb nit geſpiſen Es welle vns got bewiſen Min kuchen rúchet ſelten Des muͯſt du húte engelten Vnd alle die wile du by mir biſt Jch ſolt dich húte leren liſt An den wurtzen lieſz vns der ſne Nuͯ brechent die wile jwin graſz Jch wene din roſz dicke gaſz Zuͯ muntſaluaſc baſz denne hie Du noch es zuͯ wurte nie Komet der uwer gerne pflege Obe es hie bereites lege Sú gingen vſz vmb ir beẏag Parcifals des fuͦters pflag Der wurt gruͦp do wurtzelin Das muͯſte ir beſte ſpiſe ſin Der wurt ſiner orden nit vergaſz Wie vil er gruͦp do keine er as Der wurtz vor der none An die ſtuden ſchone Hing er ſú vnd ſuͯchete mere Durch die gottes ere Manigen tag er vngeſſen ging So er vermiſſete wo ſin ſpiſe hing ⸿Die zwene geſellen nit verdroſz Sú gingent do der burnne floſz Sú wuͯſchen wurtz vnd ir krut Jr munt wart ſelten lachens lut Jetweder ſin hende Truͯg an einem gebende Truͯg parcifal iwin loup Fúr das roſz fúr ir ran ſcoup Gingen ſú wider zuͯ den koln Man bedorffte in nit me ſpiſe holn Dan was geſotten noch gebroten Jr kuchen was vnberoten Durch die getruwe mynne Die parcifal mit ſinne Zuͯ ſime wurte truͦg Duchte in er hette bas genuͯg Wenne do ſin pflag gurnemantz Vnd do ſo manig frouwen glantz Zuͯ muntſaluaſce vor in ging Do er wurtſchafft von dem grole enpfing Der wurt mit truwen wiſe Sprach nefe diſe ſpiſe Sol dir nicht verſmohen Du vindeſt in allen gohen Keinen wurt der dir gúnne baſz Guͯter wurtſchafft one haſz Parcifal ſprach herre Der gottes gruͦſz mir ferre Obe mich ẏe baſz gezeme Wes ich von dem wurte neme Was do was ſpiſe fúr getragen Bliben ſú do noch vnbetwagen Das ſchadet in an den ougen nicht Alſo man fiſchigen henden gicht Jch wil fúr mich geheiſſen Man moͯchte mit mir beiſſen daz Wer ich von federſpil erkant Jch ſwinge algerne von der hant Bẏ ſollichen tropfelinen Dete ich fliegen ſchinen Wes ſpot ich der getruwen diet Min alte vnfuͦge mir das riet Jr hant doch wol gehoͯret Was in richeit hat zerſtoͯret War vmbe ſú worent freiden arm Dicke kalt vnd ſelten warm Sú dolten hertzen ruwe Nicht wenne durch rechte truwe One alle miſſewende Von der hoͯheſten hende Enpfingens vmb ir komber ſolt Got was vnd wart in beiden holt Sú ſtunden vff gvnd gingen dan Parcifal vnd der guͯte man Zuͯ dem roſſe gegen ſtalle Mit krancker freiden ſchalle Der wurt zuͯ dem roſſe ſprach mir iſt leit Din hungerige arbeit Durch den ſattel der vff dir liget Der anfortas woppen pfliget DO ſú das roſz begingen Nuwe clage ſú an vingen Parcifal zuͯ dem wurte ſin Sprach herre vnd lieber oͯheim min Getorſt ichs úch vor ſchāmme ſagen Min vnglúck ſolt ich úch clagen Das verkieſet durch uwer ſelbes zucht Min truwe hat doch gegen úch flucht Jch han ſo ſere miſſetan Wolt ir mich es engelten lan So ſcheide ich von dem troſte Vnd bin der vnerloſte Jemer me von ruwe Jr ſolt mit rotes truwe Clagen min dumbheit Der vff muntſaluaſce do reit Vnd der den rechten komber ſach Vnd doch do kein froge ſprach Das bin ich vnſelig barn Suſz han ich herre miſſefarn ⸿Der wurt ſprach herre was ſageſt du Wir ſúllent beide ſammen zuͯ Hertzelicher clage griffen Vnd die freide loſſen ſliffen Sit din kunſt ſich ſelten ſuſz verzech Do dir got fúnff ſinne lech Die hant ir rot dir vor verſpart Wie das din truwe von jme bewart An den ſelben ſtunden By an fortas wunden Doch wil ich rotes nit verzagen Du ſolt ouch nit zuͯ ſere clagen Du ſolt in recher moſſen Clagen vnd clage loſſen Die menſcheit hat vil wilder art Etwo jugent ane witze fart Wil denne jn das alter tumbheit vben Vnd luter ſitte truͯben Do von wurt das witz ſal Vnd die gruͯne tugent val Do von becliben moͯchte Das der wurdickeit dochte Moͯchte ich dirs wol begruͯnen Vnd din hertze alſo erkuͯnen Das du den priſz bejageteſt Vnd an got nit verzageteſt So geſtúnde noch din linge An ſo wúrdeclichem dinge Das wol ergetzet hieſſe Got ſelb dich nit lieſſe Jch bin von gotte din rotes wer Nuͯ ſage mir du ſehe du das ſper Zuͯ muntſaluaſce vff dem huſe Do der ſterne ſaturnuſe Wider an ſin zil geſtunt Das wart vns bẏ der wunden kunt Vnd bẏ dem ſúmerlichem ſne Jme gedet der froſt nie ſo we Dem ſuͯſſem oͯheim din Das ſper muͯſz in die wunden ſin Do halff ein not fúr die ander not Des wart das ſper al bluͯtig rot Etlicher ſterne komenden tage Die diet do leret jamors clage Die ſo hohe obe einander ſtont Vnd vnglich wider gont Vnd des monen wandel kere Schadet ouch zuͯ der wunden ſere Diſe zit die ich benennet han So muͯſz der kv́nig ruwelan Wenne jme duͯt groſſer froſt ſowe Sin fleiſch wurt kalter denne der ſne Sit man das gelúppe heiſz An dem ſpers jſen weiſz Die zit man es vff die wunden leit Den froſt es vs dem libe treit Al vmb das ſper glaſz alſo ẏſz Das enmoͯchte aber do keine wiſz Von dem ſper nyeman bringen dan Wenne trebúchet der wiſe man Der wurt zweẏ meſſer die es ſnitten Vſz ſilber die es nicht vermitten Den liſt dot jme ein ſegen kunt Der an des kv́niges ſwert ſtunt Maniger iſt der gerne gicht Aſpende das hoͯltz enbrenne nicht So diſes glaſes dar vff icht ſprang Fúres lohen do noch ſwang Aſpende do von verbran Was wunders das gelippekan Er mag gerten noch gegon Der kv́nig ligen noch geſton Er lenet gar one ſitzen Mit ſúffzeberen witzen Gegen des monen wandel iſt jme we Brumbane iſt genant ein ſe Do treit man in vff durch ſúſſen luſt Durch ſiner ſuren wunden grufft Das heiſſet er ſinen weide tag Was er aldo gefohen mag Bẏ ſo ſmertzeclichem ſere Er bedarff do heine vsmere vsmere: zusätzlich vom Rubrikator durchgestrichen. Do von kam vs ein mere Er were ein fiſchere Das mere muͦſz er liden Salmen oder lantfriden Het er doch lútzel veil Der trurige nicht zuͯ geil Parcifal ſprach alzuͯ hant Jn dem ſee den kv́nnig ich fant Geanckert vff dem woge Jch wene durch fiſch loge Oder durch ander kurtzewile Jch hette manige mile Des tages dar geſtrichen Pelrapeir ich was entwichen Recht vmb den mitten morgen Des obendes pflag ich ſorgen Wo die herberge moͯchte ſin Der riet mich der oͯheim min NV́ ritte ein angeſtliche fart Sprach der wurt wol bewart Jegelich ſo beſetzet iſt Mit roten ſelten yeman liſt Nuͯ helffet gegen der reiſe Er kerte ẏe gegen der freiſe Wer jenen her do zuͯ jme reit Sú nement nẏemans ſicherheit Sú wogent ir leben gegen leben Das iſt fúr ſúnde in do gegeben Nuͯ kam ich one ſtriten Zuͯ den ſelben ziten Geritten do der kv́nig was Sprach parcifal des pallas Sa*Sach ich des obendes jomers vol Wie dot in jomer do ſo wol Ein knappe aldo zuͯ der túre in ſprang Do von der pallas jomer clang Der truͯg in ſinen henden Einen ſchafft zuͯ den vier wenden Dar jnne ein ſper albluͯtig rot Des kam die diet in jomers not Der wurt ſprach nefe ſit noch E Wart dem kv́nige nẏe ſo we Wenne do ſin komen zeigete ſus Der ſterne ſaturnus Der kam mit groſſem froͯſte komen Dar vff legen moͯchte vns nit gefromen Alſo man E dar vff ligen ſach Das ſper man in die wunden ſtach Saturnus louffet ſo nohe enbor Das es die wunde weſſe vor E der ander froſt keme hernoch Dem ſne was nyndert alſo goch Er viel al rerſt an der anderen nacht Jn der ſumerlichen macht Do man des kv́niges froſt ſuſz werte Die diet es freiden herte Do ſprach der kúſch trefrizent Sú enpfingent jomers ſoldiment Das ſper in freide enpfuͯrte Das ir herren ferch ſuſz ruͯrte Parcifal zuͯ dem wurte ſprach das Fúnff vnd zwentzig megde do ſaſz Die vor dem kv́nige ſtunden Vnd wol mit zúchten kunden Der wurt ſprach es ſúllent megde pflegen Des het ſich got gegen in bewegen Des groles den ſú do brochten fúr Der grole iſt mit hoher kúr So ſúllent ſin ritter huͯten Mit kúſcheclichen guͯten Der hohen ſternen kemēn die zit Der diet aldo groſſes jomer git Den jungen vnd den alten Got hat zorn behalten Gegen in alzuͯ lange do Wenne ſúllent ſú freide ſprechen jo Nefe nuͯ wil ich ſagen dir Des du wol macht glouben mir Ein ſchantz dick ſtot vor in Sú gebent vnd nement gewin Sú enpfohent cleine kinde dar Von hoher art vnd wol gefar Wurt ẏendert herrem loſz ein lant Er kennent ſú do die gottes hant So das die diet ein herren gert Von groles ſchar die ſint gewert Des muͯſſen ouch ſú mit zúchten pflegen Sin huͯtet aldo der gottes ſegen Got ſchaffet verholn in dan die man Offenlich git man die megde dan Du ſolt des ſin vil gewiſz Das der kv́nnig caſtis Hertzoloiden gerte Der man in ſchoͯn werte Din muͯter gap man in zuͯ konen Er ſolt aber nit ir mynne wonen Der det in E leit in das grab Do vor er diner muͯter gab Waleis vnd norgals Kanfoleis vnd kingruwals Das ir mit ſale wart geben Der kv́nig nit langer ſolte leben Diſz was vff ſiner reiſe wider Der kv́nig ſich leite ſterbens nẏder Do druͯg ſú crone v́ber zweẏ lant Do erwarp ſú gamuretes hant Suſz git man von dem grole dan Offenlich megde verholen die man Durch frucht zuͯ dienſt wider dar Obe ir kint des groles ſchar Mit dienſte ſúllent meren Das kan ſú got wol leren Wer ſich dienſtes dem grole hat bewegen Wibe mẏnne er muͯſz verpflegen Wenne der kv́nnig ſol haben eine Zuͯm recht ein chonen reine Vnd ander die got hat geſant Zuͯ herren in herreloſen lant V́ber das gebot ich mich bewag Das ich noch mẏnnen dienſt pflag Mir geriet min geflechteclich jugent Vnd eines werden wibes tugent Das ich in irem dienſt reit Vnd dicke hertzeclichen ſtreit Die wilden offentúr Mich duchten gehúr Das ich ſelten tornierte Jr mynne do cōnduwierte Mit freiden in das hertze min Durch ſú det ich vil ſtrites ſchin Des twang mich ir mẏnne crafft Gegen der wilden ferren ritterſchafft Jr mynne ich alſus koufft Der heiden vnd der gedoufft Worent mit ſtrite alle glich Sú gedacht mich lones rich Suſz pflag ich durch die werden Vff den drigen teilen der erden Zuͯ erupe vnd in aſia Vnd were hin in affrica Ritterſchafft zuͯ thuͯn Sunder fride vnd one ſuͯn So ich riche juſte wolte tuͯn So reit ich fúr ganriuͦn Jch habe ouch manige juſte getan Vor dem berge famorgan Jch det vil richer juſte ſchin Zuͯ dem berge agremontin Wer einhalp wil er juſte han Do koment vſz fúrige man Anderhalp ſú brinnent nicht Was man do juſtiere ſicht Vnd do ich fúr derden roas Durch offentúre geſtrichen was Do kam ein werde windeſch diet Vs durch juſte gegen biet Vnd fúr von ſibilia Das mer alvmb gegen zilie Durch frẏol vſz fuͯr agleẏ Owe vnd heẏa hey Des ich dinen vatter ye geſach Der mir zuͯ ſehen aldo geſchach Do ich zuͯ ſibilie zogete in Do hette der werde auſcevin Vor mir geherget E Sin fart dút mir ẏemer we Die er fuͯr zuͯ raldag Zuͯ juſtieren er dot dolag Das was E von jme ſin ſage Vnd iſt jemer mins hertzen clage Min bruͯder iſt guͯtes rich Verholen ritterlich Er mich dicke von jme ſante So ich von montſaluaſce wante Sin jngeſigel nam ich do Vnd fuͯrte es zuͯ cathabro Do ſich ſewet der plúmzal Jn dem byſtuͯm zuͯ barbigal Der burgroffe mich do beriet Vff das jngeſigel E ich von jme ſchiet Knappen vnd ander koſte Gegen der wilden joſte Vnd ffvff ander ritterliche fart Des wart vil wenig von jme geſpart Jch muͯſz allein komen dar An der wider reiſe lieſz ich gar Bẏ yme was ich geſindes pflag Vnd reit do montſaluaſce lag ⸿Nuͯ hoͯre lieber nefe min Do mich der werde vatter din Zuͯ ſibilie alrerſt ſach Balde er min zuͯ bruͯder jach Hertzeloiden ſinem wibe Doch wart von ſinem libe Min antlitz nie me geſehen Man muͯſz ouch mir fúr wor do jehēn Das nẏe mannes bilde ſchoͯner wart Dannoch was ich one bart Jn min herberge er fuͯr Fúr diſe rede dicke ſwuͯr Manigen vngeſtabeten eit Do er mich do ſo vil an geſtreit Verholen ich es jme ſagete Das er freiden vil bejagete Er gap ſin cleinoͯte mir Was ich jme gap das was ſin gir Min keffzen die du ſehe E Die iſt noch gruͯner denne der cle Hieſz ich wircken vſz einem ſtein Den mir gap der rein Sinen nefen er mir zuͯ knechte lieſz Jthern den ſin hertz hieſz Das aller falſch an ime verſwant Den kv́nig von kucumerlant Wir moͯchtent die fart nit lenger ſparn Wir muͯſſent von einander farn Er kerte do der barug was Vnd ich fúr den rohas Vs zilie ich fúr den roas reit Jch drige mendage vil geſtreit Mich duchte ich hette do wol gestritten Dar noch ich ſchierſte kam geritten In die witen gaudin Dar noch der one din Gaudin wart genennet Do wart ich ter bekennet Die ſelbe ſtat lit aldo Do die greẏan in die cro Mit golde ein waſſer rinnet Do wart ither gemynnet Din baſen er do fant Die was frouwe v́ber das lant Gaudin von auſcouwe Hieſz ſú do weſen frouwe Sú heiſſet lannire So iſt das lant genennet ſtire Wer ſchiltes ambacht aber wil Der muͯſz durch ſtrichen lande vil Nuͯ ruwet mich min knappe rot Durch den ſú mir groſſe ere bot Von ither du biſt erborn Din hant die ſippe het verkorn Got hat ir nit vergeſſen doch Er kan ſú wol ſú wol gepruͯffen noch Wilt du gegen got mit truwen leben So ſolt du jme wandel dar vmb geben Mit truwe ich dir das kuͯnde Du treiſt zwo groſſe ſúnde Jthern du haſt erſlagen Du ſolt do ouch din muͯter clagen Jr groſſe truwe das geriet Din fart ſú von dem leben ſchiet Die du júngeſt von ir dete Nuͯ volge miner rete Min buſſe fúr miſſewende xlviij Vnd ſorge echt vmb din ende Das dir din arbeit hie erhol Das dort die ſele ruͯwe dol Alſo der wurt parcifal ſinen nefen fro=gete wo jme das cluͯge roſz har keme DEr wurt on alles bogen Begunde in fúrbaſz frogen Nefe noch han ich nit vernomen Wannan dir dis roſz ſẏ komen Herre das roſz ich erſtreit Do ich von ſigunen reit Vor einer cluſen ich die ſprach Dar noch ich fluͯgelingen ſtach Einen ritter dar abe vnd zoch es dan Von montſaluaſce was der man Er ſprach iſt aber der man geneſen Das es von rechte ſolte weſen Herre ich ſach in von mir gan Vnd fant das roſz by mir do ſton Wilt du des groles volck ſúſz rouben Vnd do bẏ des glouben Vnd gewinneſt ſin noch mẏnne So zweẏent ſich din ſinne Herre ich nam das in einem ſtrit Wer mir dar vmbe ſúnde git Der pruͯffe alrerſt wie dieſte Min roſz hette ich verlorn E ⸿Aber ſprach parcifal Wer was die maget die den gral Truͯg ir mantel lech man mir Der wurt ſprach nefe was er ir Die ſelbe iſt din muͯme Sú enlech dirs nit zuͯ ruͯme Sú wont du ſolteſt do herre ſin Des groles vnd dar zuͯ min Din oͯheim gap dir ouch ein ſwert Do mit du ſúnden biſt gewert Sit das din wol redender munt Do leider nit det frogen kunt Die ſúnde loſz bẏ den anderen ſten Wir ſúllent ouch toling ſloffen gen Bette oder kultern wart in wenig brocht Sú gingent echt ligen vff ein bocht Das leger was ir hoher art Glich nẏndert do bewart Suſz was er do fúnffzehen tage Der wurt ſin pflag alſo ich úch ſage Krut vnd wurtzelin Das múſt ir beſte ſpiſe ſin Parcifal der ſwere Druͯg durch ſuͯſſe mere Wenne in der wurt von ſúnden ſchiet Vnd jme doch ritterlichen riet EE*EJnes tages frogete in parcifal Wer was ein man lag vor dēm gral Der was algro bẏ liechtem fel Der wurt ſprach das was tútturel Der ſelbe iſt diner muͯter ane Dem wart alrerſt des groles fane Befolhen durch ſchrmesſchirmes rat Ein ſiechtage heiſſet pograt Die leme treit der helffe loſz Sin farwe er ẏe doch nẏe verloſz Wenne er den grole ſo dicke ſicht Do von ſo mag er erſterben nicht Durch rat ſú hant den bette riſen Jn ſiner jugent fúrt vnd wiſen Reit er vil durch juſtieren Wilt du din leben zieren Vnd recht wúrdeclichen farn So muͯſt du haſz gegen wiben ſparn Wip vnd pfaffen ſint erkant Die tragent vnwerliche hant So reichet v́ber pfaffen gottes ſegen Der ſol dins dienſtes mit truwen pflegen Dar vmb ſo wurt din ende guͯt Du muͯſt zuͯ den pfaffen haben muͦt Was din ouge vff erden ſicht Das glichet ſich dem prieſter nicht Sin munt die martel ſprichet Die vnſern verluſt zerbrichet Ouch griffet ſin gewihete hant An das hoheſte pfant Das ie fúr ſchult geſetzet wart Welich prieſter ſich het ſo bewart Das er dem kúſch kan gegeben Wie moͯchte er heileclicher leben Diſz was ir zweẏer ſcheidens tag Trerizent ſich des bewag Er ſprach gip mir din ſúnde her Vor got ich bin din wandels wer Vnd leiſte alſo ich dir han geſaget Blip des willen vnverzaget Von einander ſchieden ſie Obe ir nuͯ wellen ſo pruͯffent wie xlix Hie vohet an wunderlich offentúre Alſo gawan gon origeleyſe kam ES nohet nuͯ wilden meren Die freide kúnnent leren Vnd die hoch gemuͯte bringen Mit den beiden ſú ringen Nuͯ was ouch v́ber des jores zit Geſcheiden was des kamppfes ſtrit Den den langroffe zuͯm plúmzol Er warp der was zuͯ barbigol Von ſcanfanzun geſprochen Do bleip vngerochen Der werde kv́nig kingriſin Verguhelacht der ſuͯn ſin Kam gegen gawane dar Do nam die welt ir ſippe war Vnd ſchiet den kampff ir ſitte macht Wenne ouch der groffe ecknacht Vff jme die groſſen ſchulde truͦg Der man zech gawanen genuͯg Das verkoſz kingrumúrſel Vff gawanen den tegen ſnel Sú fuͯrent beide ſunder dan Vergulacht vnd gawan An dem ſellen mal Durch forſen noch dem gral Aldo do ſú mit iren henden Manige juſte muͯſten ſenden Wenne wer des groles gerte Der muͯſte mit dem ſwerte Sich dem priſe nohen Suſz ſol man priſes gohen Wie es gawanen komen ſy Der ẏe was miſſewende fry Sit er von ſcanfantz nuͯ ſchiet Ob ſin reiſe vff ſtrit geriet Das jehen die es johen Er muͯſz nuͯ ſtrite nohen ⸿Eines morgens kam her gawan Geritten vff einen gruͯnen plan Do ſach er blecken einen ſchilt Do was ein juſte durch gezilt Vnd einen pfert das froͧwen gereite truͦg Des zoum vnd ſattel was túre genuͦg Es was gebunden faſt Bẏ den ſchilt zuͯ einem aſt Do gedocht er wer mag ſin diſz wip Die alſus werlichen lip Het das ſú ſchiltes pfliget Obe ſú ſich ſtrites gegen mir bewiget Wie ſol ich mich ir denne wern Zuͯ fuͯſſe getruwe ich mich wol nern Wil aber ſú denne ringen Sú mag mich nẏder bringen Jch erwerbe ſin haſz oder guͦten gruͦſz Sol do ein juſte er gon zuͯ fuͯſz Obe es halt frouwe comille were Die mit ritterlichem mere Vor laureite priſz erſtreit Wer ſú lebende alſo ſú dort reit Es wurde ẏe doch verſuͯchet an ſú Obe ſú mir ſtriten bitte hie Der ſchilt was verhouwen Gawan begunde in ſchouwen Do er zuͯ dar kam geritten Der juſte fenſter was geſnitten Mit der gleuin wit Alſus molet ſú der ſtrit Wer gúlte ſú den ſchiltern Obe ir farwen alſus wern Der linden groſz was der ſtam Ouch ſaſz ein frouwe an freiden lam Dar húnder vff dem gruͯnen cle Der det groſſes jomer alſo we Das ſú der freiden gar vergaſz Er reit hin vmb gegen ir baſz Do lag ein werder ritter in ir ſchoſz Do von ir jomer was ſo groſz Gawan jme gruͯſſen nit verſweig Die froͧwe jme dancket vnd neig Er fant ir ſtȳmme heiſe Verſchrit durch ir freiſe Do erbeiſete min herre gawan Do lag durch ſtochen ein man Dem ging das bluͯt in den lip Do frogete er des heldes wip Obe der ritter lebete Oder mir dem tode ſtrebete Do ſprach ſú herre er lebet noch Jch wene es es iſt one lenge doch Got ſante úch mir zuͯ troſte her Nuͯ rotet durch uwer truwe ger J*Jr habent kombers me denne ich geſehēn + Lont uweren troſt an mir geſchehen Das ich uwer helffe ſchouwe Jch duͯn ſprach er frouwe Diſem ritter wolt ich ſterben wern Jch truwet in harte wol ernern Hette ich ein roͯren Beide ſehen vnd hoͯren Mecht ir in dicke geſunt Wenne er iſt nit zuͯ verhe wunt Das bluͯt iſt ſines hertzen laſt Er begreiff der linden einen aſt Er ſleiff ein loup dar abe ein rar Er was zuͯ der winden nit ein tor Den ſchoup er zuͯ der juſt in den lip Do bat er ſugen das wip Vntze das bluͯt wider gegen jme floſz Des heldes crafft ſich vff entſloſz Das er wol redet vnd ſprach Do er gawanen ob jme erſach Do danckete er jme ſere Vnd jach er hette ſin ere Das er in ſchiet von vncrafft Vnd frogete in obe er durch ritterſchafft Wer komen gegen logrois Jch ſtreich ouch ferre vſz ponturtois Vnd wolte offentúre hie beẏagen Von hertzen ſol ichs jemer clagen Das ich ſo nohe geritten bin Jr ſúllent es ouch miden habent ir ſin Nie wenne nicht der kome alſus Niſcois gewellius Het mich ſere geletzet Vnd hinder das roſz geſetzet Mit einer juſte rich Die erging ſo herteclich Durch min ſchilt vnd durch den lip Do halff mir das guͯte wip Vff ir pferde an diſer ſtat Gawan er bliben bat Gawan ſprach er wolte ſehen Wo jme der ſchade were geſchehen Lit logrois ſo nohen Mag ich in dar fúr ergohen So muͯſz er antwurten mir Jch froge in was er reche an dir Das tuͯ nicht ſprach der wunde man Der worheit ich dir jehen kan Dar engat nit kinde reiſe Es mag wol heiſſen freiſe GAwan die wunden verbant Mit der froͧwen houbet gewant Er ſprach zuͯ der wunden ſegen Vnd bat got mān vnd wibes pflegen Er fant al blútig ir ſla Alſo ein hirtz were erſchoſſen da Das lieſſe in nit irre riten Er ſach in kurtzen ziten Logrois die geherten Vil lute mit lobe ſú erten An der búrge logent lobes werg Noch trendel maſſe was ir berg Wo ſú ferre ſach der tumb Er wonde ſú lieffe al vmb Der búrge man noch húte gicht Das gegen ir ſturmes hurte nicht Sú forchte wenig ſolliche not Wo man haſſen gegen ir bot Al vmbe den berg lag ein hag Des man mit edelen boumen pflag Vigen boume vnd granat Oley win vnd ander rat Des wuͯchſſe do gantze richeit Gawan die ſtroſſe vff in reit Do er ſach er nynderhalben ſin Freide vnd ſines hertzen pin Ein brunne vſz einem felſz floſz Do fant er des in nit verdroſz Ein alſo clore frouwen Die er gerne moͯchte ſchouwen Aller wibe farwe ein beaflurs One condewieren amúrs Wart nie geborn ſo ſchoner lip Mit clorheit was das ſelbe wip Wol geſchicket vnd curtois Sú hieſz orgeluſe de logrois Ouch ſagent die offentúre von ir Sú were ein rīxtzel mynnen gir Ougen ſuͯſſe one ſmertzen Vnd ein ſpanſenwe des hertzen ⸿Gawan bot ir ſinen gruͦſz Er ſprach ob ich erbeiſſen muͦſz Mit uweren hulden froͧwe Obe ich úch des willen ſchoͧwe Das ir mich gerne by úch hat Groſſe ruͯwe mich by freiden lat So wart nie ritter me ſo fro Min lip erſterben muͯſz alſo Das mir nẏemer wip gefellet baſz Das ist echt nuͯ wei*weiſz ich das + Sollich was ir rede ſo ſú an jme ſach Jr ſuͯſſer munt me dar noch ſprach Nuͯ lobent mich nit zuͯ ſere Jr enpfohent ſin vil lichte vnere Jch wil nit das ẏegelich munt Gegen mir duͯ ſin pruͯffen kunt Wer min lop gemeine Das hieſz ein wurde cleine Dem wiſen vnd dem tumben Dem ſlechten v́nd dem krumben Wo richte es ſich denne fúr Noch der wúrdekeit kúr Jch ſol min lop behalten Das es die wiſen walten Jch weiſz nit herre wer ir ſit Vwers ritens were von mir zit Nuͯ pruͯfen lat úch doch nit frẏ Jr ſint mẏnem hertzen by Ferre vſſerhalp nit darinne Gerent ir mẏner mynne So habent ir die an mich erholt Maniger ſin ougen bolt Er moͯchte es in einer ſlingen Zuͯ ſenffterem wurffe bringen Obe er ſehen nit vermidet Das jme ſin hertze ſnidet Lont waltzen uwer krancke gir Vff ander mynne denne zuͯ mir Dienet noch mẏnne uwer hant Hette úch v́ch offentúre geſant Noch mynne vff ritterliche dat Des lones ir an mir nit hat Jr múgent wol laſter hie beẏagen Muͯſz ich úch die worheit ſagen Do ſprach er frouwe ir ſagent mir wor Min ougen mit des hertzen vor Die hant an uwerem libe erſehen Das ich mit worheit des muͦſz jehen Das ich uwer gefangen bin Gekert gegen mir wiplichen hin Wie es úch habe verdroſſen Jr habent mich in geſloſſen *Nuͯ loͯſen uwer oder bindent + Des willen ir mich vindent Hette ich úch wo ich wolte Den wunſch ich gerne dolte Sú ſprach nuͯ fuͯret mich mit úch hin Wolt ir teilen den gewin Den ir mit mynne an mir bejaget Mit laſters irs dannoch beclaget Jch wuſte gerne ob ir das ſit Der durch mich gedurſte liden ſtrit Das verbert bedorffent ir ere Solt ich úch roten mere Sprecht ir denne der volge jo So ſuͦcht ir mynneanderſwo Obe ir mẏner mynne gert Minne vnd freide ir ſint enwert Obe ir mich hinnen fuͯret Groſſe ſorge úch dar noch ruͯret Do ſprach min herre her gawan Wer mynne vngedienet wil han Muͯſz ich úch das kúnden Das treit ſú hin mit ſúnden Wem iſt zuͯ werder mynne joch Dem hoͯret dienſt vor vnd noch Sú ſprach wolt ir mir dienſt geben *So muͯſſent ir wurdeclichen leben Vnd mogent doch laſter wol beyagen Min dienſt bedarff do keins zagen Fart jennen pfat es iſt nit ein weg Dort v́ber einen hohen ſteg Jn einem boumgarten Eines pferdes ſolt ir do warten So hoͯret vnd ſeht manige diet Die dantzen vnd ſingent liet Dumburen floytieren Wie ſú úch condewieren Gont durch ſú do min pfert ſtat Vnd loͯſent es vff noch úch es gat ⸿Gawan von dem roſſe ſprang Do hette er manigen gedang Wie das roſz do ſin do erbit Dem bronnen wonet nyndert mit Do ers geheͯfften moͯchte Er dochte obe jme das doͯchte Das ſú es zuͯ behalten neme Obe yme die bette gezeme Jch ſihe wol wes ir angeſt hat Sprach ſú diſz roſz mir ſtan lat Das behalt ich vntze ir wider kompt Min dienſt úch doch clein froͯmpt Do nam min herre her gawan Den zúgel von dem roſſe dan Er ſprach nuͯ habet mirs froͧwe Bẏ dumbheit ich úch ſchouwe Sprach ſú wenne do lag uwer hant Der griff ſol mir ſin vnbekant Do ſprach der mynne gerende man Froͧwe ich engreiff nie vorn dar an Nuͯ do wil ichs enpfohen Sprach ſú ſo ſúllent ir gohen Vnd bringent mir balde min pfert Miner reiſe ir ſit mit úch gewert Das duchte in freiden hafft gewin Do gohete er balde von ir hin V́ber den ſteg zuͯ der porten in Do ſach er maniger frouwen ſchin Vnd manigen ritter jungen Die dantzen vnd ſungen Do was min herre gawan So gezimiert ein man Das es ſú lerte ruwe Wenne ſú hetten truwe Noch die des boumgarten pflogen Sú ſtunden oder logen Oder ſoſſen in gezelten Sú vergoſſen des vil ſelten Sú clageten ſinen kumber groſz Man vnd wip d*des nit verdroſz Genuͯg ſprochent den es was leit Miner froͧwen trgenheittrygenheit Wil diſen man verleiten Zuͯ groſſen arbeiten Owe das er ir volgen wil Vff alſus einberie zil Manig wert man gegen jme ging Der in mit armen vmb ving Durch frintlich enpfohen Dar noch begunge nohen Einem oleyboum do ſtunt das pfert Es was maniger marcke wert Der zoum vnd das gereite Mit einem borte breite Wol geflochten vnd gra Stunt dar bẏ ein ritter da Vbere ein brucken gelenet Von dem wart es gewenet Das gawan zuͯ dem pferde ging Mit ſuͯſſer rede er doch enpfing Er ſprach wellent ir rotes pflegen Jr ſullent diſz pferdes úch bewegen Es enwert úch doch nẏeman hie Gedotent aber ir das wegeſt ẏe So ſolt irs hie loſſen Min froͧwe ſẏ verwoſſen Das ſú ſo manigen werden man Von dem libe ſcheiden kan Gawan ſprach er lieſſe es nicht Owe des dannoch geſchicht Sprach der growe ritter wert Die halfftern loſte er von dem pfert Er ſprach ir ſúllent nit lenger ſton Lont diſz pfert noch úch gon Des hant das mer geſeltzengeſaltzen hat Der gebe úch fúr koͯmer rat Huͯten das úch icht gehoͯne Miner frouwen ſchoͯne Wenne ſú iſt by der ſuͯſſe ſur Recht alſo ein ſunnen blicker ſchúr Nuͯ walt ſin got ſprach gawan Vrlop nam er zuͯ dem grouwen man Alſo det er hie vnd dort Sú ſprochent alle clagende wort Das pfert ging einen ſmalen weg Zuͯ der porten vs noch jme vff den ſteg Sines hertzen vogt er do fant Die was froͧwe v́ber das lant Wie ſin hertze gegen ir floch Vil kumbers ſú jme dar in zoch Sú hette mit ir hende Vnd er dem kinne das gebende Hin vff das houbet geleit Kamppfeber lide treit Ein wip die man vindet ſo Die were vil lichte eins kamppfes fro Was ſú ander cleẏder truͯge Obe ich des nuͯ gewuͯge Das ich pruͯffen ſolt ir wat Jr liechter blick mich des erlat .L. Alſo her gawan gar herlich enpfangen wart von der jungfrouwen DO gawan zuͯ der frouwen ging Jr ſuͯſſer munt in ſuſz enpfing Sú ſprach weſent wilkum ir gans Nieman groſſer tumbheit getans Ob ir mich dienſtes wellent gewer̄n Eẏa wie gerne irs moͯchten verbern Er ſprach iſt úch nuͯ zornes goch Do hoͯret ye doch genode noch Sit ir ſtroffent mich ſo ſere Jr habent ergetzens ere Die wile min hant úch dienſt duͯt Vntze ir gewinnent lones muͦt Wellent ir úch vff das pfert Sú ſprach des han ich nit begert Vwer vnverſichert hant Mag griffen wol an ſmeher bant Hin vmb von jme ſú ſich ſwang Von den bluͯmen vff das pfert ſú ſprang Sú bat in das er ritte fúr Es were echt ſchade obe ich verlúr Suſz achteberen geſellen Sprach ſú got muͯſz in fellen Wer nuͯ wil des volgen mir Der mide falſche rede gegen ir Nieman ſich verſpreche Er wiſſe E was er reche Vntze er gewinne kunde Wie es vmb ir hertze ſtúnde Jch kunde ouch gerechen dar Gegen der frouwen wol gefar Was ſú hette gegen gawan Jn irem zorn miſſetan Oder noch geduͯt gegen jme Die roche ich alle von ir nȳmme Vrgeluſe die rich Fuͯre vngeſelleclich Zuͯ gawan ſú kam geritten Mit alſo zorneclichem ſitten Das ich mich wenig troſt Das ſú mich vorvon ſorgen loſt Sú rittent dannen beide Vff eine liechte heide Ein krut gawan do ſten ſach Des wurtz er helffen wunden jach Do erbeiſſete der werde Nyder zuͯ der erde Vnd gruͯp ſú wider vff er ſaſz Die frouwe ir rede ouch nit vergaſz Sú ſprach kan der geſelle min Artzat vnd ritter ſin Er mag ſich harte wol beyagen Geleret er buͯchſſen veil tragen Zuͯ der frowen ſprach gawanes mūnt Jch reit vor einen ritter wunt Das tach iſt ein linde Obe ich den noch vinde Diſe wurtz ſol in wol ernern Vnd alle ſin vncrafft erw̉eren + Sú ſprach das ichſicſihe ich gerne Was obe ich kunſt gelerne Do fuͯre in balde ein knappe noch Dem was zuͯ der botſchefft goch Die er werben ſolte Gawan ſin werben wolte Do duchte er in vngehúre Mala creatúre Hieſz der knappe vier Condrie lazurzier Was ſin ſweſter wol getan Er muͯſte ir antlitz han Gar wan das er was ein man Jme ſtunt ouch ẏetweder zan Alſo einem eber wilde Vnglich menſchen bilde Jme was das hor ouch nit ſo lang Alſo es condrien vff den múldert ſwang Kurtz ſcharppff alſo ein jgel hút es was Bẏ dem waſſer gemaſz Jn dem lande zuͯ tribalibot Wahſſent lúte alſus durch not Vnſer vatter adam Die kunſt er von gotte nam Das er gap allen dingen nāmmen Beide wilden vnd zāmmen Er bekant ouch ẏegeliches art Dar zuͯ der ſternen vmb fart Der ſúben planeten Was die craffte hetten Er er kante ouch aller wurtz macht Vnd wie jegelicher was geſlacht Do ſin kint der jore crafft Gewunnen das ſú ber hafft Wurdent menſchelicher frucht Er wider riet in vngenucht Wo ſiner dochter keine druͯg Vil edicke er des gegen in gewuͯg Den rot er ſelten gegen in lieſz Vil wurtz er ſú miden hieſz Die menſchen frucht verkertent Vnd ſin geſlechte vnertent Anders denne got vns maſz Do er zuͯ werg v́ber mich geſaſz Sprach er min lieben kint Die ſit an ſollicher welte blint Die wip dotent alſo wip Etlicher riet ir bloͯder lip Das ſú die wercke volbracht Der ir hertzen gir gedacht Suſz wart verkeret die menſcheit Das was ẏe doch adam leit Doch gezwiffelt nie ſin ſinne od̉er wille Die kv́nniginne ſecundille Die ferre fuͯr mit ritters hant Erwarp ir lip vnd ir lant Die hette in ir rich Harte vnlogelich Von alter dar der lúte vil Mit verkertem antlitzes zil Sú truͯgent froͯmde wilde mal Do ſagete man ir vmbe den gral Das vff erde nit ſo riches was Des pflege ein kv́nnig hieſz anfortas Das duchte ſú wunderlich genuͦg Wenne vil waſſer in ir lant truͦg Vor den grior edel geſtein Groſz nit zuͯ clein Het ſú gebirge gúldin Do dochte die edele kv́nnigin Wie gewinne ich kúnde diſes man Dem der grole iſt vndertan Sú ſante ir cleinoͯte dar Cond*Condrie vnd ir ponder clar Zwey me*menſchen wunderlich gefar Sú ſante jme dannoch mer fúr war Das nẏeman moͯchte vergelten Man fúnde es feil ſelten Do ſante der ſuͯſſe anfortas Wenne er ẏe vil milte was Vrgeluſe de logrois Diſen knappen curtois Von wibes gir ein vnderſcheit Jn ſchiet von der menſcheit Der wurtz vnd der ſternen mag Huͯp gegen gawan groſſen bag Der hette ſin vff dem wege erbitten Male creatúre kam geritten Vff einem rinzide crang Das von leme an allen vieren hang Es ſtruchete dicke vff die erde Frouwe jeſcute die werde Jedoch ein beſſer pfert reit Des tages do parcifal erſtreit Obe oriluſe ir die hulde Der ſú mangelt one ſchulde Der knappe an gawanen ſach Mala creature mit zorne ſprach Herre ſint ir von ritters art So mochten irs gerne han bewart Jr dunckent mich ein dumber man Das ir min frouwen fuͯren dan Ouch werdent irs vnderwiſet Das man úch dar vmb priſet Obe ſich erwert uwer hant Sint ir aber ein ſariant So werdet galunet mit ſtaben Das irs gerne moͯchten wandel haben GAwan ſprach min ritterſchafft Er leit nuͯ ſollicher zúchte crafft Suſz ſol man walcken gampel her Die nicht ſint mit manlicher ger Jch bin noch ledig vor ſollicher pin Wolt ir aber vnd die froͧwe min Mir ſmehe rede bieten Jr muͯſten úch eine nẏeten Das ir wol múgent fúr zúrnen han Wie freiſchelich ir ſint getan Jch enbere doch ſanffte uwer dro Gawan in by dem hor do Begreiff vnd ſwang in vnder das pfert Der knappe wiſe vnd wert Foͯrchteclich wider ſach Sin igel meſſig hor ſich rach Das verſneit ſo gawanes hant Das ſú wart rot von bluͯte erkant Des lachete die frouwe Sú ſprach vil gerne ich ſchouwe Vch zwene ſus mit zornes ſitte Sú kerten das pfert lieff mitte Vnd komen do ſú funden Ligen den ritter wunden Mit truwen gawanes hant Die wurtze vff die wunde bant Der wunde ſprach wie erging es dir Sit das du ſchiede hie von mir Du haſt ein frouwe bracht Die dines ſchaden gedacht Von ir ſchulde iſt mir ſo we Jn ane ſtroit man*manoye Halff ſú mir ſcharppfer juſte Vff libes vnd guͯtes kuſte Welleſt du behalten dinen lip So loſz diſz trúgenhafft wip Riten vnd kere von ir Nuͯ prúffe ſelbe ir rot an mir Doch moͯchte ich harte wol geneſen Obe ich by truwe ſolte weſen Des hilff du mir getruwer man Do ſprach min herre her gawan Nȳmme aller miner helffe wal Hie nohen ſtat ein ſpittal Alſo ſprach der ritter wunt Kome ich dar in kurtzer ſtunt Do moͯchte ich ruͦwen lange zit Miner frúnden rinzit Hant wir noch ſten alſtarckes hie Nuͯ hebe dar vff mich ſú vnd hunder ſie Do bant der wol geborne gaſt Der frouwen pfert von dem aſt Vnd wolt es ziehen noher ir Der wunde ſprach hin dan von mir Wie úch tretens mich ſo goch Er zoch es ferre die frouwe gie noch Vil ſanffte vnd nit zuͯ trat Al noch ir mannes rat Gawan vff das pfert ſú ſwang Jnnen des der wunde ritter ſprang Vff gawanes Caſtelan Jch wene das were miſſetan Er vnd die frouwe gingen hin Das was ein ſúndehafft gewin ⸿Gawan clagete ſere Die froͧwe lachete es mere Jr ſuͯſſer munt hinzuͯ ir ſprach Fúr einen ritter ich úch ſach Dar nach in kurtzen ſtunden Wurdent ir artzat fúr die wunden Nuͯ muͯſt ir ein garzun weſen Sol ẏeman ſiner kunſt geneſen So troͯſtet úch uwer ſinne Gert ir noch miner mynne Jo frouwe ſprach her gawan Mocht ich uwer mynne han Die were mir lieber denne icht Es wonte vff erden nichtes nicht Vnder crone vnd alle die crone tragent Vnd die freidehafften briſz beẏagent Der gegen úch teilte ir gewin So rotet mir mins hertzen ſin Das ichs in loſſen ſolte Vwer mẏnne ich haben wolte Mag ich der nit erwerben S*So muͯſz ich ſchier ſterben Das muͯſz ſich balde erzeigen Jr wuͯſtent uwer eigen Obe ich frẏheit ẏe gewan Jr ſoltent mich doch fúr eigen han Das duncket mich uwer ledig recht Nuͯ nennent mich ritter od̉er knecht Garzun oder vilan Was ir mir ſpottes habent getan Do mit ir ſúnde enpfohet Obe ir min dienſt ſmohet Solt ich dieneſt genieſſen V́ch moͯchte ſpottes verdrieſſen Obe es mir nẏemer wúrde leit Er krencket doch uwer wúrdekeit li Alſo der wunde man wider zuͦ her ga=wan kam geritten : besteht aus einem etc-Zeichen. d̉er WJder zuͯ jme reit der wunte man Vnd ſprach biſt du gawan Haſt du icht geborget mir Das iſt ein teil vergolten dir Do mich din manlich crafft Ving in herter ritterſchafft Vnd du mich brecht zuͯ huſe Dinen oͯheim artuſe Vier wuchen er des nit vergaſz Die zit ich mit den hunden as Do ſprach er biſt du frians Obe du mir nuͯ ſchaden gans Den trage ich one ſchulde Jch erwarp dir des kv́niges hulde Do dir ein ſwacher ſin geriet Das man dich von ſchiltes ambacht ſchiet Vnd ſagete dich gar rechte loſz Durch das ein maget von dir verloſz Jr recht dar zuͯ des landes frẏde Der kv́nig mit einer wide Wolt es gerne han gerochen Hette ich des dich nit verſprochen Was dort geſchach du ſtoſt nuͯ hie Nú horteſt du doch ſprechen ẏe Wer dem anderen halff das er genaſz Das er do noch ſin vigent was Jch duͯn alſo die bẏ witzen ſint Sich fúget baſz ob weinet ein kint Denne ein bartherter man Jch wil diſz roſz alleine han Mit ſporn er faſte von jme reit Das was doch gawanen leit Gawan ſprach es kam alſo Der kv́nig artus der was do Jn der ſtat zuͯ dianazdrun Mit jme do manigen britun Do wart ein frouwe dar geſant Durch botſchafft in ſin lant Ouch was diſer vngehúre Vſz komen durch offentúre Er was gaſt vnd ſú geſtin Do geriet jme ſin krancker ſin Das er mit der frouwen rang Noch ſinem willen one iren dang Hin zuͯ hoffe kam das geſchrey Der kv́nig rieff heẏa hey Das geſchach vor einem walde Dar gohetent wir alle balde Jch fuͯre den anderen ferre vor Vnd begreiff des ſchuldehafften ſpor Gefangen fuͦrte ich wider dan Fúr den kv́nig diſen man Do reit die jungfrouwe vns mitte Ruwig was ir ſitte Durch das ir hette genomen Der nẏe was in ir dienſte komen Jr kúſchelichen magettuͦm Ouch bezalt er do vil cleinen ruͦm Gegen ir vnwerlichen hant Minen herren ſú mit zorne fant Artuſen den getruwen Er ſprach die welt ſol ruwen Diſe vermalidite mein Owe das ye der tag erſchein By des liecht diſe not geſchach Das man mir gerichtes jach Vnd do ich huͯte richter bin Er ſprach zuͯ der frouwen habēnt ir ſin Nement fúrſprechen vnd clagent Die frouwe was des vnverzaget Sú det alſo ir der kv́nig riet Do was von rittern groſſe diet Vrians der fúrſte vs purturtois Der ſtunt do vor dem britunois Vff alle ſin ere vnd vff den lip Fúr ging das clagehaffte wip Do es rich vnd arme horten Sú bat mit clagenden worten Den kv́nig durch alle wipheit Das jme were ir komber leit Vnd durch magettuͯmlich ere Sú bat in fúrbas mere Durch der tafelrunden art Vnd durch der botſchafft fart Alſo ſú were an in geſant Wer er zuͯ richter erkant Das er richtet ir ſwere Durch gerichtes mere Sú bat der tafelrunde ſchar Alle ires rechten nemen war Sit das ir were ein roup genomen Der nyemer moͯchte wider komen Jr magetthuͦm kúſch vnd rein Das ſú alle gemein Den kv́nig gerichtes beten Vnd an ir rede dreten ⸿Furſprechen nam der ſchuldige man Dem ich nuͯ krancker eren gan Der werte in alſo er moͯchte Die were je doch nit doͯchte Man verteilet jme leben vnd priſz Vnd das man vinden ſolte ein riſz Dar an jme ſterben wúrde erkant One bluͯtige hant Er rieff mich an des twang in not Vnd mich des er mir bot Sicherheit durch geneſen Jch foͯrchte on alle min ere weſen Obe er verlúre do ſinen lip Jch bat das clagehaffte wip Sit ſú mit iren ougen ſach Das ich ſú manlich rach Senffteret ir gemúte b Das ſú durch wibes gúte a Sit das ſú múſte ir mynne jehen Was ir do was von jme beſchehen Vnd irem clorem *libe Obe do ẏeman von wibe Mit dienſte keme in hertze not Ob ſú jme do noch ir helffe bot Der helffe duͦnt es zuͯ eren Lont úch von zorne keren Jch bat den kv́nig vnd ſin man Obe ich jme hette getan Keinen dienſt das ers gedechte Vnd ers mirs laſters echte Mit einem ſitte werte Das er den ritter ernerte Min frowe die kvnnigin Bat ich durch die ſippe min Wenne mich der kv́nig von kinde zoch Vnd das min truwe ẏe gegen ir floch Das ſú mir húlffe das geſchach Die jungfrouwe ſú ſunder ſprach Do genaſz er durch die kv́nnigin Er muͯſz aber liden hohe pin Suſz wart ſin lip gereinet Solliche buͯſz jme erſcheinet Er were verlouff oder leite hunt Vs einem troge aſz ſin munt Mit in do vier wochen Suſz wart die froͧwe gerochen Froͧwe das iſt ſin roch vff mich Sú ſprach ſich twirhet ſin gerich Jch wurde úch vil lichte niemer holt Doch enpfohet er dar vmb ſollichen ſolt E er ſcheide von minem lande Des er jehen mag vor ſchande Sit es der kv́nig dort nit rach Aldo es der frouwen geſchach Vnd es ſich hette an mich gezeiget Jch bin nuͯ beẏder voget Vnd enweiſz doch wer ir beide ſit Er muͯſz dar vmb enpfohen ſtrit Durch die frouwe eine Vnd durch úch harte cleine Man ſol ſin vnfuͯge rechen Mit ſlahen vnd mit ſtechen Gawan zuͯ dem pferde ging Mit lichtem ſprunge ers doch gefing Do was der knappe komen noch Zuͯ dem die frouwe heidenſch ſprach Als das ſú wider vff enbot Nuͯ nohet ouch gawanen not Mala creatúr zuͯ fuͦſſe ſchiet dan Do beſach min herre her gawan Des jungherren runzit Das was zuͯ kranck vff einen ſtrit Es hette der knappe dort genomen E er von der halde were komen Einem filian Do geſchach es gawan Fúr ſin roſz zuͯ behalten Des geltes muͯſz er walten Sú ſprach zú jme ich wene durch haſz Sagent an wolt ir icht fúrbaſz Do ſprach min herre her gawan Min fart von hinnan wurt getan Al noch uwerem rote. Sú ſprach dar kompt úch ſpote Nuͯ diene ich úch dar vmb Des dunckent ir mich der tumb Wolt ir das nit vermiden So muͯſt ir von den bliden Keren gegen der ruwe Vwer komber wurt vil nuwe ⸿Do ſprach der mynnen gerende Jch bin úch dienſtes werende Jch enpfohe ſin freide oder not Sit uwer mynne mir gebot Das ich muͯſz zuͯ uwerem gebotte ſten Jch múge riten oder gen Alſtende bẏ der frouwen Das marg begunde er ſchouwen Das was zuͯ drete juſte Ein harte krancke kuſte Die ſtigleder von baſt Wenne dem edelen werden gaſt Was etwenne geſattelt baſz Vff ſitzen meinde er vmb das Er forchte das er zer trete Des ſattels gerete Dem pferde was der rúcke jung Wer dar vff ergangen ſin ſprung Jme were der rúcke gar zerfarn Das muͯſte er alles do bewarn Do hette in etwenne befilt Er zoch es vnd truͯg den ſchilt Vnd ouch die gleuin Siner ſcharppfen pin Die frouwe ſere lachete Die jme vil kombers machete Sinen ſchilt er vff das pfert bant Sú ſprach vneret ir cram gewant Jn mynem lande veile Wer gap mir zuͯ teile Einen artzat vnd eins cromes pflege Hútent vor zol úch vff dem wege Wenne etlich min zollere Vch ſol machen freiden lere Jr ſcharppfe ſillur Jch duchte ſo gehúr Das er enruͯchte was ſú ſprach Vnd jemer wenne er an ſú ſach So was ſin pfant an truwen quit Sú was jme ein rechte meẏen zit Vor allem blick ein flori Ougen ſuͯſſe vnd ſure dem hertzen by Sit verluſt vnd vinde an ir was Vnd des ſiech freide wol genaſz Das fromte in zuͯ allen ſtunden Ledig vnd ſere gebunden Manig min meiſter ſprichet ſo Das amor vnd cupido Vnd der zweẏer muͯter venus Den lúten mynne geben ſus Mit geſchútze vnd fúre Die mynne iſt vngehúre Wem hertzeclichen truwe iſt by Der wurt nyemer mynne fry Mit freide oder aber mit ruwe Recht mynne iſt wore truwe Cupido ſin ſtral Min miſſet zuͯ allem mol Das duͯt her amors ger Sint ir zwen obe mẏnnen her Vnd fenus mit ir fackelen heiſz Vmb ſollichen komber ich nit weiſz Sol ich der woren mẏnne jehen Die muͯſz durch truwe mir geſchehen Helffent mẏne ſinne Jeman icht fúr mẏnne Her gawan bin ich wol ſo holt Dem wolte ich helffen one ſolt Er iſt doch one ſchande Lit er in mẏnem bande Obe in die mynne ruͯret Die ſtercke were zerfuͯret Er was doch ẏe ſo werlich Der werden wer alſo glich Das in twingen ſolt ein wip Sinen werlichen lip ⸿Lont noher gon her mynen truͦg Jr duͯnt der alſo ſollichen zuͦg Das ſich durckelt freiden ſtat Vnd bant ſich der ruwen pfat Suſz bereitet ſich der ruwen ſla Gingent ir reiſe anderſwa Denne in des hertzen hohen muͦt Das duchte mich gegen freiden guͯt Jſt mynne ir vngefuͯge balt Dar zuͯ duncket ſú mich zuͯ alt Oder gicht ſú es vff ir kintheit Wem ſú fuͯget hertzeleit Vnfuͯge gan ich baſz ir jugent Denne das ſú alter breche ir tugent Vil dinges iſt von ir geſchehen Widerhalp ſol ich das jehen Wil ſú mit jungen reten Jr alten ſitte vnſteten So wurt ſú ſchiere an priſe laſz Man ſol ſuſz vnder ſcheiden baſz Luter mynne ich priſe Vnd alle die ſint wiſe Es ſigent wip oder man Von den ich gantze volge han Wo liep gegen liebe erhuͯbe Luter one truͯbe Der entweders des verdroͯſſe Das mẏnne ir hertze ſlúſſe Mit mynnen von der wang ẏe floſ*floch + Die mynne iſt obe den anderen hoch Wie gerne ich in neme dan Doch mag min herre her gawan Der mynne des nicht enwencken Sú welle jme freide krencken Was hilffet denne min vnder ſlag W*Was ich do von geſprechen mag Man ſol ſich nit mẏnne wern Wenne den muͯſz minne helffen nern lij Alſo gawan mit liſcoſie vacht an des waſſers ſtaden : besteht aus einem etc-Zeichen. GAwan durch mynne arbeit enpfing Sin froͧwe reit zuͯ fuͦſſe er ging Vrgeluſe vnd der tegen balt Die komen in einen groſſen walt Dannoch muͯſz er genſe wonen Er zoch das pfert zuͯ einem ronen Sinen ſchilt der E dar vff lag Des er durch ritters ambacht pflag Nam er zuͯ halſſe vff das pfert er ſaſz Es truͯg in komber fúrbaſz Anderhalp vs in er buwen lant Ein burg er mit den ougen fant Sin hertze vnd die ougen johen Das ſú erkanten noch geſohen Do kein burg nie gerder glich Sú was alvmb ritterlich Beide túrne vnd pallas Maniges vff der búrge was Dar zú muͯſz er ſchouwen Jn den fenſtern manige frouwen Der was vierhundert oder mer Vier vnder in von art her Von paſcaſien vngeferte groſz Ging an ein fenſter das do floſz Schiffrecht ſnelle vnd breit Do gegen er vnd die frouwe reit An dem vrfar ein anger lag Dar vff man vil juſte pflag V́ber das waſſer ſtunt das caſtel Gawan der tegen ſnel Sach einen ritter noch jme fảrn Der ſchilt noch ſper nit kunde ſparn Vrgeluſe die riche Sprach hochfferchtecliche Ob mirs uwer munt vergicht So briche ich mẏner truwe nicht Jch hette es úch E ſo vil geſaget Das er vil laſters hie beyaget Nuͯ werent úch ob ir kúnnent wern V́ch mag anders nicht ernern Der dort komt úch ſol min hant So fellen ob ſú úch iſt zer trant Jergent uwer nyder cleit Das lat úch durch die froͧwen leit Die obe úch ſitzent vnd jehent Was obe die uwer laſter ſpehent Des ſchiffes meiſter v́ber her Kam durch vrgeluſen ger Von dem lande in das ſchiff ſú kerte Das gawanen truren lerte Die rich wol geborne Sprach wider us mit zorne Er enkompt nit her zuͯ mir her in Jr muͯſſent pfant dort vſſen ſin Er ſprach ir trureclichen noch Frouwe wie iſt úch von mir ſo goch Sol ich úch ẏemer me geſehen Sú ſprach úch mag der priſz beſchehen Jch geſtatte úch ſehens noch an mich Jch wene das ſere lenget ſich Die frouwe ſchiet von jme alſus Hie kam liſcois giwellius Saget ich nuͯ das de*der flúge Mit der rede ich úch betrúge Er gohete aber anders ſo ſere Das es das roſſe hette ere Wenne das er zeigete ſnelheit Vber den gruͯnen anger breit Do dochte min her gawan Wie ſol ich beiten diſes man Wider das mag das weger ſin Zuͯ fuͯſſe oder vff dem pferdelin Wil er foͯlleclich an mich farn Das er den ponder kan nit ſparn Er ſol mich nẏder riten Wes mag ſin roſz denne biten Es entſtruch ouch v́ber das runzit Wil er mir denne bieten ſtrit Al do wir beide ſint zuͯ fuͦſz Obe mir halt nẏemer wurde ir gruͦſz Die mich diſes ſtrites het gewert Jch gibe jme ſtrit obe er des gert Nuͯ dis was vnwendig Der komende was genendig Alſo was ouch der do beite Zuͯ der juſte er ſich bereite Do ſatte er die glevin Vornan vff des ſattels viltzelin Das gawan vor hette gedacht Suſz wart ir beider juſte bracht Die juſte ẏetweder ſper zerbrach Das man die helde ligen ſach Do ſtruchete der baſz geritten man Das er vnd ouch gawan Beide vff den bluͯmen gelogen Wes ſú do beide pflogen Vff ſpringens mit den ſwerten Sú beẏde ſtrites gerten Die ſchilt worent vnvermitten Vnd wurden alſo hin geſnitten Jn bleip lútzel vor der hant Wenne der ſchilt iſt ẏemer ſtrites pfant Man ſach do blick vnd helmes fúr Jr múgent es jme jehen fúr offentúr Wenne got den ſig dannan lat tragen Der muͯſz vil priſes E beyagen Suſz durtent ſú mit ſtrite Vff des angers wite Es werdent muͯde zwen ſmẏde Obe ſú halt hetten ſtarcker gelide Von alſo manigem groſſem ſlage Suſz rungen ſú noch priſes beẏage Wer ſolte ſú dar vmb priſen Das die vnwiſen Stritten one ſchulde Nút wenne durch priſes hulde Sú hetten nit zuͯ teilen Wenne one not ir leben zuͯ veilen Jetweder vff den anderen ſtach Das er die ſchulde nẏe geſach Gawan kunde ringen Vnd mirmit dem ſwang twingen Wem er das ſwert vnder ging Vnd in mit armen vmb ving Den twang er wes er wolte Sit er ſich weren ſolte Do gebort er werlich Der werde muͯtes rich Begreiff den jungen ellenthafft Der ouch hette manliche crafft Er warff in balde vnder ſich Vnd ſprach zuͯ jme helt nuͯ gich Woͯlleſt du geneſen ſicherheit Der bette volge was vnbereit Liſcois der do vnden lag Wenne er nye ſicherheit gepflag Das duchte in wunderlich genuͦg Das jeman die hant getruͦg Die in ſolte v́ber komen Sit nẏe wart von jme genomen Betwungenlich ſicherheit Der ſin hant E vil erſtreit Wie es do were ergangen Er hette vil enpfangen Das er nit fúrbaſz wolte geben Fúr ſicherheit bot er ſin leben Vnd jach was jme geſchehe Das er nẏemer verjehe Sicherheit durch twingen Mit dem dot wolte er E dingen Wer er noch zwurnent ſtrenger Er wolte nit leben lenger Vnd ſprach also vnder ligende Biſt du mir der geſigende Des pflag ich do got wolt Das ich priſz haben ſolt Nuͯ hat min priſz ein ende Von diner werden hende Wo freiſet man oder wip Das v́ber komen iſt min lip Des priſz ſo hohe ſwebet enbor So ſtrit mir baſz ein ſterben vor E min frint diſe mere Sol machen freiden lere Gawan warp ſicherheit an in Do ſtunt ſin gir vnd alle ſin ſin Nit wenne vff des libes verderben Oder vff ein gehes ſterben DO dochte min herre her gawan Durch was doͯte ich diſen man Wolt er ſuſz zuͯ minem gebotte ſten Geſunt lieſz ich in hinnan gen Mit rede warp ers an in ſo Des wart nit gar geleiſtet do Vff lieſſe er doch den wigant One ſicherheit hant Jetweder vff die bluͯmen ſachſaſz Gawan ſins komers nit vergaſz Das ſin pfert was ſo krang Den wiſen lerte ſin gedang Das er das roſz mit ſporn ritte Das was verwoppent wol vor ſtrite Was ſin ander convertúr Sit ers erwarp mit offentúr Durch was ſolt ers riten nicht Sit es zuͯ riten jme geſchicht Er ſaſz dar vff do fuͦre es ſo Siner witen ſprúnge was er fro Do ſprach er biſt du gringulete Das frians *mit falſcher bete Er weiſz wol wewie an mir erwarp Do von ye doch ſin priſz verdarp Wer hat dich ſuſz gewoppens ſider Ob du es biſt got het dich wider Mir ſchoͯne geſendet Der dicke komber wendet Er erbeiſſete dar abe ein roſz errant Des groles woppen was gebrant Ein turtel tube an ſinen buͦg Lehelin zuͯ juſte ſluͦg Dar vff den von prienlanſcros Oriluſe wart diſz roſz Der gap es gawane Vff dem plimizols plane Hie kam ſin truwig guͯte Aber wider in hoch gemuͯte Wenne das in twang ein ruwe Vnd dienſtbere truwe Die er noch ſiner frouwen truͦg Die erbot jme ſmehe genuͦg Noch der jagete in ſin gedang Jnnen des liſcois ſprang Do er ligen ſach ſin ſwert Das jme gawan der tegen wert Mit ſtrite vſz ſiner hende brach Manig frowe er andem ſtrite ſach Die ſchilt woren ſo gedigen Jetweder lieſz den ſinen ligen Vnd gohete ſuſz zuͯ ſtrite Jetweder kam by zite Mit hertzeclicher mannes wer Obe in ſaſz frouwen ein her Jn den fenſtern vff dem pallas Vnd ſohent kampff der vor in was Do huͯp ſich erſte nuwer zorn Jetweder was ſo hoch geborn Das ſin priſz vnſanffte leit Obe in der ander v́ber ſtreit Helm vnd ſwert die littent not Sú botent den ſchilt vor ir dot Wer do der heilde ſtriten ſach Jch wene er ſin fúr komber jach Liſcois vnd giwellius Der junge ſúſſe warp alſus Frecheit vnd ellenthaffte dat Das was ſins hohen hertzen rat Er fromte manigen ſnellen ſwang Dicke er von gawanen ſprang Vnd aber wider ſere uff in Gawan truͯg ſteteclichen ſin Er gedochte ergriffe ich dich zuͯ mir Jch ſols vil wol gelonen dir Man ſach do fúres blick Vnd die ſwert vff werffen dick Vſz ellenthafften henden Sú begundent ein ander wenden Neben fúr vnd húnder ſich One not was ir gerich Sú moͯchtens one ſtriten lan Do ergreiff in her gawan Er warff in vnder ſich mit crafft Mit halſen ſollich geſelleſchafft Muͯſte mich vermiden Jch enmoͯchte ir nit erliden Gawan bat aber do ſicherheit Der was als vngereit Liſcois der do vnden lag Alſo do er von erſte ſtrites pflag Er ſprach du ſumeſt dich one not Vor ſicherheit gibe ich den dot Loſz enden dine werde hant Was mir ẏe priſes wart erkant Vor got ich bin verſluͯchet Mines priſes iſt nit geruͯchet Durch vrgeluſe mynne Der edelen hertzoginne Muͦſz mir manig werder man Den priſz zuͯ minen handen lan Du mahſt vil priſes erben Ob du mich kanſt erſterben ⸿Do dochte es kv́nig lois ſuͯn Das iſt wor ich ſol es nit tuͯn So verluͯre ich priſes hulde Erſluͯge ich one ſchulde Diſen kuͯnen helt vnverzaget Jn het ir mynne vff mich gejaget Der mẏnne mich ouch twinget Vnd mir vil kumbers bringet Wenne loſſe ich in durch ſú geneſen Ob min teil an ir ſol weſen Des enmag er nit erwenden Sol mirs glucke ſenden Wer vnſer ſtrit vor ir geſchehen Jch wene ſú muͯſſe mir ouch des jehen Das ich noch mynnen dienen kan Hie mit ſprach her gawan Jch wil durch die hertzogin Dich bẏ lehen loſſen ſin Groſſer muͯde ſú nit vergoſſen Erlieſz in vff ſú ſoſſen Von einander ferre Do kam des ſchiffes herre Von dem waſſer vff das lant Er ging vnd truͦg vff ſiner hant Ein múſſer ſprintzelin algro Es was ſin recht lehen do Wer juſtierte vff dem plan Do er das roſz ſolte han Jennes der do gelege Vnd dem der ſiges pflege Des hende ſolte er nẏgen Vnd ſinen priſz nit verſwigen Suſz zinſet man jme bluͯmen felt Das was ſin beſtes húben gelt Oder obe ſin múſſer ſprintzelin One galadern lerte pin Von anders nit gie ſin plpfluͦg Das duchte in vrbor genuͦg Er wart erborn von ritters art Mit guͯten zúchten wol bewart Ging er zuͯ gawan Den zins von dem plan Vordert er zúchteclich Gawan der ellens rich Sprach herre ich wart nẏe kouffman Jr mogent mich zolles wol erlan Des ſchiffes herre wider ſprach Herre ſo manig frouwe ſach Das úch der priſz iſt hie geſchehen Jr ſúllent mir mines rechten jehen Herre duͦnt mir recht bekant Zuͯ rechter juſt hat uwer hant Mir diſz roſz erworben Mit priſe alvmbe verdorben Wenne uwer hant in nyder ſtach Dem alle die welt je priſes jach Mit worheit vntze an diſen tag Vwer priſz ſin halp der gottes ſlag Jme freide hat enpfuͯret Groſſe ſelde úch hat gerúret Gawan ſprach er ſtach mich nẏder Des erholt ich mich ſider Sit man úch juſte zinſe*zinſen ſol + Er mag úch zins gehelffen wol Herre dort ſtot ein rinzit Das erwarp an mir den ſtrit Das nement ob ir gebietet Der ſich des roſſes nietet Das bin ich es muͯſz mich hinnān tragen Solt ir halt nẏemer roſz beẏagen Jr nennent recht wolt ir das nemen Do endarff úch nẏemer des geſchemen Das ich zuͯ fúſſe von hinnan ge Wenne das dete mir zuͯ we Solt diſz roſz uwer ſin Das ſo ledeclichen min Was dannoch huͯte fruͯ Wolt ir gemaches griffen zuͯ So ritent ir ſanffter einen ſtap Diſz roſz mir ledeclichen gap Orilus der burgunſcois Vrians de pontortois Het mir es ein wile verſtoln Einer mulin voln Mochten ir noch E gewinnen Jch kan úch anders mẏnnen Sit er úch duncket alſo wert Vor das roſz das ir hie gert Habent úch den man der es vor reit Jſt jme das liep oder leit Do kere ich mich vil wenig an Do frouwet ſich der ſchiff man Mit lachendem munde er ſprach So riche gobe ich nẏe geſach Wem ſú recht were Vnd zuͯ enpfohen gebere Doch herre wellent irs ſin min wer V́wer gelten iſt vil maniger Fúr wor ſin priſz was ye ſo hel Fúnff hundert roſz ſtarck vnd ſnel Vngerne ich fúr in neme Wenne es mir nit gezeme Wolt ir mich machen rich So werbent ritterlich Moͯgent ir ſin ſo gewaltig ſin So antwurtēnt in mir in dēn kocken min Vnd kúnnent ir wúrdickeit wol tuͯn Do ſprach des kv́nniges lohs ſuͯn Beide drin vnd fúr Vntze jnnenhalp der túr Antwurte ich in úch gefangen So werdent ir wol enpfangen Sprach der ſchiffman des groſſer dang Was mit nẏgen nit zuͯ krang Do ſprach er lieber herre min Dar zuͯ ruͯchent ſelbes ſin Mit mir hint durch gemach Glich ere nẏe geſchach Do keinem feriem min genoſz Man pruͯffet mir das fúr ſolt groſz Behalt ich alſus werden man Do ſprach min herre her gawan Des ir gert des ſúllent ir bitten Mich hat groſſe muͯde v́ber ſtritten So das mir ruwens were not Diſz mir diſz vngemach gebot Die keikan wol ſuͯſſe ſuren Vnd dem hertzen freide túren Vnd der ſorgen machen rich Dem eniſt vff erden nit glich Ouwe ſundeclich verluſt Die ſencket mir min bruſt Die E der hohe gerte Do mich got freide werte Do lag ein hertze vnden Jch wene das iſt verſwunden Wo ſol ich nuͯ troſt holn Muͯſz ich one helffe doln Noch mynne ſollich ruwe Pfliget ſú wiplicher truwe Sú ſol mir freide meren Die mich kan verſeren ⸿Der ſchiffemānn hort das er rang Mit ſorge vnd des in mynne twang Do ſprach er herre iſtes iſt hie recht Vff dem plan vnd in dem forecht Vnd aldo clinſor herre iſt Zagheit noch mynnes liſt Fuͯgens anders nit wenne ſo Húte ruwig morgen fro Es iſt úch lichte vnbekant Gar offentúr iſt alles dis lant Suſz wert es nacht vnd tag By manheit ſelde helffen mag Die ſunne kan ſo nẏder ſtan Herre ir ſúllent zuͯ ſchiffe gan liij Alſo lẏſcoẏſen der ſchiffman her gawan zuͯ ſchiff fuͯrte vnd vber mer wolte DEs bat in der ſchiffman Liſcoiſen fuͦrt gawan Mit jme dannan vff den wag Gedulteclich one allen bag Man den helt des vorgen ſach Der ferie zoch das roſz hin nach Suſz fuͯren ſú aber an den ſtat Der verige gawanen bat Sint ſelbes wurt in mynem huſe Das ſtūnt alſo das artuſe Zú nantes do er dicke ſaſz Nicht dorfft han gebuwen baſz Do fúrte er liſcoiſen in Der wurt vnd das geſinde ſin Sich des vnder wunden An den ſelben ſtunden Der wurt zuͯ ſiner dochter ſprach Dú ſolt ſchaffen guͯt gemach Minem herren der hie ſtet Jr zweẏ mit einander get Nuͯ diene jme vnverdroſſen Wir hant ſin vil genoſſen Sinem ſuͯn enpfalch er gringuleten Des die maget was gebetten Mit groſſer zucht das wart getan Mit der megede gawan Vff ein kemnoten ging Den veſterich vber ving Nuͯ wiſz bluͯmen vnd wol gefar Worent dar vff geſnitten dar Do entwoppen in die ſuͯſſe Got úch des dancken muͯſſe Sprach gawan es iſt mir not Wenne das mans úch von hoffe gebot So dienent ir mir zuͯ ſere Sú ſprach ich diene úch mere Herre noch uweren hulden Denne von anderen ſchulden Des wurtes ſuͦn ein knappe truͦg Senffter bette dar genuͦg An die want gegen der túr Ein teppich wart geleit dar fúr Do ſolte gawan ſitzen Der knappe truͯg mit witzen Ein kulter ſo gemal Vff das bette von rotem zendal Dem wurt ein bette wart geleit Dar noch ein ander knappe treit Dar fúr diſchelachen vnd brot Der wurt den beiden das gebot Do ging die huſz frouwe nach Do die gawanen ſach Sú enpfing in hertzeclich Sú ſprach ir habent vns rich Nuͯ alrerſt gemachet Herre vnſer ſelde wachet Der wurt kam das waſſer man dar truͦg Do ſich gawan getwuͦg Ein bette er nicht vermeit Er bat den wurt geſellicheit Lont mit mir eſſen diſe maget Herre es iſt ſú gar vertaget Das ſú mit herrēn eſſe Oder in ſo nohe icht ſeſſe Sú wúrde licht mir zuͦ her Doch hant wir uwer groſſen mer Dochter leiſte alle ſin ger Des bin ich mit der volge wer Die ſuͯſſe wart von ſchāmme rot Doch det ſú das der wurt gebot Zuͯ gawan ſaſz frouwe bene Starcker ſuͯne zwene Hette der wurt erzogen Nuͯ hette das ſprintzelin erflogen Des obendes drẏe galander Die hieſz er mit einander Gawanen tragen alle drẏ Vnd ein ſalſen dar by Die jungfrouwe nit vermeit Mit guͯten zúchten ſú ſneit Gawanen ſuͯſſe múrſel Vff einem blancken waſtel Mit ir cloren henden Do ſprach ſú ir ſúllent ſenden Diſer volvogel einen Wenne ſú hat do keinen Herre miner muͯter dar Er ſprach zuͦ der megde wol gefar Das er gerne iren willen dete Dar an oder was ſú bete Ein galander wart geſant Der wúrttinne gawanes hant Wart mit zúchten des genigen Vnd des wurtes dancken nit verſwigen Do bracht ein des wurtes ſuͯn Partzelen vnd latuͦn Gebrochen in den vineger Zuͯ groſſer crafft das vnweger Jſt die lenge ſolliche nar Man wurt ir ouch nit wol gefar Sollich farwe duͯt die worheit kunt Die man ſlouffet in den munt Geſtrichen farwe vff das fel Jſt ſelten worden lobes hel Wellich wiplich hertze ist ſtete gantz Jch wene die treit den beſten glantz Kunde gawan guͯten willen zern Des moͯchte er ſich do wol genern Nie muͯter gúnde irem kinde baſz Denn jme der wurt des brot er aſz Do man den tiſch hin dan enpfing Vnd die wúrtinne vs geging Vil bette man do vff do treit Die wurdent gawan geleit Eines was ein plumit Die ziech ein gruͯner ſamit Es was ein ſamit baſthart Das nicht von der hohen art Ein kulter wart des bettes tach Nicht wenne durch gawanes gemach Mit einem pfelle ſunder golt Ferre in heidenſchafft geholt Geſteppfet vff den palmat Dar v́ber zoch man linde wat Zweẏ lilachen ſne gefar Man leit ein man kúſſen dar Vnd der megede mantel einen Hermin nuwen reinen Mit vrlobe er es enpfing Der wurt E das er ſloffen ging Gawan allein iſt mir geſaget Bleip aldo mit jme die maget Het er icht hin zuͯ ir begert Jch wene ſú hette es in gewert Er ſol ouch ſloffen obe er mag Got húte ſo kompt der tag Groſſe muͯde jme zoch die ougen zuͯ Suſz ſlieff er vntze des morgens fruͯ liiij Alſo her gawan ging in dem boumgảr=ten ſpatzieren DEr nuͯ welle der verneme Obe jme ſin muͯt ge ſteme Hie ſlichet ein offentúreher Des bin ich gawanes wer Die pruͯffet man zuͯ ſollicher not Die nicht glichet wenne der dot Sú pfliget angeſtlicher ſit Doch fert do priſz vnd ere mit Wem aldo gelinget Dar noch ſú freide bringet Nuͯ min herre her gawan gepflag Guͯter ruͯwe vntze an den tag Do erwachete der wigant Einhalp der kemnoten want Vil fenſter hette do verglaſz Der fenſter eines offen was Gegen dem boumgarten Dar in ging durch warten Durch lufft vnd durch den vogel geſang Sin ſitzen wart do nit zuͯ lang Er koſe ein burg die er des obendes ſach Do jme die offentúre geſchach Vil frouwen vff dem pallas Maniger vnder in vil ſchoͯne was Es duchte in ein wunder groſz Das die frouwen nit verdroſz Jr wachens das ſú ſlieffen nicht Dannoch der tag was nit zuͯ licht Er dochte ich wil in zuͯ eren Ouch von hinnan keren Wider an ſin bette er ging Der megde mantel v́ber ving Jn das was ſin decke Obe man in icht do wecke Nein das were dem wurte leit Die maget durch geſellicheit Aldo do ſú vor ir muͯter lag Brocht ir ſloffe des ſú E pflag Vnd ging hin zuͯ dem gaſte Der ſlieff dannoch alſo faſte Die maget ires dienſtes nit vergaſz Vor das bet vff den teppich ſú ſaſz Die clore jungfroͧwe Bẏ mir ich ſelten ſchouwe Das mir obens oder fruͯ Sollich offentúre ſleich zuͯ Bẏ einer wile gawan erwachete Er ſach an ſú vnd lachete OVnd ſprach got halt úch frouwelin Das ir durch den willen min Vweren ſloff ſuſz brechent Vnd an úch ſelber rechent Das ich nit han gedienet dar Do ſprach die maget wol gefar Vwer dienſt wil ich enbern Jch enſol nit wenne hulde gern Herre gebietent v́ber mich Wa*Was ir gebietent das leiſte ich Alle die mit minem vatter ſint Beide min muͦter vnd ir kint Súllent úch jemer zuͯ herren han Jr habent ſo wol an vns getan Er ſprach ſint ir icht lange komen Hette ich uwer kunfft E vernomen Das were mir liep durch frogen Wolt úch des nit betrogen Das irs mir geruͯchent ſagen Jch han in diſen zwein tagen Vil frouwen ob mir geſehen Von den ſúllent ir mir verjehen Durch uwer guͯte wer die ſin Do erſchracke das jungfrouwelin Sú ſprach herre nuͯ frogent es nicht Jch bin die es nẏemer úch vergicht Jch kan úch nit von jme geſagen Obe ich es weiſz ich ſolte es vertagen Lontz úch von mir nit ſwere Vnd frogent ander mere Das rote ich wellent ir volgen mir ⸿Gawan ſprach aber wider zuͯ ir Mit froge er ging dem mere noch Vmb alle die frouwen die er do ſach Sitzen vff dem pallas Die maget ſo getruwe was Das ſuͯ von hertzen weinde Vnd groſſe clage erſcheinde Dannoch was es harte fruͯ Jnnen des ging ir vatter zú Der lieſſe es one zúrnen gar Ob die maget wol gefar Jchtes do were getwungen Vnd obe do was gerungen Dem geborte ſú glich Die maget zúchten rich Wenne ſú dem bette nohe ſaſz Do lieſſe ir vatter one haſz Er ſprach dochter nuͯ weine nicht Was in ſchimpff alſus geſchicht ⸿Gawan ſprach hie iſt nit beſchicht Wenne das wir vor úch wellent jehen Jch froget diſe maget ein teil Das duchte ſú ein min vnheil Vnd bat mich das ich es lieſſe Obe úch das nit verdrieſſe So lont min dienſt vmb úch bejagen Her wurt das ir mirs ruͯchent ſagen Vmb die frouwe obe vns hie Jch erfrieſch in allen landen nẏe Do man moͯchte ſchouwen So manige clore jungfrouwen Mit ſollichem gebende Der wurt want ſin hende Er ſprach frogent nit durch got Herre do iſt *not obe aller not So muͯſz ich doch uweren kumber clagen Sprach gawan wurt ir ſúllent mir ſagen War vmb iſt úch min frogen leit Herre durch uwer manheit Do konnent ir frogen nit enbern So wellent ir licht fúrbas gern Das leret úch hertzen ſwere Vnd machet vns freiden lere Mich vnd alle min kint Die úch zuͯ dienſt erborn ſint Gawan ſprach ir ſúllent mirs ſagen Wellent aber ir mirs gar vertage Das uwer mere úch vergat Jch freiſch doch wol wie es do ſtat ⸿Der wurt ſprach mit truwen Herre ſo muͦſz mich ruwen Das úch des frogens nit befilt Jch wil úch lihen einen ſchilt Nú woppent úch vff einen ſtrit Zuͯ terre marnaile ir ſit Lot marnaile iſt ouch hie Herre es wart verſuͦchet nẏe Vff ſcahel marnaile die not Vwer leben wil in den dot Jſt úch offentúre bekant Was ẏe geſtreit uwer hant Das was ouch gar ein kindes ſpil Nuͯ nohet úch ruweberi zil Gawan ſprach mir were leit Obe min gemach one arbeit Von diſſen frouwen hinnan ritte Jch verſúchete E baſz ir ſitte Jch habe ouch E von in vernomen Sit ich ſo nohen nuͯ bin komen So enſol mich nit betragen Jch wil es durch ſú wagen Der wurt mit truwen clagete Sinem gaſt er do ſagete Aller komber iſt ein wicht Wenne dem zuͯ lidende geſchicht Diſe groſſe Offentúre Die iſt gar vngehúre Fúr wor vnd one liegen Herre ich kan nit triegen Do gawan den priſz erkante An die forchte er ſich wnút wante Er ſprach nuͯ gebt mir ſtrites rat Obe ir gebietent ritters tat Sol ich hie leiſten ruͦchet es got Vweren rat vnd uwer gebot Wil ich jemer gerne han Her wurt es w*were miſſetan S*Solt ich ſuſz hinnan ſcheiden Die lieben vnd die leiden Hettent mich fúr einen zagen Alrerſt der wurt begunde clagen Wenne jme ſo leide nye geſchach Zuͯ gawan er do ſprach Obe das got erzeigete Das ir nit ſint veige So werdent ir herre diſes Was frouwen hie ſtat pfandes Die ſtarckes wunder her betwang Das noch nẏe ſtrites priſz errang Manig ſariant vnd edele ritterſchafft Obe die erloͯſet uwer crafft So ſint ir priſz geheret Vnd hat uch got wol geheret Jr moͯcht mit freiden herre ſin Vber manigen liechten ſchin Frouwen von manigen landen Wer jehe úch des zuͯ ſchanden Obe ir hinnan ſcheiden ſuͯs Sit liſcois giwellivs V́ch ſinen priſz geloſſen hat Der manige ritterlich getat Gefrompt hat der ſúſſe Von recht ich in alſus gruͯſſe Min ellen iſt ſin ritterſchafft So manige tugent die gottes crafft Jn mannes hertze nẏe geſtieſz One ithern von gahevies Der itern von nantes ſluͦg Min ſchiff in geſtern v́ber truͦg Er het mir fúnff roſz gegeben Got in mit ſelden loſſe leben Die hertzogin vnd kv́nige ritten Was er hette ob in erſtritten Das wart zuͯ pelrapeir geſaget Jr ſicherheit hat er be iagetbejaget Sin ſchilt treit maniger juſte mol Er reit hie forſchende vmb den grol Gawan ſprach war iſt er komen Sagent mir wurt hat er vernomen Do er ſo nohe was hie by Das diſe offentúre ſẏ Herre er hat es nit erfarn Jch kunde mich des wol bewarn Das ichs jme zuͯ gefuͯge Het ir ſelbes frogens nit erdacht Niemer werent irs ijnnen bracht Von mir was hie meres iſt Mit foͯrchten ſtarp ein ſtrenger liſt Welt ir nicht erwinden Mir vnd mẏnen kinden Geſchach ſo rechte leide nẏe Ob ir den lip verlierent hie Solt ir priſz behalten Vnd diſz landes walten So hat min armuͯt ende Jch getruwe des uwer hende Sú hohe mich mit richeit Mit freiden liep vnd leit Mag uwer priſz hie erwerben Solt ir nit erſterben Nuͦ woppen úch gegen kumber groſz Dannoch was gawan albloſz Er ſprach tragent mir minen harneſch her Der bette was der wurt ſin wer Von fuͯſz vff woppent in do gar Die ſuͯſſe maget wol gevar Der wurt noch dem roſſe ging Ein ſchilt an ſiner wende hing Der dicke vnd alſo her was Do von doch gawan ſit genaſz Schilt vnd roſz jme wurden bracht Der wurt alſo was bedacht Das er wider fúr in ſtunt Er ſprach herre ich duͯn úch kunt Wie ir ſúllent geboren Gegen uwers ferhes foren Minen ſchilt den ſúllent ir tragen Der iſt durchſtochen vnd durchſlagen Wenne ich ſtrite ſelten Wes moͯcht ir denne engelten Herre wenne ir vff hin komet Ein ding zuͯ dem roſſe fromet Ein kremer ſitzet vor dem tor Dem lont das roſz hie vor Kouffent vmb in ir ruͦchent was Er behaltet úch das roſz deſter baſz Ob irs jme verſetzet Werdent ir nit geletzet Jr moͯgent das roſz gerne han Do ſprach min herre her gawan Sol ich nit zú roſſe riten in Nein herre aller der frouwen ſchin Jſt vor úch verborgen So nohet es den ſorgen Den pallas vindent ir eine Weder groſſe noch cleine Vindent ir nicht das do lebe So wolt es die gottes gebe So ir in die kemnaten get So lot marnaile do ſtet Das bet vnd die ſtollen ſin Von marrach de mahimúrmelin Des crone vnd alle ſin richeit Wer das dar gegen geleit Do mit es were verhvergolten nicht Dar an zuͯ liden úch geſchicht Was got an úch wil meinen Noch freide er muͯſſe erſcheinen Gedenckent herre ob irs ſint wert Diſer ſchilt vnd uwer ſwert lv Loſſent nẏergent von komen So ir wenent das ende han genomen Vwer komber groſſelich Denne alrerſt ſo hebet er ſich Alſo gawan vff ſaſz vnd hin weg reit von der jungfrouwen in den ſtrit DO gawan vff ſin roſz geſaſz Die maget wart an freidēn laſz Alle die do woren clageten Wenig ſú des getageten Er ſprach zuͦm wurt gan mirſz gotdgot Vwer getruwelich vrbot Das ir min ſuſz pflogent Geltes mich nit betrogent Vrlop er zuͯ der me*megede nam Die groſſes jomer wol gezam Er reit hin ſú clagetent hie Obe ir nuͯ gerne hortent wie Gawan do geſchehe Deſte gerner ich es úch verjehe Jch ſage úch alſo ichs han vernomen Do er was fúr die porte komen Er fant den kremere Vnd des krome nit lere Do lag jnne veile Das ichs were der geile Hette ich alſo riche habe Gawan fúr jme erbeiſſet abe So richen marcket er nie geſach Alſo jme zuͯ ſehen do geſchach Der krome was ein ſamit Viere ecke hoch vnd wit Was dar jnne veile lege Das er mit gelte wider wege Der barug von baldag Vergúlte nit das das jnne lag Alſo endete der katholico Von krranculat de kriechen ſo Stunt das man horte dar jnne fant So vergúlte es nicht des keiſers hant Mit jenner zweẏer ſtúr Das krome gewant das was túr Gawan ſin gruͯſſen ſprach Zuͯ dem kremer do er geſchachgeſach Was wunders do lag feil Noch ſiner moſſe teil Bat jme zeigen gawan Gúrtel vnd fúrſpan Der kremer ſprach ich han fúr wor Hie geſeſſen manig jor Das nẏeman geturſte ſchouwen Nicht wenne werde frouwen Was in mẏme krome liget Obe uwer hertze manheit pfliget So ſint ir alles herre Es iſt gefuͯret ferre Habent ir den priſz an úch genomen Sint ir durch offentúre komen Herre ſol úch gelingen Lichte ir mogent gedingen Vmb mich was ich feiles han Das iſt úch gar denne vndertan Farent fúrbas lont es walten got Hat úch plimamot Der ferie her gewiſet Manig frouwe priſet Vwer komen in diſz lant Obe ſú erloͯſet uwer hant Wolt ir noch offentúre gon So lont das roſz alle ſtille ſton Des huͯte wolt irs an mich lan Do ſprach min herre her gawan Were es in uweren moſſen Jch wolte es úch gerne loſſen Nuͯ entſitze ich uwer richeit So richen marſchalg es erleit Nie ſit ich dar vff geſaſz Der kremer ſprach one allen haſz Herre ich ſelbe vnd al min habe Was moͯchte ich mere nuͯ ſprechen dar abe Das iſt wor ſolt ir hie geneſen Weſz ſúllent ir blibillicher weſen Gawanen ſin ellen lerte Zú fuͯſſe er fúrbas kerte Manlich vnd vnverzaget Alſo ich úch E han geſaget Fant er der búrge wite Das jegeliche ir ſite Stunt mit buwelicher wer Vor allem ſturm nit ein ber Gebe ſú zuͯ driſſig joren Obe man ir wolte foren Enmitten dar vff do logen anger Das lech felt iſt langer Vil túrne obe den zinnen ſtunt Vns duͦt die offentúre kunt Do gawan den palas ſach Dem was alvmbe ſin tach Recht alſo pfouwen gefider gar Liecht gemal vnd ſo gefar Weder regen noch der ſne Det des taches blicke we Jnnen er was gezieret Vnd wol gefeitieret Der fenſter ſúle wol ergraben Dar vff gewelbe hoch erhaben Dar in bette ein wunder Lag her vnd dar beſunder Kultern mānger ſlachte Logen dar vff von rich*richer achte + Do die frouwen woren geſeſſen Die hettēnt nit vergeſſen Sú werent denne gegangen Von in wart nit enpfangen Jr freiden kunfft ir ſelden tag Der gar an gawanen lag Muͯſten ſú in doch han geſehen Was moͯchte in lieber ſin beſchehen Jr do kein das duͯn ſolte Wie er in dienen wolte Do worent ſú doch vnſchuldig an Do ging min herre her gawan Beide her vnd dar Er nam des pallas war Vnd ſach an einer wende Jch weiſz zuͯ werder hende Ein túre wit offen ſton Do jnne halp jme ſolte ergon Hohes priſes erwerben Was obe er ſolte ſterben ER ging zuͯ dem Kemnaten in Der was ir eſterich ſchin Luter helle alſo ein glaſz Do let marnaile was Das bette von dem wunder Vier ſchiben lieffen dar vnder Von robinen liecht ſinwel Das der wint wart nie ſo ſnel Do worerworen do die ſtollen vff gekloben Den eſterich muͦſz ich loben Von jaſpis vnd criſolt Von ſordane alſo er wolt Clinſor der des erdacht Vs manigen landen bracht Sin liſteclichen wiſzheit Werg das her an was geleit Der eſterich was ſo ſleiff Das gawan kume aldo begreiff Mit den fuͯſſen ſtúr Er ging noch offentúr Jemer alſo dicke er drat Das bette fuͯre von ſiner ſtat Das E was geſtanden Gawan wart enblanden Das er den ſweren ſchilt getruͦg Den jme ſin wurt befalch genuͦg Er gedochte wie kome ich zuͯ dir Wilt du wencken ſus von mir Jch ſol dich jnnen bringen Obe ich dich moͯge erſpringen Do geſtunt jme das bette vor Er huͦp ſich zuͯ dem ſprunge enbor Vnd ſpang enmitten dar an Die ſnelheit freiſchet do kein man Wie das bette her vnd dar ſich ſtieſz Der vier wende do keines lieſz Mit hurte an ẏegelich es ſwang Das al die burg do von erclang Suſz reit er manigen komber groſz Was der turne ẏe gedoſz Vnd alle buſunere Obe der erſte were Bẏ dem jungeſten dar in Vnd blieſen noch gewin Es durfft nit me do krachen Gawan muͯſte wachen Wie er an dem bette lege Wes der helt do pflege Des galmes het in ſo bevilt Das er zuckete v́ber ſich den ſchilt Er lag vnd lieſſe es walten Den der helffe hette behalten Vnd den den der do helffe nit verdroſz Wer in ſinem komber groſz Helffe an in geſuͦchen kan Der wiſe hertzehaffte man Wo dem komber wurt bekant Der ruͯffet an die hoͯheſten hant Wenne die treit helffe rich Vnd hilffet helffelich Das ſelbe ouch gawan geſchach Dem er ẏe ſines priſes jach Sinen creffteclichen guͯten Den bat er ſich behuͯten Nuͯ gawan das krachen ende So das die vier wende Glich worent gemeſſen dar Aldo das bette wol gefar An dem eſterich emmitten ſtunt Do wart jme groſſer angeſt kunt Fúnff hundert ſtabe ſlingen Mit liſteclichen dingen Zuͯ dem ſwang worent bereit Der ſwang gap in geleit Vff das bette aldo er lag Der ſchilt alſo ſollicher herte pflag Das ers enpfant vil clein Es worent waſſer ſtein Beide ſinwel vnd hart Etwenne der ſchilt doch dunckel wart Die ſtein worent ouch verbolt Er hette ſelten E gedolt So ſwinde wurffe vff in geflogen Nú was zem ſchriff vff gezogen Fúnff hundert armbraſt oder mer Die hetten alle glichen ker Recht vff das bette aldo er lag Wer ſollicher noͯte ẏe gepflag Der mag erkennen pfile Das werte kurtze wile Vntze das ſú woren verſnurret gar Wi*Wer wil gemaches nemen war Der kome an ſollich bette nicht Gemaches jme do niemans gicht Es moͯchte jugent werden gro Des gemaches aldo Gawan an dem bette fant Dannoch ſin hertze vnd ſin hant Der zageheit lag allein Die pfile vnd ouch die ſtein Hettent in nicht gar vermitten Zuͯ quaſcieret vnd verſnitten Was er durch die ringe Do hette er gedinge Sin komber were ein ende Dannoch mit ſiner hende Muͯſte er priſz erſtriten An den ſelben ziten Det ſich vff gegen jme ein tor Ein ſtarcker bure ging dar vor Der was freiſchelich getan Von viſch húten truͦg er an Ein ſarkot vnd ein bonit Vnd des ſelben zwo hoſen wit Einen kolben er in der hende truͦg Des kúlle groſſer denne ein kruͦg Er ging gegen gawane her Das was nẏergent doch ſin ger Wenne in ſins komens do verdroſz Gawan gedochte dirre iſt bloſz Sin were iſt gegen mir harte laſz Er richte ſich vff vnd ſaſz Alſo obe jme nyndert were lit Jeme*Jemer trat hinder einen trit + Alſo obe er wolte entwichen Vnd ſprach doch zorneclichen Jr bedúrfft mich entſitzen nicht Jch fuͯge aber wol das úch geſchicht Do von ir den lip zuͯ pfande gebt Von des túffels crefften ir noch lebt Sol úch der hie han ernert Jr ſint doch ſterbens vnerwert Den bringe ich úch wol jnnen Alſo ich nuͯ ſcheide hinnen Der vilan trat wider in Gawan mit dem ſwerte ſin Von ſchilt ſluͦg die zuͯ ein Wenne die pfile alle gemein Woren hin durch gedringen Das ſú in den ringen clingen Do horte er einen bronnen Alſo der wol zwentzig trōmmen Sluͯge do zuͯ dantze Sin feſter muͯt der gantze Den die wore zageheit Nie verſert noch verſneit Er dochte was ſol mir geſchehen Jch moͯchte jme wol kombers jehen Wil ſich min komber meren Zuͯ wer ſol ich mich keren Nuͯ geſach er gegen gebures túr Ein ſtarcker louwe ſprang her fúr Der was alſo ein roſz ſo hoch Gawan der ẏe gerne floch Den ſchilt er mit den riemen nam Er det alſo es der were gezam Er ſprang vff dem erſterich Do was durch hunger freiſchelich Diſer ſtarcke louwe groſz Des er doch wenig do genoſz Mit zorne lieffe er an den man Zuͯ were ſtunt her gawan Er hette jme den ſchilt nohe genomen Sin erſter griff was alſo komen Durch den ſchilt mit allen den clan Von tiere ẏe ſelten wart getan Ein griff durch ſollich herte Gawan ſich zuckes werte Ein bein hin *abe er jme ſwang Der louwe vff drin bein ſprang Jn dem ſchilt bleip der werde fuͯſz Mit bluͦte gap er ſollichen guͦſz Das gawan faſte moͯchte ſtan Her vnd dan begunde es began Der louwe ſprang dick an den gaſt Durch die naſe manigen pfnaſt Det er mit bleckenden zenen Wolt man in ſollicher ſpiſe gewenen Das er guͯte lúte geſſe Vngerne ich by jme ſeſſe Es was ouch gawan leit Der vff den lip do mit jme ſtreit Er hette in ſo geletzet Mit bluͯt wart genetzet Alle die kemnaten gar Mit zorne ſprang der louwe dar Er wolte in zucken vnder ſich Gawan det jme einen ſtich Durch die bruſt vntze an die hant Von des louwen zorn verſwant Wenne er ſtruchte nẏder dot Gawan hette die groſſe not Mit ſtrite v́ber wunden Jn den ſelben ſtunden Docht er was iſt mir nuͯ guͦt Jch ſitze vngerne in *diz bluͯt Ouch ſol ich mich des wol bewarn Diſz bette kan ſo vmb farn Das ich dar an ſitze oder lige Obe ich rechter witze pflige NV́ was jme ſin houbet Mit wurffen ſo betoubet Vnd do ſine wunden So bluͯten begunden Das in ſin ſnellich crafft Gar lieſſe mit ir geſelleſchafft Durch ſwindelin er ſtruchen pflag Das jme das houbet vff dem louwen lag Der ſchilt viel nider vnder in Gewan er ẏe crafft oder ſin Die worent jme beide enpfuͯret Vnſanfft er was geruͯret Wenne aller ſin det jme entweich Sin want kuſſen vnglich Was dem das gimmele Von munt ribbele Die ſuͯſſe die wiſe Legete kaheniſe Dar vff er ſinen priſz verſlieff Der priſz gegen diediſem manne lieff Wenne ir habent das wol vernomen Wo mit er was von witzen komen Das er lag vnverſunnen Wie des wart begunnen Verholen wart beſchouwet Das mit bluͯte was betouwet Der kemnaten eſterich Sú beide dem dode worent glich Der louwe vnd gawan Ein jungfrouwe wol getan Mit forchten lúget oben in Des wart vil bleich ir ſchin Die ſuͯſſe ſo verzagete Das es die alte clagete Arniwe die wiſe Dar vmbe ich ſú noch priſe Das ſú den ritter nerte Vnd jme do ſterben werte Sú ging ouch do durch ſchouwen Do wart von der frouwen Zuͦ dem fenſter oben in geſehen Das ſú ẏetweders moͯchte jehen Jr kúnffteclicher freiden tage Oder ẏemeer hertzecliche clage Sú forchte der ritter were dot Des lerte ſú gedanckes not Wenne er ſus vff dem louwen lag Vnd anders keines bettes pflag Sú ſprach mir iſt von hertzen leit Obe din getruwe manheit Sin werdes leben hat verlorn Haſt du den dot alhie erkorn Durch vil ellende diet Sit din truwe das geriet Mich erbarmet ẏemer dine tugent Du habeſt alter oder jugent Zuͯ allen den frouwen ſú do ſprach Wenne ſú den helt do ligen ſach Jr frouwen die des pflegen Rúffent alle got vmb ſinen ſegen Sú ſante zwo jungfrouwen dar Vnd bat ſú recht nememnemene war Das ſú ſanfft ſlichen E das ſú denne entwichen Vnd ſú ir brechten mere Obe er bẏ dem leben were Oder obe er were verſcheiden Das gebot ſú den beiden Die ſuͯſſen megede beide meine Obe ir *do weders icht weine Do ſú in ſuſz ligen funden Das von ſinen wunden Der ſchilte mit blúte ſwebete Sú beſohent obe er lebete Jr ein mit ir cloren hant Den helm von ſinem houbete bant Vnd ouch die fantalen ſin Do lag ein cleines ſchúmelin Do vor ſinem roten munde Nuͦ warten ſú begunde Obe er den otem ẏendert zúge Oder obe er ſú des lebens trúge Des lag dennoch ir ſtrit Vff ſinem kurſit Von zabele woren zweẏ gunpelun Alſo ilmot der brituͦn Mit groſſem priſe woppen truͦg Der bracht wurdikeit genuͯg Jn der jugent an ſin ende Die maget mit ir hende Des zobels roufft vnd habet in dar Vor ſin naſen do nam ſú war Obe der otem das hore ſo reget Das es ſich iergen weget Der otem do wart funden An den ſelben ſtunden Hieſz ſẏ balde ſpringen Ein luter waſſer bringen Das brocht ſnelleclich dar Jre geſpil wol gefar Die maget ſchoup ir vingerlin Enzwuͯſchent die zene ſin Mit groſſen fuͯgen das geſchach Do goſz ſú das waſſer nach Sanfft vnd aber mere Sú goſz ẏedoch nit ſere Vff vntze erdas er die ougen ſwang Er bot in dienſt vnd ſagete in dang Den zwein ſúſſen kinden Das ir mich ſolten vinden Suſz vngezoͯglich ligen Obe das wurt von úch verſwigen Das pruͯffe ich úch fúr guͯte Vwer zucht úch dar an behuͦte Sú ſprach ir logent vnd liget Alſo der des hoheͯſten priſes pfliget Jr habent den priſz alhie bezalt Das ir mit freiden werden alt Der ſig iſt uwer húte Nuͯ troͯſtent vns armen lúte Ob uweren wunden ſy alſo Das wir mit úch weſen fro Er ſprach ſehent ir mich gerne leben So ſúllent ir mir helffe geben Des bat er die jungfrouwen Lont die wunden ſchouwen Etwen der do kúnne mitte Sol ich begon noch ſtrites ſitte So bindent mir den helm vnd gont ir hin Den lip ich gerne werende bin Sú gohen ir ſint nuͯ ſtrites fry Herre lont vns úch weſen by Wenne ein ſol gewinnen An vier kv́nniginnen Das bottent brot ir leben noch Man ſol úch bereiten doch Gemach vnd artzenie clor lvj Vnd wol mit truwen nemen war Mit ſalben ſo gehúr Die vor die quaſchúr Vnd fúr die wunden ein geniſt Mit ſenfften helffeclichen iſt Alſo her gawan zuͯ bette lag vnd gar ſere wūnt was vnd die kv́nigīnn in beſohent DEr megede eine dannan ſprang So balde das ſú nẏndert hang Vnd brachte zuͯ hoffe mere Das er by leben were Vnd alſo lebelich Das er vns freidenrich Mit freiden machet ruͯchet es got Jme iſt aber guͯter helffe not Sú ſprochen alle dem ertzis Die alte kv́nnigin wiſz Ein bette hieſz bereiten Do fúr ein teppich ſpreiten Bẏ einem guͯten fúre Salbe harte túre Wol gemacht mit ſinnen Die gewan die kv́niginnen Zer quaſchúren vnd zuͯ der wunden Do gebot ſú an den ſtunden Vier frouwen das ſú gingen Vnd ſin harneſch enpfingen Das ſú nemfft von jme nemen Vnd das ſú kunden remen Das er ſich des icht doͯrffte ſchemen Einen pfelle ſolt ir jme nemen Vnd entwoppen in in dem bat Obe danne gan ſẏ ſin ſtat Das dolt oder draget in hin Aldo ich bẏ dem bette bin Jch wart aldo der helt ſol ligen Obe ſin crafft iſt ſo gedigen Das er nicht iſt zuͯ verhe wunt Jch mach in ſchier wol geſunt Wellich ſin wunde ſtúnde zuͯ ferre Das were der freidentwerre Do mit werent ouch wir erſlagen Vnd muͯſten lebendig ſterben ſo tragen Nuͯ diſz wart alſo getan Entwoppent wart her gawan Vnd dannen geleitet Vnd helffe bereitet Von den die helffen kunden Do worent ſiner wunden Fúnfftzig oder mere Die pfile jedoch nit ſere Durch die ringe woren gedrucket Der ſchilt was fúr gerucket Do nam die alte kv́nnigin Dittamme vnd warmen win Mit einem blouwen zindal Do ſtreich ſú die bluͯtes mal Vs den wunden wo der doheine was Vnd bant in ſo das er genaſz Wo der helm was in gezogen Mit ſcharppfen treten wol gebogen Das man die wúrffe erkanterkande Die quaſchuren ſú verſwande Mit der ſalben creffte Vnd von ir meiſterſcheffte Sú ſprach ſenffte úch ſchier Condrie laſurtzier Ruͦchent mich ſo dicke *ſehen + Was von artzenie mag beſchehen Das duͯt ſú mich gewaltig wol Sit anfortas in jomers tol Kam das man jme helffe warp Die ſalbe jme halff das er nit ſtarp Sú iſt von muntſaluaſce komen Do gawan hette vernomen Montſaluaſce nennen Do begunde er freide erkennen Er wonde er were do nohe by Do ſprach der ẏe was falſches fry Gawan zuͯ der kv́niginne Frouwe mine ſinne Die womir worent entronnen Die habent ir gewonnen Wider in min hertze Ouch ſtifftet ſich min ſmertze Was ich creffte oder ſinne han Die hat uwer dienſtman Gar von uwer ſchulde Sú ſprach herre uwer hulde Súllent wir vns alle nohen Vnd des mit truwen gohen Nuͯ volgent mir redent nit zuͯ vil Eine wurtze ich úch geben wil Do von ir ſloffent das iſt guͦt Trinckens eſſens keinen muͦt Súllent ir haben vor der nacht So kompt úch wider úwer macht So dritte ich úch mit ſpiſe zuͯ Das ir wol beitent vntze fruͦ Ein wurtze ſú jme leite in den munt Do ſlieff er an der ſelben ſtunt Wol ſú ſin mit decke pflag Alſus ſlieff den dag Der eren rich vnd laſters arm Er lag ſanfft vnd jme was warm Etwenne in doch in dem ſloffe froſz Das er gehſſet vnd nohſz Alles von der ſalben crafft Von frouwen groſſe geſelleſchafft Gingent do vſz vnd in Die truͯgen liechten werden ſchin Arnuwe die alte Gebot mit irem gewalte Das ir do keine rieffe Die wile der helt do ſlieffe Sú bat ouch den pallas Beſlieſſen was do ritter was Sariande oder burger Der doheiner diſe mere Frieſch vor dem anderen tage Do kam den frouwen nuwe clage Suſz ſlieff der helt vntze an die nacht Die kv́nnigin was ſo bedacht Die wurtze ſú vs dem munde nam Er erwachet trinckens jme gezam Do hieſz dar tragen die wiſe Trincken vnd guͯte ſpiſe Er richt ſich vff vnd ſaſz Mit guͯten freiden er aſz Vil manig frouwe vor jme ſtunt Jme wart nẏe *werder dienſt kunt Jr dienſt mit zúchten wart getan Do pruͯffete min herre her gawan Diſe die vnd aber jene Er wachſſet in der alten ſene Noch vrgeluſe der cloren Wenne jme in ſinen joren Nie wip ſo nohe geging Etwo do er mẏnne enpfing Oder do jme mynne was verſaget Do ſprach der helt vnverzaget Zuͯ ſiner meiſterin Der alten kv́nnigin Froͧwe es krencket mine zucht Jr múgent mirs jehen fúr vngenucht Súllent diſe frouwen vor mir ſtan Gebietent in das ſú ſitzen gan Oder heiſſent ſú mit mir eſſen Alhie wurt nit geſeſſen Von ir do keiner vntze an mich Herre ſú moͯchten ſchammen ſich Soltens úch nit dienen vil Wenne ir ſint vnſer freiden zil Doch herre was ir gebieten in Das ſúllent ſú leiſten haben wir ſin Die edelen mit der hohen art Worent ir zucht des bewart Wenne ſú es mit willen doten Jr ſuͯſſe muͯnde in boten Do ſtende vntze er geſſe Das ir do keine ſeſſe Do das geſchach ſú gingent wider Gawan ſich leite ſloffen nyder WEr jme nuͯ ruͦwe neme Obe ruͦwens jme gezeme Jch wemwene der hette es ſúnde Noch der offentúren ir kúnde Hette er ſich gearbeitet Gehohet vnd gebreitet Sinen priſz mit groſſer not Was der werde lantzelot Vff der ſwert brucke er leit Vnd ſit mit meliantz ſtreit Das was gegen diſer not ein nicht Vnd des man gar elle gicht Dem ſtoltzen kv́nnige rich Der alſo ritterlich Den louwen von dem pallas Warff der do zuͯ nantes was Garel ouch das meſſer holt Do mit er komber dolt Jn der marmerin ſúl Truͯg diſe pfile ein múl Er were geladen wol do mitte Die gawan durch ellens ſitte Gegen ſinem verhe ſnurren lieſz Alſo in ſin manlich hertze hieſz Ligweis prellius der fúrt Vnd ereg der ſcheidelin kúrt Er ſtreit ab mobonagrin Der jetweder gap ſo hohe pin Noch do der ſtoltze iwan Einen guſz nit wolte lan Vff der offentúre ſin ſtein Solten diſe komer ſin allein Gawans komber ſluͯge fúr Wege ẏeman vngemaches kúr Wellichen komber mein ich nuͯ Obe úch das duchte nit zuͯ fruͯ Jch ſolte in úch benemen gar Vrlelu*Vrgeluſe kam aldar + Jn gawans hertz gedang Die ẏe was zageheite rang Vnd gegen dem woren ellen ſtarg Wie kam das das ſich do verbarg So groſſe wip in cleiner ſtat Sú kam in einen engen pfat Jn gawanes hertze Das aller ſiner ſmertze Von diſem komer gar verswant Es was je doch ein kurtz want Do ſo lang wip jnne ſas Der mit truwen nit vergaſz Sin dienſtliches wachen Nieman ſolte es lachen Das alſus werlichen man Ein wip enſchunppfieren kan Wochri was ſol dis ſin Do duͯt frouwe mynne ir zúrnen ſchin An dem der priſz hat bejaget Werlich vnd vnverzaget Hette ſú in ẏedoch funden Gegen dem ſiechen wunden Solt ſú gewaltes verdrieſſen Er moͯchte doch des genieſſen Das ſú in on ſinen dang Wol geſunden E betwang Froͧwe wellent ir priſz bejagen Moͯcht ir úch des loſſen ſagen Vch iſt one ere diſer ſtrit Gawan lebete ſine zit Alſo uwer hulde jme gebot Das det ouch ſin vatter lot Muͯter halp alles ſin geſlecht Das ſtunt úch gar zuͯ recht Do her von mazedane Den die reine murgane Jn terre do laſchoie fuͦrte Den uwer crafft do ruͦrte Mazadans noch komen Von den iſt dicke ſit vernomen Das úch keiner nye verlieſz Jther von gahevieſz Jr jngeſuͯgel ouch truͦg Wo man vor wiben ſin gewuͦg Das wolte ir do keine ſchāmmen Wo man nante ſinen namen Obe ſú der mẏnne ir kreffte jach Nuͯ pruͯffet denne die in ſach Der woren die rechte mere komen An dem úch dienſt were benomen Nuͯ duͦt ouch gawan den dot Alſo ſime nefen ilmot Den uwer crafft do zuͯ betwang Das der junge ſuͯſſe rang Noch werder amyen Von kanadig flozien Sins vatter lant von kinde floch Die ſelbe kv́nnigin in zoch Zuͯ britane er was ein gaſt Florie in luͯt mit mẏnnen laſt Do ſú in verjagete fúr das lant Jn irem dienſt man in fant Dot alſo ir wol hant vernomen Gawans kúnne iſt dicke komen Durch mynne in hertzeberende ſer Jch nenne úch ſiner moge mer Den vouch von mynne iſt worden we Des twang der bluͯt farwe ſne Parcifals getruwen lip Das ſchuͦff die kv́nigin ſin wip Galoeſen vnd gamireten Die habent ir beide v́ber tretten Das jr ſú gobent an den re Die junge werde itonie Truͦg noch rois gramonlantz Mit ſtete truwen mynne gantz Das was gawanes ſweſter c*clor Frouwe mynne vnd teilte ouch vwer̄n vor Surdamur durch allexandern Die eine vnd die andern Was gawanes kúnne gewan Frowe mẏnne wolt in nit erlan Suͯ muͯſte dienſt gegen úch tragen Nuͯ wolt ir priſz an jme beẏagen Jr ſoltent crafft gegen crefften geben Vnd lieſſent gawanen leben Siech mit ſinen wunden Vnd twingen die geſunden Maniger hat von mẏnnen ſang Den nẏe die mẏnne alſo getwang Jch moͯchte nuͯ wol ſtille tagen Es ſoltent mẏnner clagen Was dem von norwege was Do er der offentúre genaſz Das in beſtunt der mẏnnen ſchúr One helffe gar zuͯ ſúr Er ſprach ouwe das ich erkoſz Diſz bette ruͯweloſz Eines het mich verſeret Das ander mir gemeret Gedang noch mynne Vrgeluſe die hertzoginne Múſz genode an mir begon Obe ich by genoden ſol beſten Vor vngedult er ſich do want Das braſt etlich ſin wundehant Jn ſollichem vngemach erlag Nuͯ ſehent do ſchein vff in der tag Des hette er vnſanffte erbitten Er hette do vor dicke erlitten Mit ſwerten manigen ſcharppfen ſtrit Sanffter denne die ruͯwens zit Obe komber ſich gliche dem Wellich mẏnner denne an ſich neme Der werde alrerſt wol geſant Mit pfilen alſus ſere wunt Das duͯt jme lichte alſo we Alſo ſin mẏnnen kumber E ⸿Gawan truͯg mẏnne vnd ander clage Do beguͯnde es lichten von dem tage Das ſiner groſſen kertzen ſchin Vnd ouch ſo ferrig moͯchten ſin Vff richte ſich der wigant Do was ſin linen gewant Noch wunden vnd harneſch var Suſz jme was geleget dar Hemde vnd bruͯche von buckeran Den wehſſel er do gerne nam Vnd ein garnaſte marderin Des ſelben ein kurſnelin Ob den beiden ſchúrbrant Von arros aldar geſant Zwen ſtifelen ouch do logen Die nicht groſſer enge pflogen Die nuwen cleider leit er an Do ging min herre her gawan Vſz zuͯ der kemnoten túr Suſz ging er wider vnd fúr Vntze er den richen pallas fant Sinen ougen nye wart bekant Es was gewircket mit liſte Adamas vnd amatiſte Die offentúre vns wiſſen lat Thopazie vnd granat Criſolite vnd robine Smarag vnd ſardine Suſz worent die fenſter rich Wit vnd hoch glich Alſo man der fenſter ſuͯle ſach Der art was oben al das tach Do kein ſuͯle ſtunt dar vnde Die ſich glichen kunde Der groſſen ſúle do zwúſchen ſtunt Vns duͯt die offentúre kunt Was die wunders moͯchte han Durch ſchouwen ging her gawan Vff das warthuſz eine Zuͯ manigem túren ſteine Do fant er ſollich wunder groſz Des in zuͯ ſehen nit verdroſz Jn duchte das jme do alle die lant Jn der groſſen ſúle weren bekant Vnd das die lant vmb gingen Vnd das mit herte enpfingen Die groſſen berge einander Jn der ſúle fant er Lúte riten vnd got Diſen louffen jennen ſton Jn ein fenſter er geſaſz Er wolt das wunder pruͯffen baſz Do kam die alte narniwe Vnd ir dochter ſaigwe Vnd ir dochter dochter zwo Die gingen alle vier zuͯ Gawan ſprang vff do er ſú ſach Die kv́niginne arniwe ſprach Herre ir ſúllent noch ſloffes pflegen Habent ir ruͦwens úch bewegen Dar zuͯ ſo ſint ir zuͯ ſere wunt Sol úch ander vngemach ſin kunt Do ſprach er frouwe vnd meiſterin Mir hat crafft vnd ſin Vwer helffe alſo gegeben Das ich gediene ſol ich leben Die kv́nigin ſprach ſol ich das ſpehen Das ir mir herre hant verjehen Das ich uwerin meiſterin ſy So kúſſent die frouwen alle dry Do ſint ir laſters an bewart Sú ſint erborn von kv́niges art Diſer bette was er fro Die cloren frouwen kuſte er do Sangwen vnd ithonie Vnd die ſuͯſſen condrie Gawan ſaſz ſelb fúnffte nẏder Do ſach er fúr vnd wider Zuͯ der cloren megede lip Je doch twang in das wip Die in ſinem hertzen lag Diſer megede blick ein nebel tag Was bẏ vrgeluſe gar Die duchte echt in ſo wol gefar Von logrois die hertzogin Do jagete in ſin hertze hin NV́ dis was ergangen Das gawan was enpfangen Von den frouwen allen drin Die truͦgen ſo liechten ſchin Des licht ein hertze were ver ſnitten Das do E nit komber hette erlitten Zuͯ ſiner meiſterin er ſprach Vmbe die ſúle die ſúle die er do ſach Das ſú jme ſagete mere Von wellicher art die were Do ſprach ſú herre diſer ſtein Bẏ tage vnd alle nacht ſchein Sit er mit erſte wart erkant Al vmb ſehſz mile in dis lant Was in dem zile geſchicht Jn diſer ſúle man das ſicht Jn waſſer oder vff felde Das iſt ir wore melde Es ſẏ vogel oder tier Der gaſt vnd der forechtier Die froͯmden vnd die kunden Die hat man dar jnne funden Vber ſehſz mile gar ſin glantz Er iſt ſo feſte vnd alſo gantz Das in mit ſtarcken ſinnen Kunde nẏe gewinnen Weder hāmmer noch der ſmit Er wart verſtole zuͯ tabrinit Die kv́nigin ſecundillen Jch wene des one iren willen lvij Alſo gawan den tuirkoiten nider ſtach vn̄d v́ber den ſablins das ris brach GAwan in den ziten Sach in der ſúlen riten Ein ritter vnd ein froͧwen Moͯchte er die beide ſchoͧwen Do duchte in die frouwe clor Man vnd roſz gewoppen gar Vnd der helm gezimieret Sú komen gehoſtieret Durch die paſſaſcen vff den plan Noch jme die reiſe wart getan Sú komen die ſtroſſen durch das mir Als liſcois der ſtolze fúr Den er entſchumppfieret Die frouwe conduwiere Den ritter mit dem zoume her Juſtieren was ſin ger Gawan ſich vmb kerte Sinen komer er gemerte Jn duchte die ſúle hette in betrogen Do ſach er fúr vngelogen Vrgeluſen do logroiſz Vnd einen ritter curtois Gegen dem vrfar vff den waſen Jſt die nieſewurtze in der naſen Drete vnd ouch ſtrenge Durch ſin hertze enge Kam alſus die hertzogin Durch ſin ougen oben in Gege mynne helffeloſz ein man Owe das iſt her gawan Zuͯ ſiner meiſterin er ſprach Do er den ritter komen ſach Frouwe dort fert ein ritter her Mit vff gerichtem ſper Der wil ſuͯchens nit erwinden Ouch ſol ſin ſuͯchen vinden Sit er ritterſchafft gert Strit von mir wurt er gewert Sagent mir wer mag die frouwe ſin Sú ſprach das iſt die hertzogin Von logrois die clor Wem kumpt ſú ſús zú vor Der torkeit iſt mit mir komen Von dem ſo dicke iſt vernomen Das ſin hertze iſt vnverzaget Er hat mit ſpern priſz beẏaget Es weren geeret drú lant Gegen ſiner werlicher hant Solt ir ſtriten miden nuͦ Striten iſt úch gar zuͯ fruͯ Jr ſint vff ſtrit zuͯ ſere wunt Obe ir halt werent wol geſunt Jr ſoltent doch ſtriten gegen jme lan Do ſprach min herre her gawan Jr jehent ich ſúlle herre ſin Wenne denne wer vff alle die ere min Ritterſchafft ſo nohe ſuͯchet Sit er ſtrites geruͯchet Frouwe ich ſol min harneſch han Des wart groſſes weinen do getan Von den frouwen alle vieren Sú ſprochent wolt ir zieren Vwer ſelde vnd uweren priſz So ſtritent nit do keine wiſz Legent ir do vor jme dot So wuͯhſſe erſte vnſer not Solten ir aber vor jme geneſen Wolt ir in harneſch weſen Vch nement uwer wunden das leben So ſint wir an den dot gegeben Gawan ſuſz mit komber rang Jr moͯgent wol hoͯren was in twang Fúr ſchande hette er ſich an genomen Des werden turcoiken komen Jn twungen ouch wunden ſer Vnd die mẏnne michels mer Vnd der vier frouwen ruwe Wenne er ſach an in truwe Er bat ſú weinen verbern Sin munt dar zuͯ begunde gern Harneſch roſz vnd ſwert Die frowen clore vnd wert Fuͯrtent gawanen wider Er bat ſú vor jme gen dar nẏder Do die andẻrn frouwen woren Die ſuͯſſen vnd die cloren Gawan vff ſin ſtrites fart Balde aldo gewoppent wart Bẏ weinenden liechten ougen Sú totens alſo tougen Das nẏeman frieſch die mere Nit wenne der kromere Der hieſz ſin roſz erſtrichen Gawan begunde ſlichen Aldo gringulet ſtunt Doch was er ſo ſere wunt Das er den ſchilt kume truͦg Der was túrckel ouch genuͦg Vff das roſz ſaſz her gawan Do kert er von der búrge her dan Gegen ſinem getruwen wúrt Der in vil wenig irt Alles des ſin wille gerte Eines ſpers er in gewerte Das was ſtarck vnd vnbeſchaben Er hette ir maniges vff erhaben Dort anderhalp vff ſinem plan Do bat min herre her gawan Vber ferte ſchier Jn einem vſſier Fuͯrte er in vber an das lant Do er den turcoẏen fant Wert vnd hoch gemuͦt Er was von ſchanden ſo behuͦt Das miſſewende an Jme verſwant Sin priſz was ſo hoch erkant Wer gegen jme juſtierens pflag Das der hinder dem roſz gelag Von ſiner juſte falle Suſz hette er ſú alle Die gegēn jme ẏe durch priſz geritten Mit juſtieren v́ber ſtritten Ouch det ſich vs der tegen wert Das mit ſpern ſunder ſwert Hohen priſz wolte erben Oder ſinen priſz verderben Wer aber den priſz bezalt Des er in mit juſte falt Do wurde er one wer geſehen Dem wolte er ſicherheit verjehen Gawan frieſche die mere Von der juſte pfandere Plippalinot nam alſo pfant Wellich juſte wart do bekant Das einer viel der ander ſaſz So enpfing er an ir beider haſz Diſes verluſt vnd jennes gewin Jch mein das roſz das zoch er hin Er ruͯchete ſtriten ſú genúg Wer priſz oder laſter truͦg Des lieſz er iehenjehen ſo die frouwen Sú mochtent dicke ſchouwen Gawanen er faſte ſitzen bat Er zoch jms roſz an die ſtat Vnd bot jme ſchilt vnd ſper Hie kam der turcoit her Kalopierende alſo ein man Der ſin juſte meſſen kan Weder zuͯ hoch noch zuͯ nider Gawam kam gegen jme hin wider Von montſaluaſche gringulet Det noch gawanes bet Alſo es der zoum gelerte Vff den plan er kerte Hurta lont die juſte tuͯn Hie komet des kv́nniges lotz ſuͯn Manlich one hertzen ſchrig Wo hat die helm ſnuͯiren ſtrig Des turkoiten jvſt in crafft aldo Gawan ruͯrte in anderſwo Durch die barbier Man wart wol jnnen ſchier Wer do geſelles was ſin wer An dem kurtzen ſtarcken ſper Den helm enpfing her gawan Hin reit der helm hie lag der man Der werdickeit ein bluͦme was Vntze er verdecket ſuſz das graſz Mit falle von der juſte Siner zimierde kuſte Jn dem touwe mit den bluͯmen ſtriten Gawan kam vff in geritten Vntze er jme ſicherheit verjach Der verige noch dem roſſe ſprach Das was ſin recht wer louckent dez Jr frouwetent úch gerne wuſtent ir wes Sprach vrgeluſe die clar Gawan aber zuͯ var Durch das des ſtarcken louwen fuͯſz Jn uwerem ſchilt úch volgen muͯſz Nuͯ wenent ir úch ſi priſz geſchehen Sit diſe frouwen hant geſehen Vwer juſte alſus getan Wir muͯſſent úch bẏ freiden lan Sint ir des der geile Oblet marneil So clein ſich hat gerochen V́ch iſt doch der ſchilt zerbrochen Alſo obe úch ſtrit ſol weſen kunt Jr ſint ouch licht zuͯ ſere wunt Vff ſtrites gédenſe Das dete úch we zúr genſe Vch mag durch rúmen weſen liep Der ſchilt dúrckelt alſo ein ſipp Den úch do manig pfil zerbrach Zuͯ diſen ziten vngemach Moͯcht ir gérne fliehen Lont úch den vinger ziehen Ritent wider vff zuͯ den frouwen Wie geturſten ir beſchouwen Strit den ich werben ſolte Obe uwer hertze wolte Mir dienen noch minne Er ſprach zuͯ der hertzoginne Frouwe habe ich wunden Die hant hie helffe funden Obe uwer helffe kan gezemen Das ir min dienſt rúchen nemen So wart nẏe not ſo herte erkant Jch ſy zuͯ dienſte úch benant Sú ſprach ich loſſe úch riten Me noch priſe ſtriten Mit mir geſelleclich Des wart an freiden rich Der ſtoltze werde gawan Den kurtoiten ſante er dan Mit ſinem wurt plippolinot Vff die burg er enbot Das ſin mit wurde nemen war Alle die frouwen wol gefar Gawans ſprer was gantz bliben Wie beide roſz werent getriben Mit ſporn vff juſte hurte Jn ſiner hant ers fuͯrte Von der liechten ouwe Das weinde manige frouwe Das ſin reiſe aldo von in geſchach Die kv́nigin arniwe ſprach Vnſer troſt hat jme erkorn Siner ougen ſenffte ſcharppfen dorn Owe das er nuͯ volget ſus Gegen ligweis prellius Vrgeluſen die hertzogin Das iſt ſiner wunden vngewin Vierhundert frouwen worent in clage Er reit von in priſes beyage Was jme an ſinen wunden war Die not het erwendet gar Vrgeluſe farwe gantz Die ſprach ir ſúllent mir einen crantz Von eines boumes briſe Gewinnen dar vmb ich priſe Vwer dat wolt ir michs gewern So múgent ir miner mȳnne gern Do ſprach er frouwe wo das riſz Stot das alſo hohen priſz Mir zuͯ ſelden mag beyagen Das ich úch frouwe muͯſſe clagen Noch uweren hulden mine not Das brich ich ob mich lat der dot Was do ſtunden bluͯmen liecht Die worent gegen diſer farwe nicht Die vrgeluſe brachte Gawan an ſú gedachte So das ſin erſtes vngemach Jme do keines kombers jach Suſz reit ſú mit irem gaſt Von der burg wol ein raſt Ein ſtroſſe wit vnd ſlecht Vor ein clores foreht Der art des boume muͯſte ſin Teniris vnd priſin Das was des clinſors walt Gawan der degen balt Sprach frouwe wo briche ich den crantz Des min túrckelfreide wurt gantz Er ſolt ſú han gedúhet nẏder Alſo dicke iſt geſchehen ſẏder Maniger cloren frowen Sú ſprach ich loſſe úch ſchouwen Aldo ir priſz múgen behaben Vber felt gegen einem graben Rittent ſú noſo nohen Des krantzes boum ſú ſohen Do ſprach ſú herre jennen ſtam Den heyet der mir freide nam Bringent mir dar abe ein riſz Nie ritter alſo hohen priſz Mit dienſt erwarp durch mynne Su ſprach die hertzoginne Hie wil ich min reiſe ſparn Got walt es wellent ir fúrbas farn So endorfft irs nit lengen Ellenthafftes ſprengen Muͯſt ir zuͯ roſz alſus Vber ligweis prellius Die frouwe bleip vff dem plan Fúrbas reit her gawan Er erhoͯrte eins dreten waſſers fal Das het durch brochen wit ein tal Dieff vngeferteclich Gawan der ellens rich Nam das roſz mit den ſporn Es treip der tegen wol geborn Das es mit zwein fuͯſſen trat Hin v́ber an das ander ſtat Der ſprung mit falle muͯſte ſin Des weinde ẏe doch die hertzogin Der wag was ſnel vnd groſz Gawan ſiner crafft genoſz Do trúg er harneſch laſt Das was eines boumes aſt Gewachſſen in des waſſers tran Den begreiff der ſtarcke man Wenne er dennoch gerne lebete Sin ſper do by yme ſwebete Das begreiff der wigant Er ſteig hin vff an das lant Gringulet ſwam oben vnd vnde Dem er helffen do begunde Das roſz ſo ferre hin nider floſz Des louffens in darnoch verdroſz Wenne er ſwere harneſch truͯg Er hette wunden ouch . ouch genuͦg Nuͯ treip es alſo do her Das ers er reichete mit dem ſper Aldo der regen vnd der guſz Er brochen hette witen fluſz An einer dieffen halden Das over wer geſpalten Das gringuleten nerte Mit dem ſper ers kerte So nohe her zuͯ an das lant Den zoum ergreiff er mit der hant Suſz zoch min herre her gawan Das roſz hin vff den plan Es ſchút ſich do es genaſz Der ſchilt do nit beſtanden was Er gúrte dem roſz vnd nam den ſchilt Wen ſins kombers nit befilt DAs loſz ich ſin er het doch not Sit es die mẏnne jme gebot Vrgeluſe die glantze Jn yagete noch dem crantze Das was ein ellenhaffte fart Der boum was alſo bewart Werent gawans zwen die muͯſten ir lebēn Vmb den crantz han gegeben Des pflag der kv́nnig gramonlantz Gawan brach ye doch den crantz Das waſſer das hieſz ſabins Gawan holte vnſanffte zins Do er vnd das roſz dar in bletschete Wie vrgeluſe gleſte Jch wolt ir mynne alſo nit nemen Jch weiſz wol wes mich ſol gezemen ⸿Do gawan das richriſz gebrach Vnd der krantz wart ſines helmes tag Es reit zuͯ jme ein ritter clor Dem worent ſiner zite jor Weder zuͯ kúrtz noch zuͯ lang Sin muͯt durch hochffart in betwang Wie vil ein man jme dete leit Das er doch mit dem nit ſtreit Jr werent zwene oder mer Sin hohes hertze was ſo her Was jme gedet ein man Den wolt er one ſtrit doch lan Fili roẏs irot Gawane guͯten morgen bot Das was der kv́nig gramonlantz Der ſprach herre vmb diſen crantz Han ich úch doch nit gar verzigen Min grúſz were noch vnverſwigen Ob uwer zwene weren Die das nit verberen Sú holtent hie durch hohen priſz Ab mẏnem boum alſus ein riſz Die muͯſtent ſtrit enpfohen Das ſol mir ſúſz verſmohen Vngerne gawan mit jme ſtreit Wenne der helt vnwerlich reit Doch fuͦrte der tegen her Ein múſſer ſperwer Der ſtunt vff ſiner cloren hant Jthonie het in jme geſant Gawan ſuͯſſe ſweſter Pfewin von ſinzeſter Ein huͯt vff ſinem houbete was Von ſamit gruͯne alſo ein graſz Der kv́nig einen mantel fuͦrte Der faſt vff der erden ruͦrte Jetweder halp die orte ſin Die veder was liecht hermin Do nicht zuͯ groſz doch ſtarck genuͦg Was ein pfert das den kv́nig truͯg An pferdes ſchone nicht betrogen Von dennemarcken dar gezogen Oder bracht vff dem mer Der kv́nig reit one alle wer Wenne er fuͯrte ſwertes nicht Vwer ſchilt úch ſtrites gicht Sprach der kv́nig gramonlantz Wenne das iſt ſo wenig gantz Let marvel iſt worden úch zuͦ teil Jr habent die offentúre er litten Die min ſolt han erbitten Wenne das der wiſe clinſor Mir mit freiden ging hin vor Vnd das ich gegen dir krieges pflige Die den woren mynnen ſige Mit ch*clorheit hat behalten Sú kan noch zornes walten Gegen mir ouch twinget ſú des not Citegaſten ſluͯg ich dot Jn ſelb vierde in werden man Vrgeluſen ich fuͯrte dan Jch bot ir crone alle min lant Was ir dienſtes bot min hant Do kerte ſú gegen ir hertzen far Mit fliehen hette ich ſú ein jar Vnd kunde ir mynne nẏe beyagen Das muͯſz ich hertzeclichen clagen Jch weiſz wol das ſú mynne bot Sit ir hie werbent minen dot Werent ir nuͯ ſelbander komen Jr moͯgt mir das leben han genomen Oder ir werent beide erſtorben Das hettent ir dar vmbe erworben Min hertze noch ander mynne gat Do helffe an uweren genoden ſtat Sit ir zuͯ terre marveile ſit Worden herre uwer ſtrit Het úch den priſz behalten Wolt ir nuͯ guͦt behalten So helffent mir vmbe ein maget Noch der min hertze komber claget Die iſt des kv́niges lotz kint Alle die vff erden ſint Betwungen mich ſo ſere nẏe Jch habe ir cleinoͯte nuͯ hie Nuͯ dringet ouch min dienſt dar Gegen der megede wol gefar Ouch getruwe ich ir wol ſẏ ſẏ mir holt Wenne ich habe not durch ſú gedolt Sit vrgeluſe die rich Mit worten hertzeclich Jr mīnne mir verſagete Ob ich ſit priſz bejagete Mir wurde wol oder we Das ſchuͯff die werde itonie Jch han ir leider nit geſehen Wil uwer troſt mir helffe jehen ⸿So bringent diſz clein vingerlin Der cloren ſuͯſſen frouwen min Jr ſint hie ſtrites ledig gar Es were denne groſſer uwer ſchar Doch zwene oder mer Wer jehe mir des fúr er Obe ich úch ſluͯge oder ſicherheit Twinge den ſtrit min hant ye ſtreit Do ſprach min herre her gawan Jch bin doch werlich ein man Wolt ir des nit priſz beẏagen Wúrde ich von uwer hant erſlagen So han ich ouch do heinen priſz Das ich gebrochen han das ris Wer jehe mirs fúr ere groſz Obe ich úch ſluͯge alſus groſz Jch wil uwer botte ſin Gebent mir das vingerlin Vnd lont mich uweren dienſt ſagen Vnd uweren komber nit vertragen Der kv́nig des danckete ſere Gawan frogete in mere Sit úch verſmohet gegēn mir ſtrit Nuͯ ſagent mir herre wer ir ſit Jr ſuͯllent es nit fúr laſter doln Sprach der kv́nig min nam iſt v̉erholn Min vatter der hieſz irot Den erſluͯg der kv́nnig lot Jch bins der kv́nig gramonlantz Min hohes hertze ie was ſo gantz Das ich zuͯ keinen ziten Niemer wil geſtriten Was mir halt dete ein man Wenne einer heiſſet gawan Von dem ich priſz han vernomen Das ich gern gegen jme wolt komen Vff ſtrit durch min ruwe Sin vatter brach die truwe Jn dem gruͯſz er minen vatter ſluͯg Jch han zuͯ rechen dar genuͯg Nuͯ iſt lot erſtorben Vnd hat lot ergawan erworben Sollichen priſz vor vs beſunder Das obe der tafelrunder Jme nẏeman priſes glichen mag Jch gelebe noch gegen jme ſtrites tag DO ſprach der werde lotz ſuͯn Wolt ir das zuͯ liebe tuͯn Vwer frúndin obe es die iſt Das ir ſuſz falſchelichen liſt Von irem vatter kv́nnent ſagen Vnd dar zuͯ gerne hetten erſlagen Jr bruͯder ſo iſt ſú ein v́bel maget Das ſú die ſitte an úch nit claget Kunde ſú dochter oder ſweſter ſin So were ſú ir beider vogtin Das ir verberent diſen haſz Wie ſtúnde uwerem ſweher das Hette er die truwe zerbrochen Habent ir das nit gerochen Das ir in dot gegen falſch ſaget Sin ſuͯn des gar iſt vnverzaget Jn ſol des nit verdrieſſen Mag er nit genieſſen Siner ſweſter wol gefar Zuͯ pfande git er ſich ſelber dar Herre ich heiſſe gawan Was úch min vatter hat getan Das rechent an mir er iſt dot Jch ſol vor ſin laſters not Han ich werdecliches leben Vff kampff fúr in zuͯ giſel geben ⸿Do ſprach der kv́nig ſint ir das Dar ich trage vnverkornen haſz So duͯt mir uwer werdickeit Beẏde liep vnd leit Ein ding duͯt mir an úch wol Das ich mit úch ſtriten ſol Ouch iſt úch hoher priſz geſchehen Das ich úch einen han veryehen Gegen úch zuͯ kampff komende Vnd iſt zuͯ priſe fromende Obe wir werde frouwen Den kampff loſſent ſchouwen Fúnffzehen hundert bringe ich dar Jr habent ouch ein clore ſchar Vff kaſtel morueile Sú bringet úch zuͯ uwerem teile Frouwen uwern oͯheim artus Von einem lande das alſus Loner iſt genennet Habent ir die ſtat erkennet Reines beines bẏ der quercka Des maſſenie iſt alle da Von húte v́ber acht tage Mit groſſer joi ir koment mage Von húte v́ber ſechſzehen tage Kome ich an min alte clage Vff den plan choflantz Noch gelte diſem crantz Der kv́nig gawanen bat Zuͯ rotſte ſabbins in die ſtat Jr múgent nit ander brucken han Do ſprach min herre her gawan Jch wil wider hin alſo her Anderſt leiſt ich uwer ger lviij Sú goben viantz Das ſú koufflantz Mit ritter vnd froͧwēn her Komen durch ir zweẏer wer Alſo was benant das tegeding Sú zwene allein in einen ring Alſo her gawan vff ſime roſſe ſprengete vnd die kv́nigin mit ime rette SVſz ſchiet min hẻrre h̉er gawan Dannan von dem werden man Mit freiden er laiſcierte Der crantz in zimierte Er wolte das roſz nit vff enthaben Mit ſporn treip ers an den graben Gringulet nam bezite Einen ſprung alſo wite Das gawan fallen gar vermeit Zuͯ jme die hertzoginne reit Aldo der helt erbeiſſet was Von dem roſſe vff das graſz Vnd *er dem roſſe gúrte Zuͯ ſiner antwúrte Er erbeiſete ſnelleclich Die hertzoginne rich Gegen ſinen fuͯſſen ſú ſich bot Sú ſprach herre ſollicher not Alſo ich habe an úch begert Der wart min wúrde nẏe wert Fúr wor mir uwer arbeit Fuͯget ſollich hertzeleit Die enpfohen ſol getruwes wip Vmb iren lieben frúndes lip Do ſprach er froͧwe iſt das wor Das ir mich gruͯſſent one for So nohent ir dem priſe Jch bin doch wol ſo wiſe Obe der ſchilt ſin recht ſol han An dem habent ir miſſetan Des ſchiltes ambacht iſt ſo hoch Das er von ſpotte ẏe ſich gezoch Wer ritterſchafft zuͯ rechte pflag Frouwe ob ich ſo ſprechen mag Wer mich do by het geſehen Der muͯſz mir ritterſchafft jehen Etwenne ir anders johet Sit ir mich erſte ſohet Das loſſe ich ſin nempt hin den crantz Jr ſolt durch uwer farbe glantz Do keinen ritter mere Erbieten ſollich vnere Solt uwer ſpot weſen min Jch wolt .e. one mynne ſin ⸿Die clore vnd die rich Sprach weinende hertze clich Herre was ich úch not geſage Was ich der in mẏnem hertzen trage So gebent ir jomers mir gewin Gegen wem ſich krencket min ſin Der ſol es durch zucht verkieſen Jch mag nẏemer verlieſen Freide dar jnne ich han verlorn An zitegaſt dem vſſerkorn Min clore ſuͯſſe beaſemis So durch lúchtig was ſin priſz Mit rechter werdickeit ger Es were diſer oder der Die muͯter ẏe geboren Bẏ ſiner zite joren Die muͯſtent jme jehen *wúrdickeit Die ander ſtrit nie v́ber ſtreit Er was ein queckbronne der tugent Mit alſo berhaffter jugent Bewart vor falſcher pflicht Vs der vinſter gegem dem liecht Hette er ſich enblecket Sinen priſz ſo hoch geſtecket Das in nẏeman moͯchte errerchen Den falſcheit kunde erweichen Sin priſz hoch wachſſen kunde Das die anderen worent dar vnde Vſz ſines hertzen kernen Wie louffet obe allen ſternen Der ſnelle ſaturnus Der truwe ein monicirus Sit ich die worheit ſpehen kan Suſz was min erwunſchet man Das tier die megede ſolten clagen Es wurt durch reinekeit erſlagen Jch was ſin hertz er was min lip Den verloſz ich verluſtberes wip Jn ſluͯg der kv́nig gramonlantz Von dem ir fuͯrent diſen crantz Herre obe ich úch leit ſprach Von den ſchulden das geſchach Das ich verſuͯchen wolte Ob ich úch mẏnne ſolte Bieten durch uwer wurdikeit Jch weiſz wol herre ich ſprach úch leit Das was durch ein verſuͯchen Nuͯ ſolt ir des geruͯchen Das ir zorn verlieſet Vnd mir das verkieset Jr ſint der ellens rich Dem golde ich úch glich Das man luͯtert in dem gluͯt Alſo iſt gelútert uwer muͯt Dem ich úch zuͯ ſchaden bracht Alſo ich gedencke vnd do gedacht Der hat mir hertzeleit getan Do ſprach min herre her gawan Frouwe es wende mich der dot Jch lere den kv́nig ſolliche not Die ſin hochffart letzet Min truwe ich han verſetzet Gegen jme vff kampff zuͯ riten Jn kurtzelichen ziten Do ſúllent wir manheit enborn Frouwe ich habe vff úch verkorn Obe ir úch minen tumben rat Durch zucht nit verſmohen lat Jch rote úch wipliche ere Vnd wurdickeit lere Nuͯ iſt hie nyeman denne wir Frouwe duͯnt genode an mir Sú ſprach an geſertem arm Bin ich ſelten worden warm Do gegen ich nit wil ſtriten Jr mogent wol zuͯ anderen ziten Dienſtes lon an mir beẏagen Jch wil uwer arbeit clagen Vntze ir werdent wol geſunt Vber alle wo ir ſint wunt Vntze das der ſchade geheil Vff ſchahteil morueil Wil ich mit úch keren Jr wolt mir freide meren Sprach der mynnegerende man Er huͯp die frouwe wol getan Mit truwen an ſich vff ir pfert Des ducht er ſú do vor nit wert Do er ſú obe dem bronnen ſach Vnd ſú ſo twerhelingen ſprach Gawan reit mit freiden ſitten Doch wart ir weinen nit vermitten Vntze er mit ir clagete Er ſprach das ſú ſagete War vmbe ir weinen were Vnd ſú durch got das verbere SV ſprach herre ich muͯſz úch clagēn Von dem der mir hat erſlagen Den werden cidege*cidegaſten Des muͯſz mir jomer taſten Jn das hertze do die freide lag Do ich zidegaſtes mynne pflag Jch bin ſo nit verdorben Jch habe doch nit erworben Des koͯniges ſchade mit koſte Vnd manige ſcharppfe joſte Gegen ſinem ferhe gefromte Was ob mir an úch helff komte Die mich richet v́nd ergetzet Das mir jomers hertze wetzet Vff gramonlantzes dot Enpfing ich dienſt das mir bot Ein koͯnig der des wunſches herre was Herre der heiſſet anfortas Durch mẏnne ich nam von ſiner hant Von tambre das krome gewant Das noch vor uwer porten ſtat Do dir das golt engegen gat Der kv́nnig in mynem dienſt erw*erwarp Do von min freide gar verdarp Do ich in mẏnne ſolte wern Do muͯſte ich nuwes jomers gern Jn minem dienſt erwarp er ſere Glichem jomer oder mere Alſo zidegaſt geben kunde Gap mir anfortas wunde Nuͯ wie ſolt ich armes wip Sit ich han getruwen lip Alſo ſollicher not by ſinne ſin Etwenne ſich krencket ouch dẻr min Sit das er lit ſo helffeloſz Den ich noch zitegaſt erkoſz Zergetzen vnd durch rechen Herre nuͯ hoͯrent ſprechen Wo mit erwarp clinſor Den richen krome vor uwẻrm tor Do der clore anfortas Minne vnd freide erwendet was Der mir die gobe ſande Do foͯrchte ich die ſchande Clinſor iſt ſteteclichen by Der liſt von nẏgromatzẏ Das er zouber twingen kan Beide wip vnd man Was er werder diet geſicht Die lot er one komber nicht Durch fride ich clinſor dar Gap mẏnen krome noch richeit far Wenne die offentúre wúrde erlitten Wer den priſz hat er ſtritten An den ſolt ich mẏnne ſuͯchen Wolt er min nit geruͯchen Der krome were an der ſtunde min Der ſol ſuſz vnſer zweyer ſin Des ſwuͯren die do wen Do mitte wolte foren Gramonlantzes durch den lip liſt Der leider noch unverendet iſt Het er die offentúre geholt Sú muͯſte er ſterben han gedolt Clinſor iſt húbſch vnd wiſz Der erloubet mir durch ſinen priſz Von miner maſenie erkant Ritterſchafft v́ber alle ſin lant Mit manigem ſtich vnd ſlage Die gantze wuchen alle ir tage Alle die wuchen in dem jor Sunder rotte ich han zuͯ vor Diſe den tag vnd jenne die nacht Mit koſt ich ſchaden han gedacht Gramolantz dem hochgemuͯt Manigen ſtrit er mit jme truͯg Was bewart ẏe dar vnde Sines ferhes ich forende kunde Sú worent zuͯ rich in mynen ſolt Wart mir do keiner anders holt Noch mynne ich manigen dienen lieſz Dem ich doch lones nit gehieſz Minen lip geſach nie man Jch moͯchte wol ſinen dienſt han Wenne einer der truͯg woppen rot Min geſinde er brocht in not Fúr logrois er kam geritten Do entworchte er ſú mit ſollichem ſitten Sin hant ſú nẏder ſtroͧwet Das ichs michs wenig froͧwet Zwúſchent logrois vnd uwerm vrfar Miner ritter jme volgen fúnff dar Die entschumppfierte vff den plan Vnd gap die roſſe dem ſchiffman Do er die mẏne v́ber ſtreit Noch dem helde ich ſelber reit Jch bote jme lant vnd minen lip Er ſprach er hette ein ſchoͯnes wip Vnd die jme lieber were Die rede was mir ſwere Jch frogete wer die moͯchte ſin Von pelrapier die kv́nigin Sú iſt genant die liecht gemal So heiſſe ich ſelbes parcifal Vnd wil uwer mẏnne nicht Der grole mir anders komber gicht Sprach der helt mit zorne Hin reit der vſſerkorne Habe ich dar an miſſetan Wolt ir mich des wiſſen lan Obe ich durch min hertze not Dem werden ritter mynne bot So krencket ſich mine mynne Gawan zuͯ der hertzoginne Sprach froͧwe ich erkenne in alſo wert An den ir mẏnne habent begert Hette er úch zuͯ mẏnne erkorn Vwer priſz were an jme vnverlorn ⸿Gawan der torkois Vnd vrgeluſe de logrois Vaſt an einander ſohen Do ſú geritten ſo nohen Das man ſú von der burg erſach Dan die offentúre geſchach Do ſprach er frouwe duͯnt ſo wol Ob ich úch des bitten ſol Lont minen nāmmen vnerkant Alſo mich der ritter hat genant Der mir entret gringuleten Leiſtent des ich úch han gebetten Wer úch des frogen welle So ſprecht ir min geſelle Jſt mir des vnerkennet Er wart mir nẏe genennet Sú ſprach vil gernen ich vertage Sit ir wellent das ichs in ſage Er vnd die frouwe wol gergefar Die kertent gegen der búrge dar Jo hettent die ritter do vernomen Das ein ritter dar were komen Der hette die offentúre erlitten Vnd den louwen v́ber ſtritten Vnd ouch den korkoiten ſyder Jn rechter juſt gefellet nyder Jnnen des reit gawan Gegen dem vrfar vff den plan Das ſú in von den zinnen ſohen Sú begunden faſte gohen Vſz der burg mit ſchalle Do fuͯrtent ſú alle Riche banẏer Suſz koment ſú ſchier Vff ſnellen raviten Er wonde ſú wolten ſtriten Do er ſú ferre komen ſach Hin zuͯ der hertzogin er ſprach Komet jennes volck gegen vns zuͯ wer Sú ſprach es iſt clinſors hert Die uw̉er kúme hant erbitten Mit freiden komen ſú jme geritten Vnd wellent úch enpfohen Das endarff úch nit versmohen Sit es die freide in gebot Nuͯ was ouch plippalinot MinMit ſiner cloren doͯchter vier Komen in einem vſſier Ferre vff dem plan ſú gegen jme ging Die maget mit freiden in empfing Gawan bot ir ſinen gruͦſz Sú kuſte jme ſtegereiff vnd fuͯſz Vnd enpfing ouch die hertzogin Sú nam in by dem zoum ſin Vnd bat erbeiſſen den man Die frouwe vnd gawan Gingent an des ſchiffes ort Ein teppich vnd kulter dort Logen an der ſelben ſtette Die hertzogin ſunder bette Zuͯ gawan nẏder ſaſz Des verigen dochter nit vergaſz Sú enp*enwoppent in ſuſz horte ich ſagen Jren mantel hette dar getragen Der des nachtes obe jme lag Do er ir herberge pflag Des was jme not an der zit Jr mantel vnd ſin kúrſit Leit an ſich her gawan Sú truͯg das harneſch her dan Alrerſt die hertzoginne clar Nam gawan antlitz war Do ſú ſoſſent by einander Zwene gebroten galander Mit win ein gleſin barel Vnd zweẏ blanck waſtel Die ſúſſe maget dar noher truͦg Vff einer twehelen wiſz genuͦg Die ſpiſe erfloug ein ſprintzelin Gawan vnd die hertzogin Moͯchtens waſſer ſelb nemen Ob twahens ſú wolte gezemen Das ſú doch beide doten Mit freiden er was beroten Das er mit ir eſſen ſolte Durch die er liden wolte Beide freide vnd not Wenne ſú jme das barel bot Das geruͯret het ir munt So wart jme nuwe freide kunt Das er noch ir ſolte trincken Sin ruͯwe begunde hincken Vnd wart ſin hochgemuͯte ſnel Jr ſuͯſſer munt ir liechtes fel Jn von komber jagete Das er do keine wunde clagete UOn der burg die frouwen Die wurtſchafft moͯchten ſchouwen Anderhalp an das vrfar Manig wert ritter kam aldar Jr buhurt wart mit kunſt getan Diſe halp her gawan Danckete dem verien Vnd d̉er docht̉er ſin Alſo det ouch die hertzogin Jr guͯtliche ſpiſe Die hertzoginne wiſe Sprach war iſt der ritt̉r komen Von dem die juſt wart genomen Geſter do ich hynnan reit Obe den ẏeman v́ber ſtreit Wider ſchiet das leben oder dot Do ſprach plippalinot Frouwe ich ſach in húte leben Er wart mir fúr ein roſz gegeben Wolt ir lidigen den ſelben man Dar vmb ſol ich ſwalwen han Die kv́niginne ſecundille was Vnd die úch ſante anfortas Mag die harppfe weſen min Ledig iſt ouch do gowortzin Die harppfen Vnd das krome gewant SúSprach ſú wil er mit ſiner hant Mag geben vnd behalten Die hieſitzet lont es in walten Obe ich jme ſo liep wart ẏe Erloͯſēnt mir den hertzogen hie Liſcoiſen von gowortzin Vnd ouch den anderen fúrſten min Floranden von icholag Der nachtes mẏner wachte pflag Er was min turkoite alſo Sins trurens wurde ich nẏemer fro Gawan ſprach zuͯ der frouwen Jr muͯgent ſú beide ſchouwen Ledig E vns kome die nacht Do hettent ſú ſich des bedacht Vnd fuͯrent v́ber an das lant Die hertzogin liecht erkant Huͯp gawan aber vff ir pfert Manig edel ritter wert Enpfing in vnd die hertzogin Sú kerten gegen der burge hin Do wart mit freiden mit geritten Vnd die kunſt nit vermitten Das es der h*buhurt hette ere Was mag ich ſprechen mere Wenne das der werde gawan Vnd die hertzogin wol getan Von frouwen enpfangen wart alſo Sú moͯchtens beide weſens fro Vff ſchahel marueile Jr muͯgent es jme jehen zuͯ heile Das ẏme die ſelde geſchach Do furte in an ſin gemach Arnuwe vnd die das kunden Die bewarten ſine wunden Zuͯ arniwan ſprach gawan Frouwe ich ſol einen botten han Eine jungfrouwe wart geſant Die brochte einen ſariant Manlich mit zúchten wiſe Jn ſariandes priſe Der knappe ſwuͯre des einen eit Er wúrbe liep oder leit Das er des nẏeman do Gewuͯg noch anderſwo Wenne do ers werben ſolte Er bat das man jme holte Dinden vnd pirment Gawan des kv́ninges lots kint Schreip gefuͯge mit der hant Er enbot zuͯ loner in das lant Artuſe vnd des wibe Dienſt von ſinem libe Mit truwen vnverſchertet Vnd het er priſz behertet Der were an werdickeit dot Sú húlffen jme zuͯ ſiner not Das ſú beide an truwe dechten Vnd zuͯ choflantze brechten Die maſſenie mit froͧwen ſchar Vnd er kam ouch ſelb gegen in dar Durch kampff vff alle ſine ere Er enbot in dannoch mere Der kampff were alſo genomen Das er weltlich muͯſte komen Dar noch enbot her gawan Es were frouwe oder man Alder maſſenie gar Das ſú des ir truwen nemēn war So das ſú dem kv́nige ritende komēn Das ſolt an werdickeit in fromen Allen den werden er enbot Sinen dienſt vnd ſins kamppfes not Der brieff nit ingeſigels truͦg Er ſchreip in ſuſ erkant genuͯg Mit wortzeichen vngelogen Nuͯ ſolt das nit langer zogen Sprach gawan durch den willen min Der kv́nig vnd die kv́nnigin Sint zuͯ beeins bẏ der thorka Die kv́nnigin ſolt du da Sprechen eins morgens fruͯ Was ſú dir rotet das duͯ Vnd loſſe dir ein witze by Verſwig das ich hierre ſy Das du hie maſſenie ſis Das ſage nit do keine wiſz Dem knappen was dannen goch Arniwe ſleich jme ſanffte noch Die frogete in war er wolte Vnd was er werben ſolte Do ſprach er frouwe ich úch nicht Obe mir min eit des rechten gicht Gebietent mir wenne ich muͯſz farn Er reit noch wurdeclichen ſcharn ARniwe zorn beyagete Des der knappe ir nit ſagete Vnd ir verſweig der meͯre War er geſendet were Sú bat den der der porcporten pflag Es ſy nacht oder tag So der knappe witwider rite So fuͯge das er min bẏte Vntze das ich in geſpreche Mit diner kunſt das reche Do truͯg ſú vff den knappen haſz Wider in durch frogen baſz Ging ſú zuͯ der hertzogin Die pflag ouch der ſin Das ir munt des nit gewuͦg Welhen nāmmen gawan truͦg Sin bette hette an ir bewart Sú verſweig ſinen nāmmen vnd ſin art Buſin vnd ander ſchal Vff dem balas er hal Mit freidenrichen ſachen Manig rúckelachen Jn den pallas wart gehangen Aldo wart nit gegangen Wenne vff teppichen wol gewỏrcht Es hette ein armer wurt geforcht Al vmbe an allen ſiten Mit ſenfften plimiten Manig ſitz wart do geleit Vnd riche kultern dar vff geſpreitet ⸿Gawan noch arbeit pflag Sloffens vmb den mitten tag Jme worent ſine wunden Mit kunſt alſo gebunden Obe frúnden were bẏ yme gelegen Vnd mynne hettent gepflegen Es were jme ſenfft vnd guͦt Er hette ouch beſſer ſloffes muͯt Denne des nachtes do do die hertzogin An vngemach jme gap win Er er wachete an der veſper zit Doch hette er in ſloffe ſtrit Geſtritten mit der mynne Aber mit der hertzoginne Ein ſin kamerer m Mit túrem golde ſwer Bracht jme cleẏder dar getragen Von richem pfelle horte ich ſagen Do ſprach min herre her gawan Wir ſúllent me cleider han Die alle glich diedir ſin Dem hertzogen von gowertzin Vnd dem fúrſten florande Der in manigem lande Het gedienet wurdickeit Nuͯ ſchafft das die ſint bereit Bẏ einem knappen erenbot Sinem wurt plippalinot Das er jme ſante liſcoiſen dar By ſiner dochter wol gefar Wart liſcois dar vff geſant Frouwe bene bracht in an der hant Durch gawanes hulde Vnd ouch durch die ſchulde Gawan ir vatter wol gehieſz Do er ſú pſere weinende lieſz Des tages do er von ir reit Do priſz erwarp ſin manheit Der durckoit was ouch komen An deiden wart vernomen Gawans enpfohen one hehas Jetweder nẏ der zú jme ſaſz Vntze man in cleider dar geruͯggetruͯg Die worent koſtlich genuͯg Das ſú nit beſſer moͯchten ſin Die bracht man in allen drin Ein meiſter der hieſz ſarant Noch dem ſeres wart genan Der was von triande Jn ſecundillen lande Stat ein ſtat heiſſet taſine Die iſt groſſer denne mine Oder denne die wite acraton Sarant durch priſes lon Eines pfellen do gedacht Sin werg vil ſpehe bracht Der heiſſet ſarathaſine Obe der icht richelichen ſte Das moͯgent on frogen lan Wenne er muͯſz groſſen koſten khan Die zwene vnd gawan Sú gingen vff den pallas Do einhalp manig ritter was Anderhalp die cloren frouwen Wer recht kunde ſchouwen Von logrois die hertzogin Druͯg vor vs den beſten ſchin Der wurt vnd die geſte Stunden fúr ſú die do gleſte Die vrgeluſe was genant Der turkoite florant Vnd liſcois der clore Wurden ledig one fore Die zwen fuͯrſten curtois Durch die hertzogin von logrois Sú danckete gawan dar vmb Gegen falſcheit die tumb Vnd durch die hertzeclichem wiſe Dú̉rch die wiplichen priſe Do diſe rede geſchach Gawan vier kvnnigin ſach Bẏ der hertzogin ſten Er bat die zwene noher gen Durch ſine curtoſye Die jungern drie Hieſſe er kúſſen diſe zwene Nuͯ was ouch frouwe bene Mit gawan dar gegangen Die wart do wol enpfangen lix Alſo der wurt nit langer beitet Er hieſz die herren zuͯ den frouwen ſitzen DEr wurt nit lenger wolte ſton Er bat die zwene ſitzen gon Zuͯ den frouwen wo ſú w*woltēn Das ſú do duͯn ſolten Die bette det in nicht zuͯ we Welhes iſt jtonẏe Sprach der werde gawan Die ſol mich bẏ ir ſitzen lan Des frogete er benen ſtille Sit es was ſin wille Do zougete ſú jme die maget clor Die den roten munt das brune hor Do dreit bẏ liechten ougen Wolt ir ſprechen tougen Das duͯt gefuͯglich Sprach bene die zúchchzúchtēn rich Die wuſte itonyen mẏnne not Vnd das ir hertz dienſte bot Der werde kv́nig gramonlantz Mit ritterlichen truwen gantz Gawan ſaſz nẏder zuͯ der magt Jch ſage úch das mir wart geſaget Siner rede er do begunde Mit fuͯge wenne ers kunde Ouch kunde ſú geboren Das von kurtzen joren Alſo jtonie die jung truͯg Den hette ſú zucht genúg Er hette ſich froge gegen ir bewegen Obe ſú noch mynne kunde pflegen Do ſprach die frouwe mit ſinnen Herre wen ſolt ich mẏnnen Sit mir min erſter tag erſchein So wart ritter nye do kein Zuͯ dem ich ye geſprechen wort Wenne alſo ir zucht habent gehart So moͯchten úch doch mere komen Wo ir mit manheit het vernomen Beẏageten priſz mit ritterſchafft Vnd wer mit hertzeclicher krafft Noch mẏnne dienſt bieten kan Sú ſprach min herreher gawan Des antwurt jme die clore maget Noch mynne iſt dichdienſt mich vertaget Wenne der hertzogin von logrois Dienet maniger ritter curtois Beide noch mẏnne vnd vmb iren ſolt Der het maniger hie geholt Juſtieren do wirs ſohen Jr do keiner me ſo nohen Kam alſo ir vns komen ſit Den priſz vff hoher uwer ſtrit Er ſprach zuͯ der megede wol gefar Wer krieget der hertzogin ſchar Suſz manig ritter vſſer korn Wer het ir hulde verlorn Sú ſprach das hat gramanlantz Der der wurdickeit crantz Treit alſo jme die volge gicht Herre des erkenne ich anders nicht ⸿Do ſprach min herre her gawan Jr ſúllent ſin fúrbas kunde han Sit er ſich priſe nohet Vnd des mit willen gohet Von ſinem múnde ich han vernomen Das er hertzoloiden iſt komen Mit dienſt ob irs geruͦchent So das ir helffe ſuchent Durch troſt úwer mynne Kv́nnig durch kv́niginne Sol billich enpfohen hohe not Frouwe hieſz uwer vatter lot So ſint irs die er meinet Noch der ſin hertze weinet Vnd heiſſent ir jtonie So duͯnt ir jme von hertzen we Obe ir truwe kúnnen tragen So ſolt ir wenden jme ſin clagen Beidenthalp ich des botte ſin Frouwe nement das vingerlin Das ſante úch úch der clore Ouch wirbe ichs one fore Frouwe das lont albalde an mich Suͯ begunde alrerſt ferwen ſich Alſo es was gefar ir munt Wart allem dem antlitz kunt Dar noch ſchier wart ſú anders far Sú greiff alles bloͯdeclichen dar Das vingerlin wart ſchier erkant Sú enpfing*enpfing es mit ir cloren hant Do ſprach ſú herre ich ſihe nuͯ wol Obe ich ſo vor úch ſprechen ſol Das ir von jme ritet Noch dem min hertze ſtritet Obe ir der zucht ir recht nuͯ duͯt Herre die leret úch helenden muͦt Diſe gobe iſt mir ẏe geſant Von des werden kv́niges hant Von jme ſeit wor diſz vingerlin Er enpfing es von der hende min Was er kombers ẏe gewan Do bin ich gar vnſchuldig an Wenne ſinen lip han ich gewert Mit gedancken was er an mich gert Er het ſchiere das vernomen Moͯchte ich yemer fúrbas komen Vrgeluſen ich gekúſſet han Die ſinen dot ſuſz werben kan Das was ein kuſz den judas truͦg Do von man ſprichet noch genuͯg Alle truwe an mir verſwant Das der túrkoit florant Vnd der hertzoge von gowertzin Von mir gekúſſet ſoltẻx ſin Min ſúne wurt in doch nẏmer gantz Die gegen dem kv́nige gramonlantz Mit ſtete ir haſſen konnent tragen Min muͯter ir das ſolt vertragen Vnd min ſweſter condrie Des bat gawanene ẏthonie Herre ir botent mich alſus Das ich enpfohen muͯſte ir kuſz Doch vnverkorn an mẏnen mūnt Des iſt min hertze vngeſunt Wurt vns zwein ẏemer freide erkant Die helffe ſtot in uwer hant Fúr wore der kv́nig minen lip Mynnet fúr alle wip Des wil ich in genieſſen lan Jch bin yme holt fúr alle man Got lere úch helffe vnd rat Durch das ir vns bẏ freiden lat Do ſprach er frouwe nuͯ lert mich wie Er het in dort irjr habent in hie Vnd ſint doch vnderſcheiden Moͯchte ich wol úch beiden Mit truwen ſollichen rat geben Des uwer wúrdecliches leben Genuͯſſe ich ſolt er werben Des enlieſſe ich verderben Sú ſprach ir ſúllent gewaltig ſin Des werden kv́niges vnd min Vwer helffe vnd der gottes ſegen Muͯſſe uwer zweyer mynne pflegen So das ich freiden ellende Jn ſinen kumber wende Sit alle ſin freide ſtot an mir Wenne ich vntruwe enbir So iſt jemer mins hertzen ger Das ich in mẏner mynne wer Gawan horte an dem froͧwelin Das ſú bẏ mẏnne wolte ſin Dar zuͯ was ouch nit zuͯlaſz Sú truͯg ſú mynne vnd haſz Gegen der einfelten maget Die jme ẏe komber het geclaget Wenne er ir nit gewuͯg Das ſú vnd ein muͯter truͦg Ouch was ir beider vatter lot Der megede er ſin helffe bot Do gegen ſú túgenlichen neig Das er ſú troſten nit verſweig Nuͯ was ouch zit das man dar truͦg Manig tiſchelachen wiſz genuͦg Vnd das brot vff den pallas Das manig clore frouwe was Das hette ein vnderſcheit erkant Das die ritter eine want Hettent ſunder dort hin dan Den ſedel ſchuͯff her gawan Der turkeite mit ime as Liſcoẏs bẏ gawāns muͯter ſaſz Der cloren ſagiwen Mit der kvnnigin arniwen Alſo die hertzogin clar Sin ſweſter beide wol gefar Gawan zuͯ jme ſitzen lieſz Jetweder det alſo er ſú hieſz Mine kunſt des mir nit halbes gicht Jch bin ſollich kuchen meiſter nicht Das ich die ſpiſe kúnne ſagen DoDie do mit zúcht wart fúr getragen Dem wurt vnd ouch den frouwen gar Dienden megede wol gefar Anderhalp den rittern an want Do ende manig ſariant Ein foͯrchteclich zucht ſú des twang Das ſich der knappen keiner trang Mit den jungfrouwen Man muͯſte ſú ſúnder ſchouwen Sú truͯgent ſpiſe oder win Suſz muͯſte ſú mit zúchten ſin Sú moͯchten do wol wurtſchafft jehen Es was in ſelten .E. beſchehen Den froͧwen vnd der ritterſchafft Sit ſú clinſors crafft Mit ſinen liſten v́ber want Sú worent einander vnbekant Vnd beſloſſe ſú doch eine porte Das ſú zuͯ gegen worte Nie komen frouwen vnd die man Do ſchuͯff min herre her gawan Das dis volg ein ander ſach Dar an vil liebes in do geſchach Gawan was ouch liep beſchehen Do muͯſte er tuͯgentlichen ſehen Die cloren hertzoginne Die twang ſins hertzen ſinne NV́ begunde ouch ſtruchen der tag Das ſin ſchin vil nohe lag Vnd das man durch die wolckēn ſach Das mān der nacht zuͯ bottēn jach Manigen ſternen der balde ging Wenne er der nacht herberge ving Noch der banier kam ſú ſelb ſchier Kam ſú ſelb ſchier Manig túre crone Was ge fangen ſchone Al vmb vff den pallas Die ſchiere wol bekertzet was Vff alle tiſche ſunder Truͯg man kertzen dar ein wunder Dar zú die offentúre gicht Die hertzogin were ſo liecht Were der h*kertzen kein bracht Do were doch nẏndert bẏ ir nacht Jr blicke wol ſelb kunde tagen Suſz hoͯre ich von der ſuͯſſen ſagen Man welle jme vnrechtes jehen So haben ſú ſelten E geſehen Do keinen wurt ſo freidenrich Es was den freiden do glich Alſus mit freidehaffter ger Die ritter dar die frouwen her Dicke an ein ander blicketen Die von der froͯmde erſchricketen Werdent ſú ẏemer heimlicher baſz Das ſol ich loſſen one haſz ⸿Es ſẏ denne gar ein fras Wolt ir habent genuͯg do gaſz Man truͯg die diſch gar her han Do frogete min herre her gawan Vmb guͯte videler Obe ir do keiner wer Do was werder knappen vil Wol gelert vff ſeiten ſpil Jr keines kunſt was doch ſo gantz Sú muͯſten ſtrichen alten tantz Vwer tentze was do wenig vernomen Der vns von duringen vil iſt komen Nuͯ danckent es dem wirte Jr freide er ſú nit irte Manige frouwe wol gefar Gingen fúr in dantzen dar Suſz wart ir tantz gezieret Wol vnder parrieret Die ritter vnders frouwen her Gegen der ruͯwe komen zú wer Ouch moͯchte man do ſchouwen Je zwúſchent zwein frouwen Einen cloren ritter gon Man moͯchte freide an in verſton Wellich ritter pflag der ſinne Das er dienſt bot durch mẏnne Die bette was er loͯbelich *Die ſorgen an in die frouwēn rich Mit rede vertriben ir ſtunde Gegen manigem ſuͯſſen munde Gawan vnd ſangwine Vnd die kv́nigin arniwe Soſſent ſtille bẏ des tantzes ſchar Die hertzogin wol gefar Her vmb zuͯ gawan ſitzen ging Jr hant er in die ſin enpfing Sú ſprochen ſuſz vnd ſo Jrs komens was er fro Sin ruͯwe ſmal ſin freide breit Wart do ſuſz ſwant jme ſin leit Was ir freide an dem tantze groſz Gawan noch mẏnner hie verdroſz Die kn*kúnniginne arniwe ſprach Herre nuͯ pruͯffent uwer gemach Jr ſolt an diſen ſtuͯnden Ruͯwen zuͯ uweren wunden Het ſich die hertzogin erwegen Das ſú uwer wil mit decke pflegen Doch hint geſelleclich Das iſt helff vnd rates rich Gawan ſprach des froget ſie Jn uwer beider gebot hie Bin ich ſprach die hertzogin Er ſol in uwer pflege ſin Lont das volck ſloffen farn Jch ſol in hint ſo bewarn Das ſin frúndin nie baſz gepflag Floranden von itholag Vnd den hertzogen von gowertzin Lont in der ritter pfleger ſin Dar noch nam ein ende der tantz Jungfrouwen mit farwe glantz Die ſoſſen dort vnd hie Die ritter ſoſſen zwúſchen ſie Des freiden ſich an ſorgen pflagrach Wer do noch werder ſprachmynne ſprach Obe er nante ſuͯſſe gegen wort Von dem wurt gar wart gehort Man ſolt das trincken fúr in tragen Das moͯchten werbere clagen Der wurt wart mit den geſten Jn kunde ouch minn leſten Jn ſitzen duchte in gar zuͯ lang Sin hertze ouch werde mynne twang Das trincken gap in vrloͯp Manigen kertzinen ſchoup Truͯg man vor den rittern dan Do befalch min herre her gawan Diſe zwene geſte in allen Das muͯſte in wol gefallen Liſcois vnd florant Fuͯren ſloffen alzuͯ hant Die hertzogin wart ſo bedacht Sú ſprach ſú gonde ir guͦter nacht Do fúr ouch aller der frouwen ſchar Do ſú gemaches nomen war Jr nẏgens ſú begunden Mit zucht die ſú wol kunden Sangwin vnd jthonien Fuͯren denne als det ouch condrien Bene vnd arniwe do Schúffen das es ſtúnde alſo Do von der wurt gemach er leit Die hertzogin das nit vermeit Do were ir helffe nohe by Gawanen fuͯrten diſe dry Mit in denne durch ſin gemach Jn einer kemnaten er ſach Zwey bette ſunder ligen Nuͯ wurt ouch gar von mir verſwigen Wie die geheret weren Es nohet anderen meren Arniwe zuͯ der hertzogin ſprach Nuͯ ſolt ir ſchaffen guͯt gemach Diſem ritter den ir brochten her Do der an úch helffe ger Vwer helffe habent ir ere Jch ſage uͯch nuͯ nit mere Wenne das ſine wunden Mit kunſt ſint ſo gebunden Er moͯchte nuͯ wol woppen tragen Doch ſolt ir ſinen kumber clagen Obe ir in jme ſenfftet das iſt guͯt Geleret in ir hohen muͦt Des múgen wir alle genẏeſsen Nuͯ lont es úch nit verdrieſſen Die konnigin arniwe ging Do ſú zuͯ hoff vrlop enpfing Bene ein liecht vor ir truͯg tan Die túre beſloſz her gawan Kúnnen ſú zwey nuͯ mynne ſtelen Das mag ich vnſanffte helen Jch ſage vil lichte was do geſchach Wenne das man vnfúge ẏe yach Der verholen mere machte breit Es iſt ouch noch den honeſchen leit Ouch vnſeliget er ſich do mitte Zucht iſt das ſloſz ob mẏnnen ſitte NV́ fuͯget die ſtrenge mynne Vnd die clore hertzoginne Das gawans wer verzaget Er were ẏemer vnernert Sunder amyen Die pfiloſophoph*pfiloſophophyen Vnd alle die ye geſaſſen Do ſú ſtarcke liſte moſſen Kanchor vnd thebit Vnd trebuchet der ſmit Die frimutel ſwert ergruͯp Do von ſich ſtarckes wunder huͦp Dar zuͯ aller der atzat kunſt Obe ſú jme truͯgen guͯte gunſt Mit tempẻri vs wurtz crafft One wiplich geſelleſchafft So muͯſz er ſin ſcharppfe not Han brocht vntze an ſinen dot Jch wil úch das mere machen kuntkủrtz Er fant die rechten hitze wurtz Die jme halff das er genaſz So das jme argas nicht enwas Die wurtz was bẏ dem blancken bruͯn Muͯter halp der brituͦn Gawan fily roẏlot Suͯſſe fſenffte fúr ſure not Er mit ſenffter helffe pflag Helffelich vntze an den tag Sin helffe was doch ſo gedigen Das allem volck was verſwigen Sit nam er mit freiden war Der ritter vnd ouch der frouwen gar So ſuͯſſeclich er mit in warp Das gar ir truwen do verdarp ⸿Nuͯ loſſen wir das mere hie Vnd kerent wider do ich es lie Jch mein do gawan hette geſant Den bott*botten zuͯ loner in das lant Vernement was er wúrbe do Zuͯ beems bẏ der karco Was artus vnd die koͯnigin Vnd manig liechter frouwen ſchin Der werden maſſenẏe ein fluͯt Nuͦ hoͯrent wie der knappe duͦt Diſz was eins morgens fruͯ Siner botſchafft greiff er zuͯ Do er zuͯ der kv́nigin komen was Jn der Cappellen ſú iren pſalter laſz Der knappe fúr ſú knuwete Vnd bot ir freide miete Einen brieff gap er in die hant Dar an ſú geſchriben fant Die geſchrifft die ſú erkante E. ſinen herren nante Den knappen den ſú do knuwen ſach Die kv́nigin zuͯ dem brieffe ſprach O wol der hant die dich ſchreip One ſorge ich nẏe bleip Sit des tages das ich in ſach Von des hant diſe geſchrifft geſchach Sú weinte vnd was doch ſo fro Hin zuͯ dem knappen ſprach ſú do Du biſt gawanes knecht Jo froͧwe der enbútet úch ſin recht Dienſtlich truwe on allen wang Vnd do by ſin freide krang Jr wellent jme freide machen hoch So komerlich es ſich gezoch Nẏe al vmb ſin ere Froͧwe er enbútet úch mere Das er mit werden freiden lebe Vnd freiſchet er uwers troſtes gebe Jr mogent wol an dem brieffe ſehen Me denne ich úch kan verẏehen Sú ſprach ich han fúr wor erkant Durch was du zuͯ mir biſt geſant Jch duͯn jme werden dienſt dar Mit mynneclicher frouwen ſchar Die fúr wor by myner zit Vor vs an priſe hant den ſtrit One parcifales wip Vnd one vrgeluſen lip So erkenne ich vff der erde Bẏ touff kein ſo werde Sit gawan von artuſe reit So hette ſorge vnd leit Mit roch vff mich geleit iren priſz Mir ſaget meliantz von liſz Er ſehe in ſit zuͯ parbigol Owe ſprach ſú plúmizol Das dich min ouge ẏe geſach Was leides mir by dir geſchach Conware de lalant Wart mir nẏ̄mmer ſit bekant Min ſuͯſſe werde geſpil Der tafelrunde wart do vil Mit rede ir recht gebrochen Fúnffhalp jor vnd ſehſz wochen Jſt das der werde parcifal Von dem plúmzol noch dem gral Reit do kerte ouch gawan Gegen aſcalun der werde man Jeſcute vnd ocuba Schieden ſich ouch von mir da Groſſes jomer noch der werden diet Mich ſit von ſteten freiden ſchiet Die kv́nigin trurens vil verjach Hin zuͯ dem knappen ſú do ſprach Nuͯ volge miner lere Verholen von mir kere Vntze ſich hoch erhebe der tag Das das volck zuͯ hoffe weſen mag Ritter vnd ſariant Die groſſen machemant Vff den hoff du balde trabe Enruͦch obe din rúntzit ẏeman habe Do von ſolt du balde gon Do die werden ritter ſton Die frogent doch offentúr Alſo du goheſt vſz einem fúr Gebar mit rede vnd mit ſitten Von in vil kume wurt erbitten Was du mere bringeſt Was wirret ob du tringeſt Durch das volck vntze an den wirt Der gegen dir gruͯſſen nit verbirt Den brieff den gibe jme in die hant Dar an er ſchiere hat erkant Dine mer vnd dines hertzen ger Des iſt er mit der volge wer Noch me wil ich leren dich Offenlich ſolt du ſprechen mich Do ich vnd ander frouwen Dich hoͯren vnd ſchouwen Do wirb vmb vns alſo du wol kanſt Obe du dinem herren guͯtes ganſt Vnd ſage mir wo iſt gawan Der knappe ſprach das wurt verlan Jch ſage úch nit wo er ſẏ Wellent ir ir blibent freiden by DEr knappe was des rotes fro Von der kuͯnnigin aldo Schiet alſo ir wol habent vernomen Vnd kam ouch als er ſolte komen Recht vmb den mitten morgen Offenlich vnd vnverborgen Vff den hoff er balde reit Die houeſchen bruͯffeten ſin cleit Wol noch knappelichem ſitten Zuͯ beiden ſiten was verſnitten Das roſz mit ſporn ſere Noch der kv́nnigin lere Er balde von dem roſſe ſprang Vmb in huͦp ſich groſz gedrang Kappe ſwert vnd ſporn Vnd das roſz wurden do verlorn Do kerte er ſich vil wenig an Der knappe huͯp ſich balde dan Do die werden ritter ſtunden Vnd frogen in begunden Von offentúre mere Sú johen das recht do were Das zuͯ hoffe eſſe wip vnd man E das der hoff ſin recht gewan Offentúre ſo werdeclich Die offentúre were glich Der knappe ſprach ich ſage úch nicht Min vnmuͯſſe mir des gicht Das ſúllent ir mir durch zucht vertragen Vnd ruͯchent mir von dem kv́nige ſagen Den hette ich gerne geſprochen .E. Mir duͯt min vnmuͯſſe we Jr freiſchent wol was ich mere ſage Got lere úch helffe vnd komers clage Die botſchafft den knappen trang Das er enruͯchete wer in twang Vntze in der kv́nig ſelber ſach Der ſin gruͯſſen gegen jme ſprach Der knappe gap yme einen brieff Der artuſe in ſin hertze rieff Do er von jme wart geleſen Do muͯſte er by den beiden weſen Das eine was freide das ander clage Er ſprach wol diſem ſuͯſſen tage By des liecht ich han vernomen Liebe mere die mir ſint komen Vmb min werden ſweſter ſuͯn Kan ich jme manlichen dienſt duͦn Durch ſippe vnd durch geſelleſchafft Obe truwe an mir gewan ye crafft So leiſte ich das mir gawan Het enbotten obe ich kan Hin zuͯ dem knappen ſprach er do Nuͯ ſage mir iſt gawan fro Jo herre obe ir wellet Zuͯ der freide er ſich geſellet Suſz ſprach der knappe wiſe Er ſchiede gar von priſe Obe ir in lieſſen vnder wegen Wer ſolte ouch do by freide pflegen Vwer troſt jme zucket freide enbor Vntze vſſerhalp der ruwe tor Von ſinem hertzen komber jaget Das ir an yme icht ſint verzaget Min herre enbot ſin dienſt do her Der kv́nigin ouch iſt ſin ger Das aller *der tafelrunde ſchar Sines dienſtes neme war Das ſú an truwen dencken Vnd yme freide nit verkrencken So das ſú úch kúnnen roten Alle die werden des do boten Artus ſprach trut geſelle min Trag diſen brieff der kv́nigin Das ſú do leſe vnd ſagen Wes wir vns frouwen vnd was wir clagēn Das der kv́nig gramonlantz Hochffart mit loſzheit gantz Gegen mynem kúnne bieten kan Er wenet min nefe gawan Sy zide gaſt den er ſlúg Do von er kombers hat genuͯg Jch ſol jme komer meren Vnd nuwe ſitte leren Der knappe kam gegangen Do er wart wol enpfangen Er gap der kv́nigin den brieff Des manig ouge v́ber lieff Do ir ſuͯſſer munt gelaſz Alſo das dar an geſchriben was Gawans clage vnd ſin werben Do lieſz ouch nit verderben Der knappe zuͯ allen den frouwēn warp Dar an ſin kunſt nit verdarp Gawans mog der rich Artus warp hertzeclich Zuͯ der moſſenẏe diſe fart Vor ſumen hette ouch ſich bewart Genouer die curtoẏſe Sú warp zuͯ den frouwen diſe reẏſe ⸿Keẏe ſprach in ſinem zorn Wart aber ye ſo werder man geborn Geturſte ich des glouben han So von norwege gawan Zú der noher holt in do So iſt er licht anderſwo Wil er wencken alſo ein eichorn Jr múgen in ſchier han verlorn Der knappe ſprach zuͯ der kv́nigin Frouwe gegen dem herren min Muͯſz ich balde keren Werbent ſin ding noch uweren eren Zuͯ eime irem kamerer ſú ſprach Schaff diſem knappen guͯt gemach Sin rúntzit ſolt du ſchouwen Sy des mit ſporn verhouwen Gip jme das beſte das hie ſy Wenne jme kein ander komber by Es ſy pfantloſe oder cleit Des ſol er alles ſin bereit Sú ſprach nuͯ ſage gawan Jme ſy min dienſt vndertan Vrlop zuͯ dem kv́nige ich dir nym Dinem herren ſage ouch dienſt von jm Nuͯ warp der kv́nig ſiner fart Des wart der tafelrunder art Des tages do volle recket Es het in freide erwecket Das der werde gawan Dannoch ſin leben ſolte han Des worent ſú jnnen worden Der tafelrunden orden Wart do begangen one haſz Der kv́nig obe der tafelrunden as Vnd die do ſitzen ſolten Die priſz mit ảrbeit holten Alle die tafelrundere Genuſſen diſer mere Nuͯ lont den knappen widerkomen Von dem die botſchafft ſy vernomen Der huͯp ſich dan zuͯ der rechten zit Der kv́nigin kāmmerer jme git Pfantloſe roſz vnd ander cleit Der knappe dan mit freiden reit Wenne er an artuſe erwarp Do von ſins herren ſorge erſtarp Er kam wider in ſollichen tagen Des ich fúr wor nit kan geſagen Vff ſchathel marueile Arniwe wart die geile Wenne ir der portener enbot Der botte were by mit roſſes not Balde wider geſtrichen Gegen dem kam ſú geſlichen Aldo der in verloſſen wart Sú frogete in vmb ſin fart Wo noch er vs were geritten Der knappe ſprach das wurt vermitten Froͧwe ich getars úch nit geſagen Jch muͯſz durch minen eit vertagen Es were minem herren leit Breche ich mit meren mẏnen eit Das duchte ich úch der tumb Frouwe frogent in ſelbez dar vmb Sú ſpilt es mit froge an manigēn ort Der knappe ſprach echt diſe wort Frouwe ir ſument mich one not Jch leiſt das mir der eit gebot Er ging do er ſinen herren fant Der turkoite florant Vnd der hertzoge von gowertzin Von logrois die hertzogin Soſſen do mit groſſer ſchar Der knappe ging zuͯ in dar Vff ſtunt min herre her gawan Er nam den knappen ſunder dan Vnd bat in wilkomen ſin Er ſprach nuͯ ſage geſelle min Entweder freyde oder not Oder was man mir von hoffe enbot Fúnde du den kv́nig do Der knappe ſprach herre jo Jch fant den kv́nig vnd das wip Vnd manigen wurdeclichen lip Die enbieten úch dienſt vnd ir komen Vwer botſchafft wart von in vernomen Alſo gar wurdeclich Das ouch arm vnd rich Sich frouwetent wenne ich in det kunt Das ir noch werent wol geſunt Jch fant do hers ein wunder Ouch wart die tafelrunder Beſetzet durch uwer botſchafft Obe ritters pris gewan ẏe crafft Jch meine die wurdickeit Die lenge vnd ouch die breit Treit uwer priſz die crone Obe andenanderen priſen ſchone Er ſeit jme ouch wie das geſchach Das er die kv́nigin ſprach Vnd was ẏme die mit truwen riet Er ſagete ẏme ouch von aller der diet Von rittern vnd von frouwen Das er ſú moͯchte ſchouwen Zuͯ joflantz vor der zit E wurde ſines kamppfes ſtrit Gawans ſorge gar verſwant Nicht wenne freide er in dem hertzen fant Aller ſiner ſorge er gar vergaſz Er ging hin wider vnd ſaſz Vnd was mit freiden do zuͯ huſz Vntze das der kv́nig artus Mit her in ſin helffe reit Nuͯ hoͯren liep vnd leit lx Wie artus vnd ginover mit groſſer ma=ſſenie zuͯ gawans kampff koment GAwan was zuͯ allen zitēn fro Eins morgens fuͯgete es ſich ſo Das vff dem richen pallas Manig ritter vnd frouwen was Jn einem fenſter gegēn dem fluͯm Nam er beſunder einen ruͯm Do er vnd arniwe ſaſz Die froͯmder mere nit vergaſz Gawan ſprach zuͯ der kv́nigin Owe liebe frouwe min Wolt úch des nit betragen Jch wolte úch gerne frogen Von ſo getanen meren Die mich verſwigen weren Wenne das ich von vwer helffe gebe Alſus mit werden freiden lebe Getruͯg min hertze ẏemannes ſin Den het die edele hertzogin Mit irem gewalt beſloſſen Nuͯ han ich uwer genoſſen Das mir geſenfftet iſt die not Minne vnd wunden wer ich dot Wenne das uwer helffelicher troſt Mich vs banden hat erloſt Von uwer ſchult han ich den lip Nuͯ ſagent mir ſeldenhafftes wip Vmb wunder das hie was vnd iſt Durch das ſo ſtengelicher liſt Der wiſe clinſor hette erkorn Werent ir hetteich hette den lip verlor̄n Die hertzecliche wiſe Mit ſo wiplichem priſe Kam jugent in das alter nẏe Sprach herre ſin wunder hie Sint do gegen clein wunderlin Wider den ſtarcken wundern ſin Die er hette in manigen landen Wer vns des gicht zuͯ ſchanden Der erwúrbet nit wenne ſúnde mitte Herre ich ſage úch ſinen ſitte Der maniger diet iſt worden ſur Sin lant heiſſet terre de labur Von des noch komen iſt er geborn Der ouch vil wunders hat erkorn Von nopels virgulius Clinſor des nefe warp alſus Caps was ſin houpt ſtat Er trat in priſz ſo hohen pfat Das er den pris was vnbetragen Von clinſor dem hemhertzogen Sproch wip vnd man Vntze er ſchaden ſúſz gewan Sicilie het ein kv́nig wert Der was geheiſſen ibert Jblis hieſz ſin wip Die truͯg den mynneclicheſten lip Der ẏe von brúſte wart genomen Jn der dienſt was er komen Vntze ſú es mit mynnen lande Dar vmbe der kv́nig in hande Muͯſz ich úch ſin tugent ſagen Des ſol ich uweren vrlop tragen Doch ſint die ſelben mere Mir zuͯ *ſagen vngebere Wo von er kam in zoubers ſit Zuͯ einem conpanie mit einem ſmit Wart clinſor gemacht Des wart aldo gelacht Von gawane ſere Vnd ſageten jme dannoch mere Vff kalot enbolot Er warp er der welte ſpot Das iſt ein burg veſte erkant Der kv́nig bẏ ſinem wibe in fant Clinſor ſlieff an irem arme Lag er do *icht warme Das muͯſte er ſuſz verpfenden Er wart mit kv́niges henden Zwúſchen den beinen gemachet ſlecht Des duchte den wurt er hette es recht Der beſneit in an dem libe Das er do keinem wibe Mag zuͯ ſchimppfe nit gefromen Des iſt vil lúte in komer komen Es iſt nit das lant perſia Ein ſtat heiſſet perſida Do erſte zouber wart erdacht Do fuͯre er hin vnd hette bracht Das er wol ſchaffet was er wil Mit liſten zouberliche zil Durch die ſcham amane ſime libe Wart er manne noch wibe Guͯtes willen nẏemer ſit bereit Jch meine die tragent wurdickeit Was er den freiden mag genemen Des kan von hertzen in gezemen ⸿Do hieſz ein kv́nnig girot Der erworcht yme die ſelbe not Von roſce ſcabines Der bot jme des ſines Zuͯ geben was er wolte Das er fride haben ſolte Clinſor enpfing von ſiner hant Diſen berg feſte erkant Vnd an der ſelben zile Al vmbe acht mile Clinſor wart vff diſen berg Alſo ir ſehent das ſpehe werg Aller richeit ſunder Sint hie vff riche wunder Wolte man der búrge faren Spiſe zuͯ driſſig jaren Wer hie vff manigfalt Er hette ouch aller der gewalt Beẏde male vnd beaſchent Die zwúſchent dem firmament Wonent vff vnd der erden zil Nicht wenne die got beſchirmēn wil Sit nuͯ úwer ſtarcke not Jſt verendet one dot Sin gobe ſtat in uwer hant Diſe burg vnd diſz gemeſſen lant Er keret ſich nuͯ nyemer me dar an Jr ſolt ouch frẏde vor jme han Des jach er offenbar Er iſt mit rede der war Wer hie diſe offentúre erlitte Das dem ſo gobe wonte mitte Was er geſach der werden Vff criſtelicher erden Es were maget wip oder man Der iſt úch hie vil vndertan Manig heiden vnd heidenin Muͯſte ouch bẏ vns hie vff ſin Nuͯ lont das volck wider komen Do noch vns ſorge ſy vernomen Ellende frumpt mirs hertze kalt Der die ſterne hat gezalt Der muͯſſe úch helffe leren Vnd vns gegen freide keren Ein muͯter ir frucht gebúrt Die frucht ſiner muͯter muͯter wúrt Von dem waſſer kompt das is Das lot denne nit do keine wiſz Das waſſer kome ouch wider vōn jme Wenne ich gedang an mich nȳmme Das ich vs freiden bin erborn Wurt freide noch von mir erkorn Do git ein frucht die ander frucht Do ſolt ir fuͯgen habent ir zucht Es iſt lang das mir freide enpfiel Von ſegel balde gat der kiel Der man iſt ſneller der dar vff gat Ob ir diſz bẏſpel verſtat Vwer priſz wurt hoch vnd ſnel Jr mogent vns freide machen hel Das wir durch freide fuͯren in manig lānt Dar noch vns ſorge wart erkeerkant Etwenne ich freide pflag genuͯg Jch was ein wip die crone druͯg Ouch truͯg min dochter crone Vor ir landes fúrſten ſchone Wir hettent beide wúrdickeit Herre ich geriet nye mannes leit Beide wip vnd man Kunde ich wol noch ir recht han Erkennen vnd ſchouwen Zuͯ einer rechten volckes frouwen Het man mich ruͦcht es got Wenne ichs nye manne miſſebot Nuͯ ſol ein yegelich wip Obe ſú wil tragen werden lip Er bietens guͯten lúten wol Sú kompt vil licht in komers dol Das ir ein ſwacher gartzun Gegen freide gebe witen rum Herre ich han lange hie gebitten Nieman gelouffen noch geritten Kam der mich er kante Oder der mir ſorge erwante ⸿Do ſprach min herre her rgawan Frouwe muͯſz ich min leben han So wurt noch freide an úch vernomēn Des ſelben tages ſolt ouch komen Mit her artus der brituͦn Der clagende ảrniwen ſuͯn Durch ſippe vnd durch truwe Manig banier nvwe Sach gawan gegen jmen ſtrecken Mit rotes felt verdecken Gawan det ir komen wol Wer ſamnunge warten ſol Der leret ſumen den gedang Er foͯrchtet ſin helffe were krang Artus gawan den zwiffel brach Owe wie man den komen ſach Gawan ſich hal des tougen Das ſin liechten ougen Weinen muͯſſe lernen Zuͯ einer ziſternen Werent ſú beide do ein wicht Wenne ſú behabeten waſſers nicht Von der liebe was das weinen Das artus kunne erſcheinen Truwe die an in beiden was Gantz vnd lúter alſam ein glas Von kinde hette erzogen Jr beider truwe vnerlogen Stunt gegen einander one wang Das ſú nye falſch vnder ſwang Arniwe wart des weinens jnnēn Sú ſprach ir ſolt begẏnnen Freide mit freiden ſchalle Herre das troͯſtet vns alle Gegen der ruwe ſolt ir ſin zuͯ wer Hie komet der hertzogin her Das troͯſtet úch furbas ſchier Herberge banyer Sach arniwe vnd gawan Manige fuͯren vff den plan Bẏ den allen nit wenne einen ſchilt Des woppen worent ſo gezilt Das in arniwe erkande Jſaies ſú in nande Den marſchalck uter pendragun Den fuͯrte ein ander britun Mit den ſchoͯnen ſchenckelen maurin Der marſchalck was der kv́nnigin Arniwe wuſte wenig des Vterpendragun vnd yſayes Worent beyde erſtorben Maurin hette erworben Sins vatter ambacht das recht Gegem dem vrfar vff den anger ſlecht Reit die groſſe machaniante Der frouwen ſariante Herberge do nomen Die frouwen wol gezamen Bẏ einem cloren ſnellen bach Das man ſchiere vs geſlagen ſach Manig gezelte wol getan Dem kv́nige ſunder dort hin dan Wart manig witer ring genomen Vnd rittern die do worent komen Die hettent one froge Vff ir reiſe groſſe ſlage ⸿Gawan by bene hin abe en bot Jrem vatter plippalinot Das er beſlúſſe ſchier Kockẏ vſſchier So das vor ſiner v́ber fart Das her des tages wer bewart Frouwe bene vs gawanes hende nam Die erſte gabe vs ſinem richem kram Swalwen die noch zuͯ engellant Zuͯ einer túren harppfant iſt er kant Frouwe bene fuͯr mit freiden dan Do hieſz min herre her gawan Beſlieſſen die vſſern porten Alte vnd jungen horten Wes er ſú zúchteclichen bat Er ſprach jenhalp an der ſtat Leget ſich ein alſo groſſes her Wider vff dem lande noch in dem mer Geſach ich roͯte nẏe gefarn Mit alſus kreffteclichen ſcharn Wellent ſú vns hie ſuͯchen mit ir crafft Helffent mir ich gibe in ritterſchafft Das lobetens ſú alle glich Die hertzoginne rich Sú frogetent obe das her were ir Sú ſprach ir ſúllent glouben mir Ich er kenne do ſchilt noch man Der mir ẏe hat ſchaden getan Der iſt licht in min lant geritten Vnd het vor logrois geſtritten Jch fant die zwene er doch zuͦ wer Sú hettent ſtrit wol diſem her An zingelen vnd an barbigan Hette do geritterſchafft getan Der zornige kv́nig gramolantz So ſuͯchte er gelt vor ſinen crantz Oder wer ſú ſint ſú muͯſſen ſper Vff gerichtet ſehen durch juſte ger Jr munt in lang do wenig an Artus ſchaden vil gewan E das er keme vor logrois Des wart etlich britunois Zuͯ rechter juſt abe gefalt Artus her ouch wider galt Marcket den man in do bot Sú koment zuͯ beider ſite in not Man ſach die ſtrit muͯde komen Von den ſo dicke iſt vernomen Das ſú ir kúſſen gerne werten Sú woren gegen ſtrit geherten Beidenthalp es mit ſchaden ſtat Garolt vnd gahierielat Vnd meliantz von parbigol Vnd gotfrit furidol Die ſint hin vff gefangen E der ſtrit were ergangen Do vingen ſú aber die von logrois Den hertzogen frẏam vnd vermendois Vnd den groffen ritſchart de nouers Der verdet nit wenne eines ſpers Gegen wem ouch das ſin hant gebot Der viel vor jme durch juſte not Artus mit ſin ſelbes hant Ving den werden tegen erkant Do wurden vnverdroſſen Die ponder pſo beſloſſen Des moͯchte ſwenden ſich der walt Manig juſte vngezalt Do rerte runtzine Die werden britunie Worent ouch manlich zuͯ wer Gegen der hertzoginne her Artuſes noch huͦte Muͯſte ſtrites ſin zuͯ muͯte Man hardierte ſú den tag Vntze dar die fluͯt des heres lag Ouch ſolt min herre her gawan Der hertzogin gekuͯndet han Das ein ſin helffere Jn rirem lande were So were des ſtrites nit geſchehen Do wolt er irs noch nẏeman jehen E ſú es ſelb ſehen moͯchte Er warp alſo es yme doͯchte Vnd ſchuͯff ouch ſin reiſe Gegen artuſe brituneiſe Mit truren gezelten Nieman do moͯchte engelten Obe er jme were vnerkant Des milten gawanes hant Begunde in ſo mit willen geben Alſo er nit lenger wolte leben Sariande ritter frouwen Muͯſten enpfohen vnd ſchouwen Sin gobe ſo groſzlich Das ſú ſprochen alle glich Jn were die wore helffe komen Do wart ouch freide an in vernomen Ouch gewinnen der tegen wert Starg ſoͯmere ſchoͯne pfert Vnd harneſch aller der ritterſchafft Sariande ziſer groſſe crafft Alle do bereit woren Do kunde er ſuſz geboren Der werde wiſe gawan Er nam vier ritter ſunder dan Das einer kamerere Vnd der ander ſchencke were Der dritte trochſeſſe Vnd das der vierde nit vergeſſe Er were marſchalck ſuſz warp er Die viere leiſten ſine ger ⸿Nuͯ lont artuſen ſtille ligen Gawans gruͯſz in wart verſwigen Den gantzen tag vnſanfft ers meit Des morgens fruͯ mit foͯrchte reit Gegen koufflantz artuſes her Sin noch huͯte ſchuͯffe er zuͯ wer Do die nit ſtrites funden da Sú kerten noch jme vff die ſla Do nam min herre her gawan Sin ambacht lúte ſunder dan Nicht langer er wolte biten Er hieſz den marſchalck riten Zuͯ jofflantz vff den plan Er ſprach min ſunder leger wil ich han Du ſiheſt das groſſe her do ligen Es iſt echt nuͯ alſo gedigen Jr herren muͯſz ich úch nennen Das ir den múgent erkennen Es iſt min oͯheim artús Jn des hoff vnd in des huſz Jch von kinde bin erzogen Nuͯ ſchafft mir vor vnbetrogen Min reiſe alſo mit koſte dar Das man es fúr richeit nemewar Vnd lat hie vff vnvernomen Das artus her durch mich ſy komen Sú leiſtet was er in gebot Des wart plippalinot Dar noch vnmuͯſſig ſchier Kocken vſſier Seitieſſe vnd ſnecken Mit rote Der quecken Beide zuͯ roſſe vnd zuͯ fuͯſſe Mit dem marſchalck v́ber muͯſſe Sariande vnd gartzune Hin noch dem britune Sú kerten her vnd da Mit gawans marſchalck v́ff die ſla Sú fuͯrten ouch des ſit gewiſz Ein gezelt das ẏblis Clinſore durch mynne ſante Do von man erſte erkante Jr zweẏer tougen v́ber lut Sú worent beide einander drut Dem gezelt was koſte nit vermitten Mit ſchere nẏe beſſers wart geſnitten Wenne eins das iſenhartes was Bẏ artuſe ſunder vff ein graſz Wart das gezelt vff geſlagen Manig gezelt horte ich ſagen Slúg man dar vmb einen witen ring Das duchte in richelich geding Wenne vor artuſe wart vernomen Gawanes marſchalck were komen Der herberget vff dem plan Vnd das der werde gawan Solte ouch komen bẏ dem tage Das wart ein gemeine ſage Von aller der maſſenie Gawan der falſches frẏe Von huſz ſich rotierte Sin reiſe er ſuſz zierte Do von ſo moͯchte ich úch wunder ſagen Manig ſoͯmer muͯſte tragen Cappellen vnd krome gewant Manig foume mit harneſch erkant Gingen ouch dar vnden Helm obe dar vff gebunden Bẏ manigem ſchilt wol getan Manig ſchoͯne caſtelan Man by den zoumen ziehen ſach Ritter vnd frouwen nach Rittent an einander faſte Das gezoch wol ein raſte An der lenge was gemeſſen Do enwart nit vergeſſen Gawan einen ritter wol gefar *Jemer ſchuͯff zuͯ einer frouwen clar Das vnerent krancke ſinne Sprechen die nit von mynne Der turkoite florant Zuͯ einem geſellen wart erkant Sangwen von norwege Liſcois der gar vntrege Reit bẏ der ſuͯſſen condrie Sin ſweſter ẏtonie Bẏ gawane ſolte riten An den ſelben ziten Arniwe vnd die hertzogin Ouch geſellen wolten ſin ⸿Nuͯ diſz was alſo komen Gawans ring was genomen Durch artus her aldo er lag Was man ſchouwens do gepflag E dis volck von ir geritte Gawan durch houeſiche ſitte Vnd ouch durch werdeclich ding Hieſz artuſe ring Die erſten frouwen halten Sin marſchalck muͯſte walten Das ein nohe zuͯ der reit Der anderen do kein das vermeit Me behabeten ſuſz al vmb Hie die wiſe dort die tumb Bẏ yegelicher ein ritt̉er der ir pflag Vnd der ſich dienſtes dar bewag Artuſes ring den witen Sach man an *allen ſiten Mit froͧwen vmbe fangen Do wart alrerſt enpfangen Gawan der ſelden rich Jch wene das mynneclich Arniwe ir dochter vnd ir kint Mit gawan erbeiſſet ſint Vnd von logrois die hertzogin Vnd der hertzoge von gowertzin Vnd der durkoite florant Gegen diſen lúten wart erkant Artus vs pauelune ging Der ſú do frintlichen enpfing Alſo det die kv́nigin ſin wip Die enpfing gawanes lip Vnd ander ſin geſelleſchafft Mit getruwelicher liebe crafft Do wart manig kuſz getan Von maniger frouwēn wol getan Artus ſprach zuͯ dem nefen ſin Wer ſint die geſellen din Gawan ſprach min frouwen Sol ich ſú kúſſen ſchouwen Das were vnſanfft bewart Sú ſint wol beide von der art Der turkoite florant Wart do gekúſſet al zú hant Vnd der hertzoge von gowertzin Von ginoferen der kv́nigin Sú gingent wider in das gezelt Manigen duchte das das felt Foller frouwen were Do warp nit ſo der ſwere Artus ſprang vff ein caſtelan Alle diſe frouwen wol getan Vnd alle die ritter beneben in Er reit den ring al vmb hin Mit zúchten artuſes munt Sú enpfing an der ſelben ſtunt Das was gawanes wille Das ſú alle habetent ſtille Vntze das er mit in dannan ritte Das was ein hoͯffelicher ſitte ARtus erbeiſſete vnd ging dar in Er ſaſz zuͯ dem nefen ſin Den beſtunt er ſus mit meren Wer die fúnff frouwen weren Do húp min herre her gawan An der alteſten zuͯ dem erſten an Suſz ſprach er zuͯ dem britun Erkanten ir vterpendragun So iſt diſz arniwe ſin wip Von den zwein kam uwer lip So iſt diſz die muͯter min Von norwege die kv́nigin Diſe zwo min ſweſter ſint Nuͯ ſehent wie fletige kint Ein ander kúſſen do geſchach Freide vnd jomer do ſach Alle die es ſehen wolten Von der liebe ſú das dolten Beẏde lachen vnd weinen Kunde ir munt wol beſcheinen Von groſſer liebe das geſchach Artus zuͯ gawane ſprach Nefe ich bin noch meres frẏ Were die clorrclore fúnffte froͧwe ſy Do ſprach gawan de curkois Es iſt die hertzogin von logrois Jn der genoden bin ich hie Mir iſt geſaget ir habent geſuͯchet ſẏe Was ir des habent genoſſen Das zeigent v*vnverdroſſen Jr moͯchten das einer witwen woltuͯn Artus ſprach diner muͯmen ſuͯn GahiGaherieten ſú dort hat Vnd garellen der ritters dat Jn manigem punder worcht Mir wart der vnerforcht An myner ſiten genomen Ein vnſer punder was ſo komen Mit hurte vntze an iren barbigan Hurte wie es dort wart getan Von dem werden meliantz von lis Vnder einer banier wiſz Jſt er hin vff gegangen Die banier hette enpfangen Von zabele ein ſwartz ſtral Mit hertzen bluͯtes mal Mit mannes komber gefar Lirwoin rieff alle die ſchar Die vnder der durch ſtriten riten Die hant den priſz hin vff er ſtritten Mir iſt ouch min nefe jofrit Hin vff gefangen das iſt mir leit Die noch húte was geſtern min Do von gedechte mir diſer pin Der kv́nig ſins ſchadens vil verjach Die hertzogin mit zúchten ſprach Herre ich ſage úch des laſters buͦſz Jr hettent min do keinen gruͦſz Jr moͯgent mir ſchaden hangetan Den ich doch vngedienet han Sit ir mich geſuͯchet hat Nuͯ lere úch got ergetzens rat Wenne in des helffe ir ſint geritten Obe der het mit mir geſtritten Do wart ich one wer bekant Vnd zuͯ der bloſſen ſiten an gerant Ob der noch ſtrites an mich gert Der wurt wol geendet one ſwert Zuͯ artuſe ſprach do gawan Was rotent ir ob ir den plan Bas mit rittern v́ber legen Sit wirs wol getuͯn moͯgen Jch erwúrbe wol an der hertzogin Das die uweren ledig ſúllen ſin Vnd das ir ritterſchafft do her Kommet mit manigem nuwen ſper Des volge ich dir ſprach artus Die hertzogin do hin zuͯ irem huſz Sante noch den werden Jch wene vff erden Je ſchoͯner ſamnunge wart Gegen ſiner herbergen fart Gawanes vrlobes gerte Des in der kv́nig werte Die man mit ime E komen ſach Fúren dan mit yme an ſin gemach Sin herberge riche Stunt ſo ritterliche Das ſú was koſtbere Vnd groſſer armuͯt lere ⸿Jn gawans herberge reit Manigem dem von hertzen leit Was ſin langes vs weſen Nuͯ was ouch keẏe geneſen Bẏ dem blimzol der juſte Der priſet gawanes kuſte Er ſprach mins hern ſwoger lot Von dem was vns kein not Ebenhitz noch ſunder ringens Do gedochte er noch des dingens Das in gawan dort nit rach Do jme ſin zeſewer arm zerbrach Got mit den lúten wunder duͦt Wer gap gawan die froͧwen luͯt Suſz ſprach keẏe in ſinem ſchimpff Das was gegen frúnde ein ſwach glimpff Der getruwe iſt frúndes eren fro Der vngetruwe waffeno Ruͯfft wenne eime liep beſchicht Sinem frúnde er das gicht Gawan pflag ſelde vnd ere Gert ẏeman fúrbas mere Wer wil der mit mir gedancken So ſint die muͯtes krancken Grites vnd haſſes vol So duͯt den ellenhafften wol Wo ſines frúndes pris geſtat Das ſchande flúchtig von jme gat Gawan one falſchen haſz Manlicher truwen nẏe vergaſz Kein vnbilde dar an beſchach Wo man in by ſelden ſach Wie der von norwege Sines volckes pflege Der ritter vnd der frouwen Do moͯchte man richeit ſchouwen Artus vnd ſin ge ſinde Von des werden lotz kinde Sú ſollent ouch ſloffen do man gaſz Jr ruwens han ich ſelten haſz Morgens kam vor tage geritten Volg mit we*werlichem ſitten Der hertzogin ritter gar Man nam zijr zimierde war Alle by des monen ſchin Do artus vnd die ſin Logen durch die zogeten ſye Vntze anderhalp do gawan hie Lag mit witem ringe Wer ſolhe helffe ertwinge Mit ſiner ellenthafften hant Den mag man han vor priſz erkant Gawan ſinen marſchalck bat Jme zeigen herberge ſtat Alſo der hertzogin marſchalck riet Von logrois die werden diet Manigen ring wol ſunder zierten E. ſú geloſchierten Es was wol mitten morgen Hie nohet es nuwen ſorgen Artus der priſz erkante Sine botten er do ſante Zuͯ roſſe ſabbins in die ſtat Den kv́nnig gramonlantz er bat Sit das vnwendig nuͯ ſol ſin Das er gegen dem nefen min Sinen nefenkampff nit wil verbern Des ſol jme min nefe wern Bit in gegen vns ſchier komen Sit ſin gewalt iſt ſus vernomen Das ers nit vermiden wil Es were einem anderen man zuͯ vil Hie mitte fuͯren die botten dan Do nam min herre her gawan Liſcoiſen vnd floranden Die von manigen landen Minnen ſoldier Bot er ẏme zeigen ſchier Die der hertzogin vff hohen ſolt Worent ſo dienſtlichen holt Er reit zuͯ in vnd enpfing ſú ſo Das ſú glich ſprochen alle do Das der werde gawan Were ein manlich húbſch man Do mit kerte er von in wider Suſz warp er tugentlichen ſyder Jn ſin kamern er ging Mit harneſch er v́ber ving Den lip zuͯ den ſelben ſtunden Durch das obe ſine wunden So geheilet weren Das die moſen in nit ſweren Er wolte banichen den lip Sit ſo manig man vnd wip Sinen kampff do ſolten ſehen Das die wiſen ritter moͯchten ſpehen Obe ſin vnverzagete hant Des tages gegen priſe wurt erkant Einen knappen hette er des gebetten Das er jme brechte gringuletten Den begunde laſchieren Er wolte ſich mouieren Das er vnd das roſz werent bereit Mir wart ſin reiſe nẏe ſo leit lxj Alſo prparcifal vnd gawan mit ein and̉er ſtritten vnd foͯchten ALein reit min her̉r hẻr gawan Von dem *herre ferre vff dēn plan Gluͯcke muͯſſe erwalten Einen ritter ſach er halten Bẏ dem waſſer ſabbins Den wir wol moͯchten heiſſen flins Der manlichen creffte Ein ſchúr der ritterſcheffte Sin hertz falſche nẏe vnder ſwang Er was des libes wol ſo krang Was man heiſſet vnpris Das truͯg er nicht do keine wiſz Halbes vinger lang noch ſpanne Von dem ſelben werden manne Moͯgent ir wol E han vernomen An den rechten ſtam diſe mere iſt komēn Ob von dem werden gawan Werlich ein juſte do wart getan So geforcht ich ſiner ere An ſtrite nẏe ſo ſere Jch ſolt des anderen angeſt han Des wil ich us den ſorgen lan Der was in ſtrite eins mannes her Vs heidenſchafft ferre v́ber mer Was brachte die zimierde ſin Noch roͯter denne ein robin Wa*Was ſin kurſit vnd ſins roſſes cleit Der heilt noch offentúre reit Sin ſchilt was gar durch ſtochen Er hette ouch gebrochen Von dem boum *ſo des gramolantz Hette einen alſo liechten crantz Das gawan das riſz erkande Do forchte er die ſchande Obe ſin der kv́nig do hette erbitten Wer der durch ſtrit gegen jme geritten Do muͯſte ouch ſtriten do beſchehen Vnd ſolte es nẏemer frouwe geſehen Von montſaluaſce woren ſú Beide roſz die alſus hie Lieſſe noher ſtrichen Vff den ponder herteclichen Mit ſporn ſú worden des ermant Alle gruͯner cle nit ſtoubig fant Stunt touwig do die juſte geſchach Mich muͯget ir beider vngemach Sú dochten ir ponder rechte Vs der juſte geſlechte Worent ſú beide erborn Wenig gewunnen vil verlorn Hette wer behalten do den priſz Der clagete es ẏemer iſt er wiſz Gegen einander ſtunt ir truwe Der ein weder alt noch nuwe Dúrckel ſcharten nye enpfing Nuͯ hoͯrent wie die juſte erging Herteclich vnd doch alſo Sú moͯchtens beide ſin vnfro Erkante ſippe vnd hohe geſelleſchafft Was do mit haſſeclicher crafft Durch ſcharppfen ſtrit zuͯ einander komēn Von wem do pris do wurt genomen Des freide iſt dar v́mb ſorgen pfant Die juſte brochte ẏetweders hant Das die moge vnd die geſellen Einander muͯſten fellen Mit roſſe vnd alle nyder Alſus wurben ſú do wider Es wart aldo verzwúcket Mit ſwerten verbicket Schiltes ſchirben vnd das gruͯne graſz Ein gliche temperunge was Sit ſú begunden ſtriten Sú muͯſtent ſcheidens biten Alzuͯ lange ſú begundens fruͯ Do greiff echt nyeman ſcheidens zuͯ Wenne do was nit wenne ſye Woͯlt ir nuͯ hoͯren fúrbas wie An den ſelben ſtunden Artuſes botten fúnden Den kv́nig gramolantzen mit her Vff einem plan by dem mer Ein halp ſloſz der ſabins Anderhalp den ponzaclins Die zweẏ waſſer ſwebeten da Der plan was veſter anderſwo Roſce ſabins dort Die houbſtat den vierden ort Begreiff mit muren vnd graben Vnd manigen hohen turn er haben Des hers loſchieren was getan Wol milen lang vff dem plan Vnd ouch wol halber milen breit Artuſes botte wider reit Manig ritter in gar vnerkant Turkopel manig ſariant Ziſer vnd mit lantzen Der noch begunde ſwant*ſwantzen Vnder manig banẏer Manig groſſe rotte ſchier Von laſunen was do crach Das her man ſich regen ſach Sú wolten an den ziten Gegen Joflantz riten Von frouwen zémen clinga clinge Des kv́nig gramolantzes k*nringe Was mit frouwen vmbe halten Kande ich nuͯ mere walten Jch ſage úch wer durch in do was Geherberget vff das graſz An ſine ſamenunge komen Habent ir das .E. nit vernomen So lont mich es úch machen kunt Nuͯ balde vff der ſelben ſtunt Vs der waſſer feſten ſtat von pin Brochte yme der werde oͯheim ſin Der kv́nig brandelidelin Was ouch bereit ſo vin Sechſz hundert clore frouwen Der yegelich moͯchte ſchouwen Gewoppent do ir amis Durch ritterſchafft vnd durch priſz Die werden ponturteiſe Worent wol an diſer reiſe Do was welt ir glouben mirs Der clore bernons de rivirs Des richer vatter warant Hette jme geloſſen icher lant Der brochte in kocken vff mer Ein alſo clores frouwen her Den man do liechter farwe iach Vnd anders nicht do von in ſprach Der worent zweẏ hundert Zuͯ megeden vs geſúndert Zweẏ hundert hettent do ir man Obe ichs gepruͯffet rechte han Bernans fúr kans narant Funff hundert ritter wart erkant Mit ẏme do komen woren Die vigende kunden foren Suſz wolte der kv́nig gramolantz Mit kampffe reche*rechen ſinen crantz Das es vil lúte ſehe Wem man do priſes ẏehe Die fúrſten vs ſinem rich Mit rittern werlich Worent do vnd ouch mit frouwen ſchar Man ſach do lúte wol gefar ⸿Nuͯ komen artuſes botten hie Die fundent den kv́nig hoͯrent wie Palmatz ein dick matras Lag vnder dem kv́nige aldo erſaſz Dar vff geſteppfet ein pfelle breit Jungfrouwen clore vnd gemeit Schúheten ẏſerin kultzen An den kv́nig ſtoltzen Ein pfelle gap koſtlichen pris Gewircket in ecidemonis Beide breit vnd lang Hohe obe ẏme durch ſchatte ſwang An zwoͯlff ſchefft genomen Artus botten worent komen Gegen dem here hoffart hort Truͯg ſú ſprach diſe wort Lere vns het do her geſant Artus der do vor erkant Was das er pris etwenne druͦg Er hette ouch wúrdickeit genuͯg Die wolt er jme verkrencken Wie mochten ir das erdencken Das ir gegen ſiner ſweſter ſuͯn Sollich vngenode wellent tuͯn Hette úch der werde gawan Groſſer hertzeleit getan Er moͯchte der tafelrunder Doch genẏeſſen ſunder Wenne in geſelleſchafft werent Alle die dar v́ber pflichte gerent DEr kv́nig ſprach den gelobetēn ſtrit Min vnverzagete hant ſo git Das ich gawanen bẏ diſem tage Gegen priſe oder in laſter ſage Jch habe ouch mere vernomen Artus ſy mit ſtorie komen Vnd ſin wip die kv́nigin Die ſol vns wil*wilkum ſin Obe die arge hertzoginne Jme gegen mir rotet mynne Jr kint das ſolt ir vnder ſtan Do mag nit anders an er gan Wenne ich den kamppffe leiſten wil Jch han hie ritter alſo vil Das ich gewalt entsitze nicht Was mir von einer hant geſchicht Die not wil ich liden Solt ich nuͯ vermiden Das ich mich vermeſſen han So wolt ich dienſt noch mynne lan Jn der genode ich han ergeben Alle min freide vnd min leben Got weis wol das er ir genos Wenne mich noch ye verdroſz Strites gegen einem man Wenne das der werde gawan Den lip het geurbort ſo Das ich kamppfes gegen jme bin fro Suſz nyndert ſich min manheit So ſwachen ſtrit ich nẏe geſtreit Obe ir gebieten des frogen ir Jch habe geſtritten des gicht man mir Gegen lúten die des miner hant Johen ſú were fúr pris erkant Es ſúllent ouch loben nit die wip Jch beſtunt nye einen lip Obe ich den ſick húte erhol Das man mir dar vmb ſprichet wol Mir iſt geſaget ſuͯ ſẏ vs banden lan Durch die der kampff wurt getan Artus der erkante ferre So manig froͯmde terre Zuͯ ſinem gebot iſt vernomen So iſt licht her mit jme komen Durch die ich freide vnd not Jn ir gebot vntze an den dot Sol dienſtlichen bringen So moͯchte mir baſz gelingen Obe mir die ſelde ſol beſchehen Das ſú min dienſt ruͦchet ſehen Bene vnder des kv́niges armēn ſaſz Die lieſz den kamppffe gar one haſz Sú hette des kv́niges manheit So vil geſehen do er ſtreit Das ſú wolte vſz ſorgen lan Wuſte aber ſú das gawan Jr frouwen bruder were Vnd das ſtrengen mere Vff iren herren weren gezogen Sú were an freiden do betrogen Sú brachte dem kv́nnige ein vingerlin Das ithonẏe die junge kv́nigin Hette durch mynne yme geſant Das ir bruͯder wart erkant Holt v́ber den ſabins Bene vff den bombonizaclins Kam ineinen ſeicies Diſe mere ſú nit lieſz Von ſchathel marueile gefarn Jſt min frouwe mit frouwen ſcharn Sú mante in truwe vnd ere Von ir frouwen mere Denne ẏe kint man enbot Vnd das er gedochte an ir not Sit ſú vor aller gewẏnne Dienſt búte noch ſiner mynne Das macht den kv́nig hoch gemuͦt Vnrecht er gawane doch duͦt Solt ich engelten ſuſz der ſweſter min Jch wolte E one ſweſter ſin Man truͯg in zimierde dandar + Von diſer koſte alſo gefar Wan die mynne ẏe des betwang Das er noch wibe lone rang Es were gamúret oder galoes Oder der kv́nig killicrates Der do keiner bedorfft ſinen lip Nie baſz gezieren durch die wip Von patiticon Oder vſz der witen acraton Oder von kalomident Oder von agathirſient Wart nẏe beſſer volbracht Denne ſin wúrde was erdacht Do koſt er das vingerlin Das ithonie die junge kv́nigin Jme durch mynne ſante Jr truwe in ſo bekante Wo in komers were bevilt Do was ir mynne fúr ein ſchilt ⸿Nuͯ das der kv́nig gewoppen wart Zwoͯlff jungfrouwen ander art Beſcheiden woren vff ſchoͯnen rinziden Do enſolte nit vermiden Die clore geſelleſchafft Jegelich hette an einen ſchafft Den turen pfelle genomen Dar vnd der kv́nig wolte komen Den fuͯrten ſú durch ſchette dan Obe dem ſtrit gerende man Nicht zuͯ kranck zwey frouwelin Die truͦgen den beſten ſchin Vnder des kv́niges ſtarcken arme rettēn Do enwart nit lenger gebetten Artuſes botten fuͯrent dan Vnd komen dar do gawan Vff ir wider reiſe ſtreit Do wart den kinden nẏe ſo leit Sú ſchriten lúte vmb ſine not Wenne ir truwe das gebot Es was vil noch alſo komen Das den ſig hette aldo genomen Gawanes kampff genos Des crafft was v́ber in ſo groſz Das gawen der werde tegen Des ſiges hette noch ver pflegen Wenne das in clagende nanten Die kint die in bekanten Der E. des was ſins ſtrites wer Verbar do gege yme do ſtrites ger Ferre vs der hant er warff das ſwert Vnſelig vnd vnwert Bin ich ſprach der froͯmde gaſt Aller ſelden mir gebraſt Das miner gevnerten hant Diſer ſtrit ẏe wart bekant Das was mit vnfuͯge ir zuͯ vil Schuldig ich mich geben wil Hie drat min vnglúcke fúr Vnd ſchiet mich von der ſelben kúr Suſz ſint die alten woppen min E. dicke vnd aber worden ſchin Das ich gegen dem werden gawan Alhie min ſtriten han getan Jch han mich ſelb v́ber ſtritten Vnd vnglúckes hie erbitten Do des ſtrites wart begunnen Do was mir ſelb entrunnen Gawan die clage horte vnd ſach Zuͯ ſinem kampff genoſz er ſprach Owe herre wer ſint ir Jr ſprechent ſo frintlich gegen mir Wenne wer die rede E geſchehen Die wile ich creffte moͯchte jehen So were ich nit von priſe komen Jr habent den pris alhie genomen Jch hette uwer gerne kunde Vnd zuͯ einem ſtunde Minen priſz ob ich den ſuͯchte Die wile es min ſelde ruͯchete So geſtreit ich ẏe wol einer hant Nefe ich duͯn dich mich erkant Dienſtlich nuͯ vnd alle mal Jch bins din nefe parcifal Gawan ſprach ſo was es recht Hie iſt d*do krumbe dumheit wỏrdēn ſlecht Hie habent zwey hertzen ein falt Mit haſz erzeiget ir gewalt Din hant vns beide v́ber ſtreit Nuͯ ſẏ dirs dúrch vns beide leit Du haſt dir ſelber an geſiget Obe din hertze truwen pfliget Do diſe rede was getan Do moͯchte ouch min herre her gawan Vor vnkrafft nit langer ſton Er begunde alle ſwindelin gon Wenne yme das houbet erſchellet was Er ſtruchet nẏder an das graſz Artuſes jungherrelin Sprang eins vnder das houbet ſin Do bant jme das ſuͯſſe kint Abe den helm vnd ſwang den wint Mit einem huͯte pfewin wis Vnder die ougen diſer kindes fliſz Lert gawanen nuwe crafft Vs beiden hern geſelleſchafft Mit rore komen hie vnd dort Jetweder herre in ſinen ort Do ir zil worent geſtoſſen Mit geſpiegelten ronnen groſſen Gramolantz die koſte gap Durch ſines kamppfes vrhap Der boum hundert weren Mit liechten blicken cloren Do enſolte nẏeman zwúſchen komen Sú ſtunden alſo ichs han vernomen Viertzig ponder von einander Mit ge ferweten blicke galander Fún*Fúnffzig ẏetweder ſit Do zwúſchen ſolte ergan der ſtrit Das her ſolt vſſer halben haben Alſo es ſchiet mure oder graben Des hette ein hant fride getan Gramolantz vnd gawan Gegen dem vngelobeten ſtrit Manig rotte kam bẏ zit Vs beiden heren die do ſehenſohen Wem ſú do priſes iohenjohen Die nam ouch wunder wer do ſtritte Mit alſo ſtriteclichem ſitte Oder wem do ſtrites do were gedacht Jetweder her het bracht Sinen kamppfen in den ring Es duchte ſú wunderliche ding DO diſer kampff wart getan Vff dem pluͯmefarwen plan Do kam der kv́nig gramolantz Der wolte ouch rechen ſinen crantz Der frieſch wol das do was beſchehen Einen kampff der nẏe wart geſehen Herter ſtrit mit ſwerten Die des einander werten Sú dotens one ſchulde gar Gramolantz vs ſiner ſchar Zuͯ den kampff muͯden reit Hertzeclich clagete er ir leit Gawan was vff geſprungen Dem worent die gelide er ſwungen Hie ſtunden diſe zwene Nuͯ was ouch frouwe bene Mit dem kv́nige in den ring geritten Aldo der kamppffe was geſtritten Die ſach gawanen creffte loſz Den ſú fúr alle die welt erkoſz Zuͯ ir húbſchen freiden crone Noch hertzen jomers done Sú ſchrigende von dem pferde ſprang Mit armen ſú in faſte vmb ſwang Sú ſprach verflúchet ſy die hant Die diſen komer hat er kant Gemachet an úwerem libe clor Bẏ allemallen mannen das iſt wor Vwer farwe ein einmanlich ſpiegel was Sú ſaſte in nẏder vff das graſz Jr weinen wenig wart vertaget Do ſtreich jme die ſuͯſſe maget Abe den ougen bluͯt vnd ſweiſz Jn dem harneſch was jme heiſz Der kv́nig gramolantz do ſprach Gawan mir iſt leit din vngemach Es were von miner hant getan Wilt du morgen wider vff den plan Gegen mir komen durch ſtriten Des wil ich gerne biten Jch beſtúnde gerner nuͯ ein wip Denne dinen kreffteloſen lip Was p*priſes moͯchte ich an dir beẏagen Jch horte dich baſz gegen crefften ſagen Nuͯ ruͯwe hint des wurt dir not Wilt du verſten den kv́nig lot Do truͯg der ſtarcke parcifal Niergent muͯde gelide noch erblichēn mal Er hette an den ſtunden Sinen helm abe gebunden Do in der werde kv́nig ſach Zuͯ dem er zúchteclichen ſprach Herre was min nefe gawan Gegen uweren hulden hat getan Das lont mich fúr in weſen pfant Jch trage noch werliche hant Wellent ir zorn gegen jme han Das ſol min hant vnder ſtan Der wurt vs roſce ſabins Sprach herre er giegit mir morgen zins Der ſtat zuͯ gelte fúr mẏnen krantz Das ſin priſz wurt hoch vnd gantz Oder das er mich jaget an die ſtat Aldo ich trit vff laſters pfat Jr muͯgent wol andes ſin ein helt Diſer kampff iſt úch doch nit erwelt Do ſprach benen ſuͯſſer munt Zuͯ dem kv́nige ir vngetruwer hunt Vwer hertze in ſiner hende liget Das uwer hertz haſſes pfliget War bent ir úch durch mynne ergeben Die muͯſz doch ſiner genoden leben Jr ſagent úch ſelber ſigelos Die mẏnne ir recht an úch verloſz Getruͯgent ir ẏe mẏnne Die was mit falſchem ſinne Do des zornes vil geſchach Der kv́nig benen ſunder ſprach Er bat ſú frouwe zúrnent nicht Das der kampff von mir geſchicht Blip hie bẏ dem herren din Sage ithonie der frouwen min Jch ſige fúr wor ir dienſtman Vnd welle ir dienen was ich kan Do bene das erhorte Mit werlichem worte Das ir herre ir frouwen bruͯder was Der do ſolt ſtriten vff dem graſz Do zugen jomers ruͯder Jn ir hertze wol ein fuͯder Der hertzeclichen ruwe Wenne ſú pflag hertzen truwe Sú ſprach fare hin verfluͯcheter man Jr ſint der truwen nẏe gewan ⸿Der kv́nig reit dan vnd die ſin Artuſes jungherrelin Vingen die roſſe diſen zwin An den roſſen ſunder kamppf ouch ſchein Gawan vnd parcifal Vnd bene die liecht gemal Rittent dannan gegen irem her Parcifal mit mannes wer Hette den briſz behalten ſo Sú worent ſiner kúnffte fro Die in do komen ſohen Hohes priſes ſú alle johen Jch ſage úch mere ob ich kan Do ſprach von diſem einen man Jn beiden hern die wiſen Das ſú begunden priſen Sin ritterliche dat Der do den priſz genomen hat Wolt irs jehen das iſt parcifal Der was ouch ſo liecht gemal Es wart nẏe ritter baſz getan Des johent wip vnd man Do in gawan bracht Der des zuͯ yme gedacht Das er in hieſz cleiden Do truͯg man dar in beiden Von túrer koſt rich gewant V́ber alle diſe mere erkant Das parcifal do were komen Von dem ſo dicke was vernomen Das er hohen priſz beyagete Fúr wor das maniger ſagete Gawan ſprach wilt dú ſchouwen Dines konnes vier frouwen Vnd ander frouwen wol gefar So gon ich gerne mit dir dandar Do ſprach gamúretes hantkint Obe hie werde frouwen ſint Den ſolt du mich vnmeren nicht Ein ẏegelich frouwe mich vngerne ſicht Die by dem blúmzol gehort Hette von mir falſcheliche wort Got muͯſſe ir wipliche ere ſehen Jch wil ẏemer frouwen ſelde jehen Jch ſcham mich noch ſo ſere Vngerne ich gegen in kere Es muͯſz doch ſin ſprach gawan Er fuͯrte parcifalen dan Do in kuſten vier kv́nnigin Die hertzogin es lerte pin Das ſú den kúſſen ſolte Der ir grúſſes do nit wolte Do ſú mẏnne vnd ir lant jme bot Des kam ſú hie von ſcham in not Do er vor logrois geſtreit Vnd ſú ſo ferre noch yme reit Parcifal der clore Wart des one fore V́ber parelieret Das wart gekunduwieret Alle ſcham vs ſinem hertzen do One blotheit wart er fro Gawan von rechten ſchulden Gebot by ſinen hulden Frouwe benen das ir ſuͯſſer munt Itonien des nit dete kunt Das in der kv́nig gramolantz So haſſete vmbe ſinen crantz Vnd das ſú morne ein ander ſtrit Soltent geben zuͯ rechter kampff zit Er ſprach din weinen ſolt du vertagen Vnd ſolt nit miner ſweſter ſagen Suͯ ſprach ich mag wol weinen Vnd ẏemer clage erſcheinen Wenne weder mir do beliget Noch dem min frouwe jomers pfliget Mich vnd ſú múſz ich wol clagen Sú iſt zuͯ beider ſit erſlagen Was hilffet das ir ir brúder ſit Mit irem hertzen wolt ir fechten ſtrit Das her was gar gezogen in Gawan vnd den geſellen ſin Was ir eſſen albereit Mit der hertzogin gemeit Parcifal ſolte eſſen Do wart das nit vergeſſen Gawan der enpfale in ir Sú ſprach wolt ir befelen mir Den der frouwen ſpotten kan Wie ſol ich pflegen diſen man Doch diene ich yme durch uwer gebot Jch enruͯche obe irs nemement fúr ſpot Do ſprach gamúretes ſuͯn Froͧwe ir wolt gewalt mir duͦn So wiſe erkenne ich minen lip Er midet ſpottes aller wip Obe es do was man gap genuͦg Mit groſſer man fúr ſú truͯg Man vnd wip mit freiden as Ithonie doch nit vergas Sú enwartet an benen ougen Das die weinten tougen Do wart ouch ſú noch jomer far Jr ſuͯſſer munt meit eſſens gar Sú dochte was duͯt bene hie Jch hette ẏe doch geſendet ſie Zuͯ dem der mindoch min hertze treget Das mich hie gar vnſanffte reget Das iſt an mir gerochen Hette der kv́nnig wider ſprochen Min dienſt vnd min mynne Sin getruwe manlich ſinne Moͯgent hie nit me erwerben Wenne das dar vmb muͯſz erſterben Min armer lip den ich hie trage Noch jme mit hertzeclicher clage Do man eſſens verpflag Do was es ouch wol mit tag Artus vnd das wip ſin Frouwe genover die kv́nnigin Mit ritter vnd frouwen ſchar Rittent do der wol gefar Sas bẏ werder frouwen diet Parcifals enpfang do geriet Manige clore frouwen Muͯſte er ſich kv́ſſen ſchouwen Artus bot ẏme ere Vnd dancket yme des ſere Das ſine hohe werdickeit Was ſo lang vnd ſo breit Das er den priſz fúr alle man Von rechten ſchulden ſolte han Der waleiſe zuͯ artuſe ſprach Herre do ich zuͯ jungeſt ſach Do wart vff die ere mir gerant Von priſe gap ich ſo hohe pfant Das ich noch was komenen Nuͯ habe ich von úch vernomen Ob ir mirs ſagent var Das priſz ein teil an mir hat war Wie vnſanfft ich das lerne Jch gelobete es úch doch gerne Wolte es glouben alle an der diet Von den ich mich ſchāmmende ſchiet ⸿Die do ſoſſen johent ſiner hant. Sú hat den priſz v́ber manig lant Mit ſo hohem priſe erworben Denne ſin priſz were vnverdorben Der hertzogin ritter gar Ouch kome do der wol gefar Parcifal bẏ artuſe ſaſz Der werde kv́nig nit vergaſz Er enpfing ſú in des wurtes huſz Der hoͯheſte wiſe artus Wie wite were gawans gezelt Er ſaſz dar fúr vff das felt Sú ſoſſen vmb in an den ring Sich ſampten vnkunde ding Wer diſer vnd jenner were Das wurdent wite mere Solte der criſten vnd der ſarrazin Kuntlich do genennet ſin Wer was clinſors her Wer worent die ſo wol zuͯ wer Von logrois vil dicke ritten D*Do ſú durch vrgeluſen ſtritten Wer worent die do bracht artus Der ir aller lant vnd ir huſz Kúntlich ſolte nennen Moͯgelich ſú weren zuͯ erkennen Die johent alle gemeine Das parcifal alleine Vor vs truͯge ſo cloren lip Den gerne mẏnnen moͯchten wip Vnd was zuͯ hohem priſe zúge Das in des wurdickeit nit trúge Vff ſtunt gamiretes kint Der ſprach alle die hie ſint Sitzen ſtille vnd helffen mir Das ich gar v́nſanffte enbir Mich ſchiet von tafelrunder Ein verholenberes wunder Die mir E gebengoben geſelſchafft Helffen mir geſelleclicher crafft Noch dar v́ber des er gerte Artus in ſchoͯne werte Einer anderen bette er in do bat Mit wenig lúten er ſunder trat Das gawan gebe ẏme den ſtrit Den er zuͯ rechter kamppfe zit Des morgens ſolte ſtriten Jch wil ſin gerne biten Der do heiſſet gramolantz Von ſinem boum ich einen crantz Brache húte morgen fruͯ Das er mir ſtriten fuͯrte zuͯ Jch kam durch ſtriten in ſin lant Nit wenne dúrch ſtriten zuͯ ſiner hant Nefe ich ſolte din wenig truwen hie Mir geſchach ſo rechte leide nẏe Jch wone es der kv́nig were Der mich ſtrites nit verbere Nefe noch loſz du mich in beſtan OSol ẏemer ſin vnpriſz ergan Min hant yme ſchaden fuͯget Des yme fúr wor genuͯget Mir iſt min recht hie wider geben Jch mag geſelleclichen leben Lieber nefe nuͯ gegen dir Gedencke erkant ſippe an mir Vnd loſz den kampff weſen min Do duͯn ich manig ellen ſchin Do ſprach min herre her gawan Bruͯder vnd moge ich hie han Vnd miner oheim vil Vwer keinem ich geſtatten wil Das er fúr mich fechte Jch getruwe des mẏnem rechte Sol es glúcke walten Jch mag den priſz behalten Got lone dir das du búteſt ſtrit Es iſt aber fúr mich noch nit zit ARtus die bette erhorte Das geſpreche er zerſtorte Mit in wider an den ring er ſaſz Gawans ſchencke nit vergaſz Dar truͯgen jungherrelin Manigen túren kopff gúldin Mit edelem geſteine Der ſchencke ging nit eine Do das ſchencken beſchach Das volck fuͯre an ſin gemach Do begunde es nohen ouch der nacht Parcifal was ſo bedacht Allen ſinen harneſch er beſach Obe dem icht riemen gebrach Das hieſz er wol bereiten Vnd wunneclichen feiten Vnd einen nuwen ſchilt gewinnen Der ſin was vſſen vnd jnnen Zer hurtieret vnd zerſlagen Man muͯſte ẏme einen ſtarcken tragen Das doten ſariande Die vil wenig er bekande Etlicher was ein frantzois Sin roſz das der templois Gegen jme zuͯ der juſte bracht Ein knappe des bedacht Jch wart nẏe baſz erſtrichen ſit Do was es nacht vnd ſloffens zit Parcifal ouch ſloffens pflag Sin harneſch gar vor jme gelag : besteht aus einem dünnen Bogen. lxij Alſo parcifal vnd gramolantz mit einānd̉er fochten NVͦ rouwe den kv́nig gramolantz Das ein ander kv́nig fuͯrte ſinen krāntz Des tages hette gefochten Do getorſten noch enmoͯchten Die ſine das nit geſcheiden Er begunde es ſere leiden Das er ſich verſumet hette Was der helt do dete Wenne er E pris beyagete Recht jnnen do es tagete Wenne ſin roſz gewoppent vnd ſinen lip Obe geben richeloſe wip Siner zimierde ſtúr Sú was ſúſz alſo túr Er zierte den lip durch ein maget Er was ir dienſtes vnverzaget Er reit vff die fart Den kv́nig das muͯgete das hart Das der werde gawan Nicht ſchiere kam vff den plan Sú hette ſich ouch vil gar verholen Parcifal her vs verſtolen Vs einer banier er nam Ein ſtarckes ſper von angram Er hette ouch allen ſinen harneſch an Der helt reit alleine dan Gegen den ronen ſpegelin Aldo der kampffe ſolte ſin Er ſach den kv́nig halten dort E. das do weders ye wort Zuͯ einander geſpreche Man gicht yetweder ſteche Dem anderen durch des ſchiltes rant Das die ſprieſſen von der hant Vff durch den lufft ſich wunden Mit der juſte ſú beide kunden Vns ſus mit anderen ſtriten Vff des angers witen Wart das ton zerfuͯret Vnd die helm geruͯret Mit ſcharppfen ecken die wol ſnitten Vnverzagelich ſú beide ſtritten Do wart der anger getret An maniger ſtat das ton gewet Des ruwent mich die bluͯmen rot Vnd mere die helde die do not Dolten one zageheit Wem were das liep on leit Dem ſú nicht hetten getan Do bereit ouch ſich her gawan E. man freiſche mere Das do ver miſchet were Parcifal des kuͯnen Obe ers welle ſuͯnen Dem gebort er vnglich Er ſtreit ſo manlich Mit dem der ouch ſtrites pflag Nuͯ was es hoch vff den tag ⸿Gawan ein byſchoff meſſe ſang Von ſtoͯr wart do groſz gedrang Beide ritter vnd frouwen Man moͯchte zuͯ roſſe ſchouwen An artuſes ringe E. das man do geſinge Der kv́nig artus ſelb ſtunt Do die pfaffen das ambacht duͦnt Do der benedig wart getan Do woppent ſich her gawan Man ſach E tragen des ſtoltzen Sin ẏſerin koltzen An wol geſchicketen beinen Do begunden frouwen weinen Das volg zogete vs v́ber al Do ſú von ſwerten horten ſchal Vnd fúr vs helmen ſwingen Vnd ſlege mit krefften bringen Der kv́nig gramolantz pflag ſitte Jme ver ſmohete ſere das er ſtritte Mit einem man do duchte in nuͯ Das hie ſehſz griffen ſtrites zuͯ Es was doch parcifal allein Der gegen jme werlich ſchein Er hette in vnderwiſet Einer zuch die man noch priſet Er genam ſit niemer mere Mit rede an ſich die ere Das er zwein mannen bitte ſtrit Wenne einer yme zuͯ vil do git Der her was komen zuͯ beider ſit Vff dem gruͯnen anger wit Jetweder halp an ſin zil Sú pruͯffeten das nit ſpil Den kuͯnen wiganden Die roſſe woren geſtanden Do ſtrittent ſuſz die werden Zuͯ fuͯſſe vff der erden Einen herten ſtrit ſcharpff erkant Die ſwert hohe vſz der hant Wurffent do die recken Vnd wandelten die ecken Suſz enpfing der kv́nig gramolantz Suren zins fúr ſinen crantz Siner frindinne kunne Leit ouch bẏ in ſwache wunne Suſz engalt der werde parcifal Jthonẏen der liecht gemal Der er genieſſen ſolte Obe recht zuͯ rechte wolte Noch priſe die vil genaren Mit priſz ſtrit muͯſſen arnen Einer ſtreit fúr frúndes not Dem anderen mynne das gebot Das er was mynne vndertan Do kam ouch min herre her gawan Do es vil noch alſus was komen Das den ſig aldo hette genomen Der ſtoltze kuͯne waleis Prandelidelin von *purturteis Vnd bernont de riviers Vnd affmanius von clitiers Mit bloſſen houbeten diſe drẏ Ritten dem ſtrite nohe by Artus vnd gawan Rittent anderhalp vff den plan Zuͯ den kampff muͯden zwein Die fúnff wurdent des in ein Sú wolten ſcheiden diſen ſtrit Scheidens duchte rechte zit Gramolantzen der ſo ſprach Das er dem ſiges jach Den man do hette gegen yme erſehen Des muͯſz ouch mer luͯtes jehen Do ſprach des kv́niges lotz ſuͯn Herre kv́nig ich wil úch húte duͯn Alſo ir mir geſtern doten Do ir mich ruͯwen boten Nuͯ ruͯwent hint das duͯt úch not Wer úch diſen ſtrit gebot Der het úch ſwache crafft erkant Gegen myner werlichen hant Jch beſtúnde uͯch nuͯ wol ein Jr fechtent aber nit wenne mit zwein Jch wils morgen wogen eine Got es zuͯ rechte er ſcheine Der kv́ning reit dennan mit den ſin Er det E. viantzen ſchin Das er morgens gegen gawan Durch fechten keme vff den plan ⸿Artus zuͯ parcifal ſprach Nefe ſit dir ſuſz geſchach Das du des kamppfes bete Vnd manlichen dete Vnd gawan dirs verſagte Das din munt ſo ſere clagete Nuͯ haſt du den kampff doch ge ſtritten Gegen ẏme der ſin do hette erbitten Es were vns leit oder liep Du ſlich von vns alſo ein diep Wir hetten anders dine hant Diſes kamppfes wol erwant Nuͯ dorff gawanen des zúrnen nicht Was man dir dar vmb priſes gicht Gawan ſprach mir iſt nuͯ leit Mines nefen hohewurdickeit Mir iſt dannoch morgen alzuͯ fruͯ Solliches kamppfes griffen zuͯ Wolt michs der kv́nig erloſſen Das gihe ich yme gegen moſſen Das her reit in mit maniger ſchar Man ſach do frouwen wol gefar Vnd manigen gezimierten man Das nẏekein her me gewan Sollicher zimierde wunder Die von der tafelrunder Vnd die maſſenie der hertzogin Jr woppen roͯcke gobent ſchin Mit pfelle von zundunte Vnd brachte von pelpivnte Liecht worent ir convertúr Parcifal der gehegehiúr Wart in beiden gepriſet ſo Sin frint des weſen fro Sú johent in gramolantzes her Das zuͯ keiner zit ſo wol zú wer Nie kein ritter do kein Den ẏe die ſunne v́ber ſchein Was zuͯ beiden ſiten were getan Den priſz muͯſte er alleine han Dannoch ſú erkante nicht Dem ẏegelich munt do priſes gicht Gramolantz ſú rieten Er moͯchte wol enbieten Artuſe das er neme war Das kein ander man vs ſiner ſchar Gegen yme keme durch fechten Das er jme ſante den rechten Gawanen kv́nig lotz ſuͯn Mit dem wolte er den kampff duͯn Die botten wurden dan geſant Zweẏ húbſch kint wiſe erkant Der kv́nig ſprach ir ſúllent ſpehen Wem ir do priſz wellent jehen Vnder allen den cloren frouwen Jr ſúllent ouch ſunder ſchouwen By wellicher bene ſitze Vnde nement das in uwer witze Jn wellicher geberde ſú ſy Wonet ir freide oder truren by Das ſolt ir pruͯffen tougen Jr ſehent wol an iren ougen Obe ſú noch frinde komber hat Sehent das ir des nit enlat Bene mẏner frúndin Gebent diſen priſz vnd das vingerlin Sú weiſz wol wem das fúrbas ſol Werbent gefuͯge ſo duͯnt ir wol NV́ was es ouch anderhalp ſo komēn Jthonie hette aldo vernomen Das ir bruͯder vnd der liebeſteman Den maget zuͯ liebe ẏe gewan Mit einander fechten ſolten Vnd des nit loſſen ſoltenwolten Do braſt ir jomer durch die ſcheine Wenne ir komers nuͯ gezeme Der duͯ es on minen rat Sit ſú es ungedienet hat Beide ir muͯter vnd ir ane Die maget fuͯrten ſunder dane Jn ein wenig gezelt ſydin Arniwe weis ir diſen pin Sú ſtrofft ſú vmb ir miſſetat Des was ouch do kein ander rat Sú ver jach aldo vil vnverholn Das ſú lange in hette vor verſtoln Do ſprach die maget wert erkant Sol mir nuͯ mins bruͯder hant Mines hertzen ferch verſnẏden Das moͯchte er gerne vermiden Arniwe zuͯ einem jungherrelin Sprach nuͯ ſage dem ſuͯn min Das er mich balde ſpreche Vnd das alleine reche Der knappe artuſen brachte Arniwe des bedachte Sú wolte es in loſſen hoͯren Obe ers moͯchte zerſtoͯren Noch wem dirder cloren jtonie Was ſo hertzeclichen we Jnnen des ouch komen ſint Des kv́nig gramolantzes kint Die erbeiſſeten vff dem felde Vor dem cleinen gezelde Einer benen ſitzen ſach Bẏ der die artuſe ſprach Gicht des die hertzogin fúr priſz Obe mir min bruͯder min amis Slecht durch ir loſen rat Des moͯchte er jehen fúr miſſedat Wes het der kv́nig jme getan Er ſolte in min genieſſen lan Treit min bruͯder ſinne Er weis vnſer zweyer mẏnne So luter one truͯpheit Pfliget er truwe es wurnt jme leit Sol min ſin hant erwerben Noch dem kv́nnige ein ſúres ſterben Herre das ſy úch geclaget Sprach zuͯ artuſe die ſuͯſſe maget Nuͯ gedēnckent obe ir min oͯheim ſit Durch truwe ſcheident diſen ſtrit ⸿Artus vs wiſem munde Sprach an der ſelben ſtunde Owe liebe nifftel min Das din jugent ſo hoher mẏnne ſchin Duͯt das múſz dir werden ſur AldoAlſo det din ſweſter ſurdamur Durch der kriechen lampriure Suͯſſe maget gehúre Den kampff moͯchte ich wol ſcheiden Wie ſich das an in beiden Obe uwer hertz geſament ſint Gramolantz girotz kint Fuͯrt mit ſo manlichem ſitten Das der kamppff wurt geſtritten Es vnder ſte denne die mynne din Geſach er dinen liechten ſchin Bẏ freiden ẏe zuͯ keiner ſtunt Vnd dinen roten ſuͯſſen munt Sú ſprach das iſt nit beſchehen Wir mẏnnent einander one ſehen Er het mir aber durch liebe crafft Vnd durch rechte geſelleſchafft Sines cleinoͯtes vil geſant Er enpfing ouch von myner hant Das zuͯ der woren liebe hort Vnd vns beiden zwiffel ſtort Der kv́nig iſt an mir ſtete One falſch rhertzen rete Do erkante froͧwe bene Diſer knappen zwene Des kv́niges gramalantzes kint Die noch artuſe komen ſint Sú ſprach hie ſolte nẏeman ſten Wolt ir ich heiſſe fúrter gen Das volck vs den ſnuͯren Wil min frouwe ruͯren Sollich vngenode vmb ir trut Das mere kompt ſchiere v́ber lut Frouwe bene her vs wart geſant Der kinde eines an ir hant Schoup den brieff vnd das vingerlin Sú hetten ouch die hohe pin Von ithonien wol vernomen Vnd johen das ſú were komen Vnd woltent artuſen ſprechen Obe ſú das ruͯchete zechen Sú ſprach ſtent ferre dort hin dan Vntze ich úch gons zuͯ mir man Von benen der ſuͯſſen maget Jm gezelt wart geſaget Gramonlantz botten worent do Vnd frogeten ouch wo Artus der kvnig were Das duchte mich vngebere Ob inich in zeigete an diſz geſpreche Secht denne was ich reche An miner frouwen obe ſie Sú ſehent alſus hie ⸿Artus ſprach ſint dis die knaben Die ich an den ring ſach noch mir traben Das ſint von hoher art zweẏ kint Was obe ſú ſo gefuͯge ſint Gar bewart vor miſſedat Das ſú wol gont an diſen rat Entweder pfliget der ſinne Das er ſins herren mẏnne An miner nifftelen wol ſicht Bene ſprach des weis ich nicht Herre mag es mit hulden ſin Der kv́nig hat das vingerlin Do her geſant an diſen brieff Do ich nuͯ vor das paueluͦn lieff Der kinde eins gap in mir Frouwe ſent den nement ir Do wart der brieff vil gekuſt Jthonie drucht in an ir bruſt Sú ſprach herre nuͯ ſecht her an Obe mich der kv́nig minēn man Artus den brieff nam in die hant Dar an er geſchriben fant Von dem der mynnen kunde Vs ſin ſelbes munde Gramolantz der ſtete ſprach Artus in dem brieffe ſach Das er mit ſinem ſinne So endehaffte mynne Bẏ ſinen ziten nie vernam Do ſtunt das mynne wol gezam Jch gruͯſſe die ich gruͯſſen ſol Do ich mit dienſte gruͯſſen hol Frouwelin ich meine dich Sit du mit troſt troͯſtes mich Vnſer minne geben geſelleſchafft So iſt wurtzel miner freiden crafft Din troſt fúr ander troſt wiget Sit din hertze gegen mir truwen pfliget Du biſt ſloſſe obe miner truwe Vnd ein verluſt mines hertzen ruwe Din mẏnne git mir helffe rat Das do keiner ſlachte vndat An mir nȳmmer wurt geſehen Jch mag mag wol diner guͯte ẏehen Stete one wencken ſus Alſo polus ortanticus Gegen dem tremuntane ſtat Den entweder von der erſte gat Vnſer mynne ſol in truwen ſton Vnd nit von einander got Nuͯ gedencke an mir werde maget Was ich dir kombers han geclaget Wiſz diner helffe an mir nit laſz Obe dich ẏeman durch minen haſz Von mir welle ſcheiden So gedencke das vns beiden Die mẏnne mag gelonen Du ſolt frouwen ere ſchonen Vnd loſſe mich ſin din dienſtman Jch wil dir dienen was ich kan Artus ſprach nẏfftel du haſt wor Der kv́nig dich gruͯſſet one vor Der brieff duͯt mir mere kunt Das ich ſo wunderlichen funt Gege mẏnne nẏe gemeſſen ſach Du ſolt yme ſin vngemach Wenden alſo ſol er dir Lont ir das beide her zuͯ mir Jch wil den kampff vnder farn Die wile ſolt du weinen ſparn Nuͯ were du doch gefangen Sage mir wie iſt das ergangen Das ir einander wurden holt Du ſolt in diner mynne ſolt Teilen do wil er dienen noch Jthonẏe zuͯ artuſe ſprach Sú iſt hie die das ſamen truͦg Vnſer ẏetweders nẏe gewuͦcgewuͦg Wolt ir ſy fuget wol das ich in ſihe Dem ich mins hertzen gihe Artus ſprach die zeige mir Mag ich ſo fuͯge ich yme vnd dir Das uwer wille dar an ſtet Vnd uwer beider freide erget Jthonie ſprach es iſt bene Ouch ſint ſiner knappen zwene Alhie muͯgent verſuͯchen Wolt ir mins lebēns ruͯchen Obe mich der kv́nig welle ſehen Dem ich muͯſz miner freide jehen ⸿Artus der wiſe húbſch man Ging her vs zuͯ den kinden ſan Er kuſte ſú do der ſú ſach Der kinde eins zuͯ jme ſprach Herre der kv́nig gramolantz V́ch bittet das ir machent gantz Gelúbede die do ſẏ getan Zwúſchen yme vnd gawan Durch uwer ſelbes ere Herre er bittet úch mere Das kein ander man ime fúr ſtrit Uwer her das iſt ſo wit Solt ers alle v́ber fechten Das glichet nit dem rechten Jr ſolt gawanen loſſen komen Gegen dem der kampff do iſt genomen Der kv́nig ſprach zú den kinden Jch wil vns des enbinden Minem nefen geſchach nẏe groſſer leit Das er ſelbes do nit ſtreit Der mit uwerem heren do facht Dem was der ſick wol geſlacht Er iſt gamúretes kint Allo in drin heren ſint Komen von allen ſiten Die gefrieſchen nẏe gegen ſtriten Do keinen heilt ſo manlich Sit das dem priſe iſt glich Es iſt min nefe parcifal Jr ſúllent in ſehen den liecht gemal Durch gawanes truwen not Leiſte ich das mir der kv́nig enbot Artus vnd bene Vnd diſer knappen zwene Rittent her vnd dar Er lieſſe die kint nemen war Liechte blicke an maniger frouwen Sú moͯchten ouch do ſchouwen Vff den helmen manig geſnuͯr Wenig das noch wir Einem man der were rich Gebort er geſelleclich Sú koment nit von den pferden Artus lieſſe die werden V́ber alle das her die kinder ſehen Do ſú den wunſch moͯchten ſpehen Ritter megede vnd wip Manigen fletigen lip Des heres worent drú ſtúcke Do zwúſchen zwo lúcke ARtus reit mit den kinden dan Von dem here ferre vff dem plan Er ſprach bene ſuͯſſe maget Du hoͯreſt wol was mir hat geclaget Jthonie miner ſwerterſweſter barn Sú kan ir weinen wenig ſparn Des glouben min geſellen Die hie haben ob ſú wellen Jthonien het gramolantz Verloͯſchet nohe iren liechten glantz Nuͯ helffent mir ir zwene Vnd ouch min frúndin bene Das der kv́nig her zuͯ mir rite Vff den kamppff morgen ſtrite Minen nefen gawan Bringe ich gegen jme vff den plan Ritte der kv́nig húte in min her Er iſt morgen deſter baſz zuͯ wer Hie git die mẏnne jme einen ſchilt Das ſinen kampff genoſz befilt Jch meẏne gegen mẏnne hohen muͦt Der by den vigenden ſchaden duͯt Er ſol húbſch lúte bringen Jch wil hie tegedingen Zwúſchentz yme vnd der hertzogin Nuͯ werbens drut geſellen min Mit fuͯge des habent ir ere Mich wundert harte ſere Was ich v́bels ich v́bels moͯchte han Wider gramolantzen getan Sit er gegen minem kúnne pfliget Das in licht vnhohe wiget Minne vnd vnminne groſz Ein ẏegelich kv́nig min genoſz Min gerne moͯchte ſchonen Wil er mit haſſe lonen Jr bruͯder die in mynnet Obe er ſich ver ſẏnnet Ein hertze duͯt von mynnen wang Wenne es enleret den gedang ⸿Der kinde eins zuͯ artuſe ſprach Herre wes ir fúr vngemach Jehent das ſol min herre lan Wil er echt fuͯge han Jr wiſſent wol vmb den alten haſz Stot minem herren bliben baſz Danne das er do her zuͯ uch rite Die hertzogin pfliget noch ſite Das ſú ir hulde hat verſaget Vnd manigem man abe yme geclaget Er ſol mit wenig lúten komen Sprach artus die wile han ich vernomen Frẏde fúr den ſelben zorn Von der hertzogin wol geborn Jch wil jme guͯt geleite tuͯn Beaturs miner ſweſter ſuͯn Nement in an dem halben wege Er ſol faren in miner pflege Des ſol er nicht fur laſter jehen Jch loſſe in werde lúte ſehen Mit vrlobe ſú fúren dan Artus hielt allein vff dem plan Bene vnd die zwey kindelin Zú roſſe ſabins ritten in Vnd anderhalp das her do lag Do gelebete nẏe ſo lieben tag Gramolantz do in geſprach Bene vnd die kint ſin hertze jach Jme were alſo ſollich mere bracht Der ſelde hette gegen jme gedacht Er ſprach er wolte gerne komen Do wart geſelleſchafft genomen Sines landes fúrſten dry Rittent dem kv́nige nohe by Ouch det ouch der oͯheim ſin Der kv́nig brandelidelin Bernont de riviers Vnd affamanius von clitiers Jetweder einen geſellen nam Der vff die reiſe wol gezam Zwoͯlff worent ir bdo v́ber al Jungherren vil on zal Vnd manig ſtarcker ſariant Vff die reiſe wart benant Wellich der ritter cleider moͯchte ſin Pfelle der vil liechten ſchin Gap von golde ſwere Des kv́niges valckenere Mit jme denne durch beiſſen riten Nuͯ hette ouch artus nit vermitten Beacurs den liecht gefar Sant er zuͯ halbem wege dar Dem kv́ninge zuͯ einem geleite V́ber das gevilde breite Es were diche oder bach Wo er die paſſaſcen ſach Do reit der kv́nig beiſſen her Vnd me durch der mynne ger Beakurs in do enpfing So das es mit freiden erging ⸿Mit beakurs koͯmen ſint Me denne fúnffzig kint Die von ir art goben liechten ſchin Hertzogen vnd greffelin Do reit ouch etlich kv́niges ſuͯn Do ſach man groſſes enpfohen duͯn Von den kinden zuͯ beider ſit Sú enpfingent einander one nit Beakúrs pflag farwe liecht Der kv́nig ſich frogens ſumete nicht Bene jme ſagete mere Das der clore ritter were Beakúrs lots kint Do gedochte er hertze nuͯ vint Sú die dem glich Der do hie ritet ſo mẏnneclich Sú iſt fúr wor ſin ſweſter Die geworcht in ſin zeſter Mit ir ſperwer ſante mir den huͯt Obe ſú mir me genoden duͯt Alle irdenſche richeit Were die erde noch alſo breit Do vor neme ich ſú einen Sú ſols mit truwen ſcheinen Vff ir genode kome ich hie Sú het mich ſo getroͯſtet ẏe Jch getruwe ir wol das ſú mir duͯt Do von ſich hoher baſz min muͯt Er nam ir cloren bruͯder hant Jn die ſine die was ouch liecht erkant NV́ was ouch in dem her komen Das artus hette genomen Fride von der hertzogin Der was ergetzens gewin Komen noch zide gaſt Den ſú clageteE. ſo faſt Jr zorn was noch verdecket Wenne ſú hette er wecket Von gawan etlichen vmb fang Do von ir zorn was worden krang Artus der britunois Nam die cloren frouwen artois Beide megede vnd wip Die truͯgent flechteclichen lip Er hette der werden hundert Jn ein gezelt geſundert Nicht lieber moͯchte ſin geſchehen Denne das ſú den kv́nig ſolten ſehen Jthonie die ouch do ſaſz Steter freide ſú nit vergaſz Doch koſe man an iren ougen ſchin Das ſú die minne lerte pin Do ſaſz manig ritter liecht gemal Doch truͯg der werde parcifal Den priſz vor an der clorheit Gramolantz an die ſnuͯre reit Do fuͯrte der kv́nig vnerforcht Jn ganfaſſaſc geworcht Einen pfelle mit golde feſten Der begunde ferre gleſten Suͯ erbeiſſetent die do komen ſint Des kvnig gramolantzes kint Manige fúr in *ſpringen Jn die pauelun ſú ſich trungen Die kāmmerer in wider ſtrit Rumden ein ſtroſſe wit Gegen der bituneiſe kv́nigin Der kv́nig b̉randelidelin Fúr gramolantz vnd des pauelun do ging Genofer den mit kúſch enpfing Der kv́nig wart enpfangen ſuſz Bernonten vnd affmanius Die kv́nnigin man ouch kúſſen ſach Artus zuͯ gramolantz ſprah E. ir ſitzens beginnent Sehent obe ir do keine mynnent Diſer froͧwen vnd kuͯſſent ſú Vch beiden ſy das erloubet hie Do ſagete jme wer ſin frúndin was Ein brieff den er zú felde laſz Jch mein das *er iren bruͯder ſach Die jme vor aller der welte jach Jr werde mynne tougen Gramolantzes ougen Sú erkanten die jme minne truͯg Sin freide was hoch genuͯg Sit artus het erloubet das Das ſú beide einander one haſz Mit gruͯſſe enpfohen doten kunt Er kuſte jthonien an den munt Der kv́ning brandelidelin Das zuͯ genovern der kv́nigin Ouch ſaſz der kv́nig gramolantz Zuͯ der die iren liechten glantz Mit weinen hette begoſſen Des hette ſú ſin genoſſen Er wolte vnſchulde rechen So muͯſz er hin zuͯ ir ſprechen Sin dienſt noch mynne bieten Sú kunde ouch ſich des genieten Das ſú jme danckete vmb ſin komen Jr rede von nyeman wart vernomen Sú ſohen ein ander gerne Wenne ich nuͯ rede gelerne So prúffete ich was ſú ſprochen do Entweder nein oder jo ⸿Artus *zuͯ brandelidelin Sprach ir habent dem wibe min Vwer mere nuͯ genuͯg geſaget Er fuͯrte den heilt vnverzaget Jn ein mynner gezelt Kurtzen weg vber das felt Gramolantz ſaſz ſtille Das was ouch wol ſin wille Vnd alle ander die geſellen ſin Do goben froͧwen ſo cloren ſchin Das die ritter wenig do verdroſz Jr kurtzewile was ſo groſz Sú moͯchte ein man noch gerne doln Der noch ſorge wolte erholn Fúr die kv́nnigin man do truͯg Des trincken truncken ſú genuͯg Die ritter vnd die frouwen gar Sú wurdent deſter baſz gefar Man truͯg ouch trincken dort hin in Artuſen vnd brandelidelin Der ſchencke ging wider dan Artus ſin rede alſus huͯp an Herre kv́nig nuͯ lont das alſo ſin Das uwer nefe den nefen min Jn einem kreiſſe habe erſlagen Wolte er mdenne mynne tragen Gegen miner nẏfftelen der maget Die jme ir komer ouch dort claget Do wir ſú lieſſen ſitzen Vnere ſú denne mit witzen Sú wurde jme nẏemer dar vmb holt Vnd deilte jme ſollichen haſſes ſolt Des in moͯchte verdrieſſen Wolte er ir icht genieſſen Wo haſſe die mynne vnder fert Dem ſteten hertzen freide es wert Do ſprach der kv́nig von ponturteis Zuͯ artuſe dem brituneiſe Herre ſú ſint vnſer ſweſter kint Die gegen einander in haſſe ſint Wir ſúllent den kampff vnder ſton Denne es mag nit anders ergon Wenne das ſú einander mynnen Mit hertzeclichen ſinnen Vwer nẏfftel ithonie Sol minem nefen gebieten E Das er d*den kampff durch ſú verber Sẏ das er ir mynne ger So wurt fúr wor ir kampff vermitten Gar mit ſtritteclichem ſitten Vnd helffent ir dem nefen min Hulde do zuͯ der hertzogin Artus ſprach das wil ich tuͯn Gawan miner ſweſter ſuͯn Jst wol ſo gewaltig ir Das ſú beide jme vnd mir Durch ir zucht die ſchulde git So ſcheident ir anderhalp den ſtrit Jch duͯn ſprach brandelidelin Sú gingen beide rwider in Do ſaſz der kv́ning von ponturteis Zuͯ genofern die was curteis Anderhalp ir ſas parcifal Der was ouch ſo liecht gemal Nie ouge erſach ſo ſchonen man Artus huͯp ſich her dan Zuͯ ſinem nefen gawan Dem was zuͯ wiſſen getan Der kv́nig gramolantz were komen Do wart ouch ſchier vor jme vernomen Artus erbeiſſete vor dem gezelt Gegen dem ſprang er vff das felt Suͯ truͯgen das zúſamen do Das die hertzogin ſprach ſuͯn jo Aber anders nit do keine wiſz Wenne obe gawan ir amis Wolt den kampff durch ſú verbern So wolt ſú ouch der ſuͯne wern Die ſuͯne wurde aber nit getan Denne obe der kv́nig nit wolte lan Bericht vff ir ſpeher lot Bẏ artuſe ſú das hin enbot Artus der wiſe man Diſe mere brochte wider dan DO muͯſte der kv́nig gramolantz Verkieſen vmb ſinen krantz Vnd was er haſſes pflege Gegen lot von norwege Der zerging alſo in der ſunnen der ſne Durch die cloren ithonie Luterlich one allen haſz Das zerging die wile er by ir ſaſz Alle ir bette er volge jach Gawanen man dort komen ſach Mit clerlichen lúten Jch moͯchte úch nit gar bedúten Jr nāmmen oder wannen ſú weren erbor̄n Do wart durch liebe leit verkorn Vrgeluſe die vier Vnd ir werden ſoldier Vnd ouch die clinſor ſchar Jr ein teil ſú worentz nit gar Sach man mit gawanen komen Artuſes gezelt was genomen Die winde von dem huͯte Arniwe die guͯte Sangwe vnd condrie Die het artus gebetten E An diſer ſuͯne tegeding Wer pruͯffet das fúr cleine ding Der groͯſſe was er welle Jofrit gawanes geſelle Fuͯrte die hertzogin liecht erkant Vnder das pauelun an ſiner hant Die pflag durch zucht der ſinne Die drige kv́niginne Lieſz ſú fúr ir ougen dar in Die kuſte brandelidelin Vrgeluſe in ouch mit kuſſe enpfing Gramolantz durch ſuͯne ging Vnd vff genode gegen in dar Jr ſuͯſſer munt rot gefar Den kv́nig durch ſuͯne kuſte Dar vmb ſú weinens luſte Sú gedacht an zitigaſtes dot Do twang ſú wiplich not Noch jme dennoch ir ruwe Wolt ir des jehen fúr truwe Gawan vnd gramolantz Mit kuſſe ir ſuͯne ouch machten gantz Artus gap ithonie Gramolantz zuͯ rechter E Do hette er vil gedienet noch Bene was fro do das geſchach Denne úch ir mẏnne lerte pin Dem hertzogen von gowortzin Wart kvndrie do gegeben One freide ſtunt ſin leben Vntze er ir werde mynne ēnpfant Dem turcoiten florant Sangwen artus zuͯ wibe bot Die hette do vor der kv́nig lot Der fúrſte ouch ſú vil gerne nam Die gobe mynne wol gezam ⸿Artus was frouwen milte Sollicher gobe in nicht bevilte Das was mit rote do vor bedacht Nuͯ diſe rede wart volbracht Do ſprach die hertzogin Das gawan hette ir min Gedienet mit priſe hoch erkant Das er vber ir lip vnd vber ir lant Von rechte herre were Die rede duchte ſwere Jr ſoldier die manig ſper E brochen durch ir minne ger Gawan vnd die geſellen ſin Arniwe vnd die hertzogin Vnd manig frouwe liecht gemal Vnd ouch der werde parcifal Sangiwe vnd kondrie Nomen urlop ithonẏe Bleip bẏ artuſe do Nuͯ bedarff nẏeman ſprechen wo Schoͯner hochgezit erging Ginofer in ir pflege enpfing Jthonẏen vnd ir amis Gramolantzen der manigen pris Mit ritterſchafft E dicke er rant Des in ithonie mynne twang Zuͯ der herberge maniger reit Dem hohe mynne fuͯget leit Des nachtes vmb ir eſſen Moͯgen mir mer wol vergeſſen Wer do werder mẏnne pflag Der wunſchete der nacht fúr den tag ⸿Der kv́nig gramolantz enbot Des twang in hoffart not Zuͯ roſſe ſabins den ſinen Sú ſolten ſich des pinen Das ſú abe brechen by dem mer Vnd vor tage komen mit ſinem her Vnd das ſin marſchalck neme Stat die her gezeme Mir ſelben pruͯffet hohe ding Jegelichem fúrſten ſunder ring Des wart durch hohe koſte erdacht Die botten fuͯren do was es nacht Man ſach do manigen trurigen lip Die das geleret hetten wip Wenne wem ſin dienſt verſwindet Das er nit lones vindet Dem muͯſz gegen ſorge weſen goch Do enreich wibe helffe noch Nuͯ gedochte aber parcifal An ſin wip die liecht gemal Vnd an ir kúſchen ſuͯſſe Ob er kein ander gruͯſſe Der er dienſt noch mynnen biete Vnd ſich vnſtete nẏete Sollich mynne wurt von jme geſpart Groſſe truwe hat ſo bewart Sin manlich hertz vnd ouch ſin lip Das fúr wor nie ander wip Wart gewaltig ſiner mẏnne Nút wenne die kv́niginne Die reine condiwier amirs Die gefloriertt beaflúrs Er gedacht ſit ich mynnen kan Wie hat mẏnne an mir getan Nuͯ bin ich doch vs mȳnne erborn Wie han ich mynne alſus verlorn Solh ich noch dem grole ringen So muͯſz mich ẏemer twingen Jr kúſchelicher vmbfang Von der ich ſchiet das iſt ſo lang Sol ich mit den ougen freide jehenſehen Vnd muͯſz min hertze kombers jehen Die werg ſtont vnglich Hohes muͯtes rich Wurt nẏeman ſollicher pflicht Glúcke mich bericht Was mir das wegeſt dar umb ſy Sin harneſch lag yme nohe by Er gedocht ſit ich mangel han Das den ſeldehafften vndertan Jſt ich meine die mẏnne Die trurigens mannes ſinne Mit freiden helffe ergeilet Sit ich des bin verteilet Jch enruͯch nuͯ was mir geſchicht Got wil mẏner freide nicht Die mich twinget mȳnnen gir Stúnde unſer mynne min vnd ir Das ſcheiden dar zuͯ horte So das vns zwiffel ſtorte Jch moͯchte wol zú an der mȳnne komēn Nuͯ habent ir mynne mir benomēn Ander mẏnne vnd freideberen troſt Jch bin trurens vnerloſt Glúcke muͯſz freide wern Die endehaffter freide gern Got gebe freide allen diſen ſcharn Jch wil vs diſen freiden farn Er greiff do ſin harneſch lag Des er dicke alleine pflag Das er ſich balde woppen dar in Nuͯ wil ich werben nit wenne pin Do der freide flúchtige man Geleit allen ſinen harneſch an Er ſattelt das roſz mit ſiner hant Schilt vnd ſper er bereit fant Man horte ſin reiſe morgens clagen Do er dannen ſchiet do begunde es tagen ⸿Vil lút diſz hat verdroſſen Den diſe mere was vor beſloſſen Genuͯge kundent es nie erfarn Nuͯ wil ich es nit lenger ſporn Jch duͯ es úch kunt mit rechter ſage Wenne ich in dem muͯnde trage Das ſloſz diſer offentúr Wie der ſuͯſſe vnd der gehúr Anfortas wart wol geſunt Vns duͯt die offentúre kunt Wie von pelrapier die konnigin Jr kúſchen wiplichen ſchin Behielt jme das an ir lones ſtat Do ſú in hohe ſelde trat Parcifal das wirbet Ob min kunſt nit verdirbet Jch ſage alle erſt ſin arbeit Wenne was ſin hant ẏe geſtreit Das was mit kinden her getan Mochte ich dis meres wandel han Vngerne wolte ich in frogen Des kunde mich ouch betrogen Nuͯ bevilhe ich ſin glúck Sinem hertzen der ſelden ſtúck Do die fruel by der kúſche lag Wenne es nẏe zageheit gepflag Das muͯſte jme feſtenunge geben Das er behalt nuͯ ſin leben Sit es ſich hette an den gezeiget Jn beſtot obe allen ſtrit ein voget Vff ſiner vnverzageten reiſe Der ſelben turteiſe Was ein heidenſcher man Der douffes kunde nie gewan PArcifal reit balde Gegen einem groſſen walde Vff einer liechten waſte Gegen einem richen gaſte Es iſt wunder obe ich armer man Die richeit úch geſagetgeſagen kan Die der heiden vor zimierde truͯg Sage ich des mere denne genug Dannoch mach ichs úch me wlwol ſagen Jch wil ſiner richeit nit getagen Was diende artuſes hant Zuͯ britanie vnd in engellant Das vergulten nit die ſteine Die mit edelem arde reine Logen vff des woppen rock Der was túre ane alle getrog Rubin oder calcedone Worent do zuͯ ſwachem lone Der woppenrock gap blancken ſchin Jn dem berge zuͯ agramontin Die túrlin ſalomander Jn worten zuͯ einander Jn dem heiſſen fúre Die edelen ſtein ſo túre Logent dar vff dunckel vnd liecht Jr art mag ich benennen nicht Sin gir ſtunt noch mynne Vnd noch priſes gewinne Es goben ouch meiſtig alle wip Do mit der heiden ſinen lip Coſtlichen zimierte Die mẏnne conduwierte Jn ſin nanlich hertze hohen muͦt Alſo ſú noch den mynnegerenden duͦt Er truͯg ouch durch priſes lon Vff dem houbet ein ecidemon Wellich wurm ſint etehafft Von des ſelben tier licies crafft Hant ſú lebens do keine friſt Wenne es von in erſmecket iſt Toppidiſſemonte Vnd aſſigarzionte Taſine vnd araby Sint vor ſollichem pfelle fry Alſo ſin trugroſz truͯg convertúr Der vngedouffete gehúr Rang noch wibe lon Des zimierte er ſich ſuſz ſchon Sin hohes hertz in des betwang Das er noch werder mynne rang ⸿Der ſelbe werlich knabe Hette in einer wilden habe Zuͯ einem fúrecht geancket vff dem mer Er het fúnff vnd zwenczig her Der keines anderen rede vernam Alſo ſiner richeit wol gezam Alſus manig ſunder lant Diende ſiner werden hant Moͯre vnd ander ſarrazine Mit vnglichem ſchine Jn ſinem wit geſamten her Was manig wunderlich wer Ouch reit noch offentúre dan Von ſinem her diſer eine man Durch bancken in das forecht Sit ſú ſelb nomen in das recht Die kv́nige ſo lont in riten Alle in noch priſe ſtriten Parcifal reit nit eine Do was mit jme gemeine Er ſelb vnd ouch ſin hoher muͯt Der ſo manlich were do duͯt Das es die wip nuͯ ſolten loben Sú woltent denne durch boſzheit toben Die mit kúſche lember warn b Hie wellent einander farn a Vnd louwen in der frecheit Owe das die erde was ſo breit Das ſú einander nit vermitten Die do vmb vnſchult ſtritten Jch ſorge des den ich han bracht Wenne das ich troſtes han gedacht Jn ſol des groles crafft ernern Jn ſol ouch die mynne wern Den beiden was er dienſthafft One wang mit dienſtlicher crafft Min kunſt mir des nit witze git Das ich geſage diſen ſtrit Beſcheidelich alſo er erging Jetweders ougen blig enpfing Das er den anderen komen ſach Jetweders hertze dar vmb freide jach Do ſtunt ein truren nohe by Die freẏde ẏetwederem ſy Das er des anderen hertze truͦg lxiij Jr froͯmde was heimlich doch genuͯg Alſo parcifal vnd der heiden mit einān=der ſtritten : besteht aus einem etc-Zeichen. NV́ mag ich nit beſcheiden Den getoufften von dem heiden Sú wellen*wellent haſz erzeigen Das ſolt in freide neigen Die ſint erkant vor guͯten wip Wenne ẏetweder durch frúndin lip Sin ferch gegen der hurte bot Glúck ſcheidet das one not Den louwen ſin muͯter dot gebirt Von ſins vatter galm er lebendig wúrt Diſe zwene vſz crach ſint erborn Von maniger juſte vs priſe erkorn Sú kunden ouch mit joſte Mit ſperzierender koſte Laſſierende ſú die zoúme Kurtzen vnd doten goume Wenne ſú pumierten Das ſú nit failierten Sú pflogens vnvermeſſen Do wart faſte geſeſſen Vnd gegen der juſte geſchicket Vnd das roſz mit ſporn gezwicket Hie wart die juſte alſo geſtritten Beẏde coler verſnitten Mit ſtarcken ſpern die ſich nit buͯgen Die ſprieſſen von der juſte fliegen Er het den heiden gar fúr haſz Das diſer man vor yme geſaſz Wenne des nẏeman vor ẏme ge*gepflag Gegen dem er ſtrites ſich bewag Obe ſú icht ſwerte fuͦrten Do ſú zuͯ einander ruͦrten Die woren ſcharpff vaſt vnd breit Jr kunſt vnd ir manheit Wart do er zeiget ſchier Ecidemon dem tier Wart etlich wunde geſlagen Es moͯchte der helm dar vnder clagen Die roſz vor muͯde wurden heiſz Sú verſúcheten manigen nuwen kreis Su beide ab den roſſen ſprungen Alrerſt die ſwert erclungen Der heiden det dem gedouffeten we Des chrie was thaſine Vnd wenne er ſchrit thabronit So drat er fúrbaſz einen trit Werlich was der getoufft Vff manigem ſtretem loufft Den ſú zuͯ einender doten Jr ſtrit was ſo geroten Das ich die rede nit mag ver tagen Jch muͯſz ir ſtrit mit truwen clagen Sit ein ferch vnd ein bluͯt Sollich vngenode einander duͯt Sú worent beide eins mannes kint Der geluterten truwe firmamint Den heiden mynne verdroſz Des was ſin hertze in ſtrite groſz Gegen priſe truͯg er willen Durch die kv́nigin ſecundillen Die das lant zuͯ tribalibot Jme gap die was ſin ſchilt in not Der heiden nam an ſtrite zuͯ Wie duͯn ich dem getuͯfften nuͯ Er welle an mẏnne gedencken So mag er nit entwencken Diſer ſtrit múſz jme erwerben Von des heiden hant ein ſterben Das wende dugenthaffter gral Cunduwier amurs liecht gemal Hie ſtat uwer beider dienſtman Jn der groſſen not die er ẏe gewan Die heiden warff vff ſin ſwert hoch Manig ſin ſlag ſich ſuſz gezoch Das parcifal kam vff die nẏeknie Man mag wol ẏehen do ſtritten ſie Der ſú beide nennen wil zuͯ zwein Sú worent doch beide nit wenne ein Min bruͯder vnd iſtich das ſint ein lip Alſo iſt guͯt man vnd ſin wip Der heiden det dem getoufften we Des ſchilt hieſz holtz was aſpende Das fulet noch enbrinnet Er was von ir geminnet Die in jme gap des ſint gewis Turtoiſe vnd criſopraſſis Smaragde vnd robine Vil ſtein mit ſunder ſchine Worent verwircket durch koͯſtlichen pris Alle vmb vff die buckel riſz Vff dem buckel huſe ſtunt Ein ſtein des nāmmen des duͯn ich úch kunt Antrax dort genennet Karfunckel hie bekennet Durch der mynne conduwier Ecidemon das reine tier Hette ẏme zuͯ woppen gegeben An der genode er wolte leben Die kv́nigin ſecundille Diſz woppen was ir wille Do ſtreit der truwen luterkeit Groſſe truwe aldo mit truwen ſtreit Mit mynne hetten ſú gegeben Durch kampff vff vrteil beide ir leben Jetweders hant was ſicher bot Der getouffete wol getruwet got Sit er von tremrizende ſchiet Der yme ſo hertzeclichen riet Er ſolte helffe an den gern Der in ſorge freide kunde wern ⸿Der heiden truͯg echt ſtarcke lit Wenne er ſchrite thabronit Do die kv́nniginne ſecundille was Vor der muntanie kaucaſas So gewegewan er nuwen hohen muͯt Gegen dem der E was behuͯt Vor ſollichem ſtrites v́ber laſt Er was ſcunfentúre ein gaſt Das er ſú nẏe gedolt Doch ſú maniger zuͯ jme holt Mit kunſt ſú die arm erſwúngen Fúres blick vs helmen ſprúngen Von ir ſwerten ging ir der ſure wint Got nere do gamiretes kint Der wunſch wurt in beiden Dem geteiffeten vnd dem heiden Die nante ich E fúr einen Suſz begunden ſú es ouch meinen Werent ſú einander baſz erkant Sú ſaſten nit ſo hohe pfant Jr ſtrit galt nit mere Wenne freide ſelde vnd ere Wer do den pris gewinnet Obe der truwe mynnet Wellich freide er hat verlorn Vnd ẏemer hertzen ruwe erkorn WEs ſumeſt du dich parcifal Das du in die liechten kúſchen mal Nit gedenckeſt ich mein din wip Wilt du behalten hie den lip Der heiden truͯg zwo geſelleſchafft Dar an lag doch ſin meiſte crafft Ein das er mynne pflag Die mit ſtete in ſinem hertzen lag Das ander woren ſteine Die mit edelem arde reine Hochgemuͯte in lerten Vnd ſin crafft gemerten Mich muͯget das der getoufft An ſtrite vnd ouch an loufft Suſz midet vnd an ſtarcken ſlegen Obe ime nuͯ nit gehelffen moͯgen Condewier amurs noch der gral Vil werlicher parcifal So muͯſt du doch einen troſt haben Das die cloren ſuͯſſen knaben Suſz fruͯ nit verweiſet ſin Kordeis vnd loholangrin Die beide lebendig truͯg ſin wip Do er zuͯ jun*jungeſt vmb ving iren lip Mit rechter kúſch erworben kint Jch wene dis mannes ſelde ſint Der getouffte nam an crefften zuͯ Er gedocht das was yme nit zuͯ fruͯ An ſin wip die kv́nniginne Vnd an ir werden mynne Die er mit ſwertes ſchimpff errang Do fúr vs helmen ſprang Von pelrapier an clamide Thabronit vnd thaſine Den wart hie wider ruͯff gewegen Parcifal begunde ouch pflegen Das er pel*pelrapier ſchrit Condewier amurs bezit Durch vier kv́nigrich aldar Sin nam mit nuwen crefften war Do ſprungen des ich wene Von des heiden ſchilt ſpene Etlich hundert marcke wert Von gahevies das ſtarcke ſwert Mit ſlage vff des heiden helm braſt So das der kuͯne werde gaſt Mit ſtruch venie ſuͯchte Got des nit langer ruͯchete Parcifal das er nemen Jn ſiner hende ſolte zemen Das ſwert er ither nam Alſo ſiner tumbheit wol gezam Der es nie geſeig durch ſwertes ſwang Der heiden ſnelleclich vff ſprang Es iſt noch vngeſcheiden Zuͯ vrteil ſtat es in beiden Vor der hoͯheſten hende Das die ir ſterben wende Der heiden was muͯtes rich Er ſprach do hubſchelich Jn frantzois das er wol kunde Vs heideſchem munde Jch ſihe wol werlicher man Din ſtrit wurde one ſwert getan Was priſes beẏagete ich denne an dir Stant ſtille vnd ſage mir Werlicher helt wer du ſis Fúr wor du hetteſt minen pris Behabet der lange iſt mich gewert Wer dir zerbrochen nit din ſwert Nuͯ ſy von vns beiden fride Vntze vns geruͯwen baſz gelide Sú ſoſſen nyder vff das graſz Manheit bẏ zucht in beiden was Vnd ir beider jore von ſollicher zit Zuͯ alte noch zuͯ iungjung ſú beide vff ſtrit Der heiden zú dem getoufften ſprach Nuͯ gloube helt das ich geſach Bẏ minen ziten noch nie man Der baſz den priſz moͯchte han Den man in ſtrite ſolte beyagen Nuͯ geruͯche helt mir ſagen Dinen nāmmen vnd din art So iſt wol bewendet her min fart Do ſprach der hertzoleiden ſuͯn Sol ich das durch forchte tuͯn So darff es nẏeman an mich gern Sol ichs betwungenlichen wern Do ſprach der von thaſine So wil ich mich nennen E Vnd loſz das laſter weſen min Jch bin ferifúr anſce vin So riche wol das miner hant Mit zinſe dienet manig lant ⸿Do diſe rede von yme geſchach Parcifal zuͯ dem heiden ſprach Wo von ſint ir ein auſcevin Das ſol ich von arde ſin Doch ich mir fúr wor geſaget Das ein helt vnverzaget Wone in der heidenſchafft Der habe mit ritterlicher crafft Minne vnd priſz behalten Das er muͯſz beider walten Der iſt zuͯ bruͯder mir genant Sú hant in do vor priſz erkant Aber ſprach do parcifal Herre uwer antlitz mal Hette ich die kintlich erſehen So wurde ich ſchiere von mir jehen Alſo er mir kunt iſt getan Herre woltent irs an mich lan So enbloͯſſent uwer houbt Obe ir mirs gloubt Min hant úch ſtrites gar verbirt Vntze es an der ſtunt gewoppen wirt Do ſprach der heidenſch man Dines ſtrites ich wenig angeſt han Stunde ich gar bloſz ſit ich han ſwert Dú wereſt doch ſcumppfentúre gewert Sit din ſwert gebrochen iſt Alle din werlicher liſt Mag dich vor dot nit bewarn Jch wil dich anders gerne ſparn E du beginneſt ringen Min ſwert lieſſe ich clingen Beide durch ẏſen vnd durch fel Der heiden ſtarcke vnd ſnel Din manlich ſitte ſchin Dis ſwert ſol vnſer entweders ſin Es warff der kuͯne tegen balt Ferre von ime in den walt Er ſprach ſol me ſtrit ergan Do muͯſz glich ſchantz ſtan Aber ſprach do ferefis Helt durch diner zúchte flis Sit du bruͯder múgeſt han So ſage mir wie iſt er getan Duͯt mir ſin antlitz erkant Wie dir din ſin farwe ſy genant Do ſprach der hertzeloẏden kint Alſo ein geſchriben pirmint *Swartz vnd blanck hie vnd do Suſz nante mir in ecubo Der heiden ſprach der bin ich Sú beide wenig ſumten ſich Jetweder ſin houbet ſchier Von helm vnd herſenier Enbloͯſſet an der ſelben ſtunt Parcifal fant hohen munt Vnd den liebeſten den er ẏe fant Der heiden ſchier wart erkant Wenne er truͯg agleſter mal Ferrefis vnd parcifal Mit kuſſen vnder ſtunden haſz Jn zam ouch beiden frintſchafft baſz Denne gegen einander hertzen nit Truwe vnd liebe ſchiet ir ſtrit ⸿Der heiden do mit freiden ſprach O wol mich das ich ẏe geſach Des werden gamurechtes kint Alle min goͯtte des geeret ſint Min goͯttin juno Des priſes mag wol weſen fro Min crefftig got jupiter Diſer ſelden was min wer Gotte vnd gottinne Vwer crafft ich ẏemer mẏnne Geeret ſy des planeten ſchin Dar in die werde reiſe min Noch offentúre wart getan Gegen dir forchtheclich ſuͯſſer man Das mich von diner hant gerou Geret ſú lufft vnd tou Das húte morgen vff mich reiſe Minnen ſlúſſel kurteiſe O wol die wip die dich ſúllent ſehen Was den doch ſelden iſt beſchehen Jr ſprechent wol ich ſpriche baſz Obe ich das kúnde one allen haſz Nuͯ bin ich leider nit ſo wiſz Des uwer wurdeclicher priſz Mit worten muͯge gehoubet ſin Got weil aber wol den willen min Was hertze vnd ougen kunſt hant An mir die beide nit erlant Vwer priſz ſaget vor ſú volgen noch Das nẏe von ritters hant geſchach Mir groſſer not fúr wor ich das weiſz Denne von úch ſprach der do von kanfleiſz Do ſprach der riche ferrefis Juppiter hette ſinen flis Werder helt geleit an dich Du ſolt nit me retzen mich Wir hettent doch beide einen vatt̉er Mit bruͯderlichen truwen bat er Das er in irtzens erlieſſe Vnd in dutzlich hieſſe Die rede was parcifal leit Er ſprach bruͯder uwer richeit Glichet wol dem barug ſich So ſint ir elter ouch denne ich Min jugent vnd min armuͦt Sol ſollicher loſzheit ſin behuͦt Das ich úch dútzen biete Wenne ich mich zuchte niete Der von trabalibot Jupitern ſinen got Mit worten erte manige wiſe Er gap ouch vil hohen priſe Siner goͯttin juno Das ſú das wetter fuͯgete ſo Do mit er vnd ſin her Gegen dem lande vnd vff dem mer Die lantfeſte nomen Das ſú zuͯ einander komen An der ſtunt ſú nẏder ſoſſen Die beide nit vergoſſen Sú butten ein ander ere Der heiden ſprach do mere Jch wil dir loſſen zweẏ riche lant Dienſtlichen ẏemer diner hant Dinem vatter vnd der dine erwarp Do der kv́nig ẏſenhart erſtarp Zazamang vnd azagoug Sin manheit do nieman troug Wenne das er lieſſe verweiſet mich Gegem minem vatter der gerich Jſt minhalp noch vnverkorn Sin wip von der ich wart geborn Durch mynne ein ſterben noch jme koſz Do ſú mynne an jme verloſz Jch ſihe doch gerne den ſelben man Mir iſt zuͯ wiſſen getan Das nẏe beſſer ritter wart Noch ẏme iſt koſtlich min fart Parcifal hin zuͯ jme ſprach Jch bin ouch der in nẏe geſach Man ſaget mir guͯte werg von jme An maniger ſtat ich die vernȳmme Das er wol kunde in ſtriten Sinen priſz gewiten Vnd wirdickeit gemachen hoch Alle miſſewende in floch Er was wiben vndertan Obe die truwe kunden han Sú lonten on falſchen liſt Do von der touff noch geeret iſt Pflag er truwe one wencken Er kunde ouch wol verkrencken Alle falſcheliche dietdat Hertzen ſtete jme gap den rat Das ruͯchten ſú mich wiſſen lan Den kúndig was der ſelbe man Den ir ſo gerne ſehet Jch wene ir priſes jehet Jme obe er noch lebete Wenne er noch priſe ſtrebete Sin dienſt twang der wibe lon Das der kv́nnig ipomidon Gegen jme juſtierens pflag Die juſte erging vor baldag Do wart ſin werdecliches leben Durch mẏnne an den ergeben Wir lon in zuͯ rechter juſt verlorn Von dem wir beide ſint erborn Owe der vnergetzeten not Sprach der heiden iſt min vatt̉er dot Jch mag wol freiden verluſt jehen Vnd freiden frint mit worheit ſpehēn Jch han an diſen ſtunden Freide verloren vnd freide funden Wil ich der worheit griffen zuͯ Beide min vatter vnd ouch du Vnd ich wir worent gar allein Doch es an drin ſtúcken ſchein Do man ſicht den wiſen man Den enzilt do kein ſippe dan Zwúſchent vatter vnd des kinden Wil er die worheit vinden Mit dir ſelbe haſt du geſtritten Gegen mir ſelb kam ich vff ſtrit gerittēn Vnd hette mich ſelb gerne erſlagen Do enkundeſt du des nit vertagen Du werteſt mir min ſelbes lip Juppiter dis wunder ſchribt Din krafft det vns helffe kunt Das ſú vnſer ſterben vnder ſtunt Er lachte vnd weinte tougen Sin heidenſchen ougen Begunden waſſer reren Alle noch des touffes ere*eren + Der touff ſol leren truwe Sit vnſer E die nuwe Noch criſt wart genennet An criſt iſt truwe erkennet Der heiden ſprach ich ſage wie Wir ſúllent nit langer ſitzen hie Rit mit mir nit zuͯ ferre Loſcieren vff die terre Durch din ſchouwen mer Heiſſe ich das richeſte her Den juno ẏe gap ſegels lufft Mit worheit one triegens gufft Zeige ich dir manigen werden man Der mir iſt dienſtes vndertan Dar ſolt du riten hin mit mir Parcifal ſprach zuͯ yme ſit ir So gewaltig uwer lúte Das ſú uwer beiten húte Vnd alle die wile ir vōn in ſit Der heiden ſprach one ſtrit Wer ich von in halbes jor Min bitten rich vnd arm gar Sú geturſten nẏergent keren Geſpiſet wol noch vil eren Sint alle ir ſchiff in der habe Roſſe noch mane nit bedorffte dar abe Komen durch funtane Vnd durch den lufft gegen dem plane Parcifal zuͯ dem bruͯder ſin Sprach du ſolt ir frouwēn ſchin Sehen vnd groſſe wunne Von uwerem werden kúnne Manigen ritter kurtois Artus der britonis Het hie by mir werder diet Von den ich mich húte ſchiet Mit groſſer wunneclicher ſchar Wir ſehen do frouwen wol gefar Do der heiden horte nennen wip Die worent echt ſin ſelbes lip Er ſprach dar fuͯre mich mit dir Dar zuͯ ſolt du ſagen mir Mere der ich dich froge Sehen wir vnſer moge So wir zuͯ artuſe komen Von des fuͯr ich han vernomen Das er ſy priſes rich Vnd fare ouch wúrdeclich Do ſprach ouch parcifal Wir ſehent do frouwen liecht gemal Sich falieret nit vnſer fart Wir vinden vnſern rechten art Lúte von der wir ſint erborn Etliches houbet zuͯ der crone erkorn Jr do weder do nit langer ſaſz Parcifal des nit vergaſz Er holt ſins bruͯder ſwert Das ſtieſſe er dem tegen wert Wider in die ſcheiden Do wart von in beiden Zoͯrneclicher has vermitten Vnd geſelleclich dan geritten E. ſú zuͯ artuſe weren komen Do was ouch mere von in vernomēn Ouch was by dem ſelben tage Vber ale das her gemeine clage Das parcifal der werde man Von in was ſuſz geſcheiden dan ARtus mit rote ſich bewag Das er vntze an den achten tag Parcifals do wolte biten Vnd von der ſtat nit riten Gramolantz here was ouch komen Dem was manig witer ring genomen Mit zelten wol gezieret Do was geloſchieret Den ſtoltzen werden lúten Man moͯchte es den vier brúten Nút baſz erbieten mit ſẏtten Von ſchathel maueile geritten Kam ein man zuͯ der ſelben zit Der ſeite alſus es were ein ſtrit Vff dem warthus in der ſul geſehen Was ẏe mit ſwerten was geſchehen Das iſt gegen diſem ſtrit ein nicht Vor gawan er des meres gicht Do der bẏ artuſe ſaſz Manig man do mit rede maſz Von wem der ſtrit do were getan Artus der kvnig ſprach do ſan Den ſtrit ich einhalp wol weiſz Jn det min nefe von kaufaleis Der von vns ſchiet húte fruͯ Do rittent ouch diſe zwene zuͯ Wol noch ſtrittes ere Jr helm vnd ir ſchilt ſere Mit ſwerten woren an gerant Jetweder wol gelerte hant Truͯ*Truͯg der die ſtrites mol enwarff Jn ſtrite man ouch kunſt bedarff By artus ringe ſú hin Rittent do wart vil noch in Gewartet do der heiden reit Der fuͯrte ouch ſolliche richeit Wol geherberget was das felt Sú kertent fúr das hoch gezelt An gawans ringe Ob man es icht jnnen bringe Das man ſú gerne ſehe Jch wene das do geſchehe Gawan kam ſnelleclich nach Wenne der vor artuſe ſach Das ſú gegen ſinem gezelte ritten Er enpfing ſú do mit freiden ſitten Sú hetten den harneſc dannoch an Gawan der húbſche man Hieſſe ſú entwoppen ſchier Ecidemon dem tier Was geteilet mit der ſtrit Der heiden truͯg ein kurſit Dem ouch von ſlegen was worden we Das was ein ſaranthaſine An dem ſtunt manig túrer ſtein Dar vnder ein woppenrock erſchein Rich gebildet ſne far Dar an ſtunt her vnd dar Stein gegen einander Die wurme ſalomander Jn worchten in dem fúre Sú lieſſe an offentúre Jr mynne ir lant vnd iren lip Die die zimierde gap ein wip Er leiſte ouch was ſú jme gebot Beẏde in freiden vnd in not Die kv́nigin ſecundille Es was irs hertzen wille Das ſú jme gap richeit Sin hoher pris ir mynne erſtreit Gawan hieſz des nemen war Das die zimierde wol gefar Jendert wurde verrucket Oder icht do von gezucket Kurſit helm oder ſchilt Es hette ein armes wip bevilt An dem woppenrocke allein So túre woren die geſtein An den ſtucken allen vieren Hohe mynne kan wol zieren Wo richeit bẏ dem willen iſt Vnd ander wurdeclicher liſt Der ſtoltze riche ferefis Truͯg mit dienſte groſſen flis Noch wibe hulde vmb das Ein ir lones jme nit vergas ⸿Do das harneſch wart von in getan Do ſchouweten diſen puntten man Alle die wunders kunden jehen Die moͯchtens do mit worheit ſpehen Ferefis truͯg froͯmde mal Gawan ſprach zuͯ parcifal Nem du den geſellen din Mir kunt er treit ſo wehen ſchin Dem ich gliches nẏe geſach Parcifal zuͯ gawane ſprach Bin ich din mog das iſt ouch er Des ſy gamiret din wer Das iſt der kv́nig von zazamang Min vatter dort mit priſz er rang Belekanen die diſen ritter truͯg Gawan den heiden do genuͯg Kuſte den richen ferefis Was beide ſwartz vnd wis V́ber al ſin fel wenne das der munt Gegen halbem zil det roͯte kunt Das was fúr túre koſte erkant Man bracht in beiden ſamit gewant Vs kgawans kāmmer truͯg mans dar Do komen frouwen liecht gefar Die hertzogin lieſz Condrie Vnd ſangwen kúſſen .E. Sú ſelb vnd arniwe in da Kuſten ferrefis was fro Do er ſo clore frouwen ſach Jch wene jm liep dar an geſchach GAwan zuͯ parcifal ſprach Nefe din nuwes vngemach Saget mir din helm vnd din ſchilt V́ch iſt beiden ſtrites mit geſpilt Dir vnd dem bruͯder din Gegen wem erholt er diſe pin Es wart nẏe herter ſtrit erkant Sprach parcifal muſzmȳnſzmīnſz bruͯder hant Twang mich wer in groſſer not Wer iſt ein ſegen fúr den dot Von ſlage min gantzes ſwert zerbraſt Vff diſem heimlichen gaſt Do treit er krānncke forchte ſchin Er warff ferre vs der hant das ſin Er forchte echt an mir ſúnde E wir gerechten kúnde Nuͦ han ich ſin hulde wol Die ich mit dienſt gerne erhol Gawan ſprach mir wart geſaget Von einem ſtrit vnverzaget Vff ſchathel marueile man ſicht Was ẏender ſehſz milen geſchicht Jn der ſúle vff mẏnem warthuſz Do ſprach min oͯheim artus Der do ſtrit des ſelben mols Das wareſt du nefe von kringruwals Du haſt die wore mere bracht Dir was des ſtrites vorgedacht Nuͯ gloube mir das ich dir ſage Din wer gebitet hie acht tage Mit groſſer richer hochgezit Mich muͯget uwer beider ſtrit Do ſúllent ir bẏ mir ruwen nach Sit aber ſtrit von úch beſchach Jr erkennen einander deſter baſz Nuͯ kieſent frintſchafft fúr den haſz ⸿Gawan des obendes as deſter E Das ſin nefe von thaſme Ferrefis auſce vin Dannoch faſtēnt vnd der bruͯder ſin Matras dicke vnd lang Der wart ein witer vmbvang Kultern maniger kúnne Von palmat nit zuͯ dunne Wurden do der matraſz dach Túre pfelle dar vff geſteppfet ſach Beide lang vnd breit Die clinſors richeit Wart do zuͯ ſchouwen fúr getragen Do ſluͯg man vff ſuſz horte ich ſagen Von pfelle vier rúckelachen Mit rilichen ſachen Gegen einander vier ſite Dar vnder plumite Mit kultern verdecket Rúckelachen dar vnder geſtecket Der ring begreiff ſo wit ein felt Do weren geſtanden ſechs gezelt Onegedrenge der ſnuͯr Vnbeſcheidelich ich fuͯr Wolt ich die offentúre hie lan Do enbot min herre her gawan Zú hoffe artuſe mere Wer do komen were Der riche heiden were do Den die heiden ecubo So priſete by dem plimzol Gotfrit vis idol Artuſe das mere ſagete Des er freide vil beẏagete Jofrit bat in eſſen fruͦ Vnd clerlich griffen zuͦ Das er húbſchelich keme dar Mit ritter vnd froͧwen ſchar Vnd das ſú es ſo angevingen Das ſú wúrdeclich enpfingen Des ſtoltzen gamuretes kint Was hie werder lúte ſint Die bringe ich ſprach der britunois Jofrit ſprach er iſt zuͯ*zuͯ turtois Jr moͯgent in alle gerne ſehen Wenne ir múgen wunder an jme ſpehen Er fert vs groſſer richeit Sin woppencliches cleit Nẏeman vergelten moͯchte Do keiner hant das dochte Loner pritanẏe vnd engellant Von paris vntze an wiſſant Der dar gegen leit alle die terre Wie dem do werre Joffrit iſt dar komen Von dem het artus vernomen Wie er werben ſolte Obe er enpfohen wolte Sinen nefen den heiden Das ſitzen wart beſcheiden An gawans ringe Mit koſtlichem dinge Die maſſenie der hertzogin Vnd die geſelſchafft vnder in Zuͯ gawans zeſewen ſaſz Anderhalp mit freiden as Ritter clinſors diet Der frouwen ſitzen man beſchiet V́ber gegen gawan an dem art Soſſent clinſors frouwen dot Der was manige liecht gemal Ferrefis vnd parcifal Soſſen mitten zwúſchen die frouwen Man mochte do clorheit ſchouwen Der turtoite florant Vnd ſangwe die wert erkant Vnd der hertzoge von gowertzin Die condrie das wip ſin V́ber gegen einander ſoſſen Jch wene des icht vergoſſen Gawan vnd Jofreit Jr alten geſellicheit Sú ſoſſent mitte einander Die hertzogin mit blick glander Mit der kv́nnigin arniwe as Jr ẏetweder do nit vergas Sú worent geſellicheit Einander vil bereit Bẏ gawan ſas ſin ane Vrgeluſe vſſer halp her dane Do erzeigete die rechte vnzucht Vor dem ringe ir ſnellen flucht Man trúg beſcheidenlichen dar Den rittern vnd den frouwen gar Jr ſpiſe zúchteclich Ferrefis der rich Sprach zuͯ parcifal dem bruͯder ſin Juppiter der reiſe min Mir zuͯ ſelden hat erdacht Das mich ſin helffe har hat bracht Do ich min werden moge ſihe Von recht̉er ſchult ich priſes gihe Minem vatter den ich han verlorn Er was vs rechtem priſz erborn Der waleis ſprach ir ſúllent noch ſehen Luͯte den ir priſz múſſent jehen Bẏ artuſe dem houbet man Manigen ritter manlich getan Wie ſchiere diſz eſſen nuͯ zergat Vnlanges do noch geſtat Vntze ir die werden ſehen komen An den vil priſes iſt vernomen Was tafelrunde iſt creffte by lxiiij Der ſitzent hie nuͦ ritter dry Der wurt vnd Jofreit Etwenne ich ouch den priſz erſtreit Das man min dar v́ber gert Des ich ſú do gewert Alſo gawan vnd die ſchoͯnen frowen goſſēnt vn̄d gingent fúr den heiden bungefar mit eime groſſen geſchelle SV́ nemen die diſchelachen dan Vor den frowen vnd man Des was zit do man gas Gawan der wurt do nit lāngẻr ſaſz Die hertzogin vnd ſin anen Begunde er bitten vnd manen Das ſú ſangwinen E Vnd die ſuͯſſe condrie Genemen vnd gingen dar Do der heiden buntgefar Saſz vnd das ſú pflugen ſin Ferrefis auſcevin Sach diſe frouwen gegen jme gan Gegen den begunde er vff ſtan Alſo det ſin bruder parcifal Die hertzogin liecht gemal Nam ferrefizen mit der hant Was ſú frouwen vnd ritter ſten fant Die bat ſú ſitzen alle Do reit dar zuͯ mit ſchalle Artus mit den ſinen Man horte do buſinen Tamburen fleiten friwen Der werde ſuͯn arniwen Reit dar zuͯ mit crach Diſer froͯlichen ſach Der heiden jach fúr werde ding Suſz reit an gawanes ring Artus mit ſime wibe Vnd manigem cloren *libe Mit rittern vnd frouwen Der heiden moͯchte ſchouwen Das ouch do lúte woren Jung von ſollichen joren Do ſú pflogen farwe glantz Do was der kv́nig gramolantz Dannoch in artuſes pflege Jthonie ſin amẏe Die ſuͯſſe falſches frẏe Do erbeiſſete der tafelrunder ſchar Mit maniger frouwen wol gefar Ginofer hieſz ithonie Jren nefen den heiden kuſſen E Súſelb die dar noher ging Ferrefiſen ſú mit kuſſe enpfing Artus vnd gramulantz Mit getruwelicher liebe gantz Enpfingen diſen heiden Do wart jme von in beiden Mit dienſt erbotten ere Vnd ſiner moge mere Jme doten guͯten willen ſchin Ferrefis auſcevin Was do zuͯ guͯten frúnden komen Das hette er ſchiere an in vernomen Nẏder ſoſſent wip vnd man Vnd manige maget wol getan Wolte er ſich vnder winden Etlicher muͯſte do vinden Suͯſſe wort von ſuͯſſem munde Obe er mẏnne werben kunde Die bette lieſſe gar one haſz Manig clore frouwe die do ſaſz Guͯte wip man nẏe gezúrnen ſach Obe wert man noch ir mynne ſprach Sú hette verſagen vnd wert befar Gicht man freide icht vrbar Den zins muͯſz wore mẏnne geben Suſz ſach ye die werden leben Do ſaſz dienſt vnd lon Es iſt ein helffelicher don Wo frúndin rede wurt vernomen Die frúnde mag zuͯ ſtatten komen Artus zuͯ ferrefis ſas Jr do weder do vergas Sú dotent beide ir froge recht Mit ſuͯſſer gegen rede ſlecht Artus ſprach nuͯ lobe ich got Das er diſe ere vns erbot Das wir dich hie geſehen han Vs heidenſchafft gefuͯr nẏeman Vff kouff pflegenden landen Den mit dienſtlichen handen Jch gerner dienſtes werte War des din wille gerte Ferrefis artuſe ſprach Alles min vnglúck brach Do die gottinne juno Min ſegel wetter fuͯget ſo Jn diſe weſterich Du gebereſt vil glich Einem man des werdickeit Jſt mit meren harte breit Biſt du artus genant So iſt din nāmme ferre erkant Artus ſprach er erte ſich Der mich gepriſet wider dich Vnd ouch wider ander lúte hat Sin ſelbes zucht gap ẏme den rat Me denne ich gedienet han Er het es durch húbſcheit getan Jch bin artus genennet Vnd hette gerne erkennet Wie du ſigeſt komen in dis lant Het dich frúndin vs geſant Die muͦſz ſin vilgehúr Obe du durch offentúr Alſus ferre biſt geſtrichen Jſt ſú ir lones vngeſwichen Das hohet wibe dienſt noch baſz Ein yegelich wip enpfinge haſz Von ir dienſt bietere Obe dir vngelonet were ⸿Der heiden ſprach nuͯ hoͯre min komen Sit du es noch haſt vnvernomen Jch fuͯre ſo krefftiges herhere Des troẏere lant were Vnd jenne die ſú beſoſſen Muͯſten rúmen mir die ſtroſſen Ob ſú mir beidenhalp noch lebeten Vnd ſtrites gegen mir ſtrebeten Sú moͯchten ſtrites nit erholn Sú muͯſten ſcumfantúre doln Von mir vnd den minen Jch han in manigen pinen Beẏaget mit ritterlicher dat Das min nuͯ genode hat Die kv́nnigin ſecundille Was die gert das iſt min wille Sú hat geſetzet mir min leben Sú hieſz mich milteclichen geben Vnd guͯte ritter an mich nemen Des ſolt du mich durch ſú gezemen Das iſt alſo ergangen Mit ſchilt befangen Jſt ſin geſinde mir benant Manig ritter wert erkant Do gegen ir mẏnne iſt min lon Jch trage ei*eincidemon Vff dem ſchilt alſo ſú mir gebot Wo ich ſider kam in not Zuͯ hant ſo ich an ſú gedacht Jr mynne helffe bracht Die was mir beſſer troſtes wer Denne min got her jubiter Artus ſprach von dem vatter din Gamuͯret dem nefen min Jſt es din volleclicher art Jn wibe dienſt din ferre fart Jch wil dich dienſt wiſſen lan Des ſelten groſſer iſt getan Vff erden keinem wibe Jr wunneclichem libe Jch meine die hertzoginne Die hie ſitzet noch ir mẏnne Jſt waldes vil geſwendet Jr mynne hat gepfendet An freide manigen ritter guͯt Vnd in erwendet hohen muͯt Er ſagete yme ir vrlúge gar Vnd ouch von der clinſors ſchar Die do ſoſſen an allen ſiten Vnd von den zwein ſtriten Die parcifal ſin bruͯder ſtreit Zuͯ joflantz vff dem anger breit Vnd was er anders hette erfarn Do er den lip nit kunde ſparn Er ſol dirs ſelb machen kunt Er ſuͯchet einen hohen funt Noch dem grole wirbet er Von úch beiden iſt das min ger Das ir mir ſagent lúte vnd lant Die úch mit ſtrite ſint bekant Der heiden ſprach ich nenne úch die Die mir die ritter fuͯrent hie Der kv́nig papirs von tagrodiente Vnd der groffe beantis von kalomedente Der hertzoge fragelaſtis von affrig Vnd der kv́nig liddamus von agrig Der kv́nig tridantz von timodunte Vnd der kv́nig arimaſpis von falpenpiunte Der hertzoge lipidrins von agromontin Vnd der kv́nnig milion von namadienteſin Von aſſiarzionte der groffe gabarius Vnd von túgitas der kv́nig killicrates Von hibebort*hibeborticōn der groffe vilones Der groffe liſanander von ipopotiticon Vnd der hertzoge thiride von ilixiodion Von ore*tegenteſinoreſtegenteſin der kv́nig thoaris Vnd von ſatharthionte der hertzoge alamis Der kv́nig amintas von ſotofeiticon Vnd der hertzoge von tarub von duſcon Von arabie der kv́nig zoroaſter Vnd der groffe poſizonius von chiler Der hertzoge ſennes von narioclin Vnd der groffe ediſſon vin Von janfuſe der groffe fuſtines Von atropfagente der hertzoge meiones Von norrente der hertzoge archinor Von ponfatis der grofe aſtor Die von azagug vnd zazamang Von ganfaſſaſce der kv́nig etratrang Der groffe iurans von bleminzin Vnd der hertzoge affinanius von amatin ⸿Jch hette ein ding fúr ſchande Man jach in minem lande Do kein ritter moͯchte ſin Denne gamiret auſcevin Der ẏe roſz v́ber ſchrit Do was min wille vnd min ſit Das ich fuͯre vntze ich in fúnde Sit gawan ich ſtrites kúnde Jch fuͯrte harte crefftig her Von minen landen vff das mer Gegen ritterſchafft hette ich muͦt Welliches lant was werlich vnd guͦt Das twang ich miner hende Vntze ferre in das ellende Do werten mich ir minne Zwo riche kv́nniginne Olinpia vnd claudite Secundille iſt die dritte Jch han durch wip vil getan Húte alrerſt ich kunde han Das min vatter gamiret iſt dot Min bruͯder ſage ouch ſin not Do ſprach der werde parcifal Sit ich von dem gral So het min hant mit ſtrit Jn der enge vnd an der wit Vil ritterſchafft erzeiget Etliches pris geneiget Der des was vngewenet ye Der wil ich ein telteil hnennen hie Von lirwoin der kv́nig lirniel Von auendroin ſin bruder mirabel Der kv́nig ſorabil von rozokartz Von ſurneguntz den kv́nig ſenigartz Von villegrane ſtrangedortz Vnd der kv́nig pibliſim vnd lorpartz Von mirnetals der groffe rogudal Von pleigduntz laudimal Der kv́nig conipries von itolag Von iroplis der hertzoge ẏernegantz Von tanbron der groffe plineſchantz Von tutele vntze des der groffe longefies Vnd von profegartz hertzoge mannaglies Von pictaton der hertzoge ſtrenlas Von lampregun der groffe porfoẏas Von aſcalun der kv́nig vergulacht Poſtefar vnd von landrudacht Vnd der hertzoge leideprom von redonzecht Von leterb collenal Vnd von arl jonedaſt der profenzal Von tripparun der groffe tarfoẏas Dis erging do turnieren was Die wile ich noch dem grole reit Sol ich úch gar nennen do ich ſtreit Das weren vnkunde zil Durch not muͯſz ich verſwigen vil Was ir mir kunt iſt getan Die wene ich hie genennet han ⸿Der heiden was von hertzen fro Das ſins bruͯder priſz alſo Stunt das ſin hant erſtreit So manige hohe wurdickeit Des danckete er jme ſere Er hette es ſelb ouch ere Jnnen des hieſz tragen gawan Alſo es vnwiſſen were getan Des heidens zimierde in den ring Das pruͯffeten ſú do fúr hohe ding Ritter vnd frouwen Die begunden alle ſchouwen Den woppenrock den ſchilt dar kurſit Der helm was zuͯ enge noch *zuͯ wit Sú priſeten alle gemeine Die edelen túren ſteine Die dar an verwircket wol logen Nieman bedarff mich frogen Von ir art wie ſú weren Die liechten vnd die ſweren V́ch het bas beſcheiden des Eraclius oder hercules Vnd der kriech allexander Vnd dannoch einander Der wiſe pictagoras Der ein aſtronomirre was Vnd ouch ſo wiſe one ſtrit Das nẏeman ſit adams zit Moͯchte jme gliche ſinne getragen Der kunde wol von ſteinen ſagen Der frouwen fromden do wellich wip Do mitte zierte ſinen lip Hette er gegen der gewencket So were ſin priſz verkrencket Etlich was ẏme doch ſo holt Sú het ſin dienſt wol gedolt Jch wene durch ſine froͯmde mal Gramolantz artus vnd parcifal Vnd ouch der wurt her gawan Die vier gingent ſunder dan Den frouwen wart beſcheiden Jn ir pflege der riche heiden Artus warp ein hochgezit Das die des morgens one ſtrit Vff dem felde ergingen Das man do mit enpfingen Sinen nefen ferrefis An den kerent uweren fliſz Vnd uwer beſten witz Das er mit vns beſitz Obe der tafelrunder Sú lobeten alle beſunder Sú wúrbens were es yme nit leit Do lobete in geſellicheit Ferrefis der rich Das volck fúr alle glich Do man geſchangte an ir gemach Manige freide aldo geſchach Des morgens obe ich es ſprechen mag Do erſchein der ſúſſe mere tag Was artus des morgens tuͯ Do greiffe er frolich zuͯ Vnd pruͯffete coſtlich Ein tafelrunde rich Vs einem drianthaſine Jr habent wol gehoͯret E Wie vff dem plimizols plan Ein tafelrunde wart getan Noch der wiſe wart geſnitten Sinwel noch ſollichem ſitten Sú erzeigete rilich ding Sinwel man dar vmb nam den ring Vff einem gruͯnen graſe Das wol ein ponder langes was Vom ſedel an tafelrunder Die ſtunt do mitten ſunder Nicht durch den nutz durch den nāmmēn Sich moͯchte ein boͯſer man wol ſchāmmen Obe er do by den werden ſaſz Die ſpiſe ſin munt mit ſunden aſz Der ring wart by der ſchoͯnen nacht Gemeſſen vnd vor bedacht Wol noch rilichen ziln Es moͯchte einen armen kv́nig beviln Alſo man den ring gezieret fant Do der mitte morgen wart erkant Gramolantz vnd gawan Von in die coſte wart getan Artus was des landes gaſt Siner koſt do nit gebraſt ES iſt ſelten worden nacht Wenne es der ſunnen iſt geſlacht Sú brocht ẏe den tag dar noch Aldo das ſelbe ouch do geſchach Ein ſchein in ſuͯſſe luter clor Do ſtreich manig ritter wol ſin hor Dar vff ein bluͯmin ſchappel Manig vnfvngefelſchet fel Man do by rotem munde ſach Ob kiot die worheit ſprach Ritter vnd frouwen trugent gewant Nicht geſnitten einem lant Wibe gebende nẏder vnd hoch Alſo es noch ir lant wiſe zoch Do was ein wit geſamnet diet Durch das ir ſit ſich vnder ſchiet Wellicher froͧwe do was ſunder amis Die gedurſte nit do keine wiſz Vber tafelrunde komen Het ſú dienſt vff ir lon genomen Vnd gap ſú lones ſicherheit An tafelrundes ring ſú reit Die anderen muͯſtens loſſen Jn ir herberge ſú ſoſſen Do artus meſſe hette vernomen Man ſach gramolantzen komen Den hertzogin von gowertzin Vnd floranden den geſellen ſin Die drige begerten ſo beſunder Pflicht v́ber tafelrunder Artus werte in des ſan Froge úch nuͯ wip oder man ⸿Wer truͯge die richeſten hant Der ye von do keinem lant V́ber tafelrunde ſaſz Jr moͯgent ſú es beſcheiden baſz Es was ferrefis auſcevin Do mit lont die rede ſin Sú zeigeten gegen dem ringe Mit werdeclichem dinge Etlich frouwe wart do gehúrt Were ir pfert nit wol gegúrt Sú gefallen ſchier Manige rich banier Sach man zuͯ allen ziten komen Do wart der buhurt wit genomen Al vmb der taffelrunde ring Es worent hoffeliche ding Das ir do keiner in den ring gereit Das felt was vſſer halp ſo breit Sú mochten die roſſe erſprengen Vnd ſich mit hurtte mengen Vnd ouch mit kunſt riten ſo Das die wip zuͯ ſehen worent fro Sú komen ouch do ſú ſoſſen Aldo die werden oſſen Convertúre druchſeſſen ſchencken Muͯſten das bedencken Wie man es mit zúchte do fúr truͯg Jch wene man gap in do genuͯg Jegelich frouwe hette priſz Die do ſas by ir amis Maniger durch gerendes hertz rat Gedienet hat mit hoher dat Ferrefis vnd parcifal Mit pruͯffen hetten ſuͯſſen wal Jenne frouwen vnd diſe Man geſach vff acker noch vff wiſe Liechter fel noch roter munt So manigen nye zuͯ keiner ſtunt Alſo man an dem ringe fant Des wart dem heiden freide erkant ⸿Wol dem kúnfftelichen tage Geeret ſy ir ſuͯſſen mere ſage Alſo von ir mẏnne wurt vernomen Man ſach ein jungfrouwe komen Jr cleider worent túr vnd wol geſnitten *Coſtbar noch frantzoiſcher ſitten + Jr kappe ein richer ſamit Noch ſwertzer denne ein genit Arabeſch golt gap dar vff ſchin Wol gewircket manig durtel túbelin Noch dem jngeſigel des grals Sú wart des ſelben mals Beſchouwet vil durch wunders ger Nuͯ lont ſú heiſchieren her Jr gebende was hoch vnd blang Mit manigem dickem vmb fang Was ir antlitz verdecket Vnd nit zuͯ ſehen enblecket Senffteclich vnd doch in zelt Kam ſú riten v́ber felt Jr zoum ir ſattel ir runtzit Was riche vnd túre one allen ſtrit Man lieſz ſú an den ziten Jn den ring riten Die wiſe nit die tumb Reit den ring alvmb Man zogete ir wo artus ſaſz Gegen dem ſú gruͯſſes nit vergaſz Jn frantzoiſch was ir ſproch Die warp das ein roch Vff ſú verkorn were Vnd das man horte ir mere Den kv́nig vnd die kv́nigin Bat ſú an ir helffe vnd an ir rede ſin Sú kerte von in al zuͯ hant Do ſú parcifalen ſitzen fant Bẏ artuſe nohen Sú begunde irs ſprunges gohen Von dem pferde vff das graſz So vil mit zucht do an ir was Parcifal an ſinen fuͦſz Vnd warp al weinende vmb den gruͯſz So das er zorn gegen ir verluͯr Vnd one kuſſe vff ſú verkúr Artus vnd ferrefis An den gewerp leiten fliſz Parcifal d̉ruͯg vff ſú haſz Durch frúndez bette er des vergaſz Mit truwen one fare Die werde nit die clare Snelleclich wider vff ſprang Sú neigete vnd ſeite in dang Die in noch groſſer ſchulde Gehulffen hetten huldde Sú want mit ir hende Abe irem houbet das gebende Es were beſſer oder ſnuͯrīng Das warff ſú von ir an den ring Do wart bekennet ſchier Condrie laſurzier Vnd des groles woppen das ſú truͯg Do wart beſchouwet genuͯg Sú fuͯrte ouch noch den ſelben lip Den ſo manig man vnd wip Sach zú dem plimizol komen Jr antlitz ir habent vernomen Jr ougen ſtundent dannoch ſuſz Gele alſo ein thobarius Jr zene lang ir munt gap ſchin Alſo ein viol wetin Wenne das ſú truͯg gegen priſe muͦt Sú fuͯrte one not den túren huͦt Vff dem plimizols plan Die ſunne hette ir nit getan Sú moͯchte ir fel durch das hor Nicht verſelwen mit ir blickes vor Sú ſtunt mit zúchten vnd ſprach Des man fúr hohe mere jach ⸿An der ſelben ſtunde Jr rede ſú ſuͯſſe begunde O wol dich gamiretes kint vnd ſuͦn Got wil genode an dir nuͦ duͦn Jch meine den hertzeloiden bar Ferrefis der frech gefar Muͯſz mir volkomen ſin Durch ſecundillen die frouwe min Vnd durch manige hohe wúrdickeit Die von kindes jugent pris erſtreit Zuͯ parcifal ſprach ſú do Nuͯ byſz kúſch vnd do by fro Wol dich des hohen teiles Du haſt die kron menſchen heiles Das epithalapfim iſt geleſen Du ſolt des groles herre weſen Condewier amirs das wip din Vnd din ſuͯn lehelangrin Sint beide mit dir dar benant Do du rumdeſt brobortz das lant Zwene ſuͯne lebendig ſú do truͦg Cardeis het ouch dort genuͯg Wer dir nit me ſelden kunt Wenne das din worhaffter munt Den werden vnd den ſuͯſſen Mit rede nuͯ ſol gruͯſſen Den kv́nig anfortas den nuͯ nert Dines mundes froge die jme wert Súffzeberen jomer groſz Wo wart an ſelden ẏe din genoſz Súben ſternen ſú do nante Heidenſch die nāmmen er kante Der riche werde ferrefis Der vor ir was ſwartz vnd wis Sú ſprach nuͯ pruͯffe parcifal Der hoͯheſte planete zwal Vnd der ſnelle amuſtri Amaret vnd der liechte ſamſi Erzeigent ſelicheit an dir Der funffte heiſſet alligaſir Vnd der ſechſte alkiter Vnd vns der nehſte alkamer Jch ſpriche es nit vs eime troum Die ſint des firmamentes zoum Sú enthabent ſine ſnellickeit Jr krieg gegen ſinem louff ẏe ſtreit Sorge iſt din halp nuͯ weiſe Was der planeten reiſe Vmb louffet vnd iren ſchin verdecket Des ſint dir zil geſtecket Zuͯ reichen vnd zuͯ erwerben Din ruwe muͯſz verderben Wenne vngenucht alleine Do engit dir nit gemeine Der grole vnd des groles crafft Verbietent falſch geſelleſchafft Du hetteſt junge ſorge erzogen Die hat komende freide an dir betrogen Du haſt der ſele ruͦwe erſtritten Vnd des libes freide erbitten Parcifal ir meres nit verdroſz Durch liebe vſz ſinen ougen floſz Waſſer des hertzen vrſpring Do ſprach er frouwe ſollich ding Alſo ir hie habent genennet Bin ich vor got erkennet So das min ſunderhaffter lip Het kint vnd dar zuͯ wip Die des groles pflicht ſúllent han So hat got wol an mir getan War an ir mich ergetzen meget Do mit ir uwer truwe reget Jedoch hette ich nit miſſedan Jr hant mich zornes etwenne erlan Do enwas ouch dennoch nit min heil Nuͯ gebent ir mir ſo hohen teil Do von min truren ende hat Die worheit ſaget mir uwer wat Do ich zuͯ monſaluaſce was Bẏ dem trurigen anfortas Was ich do ſchilt hangen fant Die worent gemolet alſo uwer gewant Vier turtel tuben tragent ir hie Frouwe nuͯ ſaget wenne oder wie Jch ſol gegen minen freiden farn Vnd lont mich das nit langer ſparn Do ſprach ſú lieber herre min Ein man ſol din geferte ſin Die wile geleites warte an mich Durch helffe nit lange ſume dich Vber allen den ring wart vernomen Condrie laſurzier were komen Vnd was ir mere meinde Vrgeluſe durch liebe weinde Das die froge von parcifal Die anfortas qual Solte machen wendig Artus der pris genendig Zuͯ kundrien mit zuͯchten ſprach Frouwe ritent an uwer gemach Lont uwer pflegen leret ſelb wie Sú ſprach iſt arniwe hie Wellich gemach mir die git Des wil lich leben diſen zit Vntze das min herre hinnan fert Jſt ir gefengniſſe erwert So erloubent das ich muͯſſe ſchouwēn Sú vnd ander frouwen Das clinſor teilte den ſinen vor Mit gefangniſſe nuͯ manig jor Zwen ritter huͯbent ſú vff ir pfert Zuͯ arniwe reit die maget wert ⸿Nuͯ was ouch zit das man do gas Parcifal by ſinen bruͯder ſaſz Den bat er geſellicheit Ferrefis was jme albes bereit Gegen muntſaluaſce zuͯ riten An den ſelben ziten Stundens vff v́ber allen den ring Ferrefis warp hohe ding Er frogete den kv́nig gramolantz Obe die liebe were ſo gantz Zwúſchent jme vnd der nẏfftel ſin Das er das dete an jme ſchin Helffent ir mir vnd min nefe gawan Was wir hie kv́nige vnd fúrſten han Barune vnd armer ritter gar Das der do keiner hinnen far Mir were ein laſter hie beſchehen Schiede ich vor gobe hinnan frẏ WarWas hie farendes volckes ſy Sú wartent alle gobe an mich Nefe artus ich wil bitten dich Das es den hohen nit verſmohe Des gewerbes gegen in gohe Vnd biſz des laſters fúr mich pfant Sú erkantent nye ſo riche hant Vnd gip mir botten in min habe Do der preſent ſol komen abe Do gelobeten ſu dem heiden Sú wolten ſich nit ſcheiden Von dem velde in vier tagen Der heiden wart fro ſuſz hoͯre ich ſagen Artus jme wiſen botten gap Die er ſolte ſenden an das hab Ferrefis gamiretes kint Nam dingten vnd pirmint Sin geſchrifft wortzeichens nit vẻrdarp Jch wene ẏe brieff ſo vil erwarp Die botten fuͯren endehafft dan Parcifal ſin rede alſus huͯp an Jn frantzois er zuͯ in allen ſprach Alſo tranrizent dort vornan jach DarDas den grol zuͯ keinen ziten Niemans moͯchte erſtriten Wenne der von got were dar benant Das mer kam v́ber alle lant Das kein ſtrit in moͯchte erwerben Vil lúte lie do verderben Noch dem grole gewerbes liſt Do von er noch verborgen iſt Parcifal vnd ferrefis Die wip lerten jomers fliſz Sú hettens vngerne vermitten Jn die mere ſtúcke des heres ſú ritten Sú noment vrlop zuͦ aller der diet Jetweder dan mit freiden ſchiet Gewoppent wol vff ſtrites wer An dem dritten tage vs heiden her Wart zuͯ joflantz bracht So groſſer gobe wart nẏe gedacht Wellich kv́nig do ſiner gobe enpfant Das halff ẏemer me ſin lant Jegelich man noch moſſe ſin Wart nẏe ſo túre gobe ſchin Allen den frouwen rich preſente Von triande vnd von noriente Jch weis wie das das her ſchiede hie Condrie vnd diſe zwen hin ritten ſie Anfortas vnd die ſine Vor jomer dolten pine Jr pin lieſſe in in der not Dicke erwarp vmbe ſú den dot Der were ouch ſchiere an yme geſchehen Wenne das ſú in dicke lieſſe ſehen Den grole vnd des groles groſſe krafft Er ſprach zuͯ ſiner ritterſchafft Jch weiſz wol pflegent ir truwe So erbarmet úch min ruwe Wie lānge ſol dis an mir wern Wellent ir úch ſelbes rechtes gern So muͯſſent ir gelten mich vor got Jch ſtunt E gern zuͯ uwerem gebot Sit ich von erſte woppen truͯg Jch han engolten des genuͯg Ob mir ẏe vnpris geſchach Vnd obe das uwer komber ſach Sint ir vor vntruwe bewart So loͯſent mich durch des helmes art Vnd durch des hiltes orden Jr ſint dicke jnnen worden Obe es úch nit verſmohete Das ich die beide brachte Vnverzaget vff ritterliche werck Jch han tal vnd berck Mit maniger juſte v́ber zilt Vnd mit dem ſwert alſo geſpilt Das es die viende an mir verdroſz Wenig ich des gegen úch genoſz Jch freiden ellende Zuͯ dem vrteilichen ende Beclage ich eine úch alle So nohet es uwerem falle Jr enlat mich von úch ſcheiden Min kumber ſolte úch leiden Jr habent geſehen vnd vernomen Wie mir das vnglúck iſt komen Wes toug ich úch herren nuͦ Es iſt leider alzuͯ fruͯ Wurt uwer ſele an mir verlorn Was ſit es habt ir úch vſz erkorn SO hetten kombers in erloſt Wenne der troſtloſe troſt Den trenrizent dort vornan ſprach Alſo er an dem grole geſchriben ſach Sú warten an der ſtunt des man Dem alle ſine freide aldo entran Vnd der helffeliche ſtunde Der froge von ſinem munde Der kv́nig ſich dicke des bewag Das er plintzender ougen pflag Etwenne gegen vier tagen So wart er zuͯ dem grole getragen Es were jme liep oder leit So twang in des die ſiecheit Das er die ougen vff ſwang So muͯſte er leben one ſinen dang Leben vnd nit erſterben Suſz kunden ſẏ mit jme werben Vntze an den tag das parcifal Vnd ferrefis der frech gemal Mit freiden vff montſaluaſce ritten Nuͯ hette die wile des erbitten Das marſz oder jupiter Worent komen wider her Al zornig mit ir loufft So was er der verkoufft Do ſú ſich von ſprunge huͦben E Das det ſiner wunden we Anfortas der ſo qual Megede vnd ritter horten ſchal Von ſinem geſchrei dick Vnd die jemerlichen blick Det er in mit den ougen kunt Er was vnhelffelichen wunt Sú moͯchtent jme gehelffen nicht Je doch die offentúre gicht Jme keme die wore helffe nuͯ Sú griffent hertze jomers zuͯ ⸿Wenne jme die ſcharppfe ſure not Das ſtrenge vngemach gebot So wart der lufft geſúſſet Der wunden geſmag gebuͯſſet Vor yme vff dem teppich lag Pigment vnd zerbenzinen geſmag Múſſel vnd aromata Durch ſuͯſſen lufft lag ouch da Triackel vnd amber túr Der geſmag was gehúr Wo man vff den eſterich trat Cardemonie jerofel muſcat Lag gebrochen vnder iren fuͯſſen Durch den lufft ſuͯſſen So das mit tritten wart gebert Do was do ſure geſmack erwert Sin vror was lingnūm aloe Das habe ich úch geſaget E An dem ſpanbette die ſtollen ſin Worent vipper hornin Durch ruͯwen ſin das gelúppe Von wurtz manig geſtuͯppe Was vff den kultern geſet Geſteppfet vnd nit genet Was do er vff lente Pfelle von nouriente Vnd palmat was ſin matras Sin ſpanbet was noch bas Geheret mit edelen geſteinen Vnd anders do keinen Das ſpanbette zoch einander Strenge von ſalomander Das worent vnder jme die riche ſeil Er hette an freẏden krancken teil Es was rich an alle ſiten Nieman darff des ſtriten Das er beſſers ẏe geſehe Es was túre vnd wehe Von der edelen ſtein geſlecht Die hoͯren nennen recht Karfunckel vnd ſilenites Celidonius vnd gagadrones Onix vnd calcedon Corallis vnd baſtion Vnio vnd aptallies Theravns vnd epiſtites Jerachites vnd eliotropia Panthers vnd anthogrodina Parſanie vnd ſadda Emathichites vnd dyoniſia Achates vnd celidon Cardonis vnd caltoſon Colmock vnd aſpis Echitis vnd ẏris Jagates vnd ligurnis Orides vnd vnd enidrins Abſiſt vnd alibanda Cliſoletter vnd hiemia Smaragdus vnd magnes Saffirus vnd pirrites Ouch ſtunt her vnd da Tirkaẏſe vnd lipparea Criſolte rubine Paleiſe vnd ſardine Adamas vnd criſopaſſis Melothites vnd diothotis Peanitos vnd modus Berillus vnd copaſius Etlicher lerte hohen muͯt Zuͯ ſelde vnd zuͯ artzenie guͯt Was do maniges ſteines ſunder art Vil crefft man an in jnnen wart Der es verſuͯchen kunde mit liſten Do mit ſú in muͯſten friſten Anfortaſſen der ir hertze truͯg Sinem volg er jomers gap genuͯg Doch wurt nuͯ freide an yme vernomēn Jn der terre de ſaluaſce iſt komen Von joflantz geſtrichen Dem ſine ſorge was entwichen Parcifal ferrefis vnd ein maget Mir iſt nicht fúr wor geſaget Wie ferre do enzwúſchen were Die erfuͯren nuͯ ſtrites mere Wenne condrie ir geleit Die ſchiet ſú von arbeit Sú rittent gegen einander warte Do gohete gegen in harte Manig wol geritten templeis Gewoppent die worent ſo turteis An dem geleite ſú wol ſohen Das in geleite ſolte nohen Der ſelben rotte meiſt̉er ſprach Do er die turtel tuben ſach Gleſten abe cundrien wat Vnſer ſorge ein ende nuͯ hat Mit des ingeſigel hie Komet des wir geren ie Sit vns der jomer ſtrick beſloſz Habent ſtille vns nohet freide groſz Ferrefis auſcevin Mante parcifalen den bruͯder ſin Jn der ſelben zite Vnd gohete gegen dem ſtrite Condrie mit dem zoum in ving Das ſiner juſte do nit erging Do ſprach die riche gemal Balde zuͯ irem herren parcifal Jr mogent erkennen ſchier Schilt vnd banier Dort habet nit wenne des groles ſchar Die ſint vil dienſthafft úch gar Do ſprach der werde heiden So ſi der ſtrit geſcheiden Parcifal condrien bat Gegen riten vff den pfat Die reit vnd ſagete in mere Was in freiden komen were Die erbeiſſeten nẏder vff das graſz An den ſelben ſtunden was Was do templeis kunden Manig helm wart do abe gebunden Parcifalen enpfingen ſú zuͯ fuͯſz Ein ſegen duchte ſú ſin gruͯſz Sú enpfingen ouch ferrefiſen Den ſwertzenſwartzen vnd den wiſſen Vff montſoluaſce do wart geritten Alweinende vnd doch mit freiden ſitten Sú funden volckes vngezalt Manigen wunneclichen ritter alt Edel kint vil ſarrazine Die trurigen machinante Diſer geſte fro moͯchten ſin Ferrevis auſcevin Vnd par*parcipal ſú beide Vor dem pallas vor der greide Wurdent wol enpfangen Jn den pallas wart gegangen Do lag noch ir gewonheit Hundert ſinwel teppich breit Vff ẏegelichem ein plumit Vnd ein kulter lang von ſamit Fuͦren die zwene mit witzen Sú moͯchten etwo ſitzen Vntze man das harneſch von in enpfing Ein kāmmerer dar noher ging Der brachte in cleider rich Den beiden al glich Sú ſoſſen was do ritter was Man truͯg von golde es was nit glas Fúr ſú manigen túren ſchal Ferrefis vnd parcifal Trincken vnd gingen dan Zuͯ anfortaſſe dem trurigen man Jr habent wol E vernomen das Der lenete vnd ſelten ſas Vnd wewie ſin bette geheret was Diſe zwene enpfing do anfortas Froͯlich vnd doch mit jomer ſitten Er ſprach ich han vnſanffte erbitten Wurde ich ẏemer von úch fro Jr ſchieden nuͯ jungeſt von mir ſo Pflegent ir helffelicher truwe Man ſicht úch dar vmb in ruwe Wúrde ie priſz von úch geſaget Hie ſy ritter oder maget Werbt mir do zuͯ in in den dot Vnd lont ſich enden mine not Sint ir genant parcifal So wert min ſehen an den gral Súben nacht vnd tage Do mit iſt wendig alle mine clage Jch getar úch anders warnen nicht Wol úch ob man úch helffe gicht Vwer geſelle iſt hie ein froͯmder man Sins ſtens vor mir ich ime nit gan Wenne lont ir in faren in ſin gemach Parcifal zuͯ yme do ſprach Sagent mir wo der grole hie lige Obe die gottes guͯte an mir geſige Des wurt wol jnnen diſe ſchar Sin venie viel er des endes dar Drẏſtunt zuͯ eren der trinitat Er warp das muͯſte werden rat Des trurigem mannes hertzen ſere Er richte ſich vff vnd ſprach do mere Oheim was wirret dir Dar durch ſant ſilueſter einēn ſtir Von dote lebendig dannen hieſz gon Vnd der lazarum bat vff ſton Der ſelbe helffe das anfortas Wart geſunt vnd wol genaſz Was der frantzois heiſſet flori Der glaſt kam ſinem felle by Parcifals ſchone was nuͯ ein wint Vnd abſolons dauides kint Von aſcelun vergelacht Vnd do aller der ſchoͯne was gſgeſlacht Vnd das man gamúrete jach Do man in zeigen ſach Zuͯ convoleis ſo wunneclich Jr do keines ſchone was der glich Die anfortas vs ſicheit truͦg Got noch kúnſt kan genuͦg Do erging do kein ander wal Wenne die geſchrifft an dem gral Hette zú herren in benant Parcifal wart ſchiere bekant Zuͯ kv́nige vnd zú herren do Jch wene ieman anderſwo Fúnde zwene alſo rich man Obe ich richeit gepruͯffen kan Alſo parcifal vnd ferrefis Man bot vil dienſtlichen fliſz Dem wurt vnd dem gaſte ſin Das iſt der gloube min lxv Alſo parcifal des groles herre wart vnd anfortas erloſt mit ſiner froge die do geſchach ALſo ſú nuͯ ſint geſeſſen Vnd ir ſorge hant vergeſſen Do ſeite man in mere Die worent freidenbere Das conduwier amirs kam gerittēn Gegen muntſaluaſce mit freiden ſitten Sú hette die worheit E vernomen Sollich botſchafft was noch ir komen Das wendig ir clagende not Der hertzoge kiot Vnd anders manig werder man Hetten ſú gefuͯret dan Zuͯ terre de ſaluaſce in den walt Do mit der juſte wart gefalt Segramors vnd do der ſne Mit bluͯte ſuͯſich ir glichet .E. Do ſolt parcifal ſú holn Die reiſe er gerne wolte doln Diſe mere ſeit ein templeis Manig ritter turteis Die kvnigin hant mit zúchten bracht Parcifal was ſo bedacht Ein nam ein telteil des groles ſchar Vnd reit fúr trefrizenden dar Des hertze wart der mere fro Das anfortas ding alſo Stunt das er der juſte nit ſtarp Vnd yme die froge ruͦwe erwarp Do ſprach er got vil tougen hat Wer geſas ẏe an ſinen rat Oder wer weiſz ende ſiner crafft Alle die engel vnd ir geſelſchafft Fúndens nȳmmer an der ort Got iſt menſche vnd ſins vatter wort Got iſt vatter vnd ſuͯn Sin geiſt mag groſſe helffe tuͯn Ferrefize zuͯ parcifal ſprach Groſſer wunder ſelten ẏe geſchach Sit ir abgot erzúrnet hat Das ſin endeloſe trinitat Vwers willen worhafft worden iſt Jch loug durch ableitens liſt Von dem grole wie es vmb in ſtúnde Gebent mir wandel fúr die ſúnde Jch ſol gehorſam núch nuͯ ſin Sweſter ſuͯn vnd herre min Das die vertriben geiſt Mit der gottes folleiſt Bẏ dem grole weren Kam úch von mir zuͯ meren Vntze das ſú hulde do gebitten Got iſt ſtete mit ſollichem ſitten Er ſtrittet ẏemer wider ſie Die ich úch zuͯ hulden nante hie Wer ſins lones icht wil tragen Der muͯſz den ſelben wider ſagen Eweclich ſint ſú vẻrlorn Die verfluſt ſú ſelb hant erkorn Mich muͯget echt uwer arbeit Es was ye vngewonheit Das den grole zuͯ keinen ziten Jeman moͯchte erſtriten Jch hette úch gerne do von genomen Nuͯ iſt es anders vmb úch komen Sich hat gehohet uwer gewin Nuͯ kerent an demuͯt uweren ſin ⸿Parcifal zuͯ ſinem oͯheim ſprach Jch wil ſú ſehen die ich nie geſach Jn den fúnff joren Do wir by einander woren Sú was mir liep alſo iſt ſú ouch noch Dinen rat wil ich haben doch Die wile vns ſcheide nit der dot Du riet mir E in groſſer not Jch wil gegen mynem wibe komen Der kunfft ich gegen mir han vernomēn Bẏ dem plúmzol an einer ſtat Vrlop er yme do geben bat Do befalch in got der guͯte man Parcifal die nacht ſtreich dan Sinem geſellen was der walt kunt Des tages do fant er lieben funt Manig gezelt vff geſlagen Vs dem lande zuͯ brobartz hort ich ſagen Was vil banier do geſtecket Manig ſchilt dar noch geſtrecket Sines landes fúrſten logen do Parcifal der frogete wo Die kv́nigin ſelb lege Obe ſúnders ringes pflege Man zeigete jme aldo ſu lag Vnd wol gehertes ringes pflag Mit gezelten vmb vangen Nuͯ was von cathelangen Der hertzoge kẏot morgens fruͯ Vff geſtanden diſe ritten zuͯ Des tages was dannoch gro Kiot erkante do Des groles woppen an der ſchar Sú furten durtel tuben gar Do erſúfftzet ſin alter lip Wenne ſcoiſianen ſin ſuͯſſes wip Zuͯ muntſaluaſce jme ſelde erwarp Die von ſigunen geburt erſtarp Kyot gegen parcifal ging Jn vnd die ſine er wol enpfing Er ſante in jungherrelin Noch dem marſchalck der kv́nigin Vnd bat in ſchaffen guͯt gemach Was er do ritter halten ſach Er fuͯrte in ſelber mit der hant Do er der kv́nigin kāmmern fant Ein clein gezelt von buckeram Das harneſch man von jme do nam Die kv́nigin des noch nit weis Lohelangrin vnd cardeis Fant parcifal by ir ligen Do muͯſz freide an yme geſigen Jn ein gezelt hoch vnd wit Do her vnd in alle ſit Clorer frowen lag genuͦg Kẏot vff das deckelachen ſluͯg Er bat die kv́nigin wachen Vnd froͯlichen lachen Sú blicket vff vnd ſach ir man Sú hette nit wenne das hemde an Vmb ſich ſú das deckelachen ſwang Fúr das bette vff den teppich ſprang Cundewier amúrs die liecht gemal Ouch vmb ving ſú parcifal Man ſeite mir ſú kuſten ſich Sú ſprach mir hat glúcke dich Geſendet hertzefreide min Sú bat in wilkomen ſin Nuͯ ſolt ich zúrnen ich enmag Geeret ſi die wile vnd diſer tag Der mir bracht diſen vmbfang Do von min trúren wurt krang Jch han nuͯ des min hertze gert Sorge iſt an mir vngewert Sú erwacheten ouch die kindelin Cảrdeis vnd lohelangrin Die logen vff dem bette alblos Parcifalen des nit verdroſz Er kuſte ſú mynneclich Kiot der zúchten rich Bat die knaben dannan tragen Vnd begunde ouch allen froͧwen ſagen Das ſú vs dem gezelte gingen Sú dotens do ſú enpfingen Jr hern von langer reẏſe Kẏot der kurteyſe Befalch der kv́nnigin ir man Alle die jungfrouwen er fuͯrte dan Dannoch was es harte fruͯ Die kamerer ſluͯgen die winden zuͯ Gezeigete ime ye bluͯt vnd ſne Geſelſchafft an witzen E Vff der ſelben ouwe ers ligen fant Vor ſollichem komber gap ẏme pfant Condewieramirs die hette es do Sin lip enpfing nie anderſwo Minne helffe vnd mẏnne not Manig wip yme doch mẏnne bot Jch wene er kurtzewile pflag Vntze an den mitten tag Das her v́ber ale reit ſchouwen dar Sú nomen der templeiſe war Die worent gezimieret Vnd wol gehurtieret Jr ſchilt mit juſte ſere durchritten Dar zuͯ mit ſwerten ouch verſnitten Jegelich druͯg ein kurſit Von pfelle oder von ſamit Jſer koltzer hette ſú dannoch an Das ander harneſch was von in getan ⸿Do mag nit me geſloffen ſin Der kv́nig vnd die kv́nnigin Stunden vff ein prieſter ſang Vff dem ringe huͦp ſich groſz gedrang Von dem ellenthafften her Die gegen clamide worent zuͯ wer Do der benedig wart getan Parcifalen enpfingen ſin man Mit truwen wurdeclich Manig ritter ellens rich Des gezeltes winden nam man ab Der kv́nig ſprach weders iſt der knab Der kv́nig ſol ſin v́ber uwer lant Allen den fúrſten det er bekant Das er wals vnd norgals Canvoleis vnd kingriwals Anſchauwe vnd bealtzenan Von rechte ſolte han Kome er ẏemer an mannes crafft Dar leiſten jme geſelleſchafft Gamuret min vatter hieſz Der mirs mit rechtem erbe lieſz Mit ſelde ich geerbet han den gral Nuͯ enpfohent ir an diſem mal Vwer lehen von mẏnem kinde Ob ich an úch truwe vinde Mit guͯtem willen das geſchach Vil fanen man dort fuͯren ſach Do lihen zwo clein hende Witer lande vil manig ende Gekroͯnet wart do cardeis Der betwang ouch ſider canuoleis Vnd vil des gamiretes was By dem plimzol vff das graſz Wart geſidel witer ring genomen Do ſú zuͯ dem brotte ſolten komen Snelleclich do enbiſſen wart Das here kerte an die hinfart Die gezelt nam man alle nyder Mit dem jungen kv́nige fuͯren wider Manige jungfrouwe vnd ander diet Sich von der kv́nigin ſchiet So das ſú doten clageſchin Do nomen lohelangrin Vnd ſin muͯter wol getan Die templeis vnd ritten ſan Gegen muntſaluaſce balde Jn diſem ſelben walde Sprach parcifal do ſach ich ſten Vnd ein cloſen do durch gen Einen ſnellen bronnen clar Obe ir ſú wiſſent ſo wiſent mich dar Von ſinen geſellen wart in geſaget Sú wuſten ein do wonte ein maget Alle clagende vff frúndes ſarg Die iſt rechter guͯte ein arg Vnſer reiſe gat ir nohe bẏ Man vindet ſú ſelten jo*jomers frẏ Der kv́nig ſprach wir ſúllent ſú ſehen Des wart ime volge verjehen Sú rittent fúr ſich drate Vnd fúndent ſú des obendes ſpote Sigunen an ir venien dot Do ſach die kv́nnigin jomers not Sú brochent zuͯ ir dar in Parcifal durch die nifftel ſin Bat vff wegen des ſarckes ſtein Schionatulander ſchein Vnerfulet ſchone balſam far Man leit ſú nohe zuͯ yme dar Die magetlich mynne jme gap Do ſú lebete vnd ſluͯgen zuͯ gdas grap Condewier amirs begunde clagen Jr fetter dochter horte ich ſagen Vnd wart vil freiden ane Wenne ſú ſcoſiane Der doten megede muͯter zoch Kint weſende dar vmb ſẏ freide floch Die parcifals muͯme was Obe der provinzol die worheit las Der hertzoge kẏot Wuſte wenig vmb ſiner dochter dot Des kv́niges mảrditzes maget zoge Es iſt nit krumb alſo ein boge Diſe mere iſt wore vnd ſlecht Sú dotent do der reiſe recht Bẏ nacht gegen muntſaluaſce ſú ritten Do hette ir ferrefis gebitten Mit kurtzewile die ſtunde Vil kertzen man do enzunde Recht als obe brúnne gar der walt Ein templeis von gargalt Gewoppent by der kv́nigin reit Der hoff was wit vnd breit Dar vff ſtunt manig ſunder ſchar Sú enpfingen die kv́nnigin gar Den wurt vnd den ſuͯn ſin Do druͯg man lohelangrin Gegen ſinem vettern ferrevis Do der was ſwartz vnd wis Der knabe ſin wolte kúſſen nicht Von forchte alſo kinden noch beſchicht Des lachete der heiden Do begunden ſú ſich ſcheiden Vff dem hoff vnd die kv́nigin Erbeiſſet was in kam gewin An ir mit freiden kunfft aldar Man fuͯrte ſy do werde ſchar Von maniger cloren frouwen was Ferrefis vnd anfortas Mit zuchten ſtunden beide Bẏ der frouwen an dem gereide Do ſtunt repanſe de ſcoye Vnd von grinulant garfiloye Florie von lunel Liechte ougen clore fel Sú truͦgent vnd magetlichen pris Do ſtunt ouch ſwanckel alſo ein ris Der ſchoͯnde vnd guͯte nicht gebrach Vnd der man zuͯ dochter jach Von rile gerniſe Die maget hieſz ampfliſe Von tenebrog iſt mir geſaget Stunt do clorin ſchantz ein maget Liechter farwe gar vnverkrencket Alſo ein ameiſſe gelencket Ferre vis gegen der wurtin trat Die kv́nigin den kv́ninkv́ſſin bat Sú kuſſete ouch anfortaſen do Vnd was ſiner geniſte fro Fferrefis ſú fúrte mit der hant Do ſú des wurtes muͯmen fant Repanſen deſcoyen ſten Do múſte kuͯſſen vil ergen Dar zuͯ ir munt was E ſo rot Der leit von kúſſen nuͯ die not Das es mich muͯget das iſt mir leit Das ich nit habe ſolliche arbeit Fúr ſú wenne ſú kam muͯde fúr in Die jungfroͧwen fuͦrten ir frouwen hin Die ritter in dem pallas Beliben der wol bekertzet was Die harte liechte bronnen Do wart mit zucht begunnen Bereitſchafft gegen dem gral Der truͯg man zuͯ allem mal Der diechte nicht durch ſchouwen fúr Nicht wenne zuͯ der hochzit kúr Durch das ſi troſtes wanden Do ſú ſich freiden anden Das obendes vmb des bluͯtige ſper Do wart der g*grol durch helffe ger Fúr getragen an der ſelben zit Parcifal ſú lieſſe in ſorgen ſit Mit freide er nuͯ wurt fúr getragen Jr ſorge iſt gar hin dan geſlagen DO die kv́nigin ir reiſe gewant Abe gezoch vnd ſich gebant Sú kam alſo irs wol gezam Ferrefis an einer túre ſú nam Nuͯ das es was echt one ſtrit Das horte oder ſpreche zuͯ keiner zit Jeman von ſchoͯnerem wibe Sú truͯg ouch an irem libe Pfelle den ein kúnſtig hant Worcht alſo in ſariant Mit groſſem liſt als endacht E Jn der ſtat zuͯ thaſine Ferrefis auſcevin Sú brachte ſú gab liecheliechten ſchin Mitten durch den pallas Do ferrefis vnd anfortas By dem wurte ſolte ſitzen Do warp mit zúchtigen witzen Lignum aloe des fúres ſmag Viertzig teppich vnd geſitz me do lag Denne zú einer zit parcifal Ouch do fúr ſach tragen den gral Ein ſitz vor vs geheret was Do ferrevis vnd anfortas Wer do dienen wolte So der grole komen ſolte Jr habent gehort E des genuͯg Wie man in vor anfortaſſen truͦg Dem ſicht man nuͯ glúcke tuͦn Fúr des werden gamiretes ſuͦn Vnd ouch von tampenteires kint Jungfrouwen nuͯ nicht langer ſint Ordelich ſú komen v́ber al Fúnff vnd zwentzil an der zal Den erſten blick den heiden clor Ducht vnd reidelecht ir hor Die andern ſchoͯner aber dar noch Die er do ſchiereſt komen ſach Vnd ir aller cleider túr Suͯſſe mẏnneclich gehúr Was aller megede antlitz gar Noch in allen kam die liecht gefar Repenſe de ſcoye ein maget Sich lieſſe der grole iſt mir geſaget Die ſelben tragen eine Vnd anders ouch do keine Jr hertze was vil kúſche by Jr feldes blickes flori Sage ich des dienſtes vrhap Wie vil kamerer do waſſer gap Vnd was man toffeln vor ſú truͯg Me denne ich úch fúr gewuͯg Wie vnfuͯge den pallas floch Was man do karatſchen zoch Mit túren golt faſſen Vnd wie die ritter ſoſſen Das wurde ein altes langes ſpel Jch wil der kurtz weſen ſnel Mit zucht man vor dem grale nam Spiſe wilde vnd zam Diſem den met dem den win Alſo es ir ſitte wolte ſin Moral zinolpel clarat Fili rois gamiret Pelrapeir al anders fant Do ſú ẏme zuͯ dem erſten wart erkant ⸿Der heiden frogete mere Wo von diedẏe golt faſz were Fúr der tofeln wurden vẏol Das wunder jme det zuͯ ſehen wol Do ſprach der clore anfortas Der jme zuͯ geſellen geben was Herre ſehent ir ligen vor úch den gral Do ſprach der heiden liecht gemal Jch enſihe nit wenne ein achmardi Das truͯg min jungfrouwe vns by Do dort mit crone fúr vns ſtat Jr blick mir in das hertze gat Jch wonde ſo ſtarck were min lip Das ẏemer maget oder wip Mir freiden crafft beneme Mir iſt worden wider zeme Obe ich ẏe werde mẏnne enpfing Vnzucht mir zucht vnder ving Das ich úch kúnde mine not Sit ich úch dienſt nye gebot Was hilffet alle min richeit Vnd was ich ẏe durch wip geſtreit Vnd ob min hant icht hat vergeben Muͯſz ich ſuſz pineclichen leben Ein krefftig got juppiter Was wolteſt du min zuͯ vnſanffete her Minnen crafft mit freiden trang Frompt in bleich in ſiner blang Condewier amirs die liecht erkant Vil noch ẏme ebenhitz fant An der cloren megde felles blick Do ſloſz ſich in ir mẏnne ſtrick Ferrefis der werde gaſt Siner erſten fruntſchafft ẏme gebraſt Mit vergeſſeclichem willen Was halff do ſecundillen Jr mynne vnd ir lant tribalibot Nuͯ gap ein maget ſo ſtrenge not Claudite vnd olinpia Secundille vnd witen anderſwo Die wip jme dienſtes londen Vnd ſines priſes ſchonden Gamúretes ſuͯn von zazamang Den duchte ir aller mynne krang ⸿Do ſach der clore anfortas Das ſin geſelle in pinen was Des blancken mol gar wurden bleich So das jme hoher muͯt geſweich Do ſprach er herre die ſweſter min Mir iſt leit obe úch die leret pin Denne noch nyeman durch ſú erleit Nie ritter in irem dienſt gereit Do nam ouch nieman lon zuͦ ir Sú was mit jomer groſz by mir Das krencket ouch ir freide ein teil Das man ſú ſach ſo ſelten geil Vwer bruͯder iſt ir ſweſter ſuͯn Der mag úch do wol helffe tuͯn Sol die maget uwer ſweſter ſin Sprach ferrefis auſcevin Die crone vff bloſſem hor dort hat So gebent mir vmb ir mynne rat Noch ir iſt alles mins hertzen ger Ob ich ẏe priſes erwarp mit ſper Wenne wer das gar durch ſú geſchehēn Vnd wolte ſú denne ir lones jehen Fúnff ſtich mag turneẏen han Die ſint mit ſiner hant getan Einer iſt zuͯ dem puneis Zuͯ triuers ich den anderen weis Der dritte iſt zuͯ tmuͯten Zuͯ rechter juſte den guͦten Hurteclich ich han geritten Vnd den zuͯ der volge nit vermitten Sit der ſchilt von erſte wart min tach Húte iſt min hoͯheſtes vngemach Wenne min kurſit ſalomander Aſpinde min ſchilt der ander Jch were verbrunnen von der bruſt Wo ich halt vff des libes cuſt Owe wan het mich geſendet dar Vwer ſweſter mynneclich gefar Jupiter minem got Jch were gegenſtrit noch ir bot Wil ich ẏemer haſſe tragen Er wende mir denne dis ſtarck clagen Jr beẏder vatter frimitel Glich antlitz vnd glich fel Anfortas bẏ ſiner ſweſter druͦg Der heiden ſach an ſú genuͯg Vnd aber vil dicke an in Wie vil man her oder hin Spiſe truͯg ſin munt ir doch nit as Eſſens er doch glich vergas ⸿Anfortas ſprach zuͯ parcifal Herre uwer bruͯder hat den gral Des ich wene noch nit geſchehen Ferrefis dem wurt begunde jehen Das er des groles nit ſehe Das duchte alle die ritter ſpehe Diſe mere ouch titturel vernam Der alte bette riſe ilam Er ſprach iſt ein heidenſcher man So darff er des nit willen han Das ſin ougen one des touffes crafft Beyage die geſelſchafft Das ſú den grole beſchouwen Do iſt hamit fúr gehouwen Das enbot er in den pallas Do ſprach der wurt anfortas Das ferrefis neme war Wes alles das do lepte gar Do were ein ẏegelich heiden Mit ſehen von geſcheiden Do wúrben ſú das er neme toͧff Vnd endeloſen gewinnes louff Obe ich durch úch zuͯ touffe kome Jſt mir der touff zuͯ mynnen frome Sprach der heiden gamiretes kint Es was ẏe jnnen her ein wint Das mich ſtrit oder *mynne twang Des ſy kurtz oder lang Das mich erſte der ſchilt v́ber ving Sit ich nẏe groſſer not enpfing Durch zucht ſolt ich mynne heln Nuͯ mag irs hertz nit verſteln Wen meineſt du ſprach parcifal Echt jenne maget liecht gemal Mins geſellen ſweſter hie Wilt du mir helffen vmb ſie Jch tuͯn ir richeit bekant So das ir dienent wite lant Wilt du dich touffes loſſen wern Sprach der wurt ſo macht du ir mynne ger̄n Jch mag nuͯ wol dutzen dich Vnſer richtuͦm nuͯ glichet ſich Min halp von des groles crefft Hilff mir geſelleſchefft Sprach ferrevis auſcevin So bruͦder vmb die muͦmen din Holt man den doufft mit ſtrit Dar ſchaff du mich bezit Vnd loſz mich dienen vmbiren lon Jch horte ẏe gerne ſollichen don Do von juſte ſprieſſen ſpringen Vnd do ſwert vff helm erclingen ⸿Der wurt des lachete ſere Vnd anfortas noch do mere Kanſt du ſuſz touff enpfohen Sprach der wurt ich wil ſú nohen Durch rechten in din gebot Jupitern dinen got Muͯſt du*du durch ſú verlieſen + Vnd ſecundillen verkieſen Morgen fruͯ gip ich dir rat Der fuͯge an dinem gewerbe hat Anfortas verſiechete zit Sinen priſz gemachet hette wit Mit ritterſchafft durch mynne An ſines hertzen ſinne Was guͯte vnd miltekeit Sin hant ouch manigen pris erſtreit Do ſoſſent dem grole bẏ Der aller beſten ritter dry Die do der ſchilt pflogen Wenne ſú gedurſtens wogen Wolt ir ſú haben do gas genuͦg Mit zucht man von in allen truͯg Taffelen vnd diſchlachen Mit dienſtlichen ſachen Nigen alle die jungfrowelin Ferrevis auſcevin Sach ſú von jme keren Das begunde jme truren meren Sins hertzen ſloſz truͯg den grol Vrlop gap in do parcifol Wie die wúrtin ſelb dan ging Vnd wie man es do noch an ving Das man ſin wol mit beiten pflag Der doch durch mynne vnſſanffte lag Wie alle der tampleiſe diet Mit freiden vnfreide von in ſchiet Do von wúrde ein lange ſage Jch wil úch kúnden dem toge Do des morgens liecht erſchein Parcifal wart des in ein Vnd anfortas der guͯte Mit endehafftem muͯte Sú boten den von zazamang Komen den die mynne twang Jn dem tempel fúr dem gral Er gebot ouch an dem ſelben mal Dem wiſen templeiſen dar Sarande ritter groſſe ſchar Do ſtunt nuͯ ging der heiden in Der touff napff was ein robin Von jaſpis ein grete ſinwel Dar vff ſtunt titturel Hette in mit koſt erzeiget ſo Parcifal zuͯ ſinem bruͯder do Sprach wilt du die muͯmen min Haben alle die gotte din Muͯſt du durch ſú verſprechen Vnd yemer gerne rechen Den widerſatz des hoͯheſten gottes Vnd mit truwen ſchoͯnen ſins gebottes Wo von ich ſol die maget han Sprach der heiden das wurt getan Vnd mit truwe an mir erzeiget Der douff napff wart geneiget Ein wenig gegen dem gral Vol waſſers an dem mal Wart er zuͯ warm noch zuͯ kalt Do ſtunt ein grouwer prieſter alt Der vs ſheidenſchafft manig kindelin Ouch geſtoſſen hette dar in Der ſprach ir ſolt glouben Vwer ſele dem túffel rouben An den hoͯheſten got allein Des trifalt iſt gemein Vnd alle glich geurbort Got iſt menſche vnd ſins vatt̉er wort Sit er iſt vatter vnd kint Die alle glich geeret ſint Ebener ſinem geiſt Mit der driger volleiſt Wert úch diſz waſſer heidenſchafft Mit der trinitat crafft Jn dem waſſer er zuͯ touffe ging Von dem adam antlitz enpfing Von waſſer boum ſint geſafft Waſſer ſuͯchet alle geſchafft Der man zuͯ zuͯ creature gicht Mit dem waſſer man geſicht Waſſer git maniger ſelen ſchin Das die engel nit wiſſer mogen ſin Ferefis zuͯ dem prieſter ſprach Es iſt mir guͯt fúr vngemach Jch gloube wes ir gebietet Obe mich ir mynne nẏetet So leiſte ich gerne ſin gebot Bruͯder hat dine muͯme got An den gloube ich vnd an ſie So groſſe not enpfing ich nẏe Alle min gotte ſint verkorn Secundille habe ouch verlorn Was man ſan mir ẏe gerte ſich Durch diner muͯmen got heiſz touffēn mich Man begund ſin criſtlich pflegen Vnd ſprach ob yme des touffes ſegen Do der heiden touff enpfing Vnd die weſterlege erging Das er vnſanffte arbeit Di*Der maget man in bereit Man gap jme frimutels kint An den grole was er zuͯ ſehen blint E der touff hette in bedecket Sú wart jme vor enblecket Der grol mit geſicht Noch der touff geſchicht An dem grole man geſchriben fant Welhem templeis die gottes hant Gehe zuͯ herren froͯmder diet Das er frogen wider riet Sines namen oder ſines geſlechtes Vnd das er in hulffe rechtes So die froge wurt gegen jme getan So múgent ſú ſin nit langer han Durch das der ſuͯſſe anfortas So lange in ſuren pinen was Vnd in die froge lange meit Jn iſt ẏemer nuͯ frogen leit Alſo des groles pflicht geſellen Von jme des frogens nit enwellen DEr getouffte ferrefis An ſinen ſwoger leite flis Mit bette dan zuͯ farn Vnd nyemer nit zuͯ ſparn Vor jme als ſiner richen habe Do leite in mit zúchten abe Anfortas von dem gewerbe Jch wil nit das verderbe Gegen got min dienſtlichen muͦt Des groles crone iſt alſo guͯt Vnd het mir hochffart verlorn Jch han demuͯt mir erkorn Sich ferret von mynem ſinne Richeit vnd wibe mẏnne Jr fuͯret hinnan ein edel wip Die git zuͯ dienſt úch kúſchen lip Mit guͯtem wiplichem ſitten Jch wil vil juſte ritten Min orden wurt hie nit vermitten Jn des groles dienſt ſtriten Durch wip geſtrit ich nẏemer mer Ein wpwip gap mir hertzen ſer Je doch iſt ẏemer al min has Gegen wiben foͯlleclich las Hoch manh*manlẏch freide komet von in Wie cleine do were min gewin Anfortaſſen bat echt ſere Durch ſine ſweſter ere Ferrefis der dan ferte Mit verſagen er ſich werte Do das nit mochte ſin Do bat er das lohelangrin Mitte jme dannen ſolte farn Sin muͯter kunde des wol bewarn Ouch ſprach der kv́nig parcifal Min ſuͯn iſt geordent vff den gral Dar muͯſz er dienſtlich hertze tragen Lot in got rechten ſin beyagen Freide vnd kurtzewile plag Ferrefis aldo den eilfften tag An dem zwoͯlfften kerte er dan Gegen ſinem *her der riche man Sin wip wolte fuͯren Des begunde ein truren ruͯren Parcifalen durch truwe Die rede in lerte ruwe Mit den ſinen er ſich beriet Das er von rittern groſſe diet Mit jme ſante fúr den walt Anfortas der ſuͯſſe tegen balt Mit jme durch kundewieren reit Manig maget do weinen nit vermeit Sú muͯſſten machen nuwe ſla Vs gegen kukubra Dar enbot der ſuͯſſe anfortas Dem der do burg groffe was Das er were des gemant OberObe er ẏe von ſiner hant Enpfinge gobe rich Das er nuͯ dienſtlich Sin truwe an yme gepriſete Vnd ſinen ſwoger wiſete Vnd ſin wip die ſweſter ſin Durch das forecht lopriſin Jn die wilden hahehabe wit Nuͯ was vrlobes zit Sú ſolte do nit fúrbas komen Condrie laſurzier wart genomen Zuͯ diſer botſchafft dan Vrlop zuͯ dem richen man Nomen alle die tampleis Hin reit der kurteis ⸿Der burggroffe do nit enleienlieſz Was condrie in leiſten hieſz Ferrefis der rich Wart do ritterlich Mit groſſer fuͯr enpfangen Jn dorffte do nit erlangen Man fuͯrte in fúrbas ſchier Mit werden condewier Jch weis wie manig lant er reit Vntze zú joflantz vff den anger breit Lúte *ſú do funden Die frogete an den ſtunden Ferrefis der mere War das her komen*komen were komen*komen: Unlesbarer Buchstabe zusätzlich vom Rubrikator durchgestrichen. Jegelicher was in ſin lant Dar jme die reiſe was benant Artus was gegen ſamilot Der von tribalibot Kunde an den ſelben ziten Gegen ſinem her wol riten Das lag al trurig in der habe Dar ir herre was geſcheiden dar abe Sin kunfft do manigen ritter guͯt Brocht nuwen hohen muͯt Der burggroffe von carthobra Vnd alle die ſine wurden da Mit rechter gobe heim geſant Condrie do groſſe mere befant Botten noch dem her woren komen Secundillen hette der dot genomen Repanſe de ſcoye moͯchte da Alrerſt ir ferte weſen fro Die gebar ſit in indian Einen ſuͯn der hieſz johan Prieſter johan den man hieſz Jemer ſit man do die kv́nnigin lieſz Bẏ dem nāmmen bliben Ferrefis hieſz ſchriben Zuͯ jndia v́ber alle das lant Wie criſten leben wart erkant Das was E nit ſo crefftig da Wir heiſſent es hie jndia Dort heiſſet es tribalibot Ferrefis bẏ condrien enbot Sinem bruͯder vff muntſeluaſce widẻr Wie es ẏme was ergangen ſider Das ſecundille verſcheiden was Des frouwet ſich anfortas Das ſine ſweſter one ſtrit Was frouwe v́ber manig ſo wit Die rechten mere uch komen ſint Vmb die fúnff frimutels kint Das die mit guͯten wurden Vnd wie ir zweẏ erſturben Das ein was ſcoſiane Vor got die falſches ane Die ander hertzoloide hieſz Die falſcheit vs ir hertz ſtieſz Sin ſwert vnd ritterliches leben Hette die treurizente geben An die ſuͯſſe gottes mẏnne Vnd noch endeloſem gewinne Der werde clore anfortas Manlich bẏ kúſchem hertzen was Ordelich er manig juſte reit Durch den grole nit durch die wip er ſtreit Lohelangrin wuͦhs menlich vnd ſtarg Die zageheit ſich an jme barg Do er ſich ritterſchafft verſan Des groles prisdienſt er priſz gewan Wolt ir nuͯ hoͯren fúrbas Sit v́ber lang ein froͧwe ſas Vor aller falſcheit bewart Richeit vnd hochffart Vff ſú geerbet woren Sú kunde alſo geboren Das ſú mit rechter kúſche warp Alle menſchelich begir an ir verdarp Werder lúte warp vmb ſú genuͯg Der etlicher krone druͦg Vnd manig fúrſte ir genoſz Jr demuͯt was ſo groſz Das ſú ſich dar an nit wande Vil groffen von irem lande Begundens an ſú haſſen Wes ſú ſich wolte laſſen Das ſú ein man nit neme Der in zuͯ herren wol gezeme Sú hette ſich gar an got gelan Was zornes wart gegen ir getan Vnſchulde maniger an ſich rach Einen hoff ſú ir vor den herren ſprach Manig botte vs ferrem lande fuͯr Hin zuͯ ir do man ſú gar verſwuͯr Wenne den ſúgot bewiſete Des mynne ſú gerne priſete Sú was fúrſten in brobant Von muntſaluaſce wart geſant Der den der ſwane brachte Vnd des ir got gedachte Zuͯ antwer*antwerg wart er vs gezogen Sú was an ẏme vil vnbetrogen Er kunde wol geboren Man muͯſte in vor den cloren Vnd fúr den manlichen Haben in allen richen Wo man ſin kunde ẏe gewan Húbſch mit zúchten wis ein man Mit truwen milte one oder ſtoſz Was ſin lip miſſewende bloſz Des landes frouwe in ſchone enpfing Nuͯ horent wie ſin rede erging Rich vnd arme es horten Die do ſtunden an allen orten Er ſprach min frouwe hertzogin Sol ich hie landes herre ſin Dar vmb loſſe ich als vil Nuͯ mercken was ich úch bitten wil Gefrogent nẏemer wer ich ſy So machmag ich úch bliben by Bin ich one uwer froge erkorn So habent ir mynne an mir verlorn Obe ir nit ſint gewarnet des So warnet mich got er weiſz wol wes Sú ſatte wibes ſicherheit Die ſit durch liebe wencken leit Sú wolte zuͯ ſinem gebotte ſton Vnd nẏemer v́ber gon Was er ſú leiſten hieſz Ob ſú got by ſinnen lieſz Bẏ nacht ſin lip ir mynne enpfant Do wart er fúrſte in brobant ⸿Die hochgezit rilich erging Manig herre von ſiner hende enpfing Jr lehen die das ſolten han Guͯt richter wart der ſelbe man Er det ouch dicke ritterſchafft Das er den priſz behielt mit crafft Sú gewunnen ſamen ſchone kint Vil lúte in brobant noch ſint Die wol wiſſen von in beiden Jr enpfohen ſin dan ſcheiden Das in froge dan vertreip Vnd wie lange er do bleip Er ſchiet vngerne dan Nuͯ bracht jme aber ſin frúnt der ſwan Ein cleine fuͯge ſeities Sines cleinoͯtes er do lies Ein ſwert ein horn ein vingerlin Hin fúr lohelangrin Wellent wir dem mere recht tuͯn So was er parcifals ſuͯn Der fuͯr waſſer vnd wege Vntze wider in des groles pflege Durch was verloſſen das guͯte wip Wer des frindes mynneclichen lip Er wider riet ir frogen E Do er von ir ging an dem ſe Hie ſolte ere nuͯ ſprechen Der kunde mit rede ſich rechen ⸿Obe trois meiſter criſtian Diſem mere vnrecht hat getan Des mag wol zúrnen kẏot Der vns die rechten mere enbot Endehafft gicht der provintzal Wie hertzeloiden kint den gral Er warp alſo jme geordent was Do in verwúrcket anfortas Von profantz in dútze lant Die rechte mere vns ſi geſant Vnd diſer obentúr endes zil Nicht me do von nuͯ ſprechen wil Jch wolffram von eſchenbach Wenne alſo dort der meiſter ſprach Sin kint ſin hoch geſlechte Habe ich úch benennet rechte Parcifals den ich han bracht Dar ſin doch ſelde hat erdacht Wes leben ſich ſo verendet Das got nit wurt gepfendet Der ſele durch des libes ſchulde Vnd der doch der welte hulde Behalten kan mit werdickeit Das iſt ein nútze arbeit Guͯt wip hant die ſinne Deſte werder ich in binne Obe mir do kein guͯtes hgan Sit ich diſe mere follen ſprochen han Jſt das durch ein wip geſchehen Die muͯſſe mir ſuͯſſer worte jehen Amen : besteht aus einem etc-Zeichen.