Parzival Transkription des Textzeugen fr53 Wolfram von Eschenbach Parzival-Projekt Bern Parzival-Projekt Bern Bern 2017 Praha Národní knihovna České republiky Cod. XXIV.C.3 fr53

Fr. 53 (G<hi rend="sup">ρ</hi>): Praha, Národní knihovna České republiky, Cod. XXIV.C.3 (früher Fragm. germ. 3) Pergament – 1 Blatt – Format 21 x 15,3 cm (Schriftraum 19,5 x 14 cm), zwei Spalten zu 34 Zeilen, Verse abgesetzt – Anfang des 14. Jhs. – österreichisch (südböhmisch?) – Abschnittsgliederung durch zweizeilige, abwechselnd rote und blaue Initialen – die ungeraden Verse sind geringfügig ausgerückt, ihre Anfangsbuchstaben (rotgestrichelte Majuskeln mit z. T. auffälliger Zackenverzierung) stehen auf der vertikalen Begrenzungslinie – Fassungszugehörigkeit: wohl *T – vgl. zur Hs. auch die Angaben im Handschriftencensus,.

Schreiber Finis-Zeichen Alinea-Zeichen de-Ligatur Lateinische Abkürung für -rum Lateinische Abkürzung für -is Lateinische Abkürzung für -et/-it Lateinische Abkürzung für -et Vgl. Cappelli, Lexicon abbreviaturarum, S. 408, Sp. a, letzte Zeile. Abschnitt 769.17-774.02 Transkribiert ab Original von MSt Überprüft ab Farbfotos (Studio) von GVi am 15.4.2004 Endredaktion ab Farbfotos (Studio) durch JKl am 7.12.2016. Die Hinzuziehung des Abdruckes von Bernt brachte keine neuen Erkenntisse (Alois Bernt, Altdeutsche Findlinge aus Böhmen, Brünn/München/Wien 1943, S. 43-47). Grundsätzlich wurden alle Anfangsbuchstaben jedes zweiten Verses in Fr53 rubriziert. Diese Rubrizierungen werden in der Transkription nicht separat vermerkt. Die da ſazzen an allen ſeiten vnd von den zwain ſtreiten. Die parcifal ſein brvder ſtrait ze ſchoflanze avf dem anger brait. Swaz er anders het ervarn : Zwischen den beiden Versen sind die Wörter Stendes die zu lesen. Es scheint sich dabei aber nicht um eine Korrektur zu handeln. da er den leip niht chvnde ſparn. Er ſol dirz ſelbe machen chvnt er ſvͦcht einen hohen fvnt. Nach dem grale wirbet er von ev baiden iſt mein ger. Nv ſagt miͤr levt vnd lant dev ev mit ſtreite ſein erchant. Der haiden ſprach ich nenne ſie die miͤr die ritter fvrent hie. Der chvnich papiris vōn trogidente vnd d̉er graf beanis vōn galmitēnte. Der hertzog fartlatis afrippe vnd lidamvs von agrippe. Der chvnich tridans von tynodontel vnd d̉er chvnich amans partis vōn ſippel. Pionte von pontentein d̉er h̉ertzog lippidivs von agremontein. Der chvnich mylon vōn nvatentiſins von aſſegarzint d̉er graf gabrins. Von hyon porticon der graf filones vnd von ſerdvn d̉er chvnich ciligrates. Der graf liſander von ypoticon vn̄d d̉er h̉ertzog tyride von elycimdion. Von oreſte genteſein thorthoaris vnd von ſaraticon d̉er h̉ertzog alamis Der chvnich amvncas vōn ſotofatiron vn̄d d̉er h̉ertzog von dvſchontemedon. Von arabei d̉er chvnich geroaſtiſe vn̄d d̉er graf poſſizvnvs von thyſe. Der hertzog ſenes von hariodin der graf ediſſon von lanteſardin. Von lentfvſe d̉er graf friſtenes vn̄d von atrofaigente d̉er h̉ertzog maiones. h̉ertzog maiones: Auf Rasur? Von navriente arkenor vnd von panfatis d̉er gralie aſtor. Von azzagavch vnd zazamanch vn̄d von canfaſſaſe d̉er chvnich jtachranch. Der graf ivrans von plemvzin vnd d̉er h̉ertzog afinamvs von emanteſin. Ich het ein dinch fvͤr ſchande man iach in meim lande. Dehain bezzer ritter mohte ſein dēnn gahmvret antſchevein. Der ie oͤrs vber ſchrite ez was mein wille vnd mein ſite. Daz ich fvͦre vntz ich in fvnde ſeit gewan ich ſtreites chvnde. Von meinen zwain landen her fvͦrt ich chreftig avf daz mer. Gen ritterſchefte het ich mvͦt ſwelch lant was werleich vnd gvͦt. Daz twang ich meiner hende vntz verre inz ellende. Da werten mich iͤr minne zwo reiche chvniginne. Olimpe vnd chlavditte ſecvndille nv dev dritte. Jch han dvrh weip vil getan hevt alrerſt ich chvͤnde han. Daz mein vater iſt tot mein brvder ſagt avch ſein not. Do ſprach der werde parcifal ſeid ich ſchiet vom gral. So hat mein hant an ſtreite in der enge vnd avf der weite. Vil ritterſchaft erzaiget etleiches preis genaiget. Der des vil vngewent was ie ein tail ich der benenne hie Von lirivoyn d̉er chvnich ſchirniel vnd von avendroyn ſein brvd̉er mirabel. Der chvnich ſerabil von rozobears vnd d̉er chvnich fileſvſi von lochfebars. Von ſirnegonet ſchvtelgorz vnd von filegarzvn ſinangdroz Von miͤrnegalle d̉er graf roydal vnd von bletvnz lavdvnal. Der chvnich ompriez von ytholach vnd d̉er chvnich girolan von ſenblidach. Von gerobli d̉er hertzog geradanz geradanz: d aus t korrigiert? vnd von zanbron d̉er graf blineſchanz Von tatelevnz d̉er graf longiviez vnd vōn brevegariez h̉ertzog marangliez. Von pitagon d̉er hertzog ſyrnolas vn̄d von lanpregvn d̉er graf barvaras. lanpregvn: Oder ist lempregvn zu lesen? lanpregvn: Bernt liest lanpregvn. Von aſcalvn der chvnich vergvlaht von pranzil der graf bogvdaht. Heſtefar von lavde vnderreht vn̄d d̉er h̉ertzog ledebron vōn redvnzeht. Von letbre conlvual vnd iovedaſt von provenzal. Von triparvn d̉er graf carforas ditz ergie da tvrniern was. Die weil ich nach dem grale rait ſolt ich gar nennen da ich ſtrait. Daz wærn vnchvndev zil dvrh not ich mvͦz verſweigen vil. Swaz iͤr miͤr chvnd iſt getan die wæn ich hie genennet han. Der haiden was von h̉ertzen vro daz ſeines brvder dinch alſo. Stvnt daz ſein hant erſtrait ſo manige hohe werdichait. Des dancht er im ſere er het es ſelb avch ere. Jnnen des hiez tragen gawan als ez vnwizzent wær getan. Des haidens zimier in den rinch ſi prvͤftenz da fvͤr hohev dinch. Ritter vnd vrowen begvnden alle ſchowen. Den wapenroch ſchilt daz chvrſeit der helm was ze enge noch ze weit Si preiſten al gemaine die tevren edle ſtaine. Die da verwiert lagen niemen darf mich vragen. Von iͤr art wie ſi wærn die leihten vnd die ſwærn. Evch het baz beſchaiden des eraclivs oder ercvles. Oder alexander vnd noch ein ander. Der weiſe pytagoras der ein aſtronomier was. Vnd ſvs ſo weis an ſtreit niemen ſeid adams zeit. Moht im geleichen getragen d̉er chvnd baz von ſtainen ſagen. Die vrowen prvͤften ſwelch weip da mit zierte ſeinen leip.