Parzival

Parzival Transkription des Textzeugen fr44 Wolfram von Eschenbach Parzival-Projekt Bern Parzival-Projekt Bern Bern 2017 Tübingen Wilhelmsstift Cod. Gb 676 fr44

Fr. 44 (G<hi rend="sup">εε</hi>): Tübingen, Wilhelmsstift, Cod. Gb 676 Pergament – 1 Doppelblatt – Format 23,5 x 15,5 cm (Schriftraum 18,5–18,8 x 12,2–*D 12,8 cm), zwei Spalten zu 40 Zeilen, Verse abgesetzt – erste Hälfte des 14. Jhs. – ostfränkisch/ südthüringisch – Abschnittsgliederung durch dreizeilige rote Lombarden – die Anfangsbuchstaben (Majuskeln) sind in den a-Spalten geringfügig ausgerückt und in eigener Kolumne – Fassungszugehörigkeit: *G – vgl. zur Hs. auch die Angaben im Handschriftencensus,.

Schreiber Finis-Zeichen Alinea-Zeichen de-Ligatur Lateinische Abkürung für -rum Lateinische Abkürzung für -is Lateinische Abkürzung für -et/-it Lateinische Abkürzung für -et Vgl. Cappelli, Lexicon abbreviaturarum, S. 408, Sp. a, letzte Zeile. Abschnitt 57.05-67.24 Transkribiert von OBA ab Fotos (Studio) im Januar 2010 Korrekturen durchgeführt von CG am 22.11.2016. Kontrolliert von KHo im Januar 2017 Gegengelesen und Endredaktion I erledigt von CG am 20.02.2017 Erneut Gegengelesen und Endredaktion I erledigt von JW am 16.10.2017 Endredaktion II durchgeführt von CG am 16.11.2017. 14.9.2018, MiGe: sek-Tags ergänzt. Quelle: Karl Bohnenberger und Joseph Benz, Tübinger Parzivalbruchstück, in: ZfdA 49 (1908), S. 123-135 (Abdruck des Fragments). Jmmer twingēn minēn lib. Sinem gote ze eren ſprach daz wib. Gerne ich mich toifen ſolte Vn̄d leben ſwie er wolte. D̉er iam̉er gap ir h̉erzen wic Jr froide uant den durren zwic Alſe noch die turteldube tuͦt Sie hete hie den ſelben muͦt Swenne ir an ritterſchefte gebraſt. Jr triwe kos den durren aſt. Div frowe an rechter zit genas Eines ſunes d̉er zweier uarwēn was. An dem got wuͦnders wart īn ein Wiz vn̄d ſwarz an uarwe er ſchein. Du kunegin kuſte in ſund̉er twal Vil dicke an ſine blanke mal. Div muͦter hiez ir kindelin Ferefiez Anſcheuin. Der wart ein walt ſwende Die zoſt zu ſiner hende Vil manic ſper zebrachen Die ſchilte durkel ſtachen. Als ein Ageleiſter wart geuar Sin har vn ouch ſin uel vil gar. Nv was ez ouch ub̉er des iares cil Daz Gamuret gepriſet uil Waſ uon den uōn zazamanc Sin hant ze ſigenūnfte ranc. Dannoch ſwebeter uf dem ſe Die ſnellēn winde im datēn we Einēn ſiden ſegel ſach er roten Den truc ein kocke. vn̄d boten Die uon ſchotten Fridebrant Virn Belachanēn hete geſant. Er bat ſie daz ſie uf in v̉erkur Swie er den mac durch ſie v̉erlur Daz ſie uon im geſuchet was. Da furten ſie den Adamas Ein ſwert. einēn halſperc. zwo hoſēn. Hie muget ir groz wunder loſen Daz im d̉er kocke wider fur. Als mir die auentivre ſwur Sie gabens im do lop vn̄d er. Sin munt d̉er botſchefte wer Were er ſo wid̉er kom̄en zu ir. Sie ſchieden ſich. man ſeite mir Daz mer truge in in eine habe Zu ſSibilien kerte er abe. Mit golde galt d̉er kuene man Sinem mernere ſan Vil harte wol ſin arbeit Sie ſchieden ſich daz was dem leit. Zv Spanie in dem lande Den kunec er irkande Daz was ſin neue kaylet Nach dem kerter zu Dolet. Der was nach ritterſchaft geuarn Do man nit ſchilte dorfte ſparn. Do hiez ouch er bereitēn ſich Sus weret div auentivre mich Mit ſperen wol gemalen. Von gruenēn zindalēn Jgliches hete ein banir Drie hermen Anker ſo fir Daz man ir iach vor riche Sie waren lanc vn̄d breit Vn̄d reichtēn uaſte uf die hant So mans zu ſperes iſen bant Do nidertalb eine ſpanne. Der wart dem kuenēn mānne Hund̉ert do bereitet Vn̄d wol hin nach geleitet Von ſines neuen livtēn. Eren vn̄d truden Kondēn ſie in mit w̉erdekeit Daz was ir herrēn nit zeleit. Er ſtreich in ich enweiz wſlage nach Vnz er geſte h̉erberge ſach Jn dem lande ze waleis. Do was geſlagēn uor kauoleis Manic paulun uf den plan Jch ſages uch nit uo wan. Gebietet ir ſo iſt ez war Sin uolc hiez uf halten gar Der herre ſante uor hin in Den clugen meiſter knappen ſin. Er wolte als in ſin her bat. Herberge nemen inder ſtat Do was im ſnelliche gach Man zoch im ſoymer nach Sin ouge nirgen hus da ſach Schilte waren ſin ander tach Vn̄d wende alſam behangen. Mit ſpern gar vmbe uāngen. Div kunegin uon Waleys Geſprochen hete zu kanuoleys Einēn turneẏ alſo gezilt Des manegen zagen noch beuilt Swo er dem glich werben ſicht Von ſiner hant ez nit geſchicht. Sie was ein maget nit eīn wip Div bot zwei lant vn̄d ir lip Swer den pris bezalte. mere manigen ualte ders ors uf den ſamen. Die ſelich geuellen namen Der ſchanz geſaget Des pflagen helde vnuerzaget Sie daten ritterſ ellen ſchin Mit hurteclicher rabin Wart do manic ors erſprenget Vn̄d ſwerte vil erclenget. Ein ſchifbrucke an ein plan Gienc ub̉er eines wazzers trān Mit einem tor beſlozzen Eīn knappe vnủerdrozzen Tet ez uf alſ im ze muͦte was Do uber ſtunt d̉er palas Da ſaz div kuneginne Zu den venſtern dar inne. Mit manig̉er w̉erden frowen. Div begonden ſchowen. Waz diſe knappen daten. Sie haten ſich beraten Vn̄d ſlugen uf ein gezelt Vmbe vnủergulten mīnnen gelt Wart ez ein kunec ane Des twanc īn Belachane. Mit arbeite wart uf geſlagen Daz drizec ſoymer muſtēn tragēn Ein gezelt daz erzeigete richeit. Do was d̉er plan wol ſo breit Daz ſich die ſnuͦre wol ſtractēn drān. Gamuret d̉er werde man Die ſelbe zit dort vze enbeiz. Dar nach uil ſere er ſich fleiz Wie er boueliche queme geritēn Des enwart do lang̉er nit gebitēn. Sine knappen ān den ſtūnden Jr ſper zeſamene bunden Jglicher fivnue an ein bant Daz ſechſte furter ander hānt Mit einer baniere Sus quam geuarn d̉er fiere. Von der kunegen wart v̉ernom̄en Wie ein gaſt do ſolte komēn Vz gar uerrem lande Den nieman erkande. Sin uolc daz iſt kurtoys Beide heidenſch vn̄d franzoys. Etlicher mac eīn Anſcheuin Mit ſiner ſprache vil wol ſin. Jr muͦt iſt ſtolz. ir wat iſt clar Wol geſniten al uor war. Jch waſ ſinen knappen bi Die ſint uōn miſſewende fri. Vn̄d iehen ſwer habe geruche Ob der ir herren ſuche Den ſcheide er uon ſwere Von in fragete ich der mere Do ſageten ſie mir ſund̉er wānc Ez were d̉er kunic uōn Zazamānc. Diſe mere ſeite ein garzun. Auoy welch ein paulun Jwer crone vn̄d iwer lant Werēn d fur nit halbez phant. Du ſolt mir ez ſo loben nicht Min mūnt hīn wid̉er dir des gicht. Ez mac wol ſin eines werden mān D̉er nit mit armote kan. Alſo ſprach div kunegin Owe wānne kuͦmt er drin Jrn garzun ſie des fragēn bat. Houeliche durch die ſtat Der helt begunde treken Die ſlafenden wecken. Vil ſchilte ſach er ſchinen. Die hellen buſinen Vor im mit crache gaben toz. Von wurfen vn̄d uon ſlegen groz Zwene tambûrre gaben ſchal D̉er galm vbir al die ſtat er hal. D̉er ton idoch gemiſchet wart Mit floytiren uf der vart. Eine reiſen ſie blieſen. Nv enſule wir nit v̉erlieſen Wie ir herre kom̄en ſi Dem riten videlẻre bi. Do legete d̉er tegen w̉ert Ein bein fur ſich uf daz pfert. Zwei ſtriual ub̉er bloze bein. Sin munt alſ ein rubin ſchein Vor roete als ob er brunne Er enwas ze dicke noch zedūnne. Sin lib was allentalben clar Sleht reitelechte was ſin har. Swaz man uor dem hute ſach Daz was ein tiver hoibet tach. Grune ſamit was d̉er mantel ſin Ein zobil da uor gab ſwarzēn ſchīn Ob̉er einem hemde daz was blānc Von ſchowen wart da groz gedrānc. Al dicke do gefraget wart Wer were d̉er ritter ane bart. Er furte alſelich richeit Vil ſchire wart daz mere breit. Si ſagetens im uor vngelogēn. Do begonden ſie ub̉er die bruke zogēn Ander uolc vn̄d daz ſine. Von dem lichten ſchine D̉er uōn d̉er kunegīnnen ſchein Er zucte nebēn ſich daz bein Vf richte ſich d̉er tegen wert Rechte alſe ein uederſpil dez g̉ert. Die herberge duchte in gut Alſo ſtunt des heldes mut. Sie dolte ouch wol div wirtin Von waleis div kunegin. Nv frieſch d̉er kunec uōn Spanie Daz uf d̉er Lewe planie Stūnt ein gezelt daz Gamuͦret Durch des kuneges kazaliges bet Bleip uor Pathelamūnt. Daz tet im ein ritter kunt. Do fur er ſpringende als eīn tẏr Vn̄d was d̉er frowen ſoldir. D̉er ſelbe ritter aber ſprach Jwer muͦemēn ſun ich ſach komen. als er was fier. Ez ſint hundert banier Zv einem ſchilte uf grune uelt Geſtochen fur ſin hoch gezelt. Die ſint ouch alle gruene Ouch hat der helt kuene Dri harmin anker licht gemal Vf iglichēn zindal Jſt geziemiret hie. Auoy nu ſol man ſchowēn wie Sin lib den poynder irret Wie ers mit hurte wirret D̉er ſtolze kunic Hardîez Der hat mit zorne ſinen flîez Nv lange uaſte an mich gewānt. Den ſol hie Gamuretes hant Mit ſiner zoſte neigen. Min ſelde iſt nit der ueigen. Sine boten ſanter ſan Do Gatſchier d̉er Norman Mit grozer maſſenie lac Vn̄d der lichte killiriakac Die warēn da durch ſine bet. Zem paulune ſie mit kaylet Furēn mit geſelleſchaft Do enpfiengen ſie durch liebe craft Den w̉erden kunic uōn Zazamānc Sie duchte ein beiden gar zelānc Daz ſie in ê nit ſahen Des ſie mit triwen iahen. Do fragete er ſie d̉er mere Wer da ~~rittere~~ritter were. Do ſprach ſin̉er muͦmēn kīnt Vz uerren landēn hie ſint Ritter die div mīnne iaget. Vil kuner ritter vnủerzaget. Sie hat manegen britun Roys Vterpandragun. Ein mere in ſtichet alſ eīn dorn Daz er ſin wip hat uerlorn Div artuſes muͦter was. Ein pfaffe d̉er zoiber las Mit dem div frowe iſt hīn gewānt Dem iſt artus nach gerant. Ez iſt in dem dritten iar Daz er ſun vn̄d wib v̉erlos uorwar. Hie iſt ouch ſiner docht̉er man D̉er wol mit ritterſchefte kan. Lot uor Norwêge Gein valſcheit der trêge Vn̄d d̉er ſnelle geīn dem priſe. Der kuene helt wiſe Hie iſt ouch Gawen des ſun So cranc. daz er nit mac getun Ritterſchefte deheine. Er was bi mir d̉er cleine Vn̄d gicht mochter einēn ſchaft Zebrechen. troſte in des ſin craft Er wurchte gerne ritters tat. Vil fruhe ſin ger begūnnēn hat. Hie hat der kunic patrigalt Von ſꝑperen einen grozen walt Des fure iſt wider den eīn wīnt. Die uōn Portigal hie ſint Die heize wir die frechen Sie wollent durh ſchilte ſtechen. Sie hant die Prouenzale Schilte wol gemale. Hie ſint die waleiſe Daz ſie behabent ir reiſe Durch den poynd̉er ſwa ſiz g̉erent Von d̉er craft irlandes ſie des w̉erent. Hie iſt manic ritter durch die wip Des nit erkēnnen mac mīn lip Wan die ich dir benēnnet han. Wir ligen mit warheit ſund̉er wān Mit grozen furen īn d̉er ſtat Als vns div kunegīnne bat. Jch ſage dir ſw̉er zu uelde liget Die vnſer wer vil cleine wiget. D̉er werde kunec uon Aſcalun Vn̄d der freche uōn Arragun. Do iſt Cithegaſt uōn Logroẏs Vn̄d d̉er kunic uōn Ponturtoẏs D̉er heizet Brandlidelin. Do iſt der kune Lehelin Da iſt *Morolt uon Jrlant D̉er brichet vns abe gebe pfant. Da ligent uf dem plâne Die ſtolzen Alimâne D̉er herzoge uon Prauant D̉er iſt geſtrichen īn diz lant