Parzival
Transkription des Textzeugen fr30
Wolfram von Eschenbach
Parzival-Projekt Bern
Parzival-Projekt Bern
Bern
2017
Salzburg
Salzburg Museum
Hs. 2479
fr30
Fr. 30 (G<hi rend="sup">p</hi>):
- Salzburg, Salzburg Museum, Hs. 2479 (früher Privatbesitz Franz Val. Zillner, Salzburg)
Pergament
– 1 Blatt
– Format 18,3 x 12 cm (urspr. Schriftraum 18,5 x 11,5 cm), zwei Spalten zu 44 Zeilen, Verse abgesetzt
– zweite Hälfte des 13. Jhs.
– bairisch (mit vereinzelten md. Merkmalen)
– Abschnittsgliederung durch ein- bis zweizeilige rote Lombarden
– die Anfangsbuchstaben der ungeraden Verse (meist Majuskeln) sind in eigener Kolumne ausgerückt
– Fassungszugehörigkeit: *G
– vgl. zur Hs. auch die Angaben im [Handschriftencensus,](http://www.handschriftencensus.de/1044).
Schreiber
Finis-Zeichen
Alinea-Zeichen
de-Ligatur
Lateinische Abkürung für -rum
Lateinische Abkürzung für -is
Lateinische Abkürzung für -et/-it
Lateinische Abkürzung für -et
Vgl. Cappelli, Lexicon abbreviaturarum, S. 408, Sp. a, letzte Zeile.
Abschnitt 277.9-278.20, 278.23-280.4, 280.7-281.18, 281.21-283,3
Transkribiert von SFa ab Farbfotos (Studio) August 2013.
Der erste Buchstabe des ersten Verses der Reimpaarverse ist jeweils abgesetzt.
Gegengelesen am 08. August 2013 ab Farbfotos von JLa.
Korrekturliste der Kollationeure ausgeführt von CG am 11.03.2016.
Kontrolliert von KHo ab Farbfotos (Studio) 14.12.2016
MiGe, 10.09.2018: Die Hinzuziehung der Transkription von Pfeiffer (Franz Pfeiffer, Quellenmaterial zu altdeutschen Dichtungen II, in: Denkschriften der kaiserl. Akademie der Wissenschaften zu Wien, phil.-hist. Classe, Bd. 17 Erste Abtlg., Wien 1868, S. 33-122, hier S. 77-79) brachte keine neuen Erkenntnisse.
Wan daz ih iz niht wil lengen.
die begvnden ſih nennen.
E dienſt mit zvhte wart gedolt.
frowen ieſcuten wart gedolt.
Vf ir pferide da ſi ſaz.
artuſ der chvnige niht vergaz.
vn̄de ovh div chvnegin ſin wip.
ſine enpfiengen ieſcvͦten lip.
Von frowen manic chvſ geſchach.
Artvſ zeieſcvͦten ſprah.
Jwern vater den chvnic von karnānt.
lange han ich den irchant.
Daz ich den chvmb̉er clagete.
ſit man mir iz erſte ſagete.
Ovh ſit ir ſelbe ſo wol getan.
eſ ivh frivnt irlazen han.
Wan iwer minnechlich̉er plich.
behielt den priſ zekandiz.
Dvrch iwer ſchone mȩre.
beleip iv d̉er ſparwȩre.
Jwer hant er danne reit.
ſwie mir von Orylles leit.
Geſchȩhe ich engan iv trvrenſ niht.
vn̄de getvn immer ſwaz mir geſchiht
Mir iſt liep daz ir die hvlde habt
vn̄de daz ir froͤliche wat.
Traget nah iͮwer grozen not.
herre daz vergelt iv got
Dar an ir hohet immer briſ.
frowe ieſchvte vn̄de ir amiſ.
Frowe kvrneware delalant.
danne fvrte al zehant.
Ein halb andeſ chvnigeſ rinc.
vber eineſ prvnne vrſprinc.
ſtvnt ir pavelvn vf dem plan.
alſ iz oben ein trake inſinen chlan.
Hat deſ gantzen halben apfelſ teil.
der traken zvͦgen vier wine ſeil.
Rehte alſam er lebende da flvge.
vn̄de daz pavelvn gein den lvften zvͤge.
Da bi irchande iz oryllvs
wan ſiniv wafen waren ſvs.
Jm bieten ere vn̄de gemach.
vber al div mȩſſenie ſprach.
Deſ roten ritterſ ellen.
nimt in priſ geſellen.
Deſ iahen ſi ane rovnen.
keẏ bat kyngrvnen.
Oryllen dienen an ſiner ſtat.
er chvnde ez wol den er ſin bat.
Wan er het es vil getan.
vor clamẏde zebrandigan.
Keẏ dvrh daz ſin dienen liez.
vnſȩlde indeſ fvͦrſten ſweſt̉er hiez.
Zeſere alvnen mit einem ſtabe.
dvrh zvht entweih̉er dienſt abe.
Ovh waſ div ſchvlde niht v̉erchorn.
von der meide wol geworn.
Doch ſchvf er dar ſpiſe genvͦc.
kyngrvn ez fvr Oryllen trvͦc.
Mt ir blanchen linden hant.
frowe ieſchvte vor karnant.
Mit wiplichen zvhten az.
der chvnic Artuſ niht vergaz.
Er enchome da div zwei ſazen.
vnde lieplichen azen.
Do ſprach er ge ezet ir vbel hie.
daz en wart doch min wille nie.
Jr engeſazet nie vber wirteſ brot.
der ez iv mit bezzern willen bot.
So gar ane wancheſ vare.
min frowe kvrneware.
Jr ſvlt iwerſ brvͦder hie wol plegen.
gvte naht geb ev der goteſ ſegen.
Artvſ fvͦr ſlafen do
Orẏllen wart gebettet ſo.
Da er ſiner frowen pflac.
geſellechich vnz an den tac.
WElt ir nvͦ horen wie artuſ.
ze karidol vz ſinem hvs.
vn̄de ovh von ſinem lande ſchiet
alſ im div mæſſenie riet.
Ditze mære giht naht vn̄de tac.
ſo daz er ſvͦchenſ plach.
Den man den er den riter rot.
nante. vn̄de im ſohſolhe ere bot.
Daz er in ſchiet von chvmb̉er groz.
deſ tageſ do er Jetheren ſchoz.
vn̄de clamyde vn̄de kyngrvͦn.
Ovh ſande gein dem britvͦn.
Jnſinen hof beſvͦnder.
vber die tavervnder.
Wolde er in dvrh giſellecheit.
laden dvrh daz er nah im reit.
Alſo becheidenliche.
beidiv arme vn̄de riche.
Die ſchilteſ ampt an want.
die lobten Artvſeſ hant.
Swa ſi ſȩhen ritterſchaft.
daz ſi dvrh ir gelvbdeſ chraft.
Dehein tioſt tȩten.
ez enwȩr ob ſi in eſ bȩten.
Daz er ſi lieze ſtriten.
er ſprah wir mvͦzen riten.
Jnmanic lant daz ritterſ tat.
vnſ wol zegegin ſtrite ſtat.
Vf gerichiv ſper wir mvzen ſehen.
welt ir danne fvͦr einand̉er ſchehen.
Alſ verh rvden meiſterſ hant.
abe gezuchet ir hbant.
Dar zv han ich niht willen.
ich ſol den ſchal ſtillen.
Jch hilf iv ſwa eſ niht rat mac ſin.
deſ wart an daz ellen min.
Ditze gelubde habt ir wol v̉ernom̄en.
welt ir nvͦ horen warſ chom̄en.
Parcifal der waleẏs
von ſnewe waſ ein niwe leis.
Des nahteſ vaſte vf in geſnit.
iz enwaſ iedoch niht ſneweſ zit.
Jſt ez alſ ich iz v̉ernomen han.
artuſ der meibære man.
Swaz man ie von dem geſprah.
ze einem pfinkeſten daz geſchah.
Alſſ i blvͦ
Daz mære iſt hie vaſte vnd̉er ſniten.
ez parriret ſih mit ſneweſ ſiten.
Sine valchenære von karidol.
riten deſ abendeſ bi dem blimzol.
Dvrh beizen da ſi ſchaden chvͦrn.
ir beſten valkhen ſi verlvͦrn.
Der gahte von in balde.
vn̄de ſtvͦnt die naht zewalde.
Von vb̉er chrvpf daz geſchach.
daz im von dem lvder gah.
Die naht er bi parcifale ſtvͦnt.
da in beden waſ der walt vnchvnt.
vn̄de da ſi bede harte vroſ.
do parcifal den tach irchoſ.
Jm waſ verſnit ſineſ pfadeſ pan.
vil vngeverteſ reit er dan.
Uber ronen vn̄de vber ſtein.
der tach ie hoher ſchein.
Ovh begvnde luhten ſih d̉er walt.
wan daz ein rone waſ gewalt.
Vf einen plan zvͦ dem er ſteich.
: vmtl. Korrekturzeichen am Versende für Fehlvers(?)
: Korrekturzeichen sieht wie ein Obelus aus, wie er in der gr.-röm. Tradition der Textkritik üblich ist.
da wol tvͦſent kenſe lagen.
Da wart ein michel pagen.
Mit hvrte flvͦch do vnder die.
Der valke vn̄de ſluͦc ir eine hie.
So daz ſi im khvͦme enbraſt.
vnder deſ gevallen ronen aſt.
An ir hohen ſlvͦgen wart ir we.
vz ir wͦnden vf den ſne.
Vielen dri blvͦteſ zehære rot.
die parcifal fvgeten not.
Von ſinen triwen daz geſchach.
do er die blvͦtes zehȩre ſach.
Vf den ſne der waſ al wiz.
do dahte er w̉er hat ſinen fliz.
Gewant an diſe varwe clar.
kvndwiramvͦrſ ia mac fvͦr war.
Diſiv varwe dir gelichen.
mich wil got frevden richen.
Sit ich dir hie gelichez vant.
ge eret ſi div goteſ hant.
Vnde aldiv creatvre ſin.
uͦrſ hie l di ſhi