*D als dô ich mînem wîbe entran, die ich ouch mit rîterschaft gewan. dô si mich ûf von strîte bant, ich liez liute unde lant." Si sprach: "hêrre, nû nemet iu selbe ein zil. ich lâz iu iwers willen vil." "ich wil vrumen noch vil der sper enzwei. aller mânôt glîch einen turnei, des sult ir, vrouwe, ruochen, daz ich den muoze suochen." diz lobt si, wart mir gesagt. er enpfienc diu lant unt ouch die magt. Disiu driu junchêrrelîn Ampflisen, der künegîn, hie stuonden unt ir kappelân, dâ volge unt urteil wart getân. al dâ erz hôrte unt sach, heinlîche er Gahmureten sprach: "man tet mîner vrouwen kunt, daz ir vor Patelamunt den hœhsten prîs behieltet unt dâ zweier krône wieltet. si hât ouch lant und muot und gît iu lîp und guot." "Dô si mir gap die rîterschaft, dô muos ich nâch der ordens kraft, als mir des schildes ambet sagt, dar bî belîben unverzagt. wan daz ich schilt von ir gewan, ez wære noch anders ungetân.

*m alsô dô ich mînem wîp entran, die ich ouch mit ritterschaft gewan. dô si mich ûf von strîte bant, ich liez si, ir liute und lant." si sprach: "hêrre, nemt iu ein zil. ich lâze iu iuweres willen vil." "ich wil vrumen noch vil der sper in zwei. aller mânôde gelîch einen turnei, des sullet ir, vrouwe, ruochen, daz ich den muoze suochen." diz lobete si, wart mir gesaget. er enpfienc diu lant und die maget Disiu driu junchêrrelîn Ampflisen, der künigîn, hie stuonden und ir kappelân, dâ volge und urteil wart getân. dô daz der kappelân gesach, heimlîche er Gahmureten sprach: "man tet mîner vrouwen kunt, †† den hœhesten prîs behieltet und dâ zweier krône wieltet. si hât ouch lant und muot und gibt iu lîp und guot." er sprach: "dô si mir gap ritterschaft, dô muos ich nâch der ordens kraft, als mir des schiltes ambet saget, dâ belîben unverzaget. wanne daz ich schilt von ir gewan, ez wære noch anders ungetân.

*G als ich mînem wîbe entran, die ich ouch mit rîterschaft gewan. dô si mich ûf von strîte bant, ich liez ir lîp und lant." "hêrre, nemet iu selbe zil. ich lâze iu iwers willen vil." "ich wil vrumen noch vil der sper enzwei. aller mân gelîch einen turnei, des sult ir, vrouwe, ruochen, daz ich den muoze suochen." diz lobte si, wart mir gesaget. er enpfie diu lant und ouch die maget. disiu driu junchêrrelîn Anphlisen, der künigîn, hie stuonden und ir kappelân, dâ volge und urteil wart getân. der pfaffe ez hôrte und sach. heinlîche er Gahmureten sprach: "man tet mîner vrouwen kunt, daz ir vor Patelamunt den hœhesten prîs behieltet unt zweier lande wieltet. si hât ouch lant und muot unde gît iu lîp und guot." "dô si mir gap die rîterschaft, dô muose ich nâch der ordenes kraft, als mir des schiltes ambet saget, dar bî belîben unverzaget. wan daz ich schilt von ir gewan, ez wære noch anders ungetân.

*T als dô ich mîme wîbe entran, die ich mit ritterschaft gewan. dô si mich ûf von strîte bant, ich liez ir lîp und lant." si sprach: "nû gêt iu selber ein zil. ich lâze iu iuwers willen vil." "ich wil noch vrumen vil der sper enzwei. aller mâne glîch einen turnei, des solt ir, vrouwe, geruochen, daz ich den muoze suochen." diz lobete si, wart mir gesaget. er entvienc diu lant und ouch die maget. Disiu driu junchêrrelîn Anflisen, der künegîn, hie stuonden und ir kappelân, dâ volge und urteil wart getân. der pfaffe ez hôrte und sach. heimelîch er Gahmureten sprach: "man tet mîner vrouwen kunt, daz ir vor Patelamunt den hœhesten prîs behieltet und dâ zweier krône wieltet. si het ouch lant und muot und gît ouch lîp und guot." "dô si mir gap die ritterschaft, dô muoz ich nâch des ordens kraft, als mir des schiltes ambet saget, dar bî blîben unverzaget. wan daz ich schilt von ir gewan, ez wære noch anders ungetân.