*D dô sprach der künec Hardiz: "nû kêrt an manheit iwern vlîz. ob ir manheit kunnet tragen, sô sult ir leit ze mâzen klagen." Sîn kumber leider was ze grôz. ein güsse im von den ougen vlôz. er schuof den rittern ir gemach unt gienc, dâ er sîne kamern sach, ein kleine gezelt von samît. die naht er dolte jâmers zît. Als der ander tac erschein, si wurden alle des enein, die innern unt daz ûzer her, swer dâ mit strîteclîcher wer wære, junc oder alt oder blœde oder balt, diene solten tjustieren niht. dô schein der mitte morgen lieht. si wâren mit strîte sô verriben unt ors mit sporn alsô vertriben, daz die vrechen ritterschaft ie dennoch twanc der müede kraft. Diu künegîn reit dô selbe nâch den werden hin ze velde unt brâht die mit ir in die stat. die besten si dort inne bat, daz si zer Leoplane riten. dône wart ir bete niht vermiten. Si kômen, dâ man messe sanc dem trûrigen künege von Zazamanc.

*m dô sprach der künec Hardiz: "nû kêret an manheit iuweren vlîz. ob ir manheit kunnet tragen, sô sollet ir leit ze mâze klagen." sîn kumber leider was zuo grôz. ein güsse ime von den ougen vlôz. er schuof den rittern ir gemach und gienc, dâ er sîne kameren sach, ein kleine gezelt von samît. die naht er dolte jâmers zît. Als der ander tac erschein, si wurden alle des in ein, die inren und daz ûzer her, wer dâ mit strîteclîcher wer wære, junc oder alt oder blœde oder balt, die ensolten justieren niht. dô schein der mitte morgen lieht. si wâren mit strîte wol verriben und diu ros mit sporn als übertriben, daz die vrechen ritterschaft ie dannoch twanc der müede kraft. diu künigîn reit dô selbe nâch den werden hin ze velde und brâhte si mit ir in die stat. die besten si dort inne bat, daz si zer Lewe plane riten. dô enwart ir bete niht vermiten. si kâmen, dâ man messe sanc dem trûrigen künic von Zazamanc,

*G dô sprach der künic Hardiz: "nû kêret an manheit iweren vlîz. obe ir manheit kunnet tragen, sô sult ir leit ze mâze klagen." dô was sîn kumber alze grôz. ein güsse im von den ougen vlôz. er schuof den rîteren ir gemach unde gienc, dâ er sîne kamer sach, ein wênic gezelt von samît. die naht er dolte jâmers zît. des morgens, dô der tac erschein, si wurden algelîche enein, die inneren und daz ûzer her, daz dâ was mit strîticlîcher wer, si wæren junc oder alt oder blœde oder balt, sine solden tjostieren niht. dô schein der mitter morgen lieht. si wâren mit strîte alsô verriben unt diu ors mit sporen sô vertriben, daz al die vrechen rîterschaft twanc iedoch der müede kraft. diu künigîn reit dô selbe nâch dem werden ze velde unde vuorte si mit ir in die stat. Die besten si dort inne bat, daz si zer Lewe planie riten. dâ wart ir bete niht vermiten. si vuoren, dâ man messe sanc dem trûrigen künige von Zazamanc.

*T dô sprach der künec Hardiz: "nû kêret an manheit iuwern vlîz, und ob ir manheit kunnet tragen, sô solt ir leit ze mâze klagen." dô was sîn kumber al zuo grôz. ein güsse im von den ougen vlôz. er schuof den rittern ir gemach und gienc, dâ er sîne kamer sach, ein wênic gezelt von samît. die naht er dolte jâmers zît. Des morgens, dô der tac erschein, si wurden des alle in ein, die innern und daz ûzer her, daz dâ mit strîtlîcher wer si wolten jostieren niht. dô schein der mitten morgen lieht. si wâren mit strîte als vertriben und diu ors mit sporn alsô verriben, daz al die werde ritterschaft twanc dannoch der müede kraft. diu künegîn reit dô selbe nâch den werden hin zuo velde und vuorte si mit ir in die stat. die besten si dort inne bat, daz si zuo der Lewe planie riten. dô wart ir bete niht vermiten. si vuoren, dâ man messe sanc dem trûrigen künige von Zazamanc.