*D dô wânde ich, daz rîterschaft mich neme von ungemüetes kraft. der hân ich hie ein teil getân. nû wænet manec ungewisser man, daz mich ir swerze jagte dan. die sach ich vür die sunnen an. ir wîplîch prîs mir vüeget leit. si ist ein buckel ob der werdecheit. Einez undz ander muoz ich klagen: ich sach mînes bruoder wâpen tragen mit ûf kêrtem orte." owê mir dirre worte! daz mære wart dô jâmerlîch. von wazzer wurden diu ougen rîch dem werden Spanole. "owî, küneginne Fole, durch dîne minne gap den lîp Galoes, den elliu wîp von herzen klagen solten mit triwen, ob si wolten, daz ir site bræhte lop, swâ mans gedæhte. Künegîn von Averre, swie lützel dir daz werre, den mâg ich doch durch dich verlôs, der rîterlîchen ende kôs von einer tjost, diu in sluoc, der dîn kleinôt truoc. Vürsten, die gesellen sîn, tuont herzenlîche ir klagen schîn.

*m dô wând ich, daz mich ritterschaft neme von ungemüetes kraft. der hân ich hie ein teil getân. nû wænet †man† ungewisser man, daz mich ir swerze jagete dan. die sach ich vür die sunnen an. ir wîplîch prîs mir vüeget leit. si ist ein buckel ob der werdicheit. †ganz† und daz ander muoz ich sagen: ich sach mînes bruoder wâpen tragen mit ûf gekêrtem orte." ouwê mir dirre worte! Daz mære wart dô jâmerlîch. von swerze wurden diu ougen rîch dem werden Spanole. er sprach: "ouwê, küniginne Fole, durch dîne minne gap den lîp Galoes, den elliu wîp von herzen klagen solten mit triuwen, ob si wolten, daz ir site bræhte lop, wâ mans gedæhte. küniginne von Averre, wie lützel ez dir werre, den mâc ich doch durch dich verlôs, der ritterlîchen ende kôs von einer just, diu in sluoc, der dîn kleinœte truoc. vürsten, die gesellen sîn, tuont herzelîchen ir klage schîn.

*G der hân ich hie ein teil getân. nû wænet manic unwîse man, daz mich ir swerze jagte dan. die sach ich vür die sunnen an. ir wîplîch brîs mir vüeget leit. si ist ein buckel obe der werdicheit. ich muoz einez unt daz ander klagen: ich sach mînes bruoder wâpen tragen mit ûf gekêrtem orte." owê mir dirre worte! daz mære wart dô jæmerlîch. von wazzer wurden diu ougen rîch dem werden Spangole. "ei, künigîn Anphole, durch dîne minne gap den lîp Galoes, den elliu wîp von herzen klagen solten mit triwen, op si wolten, daz ir site bræhte lop, swâ mans gedæhte. künigîn von Averre, swie wênic ez dir werre, den mâc ich doch durch dich verlôs, der rîterlîchen ende kôs an einer tjoste, diu in sluoc, dâ er dîn kleinœde truoc. vürsten, die gesellen sîn, tuont herzenlîche klage schîn.

*T dô wânte ich, daz mich ritterschaft neme von ungemüetes kraft. der hân ich hie ein teil getân. nû wænet manec unverwizzen man, daz mich ir swerze jagete dan. dâ sach ich vür die sunne an. ir wîplîch prîs mir vuocte leit. si ist ein buckeler über der wirdecheit. ich muoz ein und ander klagen: ich sach mînes bruoder wâpen tragen mit ûf gekêrtem orte." owê mir dirre worte, daz mir dô wart jæmerlîch! von wazzer wurden diu ougen rîch dem werden Spaniole. er sprach: "ein künegîn Anfole, durch dîn minne gap den lîp Galoes, den alliu wîp von herzen klagen solten mit triuwen, ob si wolten, daz ir sit brâhte lop, wâ mans gedâhte. ein künegîn von Averre, wie wênic ez dir werre, den mâc ich doch durch dich verlôs, der ritterlîches ende kôs von einer jost, diu in sluoc, dâ er dîn kleinœde truoc. vürsten, die gesellen sîn, tuont herzeclîche klage schîn.