*D Feirefiz zem priester sprach: "ist ez mir guot vür ungemach, ich geloube, swes ir gebietet. ob mich ir minne mietet, sô leist ich gern sîn gebot. Bruoder, hât dîn muome got, an den geloube ich unt an sie. sô grôze nôt enpfieng ich nie. al mîne gote sint verkorn; Secundille hab ouch verlorn, swaz si ane mir ie geêrte sich. durch dîner muomen got heiz toufen mich." Man begunde sîn kristenlîche pflegen unt sprach ob im den toufes segen. dô der heiden touf enpfienc unt diu westerlege ergienc, des er unsanfte erbeite, der magt man in bereite. man gab im Frimutels kint. an den Grâl was er ze sehene blint, ê der touf het in bedecket; sît wart im vor enblecket der Grâl mit gesihte. nâch der toufe geschihte Ame Grâle man geschriben vant, swelhen templeis diu gotes hant gæbe ze hêrren vremder diete, daz er vrâgen widerriete sînes namen oder sînes geslehtes, unt daz er in hülfe rehtes.

*m Ferefiz zem priester sprach: "ez ist mir guot vür ungemach, ich gloube, wes ir gebietet. ob mich ir minne mietet, sô leiste ich gerne sîn gebot. bruoder, hât dîn muome got, an den gloube ich und an sie. sô grôze nôt enpfienc ich nie. alle mîn gote sint verkorn; Secundille hab ouch verlorn, waz san mir ie geêrte sich. durch dîner muomen got heiz toufen mich." man begunde sîn kristlîch pflegen und sprach ob im des toufes segen. dô der heiden den touf enpfienc und diu westerlege ergienc, daz er unsanft erbeit, der magt man in bereit. man gap ime Frimutels kint. an den Grâl was er zuo sehen blint, ê der touf het in bedecket; sît wart im vor enblecket der Grâl mit gesiht. nâch der touf geschiht an dem Grâl man geschriben vant, welhen templeis diu gotes hant gæbe zuo hêrren vremder diet, daz er vrâgen widerriet sînes namen und sînes geslehtes, und daz er in hülfe rehtes.

*G Feirafiz zem briester sprach: "ist ez mir guot vür ungemach, ich gloube, swaz ir gebiet. op mich ir minne miet, sô leiste ich gerne iwer gebot. bruoder, hât dîn muome got, an den gloube ich unde an sie. sô grôze nôt gewan ich nie. alle mîne gote sîn verkorn; Secundille habe ouch verlorn, swaz si an mir ie geêrte sich. durch dîner muomen got heiz toufen mich." man begunde sîn christenliche pflegen. man sprach obe im den toufes segen. dô der heiden toufe enpfienc unde diu westerlege ergienc, der er kûme erbeite, der meide man in bereite. man gap im Frimutels kint. an den Grâl er was ze sehene blint, ê der touf in het verdecket; sît wart im vor enblecket der Grâl mit gesihte. nâch der toufe geschihte an dem Grâle man geschriben vant: swelchen templeis diu gotes hant ze hêrren gap vrömder diet, daz der vrâgen widerriet sînes namen unde sînes geslehtes, unde daz er in hülfe rehtes.

*T Ferefis zuo dem priester sprach: "ist ez mir guot vür ungemach, ich geloube, wes ir gebiet. ob mir mîn minne miet, sô leist ich gerne iuwer gebot. bruoder, hât dîne muome einen got, an den geloube ich und an sie. sô grôze nôt gewan ich nie. alle mîne gote sîn verkorn; Secundille habe ouch verlorn, waz si an mir ie geêrte sich. durch dîner muomen got heiz toufen mich." man begunde sîn kristenlîche pflegen. man sprach ob im des toufes segen. dô der heiden touf enpfienc und diu westerlege ergienc, der er kûme erbeite, der megede man in bereite. man gap im Frimutels kint. an den Grâl was er zuo sehene blint, ê der touf in hete bedecket; sît wart er vor im blecket, der Grâl mit gesihte. nâch des toufes geschihte an dem Grâle man geschriben vant, welchen templeis diu gotes hant zuo hêrren gæbe vremeder diete, daz der vrâgen widerriete sînes namen und sînes geslehtes, und daz er in hülfe rehtes.