*D Pelrapeire al anders vant, dô si im zem êrsten wart erkant. Der heiden vrâgte mære, wâ von diu goltvaz lære vor der taveln würden vol. daz wunder im tet ze sehen wol. Dô sprach der clâre Anfortas, der im ze gesellen gegeben was: "hêrre, seht ir vor iu ligen den Grâl?" dô sprach der heiden vêch gemâl: "ich ensihe niht wan ein achmardî; daz truoc mîn juncvrouwe uns bî, diu dort vor uns mit krône stêt. ir blic mir inz herze gêt. Ich wânde, sô starc wære mîn lîp, daz iemmer magt oder wîp mir vreuden kraft benæme. mir ist worden widerzæme, ob ich ie werde minne enpfienc. unzuht mir zuht undervienc, daz ich iu künde mîne nôt, sît ich iu dienst nie gebôt. Waz hilfet al mîn rîcheit unt swaz ich ie durch wîp gestreit, unt ob mîn hant iht hât vergeben, muoz ich sus pîneclîche leben? Ein kreftec got, Jupiter, waz woldestû mîn zunsenfte her?" minnen kraft mit vreuden krenke vrumt in bleich an sîner blenke.

*m Pelraperie al anders vant, dô si im zem êrsten wart erkant. Der heiden vrâgte mære, wâ von diu goltvaz wære vor der taveln würden vol. daz wunder im tet zuo sehen wol. dô sprach der künic Anfortas, der im zuo gesellen geben was: "hêrre, sehet ir ligen vor iu den Grâl?" dô sprach der heiden vêch gemâl: "ich ensihe niht wan ein achmardî; daz truoc ein juncvrowe uns bî, diu dort mit krône vor uns stât. ir blic mir unz in daz herze gât. ich wânde, sô starc wær mîn lîp, daz iemer maget oder wîp mir vröuden kraft benæme. mir ist worden widerzæme, ob ich ie werde minne enpfienc. unzuht mir zuht undervienc, daz ich iu künde mîne nôt, sît ich iu dienste nie gebôt. waz hilfet al mîn rîcheit und waz ich ie durch wîp gestreit, und ob mîn hant iht hât vergeben, muoz ich sus pîneclîchen leben? Ein kreftic got, Jupiter, waz woltestû mîn zuo unsanft her?" minnen kraft mit vröuden krenke vrumt in bleich in sîner blenke

*G Pelrapeire al anders vant, dô si im êrst wart erkant. der heiden vrâget mære, wâ von diu goltvaz lære vor der tavelen würden vol. daz wunder im tet ze sehen wol. dô sprach der clâre Anfortas, der im ze gesellen gegeben was: "hêrre, seht ir vor iu ligen den Grâl?" dô sprach der heiden vêch gemâl: "ich ensihe niht wan ein achmardî; daz truoc mîn juncvrou uns bî, diu dort mit krône vor uns stêt. ir blic mir in daz herze gêt. ich wânde, sô starc wær mîn lîp, daz weder maget ode wîp mir vröuden kraft benæme. mirst worden widerzæme, obe ich ie werde minne enpfienc. unzuht mir zuht undervienc, daz ich iu künde mîn nôt, sît ich iu dienst nie gebôt. waz hilfet al mîn rîcheit unde swaz ich ie durch wîp gestreit, unde op mîn hant iht hât vergeben, muoz ich sus pîniclîchen leben? mîn kreftec got Juppiter, waz woldestû mîn zunsenft her?" minnen kraft mit vröuden krenke vrumt im bleiche an sîner blenke.

*T Peilrapere al anders vant, dô si im êrst wart bekant. der heiden vrâgete mære, wâ von diu goltvaz lære vor der taveln würden vol. daz wunder im tet zuo sehen wol. Dô sprach der clâre Anfortas, der im zuo gesellen gegeben was: "hêrre, seht ir vor iu ligen den Grâl?" dô sprach der heiden vêch gemâl: "ich ensihe niht wan ein achmardî; daz truoc mîn juncvrouwe uns bî, diu dort mit krône vor uns stêt. ir blic mir in daz herze gêt. ich wânte, sô starc wære mîn lîp, daz weder maget oder wîp mir vreuden kraft benæme. mir ist worden widerzæme, ob ich ie werde minne enpfienc. unzuht mir zuht undervienc, daz ich iu künde mîne nôt, sît ich iu dienst nie gebôt. waz hilfet al mîn rîcheit und waz ich ie durch wîp gestreit, und ob mîn hant iht hât vergeben, muoz ich sus blintlîche leben? ey, kreftic got Jupiter, waz woltestû mîn zunsenfte her?" minnen kraft mit vreuden krenke vromt in bleich an sîner blenke.