*D Gezucte im ie bluot und snê geselleschaft an witzen ê - ûf der selben ouwe erz ligen vant -, vür solhen kumber gap nû pfant Condwiramurs; diu het ez dâ. sîn lîp enpfienc nie anderswâ minne helfe vür der minne nôt; manec wert wîp im doch minne bôt. Ich wæne, er kurzwîle pflac unz an den mitten morgens tac. daz her über al reit schouwen dar; si nâmen der templeise war. die wâren gezimieret unt wol zerhurtieret, ir schilde mit tjosten sêre durchriten, dar zuo mit swerten ouch versniten. etslîcher truoc ein kursît von pfelle oder von samît. îserkolzen heten si dennoch an; daz ander harnasch was von in getân. Dâne mac niht mêr geslâfen sîn. der künec unt diu künegîn stuonden ûf. ein priester messe sanc. ûf dem ringe huop sich grôz gedranc von dem ellenthaftem her, die gein Clamide ê wâren ze wer. dô der benediz wart getân, Parzivaln enpfiengen sîne man mit triwen werdeclîche, manec rîter ellens rîche.

*m gezogte im ie bluot und snê geselleschaft an witzen ê - ûf der selben ouwe erz ligen vant -, vür solichen kumber gap im pfant Condwier amurs; diu het ez dâ. sîn lîp enpfienc nie anderswâ minne helfe und minne nôt; manic wîp ime doch minne bôt. ich wæne, er kurzwîle pflac unz an den mitten tac. daz her überal reit schouwen dar; si nâmen der templeise war. die wâren gezimieret und wol gehurtieret, ir schilt mit juste sêre durchriten, dar zuo mit swerten ouch versniten. ieglîch truoc ein kursît von pfelle oder von samît. îserkolzen hetten si dannoch an; daz ander harnasch was von in getân. Dâ mac niht mê geslâfen sîn. der künic und diu künigîn stuonden ûf. ein priester sanc. ûf dem ringe huop sich grôz gedranc von dem ellenthaften her, die gegen Clamide wâren zuo wer. dô der benediz wart getân, Parcifaln enpfiengen sîne man mit triuwen wirdeclîch, manic ritter ellens rîch.

*G Gezucte im ie bluot unde snê geselleschaft an witzen ê - ûf der selben ouwe erz ligen vant -, vür sölhen kumber gap nû pfant Condwiramurs; die het er dâ. sîn lîp enpfie nie anderswâ minne helfe vür der minne nôt; manic wert wîp im doch minne bôt. ich wæne, er kurzwîle pflac unze an den mitten morgens tac. daz her reit über al schouwen dar; si nâmen der templeis war. die wâren gezimiert unde wol zerhurtiert unde schilt mit tjoste sêre durchriten, dar zuo mit swerten ouch versniten. ieslîcher truog ein kursît von pfelle oder von samît. îserkolzen heten si dannoch an; daz ander harnasch was von in getân. dâne mac nimer geslâfen sîn. der künic unde diu künigîn stuonden ûf. ein briester messe sanc. ûf dem rinc huop sich grôz gedranc von dem ellenthaften her, die gên Clamide wâren ze wer. dô der benediz wart getân, Parzivalen enpfiengen sîne man mit triwen werdeclîche, manic rîter ellens rîche.

*T Gezucte im ê bluot und snê geselleschaft an witzen ê - ûf der selben ouwe er ez ligen vant -, vür solichen kumber gap im nû pfant Kundewiramurs; diu het ez dâ. sîn lîp enpfienc nie anderswâ minne helfe vür der minne nôt; manec wert wîp im doch minne enbôt. ich wæne, er kurzewîle pflac unz an den mitten morgens tac. daz her reit überal schouwen dar; si nâmen der templeise war. die wâren gezimieret und wol gehurtieret, ir schilte mit jostieren sêre durchriten, dar zuo mit swerten ouch versniten. ieclîcher truoc ein kursît von pfelle oder von samît. îserkolzen heten si dannoch an; der ander harnasch was von in getân. dâ enmac niht mê geslâfen sîn. der künec und diu künegîn stuonden ûf. ein priester messe sanc. ûf dem ringe huop sich grôz gedranc von dem ellenthaften her, die gein Clamide wâren zuo wer. dô der benediz wart getân, Parcifaln enpfiengen sîne man mit triuwen werlîche, manic ritter ellens rîche.