*D von tôde lebendec dan hiez gên unt der Lazarum bat ûf stên, der selbe half, daz Anfortas wart gesunt unt wol genas. Swaz der Franzoys heizet flôrî, der glast kom sînem velle bî. Parzivals schœne was nû ein wint unt Absalon, Davides kint, von Ascalun Vergulaht unt al, den schœne was geslaht, unt des man Gahmurete jach, dô man in în zogen sach ze Kanvoleiz sô wünneclîch, ir decheines schœne was der gelîch, die Anfortas ûz siecheit truoc. got noch künste kan genuoc. Dâ ergienc dô dehein ander wal, wan die diu schrift ame Grâl hete ze hêrren in benant: Parzival wart schiere bekant ze künege unt ze hêrren dâ. ich wæne, iemen anderswâ vünde zwêne als rîche man als Parzival unt Feirefiz. man bôt vil dienstlîchen vlîz dem wirte unt sîme gaste. Ine weiz, wie manege raste Condwiramurs dô was geriten gein Munsalvæsche mit vreude siten.

*m von tôde lebendic dan hie gên und der Lazarum bat ûf stên, der selbe half, daz Anfortas wart gesunt und wol genas. waz der Franzois heizet flôrî, der glast kam sînem velle bî. Parcifals schœne was nû ein wint und Absolones, Davides kint, von Ascalun Vergulaht und al der schône wart geslaht, und daz man Gahmurete jach, dô man in în zogen sach zuo Kanvoleiz sô wünneclîch, ir dekeines schœne was der gelîch, die Anfortas ûz siecheit truoc. got noch künste kan genuoc. dâ ergienc dô kein ander wal, wan diu schrift an dem Grâl het zuo hêrren in benant: Parcifal wart schiere bekant zuo künige und zuo hêrren dâ. ich wæne, ieman anderswâ vünde zwêne alsô rîche man, ob ich rîcheit gebrüefen kan, alsô Parcifal und Ferefiz. man bôt vil dienstlîchen vlîz dem wirt und dem gaste sîn; daz ist der gloube mîn. Nû si alsô sint gesezzen und ir sorge hânt vergezzen, dô seite man in mære, diu wâren vröudebære, daz Condwieramurs kam geriten gegen Muntsalvasche mit vröuden siten.

*G von tôde lebende hiez hine gên unde Lazarum hiez ûf stên, der selbe half, daz Anfortas wart gesunt unde wol genas. er was vor ungemache vrî, der glast kom sînem velle bî. Parzivals schœne was nû ein wint, Apsolon, Davides kint, unde von Aschalun Vergulaht unde allen, den schœne was geslaht, oder des man Gahmuret jach, dô man in în zogen sach ze Kanvoleiz sô wünniclîch, ir deheines schœne was der gelîch, die Anfortas ûz siecheit truoc. got noch künste kan genuoc. dâ ergienc dô dehein ander wal, wan die diu schrift anme Grâl het ze hêrren in benant: Parzival wart schiere erkant ze künige unde ze hêrren dâ. ich wæne, iemen anderswâ vünde zwêne als rîche man, obe ich rîcheit prüeven kan, als Parzival unde Feirafiz. man bôt in dienstlîchen vlîz, dem wirte unde sînem gaste. ichne weiz, wie manige raste Condwiramurs dô was geriten ze Muntsalvatsche mit vröuden siten.

*T von tôde lebendic hiez dan gên und Lazarum bat ûf stên, der selbe half, daz Anfortas wart gesunt und wol genas. waz der Franzoyser heizet flôrî, der glast kam sîme velle bî. Parcifals schœne was ein wint, Absalon, Davides kint, und von Ascalun Vergulaht und alle, den schœne was geslaht, oder des man Gahmurete jach, dô man in în zogen sach zuo Kanvoleiz sô minneclîch, ir dekeines schœne was der glîch, die Anfortas ûz siecheit truoc. got noch künste kan genuoc. dô ergienc ouch kein ander wal, wan den diu schrift an dem Grâl hete zuo hêrren in benant: Parcifal wart schiere erkant zuo künege und zuo hêrren dâ. ich wæne, ieman anderswâ vünde zwêne sô rîche man, ob ich rîcheit prüeven kan, als Parcifal und Ferefis. man bôt vil dienstlîchen vlîz dem wirte und sîme gaste. ich enweiz, wie manege raste Kundewiramurs was geriten gein Munsalvasche mit vreuden siten.