*D Utepandraguns sun, Artusen, sach man alsus tuon: er prüevete kostenlîche eine tavelrunde rîche ûz eime drîanthasmê. ir habt wol gehôrt ê, wie ûf dem Plimizœles plân einer tavelrunde wart getân. nâch der disiu wart gesniten, sinwel, mit solhen siten, si erzeigete rîlîchiu dinc. sinwel man drumbe nam den rinc ûf einem touwec grüenem gras, daz wol ein poynder landes was vome sedel an tavelrunder; diu stuont dâ mitten sunder, niht durch den nutz, êt durch den namen. sich moht ein bœse man wol schamen, ob er dâ bî den werden saz; die spîse sîn munt mit sünden az. Der rinc wart bî der schœnen naht gemezzen unt vor bedâht wol nâch rîlîchen ziln. es mohte einen armen künec beviln, als man den rinc gezieret vant, dô der mitte morgen wart erkant. Gramoflanz unt Gawan, von in diu koste wart getân. Artus was des landes gast, sîner koste iedoch dâ niht gebrast.

*m waz Artus des morgens tuo? dô greif er vrœlîch zuo und brüefte kostlîch ein tavelrunde rîch ûz einem drîanthasmê. ir habet wol gehœret ê, wie ûf dem Plimizoles plân ein tavelrunde wart getân. nâch der disiu wart gesniten, sinwel, nâch solhem siten, si erzöugte rîlîchiu dinc. sinwel man dar umb nam den rinc ûf einem grüenen gras, daz wol ein ponder langez was vom sedel an tavelrunder; diu stuont dâ mitten sunder, niht durch den nutz, durch den namen. sich moht ein bœser man wol schamen, ob er dâ bî den werden saz; die spîse sîn munt mit sünden az. der rinc wart bî der schœnen naht gemezzen und vor bedâht wol nâch rîchen ziln. es moht einen armen künic beviln, als man den rinc gezieret vant, dô der mitte morgen wart erkant. Gramolanz und Gawan, von in diu koste wart getân. Artus was des landes gast, sîner kost dâ niht gebrast.

*G Utpandraguns sun, Artus, sprach: "man sol sus tuon." er prüevet kosteclîche ein tavelrunder rîche ûz einem drîanthasmê. ir habet wol gehœret ê, wie ûf dem Blimzoles plân ein tavelrunder wart getân. dâ wart disiu nâch gesniten, sinewel, mit solchen siten, si erzeigte rîchlîchiu dinc. sinewel man drumbe nam den rinc ûf ein touwec grüene gras, dâ wol ein poynder landes was. von sedel ein tavelrunder dâ enmitten stuont besunder - niht durch den nutz, êr den namen. sich mohte ein bœse man wol schamen, ob er dâ bî den werden saz; die spîse sîn munt mit sünden az. der rinc wart bî der schœnen naht wol gemezzen unde vor bedâht wol nâch rîchlîchen zilen. es mohte einen armen künic bevilen, alse man den rinc geziert vant, dô der mitter morgen wart bekant. Gramoflanz unde Gawan, von in diu koste wart getân. Artus was des landes gast, sîner koste doch dâ niht gebrast.

*T Utpandraguns sun, Artusen, sach man sus tuon: er prüevete stolzlîche ein tavelrunder rîche ûz eime drîanthasmê. ir habet wol gehœret ê, wie ûf dem Plymizoles plân ein tavelrunder wart getân. dâ wart disiu nâch gesniten, sinewel, mit solichen siten, si erzeigete rîchlîchiu dinc. sinewel man drumbe nam den rinc ûf ein getouwet grüene gras, dâ wol ein poynder landes was vonme sedel an tavelrunder; diu stuont dâ enmitten sunder niht durch den nutz, ouch durch den namen. sich mohte ein bœse man wol schamen, ob er bî den werden saz; die spîse sîn munt mit sünden az. der rinc wart bî der schœnen naht gemezzen und verdâht wol nâch rîchlîchen ziln. es mohte einen armen künec beviln, als man den rinc gezieret vant, dô der mitten morgen dâ wart bekant. Gramoflanz und Gawan, von in diu kost wart getân. Artus was des landes gast, sîner kost iedoch dâ niht gebrast.