*D Artus sprach: "von dem vater dîn, Gahmurete, dem neven mîn, ist ez dîn volleclîcher art, in wîbe dienste dîn verriu vart. Ich wil dich dienst wizzen lân, daz selten grœzerz ist getân ûf erde decheinem wîbe, ir wünneclîchem lîbe. ich meine die herzoginne, diu hie sitzet. nâch ir minne ist waldes vil verswendet; ir minne hât gepfendet an vreuden manegen rîter guot unt in erwendet hôhen muot." Er sagete ir urliuge gar unt ouch von der Clinschors schar, die dâ sâzen an allen sîten, unt von den zwein strîten, die Parzival, sîn bruoder, streit ze Joflanze ûf dem anger breit, unt swaz er anders hât ervaren, dâ er den lîp niht kunde sparen. "Er sol dirz selbe machen kunt. er suochet einen hôhen vunt: nâch dem Grâle wirbet er. von iu beiden sampt ist daz mîn ger, ir saget mir liute und lant, die iu mit strîte sîn bekant." Der heiden sprach: "ich nenne sie, die mir die rîter vüerent hie:

*m Artus sprach: "von dem vater dîn, Gahmuret, dem neven mîn, ist ez dîn volleclîcher art, in wîbe dienst dîn verriu vart. ich wil dich dienst wizzen lân, daz selten grœzer ist getân ûf erde keinem wîbe, ir wünneclîchem lîbe. ich mein die herzoginne, diu hie sitzet. nâch ir minne ist waldes vil geswendet; ir minne het gepfendet an vröude manigen ritter guot und in erwendet hôhen muot." er sagte im ir urliuge gar und ouch von der Clinsors schar, die dâ sâzen an allen sîten, und von den zwein strîten, die Parcifal, sîn bruoder, streit zuo Joflanze ûf dem anger breit, und waz er anders het ervarn, dâ er den lîp niht kunde sparn. "er sol dirz selbe machen kunt. er suochet einen hôhen vunt: nâch dem Grâl wirbet er. von iu beiden ist daz mîn ger, daz ir mir sagt liute und lant, die iu mit strît sint bekant." der heiden sprach: "ich nenne iu die, die mir die ritter vüerent hie:

*G Artus sprach: "von dem vater dîn, Gahmuret, dem neven mîn, ist ez dîn volleclîcher art, in wîbes dienst dîn verriu vart. ich wil dich dienst wizzen lân, daz selten grœzer ist getân ûf erde deheinem wîbe, ir minneclîchem lîbe. ich meine die herzoginne, diu hie sitzet. nâch ir minne ist waldes vil verswendet; ir minne hât gepfendet an vröuden manigen rîter guot unde in erwendet hôhen muot." er saget im âne lougen gar unde ouch von der Clinsores schar, si sâzen in allen sîten, unde von den zwein strîten, die Parzival, sîn bruoder, streit ze Tschofflanze ûf dem anger breit, unde swaz er anders het ervarn, dâ er den lîp niht kunde sparn. "er sol dirz selbe machen kunt. er suochte einen hôhen vunt: nâch dem Grâle suochter. von iu bêden sament ist daz mîn ger, nû saget mir liute unde lant, diu iu mit state sîn bekant." der heiden sprach: "ich nenne sie, die mir die rîter vüerent hie:

*T Artus sprach: "von dem vater dîn, Gahmureten, dem neven mîn, ist ez dîn volleclîcher art, in wîbes dienste dîn verriu vart. ich wil dich dienst wizzen lân, daz selten grœzer ist getân ûf erde dekeime wîbe an minneclîchem lîbe. ich meine die herzoginne, diu hie sitzet. nâch ir minne ist waldes vil verswendet; ir minne hât gepfendet an vreuden manegen rîter guot und in erwendet hôhen muot." er sagete ir urliuge gar und ouch von der Clynsors schar, die dâ sâzen in allen sîten, und von den zwein strîten, die Parcifal, sîn bruoder, streit zuo Tschoflanze ûf dem anger breit, und waz er anders het ervarn, dâ er den lîp niht kunde sparn. "er sol daz selbe machen kunt. er suochet einen hôhen vunt: nâch dem Grâle wirbet er. von iu beiden samt ist daz mîn ger, nû saget mir liute und lant, die iu mit strîte sint bekant." der heiden sprach: "ich nenne sie, die mir die rîter vüerent hie: