*D Jofreit was wider komen. von dem hete Artus vernomen, wie er werben solde, ob er enpfâhen wolde sînen neven, den heiden. daz sitzen wart bescheiden an Gawans ringe mit höfschlîchem dinge. Diu massenîe der herzogîn unt die gesellen under in ze Gawans zeswen saz. anderthalben si mit vreuden az, ritter, Clinschors diet. der vrouwen sitzen man beschiet. über gein Gawane an den ort sâzen Clinschors vrouwen dort; der was manegiu lieht gemâl. Feirefiz unt Parzival sâzen mitten zwischen den vrouwen; man moht dâ clârheit schouwen. Der Turkoyte Florant unt Sangive, diu wert erkant, unt der herzoge von Gowerzin unt Cundrie, daz wîp sîn, über gein ein ander sâzen. ich wæne des, niht vergâzen Gawan und Jofreit ir alten gesellecheit: si âzen mit ein ander. diu herzogîn, mit blicken glander,

*m Jofreit was wider komen. von dem hât Artus vernomen, wie er werben solte, ob er enpfâhen wolte sînen neven, den heiden. daz sitzen wart bescheiden an Gawans ringe mit hovelîchem dinge. diu massenîe der herzogîn und die geselleschaft under in zuo Gawans zesewen saz. anderhalp mit vröuden az ritter, Clinsors diet. der vrowen sitzen man beschiet. über gegen Gawan an den ort sâzen Clinsors vrowen dort; der was manigiu lieht gemâl. Ferefiz und Parcifal sâzen mitten zwischen die vrouwen; man mohte dâ clârheit schouwen. der Turkoite Florant und Sangive, diu wert erkant, und der herzoge von Gowertzin und Condrie, daz wîp sîn, über gegen ein ander sâzen. ich wæne des, iht vergâzen Gawan und Jofreit ir alten gesellicheit: si âzen mit ein ander. diu herzogîn, mit blic glander,

*G Jofreit was wider komen. von dem het Artus vernomen, wie er werben solde, ob er enpfâhen wolde sînen neven, den heiden. daz sitzen wart beiden an Gawans ringe mit höfschlîchem dinge. diu messenîe der herzogîn unde die gesellen under in ze Gawans zeswen sâzen. anderhalp mit vröuden âzen rîter unde kleine diet. den vrouwen sitzen man beschiet. über gein Gawan an den ort sâzen kleine vrouwen dort; der was manigiu lieht gemâl. Feirafiz unde Parzival sâzen mitten zwischen den vrouwen; man mohte clârheit schouwen. der Turkoite Florant unde Sagive, diu wert erkant, unde der herzoge von Gowerzin unde Gundrie, daz wîp sîn, über gein ein ander sâzen. ich wæne des, iht vergâzen Gawan unde Jofreit ir alten gesellecheit: si âzen mit ein ander. diu herzogîn, mit blicken glander,

*T Jofreit was wider komen. von dem het Artus vernomen, wie er werben solte, oder er enpfâhen wolte sînen neven, den heiden. daz sitzen wart bescheiden an Gawanes ringe mit höveschlîchen dingen. diu massenîe der herzogîn und die gesellen under in zuo Gawanes zeswen sâzen. anderhalp sus mit vreuden âzen die rîter, Clynsors diet. den vrouwen sitzen man beschiet. über gein Gawan an dem ort sâzen Clynsors vrouwen dort; der was manegiu lieht gemâl. Ferefis und Parcifal sâzen mitten zwischen die vrouwen; man mohte dâ clârheit schouwen. der kurtoise Florant und Seyve, diu werde erkant, und der herzoge von Gauwerzin und Kundrie, daz wîp sîn, über gein ein ander sâzen. ich wæne des, iht vergâzen Gawan und Jofreit ir alten gesellecheit: si âzen mit ein ander. diu herzogîn, mit blicken glander,