*D wol nâch strîtes êre helme unt ir schilde sêre wâren mit swerten an gerant. ieweder wol gelêrte hant truoc, der diu strîtes mâl entwarf. in strîte man ouch kunst bedarf. Bî Artuses ringe hin si riten. dâ wart vil nâch in geschouwet, dâ der heiden reit; der vuort êt solhe rîcheit. wol beherberget was daz velt. si kêrten vür daz hôch gezelt an Gawans ringe. ob mans iht innen bringe, daz man si gerne sæhe? ich wæne, daz dâ geschæhe. Gawan kom snellîche nâch, wander vor Artuse sach, daz si gein sîme gezelte riten. der enpfienc si dâ mit vreude siten. Si hetenz harnasch dennoch an; Gawan, der höfsche man, hiez si entwâpen schiere. ecidemôn, dem tiere, was geteilet mit der strît. der heiden truog ein kursît - dem was von slegen ouch worden wê -, daz was ein saranthasmê, dâr an stuont manec tiwer stein. dâr unde ein wâpenroc erschein,

*m wol nâch strîtes êre ir helm und ir schilte sêre mit swerten wâren an gerant. ietweder wol gelêrte hant truoc, der diu strîtes mâl entwarf. in strîte man ouch kunst bedarf. bî Artuses ringe si hin riten. dô wart vil nâch in gewartet, dâ der heiden reit; der vuort ouch solich rîcheit. wol geherberget was daz velt. si kêrten vür daz hôch gezelt an Gawanes ringe. ob mans iht innen bringe, daz man si dâ gerne sæhe? ich wæn, daz dâ geschæhe. Gawan kam snelleclîch nâch, wan der vor Artuse sach, daz si gegen sînem gezelt riten. er enpfienc si dâ mit vröude siten. si hetten den harnasch dannoch an; Gawan, der hübsch man, hie si entwâpen schier. ecidemôn, dem tier, was geteilet mit der strît. der heiden truoc ein kursît - dem ouch von slegen was worden wê -, daz was ein saranthasmê, an dem stuont manic tiur stein. dâr under ein wâpenroc erschein,

*G Wol nâch strîtes êre helm unde ir schilte sêre wâren mit swerten an gerant. ietwedere wol gelêrte hant truoc, diu strîtes mâl erwarf. in strîte man wol kunst bedarf. bî Artuses ringe hin si riten. dô wart vil nâch in geschouwet, dâ der heiden reit; der vuort êt an solh kleit. wol beherberget was daz velt. si kêrten vür daz hôch gezelt gein Gawans ringe. op mans iht innen bringe, daz man si gerne sæhe? ich wæne ouch, daz geschæhe. Gawan kom snellîchen nâch, wan er vor Artuse sach, daz si gein sînem gezelte riten. der enpfienc si dâ mit vröuden siten. si hetenz harnasch dannoch an; Gawan, der stolze höfsche man, hiez si entwâpen schiere. ecidemôn, dem tiere, was geteilt mit der strît. der heiden truoc ein kursît - dem was von slegen worden wê -, daz was ein saranthasmê, dâr an stuont manic tiwer stein. dâr under ein wâpenroc erschein,

*T wol nâch strîtes êre helme und ir schilde sêre wâren mit swerten an gerant. ietweders wol gelêrte hant truoc, der diu strîtes mâl entwarf. in strît man ouch wol kunst bedarf. bî Artuses ringe hin si riten. dô wart vil nâch in beschouwet, dâ der heiden reit; der vuorte eht solhe rîcheit. wol beherbergt wart daz velt. si kêrten vür daz grôz gezelt gegen hêrren Gawans ringe. ob man si iht innen bringe, daz man si gerne sæhe? ich wæne ouch, daz daz geschæhe. Gawan kam snelliclîche nâch, wan er bî Artus sach, daz si gein sînem gezelte riten. der enpfienc si dâ mit vreuden siten. si heten daz harnasch dannoch an; Gawan, der hövesch man, hiez si entwâpen schiere. ecidemôn, dem tiere, was geteilet mit der strît. der heiden truoc ein kursît - dem was von slegen worden wê -, daz was ein saranthasmê, dâr stuont manec tiure stein. dâr under ein wâpenroc erschein,