*D Daz ich die rede mac niht verdagen, ine müeze ir strît mit triwen klagen, sît ein verch unt ein bluot solch ungenâde ein ander tuot. si wâren doch bêde eines mannes kint, der geliuterten triwe fundamint. Den heiden minnen nie verdrôz; des was sîn herze in strîte grôz. gein prîse truog er willen durch die küneginne Secundillen, diu daz lant ze Tribalibot im gap; diu was sîn schilt in nôt. Der heiden nam an strîte zuo. wie tuon ich dem getouften nuo? ern welle an minne denken, sône mac er niht entwenken, dirre strît müeze im erwerben vors heidens hant ein sterben. daz wende, tugenthafter Grâl, Condwiramurs, diu lieht gemâl, hie stêt iwer beider dienstman in der grœsten nôt, die er ie gewan. Der heiden warf daz swert ûf hôch; manec sîn slac sich sus gezôch, daz Parzival kom ûf diu knie. man mac wol jehen, sus striten sie, der si bêde nennen wil ze zwein. si wâren doch bêde niht wan ein. mîn bruoder und ich, daz ist ein lîp, als ist guot man unt des guot wîp.

*m daz ich die rede niht mac verdagen, ich muoz ir strît mit triuwen klagen, sît ein verch und ein bluot solich ungenâde ein ander tuot. si wâren beide eines mannes kint, der geliuterten triuwe fundamint. den heiden minne nie verdrôz; des was sîn herz in strîte grôz. gegen prîse truoc er willen durch die künigîn Secundillen, diu daz lant zuo Tribalibot im gap; diu was sîn schilt in nôt. der heiden nam an strîte zuo. wie tuon ich dem getouften nû? er welle an minne gedenken, sô mac er niht entwenken, diser strît muoz im erwerben von des heidens hant ein sterben. daz wende, tugenthafter Grâl, Condwieramurs, lieht gemâl, hie stât iuwer beider dienstman in der grœsten nôt, die er ie gewan. der heiden warf sîn swert ûf hôch; manic sîn slac sich sus gezôch, daz Parcifal kam ûf diu knie. man mac wol jehen, dô striten sie, der si beide nennen wil vür zwein. si wâren doch beide niht wan ein. mîn bruoder und ich, daz ist ein lîp, alsô ist guot man und sîn wîp.

*G daz ich die rede mac niht verdagen, ich muoz ir strît mit triwen klagen, sît ein verch unde ein bluot solch ungnâde ein ander tuot. si wâren doch eines mannes kint, der geliuterten triwe fundamint. den heiden minne nie verdrôz; des was sîn herze in strîte grôz. gein prîse truoc er willen durch die künigîn Secundillen, diu daz lant Tribalibot im gap; diu was sîn schilt in nôt. der heiden nam an strîte zuo. waz tuon ich dem getouften nuo? erne welle an minne denken, sône mac er niht entwenken, imne müeze dirre strît erwerben von heidens handen sterben. daz wende, tugenthafter Grâl, Condwiramurs, diu lieht gemâl, hie stêt iwer bêder dienstman in der grœzisten nôt, die er ie gewan. der heiden warf daz swert ûf hôch; manic sîn slac sich sus gezôch, daz Parzival kom ûf diu knie. man mac wol sprechen, sus striten sie, der si bêde nennen wil ze zwein. si wâren doch bêde niwan ein. mîn bruoder unde ich, daz ist ein lîp, als ist guot man unde des wîp.

*T Daz ich die rede niht mac verdagen, ich enmüeze ir strît mit triuwen klagen, sît ein verch und ein bluot solich ungenâde ein ander tuot. si wâren doch beide eines mannes kint, der geliuterten triuwen ein fundamint. den heiden minne nie verdrôz; des was sîn herze in strîte grôz. gein prîse truoc er willen durch die küneginne Secundillen, diu daz lant zuo Tribalibot im gap; diu was sîn schilt in nôt. der heiden nam an strîte zuo. waz tuon ich dem getouften nuo? er enwelle an minne denken, sô enmag er niht entwenken, ime müeze dirre strît erwerben von heidensch handen sterben. daz wende, tugenthafter Grâl, Kundewiramurs, diu lieht gemâl, hie stêt iuwer beider dienstman in der grœsten nôt, die er ie gewan. der heiden warf daz swert ûf hôch; manec sîn slac sich sus gezôch, daz Parcifal kam an diu knie. man mac wol sprechen, sus striten sie, der si beide nennen wil zuo zwein. si wâren doch beide niht wan ein. mîn bruoder und ich, daz ist ein lîp, als ist guot man und des wîp.