*D Mîn kunst mir des niht witze gît, daz ich gesage disen strît bescheidenlîch, als er ergienc. ieweders ouge blic enpfienc, daz er den andern komen sach. sweders herze dâr umbe vreuden jach, dâ stuont ein trûren nâhe bî. die lûtern truopheite vrî, ieweder des andern herze truoc; ir vremde was heinlîch genuoc. Nûne mag ich disen heiden von dem getouften niht gescheiden, sine wellen haz erzeigen. daz solt in vreude neigen, die sint erkant vür guotiu wîp. ieweder durch vriwendinne lîp sîn verch gein der herten bôt. gelücke scheidez âne tôt. Den lewen sîn muoter tôt gebirt, von sînes vater galme er lebendec wirt. dise zwêne wâren ûz krache erborn, Von maneger tjost nâch prîse erkorn; Si kunden ouch mit tjoste, mit sper zerender koste. Leischierende si die zoume kurzten unt tâten goume, swenne si punierten, daz si niht failierten. si pflâgens unvergezzen. dâ wart vaste gesezzen

*m mîn kunst mir des niht witze gît, daz ich gesage disen strît bescheidenlîch, als er ergienc. ietweders ougenblic enpfienc, daz er den andern komen sach. ietweders herz dâr umbe vröude jach, dâ stuont ein trûren nâhe bî. swie vrömede ietwederm sî, daz er des andern herz truoc, ir vremde was heimlîch doch genuoc. Nû mac ich niht gescheiden den getouften von dem heiden, si wellent haz erzeigen. daz solt in vröude neigen, die sint erkant vür guotiu wîp, wan ietweder durch vriundîn lîp sîn verch gegen der herte bôt. glück scheidet daz âne nôt. den lewen sîn muoter tôt gebirt, von sînes vater galm er lebendic wirt. dise zwêne ûz krach sint erborn, von maniger just nâch prîs erkorn; si kunden ouch mit joste, mit sper zierender koste. leisierende si die zoume kurzten und tâten goume, wan si punierten, daz si niht failierten. si pflâgens unvermezzen. dâ wart vaste gesezzen

*G Mîn kunst mir des niht witze gît, daz ich sage disen strît bescheidenlîch, als er ergienc. ietweders ougenblic enpfienc, daz er den andern komen sach. sweders herze vröude jach, dâ stuont ein trôst nâhen bî. die lûtern tumpheit vrî, ietweder des andern herze truoc; ir vremde was heinlîch genuoc. nûne mac ich disen heiden von dem getouften niht gescheiden, sine wellen haz erzeigen. daz solt in vröude neigen, die sint erkant vür guotiu wîp. ietweder durch vriundinne lîp sîn verch gein der herte bôt. gelücke scheide si ân den tôt. den lewen sîn muoter tôt gebirt, von sînes vater galme er lebende wirt. dise wâren ûz krache erborn, von maniger tjost ûz brîse erkorn; si kunden ouch mit tjoste. mit sper zerender koste leisierten si die zoume, kurzten si unde tâten goume, swenne si punierten, daz si iht failierten. si pflâgen unvergezzen, dâ wart vaste gesezzen

*T Mîniu kunst mir des niht witze gît, daz ich gesage disen strît bescheidenlîche, als er ergienc. ietweders ougenblic enpfienc, daz er den andern komen sach. ietweders herze dâr umbe vreude jach, dâ stuont ein trûren nâhe bî. der lûtern tumpheit vrî, ietweder des andern herze truoc; ir vremede was heimelîche genuoc. nûne mac ich disen heiden von dem getouften niht gescheiden, si enwellen haz erzeigen. daz solde in vreuden neigen, die sint erkant vür guotiu wîp. ietweder durch vriundinne lîp sîn verch gein dem herzen bôt. gelücke scheide si âne den tôt. den lewen sîn muoter tôt gebirt, von sînes vater galm er lebendic wirt. dise zwêne wâren zuo krache geborn, von maneger jost ûz prîse erkorn; si kunden ouch mit joste. mit spere zernder koste leisiereten si die zoume, kurzeten si und tâten goume, wanne si gepungiereten, daz si niht falliereten. si pflâgen unvergezzen, dâ wart vaste gesezzen