*D Er sprach, er wolte gerne komen. dâ wart geselleschaft genomen: sînes landes vürsten drî riten dem künege dannen bî; alsus vuor ouch der œheim sîn, der künec Brandelidelin. Bernout de Riviers unt Affinamus von Clitiers, ieweder einen gesellen nam, der ûf die reise wol gezam; zwelfe wâren ir über al. junchêrrelîn vil âne zal unt manec starker sarjant ûf die reise wart benant. Welch der rîter kleider mohten sîn? pfellel, der vil liehten schîn gap von des goldes swære. des küneges valkenære mit im dan durch beizen riten. Nû het ouch Artus niht vermiten, Beacursen, den lieht gevar, sander ze halbem wege al dar dem künege zeime geleite. über des gevildes breite, ez wære tîch oder bach, swâ er die passâschen sach, dâ reit der künec beizen her unt mêr durch der minne ger. Beacors in dâ enpfienc, sô daz ez mit vreude ergienc.

*m er sprach, er wolte gerne komen. dô wart geselleschaft genomen: sînes landes vürsten drî riten dem künic nâhe bî; †ouch† tet ouch der œheim sîn, der künic Brandelidelin. Bernout de Riviers und Offinamus von Clitiers, ietweder einen gesellen nam, der ûf die reise wol gezam; zwelf wâren ir über al. junchêrren vil âne zal und manic starker sarjant ûf die reise wart benant. welich der ritter kleider mohte sîn? pfelle, der vil liehten schîn gap von golde swære. des küniges valkenære mit im dan durch beizen riten. nû het ouch Artus niht vermiten, Beacurs, den lieht gevar, sant er zuo halbem wege dar dem künige zuo einem geleite. über des gevildes breite, ez wær tîch oder bach, wâ er die passâschen sach, dâ reit der künic beizen her und mê durch der minne ger. Beacurs in dâ enpfienc, sô daz ez mit vröuden gienc.

*G Er sprach, er wolde gerne komen. dô wart geselleschaft genomen: sînes landes vürsten drî, die riten dem künige bî; alsô tet ouch der œheim sîn, der künic Brandelidelin. Gernout de Rivirs unde Affinamus de Cletirs, ietweder einen gesellen nam, der ûf die reise wol gezam; zwelfe wâren ir über al. junchêrren vil gar âne zal unde manic starc sarjant ûf die reise wart gesant. welch der rîter kleider möhte sîn? pfelle, der vil liehten schîn gab von des goldes swære. des küniges valkenære mit im dan durch beizen riten. nû enhet Artus niht vermiten, Beakurs, den lieht gevar, sander ze halbem wege al dar dem künige zeinem geleite. über des gevildes breite, ez wære tîch ode bach, swâ man den fasân gesach, dar reit der künic durch beizen her unde mêre durch der minne ger. Beakurs in dâ enpfienc, alsô daz ez mit vröuden ergienc.

*T Er sprach, er wolte gerne komen. dô wart geselleschaft genomen: sînes landes vürsten drî, die riten dem künege bî; alsô tet ouch der œheim sîn, der künec Brandelidelin. und Affinamus de Clitiers und Bernuot von Riviers, ietweder sînen gesellen nam, der ûf die reise wol gezam; zwelfe wâren ir über al. junchêrren vil âne zal und manec starc sarjant ûf die reise wâren benant. welich der rîter kleider mohten sîn? pfelle, die vil liehten schîn gâben von golde grôze swære. des küneges valkenære mit im dan durch beizen riten. nû hete Artus niht vermiten, Beakurs, den lieht gevar, santer zuo halbem wege dar dem künege zuo eime geleite. über des gevildes breite, ez wære tîch oder bach, wâ er die passâschen sach, dâ reit der künec durch beizen her und mê durch der minnen ger. Beakurs in dâ entvienc, alsô daz ez mit vreuden ergienc.