*D Nû helfet mir, ir zwêne, unt ouch dû, vriwendîn Bene, daz der künec her zuo mir rîte unt den kampf doch morgen strîte. Mînen neven Gawan bringe ich gein im ûf den plân. rîtet der künec hiute in mîn her, er ist morgen al deste baz ze wer. hie gît diu minne im einen schilt, des sînen kampfgenôz bevilt; ich meine gein minne hôhen muot, der bî den vîenden schaden tuot. Er sol höfsche liute bringen; ich wil hie teidingen zwischen im unt der herzogîn. nû werbetz, trûtgeselle mîn, mit vuoge; des habt ir êre. ich sol iu klagen mêre: waz hân ich unsælic man dem künege Gramoflanz getân, sît er gein mîme künne pfligt, daz in lîhte unhôhe wigt, minne unt unminne grôz? ein ieslîch künec, mîn genôz, mîn gerne möhte schônen. wil er nû mit hazze lônen ir bruoder, diu in minnet, ob er sichs versinnet, sîn herze tuot von minnen wanc, swennez in lêret den gedanc."

*m nû helfet mir, ir zwêne, und ouch mîn vriundîn Bene, daz der künic her zuo mir rîte †ûf† den kampf doch morgen strîte. mînen neven Gawan bringe ich gegen im ûf den plân. rît der künic hiute in mîn her, er ist morgen deste baz zuo wer. hie gît diu minne im einen schilt, daz sînen kampfgenôz bevilt; ich mein gegen minne hôhen muot, der bî den vîenden schaden tuot. er sol höfsche liute bringen; ich wil hie tegedingen zwischen im und der herzogîn. nû werbetz, trûtgesellen mîn, mit vuoge; des habt ir êre. mich wundert harte sêre, waz ich übels möhte hân wider Gramolanzen getân, sît er gegen mînem künne pfliget, daz in lîht unhôhe wiget, minne und unminne grôz? ein ieglîch künic, mîn genôz, mîn gerne möhte schônen. wil er nû mit hazze lônen ir bruoder, diu in minnet, ob er sich versinnet, sîn herze tuot von minnen wanc, wenn ez in lêret den gedanc."

*G Nû helfet mir, ir zwêne, unde ouch dû, vriundîn Bene, daz der künic doch zuo mir rîte unde den kampf doch morgen strîte. mînen neven Gawan bringe ich gein im ûf den plân. rîtet aber der künic hiut in mîn her, er ist morgen deste baz ze wer. hie gît diu minne im einen schilt, des sînen kampfgenôz bevilt; ich meine gein minne hôhen muot, der bî den vîenden schaden tuot. er sol höfsche lûte bringen; ich wil hie teidingen zwischen im unde der herzogîn. nû werbet ez, trûtgeselle mîn, mit vuoge; des habet ir êre. ich solde iu klagen mêre: waz hân ich unsælic man dem künige Gramoflanz getân, daz er gein mînem künne pfliget, daz in doch lîhte unhôhe wiget, minne unde unminne grôz? ein ieslîch künic, mîn genôz, möhte mîn gerne schônen. wil er nû mit hazze lônen ir bruoder, diu in minnet, swenne er sich versinnet, sîn herze tuot von minne wanc, ob ez in lêrt den gedanc."

*T nû helfet mir, ir zwêne, und ouch diu vriundinne Bene, daz der künec her zuo mir rîte und den kampf doch morne strîte mit mîme neven Gawan; den bringe ich gein im ûf den plân. rîte aber der künec hiute in mîn her, er ist morne deste baz zuo wer. hie gît diu minne im einen schilt, des sînen kampfgenôz bevilt; ich meine gein minne hôhen muot, der bî dem vînde schaden tuot. er sol hövesche liute bringen; ich wil teidingen zwischen im und der herzogîn. nû werbet ez, trûtgeselle mîn, mit gevuoge; des hât ir êre. ich solt iu klagen mêre: waz hân ich unsælic man dem künege Gramoflanz getân, daz er gein mîme künne pfliget, daz in doch lîht unhôhe wiget, minne und unminne grôz? ein ieclîch künec, mîn genôz, möhte mîn gerne schônen. wil er nû mit hazze lônen ir bruodere, diu in minnet, wanne er sich versinnet, sîn herze tuot von minnen wanc, ob ez in lêret den gedanc."