*D "Ich grüeze, die ich grüezen sol, daz ich mit dienste grüezen hol. vröuwelîn, ich meine dich, sît dû mit trôste trœstes mich. unser minne gebent geselleschaft, daz ist wurzel mîner vreude kraft. dîn trôst vür ander trôste wigt, sît dîn herze gein mir triwen pfligt. dû bist slôz ob mîner triwe unt ein vlust mînes herzen riwe. dîn minne gît mir helfe rât, daz deheiner slahte untât an mir nimmer wirt geschehen. ich mac wol dîner güete jehen stæte âne wenken sus, als polus artanticus gein dem tremontane stêt, der neweder von der stete gêt. unser minne sol in triwen stên unt niht von ein ander gên. Nû gedenke ane mir, werdiu magt, waz ich dir kumbers hân geklagt; wis dîner helfe an mir niht laz. ob dich iemen durch mînen haz von mir welle scheiden, sô denke, daz uns beiden diu minne mac wol lônen. dû solt vrouwen êren schônen unt lâze mich sîn dîn dienstman. ich wil dir dienen, swaz ich kan."

*m "ich grüeze, die ich grüezen sol, dâ ich mit dienste grüezen hol. vröuwelîn, ich meine dich, sît dû mit trôste trœstes mich. unser minne gebent geselleschaft, sô ist wurzel mîner vröuden kraft. dîn trôst vür ander trôste wiget, sît dîn herze gegen mir triuwen pfliget. dû bist slôz ob mîner triuwe und ein vlust mînes herzen riuwe. dîn minne gît mir helfe rât, daz dekeiner slahte untât an mir nimmer wirt gesehen. ich mac wol dîner güete jehen stæte âne wenken sus, alsô polus artanticus gegen dem tremontane stât, der enweder von †dernste† gât. unser minne sol in triuwen stân und niht von ein ander gân. nû gedenke an mir, werdiu maget, waz ich dir kumbers hân geklaget; wis dîner helfe an mir niht laz. ob dich iemen durch mînen haz von mir welle scheiden, sô gedenke, daz uns beiden diu minne mac gelônen. dû solt vrowen êre schônen und lâz mich sîn dîn dienstman. ich wil dir dienen, waz ich kan."

*G Ich grüeze, die ich grüezen sol, dâ ich mit dienste grüezen hol. vrouwe mîn, ich meine dich, sît dû mit trôste trœstest mich. unser minne gebent geselleschaft, daz ist wurzel mîner vröuden kraft. dîn trôst vür alle trôste wiget, sît dîn herze gein mir triwen pfliget. dû bist slôz obe mîner triwe unde ein vlust mînes herzen riwe. dîn minne gît mir helfe rât, daz deheiner slahte untât an mir nimmer wirt gesehen. ich mac wol dîner güete jehen stæte âne wenken sus, als der artanticus gein dem tremontane stât, der deweder von der stete gât. unser minne sol in triwen stân unde niht von ein ander gân. nû gedenke ane mich, werdiu maget, waz ich dir kumbers habe geklaget; wis dîner helfe ane mir niht laz. obe dich iemen durch mînen haz von mir welle scheiden, sô gedenke, daz uns beiden diu minne mac wol gelônen. dû solt vroun êren schônen unde lâ mich sîn dînen dienstman. ich wil dir dienen, swaz ich kan."

*T "Ich grüeze dich, wan ich dich grüezen sol, daz ich mit dienste grüezen hol. vröuwelîn, ich meine dich, sît dû mit trôste trœstest mich. unser minne gebent geselleschaft, dâ ist wurzel mîner vreuden kraft. dîn trôst vür ander trôste wiget, sît dîn herze gein mir triuwen pfliget. dû bist ein slôz ob mîner triuwen und ein verlust mînes herzen riuwen. dîne minne gît mir helfe rât, daz dekeiner slahte untât an mir niemer wirt gesehen. ich mag wol dîner güete jehen stæte âne wenke sus, als polus artanticus gein dem tremontane stêt, der ietweder von der stat gêt. unser minne sol in triuwen stên und niht von ein ander gên. nû gedenke an mich, werdiu maget, waz ich dir kumbers hân geklaget; wis dîner helfe an mir niht laz. ob dich ieman durch mînen haz von mir wolle scheiden, sô gedenke, daz uns beiden dîniu minne mac wol gelônen. dû solt vrouwen êre schônen und lâ mich sîn dîn dienstman. ich wil dir dienen, waz ich kan."