*D Unde Bernout de Riviers unt Affinamus von Clitiers, mit blôzen houpten dise drî riten dem strîte nâher bî. Artus und Gawan riten anderthalben ûf den plân zuo den kampfmüeden zwein. die vünfe wurden des enein, si wolden scheiden disen strît. Scheidens dûhte rehtiu zît Gramoflanzen, der sô sprach, daz er dem siges jach, den man gein im dâ het ersehen. des muose ouch mêre liute jehen. Dô sprach des künec Lotes sun: "hêr künec, ich wil hiute tuon, als ir mir gestern tâtet, dô ir mich ruowen bâtet. nû ruowet hînte, des wirt iu nôt. swer iu disen strît gebôt, der het iu swache kraft erkant gein mîner werlîchen hant. Ich bestüende iuch nû wol ein, nû veht aber ir niwan mit zwein. ich wilz morgen wâgen eine; got ez ze rehte erscheine." Der künec reit dannen zuo den sîn. er tet ê fîanze schîn, daz er smorgens gein Gawan durch strîten kœme ûf den plân.

*m und Bernout de Riviers und Offinamus von Clitiers, mit blôzen houbten dise drî riten dem strît nâ bî. Artus und Gawan riten anderhalp ûf dem plân zuo den kampfmüeden zwein. die vünf wurden des in ein, si wolten scheiden disen strît. scheidens dûhte rehtiu zît Gramolanzen, der sô sprach, daz er dem siges jach, den man dâ hete gegen ime ersehen. des muos ouch mêr liutes jehen. dô sprach des küniges Lotes sun: "hêr künic, ich wil iu hiute tuon, als ir mir gestern tâtet, dô ir mich ruowen bâtet. nû ruowet hînt, daz tuot iu nôt. wer iu disen strît gebôt, der het iu swache kraft erkant gegen mîner werlîchen hant. ich bestüende iuch nû wol ein, ir vehtet aber niht wan mit zwein. ich wilz morgen wâgen eine; got ez zuo reht erscheine." der künic reit dannen mit den sîn. er tet dô fîanzen schîn, daz er morgens gegen Gawan durch vehten kæme ûf den plân.

*G Unde Gernout von Rivirs unde Affinamus de Cletirs, mit blôzen houbten dise drî dem strîte riten nâhe bî. Artus unde Gawan riten anderhalp ûf den plân zuo den kampfmüeden zwein. die wurden des enein, si wolden scheiden den strît. scheidens dûhte rehtiu zît Gramoflanz, der sô sprach, daz er dem siges jach, den man gein im hete gesehen. des muose mêre liute jehen. dô sprach des künic Lotes sun: "hêr künic, ich wil iu hiute tuon, als ir mir gester tâtet, dô ir mich ruowen bâtet. nû ruowet hînt, des wirt iu nôt. swer iu disen strît gebôt, der hât iu swache kraft erkant gein mîner werlîchen hant. ich bestüende iuch nû wol ein, nû veht aber ir niwan mit zwein. ich wilz morgen wâgen eine; got ez ze rehte erscheine." der künic reit gein den sînen. er tet ouch fîanze schînen, daz ers morgens gein Gawan durch strîten kœme ûf den plân.

*T und Bernuot von Riviers und Affinamus de Clitiers, mit blôzen houbeten dise drî riten dem strîte nâhe bî. Artus und Gawan riten anderhalp ûf den plân zuo den kampfmüeden zwein. die wurden des enein, si wolten scheiden den strît. scheidens dûhte rehtiu zît Gramoflanzen, der sô sprach, daz er dem siges jach, den man gein im hete gesehen. des muosen ouch mê liute jehen. dô sprach des küneges Lotes suon: "hêr künec, ich wil iu hiute tuon, als ir mir gestern tâtet, dô ir mich ruowen bâtet. nû ruowet hînt, des wirt iu nôt. wer iu disen strît gebôt, der hât zuo swacher kraft iuch erkant gein mîner werlîchen hant. ich bestüende iuch wol ein, nû vehtet ir aber niht wan mit zwein. ich wil ez morne wâgen eine; got ez zuo reht erscheine." der künec reit gein den sînen. er tet ouch fîanze schînen, daz er des morgens gein Gawan durch strîten kœm ûf den plân.