*D die doch der hôhe gerten niht, des der küneginne zil vergiht, ir lîbes unt ir lande. si gerten anderre pfande. Nû was ouch Gahmuretes lîp in harnasche, dâ sîn wîp wart einer suone bî gemant, daz ir von Schotten Vridebrant ze gebe sande vür ir schaden. mit strîte heter si verladen. ûf erde niht sô guotes was. dô schouwet er den adamas. daz was ein helm, dâr ûf man bant einen anker, dâ man inne vant verwieret edel gesteine, grôz, niht ze kleine. daz was iedoch ein swærer last. gezimieret wart der gast. wie sîn schilt gehêrt sî? mit golde von Arabi ein tiweriu buckel drûf geslagen, swære, die er muose tragen. diu gap von rœte al solhez brehen, daz man sich drinne mohte ersehen, ein zobelîn anker drunde. mir selben ich wol gunde, des er hete an den lîp gegert, wand ez was maneger marke wert. Nû was ouch der künec von Francriche tôt. des wîp in dicke in grôze nôt

*m die doch der hôhe gerten iht. der küniginne zil vergiht ir lîbes und ir lande. †† Nû was ouch Gahmuretes lîp in harnasche, dâ sîn wîp wart einer suone bî gemant, daz ir von Schotten Fridebrant ze gebe sante vür ir schaden. mit strîte het er si verladen. ûf erde niht sô guotes was. dô schouwete er den adamas. daz was ein helm, dâr ûfe man bant einen anker, dâ man inne vant verwieret edel gesteine, grôz, niht ze kleine. daz was iedoch ein swærer last. gezimieret was der gast. wie sîn schilt gehêret sî? mit golde von Arabi ein tiuriu buckel dâr ûf geslagen, swære, die er muose tragen. diu gap von golde al solichen brehen, daz man sich drinne moht ersehen, ein zobelîn anker drunde. mir selben ich wol gunde, des er hete an den lîp gegert, wanne ez was maniger marke wert. Nû was ouch rois de Franze tôt. des wîp in dicke in grôze nôt

*G die doch der hôhe gerten niht, alse der künigîn zil vergiht, ir lîbes noch ir lande. si gerten andere pfande. nû was ouch Gahmuretes lîp in harnasch, dâ sîn wîp wart einer suone bî gemant, daz ir von Schotten Fridebrant ze gelte sande vür ir schaden. mit strîte het er si überladen. ûf erde niht sô guotes was. dô schouwet er den adamas. daz was ein helm, dâr ûf man bant einen anker, dâ man inne vant verwieret edel gesteine, grôz, niht ze kleine. daz was iedoch ein swærer last. gezimiert wart der gast. wie sîn schilt gehêret sî? ûz golde von Arabi ein rîchiu buckel drûf geslagen, swære, die er muose tragen. diu gab von rœte alsolhez brehen, daz man sich drinne het ersehen, ein zobelîn anker drunde. mir selbem ich wol gunde, des er het an den lîp gegert, wan ez was maniger marke wert. nû was ouch roy de Franze tôt. des wîp in dicke in grôze nôt

*T die doch der habe gerten niht, des der küniginne zil vergiht, ir lîbes noch ir landes. si gerten anderes pfandes. nû was ouch Gahmuretes lîp in harnasche, dâ sîn werdez wîp suone mite wart gemant, daz ir von Schotten Fridebrant zuo gelte sante vür ir schaden. mit strîte het er si beladen. ûf erde niht sô guotes was. dô schouweten si den adamas. daz was ein helm, dâr ûf man bant einen enker, dâ man inne vant verwieret edel gesteine, grôz und niht zuo kleine. wol gezimiert wart der werde gast. diz was iedoch ein swærer last. wie sîn schilt gehêret sî? von guotem golde von Arabi was ein buckeler durch geslagen, swære, die er wolte tragen. diu gap von rœte alsoliche brehen, daz man sich mohte dâr in ersehen, ein zobelîn anker drunde. mir selbe ich wol gunde, des er hete an den lîp gegert, wan daz was maneger marke wert. Nû was ouch roys de Franze tôt. des wîp in ofte in grôze nôt