*D Dô wart ouch si nâch jâmer var, ir süezer munt meit ezzen gar. si dâhte: "waz tuot Bene hie? ich hete iedoch gesendet sie ze dem, der dort mîn herze tregt, daz mich hie gar unsanfte regt. waz ist an mir gerochen? hât der künec widersprochen mîn dienst unt mîne minne? sîne getriwe, manlîche sinne mugen hie niht mêr erwerben, wan dar umbe muoz ersterben mîn armer lîp, den ich hie trage, nâch im mit herzelîcher klage." Dô man ezzens dâ verpflac, dô was ez ouch über den mitten tac. Artus unt daz wîp sîn, vrou Gynover, diu künegîn, mit rîtern unt mit vrouwen schar riten, dâ der wol gevar saz bî werder vrouwen diet. Parzivals antvanc dô geriet; manege clâre vrouwen muoser sich küssen schouwen. Artus bôt im êre unt dankte im des sêre, daz sîn hôhiu werdecheit wære sô lanc unt ouch sô breit, daz er den prîs vür alle man von rehten schulden solte hân.

*m dô wart ouch si nâch jâmer var, ir süezer munt meit ezzen gar. si dâhte: "waz tuot Bene hie? ich het iedoch gesendet sie zuo dem, der doch mîn herze treget, daz mich hie gar unsanfte reget, daz ist an mir gerochen. het der künic widersprochen mîn dienst und mîne minne? sîn getriuwe, manlîch sinne mogen hie niht mê erwerben, wan daz dar umbe muoz ersterben mîn armer lîp, den ich hie trage, nâch im mit herzelîcher klage." dô man ezzens verpflac, dô was ez ouch wol mitter tac. Artus und daz wîp sîn, vrowe Ginover, diu künigîn, mit ritter und mit vrowen schar riten, dâ der wol gevar saz bî werder vrowen diet. Parcifals anpfanc dô geriet; manige clâre vrouwen muost er sich küssen schouwen. Artus bôt im êre und danket im des sêre, daz sîn hôhiu wirdicheit was sô lanc und breit, daz er den prîs vür alle man von rehten schulden solte hân.

*G Dô wart ouch si nâch jâmer var, ir süezer munt meit ezzen gar. si dâhte: "waz tuot Bene hie? nû het ich doch gesendet sie zuo dem, der dort mîn herze treit, daz mich doch hie unsanfte reit. waz ist an mir gerochen? hât der künic versprochen mîn dienst unde mîne minne? sîne getriwe, manlîche sinne mügen hie niht mê erwerben, wan daz muoz ersterben mîn armer lîp, den ich hie trage, nâch im mit herzenlîcher klage." dô man des ezzens verpflac, dô was ez ouch über den mitten tac. Artus unde daz wîp sîn, vrou Schinover, diu künigîn, mit rîtern unde mit vrouwen schar riten, dâ der wolgevar saz bî werder vrouwen diet. Parzival enpfâhen dô geriet; manige clâre vrouwen muoser sich küssen schouwen. Artus bôt im êre unde danket im des vil sêre, daz er den brîs vür alle man von rehten schulden solde hân unde daz sîn hôhiu werdecheit was sô lanc unde sô breit.

*T dô wart ouch si nâch jâmer var, ir süezer munt meit ezzen gar. si gedâhte: "waz tuot Bene hie? nû hete ich doch gesendet sie zuo dem, der dort mîn herze treget, daz mich doch hie unsanfte reget. waz ist an mir gerochen? hât der künec versprochen mîn dienst und mîne minne? sîn getriuwen, manlîche sinne mogen hie niht mê erwerben, wan daz muoz ersterben mîn armer lîp, den ich hie trage, nâch im mit herzeclîcher klage". Dô man des ezzens dâ verpflac, dô was ez über den mittentac. Artus und daz wîp sîn, vrou Gynover, diu künegîn, mit rîtern und mit vrouwen schar riten, dâ der wol gevar saz bî werder vrouwen diet. Parcifals entvâhen geriet; manege clâre vrouwen muos er sich küssen schouwen. Artus bôt im êre und danket im des vil sêre, daz er den prîs vür alle man von rehten schulden solte hân und daz sîne hôhiu wirdecheit was sô lanc und sô breit.