*D In der genâde ich hân ergeben al mîne vreude unt ouch mîn leben. got weiz wol, daz er ir genôz, wande mich des ie verdrôz strîtes wider einen man, wan daz der werde Gawan den lîp hât geurbort sô, kampfes bin ich gein im vrô. sus nidert sich mîn manheit; sô swachen strît ich nie gestreit. Ich hân gestriten, giht man mir - ob ir gebiet, des vrâget ir -, gein liuten, die des mîner hant jâhen, si wære vür prîs erkant. ine bestuont nie einen lîp. ez ensulen ouch loben niht diu wîp, ob ich den sig hiute erhol. mir tuot ime herzen wol, mir ist gesagt, si sî ûz banden lân, durch die der kampf nû wirt getân. Artus, der erkante verre, sô manec vremdiu terre zuo sîme gebote ist vernomen. si ist lîhte her mit im komen, durch die ich vreude und nôt in ir gebot unz an den tôt sol dienstlîchen bringen. wâ möhte mir baz gelingen, ob mir diu sælde sol geschehen, daz si mîn dienst ruochet sehen?"

*m in der gnâde ich hân vergeben alle mîn vröude und mîn leben. got weiz wol, daz er ir genôz, wan mich noch ie verdrôz strîtes gegen einem man, wan daz der werde Gawan den lîp het geurbort sô, daz ich kampfes gegen im bin vrô. sus nidert sich mîn manheit; sô swachen strît ich nie gestreit. ich hab gestriten, giht man mir - ob ir gebietet, des vrâget ir -, gegen liuten, die des mîner hant jâhen, si wære vür prîs erkant. ich bestuont nie einen lîp. ez soln ouch loben niht diu wîp, ob ich den sic hiute erhol. †† mir ist gesaget, si sî ûz banden lân, durch die der kampf wirt getân. Artus, der erkante verre, sô manic vremdiu terre zuo sînem gebot ist vernomen, sô ist lîhte her mit im komen, durch die ich vröude und nôt in ir gebot unz in den tôt sol dienstlîchen bringen. wâ möhte mir baz gelingen, ob mir diu sælde sol beschehen, daz si mîn dienst ruochet sehen?"

*G In der gnâde ich hân gegeben al mîn vröude unde mîn leben. got weiz wol, daz er ir genôz, wan mich des ie verdrôz strîtes gein einem man, wan daz der werde Gawan den lîp hât geurbort sô, kampfes bin ich gein im vrô. sus nidert sich mîn manheit; sô swachen strît ich nie gestreit. ich hân gestriten, giht man mir - obe ir gebiet, des vrâget ir -, gein liuten, die des mîner hant jâhen, si wære vür brîs erkant. ich enbestuont nie einen lîp. ez ensulen loben niht diu wîp, obe ich sic hiute erhol. mir tuot in dem herzen wol, mir ist gesaget, si sî von banden lân, durch die der kampf wirt getân. Artus, der hêrre, sô manic vrömdiu terre ze sînem gebot ist vernomen. si ist lîhte her mit im komen, durch die ich vröude unde nôt in ir gebot unze an mînen tôt dienstlîche wil bringen. wâ möhte mir baz gelingen, op mir diu sælde sol geschehen, daz si mîn dienst ruochet sehen?"

*T in die gnâde ich hân gegeben alle mîn vreude und al mîn leben. got weiz wol, ob er ir genôz, wan mich des ie verdrôz strîtes gein eime man, wan daz der werde Gawan den lîp hât geurbort sô, kampfes bin ich gein im vrô. sus nidert sich mîn manheit; sô swachen strît ich nie gestreit. ich hân gestriten, giht man mir - ob ir gebiet, des vrâget ir -, gein liuten, die des mîner hant jâhen, si wære vür prîs erkant. ine bestuont nie einen lîp. ez ensoln loben niht diu wîp, ob ich den sig hiute erhol. mir tuot in dem herzen wol, mir ist gesaget, si sî von banden erlân, durch die der kampf wirt getân. Artus, der erkante hêrre, sô manec vremediu terre zuo sîme gebote ist vernomen. si ist lîhte her mit im komen, durch die ich vreude und nôt in ir gebot unz an mînen tôt dienstlîche wil bringen. wâ möhte mir baz gelingen, ob mir diu sælde sol geschehen, daz si mîn dienst geruochet sehen?"