*D Dâne was dennoch niemen wan sie. welt ir nû hœren vürbaz, wie an den selben stunden Artuses boten vunden den künec Gramoflanz mit her? ûf einem plân bî dem mer: einhalb vlôz der Sabbins unt anderhalp der Poynzaclins; diu zwei wazzer seuten dâ, der plân was vester anderswâ. Rosche Sabbins dort, diu houbtstat, den vierden ort begreif mit mûren unt ouch mit graben unt mit manegem turne hôhe erhaben. Des hers loschieren was getân wol mîlen lanc ûf den plân und ouch wol halber mîle breit. Artuses boten widerreit manec ritter in gar unbekant, Turkopele, manec sarjant zîser unt mit lanzen. dar nâch begunde swanzen under maneger baniere manec grôziu rotte schiere. von busînen was dâ krach. daz her man gar sich regen sach; si wolden an den zîten gein Joflanze rîten. Von vrouwen zoumen klingâ klinc, des künec Gramoflanzes rinc

*m wan dâ was niht wan sie. wolt ir nû hœren vürbaz, wie an den selben stunden Artuses boten vunden den künic Gramolanzen mit her? ûf einem plân bî dem mer: einhalp vlôz der Sabins, anderhalp der Poinzaclins; diu zwei wazzer swebten dâ, der plân was vester anderswâ. Rosche Sabins dort, diu houbtstat, den vierden ort begreif mit mûren und graben und manigen hôhen turn erhaben. des hers loschieren wart getân wol mîlen lanc ûf dem plân und wol halber mîle breit. Artuses boten widerreit manic ritter in gar unerkant, turkopel, manic sarjant zîser und mit lanzen. dar nâch begunde swanzen under manic banier manic grôziu rotte schier. von busûnen was dâ krach. daz her man sich regen sach; si wolten an den zîten gegen Joflanze rîten. von vrowen zoume klingâ klinc, des künic Gramolanzes rinc

*G Dâne was niemen, der schiede sie. welt ir nû hœren vürbaz, wie an den selben stunden Artuses boten vunden den künic Gramoflanz mit her? ûf dem plâne bî dem mer: einhalp vlôz der Sabins unde anderhalp der Poinsaclins; diu zwei wazzer vluzzen dâ, der plân ist vester anderswâ. Roisabins dort, diu houbetstat, den fieren ort begreif mit mûren unde mit graben unde manigen turn hôch erhaben. des hers loschieren was getân wol mîle lanc ûf den plân unde ouch wol halber mîle breit. Artuses boten widerreit manic rîter unbekant, turkopel unde manic sarjant zuo îser unde mit lanzen. dâr begunden swanzen under maniger baniere manic grôziu rote schiere. von busûne was dâ krach. daz her man sich gar regen sach; die wolden an den zîten gein Tschofflanze rîten. von vrouwen zoumen klingâ klinc, des künic Gramoflanzes rinc

*T Dân was nieman dan sie. wolt ir nû vürbaz hœren, wie an den selben stunden Artuses boten vunden den künec Gramoflanz mit her? ûf dem plân bî dem mer: einhalp vlôz der Sabins und anderhalp der Poynzaclins; diu zwei wazzer vluzzen dâ, der plân was vester anderswâ. Roitschesabins dort, diu houbetstat, den werden ort begreif mit mûren und mit graben und manegen turn hôch erhaben. des heres loschieren was getân wol mîlen lanc ûf dem plân und ouch wol halber mîlen breit. Artuses boten widerreit manec rîter unbekant, turkopel und manec sarjant zuo îsene und mit lanzen. die begunden swanzen under maneger baniere, manegiu grôze rote schiere. von busînen was dâ krach. daz her man sich gar regen sach; die wolten an den zîten gein Tschoflanze rîten. von vrouwen zoume klingâ klinc, des küneges Gramoflanzes rinc