*D In sîne herberge reit maneger, dem von herzen leit was sîn langez ûz wesen. nû was ouch Keie genesen bî dem Plimizœl der tjoste; der prüevete Gawans koste. er sprach: "mînes hêrren swâger Lot, von dem was uns dehein nôt ebenhiuzen noch sunderringes." dô dâhter noch des dinges, wand in Gawan dort niht rach, dâ im sîn zeswer arm zerbrach. "got mit den liuten wunder tuot: wer gap Gawane die vrouwen luot?" Sus sprach Keie in sîme schimpf; daz was gein vriwende ein swach gelimpf. Der getriwe ist vriwendes êren vrô; der ungetriwe 'wâfenô' rüefet, swenne ein liep geschiht sînem vriwende unt er daz siht. Gawan pflac sælde unt êre. gert iemen vürbaz mêre, war wil der mit gedanken? sô sint die muotes kranken gîtes und hazzes vol, sô tuot dem ellenthaften wol, swâ sînes vriwentes prîs gestêt, daz schande vlühtec von im gêt. Gawan âne valschen haz manlîcher triwen nie vergaz.

*m In Gawans herberge reit maniger, dem von herzen leit was sîn langez ûz wesen. nû was ouch Keie genesen bî dem Plimizol der juste; der prîset Gawanes kuste. er sprach: "mînes hêrren swâger Lot, von dem was uns dekein nôt †ebenhitz† noch sunders ringes." dô gedâhte er noch des dinges, daz in Gawan dort niht rach, dô im sîn zesewer arm zerbrach. "got mit den liuten wunder tuot: wer gap Gawan die vrowen luot?" sus sprach Keie in sînem schimpf; daz was gegen vriunde ein swach gelimpf. der getriuwe ist vriundes êren vrô; der ungetriuwe 'wâfenô' rüeft, wan eim liep beschiht, sînem vriunde, und er daz siht. Gawan pflac sælde und êre. gert ieman vürbaz mêre, war wil der mit gedanken? sô sint die muotes kranken gîtes und hazzes vol, sô tuot dem ellenthaften wol, wâ sînes vriundes prîs gestât, daz schande vlühtic von im gât. Gawan âne valschen haz manlîcher triuwen nie vergaz.

*G An sîne herberge reit maniger, dem von herzen leit was sîn langez ûz wesen. nû was ouch Kay wol genesen bî dem Blimzol der tjost; der brüevet Gawans kost. er sprach: "mînes hêrren swâger Lot, von dem was uns dehein nôt ebenhiuze unde sunderringes." dô dâhter noch des dinges, wan in Gawan dort niht rach, dô im sîn zeswer arm zerbrach. "got mit den liuten wunder tuot: wer gab Gawan die vrouwen luot?", sprach Kay in sînem schimpf; daz was gein vriunde ein swacher gelimpf. der getriwe ist vriundes êren vrô; der ungetriwe 'wâfenô' ruofet, swenne im lieb geschiht, sînem vriunde, unde er daz siht. Gawan pflac sælde unde êre. gert iemen vürbaz mêre, war wil der mit gedanken? sô sint die muotes kranken nîdes unde hazzes vol, sô tuot dem ellenthaften wol, swaz sînes vriundes strît gestêt, daz schande vlühtic von im gêt. sît Gawan âne valschen haz stæte mit triwen nie vergaz,

*T in sîne herberge reit maneger, dem von herzen leit was sîn langez ûzen wesen. nû was ouch Keye genesen bî dem Plymizol der tjost; der pruofte Gawanes kost. er sprach: "mînes hêrren swâger Lot, von dem was uns kein nôt ebenhiuze und sunderringes." dô gedâht er doch des dinges, daz in Gawan dort niht rach, dô im sîn zeswer arm brach. "got mit den liuten wunder tuot: wer gap Gawane der vrouwen luot?", sprach Key in sînem schimpf; daz was gên vreude ein swacher gelimpf. der getriuwe ist vriundes êren vrô; der ungetriuwe 'wâfenô' rüefet, wan ein liebe geschiht sînen vriunden und er daz siht. Gawan pflac sælde und êre. gert ieman vürbaz mêre, war wil der mit gedanken? sô sîn die muotes kranken nîdes und hazzes vol, sô tuot dem ellenthaften wol, waz sînes vriundes strît gestêt, daz schande vlühtic von im gêt. Gawan âne valschen haz menlîcher triuwe niht vergaz.