*D Sît ir mich gesuochet hât, nû lêre iuch got ergetzens rât. in des helfe ir sît geriten, ob der hât mit mir gestriten, dâ wart ich âne wer bekant unt zer blôzen sîten an gerant. ob der noch strîtes gein mir gert, der wirt wol geendet âne swert." ZArtuse sprach dô Gawan: "waz rât irs, ob wir disen plân baz mit rîtern überlegen, sît wirz wol getuon megen? ich erwirbe wol an der herzogîn, daz die iwern ledec sulen sîn unt daz ir rîterschaft dâ her kumt mit manegem niwen sper." "Des volge ich", sprach Artus. diu herzogîn dô hin ze hûs sande nâch den werden. ich wæne, ûf der erden ie schœner samnunge wart. Gein herbergen sîner vart Gawan urloubes gerte, des in der künec gewerte. die man mit im komen sach, vuoren dan mit im an ir gemach. sîn herberge rîche stuont sô rîterlîche, daz si was kostebære unt der armüete lære.

*m sît ir mich gesuochet hât, nû lêre iuch got ergetzens rât, wan in des helfe ir sît geriten, ob er het mit mir gestriten, dâ wart ich âne wer bekant und zer blôzen sîten an gerant. ob er noch strîtes an mich gert, der wirt wol geendet âne swert." zuo Artuse sprach dô Gawan: "waz râtet ir, ob wir den plân baz mit rittern überlegen, sît wirz wol getuon megen? ich erwirbe wol an der herzogîn, daz die iuwern ledic sullent sîn und daz ir ritterschaft dâ her kumt mit manigem niuwen sper." "des volge ich dir", sprach Artus. diu herzogîn dô hin zuo ir hûs sante nâch den werden. ich wæne, ûf der erden ie schœner samenunge wart. gegen sîner herbergen vart Gawan urloubes gert, des in der künic wert. die man mit im komen sach, vuoren dan mit im an sîn gemach. sîn herberge rîche stuont sô ritterlîche, daz si was kostbære und grôzer armuot lære.

*G Sît ir mich gesuochet hât, sô lêre iuch got ergetzens rât. in des helfe ir sît geriten, op der hât mit mir gestriten, dô wart ich âne wer erkant unde ze der blôzen sîten an gerant. op der noch strîtes ane mich gert, der wirt wol geendet âne swert." ze Artus sprach dô Gawan: "waz râtet irs, ob wir disen plân baz mit rîtern überlegen, sît wirz wol getuon megen? ich erwirbez wol dâ zer herzogîn, daz die iwern sulen ledic sîn unde daz ir rîterschaft dâ her kumt mit manigem niwen sper." "des volge ich", sprach Artus. diu herzogîn dô hin ze ir hûs sande nâch den werden. ich wæne, ûf der erden nie schœner samenunge wart. gein herbergen sîner vart Gawan urloubes gerte, des in der künic gewerte. die man mit im komen sach, vuoren dan mit im an ir gemach. sîn herberge rîche stuont sô rîterlîche, daz si was kostebære, der armüete lære.

*T sît ir mich besuochet hât, nû lêr iuch got ergetzens rât. in des helfe ir sît geriten, ob der hât mit mir gestriten, dô wart ich âne were erkant und zuor blôzen sîten an gerant. ob der noch strîtes an mich gert, der wirt wol geendet âne swert." zuo Artus sprach dô Gawan: "waz rât ir, ob wir disen plân baz mit rittern überlegen, sît wirz wol getuon megen? ich erwirb ez wol dâ zuor herzogîn, daz die iuweren ledic sollen sîn und daz ir ritterschaft dâ her kumt mit manegem niuwen sper." "des volge ich", sprach Artus. diu herzogîn dô hin zuo ir hûs sant nâch den werden. ich wæne, ûf der erden nie schœner samenunge wart. gên herberge sîner vart Gawan urloubes gerte, des in der künic gewerte. die man mit im komen sach, vuoren dan mit im an ir gemach. sîn herberge rîche stuont sô ritterlîche, daz si was kostebære und der armuot lære.