*D Ir möhtz einer witwen wol tuon." Artus sprach: "dîner muomen sun, Gaherjeten, si dort hât unt Garelen, der rîters tât in manegem poynder worhte. mir wart der unervorhte an mîner sîten genomen. ein unser poynder was sô komen mit hurte unz an ir barbigân. hurtâ, wie ez dâ wart getân von dem werden Melianze von Liz! under eine baniere wîz ist er hin ûf gevangen. diu baniere hât enpfangen von zobele ein swarze strâle mit herzen bluotes mâle, nâch mannes kumber gevar. ›Lirivoyn' rief al diu schar, die under der durch strîten riten; die hânt den prîs hin ûf erstriten. mir ist ouch mîn neve Jofreit hin ûf gevangen, deist mir leit. diu nâchhuote was gestern mîn; dâ von gedêch mir dirre pîn." Der künec sînes schaden vil verjach. diu herzogîn mit zühten sprach: "hêrre, ich sage iuch des lasters buoz. ir enhet mîn decheinen gruoz, ir mugt mir schaden hân getân, den ich doch ungedienet hân.

*m ir möht daz einer witwen wol tuon." Artus sprach: "dîner muomen sun, Gaherieten, si dort hât und Garellen, der ritters tât in manigem poinder worhte. mir wart der unervorhte an mîner sîten genomen. ein unser ponder was sô komen mit hurte unz an ir barbigân. hurtâ, wie ez dâ wart getân von dem werden Melianzen von Liz! under einer banier wîz ist er hin ûf gevangen. diu banier het enpfangen von zobele ein swarze strâl mit herzen bluotes mâl, mit mannes kumber gevar. ›Lirwoin' rief alliu diu schar, die under der durch strîten riten; die hânt den prîs hin ûf erstriten. mir ist ouch mîn neve Jofreit hin ûf gevangen, daz ist mir leit. diu nâchhuote was gestern mîn; dâ von gedêch mir diser pîn." der künic sînes schaden vil verjach. diu herzogîn mit zühten sprach: "hêrre, ich sage iuch des lasters buoz. ir hetet mîn dekeinen gruoz, ir moget mir schaden hân getân, den ich doch ungedienet hân.

*G Ir möht ez einer witwen wol tuon." Artus sprach: "dîner muomen sun, Gahareten, si dort hât unde Gareln, der rîters tât in manigem poynder worhte. mir wart der unervorhte gevangen, sus ist ez komen. ein langer poynder was sô genomen mit hurte unze an ir barbigân. nutâ, wie ez dâ wart getân von dem werden Melianze von Liz! under einer baniere wîz ist er hin ûf gevangen. die banier het enpfangen von zobel ein swarziu strâle mit herzebluotes mâle, nâch mannes kumber gevar. ›Logroys' rief al diu schar, die drunder durch strîten riten; die hânt den strît hin ûf erstriten. mir ist ouch mîn neve Jofreit hin ûf gevangen, daz ist mir leit. diu nâchhuote was gester mîn; dâ von gedêch mir dirre pîn." der künic sînes schaden vil verjach. diu herzogîn mit zühten sprach: "hêrre, ich sage iuch des lasters buoz. irn het mîn deheinen gruoz, ir muget mir schaden hân getân, den ich doch ungedienet hân.

*T ir möhtz einer witwen wol tuon." Artus sprach: "dîner muomen sun, Gaherieten, si dort hât und Gareln, der ritters tât in manegem poynder worhte. mir wart der unervorhte an mîner sîten genomen. ein unser poynder was sô komen mit hurte unz an ir barbigân. hurte, wie ez dâ wart getân von dem werden Melyanze von Liz! under einer banier wîz ist er hin ûf gevangen. die banier hât enpfangen von zobel ein swarziu strâle mit herzebluotes mâle, nâch mannes kumber gevar. ›Lyravoyn' rief al diu schar, die drunder durch strîte riten; die habent den strît hin ûf erstriten. mir ist ouch mîn neve Jofreit hin ûf gevangen, daz ist mir leit. diu nâchhuote was gester mîn; dâ von gedêch mir disiu pîn." der künic sînes schaden vil verjach. diu herzogîn mit zühten sprach: "hêrre, ich sag iuch des lasters buoz. ir enhet mîn keinen gruoz, ir mogt mir schaden hân getân, den ich doch ungedienet hân.