*D hie sint die Waleise, daz si behabent ir reise durch den poinder, swâ sis gernt. von der kraft ir landes si des wernt. hie ist manec ritter durch diu wîp, des niht erkennen mac mîn lîp. al die ich hie benennet hân, wir ligen mit wârheit sunder wân mit grôzer vuore in der stat, als uns diu küneginne bat. Ich sage dir, wer ze velde ligt, die unser wer vil ringe wigt: der werde künec von Ascalun unt der stolze künec von Arragun, Cidegast von Logroys unt der künec von Punturtoys, der heizet Brandelidelin. dâ ist ouch der küene Læhelin. dâ ist Morholt von Yrlant, der brichet ab uns beidiu pfant. Dâ ligent ûf dem plâne die stolzen Alemane. der herzoge von Brabant ist gestrichen in ditze lant durch den künec Hardizen. sîne swester Alizen gap im der künec von Gascon. sîn dienest hât vor enpfangen lôn. Die sint mit zorne hie gein mir. nû sol ich wol getriwen dir.

*m hie sint die Waleise, daz si behabent ir reise durch die poinder, wâ si es gernt. von der kraft ir landes si des wernt. hie ist manic ritter durch diu wîp, des niht erkennen mac mîn lîp. al die ich hie benennet hân, wir ligen mit wârheit sunder wân mit grôzer vuore in der stat, als uns diu künigîn bat. ich sage dir, wer ze velde liget, die unser wer vil ringe wiget: der werde künic von Ascalun und der stolze künic von Aragun, Zidegast de Logrois und der künic von Ponturtois, der herzoge Brandelidelin. dâ ist ouch der küene Lehelin. dâ ist Morolt von Irlant, der brichet ab uns gæben pfant. dâ ligent ûf dem plâne die stolzen Alemane. der herzoge von Brabant ist gestrichen in diz lant durch den künic Hardizen. sîne swester Alizen gap ime der künic von Gascon. sîn dienst hât vor enpfangen lôn. die sint mit zorne hie gegen mir. nû sol ich wol getriuwen dir.

*G hie sint die Waleise, daz si behabent die reise durch den ponder, swâ sis gernt. von der kraft ir landes si des wernt. hie ist manic rîter durch diu wîp, des niht erkennen mac mîn lîp, wan die ich dir benennet hân. wir ligen mit wârheit sunder wân mit grôzer vuore in der stat, als uns diu küniginne bat. ich sage dir, wer ze velde liget, die unser strît vil ringe wiget: der werde künic von Aschalun unt der vreche künic von Arragun. dâ ist Zidegast von Orileis unt der künic von Ponturteis, der heizet Brandelidelin. hie ist der küene Lehelin. Dâ ist Morolt von Yrlant, der brichet abe uns gæbiu pfant. hie ligent ûf der plânje die stolzen Almanje. der herzoge von Brabant, der ist gestrichen in diz lant durch den künic Hardizen. sîne swester Alizen gap im der künic von Gascon. sîn dienst hât vor enpfangen lôn. die sint mit zorne hie gein mir. nû sol ich wol getrûwen dir.

*T hie hânt die Waleise durch si behabet ir reise durch den poynder, wâ si es gernt. von ir kraft ir landes si des wernt. hie ist manec ritter durch diu wîp, der niht erkennen kan mîn lîp, wan die ich dir hie genennet hân. wir ligen mit wârheit sunder wân mit grôzer vuore in der stat, als uns diu küneginne bat. ich sage dir, wer zuo velde liget, den unser vuore vil ringe wiget: der werde künec von Ascalun und der vreche künec von Arragun. hie ist Cydegast von Logroys und der künec von Puntertoys, der heizet Brandelidelin, hie ist ouch der küene Lehelin. hie ist Morolt von Irlant, der brichet uns abe gæbiu pfant. hie ligent ûf dem plâne die stolzen Alamane. der herzoge von Brabant ist gestrichen in diz lant durch den künec Hardysen. sîne swester Alysen gab im der künec von Gasgon. sîn dienst hât vor entvangen lôn. si sint mit zorne gein mir. nû sol ich wol getrûwen dir.