*D Ê siz selbe sehen mohte. er warp, als ez im tohte, unt schuof ouch sîne reise gein Artuse dem Berteneise mit tiuren gezelten. niemen dâ moht engelten, ob er im was unerkant; des milten Gawans hant begunde in sô mit willen geben, als er niht langer wolde leben. Sarjande, rîter, vrouwen muosen enpfâhen unt schouwen sîne gâbe sô grôzlîche, daz si sprâchen al gelîche, in wære diu wâre hilfe komen. dô wart ouch vreude an in vernomen. Dô hiez gewinnen der degen wert starke soumære, schœniu vrouwen pfert unt harnasch al der rîterschaft. sarjande zîser grôze kraft al dâ bereit wâren. dô kunder sus gebâren: Dô nam mîn hêr Gawan vier werde rîter sunder dan, daz einer kamerære unt der ander schenke wære unt der dritte truhsæze unt daz der vierde niht vergæze, er enwære marschalc. sus warb er, dise viere leisten sîne ger.

*m ê si ez selbe sehen mohte. er warp, als ez im tohte, und schuof ouch sîn reise gegen Artuse Brituneise mit tiuren gezelten. nieman dâ mohte engelten, ob er im was unerkant; des milten Gawanes hant begunde in sô mit willen geben, als er niht langer wolte leben. sarjande, ritter, vrouwen muosten enpfâhen und schouwen sîn gâbe sô grôzlîche, daz si sprâchen algelîche, in wære diu wâre helfe komen. dô wart ouch vröude an in vernomen. ouch hiez gewinnen der degen wert starke soumære, schœniu pfert und harnasch alder ritterschaft. sarjande zîser grôze kraft aldâ bereit wâren. dô kunde er sus gebâren: der werde, wîse Gawan, er nam vier rîter herdan, daz einer kamerære und der ander schenke wære, der dritte truhsæze und daz der vierde niht vergæze, er wær marschalc. sus warp er, die viere leisten sîne ger.

*G Ê siz selbe sehen mohte. er warb, als ez im tohte, unde schuof ouch sîne reise gein Artuse dem Britaneise mit tiuren gezelten. niemen mohte engelten, ob er im was unbekant; des milten Gawans hant begunde sô mit willen geben, als er niht langer wolde leben. sarjande, rîter unde vrouwen muosen enpfâhen unde schouwen sîne gâbe sô grôzlîche, daz si sprâchen alglîche, in wære diu wâre helfe komen. nû wart ouch vröude an in vernomen. nû hiez gewinnen der degen wert starke soumære, schœniu pfert unde harnasch alder rîterschaft. sarjande ze îser grôze kraft al dâ bereit wâren. dô kunder sô gebâren: dô nam mîn hêr Gawan vier werde rîter sunder dan, daz einer kamerære unde der ander schenke wære unde der dritte truhsæze unde der vierde niht vergæze, erne wære marschalc. sus warb er, die viere wurben sîne ger.

*T ê siz selber sehen mohte. er warp, als ez im tohte, und schuof ouch sîn reise gên Artus dem Brituneise mit tiuren gezelten. nieman mohte engelten, ob er im was unbekant; des milten Gawans hant begunde sô mit willen geben, als er niht lenger wolte leben. sarjande, ritter und vrouwen muosten enpfâhen und schouwen sîne gâbe sô grôzlîche, daz si sprâchen alle glîche, in wære diu wâre helfe komen. nû wart ouch vreude an in vernomen. dô hiez gewinnen der degen wert starke soumære, schœniu pfert, die harnasch al der ritterschaft. sarjande zuo îser grôze kraft aldâ bereit wâren. dô kund er sô gebâren: dô nam mîn hêr Gawan vier werder ritter sunder dan, daz einer kamerære und der ander schenke wære, der dritte truhsæze und der vierde niht vergæze, er wære marschalc. sus warp er, die viere leisten sîne ger.