*D si sagetenz in vür unbetrogen. dô begunden si an die brücke zogen, ander volc unt ouch die sîne. von dem liehten schîne, der von der künegîn erschein, zuckt im neben sich sîn bein. ûf regte sich der degen wert als ein vederspil, daz gert. diu herberge dûht in guot. alsô stuont des heldes muot. Si dolt ouch wol, diu wirtîn, von Waleis diu künegîn. Dô vriesch der künec von Spane, daz ûf der Leoplane stüende ein gezelt, daz Gahmurete durch des küenen Razaliges bete beleip vor Patelamunt. daz tet im ein riter kunt. dô vuor er springende als ein tier. er was der vreuden soldier. der selbe rîter aber sprach: "iwer muomen sun ich sach kumende, als er ê was, fier. ez sint hundert banier zuo eime schilde ûf grüene velt gestôzen vür sîn hôch gezelt. die sint ouch alle grüene. ouch hât der helt küene Drî hermîn anker lieht gemâl ûf ieslîchen zindâl."

*m man sagete ez in vür unbetrogen. dô begunden si an die brücken zogen, ander volc und ouch daz sîne. von dem liehten schîne, der von der künigîn schein, dô zuckete er neben sich sîn bein. ûf rihtete sich der degen wert als ein vederspil, daz gert. diu herberge dûhte in guot. als dô stuont des heldes muot. si dolte ouch wol, diu wirtîn, von Waleis diu künigîn. Dô verhiez der künic von Spane, daz ûf der Loewe plane stüende ein gezelt, daz Gahmurete durch des küenen Razaliges bete bleip vor Patelamunt. daz tet im ein ritter kunt. dô vuor er springende als ein tier. er was der vrowen soldier. der selbe ritter aber sprach: "iuwer muomen sun ich sach komende, als er ie was, fier. ez sint wol hundert banier ze einem schilte ûf grüene velt gestôzen vür sîn hôch gezelt. die sint ouch alle grüene. ouch het der helt küene drîe hermîn anker lieht gemâl ûf ieglîchem zindâl."

*G si seitenz in vür ungelogen. dô begunden über die brücke zogen ander volc und die sîne. von dem liehten schîne, der von der küniginne schein, derzucte im neben sich sîn bein. ûf rihte sich der degen wert reht als ein vederspil, daz gert. diu herberge dûht in guot. alsô stuont des heldes muot. si dolt ouch wol, diu wirtîn, von Waleis diu künigîn. nû vriesch der künic von Spange, daz ûf der Lewen plange stüende ein gezelt, daz Gahmuret durch des küenen Razaliges bet beleip vor Patelamunt. daz tet im ein sîn rîter kunt. dô vuor er springende als ein tier. er was der vröuden soldier. der selbe rîter aber sprach: "iwer muomensun ich sach komen, als er ie was, fier. ez sint wol hundert banier gestôzen vür sîn hôch gezelt zuo einem schilte ûf grüene velt. die sint ouch alle grüene. ez hât der helt küene drî härmîn anker wol gemâl ûf iegelîchen zendâl."

*T man sagetez in vür ungelogen. dô begunden si über die brücke zogen, ander volc und die sîne. von dem liehten schîne, der von der küneginne schein, zucket im neben sich sîn bein. ûf rihte sich der degen wert rehte als ein vederspil, daz gert. diu herberge in dûhte harte guot. als dô stuont des heldes muot. si dolte ouch wol, diu wirtîn, von Waleis diu künigîn. Dô ervriesch der künec von Spanie, daz ûf der Lewe planie stuont ein gezelte, daz Gahmurete durch des küenen Razaliges bete bleip vor Patelamunt. daz tet im ein ritter kunt. dô vuor er springende als ein tier und was der vreuden soldier. der selbe ritter aber dô sprach: "iuwer muomen sun ich sach komen, als er ie was, fier. ez sint hundert banier gestecket vür sîn hôch gezelt zuo sîme schilte ûf grüenez velt. die sint alle grüene. ouch hât der helt küene drîe härmîn anker lieht gemâl ûf ieclîchem zindâl."