*D Nû begunde ouch strûchen der tac, daz sîn schîn vil nâch gelac unt daz man durch die wolken sach, des man der naht ze boten jach, manegen stern, der balde gienc, wander der naht herberge vienc. nâch der nahte baniere kom si selbe schiere. Manec tiuriu krône was gehangen schône al umbe ûf den palas, diu schiere wol bekerzet was. ûf al die tische sunder truoc man kerzen dar ein wunder. Dar zuo diu âventiure giht, diu herzoginne wære sô lieht, wære der kerzen keiniu brâht, dâ wære doch ninder bî ir naht. Man welle im unrehtes jehen, sô habt ir selten ê gesehen decheinen wirt sô vreuden rîch. ez was den vreuden dâ gelîch. alsus mit vreudehafter ger die rîter dar, die vrouwen her dicke an ein ander blicten. die von der vremde erschricten, werdents iemer heinlîcher baz, daz sol ich lâzen âne haz.

*m Nû begunde ouch strîchen der tac, daz sîn schîn vil nâhe lac und daz man durch die wolken sach, daz man der naht zuo boten jach, manigen sternen, der balde gienc, wan er der naht herberge vienc. nâch der banier kam si selbe schier. manic tiuriu krône was gehangen schône alumb ûf dem palas, diu schiere wol bekerzet was. ûf alle die tische sunder truoc man kerzen dar ein wunder. dar zuo diu âventiure giht, diu herzogîn wær sô lieht, wær der kerzen keiniu brâht, dâ wær doch nindert bî ir naht. ir blic wol selbe kunde tagen, sus hœre ich von der süezen sagen. man welle im unrehtes jehen, sô habent si selten ê gesehen dekeinen wirt sô vröuden rîch. ez was den vröuden sô gelîch. alsus mit vröudehafter ger die ritter dar, die vrowen her dicke an ein ander blicten. die von der vremde erschricten, werdent si iemer heimlîcher baz, daz sol ich lâzen âne haz.

*G Nû begunde ouch strûchen der tac, daz sîn schîn vil nâch gelac unde daz man durch diu wolken sach, des man der naht ze boten jach, manigen sternen, der vil balde gienc, wand er der naht herberge vienc. nâch der naht baniere kom si selbe schiere. manic tiuwer krône was gehangen schône al umbe ûf dem palas, diu schier wol gekerzet was. al ûf die tische sunder truoc man kerzen dar ein wunder. dar zuo diu âventiure giht, diu herzogîn wære sô lieht, wære der kerzen deheiniu brâht, dâne wære doch ninder bî ir naht. ir blic wol selbe kunde tagen, sus hôrt ich von der süezen sagen. man welle im unreht jehen, sô habet ir selten ê gesehen deheinen wirt sô vröuden rîch. ez was den vröuden dâ gelîch. alsus mit vröudehafter ger die rîter dâ, die vrouwen her dicke an ein ander blicten. die von vremede erschricten, werdent si immer heinlîch baz, daz sol ich lâzen âne haz.

*T Nû begunde ouch sîgen der tac, daz sîn schîn vil nâch gelac, daz man durch die wolken sach, daz man der naht zuo boten jach, manegen sternen, der balde gienc, wan er der naht herberge vienc. nâch der naht baniere kam si selbe schiere. manegiu tiuriu krône was gehangen schône al umb ûf dem palas, diu schiere wol gekerzet was. ûf alle die tische sunder truoc man kerzen dar ein wunder. dar zuo diu âventiure giht, diu herzoginne wære sô lieht, wære der kerzen dekeiniu brâht, dân wære doch niemer bî ir naht. ir blic wol selbe kunde tagen, sus hôrt ich von der süezen sagen. man enwolle im unreht jehen, sô hât ir selten ê gesehen dekeinen wirt sô vreuden rîch. ez was den vreuden dâ glîch. alsus mit vreudehafter ger die rîter dar, die vrouwen her dicke an ein ander blicten. die von der vremde erschricten, werdent si iemer heimelîch baz, daz sol ich lâzen âne haz.