*D Mîn kunst mir des niht halbes giht, ine bin solch küchen meister niht, daz ich die spîse kunne sagen, diu dâ mit zuht wart vür getragen. dem wirte unt den vrouwen gar dienden meide wol gevar. Anderhalp den rîtern an ir want, den diende manec sarjant. Ein vorhtlîch zuht si des betwanc, daz sich der knappen keiner dranc mit den juncvrouwen. man muoste si sunder schouwen, si trüegen spîse oder wîn; sus muosen si mit zühten sîn. Si mohten dô wol wirtschaft jehen. ez was in selten ê geschehen, den vrouwen unt der rîterschaft, sît si Clinschors kraft mit sînen listen überwant. si wâren ein ander unbekant unt beslôz si doch ein porte, daz si ze gegenworte nie kômen, vrouwen noch die man. Dô schuof mîn hêr Gawan, daz diz volc ein ander sach, dâr an in liebes vil geschach. Gawane was ouch liep geschehen, doch muoser tougenlîchen sehen an die clâren herzoginne; diu twanc sînes herzen sinne.

*m mîn kunst mir des niht halben giht, ich bin solich küchen meister niht, daz ich die spîse kunne sagen, diu dâ mit zuht wart vür getragen. dem wirt und den vrowen gar dienden megde wol gevar. anderhalp den rittern an der want diende manic sarjant. ein vorhtlîch zuht si des betwanc, daz sich der knappen keiner dranc mit den juncvrouwen. man muoste si sunder schouwen, si trüegen spîse oder wîn; sus muosten si mit zühten sîn. si mohten dô wol wirtschaft jehen. ez was in selten ê beschehen, den vrowen und der ritterschaft, sît si Clinsors kraft mit sînen listen überwant. si wâren ein ander unbekant und beslôz si doch ein porte, daz si ze gegenworte nie kômen, vrowen und die man. dô schuof mîn hêr Gawan, daz diz volc ein ander sach, dâr an in liebes vil beschach. Gawan was ouch liep beschehen, doch muost er tugentlîchen sehen an die clâren herzoginne; diu twanc sînes herzen minne.

*G Mîn kunst mir des niht halbes giht, ich enbin solch küchen meister niht, daz ich die spîse kunne sagen, diu dâ mit zühten wart vür getragen. dem wirte unde den vrouwen gar dienden meide wol gevar. anderhalben den rîtern an der want diende manic sarjant. ein wertlîch zuht si des betwanc, daz der knappen deheiner dranc mit den juncvrouwen. man muose si sunder schouwen, si trüegen spîse oder wîn; sus muosen si mit zühten sîn. si mohten dâ wol wirtschaft jehen. ez ist selten ê geschehen den vrouwen unde der rîterschaft, sît daz si Clinsors kraft mit sînen listen überwant. si wâren ein ander unbekant unde beslôz si doch ein borte, daz si ze gegenworte nie kômen, vrouwen noch die man. dô schuof mîn hêrre Gawan, daz diz volc ein ander sach, dâr an in liebes vil geschach. Gawan was ouch liep geschehen, doch muos er tougenlîchen sehen an die clâren herzogîn; diu twanc sînes herzen sin.

*T mîne kunst mir des niht halbez giht, ich enbin solicher küchen meister niht, daz ich die spîse kunne gesagen, diu dâ mit zuht wart vür getragen. dem wirte und den vrouwen gar dieneten megde wol gevar. anderhalp den rîtern an ir want dienete manec sarjant. eine volleclîchiu zuht si des twanc, daz der knappen dekeiner tranc mit den juncvrouwen. man muose si sunder schouwen, si trüegen spîse oder wîn; sus muosen si mit zühten sîn. si mohten dô wol wirtschaft jehen. ez was in selten ê geschehen, den vrouwen und der rîterschaft, sît si Clynsors kraft mit sînen listen überwant. si wâren ein ander unbekant und beslôz si doch eine porte, daz si zuo gegenworte nie kâmen, vrouwen noch die man. dô schuof mîn hêr Gawan, daz daz volc ein ander sach, dâ in liebes vil geschach. Gawan was ouch liebe geschehen, doch muos er tugentlîche sehen an die clâren herzoginne; des twanc in sînes herzen sinne.