*D Dô sprach si: "hêrre, ich sihe nû wol, ob ich sô vor iu sprechen sol, daz ir von im rîtet, nâch dem mîn herze strîtet. ob ir der zuht ir reht nû tuot, hêrre, diu lêrt iuch helenden muot. Disiu gâbe ist mir ouch ê gesant von des werden küneges hant. von im sagt wâr diz vingerlîn, er enpfiengez von der hende mîn. swaz er kumbers ie gewan, dâ bin ich gar unschuldec an, wan sînen lîp hân ich gewert mit gedanken, swes er an mich gert. er hete schiere daz vernomen, möht ich iemer vürbaz komen. Orgelusen ich geküsset hân, diu sînen tôt sus werben kan. daz was ein kus, den Judas truoc, dâ von man sprichet noch genuoc. Elliu triwe an mir verswant, daz der Turkote Florant unt der herzoge von Gowerzin von mir geküsset solden sîn. mîn suone wirt in doch nimmer ganz, die gein dem künege Gramoflanz mit stæte ir hazzen kunnen tragen. mîne muoter sult ir daz verdagen unt mîne swester Cundrie." des bat Gawan Itonje.

*m dô sprach si: "hêrre, ich sihe nû wol, ob ich sô vor iu sprechen sol, daz ir von im rîtet, nâch dem mîn herz strîtet. ob ir der zuht ir reht nû tuot, hêrre, diu lêret iuch helden muot. disiu gâbe ist mir ie gesant von des werden küniges hant. von im seite wâr diz vingerlîn, er enpfienc ez von der hende mîn. waz er kumbers ie gewan, dâ bin ich gar unschuldic an, wan sînen lîp hân ich gewert mit gedanken, waz er an mich gert. er het schier daz vernomen, möhte ich iemer vürbaz komen. Urgelusen ich geküsset hân, diu sînen tôt sus werben kan. daz was ein kus, den Judas truoc, dâ von man sprichet noch genuoc. alliu triuwe an mir verswant, daz der Turkoite Florant und der herzoge von Gowertzin von mir geküsset solte sîn. mîn suone wirt in doch nimmer ganz, die gegen dem künige Gramolanz mit stæte ir hazzen kunnen tragen. mîn muoter ir daz solt verdagen und mîn swester Condrie." des bat Gawanen Ithonie.

*G dô sprach si: "hêrre, ich sih nû wol, ob ich sô vor iu sprechen sol, daz ir von im rîtet, nâch dem mîn herze strîtet. obe ir der zühte nû ir rehte tuot, hêrre, diu lêrt iuch helenden muot. disiu gâbe ist mir ouch ê gesant von des werden küniges hant. von im saget wâr diz vingerlîn, er enpfienc ez von der hende mîn. swaz er kumbers ie gewan, dâ bin ich gar unschuldic an, wan sînen lîp hân ich gewert mit gedanken, swes er an mich gert. er het schier daz vernomen, möht ich immer vürbaz komen. Orgelusen ich geküsset hân, diu sînen tôt sus werben kan. daz was ein kus, den Judas truoc, dâ von man sprichet noch genuoc. elliu triuwe an mir verswant, daz der Turkoite Florant unde der herzoge von Gowerzin von mir geküsset solde sîn. mîn suone wirt in doch nimmer ganz, die gein dem künige Gramoflanz mit stæte ir hazzen kunnen tragen. mîne muoter sult ir daz verdagen unde mîn swester Gundrie." des bat Gawan Itonie.

*T dô sprach si: "hêrre, ich sihe nû wol, ob ich sô vor iu sprechen sol, daz ir von im rîtet, nâch dem mîn herze strîtet. ob ir der zuht ir reht nû tuot, hêrre, diu lêret iuch helnden muot. disiu gâbe ist mir ouch ê gesant von des werden küneges hant. von im seit wâr diz vingerlîn, er entviengez von der hende mîn. waz ich kumbers ie gewan, dâ bin ich gar unschuldic an, wan sînen lîp hân ich gewert mit gedanke, wes er an mich gert. er hete schiere daz vernomen, möht ich iemer vürbaz komen. Orgelusen ich geküsset hân, diu sînen tôt sus werben kan. daz was ein kus, den Judas truoc, dâ von man sprichet noch genuoc. alliu triuwe an mir verswant, daz der Turkoyte Florant und der herzoge von Gowerzin von mir geküsset solte sîn. minne in wirt doch niemer ganz, die gein dem künege Gramoflanz mit stæte ir hazzen kunnen tragen. mîner muoter solt ir daz verdagen und mîne swester Kuondrie." des bat Gawan Itonie.