*D Clinschor ist höfsch und wîs. der erloubte mir durch sînen prîs von mîner messenîe erkant rîterscaft über al sîn lant mit manegem stiche und slage. die ganzen wochen, alle ir tage, al die wochen in dem jâr, sunder rote ich hân ze vâr, dise den tac unt jene die naht. mit koste ich schaden hân gedâht Gramoflanze, dem hôch gemuot. manegen strît er mit in tuot. waz bewart in ie dar unde? sînes verhes ich vâren kunde. Die wâren ze rîch in mînen solt, wart mir der decheiner anders holt, nâch minne ich manegen dienen liez, dem ich doch lônes niht gehiez. Mînen lîp gesach nie man, ine möhte wol sînen dienst hân, wan einer, der truoc wâpen rôt. mîn gesinde er brâht in nôt; vür Logroys er kom geriten. dâ entworht er si mit solhen siten, sîn hant si nider streute, daz ich michs wênec vreute. zwischen Logroys und iwerm urvar mîner rîter im volgeten vünfe dar. die enschumpfiert er ûf dem plân und gap diu ors dem schifman.

*m Clinsor ist höfsch und wîs. der erloubt mir durch sînen prîs von mîner massenîe erkant ritterschaft über alliu sîn lant mit manigem stich und slage. die ganzen wochen, alle tage, alle die wochen in dem jâr, sunder rote ich hân zuo vâr, dise den tac und jene die naht. mit kost ich schaden hân gedâht Gramolanz, dem hôchgemuot. manigen strît er mit in †truoc†. waz bewart †† ie dar unde? sînes verhes ich vâren kunde. si wâren ze rîch in mînen solt, wart mir dekeiner anders holt, nâch minne ich manigen dienen liez, dem ich doch lônes niht gehiez. mînen lîp gesach nie man, ich möhte wol sînen dienst hân, wan einer, der truoc wâpen rôt. mîn gesinde er brâht in nôt; vür Logrois er kam geriten. dâ entworht er si mit solichem siten, sîn hant si nider ströuwet, daz ich michs wênic vröuwet. zwischen Logrois und iuwerm urvar mîner ritter im volgten vünf dar. die enschumpfierte †† ûf dem plân und gap diu ros dem schifman.

*G Clinsor ist hövesch unde wîs. der erloubet mir durch sînen prîs von mîner massenîe erkant rîterschaft über al sîn lant mit manigem stiche unde slage. die ganzen wochen, alle ir tage, al die wochen in dem jâre, sunder roten hân ich ze wâre, dise den tac, jene die naht. mit koste ich schaden hân gedâht Gramoflanz, deme hôch gemuot. manigen strît er mit mir tuot. waz bewart in ie drunde? sînes verhes ich vâren kunde. die wâren ze rîche in mînen solt, wart mir ir deheiner anders holt, nâch minne ich manegen dienen liez, dem ich doch lônes niht gehiez. mînen lîp gesach nie man, ich enmöht wol sînen dienst hân, wan einer, der treit wâpen rôt. mîn gesinde er brâhte in nôt; vür Logroys er kom geriten. dâ entworhte er si mit solhen siten, sîn hant si nider ströute, daz ich michs wênic vröute. zwischen Logroys unde iuwerm urvar mîner rîter volgeten im vünfe dar. die enschumpfierter ûf dem plân unde gap diu ors dem schifman.

*T Clynsor, hövesch und wîs, der erloubete mir durch sînen prîs von mîner massenîe erkant rîterschaft über al sîn lant mit manegem stiche und slage. die ganzen wochen, al ir tage, alle die wochen in dem jâre, sunder roten ich hân zwâre, dise den tac, jene die naht. mit kost ich schaden hân gedâht Gramoflanz, dem hôch gemuot. manegen strît er mit in tuot. waz bewart in ie drunde? sînes verhes ich vâren kunde. die wâren zuo rîche in mînen solt, wart mir dekeiner anders holt, nâch minne ich manegen dienen liez, dem ich doch lônes niht gehiez. mînen lîp gesach nie man, ich möhte wol ir dienst hân, wan einer, der truoc wâpen rôt. mîn gesinde er brâhte in nôt; vür Logrois er kam geriten. dâ entworhter si mit solichen siten, sîn hant si nider streute, des ich mich wênic vreute. zwischen Logrois und iuwerm urvar mîner rîter im volgeten vünfe dar. die enschumpfiereter ûf dem plân und gap diu ors dem schifman.