*D inz herze, dâ diu vreude lac, dô ich Cidegastes minne pflac. Ine bin sô niht verdorben, ine habe doch sît geworben des küneges schaden mit koste unt manege scherpfe tjoste gein sîme verhe gevrumt. waz, ob mir an iu helfe kumt, diu mich richet unt ergetzet, daz mir jâmer ze herze wetzet? Ûf Gramoflanzes tôt enpfieng ich dienst, daz mir bôt ein künec, ders wunsches hêrre was. hêrre, der heizet Anfortas. durch minne ich nam von sîner hant von Thabronit daz krâmgewant, daz noch vor iwerer porten stêt, dâ tiwerz gelten gegen gêt. Der künec in mîme dienste erwarp, dâ von mîn vreude gar verdarp. dô ich in minne solte wern, dô muos ich niwes jâmers gern. In mîme dienste erwarb er sêr. glîchen jâmer oder mêr, als Cidegast geben kunde, gab mir Anfortases wunde. Nû jeht, wie solt ich armez wîp, sît ich hân getriwen lîp, al solher nôt bî sinne sîn? etswenne sich krenket ouch der mîn,

*m in daz herz, dâ diu vröude lac, dô ich Zidegastes minne pflac. ich bin sô niht verdorben, ich hab doch sît erworben des küniges schaden mit koste und manige scharpfe joste gegen sînem verhe gevromt. waz, ob mir an iu helfe komt, diu mich richet und ergetzet, daz mir jâmerz herze wetzet? ûf Gramolanzes tôt enpfienc ich dienst, daz mir bôt ein künic, der des wunsches hêrre was. hêrre, der heizet Anfortas. durch minne ich nam von sîner hant von Tabronit daz krâmgewant, daz noch vor iuwer porte stât, dâ dir daz golt engegen gât. der künic in minnen dienst erwarp, dâ von mîn vröude gar verdarp. dô ich in minne solte wern, dô muost ich niuwes jâmers gern. in mînem dienst erwarp er sêr. glîchen jâmer oder mêr, alsô Zidegast geben kunde, gap mir Anfortases wunde. nû jeht, wie solt ich armez wîp, sît ich hân getriuwen lîp, alsolicher nôt bî sinne sîn? etwen sich krenket ouch der mîn,

*G inz herze, dâ diu vröude lac, dô ich Zidegastes pflac. ich enbin sô niht verdorben, ich enhabe doch sît geworben des küniges schaden mit koste unde manige scharpfe tjoste gein sînem verhe gevrumet. waz, ob mir helfe von iu kumet, diu mich richet unde ergetzet, daz mir †jâmers† herze wetzet? ûf Gramoflanzes tôt enpfieng ich dienest. daz bôt ein künic, der wunsches hêrre was. hêrre, der hiez Anfortas. durch minne nam ich von sîner hant von Tabrunit daz krâmgewant, daz noch vor iuwerre porten stêt, dâ tiefez gelt engegen gêt. Der künic in mînem dienst erwarp, dâ von mîn vröude gar verdarp. dô ich in minne solde wern, dô muos ich niuwes jâmers gern. in mînem dienste erwarp er sêr. gelîchen jâmer oder mêr, als Zidegast geben kunde, gab mir Anfortases wunde. nû jehet, wie solde ich armez wîp, sît ich hân getriuwen lîp, al solher nôt bî sinnen sîn? etswenne sich krenket ouch der mîn,

*T in sîn herze, dâ diu vreude lac, dô ich Cydegastes minne pflac. ich enbin sô niht verdorben, ich hân doch sît geworben des küneges schaden mit koste und manege scharpfe joste gein sîme verhe gevrumt. waz, ob mir helfe von iu kumt, diu mich richet und ergetzet, daz mir jâmer daz herze wetzet? ûf Gramoflanzes tôt entvienc ich dienst. den bôt ein künec, der wunsches hêrre was. hêrre, der hiez Anfortas. durch minne ich nam von sîner hant von Tabrunit daz krâmgewant, daz noch vor iuwer porten stêt, dâ tiurez gelt engein gêt. der künec in mîme dienste erwarp, dâ von sîn wirde gar verdarp. dô ich in minne solte wern, dô muost ich niuwes jâmers gern. in mîme dienste erwarb er sêre. glîchen jâmer oder mêre, als Cydegaste geben kunde, gap mir Anfortasses wunde. nû sehet, wie solt ich armez wîp, sît ich hân getriuwen lîp, von solicher nôt bî sinnen sîn? etswanne sich krenket ouch der mîn,