*D Hêrre, ob ich iu leide sprach, von den schulden daz geschach, daz ich versuochen wolde, ob ich iu minne solde bieten durch iwer werdecheit. ich weiz wol, hêrre, ich sprach iu leit; daz was durch ein versuochen. nû sult ir des geruochen, daz ir zorn verlieset unt gar ûf mich verkieset. Ir sîtz, der ellens rîche. dem golde ich iuch gelîche, daz man liutert in der gluot. als ist geliutert iwer muot. dem ich iuch ze schaden brâhte, als ich denke unt dô gedâhte, der hât mir herzeleit getân." Dô sprach mîn hêr Gawan: "vrouwe, es enwende mich der tôt, ich lêre den künec sölhe nôt, diu sîne hôchvart letzet. mîne triwe ich hân versetzet gein im ûf kampf ze rîten in kurzlîchen zîten; dâ sule wir manheit urborn. Vrouwe, ich hân ûf iuch verkorn. ob ir iu mînen tumben rât durch zuht niht versmâhen lât, ich riet iu wîplîch êre unt werdecheite lêre.

*m hêrre, ob ich iu leide sprach, von den schulden daz geschach, daz ich versuochen wolte, ob ich iu minne solte bieten durch iuwer wirdicheit. ich weiz wol, hêrre, ich sprach iu leit; daz was durch ein versuochen. nû solt ir des geruochen, daz ir zorn verlieset und mir daz verkieset. ir sît der ellens rîche. dem golde ich iuch gelîche, daz man liutert in der gluot. alsô ist geliutert iuwer muot. dem ich iuch zuo schaden brâhte, als ich gedenke und dô gedâhte, der het mir herzeleit getân." dô sprach mîn hêr Gawan: "vrowe, es wende mich der tôt, ich lêre den künic solich nôt, diu sîn hôchvart letzet. mîn triuwe ich hân versetzet gegen ime ûf kampf zuo rîten in kurzlîchen zîten; dô sullen wir manheit †enborn†. vrowe, ich hab ûf iuch verkorn. ob ir iu mînen tumben rât durch zuht niht versmâhen lât, ich rât iu wîplîch êre und wirdicheite lêre.

*G Hêrre, ob ich iu leide sprach, von den schulden daz geschach, daz ich versuochen wolde, ob ich †iuch† minnen solde bieten durch iuwer werdecheit. ich weiz wol, hêrre, ich sprach iu leit; daz was durch ein versuochen. nû sult ir des geruochen, daz ir zorn verlieset unde gar ûf mich verkieset. ir sît der ellens rîche. dem golde ich iuch gelîche, daz man lûtert in der gluot. als ist gelûtert iuwer muot. dem ich iuch ze schaden brâhte, als ich gedenke unt dô gedâhte, der hât mir herzeleit getân." dô sprach mîn hêrre Gawan: "vrouwe, des enwende mich der tôt, ich gelêre den künic solhe nôt, diu sîne hôchvart letzet. mîne triuwe ich hân versetzet gein im ûf kampfes rîten in vil kurzlîchen zîten; dâ sul wir manheit urborn. vrouwe, ich hân ûf iuch verkorn. ob ir mînen tumben rât durch zuht niht versmâhen lât, ich riet iu wîplîch êre unde werdecheite lêre.

*T hêrre, ob ich iu leide sprach, von den schulden daz geschach, daz ich versuochen wolte, ob ich iuch minnen solte, hêrre, durch iuwer werdecheit. ich weiz wol, hêrre, ich sprach iu leit; daz was durch ein versuochen. nû solt ir des geruochen, daz ir zorn verlieset und gar ûf mich verkieset. ir sît der ellens rîche. dem golde ich iuch gelîche, daz man dâ liutert in der gluot. als ist geliutert iuwer muot, den ich iu zuo schaden brâhte, als ich gedenke und dô gedâhte, der hât mir herzeleit getân." dô sprach mîn hêr Gawan: "Vrouwe, es enwende mich der tôt, ich gelêre den künec soliche nôt, diu sîne hôchvart letzet. mîne triuwe ich hân versetzet gein im ûf kampfes rîten in kurzlîchen zîten; dô soln wir manheit urborn. vrouwe, ich hân ûf iuch verkorn. ob ir iu mînen tumben rât durch zuht niht versmâhen lât, ich riet iu wîplîche êre und wirdecheite lêre.