*D brâht er unz an sînen tôt. sîn elter sun vür sich gebôt den vürsten ûz sînem rîche. die kâmen ritterlîche, wan si ze rehte solden hân von im grôz lêhen sunder wân. Dô si ze hove wâren komen und ir reht was vernomen, daz si ir lêhen alle enpfiengen, nû hœret, wie siz ane geviengen: si gerten, als ir triwe riet, rîch und arme, gar diu diet, einer kranken ernstlîcher bete, daz der künec an Gahmurete bruoderlîche triwe mêrte und sich selben êrte, daz er in niht gar verstieze und im sînes landes lieze hantgemælde, daz man möhte sehen, dâ von der hêrre müese jehen sînes namen und sîner vrîheit. daz was dem künege niht ze leit. er sprach: "ir kunnet mâze gern; ich wil iuch des und vürbaz wern. wan nennet ir den bruoder mîn Gahmuret Anschevin? Anschowe ist mîn lant; dâ wesen beide von genant." Dô sprach der künec hêre: "mîn bruoder, der mac sich mêre

*m brâhte †† unz an sînen tôt. sîn alter sun vür sich gebôt den vürsten ûz sînem rîche. si kâmen ritterlîche, wenne si zuo rehte solten hân von ime grôz lêhen sunder wân. Dô si zuo hove wâren komen und ir reht baz vernomen, daz si ir lêhen alle enpfiengen, nû hœret, wie si an geviengen: si gerten, als ir triuwe riet, rîch und arme, gar diu diet, einer kranken ernstlîchen bet, †die† der künic an Gahmuret bruoderlîche triuwe mêrte und sich selber êrte, daz er in niht gar verstieze und ime sînes landes lieze hantgemælde; dâ man möhte sehen, dâ von der hêrre müese jehen sînes namen und sîner vrîheit. daz was dem künige niht leit. er sprach: "ir kunnet mâze gern; ich wil iuch des und vürbaz wern. wenne nennet ir den bruoder mîn Gahmuret Anschevin? Anschouwe ist mîn lant; dâ wesen wir beide von genant." ouch sprach der künîc hêre: "mîn bruoder mac sich mêre

*G behielt er unze an sînen tôt. sîn alter sun vür sich gebôt Den vürsten ûz dem rîche. die kômen al gelîche, wan si ze rehte solten hân von im grôz lêhen sunder wân. dô si ze hove wâren komen unde ir reht wart vernomen, daz si alle ir lêhen enpfiengen, nû hœret, wie siz ane viengen: si gerten, als ir triwe riet, rîch und arme, gar diu diet, einer kargen ernstlîchen bet, daz der künic an Gahmuret bruoderlîche triwe mêrte unde sich selben êrte, daz er in iht gar verstieze unde im sînes landes lieze hantgemahel, daz man möht sehen, dâ von der hêrre müese jehen sînes namen und sîner vrîheit. daz was dem künige niht ze leit. er sprach: "ir kunnet mâze geren; ich wil iuch des und vürbaz wern. wan nennet ir den bruoder mîn Gahmuret Anschevin? Anschouwe ist mîn lant; dâ wesen bêde von genant." sus sprach der künic hêre: "sich sol mîn bruoder mêre

*T brâhter unz an sînen tôt. Sîn elter sun vür sich gebôt den vürsten ûz sînem rîche. die kômen rîterlîche, wan si ze rehte solten hân von im grôz lêhen sunder wân. Dô si ze hove wâren komen und ir reht was vernomen, unde daz sir lêhen enpfiengen, hœret, wie siz an viengen: Si gerten, als ir triuwe riet, rîche und arme, gar diu diet, einer kranken ernestlîchen bete, daz der künec an Gahmurete brüederlîche triuwe mêrte und sich selben êrte, daz er in niht gar verstieze und im sînes landes lieze hantgemahel, daz man möhte sehen, dâ von der hêrre möhte jehen sînes namen und sîner vrîheit. Daz was dem künege niht ze leit. er sprach: "ir kunnet ze mâze gern; ich wil iuch des und vürbaz wern. man nenne den bruoder mîn Gahmuret Anschevin. Anschouwe, daz ist mîn lant; dâ wesen beide von genant." Aber sprach der künec hêre: "sich sol mîn bruoder mêre