*D Ob kumber sich gelîche dem, swelch minnære den an sich genem, der werde alrêst wol gesunt, mit pfîlen alsus sêre wunt. daz tuot im lîhte als wê als sîn minnen kumber ê. Gawan truoc minne unt ander klage. dô begundez liuhten vome tage, daz sîner grôzen kerzen schîn unnâch sô virrec mohte sîn. Ûf rihte sich der wîgant. dô was sîn lînîn gewant nâch wunden und harnasch var. zuo zim was geleit dar hemde unde bruoch von buckeram - den wehsel er dô gerne nam - unt eine garnaschen merderîn, des selben ein kürsenlîn, ob den bêden schürbrant von Arraze al dar gesant. zwêne stivâle ouch dâ lâgen, die niht grôzer enge pflâgen. diu niwen kleider leit er an. dô gienc mîn hêr Gawan ûz zer kemenâten tür. sus gie er wider unde vür, unz er den rîchen palas vant. sînen ougen wart nie bekant rîcheit, diu dar zuo töhte, daz si dâ gelîchen möhte.

*m ob kumber sich glîche deme, welich minner den an sich neme, der werde allerêrst wol †gesant†, mit pfîlen alsus sêre wunt. daz tuot im lîhte alsô wê als sîn minnen kumber ê. Gawan truoc minne und klage. dô begunde ez liuhten vom tage, daz sîner grôzen kerzen schîn †und doch† sô virric †mohten† sîn. ûf rihte sich der wîgant. dô was sîn lînîn gewant nâch wunden und harnasch var. sus im wart geleget dar hemde und bruoch von buckeram - den wehsel er dô gerne nam - und ein garnasche merderîn, des selben ein kürsenlîn, ob den beiden schürbrant von Arsas aldâ gesant. zwên stivel ouch dâ lâgen, die niht grôzer enge pflâgen. diu niuwen kleider leit er an. dô gienc mîn hêr Gawan ûz zer kemenâten tür. sus gienc er wider und vür, unz er den rîchen palas vant. sînen ougen nie wart bekant rîcheit, diu dar zuo töhte, daz si dâ glîchen möhte.

*G ob kumber sich gelîche deme, swelch minnære den an sich neme, der werde alrêrst wol gesunt, mit pfîlen alsô sêre wunt. daz tuot im lîht als wê als sîn minne kumber ê. Gawan truoc minne unde ander klage. nû begunde ez liehten von dem tage, daz sîner grôzen kerzen schîn unnâch sô virric mohte sîn. ûf rihte sich der wîgant. nû was sîn lînîn gewant nâch wunden unt daz harnasch var. zuo ime was geleit dar hemede unde bruoch von buggeram - den wehsel er dô gerne nam - unde ein garnasche merderîn, des selben ein kürsenlîn, ob den zwein schürbrant von Arzeiz dar gesant. zwên stivâle ouch dâ lâgen, die niht grœze pflâgen. diu niuwen kleider leit er an. dô gienc mîn hêrre Gawan ûz der kemenâten tür. sus gienc er wider unde vür, unz er den rîchen palas vant. sînen ougen, den wart nie bekant rîcheit, diu dar zuo töhte, daz si dem gelîchen möhte.

*T ob kumber sich glîche dem, welch minnære den an sich nem, der werde alrêst wol gesunt, mit pfîlen alsô sêre wunt. daz tuot im lîhte alsô wê als sîn minnen kumber ê. Gawan truoc minne und ander klage. nû begunde ez liuhten von dem tage, daz sîner grôzen kerzen schîn unnâch sô virrec mohte sîn. ûf rihte sich der wîgant. nû was sîn lînîn gewant nâch wunden und nâch harnasch var. zuo im was geleit dar hemde und bruoch von buckeram - den wehsel er dô gerne nam - und ein garnasch merderîn, des selben ein kürsenlîn, ob den zwein schürbrant von Aroys dar gesant. zwên stivel ouch dâ lâgen, die niht grœze pflâgen. diu niuwen kleider legt er an. dô gienc mîn hêrre Gawan ûz der kemenâten tür. sus gienc er wider und vür, unz er den rîchen palas vant. sînen ougen, den wart nie bekant rîcheit, diu dar zuo töhte, diu sich der glîchen möhte.