*D dise, die und aber jene. er was êt in der alten sene nâch Orgelusen, der clâren, wande im in sînen jâren kein wîp sô nâhe nie gegienc, etswâ dâ er minne enpfienc oder dâ im minne was versagt. Dô sprach der helt unverzagt zuo sîner meisterinne, der alten küneginne: "vrouwe, ez krenket mir mîne zuht - ir meget mirs jehen vür ungenuht -, sulen dise vrouwen vor mir stên. gebiet in, daz si sitzen gên, oder heizet si mit mir ezzen." "Alhie wirt niht gesezzen von ir enkeiner unz an mich. hêrre, si möhten schamen sich, solten si iu niht dienen vil, wande ir sît unser vreuden zil. doch, hêrre, swaz ir gebiet in, daz sulen si leisten, hab wir sin." Die edelen mit der hôhen art wâren ir zühte des bewart, wande siz mit willen tâten. ir süezen münde in bâten dâ stêns, unz er geæze, daz ir enkeiniu sæze. dô daz geschach, si giengen wider. Gawan sich leite slâfen nider.

*m dise, die und ab jene. er wachet in der alten sene nâch Urgeluse, der clâren, want im in sînen jâren nie wîp sô nâhe gegienc, etwâ dâ er minne enpfienc oder dâ im minne was versaget. dô sprach der helt unverzaget zuo sîner meisterîn, der alten künigîn: "vrouwe, ez krenket mîn zuht - ir müget mirs jehen vür ungenuht -, sullen die vrouwen vor mir stân. gebiet in, daz si sitzen gân, oder heizet si mit mir ezzen." "alhie wirt niht gesezzen von ir dekeiner unz an mich. hêrre, si möhten schamen sich, soltens iu niht dienen vil, wan ir sît unser vröuden zil. doch, hêrre, waz ir gebietet in, daz solten wir leisten, hân wir sin." die edeln mit der hôhen art wâren ir zühte des bewart, wand si ez mit willen tâten. ir süezen münde in bâten dâ stênde, unz er geæze, daz ir ê keiniu sæze. dô daz geschach, si giengen wider. Gawan sich leit slâfen nider.

*G dise, die unde aber jene. er was êt in der alten sene nâch Orgelusen, der clâren, wande im in sînen jâren nie wîb sô nâhen nie gegienc, etswâ dâ er minne enpfienc ode dâ im minne was versaget. dô sprach der helt unverzaget ze sîner meisterinne, der alten küneginne: "vrouwe, ez krenket mir mîn zuht - ir muget mirs jehen vür ungenuht -, suln dise vrouwen vor mir stên. gebiet in, daz si sitzen gên, oder heizet si mit mir ezzen." "al hie wirt niht gesezzen von ir deheiner unze an mich. hêrre, si möhten schamen sich, solden si iu niht dienen vil, wande ir sît unserre vröuden zil. doch, hêrre, swaz ir gebiet in, daz suln wir leisten, habe wir sin." die edeln mit der hôhen art wâren ir zühte des bewart, wande siz mit willen tâten. ir süezen münde in bâten dâ stênes, unze er geæze, daz ir deheiniu sæze. dô daz geschach, si giengen wider. Gawan sich leite slâfen nider.

*T Dise, die und aber jene. er was noch in der alten sene nâch Orgelusen, der klâren, wan im in sînen jâren kein wîp sô nâhen nie gegienc, etswan dô er minne enpfienc oder dô im minne was versagt. dô sprach der helt unverzagt zuo sîner meisterinne, der alten küniginne: "vrou, ez krenket mîne zuht - ir mogt mirs jehen vür ungenuht -, sollen dise vrouwen vor mir stên. gebiet in, daz si sitzen gên, oder heizet si mit mir ezzen." "alhie wirt niht gesezzen von ir einer unz an mich. hêrre, si möhten schamen sich, soldens iu niht dienen vil, wan ir sît unser vreuden zil. doch, hêrre, waz ir gebietet in, daz sollen si leisten, haben si sin." die edelen mit der hôhen art wâren ir zuht des bewart, wan siz mit willen tâten. ir süezen münde in bâten dâ stênes, unz er geæze, daz ir keiniu sæze. dô daz geschach, si giengen wider. Gawan sich legte slâfen nider.