*D mit vreuden machet, ruochets got. im ist aber guoter helfe nôt." Si sprâchen alle: "die merzîs!" diu alte küneginne wîs ein bette hiez bereiten, dâ vür einen teppech breiten, bî einem guotem viure. salben harte tiure, wol geworht mit sinne, die gewan diu küneginne zer quaschiure unt ze wunden. dô gebôt si an den stunden vier juncvrouwen, daz si giengen unt sîn harnasch enpfiengen, daz siz sanfte von im næmen unt daz si kunden ræmen, daz er sich des niht dorfte schemen. "einen pfelle sult ir umbe iuch nemen, und entwâpend in in dem schate. ob dannen gêns sî sîn state, daz dolt oder tragt in hin, al dâ ich bî dem bette bin. Ich warte, al dâ der helt sol ligen. ob sîn kampf ist sô gedigen, daz er niht ist ze verhe wunt, ich mache in schiere wol gesunt. swelch sîn wunde stüende ze verhe, daz wære diu vreuden twerhe. dâ mite wæren ouch wir erslagen und müesen lebendec sterben tragen."

*m mit vröuden machet, ruochet es got. im ist aber guoter helfe nôt." si sprâchen alle: "de merzîs!" diu alte künigîn wîs ein bette hiez bereiten, dâ vür ein teppich spreiten, bî einem guoten viure. salbe harte tiure, wol gemaht mit sinne, die gewan diu küniginne zer quaschiuren und zer wunden. dô gebôt si an den stunden vier vrouwen, daz si giengen und sîn harnasch enpfiengen, daz si ez sanft von im næmen und daz si kunden ræmen, daz er sich doch iht dorft schemen. "einen pfel solt ir umb nemen, und entwâpent in in dem bat. ob dannen gân sî sîn stat, daz dolt oder tragt in hin, aldâ ich bî dem bette bin. ich wart, aldâ der helt sol ligen. ob sîn kampf ist sô gedigen, daz er niht ist zuo verhe wunt, ich mach in schier wider gesunt. welich sîn wunde stüende zuo verhe, daz wær der vröuden twerhe. dâ mit wæren ouch wir erslagen und müesten lebendic sterben tragen."

*G mit vröuden machet, ruochet es got. im ist aber guoter helfe nôt." Si sprâchen alle: "diu merzîs!" diu alte küneginne wîs ein bette hiez bereiten, dâ vür ein tepich spreiten, bî einem guotem viure. salben harte tiure, wol geworht mit sinne, die gewan diu küneginne zer quatschiure unde zen wunden. dô gebôt si an den stunden vier vrouwen, daz si giengen unde im sîn harnasch enpfiengen, daz siz sanfte von im næmen unde daz si kunden ræmen, daz er sich des iht dürfe schemen. "einen pfelle sult ir umbe iuch nemen, unde entwâpent in in dem schate. op danne gên sî sîn state, daz dolt ode traget in hin, al dâ ich bî dem bette bin. ich warte, al dâ der helt sol ligen. op sîn kampf ist sô gedigen, daz er niht ist ze verhe wunt, ich mache in schiere wol gesunt. swelch sîn wunde stüende ze verhe, daz wær diu vröuden twerhe. dâ mit wæren ouch wir erslagen unde müesen lebendec sterben tragen."

*T mit vreuden machet, ruochet es got. im ist aber guoter helfe nôt." si sprâchen alle: "die merzîs!" diu alte künigin wîs ein bette hiez bereiten, dâ vür ein teppich breiten, bî einem guotem viure. salben harte tiure, wol geworht mit sinne, die gewan diu küniginne zuo quatschiuren und zuo wunden. dô gebôt si an den stunden vier vrouwen, daz si giengen und sîn harnasch enpfiengen, daz siz senfte von im næmen und daz si kunden ræmen, daz er sich niht dorfte schemen. "einen pfelle solt ir umb iuch nemen, und entwâpent in in dem schat. ob dannen gên sî sîn stat, daz dolt oder tragt in hin, aldâ ich bî dem bette bin. ich warte, aldâ der helt sol ligen. ob sîn kampf ist sô gedigen, daz er niht ist zuo were wunt, ich mach in sicher wol gesunt. welhiu sîn wunde wær zuo verhe, daz wære der vreuden twerhe. dâ mit wær wir ouch erslagen und müesten lebendic sterben tragen."