*D Durch der tavelrunden art unt durch der botschefte vart, als si wære an in gesant; wære er ze rihtære erkant, daz er denne rihte ir swære durch gerihtes mære. si bat der tavelrunde schar alle ir rehtes nemen war, sît daz ir wære ein roup genomen, der nimmer möhte wider komen - ir magetuom kiusche, reine -, daz si al gemeine den künec gerihtes bæten unt an ir rede træten. Vürsprechen nam der schuldec man, dem ich nû kranker êren gan. der wert in, als er mohte. diu wer im doch niht tohte. man verteilte imz leben unt sînen prîs unt daz man winden solt ein rîs, dâr an im sterben würd erkant ân bluotige hant. Er rief mich an - des twang in nôt - unt mante mich des, daz er mir bôt sicherheit durch genesen. ich vorhte ân alle mîn êre wesen, ob er verlür dâ sînen lîp. ich bat daz klagehafte wîp, sît si mit ir ougen sach, daz ich si manlîche rach,

*m durch der tavelrunder art und durch der botschaft vart, als si wær an in gesant; wær er zuo rihter erkant, daz er rihtet ir swære durch gerihtes mære. si bat der tavelrunde schar alle irs rehten nemen war, sît daz ir wær ein roup genomen, der niemer möhte wider komen - ir magetuom kiusch und reine -, daz si algemeine den künic gerihtes bæten und an ir rede træten. Vürsprechen nam der schuldige man, dem ich nû kranker êren gan. der werte in, als er mohte. diu wer iedoch niht tohte. man verteilt im leben und prîs und daz man winden solt ein rîs, dâr an im sterben würde erkant âne bluotige hant. er rief mich an; des twanc in nôt und mich, daz er mir bôt sicherheit durch genesen. ich vorht âne alle mîn êre wesen, ob er verlür dâ sînen lîp. ich bat daz klagehafte wîp, sît si mit ir ougen sach, daz ich si manlîch rach,

*G Durch der tavelrunde art unde durch der botschefte vart, als si wære an in gesant; wære er ze rihtære erkant, daz er danne riht ir swære durch gerihtes mære. dô bat si der tavelrunder schar alle ir rehtes nemen war, sît daz ir wære ein roup genomen, der niht wider möhte komen - ir magetuom kiusche, reine -, daz si algemeine den künic gerihtes bæten unde alle ir rede tæten. vorsprechen nam der schuldic man, dem ich nû kranker êren gan. der wert in, als er mohte. diu wer im doch niht tohte. man verteilte imz leben unde sînen brîs unde daz man winden solde ein rîs, dâr an im sterben würde erkant âne bluotige hant. er rief mich an - des twanc in nôt - unde mant mich, daz er mir bôt sicherheit durch genesen. ich vorhte ân alle mîn êre wesen, obe er verlür dâ sînen lîp. ich bat daz klagehafte wîp, sît si mit ir ougen sach, daz ich si manlîchen rach,

*T durch der tavelrunder art unde durch der botschefte vart, als si wære an in gesant; wærer ze rihtære erkant, daz er danne rihte ir swære durch des gerihtes mære. si bat der tavelrunder schar alle ir rehtes nemen war, sît daz ir wære ein roup genomen, der niemer möhte wider komen - ir magetuom kiusche, reine -, daz si algemeine an ir rede træten unde den künec gerihtes bæten. Vürsprechen nam der schuldige man, dem ich nû kranker êren gan. der wert in, als er mohte. diu wer im doch niht tohte. man verteilt im daz leben unde sînen prîs unde daz man winden solte ein rîs, dâr an im sterben würde erkant âne bluotige hant. er rief mich an - des gienc in nôt - unde mante mich, daz er mir bôt sicherheit durch genesen. ich vorhte âne alle mîn êre wesen, ob er verlür dâ sînen lîp. ich bat daz klagehafte wîp, sît daz si mit ir ougen sach, daz ich si manlîche rach,