*D er mac sich harte wol bejagen, gelernet er bühsen veile tragen." Zer vrouwen sprach Gawans munt: "ich reit vür einen rîter wunt, des dach ist ein linde. ob ich den noch vinde, disiu würze sol in wol ernern unt al sîn unkraft erwern." Si sprach: "daz sihe ich gerne. waz, ob ich kunst gelerne?" Dô vuor im balde ein knappe nâch; dem was zer botschefte gâch, die er werben solte. Gawan sîn beiten wolte; dô dûht ern ungehiure. Malcreatiure hiez der knappe fiere; Cundrie la surziere was sîn swester wolgetân. er muose ir antlütze hân gar, wan daz er was ein man. im stuont ouch ietsweder zan als einem eber wilde, ungelîch menschen bilde. Im was daz hâr ouch niht sô lanc, als ez Cundrien ûf den mûl dort swanc. kurz, scharf als igels hût ez was. bî dem wazzer Ganjas ime lande ze Tribalibot wahsent liute alsus durch nôt.

*m er mac sich harte wol bejagen, gelêret er bühsen veil tragen." zuor vrouwen sprach Gawanes munt: "ich reit vür einen ritter wunt. daz dach ist ein linde. ob ich den noch vinde, disiu würz sol in wol ernern und al sîn unkraft erwern." si sprach: "daz sihe ich gerne. waz, ob ich kunst gelerne?" dô vuor in balde ein knappe nâch; dem was zuor botschafte gâch, die er werben solte. Gawan sîn beiten wolte; dô dûhte ern ungehiure. Mala creatiure hiez der knappe viere; Condrie lasurziere was sîn swester wol getân. er muoste ir antlitze hân gar, wan daz er was ein man. im stuont ouch ietweder zan als einem eber wilde, ungelîch menschen bilde. im was daz hâr ouch niht sô lanc, als ez Condrien ûf den mûl dort swanc. kurz, scharpf als ein igelhût ez was. bî dem wazzer Gamas in dem lande zuo Tribalibot wahsent liute alsus durch nôt.

*G Er mac sich harte wol bejagen, gelernt er bühsen veil tragen." ze der vrouwen sprach Gawans munt: "ich reit vür einen rîter wunt, des dach ist ein linde. ob ich den noch vinde, disiu würz sol in wol ernern unt al sîn unkraft erwern." si sprach: "daz sich ich gerne. waz, ob ich kunst gelerne?" dô vuor in balde ein knappe nâch; dem was zer botschefte gâch, die er werben solde. Gawan sîn beiten wolde; dô dûht ern ungehiure. Mal creatiure hiez der knappe fiere; Gundrie lasurziere was sîn swester wolgetân. er muose ir antlütze hân gar, wan daz er was ein man. im stuont ouch ietwedere zan als einem eber wilde, ungelîch menschen bilde. im was daz hâr ouch niht sô lanc, als ez Gundrien ûf dem mûl dort swanc. kurz, scharpfe als igelshût ez was. bî dem wazzer Ganjas in dem lande ze Tribalibot wahsent liute alsus durch nôt.

*T er mac sich harte wol bejagen, gelernet er bühsen veile tragen." Zer vrouwen sprach Gawans munt: "ich reit vür einen rîter wunt, des dach ist ein linde. ob ich den noch vinde, disiu würz sol in wol ernern unde alsîn unkraft erwern." Si sprach: "daz sich ich gerne. waz, ob ich kunst gelerne?" Dô vuor in balde ein knappe nâch; dem was zer botschefte gâch, die er dâ werben solte. Gawan sîn bîten wolte; dô dûhtern ungehiure. Malacreatiure hiez der knappe fiere; Kundrie Lasursiere was sîn swester wolgetân. im was ouch ietweder zan als einem eber wilde, unglîch menschen bilde. im was ouch daz hâr niht sô lanc, als ez Kundrien ûf den mûl dort swanc. kurz, scharpf als eines igels hût ez was. bî dem wazzer Ganyas in dem lande ze Tribalibot wahsent liute alsus durch nôt.