*D Dô was mîn hêr Gawan sô gezimiert ein man, daz ez si lêrte riwe, wande si heten triwe, die des boumgarten pflâgen. si stuonden oder lâgen oder sâzen in gezelten, die vergâzen des vil selten, sine klageten sînen kumber grôz. man unt wîp des niht verdrôz, Genuoge sprâchen, den es was leit: "mîner vrouwen trügeheit wil disen man verleiten ze grôzen arbeiten. ouwê, daz er ir volgen wil ûf alsus riwebæriu zil!" Manec wert man dâ gein im gienc, der in mit armen umbevienc durch vriwentlîch enpfâhen. dar nâch begunder nâhen einem ölboume; dâ stuont daz pfert. ouch was maneger marke wert der zoum unt sîn gereite. mit einem barte breite, wol gevlohten unde grâ, stuont dâr bî ein rîter dâ über eine krücken geleinet. von dem wart ez beweinet, daz Gawan zuo dem pferde gienc. mit süezer rede ern doch enpfienc.

*m dô was mîn hêr Gawan sô gezimiert ein man, daz ez si lêrte riuwe, want si heten triuwe, die des boumgarten pflâgen. si stuonden oder lâgen oder sâzen in gezelten, si vergâzen des vil selten, si klagten sînen kumber grôz. man und wîp des niht verdrôz, genuoge sprâchen, den es was leit: "mîner vrouwen trügeheit wil disen man verleiten zuo grôzen arbeiten. ouwê, daz er ir volgen wil ûf alsus †reinberie† zil!" manic wert man gegen im gienc, der in mit armen umbevienc durch vriuntlîch enpfâhen. dar nâch begunde er nâhen einem oleiboum; dâ stuont daz pfert. ez was maniger marc wert der zoum und daz gereite. mit einem barte breite, wol gevlohten und grâ, stuont dâ bî ein ritter dâ über ein brücken geleinet. von dem wart ez geweinet, daz Gawan zuo dem pferde gienc. mit süezer rede ern doch enpfienc.

*G Dô was mîn hêrre Gawan sô gezimiert ein man, daz ez si lêrte riuwe, wan si heten triuwe, die des boumgarten pflâgen. si stuonden ode lâgen ode sâzen in den gezelten, die vergâzen des vil selten, sine klageten sînen kumber grôz. wîp unde man des niht verdrôz, genuoge sprâchen, den es was leit: "mîner vrouwen trügeheit wil disen man verleiten ze grôzen arbeiten. owê, daz er ir volgen wil ûf alsô riuwebæriu zil!" manic wert man dâ gein im gienc, der in mit armen umbevienc durch vriuntlîchez enpfâhen. dar nâch begunde er nâhen einem ölboume; dâ stuont daz pfert. ouch was meniger marc wert der zoum unde sîn gereite. mit einem barte breite, wol gevlohten unde grâ, stuont dâr bî ein rîter dâ über eine krücken geleinet. von dem wart ez beweinet, daz Gawan zuo dem pfert gienc. mit süezer rede ern doch enpfienc.

*T Dô was mîn hêr Gawan sô gezimieret ein man, daz ez si lêrte riuwe, wan si heten triuwe, die des boumgarten pflâgen. si stuonden oder lâgen oder sâzen in gezelten, die vergâzen des vil selten, sine klageten sînen kumber grôz. man unde wîp des niht verdrôz, genuoge sprâchen, den ez was leit: "mîner vrouwen trügeheit wil disen man verleiten ze grôzen arbeiten. ouwê, daz er ir volgen wil ûf alse riuwebæriu zil!" Manec wert man dâ gegen im gienc, der in mit armen umbevienc durch vriuntlîch enpfâhen. dar nâch begunder nâhen einem oleiboume; dâ stuont daz pfert. ouch was maneger marke wert der zoum unde sîn gereite. mit einem barte breite, wol gevlohten unde grâ, stuont dâr bî ein rîter dâ über eine krücke geleinet. von dem wart beweinet, daz Gawan zuo dem pferde gienc. mit süezer rede ern doch enpfienc.