*D Wie habt ir minne ân mich erholt? maneger sîniu ougen bolt, er möhts ûf einer slingen ze senftem wurfe bringen, ob er sehen niht vermîdet, daz im sîn herze snîdet. lât walzen iwer kranken gir ûf ander minne danne ze mir. dient nâch minne iwer hant, hât iuch âventiure gesant nâch minne ûf rîterlîche tât, des lônes ir an mir niht hât. ir mugt wol laster hie bejagen, muoz ich iu die wârheit sagen." Dô sprach er: "vrouwe, ir sagt mir wâr, mîn ougen sint des herzen vâr; diu hânt an iwerem lîbe ersehen, daz ich mit wârheit des muoz jehen, daz ich iwer gevangen bin. kêrt gein mir wîplîchen sin. swies iuch habe verdrozzen, ir habt mich în geslozzen. nû lœset oder bindet. des willen ir mich vindet: het ich iuch, swâ ich wolte, den wunsch ich gerne dolte." Si sprach: "nû vüert mich mit iu hin. welt ir teilen den gewin, den ir mit minne an mir bejagt, mit laster irz dâ nâch beklagt.

*m sô habt ir die ân mich erholt. maniger sîniu ougen bolt, er möhte es in einer slingen zuo senfterm wurf bringen, der sehen niht vermîdet, daz im sîn herz snîdet. lât walzen iuwer kranken gir ûf ander minne dan zuo mir. dienet nâch minne iuwer hant, het iuch âventiur gesant nâch minne ûf ritterlîche tât, des lônes ir an mir niht hât. ir muget wol laster al hie bejagen, muoz ich iu die wârheit sagen." dô sprach er: "vrouwe, ir sagt mir wâr, mîn ougen †mit† des herzen vâr; diu hânt an iuwerm lîbe ersehen, daz ich mit wârheit des muoz jehen, daz ich iuwer gevangen bin. kêrt gegen mir wîplîchen sin. wie es iuch hab verdrozzen, ir habet mich în geslozzen. nû lâzet oder bindet. des willen ir mich vindet: het ich iuch, wâ ich wolte, den wunsch ich gerne dolte." si sprach: "nû vüeret mich mit iu hin. welt ir teilen den gewin, den ir mit minne an mir bejaget, mit laster irz dannoch beklaget.

*G Wie habet ir minne ân mich erholt? maniger sîniu ougen bolt, er möhtes ûf einer slingen ze senfteren wurfe bringen, obe er sehen niht vermîdet, daz im sîn herze snîdet. lât walzen iuwer kranke gir ûf ander minne danne ze mir. dient nâch minne iuwer hant, hât iuch âventiure gesant nâch minne ûf rîterlîche tât, des lônes ir an mir niht hât. ir muget wol laster hie bejagen, muoz ich iu die wârheit sagen." dô sprach er: "vrouwe, ir saget mir wâr, mîn ougen sint des herzen vâr; diu habent an iuwerm lîbe ersehen, daz ich mit wârheit des muoz jehen, daz ich iuwer gevangen bin. kêrt gein mir wîplîchen sin. swies iuch habe verdrozzen, ir habet mich în geslozzen. nû lœset oder bindet. des willen ir mich vindet: het ich iuch, swâ ich wolde, den wunsch ich gerne dolde." si sprach: "nû vüert mich mit iu hin. welt ir teilen den gewin, den ir mit minne an mir bejaget, mit laster irz dâr nâch beklaget.

*T wie habt ir minne ân mich geholt? maneger sîniu ougen bolt, er möhte si ûf einer slingen ze senfterm wurfe bringen, ob er sehen niht vermîdet, daz in sîn herze snîdet. lât walzen iuwer kranke gir ûf ander minne danne ze mir. dient nâch minne iuwer hant, hât iuch âventiure gesant nâch minne ûf rîterlîche tât, des lônes ir an mir niht hât. ir muget wol laster hie bejagen, muoz ich iu die wârheit sagen." Dô sprach er: "vrouwe, ir saget alwâr, mîniu ougen sint des herzen vâr; diu hânt an iuwerm lîbe ersehen, daz ich mit wârheit des muoz jehen, daz ich iuwer gevangen bin. kêret gegen mir wîplîchen sin. wiez iuch habe verdrozzen, ir habt mich în geslozzen. nû lœset oder bindet. des willen ir mich vindet: het ich iuch, swâ ich wolte, den wunsch ich gerne dolte." Si sprach: "nû vüeret mich mit iu hin. welt ir teilen den gewin, den ir mit minne an mir bejaget, mit lastere irz dâr nâch beklaget.