*D In mîne herberge er vuor. vür dise rede ich dicke swuor manegen ungestabten eit. dô er mich sô vil an gestreit, verholn ichz im dô sagte, des er vreude vil bejagte. er gap sîn kleinœde mir; swaz ich im gap, daz was sîn gir. mîne kefsen, die dû sæhe ê - diu ist noch grüener denne der klê -, hiez ich würken ûz eime steine, den mir gap der reine. sînen neven er mir ze knehte liez, Ithern, den sîn herze hiez, daz aller valsch an im verswant, den künec von Kukumerlant. wir mohten vart niht lenger sparn, wir muosen von ein ander varn. er kêrte, dâ der bâruc was, unt ich vuor vür den Rohas. ûz Zilje ich vür den Rohas reit; drî mântage ich dâ vil gestreit. mich dûhte, ich het dâ wol gestriten. dar nâch ich schierste kom geriten in die wîten Gandine, dâ nâch der an dîne Gandin wart genennet. dâ wart Ither bekennet. diu selbe stat lît al dâ, dâ diu Greian in die Tra,

*m In mîn herberge er vuor. vür dise rede †† dicke swuor manigen ungestabten eit. dô er mich sô vil dâ an gestreit, verholn ich ez im sagete, daz er vröuden vil bejagete. er gap sîn kleinœte mir; waz ich im gap, daz was sîn gir. mîn kefsen, die dû sæhe ê - diu ist noch grüener dan der klê -, hiez ich wirken ûz einem stein, den mir gap der rein. sînen neven er mir zuo knehte liez, Ithern, den sîn herze hiez, daz aller valsch an im verswant, den künic von Kukumerlant. wir mohten die vart niht langer sparn, wir muosen von ein ander varn. er kêrte, dâ der bâruc was, und ich vür den Rohas. ûz Zilje ich vür den Rohas reit; drîe mântage ich dâ vil gestreit. mich dûhte, ich het dâ wol gestriten. dar nâch ich schierste kam geriten in die wîten Gandin, dar nâch der ane dîn Gandin wart genennet. dâ wart Ither bekennet. diu selbe stat lît aldâ, dâ diu Greian in die Tra,

*G In mîne herberge er vuor. vür dise rede ich dicke swuor manigen ungestabeten eit. dô er mich sô vil an gestreit, verholn ichz im dô sagete, des er vröude vil bejagete. er gap sîn kleinœde mir; swaz ich im gap, daz was sîn gir. mîne kefsen, die dû sæhe ê - diu ist noch grüener danne der klê -, hiez ich würken ûz einem steine, den mir gap der reine. sînen neven er mir ze knehte liez, Itheren, den sîn herze hiez, daz aller valsch an im verswant, den künic von Kukumerlant. wir mohten vart niht lenger sparn, wir muosen von ein ander varn. er kêrt, dâ der bâruc was, unde ich vuor vür den Roas. ûz Zilje ich vür Roas reit; drî mântage ich dâ vil gestreit. mich dûhte, ich het dâ wol gestriten. dar nâch ich schierste kom geriten in die wîten Gandine, dâ nâch der ane dîne Gandin wart genennet. Ither dâ wart erkennet. diu selbe stat lît al dâ, dâ diu Greian in die Tra,

*T In mîne herberge er vuor. vür dise rede ich dicke swuor manegen ungestabeten eit. dô er sô vil an mich gestreit, verholne ich im dô sagete, des er vröuden vil bejagete. er gap sîne kleinœde mir; swaz ich im gap, daz was sîn gir. eine kafse, die dû sæhe ê - diu ist noch grüener danne der klê -, geworht ûz einem steine. die gap mir der reine. sînen neven er mir ze knehte liez, Ithern, den sîn herze hiez, daz aller valsch an im verswant, den künec von Kukumerlant. wir mohten die vart niht langer sparn, wir muosen von ein ander varn. er kêrte, dâ der bâruc was, unde ich vuor vür den Roas. ûz Cecilye ich vür den Roas reit; drîe morgene ich dâ vil gestreit. mich dûhte, ich hete wol gestriten. dâ nâch ich schierest kom geriten in die wîten Gandin, dâ nâch der ane dîn Gandin wart genennet. dâ wart Ither erkennet.