*D Dâ half ein nôt vür die andern nôt; des wart daz sper bluotec rôt. eteslîcher sterne komende tage die diet dâ lêret jâmers klage, die sô hôhe ob ein ander stênt unt ungelîche wider gênt; unt des mânen wandelkêre schadet ouch zer wunden sêre. dise zît, die ich hie benennet hân, sô muoz der künec ruowe lân; sô tuot im grôzer vrost sô wê, sîn vleisch wirt kelter denne der snê. sît man daz gelüppe heiz an dem spers îsen weiz, die zît mans ûf die wunden leit. den vrost ez ûzzem lîbe treit, al umbez sper glasvar als îs. dazn moht aber decheine wîs vome sper niemen bringen dan wan Trebuchet, der wîse man; der worhte zwei mezzer, diu ez sniten, ûz silber, diu ez niht vermiten. den list tet im ein segen kunt, der an des küneges swerte stuont. maneger ist, der gerne giht, Aspindê, daz holz, enbrinne niht. sô disses glases drûf iht spranc, viwers lohen dâ nâch swanc; Aspindê dâ von verbran. waz wunders diz gelüppe kan!

*m dâ half ein nôt vür die ander nôt; des wart daz sper bluotic rôt. etlîcher sterne komende tage die diet dâ lêret jâmers klage, die sô hôhe ob ein ander stânt und unglîch wider gânt; und des mânen wandelkêre schadet ouch zer wunden sêre. dise zît, die ich benennet hân, sô muoz der künic ruowe lân; wan im tuot grôzer vrost sô wê, sîn vleisch wirt kalter danne der snê. sît man dâ gelupte heiz an dem spers îsen weiz, die zît manz ûf die wunden leit. den vrost ez ûz dem lîbe treit, al umb daz sper, glas als îs. daz enmohte aber dekein wîs von dem sper niemen bringen dan wan Trebuchet, der wîse man; der worht zwei mezzer, diuz sniten, ûz silber, diu ez niht vermiten. den list tet im ein segen kunt, der an des küniges swert stuont. maniger ist, der gerne giht, aspindê, daz holz, enbrenne niht. sô dises glases dar ûf iht spranc, viures lohen dâ nâch swanc; aspindê dâ von enbran. waz wunders daz gelupte kan!

*G Dâ half ein nôt vür die andern nôt; dâ wart daz sper bluotic rôt. etslîcher sterne komende tage die diet dâ lêret jâmers klage, die sô hôhe obe ein ander stênt unde ungelîche wider gênt; unt des mânen wandelkêre schadet ouch zer wunden sêre. dise zît, die ich hie benennet hân, sô muoz der künic ruowe lân; sô tuot im grôzer vrost sô wê, sîn vleisch wirt kelter danne der snê. sît man daz gelüppe heiz an dem spers îsen weiz, die zît manz ûf die wunden leit. den vrost ez ûz dem lîbe treit, al umbez sper glasvar als îs. dazne mohte aber dehein wîs vome sper niemen bringen dan wan Trebuchet, der wîse man; der worhte zwei mezzer, diu ez sniten, ûz silber, diu ez niht vermiten. den list tet im ein segen kunt, der an des küniges swerte stuont. maniger ist, der gerne giht, aspindê, daz holz, enbrenne niht. sô dises glases drûf iht spranc, viuwers lohen dar nâch swanc; aspindê dâ von verbran. waz wunders diz gelüppe kan!

*T dâ half ein nôt vür die andern nôt; des wart daz sper von bluote rôt. etslîcher sterne komende tage die diet dâ lêrent jâmers klage, die sô hôhe ob ein ander stânt unde unglîche wider gânt; unde des mânen wandelkêre schadet ouch zem wandel sêre. die zît, die ich benennet hân, sô muoz der künec ruowe lân; sô tuot im grôz vrost sô wê, sîn vleisch wirt kalter dan der snê. sît man daz gelüppe heiz an des spers îsen weiz, sô manz ûf die wunden leget. den vrost ez ûz der wunden treget, alumbez sper glasvar als îs. daz enmohte deheine wîs vonme sper niemer bringen dan wan Trebuket, der wîse man; der worhte zwei mezzer, diuz snîdent, ûz silber, diuz niht mîdent. den list tet im ein segen kunt, der an des wirtes swerte stuont. maneger ist, der des giht, aspindê, daz holz, enbrinne niht. sô disses glases drûf iht spranc, viures lohen dâ nâch swanc; aspindê, daz holz, verbran. waz wunders diz gelüppe kan!