*D Von dem wâren minnære sagent disiu süezen mære. der ist ein durchliuhtec lieht und wenket sîner minne niht. swem er minne erzeigen sol, dem wirt mit sîner minne wol. die selben sint geteilet: aller werlde ist geveilet bêdiu sîn minne unt ouch sîn haz. nû prüevet, wederz helfe baz. der schuldige âne riwe vliuhet die götlîchen triwe. swer aber wandelt sünden schulde, der dient nâch werder hulde. die treit, der durch gedanke vert. gedanc sich sunnen blickes wert. gedanc ist âne slôz gespart, vor aller crêatûre bewart. gedanc ist vinster âne schîn. diu gotheit kan lûter sîn. si glestet durch der vinster want und hât den helnden sprunc gerant, der endiuzet noch enklinget, sô er vome herzen springet. ez ist dehein gedanc sô snel, ê er vome herzen vürz vel kum, ern sî versuochet. des kiuschen got geruochet. sît got gedanke speht sô wol, owê der brœden werke dol!

*m von dem wâren minnære sagent disiu süezen mære. der ist ein durchliuhtec lieht und wenket sîner minne niht. wem er minne erzöugen sol, dem wirt mit sîner minne wol. die selben sint geteilet: alder werlt ist geveilet beidiu sîn minne und sîn haz. nû brüefet werder helfe baz. der schuldige âne riuwe vliuhet die götlîchen †minne†. wer aber wandelt sunder schulde, der dienet nâch werder hulde. die treit, der durch gedanke vert. gedanc sich sunnen blickes wert. gedanc ist âne slôz bespart, vor aller crêatiur bewart. gedanc ist vinster âne schîn. diu gotheit kan lûter sîn. si glestet durch der vinster want und het den helden sprunc gerant, der endiuzet und enspringet, sô er von dem herzen dringet. ez ist noch ein gedanc sô snel, ê er von dem herzen vür daz vel kume, er sî versuochet. des kiuschen got geruochet. sît got gedanke speht sô wol, ouwê der blœden werke dol!

*G Von dem wâren minnære sagent disiu süezen mære. der ist ein durchliuhtic lieht, der sîner minne wenket niht. swem er minne erzeigen sol, dem wirt mit sîner minne wol. die selben sint geteilt: al der werlde ist geveilt beidiu sîn minne unde sîn haz. nû prüevet, wederz helfe baz. der schuldige ân riuwe vliuht die götelîchen triuwe. swer aber wandelt sünden schulde, der dient nâch werder hulde. die treit, der durch gedanke vert. gedanc sich sunnen blickes wert. gedanc ist ân slôz verspart, vor aller crêatûr bewart. gedanc ist vinster ân schîn. diu gotheit kan lûter sîn. si glestet durch der vinster want unde hât den helden sprunc gerant, der endiuzet noch enklinget, sô er von dem herzen springet. ez ist dehein gedanc sô snel, ê er vome herzen vür daz vel kom, ern sî versuochet. des kiuschen got geruochet. sît got gedanke siht sô wol, owê der brœden werke dol!

*T Von dem wâren minnære saget uns diz mære. der ist ein durchliuhtic lieht unde wenket sîner minne nieht. swem er minne erzeigen sol, der wirt mit sîner minne wol. die selben sint geteilet: aller der werlte ist geveilet beidiu sîn minne unde sîn haz, unde prüevet, wederz helfe baz. der schuldige âne riuwe vliuhet die götelîchen triuwe. swer aber wandelt sünden schulde, der dient nâch werder hulde. †der†, der durch gedenke vert. gedenke †sint sünde† blickes wert. gedanc ist âne slôz bespart, vor aller crêatûre bewart. gedanc ist vinster âne schîn. diu goteheit kan lûter sîn. si glestet durch die vinster want unde hât den helnden sprunc gerant, der endiuzet noch enklinget, sô er von dem herzen springet. ez ist dehein gedanc sô snel, ê er vome herzen vür daz vel kome, ern sî versuochet. des kiuschen got geruochet. sît got gedanke spehet sô wol, ouwê der brœden werke dol!